Tibetan
པ་མ་མོ་མེ་སྟག་བཞིན་དུ་འཕྲོ༔ ཐོད་སྐམ་དབུ་རྒྱན་དར་གྱི་ཅོད་པན་མཛེས༔ དར་ནག་ལའུ་གསོལ་ཞིང་མགོ་ཕྲེང་བརྒྱན༔ མི་ལྤགས་གཡང་གཞི་རློན་པས་སྟོད་གཡོགས་བྱས༔ ཞབས་གཉིས་གྱད་ཀྱི་འདོར་སྟབས་ཚུལ་དུ་བསྒྲད༔ ཕྱག་གཡས་ལྕགས་ཀྱུས་སྣང་སྲིད་དབང་དུ་བསྡུས༔ གཡོན་པས་དགྲ་སྙིང་དམར་རློན་ཞལ་དུ་གསོལ༔ ཐུགས་ཀར་ཡིད་བཞིན་ནོར་ ཕ༔ བུ་འོད་འབར་ལས༔ སྒྲུབ་པ་པོ་ལ་ལོངས་སྤྱོད་ཆར་ལྟར་འབེབས༔ གནས་གསུམ་ཡིག་འབྲུ་གསུམ་ལས་འོད་འཕྲོས་པས༔ འབྱུང་ལྔའི་དབྱིངས་དང་སྣང་22 སྲིད་ཁམས་ཀུན་ནས༔ ལྷ་དང་སྲུང་མ་མ་ལུས་སྤྱན་དྲངས་བསྟིམ༔ ཨོཾ་ར་ལི་པྲ་མ་ཡ་མ་མ་བཛྲ་ས་མ་ཡ་ཛ་ཛཿ ཞེས་པའི་འབོད་སྔགས་དེ་ཆུ་བོའི་རྒྱུན་བཞིན་དུ་བཟླའོ༔ སླར་ཡང་རྦད་སྔགས་བཟླ་བ་ལ༔ ཨོཾ་མ་མ་ར་ལི་པྲ་མ་ཡ་སརྦ་ས་པ་རི་ཝཱ་ར་དགྲ་བོ་ཆེ་གེ་མོའི་བླ་ཚེ་སྲོག་ལ་རྦད་རྦད་བྷྱོ༔ དེ་ནས་བསད་སྔགས་བཟླ་བ་ལ༔ ཨོཾ་མ་མ་ར་ལི་པྲ་མ་ཡ་དགྲ་བོའི་བླ་ཚེ་སྲོག་དབུགས་མཱ་ར་ཡ་སོད་སོད་བྷྱོ༔ མ་མོ་རཀྴ་བྷྱོ༔ མ་མ་ཡཀྴ་བྷྱོ༔ མ་མོ་དུ་ཏྲི་བྷྱོ༔ ཨཿཡཿ མཿ དུཿ རུཿ ཙཿ ཤཿནཿ ས་མ་ཡ་དགྲ་བོའི་སྲོག་ལ་རྦད་སོད་བྷྱོ༔ དེ་ལྟར་བཟླས་པས་རྟགས་མཚན་རྣམས༔ རིམ་བཞིན་འབྱུང་བའི་ངང་ཚུལ་བརྟགས༔ ལག་ལེན་གནད་དང་ལྡན་གྱུར་ན༔ མངོན་སྤྱོད་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་རྣལ་འབྱོར་པ་ཡེ་ཤེས་རྡོ་རྗེས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། །། T11613 - 276 ཕ༔ ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་ཤ་ཟ་ཆེན་མོའི་གསོལ་མཆོད་བཞུགས་སོ༔ ན་མོ་གུ་རུ་བྷྱ༔ དྷ།༔ ཕུད་སྐྱེམས་གཏོར་མ་ནམ་མཁའ་མཛོད་ཀྱི་སྔགས་རྒྱས་བརླབ་ལ༔ ཧཱུཾ༔ རང་ཉིད་ཡི་དམ་དྲག་པོ་ཧེ་རུའི་མདུན་དུ་དུར་ཁྲོད་རབ་ཏུ་འཇིགས་པའི་གནས་ཁྲག་གི་རྒྱ་མཚོ་ཆེན་པོའི་ཀློང་དུ་ཀེང་རུས་སྐམ་པོའི་ཐོད་མཁར་མེ་འབར་བའི་དབུས་སུ༔ མཿལས་ཤ་ཟའི་རྒྱལ་མོ་ཁ་མོ་ཆེ་མི་ལྤགས་རློན་པའི་གཡང་གཞི་གསོལ་ཞིང་ནག་མོ་ཁྲག་གི་རལ་པས་དགྲ་ལ་ཁྲག་ནད་འབེབས་ཤིང་བསྟན་དགྲ་ཧུབ་འདེབས་ཀྱི་ཁ་བོ་ཆེ་མཆན་ཁུང་གཡོན་དུ་གདེངས་པ་ནད་རྐྱལ་ནག་པོ་མཆན་ཁུང་གཡས་ན་བཅུག་སྟེ་ལག་གཡས་ཞིང་ལྤགས་ཀྱི་རུ་མཚོན་དང་གཡོན་ཐོད་ཁྲག་ཐོགས་པ༔ བོང་བུ་ནག་པོ་ལ་བཅིབས་ཤིང་འཁོར་རང་འདྲ་བརྒྱད་དང་བཅས པ་ཐམས་ཅད་སྒྲུབ་མཆོག་རྣམས་ལ་བརྩེ་ཞིང་དགྱེས་ཏེ་དགྲ་བོའི་སྲོག་ལ་རྔམས་ཤིང་བསྟན་ལ་དགོངས་པར་གྱུར༔ གནས་གསུམ་ལས་འོད་འཕྲོས་པས་སྣང་སྲིད་འཁོར་འདས་གར་བཞུགས་པའི་གནས་ནས་སྤྱན་དྲངས་ལ་བསྟིམ་མོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ དཔལ་ལྡན་སྔགས་ཀྱི་སྲུང་མ་ མ་མོ་ཡོངས་ཀྱི་གཙོ་མོ་ནག་མོ་ཁྲག་གི་རལ་བསིགས་ཤ་ཟ་ཌཱ་ཀི་ཁ་མོ་ཆེ་སྤྲུལ་འཁོར་བཀའ་སྡོད་དང་བཅས་པ་ཐམས་ཅད་བཀའ་དང་དམ་ཚིག་གཉན་པོ་ལ་མ་འདའ༔ དམ་ཚིག་གཉན་གྱིས་འབོད་དོ༔ དམ་ཚིག་དབང་གིས་གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ལན་གསུམ༔ ད་༔ སྤེལ་སྔགས་མཐར༔ ཧཱུྃ་བྷྱོ༔ ཤ་ཟ་ཌཱ་ཀི་ཁ་མོ་ཆེ༔ མ་ཁྱོད་སྤྲུལ་འཁོར་བཀའ་སྡོད་བཅས༔ དད་དང་དམ་ཚིག་གཉན་གྱིས་འབོད༔ སྒྲུབ་པའི་གནས་རྫས་འདིར་རྟེན་ཆོས༔ འདོད་ཡོན་མི་ཟད་རྒྱན་འཁོར་གྱིས༔ གསོལ་ལོ་མཆོད་དོ་ཐུགས་དམ་བསྐང་༔ སྐད་ཅིག་མི་འབྲལ་གྲོགས་མཛོད་ལ༔ བསམ་དོན་ཡིད་བཞིན་འགྲུབ་པ་དང་༔ དགྲ་བགེགས་ཚར་གཅོད་ཕྲིན་ལས་མཛོད༔ མ་མ་བཛྲ་ས་མ་ཡ༔ ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་ཆོས་ཉིད་ནམ་མཁའི་མཛོད་ལས་ཕབ་པའོ། །དགེའོ། །དགེའོ། །དགེའོ།། ། T11613 - 278 ༔ ཆོས་ཉིད་ནམ་མཁའི་ཀློང་མཛོད་ལས༔ དམ་ཅན་རྡོ་རྗེ་ལེགས་པའི་ཕྱག་རྒྱ་ནོར་བུ་དབང་རྒྱལ་བཞུགས་སོ༔ ནྃ།རྒྒསྟོ།ཧྱ་ཧཱུཾ༔ ན་མོ་གུ་རུ་པདྨ་ཀ་ར་ཡེ༔ དམ་ཅན་རྡོ་རྗེ་ལེགས་པ་ཡི༔ ཕྱག་རྒྱ་ཡིད་བཞིན་དབང་རྒྱལ་ནི༔ ལག་ཏུ་ལེན་པའི་རིམ་པ་ལ༔ ཟངས་ལྕགས་སྣོད་དུ་གཏོར་མ་ནི༔ གྲུ་གང་ངམ་ནི་འཁྱུད་གང་བ༔ དར་རས་ཤ་ཁྲག་གིས་བརྒྱན་པའི༔ གཡོན་དུ་དམར་གཏོར་གཅིག་དང་ནི༔ མཐའ་མར་གཏོར་ཆུང་བརྒྱད་ཀྱིས་བསྐོར༔ བ་ལིང་ཟན་དུམ་རྣམ་ལྔར་བཅས༔ བཤམས་ཏེ་བསྒྲུབ་པའི་རྟེན་དུ་བཙུག༔ རང་ཉིད་ཡི་དམ་ལྷར་གསལ་ངང་༔ རང་ཉིད་རྡོ་རྗེ་གཏུམ་པོར་གསལ༔ མདུན་དུ་རབ་འཇིགས་དུར་ཁྲོད་དབུས༔ ཟངས་ལྕགས་འདྲེས་པའི་མཁར་ནང་དུ༔ ཏྲིཿ ཡིག་དམར་ནག་འཕྲོ་འདུ་ལས༔ དམ་ཅན་རྡོ་རྗེ་ལེགས་པ་སྐྱོངས༔ དམར་ནག་དར་བེར་དམར་པོ་གསོལ༔ ཕྱག་གཉིས་རྡོ་རྗེ་དགྲ་སྙིང་བསྣམས༔ ཁྲོ་གཏུམ་ཨམ་གཙིགས་མཆེ་བ་གཙིགས༔ ཁྲོ་གཉེར་སྡུད་ཅིང་སྤྱན་གསུམ་བསྒྲད༔ སྨ་ར་སྨིན་མར་མེ་སྟག་འཕྲོ༔ དབུ་ལ་སྭག་ཞུ་སྨུག་པོ་མནབས༔ ཞབས་ལ་སྭག་ལྷམ་མཛེས་པ་གསོལ༔ རྒྱལ་པོ་རོལ་པའི་སྟབས་སུ་བཞུགས༔ སེང་གེ་དཀར་མོའི་ཁྲི་ལ་འགྱིངས༔ ཡུམ་མཆོག་ཀོང་བཙུན་དེ་མོ་ནི༔ དམར་མོ་ཞི་མ་ཁྲོ་འཛུམ་མཛེས༔ ཕྱག་T11613 - 279 གཡས་འགུགས་པའི་ལྕགས་ཀྱུ་དང་༔ གཡོན་པས་གཏེར་གྱི་བུམ་པ་བསྣམས༔ ཆིབས་སུ་ཤ་བ་ཡུ་མོ་བཅིབས༔ དར་གྱི་ལའུ་དམར་ཁྲ་གསོལ༔ སུམ་བརྒྱ་དྲུག་ཅུའི་འཁོར་ཚོགས དང་༔ སྡེ་བརྒྱད་དམག་གི་དབུས་ན་ངོམས༔ གནས་གསུམ་ཡི་གེ་འབྲུ་གསུམ་དང་༔ ཐུགས་སྲོག་ཏྲིཿ ལས་འོད་འཕྲོས་པས༔ གནས་ཡུལ་དུར་ཁྲོད་གཙུག་ལག་དང་༔ ཆོས་འཁོར་དབེན་གནས་ཐམས་ཅད་དང་༔ འབྱུང་ལྔའི་ཁམས་ནས་སྤྱན་དྲངས་བསྟིམ༔ དེ་ནས་འབོད་སྔགས་ནི༔ ཏྲིཿ བཛྲ་སཱ་དྷཱུ་ས་མ་ཡ་ཧྲཱི་ཛ་ཛཿ ཤེས་པ་གཞན་དུ་མ་ཡེངས་པར༔ མཚོ་ལ་ཁ་ཆར་བབ་པ་བཞིན༔ འབྱུང་ལྔའི་དབྱིངས་ནས་སྤྱན་དྲངས་བསྟིམ༔ གསལ་བརྟན་འཐས་པའི་ཐབས་ལ་འབད༔ ར་ཡི་ཤ་ཁྲག་གཏོར་མ་དང་༔ ར་གསུར་རྒྱུན་མི་ཆད་པར་བཏང་༔ གནད་དེས་དྲེགས་པ་བྲན་ཁོལ་ཞིང་༔ ཕྲིན་ལས་འགྲུབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་བསོ་རྒན་སྤྲུལ་སྐུ་རིན་པོ་ཆེ་ཚེ་དབང་རིག་འཛིན་གྱིས་བཞེད་ངོར། ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེས་སོ།། དགེའོ །སརྦ་མངྒ་ལཾ།། 0༡ཧྃ།༔ ཆོས་ཉིད་ནམ་མཁའི་ཀློང་མཛོད་ལས༔ དམ་ཅན་རྡོ་རྗེ་ལེགས་པའི་སྒྲུབ་ཐབས་ཡིད་བཞིན་དཔལ་སྟེར་བཞུགས་སོ༔ ན་མོ་གུ་རུ་བཛྲ་པཱ་ཎི་ཡེ༔ ཝནྟཛ༔ རང་ཉིད་ཡི་དམ་ལྷར་གསལ་བའི་མདུན་དུ་མེ་རླུང་ཆར་སྤྲིན་འཁྲིགས་པའི་ཀློང་དུ་དམ་ཅན་རྡོ་རྗེ་ལེགས་པ་སྐུ་མདོག་དམར་ནག་གཡས་རྡོ་རྗེ་དང་གཡོན་དགྲ་སྙིང་བསྣམས་པ་དབུ་ལ་སྭག་ཞུ་དང་སྐུ་ལ་དར་བེར་གསོལ་བ༔ རྐེད་པར་སྟག་རལ་དང་གཟིག་ཤུབ་ཀྱིས་བརྒྱན་པ་ཤིན་ཏུ་ཁྲོས་ཤིང་གཏུམ་པ་སེང་གེ་དཀར་མོ་ལ་བཅིབས་ཤིང་འཁོར་བཙན་ཐེའུ་སྡེ་བརྒྱད་ཀྱིས་བསྐོར་བ་དང་བཅས་པ་སྤྱན་དྲངས༔ ཨོཾ་བཛྲ་སཱ་དྷཱུ་ས་མ་ཡ་ཕེཾ་ཛ་ཛཿ དེ་ནས་གསོལ་མཆོད་བྱ་བ་ལ༔ ནམ་མཁའ་མཛོད་སྔགས་མཐར༔ ཧཱུྃ༔ དད་པ་དང་ནི་དམ་ཚིག་གིས༔ རྡོ་རྗེ་ལེགས་པ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ བདག་གི་སྲུང་མར་མངའ་གསོལ་ལོ༔ བསྟན་པ་བསྲུང་ཕྱིར་གུས་ཕྱག་འཚལ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ འཁོར་སྲུང་རྐྱེན་བཟློག་བར་ཆད་སོལ༔ ཞི་རྒྱས་དབང་དང་མངོན་སྤྱོད་ལས༔ ཕྲིན་ལས་རབ་འབྱམས་ཡོངས་འགྲུབ མཛོད༔ མ་གཡེལ་མ་འགྱངས་ས་མ་ཡ༔ ཞེས་པས་ཕ་མ་བུ་ཚ་བཞིན༔ བྲན་ཁོལ་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ ཞེས་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲིས་སོ། དགེའོ། །སརྦ་མངྒ་ལཾ།། བདུད་འཇོམས་སྲུང་མ་དམ་ཅན་རྡོར་ལེཊ 278 བདུད་འཇོམས་སྲུང་མ་དམ་ཅན་རྡོར་ལེཊ TI1613 - 282 ཧཱུྃ༔ ཆོས་ཉིད་ནམ་མཁའི་ཀློང་མཛོད་ལས༔ དམ་ཅན་རྡོ་རྗེ་ལེགས་པའི་གསོལ་མཆོད་བསྡུས་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རང་ཉིད་ཡི་དམ་ལྷར་གསལ་བའི༔ མདུན་དུ་མེ་རླུང་འཁྲིགས་པའི་ཀློང་༔ ཏྲིཿ ལས་སྐྱེས་བུ་ཆེན་པོ་ནི༔ སྨུག་ནག་ཞལ་གཅིག་ཕྱག་གཉིས་པ༔ སྤྱན་གསུམ་རབ་བསྒྲད་ཁྲོ་གཉེར་འཁྲུགས༔ ཨམ་གཙིག་མཆེ་བ་རབ་ཏུ་གཙིགས༔ སྨ་ར་སྨིན་མར་མེ་སྟག་འཕྲོ༔ དབུ་ལ་སྭག་ཞུ་མཛེས་པར་གསོལ༔ ཕྱག་གཡས་གསེར་གྱི་རྡོ་རྗེ་ཕྱར༔ གཡོན་པས་དགྲ་སྙིང་དམར་རློན་བསྣམས༔ བེར་ཆེན་གསོལ་ཞིང་སེང་གེ་ཆིབས༔ རབ་མཛེས་རྣོ་བའི་འཁོར་གསུམ་བརྒྱན༔ བཙན་དམག་སུམ་བརྒྱ་དྲུག་ཅུས་བསྐོར༔ བདག་མདུན་ཐུགས་ལས་འོད་འཕྲོས་པས༔ གནས་ཡུལ་ཀུན་ནས་སྤྱན་དྲངས་བསྟིམ༔ ཏྲིཿ བཛྲ་སཱ་དྷཱུ་ས་མ་ཡ་ཛ་ཛཿ ལན་བརྒྱ་བརྗོད༔ དེ་ནས་མཆོད་གསོལ་བསྐང་བ་ལ༔ ར་ཡི་ཤ་ཁྲག་གསུར་བཏང་ཞིང་༔ འབྱོར་ཚོགས་མཆོད་རྫས་ཅི་རིགས་བཤམས༔ ནམ་མཁའ་མཛོད་དུ་སྤེལ་བསྒྱུར་ཏེ༔ བསྭོ༔ དད་པ་དང་ནི་དམ་ཚིག་གིས༔ རྡོ་རྗེ་ལེགས་པ་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་འགྲུབ་མཛོད༔ དམ་ལ་མ་འདའ་ས་མ་ཡ༔ ཅི་མང་བརྗོད་པ་གནད་དུ་ཤེས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ རྦཛྲ༔ ཞེས་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། བདུད་འཇོམས་སྲུང་མ་དམ་ཅན་རྡོར་ལེཊ 280 བདུད་འཇོམས་སྲུང་མ་དམ་ཅན་རྡོར་ལེཊ T11613 - 284 _UNKཟླ ཆོས་ཉིད་ནམ་མཁའི་ཀློང་མཛོད་ལས༔ དམ་ཅན་རྡོ་རྗེ་ལེགས་པའི་གསོལ་མཆོད་ཕྲིན་ལས་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གརྦགརྟུསན་ཧཋ ཀྱེེ༔ གནམ་ས་གཙང་ཆབ་ཕྱེད་ཀྱི་བདག༔ དམ་ཅན་རྡོ་རྗེ་ལེགས་པ་སྐྱོང་༔ ཀོང་བཙུན་དེ་མོ་ཡུམ་དང་བཅས༔ མཆེད་འཁོར་སུམ་བརྒྱ་དྲུག་ཅུས་བསྐོར༔ རྒྱལ་བ་ཤཱཀྱ་ཐུབ་པ་དང་༔ གསང་བའི་བདག་པོ་རྡོ་རྗེ་འཛིན༔ ཨོ་རྒྱན་པདྨ་ཐོད་ཕྲེང་སོགས༔ རིག་འཛིན་བརྒྱུད་པའི་བཀའ་དམ་གྱིས༔ འབོད་དོ་སྤྱན་འདྲེན་གཤེགས་སུ་གསོལ༔ བདག་གི་གྲོགས་དང་སྲུང་མར་བཞུགས༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་མི་ཟད་གཏེར་དུ་འབུལ༔ དཀར་གསུམ་དང་ནི་མངར་གསུམ་དང་༔ ཤ་ཚིལ་རྐང་དང་ལྷ་བ་དང་༔ ཁྲག་ཞག་འོ་མཚོ་ཇ་ཆང་སྐྱེམས༔ འབྲུ་སྣ་སྨན་སྣ་ཤིང་ཐོག་རིགས༔ བཟའ་བཅའ་བཏུང་བ་ལྡག་གཞིབ་ཟས༔ ར་ཡི་ཤ་ཁྲག་ར་གསུར་དང་༔༷ གསེར་དངུལ་ཟངས་ལྕགས་རིན་ཆེན་རིགས༔ དར་ཟབ་གོ་མཚོན་གཟུགས་འགྲོས་དང་༔ དཀོར་ནོར་ལོངས་སྤྱོད་སྣ་ཚོགས་པ༔ མདོར་ན་ཡིད་ལ་གང་འདོད་པའི༔ ལོངས་སྤྱོད་མི་ ཟད་གཏེར་དུ་འབུལ༔ དམ་ཅན་ཆེན་པོའི་ཐུགས་དམ་བསྐང་༔ རྡོ་རྗེ་ལེགས་པའི་ཐུགས་དམ་བསྐང་༔ སྐྱེས་བུ་ཆེན་པོའི་ཐུགས་དམ་བསྐང་༔ མགར་བ་ནག་པོའི ཨ་ཅོ་ཆེན་པོའི༴ ཚོང་དཔོན་ཆེན་པོའི༴ དགྲ་ལྷ་ཆེན་པོའི། བརྟན་མ་ཡུམ་གྱིཿ མོན་པ་ཕོ་མོའི མཆེད་འཁོར་ཚོགས་ཀྱིཿ ཡང་འཁོར་བཀའ་སྡོད་གསོལ་ལོ་མཆོད་དོ་དགྱེས་གྱུར་ཅིག༔ སྐད་ཅིག་མི འབྲལ་སྲུང་སྐྱོབ་མཛོད༔ མི་མཐུན་ཕྱོགས་རྣམས་ཞི་བ་དང་༔ ཚེ་བསོད་དཔལ་འབྱོར་རྒྱས་པར་མཛོད༔ སྣང་སྲིད་སྐྱེ་འགྲོ་དབང་དུ་སྡུས༔ འདོད་རྒུའི་དཔལ་ཡོན་ཆར་དུ་ཕོབས༔ གཟུགས་ཅན་དགྲ་ལ་ལྟས་ངན་ཐོངས༔ གློ་བུར་ཧུར་ཐུམ་ནད་ཀྱིས་སོད༔ གཟུགས་མེད་བགེགས་ཀྱི་མགོ་འཕང་ཆོམས༔ རྒོལ་དང་གནོད་པའི་སྦྱོར་རྩུབ་བཟློག༔ མངོན་སྤྱོད་ལས་ཀྱིས་དགྲ་བགེགས་སོད༔ བཅོལ་བའི་ཕྲིན་ལས་གྲུབ་པར་མཛོད༔ དམ་ལ་མ་འདའ་ས་མ་ཡ༔ དེ་ལྟར་གྲངས་ལྡན་བསྐྱར་གྱུར་ན༔ བཀའ་སྲུང་གཉན་པོ་བྲན་ཁོལ་ཞིང་༔ ཕྲིན་ལས་རྣམ་བཞི་ཐོགས་མེད་འགྲུབ༔ བཀྲ་ཤིས་དགེ་ལེགས་དཔལ་འཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་རིགས་སྲས་ཀུན་བཟང་ནོར་བུས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ། ཝྃ༔ ཆོས་ཉིད་ནམ་མཁའི་ཀློང་མཛོད་ལས༔ དམ་ཅན་རྡོ་རྗེ་ལེགས་པའི་བསང་མཆོད་ཆོས་ཉིད་སྤྲིན་དཔུང་བཞུགས༔ ན་མོ་གུ་རུ་པདྨ་ཀ་ར་ཡེ༔ བཟང་ཤིང་ཕྱེ་མར་སྤོས་སྣ་བསགས༔ རཾ་ཡཾ་ཁཾ་གིས་མི་གཙང་སྦྱངས༔ ཨོཾ་ཨཱཿ ཧཱུྃ་གིས་བདུད་རྩིར་བསྒྱུར༔ འཕོ་ཆེན་གཏེར་དུ་བྱིན་རླབས་གྱུར༔ ཧྲཱིཿ བདེ་སྟོང་ཡེ་ཤེས་གཉིས་མེད་སྦྱར་བ་ལས༔ འཕོ་མེད་ནམ་མཁའ་མཛོད་ཀྱི་གཏེར་ཆེན་པོ༔ ཟག་མེད་བདུད་རྩི་བསང་གི་མཆོད་སྤྲིན་འདིས༔ གསང་བདག་རྡོ་རྗེ་གཏུམ་པོ་བསང་ཞིང་བརྔན༔ དམ་ཅན་རྡོ་རྗེ་ལེགས་པ་བསང་ཞིང་བརྔན༔ ཡབ་རྗེ་མོན་པ་ནག་པོ་བསང་ཞིང་བརྔན༔ ཡུམ་མཆོག་མོན་མ་ནག་མོཿ ཀློང་ཆེན་སེང་ཞོན་དམག་ཚོགས མཁའ་དབྱིངས་བྱ་ཞོན་དམག་ཚོགསཿ སྤོ་འཛིན་ར་ཞོན་དམག་ཚོགས ཐེ་བྲང་སྟོང་སྡེ་ཕྱི་ནང་སྤྲུལ་འཁོར་བསང་༔ མདོར་ན་དམ་ཅན་སྐྱེས་བུ་ཆེན་པོ་ཡི༔ བཀའ་སྡོད་སྡེ་ཚོགས་མ་ལུས་བསང་ཞིང་བརྔན༔ ཞི་རྒྱས་དབང་དྲག་ལས་བཞི་ཐོགས་མེད་སྒྲུབས༔ ཟབ་གཏེར་བསྟན་པའི་མངའ་ཐང་འཕེལ་རྒྱས་མཛོད༔ ཤཱཀ་ཐུབ་ཕྱག་རྡོར་པད་འབྱུང་སྤྱན་སྔ་རུ༔ ཁས་བླངས་ཇི་བཞིན་དམ་ཚིག་གཉེར་བཅོལ་ལོ༔ མ་འདོར་མ་འདའ་བཛྲ་ས་མ་ཡ༔ དེ་ལྟར་བསང་མཆོད་གྲངས་བསགས་ན༔ སྲུང་མ་གཉན་པོས་བུ་བཞིན་སྐྱོངས༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཉིད་ཀློང་ཆེན་རྡོ་རྗེས་བསྐུལ་ངོར་དྲི་མེད་པས་སོ། །དགེའོ།། བདུད་འཇོམས་སྲུང་མ་དམ་ཅན་རྡོར་ལེཊ་T11613 - 288 བདུད་འཇོམས་སྲུང་མ་དམ་ཅན་རྡོར་ལེཊ་T11613 - 288 ་བྡཾ ཆོས་ཉིད་ནམ་མཁའི་ཀློང་མཛོད་ལས༔ ཞིང་སྐྱོང་སེང་གདོང་ཡབ་ཡུམ་གྱི་སྲོག་གཏད་ནོར་བུ་དབང་རྒྱལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྨརཪྻ།སྒྲ ཞིང་སྐྱོང་མགོན་པོའི་སྲོག་གཏད་ལ༔ དང་པོ་བསྒྲུབ་པའི་གཞུང་བསྲངས་ཏེ༔ དབང་རྫས་ལེགས་བཤམས་མཆོད་གསོལ་གྱི༔ བྱིན་གྱིས་བརླབས་ནས་སྐྱབས་སེམས་འབོག༔ བགེགས་བསྐྲད་བསྲུང་བའི་འཁོར་ལོ་བསྒོམ༔ མཎྜལ་དབུལ་ཞིང་གསོལ་གདབ་ནི༔ ཀྱེེ༔ དུས་གསུམ་རྒྱལ་བ་འདུས་པའི་སྐུ༔ རྡོ་རྗེའི་བླ་མ་པདྨ་འབྱུང་༔ བདག་ཅག་རྣམ་གྲོལ་སར་བསྒྲོད་པའི༔ སྐལ་བར་ལྡན་པའི་སྐྱེས་བུ་ལ༔ གནས་བདག་སྲུང་མ་ཡོངས་འདུས་པའི༔ བཀའ་སྲུང་གཉན་པོའི་སྲོག་གཏད་ཞུ༔ ལན་གསུམ༔ དེ་ནས་བླ་མས༔ ཧོཿ ལས་དང་སྐལ་བར་ལྡན་པ་ཡི༔ སྐྱེས་བུ་དམ་པ་མཆོག་ཁྱོད་ལ༔ སྲོག་གི་དབང་མཆོག་འདི་གཏད་ན༔ དགའ་ཞིང་སྤྲོ་བའི་སེམས་ཀྱིས་ཉོན༔ དེ་ནས་སློབ་མ་ལྷར་གསལ་ནི༔ ཨོཾ་མ་ཧཱ་ཤུ་ནྱ་ཏཱ་སོགས༔ སྟོང་པ་ཉིད་དུ་གྱུར༔ སྟོང་པའི་ངང་ལས་སྐད་ཅིག་གི་སློབ་མ་རྣམས་ཆེ་མཆོག་རྡོ་རྗེ་ཁྲོ ལོད་ཞལ་གཅིག་ཕྱག་གཉིས་རྡོ་རྗེ་དང་ཕུར་པ་བསྣམས་པ༔ ཤིན་ཏུ་ཁྲོས་ཤིང་གཏུམ་པ་སྟག་མོ་གྲུས་མ་ལ་ཆིབས་པ་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་ བསྒོམ༔ རང་གི་མདུན་གྱི་ནམ་མཁར་ཞིང་སྐྱོང་ཀུན་དགའ་གཞོན་ནུ་འཁོར་ཞིང་རྡུལ་གྱི་གྲངས་དང་མཉམ་པར་བསྐྱེད་ལ༔ དེ་ནས་དམ་ཆུ་སྦྱིན་པ་ལ༔ དབྱིངས་ནས་ཁྲོ་བོ་གནོད་སྦྱིན་དང་དཔལ ཆེན་ཕྱག་ན་རྡོ་རྗེ་འོད་དུ་ཞུ་ནས་དམ་ཚིག་གི་བདུད་རྩི་ལ་ཐིམ་པར་བསམ༔ ཧོཿ རྡོ་རྗེ་ཁྲོ་བོ་གནོད་སྦྱིན་དང་༔ དཔལ་ཆེན་ཕྱག་ན་རྡོ་རྗེ་ཡི༔ འདའ་དཀའ་དམ་ཚིག་རྡོ་རྗེའི་ཆུ༔ མི་དང་སྲུང་མའི་ལྕེ་ལ་བཞག༔ སྙིང་གི་དཀྱིལ་དུ་ཐིག་ལེར་བབ༔ དམ་ཚིག་གཉན་པོའི་སྲོག་ཐོབ་དམིགས༔ མི་དང་ལྷ་ཡིས་མནའ་བོར་བསམ༔ ས་མ་ཡ་ན་ར་ཀན༔ ཞེས་དམ་ཆུ་ལྷ་ལ་བྲན༔ སློབ་མའི་ལྕེ་ལ་བཞག་སྟེ༔ མདུན་གྱི་ལྷ་འོད་དུ་ཞུ་ནས་སློབ་མ་ལ་ཐིམ༔ ལུས་དང་གྲིབ་མའི་ཚུལ་དུ་གཉིས་སུ་མེད་པར་བསྒོམ༔ དེ་ནས་ཞིང་སྐྱོང་མགོན་པོའི་སྐུ་གཏད་ལ༔ ཧོཿ ས་འོག་ས་སྟེང་ས་བླ་དང་༔ ཕྱོགས་བཞི་མཚམས་བརྒྱད་ལ་གནས་པའི༔ དབང་ཕྱུག་ཆེན་པོ་སེང་གེའི་གདོང་༔ སྟོང་པའི་རྒྱས་འདེབས་སི་ན་མ༔ ནག་པོ་སྟོང་དང་ཤ་ཟ་འབུམ༔ མ་མོ་བྱེ་བ་གནོད་སྦྱིན་ཁྲི༔ བཀའ་ཡི་ལྷ་སྲིན་སྡེ་བརྒྱད་དང་༔ བདུད་ཕོ་ཐོད་ཁུར་མི་ཡི་ལུས༔ བདུད་མོ་སྲོག་ལེན་ཤ་ཟ་མོ༔ གནས་ཡུལ་སྲུང་མ་ཐམས་ཅད་ཀྱི༔ ལུས་ངག་ཡིད་ལ་དབང་ཐོབ་ཤོག༔ སེང་ཧ་མུ་ ཛ ཁ་ས་པ་རི་ཝཱ་ར་ཧཱུྃ༔ ཏྲི་ཙིཏྟ་ཨ་བྷི་ཥིཉྩ་ཧཱུྃ༔ ཅེས་སློབ་མ་ཞིང་སྐྱོང་མགོན་པོའི་སྐུ་དངོས་སུ་གྱུར་ཏེ༔ ཉི་མ་ལས་ཉི་ཟེར་དང་ཉི་འོད་སྣང་བ་བཞིན་དུ་རྟེན སྣང་སྲིད་ཀྱི་ཁམས་དང་བརྟེན་པ་དྲེགས་པའི་འཁོར་ཚོགས་ཐམས་ཅད་རང་བྱུང་རང་ཆས་སུ་རྫོགས་པར་གྱུར༔ ཨོཾ་ཏྲི་ཤྲཱི་བཛྲ་མ་ཧཱ་ཀཱ་ལ་སིངྷ་མུ་ཁ་ཧཱུྃ་ཕཊ༔ ཌཱ་ཀི་ནཱི་ཏྲི་སི་ན་ར་མ་བྷྱོ༔ དྷྲི་ཏྲི་ཡ་མ་ར་ཙ་དུ་ཏྲི་ཕུ་ཏྲི་སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་ཙིཏྟ་སྲོག་ཏྲེག་ཨ་བྷི་ཥིཉྩ་ཧཱུྃ༔ དེ་ནས་སློབ་མ་ཞིང་སྐྱོང་དངོས་སུ་གསལ་བ་ལ༔ དར་ནག་བེར་ཆེན་གཏད་ལ༔ ༔ བདུད་མགོན་ནག་པོ་ཆེན་པོ་ལ༔ དར་ནག་བེར་ཆེན་འདི་གསོལ་བས༔ གཞན་གྱིས་མི་ཐུབ་དྲག་ཤུལ་གྱི༔ སྣང་སྲིད་ཡོངས་ལ་དབང་བསྒྱུར་ཤོག༔ སརྦ་སྤཪྴ་ཧ་ཀཱ་ལ་ཨ་བྷི་ཥིཉྩ་ཧཱུྃ༔ དེ་ནས་དར་ནག་རུ་མཚོན་གཡས་སུ་གཏད་ལ༔ ཧོཿ བདུད་མགོན་ནག་པོ་ཆེན་པོ་ལ༔ དར་ནག་རུ་མཚོན་འདི་གཏད་པས༔ དུག་གསུམ་རྒྱུ་རྐྱེན་དགྲ་བགེགས་ཀུན༔ མ་ལུས་བསྒྲལ་བའི་དབང་ཐོབ་ཤོག༔ ཏྲི་ཤུ་ལ་དུ་དུ་ས་ཨ་བྷི་ཥིཉྩ་ཧཱུྃ༔ དེ་ནས་དམར་གཏོར་གཏད་ལ༔ ཧཱུྃ༔ བདུད་མགོན་ནག་པོ་ཆེན་པོ་ལ༔ སྙིང་དང་གཏོར་ཟོར་འདི་གཏད་པས༔ སྐྱེ་འགྲོའི་སྲོག་ལ་དབང་མཛད་ཅིང་༔ དགྲ་དཔུང་བརླག་པའི་དབང་ཐོབ་ཤོག༔ ཨ་མུ་ཀའི་ཙིཏྟ་ཐུན་ཡ་ཟོར་ཡ་ཨ་བྷི་ཥིཉྩ་ཧཱུྃ༔ དེ་ནས་བེར་དམར་དང་ཁ་ཊྭཱྃ་ཙིཏྟ་སོགས་གཏད་ལ༔ ཧཱུྃ༔ ཡུམ་མཆོག་སི་ན་ར་མ་ལ༔ གཞན་གྱིས་མི་ཐུབ གོ་ཁྲབ་དང་༔ བེར་དམར་ཁ་ཊྭཱྃ་དགྲ་སྙིང་དང་༔ ནད་ཀྱི་རྐྱལ་པ་འདི་གཏད་པས༔ སྐྱེ་འགྲོའི་སྲོག་ལ་དབང་ཐོབ་ཤོག༔ སརྦ་ཨ་བྷི་ཥིཉྩ་ཧཱུྃ༔ དེ་ནས་སྒྲུབ་གཏོར་གཏད་ལ༔ ཧཱུྃ༔ དྲག་ཤུལ་བདག་པོ་ཡབ་ཡུམ་ལ༔ སྒྲུབ་པའི་གཏོར་མ་འདི་གཏད་པས༔ སྒྲུབ་དང་དཀྱིལ་འཁོར་ཡོངས་རྫོགས་ལ༔ དབང་ཐོབ་རབ་འབྱམས་ཕྲིན་ལས་ཀུན༔ ཡོངས་གྲུབ་དབང་མཆོག་ཐོབ་པར་ཤོག༔ སརྦ་ཨ་བྷི་ཥིཉྩ་ཧཱུྃ༔ ཅེས་གཏོར་མ་ལྷ་རུ་བསྐྱེད་པ་དེ་སློབ་མ་ལ་གཏད་པ་