Tibetan
བ་སྤུན་བདུན་པོ༔ བཙན་རྒོད་འཁོར་བཅས་ཐུགས་དམ་བསྐང་༔ ལྷ་བཙན་དཀར་པོ་ཡིད་བཞིན་དཔལ༔ འཁོར་དང་བཅས་པའི་ཐུགས་དམ་བསྐང་༔ རེ་མནྟ་དང་ཀུ་བེ་ར༔ རྟ་ལྷ་འཁོར་བཅས་ཐུགས་དམ་བསྐང་༔ ཕྱུགས་ལྷ་ཚངས་པ་ལ་སོགས་པའི༔ དངོས་གྲུབ་བདག་པོ་འཁོར་བཅས་བསྐང་༔ ཕྱི་ནང་གསང་བ་མཆོག་སྤྲུལ་པ༔ སྣང་སྲིད་སྡེ་བརྒྱད་ཐུགས་དམ་བསྐང་༔ ལྷ་མགོན་དགྲ་བླ་བཅུ་གསུམ་དང་༔ དེ་འཁོར་ཡང་འཁོར་ཐུགས་དམ་བསྐང་༔ གངས་དཀར་ཏི་སེ་ལ་སོགས་པའི༔ མངའ་རི་སྐོར་གསུམ་གཞི་བདག་བསྐང་༔ ཐང་ལྷ་ཡར་བཞུད་ལ་སོགས་པའི༔ དབུས་གཙང་རུ་བཞིའི་གཞི་བདག་བསྐང་༔ རྨ་རྒྱལ་སྤོམ་ར་ལ་སོགས་པའི༔ མདོ་ཁམས་སྒང་དྲུག་གཞི་བདག་བསྐང་༔ བཀའ་སྲུང་དྲེགས་པ་ཁྱེད་རྣམས་ཀྱི༔ ཐུགས་དང་འགལ་གྱུར་ཉམས་ཆག་བཤགས༔ མཆོག་དང་ཐུན་མོང་དངོས་གྲུབ་སྩོལ༔ ལུས་དང་གྲིབ་མ་བཞིན་འགྲོགས་མཛོད༔ ཕྱི་ནང་གསང་བའི་བར་ཆད་བཟློག༔ ཕོག་ཐུག་འགྲམ་འཁྲུགས་ཞི་བ་དང་༔ བསྟན་དང་འགྲོ་བའི་ཕན་བདེ་སྤེལ༔ TI1613 - 384 _UNK༔ གཟུགས་ཅན་དགྲ་དང་གཟུགས་མེད་བགེགས༔ མ་ལུས་མ་འགྱང་མྱུར་དུ་སོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ བཀའ་བསྒོ་ཡིན་ནོ་བཀའ་མ་ས བཅག༔ དམ་ཚིག་ཡིན་ནོ་དམ་མ་ཉམས༔ མ་གཡེལ་མ་འགྱངས་ས་མ་ཡ༔ དེ་ལྟར་ཡིད་ལ་དྲན་བྱས་ནས༔ བསྐང་གསོལ་འདི་ལ་འབད་པ་ན༔ བསམ་པའི་དོན་ཀུན་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པདྨ་ལས་རབ་རྩལ་དང་། པདྨ་འོད་འཕྲོ། བདེ་ལེགས། དཔལ་འཛིན། བསྟན་འཛིན་བཅས་པས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། 381 ས 381 TI1613 - 385 T11613 - 386 ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་སྤྱི་ཡི་བསྐང་བསྡུས་བཞུགས་སོ༔ ན་མོ་གུ་རུ་ཝེ༔ འབྱོར་ཚོགས་འདོད་ཡོན་ཅི་རིགས་བཤམས༔ སྔགས་དང་ཏིང་ངེ་འཛིན་གྱིས་སྤེལ༔ ཨོཾ་ཨཱཿ ཧཱུྃ༔ གཟུང་དང་འཛིན་པས་བསྡུས་པ་ཡི༔ འདོད་རྒུའི་དཔལ་ཡོན་ནམ་མཁའ་མཛོད༔ ཕྱི་ནང་གསང་མཆོད་ཟད་མི་ཤེས༔ རང་བྱུང་མཆོད་པའི་མཆོག་ཆེན་པོས༔ མ་མགོན་ལྕམ་དྲལ་ཐུགས་དམ་བསྐང་༔ དཔལ་མགོན་ཕྱག་བཞིའི་ཐུགས་དམ་བསྐང་༔ ཞིང་སྐྱོང་སེང་གདོང་ཐུགས་དམ་བསྐང་༔ དབང་ཕྱུག་ཆེན་པོའི༴ གནོད་སྦྱིན་དམར་ནགཿ སྲིད་པའི མ་མོའི༔ གཟའ་བདུད་ནག་པོའི༴ གནོད་སྦྱིན་ཙིའུ་དམར དགྲ་བླ་བཅུ་གསུམ་ཐུགས་དམ་བསྐང་༔ འགོ་བའི་ལྷ་དང་སྐྱོབ་པའི་ལྷ༔ ཡབ་ཡུམ་འཁོར་བཅས་ཐུགས་དམ་བསྐང་༔ ཉེས་འགལ་ཉམས་ཆག་ཐམས་ཅད་བཤགས༔ མཆོག་དང་ཐུན་མོང་དངོས་གྲུབ་སྩོལ༔ འཁོར་སྲུང་རྐྱེན་བཟློག་བར་ཆད་སོལ༔ མ་གཡེལ་མ་འགྱངས་མྱུར་མགྱོགས་ཀྱིས༔ སྟོབས་དང་ཤུགས་ཕྱུང་དགྲ་བགེགས་སྒྲོལ༔ དམ་ལ་མ་འདའ་ས་མ་ཡ༔༷ བདུད་འཇོམས་པས་སོ། །དགེའོ། །དགེའོ། །དགེའོ།། 383384 T11613 - 387 T11613 - 388 ཥྟཾ ཆོས་ཉིད་ནམ་མཁའི་ཀློང་མཛོད་ལས༔ སྡེ་བརྒྱད་འཁྲུགས་བསྐང་དགེ་ལེགས་ཀུན་འབྱུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྡེ་བརྒྱད་འཁྲུགས་པ་བསྐང་བའི་ཕྱིར༔ འབྲུ་སྣ་ཟས་སྣ་ཤ་དུམ་དང་༔ གཟུགས་འགྲོས་རྣམ་པ་སྣ་ཚོགས་པ༔ མཆོད་པའི་རྫས་སུ་བཤམས་བྱས་ཏེ༔ སྡེ་བརྒྱད་བཤོས་བུ་སྤྱི་ལྟར་བཀོད༔ རང་ཉིད་ཡི་དམ་ལྷར་གསལ་ཏེ༔ ཧཱུྃ་ཛཿ སྐུ་གསུམ་རྒྱལ་བ་རྒྱ་མཚོའི་ཚོགས༔ ཕྱི་ནང་གསང་བའི་དཀོན་མཆོག་གསུམ༔ མ་ལུས་ལུས་པ་མེད་པ་རུ༔ མཆོད་པའི་གནས་འདིར་གཤེགས་སུ་གསོལ༔ ཡེ་ཤེས་འཇིག་རྟེན་དྲེགས་པའི་ཚོགས༔ ཕྱི་ནང་གསང་བ་མཆོག་དང་ནི༔ སྤྲུལ་པ་སྣང་སྲིད་སྡེ་བརྒྱད་ཚོགས༔ མ་ལུས་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཞེས་ལན་གསུམ་བརྗོད༔ སྭ་བྷཱ་ཝ་ཡིས་སྟོང་པར་སྦྱངས༔ ནམ་མཁའ་མཛོད་སྔགས་ལན་བདུན་དང་༔ རྟེན་འབྲེལ་སྙིང་པོ་དེ་བཞིན་བརྗོད༔ མཆོད་སྤྲིན་ནམ་མཁའ་དང་མཉམ་སྤེལ༔ ཨོཾ་ཨཱཿ ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་རྒུའི་དཔལ་ཡོན་ནམ་མཁའ་མཛོད༔ མི་ཟད་རྒྱན་གྱི་འཁོར་ལོ་འདིས༔ མཆོག་གསུམ་སྐུ་གསུམ་རྩ་གསུམ་དང་༔ བཀའ་སྲུང་ཡོངས་ཀྱི་ཐུགས་དམ་བསྐང་༔ ལྷ་དང་ལྷ་མིན་དབང་པོ་དང་༔ ཀླུ་དང་མི་འམ་ཅི་ཡི་དབང་༔ T11613 - 389 གནོད་སྦྱིན་མཁའ་ལྡིང་མགོན་པོའི་ཚོགས༔ མ་ལུས་འཁོར་བཅས་ཐུགས་དམ་བསྐང་༔ ཐུགས་དང་འགལ་གྱུར་ཅི་མཆིས་བཤགས༔ དྲི་ཟ་གཤིན་རྗེ་ཆུ་བདག་དང་༔ གནོད་སྦྱིན་མེ་ལྷ་སྲིན་པོ་དང་༔ རླུང་ལྷ་དབང་དང་ལྡན་པའི་ལྷ༔ མ་ལུས་འཁོར་བཅས་ཐུགས་དམ་བསྐང་༔ འགལ་གྱུར་ཉེས་ཚོགས་ཅི་མཆིས་བཤགས༔ ནང་དང་གསང་བ་མཆོག་དང་ནི༔ སྤྲུལ་པ་སྣང་སྲིད་སྡེ་བརྒྱད་ཚོགས༔ མ་ལུས་འཁོར་དང་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐང་༔ གཞན་ཡང་སྣང་ཞིང་སྲིད་པ་ལ༔ དབང་བསྒྱུར་ལེགས་ཉེས་སྟངས་འཛིན་ཅིང་༔ དམ་ཚིག་གཉན་པོའི་རྗེས་གཅོད་པའི༔ ཀོ་ལོང་རུ་ང་ཕྲག་དོག་ཅན༔ མི་སྲུན་སྟོབས་ལྡན་དྲེགས་པའི་ཚོགས༔ མ་ལུས་འཁོར་དང་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐང་༔ ཁྱེད་ཅག་མངོན་ཤེས་སྤྱན་དང་ལྡན༔ ཀུན་ཀྱང་བདག་ལ་དགོངས་སུ་གསོལ༔ ཀུན་བཟང་རྡོར་འཆང་རྡོ་རྗེ་ཅན༔ རྗེ་བཙུན་པདྨ་ཐོད་ཕྲེང་དང་༔ བརྒྱུད་གསུམ་རིག་འཛིན་བླ་མ་ཡི༔ བཀའ་དམ་གཉན་པོ་དཔང་བཙུགས་ཏེ༔ ཉེས་འགལ་མཁོན་འཁྲུགས་མ་ལུས་པ༔ དེ་རིང་བཤགས་སོ་བཟོད་པར་བཞེས༔ བདག་ནི་མ་རིག་དབང་གྱུར་ཏེ༔ TI1613 - 390 ཛ སྒོ་གསུམ་བག་མེད་ཅི་མཆིས་པ༔ དེ་རིང་བཤགས་སོ་གནོང་ཞིང་འགྱོད༔ འབྱོར་ཚོགས་མཆོད་པའི་ཡོ་བྱད་ལ༔ ཏིང་འཛིན་སྔགས་རྒྱས་བྱིན་རླབས་ཏེ༔ དྲེགས་པ་ཁྱེད་ལ་འབུལ་ལགས་ཀྱིས༔ བཞེས་ནས་མཁོན་འཁྲུགས་ཀུན་སྦྱངས་ཏེ༔ མཉེས་ཚིམས་བརྩེ་དགོངས་བྱམས་སེམས་ཀྱིས༔ བདག་སྐྱོང་རབ་འབྱམས་ཕྲིན་ལས་སྒྲུབས༔ ཕྱིན་ཆད་འཁྲུག་པར་མ་གྱུར་ཅིག༔ མི་སྲུན་སྐྱེ་བོའི་ལོག་སྤྱོད་ཀྱིས༔ དྲེགས་པའི་ཐུགས་དང་འགལ་བའི་རྐྱེན༔ མི་ཕྱུགས་ནད་རིམས་གོད་ཡམས་དང་༔ དུས་འཁྲུགས་ནད་མཚོན་མུ་གེའི་ཚོགས༔ ཐམས་ཅད་བཟློག་བསྒྱུར་ཕྲིན་ལས་མཛོད༔ རྫོགས་ལྡན་དུས་ཀྱི་བསྐལ་པ་ཡི༔ བདག་ཅག་ལྷ་མི་འཁོར་དང་བཅས༔ ཟག་མེད་བདེ་ལ་སྤྱོད་གྱུར་ཅིག༔ དམ་ཚིག གཉན་ལ་མ་འདའ་བར༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ལྟར་གྲངས་ལྡན་བསྐྱར་གྱུར་ན༔ སྲུང་མ་མཉེས་ཤིང་མཁོན་པ་འདུམ༔ མཐུན་རྐྱེན་འདོད་དོན་འབད་མེད་འགྲུབ༔ ས་མ་ཡ༔ ཞེས་པ་འདི་སློབ བུ་ཆོས་འབྱོར་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་འཇམ་དཔལ་རྡོ་རྗེས་སོ། །དགེའོ། །དགེའོ། །དགེའོ །སརྦ་མངྒ་ལཾ།། ། 98 388 T11613 - 391 TI1613 - 392 ཨོཾཿ ཧོཿ བཀའ་སྲུང་དྲེགས་པའི་སྡེ་ཚོགས་དགོངས༔ དམ་ཚིག་གཉན་པོ་དཔང་བཙུགས་ཏེ༔ ཁྱོད་ལ་ཕྲིན་ལས་བཅོལ་བ་ནི༔ སྣང་སྲིད་སྐྱེ་འགྲོའི་བློ་ཡིད སེམས༔ ཁབ་ལེན་རྡོ་དང་ལྕགས་འཕྲད་བཞིན༔ རང་དབང་མེད་པར་དབང་དུ་བསྡུས༔ ཟས་ནོར་ལོངས་སྤྱོད་འདོད་རྒུའི་དཔལ༔ རྒྱུན་མི་འཆད་པར་བདག་ལ་སྩོལ༔ བཅོལ་བའི་ཕྲིན་ལས་གྲུབ་པར་མཛོད༔ བཛྲ་ས་མ་ཡ༔ སརྦ་ངྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་སརྦ་ས་མ་ཡ་མི་སྙིང་བསྒུལ་བསྒུལ་མི་བློ་བསྒྱུར་བསྒྱུར་སརྦ་རཏྣ་བ་སུ་ཁ་དྷེ་སིདྡྷི་ཕ་ལ་ཧོཿ རིགས་སྲས་དྲི་མེད་འོད་ཟེར་གྱིས་བསྐུལ་ངོར་བདུད་འཇོམས་རྡོ་རྗེས་དག་སྣང་ལས་ཕབ་པ་དགེའོ། །ཨོཾ༔ བཀའ་སྲུང་གཉན་པོ་ཁྱེད་རྣམས་ཀྱིས༔ བདག་གི་རྟ་ཕྱུགས་ནོར་ལུག་སྐྱོངས༔ མི་ནད་ནོར་གྱི་གོད་ཁ་བཟློག༔ རྟ་ཡི་གཡང་ལྷ་དགྲ་བླ་མཛོད༔ གྲངས་སྤེལ་སྟོབས་ཤུགས་ནུས་རྩལ་བསྐྱེད༔ གནོད་བྱེད་དགྲ་བགེགས་སྒྲོལ་ཞིང་བཟློག༔ དམ་ལ་མ་འདའ་ས་མ་ཡ༔ ཞེས་བདུད་འཇོམས་རྡོ་རྗེས་སྦྱར་བ་དགེ T11613 - 393 T1613 - 394 སྱཾ༔ བཀའ་སྲུང་གི་ཚོགས་བསྐང་བསྡུས་པ་ནི༔ ཨོཾ་ཨཱཿ ཧཱུྃ༔ སྣོད་བཅུད་འདོད་ཡོན་རང་བྱུང་ཕྱི་ཡི་ཚོགས༔ འབྱོར་ཚོགས་ལོངས་སྤྱོད་བཤམས་པ་ནང་གི་ཚོགས༔ བདེ་སྟོང་དགའ་བཞིའི་རོལ་པ་གསང་བའི་ཚོགས༔ ལྷུན་གྲུབ་རྫོགས་པ་ཆེན་པོའི་དགའ་སྟོན་འགྱེད༔ ས་མ་ཡ་ཛ་བསྟན་པའི་སྲོག་འཛིན་པ༔ སྔགས་སྲུང་ཨེ་ཀ་ཙ་ཏིའི་ཐུགས་དམ་བསྐང་༔ དཔལ་ལྡན་རང་བྱུང་རྒྱལ་མོའི་ཐུགས་དམ་བསྐང་༔ སྲིད་པ་མ་མོའི་དཀྱིལ་འཁོར་ཐུགས་དམ་བསྐང་༔ དཔལ་མགོན་ཕྱག་བཞི་འཁོར་བཅས་ཐུགས་དམ་བསྐང་༔ ཞིང་སྐྱོང་སེང་གདོང་འཁོར་བཅས་ཐུགས་དམ་བསྐང་༔ གནོད་སྦྱིན་ཤན་དམར་འཁོར་བཅས་ཐུགས་དམ་བསྐང་༔ དྲེགས་པ་ལྷ་སྲིན་སྡེ་བརྒྱད་ཐུགས་དམ་བསྐང་༔ སོ་ཐར་བྱང་སེམས་གསང་སྔགས་སྲུང་མ་ལ༔ སྡོམ་དང་བསླབ་པ་དམ་ཚིག་ཅི་བཞིན་ལས༔ ཉམས་ཆག་འགལ་འཁྲུལ་ཉེས་ལྟུང་དྲི་མའི་ཚོགས༔ མི་འཆབ་མི་སྦེད་གནོང་འགྱོད་སེམས་ཀྱིས་བཤགས༔ དག་ཅིང་ཚངས་པ་མཆོག་གི་དངོས་གྲུབ་སྩོལ༔ རྣམ་བཞིའི་ཕྲིན་ལས་ཐོགས་མེད་མྱུར་འགྲུབ་མཛོད༔ རྡོ་རྗེ་དམ་ཚིག་ཆེན་པོའི་དཔང་དགོངས་མཛོད༔ བཛྲ་ས་མ་ཡ་ཨ༔ ཚོགས་བསྡུས་T1613 - 395 T1613 - 396 