Tibetan
ལ་ཕྱག་འཚལ་བསྟོད༔ དེ་ནས་འབོད་སྔགས་ནི༔ ཨོཾ་མ་ཧཱ་དཱེ་ཝ་ཡཀྴ་རྨ་རུ་ཙེ་རཀྴ་རཱ་ཧུ་ལ་ཤུ་ལ་ཏྲི་ཨ་པ་ར་ཙིཏྟ་བཛྲ་ས་མ་ཡ་ཕེཾ་ཛ་ཛ དེ་ནས་རྦད་སྔགས་ལ༔ ཨོཾ་མ་ཧཱ་དཱེ་ཝ་ཡཀྴ་རྨ་རུ་ཙེ་རཀྴ་རཱ་ཧུ་ལ་ཤུ་ལ་ཏྲི་ཨ་པ་ར་ཙིཏྟ་བཛྲ་ས་མ་ཡ༔ དགྲ་བོ་ཆེ་གེ་མོའི་བླ་ཚེ་སྲོག་གསུམ་ལ་མཱ་ར་ཡ་རྦད་རྦད་བྷྱོ༔ དེ་ནས་བསད་སྔགས་ལ༔ ཨོཾ་མ་ཧཱ་དཱེ་ཝ་ཡཀྴ་རྨ་རུ་ཙེ་རཀྴ་རཱ་ཧུ་ལ་ཤུ་ལ་ཏྲི་ཨ་པ་ར་ཙིཏྟ་བཛྲ་ས་མ་ཡ༔ དགྲ་བོའི་བླ་ཚེ་སྲོག་གསུམ་ཧུར་ཐུམ་སོད་མཱ་ར་ཡ་སོད༔ ས་མ་ཡ༔ དྲེགས་པ་སྡེ་ལྔ་སྒྲུབ་པ་ཡི༔ སྐྱེས་བུ་གང་དག་སུ་ཡང་རུང་༔ དང་པོ་སྒྲུབ་པ་ལ་ཞུགས་ཏེ༔ འབོད་པ་དང་ནི་བསྐང་གསོལ་གྱིས༔ འགྲུབ་རྟགས་མངོན་དུ་མ་གྱུར་བར༔ གཞན་ལ་འཕྲད་དང་ཚིག་མི་བསྲེ༔ རྟགས་ནི་གཏོར་མ་མེ་འབར་དང་༔ འོད་འཁྱུགས་མེ་སྟག་འཕྲོ་བ་དང་༔ ཐོག་འཚེགས་འུར་སྒྲ་ཆེམས་སྒྲ་དང་༔ སྐྱོ་ཞིང་བ་སྤུ་གཡོ་ཙམ་འབྱུང་༔ རྨི་ལམ་ན་ཡང་དམག་འདུ་དང་༔ འཁོར་ཚོགས ལས་གང་བྱེད་ཟེར་འབྱུང་༔ གཞན་དག་ཁྲོ་དང་འཁྲུགས་སེམས་ཀྱིས༔ རང་ལ་རྒོལ་བར་འབྱུང་རྨིས་ན༔ འཁུ་བས་གནད་ལ་དབབ་པར་བྱ༔ སྤྱིར་ན་སྲུང་མ་བསྒྲུབ་པའི་གནད༔ གསལ་དང་བསྡུས་དང་བསྟིམས་པ་ཡི༔ བསྐྱེད་རིམ་གནད་དང་ལྡན་པ་གལ༔ དེ་ལྟར་གནད་དང་ལྡན་གྱུར་ན༔ ཟླ་བ་གསུམ་ལས་མི་རིང་བར༔ མངོན་སུམ་གྲུབ་པར་གདོན་མི་ཟ༔ མཐུ་ཡི་གྲགས་པས་ས་སྟེང་ཁྱབ༔ བསོད་ནམས་རྒྱ་ཆེན་བསགས་ནུས་ན༔ བསོད་ནམས་ལོངས་སྤྱོད་དཔལ་ཀྱང་འཕེལ༔ བཀའ་སྲུང་དྲེགས་པའི་ཚོགས་ཀྱིས་སྲུངསཿ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཆོས་གྲགས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། དགེའོ། །དགེའོ། །དགེའོ།། ། ཕ༔ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་མ་མགོན་ལྕམ་དྲལ་གྱི་གནད་དབབ་བདེན་ཚིག་གྲུབ་པ་བཞུགས་སོ༔ ན་མོ་གུ་རུ་རཏྣ་སིདྡྷི་ཧཱུྃ༔ ན་མོ༔ དཀོན་མཆོག་གསུམ་དང་རྩ་གསུམ ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་དག་པའི་བདེན་པ་དང་༔ ཀུན་རྫོབ་རྒྱུ་འབྲས་བསླུ་བ་མེད་པ་རྟེན་འབྲེལ་ཟབ་མོའི་བདེན་པའི་མཐུ་དང་བྱིན་རླབས་ཀྱིས༔ ཁམས་གསུམ་སྲིད་གསུམ་བརྟན་གཡོ་འཁོར་འདས་ཀྱི་ཁམས་ལ་བརྟེན་ནས་ཡོངས་སུ་གྲུབ་པའི་བཀའ་སྲུང་མ་མགོན་ལྕམ་དྲལ་ལ་སོགས་པའི་ཆོས་སྐྱོང་དམ་ཅན་རྒྱ་མཚོའི་ཚོགས་མ་ལུས་ཤིང་ལུས་པ་མེད་པ་ཐམས་ཅད་བདག་གིས་བསྐྱེད་བསྒོམ་དམིགས་གསལ་གྱི་ལྷ་ཚོགས་འདི་རྣམས་ལ་གཉིས་སུ་མེད་པར་འདུས་ཤིང་ཐིམ་པར་གྱུར་ཅིག༔ འགྱུར་མེད་རབ་ཏུ་གནས་ཤིང་རབ་ཏུ་བརྟན་པར་གྱུར་ཅིག༔ ཡོངས་སུ་ཚངས་ཤིང་ཡོངས་སུ་རྫོགས་པར་གྱུར་ཅིག༔ ད་ནས་བཟུང་སྟེ་རྟག་ཏུ་བདག་མདུན་སར་མི་འབྲལ་བའི་གྲོགས་དང་བྲན་འབངས་ལས་བྱེད་ཀྱི་ཕོ་ཉ་རུ་འཁོར་ཞིང་མཆིས་པར་གྱུར་ཅིག༔ དུས་དེ་རིང་ནས་བཟུང་སྟེ་བདག་གིས་བཀའ་སྲུང་མ་མགོན་ལྕམ་དྲལ་གཟའ་བདུད་དུག་གི་སྤུ་གྲི་འདི་གང་ལ་རྦད་པ་ཙམ་གྱིས་ཡུལ་གཞན་ལ་མི་ འབྱམས་པར་རྦད་པའི་ཡུལ་དགྲ་བགེགས་དེ་ཡི་བླ་ཚེ་སྲོག་གསུམ་ལ་ཐོག་ལྟར་དུ་འབབ་པར་གྱུར་ཅིག༔ མཐུ་སྟོབས་ནུས་པ་ཐམས་ཅད་གང་ལའང་ཐོགས་རྡུག་མེད་པར་གྱུར་ཅིག༔ གང་ལ་དམིགས་པའི་ཡུལ་དགྲ་བགེགས་གནོད་བྱེད་དེ་ཡི་ཚེ་བླ་སྲོག་གསུམ་ཐམས་ཅད་མེ་སྟག་ཆུ་ཡིས་བསད་པ་བཞིན་དུ་གསོད་པར་གྱུར་ཅིག༔ ཆུ་ཐིག་ཧུབ་ཀྱིས་བཏབ་པ་བཞིན་དུ་གཞོམ་པར་གྱུར་ཅིག༔ བ་མོ་ལ་ཉི་ཟེར་ཕོག་པ་བཞིན་དུ་ལྷག་མེད་དུ་སྐམ་པར་གྱུར་ཅིག༔ རྩྭ་ཕུང་སྐམ་པོ་ལ་མེ་མཆེད་པ་བཞིན་དུ་བསྲེག་པར་གྱུར་ཅིག༔ ས་མཁར་ལ་སྒྱོགས་རྡོས་ཕོག པ་བཞིན་དུ་གཏོར་བར་གྱུར་ཅིག༔ འབྲུ་དྲུག་གསེར་བས་བཅོམ་པ་བཞིན་དུ་བཅོམ་པར་གྱུར་ཅིག༔ བརླག་པར་གྱུར་ཅིག༔ བསྣབ་པར་གྱུར་ཅིག༔ རྗེས་ཤུལ་ལྷག་མེད་དུ་བརླག་པར་གྱུར་ཅིག༔ སྔགས་མཁན་རང་ལ་སླར་མི་ལོག་པར་གྱུར་ཅིག༔ བདག་གི་མཐུ་ནུས་རྦད་བསྐུལ་དམོད་དབལ་ཐམས་ཅད་བན་བོན་ཀླ་ཀློ་ལྷ་འདྲེ་གང་གིས་ཀྱང་བཟློག་མི་ཐུབ་པར་གྱུར་ཅིག༔ མི་བཟློག་པར་གྱུར་ཅིག༔ རྦད་བསྐུལ་གྱི་ཡུལ་དགྲ་བོ་གང་ཡིན་དེ་དག་ལོ་ཟླར་འགྱངས་སུ་མི་འཆོར་བར་སྐད་ཅིག་ཉིད་ལ་མར་མེ་རླུང་གིས་བསད་པ་བཞིན་དུ་བརླག་པར་གྱུར་ཅིག༔ སཱ༔ བསད་པར་གྱུར་ཅིག༔ བདག་གིས་ཚེ་འདིར་ཁམས་གསུམ་འཁོར་བ་ཡོངས་སྒྲོལ་གྱི་མཐུ་སྟོབས་འགྲུབ་ཅིང་ཕྱི་མ་རྣམ་མཁྱེན་རྫོགས་པའི་སངས་རྒྱས་ཀུན་ཏུ་བཟང་པོ་དང་སྐལ་བ་མཉམ་པར་གྱུར་ཅིག༔ དཀོན་མཆོག་གསུམ་གྱི་བདེན་པ་དང་སངས་རྒྱས་དང་སོགས༔ བཅོམ་ལྡན་འདས་དེ་བཞིན་གཤེགས་པ་སོགས༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་སོགས༔ སངས་རྒྱས་སྐུ་གསུམ་བརྙེས་པའིཿ ༈ ཕྱོགས་བཅུ་དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི དམ་དཔའ་བོ་མཁའ་འགྲོ་ཆོས་སྐྱོང་སྲུང་མ་ལྷ་དང་དྲང་སྲོང་རིག་པ་འཛིན་པ་སྨོན་ལམ་ལ་མངའ་བརྙེས་ཤིང་བདེན་ཚིག་གྲུབ་པ་རྣམས་ཀྱིས་བདེན་པས་སྨོན་ལམ་བཏབ་པ་དེ་རྣམས་ཐམས་ཅད་ཚིག་གཅིག་ཀྱང་མ་ལུས་ཆུད་མི་ཟ་བར་དེ་རིང་ཉིད་དུ་འགྲུབ་པར་གྱུར་ཅིག༔ ཨཱ་ལི་ཀཱ་ལི་རྟེན་སྙིང་འདོན༔ དེ་དག་རིམ་བཞིན་བདུན་ཕྲག་རེ་གྲངས་བྱ༔ གནད་དེས་བཀའ་སྲུང་དྲེགས་པ་མྱུར་འགྲུབ་འགྱུར༔ སུ་ལ་མ་སྤེལ་རང་གི་སྙིང་ལ་སྦོས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་མཁའ་འགྲོ་ལས་ཀྱི་དབང་མོས་ཁྱེད་ཀྱི་བརྒྱུད་འཛིན་རྣམས་ཀྱི་སྐལ་བར་བསྔགས་པ་ཡིན་པས་དམ་དུ་སྦོས་ལ་གནད་དུ་ཟུངས་ཤིག །ཅེས་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། T11613 - 262 ༩༡ཕ༔ ཆོས་ཉིད་ནམ་མཁའི་ཀློང་མཛོད་ལས༔ འཕགས་མ་ལྷ་མོ་དཔལ་ཆེན་མོའི་སྒྲུབ་ཐབས་ཡིད་བཞིན་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤབྡཧཱུཾཐ༔ ལོངས་སྤྱོད་དཔལ་གྱིས་ཕྱུག་པའི་ཕྱིར༔ དཔལ་གྱི་ལྷ་མོའི་བསྒོམ་བཟླས་བྱ༔ འབྱོར་ཚོགས་མཆོད་པའི་ཡོ་བྱད་ལ༔ སྔགས་དང་ཏིང་ངེ་འཛིན་གྱིས་བརླབས༔ དེ་ནས་ལྷ་བསྐྱེད་རིམ་པ་ནི༔ རང་ཉིད་ཡི་དམ་ལྷར་གསལ་བའི༔ མདུན་མཁར་རིན་ཆེན་ཁྲི་ཡི་ཁར༔ པདྨ་ཟླ་རྒྱས་གདན་སྟེང་དུ༔ འདོད་རྒུའི་དཔལ་སྟེར་ལྷ་མོ་ནི༔ སྐུ་མདོག་སེར་ལྗང་འོད་ཕུང་འབར༔ ཕྱག་གཡས་ནོར་བུ་བསམ་འཕེལ་དང་༔ གཡོན་པས་གཏེར་གྱི་བུམ་པ་བསྣམས༔ ཞི་འཛུམ་ཞབས་གཉིས་རོལ་སྟབས་ཅན༔ གཞོན་ཚུལ་མཚན་དཔེའི་ལང་ཚོས་མཛེས༔ དར་དང་རིན་ཆེན་རྒྱན་གྱིས་སྤྲས༔ འཇའ་ཚོན་འོད་ལྔའི་གུར་ཁང་འཁྲིགས༔ དྭངས་གསལ་སྐུ་ཡི་ཀློང་དཀྱིལ་དུ༔ རྒྱ་མཚོའི་ནང་གི་གཟའ་སྐར་བཞིན༔ ནོར་བདག་ལྷ་མོ་མ་རྒྱུད་རྣམས༔ རང་བྱུང་རང་ཤར་ཆེན་པོར་བསྒོམ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དཔལ་གྱི་ལྷ་མོ་དང་༔ ནོར་ལྷ་གཏེར་བདག་མ་ལུས་པ༔ སྤྱན་དྲངས་གཉིས་སུ་མེད་པར་གྱུར༔ དེ་ནས་སྤྱན་འདྲེན་པ་ནི༔ ཀྱེེ༔ དད་པ་དང་ནི་དམ་ཚིག་གིས༔ ཚུར་གཤེགས ཚུར་བྱོན་དཔལ་ཆེན་མོ༔ བརྩེ་དང་ཐུགས་རྗེས་བདག་ལ་དགོངས༔ རྫུ་འཕྲུལ་སྟོབས་དང་ཤུགས་ཀྱིས་བྱོན༔ བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་ཕྱག་འཚལ་ནི༔ ཛཿ དཔལ་ཆེན་ལྷ་མོ་འཁོར་དང་བཅས༔ མཐོ་ཞིང་ཡངས་པའི་གདན་ལ་བཞུགས༔ སྒྱུ་མ་འཕྲུལ་གྱི་རྣམ་རོལ་པས༔ དད་ཅིང་གུས་པས་ཕྱག་འཚལ་ལོ༔ བཛྲ་ས་མ་ཡ་སྟ་ན་མོ་ཧོཿ དེ་ནས་མཆོད་པ་འབུལ་བ་ནི༔ ཨོཾ་ཨཱཿ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཕྱི་ནང་གསང་མཆོད་འདོད་རྒུའི་གཏེར༔ ནོར་བདག་ལྷ་མོའི་ཚོགས་ལ་འབུལ༔ ལོངས་སྤྱོད་ནོར་གྱི་དངོས་གྲུབ སྩོལ༔ མ་ཧཱ་སརྦ་ག་ཎ་པཱུ་ཛ་བ་ལིཾ་ཏ་ཁཱ་ཧི༔ སརྦ་པཉྩ་ཨ་མྲྀ་ཏ་མ་ཧཱ་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ཧཱུྃ༔ གདོད་ནས་ཀུན་ཏུ་བཟང་པོའི་རོལ་པ་ལས༔ ལྷུན་གྲུབ་ཡོན་ཏན་དུ་མའི་སྐུར་སྣང་བ༔ ཐུགས་རྗེའི་རོལ་པ་འགྲོ་བའི་དཔལ་དུ་ངོམས༔ ནོར་བདག་དཔལ་གྱི་ལྷ་མོ་ཁྱོད་ལ་བསྟོད༔ དེ་ནས་འབོད་སྔགས་ལ༔ ཨོཾ་དཱེ་ཝི་ཤྲཱི་མ་ཧཱ་ས་མ་ཡ་ཛཿ དེ་ནས་དངོས་གྲུབ་བསྒྲུབ་པ་ནི༔ ཨོཾ་དཱེ་ཝི་ཤྲཱི་མ་ཧཱ་སརྦ་རཏྣ་བ་སུ་ཁ་དྷེ་སིདྡྷི་ཕ་ལ་ཧོཿ དེ་ནས་ལས་ལ་སྦྱོར་བ་ནི༔ ཨོཾ་དཱེ་ཝི་ཤྲཱི་མ་ཧཱ་ས་མ་ཡ་ནྲྀཿ ཏྲི་ཨ་ཀཪྴ་ཡ་ཛ་སརྦ་སིདྡྷི་ཕ་ལ་ཧོཿ དེ་ལྟར་བསྒོམ་བཟླས་གནད་ལྡན་པས༔ ༧ལྷ་མོ་ལུས་དང་གྲིབ་བཞིན་འཁོར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་རྣལ་འབྱོར་མདོ་སྔགས་ཀྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། ཆོས་ཉིད་ནམ་མཁའི་ཀློང་མཛོད་ལས༔ དཔལ་ལྷ་མོའི་བསྐང་གསོལ་བཞུགས་སོ༔ ན་མོ་གུ་རུ་ཝེ༔ ནམ་མཁའ་མཛོད་སྔགས་མཐར༔ ཀྱེེ༔ དད་དང་དམ་ཚིག་དཔང་བཙུགས་ཏེ༔ དཔལ་གྱི་ལྷ་མོ་འཁོར་བཅས་འབོད༔ མ་ཐོགས་མྱུར་དུ་གཤེགས་སུ་གསོལ༔ བདག་གིས་བརྟེན་པའི་ལྷ་རུ་བཞུགས༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་མི་ཟད་གཏེར་ཆེན་པོས༔ དཔལ་ཆེན་ལྷ་མོའི་ཐུགས་དམ་བསྐང་༔ སྤྲུལ་པ་ཡང་སྤྲུལ་ཐུགས་དམ་བསྐང་༔ ཐུགས་དང་འགལ་བའི་ཉེས་ཀུན་བཤགས༔ བསོད་ནམས་དཔལ་དང་ཡོན་ཏན་བསྐྱེད༔ འདོད་རྒུའི་དཔལ་གྱི་དངོས་གྲུབ་སྩོལ༔ སྣང་སྲིད་ཕྱྭ་གཡང་དབང་བསྡུས་ལ༔ བདག་གི་ཕྱྭ་དང་གཡང་དུ་སྩོལ༔ མི་ཕྱུགས་ནད་རིམས་གོད་ཡམས་ཐུལ༔ མུ་གེའི་བསྐལ་པ་དབྱིངས་སུ་བཟློག༔ དམ་ཚིག་ཐུགས་རྗེའི་དུས་ལ་བབ༔ དེ་ཡིས་བསམ་དོན་ཡིད་བཞིན་འགྲུབ༔ དགེ་ལེགས་དཔལ་གྱིས་ཕྱུག་པར་འགྱུར༔ ས་མ་ཡ༔ ཞེས་པ་འདི་ཡང་ཨ་བོ་བླ་མ་མདོ་སྔགས་ཀྱིས་བསྐུལ་ངོར་བདུད་འཇོམས་པས་སོ། །དགེའོ། །དགེའོ། །དགེའོ།། །། མ་ T11613 - 266 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ འཕགས་པ་ཛམ་བྷ་ལ་དཀར་པོའི་སྒྲུབ་ཐབས་དཔག་བསམ་རྒྱས་པའི་ལྗོན་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤྲཏྨ།ནྱ།བྷ།བྷཾཧཱུཾ༔ དཀར་གསུམ་མངར་གསུམ་ལ་སོགས་པའི༔ གཏོར་མ་འབྱོར་ཚོགས་བཤམས་བྱས་ཏེ༔ རང་ཉིད་ལྷ་ཡི་ང་རྒྱལ་གྱིས༔ ཧཱུྃ༔ སྣང་སྲིད་ཐམས་ཅད་སྟོང་པ་ཉིད༔ རྣམ་ཐར་གསུམ་ལྡན་བཙུན་མོའི་མཁར༔ སྐད་ཅིག སྣང་སྟོང་དབྱེར་མེད་པའི༔ སྒྱུ་འཕྲུལ་བཀོད་པ་རབ་རྫོགས་པའི༔ ཞིང་ཁམས་ཡིད་འོང་ཉམས་དགའི་ཚལ༔ རིན་ཆེན་སྣ་ཚོགས་ལས་གྲུབ་པའི༔ གཞལ་ཡས་ཁང་པ་ཁྱོན་ཡངས་པའི༔ དབུས་སུ་ནོར་བུའི་ཁྲི་ཡི་ཁར༔ ཛཿཡིག་དཀར་པོ་འོད་དུ་འབར༔ དེ་ལས་འོད་ཟེར་རབ་འཕྲོས་པས༔ འཕགས་པ་མཆོད་ཅིང་འགྲོ་དོན་བསྒྲུབ༔ ཚུར་འདུས་འཁོར་འདས་གཟི་བྱིན་བསྡུས༔ གནས་འགྱུར་འཕགས་པ་ཛམ་བྷ་ལ༔ དཀར་གསལ་ཟླ་གཞོན་ལྟ་བུའི་སྐུ༔ ཞི་མ་ཁྲོ་འཛུམ་གཟི་བརྗིད་འབར༔ ཕྱག་གཡས་བེ་ཅོན་ཀླད་ལ་བསྐོར༔ གཡོན་པས་ནོར་སྐྱུགས་ནེའུ་ལེ་འཛིན༔ དར་དང་རིན་ཆེན་དུ་མས་བརྒྱན༔ རྩལ་ཆེན་གཡུ་འབྲུག་སྔོན་པོ་བཅིབས༔ སྤྲུལ་པ་ལས་ཀྱི་ལྷ་མོ་བཞི༔ ཤར་དུ་རྡོ་རྗེ་མཁའ་འགྲོ་དཀར༔ གཡས་པས་ཁམས་ གསུམ་ལྕགས་ཀྱུས་འགུགས༔ གཡོན་པས་པདྨ་དཀར་པོ་བསྣམས༔ ལྷོ་རུ་རིན་ཆེན་མཁའ་འགྲོ་སེར༔ ཕྱག་གཡས་ཞགས་པས་ཁམས་གསུམ་བཅིང་༔ གཡོན་པས་པདྨ་སེར་པོ་བསྣམས༔ ནུབ་ཏུ་པདྨ་མཁའ་འགྲོ་དམར༔ ཕྱག་གཡས་ལྕགས་སྒྲོག་འབར་བས་སྡོམས༔ གཡོན་པས་པདྨ་དམར་པོ་བསྣམས༔ བྱང་དུ་ལས་ཀྱི་མཁའ་འགྲོ་ལྗང་༔ ཕྱག་གཡས་དྲིལ་བུས་མྱོས་པར་བྱེད༔ གཡོན་པས་པདྨ་ལྗང་ཀུ་བསྣམས༔ ཀུན་ཀྱང་གར་སྟབས་མཚན་དཔེས་བརྒྱན༔ དར་དང་རིན་ཆེན་རྒྱན་གྱིས་སྤྲས༔ ནོར་བུའི་ཕྲེང་བ་སེ་རལ་ཁ༔ ལྷ་ཚོགས་དེ་དག་ཐམས་ཅད་ཀྱི༔ སྤྱི་བོར་ཨོཾ་དང་མགྲིན་པར་ཨཱཿ ཐུགས་ཀར་ཧཱུྃ་ལས་འོད་འཕྲོས་པས༔ ཡེ་ཤེས་དང་ནི་འཇིག་རྟེན་གྱི༔ གནོད་སྦྱིན་ནོར་ལྷ་གཏེར་བདག་ཚོགས༔ མ་ལུས་ལུས་པ་མེད་པ་རུ༔ སྤྱན་དྲངས་གཉིས་སུ་མེད་པར་བསྟིམ༔ དམ་ཚིག་པ་དང་ཡེ་ཤེས་པ༔ གཉིས་སུ་མེད་པར་འདྲེས་པ་ཡིས༔ བདེ་སྟོང་ཡེ་ཤེས་རབ་འབར་བའི༔ ཆོ་འཕྲུལ་སྤྲུལ་པའི་ལོངས་སྤྱོད་དཔལ༔ དགའ་ལྡན་ལྷ་ཡི་དཔལ་ལྟ་བུ༔ རྨི་ལམ་སྣང་བ་བཞིན་དུ་འཕྲུལ༔ ཅེས་བསམ་ཞིང་འབོད་སྔགས་འདི་བརྗོད་པར་བྱའོ༔ ཨོཾ་པདྨ་ཀྲོ་ཏ་ཨཱཪྻ་ཛམ་བྷ་ལ་ཧཱུྃ༔ ཨོཾཿ ས་མ་ཡ་ཛ་ཧོཿ ཞེས་ཤེས་པ་གཞན་དུ་མ་ཡེངས་པར་ལྷའི་གསལ་སྣང་དང་འགྲོགས༔ མི་ཚིག་གིས་བར་མ་ཆོད་པར་འབོད་སྔགས་དྲག་ཏུ་བཟླ༔ སྟན་གྱི་དྲོད་མ་ཡལ་བར་རྒྱུ་འགྲུལ་དང་རྣམ་གཡེང་སྤངས་ནས་བསྒྲུབ་ན་འགྲུབ་རྟགས་མྱུར་དུ་འབྱུང་བར་གདོན་མི་ཟའོ༔ དེ་ནས་སྒྲུབ་སྔགས་བརྗོད་པ་ལ༔ ཨོཾ་པདྨ་ཀྲོ་ཏ་ཨཱཪྻ་ཛམ་བྷ་ལ་ས་མ་ཡ་ནྲྀ་ཏྲི་ཨ་ཀཪྴ་ཡ་ཛ་ཛཿ སརྦ་རཏྣ་བ་སུ་སི_UNK་ཕ་ལ་ཧཱུྃ་ཛཿ རྟགས་མ་བྱུང་བར་དུ་བཟླ༔ དང་པོ་འབོད་པའི་རྟགས་མི་ཆེན་འདུ་བ་དང་༔ ཁྲོམ་ཚོགས་པ་དང་༔ ཚོང་འདུ་ཆེན་པོ་འདུ་བ་དང་༔ སྐྱེས་པ་བུད་མེད་ཀྱི་ཚོགས་རྣམས་ཆང་ལ་དགའ་གདུང་བྱེད་པ་དང་༔ ཉི་ཟླ་ཤར་བ་དང་༔ ལོ་ཏོག་སྣ་ཚོགས་རྒྱས་པ་དང་༔ རོལ་མོའི་རིགས་དང་སྐུ་གསུང་ཐུགས་རྟེན་མང་པོ་རྙེད་པ་འབྱུང་ངོ༔ སྒྲུབ་པའི་ལྟས་རིན་པོ་ཆེ་རྣམ་པ་སྣ་ཚོགས་དང་༔ རས་ཕྲུག་གོས་དར་ལ་སོགས་གོས་ཀྱི་རིགས་དང་༔ འབྲུ་དང་འབྲས་བུ་སྣ་ཚོགས་དང་༔ མདོར་ན་ཁྱིམ་ཐམས་ཅད་དུ་ལོངས་སྤྱོད་བརྩེགས་པ་དང་སྤུངས་པས་གང་བ་དང་༔ ཟས་ཀྱི་གནས་ཡུལ་དུ་ཡོད་པ་དང་༔ རང་ལ་ཟས་ནོར་གྱི་རིགས་མང་པོ་འབུལ་བ་དང་༔ སྟེར་བ་དང་༔ གཞན་ཡང་ཉམས་དགའ་ཡིད་དུ་འོང་བའི་གནས་དང་ཁང་ཁྱིམ་ལོངས་སྤྱོད་ཀྱིས་གང་བ་སྣ་ཚོགས་མ་ངེས་པར་འབྱུང་བ་ཡིན༔ ལོངས་སྤྱོད་གཞན་གྱིས་རྐུན་ཇག་ལ་ཤོར་བ་དང་༔ ཟས་ཁྱི་དང་བྱ་གཅན་གྱིས་ཁྱེར་བ་དང་༔ གཞན་གྱིས་བསྡིགས་པ་དང་༔ ཉེས་པ་བསྒྲགས་པ་ལ་སོགས་མི་འདོད་པ་མི་དགའ་བ་སྣ་ཚོགས་གང་བྱུང་ཡང་འཁུ་ཞིང་ལྡོག་པའི་ ལྟས་ཡིན་པས་ཚོགས་བསྐང་གྲངས་མང་ཞིང་རྒྱ་ཆེ་བ་བཏང་དགོས་པས་ཤེས་པར་མཛོད༔ དེ་ལྟར་བསྐྱེད་དང་བཟླས་པའི་སྒོ་ནས་བསྒྲུབ་པའི་སྐྱེས་བུ་རྣམས་ཀྱི་ལོངས་སྤྱོད་དང་འབྱོར་པ་རྒྱས་པར་གདོན་མི་ཟའོ༔ བར་སྐབས་རྣམས་སུ་བསྐང་གསོལ་འདི་གྲངས་མང་དུ་བརྗོད་པར་བྱའོ༔ ནམ་མཁའ་མཛོད་སྔགས་མཐར༔ ཛཿ དད་པ་དང་ནི་དམ་ཚིག་གིས༔ ཛམ་ལྷ་འཁོར་བཅས་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ དངོས་གྲུབ་སྩོལ་ཕྱིར་ཕྱག་འཚལ་ལོ༔བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ འབྱོར་ཚོགས་ཡོ་བྱད་དུ་མས་གསོལ༔ ལོངས་སྤྱོད་ནོར་གྱི་དངོས་གྲུབ་སྩོལ༔ དམ་ལ་མ་འདའ་ས་མ་ཡ༔ དེ་ལྟར་ཡང་ཡང་གསོལ་མཆོད་བསྐྱལ༔ གནད་དེས་བསོད་ནམས་ལོངས་སྤྱོད་ཀུན༔ མི་ཟད་གཏེར་དུ་འཕེལ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གུ་ཧྱ༔ ཞེས་པ་འདི་སློབ་མ་དོན་བཟང་གིས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། དགེའོ། །དགེའོ། །སརྦ་མངྒ་ལཾ།། །། ༡ཨོཾཿ མ་མོ་རེ་མ་ཏཱིའི་བསྐང་གསོལ་བསྡུས་པ་བཞུགས་སོ༔ ཅི་འབྱོར་མཆོད་པའི་བྱེ་བྲག་བཤམས༔ རཾ་ཡཾ་ཁཾ་གིས་མ་དག་སྦྱངས༔ ཨོཾ་ཨཱཿ ཧཱུྃ་གིས་སྦྱངས་སྤེལ་བསྒྱུར༔ བྷྱོ༔ བྱང་ཤར་མུ་ལེ་གཏིང་གི་རུང་༔ ཁྲག་ཞག་རྦ་ཀློང་འཁྲུགས་པ་ནས༔ མ་ཅིག་དཔལ་ལྡན་རེ་མ་ཏཱི༔ དད་དང་དམ་ཚིག་གཉན་གྱིས་འབོད༔ འཁོར་དང་བཅས་པ་གཤེགས་སུ་གསོལ༔ འབྱོར་ཚོགས་འདོད་ཡོན་ལོངས་སྤྱོད་འདི༔ མ་མོ་ཆེན་མོ་དགྱེས་ཕྱིར་འབུལ༔ སྲིད་པའི་རྒྱལ་མོའི་ཐུགས་དམ་བསྐང་༔ རེ་མ་ཏཱི་ཡི་ཐུགས་དམ་བསྐང་༔ མ་མོ་ནག་མོའི༔ དཔལ་ལྡན་ལྷ་མོའི་འཁོར་དང་བཅས་པའི་ཐུགས་དམ་བསྐང་༔ འགལ་འཁྲུལ་ཉེས་བྱས་ཐམས་ཅད་བཤགས༔ འབྲལ་མེད་ལུས་དང་གྲིབ་བཞིན་འགྲོགས༔ མི་ཡི་དགྲ་ལྷ་ཕྱུག་གི་གཡང་༔ ནོར་དང་ཟས་ཀྱི་དཀོར་སྲུང་མཛོད༔ འདོད་རྒུའི་ལོངས་སྤྱོད་གཏེར་དུ་སྩོལ༔ མི་མཐུན་རྐྱེན་བཟློག་དགྲ་འདྲེ་སོད༔ སྲིད་པའི་ལེགས་ཉེས་ཁྱོད་ཀྱི་དབང་༔ འདི་ཕྱི་ཀུན་ཏུ་བདེ་ལེགས་སྩོལ༔ མ་མ་བཛྲ་ས་མ་ཡ༔ ཅི་མང་བསྐྱལ་བས་དགེ་ལེགས་འཕེལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་གུ་དྲག་གི་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ། །སརྦ་མངྒ་ལཾ། དགེའོ།། །། T11613 - 272 སཱ༔ ཆོས་ཉིད་ནམ་མཁའི་ཀློང་མཛོད་ལས༔ དཔལ་ལྡན་དུར་ཁྲོད་བདག་མོའི་ཕྱག་རྒྱ་འདོད་དོན་གསལ་བྱེད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཐྱགི༔ ས།ཐཐ༔ གསང་སྔགས་རྡོ་རྗེ་ཐེག་པ་ཡིས༔ རྣལ་འབྱོར་ཅན་གྱི་བཀའ་ཉན་པའི༔ དུར་ཁྲོད་བདག་མོ་བསྒྲུབ་པའི་ཐབས༔ ལག་ཏུ་ལེན་པའི་རིམ་པ་ལ༔ རིན་ཆེན་སྣོད་གཙང་སྐྱོན་མེད་པར༔ ནང་དུ་འབྲུ་སྣ་བསགས་པའི་སྟེང་༔ དམར་གཏོར་ཤ་དང་ཁྲག་གིས་བརྒྱན༔ སྟེང་དུ་སྐུ་གཟུགས་ཡང་ན་ནི༔ སྲོག་གི་འཁོར་ལོ་གཟུགས་པར་བྱ༔ མཆོད་རྫས་ཉེར་སྤྱོད་འདོད་ཡོན་དང་༔ སྨན་གཏོར་རཀྟ་ཤ་ཁྲག་དང་༔ ཟས་སྣ་འབྱོར་ཚོགས་ཅི་རིགས་བཤམས༔ སྒྲུབ་པའི་གནད་ཐིག་བསྐྱེད་རིམ་སྟེང་༔ དབྱིངས་ལས་གཟུགས་སྐུ་བསྐྱེད་པ་ལ༔ ཨོཾ་མ་ཧཱ་ཤུ་ནྱ་ཏཱཿ སྟོང་པའི་ངང་ལས་མདུན་དུ་དུར་ཁྲོད་རབ་ཏུ་འཇིགས་པའི་དབུས་སུ་ཁྲག་མཚོ་དམར་ནག་རྒྱ་ཆེ་ལ་གཏིང་ཟབ་པ་རྦ་རླབས་རབ་ཏུ་འཕྱོ་བ་ཞིག་བསྒོམ་ལ༔ ཁྲག་ལྦུའི་ཀློང་དུ་མི་རོ་རྟ་རོ་འཁྲིགས༔ དེ་དབུས་ཐོད་མཁར་རྒྱ་ཆེ་དཔངས་མཐོ་བ༔ ཞིང་ལྤགས་ཡ་ཕུབ་མི་རོའི་རྒྱལ་མཚན་ཕྱར༔ སྙིང་དང་མིག་འབྲས་རྒྱུ་མའི་དྲྭ་ཕྱེད འཕྱངས༔ དེ་དབུས་མི་རོ་བརྩེགས་པའི་ཁྲི་སྟེང་དུ༔ པདྨ་ཉི་མ་བསྟན་དགྲ་ཕོ་མོའི་སྟེང་༔ དབྱིངས་ལས་དབྱིངས་ཀྱི་སྙིང་པོ་བྷྱོཿ དམར་ནག༔ ཆུ་ལས་ཆུ་ལྦུར་རྡོལ་བཞིན་བབ་པ་ལས༔ འོད་ཟེར་ཡར་འཕྲོས་རྒྱལ་བ་མཆོད་པས་མཉེས༔ ཕྱོགས་བཅུའི་ཞིང་ཁམས་རྟེན་དང་བརྟེན་པ་ཀུན༔ འོད་ཕུང་དམར་ནག་རྣམ་པར་བསྡུས་ཏེ་བསྟིམ༔ མར་འཕྲོས་སྣོད་བཅུད་འབྱུང་བའི་དྭངས་བཅུད་བསྡུས༔ ཡེ་ཤེས་འཇིག་རྟེན་སྲུང་མ་ཐམས་ཅད་དང་༔ སྟོང་གསུམ་ཡུལ་ལྷ་གཞི་བདག་མ་ལུས་པ༔ འོད་དམར་རྣམ་པར་བསྡུས་ཏེ་བྷྱོཿ ལ་ཐིམ༔ བྷྱོཿ ལས་དཔལ་ལྡན་སྔགས་ཀྱི་སྲུང་མ་ནི༔ དུར་ཁྲོད་བདག་མོ་སྣ་ཚོགས་བརྫུ་བ་མཁན༔ འཇིག་རྟེན་ཁམས་ལ་དབང་བསྒྱུར་ངན་ནེ་མ༔ དམར་ནག་ཁྲོ་གཏུམ་རབ་འཇིགས་རྔམས་པའི་སྐུ༔ སྤྱན་གསུམ་དམར་ཟླུམ་ཉི་མའི་ཟེར་ལྟར་འབར༔ སྨིན་མ་གློག་འཁྱུགས་བར་སྣང་གོ་སྐབས་འབྱེད༔ ཁྲོ་གཉེར་རབ་འཁྲིགས་མཆེ་བ་མན་དུ་གཙིགས༔ དབུ་སྐྲ་དམར་ནག་གནམ་དུ་གཟིང་བ་ལས༔ སྤྲུལ་