Tibetan
ཟེར་གྱིས་དམ་ཅན་རྡོ་རྗེ་ལེགས་པ་ཐེའུ་རང་མོན་པ་སྟོང་སྡེ་དང་བཅས་པ་བཙན་འགོང་ཡོངས་ཀྱི་རྒྱལ་པོ་ཐན་ལྟས་ངན་གྱི་བདག་པོ་སྤྱན་དྲངས་ཏེ་ཤ་བའི་གཟུགས་ལ་ཐིམ་པར་གྱུར༔ ཀྱེེ༔ དད་པ་དང་ནི དམ་ཚིག་གིས༔ གནོད་སྦྱིན་རྒྱལ་པོ་ཙི་མ་ར༔ བཙན་གྱི་ཡུལ་ནས་གཤེགས་སུ་གསོལ༔ རྒྱལ་པོའི་ཡུལ་ནས་གཤེགས་སུ་གསོལ༔ དཀོར་ཁང་དག་ནས་གཤེགས་སུ་གསོལ༔ ཆོས་འཁོར་ཀུན་ནས་གཤེགས་སུ་གསོལ༔ ཁྱོད་ཀྱི་སྟོབས་དང་ཤུགས་ཕྱུང་ལ༔ ལྟས་ངན་ཐན་གྱི་བདག་པོ་རྣམས༔ ཐན་གཟུགས་འདི་ལ་བསྟིམ་པར་མཛོད༔ བདག་ལ་སྡང་བའི་དགྲ་བོ་ལ༔ ཤ་བ་སྦྲུལ་མཇུག་མི་ཁུར་སོགས༔ ལྟས་ངན་ཐན་གྱི་ཆར་པ་ཕོབ༔ ཤུ་ལ་ཏྲི་བཛྲ་ས་མ་ཡ་ཛ་ཛ་ཕེཾ་ཕེཾ་ཨ་ཝེ་ཤ་ཡ་ཨཱཿ ཞེས་འབྱུང་བ་ལྔའི་ཁམས་ནས་བཙན་འགོང་ཐེའུ་རང་ཐམས་ཅད་ཤ་བ་དམར་པོ་སྦྲུལ་མཇུག་རོ་ཁུར་གྱི་རྣམ་པར་ཐན་གཟུགས་ལ་རྒྱུན་མི་འཆད་པར་ཐིམ་པར་བསམ་ལ༔ ར་ཙ་ཤུ་ལ་ཏྲི་བཛྲ་སཱ་དྷཱུ་ས་མ་ཡ་ཕེཾ་ཕེཾ་ཛཿ ཞེས་བར་མ་ཆད་པར་ཆུ་རྒྱུན་བཞིན་དུ་བཟླ༔ རྟགས་ནི་ཐོག་འཚེགས་འུར་ཆེམ་འབྱུང་༔ རླུང་དམར་གཡོ་བ༔ ཤ་འགུལ་TI1613 - 328 _UNK རྒྱུག་པ༔ རྡུལ་དང་རྡོ་ཆར་འབེབས་པ༔ མེ་སྟག་མཆེད་པ༔ གཟུགས་ལ་འོད་ཤར་བ༔ གཟུགས་མི་སྡུག་པ་མཐོང་བ༔ དགྲ་ཡུལ་དུ་དམག་ཆས་པ་རྣམས་དངོས་སམ་ཉམས་རྨི་ལམ་དུ་བྱུང་ན་རྦད་རན་པའི་རྟགས་ཏེ་ཐན་གཟུགས་ཀྱི་ཁ་དགྲ་ཡུལ་དུ་བསྐོར་ཏེ༔ ཏྲི་ར་ཙ་ཤུ་ལ་ཏྲི་བཛྲ་སཱ་དྷཱུ་ས་མ་ཡ༔ ཆེ་གེ་མོའི་མིག་འཕྲུལ་ཅིག༔ ཡིད་འཕྲུལ་ཅིག༔ དྲན་པ་འཕྲོག་ཅིག༔ ལྟས་ངན་གྱི་ཆར་པ་ཕོབ་ཡ་ཕོབ་ཡ༔ སྟོན་ཡ༔ སྟོན་ཡ༔ ཛཿ ཧཱུྃ་བཾ་ཧོཿ དེ་ནས་ཐུན་གྱིས་བྲབ་སྟེ༔ ཤུ་ལ་ཏྲི་བཛྲ་སཱ་དྷཱུ་ས་མ་ཡ༔ ཆོ་ཡ༔ ཆོ་ཡ༔ རྒྱུག་ཡ༔ རྒྱུག་ཡ༔ དགྲ་བོ་ཆེ་གེ་མོའི་གནས་ཁང་ནོར་རྫས་ཀུན་ཏུ་ལྟས་ངན་ཐན་གྱི་ཆར་ཆེན་པོ་ཕོབ་ཅིག༔ ཅེས་མང་དུ་བཟླས་ཚེ༔ བླ་མ་ཡི་དམ་མཁའ་འགྲོའི་ཚོགས་ཀྱིས་དམག་དཔོན་གྱིས་དམག་དེད་པ་བཞིན་དུ་ཤ་བ་སྦྲུལ་འཇུག་མི་ཁུར་ལ་སོགས་པའི་ཐན་རིགས་རྣམ་པ་སྣ་ཚོགས་འུར་ཆེམ་གྱི་སྒྲ་དང་བཅས་ཏེ་དགྲ་བོའི་ཡུལ་དུ་དེད་ནས་འགྲོ་བར་བསམ༔ ཞག་བདུན་དུ་བཟླས་མཐར་དགྲ་བོའི་ཁྱིམ་དུ་བསྒོམ་ལ༔ དགྲ་ཕྱོགས་ཀྱི་རི་བོ་ལ་དོང་གཅིག་བྲུས་པའི་ནང་དུ་བཞག་པས་དགྲ་ལ་ཐན་དང་ལྟས་ངན་རྒྱུན་མི་འཆད་པར་འབྱུང་ངོ་༔ འདུམ་བྱུང་ན་གཏང་རག་བསྐང་གསོལ་ཟ་ངུ་མཁོན་སྦྱངས་ལ་སོགས་པ་ལ་འབད་པ་གནད་དུ་ཤེས་སོ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་སློབ་བུ་འཇིགས་མེད་བརྩོན་འགྲུས་ཀྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། T11613 - 329 TI1613 - 330 ཧོྃ།༔ ཆོས་ཉིད་ནམ་མཁའི་ཀློང་མཛོད་ལས༔ བཀའ་སྲུང་བཙན་རྒྱལ་སྲོག་ལེན་དམར་པོའི་བླ་རྡོ་བཅང་ཐབས་ཀྱི་ཙཀྲ་དབང་གི་རྒྱལ་པོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤས་བླ་རྦཀཿ བཙན་རྒྱལ་ཆེན་པོ་བསྒྲུབ་པ་ལ༔ བླ་རྡོ་སྲོག་གི་གནད་ཡིན་པས༔ དེ་ཉིད་བྲི་ཞིང་བཅང་བའི་ཐབས༔ ཤོག་གུ་དཀར་ཞིང་དྭངས་པའི་ངོར༔ མུ་ཁྱུད་རིམ་པ་ལྔ་རུ་བསྐོར༔ དབུས་ཀྱི་ལྟེ་བ་ཁྱོན་ཡངས་པར༔ རྒྱལ་བཙན་སྲོག་བདག་དམར་པོ་བྲིས༔ ཟངས་ཁྲབ་རྨོག་དང་འཁོར་གསུམ་བཏགས༔ གཡས་ན་བཙན་མདུང་གཡོན་བཙན་ཞགས༔ མི་རྟ་གཉིས་ཀ་མིག་གསུམ་པ༔ བཙན་གྱི་ཐུགས་ཀར་ཏྲི་ཙ་རུ༔ ཞེས་བྲིས༔ དེ་ཡི་ཕྱི་རིམ་མུ་ཁྱུད་དང་པོ་ལ༔ ཤུ་ལ་ཏྲི་ཙ་རུ་ཡཀྴ་ས་མ་ཡ༔ གནོད་སྦྱིན་བཙན་ཙིའུ་དམར་པོ་སྤྲུལ་པ་བཙན་རྒོད་རོལ་པ་སྐྱ་བདུན་འཁོར་དང་བཅས་པའི་བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ རུས་པ་གཟུགས་ལ་གནས་ཤིང་ངག་རླུང་ལ་གནས་པར་གྱུར་ཅིག༔ ཐུགས་སྲོག་ཏྲིཿ ཙཿ རུ་ལ་གནས་ཤིང་བརྟན་པར་གྱུར་ཅིག༔ དེའི་ཕྱི་རིམ་འཁོར་ལོ་རྩིབས་བདུན་ལ༔ ཤུ་ལ་ཏྲི་ཏིཥྛ་བཛྲཿ ཅེས་བྲིས༔ མཆན་རྣམས་སུ་ཨ་མུ་ཀ་སརྦ་ཤ་ཏྲུཾ་མཱ་ར་ཡ་ཕཊ༔ ཅེས་བདུན་བྲིས༔ གསུམ་པ་ལ་ཕྱོགས་བཞིར་ཨཿཡཿམཿ དུཿ བྲིས༔ མཚམས་བཞིར༔ རུཿ ཙཿ ཤཿ ནཿ བྲིས༔ མུ་ཁྱུད་བཞི་པ་ལ༔ འབོད་རྦད་བསད་གསུམ་གྱི་སྔགས་ཚང་བར་ཅི་མང་བྲིས༔ དེ་ཡི་ཕྱི་རིམ་ཡང་ཡིག་མགོ་ནང་དུ་བསྟན་ཏེ་རྦད་སྔགས་ཅི་མང་བྲིས༔ དེ་ཡི་ཕྱི་རིམ་ཡང་ཡིག་མགོ་ནང་དུ་བསྟན་ཏེ་རྦད་སྔགས་ཅི་མང་བྲིས༔ དེའི་ཕྱི་རིམ་དུ་རྟེན་འབྲེལ་སྙིང་པོའི་མཐར་ནད་གདོན་བར་ཆད་ཤཱནྟི་ཀུ་རུ་ཡེ་སྭ་ཧཱ༔ གནོད་སྦྱིན་ཙིའུ་དམར་པོ་ཡབ་ཡུམ་འཁོར་དང་བཅས་པ་ཐམས་ཅད་སྲོག་འཁོར་བླ་རྡོ་འདི་ལ་རབ་ཏུ་གནས་ཤིང་བརྟན་པར་གྱུར་ཅིག༔ ཏིཥྛ་བཛྲ་ས་མ་ཡ་ལྷན༔ ཅེས་མཐར་བཀྲ་ཤིས་རྫས་རྟགས་བྲིས་ཏེ་མེ་རླུང་འཚུབས་མ་འཁོར་དུ་བྲིས༔ ཕ་བོང་ལོང་བུའི་ལོག་དྲུག་ཏུ་ཏྲིཿ མཚལ་གྱིས་བྲིས་ཏེ་ལྟེ་བར་བཅུག༔ བཟང་པོ་དྲུག་གིས་བྱུག་ཅིང་འབྱུང་བའི་སྙིང་པོ་བཞག༔ རིན་ཆེན་ཅི་རྙེད་ཀྱང་བྱུག༔ ཡུམ་གྱི་སྐུ་བྲིས་གཟུགས་སྤྲོད་ལ༔ ལྟེ་བ་མི་བཅག་ལྟེབ་བྱས་ནས༔ སྐྱེར་ཕུར་སོར་བཞི་དང་སྦྲགས་ཏེ༔ དར་དམར་གྱིས་བསྟུམ་ཕྱི་གཡོགས་ལ༔ རབ་གནས་ནན་བྱས་ཆོས་སྨན་ཕྱི་ནས་བྱུག༔ མགུལ་དུ་བཅངས་པས་བཀའ་ཉན་བྲན་ཁོལ་འགྱུར༔ ནམ་ཡང་རྟོགས་པ་དངོས་སུ་བསྐྱེད་ཅིང་བསྟིམ༔ དེ་མིན་རྟོགས་པ་གནད་ལ་ཆུན་མི་སྲིད༔ དེ་ཕྱིར་འཁོར་ལོ་བརྟན་པ་གནད་དུ་ཟུང་༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཞེས་པ་འདི་སློབ་བུ་མཁྱེན་རབ་རྒྱ་མཚོ་དང་འཇིགས་མེད་དམ་ཆོས་གཉིས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །། TI1613 - 332 ཛ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་དཀོར་གྱི་བདག་པོའི་གསོལ་མཆོད་ཡིད་བཞིན་ནོར་བུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གཤཅནྚག྄དྣ་ངྼྀབྷྀ གནོད་སྦྱིན་དཀོར་གྱི་བདག་པོ་ཡི༔ སྲོག་སྒྲུབ་ཟབ་མོ་ཉམས་ལེན་ན༔ ཤ་ཁྲག་དམར་གྱིས་བརྒྱན་པ་ཡི༔ གཏོར་མ་མཁྱིད་གང་མཛེས་ལྡན་ལ༔ སྙིང་དང་ཤ་ཚིལ་དར་སྣས་བརྒྱན༔ ནོར་བུ་ལྕགས་ཀྱུ་གཟུགས་མཛེས་དང་༔ གོ་མཚོན་ཌཱ་དྲིལ་རྐང་གླིང་སོགས༔ ཡོ་བྱད་ཆ་མ་ཆོ་དགུ་བཤམས༔ སྭ་བྷཱ་ཝ་ཡིས་སྦྱངས་ནས་སུ༔ ནམ་མཁའ་མཛོད་དང་ཨ་ཀཱ་རོས༔ འདོད་ཡོན་ནམ་མཁའ་མཛོད་དུ་སྤེལ༔ ལྟ་བའི་གདིང་དང་བསྐྱེད་པའི་གནད་ལྡན་པས༔ ཙ༔ འདི་ནས་ནུབ་ཀྱི་ཕྱོགས་རོལ་ན༔ རྒྱལ་པོའི་དཀོར་ཁང་ཆོས་འཁོར་སྐྱོང་༔ རབ་དཀར་ག་བུར་དབང་པོ་ཡི༔ མཚན་འཆང་རྫུ་འཕྲུལ་སྟོབས་ཀྱི་བདག༔ མཆོད་པའི་གནས་འདིར་གཤེགས་སུ་གསོལ༔ འདི་ནས་ནུབ་བྱང་མཚམས་ཤེད་ན༔ ཕ་མཁར་འཛིན་སྐྱོང་དྲག་རྩལ་བདག༔ ཆོས་རྒྱལ་ཆེན་པོ་སྨ་ར་ཅན༔ སྣ་ཚོགས་གཟུགས་སུ་བརྫུ་བ་མཁན༔ མ་ངེས་ཆོ་འཕྲུལ་བདག་པོ་ཁྱོད༔ ཁ་བ་ཅན་གྱི་རྒྱལ་ཁམས་འདིར༔ མ་ངེས་སྣ་ཚོགས་གཟུགས་སུ་བརྫུ༔ འགྲོ་བའི་བློ་ཡིད་ཁ་ལོ་བསྒྱུར༔ དཀོར་སྲུང་རྒྱལ་པོ་ཡིད་བཞིན་དབང་༔ མཆོད་པའི་གནས་འདིར་གཤེགས་སུ་གསོལ༔ TI1613 - 333 ཨོ་རྒྱན་པདྨ་འབྱུང་གནས་དང་༔ རིག་འཛིན་ཀློང་གསལ་སྙིང་པོ་ཡི༔ བཀའ་དམ་གཉན་པོ་དཔང་དུ་བཞག༔ དཀོར་སྲུང་གཉན་པོ་ཁྱོད་འབོད་ཀྱིས༔ མ་ཐོགས་མྱུར་དུ་གཤེགས་སུ་གསོལ༔ གཤེགས་ནས་དཀོར་གྱི་སྲུང་མར་བཞུགས༔ ཁྱེད་ལ་མཆོད་པ་འབུལ་བ་ནི༔ དམར་གྱི་གཏོར་མ་རྒྱན་ལྡན་དང་༔ བཙོས་ཤ་རྗེན་ཤ་ཁུ་བ་རྐང་༔ དམར་ཆེན་ཁྲག་གི་ཨརྒྷཾ་དང་༔༷ ཆུ་སེར་ཞབས་བསིལ་གཙང་ལྡན་དང་༔ དབང་པོ་རྣམ་ལྔའི་མེ་ཏོག་དང་༔ ཚིལ་དང་ཞག་གི་བདུག་སྤོས་དང་༔ རྐང་ཆེན་ཞུན་གྱི་མར་མེ་དང་༔ དམར་ཆེན་ཁྲག་གི་དྲི་ཆབ་དང་༔༷ ཤ་སྣའི་ཞལ་ཟས་སྣ་ཚོགས་དང་༔ ཌཱ་དྲིལ་རྐང་གླིང་རོལ་མོ་དང་༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ སྣ་ཚོགས་མཆོད་པའི་ཡོ་བྱད་དང་༔༷ གསེར་རམ་མཆོང་དངུལ་རིན་ཆེན་དཀོར༔ གསེར་སྐྱེམས་གཏོར་མ་མཆོད་འབུལ་བཞེས༔ མཐུན་རྫས་འདོད་རྒུའི་ལོངས་སྤྱོད་ཀུན༔ ཅི་ནུས་ཡིད་ཀྱིས་སྤྲུལ་ཏེ་འབུལ༔ ཐུགས་དམ་གཉན་པོ་བསྐང་གྱུར་ཅིག༔ དེ་ལྟར་མཆོད་གསོལ་བྱས་པ་དང་༔ ཆོས་ཉིད་རྣམ་པར་དག་པ་དང་༔ རྟེན་འབྲེལ་བསླུ་མེད་བདེན་སྟོབས་མཐུས༔ སྐུ་ཡི་གཟི་མདངས་རྒྱས ཛ གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་དགྱེས་པ་བསྐང་གྱུར་ཅིག༔ ཕྲིན་ལས་ཐོགས་པ་མེད་པ་ཡི༔ མཐུ་སྟོབས་ནུས་དང་ལྡན་པར་ཤོག༔ ཁྱེད་ནི་ཐོག་མ་མེད་དུས་ནས༔ མདོ་སྔགས་བསྟན་ལ་རབ་གདུང་ནས༔ ཐུགས་བསྐྱེད་དང་ནི་སྨོན་ལམ་མཐུས༔ ཐབས་ཀྱི་དྲེགས་པའི་སྐུར་བཞེངས་ཏེ༔ བསྒྲུབ་དང་གསོལ་མཆོད་སྐྱེས་བུ་དང་༔ དཀོར་གཉེར་གཏད་པའི་གང་ཟག་ཀུན༔ བདེ་སྐྱིད་འདོད་རྒུའི་དཔལ་སྟེར་བ༔ ཁྱོད་འདྲ་འཇིག་རྟེན་འདི་ན་དབེན༔ བསྟོད་ཅིང་བསྔགས་པ་འདི་བརྗོད་པས༔ རབ་འབྱམས་ཕྲིན་ལས་མཐུ་ཐོབ་ཤོག༔ ཁྱེད་ལ་ཕྲིན་ལས་བཅོལ་བ་ནི༔ བདག་ཅག་བསྒྲུབ་པའི་སྐྱེས་བུ་རྣམས༔ ཇི་སྲིད་འཚོ་ཡི་བར་དུ་ནི༔ བྱམས་དང་བརྩེ་བས་རྟག་ཏུ་སྐྱོངས༔ བདོག་པའི་རྟ་ལུག་གནག་ཕྱུགས་དཀོར༔ ཀུན་ལ་ཉིན་རྫི་མཚན་གྱི་མེལ་རྩེ་དང་༔ རྟག་ཏུ་གཡེལ་བ་མེད་པར་སྲུང་སྐྱོབ་མཛོད༔ ལྷོག་པ་སྐེ་འགགས་གློ་གོར་ཧོན་གསུམ་སོགས༔ རྟ་ལུག་གནག་ཕྱུགས་ནད་རྣམས་མེད་པར་མཛོད༔ སྐྱེ་འགྲོ་ཕོ་མོའི་བློ་ཡིད་དབང་བསྒྱུར་ལ༔ གཟུགས་འགྲོས་དཀོར་ནོར་ལོངས་སྤྱོད་དབང་དུ་བསྡུས༔ བདག་ལ་འདོད་རྒུའི་ལོངས་སྤྱོད་38 ཆར་ལྟར་ཕོབས༔ ཆོས་སྲིད་བསྟན་པའི་མངའ་ཐང་འཕེལ་རྒྱས་མཛོད༔ བདག་གི་དཀོར་གཉེར་གཏད་དོ་གཉེར་ཁ་མཛོད༔ སྡང་བའི་དགྲ་དང་གནོད་པའི་བགེགས་རྣམས་ཀུན༔ ཁྱོད་ཀྱི་མཐུ་རྩལ་དྲག་ཤུལ་སྟོབས་ཀྱིས་སོད༔ སྲིད་འཚོའི་བར་དུ་སྲུང་སྐྱོབ་མཛད་པ་ལས༔ ཕྱི་མར་ཐར་ལམ་བར་ཆད་གེགས་མ་བྱེད༔ བླ་མ་ཡི་དམ་རིག་འཛིན་རྒྱ་མཚོ་ཡིས༔ བཀའ་བསྒོ་ཡིན་ནོ་བཀའ་ལས་འདའ་མ་བྱེད༔ དམ་ཚིག་ཡིན་ནོ་དམ་ལས་མ་འདའ་ཞིག༔ བཅོལ་བའི་ཕྲིན་ལས་མ་ལུས་འགྲུབ་པར་མཛོད༔ ར་ཙ་ཙནྡྲ་ས་མ་ཡ་ཕེཾ་ཕེཾ་ཛ་ཛཿ ཞེས་གསོལ་ཞིང་མཆོད་པས་ཕྲིན་ལས་བསྒྲུབ་པར་གདོན་མི་ཟའོ༔ ལྷ་དང་སྲུང་མ་གཞན་ལས་ཁྱད་པར་འཕགས༔ མཆོད་གསོལ་མ་གཏོགས་བསྐྱེད་གསལ་མི་དགོས་ཏེ༔ རང་རྒྱུད་པ་རུ་བསྒྲུབ་པས་འགྲུབ་པ་ཡིན༔ བཀྲ་ཤིས་དགེ་ལེགས་ལོངས་སྤྱོད་དཔལ་རྒྱས་བྱེད༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཉིད་རིགས་སྲས་དྲི་མེད་འོད་ཟེར་དང་སློབ་བུ་ཐུབ་བསྟན་གཉིས་ཀྱིས་བསྐུལ་ངོར་དང་རང་ཅག་འགའ་ཡི་དོན་དུ་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་མཁྱེན་རབ་རྒྱ་མཚོའོ། །དགེའོ། །དགེའོ། །དགེའོ །སརྦ་མངྒ་ལཾ། ཤུ་བྷཾ།། ། ནུམ་TI1613 - 336 བྡཾ ཆོས་ཉིད་ནམ་མཁའི་ཀློང་མཛོད་ལས༔ དཀོར་སྲུང་རྒྱལ་པོ་ཆེན་པོའི་གསོལ་མཆོད་འདོད་ཡོན་སྤྲིན་དཔུང་བཞུགས་སོ༔ ཧྃ ན་མོ་གུ་རུ་པདྨ་ཀ་ར་ཡེ༔ གྷ་ག།ཤབྷྲཱ བདག་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས་ཆོས་སྐྱོང་ཆེན་པོའི་ཐུགས་ཀར་ཕོག་པས་ཐུགས་དམ་གྱི་རྒྱུད་བསྐུལ་ཏེ་ཐུགས་གཡོ་བ་ཙམ་གྱིས་བདག་གི་མདུན་དུ་ལྷགས་པར་གྱུར༔ ཨོཾ་སྭ་བྷཱ་ཝས་མཆོད་རྫས་ཐམས་ཅད་སྟོང་པ་ཉིད་དུ་སྦྱངས༔ སྟོང་པའི་ངང་ལས་མཆོད་རྫས་བཤམས་པའི་ངོ་བོ་དང་ཁམས་གསུམ་འབྱུང་བའི་ངོ་བོ་རྣམས་བསྡུས་ཏེ་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཚུར་འདུས་ཏེ་ཤ་ཡི་རི་བོ་ཁྲག་གི་རྒྱ་མཚོ་རྐང་དང་ཚིལ་ཞག་གི་བྲག་རི་དཀར་གསུམ་བདུད་རྩིའི་རྒྱ་མཚོ་མངར་གསུམ་བཅུད་ཀྱི་བྲག་རི་འབྲུ་སྣ་དང་ཤིང་ཏོག་དཀོར་ནོར་ལོངས་སྤྱོད་ཟད་མི་ཤེས་པའི་གཏེར་ཆེན་པོ་ཡིད་ལ་གང་དྲན་པ་ཐམས་ཅད་འབྱུང་བའི་རང་བཞིན་ཅན་དུ་གྱུར༔ ཨོཾ་ཨ་ཀཱ་རོས་བརླབས༔ ནམ་མཁའ་མཛོད་སྔགས་ཀྱིས་སྤེལ༔ ཀྱེེ༔ དཀོར་སྲུང་ཙཎྡྲ་སྨ་ར་ཅན༔ རྫུ་འཕྲུལ་སྟོབས་ཀྱི་བདག་པོ་ཁྱོད༔ མ་ཐོགས་གནས་འདིར་གཤེགས་སུ་གསོལ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ དགྱེས་པར་དགོངས་ཤིང་བཞེས་སུ་གསོལ༔ ཨོ་རྒྱན་པདྨ་ཐོད་ཕྲེང་དང་༔ ཀློང་གསལ་སྙིང་པོའི་བཀའ་དམ་ཚིག༔ གཏའ་རུ་བཞག་སྟེ་ཁྱོད་སྒྲུབ་མཆོད༔ བདག་ཅག་འཁོར་དང་བཅས་པ་ཡི༔ མི་མཐུན་ཉེར་འཚེ་ཀུན་ཞི་ཞིང་༔ དཀོར་ནོར་ལོངས་སྤྱོད་རྒྱས་པ་དང་༔ སྣང་སྲིད་སྐྱེ་འགྲོ་ཟས་ནོར་དཀོར༔ འདོད་རྒུའི་ལོངས་སྤྱོད་དབང་དུ་བསྡུས༔ མི་ཕྱུགས་ནོར་ལ་འཚེ་བ་ཡི༔ གཟུགས་ཅན་གཟུགས་མེད་དགྲ་དང་བགེགས༔ མ་ལུས་ཐལ་བའི་རྡུལ་དུ་རློགས༔ སྲིད་འཚོའི་བར་དུ་སྲུང་སྐྱོབ་མཛོད༔ དམ་ལ་མ་འདའ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ ཅེས་པ་འདི་ཉིད་ཉེར་མཁོའི་ཆེད་དུ་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། །། ཨོཾ༔ཿ ཀྱེེ༔ དཀོར་སྲུང་ཆེན་པོ་ཟླ་བ་ཡི༔ མིང་གི་ཅོད་པན་འཆང་བ་ཁྱོད༔ སྣང་སྲིད་འདི་ན་གར་གནས་ཀྱང་༔ སྐད་ཅིག་ཉིད་དུ་གཤེགས་སུ་གསོལ༔ བདག་གི་དཀོར་གྱི་སྲུང་མར་བཞུགས༔ རྟ་ལུག་གནག་ཕྱུགས་དཀོར་རྣམས་ལ༔ སྲུང་ཞིང་སྐྱོབ་པའི་སྲུང་མ་མཛོད༔ དགྲ་བགེགས་གནོད་བྱེད་ཆོམ་ལ་ཕོབས༔ ཅི་འདོད་འདོད་ཡོན་དབང་དུ་བསྡུས༔ དམ་ལ་མ་འདའ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ བདུད་འཇོམས་པས་སོ།། ། - 338 ཕྲྃ༔ ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་ཤ་ཟ་ཧོར་མོའི་སྲོག་དབང་ཡིད་བཞིན་ཆར་འབེབས་བཞུགས༔ ན་མོ་གུ་རུ་ཝེ༔ བཾ་གླརྻཏཏེ འདི་ཡི་ལག་ལེན་རིམ་པ་ནི༔ དམ་ཆུ་བསྒྲུབ་ཅིང་གཏོར་མ་ལ༔ ཧོར་མོའི་སྐུ་གཟུགས་བཙུགས་བྱས་ཏེ༔ སྐད་ཅིག་གིས་སློབ་མ་དེ་ཉིད་སྤྱི་དཔལ་ཆེ་མཆོག་ཧེ་རུ་ཀ་ཞལ་གསུམ་ཕྱག་དྲུག་པ་ཁྲོ་བོའི་ཆས་ཐམས་ཅད་རྫོགས་པར་བསྐྱེད་ལ༔ རང་ཉིད་ཡི་དམ་ལྷར་གསལ་བའི་ཐུགས་ཀ་ནས་འོད་དང་འོད་ཟེར་དཔག་ཏུ་མེད་པ་འཕྲོས་པས་མ་མ་ཤ་ཟ་ཧོར་མོ་སྤུན་དགུ་འཁོར་བཅས་བྲན་གཡོག་དང་བཅས་པ་སྤྱན་དྲངས་ཏེ་མདུན་དུ་འཁོད་ཅིང་བཀའ་ཉན་གསུང་སྡོད་པའི་ཚུལ་དུ་གནས་པར་གྱུར༔ སྐད་ཅིག་གིས་ཡེ་ཤེས་ཁྲོ་བོ་རྡོ་རྗེ་གནོད་སྦྱིན་དང་༔ ཕྱག་ན་རྡོ་རྗེ་གཉིས་རིམ་པ་བཞིན་དུ་སྤྱན་འདྲེན་ནས་དམ་ཚིག་གི་བདུད་རྩི་ལ་ཐིམ་པས་རེག་ཅིང་མྱོང་ཚད་ཐམས་ཅད་རང་དམ་གཉན་པོའི་སྲོག་ཐོབ་པའི་རང་བཞིན་ཅན་དུ་གྱུར༔ ཨོཾ་བཛྲ་ཡཀྴ་ཀྲོ་ཏ་ཧཱུྃ༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ལན་བདུན་རེ་བརྗོད་ཅིང་དམིགས་པའི་གནད༔ ཀྱེེ༔ སྐལ་ལྡན་སློབ་མ་དགོངས་སུ་གསོལ༔ ཧོར་མོ་སྤུན་དགུ་གསན་ཅིང་དགོངས༔ དམ་ཚིག་གཉན་པོའི་ཆུ་འདི་འཐུང་༔ བསྙེན་སྒྲུབ་བསྐང་གསོལ་ མཆོད་བསྟོད་ཀྱི༔ ལས་འདི་སྐལ་ལྡན་ཁྱོད་ཀྱིས་མཛོད༔ མི་དང་མི་འགྲོགས་ཇི་བཞིན་དུ༔ སྐྱེས་བུ་འདི་ཡི་གྲོགས་སྲུང་མ༔ ཤ་ཟ་ཧོར་མོ་ཁྱོད་ཀྱིས་མཛོད༔ ཞི་རྒྱས་དབང་དྲག་ཕྲིན་ལས་ཀུན༔ གང་བརྩམས་ཕྲིན་ལས་མྱུར་འགྲུབ་མཛོད༔ མནའ་ཐོ་གྱིས་ཤིག་མནའ་མ་ཟ༔ དམ་ཆུ་འཐུང་ལ་དམ་མ་ཉམས༔ ཞེས་གཉིས་ཀས་མནའ་བོར་བར་བསམ་ལ༔ ས་མ་ཡ་ན་ར་ཀན༔ ཧཱུྃ༔ ང་ནི་འཁོར་འདས་སྤྱི་དཔལ་ཆེ༔ ང་ནི་ཆེ་མཆོག་ཧེ་རུ་ཀ༔ ཐམས་ཅད་ང་ཡི་དབང་དུ་འདུ༔ དྲག་ཤུལ་མྱུར་མགྱོགས་རྩལ་ལྡན་པའི༔ མ་ཆེན་ཤ་ཟ་ཧོར་མོ་འདི༔ སློབ་མ་ཁྱོད་ཀྱི་སྲུང་མ་རུ༔ གཏད་དོ་མི་འབྲལ་གྲོགས་སུ་བརྟེན༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་རྒྱལ་བའི་བདེན་སྟོབས་དང་༔ ཆོས་ཉིད་རྣམ་པར་དག་པ་དང་༔ རྟེན་འབྲེལ བསླུ་བ་མེད་པའི་མཐུས༔ སྐལ་ལྡན་སློབ་མ་འདི་ཉིད་ལ༔ ཤ་ཟ་ཧོར་མོ་འཁོར་བཅས་ཀྱི༔ སྲོག་དབང་ཡོངས་རྫོགས་ཐོབ་པར་ཤོག༔ ཅེས་གཏོར་མ་ལག་ཏུ་གཏད་ལ༔ ལན་གསུམ་བརྗོད༔ ཤ་ཟ་ཧོར་མོ་སྤུན་དགུ་སྒྲུབ་ཐབས་བསྐྱེད་ཆོག་ཅི་བཞིན་པ་ལུས་དང་གྲིབ་མ་ལྟར་སློབ་མ་དེ་ཡི་མདུན་དུ་འདུས་པར་བསམ་ལ༔ བདེན་པ་བརྗོད་ཅིང་སྨོན་ལམ་བཏབ༔ སློབ་མ་དམ་ཚིག་ལྡན་པ་ལ༔ ལྟ་དགོངས་ལྡན་པའི་སློབ་དཔོན་གྱིས༔ དབང་བསྐུར་TI1613 - 340 ཁྲོཾ༔ ཙམ་གྱིས་དབྱེར་མེད་མཆིས༔ འགྲུབ་སླ་ལས་མྱུར་གཉན་ཅིང་རྣོ༔ ས་མ་ཡ༔ རྒྱ་རྒྱ་རྒྱ༔ ཞེས་འདི་ནི་རེབ་ཀོང་ཕྱོགས་ཀྱི་རྣལ་འབྱོར་དབང་ཕྱུག་དགེ་འདུན་རྒྱ་མཚོས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། & སྲོག་337338 T11613 - 341 T11613 - 342 ཧྃཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་ཤ་ཟ་ཆེན་མོའི་སྒྲུབ་པ་མངོན་སྤྱོད་ལྷུན་གྲུབ་བཞུགས་སོ༔ T11613 - 343 ཛ་ན་མོ་གུ་རུ་པདྨ་ཀ་ར་ཡེ༔ ཤགཿaབཧཾ སྔགས་སྲུང་ཤ་ཟ་ཆེན་མོ་ཡི༔ སྒྲུབ་པ་ཉམས་སུ་ལེན་པ་ལ༔ ཟངས་སམ་ལྕགས་ཀྱི་སྣོད་ནང་དུ༔ དམར་གྱི་གཏོར་མ་འཁྱུད་གང་ལ༔ གཡས་གཡོན་གཏོར་མ་སོར་ལྔའི་ཚད༔ གཏོར་ཕྲན་བརྒྱད་ཀྱིས་བསྐོར་བ་དང་༔ དེ་མཐར་བ་ལིང་སྐྱུ་གུས་བསྐོར༔ མཆོད་རྫས་ཅི་རིགས བཤམས་བྱས་ཏེ༔ རང་ཉིད་ཡི་དམ་ལྷར་གསལ་ངང་༔ མདུན་དུ་ཁྲག་མཚོ་འཁྱིལ་བའི་དབུས༔ མི་རྟ་ཁྱི་མགོ་བརྩེགས་པའི་མཁར༔ རབ་འཇིགས་དཔངས་མཐོ་ཁྱོན་ཡངས་དབུས༔ མི་རོ་རྟ་རོ་བརྩེགས་པའི་ཁྲིར༔ ཐན་གྱི་རྔ་མོང་གྭ་པའི་སྟེང་༔ མ་མོ་ཤ་ཟ་ཀུན་གྱི་གཙོ༔ ལྟས་TI1613 - 344 སྙབྷ་ངན་ཐན་དང་ཆོ་འཕྲུལ་བདག༔ དགྲ་ལ་ཧུར་ཐུམ་གཏོང་བྱེད་མ༔ འཇིགས་མཛད་ཤ་ཟ་ཧོར་མོ་ནི༔ དམར་ནག་ཁྲོ་གཏུམ་རྔམས་པའི་སྐུ༔ གཅེར་བུ་རལ་པ་ས་ལ་དྲུད༔ མི་ལྤགས་གཡང་གཞི་སྟོད་དུ་ཀླུབས༔ མི་མགོའི་ཕྲེང་བ་སེ་རལ་ཁ༔ སྤྱན་བསྒྲད་མཆེ་གཙིགས་གཏུམ་རྔམས་ཞལ༔ ཕྱག་གཡས་གནམ་ལྕགས་ཕུར་བུ་དང་༔ གཡོན་པས་སྲིན་བྱ་འུག་པ་བསྣམས༔ གཡས་སུ་བཙན་མོ་མུ་ཁ་མོ༔ དམར་ནག་ཁྲག་གི་རལ་པ་ཅན༔ ཆིབས་སུ་ལྕགས་སྤྱང་སྔོན་མོ་ཆིབས༔ གཡོན་དུ་ཀླུ་མོ་ཤཱནྟི་མ༔ སྔོ་ལྗང་ཁྲག་གི་རལ་པ་ཅན༔ TI1613 - 345 གཅེར་བུ་མི་ལྤགས་གཡང་གཞི་གསོལ༔ ཆིབས་སུ་ཆུ་སྲིན་སྔོན་མོ་ཆིབས༔ གཉིས་ཀ་གཙོ་མོ་ཇི་ལྟ་བུར༔ གཡས་ན་གསོད་པའི་ཕུར་བུ་དང་༔ གཡོན་པས་སྲིན་བྱ་འུག་པ་བསྣམས༔ དེ་མཐར་ཤ་ཟ་མོ་ཡི་སྡེ༔ ལྟས་ངན་ཐན་གྱི་བདག་མོའི་ཚོགས༔ ལྷ་མིའི་ཁྲོམ་ཚོགས་ལྟ་བུར་བསྐྱེད༔ དེ་ལྟར་གསལ་བའི་གནས་གསུམ་ལས༔ འོད་ཟེར་ལྕགས་ཀྱུ་ལྟ་བུར་འཕྲོས༔ གནས་ནས་སྤྱན་དྲངས་གཉིས་མེད་བསྟིམ༔ མ་བྷྱོ་ས་མ་ཡ་ཛ་ཛཿ དེ་ནས་སྤྱན་འདྲེན་པ་ལ༔ ཀྱེེ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་ཕྱོགས་ཕ་ཀི་ན༔ བོད་ཀྱི་ཡུལ་གྱི་ཕ་མཐའ་རུ༔ བལ་པོའི་ཡུལ་གྱི་ཚུར་མཐའ་ན༔ ཁྲག་མཚོ་ཁོལ་མའི་ནང་ཤེད་ན༔ སྔགས་