Tibetan
བཟང་སྲས་ཕོ་མོ༔ སིལ་བོ་སིལ་དམར་དང་ནི་གཡུ་ཕྲེང་བ༔ རི་ཐང་རྫ་བྲག་མཚོ་ཆུ་ཤིང་རྣམས་ལ༔ བརྟེན་བྱས་ས་བདག་ཀླུ་གཉན བཙན་མ་སྨན༔ སྡེ་བརྒྱད་དྲེགས་པའི་རིགས་སུ་གཏོགས་པ་ཡི༔ གཙོ་འཁོར་བྲན་འབངས་ཡང་འཁོར་བཅས་པ་ལ༔ ཕྱེ་མར་བཤོས་སྐྱེམས་འབྲུ་སྨན་དཀར་དམར་ཟས༔ རིན་ཆེན་དར་ཟབ་གོ་མཚོན་དཀོར་ནོར་དང་༔ གཡག་ལུག་ར་གསུམ་གཟུགས་འགྲོས་སྣ་ཚོགས་པ༔ རང་རང་ཡིད་དང་མཐུན་ཅིང་འདོད་པ་ཡི༔ ཕྱི་ནང་གསང་མཆོད་མི་ཟད་ནམ་མཁའ་མཛོད༔ དངོས་སུ་འབྱོར་དང་ཡིད་ཀྱིས་སྤྲུལ་ཏེ་འབུལ༔ བཟང་ཤིང་སྣ་ཚོགས་སྤོས་སྨན་ཕྱེ་མར་གྱི༔ བསང་མཆོད་འདོད་འབྱུང་ཡིད་བཞིན་གཏེར་དུ་འབུལ༔ བདེ་གཤེགས་རྒྱ་མཚོ་རྣམས་ཀྱི་ཐུགས་རྗེ་དང་༔ ཆོས་ཉིད་རྣམ་པར་དག་པའི་བདེན་པ་དང་༔ འཕགས་པ་ཀུན་ཏུ་བཟང་པོའི་ཐུགས་བསྐྱེད་ཀྱིས༔ དགའ་ལྡན་འཕྲུལ་དགའ་ལྷ་ཡི་ལོངས་སྤྱོད་ལྟར༔ འདོད་ཡོན་ནམ་ ཨོཾ༔ མཁའ་མཛོད་དུ་འབྱུང་གྱུར་ཅིག༔ དེ་ནས་ཕྲིན་ལས་བཅོལ་བ་ནི༔ ཀྱེེ༔ དཀོན་མཆོག་རྩ་གསུམ་ཆོས་སྐྱོང་སྡེ་བརྒྱད་དང་༔ ས་སྐྱོང་ཡུལ་ལྷ་གཞི་བདག་འཁོར་དང་བཅས༔ མ་ལུས་བདག་ལ་གསན་ཅིང་དགོངས་སུ་གསོལ༔ བཀའ་དང་དམ་ཚིག་གཉན་པོ་དཔང་བཙུགས་ཏེ༔ ཁྱེད་ལ་འདོད་དོན་ཕྲིན་ལས་བཅོལ་བ་ནི༔ ད་ནས་བཟུང་སྟེ་ཇི་སྲིད འཚོའི་བར་དུ༔ སྐད་ཅིག་མི་འབྲལ་འགྲོགས་པའི་སྲུང་མ་དང་༔ ཁ་འཛིན་སྡོང་གྲོགས་རྒྱབ་བརྟེན་དཔུང་གཉེན་མཛོད༔ མི་ཕྱུགས་དཀོར་ནོར་ལོངས་སྤྱོད་ཐམས་ཅད་སྲུངས༔ ཕྱི་ནང་གསང་བའི་བར་ཆད་རྐྱེན་ཀུན་བཟློག༔ བདག་ཅག་དཔོན་སློབ་འཁོར་དང་བཅས་པ་ཡི༔ མི་ནད་ནོར་གྱི་གོད་ཁ་ཐམས་ཅད་དང་༔ མི་འདོད་ཉེར་འཚེ་མ་ལུས་ཞི་བར་མཛོད༔ ཚེ་བསོད་དཔལ་འབྱོར་སྙན་གྲགས་རླུང་རྟ་ཀུན༔ ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད༔ སྣང་སྲིད་སྐྱེ་འགྲོ་ཟས་ནོར་ལོངས་སྤྱོད་དཔལ༔ མ་ལུས་ཐམས་ཅད་བདག་གི་དབང་དུ་བསྡུས༔ གཟུགས་ཅན་དགྲ་དང་གཟུགས་མེད་བགེགས་ཀྱི་ཚོགས༔ གནོད་བྱེད་ཐམས་ཅད་རྗེས་ལྷག་མེད་པ་རུ༔ བསད་ཅིང་བརླག་པའི་ཕྲིན་ལས་མཛད་དུ་གསོལ༔ མདོར་ན་བདག་གི་ཡིད་ལ་TI1613 - 427 གང་འདོད་པའི༔ ཕྲིན་ལས་རབ་འབྱམས་ཐོགས་མེད་གྲུབ་པར་མཛོད༔ བཀའ་དང་དམ་ལ་མ་འདའ་ས་མ་ཡ༔ ཅི་མང་བརྗོད་པས་དགེ་ལེགས་དཔལ་རྒྱས་བྱེད༔ ས་མ་ཡ༔ ཞེས་བདག་གིས་དགོས་བཞིན་གསོལ་བ་བཏབ་པའི་ངོར། གྲུབ་ཆེན་ས་ར་ཧ་པས་གསུངས་པ་བདུད་འཇོམས་རྡོ་རྗེའི་སྣང་ཉམས་སོ། །དགེའོ།། །། མ ངོམས་ཡུལ་བདག་ས་སྐྱོང ངོམས་ཡུལ་བདག་ས་སྐྱོང TI1613 - 428 ཆོས་ཉིད་ནམ་མཁའི་ཀློང་མཛོད་ལས༔ ཡུལ་ལྷ་གཉན་པོའི་མཁོན་སྦྱངས་འདའ་མེད་རྡོ་རྗེའི་གཏན་ཚིག་བཞུགས་སོ༔ ཀྱེེ༔ཿ གཞི་བདག་ཆེ་གེ་འཁོར་དང་བཅས་པ་དགོངས༔ བདག་ཅག་དཔོན་སློབ་འཁོར་དང་བཅས་པ་ཀུན༔ མ་རིག་མ་ཤེས་མ་ཚོར་དབང་གྱུར་དང་༔ སྙོམས་ལས་དབང་གིས་བསངས་མཆོད་ཆག་པ་སོགས༔ ཁྱོད་ཀྱི་ཐུགས་དང་འགལ་གྱུར་ཅི་མཆིས ཀྱང་༔ གནོང་འགྱོད་དྲག་པོའི་སྒོ་ནས་མཐོལ་ཞིང་བཤགས༔ བཟོད་པར་བཞེས་ཏེ་མཁོན་པ་བསྡུམ་པ་དང་༔ འགལ་བ་འདུམ་ཞིང་བྱམས་དང་བརྩེ་བས་སྐྱོངས༔ བཀའ་དང་དམ་ཚིག་གཉན་པོ་རྗེས་དྲན་ནས༔ བཅོལ་བའི་ཕྲིན་ལས་མ་ལུས་གྲུབ་པར་མཛོད༔ ཅེས་ཁྲོམ་དཔོན་ཀུན་བཟང་བསྟན་འཛིན་ནས་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་བསྒྱུར་ཅིག །དགེའོ།། ། 425 TI1613 - 429 T1613 - 430 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ རྫ་སྙིང་སྔོ་ཚོགས་གཡུ་རྩེའི་གཉེར་བཅོལ་བསམ་དོན་ལྷུན་གྲུབ་བཞུགས༔ ཀྱེེ༔ ཟོ་དོར་སྔོ་ཚོགས་གཡུ་རྩེ་འཁོར་དང་བཅས༔ མ་ལུས་བདག་ལ་གསན་ཅིང་དགོངས་སུ་གསོལ༔ དུས་གསུམ་རྒྱལ་བ་སྲས་དང་བཅས་རྣམས་དང་༔ བན་དང་བོན་གྱི་བཀའ་དམ་གཉན་པོ་དེ༔ དཔང་དུ་བཙུག་སྟེ་གཏའ་རུ་བཞག་ནས་སུ༔ དམ་ཅན་ཁྱེད་ལ་ཕྲིན་ལས་བཅོལ་བ་ནི༔ ཕྱོགས་འདིར་གདོང་རིགས་ཁྲོམ་ཟ་རྗེ་དཔོན་དང་༔ ཆོས་སྡེ་འབངས་འཁོར་ཆབ་སྲིད་མི་ནོར་དཀོར༔ ཁྱེད་ལ་བཅོལ་ལོ་ཁྱེད་ཀྱི་ཉེ་འཁོར་དང་༔ རྩ་ལག་འབངས་སྡེར་མཆིའོ་གཉེར་ཁ་ཟུངས༔ ཀོ་ལོང་རུ་ང་ཕྲག་དོག་གདུག་རྩུབ་དང་༔ རྟག་ཏུ་འཁུ་ལྡོག་མཁོན་འཁྲུགས་མ་མཛད་པར༔ ཕ་མ་བུ་ཚ་ཇི་བཞིན་བྱམས་བརྩེས་སྐྱོངས༔ ཁ་འཛིན་སྡོང་གྲོགས་མེལ་ཚེ་སྐྱེལ་བསུ་དང་༔ མཐུན་རྐྱེན་གྲོགས་ལྡན་སྒྲུབས་ལ་དགྲ་དཔུང་ཆོམས༔ རྟ་ལུག་གནག་ཕྱུགས་དཀོར་དང་བཅས་པ་ལ༔ ཉིན་གྱི་བྱ་ར་མཚན་གྱི་མེལ་ཚེ་དང་༔༷ རྟག་ཏུ་རྫི་བོ་མཛོད་ལ་གོད་ཡམས་དང་༔ དགྲ་ཇག་ཆོམ་རྐུན་འཚེ་བའི་རིགས་རྣམས་ཐུལ༔ རྗེ་དཔོན་འབངས་སྡེ་ཕན་ཚུན་བྱམས་བརྩེ་ཡིས༔ མཐུན་ཅིང་དགེ་ལེགས་དཔལ་ལ་ སྤྱོད་མཛོད་ཅིང་༔ བཅོལ་བའི་ལས་དེ་འགྲུབ་མཛོད་ས་མ་ཡ༔ ཞེས་ཁྲོམ་དཔོན་ཀུན་བཟང་བསྟན་འཛིན་ནས་ནན་དུ་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བ་གྱུར་ཅིག །དགེའོ། །ལེགས་སོ། །སརྦ་མངྒ་ལཾ།། །། བདུད་འཇོམས་རྫ་སྙིང་སྔོ་ཚོགས་གཡུ་རྩེ 428 T11613 - 432 བདུད་འཇོམས་རྫ་སྙིང་སྔོ་ཚོགས་གཡུ་རྩེ T11613 - 432 ༔ ཆོས་ཉིད་ནམ་མཁའི་ཀློང་མཛོད་ལས༔ ཟོ་དོར་གཉན་པོའི་ཕྲིན་བཅོལ་མངོན་སྤྱོད་ལྷུན་གྲུབ་བཞུགས་སོ༔ ཀྱེེ༔ རྫ་ཡི་རྫ་རྒྱལ་རྡོ་རྗེ་འཕན་ཕྱུག་དང་༔ སྔོ་ཚོགས་གཡུ་རྩེ་གཉན་པོ་འཁོར་བཅས་ཀྱིས༔ ཁྲོམ་ཟ་རྗེ་དཔོན་འཁོར་དང་བཅས་པ་རྣམས༔ དམག་ལ་འགྲོ་ཚེ་དམག་དཔོན་ཁྱེད་ཀྱིས་མཛོད༔ དེ་བཞིན་ཇག་ལ་འགྲོ་ཚེ་ཇག་དཔོན་མཛོད༔ དཔའ་བའི་དཔུང བསྐྱེད་བཙན་པའི་གོ་བགོས་ལ༔ རྣོ་བའི་མཚོན་ཐོགས་དགྲ་ལ་དྲག་ཏུ་རྒྱུག༔ དགྲ་བོའི་མི་རྟ་གྲུམ་ཆིངས་གྱིས་ལ་སོད༔ རང་ལ་བུ་རྟའི་དཔའ་སྐྱེམས་རྩལ་ཤུགས་བསྐྱེད༔ ཁེ་དང་རྒྱལ ཁ་སྙན་གྲགས་འཐོབ་པར་མཛོད༔ དང་པོ་གསང་བདག་ཕྱག་ན་རྡོ་རྗེའི་བཀའ༔ བར་དུ་རིག་འཛིན་བརྒྱུད་པར་བཅས་པའི་དམ༔ ཐ་མ་རྣལ་འབྱོར་བདག་གིས་སྨོས་པའི་ཚིག༔ མ་འདའ་ཇི་བཞིན་སྒྲུབས་མཛོད་ས་མ་ཡ༔ ཞེས་ཀུན་བཟང་བསྟན་འཛིན་ནས་ནན་དུ་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །མངྒ་ལཾ། བི་ཛ་ཡནྟུ།། ྋ T1613 - 433 TI1613 - 434 ཨོཾཿ ཟོ་དོར་གཉན་པོའི་གསོལ་མཆོད་ནི༔ བསོ༔ ས་སྐྱོང་འབྲོང་རི་སྨུག་པོ་དང་༔ ས་འཛིན་མགར་བ་ནག་པོ་དང་༔ ས་བརྟེན་རྔ་ལ་སྟག་རྩེ་དང་༔ ས་སྐྱོབ་རྒྱལ་པོ་གཡུ་ཕྲེང་ཅན༔ ས་བཅུད་འཛིན་པ་རྩེ་ཡི་བླ༔ རྫ་བཀྲ་ཕྱུག་པོ་འཁོར་བཅས་ལ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ འདོད་ཡོན་ནམ་མཁའ་མཛོད་དུ་འབུལ༔ བྱམས་བརྩེས་གྲོགས་མཛོད་བསམ་པ་སྒྲུབས༔ དགྲ་ཇག་ཆོམ་རྐུན་གོད་ཡམས་ཐུལ༔ མི་ཁ་བྲ་མཆུ་གྱོད་སྣ་ཟློག༔ བཀྲ་ཤིས་བདེ་ལེགས་དཔལ་རྒྱས་མཛོད༔ དམ་ལ་མ་འདའ་ས་མ་ཡ༔ བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ༔ འདི་ཡང་མཁའ་འགྲོ་ལས་དབང་མོས༔ དག་པའི་སྣང་བ་རྒྱན་དུ་འཕྲུལ༔ ཁྲག་འཐུང་བདུད་འཇོམས་དཔའ་བོས་བྲིས༔ དགེའོ།། །། TI1613 - 435 TI1613 - 436 ༔ ཆོས་ཉིད་ནམ་མཁའི་ཀློང་མཛོད་ལས༔ རྫ་རྒྱལ་རྡོ་རྗེ་འཕན་ཕྱུག་ལ་གཉེར་བཅོལ་ཡིད་བཞིན་ཆར་འབེབས་བཞུགས༔ སངས་རྒྱས་ཆོས་དང་དགེ་འདུན་རྣམ་པ་གསུམ༔ བླ་མ་ཡི་དམ་མཁའ་འགྲོ་རྩ་གསུམ་ལྷ༔ ཁྱད་པར་འགྲོ་བའི་མགོན་པོ་པདྨ་འབྱུང་༔ མི་མངོན་དབྱིངས་ནས་ཐུགས་རྗེའི་སྤྱན་གྱིས་གཟིགས༔ སྣང་སྲིད་སྡེ་བརྒྱད་དྲེགས་པ་ཅན་རྣམས་དང་༔ ཡུལ་འདིའི་གཞི བདག་ཆེ་གེ་འཁོར་བཅས་ལ༔ སྔོན་གྱི་བཀའ་དམ་གཉན་པོ་གསལ་ཐོབ་ཅིག༔ བདག་ཅག་བརྒྱུད་འཛིན་ཡོན་མཆོད་འཁོར་བཅས་ཀུན༔ རྟག་ཏུ་སྲུང་སྐྱོབ་གཡེལ་བ་མེད་པ་དང་༔ གང་བསམ་ཕྲིན་ལས་བསྒྲུབ་པའི་བཀའ་ནན་ཐོབས༔ ཞེས་ལན་གསུམ་བརྗོད༔ ཀྱེེ༔ རིག་འཛིན་བརྒྱུད་པར་བཅས་པའི་བཀའ་ཐ་ཚིག༔ གཏའ་རུ་བཙུགས་ཏེ་དཔང་དུ་བཞག་ནས་སུ༔ རྫ་རྒྱལ་ཁྱོད་ལ་ཕྲིན ལས་གཉེར་བཅོལ་ནི༔ ཕྱོགས་འདིར་ཁྲོམ་ཟ་དཔོན་སྡེ་འབངས་འཁོར་དང་༔ དགོན་སྡེ་དགྲ་ཚན་མི་ནོར་དཀོར་བཅས་ཀུན༔ ཁྱེད་ལ་བཅོལ་ལོ་མི་འབྲལ་སྲུང་སྐྱོབ་མཛོད༔ དེ་རིང་ནས་བཟུང རྟག་ཏུ་ཁྱེད་མཆོད་ཀྱིས༔ ཡུལ་གཞིའི་སྲུང་མ་ཁྱེད་ལ་རྟེན་འཆའ་འོ༔ ཁྱེད་ཀྱང་ཐུགས་མ་གཡེལ་བར་བྱམས་བརྩེས་སྐྱོངས༔ དགྲ་ཇག་ཆོམ་རྐུན་མ་ལུས་རྡུལ་དུ་རློག༔ ཆར་ཆུ་དུས་TI1613 - 437 འབབ་རྩི་ཤིང་ལོ་འབྲས་སྨིན༔ རྟ་ལུག་གནག་ཕྱུགས་འཕེལ་ཁ་རྒྱས་པར་མཛོད༔ དུས་གསུམ་རྒྱལ་བ་སྲས་དང་བཅས་རྣམས་ཀྱིས༔ བཀའ་བསྒོ་ཡིན་ནོ་བཀའ་བཞིན་བསྒྲུབ་མཛོད་ཅིག༔ དམ་ཚིག་ཡིན་ནོ་དམ་ལས་མ་འདའ་བར༔ བཅོལ་བའི་ལས་དེ་ཐོགས་མེད་འགྲུབ་པར་མཛོད༔ ཅེས་ཀུན་བཟང་བསྟན་འཛིན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་རང་སློབ་དམ་པ་ངག་དབང་ཕྲིན་ལས་ཀྱིས་བྲིས་པ་དགེ་བས་བསྟན་འགྲོ་ཡོངས་ལ་ཕན་བདེའི་རྒྱུར་གྱུར་ཅིག །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །།ཨོཾཿ ཀྱེེ༔ རྫ་རྒྱལ་རྡོ་རྗེ་འཕན་ཕྱུག་དང་༔ རྫ་སྙིང་རྡོ་རྗེ་ཐོག་རྒོད་རྩལ༔ འདིར་བྱོན་འབྱོར་ཚོགས་མཆོད་འབུལ་བཞེས༔ བདག་ལ་མི་འབྲལ་སྲུང་སྐྱོབ་དང་༔ གང་བསམ་འདོད་དོན་ཡོངས་གྲུབ་མཛོད༔ དམ་ལ་མ་འདའ་ས་མ་ཡ༔ ཞེས་པ་འདི་ཆོས་རྒོད་ཀྱི་ངོར་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །དགེའོ །དགེའོ། །དགེའོ། །ལེགས་སོ། །སརྦ་མངྒ་ལཾ།། ། སྱྃ༔ རྡོ་རྗེ་མཆོག་རབ་རྩལ་གྱི་གསོལ་མཆོད་བདུད་རྩིའི་གཏེར་བུམ་བཞུགས་སོ༔ ཧཱུྃ་བྷྱོ༔ ཡུལ་ནི་གཡང་རའི་བསང་གཞོང་དུ༔ ཀླུ་གཉན་དྲི་ཟའི་སྤྱི་རྗེ་མཆོག༔ འཇིགས་བྱེད་རྡོ་རྗེ མཆོག་རབ་རྩལ༔ རྡོ་རྗེ་གཤོག་རྒོད་བཀའ་བཞིན་དུ༔ མ་ཐོགས་གནས་འདིར་གཤེགས་སུ་གསོལ༔ ཐུགས་མཐུན་འདོད་ཡོན་འདི་བཞེས་ལ༔ སྲིད་འཚོའི་བར་དུ་ལེགས་སྐྱོངས་ཤིག༔ གནོད་བྱེད་དགྲ་བགེགས་ཚར་ཆོད་ལ༔ ཡིད་སྨོན་རེ་བའི་དོན་ཀུན་སྒྲུབས༔ བཅོལ་བའི་ཕྲིན་ལས་གྲུབ་པར་མཛོད༔ བཛྲ་འབར་བ་རྩལ་ཐང་ཀ་ར་ནཱ་ག་རཱ་ཛ་པ་ཙ་ལ་ཨེ་དམ་བ་ལིངྟ་ཁ་ཁ ཁཱ་ཧི་ཁཱ་ཧི༔ ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེའི་ཉམས་སྣང་འོད་གསལ་བདེ་བའི་དབྱིངས་སུ་རྡོ་རྗེ་མཆོག་རབ་རྩལ་གྱིས་ཕུལ་བ་བརྡ་ཐིམ༔ གསོལ་མ་གསོལ་མ་T11613 - 439 T11613 - 440 བྡཾ ཆོས་ཉིད་ནམ་མཁའི་ཀློང་མཛོད་ལས༔ བསྟན་སྲུང་རྨ་རྒྱལ་སྤོམ་རའི་ཕྱག་རྒྱ་ནོར་གྱི་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མཆོད་རྫས་དཀར་གཏོར་སྐྱེམས་ཕུད་དང་༔ འབྲུ་སྣ་ཤ་དུམ་ལ་སོགས་པ༔ འབྱོར་ཚོགས་མཆོད་པའི་རྫས་སུ་བཤམས༔ སྭ་བྷཱ་ཝ་ཡིས་སྦྱངས་ནས་སུ༔ ཨ་ཀཱ་རོ་ཡིས་བྱིན་གྱིས་བརླབས༔ མཆོད་སྤྲིན་ནམ་མཁའ་མཛོད་དུ་སྤེལ༔ རང་ཉིད་ཨོ་རྒྱན་ཆེན་པོ་བསྒོམ༔ ཧཱུྃ༔ རང་ཉིད་པདྨ་འབྱུང་གནས་ཀྱི༔ མདུན་དུ་རང་སྣང་ལས་གྲུབ་པའི༔ རིན་ཆེན་སྣ་ཚོགས་གཞལ་ཡས་སུ༔ འཇའ་ཚོན་འོད་ལྔའི་གུར་ཁང་ཀློང་༔ རྟ་མཆོག་ངང་པ་འཕུར་ཤེས་སྟེང་༔ ལྷ་སྲས་རྨ་ཆེན་སྤོམ་ར་ནི༔ དམར་གསལ་མཛེས་ལྡན་གཞོན་ནུའི་ཚུལ༔ ཞལ་འཛུམ་ཆགས་པའི་ཉམས་དང་ལྡན༔ སྤྱན་གཉིས་སྣང་སྲིད་ས་ལེར་གཟིགས༔ ལེ་བརྒན་དམར་པོའི་ལྭ་ཐོད་དང་༔ བེར་དམར་བགོས་ཤིང་གཟི་འོད་འབར༔ ཕྱག་གཡས་ལྕགས་ཀྱུས་སྣང་སྲིད་འགུགས༔ གཡོན་པས་གཏེར་གྱི་བུམ་པ་བསྣམས༔ ཞབས་གཉིས་རོལ་པའི་སྟབས་སུ་བཞུགས༔ གཡོན་དུ་རྡོ་རྗེ་དྲག་མོ་རྒྱལ༔ དམར་མོ་ཆིབས་སུ་ཟངས་རྟ་བཅིབས༔ ལེ་བརྒན་དར་གྱི་ལྭ་བ་གསོལ༔ ཕྱག་གཡས་ལྕགས་ཀྱུ་གཡོན་ནོར་བུ༔ མཛེས་སྡུག་བལྟ་བས་ཆོག་མི་ཤེས༔ ཡབ་ཡུམ་དགྱེས་ཆགས་བདེ་ཉམས་ལྡན༔ མཐའ་བསྐོར་སྲས་ཀྱི་དམ་པ་ནི༔ རྨ་སྡེ་རོལ་པ་དགུ་དང་ནི༔ རྨ་འཁོར་སུམ་བརྒྱ་དྲུག་ཅུས་བསྐོར༔ ཀུན་ཀྱང་བདག་གི་བཀའ་ཉན་ཅིང་༔ ཕྲིན་ལས་བསྒྲུབ་ལ་དགྱེས་དགོངས་གྱུར༔ དེ་ལྟར་བདག་དང་མདུན་བསྐྱེད་ཀྱི༔ གནས་གསུམ་འོད་ཟེར་རབ་འཕྲོས་པས༔ རྨ་ཆེན་སྤོམ་ར་འཁོར་བཅས་ཀྱི༔ ཐུགས་ཀར་ཕོག་པས་རྒྱུད་བསྐུལ་ཏེ༔ ཐུགས་ཀྱི་དགོངས་ཤིང་གཡོ་ཙམ་གྱིས༔ བསྐྱེད་པའི་ལྷ་ལ་ཐིམ་པར་གྱུར༔ དེ་ནས་སྤྱན་འདྲེན་པ་ནི༔ བསོ་བསྭོ༔ བན་དང་བོན་གྱི་ཐ་ཚིག་གིས༔ ལྷ་སྲས་རྨ་ཆེན་སྤོམ་ར་འབོད༔ དམ་ཚིག་དབང་གིས་གཤེགས་སུ་གསོལ༔ མ་ཐོགས་མྱུར་དུ་གཤེགས་སུ་གསོལ༔ སྐད་ཅིག་ཉིད་ལ་གཤེགས་སུ་གསོལ༔ ཀུ་མ་རི་ཕུ་ཏྲི་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་མཆོད་འབུལ་བསྟོད་པ་ནི༔ ཧཱུྃ༔ སྒྱུ་མ་འཕྲུལ་གྱི་གཞལ་ཡས་འདིར༔ རང་རང་དགྱེས་པའི་གདན་ལ་བཞུགས༔ ཕྱི་ནང་གསང་མཆོད་དཔག་མེད་པ༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ མཆོད་དོ་འབུལ་ལོ་ཐུགས་དམ་བསྐང་༔ དབེན་གནས་རི་ཁྲོད་འགྲིམ་པ་དང་༔ སྙིང་པོའི་བསྒྲུབ་ལ་བརྩོན་པའི་ཚེ༔ རྣལ་འབྱོར་བདག་གི་འདོད་དོན་སྒྲུབས༔ བྡཾ སྐྱེ་འགྲོ་ཕོ་མོའི་བློ་ཡིད་སེམས༔ ཁབ་ལེན་རྡོ་དང་ལྕགས་འཕྲད་བཞིན༔ རང་དབང་མེད་པར་དབང་དུ་བསྡུས༔ ཟས་ནོར་ལོངས་སྤྱོད་ཆར་དུ་ཕོབས༔ དུས་རྣམས་རྟག་ཏུ་ཁ་འཛིན་མཛོད༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བདུད་ཀྱང་རུང་༔ མ་ལུས་ཐལ་བའི་རྡུལ་དུ་རློགས༔ ཁྱོད་ནི་འཇིག་རྟེན་འདི་ན་འཕགས༔ འདོད་འབྱུང་ཡིད་བཞིན་དབང་རྒྱལ་ལྟར༔ བསྟན་འགྲོའི་དོན་ལ་ཆེར་བརྩོན་ཅིང་༔ ཆབ་སྲིད་མངའ་ཐང་སྤེལ་བའི་ལྷ༔ དད་མོས་ངོ་མཚར་ཆེན་པོས་བསྟོད༔ བསྭོ་བསྭོ༔ ཀི་ལི་མིལ་མིན་ཏ་ས་མ་ཡ་ཛ་ཛཿ ཕེ་ཕེཾ༔ ཞེས་བརྗོད་མཐར་གསོལ་མཆོད་སྐབས་དང་བསྟུན་ཏེ་བྱ༔ དེ་ཡིས་འདོད་ཡོན་འབད་མེད་འགྲུབ༔ ཕྱི་ནང་བར་ཆད་གེགས་གྲོལ་ཞིང་༔ བཀྲ་ཤིས་དཔལ་འབར་ཡོན་ཏན་འབྱུང་༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་རྣལ་འབྱོར་པ་མཁྱེན་རབ་རྒྱ་མཚོས་ནན་དུ་བསྐུལ་ངོར། བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བ་ཐོག་མཐའ་བར་གསུམ་ཀུན་ཏུ་དགེ་བར་གྱུར་ཅིག །དགེའོ།། ། TI1613 - 443 TI1613 - 444 བྡཾ ཆོས་ཉིད་ནམ་མཁའི་ཀློང་མཛོད་ལས༔ དགྲ་ལྷ་ང་འདྲ་མཆེད་བརྒྱད་ཀྱི༔ མཆོད་གསོལ་དགོས་འདོད་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །སྒཀྵཥྛ དགྲ་ལྷ་ང་འདྲ་མཆེད་བརྒྱད་ཀྱི༔ གསོལ་མཆོད་བསྡུས་པ་ལག་ལེན་ལ༔ དཀར་དམར་ཟས་སྣ་སྐྱེམས་ཚོགས་བཤམས༔ སྭ་བྷཱ་ཝ་ཡིས་སྟོང་པར་སྦྱངས༔ ནམ་མཁའ་མཛོད་ཀྱི་སྔགས་བཟླས་ཏེ༔ སྟོང་པའི་ངང་ལས་སྐད་ཅིག་གིས༔ སྒྱུ་མའི་འཕྲུལ་སྣང་བཀོད་པ་བཞིན༔ འདོད་རྒུའི་དཔལ་ཡོན་ཕུན་ཚོགས་གཏེར༔ མི་ཟད་རྒྱན་གྱི་འཁོར་ལོར་སྤེལ༔ རང་ཉིད་ཡི་དམ་ལྷར་གསལ་ངང་༔ ཀྱེེ༔ དགྲ་ལྷ་ང་འདྲ་མཆེད་བརྒྱད་དང་༔ རབ་མཛེས་སྨན་བཙུན་ཆེན་མོ་བརྒྱད༔ བུ་འཁོར་སྡེ་དང་བཅས་པ་རྣམས༔ འདིར་གཤེགས་གྲོགས་དང་སྲུང་མར་བཞུགས༔ ཤ་ཁྲག་དམར་གཏོར་རཀྟ་དང་༔ ཇ་ཆང་འོ་སྐྱེམས་འདོད་རྒུའི་དཔལ༔ ལྷ་ཀླུ་མི་ཡི་ཟས་དང་ནོར༔ དར་ཟབ་གོ་མཚོན་སྣ་ཚོགས་དང་༔ གཟུགས་འགྲོས་རྣམ་པ་སྣ་ཚོགས་པ༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ གསོལ་ལོ་མཆོད་དོ་ཐུགས་དམ་བསྐང་༔ ཉིན་གྱི་དུས་སུ་བྱ་ར་དང་༔༷ མཚན་གྱི་དུས་སུ་མེལ་ཚེ་མཛོད༔ གང་བསམ་འདོད་དོན་ལྷུན་གྲུབ་ཅིང་༔ ཞི་རྒྱས་དབང་དང་དྲག་པོའི་ལས༔ ཐོགས་པ་མེད་པར་འགྲུབ་པར་མཛོད༔ བཀའ་དང་དམ་ཚིག དྲན་མཛོད་ལ༔ མ་འདའ་བཛྲ་ས་མ་ཡ༔ དེ་ཡིས་སྲུང་མ་བྲན་ཁོལ་འགྱུར༔ དགྲ་ལྷ་འཁོར་ཞིང་རླུང་རྟ་དར༔ འཕྲལ་ཕུག་ཀུན་ཏུ་དགེ་ལེགས་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་གཉེར་འཇམ་དབྱངས་ཕུན་ཚོགས་ནས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། ཇོམས་ང་འདྲ་མཆེད་བརྒྱད TI1613 - 446 ར མ ཆོས་ཉིད་ནམ་མཁའི་ཀློང་མཛོད་ལས༔ ཟོ་དོར་ང་འདྲ་མཆེད་བརྒྱད་ཀྱི་བསང་མཆོད་འདོད་རྒུའི་ཆར་འབེབས་བཞུགས་སོ༔ TI1613 - 447 ཥྟཾ ན་མོ་གུ་རུ་པདྨ་ཀ་ར་ཡེ༔ ནྜལྦམྷ ཟོ་དོར་ང་འདྲ་མཆེད་བརྒྱད་ཀྱི༔ བསང་མཆོད་ལག་ལེན་རིམ་པ་ལ༔ འབྲུ་སྣ་ཟས་སྣ་ཤ་ཁྲག་དང་༔ ཇ་ཆང་འོ་ཕུད་ལ་སོགས་པ༔ བཟའ་བཏུང་རིགས་སུ་གྱུར་པ་དང་༔ བཟང་ཤིང་སྤོས་ཀྱི་རིགས་རྣམས་ཀྱི༔ དུ་བ་རྒྱ་ཆེར་བཏང་ནས་སུ༔ ནམ་མཁའ་མཛོད་ཀྱི་སྔགས་བརྗོད་ཅིང་༔ ལྷ་ཀླུ་མི་ཡི་ཟས་ནོར་དཀོར༔ སྒྱུ་མ་ལྟ་བུའི་ཏིང་འཛིན་གྱིས༔ འདོད་ཡོན་ནམ་མཁའ་མཛོད་དུ་སྤེལ༔ རང་ཉིད་པདྨ་འབྱུང་གནས་གསལ༔ ཧཱུྃ༔ སྐུ་གསུམ་དབྱིངས་དང་དབྱིངས་བཞུགས་པའི༔ ཞི་ཁྲོ་རྡོ་རྗེ་དབྱིངས་ཀྱི་ལྷས༔ འཇིགས་དང་སྡུག་བསྔལ་ལས་སྐྱོབ་པའི༔ མཐུ་སྟོབས་ནུས་པའི་བྱིན་ཕོབ་ཅིག༔ TI1613 - 448 ཛ་ཟླ ཀྱེེ༔ ཡུལ་ནི་མདོ་ཁམས་སྒང་དྲུག་གི༔ ཡུལ་ལྷ་ཀུན་གྱི་སྤྱི་རྗེ་མཆོག༔ རྨ་ཆེན་རྒྱལ་པོ་སྤོམ་ར་ཡིས༔ རྨ་ཤོད་ཡུལ་གྱི་ས་འཛིན་དུ༔ སྤྲུལ་པའི་སྐྱེས་བུ་མཆེད་བརྒྱད་འཕྲུལ༔ ང་མིན་ང་དང་འདྲ་འོ་སྐད༔ གེ་སར་རྒྱལ་པོའི་དགྲ་ལྷ་སྟེ༔ དགྲ་འདུལ་དཔའ་བོ་སྟག་ཆས་ཅན༔ སྨུག་ནག་ཁྲོ་གཏུམ་འོད་དུ་འབར༔ ཆིབས་སུ་རྒྱ་སྟག་ངར་མ་ཆིབས༔ ཕྱག་གཡས་བསམ་གཅོད་རལ་གྲི་ཕྱར༔ གཡོན་པས་འགུགས་བྱེད་ལྕགས་ཀྱུ་བསྣམས༔ འཕྲུལ་གྱི་མདའ་གཞུ་རྐེད་ལ་བསྐོར༔ འདིར་གཤེགས་དགྱེས་པའི་གདན་ལ་བཞུགས༔ འདོད་འཇོའི T11613 - 449 བདུད་རྩིའི་བསང་མཆོད་འབུལ༔ མི་འབྲལ་གྲོགས་དང་སྲུང་མ་མཛོད༔ ཝེར་མ་གཏུམ་ཆེན་འབར་བ་ནི༔ དམར་ནག་གཟི་བརྗིད་འོད་དུ་འབར༔ ཆིབས་སུ་མེ་རྟ་དམར་པོ་ཆིབས༔ གཡས་པས་སྲོག་གཅོད་དགྲ་སྟ་དང་༔ གཡོན་ན་དགྲ་སྙིང་དམར་རློན་བསྣམས༔ འཕྲུལ་གྱི་མདའ་གཞུ་རྐེད་ལ་བསྐོར༔ འདིར་གཤེགས་དགྱེས་པའི་གདན་ལ་བཞུགས༔ འདོད་འཇོའི་བདུད་རྩིའི་བསང་མཆོད་འབུལ༔ མི་འབྲལ་གྲོགས་དང་སྲུང་མ་མཛོད༔ དགྲ་ལྷ་ས་འཛིན་རྒྱལ་པོ་ནི༔ སྐུ་མདོག་སེར་གསལ་ཞི་མ་ཁྲོ༔ རིན་ཆེན་ནོར་བུའི་ཁྲི་ལ་འགྱིང་༔ ཕྱག་གཡས་ཡིད་བཞིན་ནོར་བུ་དང་༔ གཡོན་པས་རླུང་གི་ཞགས་པ་བསྣམས༔ དར་དང་རིན་ཆེན་རྒྱན་གྱིས་སྤྲས༔ འདིར་གཤེགས་དགྱེས་པའི: འདོད་འཇོའི་བདུད་རྩིའི༴ མི་འབྲལ་གྲོགས་དང་༔ དགྲ་ལྷ་རྡོ་རྗེ་ཐོགས་མེད་རྩལ༔ མཐིང་ནག་ཁྲོ་ཞིང་གཏུམ་རྔམས་ཞལ༔ ཆིབས་སུ་ངང་པ་རྔོག་ནག་ཆིབས༔ ཕྱག་གཡས་མདུང་དར་སྔོན་པོ་ཕྱར༔ གཡོན་པས་གློ་སྙིང་དྲོན་མོ་བཅིང་༔ འཕྲུལ་གྱི་མདའ་གཞུ་རྐེད་ལ་བསྐོར༔ འདིར་གཤེགས་དགྱེས་པའི༴ འདོད་འཇོའི་བདུད་རྩིའི༴ མི་འབྲལ་གྲོགས་དང་༔ དགྲ་ལྷ་