Tibetan
སྲུང་ཤ་ཟ་ཧོར་མོ་ཡི༔ མཆེད་དང་བཀའ་ཉན་བཅས་པ་ཀུན༔ དམ་ཚིག་གཉན་པོས་འབོད་ཅིང་བསྒྲུབ༔ མ་ཐོགས་མྱུར་དུ་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་མངའ་གསོལ་མཆོད་འབུལ་ལ༔ ཛཿ བསྟན་དགྲ་ཕོ་མོ་བསྣོལ་སྟེང་དུ༔ ཤ་ཟ་ཆེན་མོ་བཞུགས་སུ་གསོལ༔ ཧོར་མོ་སྤུན་དགུ་བཞུགས་སུ་གསོལ༔ འཁོར་དང་བཅས་པ་ཏིཥྛ་ལྷན༔ མ་སྲིང་ཚུལ་དུ་ཁྱེད་བསྟེན་ཏེ༔ བཀའ་ཉན་སྲུང་མར་མངའ་གསོལ་ལོ༔ དཀར་གསུམ་མངར་ ཥྟཾ གསུམ་འབྲུ་སྣ་དང་༔ བཙོས་དང་རྗེན་ཤ་ཁུ་བ་རྐང་༔ ཁྲག་མཚོ་ཇ་ཆང་ལ་སོགས་པའི༔ མདོར་ན་མཐུན་རྫས་རྟེན་རྫས་དང་༔ བསྐང་རྫས་མཆོད་རྫས་སྣ ཚོགས་པ༔ ཡིད་ལ་གང་འདོད་འདོད་རྒུའི་དཔལ༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ མ་མོ་ཆེན་མོ་ཁྱོད་ལ་འབུལ༔ འཁོར་དང་བཅས་པའི་ཚོགས་ལ་འབུལ༔ དགྱེས་པར་དགོངས་ཤིང་བཞེས་སུ་གསོལ༔ མ་ཧཱ་སརྦ་ག་ན་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ཧོཿ འཇིགས་བྱེད་ཤ་ཟ་ཆེན་མོ་ཁྱོད༔ སྲིད་ན་ཁྱོད་ལས་ཆེ་བ་མེད༔ མ་མོ་ཐམས་ཅད་ཁྱོད་ལ་འདུད༔༷ ཤ་ཟ་ཆེན་མོ་ཁྱོད་ལ་འདུད༔ དུར་བདག་མ་མོ་ཁྱོད་ལ་འདུད༔ སྲོག་གཅོད་མ་བདུད་ཁྱོད་ལ་འདུད༔ དབུགས་ལེན་མ་མོ༔ ཁྲག་འཐུང་མ་མོ༔ ཤ་ཟ་མ་མོ༔ ལྟས་ངན་ཐན་བདག་དཀོར་སྲུང་མ་མོ༔ སྔགས་སྲུང་མ་མོཿ ཆོས་སྲུང་མ་མོ་ཁྱོད་ལ་འདུད༔ མཐུ་རྩལ་ནམ་མཁའི་མཐའ་དང་མཉམ༔ མྱུར་མགྱོགས་བར་སྣང་གློག་ལ་འགྲན༔ མ་མོ་ཆེན་མོ་ཁྱོད་ལ་བསྟོད༔ ཤ་ཟའི་རྒྱལ་མོ་ཁྱོད་ལ་བསྟོད༔ དགྲ་ཡི་གཤེད་མ་ཁྱོད་ལ་བསྟོད༔ ས་མ་ཡ༔ བསྐང་གསོལ་ཅི་ནུས་འདིར་འབད་ཅིང་༔ དམིགས་པའི་གནད་དང་ལྡན་གྱུར་ན༔ འབོད་སྔགས་འདི་ལ་རྩེ་གཅིག་TI1613 - 347 འབད༔ མ་བྷྱོ་ཛཿ རཀློ་མ་ཧཱ་ཀྲོ་ཏི་ཤ་ཟ་ཧོར་མོ་ས་མ་ཡ་ཕེཾ་ཕེཾ་ཛ་ཛཿ རཱུ་པ་སྟོན་ཡ་སྟོན་ཡ༔ དེ་ཡིས་འབོད་རྟགས་བུད་མེད་ངུ་བ་སྤྱང་ཀུ་ཉེར་བ་རྡོ་ཆར་འབབ་པ་སོགས་འབྱུང་༔ འབོད་རྟགས་རྫོགས་པའི་མཐར༔ མ་མ་རཀློ་ཡཀློ་མ་ཧཱ་ཀྲོ་ཏི་ཤ་ཟ་ཧོར་མོ་ས་མ་ཡ་ཆོ་ཡ་ཆོ་ཡ་རྒྱུག་ཡ་རྒྱུག་ཡ་དགྲ་བོ་ཆེ་གེ་མོའི་སྲོག་ལ་རྦད་བྷྱོ༔ དཀོར་ལ་རྦད་རྦད་བྷྱོ་བྷྱོ༔ ངུ་འབོད་གྱིས་ངུ་འབོད་གྱིས༔ མིང་ནས་བོས་སྐྲ་ནས་འཐེན༔ བླ་ཟུངས་བླ་ཁུག་བླ་ཁྱེར་མིང་ལ་མིང་ཕོབ་གཟུགས་ལ་གཟུགས་ཕོབ༔ མ་མ་རྦད་བྷྱོ་བྷྱོ༔ དེ་ཡིས་བསད་རྟགས་ངེས་པར་འབྱུང་༔ དེ་ནས་བསད་སྔགས་བཟླ་བ་ལ༔ མ་བྷྱོ་ཏྲི་ཛཿ ཤ་ཟ་ཆེན་མོ་ཧོར་མོ་ཆེན་མོ་ཁྲག་འཐུང་རྒྱལ་མོ་མ་བདུད་རྒྱལ་མོ་སྲོག་བདུད་ཆེན་མོ་དབུགས་ལེན་ཆེན་མོ་བྷྱོ་བྷྱོ་རྒྱུག་རྒྱུག་དགྲ་བོ་ཆེ་གེ་མོའི་བླ་སོད་སྲོག་དང་དབུགས་ལ་ཧུར་ཐུམ་སོད༔ དེ་ཡིས་བསད་རྟགས་ངེས་པར་འབྱུང་༔ བསད་རྟགས་ནི་ཤ་རློན་དང་སྙིང་རྒྱུ་མ་ཟ་བ་སོགས་དང་ལྤགས་པ་མཉེད་པ་རུས་པ་བརྡུང་བ་སོགས་འབྱུང་༔ དེ་ནས་བསྐུལ་བ་བྱ་བ་ལ༔ ཏྲི་མ་བྷྱོ་ཛཿ ཕྱོགས་ཕྱོགས་དག་ཀྱང་ཕ་ཀི་ན༔ བོད་ཀྱི་ཡུལ་གྱི་ཕར་མཐའ་དང་༔ བལ་པོའི་ཡུལ་གྱི་ཚུར་མཐའ་རུ༔ ཟངས་བྲག་དམར་པོ་གནམ་དུ་གཟིང་༔ ཁྲག་ཞག་རྦ་ཀློང་ཀྱི་ལི་ལི༔ མི་རོ་རྟ་རོ་འཁྲིགས་པའི་ཀློང་༔ མི་མིན་ཤ་ ཟ་ཧོར་མོ་ནི༔ རང་འདྲའི་སྤྲུལ་པ་བརྒྱད་ཀྱིས་བསྐོར༔ མ་བདུད་འབུམ་གྱི་དབུས་ན་ངོམས༔ བཞེངས་ཤིག་བཞེངས་ཤིག་ད་བཞེངས་ཤིག༔ བསྐུལ་ནི དམ་ཚིག་གཉན་གྱིས་བསྐུལ༔ རྒྱུག་ཅིག་དགྲ་བོའི་ཡུལ་དུ་རྒྱུག༔ ལོ་ཟླའི་དུས་སུ་མ་འགྱངས་བར༔ དགྲ་བོ་གསོད་པའི་ལག་དམར་གྱིས༔ དགྲ་སྲོག་ཆོད་ལ་དགྲ་ཤ་རོལ༔ སྙིང་ཁྲག་དྲོན་མོ་ཧུབ་ཀྱིས་འཐུང་༔ བསད་རྟགས་དོན་སྙིང་ཁྱེར་ལ་ཤོག༔ རྩྭ་སྐམ་དག་ལ་མེ་མཆེད་བཞིན༔ རྗེས་ཤུལ་ལྷག་མ་མེད་པར་མཛོད༔ ཤ་ཁྲག་གཏོར་མ་ཁྲག་སྐྱེམས་བཅས༔ རོལ་ལ་མྱུར་དུ་ད་རྒྱུག་ཅིག༔ མ་བྷྱོ་ཛཿ ཤ་ཟ་ཆེན་མོ་སྤུན་དགུ་ཆོ་ཡ་ཆོ་ཡ་རྒྱུག་ཡ་རྒྱུག་ཡ་རྦད་རྦད་བྷྱོ༔ དེ་ལྟར་དྲག་ཏུ་བསྐུལ་བ་ཡིས༔ མངོན་སྤྱོད་ཕྲིན་ལས་བསམ་བཞིན་འགྲུབ༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་རེབ་ཀོང་ཕྱོགས་ཀྱི་རྣལ་འབྱོར་དགེ་འདུན་པས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ །སརྦ་མངྒ་ལཾ།། ྋ T11613 - 349 T11613 - 350 མ་མོ་ཤ་ཟ་ཧོར་མོའི་སྲོག་འཁོར་བཅང་ཐབས་བཞུགས་སོ༔ ན་མོ་གུ་རུ་བཛྲ་པཱ་ཎི་ཡེ༔ ཥྛ གཞི་ནི་རས་སམ་ཤོག་གུ་ལ༔ འཁོར་ལོ་མུ་ཁྱུད་བདུན་བསྐོར་དབུས༔ ཤ་ཟ་ཆེན་མོའི་སྐུ་བྲིས་པའི༔ སྙིང་གར་ཐོ་བརྩེགས་མ་ཏྲི་བྷྱོ༔ ཕྱི་རིམ་འཁོར་ལོ་རྩིབས་བརྒྱད་ལ༔ རིམ་བཞིན་ར་ཏྲིཿ ཞེས་པ་བྲིས༔ དེའི་ཕྱི་རིམ་མུ་ཁྱུད་ལ༔ དཀོན་མཆོག་གསུམ་དང་བདེན་གཉིས་བསླུ་བ་མེད་པའི་བདེན་སྟོབས་ཀྱིས་འཁོར་ལོ་འདི་ལ་མ་མོ་ཤ་ཟ་ཧོར་མོ་འཁོར་དང་བཅས་པའི་བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ སྐུ་གསུང་ཐུགས་མི་འགྱུར་རབ་ཏུ་གནས་ཤིང་བརྟན་པར་གྱུར་ཅིག༔ ཏིཥྛ་བཛྲ་ཡེ་སྭཱ་ཧཱ༔ དེའི་ཕྱི་རིམ་དུ༔ བྷྱོ་མ་ཧཱ་ཀྲོ་ཏ་ཀ་ལི་མ་བདུད་རྒྱལ་མོ་ཤ་ཟ་ཧོར་མོ་ཤོག་ཤོག་ཕེཾ་ཕེཾ་ཛ་ཛཿ དེའི་ཕྱི་རིམ་མུ་ཁྱུད་ལ་ཁྲག་མཚོ་དམར་ནག་བྲིས༔ དེའི་ཕྱི་རིམ་མུ་ཁྱུད་ཆེ་བ་གཅིག་གི་ནང་དུ༔ ཤར་དུ་ཆུ་རི་དཀར་པོ༔ ལྷོ་རུ་རི་རབ་སེར་པོ༔ ནུབ་ཏུ་མེ་དཔུང་དམར་ནག༔ བྱང་དུ་རླུང་རི་ལྗང་སྐྱ༔ མཐར་བསྟན་པ་སྤྱིའི་སྙིང་པོ༔ དེ་མཐར་རྟེན་འབྲེལ་སྙིང་པོ་བྲིས་པའི་མཐར༔ འཆང་བ་པོའི་ནད་གདོན་འགལ་རྐྱེན་བར་ཆད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ སྣང་སྲིད་སྐྱེ་འགྲོ་འདོད་རྒུ་ལོངས་སྤྱོད་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་སྐྱེ་འགྲོ་ཕོ་ མོ་གཟུགས་ཅན་གཟུགས་མེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཅེས་བྲིས༔ རིན་ཆེན་སྣ་ལྔའི་ཕྱེ་མས་བྱུགས༔ དྲི་བཟང་གི་ཆུས་བྱུགས་ཏེ༔ བསྒྲུབ་པའི་རྟེན་དུ་བཙུགས༔ བསྐྱེད་བསྟིམ་ནན་དུ་བྱ༔ མགུལ་དུ་དྲོད་དང་མི་འབྲལ་བར་བཅངས་པས༔ མ་མོས་བུ་སྡུག་ལྟ་བུར་སྐྱོང་བར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བ་དགེ། བདུད་འཇོམས་སྲུང་མ་ཤ་ཟ་ཧོར་མོ་348 བདུད་འཇོམས་སྲུང་མ་ཤ་ཟ་ཧོར་མོ་TI1613 - 352 ཤྃ༔ ཆོས་ཉིད་ནམ་མཁའི་ཀློང་མཛོད་ལས༔ དཔལ་ལྡན་སྔགས་ཀྱི་སྲུང་མ་ལས་མྱུར་འགྲུབ་སླ་དྲག་ཤུལ་སྟོབས་དང་ལྡན་པའི་མ་ཆེན་ཤ་ཟ་ཧོར་མོའི་བསྐུལ་བ་གནམ་ལྕགས་ཐོག་མདའ་བཞུགས༔ ན་མོ་གུ་རུ་པདྨ་ཀ་ར་ཤྲཱི་ཧེ་རུ་ཀ་ན་མ་ཧོཿ བ་ལིང་ཤ་དང་ཁྲག་སྐྱེམས་བཤམས༔ གདོང་ལ་ཁྲག་བྱུགས་སྐྲ་བསིགས་ཏེ༔ འཇིགས་པའི་ང་རོས་སྡང་སེམས་བསྐྱེད༔ དེ་ནས་དྲག་ཏུ་བསྐུལ་བ་ལ༔ ཀྱེེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་ཕྱོགས་ཕ་ཀི་ན༔ བོད་ཀྱི་ཡུལ་གྱི་ཕ་མཐའ་དང་༔ བལ་པོའི་ཡུལ་གྱི་ཚུར་མཐའ་རུ༔ ཁྲག་མཚོ་རྦ་རླབས་གནམ་དུ་འཕྱོ༔ དུག་དང་མུན་པའི་ན་བུན་འཐུལ༔ ཆོ་སྒྲ་སོད་རྒྱོབ་འབྲུག་སྟོང་ལྟར༔ དྲག་ཅིང་ལྡིར་བའི་རང་སྒྲ་ཡིས༔ ཤིན་ཏུ་འཇིགས་ཤིང་ཡ་ངའི་གནས༔ གནས་དེར་སུ་བཞུགས་སུ་མ་བཞུགས༔ མི་སྲུན་ཤ་ཟ་ཧོར་མོ་དང་༔ འཁོར་དུ་སྤྲུལ་པ་ཤ་ཟ་མོ༔ རང་འདྲ་བརྒྱད་ཀྱིས་བསྐོར་ཞིང་འདུད༔ བཞེངས་ཤིག་བཞེངས་ཤིག་ད་བཞེངས་ཤིག༔ ཁྲག་མཚོ་ཁོལ་མའི་ཀློང་ནས་བཞེངས༔ དུག་རླངས་འཕྱོ་བའི་ཀློང་ནས་བཞེངས༔ མཁའ་ལ་འཇའ་ཚོན་ཤར་བ་བཞིན༔ ནམ་མཁའ་སྟོང་པའི་དབྱིངས་ནས་བཞེངས༔ བཞེངས་ཤིག་བཞེངས་ཤིག་ད་བཞེངས་ཤིག༔ ཤ་ཟ་ཆེན་མོ་ད་བཞེངས་ཤིག༔ ཁྲག་འཐུང་ཆེན་མོ་ ད་བཞེངས་ཤིག༔ མ་བདུད་རྒྱལ་མོ་ད་བཞེངས་ཤིག༔ སྲོག་གཅོད་མ་མོ་ད་བཞེངས་ཤིག༔ དབུགས་ལེན་མ་མོ་ད་བཞེངས་ཤིག༔ ཐན་བདག་མ་མོ་ད་བཞེངས་ཤིག༔ ལྟས་ངན་འཕྲུལ་གྱི་བདག་མོ་ཁྱོད༔ སྐད་ཅིག་ཉིད་ལ་གཤེགས་སུ་གསོལ༔ མྱུར་བ་ཉིད་དུ་གཤེགས་སུ་གསོལ༔ ཤ་ཁྲག་དམར་གྱི་གཏོར་མ་དང་༔ གསེར་སྐྱེམས་རྒྱུག་ཆང་འདི་བཞེས་ལ༔ དགྲ་བོའི་ཡུལ་དུ་ད་རྒྱུག་ཅིག༔ དམ་ཉམས་དགྲ་བོ་ཆེ་གེ་མོའི༔ མིག་སོགས་དབང་པོའི་སྒོ་འཕྲུལ་ཅིག༔ ལྟས་ངན་ཐན་གྱི་ཡོ་ལངས་ཐོངས༔ མིང་ནས་བོས་ལ་སྐྲ་ནས་འཐེན༔ བུད་མེད་ཚོགས་ཀྱི་ངུ་འབོད་གྱིས༔ འུག་པ་ཧ་ཧ་རྒོད་དུ་ཆུག༔ ནམ་མཁའི་བྱ་ཡི་ཐན་སྣ་ཐོངས༔ ས་གཞི་སྲོག་ཆགས་སྣ་ཚོགས་ཀྱི༔ ཐན་དང་ལྟས་ངན་སྣ་ཚོགས་སྟོན༔ གཟུགས་དང་སྒྲ་སོགས་མི་རུང་བའི༔ ཐན་ལྟས་སྣ་ཚོགས་སྣང་བར་གྱིས༔ རྣམ་རྟོག་བཙན་ཐབས་ཉིད་དུ་སློང་༔ མངོན་སུམ་ཁྱོད་ཀྱི་གཟུགས་སྟོན་ལ༔ དཀོར་ཆ་ཟས་ནོར་གང་ཡང་རུང་༔ ཁྱོད་ཀྱི་ཤེས་བཞིན་ཁྱེར་ཤོག་གྱིས༔ འོ་དོད་ལྷང་ལྷང་འབོད་པར་གྱིས༔ ང་ཡིས་བརྗོད་པའི་ཚིག་དེ་དག༔ རྡོ་རྗེ་འཆང་དང་པདྨ་འབྱུང་༔ རིག་འཛིན་བརྒྱུད་པ་དང་བཅས་པའི༔ 2 བྃ༔ བཀའ་དང་ཐ་ཚིག་གཉན་པོ་རྣམས༔ དཔང་དུ་བཙུགས་ཏེ་གཏའ་རུ་བཞག༔ མ་འདའ་བཛྲ་ས་མ་ཡ༔ མ་མོ་ཤ་ཟ་ཧོར་མོ་ཆོ་ཆོ་རྒྱུག་རྒྱུག་བྷྱོ་བྷྱོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་ཚོགས་ཀྱི་བདེན་པས་བསྐུལ་ཞིང་རྦད་ཚིག་དེ་དག་ཆུད་མི་ཟ་བར་འགྲུབ་པར་ཤོག་ཅིག༔ ཅེས་གཏོར་མ་ཐུན་གྱིས་བྲབ་པ་དང་དུས་མཉམ་དུ་ཐལ་མོ་བརྡབ༔ སྐྲ་བསིགས༔ བྲང་བརྡུངས་ཏེ༔ གཏོར་མ་དགྲ་ཕྱོགས་སུ་འཕང་༔ དེ་ཡིས་བསམ་དོན་ངེས་པར་འགྲུབ༔ བསྒྲུབ་ནས་འགྲུབ་རྟགས་ཐོན་པ་ཡི༔ རྣལ་འབྱོར་དག་གི་སྤྱོད་ཡུལ་ལོ༔ བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སློབ་བུ་དམ་པ་མཁྱེན་རབ་རྒྱ་མཚོ་ལ་སོགས་པའི་སློབ་བུ་འགས་ནན་དུ་བསྐུལ་ངོར་བདུད་འཇོམས་པས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། 351 T11613 - 355 T11613- 356 ཐ༔ བྷྱོ༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ འབོད་དོ་ཤ་ཟ་ཧོར་མོ་ཉིད༔ འཁོར་དང་བཅས་པ་གཤེགས་སུ་གསོལ༔ མི་འབྲལ་སྲུང་མར་བཞུགས་སུ་གསོལ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཤ་ཁྲག་ཇ་ཆང་བཟའ་བཏུང་རིགས༔ འབྱོར་ཚོགས་འདོད་རྒུའི་ལོངས་སྤྱོད་འདིས༔ གསོལ་ལོ་མཆོད་དོ་ཐུགས་དམ་བསྐང་༔ སྐད་ཅིག་མི་འབྲལ་སྲུང་སྐྱོབ་མཛོད༔ ཆོས་སྲིད་བསྟན་པའི་མངའ་ཐང་སྤེལ༔ དཀོར་ནོར་ལོངས་སྤྱོད་སྤེལ་ཞིང་སྐྱོངས༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བདུད་ཀྱང་རུང་༔ མ་ལུས་ཐལ་བའི་རྡུལ་དུ་རློག༔ མ་འདའ་བཛྲ་ས་མ་ཡ༔ བདུད་འཇོམས་རྡོ་རྗེས་མཛད་པའོ། །དགེའོ།། །། TI1613 - 357 T11613- 358 _UNK ཆོས་ཉིད་ནམ་མཁའི་ཀློང་མཛོད་ལས༔ རྩ་གསུམ་དཔའ་བོ་མཁའ་འགྲོའི་སྤྱི་བསང་བསྡུས་པ་དོན་གཉིས་དཔལ་སྟེར་བཞུགས་སོ༔ ན་མོ་གུ་རུ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ རྩ་གསུམ་དམ་ཅན་རྒྱ མཚོ་ཡི༔ བསང་མཆོད་ལག་ལེན་རིམ་པ་ལ༔ བཟང་ཤིང་ཕྱེ་མར་སྤོས་ཀྱི་ཚོགས༔ བསྲེགས་པའི་དུད་པ་བཏང་ནས་སུ༔ རང་ཉིད་སྒྱུ་མ་མཁན་ལྟ་བུ༔ འཕྲུལ་བྱེད་ལྷ་ཡི་ཏིང་འཛིན་གྱིས༔ སྭ་བྷཱ་ཝ་ཡིས་སྟོང་པར་སྦྱངས༔ བསང་རྫས་རྣམས་མི་དམིགས་པ་སྟོང་པར་གྱུར༔ སྟོང་པའི་ངང་ལས་བསང་རྫས་དང་མཆོད་རྫས་དཔལ་ཡོན་ཕུན་སུམ་ཚོགས་པ་མི་ཟད་པ་རྒྱན་གྱི་འཁོར་ལོས་གང་ལ་གང་མཁོ་བ་དང་༔ ཅི་ལ་ཅི དགྱེས་པའི་འདོད་པའི་ཡོན་ཏན་མ་ཚང་བ་མེད་པ་ནམ་མཁའི་མཐའ་ཀླས་པར་གྱུར༔ ནམ་མཁའ་མཛོད་སྔགས་ལན་བདུན་བརྗོད་ལ༔ ཀྱེེ༔ སངས་རྒྱས་ཆོས་དང་དགེ་འདུན་ཚོགས༔ སྐྱབས་གནས་དཀོན་མཆོག་གསུམ་པོ་བསང་༔ ཚོགས་གཉིས་ཡོངས་སུ་རྫོགས་གྱུར་ཏེ༔ དོན་གཉིས་ལྷུན་གྲུབ་དངོས་གྲུབ་སྩོལ༔ ཆོས་སྐུ་ལོངས་སྐུ་སྤྲུལ་པའི་སྐུ༔ སྐུ་གསུམ་རྒྱལ་བ་རྒྱ མཚོ་བསང་༔ ཚོགས་རྫོགས་སྒྲིབ་པ་ཀུན་དག་ནས༔ དོན་གཉིས་ལྷུན་གྲུབ་དངོས་གྲུབ་སྩོལ༔ དགུ་ལྡན་བརྒྱུད་པའི་བླ་མ་དང་༔ ཁྱད་པར་པདྨ་ཀ་ར་ནས༔ མཚུངས་མེད་དྲིན་ཆེན་བླ TI1613 - 359 མའི་བར༔ རིག་འཛིན་དཔའ་བོ་མཁའ་འགྲོ་བསང་༔ ཚོགས་རྫོགས་མཆོག་ཐུན་དངོས་གྲུབ་སྩོལ༔ ཡི་དམ་རྡོ་རྗེ་གཞོན་ནུ་དང་༔ རྒྱུད་སྡེ་བཞི་དྲུག་ཐེག་པ་དགུར༔ འབྲེལ་བའི་ཡི་དམ་ལྷ་ཚོགས་བསང་༔ ཚོགས་གཉིས་རྫོགས་ཤིང་སྒྲིབ་གཉིས་དག༔ སྐུ་གཉིས་མངོན་གྱུར་དངོས་གྲུབ་སྩོལ༔ འཁོར་འདས་ཤེས་རབ་དབྱིངས་སྦྱོར་བའི༔ མ་ཅིག་ཁྲོས་མ་ནག་མོ་དང་༔༷ མ་སྲིང་མཁའ་འགྲོ་རྒྱ་མཚོ་བསང་༔ བདག་མེད་རྟོགས་པའི་ཤེས་རབ་ཀྱིས༔ ཀ་དག་མངོན་གྱུར་དངོས་གྲུབ་སྩོལ༔ ཡེ་ཤེས་རྩལ་དུ་སྣང་བ་ཡི༔ སྲིད་པ་ཕོ་རྒྱུད་སྲུང་མ་བསང་༔༷ ཚོགས་བསགས་སྒྲིབ་པ་ཀུན་དག་ནས༔ མཁྱེན་གཟིགས་ཡེ་ཤེས་དངོས་གྲུབ་སྩོལ༔ ཡེ་ཤེས་པ་ལ་འཇིག་རྟེན་གྱི༔ ཚུལ་འཛིན་གཉིས་སྐྱོང་སྲུང་མ་བསང་༔ མ་རིག་སྒྲིབ་པ་ཀུན་དག་ནས༔ རང་རིག་མངོན་གྱུར་དངོས་གྲུབ་སྩོལ༔ ཡེ་ཤེས་རྩལ་ལས་འཇིག་རྟེན་ཚུལ༔ ཉོན་མོངས་རང་རྒྱུད་འཁྲུལ་པའི་རྒྱུས༔ མི་སྲུན་དྲེགས་པ་སྡེ་བརྒྱད་ཚོགས༔ མཐུ་དང་རྫུ་འཕྲུལ་ཐོགས་པ་མེད༔ ལེགས་ཉེས་གཉིས་ཀྱི་སྟངས་འཛིན་ཅིང་༔ དམ་ཚིག་གཉན་པོའི་རྗེས་གཅོད་དེ༔ ཉམས་པའི་སྲོག་རྩ་ཧུར་ཐུམ་གཏོང་༔ དམ་ཚིག་གཉན་པོའི་སྲོག་ 029 ཥྟཾ འཛིན་ཅིང་༔ ཟབ་གསང་བསྟན་པའི་བྱ་ར་བ༔ དབང་ཕྱུག་མ་ཧཱ་དཱེ་ཝ་བསང་༔ གནོད་སྦྱིན་ཤན་པ་དམར་ནག་བསང་༔ གཟའ་བདུད་དུག་གི་སྤུ་གྲི བསང་༔༷ ཞིང་སྐྱོང་ཀུན་དགའ་གཞོན་ནུ་བསང་༔ བཙན་རྒོད་རོལ་པ་སྐྱ་བདུན་བསང་༔ སྔགས་སྲུང་དབྱིངས་ཀྱི་རྗེ་མོ་བསང་༔ དམ་ཅན་རྡོ་རྗེ་ལེགས་པ་སོགས༔ ཟབ་གསང་གཉན་པོའི་བསྟན་སྲུང་གི༔ འཁོར་དང་ཡང་འཁོར་བཅས་པ་བསང་༔ ལྷ་ལ་གཏོགས་པའི་ལྷ་སྲུང་བསང་༔ གཉན་ལ་གཏོགས་པའི་གཉན་རིགས་བསང༔ ཀླུ་ལ་གཏོགས་པའི་ཀླུ་རིགས་བསང་༔༷ གཏོལ་ལ་གཏོགས་པའི་གཏོལ་རིགས་བསང་༔ ཁྱད་པར་འབྱུང་བ་ཆེན་པོ་ལྔར༔ རྒྱུ་གནས་ཉོན་ལྔའི་རྐྱེན་འཕྲད་པའི༔ རྟེན་འབྲེལ་སྲིད་པའི་ལྷ་སྲུང་བསང་༔ དགྲ་བླ་ཡུལ་ལྷ་གཞི་བདག་བསང་༔ བསྙེན་ཅིང་བསྒྲུབ་པའི་སྲུང་མ་དང་ཿ མ་སྒྲུབ་རང་འཁོར་སྲུང་མར་བཅས༔ མ་ལུས་ལུས་པ་མེད་པ་ལ༔ བསྐང་ངོ་མཆོད་དོ་བསང་ཞིང་བརྔན༔ ཁྱེད་ཅག བསང་མཆོད་བྱས་པ་དང་༔ གསང་སྔགས་རྟེན་འབྲེལ་ཟབ་མོའི་མཐུས༔ ཀུན་ཀྱང་ཟག་མེད་བདེར་སྤྱོད་དེ༔ མཐུ་དང་ནུས་སྟོབས་རྩལ་རྒྱས་ཤོག༔ དཔལ་མགོན་བདུན་ཅུ་རྩ་ལྔ་དང་༔ TI1613 - 361 ཡུམ་དང་འཁོར་དང་ཡང་འཁོར་བཅས༔ མ་ལུས་ལུས་པ་མེད་པ་བསང་༔ བགེགས་རྒྱལ་བཱི་ན་ཡ་ཀ་དང་༔ དེ་འཁྲུལ་དེ་ཡི་འཁོར་དང་བཅས༔ མ་ལུས་ལུས་པ་མེད་པ་བསང་༔ དུག་ལྔའི་རྒྱུ་རྐྱེན་རྟེན་འབྲེལ་ལས༔ འཁྲུལ་སྣང་ཁམས་གསུམ་སེམས་ཅན་བསང་༔ ཀུན་ཀྱང་མ་རིག་འཁྲུལ་པ་ལས༔ རྨི་ལམ་དབྱིངས་སུ་སད་པ་ལྟར༔ ཀ་དག་ཀུན་ཏུ་བཟང་པོའི་ཀློང་༔ མངོན་གྱུར་ཡང་དག་སངས་རྒྱས་ཤོག༔ བདག་ཅག་རྡོ་རྗེའི་མཆེད་ལྕམ་ཀུན༔ མི་སློབ་འབྲས་བུ་མ་ཐོབ་བར༔ ཁྱོད་རྣམས་དམ་ཚིག་སྲོག་ཐོབ་ནས༔ རབ་འབྱམས་ཕྲིན་ལས་དབང་བསྒྱུར་ཏེ༔ འགལ་རྐྱེན་བཟློག་ཅིང་མཐུན་རྐྱེན་ཀུན༔ འབད་མེད་ལྷུན་གྱིས་གྲུབ་པར་མཛོད༔ དེ་ལྟར་བསང་མཆོད་བྱས་པ་ཡིས༔ སྒྲུབ་པའི་འགལ་རྐྱེན་ཀུན་བཟློག་ཅིང་༔ མཐུན་རྐྱེན་བདེ་ལེགས་འབད་མེད་འགྲུབ༔ ཕྲིན་ལས་ཡོངས་གྲུབ་དཔལ་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་རང་སློབ་དམ་པ་ངག་དབང་ཕྲིན་ལས་ཀྱིས་ནན་དུ་བསྐུལ་ངོར་ཀློང་ཡངས་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ཀྱི་བརྡ་རིས་ལས་བསྒྱུར་བས་ཕྲིན་ལས་རབ་འབྱམས་ཐོགས་མེད་དུ་འགྲུབ་པའི་རྒྱུར་གྱུར་ཅིག །དགེའོ།། །། ཨྠི༔ ཆོས་ཉིད་ནམ་མཁའི་ཀློང་མཛོད་ལས༔ སེང་ཆེན་ནོར་བུ་དགྲ་འདུལ་གྱི་བསང་མཆོད་འདོད་རྒུའི་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །ཤམགགཐཐཿ དགྲ་འདྲེས་རྒོལ་བ་ཀུན་གཞོམ་ཞིང་༔ བར་ཆད་གཡུལ་ལས་རྒྱལ་བ་དང་༔ བསོད་ནམས་མངའ་ཐང་རྒྱས་པའི་ཕྱིར༔ དགྲ་བླ་ཝེར་མ་བསང་མཆོད་པའི༔ ལས་ལ་བརྩོན་པའི་རིམ་པ་ལ༔ བཟང་ཤིང་སྣ་ཚོགས་ཟས་སྣ་ཚོགས༔ བསྲེག་ཅིང་སྦྱངས སྔགས་ཀྱིས་སྦྱངས་ཏེ༔ ནམ་མཁའ་མཛོད་ཀྱི་སྔགས་རྒྱ་ཡིས༔ འདོད་རྒུ་མི་ཟད་གཏེར་དུ་སྤེལ༔ ལྷ་ཀིའི་ཀིའི་ཀི་ལ་བསྭོ་བསྭོ་བསྭོ༔ དགྲ་བླ་ཝེར་མ་དབྱིངས་ནས་བཞེངས༔ སྟེང་ལྷ་ཁམས་གསུམ་ནས་ད་བཞེངས་གསོལ༔ བར་གཉན་གྱི་ཁམས་ནས་སྐུར་བཞེངས་ཤིག༔ འོག་ཀླུ་ཡི་ཁམས་ནས་སྐུར་བཞེངས་ཤིག༔ སྐུ་འཛམ་གླིང་སེང་ཆེན་རྒྱལ་པོ་དང་༔ འཁོར་དཔའ་ཐིལ་སུམ་ཅུ་དགྲ་བླར་བཅས༔ གནས་མི་མངོན་ནམ་མཁའི་དབྱིངས་རིམ་ནས༔ སྐུར་བཞེངས་ཤིག་མཆོད་པའི་གནས་འདིར་བྱོན༔ ལྷ་བསང་ངོ་གསོལ་ལོ་མཆོད་ཅིང་བསྟོད༔ ཀྱེེ༔ འཛམ་གླིང་གེ སར་རྒྱལ་པོ་ནི༔ སེང་ཆེན་ནོར་བུ་དགྲ་འདུལ་རྩལ༔ འགྲོ་བ་ཡོངས་ཀྱི་སྐྱབས་མགོན་མཆོག༔ གཏན་གྱི་མཆོག་གྱུར་སྐྱབས་མགོན་བསང་༔ ཡབ་མཆོག་སངས་རྒྱས་དོན་འགྲུབ བསང་༔ ཡུམ་མཆོག་སྤངས་ཞལ་མཛེས་ལྡན་བསང་༔ ཨ་ནེ་གོང་སྨན་རྒྱལ་མོ་བསང་༔ ནུ་བོ་ཀླུ་ཕྲུག་འོད་དཀར་གསང་༔ སྲིང་ཆུང་ཐ་ལེ་འོད་དཀར་བསང་༔ ཆིབས་པ་རྐྱང་རྒོད འཕེལ་བ་བསང་༔ གསེར་ཁྲབ་རྒྱལ་བའི་དོན་གྲུབ་བསང་༔ གསེར་སྒྲ་ཉི་མ་རང་ཤར་བསང་༔ བལ་སྟན་ཁྲ་བོ་གྲུ་བཞི་བསང་༔ ཁྲབ་དཀར་ཟླ་བའི་འོད་ལྡན་བསང་༔ རྨོག་དཀར་ནོར་བུའི་གཙུག་རྒྱན་བསང་༔ ལྕགས་ཚན་བསམ་པའི་དོན་གྲུབ་བསང་༔ གཡས་སུ་སྟག་རལ་ནང་ཤེད་ན༔ མདའ་དམར་སུམ་ཅུ་སོ་ལྔ་བསང་༔ གཡོན་དུ་གཟིག་ཤུབ་ནང་ཤེད་ན༔ གཞུ་མོ་ཁམས་གསུམ་དགྲ་འདུལ་བསང་༔ ཤེལ་གྱི་གྲི་ཆུང་ཡུ་དཀར་བསང་༔ རལ་གྲི་བཏབ་པ་ལེབ་ཆེན་བསང་༔ སྤྱི་དཔོན་ཨ་མྱེ་ཁྲ་རྒནཿ ལྷ་ཆེན་ཚངས་པ་དཀར་པོ་སོགས༔ སྟེང་ནས་འཁོར་བའི་ལྷ་དམག་བསང་༔ གཉན་ཆེན་ཨ་བོ་གེར་མཛོད་སོགས༔ བར་ནས་འཁོར་བའི་གཉན་དམག་བསང་༔ ཀླུ་རྒྱལ་མི་མགོན་དཀར་པོ་སོགས༔ འོག་ནས་འཁོར་བའི་ཀླུ་དམག་བསང་༔ དགྲ་བླ་ཝེར་མ་བཅུ་གསུམ༴ མགྲོན་ཡག་དར་མ་བཅུ་གསུམ༴ ཕུ་བོ་འབུམ་པ་ཞལ་དཀརཿ ནུ་བོ་སྣང་ཆུང་གཡུ་སྟགཿ ཚ་ཞང་འདན་མ་བྱང་ཁྲ་བཀའ་སྡོད་ ཥྤྃ དཔའ་ཐིལ་སུམ་ཅུཿ སྡོང་ཟླ་ཡུལ་ལྷ་གཞི་བདགཿ སྒྲོལ་གིང་གཟའ་བདུད་ནག་པོཿ ལས་བྱེད་དྲེགས་པ་སྡེ་བརྒྱད༴ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་རྨུག་པ་སངས་གྱུར་ཅིག༔ ཡེ་ཤེས་ཡོན་ཏན་དཔལ་རྒྱས་ཤོག༔ ཕྲིན་ལས་མཐུ་སྟོབས་ཐོགས་མེད་པའི༔ དགྲ་བགེགས་ཀུན་སྒྲོལ མཐུ་ཐོབ་ཤོག༔ ཀྱེེ༔ འགྲོ་བའི་དཔལ་མགོན་དམ་པ་མཆོག༔ སེང་ཆེན་ནོར་བུ་དགྲ་འདུལ་རྩལ༔ སྡོང་ཟླ་ལྷ་ཀླུ་སྡེ་བརྒྱད་དང་༔ དགྲ་བླ་