Tibetan
ན་ར་མ་དྷྲི་ཏྲི་ཡ་མ་རཱ་ཙ་ས་མ་ཡ་ཛ་ཛཿ དེ་ནས་ལས་གཞུང་ལ༔ ཀྱེེ༔ དད་པ་དང་ནི་དམ་ཚིག་གིས༔ ཞིང་སྐྱོང་ཆེན་པོ་གཤེགས་སུ་གསོལ༔ ལེགས་གྲུབ་རྡོ་རྗེ་གཤེགས་སུ་གསོལ༔ ཀུན་དགའ་གཞོན་ནུ༴ སུ་ན་ར་མ༴ རོ་ལངས་ཕོ་མོ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ སྦས་ཡུལ་གཉན་པོ་སྒོ་ཕྱེས་ལ༔ ལམ་ལྷ་མཛོད་ལ་ལམ་སྣ་དྲོངས༔ དགྲ་བགེགས་གནོད་བྱེད་ཆོམ་ལ་ཕོབ༔ དམ་ལ་མ་འདའ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ཡང་སློབ་བུ་དམ་པ་ཆོས་རྣམ་དང་རིག་འཛིན་རྒྱ་མཚོ་གཉིས་ཀྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ །དགེའོ།། བསྐང་གསོལ་_UNK ཆོས་ཉིད་ནམ་མཁའི་ཀློང་མཛོད་ལས༔ ཞིང་སྐྱོང་སེང་གདོང་ཡབ་ཡུམ་གྱི་བསྐང་གསོལ་དགེ་ལེགས་ཀུན་འབྱུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གནྱ།ས།ཧཾ།མ།ཐཨསྒྲ ཞིང་སྐྱོང་སེང་གདོང་ཡབ་ཡུམ་ལ༔ བརྟེན་ནས་བསྐང་གསོལ་བྱ་བ་ནི༔ དངོས་སུ་འབྱོར་པའི་མཆོད་པ་བཤམས༔ ཡིད་ཀྱིས་འདོད་རྒུར་སྤེལ་ཞིང་བསྒྱུར༔ ནམ་མཁའ་མཛོད་སྔགས་མཐར༔ ཧཱུྃ་བྷྱོ༔ ཞིང་སྐྱོང་སེང་གདོང་ཡབ་ཡུམ་བཀའ་འཁོར་བཅས༔ དམ་ཚིག་དབང་གིས་འདིར་གཤེགས་སྲུང་མར་བཞུགས༔ མཐུན་རྫས་འདོད་རྒའི་དཔལ་གྱིས་མཆོད་འབུལ་བཞེས༔ ཐུགས་དམ་བསྐང་ངོ་རྣམ་བཞིའི་ཕྲིན་ལས མཛོད༔ ས་མ་ཡ༔ དེ་ལྟར་གྲངས་ལྡན་བསྐྱལ་གྱུར་ན༔ བཀའ་སྲུང་གཉན་པོ་བྲན་ཁོལ་འགྱུར༔ གུ་ཧྱ༔ ཨ་ཐམ་རྒྱ༔ ཧཱུྃ༔ འཁོར་འདས་སྤྱི་དཔལ་ཆེ་མཆོག་ཧེ་རུ་ཀའི༔ བསྟན་པའི་རཱུ་དྲ་སྒྲོལ་ཕྱིར་འཆོལ་བར་ཁྲོས༔ ཞིང་བཅུའི་སྲོག་གི་གཤེད་དུ་ལྷུན་གྱིས་གྲུབ༔ བདུད་ཀྱི་བདུད་མགོན་དྲག་ཤུལ་བདག་པོར་བསྟོད༔ ཅེས་པ་འདི་རིགས་སྲས་རིག་འཛིན་ནོར་བུས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། T11613 - 312 ཆོས་ཉིད་ནམ་མཁའི་ཀློང་མཛོད་ལས༔ གནས་ཡུལ་ཀུན་གྱི་བདག་པོ་ཞིང་སྐྱོང་ཀུན་དགའ་གཞོན་ནུའི་དཀྱིལ་འཁོར་དུ་ཚོགས་མཆོད་འབུལ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཉམས་ཆག་ཉེས་ལྟུང་ཀུན་བྱང་ཕྱིར༔ ཚོགས་ཀྱི་འཁོར་ལོ་བསྐོར་བ་ལ༔ ཤ་ཆང་འབྲུ་སྣ་ཤིང་ཐོག་དང་༔ བཟའ་བར་འོས་པའི་ཟས་སྣ་ཚོགས༔ དཔོན་དང་གྲོང་གི་ཚུལ་དུ་བཀོད༔ ཡིད་ཀྱིས་ནམ་མཁའ་མཛོད་དུ་སྤེལ༔ ཧྲཱིཿ རང་ཉིད་ཡི་དམ་ལྷར གསལ་བའི༔ ཐུགས་སྲོག་ས་བོན་ལས་འཕྲོས་པ༔ རཾ་གྱིས་མི་གཙང་འབག་རྩོག་བསྲེག༔ ཡཾ་གིས་དངོས་འཛིན་སྟོང་པར་གཏོར༔ ཁཾ་གིས་སེར་སྣའི་དྲི་མ་སྦྱངས༔ རཾ་ཡཾ་ཁཾ༔ ཨོཾ་ཨཱཿ ཧཱུྃ༔ དེ་ནས་སྤྱན་འདྲེན་པ་ལ༔ ཧཱུྃ༔ དག་པ་བདེ་ཆེན་ཞིང་ཁམས་དང་༔ རྩལ་ལས་ཤར་བའི་གནས་ཉེར་བཞི༔ དུར་ཁྲོད་བརྒྱད་དང་ཧེ་རུའི་ཞིང་༔ སྤྲུལ་པ་ཡང་སྤྲུལ་བསམ་མི ཁྱབ༔ ཕྲིན་ལས་ཕོ་ཉ་ཡོངས་ཀྱི་བདག༔ ཞིང་སྐྱོང་མགོན་པོ་སེང་གེའི་གདོང་༔ ཕོ་ཉ་སྤྲུལ་པ་ཡང་སྤྲུལ་བཅས༔ ཚོགས་ཀྱི་འདུ་བར་གཤེགས་སུ་གསོལ༔ ཁྱད་པར་ཨོ་རྒྱན་ཆེན་པོ་ཡི༔ སྐུ་གསུང་ཐུགས་ཀྱིས་བྱིན་རླབས་པའི༔ ས་སྤྱོད་གནས་མཆོག་པདྨ་བཀོད༔ དེ་དང་དེར་བཞུགས་མཁའ་འགྲོའི་ཚོགས༔ ཚོགས་ཀྱི་འདུ་བར་གཤེགས་སུ་གསོལ༔ བཛྲ་ས་མ་ ཡ་ཛ་ཛཿ དེ་ནས་ཚོགས་ཕུད་འབུལ་བ་ལ༔ ཧཱུྃ༔ ཞིང་སྐྱོང་སེང་གདོང་ཡབ་ཡུམ་དང་༔ སྤྲུལ་འཁོར་བྱེ་བ་དུང་ཕྱུར་བཅས༔ མ་ལུས་ལུས་པ་མེད་པ་ལ༔ ཞལ་ཟས་ཚོགས་ཀྱི་མཆོད་པ་འབུལ༔ མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧོཿ བདག་གི་ཚེ་རབས་ཐོག་མེད་ནས༔ ད་ལྟའི་ལུས་འདི་ཡན་ཆད་དུ༔ མ་རིག་དབང་གིས་ལས་ཉོན་བཅས༔ ཉེས་འགལ་ཅི་མཆིས་ཚོགས་ཀྱིས་བཤགས༔ ཨོཾ་ག་ཎ་ཙཀྲ་སཏྭ་སོགས༔ དེ་ནས་བསྒྲལ་བ་ལ༔ འགུགས་གཞུག་མཐར༔ ཧཱུྃ༔ ཐར་ལམ་བར་ཆད་གེགས་བྱེད་པའི༔ གཟུགས་ཅན་དགྲ་དང་གཟུགས་མེད་བགེགས༔ མ་ལུས་བཀུག་དང་བསྒྲལ་བ་ཡི༔ མངོན་སྤྱོད་ཕྲིན་ལས་འགྲུབ་པར་མཛོད༔ ནྲྀ་ཏྲི་ཤ་ཏྲུཾ་མཱ་ར་ཡ་རྦད༔ མཱཾ་ས་རཀྟ་ཙིཏྟ་བ་སུ་ཏ་ཀེ་ནི་རི་ཏི་ལ་ཁཱ་ཧི༔ དེ་ནས་ལྷག་མ་འབུལ་བ་ལ༔ ཧོཿ མཁའ་འགྲོ་ཤུགས་འགྲོ་གནས་ཉུལ་མ༔ སྣ་ཚོགས་གར་མཁན་བསྒྱུར་བ་མོ༔ འཁོར་དང་བཅས་པ་འདིར་གཤེགས་ཤིག༔ ལྷག་མའི་ལོངས་སྤྱོད་ལ་རོལ་ཞིང་༔ ཕྲིན་ལས་རབ་འབྱམས་ཡོངས་འགྲུབ་མཛོད༔ ཨུཙྪིཥྚ་བ་ལིངྟ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ༔ གནས་ཀྱི་གནས་མཆོག་བོད་ཀྱི་ཡུལ༔ གླིང་གི་གླིང་མཆོག་པདྨ་ _UNK བཀོད༔ དེ་དང་དེ་སྐྱོང་སྲུང་མའི་ཚོགས༔ སྐད་ཅིག་ཉིད་དུ་འདིར་གཤེགས་ཤིག༔ ཤ་ཁྲག་དམར་གྱི་གཏོར་མ་ལོངས༔ འདོད་ཡོན་རྒྱན་གྱི་གཏོར་མ་ལོངས༔ འདོད་འབྱུང་ཡིད་བཞིན་གཏོར་མ་ལོངས༔ ས་སྤྱོད་འོག་མིན་པདྨ་བཀོད༔ གནས་དེར་བསྒྲོད་པའི་བར་ཆད་བཟློག༔ སྔོན་ཚེ་རིག་འཛིན་པདྨ་དང་༔ ཕྱག་ན་རྡོ་རྗེའི་ཐ་ཚིག བཞིན༔ གཏོར་མ་ལོངས་ལ་ཕྲིན་ལས་སྒྲུབས༔ དམ་ལ་མ་འདའ་ས་མ་ཡ༔ དེ་ནས་བརྟན་མ་སྐྱོང་བ་ལ༔ ཆད་དོན་དམར་གྱི་གཏོར་མ་ནི༔ བྷྱོ༔ སྨན་མོ་ཡོངས་ཀྱི་གཙོ་མོ་སྟེ༔ ཚེ་རིང་མཆེད་ལྔའི་སྤྲུལ་པའི་སྡེ༔ བརྟན་མ་བཅུ་གཉིས་འཁོར་དང་བཅས༔ འདིར་གཤེགས་བཤལ་ཆུའི་གཏོར་མ་ལོངས༔ མི་འདོད་བར་ཆད་རྐྱེན་བཟློག་ཅིང་༔ འདོད་དོན་ཕྲིན་ལས་ཡོངས་གྲུབ་མཛོད༔ མ་མ་ཧྲཱིང་ཧྲཱིང་ཨེ་དཾ་བ་ལིང་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ལ༔ ཧཱུྃ༔ གསང་ཆེན་རྡོ་རྗེའི་དཀྱིལ་འཁོར་འདིར༔ ཡེ་ཤེས་ལྔ་ཡི་བྲོ་བརྡུང་བས༔ གདོན་བགེགས་སྟོང་ཕྲག་བརྒྱད་ཅུ་ཀུན༔ འཁྲུལ་མེད་དབྱིངས་སུ་བྲོ་རྒྱས་གདབ༔ སྟྭཾ་བྷ་ཡ་ནན༔ མཱ་ར་ཡ་ནན༔ དེ་ནས་དངོས་གྲུབ་བླང་བ་ལ༔ ཧོཿ བསྒྲུབ་པའི་ལྷ་དང་སྲུང་མ་རྣམས༔ ཐུགས་དམ་བསྐུལ་ལོ་དབྱིངས་ནས བཞེངས༔ བསྒྲུབ་མཆོག་རྣལ་འབྱོར་བདག་ཉིད་ལ༔ བསམ་དོན་ལྷུན་གྲུབ་དངོས་གྲུབ་སྩོལ༔ སིདྡྷི་ཕ་ལ་ཨ་ལ་ལ་ཧོཿ དེ་ནས་བསྔོ་བ་སྨོན་ལམ་ལ༔ ཧོཿ བསོད་ནམས་ཚོགས་གཉིས བསགས་པའི་དགེ༔ རྣམ་མཁྱེན་སངས་རྒྱས་རྒྱུ་རུ་བསྔོ༔ སྡུག་བསྔལ་གྱིས་བཅིང་སེམས་ཅན་ཀུན༔ མི་སློབ་ལམ་འབྲས་ཐོབ་གྱུར་ཅིག༔ དེ་ནས་བརྟན་བཞུགས་བྱ་བ་ལ༔ ཧོཿ བརྟེན་ཅིང་བསྒྲུབ་པའི་ལྷ་སྲུང་མ༔ ལུས་དང་གྲིབ་མའི་ཚུལ་བཞིན་ཏུ༔ སྐད་ཅིག་མི་འབྲལ་གྲོགས་མཛོད་ཅིག༔ ལས་བཞིའི་ཕྲིན་ལས་གྲུབ་པར་མཛོད༔ ས་མ་ཡ་ཏིཥྛ་བཛྲ༔ དེ་ནས་བཀྲ་ཤིས་བྱ་བ་ལ༔ ཧོཿ བརྟེན་པའི་ལྷ་དང་སྲུང་མ་རྣམས༔ ནམ་མཁའ་བཞིན་དུ་ཀུན་ཁྱབ་ཅིང་༔ ནམ་མཁའ་མཛོད་ཀྱི་དཔལ་ཡོན་ལ༔ དབང་བསྒྱུར་རབ་འབྱམས་ཕྲིན་ལས་ཀུན༔ ཐོགས་མེད་འགྲུབ་པའི་བཀྲ་ཤིས་ཤོག༔ ས་མ་ཡ༔ འདི་ནི་སྙིང་པོའི་བསྒྲུབ་པ་མཆོག༔ གནས་དང་ཉེ་གནས་ཞིང་ཉེ་ཞིང་༔ ཀུན་ལ་དབང་བསྒྱུར་དབང་ཐོབ་པའི༔ མཐུ་ནུས་སྟོབས་དང་ལྡན་པར་འདོད༔ སྐྱེས་བུ་རྣམས་ཀྱིས་དོན་དེ་འགྲུབ༔ མི་འདོད་པས་ན་ཅི་བྱར་ཡོད༔ བཀའ་སྲུང་དྲེགས་པའི་ཚོགས་ཀྱིས་སྲུངས༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སྦས་ཡུལ་པདྨ་བཀོད་ཀྱི་གནས་སུ་སླེབས་པའི་ལམ་འདྲེན་བར་ཆད་སེལ་ཕྱིར་དུ། བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ །དགེའོ། །སརྦ་མངྒ་ལཾ།། །། བ ཆོས་ཉིད་ནམ་མཁའི་ཀློང་མཛོད་ལས༔ བདེ་ཆེན་ཞིང་སོགས་ཞིང་དང་ཉེ་ཞིང་སྐྱོང་བ་བདེ་གཤེགས་སྤྱི་དཔལ་ཆེན་པོ་དྲེགས་པའི་སྐུར་བཞེངས་པ་ཞིང་སྐྱོང་སེང་གདོང་ཡབ་ཡུམ་གྱི་ཕྱག་རྒྱ་ཙིཏྟའི་རྒྱ་ཅན་བཞུགས༔ ན་མོ་གུ་རུ་སིངྷ་གྷཎྜེ་ཡེ༔ རྦརྦྷགྶདྷ་ལྒ་༔ ཟངས་སམ་ལྕགས་ཀྱི་སྣོད་མཆོག་ཏུ༔ དམར་གྱི་གཏོར་མ་མཁྱིད་གང་བ༔ གཡོན་དུ་དེ་འདྲ་སོར་ལྔ་ཙམ༔ དེ་མདུན་བམ་རོ་ཕོ་མོ་གཉིས༔ བསྐྱེད་ཆོག་ཇི་བཞིན་བྱས་པ་ལ༔ ཤ་ཁྲག་དག་གི་རྒྱན་བྱས་བཤམས༔ འབུལ་རྫས་ཤ་ཁྲག་དམར་གཏོར་དང་༔ འབྱོར་ཚོགས་ཅི་རིགས་བཤམས་བྱས་ཏེ༔ རང་ཉིད་ཡི་དམ་ལྷར་གསལ་ངང་༔ ཨོཾ་མ་ཧཱ་ཤུ་ནྱ་ཏཱ་སོགས༔ སྟོང་པའི་ངང་ལས་མདུན་དུ་དུར་ཁྲོད་རབ་འཇིགས་མེ་རླུང་འཚུབས་མའི་ཀློང་དུ༔ རང་ཡི་དམ་གྱི་ཐུགས་ཀ་ནས་ཧཱུྃ་དང་ཏྲི་འཕྲོས༔ ཧཱུྃ་ལས་བདུད་མགོན་ནག་པོ་སེང་གེའི་གདོང་པ་ཅན༔ ཕྱག་གཡས་རུ་མཚོན་ནམ་མཁར་ཕྱར་ཞིང་གཡོན་པས་དམར་གཏོར་དགྲ་ལ་འཕེན་པ༔ བེར་ནག་གསོལ་ཞིང་བདུད་རྟ་ནག་པོ་རྟིང་དཀར་ལ་ཞོན་པ༔ གཡུ་རལ་གསེབ་ནས་སེང་ཆུང་གི་ཚྭ་ཚྭ་འཕྲོ་བ་སྤྱན་གསུམ་དམར་ཟླུམ་དུ་འཁྲིགས་ཤིང་སེང་སྐད་ཀྱིས་ས་གསུམ་གཡོ་བ༔ རྐེད་པར་སྟག་རལ་དང་གཟིག་ཤུབ་ཀྱིས་བརྒྱན་པ་ཞིག་ཏུ་བསྐྱེད་དོ༔ དེའི་གཡོན་དུ་ཁྲག་མཚོ་རྦ་རླབས་འཁྲིགས་པའི་ཀློང་དུ་ཏྲིཿ ཡིག་ དམར་ནག་ཡོངས་སུ་གྱུར་པ་ལས༔ ཡུམ་དཔལ་འབར་སི་ན་ར་མ་སྐུ་མདོག་དམར་མོ་སེང་ཞལ་ཁྲག་གི་རལ་པ་ཅན༔ ཕྱག་གཡས་ཁ་ཊྭཱྃ་དང་གཡོན་པས་དགྲ་སྙིང་དམར་རློན་བསྣམས་པ༔ བེར་དམར་གསོལ་ཞིང་མེ་རྟ་དམར་པོ་ལ་ཆིབས་པར་བསྐྱེད་དོ༔ ཡབ་ཡུམ་གཉིས་ཀྱི་མདུན་དུ་ཏྲིཿལས་སྤྲུལ་པའི་བམ་རོ་རོ་ལངས་ཕོ་མོ་མགོ་ན་སྐྲ་མེད་པ་སྤྱི་གཙུག་ས་ལ་གཏད་པ༔ ལག་པ་གཉིས་ཀྱིས་འགྲོ་ཞིང་རྐང་པ་གཉིས་གྱེན་དུ་བསྟན་པའི་སྟེང་ནས་དགྲ་ལ་དམར་གཏོར་འཕེན་པ༔ དེ་དག་ལ་འཁོར་ནག་པོ་སྟོང་ཤ་ཟ་འབུམ་མ་མོ་བྱེ་བ་གནོད་སྦྱིན་ཁྲི་མོན་པ་ཕོ་མོ་བདུད་པོ་ཐོད་ཁུར་བདུད་མོ་ཁྲག་ལེན་གྱི་ཚོགས་དཔག་ཏུ་མེད་པས་ལྷ་མིའི་ཁྲོམ་འཚོགས་པ་བཞིན་དུ་བསྐོར་ནས་བཞུགས་པར་བསྒོམ༔ གཙོ་བོ་གཉིས་ཀྱི་གནས་གསུམ་ཡིག་འབྲུ་གསུམ་ལས་འོད་འཕྲོས་པས་བདེ་བ་ཅན་དང་མེ་རི་འབར་བ་གསང་ཆེན་རོལ་པ་ལ་སོགས་པའི་འོག་མིན་དང་༔ མཁའ་སྤྱོད་དང་ས་སྤྱོད་ཀྱི་གནས་ཐམས་ཅད་ནས༔ ཞིང་སྐྱོང་ཀུན་དགའ་གཞོན་ནུ་སྤྲུལ་པ་ཡང་སྤྲུལ་གནས་ཡུལ་དང་བཅས་པ་སྤྱན་དྲངས་ནས་བསྐྱེད་པའི་ལྷ་ལ་ཐིམ་པས་མཐུ་ནུས་པ་བཀྲག་གཟི་མདངས་དང་ལྡན་པར་བསྒོམ༔ ཨོཾ་ཏྲི་ཤྲཱི་བཛྲ་མ་ཧཱ་ཀཱ་ལ་སིང་ཧ་མུ་ཁ་སི་ན་ ྋ བྷ ར་མ་_UNK་ཏྲི་ཡ་མ་ར་ཙ་དུ་ཏྲི་ཕུ་ཏྲི་ས་མ་ཡ་ཛ་ཛཿ ཞེས་འབོད་སྔགས་ཅི་མང་ཆུ་བོའི་གཞུང་བཞིན་བཟླ༔ སྐུ་གསུམ་རྩ་གསུམ་ཆོས་སྐྱོང་སྲུང་མའི་ཚོགས༔ མ་ལུས་ཞིང་སྐྱོང་མགོན་པོའི་རྣམ་རོལ་ད དུ༔ མཚོ་ལ་ཁ་ཆར་བབ་བཞིན་སྤྱན་དྲངས་ཏེ༔ ཐིམ་པར་བསམ་པ་འབོད་པའི་གནད་དུ་ཤེས༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཨ་ཐཾ་རྒྱ༔ ཞེས་པ་འདི་ཡང་རིགས་སྲས་རིག་འཛིན་ནོར་བུས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ །དགེའོ། །ལེགས་སོ། །སརྦ་མངྒ་ལཾ།། །། a གི་( གཉིས་སོ། TI1613 - 319 T11613 - 320 ཛ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་བཙན་རྒྱལ་ཆེན་པོའི་བསྐང་གསོལ་ཕྲིན་ལས་ལྷུན་གྲུབ་བཞུགས་སོ༔ ཧཱུྃ ན་མོ་གུ་རུ་པདྨ་ཀ་ར་ཡེ༔ བ་བྷཐག༔ ཤ་ཁྲག་དམར་གྱི་གཏོར་མ་བཤམས༔ རྟེན་སྙིང་དང་ནི་ནམ་མཁའ་མཛོད༔ སྔགས་ཀྱིས་སྤེལ་བསྒྱུར་གནད་ལྡན་པས༔ ཀྱེེ༔ གནོད་སྦྱིན་རྒྱལ་པོ་ཙི་མ་ར༔ སྤྲུལ་པ་བཙན་ཆེན་རོལ་པ་བདུན༔ བཀའ་སྡོད་རུ་འདྲེན་སྡེ་བཞི་དང་༔ མི་སྲུན་དྲེགས་པའི་འཁོར་དང་བཅས༔ རིག་འཛིན་པདྨ་འབྱུང་གནས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ འབོད་དོ་གནས་འདིར་གཤེགས་སུ་གསོལ༔ བདག་གི་གྲོགས་སུ་སྲུང་མར་བཞུགས༔ ཤ་ཁྲག་དམར་གཏོར་རཀྟ་དང་༔ ཉེར་སྤྱོད་འདོད་ཡོན་སྣ་ཚོགས་དང་༔ བཟའ་བཅའ་བཏུང་བ་ལྡག་གཞིབ་ཟས༔ དར་ཟབ་གོ་མཚོན་རིན་ཆེན