Tibetan
རིགས་བཞི་ཁྲོ་བོ་བཅུ༔ ཡབ་ཡུམ་ཟ་གསོད་སྒོ་སྐྱོང་བཅས༔ ཐུགས་རྗེའི་དབང་གིས་གཤེགས་སུ་གསོལ༔ དེ་ཡི་བཀའ་སྡོད་སྲུང་མ་ནི༔ ཤྭ་ན་མཆེད་བཞི་གཤེགས་སུ་གསོལ༔ རེ་ཏཱི་མ་བཞི༴ བསྲེ་མོ་མཆེད་བཞི། སྐྱེས་བུ་མཆེད་བཞིཿ དབང་ཕྱུག་ཉེར་བརྒྱད༴ འཁོར་དང་བཅས་པ་གཤེགས་སུ་གསོལ༔ བསྟན་དང་འགྲོ་བའི་དོན་ཕྱིར་དུ༔ སྒྲུབ་པའི་གནས་འདིར་བཞུགས་སུ་གསོལ༔ སྒོ་གསུམ་གུས་པས་ཕྱག་འཚལ་ལོ༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་མཆོད་སྣ ཚོགས་དང་༔ དགྲ་བགེགས་བསྒྲལ་བའི་ཤ་ཁྲག་རུས༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ རྡོ་རྗེ་གཞོན་ནུའི་ཐུགས་དམ་བསྐང་༔ སྤྲུལ་འཁོར་བཀའ་སྡོད་ཐུགས་དམ་བསྐང་༔ ཕུར་པའི་སྲུང་མར་ཁས་བླངས་པའི༔ མ་མོ་བཅུ་གཉིས་ཐུགས་དམ་བསྐང་༔ སྐྱེས་བུ་མཆེད་བཞིའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཐུགས་དང་འགལ་འཁྲུལ་ཉེས་བྱས་བཤགས༔ རབ་གུས་གདུང་བས་ཕྱག་འཚལ་བསྟོད༔ མཆོག་དང་ཐུན་མོང་དངོས་གྲུབ་སྩོལ༔ ཚེ་དང་སྒྲུབ་པ་མཐའ་རུ་སྐྱོལ༔ སྙིང་རུས་ངེས་འབྱུང་རྟེན་ཕུར་ཚུགས༔ ཕྱི་ནང་གསང་བའི་བར་ཆད་བཟློག༔ དགྲ་བགེགས་གནོད་བྱེད་མ་ལུས་སྒྲོལ༔ ཕྲིན་ལས་རབ་འབྱམས་ཡོངས་འགྲུབ་མཛོད༔ རང་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ དེ་ལྟར་གྲངས་ལྡན་བསྐྱལ་བ་ཡིས༔ བཀའ་སྲུང་དྲེགས་པ་བྲན་འཁོར་ནས༔ འདོད་དོན་ཡིད་བཞིན་འབྱུང་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ བ༔ ཨྠི༔ ཞེས་པ་འདི་རྣལ་འབྱོར་པ་གསང་སྔགས་བསྟན་འཛིན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག །དགེའོ།། །། 12 2 བསྐང་གཉིས་སོ། གསོལ་233 233 TI1613 - 237 TI1613 - 238 བྡཾ། ཆོས་ཉིད་ནམ་མཁའི་ཀློང་མཛོད་ལས༔ མ་མོ་ཕུར་སྲུང་རྒྱ་མཚོའི་བསྐང་གསོལ་འདོད་འཇོའི་དཔལ་ཕྲེང་བཞུགས་སོ༔ ན་མོ་གུ་རུ་ཝེ༔ ཕྱི་ནང་གསང་བའི་མཆོད་པ་བཤམས༔ ནམ་མཁའ་མཛོད་ཀྱི་སྔགས་ཀྱིས་སྤེལ༔ རང་ཉིད་རྡོ་རྗེ་ཕུར་པར་བསྒོམས༔ བྷྱོ༔ སྔགས་སྲུང་སྨུག་ནག་འོད་འཕྲོ་དང་༔ དཔལ་ལྡན་རང་བྱུང་རྒྱལ་མོ་ཆེ༔ ཆོས་ཀྱི་དབྱིངས་ནས་སྐུར་བཞེངས་ལ༔ འཁོར་དང་བཅས་པ་གཤེགས་སུ་གསོལ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ འདོད་ཡོན་མི་ཟད་གཏེར་ཆེན་པོས༔ ཨེ་ཀ་ཙ་ཏིའི་ཐུགས་དམ་བསྐང་༔ ཙ་ཏི་མཆེད་གསུམ་ཐུགས་དམ་བསྐང་༔ བྲན་མོ་བཅུ་བཞིའི་ཐུགས་དམ་བསྐང་༔ གཡོག་དང་ཡང་གཡོགཿ རང་བྱུང་རྒྱལ་མོའིཿ ར་ཏཱི་མཆེད་བཞིའི༴ ཤྭ་ན་མཆེད་བཞིའི༴ བདག་ཉིད་མ་བཞིའི༴ ས་བདག་མ་བཞིའི༴ སྐྱེས་བུ་གིང་བཞིའི་ཕུར་སྲུང་ཡོངས་ཀྱིཿ ཐུགས་དམ་བསྐང་ངོ་ཉམས་ཆག་བཤགས༔ གསོལ་ལོ་མཆོད་དོ་དགྱེས་དགོངས་གསོལ༔ མཆོག་དང་ཐུན་མོང་དངོས་གྲུབ་སྩོལ༔ ཕྱི་ནང་གསང་བའི་བར་ཆད་བཟློག༔ ཕྲིན་ལས་རབ་འབྱམས་ལྷུན་གྲུབ་ཅིང་༔ རྣམ་མཁྱེན་སངས་རྒྱས་ས་ལ་སྐྱོལ༔ བཀའ་དང་དམ་ཚིག་འདིར་དགོངས་ལ༔ ཐུགས་རྗེའི་T1613 - 239 བརྩེ་བས་བདག་སྐྱོངས་ཤིག༔ སྐད་ཅིག་མི་འབྲལ་སྲུང་སྐྱོབ་མཛོད༔ མ་མ་བཛྲ་ས་མ་ཡ༔ མ་མོ་ཡིད་ལ་བྱས་ནས་སུ༔ རྟག་ཏུ་བརྗོད་པས་ཕྲིན་ལས་བྱེད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་བཙུན་པ་བློ་གྲོས་ཀྱིས་བསྐུལ་ངོར་བདུད་འཇོམས་གླིང་པས་སོ། །དགེའོ།། 236 T11613 - 240 ༔ ཆོས་ཉིད་ནམ་མཁའི་ཀློང་མཛོད་ལས༔ ཕུར་སྲུང་དམ་ཅན་རྒྱ་མཚོའི་བསྐང་གསོལ་ཆོས་ཉིད་སྤྲིན་ཕུང་ནི༔ ན་མོ་གུ་རུ་པདྨ་ཀ་ར་ཡེ༔ ཕུར་པ་སྒྲུབ་པའི་རྣལ་འབྱོར་གྱིས༔ དཀར་གསུམ་མངར་གསུམ་ཤ་ཁྲག་དང་༔ འབྱོར་ཚོགས་གཏོར་མ་སྐྱེམས་ཕུད་བཤམས༔ དངོས་འཛིན་སྟོང་ཉིད་ཆེན་པོར་བཤིག༔ མཁའ་ལ་འཇའ་ཚོན་ཤར་བ་བཞིན༔ སླར་ཡང་སྟོང་པའི་ངང་ཉིད་ལས༔ མཆོད་སྤྲིན་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་བརྗོད་ནས་སླར༔ ཧཱུྃ་བྷྱོ་ཛཿ སྐྱེ་མེད་ཆོས་ཀྱི་དབྱིངས་ཉིད་ལས༔ དབྱིངས་ཀྱི་རྗེ་མོ་གཤེགས་སུ་གསོལ༔ སྤྲུལ་པས་སྲིད་པ་དབང་བསྒྱུར་མོ༔ སྲིད་པའི་རྒྱལ་མོ་གཤེགས་སུ་གསོལ༔ རེ་ཏཱི་མཆེད་བཞི་གཤེགས་སུ་གསོལ༔ ཤྭ་ན་མཆེད་བཞི་གཤེགས་སུ་གསོལ༔ བསྭེ་མོ་མཆེད་བཞི༴ མིང་པོ་གིང་བཞི དབང་ཕྱུག་ཉེར་བརྒྱད༴ འཁོར་དང་བཅས་པ་གཤེགས་སུ་གསོལ༔ ཧཱུྃ༔ ཆོས་ཉིད་སྒྱུ་མར་རོལ་པའི་འཕྲུལ༔ བཟའ་བཅའ་བཏུང་བ་ལྡག་གཞིབ་ཟས༔ འདོད་རྒུའི་དཔལ་ཡོན་ལོངས་སྤྱོད་འདི༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ ཨེ་ཀ་ཙ་ཏིའི་ཐུགས་དམ་བསྐང་༔ དཔལ་ལྡན་ལྷ་མོའི་ཐུགས་དམ་བསྐང་༔ རེ་མ་ཏཱི་ཡི་ཐུགས༴ རེ་མ་ཏ་ཡི་ཐུགས༴ རེ་མ་ཛ་ཡི་ཐུགས༴ རེ་མ་ཇུ་ཡི་ཐུགས་ཤྭ་ན་མུ་ཁའི་ཐུགསཿ སྲི་ལ་མུ་ཁའི་ཐུགས༴ ཀུ་ཀུ་མུ་ཁའི་ཐུགས༴ རྡོ་རྗེ་དེ་བྱིན་ཐུགས༴ རྡོ་རྗེ་བསྭེ་བྱིན་ཐུགས༴ རྡོ་རྗེ་ཡ་བྱིན་ཐུགས༴ རྡོ་རྗེ་ཕག་བྱིན་ཐུགསཿ དུང་གི་སྐྱེས་བུའི་ཐུགས༴ བསྭེ་ཡི་སྐྱེས བུའི་ཐུགས༴ ཟངས་ཀྱི་སྐྱེས་བུའི་ཐུགས༴ ལྕགས་ཀྱི་སྐྱེས་བུའི་ཐུགས་འཁོར་དང་བཅས་པའི་ཐུགས༴ དབང་ཕྱུག་ཉེར་བརྒྱད་ཐུགས་དམ་བསྐང་༔ མདོར་ན་རྡོ་རྗེ་འཆང་དབང་དང་༔༷ པདྨ་ཐོད་ཕྲེང་སྤྱན་སྔ་རུ༔ ཕུར་པའི་སྲུང་མར་ཁས་བླངས་པའི༔ བཀའ་སྲུང་དམ་ཅན་རྒྱ་མཚོ་ལ༔ གསོལ་ལོ་མཆོད་དོ་ཐུགས་དམ་བསྐང་༔ འགལ་རྐྱེན་བར་ཆད་ཞི་བ་དང་༔ ཚེ་བསོད་ཡེ་ཤེས་རྒྱས་པ་དང་༔ ཁམས་གསུམ་དབང་སྡུད་ཕྲིན་ལས་མཛོད༔ གཟུགས་ཅན་དགྲ་དང་གཟུགས་མེད་བགེགས༔ གནོད་གདུག་དྲག་ཤུལ་སེམས་ལྡན་པའི༔ དགྲ་བགེགས་མ་ལུས་རྡུལ་དུ་རློགས༔ བཀའ་བཞིན་བཀའ་སྲུང་མཐུ་རྩལ་ཅན༔ དེ་བཞིན་དམ་ལ་མ་འདའ་ཞིག༔ བཅོལ་བའི་ཕྲིན་ལས་གྲུབ་པར་མཛོད༔ དེ་ལྟར་ཕུར་སྲུང་རྒྱ་མཚོའི་ཚོགས༔ ཡིད་ལ་བྱས་ཏེ་གྲངས་མང་དུ༔ བཟླས་པས་བྲན་དང་འབངས་སུ་འཁོར༔ རབ་འབྱམས་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཉེར་མཁོའི་ཆེད་དུ་བདུད་འཇོམས་པས་སོ། །དགེའོ།། ། T1613 - 242 2 ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ དམར་པོ་ལྷ་གསུམ་གྱི་སྒྲུབ་པ་ལྕགས་ཀྱུ་སྙིང་འཛིན་ཞེས་བྱ་བ་བཞུགས་སོ༔ སྒྲུབ་གཅིག་TI1613 - 243 བདུད་འཇོམས་སྲུང་མ་དམར་པོ་ལྷ་གསུཾ་ཨོཾ༔ ན་མོ་གུ་རུ་པདྨ་ཀ་ར་ཡེ༔ རྒྱ་ག་ཀླན་ཀ༔ བཀའ་སྲུང་དབང་གི་ལྷ་གསུམ་གྱི༔ དྲིལ་སྒྲུབ་ཉམས་སུ་ལེན་པ་ལ༔ འབྱོར་ཚོགས་གཏོར་མ་ཅི་རིགས་བཤམས༔ སྔགས་དང་ཏིང་འཛིན་སྟོབས་ཤུགས་ཀྱིས༔ འདོད་ཡོན་ནམ་མཁའ་མཛོད་དུ་སྤེལ༔ ཨོཾ་མ་ཧཱ་ཤུ་ནྱ་ཏཱ་སོགས༔ རང་ཉིད་ཡི་དམ་ལྷར་གསལ་བའི་མདུན་དུ་ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་དབུས་སུ་པདྨ་རཱ་གའི་ཁྲིའི་སྟེང་དུ་པདྨ་དང་ཟླ་ཕྱེད་ཀྱི་གདན་ལ་རང་ཡི་དམ་གྱི་ཐུགས་ཀའི་སྲོག་ཡིག་ལས་ཨཾཿཡིག་དམར་པོ་མེ་སྟག་ཡར་བ་ལྟར་བབས་ཏེ་འོད་ཟེར་ཡར་འཕྲོས་པས་རྒྱལ་བ་སྲས་བཅས་སྤྱན་T11613 - 244 ཨོཾཿ དྲངས་མར་འཕྲོས་ཁམས་གསུམ་སེམས་ཅན་ཐམས་ཅད་ཀྱི་ཚེ་བསོད་ནམས་འབྱུང་བ་བཞིའི་བཅུད་དང་དྭངས་མ་ཐམས་ཅད་ཚུར་འདུས་ཨཾཿལ་ཐིམ༔ ཨཿཡིག་ཡོངས་སུ་གྱུར་པ་ལས་ལྷ་ཆེན་དབང་ཕྱུག་ཆེན་པོ་སྐུ་མདོག་དམར་གསལ་ལྕགས་ཀྱུ་དང་རླུང་ཞགས་བསྣམས་པ་ཞབས་གཉིས་དོར་སྟབས་སུ་བཞེངས་ཏེ་གསང་བའི་རྡོ་རྗེ་བསྒྲེང་བ་སྤྱི་བོར་ཟླ་བ་ཚེས་ཤིང་ལྟེ་བར་ཉི་མ་འཆར་བ་རལ་པ་མཐིང་ནག་ས་ལ་སླེབས་པའོ༔ དེའི་གཡོན་དུ་ལྷ་མོ་ཨུ་མ་དཱེ་ཝི་གཡས་ལྕགས་ཀྱུ་དང་གཡོན་ཉི་ཟེར་གྱི་ཞགས་པ་བསྣམས་ནས་ཡབ་ཀྱི་སྐུ་ལ་རེག་པ TI1613 - 245 མཐོང་བ་ཙམ་གྱིས་ཡིད་འཕྲོག་ཅིང་དྲན་པ་ཙམ་གྱིས་རེ་བ་སྐོང་བར་བྱེད་པའི་ནུས་པ་དང་ལྡན་པའི་ཕྱོགས་བཞིར་སྤྲུལ་པ་ལས་ཀྱི་ལྷ་མོ་རྣམ་བཞི་ལྕགས་ཀྱུ་དང་རང་རྟགས་ཀྱི་ཕྱག་མཚན་བསྣམས་པར་བསྐྱེད་དོ༔ སླར་ཡང་རང་ཡི་དམ་གྱི་སྲོག་ཡིག་ལས་ཡི་གེ་ཀྵ་ཧྲཱིཿའཕྲོས་ཏེ་ལྷ་ཆེན་དབང་ཕྱུག་ཆེན་པོའི་གཡས་ལོག་ཏུ་བབ་པ་ལས་གནོད་སྦྱིན་ཤན་པ་ཆེན་པོ་སྐུ་མདོག་དམར་ནག་ཤིན་ཏུ་ཁྲོས་ཤིང་རྔམས་པ་ཕྱག་བཞི་གཡས་གཉིས་རལ་གྲི་དང་གྲི་གུག་བསྣམས་ཤིང་གཡོན་གཉིས་སྙིང་ཞགས་དང་ཐོད་ཁྲག་འཛིན་པ་ཡུམ་གསོད་བྱེད་དམར་མོ་སྤུ་གྲི་དགྲ་སྙིང་ཐོགས་པ་གཉིས་མེད་དུ་སྦྱོར་བ་མེ་ཁྱུང་དམར་པོ་རླུང་གི་གཤོག་པ་ཅན་ལ་ཆིབས་ཤིང་ལས་མཁན་སྤྲུལ་པའི་འཁོར་བརྒྱད་ཀྱིས་བསྐོར་བ་བསྐལ་པའི་མེ་རླུང་འཁྲིགས་པའི་ཀློང་དུ་བསྐྱེད་དོ༔ དབང་ཕྱུག་ཆེན་པོའི་གཡོན་ལོག་ཏུ་ཡི་གེ་ཙ་ཏྲིཿ དམར་ནག་ཡོངས་སུ་གྱུར་པ་ལས་གནོད་སྦྱིན་ཙིའུ་དམར་པོ་རྟ་དམར་མིག་གསུམ་ལ་ཞོན་པ་རབ་འཇིགས་ཁྲོ་གཏུམ་བལྟར་མི་བཟོད་པ་གཡས་བཙན་མདུང་དང་གཡོན་བཙན་ཞགས་བསྣམས་ནས་འཁོར་གསུམ་སྐེད་ལ་བསྐོར་བ་འཁོར་རང་འདྲའི་སྐྱེས་བུ་ཞུབ་ཆེན་དྲུག་གིས་བསྐོར་བ་ལྷ་ཚོགས་དེ་དག་ཐམས་ཅད་ཀྱི་མི་མངོན་མི་ཤིགས་ ཨོཾཿ པའི་རྡོ་རྗེའི་གོ་ཁྲབ་གསོལ་ཞིང་སྤྲུལ་པ་ལས་ཀྱི་ཕོ་ཉ་ཁྲ་ཐབས་སུ་འགྱེད་པ་དེ་དག་གི་ཕྱི་རིམ་དཔལ་མགོན་བདུན་ཅུ་རྩ་ལྔ་བཀའ་ཡི་ལྷ་སྲིན་སྡེ་བརྒྱད་སྟོང་གསུམ་ཡུལ་ལྷ་གཞི་བདག་ལ་སོགས་པའི་སྣང་སྲིད་ཀྱི་དྲེགས་པ་ཅན་གྱིས་བསྐོར་ནས་ལྷ་མིའི་ཁྲོམ་འཚོགས་པ་ལྟ་བུར་བདག་གི་བཀའ་ཉན་ཅིང་གསུང་སྡོད་པའི་ཚུལ་དུ་བསྐྱེད་དོ༔ དེ་ལྟར་གསལ་བའི་གནས་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་ལྷ་ཆེན་དབང་ཕྱུག་ཆེན་པོ༔ གནོད་སྦྱིན་ཤན་པ་དམར་ནག༔ བཙན་རྒྱལ་ཙིའུ་དམར་པོ་འཁོར་དང་བཅས་པ་དམ་ཚིག་དབང་གིས་ཐུགས་དམ་གྱི་རྒྱུད་བསྐུལ་ནས་སྐྱི་སེར་འཚུབས་པ་བཞིན་དུ་སྤྱན་དྲངས་ཏེ་བསྐྱེད་པའི་ལྷ་ལ་སིབ་སིབ་ཏུ་ཐིམ་པར་བསྒོམ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ལྷ་ཆེན་དབང་ཕྱུག་ཆེན་པོ༔ གནོད་སྦྱིན་ཤན་པ་དམར་ནག༔ བཙན་རྒྱལ་ཙིའུ་དམར་པོ་ཡབ་ཡུམ་སྤྲུལ་འཁོར་དང་བཅས་སོགས༔ ཀྱེེ༔ དད་པ་དང་ནི་དམ་ཚིག་གཉན་པོ་ཡིས༔ ལྷ་གནས་གསུམ་དང་གངས་དཀར་རྒྱ་མཚོའི་འགྲམ༔ ཁམས་གསུམ་དབང་ཕྱུག་ཆེན་པོ་གཤེགས་སུ་གསོལ༔ དབང་དྲག་རོལ་པ་ཧེ་ ཆེན་བརྡལ་བ་དང་༔ བྱང་ཕྱོགས་རིན་ཆེན་གཏེར་གྱི་གཞལ་ཡས་ནས༔ གནོད་སྦྱིན་ཤན་པ་འཁོར་བཅས་གཤེགས་སུ་གསོལ༔ བྷ་ཏ་ཧོར་དང་ཤམ་གླིང་དཀོར་མཛོད་གླིང་༔ གར་བཞུགས་གནས་ནས་གནོད་སྦྱིན་ཙི་མ་ར༔ བཀའ་སྡོད་སྤྲུལ་འཁོར་དང་བཅས་གཤེགས་སུ་གསོལ༔ སྒྲུབ་པའི་གནས་འདིར་དགྱེས་པའི་གདན་ལ་བཞུགས༔ བདག་གི་བྲན་དང་སྲུང་མར་མངའ་གསོལ་ལོ༔ དཀར་གསུམ་མངར་གསུམ་བདུད་རྩིའི་རྒྱ་མཚོ་དང་༔ བཙོས་དང་རྗེན་ཤ་ཁྲག་དང་ཁུ་བ་རྐང་༔ རོ་བརྒྱའི་ཟས་སྣ་གཟུགས་འགྲོས་དཀོར་ནོར་དང་༔ རང་རང་དགྱེས་པའི་མཐུན་རྫས་སྣ་ཚོགས་འབུལ༔ ཉེར་སྤྱོད་འདོད་ཡོན་སྨན་གཏོར་རཀྟ་དང་༔ ཕྱི་ནང་གསང་བའི་མཆོད་རྫས་སྣ་ཚོགས་འབུལ༔ ཕྲིན་ལས་རབ་འབྱམས་འབད་མེད་མྱུར་འགྲུབ མཛོད༔ ཨརྒྷཾ་སོགས་ནས་སྔགས་མཆོད་བརྗོད༔ དེ་ནས་བསྟོད་པ་བྱ་བ་ནི༔ ཧཱུྃ༔ ཁམས་གསུམ་དབང་སྡུད་དབང་ཕྱུག་ལྷ་ཆེན་པོ༔ འཇིག་རྟེན་དྲེགས་པའི་གཙོ་བོ་ཁྱོད་ལ་བསྟོད༔ གནོད་སྦྱིན་སྡེ་རིགས་ཀུན་ལས་མངོན་མཐོ་བ༔ དབང་དང་དྲག་པོའི་ཕྲིན་ལས་མངའ་དབང་བསྒྱུར༔ གནོད་སྦྱིན་ཤན་པ་དམར་ནག་ཁྱོད་ལ་བསྟོད༔ སྲོག་བདག་ཀུན་གྱི་རྒྱལ་པོ་ཙི་མ་ར༔ སྤྲུལ་པའི་TI1613 - 248 ཨོཾ༔ ལས་མཁན་སྐྱེས་བུ་རོལ་པ་བདུན༔ རུ་འདྲེན་སྡེ་བཞི་ལས་མཁན་བཅས་ལ་བསྟོད༔ ཁྱེད་རྣམས་བསྟེན་བསྒྲུབ་མཆོད་གསོལ་བྱས་པའི་འབྲས༔ བདག་ཅག དཔོན་སློབ་འཁོར་དང་བཅས་པ་ལ༔ ཁ་འཛིན་སྡོང་གྲོགས་མེལ་ཚེ་སྐྱེལ་བསུ་དང་༔ འདོད་དོན་ཕྲིན་ལས་མ་ལུས་ཡོངས་གྲུབ་མཛོད༔ ཁྱད་པར་གཟུགས་ཅན་དགྲ་དང་གཟུགས་མེད་བགེགས༔ མ་ལུས་མ་འགྱང་ཐལ་བའི་རྡུལ་དུ་རློག༔ བཀའ་དམ་གཉན་ལ་མ་འདའ་ས་མ་ཡ༔ དེ་ནས་འབོད་སྔགས་ནི༔ ཨོཾ་མ་ཧཱ་དཱེ་ཝ་ཧཱུྃ༔ ཨུ་མ་དེ་ཝི་ཧྲིང་༔ ཨེ་ཧེ་རྨ་རུ་ཙེ་གུ་ཎ་ཧྲཱི་ཏྲི་ཤུ་ལ་ཏྲི་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ བསྐྱེད་དང་དམིགས་པའི་གནད་ལྡན་ན༔ ཟླ་བ་གསུམ་ལས་མི་འགྱང་བ༔ མངོན་སུམ་དབང་པོའི་སྒོ་རུ་སྣང་༔ ཕྲིན་ལས་རབ་འབྱམས་ཐོགས་མེད་འགྲུབ༔ བསྐང་གསོལ་གཏོར་མ་མང་དུ་བྱ༔ འབོད་རྟགས་ཐོན་ཚེ་ཚོགས་འཁོར་ལོ༔ རྒྱ་ཆེན་བསྐོར་ན་ལོངས་སྤྱོད་འཕེལ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་རྣལ་འབྱོར་པ་ཀུན་བཟང་ཆོས་གྲགས་ཀྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ །དགེའོ།། ། T11613 - 250 T11613 - 251 བདུད་འཇོམས་སྲུང་མ་དྲེགས་པ་སྡེ་ལྔ་ཛ།རྦྦ ན་མོ་གུ་རུ་པདྨ་ཀ་ར་ཡེ༔ མཾ་ཐི་རྻ།ཤཾ༔ དྲེགས་པ་སྡེ་ལྔའི་སྒྲུབ་པ་འདི༔ ལག་ཏུ་ལེན་པའི་རིམ་པ་ལ༔ མཆོད་རྫས་འབྱོར་ཚོགས་ཡོ་བྱད་བཤམས༔ རང་ཉིད་ཡི་དམ་གང་རུང་ཉིད༔ འཁོར་འདས་ཡོངས་ཀྱི་སྤྱི་དཔལ་མཆོག༔ སྔགས་ཀྱིས་གསལ་བཏབ་ཏིང་འཛིན་གྱིས༔ རང་ཉིད་དཔལ་ཆེན་པོའི་མདུན དུ་ཡེ་ཤེས་ལྔའི་ངོ་བོ་ལ་རྣམ་པ་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་རྒྱ་ཆེ་ལ་ཁྱོན་ཡངས་པའི་དབུས་སུ་པདྨ་རཱ་ག་ལས་གྲུབ་པའི་ཁྲི་རྒྱ་ཆེ་ལ་དཔངས་མཐོ་བའི་སྟེང་དུ་པདྨ་དང་ཉི་ཟླའི་གདན་ལ་ཨཾཿ དང་ཧྲཱིཿལས་ལྷ་ཆེན་དབང་ཕྱུག་ཆེན་པོ་སྐུ་མདོག་དམར་པོ་ཞལ་གཅིག་ཕྱག TI1613 - 252 བྷ་ཟླ གཉིས་ཞི་མ་ཁྲོ་འཛུམ་གྱི་ཉམས་དང་ལྡན་ཞིང་གཅེར་བུ་གོས་དང་རྒྱན་སྤངས་པ་ཕྱག་གཡས་ལྕགས་ཀྱུ་དང་གཡོན་རླུང་གི་ཞགས་པ་བསྣམས་པ་ཞབས་གཉིས་དོར་ཐབས་སུ་བཞེངས་ཏེ་སྤྱི་བོར་ཟླ་བ་དང་ལྟེ་བར་ཉི་མ་འཆར་བ༔ དེའི་གཡོན་དུ་ལྷ་མོ་ཨུ་མ་དེ་ཝི་དམར་མོ་མཚན་དང་དཔེ་བྱད་ཀྱིས་སྤྲས་པ་ཕྱག་གཡས་ལྕགས་ཀྱུ་དང་གཡོན་ཞགས་པ་བསྣམས་པ་མེ་ཏོག་ཀུ་མུཏྟ་དམར་པོའི་ཐོད་གདེངས་བྱས་ཏེ་བདེ་བའི་ཉམས་རྒྱས་ཆགས་པའི་ཟིལ་བ་འཁྲིགས་པ་འོད་ཕུང་བསྐལ་པ་དུས་མཐའི་མེ་ལྟར་འབར་བའི་ཀློང་དུ་ཁམས་གསུམ་དབང་དུ་སྡུད་ཅིང་སྲིད་TI1613 - 253 གསུམ་ཟིལ་གྱིས་གནོན་པར་བསྐྱེད་དོ༔ དེའི་ཤར་དུ་གནོད་སྦྱིན་ཆེན་པོ་ཤན་པ་དམར་ནག་ཁྲོ་གཏུམ་རྔམས་བརྗིད་ཀྱི་ཉམས་དང་ལྡན་པ་ཕྱག་བཞི་གཡས་གཉིས་རལ་གྲི་དང་གྲི་གུག་བསྣམས་པ་གཡོན་གཉིས་སྙིང་ཞགས་དང་ཐོད་ཁྲག་འཛིན་ཅིང་སྐུ་ལ་བེར་དམར་དང་དུར་ཁྲོད་ཀྱི་ཆས་རྫོགས་པ༔ ཡུམ་མཆོག་གསོད་བྱེད་སྙིང་འབྱིན་དམར་མོ་གཡས་སྤུ་གྲི་དང་གཡོན་དགྲ་སྙིང་བསྣམས་ནས་མི་ལྤགས་ཀྱི་གཡང་གཞི་གསོལ་ནས་ཡབ་ལ་འཁྲིལ་བ༔ ཡབ་ཡུམ་གཉིས་ཀ་མེ་ཁྱུང་དམར་པོ་རླུང་གི་གཤོག་པ་ཅན་ལ་ཆིབས་ཤིང་བསྐལ་པའི་མེ་དཔུང་དམར་ནག་འབར་བའི་ཀློང་དུ་བསྐྱེད་དོ༔ ལྷོ་རུ་གཟའ་བདུད་དུག་གི་སྤུ་གྲི་དབུ་དགུ་བྱ་རོག་གི་དབུ་དང་བཅུ་ཡོད་པ་ཕྱག་བཞིའི་དང་པོ་གཉིས་ཀྱིས་ཆུ་སྲིན་གྱི་རྒྱལ་མཚན་དང་སྦྲུལ་ཞགས་བསྣམས་པ་འོག་མ་གཉིས་ཀྱིས་རྭ་ཡི་མདའ་གཞུ་འགེངས་པ༔ སྤྱན་མིག་སྟོང་གིས་ཁམས་གསུམ་གཟིགས་ཤིང་རོ་སྨད་སྦྲུལ་དུ་འཁྱིལ་བ་མེ་འབྲུག་དམར་པོ་ལ་ཆིབས་ཤིང་དུག་རླངས་དང་ནད་རླངས་འཁྲིགས་པའི་ཀློང་དུ་བསྐྱེད་དོ༔ ནུབ་ཏུ་གནོད་སྦྱིན་ཙིའུ་དམར་པོ་ཞལ་གཅིག་ཕྱག་གཉིས་གཡས་བཙན་མདུང་དང་གཡོན་བཙན་ཞགས་བསྣམས་པ་དབུ་ལ་ཟངས་རྨོག་དང་སྐུ་ལ་ཟངས་ཁྲབ་ གསོལ་བ་རྐེད་པར་སྟག་རལ་དང་གཟིག་ཤུབ་ཀྱིས་བརྒྱན་པ་བཙན་རྟ་ཀ་ཞུར་ལ་ཆིབས་པ་མེ་རླུང་དམར་ནག་འཁྲིགས་པའི་ཀློང་དུ་རང་འདྲའི་སྤྲུལ་པ་སྐར་ལྟར་འཁྲིགས་པར་བསྐྱེད་དོ༔ དྲེགས་པ་དེ་དག་ཐམས་ཅད་ལ་རང་རང་གི་སྤྲུལ་པའི་ལས་མཁན་དཔག་ཏུ་མེད་པ་དང་༔ ཡང་སྤྲུལ་ལྷ་སྲིན་སྡེ་བརྒྱད་ཀྱིས་བསྐོར་བར་བསྒོམ་མོ༔ བྱང་དུ་པདྨ་དང་ཉི་ཟླའི་གདན་ལ་གནོད་སྦྱིན་ནོར་ལྷ་ཡོངས་འདུས་ཀྱི་བདག་ཉིད་ཨ་པ་ར་ཙིཏྟ་དཀར་པོ་ཞལ་གདངས་ཤིང་ལྗགས་འདྲིལ་བ་རྣོ་དབལ་གྱི་མཆེ་བ་གཙིགས་པ་བག་དྲོ་ཞིང་ལྷུན་ཆགས་པ་ཞབས་གཉིས་གྱད་ཀྱི་འདོར་སྟབས་སུ་བསྒྲད་པ་རལ་པ་རྟིང་རྩར་སླེབ་ཅིང་ཕྱག་གཡས་ཡིད་བཞིན་གྱི་ནོར་བུ་དང་གཡོན་པས་ནེའུ་ལེའི་ཁ་ནས་དགོས་འདོད་ཀྱི་ཆར་འབེབས་པ་བསྣམས་པ༔ སྤྱི་བོར་ཛམ་དཀར་ཡིད་བཞིན་འཁོར་ལོ༔ མགྲིན་པར་ཛམ་དམར་དབང་གི་རྒྱལ་པོ༔ ཐུགས་ཀར་རྣམ་ཐོས་སྲས་དང་༔ ལྟེ་བར་ཛམ་ལྷ་སེར་པོ༔ གསང་གནས་སུ་ཛམ་བྷ་ལ་ནག་པོ༔ དེ་དག་རྣམས་ཀྱི་གཡས་རྣམས་རང་རྟགས་ཀྱི་ཕྱག་མཚན་དང་གཡོན་རྣམས་ནེའུ་ལེའི་རྐྱལ་པའི་ཁ་ནས་དགོས་འདོད་ཡིད་བཞིན་གྱི་ཆར་འབེབས་པ་འོད་དང་འོད་ཟེར་རབ་ཏུ་འཁྲིགས་པའི་ ཀློང་དུ་བསྐྱེད་དོ༔ ལྷ་ཚོགས་དེ་དག་རྣམས་ཀྱི་སྤྱི་བོར་ཨོཾ་དཀར་པོ༔ མགྲིན་པར་ཨཱཿ དམར་པོ༔ ཐུགས་ཀར་རང་རང་གི་སྲོག་ཡིག་དང་རྡོ་རྗེའི་སྙིང་པོ་ཧཱུྃ་དུ་བསྒོམ་པ་དེ་གསུམ་ལས་འོད་ཟེར་དཔག་ཏུ་མེད་པ་འཕྲོས་ནས༔ ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་དང་ཡེ་ཤེས་དང་འཇིག་རྟེན་གྱི་ཕོ་རྒྱུད་མོ་རྒྱུད་བཀའ་སྲུང་དམ་ཅན་རྒྱ་མཚོ་ཐམས་ཅད་དང་སྟོང་གསུམ་ཡུལ་ལྷ་གཞི་བདག་སོགས་སྣང་སྲིད་དྲེགས་པ་ཅན་འབྱུང་བ་ལྔ་ཡི་ལྷ་དང་བཅས་པ་ཐམས་ཅད་བཀའ་སྲུང་དེ་དག་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་པར་སྤྱན་དྲངས་ཏེ་རྒྱ་མཚོ་ལ་ཁ་ཆར་བབས་པ་ལྟར་གཉིས་སུ་མེད་པར་བསྐྱེད་པའི་ལྷ་ལ་སིབ་སིབ་ཏུ་ཐིམ་པར་བསྒོམ༔ དེ་ནས་སྤྱན་འདྲེན་ནི༔ ཀྱེེ༔ དད་པ་དང་ནི་དམ་ཚིག་གིས༔ དབང་ཕྱུག་ཆེན་པོ་གཤེགས་སུ་གསོལ༔ ཨུ་མ་དེ་ཝི་གཤེགས་སུ་གསོལ༔ གནོད་སྦྱིན་འཁོར་བཅས་གཤེགས་སུ་གསོལ༔ གཟའ་མཆོག་ཆེན་པོ་གཤེགས་སུ་གསོལ༔ གནོད་སྦྱིན་ཙིའུ་དམར་གཤེགས་སུ་གསོལ༔ ཨ་པར་ཙིཏྟ་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་ནི༔ ཧཱུྃ༔ བཀའ་སྲུང་དྲེགས་པ་འཁོར་དང་ བཅས༔ རང་རང་དགྱེས་པའི་གདན་ལ་བཞུགས༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་ནི༔ ཧཱུྃ༔ བཀའ་སྲུང་དྲེགས་པ་སྡེ་ལྔ་ལ༔ བསྟན་པ་བསྲུང་ཕྱིར་ཕྱག་ཀྱང་འཚལ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ ཆོས་སྐྱོང་དྲེགས་པ་སྡེ་ལྔ་ལ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཉེར་སྤྱོད་འདོད་ཡོན་སྨན གཏོར་རཀ༔ འདོད་ཡོན་ནམ་མཁའི་མཛོད་དུ་འབུལ༔ མ་ཧཱ་ག་ཎ་སརྦ་པཱུ་ཛ་ཧོཿ དེ་ནས་བསྟོད་པ་ནི༔ ཧཱུྃ༔ བདེ་ཆེན་ཆོས་ཀྱི་དབྱིངས་ལས་མ་གཡོས་ཀྱང་༔ གདུལ་དཀའ་འདུལ་མཛད་སྣ་ཚོགས་སྐུར་སྟོན་ཅིང་༔ རབ་འབྱམས་ཕྲིན་ལས་སྒྲུབ་པའི་ཕོ་ཉ་བ༔ ཞིང་བཅུའི་སྲོག་གི་གཤེད་དུ་ལྷུན་གྱིས་གྲུབ༔ བཀའ་སྲུང་དྲེགས་པའི་ཚོགས་