Tibetan
ཝེར་མ་བཅུ་གསུམ་དང་༔ སྤྲུལ་པ་ཕུ་ནུ་སུམ་ཅུ་བཅས༔ མ་ལུས་བདག་ལ་དགོངས་སུ་གསོལ༔ བདག་གིས་དད་དང་གདུང་སེམས་ཀྱིས༔ རྟག་ཏུ་ཁྱེད་མཆོད་ཁྱེད་གསོལ་ན༔ ལུས་དང་གྲིབ་མ་བཞིན་འགྲོགས་ཤིང་༔ ཕ་མས་བུ་ཚ་བཞིན་བརྩེ་སྐྱོངས༔ ནད་དང་གནོད་པ་རྐྱེན་བར་ཆད༔ མི་མཐུན་མི་འདོད་ཉེར་འཚེ་ཀུན༔ ཞི་བཟློག་གཞོམ་པའི་ཕྲིན་ལས་མཛོད༔ ཚེ་བསོད་དཔལ་འབྱོར་མངའ་ཐང་ནོར༔ ལོངས་སྤྱོད་ཕུན་སུམ་ཚོགས་པ་རུ༔ འཕེལ་ཞིང་རྒྱས་པའི་དངོས་གྲུབ་སྩོལ༔ སྣང་སྲིད་སྐྱེ་འགྲོའི་བློ་ཡིད་སེམས༔ འདོད་རྒུའི་དཔལ་ཡོན་དང་བཅས་པ༔ ཁབ་ལེན་རྡོ་དང་ལྕགས འཕྲད་བཞིན༔ དབང་བསྡུས་ལོངས་སྤྱོད་དཔལ་དུ་སྩོལ༔ གཟུགས་ཅན་དགྲ་དང་གཟུགས་མེད་བགེགས༔ མདོར་ན་གནོད་ཅིང་འཚེ་བའི་རིགས༔ ལྷ་ཡང་རུང་སྟེ་བདུད་ཀྱང་རུང་༔ མ་ལུས་ཐལ་བའི་རྡུལ་དུ་རློག༔ དཀོན་མཆོག་གསུམ་དང་རྩ་བ་གསུམ༔ ཆོས་ཉིད་རྣམ་པར་དག་པ་དང་༔ རྟེན་འབྲེལ་བསླུ་བ་མེད་པའི་མཐུས༔ བདག་ཅག་ལྷ་མི་འཁོར་དང་བཅས༔ དགའ་ལྡན་འཕྲུལ་དགའི་ལྷ་བཞིན་དུ༔ དགའ་བདེའི་དཔལ་ལ་སྤྱོད་གྱུར་ཅིག༔ ས་མ་ཡ༔ དེ་ལྟར་རྟག་ཏུ་བསང་མཆོད་ན༔ ལུས་དང་གྲིབ་མ་བཞིན་དུ་འཁོར༔ རྣམ་བཞིའི་ལས་ཀུན་ཐོགས་མེད་འགྲུབ༔ ཁྱད་པར་དབང་སྡུད་སྙན་གྲགས་འཕེལ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སློབ་བུ་ཡེ་ཤེས་ཉི་མས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། TI1613 - 366 བྃ༔ ཆོས་ཉིད་ནམ་མཁའི་ཀློང་མཛོད་ལས༔ དྲག་ཤུལ་སྟོབས་ལྡན་དབང་པོའི་བསང་མཆོད་འདོད་ཡོན་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དྲག་ཤུལ་སྟོབས་ལྡན་དབང་པོ་ལ༔ བདུད་རྩི་བསང་མཆོད་འབུལ་བ་ནི༔ ཤ་ཚིལ་ཕྱེ་མར་ཕུར་མ་དང་༔ བཟང་ཤིང་སྣ་ཚོགས་དུ་བ་བཏང་༔ སྭ་བྷཱ་ཝ་ཡིས་སྦྱངས་ནས་སུ༔ སྟོང་པའི་ངང་ལས་བསང་མཆོད་ཡེ་ཤེས་ཀྱི་བདུད་རྩི་ཟག་མེད་ཀྱི་བདེ་བ་བསྐྱེད་ནུས་པའི་ཀློང་ལས་འདོད་ཡོན་གཟུགས་མཛེས་རྣམ་པ་སྣ་ཚོགས༔ སྒྲ་སྙན་པའི་བྱེ་བྲག་སྣ་ཚོགས༔ དྲི་ཞིམ་པའི་རིགས་རྣམ་པ་སྣ་ཚོགས༔ རོ་བརྒྱ་ནུས་པ་སྟོང་དང་ལྡན་པའི་བཟའ་བཅའ བཏུང་བ་ལྡག་གཞིབ་ཀྱི་བྱེ་བྲག་རྣམ་པ་སྣ་ཚོགས༔ རེག་བྱ་མཛེས་འཇམ་ཡངས་སྲབ་སྲ་ཞིང་བཙན་པའི་གོས་ཀྱི་རིགས་སྣ་ཚོགས་པ་དང་འདོད་ཡོན་མི་ཟད་པ་ལོངས་སྤྱོད་རྒྱན་གྱི་འཁོར་ལོ་ནམ་མཁའི་ཁྱོན་དང་མཉམ་པ་ཟད་མི་ཤེས་པའི་གཏེར་དུ་སྤྲོ་བར་གྱུར༔ ནམ་མཁའ་མཛོད་སྔགས་ལན་བདུན་བརྗོད་མཐར༔ ཨ་ཀཱ་རོས་ཀྱང་སྤེལ༔ ཀྱེེ༔ དབྱིངས་ཕྱུག་ནམ་མཁའ་ཡངས་པའི་ཀློང་༔ སྤྱན་མའི་གཟུགས་བརྫུས་ཆོ་འཕྲུལ་ལས༔ ཕྱི་ལྟར་རིན་ཆེན་ལྷུན་པོ་ངོམས༔ ནང་ནི་རིན་ཆེན་སྣ་ལྔ་ལས༔ གྲུབ་པའི་སྐུ་མཁར་ཆེན་པོའི་དབུས༔ དྲག་ཤུལ་སྟོབས་ལྡན་དབང་པོ་ནི༔ དམར་ནག་ཁྲོ་གཏུམ་རབ་འཇིགས་རྔམས༔ སྐུ་ལ་བེར་ཆེན་དམར་ནག་གསོལ༔ ཕྱག་གཡས་སྲོག་གཅོད་སྤུ་གྲི་དང་༔ གཡོན་པས་འགུགས་བྱེད་ལྕགས་ཀྱུ་བསྣམས༔ ཟངས་ཞགས་དམར་པོ་གྲུ་ལ་བསྐོན༔ ཞལ་གདངས་ལྗགས་འདྲིལ་མཆེ་བ་གཙིགས༔ སྨ་ར་སྨིན་མར་མེ་ཞགས་འཕྲོས༔ མེ་ཡི་རལ་པ་གནམ་དུ་གཟེང་༔ ཐོད་སྐམ་དབུ་རྒྱན་ཅོད་པན་མཛེས༔ རྒྱ་སྟག་དམར་བཀྲའི་ཁྲི་ལ་འགྱིང་༔ དུར་ཁྲོད་ཆས་ཀྱིས་རབ་ཏུ་བརྒྱན༔ གཡོན་དུ་ཉི་མ་གཞོན་ནུ་ནི༔ ཕྱག་གཡས་འགུགས་པའི་ལྩགས་ཀྱུ་དང་༔ གཡོན་པས་གློ་སྙིང་དྲོན་མོ་འཆང་༔ དམར་ནག་ཤིན་ཏུ་ཁྲོས་པའི་གཟུགས༔ གཅེར་བུ་མི་ལྤགས་གཡང་གཞི་གསོལ༔ ཐོད་པའི་ཕྲེང་བ་སེ་རལ་ཁར༔ རལ་པ་ཁམ་ནག་སྐུ་རྒྱབ་འཕྱང་༔ ས་རྟ་ངང་པ་གསེར་ལྡན་ཞོན༔ གཉིས་ཀ་ཡེ་ཤེས་མེ་དཔུང་དང་༔ རླུང་ནག་འཚུབས་མའི་ཀློང་ན་བཞུགས༔ སྤྲུལ་པ་ལྕགས་ཀྱི་སྡིག་པ་དང་༔ ཁྲོ་ཆུང་ཁྱུང་ཆེན་ལས་ལ་འགྱེད༔ ཐུན་མཚོན་སྐྱི་སེར་བཞིན་དུ་འཚུབས༔ ཞིང་བཅུའི་ཡུལ་ལ་དྲག་ཏུ་རྒོལ༔ སྡེ་བརྒྱད་དྲེགས་པའི་འཁོར་དང་བཅས༔ མཆོད་སྦྱིན་གནས་འདིར་སྐུར་བཞེངས་ཤིག༔ དམིགས་པའི་ཡུལ་ལ་གཏན་བཞུགས་གསོལ༔ བྃ༔ ཡུལ་གཞིའི་བདག་པོར་མངའ་གསོལ་ལོ༔ དགོན་གནས་ཆོས་སྡེའི་སྲུང་མ་དང་༔ བརྟེན་པའི་ལྷ་རུ་མངའ་གསོལ་ལོ༔ སྡང་བའི་དགྲ་དང་གནོད་པའི་བགེགས༔ སྒྲོལ་བྱེད་ཤན་པར་མངའ་གསོལ་ལོ༔ དུས་གསུམ་རྒྱལ་དང་རྒྱལ་སྲས་རྣམས༔ ཆོས་སྐུའི་ཀློང་ལས་མ་གཡོས་ཀྱང་༔ ལྷུན་གྲུབ་སྒྱུ་འཕྲུལ་དྲྭ་བ་ལས༔ རོལ་རྩལ་གཞན་གྱིས་མི་ཐུབ་པ༔ དྲག་ཤུལ་སྟོབས་ལྡན་འཇིགས་བྱེད་ཆེ༔ ཉི་མ་གཞོན་ནུ་ཡུམ་དང་ནི༔ སྡེ་བརྒྱད་དྲེགས་པའི་ཚོགས་བཅས་ཀྱི༔ སྐུར་བཞེངས་འདིར་གཤེགས་བརྟན་བཞུགས་གསོལ༔ བཛྲ་ས་མ་ཡ་ཛ་ཛཿ ས་མ་ཡ་ཏིཥྛ་ལྷན༔ ཀྱེེ༔ དངོས་འབྱོར་ཡིད་ལས་སྐྱེས་པ་ཡི༔ འདོད་འཇོའི་ཡིད་བཞིན་བསང་མཆོད་འདིས༔ དྲག་པོ་ཆེན་པོ་དྲག་ཤུལ་ཅན༔ སྟོབས་ལྡན་འཇིགས་བྱེད་ཆེན་པོ་བསང་༔ ཡུམ་མཆོག་ཉི་མ་གཞོན་ནུ་བསང་༔ ཕ་ལྷ་དབང་ཕྱུག་ཆེན་པོ་བསང་༔ མ་ལྷ་ཨུ་མ་དཱེ་ཝི་བསང་༔ སྤྲུལ་པ་ཁྱུང་སྡིག་ཁྲོ་ཚོགས་བསང་༔ འབངས་འཁོར་དྲེགས་པ་སྡེ་བརྒྱད་བསང་༔ ཤ་ཁྲག་འདོད་ཡོན་སྨན་སྤོས་དང་༔ ཀུན་བཟང་རྣམ་འཕྲུལ་ཆེན་པོ་བཞིན༔ འདོད་འཇོའི་དཔལ་ཡོན་ཕུན་ཚོགས་པའི༔ གཏོར་མ་སྐྱེམས་དང་བསང་ མཆོད་འདིས༔ གསོལ་ལོ་མཆོད་དོ་བསང་ཞིང་བརྔན༔ ཐུགས་དམ་བསྐང་ངོ་བརྩེར་དགོངས་འཚལ༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཙུགས་ཏེ༔ བསྒྲུབ་པའི་རྣལ་འབྱོར་བདག་ཉིད་ལ༔ དགྱེས་པའི་ཞལ་དང་འགྲུབ་རྟགས་སྟོན༔ ཕ་མ་བུ་ཚ་བཞིན་བརྩེས་སྐྱོངས༔ ལུས་དང་གྲིབ་མ་ཇི་བཞིན་དུ༔ སྐད་ཅིག་མི་འབྲལ་གྲོགས་མཛོད་ལ༔ ཆོས་སྲིད་བསྟན་པའི་མངའ་ཐང་བསྐྱེད༔ ཞི་རྒྱས་དབང་དང་མངོན་སྤྱོད་ལས༔ འདོད་དོན་འབད་མེད་ལྷུན་གྲུབ་མཛོད༔ ཁྱད་པར་བསྟན་དང་བསྟན་འཛིན་ལ༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བདུད་ཀྱང་རུང་༔ ཉེའམ་རིང་བ་གར་གནས་ཀྱང་༔ ལོ་ཟླ་འགྱངས་སུ་མ་ཤོར་བར༔ གློ་བུར་ཧུར་ཐུམ་ཉིད་དུ་སོད༔ བཀའ་དམ་གཉན་ལ་མ་འདའ་བར༔ བཅོལ་བའི་ཕྲིན་ལས་གྲུབ་པར་མཛོད༔ བསླུ་མེད་དཀོན་མཆོག་གསུམ་གྱི་བདེན་སྟོབས་དང་༔ ཆོས་ཉིད་རྣམ་དག་རྟེན་འབྲེལ་བསླུ་མེད་མཐུས༔ བདག་ཅག་ལྷ་མི་འཁོར་དང་བཅས་པ་རྣམས༔ རྫོགས་ལྡན་དུས་ཀྱི་བསྐལ་པ་ཇི་བཞིན་དུ༔ ཕུན་ཚོགས་དགའ་བདེའི་དཔལ་ལ་ལོངས་སྤྱོད་ཅིང་༔ མཐར་ཐུག་རྣམ་མཁྱེན་འབྲས་བུར་སྤྱོད་གྱུར་ཅིག༔ བྃ༔ དེ་ལྟར་བསང་མཆོད་བྱས་གྱུར་མི༔ དྲེགས་པ་སྟོབས་ལྡན་དབང་པོ་ཡིས༔ ཕྲིན་ལས་བསྒྲུབ་ཅིང་བར་ཆད་སེལ༔ མངའ་ཐང་བསྐྱེད་ཅིང་འབྱོར་པ་རྒྱས༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དུས་གསུམ་དུ་དགེ་བར་གྱུར་ཅིག །དགེའོ། །ལེགས་སོ། །ཛ་ཡནྟུ།། ། 368མཆོད་367གསུམ་མོ། གསུམ་མོ།མཆོད་T11613 - 371 TI1613 - 372 ཛ ཆོས་ཉིད་ནམ་མཁའི་ཀློང་མཛོད་ལས༔ སྦས་ཡུལ་པདྨ་བཀོད་ཀྱི་སྲུང་མ་གཉན་པོའི་བསང་མཆོད་བདུད་རྩིའི་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ནཾཐརྣཾརྡྡྷ ཕྱེ་མར་སུར་ཤུག་དུད་པ་ལ༔ མཁན་པ་གསེར་གྱི་ལོ་མ་ཅན༔ གང་ལ་གང་འདོད་ལོངས་སྤྱོད་གཏེར༔ དཔག་བསམ་ཤིང་དང་ཡིད་བཞིན་ནོར༔ ཇི་བཞིན་ཡོན་ཏན་ཀུན་ལྡན་དུ༔ ཡིད་ཀྱིས་འཕྲུལ་ཏེ་འདི་བརྗོད་བྱ༔ རང་ཉིད་རྡོ་རྗེ་ཁྲོ་ལོད་བསྒོམ༔ ཀྱེེ༔ དད་པ་དང་ནི་དམ་ཚིག་གིས༔ ཕྱོགས་ཕྱོགས་དག་ཀྱང་ཕ་གི་ན༔ ཉི་མ་ནུབ་ཕྱོགས་ཕ་གི་ན༔ ཨོ་རྒྱན་ཆེན་པོའི་ཐུགས་ཀྱི་དབྱིངས༔ ལྗོངས་ལྔ་གླིང་དྲུག་ལུང་ཆེན་བཞིའི༔ དབུས་ཀྱི་གནས་མཆོག་པདྨ་བཀོད༔ དེ་དང་དེར་བཞུགས་དཔའ་བོ་དང་༔ དཔའ་མོ་མཁའ་འགྲོ་རྒྱ་མཚོའི་ཚོགས༔ བསང་མཆོད་གནས་འདིར་གཤེགས་སུ་གསོལ༔ རྡོ་རྗེ་ཕག་མོ་གན་རྐྱལ་དུ༔ གནས་པའི་ཕུང་པོའི་གྲོང་ཁྱེར་ན༔ རྟེན་བཅས་ཨོ་རྒྱན་པདྨ་ཡི༔ བཀའ་དང་ཐ་ཚིག་ལ་གནས་པའི༔ ཕུ་ན་འཁོད་པའི་གནས་བདག་བསང་༔ མདའ་ན་གནས་པའི་གནས་བདག། གངས་རི་དཀར་ལ་གནས་པ༴ སྨུག་པོ་རྫ་ལ་གནས་པཿ སྲ་བ་བྲག་ལ་གནས་པ། སྐྱེ་བ་ཤིང་ལ་གནས་པ༴ འབབ་པ་ཆུ་ལ་གནས་པ༴ བརྟེན་པ་ས་ལ་གནས་པ་བསང་༔ གཞན་ ཡང་རིག་འཛིན་པདྨ་ཡི༔ ཕྲིན་ལས་ལས་ཀྱི་ཕོ་ཉ་བ༔ དབང་ཕྱུག་ཆེན་པོ་ལ་སོགས་པའི༔ སྣང་སྲིད་དབང་བྱེད་བདག་པོ་བསང་༔ ཞིང་སྐྱོང་མགོན་པོ་ལ་སོགས་པའི༔ ཞིང་དང་ཉེ་ཞིང་སྐྱོང་མཛད་བསང་༔ ནག་པོ་སྟོང་དང་ཤན་པ་འབུམ༔ མ་མོ་བྱེ་བའི་སྡེ་ཚོགས་བསང་༔ ཡེ་ཤེས་འཇིག་རྟེན་ལས་གྲུབ་པའི༔ བསྟན་སྲུང་དམ་ཅན་རྒྱ་མཚོ་བསང་༔ བདག་ཅག་སྒྲུབ་མཆོག་འཁོར་བཅས་ཀྱི༔ བསམ་པ་བསྒྲུབ་ལ་རེ་བ་སྐོངས༔ ལམ་དགྲ་བར་ཆད་གེགས་རྣམས་ཐུལ༔ མཐུན་རྐྱེན་ལེགས་སྒྲུབས་ལམ་སྣ་དྲོངས༔ བཀའ་དང་དམ་ཚིག་དཔང་དུ་བཙུགས༔ མ་འདའ་བཛྲ་ས་མ་ཡ༔ དེ་ལྟར་བསང་མཆོད་བྱས་པ་ཡིས༔ འདོད་དོན་འབད་མེད་ལྷུན་གྲུབ་ཅིང་༔ བསམ་པའི་དོན་དེ་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཉིད་ས་སྤྱོད་གནས་ཀྱི་ཡ་གྱལ་དང་འབྱུང་ཁུང་དུ་གྱུར་པ་པདྨ་བཀོད་ཀྱི་བསང་མཆོད་སྲུང་མ་དགྱེས་པར་བྱེད་པའི་ཆོ་ག་འདི་ནི་བདུད་འཇོམས་རྡོ་རྗེས་འཕྲལ་དུ་སྨྲས་པའོ། །དགེའོ། །དགེའོ། །དགེའོ།། །། TⅠ1613 - 374 _UNK༔ ཆོས་ཉིད་ནམ་མཁའི་ཀློང་མཛོད་ལས༔ བཙན་རྒོད་དྲེགས་པ་མེ་ཕྲེང་གི་བསང་མཆོད་འདོད་འཇོའི་དཔལ་འབར་བཞུགས་སོ༔ ན་མོ་གུ་རུ་བྷྱ༔ བཟང་ཤིང་ཕྱེ་མར་ར་ཤ་ཁྲག༔ སྤེལ་བའི་བསང་གི་དུ་བ་བཏང་༔ སྭ་བྷཱ་ཝ་ཡིས་སྦྱངས་ནས་སུ༔ ནམ་མཁའི་མཛོད་ཀྱི་སྔགས་རྒྱས་སྤེལ༔ ཀྱེེ༔ ཏིང་འཛིན་སྔགས་ཀྱིས་བྱིན་བརླབས་པའི༔ འདོད་འབྱུང་ཡིད་བཞིན་བསང་མཆོད་འདིས༔ བཙན་རྒོད་སྲོག ལེན་དམར་པོ་བསང་༔ ཤན་པ་ཀུས་འདེབས་རྒྱལ་པོ་བསང་༔ ཁམས་གསུམ་སྲོག་གི་བདག་པོ་བསང་༔ འགྲོ་བའི་དབུགས་ཀྱི་བདག་པོ་བསང་༔ གནམ་གྱི་གནམ་བཙན་མཐིང་ཡུམ་བསང་༔༷ ཆུ་བཙན་དཀར་པོ་འོད་འབར་བསང་༔ ས་བཙན་སེར་པོ་གསེར་མདོག་བསང་༔ མེ་བཙན་དམར་པོ་གློག་འོད་བསང་༔ རླུང་བཙན་ལྗང་གུ་རླུང་ཞོན་བསང་༔ བཙན་ཆེན་རོལ་པ་སྐྱ་བདུན་བསང་༔ ཁྲོ་གཏུམ་འབར་བ་སྤུན་བདུན་བསང་༔ ཡུམ་མཆོག་སྨན་མོ་དགུ་ཁྲི་བསང་༔ སྤྲུལ་པ་ལྷ་སྲིན་སྡེ་བརྒྱད་བསང་༔ ཡང་འཁོར་སུམ་བརྒྱ་དྲུག་ཅུ་བསང་༔ གསོལ་ལོ་མཆོད་དོ་ཐུགས་དམ་བསྐང་༔ རྒྱལ་བ་ཤཱཀྱ་ཐུབ་པ་དང་༔ རྡོ་རྗེ་གཏུམ་པོའི་བཀའ་དམ་བཞིན༔ སྒྲུབ་པའི་རྣལ་འབྱོར་བདག་ཉིད་ལ༔ ཕ་མ་བུ་ཚ་བཞིན་བརྩེས་སྐྱོངས༔ འཁུ་ལྡོག་ཁྲོ་འཁྲུགས་མ་མཛད་པར༔ སྐད་ཅིག་མི་འབྲལ་སྲུང་སྐྱོབས་མཛོད༔ གནོད་གདུག་དྲག་ཤུལ་སེམས་ལྡན་པའི༔ གཟུགས་ཅན་དགྲ་དང་གཟུགས་མེད་པ༔ ལྷ་ཡང་རུང་སྟེ་བདུད་ཀྱང་རུང་༔ མེ་སྟག་ཆུ་ཡིས་བསད་བཞིན་ཐོངས༔ དམ་ལས་མ་འདའ་དམ་ཚིག་ཅན༔ བཅོལ་བའི་ཕྲིན་ལས་གྲུབ་པར་མཛོད༔ དེ་ལྟར་བསང་མཆོད་བྱས་པ་ཡིས༔ ཕྲིན་ལས་བསྒྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་པདྨ་དགའ་བས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་མདོ་སྔགས་སོ། །དགེའོ། །དགེའོ། །དགེའོ།། ། ལ་ས་སྲུང་མ་བཙན་རྒོད་མེ་ཕྲེང ས་སྲུང་མ་བཙན་རྒོད་མེ་ཕྲེང T1613 - 376 _UNK ཀྱེེ༔ ལྷུན་གྲུབ་བདེ་ཆེན་གཞལ་ཡས་ནས༔ དབྱིངས་ཀྱི་ཡུམ་ཆེན་སྡེ་ལྔ་བསང་༔ མཆོག་དང་ཐུན་མོང་དངོས་གྲུབ་སྩོལ༔ རྐྱེན་ངན་བར་ཆད་དབྱིངས་སུ་བཟློག༔ བསྟན་པའི་རཱུ་ཏྲ་བགེགས་ཀྱི་གཤེད༔ མགོན་པོ་ཕོ་རྒྱུད་ལྷ་ཚོགས་བསང་༔ དངོས་གྲུབ་བསྒྲུབ་ལ་བར་གཅོད་པའི༔ དགྲ་བགེགས་མ་ལུས་རྡུལ་དུ་རློགས༔ སྒྲུབ་ལ་བྱམས་ཤིང་བརྩེ་བའི་མ༔ ལྷ་མོ་མོ་རྒྱུད་ཐམས་ཅད་བསང་༔ ཟས་ནོར་ལོངས་སྤྱོད་འདོད་རྒུའི་གཏེར༔ འཛད་མེད་གང་གཱའི་རྒྱུན་བཞིན་སྩོལ༔ འཛམ་གླིང་སྤྱི་དང་བྱེ་བྲག་ཏུ༔ བོད་ཁམས་སྐྱོང་བའི་གཞི་བདག་བསང་༔ སྣང་སྲིད་ཟས་ནོར་འདོད་རྒུའི་གཏེར༔ ཅི་འདོད་ལོངས་སྤྱོད་ཆར་དུ་ཕོབས༔ ཕྱི་ནང་བར་ཆད་རྐྱེན་ངན་བཟློག༔ ཁྱད་པར་ས་ཡི་ཐིག་ལེ་འདིར༔ ཕ་རི་གཡས་ལ་གནས་པ་བསང་༔ ཚུ་རི་གཡོན་ལ་གནས་པ་བསང་༔ གངས་དཀར་རྫ་རི་གཉན་པོ་དང་༔ སྤང་ཐང་ན་བ་གཉན་ས་ཆུ༔ རྩིབས་ས་རྡོ་ཤིང་བྲག་རི་དང་༔ ས་འོག་ས་སྟེང་ས་བླ་རུ༔ གནས་ཤིང་བརྟེན་བཅས་མི་མ་ཡིན༔ མ་ལུས་ལུས་པ་མེད་པ་བསང་༔ ལྷ་བཙན་གཉན་བཙན་མཐུ་བོ་ཆེ༔ འབྱུང་བ་ལྔ་ཡི་བདག་པོ་བསང་༔ བདག་ཅག་དཔོན་སློབ་ འཁོར་བཅས་ལ༔ ཕ་མ་བུ་ཚ་བཞིན་བརྩེས་སྐྱོངས༔ གང་བསམ་འདོད་དོན་ཡོངས་གྲུབ་མཛོད༔ དུས་གསུམ་རྒྱལ་བ་སྲས་བཅས་དང་༔ སེམས་དཔའ་ས་ཡི་སྙིང་པོ་ཡི༔ བཀའ་དམ་གཉན་པོའི་བདེན་སྟོབས་ཀྱིས༔ བདག་ཅག་ལྷ་མི་འཁོར་བཅས་ཀུན༔ རྫོགས་ལྡན་དུས་ཀྱི་བསྐལ་པ་བཞིན༔ དགའ་བདེའི་ཡོན་ཏན་ཕུན་ཚོགས་ཤོག༔ ཅེས་ཆོས་རྒྱལ་དང་ཚུལ་ཁྲིམས་རྡོ་རྗེ་གཉིས་ཀྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པ་དགེ། །དགེའོ། །དགེའོ། །དགེའོ། །སརྦ་མངྒ་ལཾ།། ། མས་ཆོས་སྲུང་ཡུལ་གཞི TI1613 - 378 ཕ༔ ཆོས་ཉིད་ནམ་མཁའི་ཀློང་མཛོད་ལས༔ དྲེགས་པ་ཡོངས་འདུས་ཀྱི་སྤྱི་བསྐང་རྡོ་རྗེའི་གད་མོ་བཞུགས༔ ན་མོ་གུ་རུ་པདྨ་ཀ་ར་ཡེ༔ བཀའ་སྲུང་དྲེགས་པའི་སྤྱི་བསྐང་ཉམས་ལེན་ནི༔ ནམ་མཁའ་མཛོད་སྔགས་ལན་གསུམ་བརྗོད་པའི་མཐར༔ ཨོཾ་ཨཱཿ ཧཱུྃ༔ དངོས་སུ་འབྱོར་བའི་མཆོད་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ མགོན་པོ་ཕོ་རྒྱུད་ཐུགས་དམ་བསྐང་༔ ལྷ་མོ་མོ་རྒྱུད་ཐུགས་དམ་བསྐང་༔ ཨེ་ཀ་ཙ་ཏིའིཿ སྲིད་པའི་མ་མོའི༴ ཕུར་སྲུང་རྒྱ་མཚོའི་དབང་ཕྱུག་ཆེན་པོའིཿ རྣམ་སྲས་ནོར་ལྷའི༴ གནོད་སྦྱིན་དམར་ནག ཞིང་སྐྱོང་ཆེན་པོའི༴ གཟའ་བདུད་འཁོར་བཅསཿ རྡོ་རྗེ་ལེགས་པའིཿ བཙན་རྒོད་འཁོར་བཅས༴ མི་མགོན་དཀར་པོའི: ཡ་མ་རཱ་ཙའི་ཆོས་རྒྱལ་སྐུ་ལྔའི༴ ལྷ་སྲིན་སྡེ་བརྒྱད༴ རྨ་རྒྱལ་སྤོམ་རའི་ཕྲིན་ལས་བསྒྲུབ་ལ་རོགས་ལྡན་མཛོད༔ ཕྱི་ནང་གསང་བའི་བར་ཆད་བཟློག༔ དགྲ་བགེགས་མ་ལུས་རྡུལ་དུ་རློག༔ བཀའ་དམ་གཉན་པོ་དཔང་བཙུག་གོ༔ ཕྲིན་ལས་སྒྲུབས་ཤིག་ས་མ་ཡ༔ ཞེས་རྣལ་འབྱོར་བདེ་ལྡན་གྱི་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །སརྦ་མངྒ་ལཾ།། །།ཧཱུྃ༔ ཧཱུྃ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་མཆོད་སྣ་ཚོགས་ཀྱིས༔ དབང་ཕྱུག་ཆེན་པོའི་ཐུགས་དམ་བསྐང་༔ གནོད་སྦྱིན་དམར་ནག་ཐུགས མ་མགོན་ལྕམ་དྲལ་ཐུགས དཔལ་ལྡན་ཕྱག་བཞིའི་ཐུགས༴ ཞིང་སྐྱོང་སེང་གདོང་ཐུགས༴ གཟའ་བདུད་ཆེན་པོའི་ཐུགས༴ གནོད་སྤྲིན་ཙི་དམར་ཐུགསཿ འཁོར་དང་བཅས་པའི་ཐུགས ཐུགས་དང་འགལ་བའི་ཉེས་པ་བཤགས༔ འཁུ་ལྡོག་ཁྲོས་འཁྲུགས་ཞི་བ་དང་༔ མི་མཐུན་མི་འདོད་རྐྱེན་ཀུན་བཟློག༔ གང་འདུལ་ཐབས་དང་ཕྲིན་ལས་ཀྱིས༔ བདག་གི་འདོད་དོན་ཡོངས་འགྲུབ་མཛོད༔ དམ་ལ་མ་འདའ་ས་མ་ཡ༔ ཞེས་རང་གི་བཀའ་སྲུང་སྤྱི་བསྐང་འདི་ཉིད་ཨོ་རྒྱན་རིན་པོ་ཆེས་དངོས་སུ་བསྟན་པ་བདུད་འཇོམས་པས་སོ།། ྋ T11613 - 380 ༔ ཆོས་ཉིད་ནམ་མཁའི་ཀློང་མཛོད་ལས༔ གཏེར་སྲུང་སྤྱི་བསྐང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྒྱུ་མའི་རྫས་ལྡན་འབྱོར་བའི་ཚོགས༔ སྒྱུ་མའི་སྔགས་བཞིན་སྤེལ་བའི་སྔགས༔ སྒྱུ་མཁན་བསམ་པའི་བྱེ་བྲག་བཞིན༔ འདོད་ཡོན་མི་ཟད་ཡིད་ཀྱིས་འཕྲུལ༔ ལྷ་རྣམས་ཡིད་ལ་དྲན་བཞིན་དུ༔ ཨོཾ་ཨཱཿ ཧཱུྃ༔ ཆོས་ཉིད་ནམ་མཁའ་རྣམ་དག་མཁའ་ཀློང་དུ༔ རྒྱ་མཚོའི་གཟའ་སྐར་ལྟ་བུའི་ལྷ་སྣང་བཀོད༔ ཡེ་ཤེས་རོལ་པའི་སྒྱུ་འཕྲུལ་འདོད་ཡོན་གཏེར༔ འཁོར་འདས་ཡོངས་ལ་རྒྱུན་མི་འཆད་པར་སྤྲོས༔ ལྷ་ཆེན་དབང་ཕྱུག་འཁོར་བཅས་ཐུགས་དམ་བསྐང་༔ གནོད་སྦྱིན་ཤན་དམར་འཁོར་བཅས། བཀའ་སྲུང་མ་མགོན་ལྕམ་དྲལ༔ དཔལ་མགོན་ཕྱག་བཞི་འཁོར་བཅས༴ ཞིང་སྐྱོང་སེང་གདོང་འཁོར་བཅསཿ དྲང་སྲོང་གཟའ་བདུད་འཁོར་བཅསཿ ཀླུ་རྒྱལ་མི་མགོན་འཁོར་བཅས་ཡ་མ་རཱ་ཛ་འཁོར་བཅསཿ བཙན་རྒྱལ་སྲོག་བདག་འཁོར་བཅསཿ མ་གཅིག་དཔལ་ལྡན་འཁོར་བཅས༴ གནོད་སྦྱིན་ཙི་དམར་འཁོར་བཅས༴ འགོ་ཞིང་རང་འཁོར་ལྷ་སྲུང་ཐུགས་དམ་བསྐང་༔ ཐུགས་དང་འགལ་གྱུར་ཅི་མཆིས་ཉེས་པ་བཤགས༔ བདག་གི་ཆོས་སྲིད་དགེ་ལེགས་ཡོན་ཏན་སྤེལ༔ ཕྲིན་ལས་རབ་འབྱམས་ཐོགས་པ་མེད་པ་ཡིས༔ བསམ་ པའི་དོན་ཀུན་འབད་མེད་ཡོངས་གྲུབ་མཛོད༔ འགལ་རྐྱེན་ཀུན་བཟློག་སྡང་དགྲ་གནོད་པའི་བགེགས༔ མ་ལུས་མི་འགྱང་མངོན་སྤྱོད་དྲག་པོ་ཡིས༔ བཀུག་བསྒྲལ་མནན་བསྲེགས་གསོད་གཅོད་ཕྲིན་ལས་མཛོད༔ བཀའ་དམ་དཔང་བཙུགས་ལས་བཅོལ་ཚིག་དེ་དག༔ མ་འགྱང་མྱུར་དུ་སྒྲུབ་མཛོད་ས་མ་ཡ༔ དེ་ལྟར་གྲངས་ལྡན་བསྐྱར་བས་བྲན་བཞིན་འདུ༔ ཕྲིན་ལས་འགྲུབ་ཅིང་དགེ་ལེགས་གོང་འཕེལ་བྱེད༔ སྤྱི་བསྐུལ་བརྗོད་ཚེ་དགྲ་དཔུང་ཕྱེ་མར་བརླག༔ དེ་ཕྱིར་འདི་ལ་ནན་དུ་བརྩོན་པར་མཛོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་རང་ལ་ཉེར་མཁོའི་ཆེད་དུ་བདུད་འཇོམས་རྡོ་རྗེས་གཏན་ལ་ཕབ་པའོ།། ། 378 T11613 - 382 _UNK༔ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་དྲེགས་པའི་བསྐང་བསྡུས་བཞུགས་སོ༔ ན་མོ་གུ་རུ་བྷྱ༔ གཏོར་མ་སྐྱེམས་ཕུད་འབྱོར་ཚོགས་བཤམས༔ རཾ་ཡཾ་ཁཾ་གིས་དྲི་མ་སྦྱངས༔ ནམ་མཁའ་མཛོད་ཀྱི་སྔགས་ཀྱིས་སྤེལ༔ རང་ཉིད་ཡི་དམ་ལྷར་གསལ་ངང་༔ སྔགས་སྲུང་ཨེ་ཀ་ཙ་ཏི་འཁོར་བཀའ་སྲུང་དམ་ཅན་རྒྱ་མཚོས་བསྐོར་བ་སྤྱན་དྲངས༔ བཛྲ་ས་མ་ཡ་ཛ་ཛཿ ཨོཾཨཱཿཧཱུྃ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་མཆོད་བྱེ་བྲག་རྣམས༔ དབང་པོ་དྲུག་གི་ཡུལ་སྣང་དུ༔ འདོད་ཡོན་མི་ཟད་ནམ་མཁའ་མཛོད༔ བཀའ་སྲུང་གཉན་པོ་བསྐང་ཕྱིར་འབུལ༔ དཔལ་ཆེན་རྟ་མགྲིན་ནག་པོ་ཆེ༔ རིགས་བཞི་འཁོར་བཅས་ཐུགས་དམ་བསྐང་༔ ཨེ་ཀ་ཙ་ཏི་དབྱིངས་ཀྱི་རྗེ༔ སྲིད་པ་མ་མོའི་ཐུགས་དམ་བསྐང་༔ གསང་ཆེན་བསྟན་པའི མངའ་བདག་མཆོག༔ མ་མགོན་ལྕམ་དྲལ་ཐུགས་དམ་བསྐང་༔ ཡེ་ཤེས་མགོན་པོ་ཕྱག་དྲུག་པ༔ ཡབ་ཡུམ་འཁོར་བཅས་ཐུགས་དམ་བསྐང་༔ དཔལ་ལྡན་ལྷ་མོ་རེ་མ་ཏཱི༔ དམག་ཟོར་རྒྱལ་མོའི་ཐུགས་དམ་བསྐང་༔ ཞིང་སྐྱོང་མགོན་པོ་སེང་གེའི་གདོང་༔ ཀུན་དགའ་གཞོན་ནུའི་ཐུགས་དམ་བསྐང་༔ ནོར་རྒྱུན་ལྷ་མོ་མཆེད་འཁོར་བཅས༔ ནོར་ལྷ་གཏེར་བདག T11613 - 383 ཐུགས་དམ་བསྐང་༔ ཛམ་ལྷ་ཉེར་གཅིག་གནོད་སྦྱིན་སྡེ༔ འཁོར་དང་བཅས་པའི་ཐུགས་དམ་བསྐང་༔ ཟངས་རི་འབར་