Tibetan
ཙམ་གྱིས་ལུས་དང་གྲིབ་མའི་ཚུལ་དུ་མི་འབྲལ་བའི་གྲོགས་སུ་འགྲུབ་པར་བསམ་ལ་གཏོར་མ་དངོས་གྲུབ་ཏུ་རོལ༔ མཐར་སྨོན་ལམ་གདབ་ཅིང་ཤིས་པ་བརྗོད༔ དེ་ཡིས་དྲེགས་པ་བྲན་ཁོལ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་ཉེར་མཁོའི་ཆེད་དུ་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། TI1613 - 292 རྡོཿ ཆོས་ཉིད་ནམ་མཁའི་ཀློང་མཛོད་ལས༔ སྦས་ཡུལ་སྤྱིའི་སྲུང་མ་བདེ་གཤེགས་སྤྱི་དཔལ་ཆེན་པོའི་དངོས་སྤྲུལ་ཞིང་སྐྱོང་ཀུན་དགའ་གཞོན་ནུའི་ལས་བྱང་ཕྲིན་ལས་ལྷུན་གྲུབ་བཞུགས༔ T11613 - 293 བདུད་འཇོམས་སྲུང་མ་ཞིང་སྐྱོང་སེང་གདོང་།༔ ན་མོ་གུ་རུ་པདྨ་ཀ་ར་ཡེ༔ ཐ།།ག།སཾདྷརྨ།ཤྭཐཾཐཾ༔ བཀའ་སྲུང་དྲེགས་པ་ཡོངས་ཀྱི་གཙོ༔ ཞིང་དང་ཉེ་ཞིང་ཀུན་གྱི་བདག༔ གནས་དང་ཉེ་གནས་སྐྱོངས་མཛད་པའི༔ ལེགས་གྲུབ་རྡོ་རྗེ་འདི་བསྒྲུབ་ན༔ ཚེ་འདིར་དགེ་ལེགས་ཡོན་ཏན་འཕེལ༔ ཕྱི་མ་ཐར་པའི་ལམ་སྣ་ཟིན༔ དེ་ཕྱིར་ལྷ་མཆོག་ལྕམ་དྲལ་དེ༔ བསྒྲུབ་པའི་ཐབས་འདི་བདག་གིས་བསྟན༔ ལག་ལེན་རིམ་པ་འདི་ལྟ་སྟེ༔ ཟངས་ལྩགས་སྣོད་དུ་གཏོར་མ་ནི༔ ཟུར་གསུམ་འཁྱུད་གང་བརྗིད་ལྡན་བཤམས༔ གཡོན་དུ་དེ་བཞིན་དྲང་ལྡན་པའི༔ དམར་གཏོར་སོར་ལྔ་བཞག་ནས་སུ༔ ཡབ་ལ་བམ་རོ་ཕོ་གཟུགས་དང་༔ ཡུམ་ལ་བམ་རོ་མོ་གཟུགས་ནི༔ མགོ་ཐུར་བསྟན་ཏེ་ལག་པས་འགྲོ༔ རྐང་པའི་སྟེང་དུ་དམར་གཏོར་ཁྱེར༔ འཁོར་ནི་T11613 - 294 ཀཕྲྃ༔ གཏོར་མ་བརྒྱད་བཞག་སྟེ༔ བ་ལིང་སྐྱུ་གུ་ཟན་དུམ་གྱིས༔ གྲོང་གི་ཚུལ་དུ་ལེགས་པར་བསྐོར༔ སྭ་བྷ་ཝ་ཡིས་སྟོང་པར་སྦྱངས༔ རང་ཉིད་ཡི་དམ་ལྷར་གསལ་ངང་༔ ཧཱུྃ༔ མདུན་དུ་ཁྲག་མཚོ་འཁྱིལ་བའི་དབུས༔ ནམ་མཁའི་ཁམས་ལ་དབང་བསྒྱུར་བའི༔ བརྡ་རུ་གནམ་ལྕགས་འཁོར་ལོའི་སྟེང་༔ པདྨ་ཉི་མ་རོ་གདན་ལ༔ ཧཱུྃ་ལས་ཞིང་སྐྱོང་སེང་གེའི་གདོང་༔ མཐིང་ནག་ཁྲོ་གཏུམ་རྔམས་ཤིང་བརྗིད༔ ཕྱག་གཡས་སྣང་སྲིད་ཀུན གྱི་སྲོག༔ བློ་ཡིད་སེམས་གསུམ་འདུས་པའི་སྙིང་༔ ལག་པས་བསྡམས་ཤིང་ཁ་རུ་ཁྱེར༔ གཡོན་པས་རུ་མཚོན་གནམ་ལ་ཕྱར༔ སེང་ཞལ་T11613 - 295 གཡུ་རལ་གྱེན་དུ་འཕྱོ༔ ཞལ་གདངས་ལྗགས་འདྲིལ་མཆེ་བ་གཙིགས༔ བེར་ནག་བགོ་ཞིང་ཁྲག་འཛག་པའི༔ མི་མགོ་ལྔ་བཅུའི་དོ་ཤལ་མཛད༔ བདུད་རྟ་ནག་པོ་རྟིང་དཀར་བའི༔ ཁ་རླངས་སྣ་རླངས་ན་བུན་འཐིབ༔ མཚེར་སྒྲས་སྣང་སྲིད་མངའ་དབང་བྱེད༔ མཇུག་མས་སྡེ་བརྒྱད་འབྱུང་པོ་ཀུན༔ བཀུག་བཀོལ་བསྒྲལ་བའི་ལས་ཀུན་བྱེད༔ གཡོན་དུ་པདྨ་ཉི་མའི་སྟེང་༔ ཏྲིཿ ལས་གནམ་ཞལ་སེང་གདོང་མ༔ དམར་མོ་རུ་མཚོན་སྙིང་ཞགས་བསྣམས༔ བེར་དམར་བགོས་ཤིང་མེ་དཔུང་འབར༔ ཞལ་གདངས་ལྗགས་འདྲིལ་མཆེ་བ་གཙིགས༔ མེ་རྟ་དམར་པོ་རླུང་གཤོག་བཅིབས༔ ཡབ་ཡུམ་གཉིས་ཀའི་རང་རྟགས་སུ༔ སྟག་རལ་གཡས་ལ་གཟིག་ཤུབ་གཡོན༔ སྣ་ཚོགས་མཚོན་གྱི་ཟི་ར་འཕྲོ༔ སྣང་སྲིད་མ་ལུས་དབང་སྡུད་ཅིང་༔ སྐྱེ་འགྲོ་ཟིལ་གྱིས་གནོན་པར་བསྐྱེད༔ མདུན་དུ་རོ་ལངས་ཕོ་མོ་གཉིས༔ སྤྱི་གཙུག་སར་གཏད་ལག་པས་འགྲོ༔ རྐང་པས་གཏོར་ཁྱེར་དགྲ་ལ་འཕེན༔ ཤར་དུ་སྲིད་པ་ལྷ་ཡི་གཙོ༔ ལྷ་ཆེན་ཚངས་པ་དཀར་པོ་ལ༔ ལྷ་དམག་འབུམ་གྱིས་བསྐོར་བར་བསྐྱེད༔ ལྷོ་རུ་འཆི་བདག་ཡོངས་ཀྱི་གཙོ༔ གཤིན་རྗེ་ཡ་མ་རཱ་ཛ་ལ༔ སྲོག་གཅོད་འབུམ་གྱིས་བསྐོར་བར་ ཛྃ༔ བསྐྱེད༔ ནུབ་ཏུ་མགྱོགས་པ་བཙན་གྱི་གཙོ༔ བཙན་རྒོད་སྲོག་ལེན་དམར་པོ་ལ༔ བཙན་དམག་འབུམ་གྱིས་བསྐོར་བར་བསྐྱེད༔ བྱང་དུ་གཏུམ་པོ་ཀླུ་ཡི གཙོ༔ ཀླུ་བདུད་འཆི་བདག་མགོ་དགུ་ལ༔ ཀླུ་དམག་འབུམ་གྱིས་བསྐོར་བར་བསྒོམ༔ ཤར་ལྷོ་མེ་ལྷ་ཡོངས་ཀྱི་གཙོ༔ མེ་ལྷའི་རྒྱལ་པོ་ཨགྣེ་ལ༔ མེ་ལྷ་འབུམ་གྱི་འཁོར་གྱིས་བསྐོར༔ ལྷོ་ནུབ་སྲིན་པོ་ཡོངས་ཀྱི་གཙོ༔ སྲིན་རྒྱལ་རཀྴ་མི་ཟན་ལ༔ སྲིན་པོའི་དམག་ཚོགས་འབུམ་གྱིས་བསྐོར༔ ནུབ་བྱང་རླུང་ལྷ་ཡོངས་ཀྱི་གཙོ༔ རླུང་ལྷ་ཤ་ཝ་རི་པ་ལ༔ རླུང་ལྷ་འབུམ་གྱི་འཁོར་གྱིས་བསྐོར༔ བྱང་ཤར་དབང་ལྡན་ཡོངས་ཀྱི་གཙོ༔ དབང་ལྡན་རྒྱལ་པོ་ཀུན་འདུལ་དཔལ༔ དབང་ལྡན་འབུམ་གྱི་འཁོར་གྱིས་བསྐོར༔ གཞན་ཡང་སྣང་སྲིད་དྲེགས་པའི་ཚོགས༔ ནག་པོ་སྟོང་དང་ཤ་ཟ་འབུམ༔ མ་མོ་བྱེ་བ་གནོད་སྦྱིན་ཁྲི༔ ནམ་མཁའི་སྐར་ཚོགས་ལྟ་བུའི་སྡེ༔ ལྷ་མིའི་ཁྲོམ་འཚོགས་ཇི་བཞིན་བསྒོམ༔ བདག་དང་མདུན་བསྐྱེད་ལྷ་ཚོགས་ཀྱི༔ གནས་གསུམ་འོད་ཟེར་རབ་འཕྲོས་པས༔ དམ་ཚིག་ཐུགས་དམ་རྒྱུད་བསྐུལ་ཏེ༔ ཁ་བ་བུ་ཡུག་འཚུབས་པ་བཞིན༔ གནས་ནས་སྤྱན་དྲངས་གཉིས་མེད་བསྟིམ༔ ཨོཾ་ཏྲི་ཤྲཱི་བཛྲ་མ་ཧཱ་ཀཱ ལ་ཧཱུྃ་ཕཊ༔ ཏྲི་ཧྲཱིང་ཛཿ དྷྲི་ཏྲི་ཡ་མ་རཱ་ཙ་དུ་ཏྲི་ཕུ་ཏྲི་ས་མ་ཡ་ཛ་ཛ༔ ཕེཾ་ཕེཾ་ཨ་ཝེ་ཤ་ཡ་ཨ་ཨཱཿ ཞེས་ལན་གསུམ་བརྗོད༔ སྤྱན་འདྲེན་པ་ནི༔ ཀྱེེ༔ དད་པ་དང་ནི་དམ་ཚིག་གིས༔ འབོད་དོ་ཞིང་སྐྱོང་སེང་གེའི་གདོང་༔ ཡབ་ཡུམ་སྤྲུལ་འཁོར་དྲེགས་པའི་སྡེ༔ མ་ལུས་སྤྱན་འདྲེན་གཤེགས་སུ་གསོལ༔ དག་པ་བདེ་ཆེན་ཞིང་མཆོག་དང་༔ དེ་འོག་ཙཱ་རི་ཀོ་ཊ་ཡ༔ པད་རི་པད་འོད་འབྲས་མོ་ལྗོངས༔ པདྨ་བཀོད་དང་རྣམ་དག་བཀོད༔ ལྷུན་གྲུབ་བཀོད་དང་ཡུམ་བུ་ལུང་༔ ལྗོངས་ལྔ་གླིང་དྲུག་གནས་ཀྱི་བདག༔ དུར་ཁྲོད་བརྒྱད་དང་ཉེ་བའི་ཞིང་༔ ཧེ་རུ་ཀ་ཡི་གནས་བཅུ་ནས༔ དབང་ཕྱུག་ཆེན་པོ་གཤེགས་སུ་གསོལ༔ གྷ་ཡ་ངྷ་རཿ ལེགས་གྲུབ་རྡོ་རྗེཿ བདུད་མགོན་ནག་པོ༔ ཀྵེ་ཏྲ་པཱ་ལཿ འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛ་ཛཿ བཞུགས་སུ་གསོལ་བ་ནི༔ ཧཱུྃ༔ སྒྱུ་མ་ལྟ་བུའི་ཏིང་འཛིན་གྱིས༔ ལོངས་སྤྱོད་བཀོད་པ་རབ་རྫོགས་པའི༔ ཡེ་ཤེས་འཕྲུལ་གྱི་གཞལ་ཡས་འདིར༔ ཞིང་སྐྱོང་མགོན་པོ་བཞུགས་སུ་གསོལ༔ སི་ན་ར་མ༴ ལས་མཁན་ཕོ་མོ༔ གིང་ཆེན་གིང་ཕྲན་སྲོག་གཅོད་ཤན་པ། འཁོར་དང་བཅས་པ༴ བདག་ཅག་སྒྲུབ་མཆོག་འཁོར་དང་བཅས༔ ༔ གནས་ངན་མ་སྤངས་ས་སྤྱོད་ཀྱི༔ འོག་མིན་ཆེན་པོ་དེར་བརྟན་འཚལ༔ ས་མ་ཡ་ཏིཥྛ་ལྷན༔ ཕྱག་འཚལ་བ་ལ༔ ཧོཿ ཁྱོད་ནི་ཆེ་མཆོག་ཧེ་རུ་ཀ༔ ཁྱོད་ནི་སྣང་སྲིད་ཀུན་གྱི་བདག༔ ཁྱོད་ནི་སྲིད་པ་ཀུན་གྱི་དབང་༔ འཛམ་བུའི་གླིང་ལ་མངའ་དབང་མཛད༔ ང་ཡི་སྣང་བ་འདོད་པའི་དོན༔ སྤེལ་ཞིང་བསྐྱེད་དེ་བརྟན་གནས་ཕྱིར༔ ཁྱོད་ལ་གུས་པས་ཕྱག་འཚལ་ལོ༔ ན་མོ་པུཥྤ་སིདྡྷི་ཧོཿ མཆོད་པ་འབུལ་བ་ལ༔ ཧོཿ དངོས་འབྱོར་ཡིད་ཀྱིས་རྣམ་སྤྲུལ་པའི༔ སྒྱུ་མ་ལྟ་བུའི་ཏིང་འཛིན་གྱིས༔ མིག་འཕྲུལ་བཞིན་དུ་ཅིར་ཡང་སྣང་༔ ཉེར་སྤྱོད་བདུན་གྱི་མཆོད་པ་འབུལ༔ འདོད་ཡོན་ལྔ་ཡི་མཆོད་པ་འབུལ༔ དགྲ་ཤ་ཁྲག་གི་མཆོད་པ་འབུལ༔ ཕྱི་མཆོད་རྣམ་པ་སྣ་ཚོགས་དང་༔ ནང་མཆོད་དགོས་འདོད་ལོངས་སྤྱོད་ཚོགས༔ འབུལ་ལོ་བཞེས་ལ་འདོད་དོན་སྒྲུབ༔ ཨོཾ་བཛྲ་ཨརྒྷཾ་ནས རཱུ་པ་ཤཔྡ་སོགས་ཨ་མྲྀ་ཏ་རཀྟ་བ་ལིང་ཏ་སརྦ་ག་ཎ་པཱུ་ཛ་ཧོཿ བསྟོད་པ་བྱ་བ་ལ༔ ཧཱུྃ༔ དུས་གསུམ་རྒྱལ་བ་ཀུན་གྱི་སྤྱི་མེས་མཆོག༔ གདོད་མའི་ཀུན་ཏུ་བཟང་དང་སྤྱི་དཔལ་ཆེ༔ བསྟན་དང་འགྲོ་བའི་དོན་དུ་སྐུར་བཞེངས་པ༔ མགོན་པོ་ལེགས་གྲུབ་རྡོ་རྗེ་ཁྱོད་ལ་བསྟོད༔ ཁྱུ་མཆོག་TI1613 - 299 སེང་གེའི་གདོང་ལ་མི་ཡི་ལུས༔ མགྱོགས་པ་རྟ་ནག་རླུང་གི་ཤུགས་ཅན་ཞོན༔ ཉིན་དང་མཚན་གྱི་གུང་གཉིས་གླིང་བཞི་རུ༔ ཞིང་དང་ཉེ་ཞིང་ཀུན་ལ་མངའ་དབང་མཛད༔ བསྟན་འགྲོའི་མགོན་དུ་གྱུར་པའི་དཔལ་ཆེན་པོ༔ ཞིང་སྐྱོང་མགོན་པོ་ཁྱོད་ལ་ཕྱག་འཚལ་བསྟོད༔ འཁོར་འདས་སྟོང་ཆེན་མཁའ་རུ་སྡུད་པའི་མ༔ ཡུམ་ཆེན་གནམ་ཞལ་དྲག་ཁྲོས་སེང་གེའི་གདོང༔ མེ་རྟ་དམར་པོ་རླུང་གི་གཤོག་ཅན་ཞོན༔ སྣང་སྲིད་ཁམས་ལ་དབང་བསྒྱུར་ལས་མཁན་འགྱེད༔ ཡུམ་མཆོག་སི་ན་ར་མ་ཁྱོད་ལ་བསྟོད༔ ཡབ་ཀྱི་སྤྲུལ་པ་བམ་རོ་ཕོ་ཡི་གཟུགས༔ ཡུམ་གྱི་སྤྲུལ་པ་བམ་རོ་མོ་དང་ཟུང་༔ གཞན་ཡང་ས་གསུམ་དབང་མཛད་སྤྲུལ་པའི་འཁོར༔ མ་ལུས་ལུས་པ་མེད་པ་ཀུན་ལ་བསྟོད༔ བསྟོད་ཅིང་བསྔགས་པ་བརྗོད་པའི་ལས་འབྲས་ཀྱིས༔ ཁྱེད་ཅག་མཉེས་ཤིང་ཐུགས་རྗེས་བརྩེ་བར་དགོངས༔ བདག་ཅག་སྡུག་བསྔལ་འདམ་རྫབ་ཆེན་པོ་ལས༔ ཐར་ནས་སྐམ་སར་མོས་པའི་སྐྱེས་བུ་རྣམས༔ སྦས་ཡུལ་པདྨ་བཀོད་དུ་ལམ་སྣ་དྲོངས༔ ལམ་དགྲ་བར་ཆད་རྐྱེན་རྣམས་མ་ལུས་པ༔ རྗེས་ཤུལ་ལྷག་མ་མེད་པར་རྡུལ་དུ་རློག༔ སྔོན་བསུ་རྒྱབ་སྐྱོལ་མཐའ་བརྟེན་ཁྱོད་ཀྱིས་མཛོད༔ རྡོ་རྗེ་འཆང་ ༔ ནས་བརྒྱུད་གསུམ་བླ་མ་དང་༔ ཨུ་རྒྱན་ཆེན་པོ་པདྨ་ཐོད་ཕྲེང་གི༔ བཀའ་དམ་དཔང་བཙུག་ཕྲིན་ལས་དེ་བཅོལ་གྱིས༔ མ་འདའ་བཅོལ་བའི་ཕྲིན་ལས་འགྲུབ་པར་མཛོད༔ ས་མ་ཡ༔ རྒྱ་རྒྱ་རྒྱ༔ རང་ཉིད་ཡི་དམ་ལྷའི་ཐུགས་ཀའི་ས་བོན་ལས་འོད་ཟེར་འཕྲོས་པས་ཞིང་སྐྱོང་སེང་གདོང་ཡབ་ཡུམ་སྤྲུལ་འཁོར་བཀའ་སྡོད་དང་བཅས་པ་དམ་ཚིག་དབང་གིས་སྤྱན་དྲངས་ཏེ་མཚོ་ལ་ཁ་ཆར་བབ་པ་ལྟར་བསྐྱེད་པའི་ལྷ་ལ་སིབ་སིབ་ཐིམ་པར་བསྒོམ༔ ཨོཾ་ཏྲི་ཤྲཱི་བཛྲ་མ་ཧཱ་ཀཱ་ལ་སིང་ཧ་མུ་ཁ་ཧཱུྃ་ཕཊ༔ ཏྲི་ཧྲཱི་ཛཿ ཌཱ་ཀི་ནཱི་ཏྲི་སི་ན་ར་མ་ཧཱུྃ་ཕཊ༔ དྷྲི་ཏྲི་ཡ་མ་རཱ་ཙ་དུ་ཏྲི་ཕུ་ཏྲི་ཧཱུྃ་ས་མ་ཡ་ཛ་ཛ་ཕེཾ་ཕེཾ༔ ཞེས་རྟགས་མ་བྱུང་བར་དུ་བསྒྲུབ༔ བར་སྐབས་ཚོགས་དང་བསྐང་བ་ཕྲིན་བཅོལ་ལ་འབད་པ་གལ་ཆེ་ཞིང་༔ ཁམས་གསུམ་སྣང་སྲིད་ཀྱི་དྲེགས་པ་ཅན་ཐམས་ཅད་དེ་ཡི་ཀློང་དུ་འདུས་ཤིང་འུབ་ཏུ་ཆུབ་པར་བསྒོམ་ལ་བཟླས་པར་བྱའོ༔ དུར་ཁྲོད་མང་པོ་མཐོང་བ་དང་༔ ལྗོན་ཤིང་ནགས་ཚལ་ལྷུན་འཐུག་པ༔ ཀུན་དགའ་ར་བ་སྐྱེད་མོས་ཚལ༔ སྣང་ཞིང་སྐྱེས་བུ་མང་པོ་ཡི༔ བསྙེན་བསྐུར་བྲན་ཁས་ལེན་པ་སོགས༔ བྱུང་ན་གྲུབ་པའི་མཚན་མ་ལགས༔ དེ་ལྟར་བྱུང་ན་གཏང་རག་བྱ༔ ཡང་ཡང་གྲོགས་སུ་བསྐུལ་བར་གྱིས༔ འདི་ནི་ཨུ་རྒྱན་ཆེན་པོ་ཡི༔ བཀའ་དང་དམ་ལ་བཞག་ནས་སུ༔ གནས་སྒོ་འབྱེད་ཅིང་བསྲུང་བ་ཡི༔ ལྷ་དང་སྲུང་མ་ཐམས་ཅད་ལ༔ དབང་བསྒྱུར་དྲེགས་ པའི་གཙོ་བོ་ལགས༔ ཤེས་པར་གྱིས་ཤིག་སྐལ་ལྡན་རྣམས༔ ས་མ་ཡ༔ ༔ ཅེས་པ་འདི་ཉིད་རིགས་སྲས་མཁྱེན་བརྩེའི་མྱུ་གུ་སོགས་པདྨ་བཀོད་དུ་བསྒྲོད་པར་འདོད་པ་དག་གི་ཆེད་དུ་བདུད་འཇོམས་རྡོ་རྗེས་བྲིས་པ་ཡོངས་སུ་དགེ་བར་གྱུར་ཅིག །དགེའོ། །དགེའོ །དགེའོ །སརྦ་མངྒ་ལཾ།། །། བདུད་འཇོམས་སྲུང་མ་ཞིང་སྐྱོང་སེང་གདོང་298 བདུད་འཇོམས་སྲུང་མ་ཞིང་སྐྱོང་སེང་གདོང་TI1613 - 302 ༔ ཆོས་ཉིད་ནམ་མཁའི་ཀློང་མཛོད་ལས༔ གནས་དང་ཉེ་གནས་སྐྱོང་མཛད་ཀུན་དགའ་གཞོན་ནུ་ཡབ་ཡུམ་གྱི་བསྐང་བ་བསམ་དོན་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྐཊྚསྐ_UNK།རྦྦ ཞིང་སྐྱོང་མགོན་པོ་འཁོར་བཅས་ཀྱི༔ བསྐང་བ་ལག་ལེན་རིམ་པ་ལ༔ ཤ་ཁྲག་མཆོད་པ་གཞིར་བཞག་སྟེ༔ བཟའ་བར་འོས་པའི་ལོངས་སྤྱོད་རྣམས༔ ཡིད་ཀྱིས་ནམ་མཁའ་མཛོད་དུ་སྤེལ༔ སྔགས་དང་ཕྱག་རྒྱས་བྱིན་གྱིས་རླབས༔ རང་ཉིད་རྡོ་རྗེ་ཁྲོ་ལོད་གསལ༔ ཧཱུྃ་བྷྱོ༔ དད་པ་དང་ནི་དམ་ཚིག་གིས༔ ཞིང་སྐྱོང་ཆེན་པོ་གཤེགས་སུ་གསོལ༔ ཀུན་དགའ་གཞོན་ནུ་ད་ཚུར་བྱོན༔ གྷ་ཡ་ངྷ་ར་གཤེགས་སུ་གསོལ༔ ལེགས་གྲུབ་རྡོ་རྗེ་ད་ཚུར་བྱོན༔ ཀྵེ་ཏྲ་པཱ་ལ་གཤེགས་སུ་གསོལ༔ བསྐང་བའི་གནས་འདིར་ད་ཚུར་བྱོན༔ གཤེགས་ནས་དགྱེས་པའི་གདན་ལ་བཞུགས༔ འཁོར་ཚོགས་བྱེ་བ་བསམ་ཡས་བཅས༔ ནག་པོ་སྟོང་དང་ཤ་ཟ་འབུམ༔ མ་མོ་བྱེ་བ་གནོད་སྦྱིན་ཁྲི༔ བཀའ་ཡི་ལྷ་སྲིན་སྡེ་བརྒྱད་ཚོགས༔ དེ་འཁོར་ཡང་འཁོར་གཡོག་དང་བཅས༔ མ་ཐོགས་མྱུར་དུ་གཤེགས་སུ་གསོལ༔ དམ་ཚིག་དབང་གིས་གཤེགས་སུ་གསོལ༔ མཆོད་བཞེས་དམ་བསྐང་དངོས་གྲུབ་སྩོལ༔ ཁྱེད་ཀྱི་ཐུགས་དམ་བསྐང་བ་ནི༔ དགྲ་ཤ་ཁྲག་གི་རྒྱ་མཚོ་དང་༔ བཟའ་བཅའ་བཏུང་བ་ལྡག་ གཞིབ་ཟས༔ འདོད་ཡོན་ལོངས་སྤྱོད་སྣ་ཚོགས་ཀྱིས༔ ཞིང་སྐྱོང་མགོན་པོའི་ཐུགས་དམ་བསྐང་༔ སི་ན་ར་མའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཐུགས་དམ་གཉན་པོ་བསྐང་གྱུར་ཅིག༔ པདྨ་བཀོད་གྱི་གནས་སྒོ་ཕྱེས༔ བདག་ཅག་འཁོར་དང་བཅས་པ་རྣམས༔ གནས་དེར་བསྒྲོད་སླེབས་བར་ཆད་སོལ༔ མཐུན་རྐྱེན་བསམ་དོན་ལྷུན གྲུབ་མཛོད༔ བྱ་ནག་མི་ནག་རྟ་ནག་དང་༔ ལུག་ནག་འབྲུག་སེང་ཆུ་སྲིན་སོགས༔ གཟུགས་འགྲོས་རྣམ་པ་སྣ་ཚོགས་ཀུན༔ དངོས་སུ་འབྱོར་དང་ཡིད་ཀྱིས་སྤྲུལ༔ ཞིང་སྐྱོང་མགོན་པོའི་ཐུགས་དམ་བསྐང་༔ སི་ན་ར་མའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཐུགས་དམ་བསྐང་ངོ་མཉེས་ཚིམ་ནས༔ སྦས་ཡུལ་གཉན་པོའི་སྒོ་ཕྱེས་ལ༔ བདག་ཅག་དེ་རུ་ལམ་སྣ་དྲོངས༔ ཕུབ་དང་ཁྲབ་བེམ་བཙན་པའི་གོ༔ རྣོ་བའི་མཚོན་ཆ་ཐུན་རྫས་ཚོགས༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ ཞིང་སྐྱོང་མགོན་པོའི༴ སི་ན་ར་མའི༴ འཁོར་དང་བཅས་པའི༴ ཐུགས་དམ་བསྐང་ངོ་མཉེས་ཚིམ་ནས༔ སྦས་ཡུལ་གཉན་པོའི་སྒོ་ཕྱེས་ལ༔ བདག་ཅག་དེ་རུ་ལམ་སྣ་དྲོངས༔ ཟ་འོག་དར་རས་སྣམ་ཤར་ཕྲུག༔ གཅན་ བསྐང་༔ གཟན་ལྤགས་དང་གཡུང་དྭགས་ལྤགས༔ རེག་འཇམ་མཛེས་ཤིང་ཡིད་འོང་བའི༔ སྣ་ཚོགས་གོས་ཀྱི་རིགས་བྱེད་ཀུན༔ དངོས་འབྱོར་ཡིད་ཀྱིས་རྣམ་སྤྲུལ ཏེ༔ ཞིང་སྐྱོང་མགོན་པོའི༴ སི་ན་ར་མའི༴ འཁོར་དང་བཅས་པའི༴ ཐུགས་དམ་བསྐང་ངོ་མཉེས་ཚིམ་ནས༔ སྦས་ཡུལ་གཉན་པོའི་སྒོ་ཕྱེས་ལ༔ བདག་ཅག་དེ་རུ་ལམ་སྣ་དྲོངས༔ གཞན་ཡང་མཆོད་རྫས་སྒྲུབ་རྫས་དང་༔ བརྟེན་རྫས་རྣམ་པ་སྣ་ཚོགས་ཀྱིས༔ ཞིང་སྐྱོང་མགོན་པོའི༴ སི་ན་ར་མའི༴ བམ་རོ་ཕོ་མོའི༴ ནག་པོ་སྟོང་གིཿ ཤ་ཟ་འབུམ་གྱི༴ གནོད་སྦྱིན་ཁྲི་ཡི༴ མ་མོ་བྱེ་བའི༴ ལྷ་སྲིན་སྡེ་བརྒྱད༴ སྤྱི་དཔལ་ཆེ་མཆོག་ཧེ་རུ་ཀ༔ ཁྱོད་ཀྱི་འཁོར་དུ་གཏོགས་པ་ཡི༔ ཡེ་ཤེས་འཇིག་རྟེན་ལས་གྲུབ་པའི༔ བཀའ་སྲུང་དྲེགས་པ་ཕོ་མོ་ཡི༔ ཐུགས་དམ་བསྐང་ངོ་དགྱེས་པ་སྐོངས༔ སྦས་ཡུལ་གཉན་པོའི་སྒོ་ཕྱེས་ལ༔ བདག་ཅག་གནས་དེར་ལམ་སྣ་དྲོངས༔ གཟུགས་ཅན་དགྲ་དང་གཟུགས་མེད་བགེགས༔ ལམ་གྱི་བར་ཆད་གེགས་སེལ་ཞིང་༔ སྔོན་བསུ་རྒྱབ་སྐྱེལ་མཐུན་གྲོགས་གྱིས༔ མི་མཐུན་གནོད་པའི་རྐྱེན་ཀུན་བཟློག༔ འདོད་དོན་ཡིད་བཞིན་འགྲུབ་པར་མཛོད༔ དུས་གསུམ་རྒྱལ་བ་སྲས་ བཅས་ཀྱི༔ བཀའ་དང་དམ་ཚིག་གཏའ་རུ་བཞག༔ དམ་ཚིག་གཉན་པོའི་ལས་བཅོལ་བས༔ དོན་དེ་མྱུར་དུ་འགྲུབ་མཛོད་ཅིག༔ སྔོན་ཚེ་ཕྱག་ན་རྡོ་རྗེའི་བཀའ༔ བར་དུ་པདྨ་འབྱུང་གནས་དམ༔ ཐ་མ་རྣལ་འབྱོར་བདག་གི་ཚིག༔ མ་འདའ་བཛྲ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ ཅེས་པས་ཕྲིན་ལས་ལྷུན་གྲུབ་ཅིང་༔ སྲུང་མ་གཉན་པོ་བྲན་ཁོལ་ཏེ༔ བསམ་དོན་འགྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་སྦས་ཡུལ་པདྨ་བཀོད་ཀྱི་གནས་ལམ་དུ་བསྒྲོད་པའི་ཆེད་དུ་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ །སརྦ་མངྒ་ལཾ།། །། སསྲུང་མ་ཞིང་སྐྱོང་སེང་གདོང་302 སསྲུང་མ་ཞིང་སྐྱོང་སེང་གདོང་T11613 - 306 བྃ༔ ཆོས་ཉིད་ནམ་མཁའི་ཀློང་མཛོད་ལསཿ ཉེ་མགོན་ཆེན་པོ་སེང་གདོང་ཡབ་ཡུམ་གྱི༔ ཕྲིན་བཅོལ་བསམ་པ་ལྷུན་གྲུབ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཕུད་དང་གཏོར་མ་ཟས་སྣ་བཤམས་བྱས་ཏེ༔ དངོས་སུ་འབྱོར་དང་ཡིད་ཀྱིས་རྣམ་པར་སྤྲུལ༔ རང་ཉིད་ལྷ་མཆོག་རྡོ་རྗེ་ཁྲོ་ལོད་བསྒོམ༔ མདུན་དུ་ཉེ་མགོན་སེང་གདོང་ཡབ་ཡུམ་ལ༔ ནམ་མཁའི་སྐར་ཚོགས་ལྟ་བུའི་འཁོར་གྱིས་བསྐོར༔ དེ་ལྟར་གསལ་བའི་ངང་ནས་འདི་བརྗོད་བྱ༔ ཧོཿ དགོངས་སུ་གསོལ་ལོ༔ ལན་གསུམ༔ སྤྱི་དཔལ་ཆེན་པོའི་སྤྲུལ་པ༔ གནས་ཡུལ་ཀུན་གྱི་ཞིང་སྐྱོང་༔ པདྨ་བཀོད་ཀྱི་དབང་ཕྱུག་ཆེན་པོ་དགོངས་སུ་གསོལ༔ སྡེ་བརྒྱད་ཀུན་གྱི་སྡེ ཚོགས༔ ཤ་ཟ་འབུམ་གྱི་སྡེ་ཚོགས༔ མ་མོ་བྱེ་བའི་སྡེ་ཚོགས༔ གནོད་སྦྱིན་ཁྲི་ཡི་སྡེ་ཚོགས༔ ས་བདག་ཀླུ་གཉན་གྱི་སྡེ་ཚོགས་ཐམས་ཅད་དགོངས་སུ་གསོལ་ལོ༔ ཁྱེད་རྣམས་ཀྱིས་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདི་བཞེས་ལ༔ བདག་ཅག་སྒྲུབ་པ་པོ་འཁོར་དང་བཅས་པ་རྣམས་ལ༔ དགྱེས་པའི་ཞལ་སྟོན་ཅིག༔ སྒྲུབ་པའི་རྟགས་ཕྱུངས་ཤིག༔ འདོད་པའི་དོན་སྒྲུབས་ཤིག༔ ཚེ་དང་བསོད་ནམས་སྤེལ་ཅིག༔ དཔལ་དང་འབྱོར་པ་བསྐྱེད་ཅིག༔ ཆུ་ལ་འགྲོ་ན་ཟམ་པ་ཚུགས་ཤིག༔ བྲག་ལ་འཛེག་པའི་ཐེམ་སྐས་གྱིས་ཤིག༔ མདུན་ནས་བསུ་མ་གྱིས་ ཤིག༔ རྒྱབ་ནས་སྐྱེལ་མ་གྱིས་ཤིག༔ ཁ་འཛིན་དང་སྡོང་གྲོགས་མཛོད་ཅིག༔ རྒྱབ་བརྟེན་དང་དཔུང་གྲོགས་མཛོད་ལ༔ མི་དང་མི་མ་ཡིན་པ་ཐམས་ཅད་ཀྱི་བློ་ཡིད་དང་སྣང་བ་བསྒྱུར་ལ༔ བདག་གིས་ཅི་བསམ་ཅི་འདོད་པའི་ཕྲིན་ལས་ཐམས་ཅད་འགྲུབ་པར་མཛོད་ཅིག༔ ཞི་བའི་ལས་དང་༔ རྒྱས་པའི་ལས་དང་༔ དབང་གི་ལས་དང་༔ དྲག་པོ་མངོན་སྤྱོད་ཀྱི་ལས་ཐམས་ཅད་ལྷུན གྱིས་གྲུབ་ནས༔ འདི་ཕྱིའི་དགེ་ལེགས་ཡོན་ཏན་ཐམས་ཅད་འབད་མེད་ལྷུན་གྱིས་འགྲུབ་པར་མཛོད་ཅིག༔ བཀའ་དང་ཐ་ཚིག་གཉན་པོ་དཔང་དུ་བཙུགས༔ གཏའ་རུ་བཞག་སྟེ་བཅོལ་བའི་ཕྲིན་ལས་གྲུབ་པར་མཛོད་ཅིག༔ ཨོཾ་བཛྲ་ས་མ་ཡ༔ ཨཱཿ བཛྲ་ས་མ་ཡ༔ ཧཱུྃ་བཛྲ་ས་མ་ཡ༔ དེ་ལྟར་ཕྲིན་ལས་བཅོལ་བ་ཡིས༔ འདོད་པའི་དོན་དེ་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདིའང་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ངག་དབང་ཕྲིན་ལས་སོ། །དགེའོ། །དགེའོ། །དགེའོ། །སརྦ་མངྒ་ལཾ། །། ༔ འཁོར་འདས་སྤྱི་དཔལ་ཆེ་མཆོག་ཧེ་རུ་ཀའི༔ བསྟན་པའི་རཱུ་དྲ་འདུལ་ཕྱིར་འཆོལ་བར་ཁྲོས༔ ཞིང་བཅུའི་སྲོག་གི་གཤེད་དུ་ལྷུན་གྱིས་གྲུབ༔ བདུད་ཀྱི་བདུད་མགོན་དྲག་ཤུལ་བདག་པོར་བསྟོད༔ ཅེས་པས་བསྟོད༔ ཕྱག་ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ བསྟན་སྲུང་ལེགས་གྲུབ་རྡོ་རྗེའི་ཕྱག་རྒྱ་ཁམས་གསུམ་དབང་རྒྱལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སགཐཐ༔ ཧཱུྃ༔ མདུན་དུ་དུར་ཁྲོད་རབ་འཇིགས་དབུས༔ མེ་རླུང་འཁྲིགས་པའི་ཀློང་དཀྱིལ་དུ༔ བདུད་ཀྱི་བདུད་ཆེན་སེང་གེའི་གདོང་༔ མཐིང་ནག་གཡུ་ཡི་རལ་པ་ཅན༔ ཤིན་ཏུ་ཁྲོས་ཤིང་རྔམས་པའི་ཞལ༔ ཕྱག་གཡས་དར་ནག་རུ་མཚོན་ཕྱར༔ གཡོན་པས་དམར་གཏོར་དགྲ་ལ་འཕེན༔ དར་ནག་བེར་ཆེན་སྐུ་ལ་གསོལ༔ ཆིབས་སུ་རྟ་ནག་རྟིང་དཀར་ཆིབས༔ གཡོན་དུ་དཔལ་འབར་སེང་གདོང་མ༔ དམར་ནག་མེ་ཡི་རལ་པ་ཅན༔ ཕྱག་གཡས་རྩེ་གསུམ་གནམ་ལ་ཕྱར༔ གཡོན་པས་དགྲ་སྙིང་དམར་རློན་བསྣམས༔ དར་ནག་བེར་གསོལ་མེ་རྟ་བཅིབས༔ རཀྵའི་ཕྲེང་བ་སེ་རལ་ཐོགས༔ མདུན་དུ་ལས་བྱེད་སྤྲུལ་པའི་འཁོར༔ མི་སྲུན་རོ་ལངས་ཕོ་མོ་གཉིས༔ སྤྱི་གཙུག་སར་གཏད་ལག་པས་འགྲོ༔ རྐང་པས་དམར་གཏོར་དགྲ་ལ་འཕེན༔ སྡེ་བརྒྱད་འཁོར་གྱི་དབུས་ན་ངོམས༔ མེ་དཔུང་རབ་འབར་རླུང་དམར་འཚུབས༔ སྤྲུལ་པའི་ལས་མཁན་སྐར་ལྟར་འཁྲིགས༔ ལྗོངས་ལྔ་སྦས་ཡུལ་ས་སྤྱོད་དང་༔ བདེ་ཆེན་ཞིང་ལ་དབང་བསྒྱུར་TI1613 - 309 བསམ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ ཨོཾ་ཏྲི་ཤྲཱི་མ་ཧཱ་ཀཱ་ལ་སེང་ཧ་མུ་ཁ་སི་