དཀོར༔ མཐུན་རྫས་འདོད་རྒུའི་དཔལ་ཡོན་ཚོགས༔ མི་ཟད་ནམ་མཁའ་མཛོད་དུ་སྤེལ༔ གནོད་སྦྱིན་ཙི་དམར་ཐུགས་དམ་བསྐང་༔ རོལ་པ་སྐྱ་བདུན་ཐུགས༴ འབར་བ་སྤུན་བདུན་ཐུགས་འབྱུང་ལྔའི་བཙན་ཆེན་ཐུགས༴ རུ་འདྲེན་སྡེ་བཞིའི་ཐུགས༴ འཁོར་དང་བཅས་པའི་ཐུགས་དམ་བསྐང་༔ གསོལ་ལོ་མཆོད་དོ་དགྱེས་དགོངས་འཚལ༔ ཕྲིན་ལས་གཉན་པོ་ བཅོལ་བ་ནི༔ བདག་གི་མི་ནོར་འཁོར་བཅས་ལ༔ རྟག་ཏུ་སྲུང་ཞིང་སྐྱབས་མཛོད་ཅིག༔ མི་ཕྱུགས་མི་བདེའི་ནད་ཞི་ཞིང་༔ ཚེ་བསོད་དཔལ་འབྱོར་རབ་རྒྱས་ཏེ༔ སྣང་སྲིད་སྐྱེ་འགྲོ་དབང་དུ་སྡུས༔ དགྲ་བགེགས་མ་ལུས་རྡུལ་དུ་རློགས༔ དམ་ལ་མ་འདའ་ས་མ་ཡ༔༷ བཅོལ་བའི་ཕྲིན་ལས་འགྲུབ་པར་མཛོད༔ དེ་ལྟར་གྲངས་ལྡན་བསྐྱར་གྱུར་ན༔ བཀའ་སྲུང་གཉན་པོ་བྲན་བཞིན་འཁོར༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་རིགས་སྲས་རིག་འཛིན་ནོར་བུས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། ཅ མས་སྲུང་མ་གནོད་སྦྱིན་ཙིའུ་དམར་མས་སྲུང་མ་གནོད་སྦྱིན་ཙིའུ་དམར་TI1613 - 322 ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་གནོད་སྦྱིན་བཙན་རྒོད་ཆེན་པོའི་བསྐང་གསོལ་འདོད་དོན་ལྷུན་གྲུབ་བཞུགས་སོ༔ རྒྱ།ས།༔ ན་མོ་གུ་རུ་ཝེ༔ འབྱོར་ཚོགས་ཅི་རིགས་བཤམས་བྱས་ཏེ༔ ནམ་མཁའ་མཛོད་ཀྱི་སྔགས་ཀྱིས་སྤེལ༔ ཀྱེེ༔ ཕྱོགས་ཕྱོགས་དག་ཀྱང་ཕ་གི་ན༔ ཉི་མ་ནུབ་ཕྱོགས་ཕ་གི་ན༔ བཙན་ཡུལ་ཟངས་ཐང་དམར་པོ་རུ༔ བཙན་མཁར་དམར་པོའི་ནང་ཤེད་ནས༔ བཙན་རྒྱལ་གནོད་སྦྱིན་ཙི་མ་ར༔ དད་དང་དམ་ཚིག་གཉན་གྱིས་འབོད༔ འཁོར་དང་བཅས་པ་གཤེགས་སུ་གསོལ༔ བདག་གི་གྲོགས་དང་སྲུང་མར་བཞུགས༔ གོ་མཚོན དར་གོས་སྣ་ཚོགས་དང་༔ གཟུགས་འགྲོས་སྣ་ཚོགས་རིན་ཆེན་རིགས༔ འབྲུ་སྣ་སྨན་སྣ་དཀར་གསུམ་དང་༔ ཤ་ཁྲག་འདོད་ཡོན་སྣ་ཚོགས་དང་༔ བཟའ་བཅའ་བཏུང་བ་ལྡག་གཞིབ་ཀྱིས༔ གནོད་སྦྱིན་ཙི་དམར་ཐུགས་དམ་བསྐང་༔ རོལ་པ་སྐྱ་བདུན་ཐུགསཿ འཁོར་དང་བཅས་པའི་ཐུགསཿ གསོལ་ལོ་མཆོད་དོ་བྱམས་བརྩེས་སྐྱོངས༔ ཞི་རྒྱས་དབང་དང་དྲག་པོའི་ལས༔ གང་བསམ་འདོད་དོན་ལྷུན་གྲུབ་ཅིང་༔ དཔལ་དང་གདུལ་བྱ་ལོངས་སྤྱོད་ཚོགས༔ མངའ་ཐང་ནུབ་མེད་འཕེལ་རྒྱས་མཛོད༔ སྒྲུབ་པ་པོ་ལ་འཁུ་ལྡོག་དང་༔ གདུག་རྩུབ་སྤོང་ ལ་བྱམས་བརྩེས་སྐྱོངས༔ བཀའ་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ འདི་ཉིད་གྲངས་མང་བརྗོད་ནུས་ན༔ དྲེགས་པ་བྲན་ཁོལ་དགོས་འདོད་འབྱུང་༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་གདུང་སྲས་ཡེ་ཤེས་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ །དགེའོ །དགེའོ།། །། ཡང་ན་གསོལ་མཆོད་འདི་ཡང་བརྗོད༔ ཀྱེེ༔ དད་པ་དང་ནི་དམ་ཚིག་གིས༔ གནོད་སྦྱིན་ཙི་དམར་གཤེགས་སུ་གསོལ༔ རོལ་པ་སྐྱ་བདུན་གཤེགས་སུ་གསོལ༔ དམ་ཚིག་ཆེན་པོའི་གདན་ལ བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ལ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ མ་གཡེལ་མ་འགྱངས་ས་མ་ཡ༔ དེ་ལྟར་གསོལ་མཆོད་གྲངས་ལྡན་པས༔ མི་འབྲལ་གྲོགས་བྱེད་ཕྲིན་ལས་བསྒྲུབ༔ བཀྲ་ཤིས་དགེ་ལེགས་དཔལ་རྒྱས་འགྱུར༔ ས་མ་ཡ༔ བདུད་འཇོམས་པས་སོ། །ཤུ་བྷཾ།། ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ཙིའུ་དམར་པོའི་ཟ་ངུ་བཞུགས་སོ༔ ཧཱུྃ༔ གནོད་སྦྱིན་རྒྱལ་པོ་ཙི་མ་ར༔ སྤྲུལ་པའི་སྐྱེས་བུ་རོལ་པ་བདུན༔ ཡང་སྤྲུལ་འབྱུང་བ་ལྔ་ཡི་བཙན༔ འཁོར་དང་བཅས་པ་དགོངས་སུ་གསོལ༔ རྡོ་རྗེ་འཆང་དང་པདྨ་འབྱུང་༔ རིག་འཛིན་བརྒྱུད་པའི་བཀའ་དམ་ཚིག༔ དཔང་དུ་བཙུག་སྟེ་གཏའ་རུ་བཞག༔ སྒྲུབ་པའི་རྣལ་འབྱོར་བདག་ཉིད་ཀྱིས༔ དམ་ཅན་ཁྱོད་ལ་བསྒོ་བ་ནི༔ བདག་ལ་སྡང་བའི་དགྲ་བོ་ཡི༔ མི་ནོར་དཀོར་དང་བཅས་པ་ཀུན༔ ཁྱོད་ལ་ཟ་སྐལ་གཏད་ཀྱིས་སྤྱོད༔ མ་ཟད་བར་དུ་ཟ་དུ་གྱིས༔ མ་སྟོང་བར་དུ་ཚིམས་མ་བྱེད༔ བདག་གི་བསྲུང་བ་རྟེན་གསུམ་དང་༔ སྐྲ་དང་གོས་དུམ་ལ་སོགས་པའི༔ བྱིན་གྱིས་བརླབས་པའི་རྫས་རྣམས་ཀུན༔ དགྲ་བོ་ཕོ་མོས་འཆང་སྤྱོད་ན༔ རེག་ཕུང་ཧ་ལ་ཇི་བཞིན་དུ༔ ཚེ་དང་སྲོག་གི་བདུད་དུ་ཕོབ༔ བདག་དང་འདུམ་པའི་ཚུལ་བྱས་ཀྱང་༔ དམ་ཅན་ཁྱེད་དང་འདུམ་མ་བྱེད༔ སྔགས་མཁན་རང་ལ་སླར་མ་ལྡོག༔ མཐུ་དང་ནུས་པའི་རྩལ་མ་རྡུག༔ ཉེས་མེད་གཞན་ལ་འབྱམས་མ་བྱེད༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་འདའ་མ་བྱེད༔ བཅོལ་བའི་ཕྲིན་ལས་གྲུབ་པར་མཛོད༔ - 325 དམར་གཏོར་ཁྲག་གིས་བྱུགས་པ་དང་༔ ཇ་ཆང་སྐྱེམས་ཀྱི་ཚོགས་བཏང་ཞིང་༔ ཡང་ཡང་བསྐྱར་ཏེ་བརྗོད་གྱུར་ན༔ བསམ་པའི་དོན་དེ་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་རྣལ་འབྱོར་པ་འཇིགས་མེད་རྡོ་རྗེའི་ངོར་བདུད འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། །། བདུད་འཇོམས་སྲུང་མ་གནོད་སྦྱིན་ཙིའུ་དམར་322 བདུད་འཇོམས་སྲུང་མ་གནོད་སྦྱིན་ཙིའུ་དམར་T11613 - 326 ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་བཙན་རྒོད་ཆེན་པོའི་མིག་འཕྲུལ་ཕུང་བྱེད་ནག་པོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མིག་འཕྲུལ་ཕུང་བྱེད་བྱ་ཐབས་ལ༔ བཙན་རྒོད་གྲུབ་འབྲས་མངོན་གྱུར་ནས༔ ལས་འདིར་བཀོལ་ན་བསམ་དོན་འགྲུབ༔ དེ་ལ་ཁྱི་དམར་རྟ་དམར་དང་༔ ར་དམར་སྲེ་མོ་ཏེ་ལོ་ཡི༔ ཤ་ཁྲག་བསྲེས་ཏེ་བག་ཟན་ལ༔ ཤ་བ་ཡི་ནི་གཟུགས་བྱས་ལ༔ རྔ་མ་སྦྲུལ་ལ་སྒལ་སྟེང་དུ༔ མི་དམར་ཁ་སྦུབས་ཡོད་པར་བཅའ༔ དེ་ཡི་ལྟོ་བར་ཤོག་བུ་ལ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཙ་རུ་ཤུ་ལ་ཏྲི་བཛྲ་ས་མ་ཡ་སྡང་བའི་དགྲ་བོ་ཆེ་གེ་མོའི་མིག་བསླུས་ཤིག༔ ཤེས་པ་འཕྲུལ་ཅིག༔ ཤ་བ་སྦྲུལ་འཇུག་མི་ཁུར གྱི་གཟུགས་སྟོན་ཅིག༔ ཐན་ཆོས༔ ཐན་རྒྱུག༔ ཐན་བྷྱོ༔ ཐན་ཕོབ༔ ཙ_UNK་ག་ན་ས་པ་ཏྲ་པཱུ་ཏྲ་ཕཊ༔ ཅེས་དྲིལ་ཏེ་བཅུག༔ དེ་ནས་དགྲ་བོའི་ཁྱིམ་དུ་བསྒོམ་སྟེ་རེ་བའམ་བྲུབ་ཁུང་གང་ཡང་རུང་བའི་ནང་དུ་བཞག་ལ༔ བཙན་རྒོད་སྒྲུབ་པའི་ཁོག་ཕུབ༔ བསྐང་གསོལ་མང་དུ་བྱས་མཐར༔ མདུན་དུ་གནོད་སྦྱིན་བཙན་རྒོད་ཆེན་པོ་གསལ་བའི་ཐུགས་ཀ་ནས་ཡི་གེ་ཏྲིཿ དམར་ནག་འོད་དང་བཅས་པ་ཆད་དེ་མདུན་གྱི་ཤ་གཟུགས་ལ་ཐིམ༔ དེ་ཉིད་གནས་གྱུར་ཏེ་བཙན་གྱི་ཤ་བ་དམར་པོ་སྦྲུལ་གྱི་མཇུག་མ་ཅན་ཁ་ནས་མེ་འབར་ཞིང་སྣ་ནས་དུ་བ་འཐུལ་བ་མིག་ནས་གློག་ཞགས་བརྡེབ་པ་སྒལ་སྟེང་དུ་མི་དམར་ཁ་སྦུབས་སུ་ཞོན་པ་ འཇིགས་སུ་རུང་བ་བལྟར་མི་ཕོད་པ་ཞིག་ཏུ་གྱུར༔ དེ་ལས་འོད་འཕྲོས་པས་བཙན་རྒོད་ཆེན་པོའི་ཐུགས་ཀར་ཕོག་པས་དམ་ཚིག་དབང་གིས་ཐུགས་དམ་གྱི་རྒྱུད་བསྐུལ་ནས་དེའི་ཐུགས་ཀའི་འོད་