བྡཾ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་དྲེགས་པའི་ནུས་བསྐྱེད་བསྐང་གསོལ་དང་བཅས་པ་ཕྲིན་ལས་ལྷུན་གྲུབ་བཞུགས་སོ༔ ནཱྃ ན་མོ་གུ་རུ་པདྨ་ཀ་ར་ཡེ༔ དྲེགས་པ་ལས་ལ་གཅུན་པའི་ཕྱིར༔ མཆོད་རྫས་འབྱོར་ཚོགས་མང་དུ་བཤམས༔ བདག་ཉིད་ཡི་དམ་ལྷར་གསལ་བའི༔ སྤྱི་བོར་པདྨ་ཐོད་ཕྲེང་བསྒོམ༔ དངོས་སུ་འབྱོར་པའི་མཆོད་རྫས་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ དེ་ནས་མཆོད་པའི་རྫས་རྣམས་བྱིན་གྱིས་བརླབ་པ་ནི༔ ཨོཾ་སྭ་བྷཱ་ཝ་ཤུདྡྷ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་ཨཱཿ ལས་ཡེ་ཤེས་ཀྱི་ཀ་པཱ་ལ་རྒྱ་ཁྱོན་ཆོས་ཀྱི་དབྱིངས་དང་མཉམ་པའི་ནང་དུ་གཏོར་མ་ཤ་ལྔ་བདུད་རྩི་ལྔའི་རང་བཞིན་ཨོཾཿ ཧཱུྃཿཏྲཱཾཿ ཧྲཱིཿཨཱཿ ཞུ་བས་བདེ་སྟོང་ཟག་པ་མེད་པའི་བདུད་རྩི་ལ་རྣམ་པ་ཕྱི་ནང་གསང་བའི་མཆོད་སྤྲིན་མ་ཚང་བ་མེད་པ་ནམ་མཁའི་མཐའ་དང་མཉམ་པར་གྱུར༔ ནམ་མཁའ་མཛོད་སྔགས་ལན་བདུན་བརྗོད་པའི་མཐར༔ དེ་ནས་ལས་ལ་གཅུན་པ་ནི༔ མཆོག་གསུམ་སྐུ་གསུམ་རྩ་གསུམ་བདེན་པ་དང་༔ ཆོས་ཉིད་རྣམ་དག་རྒྱུ་འབྲས་བསླུ་མེད་མཐུས༔ བདེ་གཤེགས་ཞི་ཁྲོ་རབ་འབྱམས་སྲས་བཅས་དང་༔ ཡེ་ཤེས་འཇིག་རྟེན་བཀའ་སྲུང་ཆོས་སྐྱོང་གི༔ གཟི་བྱིན་དབང་དང་མཐུ་སྟོབས་ནུས་རྩལ་དང་༔ དྲག་ཤུལ་གང་དག་ཇི་སྙེད་མཆིས་པ་ཀུན༔ བདག་གི་སྲུང་མའི་ཚོགས་ལ་འདུས་གྱུར་ཏེ༔ ཁམས་གསུམ་སྲིད་པའི་ཁམས་ལ་དབང་བསྒྱུར་བའི༔ མཐུ་སྟོབས་ནུས་པ་ཕུན་སུམ་ཚོགས་པ་ཡི༔ དགྲ་བགེགས་མ་ལུས་རྡུལ་དུ་བརླག གྱུར་ཅིག༔ ལན་གསུམ༔ ཀྱེེ༔ དད་པ་དང་ནི་དམ་ཚིག་གཉན་པོ་ཡིས༔ འབོད་དོ་སྲུང་མ་གཉན་པོ་འཁོར་དང་བཅས༔ མ་ཐོགས་མྱུར་དུ་གནས་འདིར་གཤེགས་སུ་གསོལ༔ དབང་ཕྱུག་མ་ཧཱ་དྗེ་ཝཿ མགོན་པོ་ལེགས་ལྡན་ནག་པོཿ བཙུན་མོ་ཨུ་མ་དེ་ཝིཿ སྲིད་པ་དུས་བཞིའི་རྒྱལ་མོ༔ དྲེགས་པའི་འཁོར་ཚོགས་དང་བཅསཿ དྲང་སྲོང་གཟའ་བདུད་ནག་པོཿ སྤྲུལ་པ་ལས་ཀྱི་གཟའ་བརྒྱད༴ སྡོང་ཟླ་གདོང་མོ་མཆེད་བཞིཿ སྦྱོར་ཡུམ་རྒྱུ་སྐར་ཉེར་བརྒྱད་བཀའ་འཁོར་ལྷ་སྲིན་སྡེ་བརྒྱད༴ ཆོས་རྒྱལ་སྐུ་ལྔ་འཁོར་བཅས༴ གནོད་སྦྱིན་ཙིའུ་དམར་པོ༔ བཙན་རྒོད་རོལ་པ་སྐྱ་བདུན༴ ཨ་ཕྱི་ཆོས་ཀྱི་སྒྲོན་མ༴ སྤྲུལ་པ་སྨན་བཙུན་སྡེ་བཞིཿ འཁོར་དང་ཉེ་འཁོར་གཡོག་དང་ཡང་གཡོག་བཅས༔ མ་ཐོགས་མྱུར་དུ་གནས་འདིར་གཤེགས་སུ་གསོལ༔ སྒྲུབ་པའི་རྟེན་འདིར་རྟེན་ཆོས་རྟག་བཞུགས་གསོལ༔ ཨོ་མ་ཧཱ་དཱེ་ཝ༔ མ་ཧཱ་ཀཱ་ལ༔ རཀྴ་རཱ་ཧུ་ལ༔ རཱ་ཙ་ཀིང་ཀ་ར་ཙ༔ ཏྲིཿ ཤུ་ལ་ངྷརྨ་ཏ་ར་སརྦ་ས་མ་ཡ་ཛ་ བྷ ཛཿ ཛཿ ཧཱུྃ་བཾ་ཧོཿ ཏིཥྛ་བཛྲ༔ ཨོཾ་ཨཱཿ ཧཱུྃ༔ དངོས་སུ་འབྱོར་པའི་མཆོད་རྫས་ལ༔ ཡིད་སྤྲུལ་འདོད་རྒུའི་ལོངས་སྤྱོད་ཚོགས༔ དཔག་ཡས་ནམ་མཁའི་མཛོད་དུ་སྤེལ༔ ཁྱད་པར་མཆོད་རྫས་མཐུན་རྫས་མཆོག༔ བཙོས་ཤ་རྗེན་ཤ་ཁུ་བ་རྐང་༔ ཟླ་རྒྱས་ཟླ་ཕྲུམ་དཀར་མཆོད་རིགས༔ ཤིང་ཏོག་འབྲུ་སྣ་ཟས་ཀྱི་རིགས༔ ཇ་ཆང་འོ་སྐྱེམས་ཁྲག་གི་སྐྱེམས༔ ཀ་ཆ་དཀོར་ཆ་གོ་མཚོན་རིགས༔ སྟག་གཟིག་གཅན་གཟན་དར་རས་སོགས༔ མདོར་ན་རང་རང་མཐུན་པའི་རྫས༔ ཕྱི་ནང་གསང་མཆོད་སྣ་ཚོགས་ཀྱིས༔ མ་ཧཱ་དཱེ་ཝ་འཁོར་བཅས་ལ༔ གསོལ་ལོ་མཆོད་དོ་ཐུགས་དམ་བསྐང་༔ དྲག་ཁྲོས་ལེགས་ལྡན་ནག་པོ་ལ༔ གསོལ་ལོ་མཆོད་དོ་ཐུགས་དམ་བསྐང་༔ གཟའ་བདུད་ནག་པོ་འཁོར་བཅས་ལ༔ གསོལ་ལོ་མཆོད་དོ༔ ཆོས་རྒྱལ་སྐུ་ལྔ་འཁོར་བཅས་ལ༔ གསོལ་ལོ་མཆོད་དོཿ བཙན་རྒོད་རོལ་པ་སྐྱ་བདུན་ལ༔ གསོལ་ལོ་མཆོད་དོ༔ ཨ་ཕྱི་ཆོས་ཀྱི་སྒྲོན་མ་ལ༔ གསོལ་ལོ་མཆོད་དོ༴ དེའི་འཁོར་ཡང་འཁོར་གཡོག་དང་བཅས༔ མ་ལུས་ལུས་པ་མེད་པ་ལ༔ གསོལ་ལོ་མཆོད་དོ༔ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་T1613 - 399 ཅིག༔ ཐུགས་ཀྱི་དགྱེས་པ་སྐོང་གྱུར་ཅིག༔ ཡོན་ཏན་ཕུན་སུམ་ཚོགས་པ་དང་༔ ཕྲིན་ལས་སྟོབས་ཤུགས་མྱུར་མགྱོགས་རྩལ༔ འཕེལ་ཞིང་རབ་ཏུ་རྒྱས་པར་ཤོག༔ ཕྲིན་ལས་གཉན པོ་བཅོལ་བ་ནི༔ བདག་ཅག་དཔོན་སློབ་ཉེ་བའི་འཁོར༔ དགོན་སྡེ་གྲྭ་ཚན་འཁོར་བཅས་ཀྱིས༔ མི་མཐུན་ཕྱོགས་ཀུན་ཞི་བ་དང་༔ ཆོས་སྲིད་མངའ་ཐང་རྒྱས་པར་མཛོད༔ སྣང་སྲིད་སྐྱེ་འགྲོ་ཕོ་མོ་དང་༔ འདོད་རྒུའི་དཔལ་ཡོན་དབང་དུ་བསྡུས༔ བསྟན་དང་བསྟན་འཛིན་ལ་གནོད་པའི༔ དགྲ་བགེགས་མ་ལུས་རྡུལ་དུ་རློགས༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུག་སྟེ༔ ཁྱེད་ཅག་རྣམས་ལ་བཅོལ་བའི་ལས༔ ཐོགས་པ་མེད་པར་མྱུར་འགྲུབ་མཛོད༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ རབ་འབྱམས་ཕྲིན་ལས་ཡོངས་འགྲུབ་མཛོད༔ མ་གཡེལ་མ་འགྱངས་ས་མ་ཡ༔ སརྦ་དྷརྨ་པཱ་ལ༔ སརྦ་ཀྵེ་ཊ་པཱ་ལ༔ སརྦ་ལོ་ཀ་པཱ་ལ༔ སརྦ་ས་མ་ཡ་ཨེ་དཾ་བ་ལི་ཏ་ཁ་ཁ་ཁཱ་ཧི་ཁཱ་ཧི༔ དངོས་སུ་འབྱོར་པའི་མཆོད་པ་ལ༔ ཡིད་ཀྱིས་དཔག་མེད་སྤྲུལ་ནས་སུ༔ བསྐང་གསོལ་འདི་ལ་འབད་གྱུར་ན༔ རབ་འབྱམས་ཕྲིན་ལས་ཐོགས་མེད་འགྲུབ༔ བཀྲ་ཤིས་དགེ་ལེགས་དཔལ་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ _UNK ཞེས་པ་འདིའང་སྒྲུབ་རྒྱུད་མཆོག་སྤྲུལ་རིན་པོ་ཆེས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ངག་དབང་ཕྲིན་ལས་ཀྱིས་བགྱིས་པ་ཐོག་མཐའ་བར་གསུམ་ཀུན་ཏུ་དགེ་བར་དུ གྱུར་ཅིག །སརྦ་མངྒ་ལཾ།། སྲ བསྐང་397གསུམ་མོ།གསོལ་TI1613 - 401 T1613 - 402 ཐོ།༔ བཀའ་སྲུང་དྲེགས་པའི་གསོལ་མཆོད་བདེ་ལེགས་ཀུན་འབྱུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཟས་ཀྱི་བྱེ་བྲག་ཅི་རིགས་པ༔ བཤམ་ཞིང་ནམ་མཁའ་མཛོད་སྔགས་བརྗོད༔ འདོད་ཡོན་ནམ་མཁའ་མཉམ་པར་སྤེལ༔ ཀྱེེ༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ ཞིང་བློན་སྡེ་དགུ་ལ་སོགས་པའི༔ སྨན་སྐྱོང་སྲུང་མ་འཁོར་དང་བཅས༔ མ་ཐོགས་མྱུར་དུ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ཏེ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཞི་རྒྱས་དབང་དྲག་མངོན་སྤྱོད་ཀྱི༔ ཕྲིན་ལས་རབ་འབྱམས་ཡོངས་གྲུབ་མཛོད༔ བཀའ་ལ་ཉོན་ཅིག་བཀའ་སྲུང་རྣམས༔ དམ་ལ་མ་འདའ་དམ་ཚིག་ཅན༔ ཅི་བསམ་དོན་རྣམས་ཡོངས་གྲུབ་མཛོད༔ ཅེས་འཇམ་དབྱངས་ཨོ་རྒྱན་ཕུན་ཚོགས་ཀྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག། །། T1613 - 404 བྡཾ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་སྤྱིའི་གཉེར་གཏད་བར་ཆད་ཀུན་སེལ་བཞུགས༔ ན་མོ་གུ་རུ་པདྨ་ཀ་ར་ཡེ༔ བཀའ་སྲུང་གཉན་པོའི་གཉེར་གཏད་ལ༔ རང་གི་མི་ནོར་ལོངས་སྤྱོད་ཀུན༔ བསྲུང་བ་གཞན་ལས་འདི་ལྷག་སྟེ༔ བཀའ་སྲུང་གཉན་པོར་གཉེར་བཅོལ་བྱ༔ ཧོཿ དགོངས་སུ་གསོལ་ལོ༔ བླ་མ་དཀོན་མཆོག་གསུམ་དང་རྩ་བ་གསུམ༔ རབ་འབྱམས་རྒྱལ་བའི་དཀྱིལ་འཁོར་དཔང དུ་བཞུགས༔ བཀའ་སྲུང་དྲེགས་པ་བྲན་དུ་ཁོལ་བར་མཛོད༔ ལྷ་ཆེན་མ་ཧཱ་དེ་ཝ་དགོངས་སུ་གསོལ༔ གནོད་སྦྱིན་ཤན་དམར་འཁོར་བཅས་དགོངས་སུ་གསོལ༔ དྲང་སྲོང་གཟའ་མཆོག་འཁོར་བཅས་བདག་ལ་དགོངས༔ ཞིང་སྐྱོང་མགོན་པོ་སེང་གདོང་ཡབ་ཡུམ་དགོངས༔ གཙུག་ལག་ཆོས་འཁོར་སྐྱོང་མཛད་ཙི་མ་ར༔ སྐྱེས་བུ་རོལ་པ་སྐྱ་བདུན་དང་བཅས་དགོངས༔ མ་མགོན་ལྕམ དྲལ་དམ་ཅན་རྡོ་རྗེ་ལེགས༔ ཚེ་རིང་མཆེད་ལྔ་རྡོ་རྗེ་གཡུ་སྒྲོན་དགོངས༔ ཁྱད་པར་བདག་གིས་བསྙེན་བསྒྲུབ་མཆོད་གསོལ་བརྟེན༔ མ་སྒྲུབ་རང་འཁོར་སྲུང་མ་དང་བཅས་དགོངས༔ དུས་གསུམ་རྒྱལ་བའི་བཀའ་དམ་གཉན་པོ་དེ༔ གཏའ་རུ་བཞག་ནས་དཀའ་བ་དང་བླང་ནས༔ དམ་ཅན་ཁྱེད་མཆོད་ཁྱེད་བསྒྲུབ་ཁྱེད་བསྟེན་ན༔ སྲིད་འཚོའི་བར་དུ་མི་ཕྱུགས་ལོངས་སྤྱོད་ཀྱི༔ གཉེར་འཛིན་མཚན་གྱི་མེལ་ཚེ་བྱེད་པ་དང་༔ དཀོར་ནོར་ལོངས་སྤྱོད་བསྲུང་བའི་དོན་ཆེད་དེ༔ དེ་ལས་ཁྱེད་ཅག་བསྒྲུབ་པའི་དོན་མ་མཆིས༔ དེ་བཞིན་ཀུན་གྱི་ཐུགས་ལ་ངེས་པར་མཛོད༔ སེམས་ཅན་མ་རིག་འཁྲུལ་པས་བསླུས་པ་ལ༔ སྐྱོན་མཐོང་ཙམ་གྱིས་ཆད་པ་གཅོད་གྱུར་ན༔ ཁྱི་ཕག་བུད་མེད་ངན་མ་དང་མཚུངས་པའི༔ ཚུལ་སོམས་ཕ་མ་བུ་ཚ་ཇི་བཞིན་སྐྱོངས༔ ངས་ནི་དེ་རིང་གོ་བའི་ཚིག་བཅོལ་གྱིས༔ དོན་འདི་བསླུ་བ་མེད་པར་འགྲུབ་མཛོད་ཅིག༔ ཀྱེེ༔ རྒན་གྱི་ཕ་ཁུ་མན་ཆད་ནས༔ བྲན་གཡོག་ཉམ་ཆུང་ཡན་ཆད་ཀུན༔ འདི་དག་ཁྱོད་ཀྱི་འཁོར་ཡིན་པས༔ འཁོར་འདི་སྐྱོངས་ལ་སྐྱབས་མཛོད་ཅིག༔ གཙོ་བོ་བློ་འཛིན་མན་ཆད་ནས༔ བྱིས་པ་ཕོ་མོ་ཡན་ཆད་ཀུན༔ འདི་དག་ཁྱོད་ཀྱི་བསྲུང་བྱ་སྟེ༔ བསྲུང་བྱ་སྐྱོངས་ལ་སྐྱབས་མཛོད་ཅིག༔ ཆུང་མ་གཞི་འཛིན་མན་ཆད་ནས༔ མཐའ་འཛིན་སྲིང་མོ་ཡན་ཆད་ཀུན༔ འདི་དག་ཁྱོད་ཀྱི་སྲིད་མཚོ་སྟེ༔ སྲིད་མཚོ་སྐྱོང་ལ་སྐྱབས་མཛོད་ཅིག༔ རྗེ་དཔོན་མི་ཆེན་མན་ཆད་ནས༔ བརྟེན་པའི་འབངས་འཁོར་ཡན་ཆད་ཀུན༔ འདི་དག་ཁྱོད་ཀྱི་གྲོགས་དཔུང་གཉེན༔ གྲོགས་འདི་སྐྱོངས་ལ་སྐྱབས་མཛོད་ཅིག༔ ཁྲབ་བེམ་ཚེམ་ཚེམ་མན་ཆད་ནས༔ གོས་མཐའ་དུག་པོ་ཡན་ཆད་ཀུན༔ འདི་དག་ ཛྃ ཁྱོད་ཀྱི་གོས་ཡིན་པས༔ གོས་འདི་སྐྱོངས་ལ་སྐྱབས་མཛོད་ཅིག༔ ཟ་འོག་ཐེར་ཕྲུག་མན་ཆད་ནས༔ རེག་བྱ་སྲོག་ཆགས་ལྤགས་པའི་རིགས༔ འདི་དག་ཁྱོད་ཀྱི རེག་བྱ་སྟེ༔ རེག་བྱ་སྐྱོངས་ལ་སྐྱབས་མཛོད་ཅིག༔ གསེར་དངུལ་ཟངས་ལྕགས་མན་ཆད་