Tibetan
ཐོབ་ནས་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པར་བསམ༔ ཨེ་ཧེ་རྨ་རུ་ཙེ་གུ་ཎ་ཧྲཱིཿ ཏྲིཿ ཧཱུྃ་ཛཿ གསོལ་མཆོད་བྱའོ༔ བདུད་འཇོམས་པས་སོ།། །། ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ཤན་པ་དམར་ནག་གི་བསྐང་གསོལ་ཤིན་ཏུ་བསྡུས་པ་བཞུགས་སོ༔ ན་མོ་གུ་རུ་བྷྱ༔ བྲ་ལ༔ ཤན་པ་སྲོག་ལེན་དམར་པོ་ལ༔ བསྐང་གསོལ་བྱེད་པའི་ལས་བརྩོན་ན༔ ཤ་ཁྲག་འབྲུ་སྣ་གཏོར་མ་སྐྱེམས༔ བཟའ་བར་འོས་པའི་རིགས་མཐའ་དག༔ བཤམས་ཏེ་སྭ་བྷཱ་ཝ་ཡིས་སྦྱངས༔ ནམ་མཁའ་མཛོད་ཀྱི་སྔགས་རྒྱས་བརླབས༔ ཀྱེེ༔ གནོད་སྦྱིན་ཤན་པ་དྲག་རྩལ་ཅན༔ བཞུགས་ནི་ནམ མཁའི་དཀྱིལ་ན་བཞུགས༔ རྒྱུ་ནི་བར་སྣང་ཁྱབ་པར་རྒྱུ༔ སྤྲུལ་པའི་འཁོར་བརྒྱད་ལས་ལ་འགྱེད༔ དད་དང་དམ་ཚིག་གཉན་གྱིས་འབོད༔ བདག་གི་གྲོགས་དང་སྲུང་མར་བཞུགས༔ འདོད་རྒུའི་དཔལ་གྱི་མཆོད་པ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ ཕྲིན་ལས་རབ་འབྱམས་ཡོངས་གྲུབ་མཛོད༔ ཅེས་ཁྲོམ་ཟ་ལི་ཐར་གྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །སརྦ་མངྒ་ལཾ།། །། ཨོཾ༔ ཛཿ ཧེ་ཆེན་དྷ་ནའི་དུར་ཁྲོད་ནས༔ གནོད་སྦྱིན་ཤན་པ་དྲག་རྩལ་ཅན༔ འཁོར་དང་བཅས་པ་གཤེགས་སུ་གསོལ༔ ཕྱི་ནང་གསང་མཆོད་སྣ་ཚོགས་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ བདག་སྲུང་བསམ་དོན་ལྷུན་གྲུབ་མཛོད༔ ཅེས་རྟག་ཏུ་བརྗོད་པས་ཕྲིན་ལས་ཡོངས་གྲུབ་འགྱུར༔ ས་མ་ཡ༔ བདུད་འཇོམས་པས་སོ།། །། T11613 - 118 གསོལ་མཆོད་བྡཾ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ཤན་པ་དམར་ནག་གི་གསོལ་མཆོད་འདོད་རྒུ་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཾམཾ༔ གསེར་སྐྱེམས་བ་ལིང་འབྱོར་ཚོགས་བཤམས༔ ནམ་མཁའ་མཛོད་ཀྱི་སྔགས་རྒྱས་མཐར༔ ཀ༔ སྣང་སྲིད་དབང་ཕྱུག་དབང་གི་རྒྱལ༔ དགྲ་བགེགས་ཚར་གཅོད་དྲག་པོའི་སྐུ༔ འཇིགས་བྱེད་གནོད་སྦྱིན་ཤན་པ་ཆེ༔ ཡུམ་མཆོག་གསོད་བྱེད་དམར་མོ་དང་༔ སྤྲུལ་འཁོར་བཀའ་སྡོད་བཅས་པ་ལ༔ ཕྱི་ནང་གསང་བའི་མཆོད་རྫས་ཀྱི༔ གསོལ་ལོ་མཆོད་དོ་ཐུགས་དམ་བསྐང་༔ སྐད་ཅིག་མི་འབྲལ་གྲོགས་མཛོད་ལ༔ གང་བསམ་འདོད་དོན་ཡོངས་གྲུབ་མཛོད༔ ཕྱི་ནང་གསང་བའི་བར་ཆད་སོལ༔ དམ་ལ་མ་འདའ་ས་མ་ཡ༔༷ དེས་ནི་གནོད་སྦྱིན་བྲན་འཁོར་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །མངྒ་ལཾ།། ། TI1613 - 120 ཛ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ཤན་པ་དམར་ནག་གི་གཉེར་གཏད་བསམ་དོན་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ལགསདྡྷཿཿ མི་སྲུན་དྲེགས་པ་དམར་ནག་གི༔ སྒྲུབ་པ་ཉམས་སུ་ལེན་པ་ཡི༔ ནོར་རྫས་བདག་པོ་ལ་གཏད་བཞིན༔ སྲུང་སྐྱོབས་མེལ་རྩེ་མཛད་པའི་ཕྱིར༔ མཆོད་རྫས་དམར་གཏོར་སྐྱེམས་ཕུད་བཤམས༔ ནམ་མཁའ་མཛོད་ཀྱི་སྔགས་རྒྱས་བརླབ༔ རང་ཉིད་ཡི་དམ་ལྷར་གསལ་ཏེ༔ མདུན་གྱི་ནམ་མཁར་མཆོག་གསུམ་དང་༔ རྩ་གསུམ་རྒྱ་མཚོ་བསྐྱེད་ཅིང་གསལ༔ གཏའ་རུ་བཞག་ཅིང་དཔང་དུ་བཙུག༔ ཧོཿ དགོངས་སུ་གསོལ་ལོ༔ པདྨ་དབང་གི་བདག་པོ༔ རྡོ་རྗེ་འཆང་གི་བཀའ་ཉན༔ བྱང་ཕྱོགས་གཏེར་གྱི་བདག་པོ༔ དྲེགས་པའི་སྡེ་དཔོན་ཆེན་པོ༔ ཧེ་ཆེན་བརྡལབའི་ཞིང་སྐྱོང་༔ རྫོགས་ཆེན་བཀའ་ཡི་སྲུང་མ༔ རྒྱལ་བའི་ཕྲིན་ལས་མངའ་བདག༔ རྣལ་འབྱོར་ཀུན་གྱི་དགྲ་ལྷ༔ ཆོས་འཁོར་སྐྱོང་བའི་ཆོས་སྐྱོང་༔ གཙུག་ལག་ཡོངས་ཀྱི་དཀོར་སྲུང་༔ དགྲ་བགེགས་ཕུང་བྱེད་ནག་པོ༔ ཞིང་བཅུའི་སྲོག་གི་ཤན་པ༔ དབང་དྲག་ལས་བྱེད་དམར་ནག༔༷ བཀའ་དང་དམ་ལ་གནས་པའི་དགེ་བསྙེན་ཆེན་པོ་དགོངས་སུ་གསོལ་ལོ༔ བཀའ་གཉན་དཔང་དུ་བཙུགས་ཏེ༔ དམ་ཚིག་གཏའ་རུ་བཞག་ནས༔ ཁྱོད་ལ་ཕྲིན་ལས་བཅོལ་ བ་ནི༔ སྦྲ་ཁང་གཙུག་ལག་མན་ཆད་ནས༔ ཞིང་ཁང་ཁ་ཐོར་ཡན་ཆད་ཀུན༔ འདི་དག་ཁྱོད་ཀྱི་མཁར་ཡིན་པས༔ མཁར་འདི་སྲུང་ལ་སྐྱབས་མཛོད་ཅིག༔ རྡོ་རྗེ་འཛིན་པ་མན་ཆད་ནས༔ བན་བཙུན་རྟགས་འཛིན་ཡན་ཆད་ཀུན༔ འདི་དག་ཁྱོད་ཀྱི་བསྲུང་ཡིན་ཏེ༔ བསྲུང་བྱ་སྲུངས་ལ་སྐྱབས་མཛོད་ཅིག༔ མི་དཔོན་རྗེ་རིགས་མན་ཆད་ནས༔ འཁོར་གྱི་བྲན་གཡོག ཡན་ཆད་ཀུན༔ འདི་དག་ཁྱོད་ཀྱི་གྲོགས་ཡིན་ཏེ༔ གྲོགས་འདི་སྲུངས་ལ་སྐྱབས་མཛོད་ཅིག༔ རྒན་གྱི་ཕ་ཁུ་མན་ཆད་ནས༔ མདང་སྐྱེས་བུ་ཆུང་ཡན་ཆད་ཀུན༔ འདི་དག་ཁྱོད་ཀྱི་གྲོགས་རྩ་ཡིན༔ རྩ་ལག་སྐྱོངས་ལ་སྐྱབས་མཛོད་ཅིག༔ མ་དང་གསང་ཡུམ་མན་ཆད་ནས༔ འཁོར་གྱི་བུ་སྲིང་ཡན་ཆད་ཀུན༔ འདི་དག་ཁྱོད་ཀྱི་སྲིད་མཚོ་ཡིན༔ སྲིད་མཚོ་སྐྱོངས་ལ་སྐྱབས་མཛོད་ཅིག༔ གསེར་དངུལ་ཟངས་ལྕགས་མན་ཆད་ནས༔ གཟི་མཆོང་དུང་གཡུ་ཡན་ཆད་ཀུན༔ འདི་དག་ཁྱོད་ཀྱི་དཀོར་ཡིན་ཏེ༔ དཀོར་འདི་སྲུངས་ལ་སྐྱབས་མཛོད་ཅིག༔ དར་ཟབ་གཡང་ལུགས་མན་ཆད་ནས༔ གྲུ་གུ་སྐུད་པ་ཡན་ཆད་ཀུན༔ འདི་དག་ཁྱོད་ཀྱི་འབྲང་ཡིན་པས༔ འབྲང་འདི་སྐྱོངས་ལ་སྐྱབས་མཛོད་ཅིག༔ མདའ་མདུང་རལ་གྲི་མན་ཆད་ བྷ ནས༔ ཁབ་འབིག་གྲི་ཆུང་ཡན་ཆད་ཀུན༔ འདི་དག་ཁྱོད་ཀྱི་མཚོན་ཡིན་ཏེ༔ མཚོན་འདི་སྐྱོངས་ལ་སྐྱབས་མཛོད་ཅིག༔ ཁྲབ་ཚོམ་བེམ་ཕུབ་མན་ཆད་ནས༔ ལྭ་བ་ཕྱིང་དཀར་ཡན་ཆད་ཀུན༔ འདི་དག་ཁྱོད་ཀྱི་གོ་དང་གོས༔ གོ་འདི་སྲུངས་ལ་སྐྱབས་མཛོད་ཅིག༔ རྟ་གླང་མཛོ་འབྲི་མན་ཆད་ནས༔ བེའུ་ལུག་མིང་སྲིང་ཡན་ཆད་ཀུན༔ འདི་དག་ཁྱོད་ཀྱི་ཕྱུགས་ཡིན་པས༔ ཕྱུགས་འདི་སྐྱོངས་ལ་སྐྱབས་མཛོད་ཅིག༔ མདོར་ན་བདག་ཅག་སྒྲུབ་པ་པོས༔ བདག་ཏུ་བཟུང་བའི་ཟས་ནོར་དང་༔ མཁོ་རྒུའི་ལོངས་སྤྱོད་ཅི་མཆིས་པ༔ དྲེགས་པའི་གཙོ་བོ་ཁྱོད་ལ་གཏད༔ ཉིན་དང་མཚན་མོ་དུས་ཀུན་ཏུ༔ བྱ་ར་མེལ་ཚེ་རྫི་བོ་མཛོད༔ དགྲ་འདྲེའི་དབང་དུ་མ་བཏང་ཞིག༔ གལ་ཏེ་དགྲ་དང་བགེགས་བྱུང་ན༔ དགྲ་བོའི་མི་དཔའ་རྟ་མགྱོགས་ཀྱི༔ དཔུང་པ་ཆོག་ལ་རྒྱུས་པ་ཆིངས༔ མགོ་བོ་ཆོད་ལ་དོན་སྙིང་ཕྱུངས༔ དགྲ་ཕམ་བདག་རྒྱལ་ཕྲིན་ལས་མཛོད༔ བགེགས་ཀྱི་སྦྱོར་བ་བཤིག་ནས་ཀྱང་༔ མཐུ་སྟོབས་ནུས་པ་བསད་པ་དང་༔ སྡུག་བསྔལ་ཉམས་སུ་མྱོང་བར་གྱིས༔ བསྐྲད་དང་བཟློག་བསྒྱུར་ཕྲིན་ལས་མཛོད༔ བདག་གི་ཆོས་སྲིད་མངའ་ཐང་ཀུན༔ ཡར་ངོའི་ཟླ་བ་ཇི་བཞིན་ དུ༔༷ སྤེལ་ཞིང་འཕེལ་རྒྱས་ཕྲིན་ལས་མཛོད༔ བདག་གིས་དགྲ་ལ་ཕར་རྒོལ་ཚེ༔ དགྲ་ཡིད་བསླུས་ལ་དགྲ་ལྕེ་ཆོད༔ ཁེ་དོན་རྒྱལ་ཁ་བདག་ལ་སྤྲོད༔ ཉེས་ཕམ་སྙིང་སྟོང་དགྲ་ལ་ཕོབ༔ མདོར་ན་བདག་གིས་གང་འདོད་པའི༔ རབ་འབྱམས་ཕྲིན་ལས་ཡོངས་གྲུབ་མཛོད༔ རྒྱན་གྱི་མཆོད་གཏོར་འདི་བཞེས་ལ༔ ཕ་མས་བུ་སྡུག་ཇི་བཞིན་སྐྱོངས༔ དགྱེས་པར་དགོངས་ལ་བྱམས་བརྩེ་ཡིས༔ བདག་ཅག་བདེ་ལེགས་མཛད་དུ་གསོལ༔ མ་གཡེལ་མ་འདའ་ས་མ་ཡ༔ དེ་ལྟར་བཅོལ་གཏམ་བྱས་པ་ཡིས༔ ལུས་དང་གྲིབ་བཞིན་འགྲོགས་པ་དང་༔ སྲུང་སྐྱོབ་གཉེར་ཁ་བྱེད་པ་དང་༔ གནོད་བྱེད་དགྲ་བགེགས་ཀུན་སྒྲོལ་བྱེད༔ མདོར་ན་རྣམ་བཞིའི་ཕྲིན་ལས་བསྒྲུབ༔ བཀྲ་ཤིས་དགེ་ལེགས་དཔལ་རྒྱས་འགྱུར༔ དྲེགས་པ་སྲོག་ལེན་དམར་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་སྔགས་ཀྱི་སྐྱེས་བུ་ཀུན་བཟང་བསྟན་འཛིན་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་བཱིདྱ་བྷ་དྲའོ། །དགེའོ །དགེའོ། །དགེའོ། །སརྦ་མངྒ་ལཾ།། ། TI1613 - 124 ཇོཾ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་ཤན་པ་དམར་ནག་མི་སྲུན་དྲག་པོ་རྩལ་གྱི་སྐོར་ལས་མངའ་གསོལ་ཡིད་བཞིན་ནོར་བུ་ཕ་རོལ་དཔུང་འཇོམས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཧྱ་བྷ་ཀཱཡརྴ་༔ གཏོར་མ་སྐྱེམས་ཕུད་ཤ་དང་སྤྲོད༔ བཤམས་ཏེ་སྭ་བྷཱ་ཝ་ཡིས་སྦྱངས༔ ནམ་མཁའ་མཛོད་སྔགས་ཨ་ཀཱ་རོས༔ དཔག་མེད་ནམ་མཁའ་མཛོད་དུ་སྤེལ༔ མདུན་དུ་གནོད་སྦྱིན་ཆེན་པོ་རྒྱལ༔ དུས་གསུམ་བདེ་གཤེགས་སྲས་འཁོར་བཅས༔ ཆུ་ལས་ཆུ་ལྦུར་རྡོལ་བ་བཞིན༔ ཕྱོགས་བཅུའི་མཁའ་ཁྱབ་འཁོར་ལོ་བསྐྱེད༔ དེ་དག་རྣམས་ཀྱིས་མགྲིན་གཅིག་ཏུ༔ ཧེ་ཀྵ༔ ཞི་བའི་ལས་མཛད་རྣམ་པར་རྒྱལ༔ རྒྱས་པའི་ལས་མཛད་རྣམ་ཐོས་སྲས༔ དབང་གི་ལས་མཛད་རྟ་མཆོག་དཔལ༔ དྲག་པོའི་ལས་མཛད་མིག་དམར་གཟའ༔ ཀུན་གྱི་ཕྲིན་ལས་གཅིག་བསྡུས་པ༔ གནོད་སྦྱིན་རཀྴ་གཟི་འབར་གྱི༔ སྲས་མཆོག་གནོད་སྦྱིན་ཤན་པ་ཆེ༔ མི་མངོན་དབྱིངས་ནས་སྐུར་བཞེངས་ལ༔ བསྟན་དང་འགྲོ་བའི་དོན་དུ་བཞུགས༔ ཀྱེེ༔ གནོད་སྦྱིན་ཤན་པ་ཆེན་པོ་ལ༔ དུས་གསུམ་རྒྱལ་བ་ཐམས་ཅད་ཀྱིས༔ མངའ་གསོལ་དབང་བསྐུར་བྱིན་རླབས་རྟགས༔ དབང་གི་ཁ་ཏོག་འབར་བ་སྟེ༔ དེ་བཞིན་བདག་གིས་མངའ་གསོལ་ལོ༔ ཞིང་བཅུའི་སྲོག་གི་གཤེད་མའི་རྟགས༔ དམར་ལ་ནག་ མདངས་ཆགས་པ་སྟེ༔ དེ་བཞིན་བདག་གིསཿ དུག་གསུམ་དགྲ་བགེགས་ཡོངས་སྒྲོལ་རྟགས༔ སྤྱན་གསུམ་ཕྱོགས་བཅུར་སྡང་མིག་བསྒྲད༔ དེ་བཞིན་བདག་གིས༴ དགྲ་བོའི་སྐྱེ་རྒྱུད་གཅོད་པའི་རྟགས༔ ཁྲོ་གཉེར་ཆུ་ཡི་རླབས་བཞིན་འཁྲུགས༔ དེ་བཞིན་བདག་གིས༴ འགྲོ་བློ་ཁ་ལོ་བསྒྱུར་བ་དང་༔ མངོན་སྤྱོད་ཕྲིན་ལས་ཐོགས་མེད་རྟགས༔ རལ་པ་དམར་ནག་གྱེན་དུ་བརྫེས༔ དེ་བཞིན་བདག་གིསཿ དགྲ་བགེགས་ཧུར་ཐུམ་གསོད་པའི་རྟགས༔ ཞལ་གདངས་ཁྲག་འཛག་དུག་རླངས་འཕྲོ༔ དེ་བཞིན་བདག་གིསཿ ཞིང་བཅུའི་ཤ་ལ རྔམས་པའི་རྟགས༔ མཆེ་བ་ཟངས་ཡག་ཟླ་ལྟར་གཙིགས༔ དེ་བཞིན་བདག་གིསཿ མི་སྲུན་ལོག་འདྲེན་བསྲེགས་པའི་རྟགས༔ སྨ་ར་དམར་སེར་མེ་ཞགས་འཕྱོ༔ དེ་བཞིན་བདག གིས་དགྲ་སྲོག་དམར་པོ་གཅོད་པའི་རྟགས༔ ཕྱག་གཡས་རལ་གྲི་མེ་འབར་ཕྱར༔ དེ་བཞིན་བདག་གིས༴ དགྲ་སྙིང་དམར་འབྱིན་རོལ་པའི་རྟགས༔ གཡོན་པས་སྙིང་དང་རྒྱུ་ཞགས་བསྣམས༔ དེ་བཞིན་བདག་གིས༴ ཁམས་གསུམ་དབང་དུ་སྡུད་པའི་རྟགས༔ ཕྱག་གཡས་གྲི་གུག་ཐུགས་ཀར་བསྣམས༔ དེ་བཞིན་བདག་གིས༴ དགྲ་བགེགས་ཁྲག་ཏུ་རོལ་པའི་ རྟགས༔ གཡོན་པས་ཐོད་ཁྲག་ཐུགས་ཀར་བསྣམས༔ དེ་བཞིན་བདག་གིས མ་རུངས་གདུག་པ་གནོན་པའི་ཕྱིར༔ ཞབས་གཉིས་ཕྱེད་སྐྱིལ་རྔམས་སྟབས་བཞུགས༔ དེ་བཞིན་བདག་གིས༴ མཁའ་ལ་ཐོགས་མེད་བསྒྲོད་པའི་རྟགས༔ མེ་ཁྱུང་དམར་པོ་རླུང་གཤོག་ཆིབས༔ དེ་བཞིན་བདག་གིསཿ སྲིད་ལས་རྣམ་པར་རྒྱལ་བའི་ཕྱིར༔ ཐོད་སྐམ་ལྔ་ཡིས་དབུ་ལ་བརྒྱན༔ དེ་བཞིན་བདག་གིས༴ རཱུ་དྲའི་སྙིང་ཁྲག་འབྱིན་པའི་རྟགས༔ མཁུར་ཚོས་རཀྟའི་ཐིག་ལེ་བྱུག༔ དེ་བཞིན་བདག་གིས༴ དགྲ་དཔུང་ཐལ་བར་བརླགས་པའི་རྟགས༔ དཔྲལ་བར་ཐལ་ཆེན་ཚོམ་བུ་བྱུག༔ དེ་བཞིན་བདག་གིས༴ ཟ་སྐལ་དགྲ་ཤ་ལ་རོལ་རྟགས༔ ཞལ་ལ་ཞག་གི་ཟོ་རིས་བཀྲ༔ དེ་བཞིན་བདག་གིསཿ སྡེ་བརྒྱད དབང་དུ་སྡུད་པའི་རྟགས༔ ཞལ་ནས་ཀྵ་སྒྲ་འབྲུག་ལྟར་སྒྲོགས༔ དེ་བཞིན་བདག་གིསཿ གཞན་གྱིས་མི་ཐུབ་སྟོབས་ལྡན་རྟགས༔ གླང་ཆེན་ཀོ་རློན་གོས་སུ་ཀླུབ༔ དེ་བཞིན་བདག གིསཿ བསྟན་དགྲ་མི་སྲུན་ཡོངས་སྒྲོལ་རྟགས༔ མི་ལྤགས་རློན་པ་སྟོད་དུ་ཀླུབ༔ དེ་བཞིན་བདག་གིས༴ རྒོལ་བའི་དགྲ་རྣམས་ཚར་གཅོད་རྟགས༔ སྟག་ལྤགས་རློན་པའི་ཤམ་ཐབས གསོལ༔ དེ་བཞིན་བདག་གིསཿ རྡོ་རྗེའི་གོ་ཁྲབ་བགོ་བའི་རྟགས༔ བེར་ཆེན་ལྗང་ནག་ལྷུབ་ཆེན་གསོལ༔ དེ་བཞིན་བདག་གིསཿ གསོད་དང་བསྲེགས་པའི་ཤུགས་ལྡན་རྟགས༔ སྐུ་ལས་མེ་རླུང་དམར་ནག་གཡོ༔ དེ་བཞིན་བདག་གིསཿ ཕྱོགས་བཅུའི་སྲིད་པ་ཟིལ་གནོན་པའི༔ ལས་མཁན་སྤྲུལ་པའི་འཁོར་བརྒྱད་འགྱེད༔ དེ་བཞིན་བདག་གིསཿ སྣང་སྲིད་དྲེགས་པ་དབང་བསྒྱུར་ཕྱིར༔ དྲེགས་པའི་འཁོར་ཚོགས་བྱེ་བ་འགྱེད༔ དེ་བཞིན་བདག་གིས༴ དགྲ་བགེགས་གསོད་བྱེད་ཐོགས་མེད་རྟགས༔ མ་མོ་གསོད་བྱེད་དམར་མོ་འཁྲིལ༔ དེ་བཞིན་བདག་གིས༴ དགྲ་སྲོག་དམར་པོ་གཅོད་པའི་རྟགས༔ གཡས་པས་སྤུ་གྲི་འབར་བ་ཕྱར༔ དེ་བཞིན་བདག་གིས༴ དགྲ་སྙིང་ཐད་དུ་འབྱིན་པའི་རྟགས༔ གཡོན་པས་གློ་སྙིང་དྲོན་མོ་བསྡམ༔ དེ་བཞིན་བདག་གིསཿ ཐམས་ཅད་མཁའ་རུ་སྡུད་པའི་རྟགས༔ ཞབས་གཉིས་ཡབ་ཀྱི་སྐེད་ལ་འཁྱུད༔ དེ་བཞིན་བདག་གིསཿ སྲིད་གསུམ་གདུག་པ་འདུལ་བའི་རྟགས༔ གཡང་གཞི་ཐོད་ཕྲེང་རྒྱན་དུ་སྤྲས༔ དེ་བཞིན་བདག་གིས་མངའ་གསོལ་ལོ༔ བདག་གིས་མངའ་གསོལ་བྱས་པའི་ཚིག༔ དོན་དང་མི་འགལ་ཇི་བཞིན་དུ༔ དཀོན་མཆོག་ བྷ གསུམ་གྱི་བདེན་པ་དང་༔ རྟེན་འབྲེལ་བསླུ་བ་མེད་པའི་མཐུས༔ ཡོངས་སུ་རྫོགས་པ་འགྲུབ་གྱུར་ཅིག༔ དགྲ་ཤ་ཁྲག་གི་རྒྱ་མཚོ་དང་༔ སྐུ་གསུང་ཐུགས་ཀྱི་བདུད་རྩི་རུ༔ བསྒྱུར་བའི་གཏོར་སྐྱེམས་འདི་བཞེས་ལ༔ བསླུ་མེད་བདེན་ཚིག་དེ་འགྲུབ་ཅིང་༔ བདག་གི་འདི་ཕྱིའི་དཔལ་ཡོན་ཀུན༔ གེགས་མེད་འགྲུབ་པའི་ཕྲིན་ལས་མཛོད༔ དེ་ལྟར་མངའ་གསོལ་བྱས་པ་ཡིས༔ ལས་བཞིའི་ཕྲིན་ལས་ཐོགས་མེད་འགྲུབ༔ བཀའ་སྲུང་གཉན་པོས་བུ་ལྟར་སྐྱོངས༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཡང་རིགས་སྲས་དྲི་མེད་འོད་ཟེར་དང་དཔོན་པོ་སྡོང་རིག་ཀུན་བཟང་མཁས་གྲུབ པས་ནན་དུ་བསྐུལ་ངོར་བདུད་འཇོམས་པས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། ར་ TI1613 - 130 མ བྃ༔ ཆོས་ཉིད་ནམ་མཁའི་ཀློང་མཛོད་ལས༔ གནོད་སྦྱིན་གཏེར་གྱི་བདག་པོའི་སྒྲུབ་པ་དངོས་གྲུབ་ཆར་འབེབས་ཞེས་བྱ་བ་བཞུགས་སོ༔ ད་སྒྲུབ་T11613 - 131 ཇོཾ༔ ན་མོ་གུ་རུ་བཛྲ་པ་ཎ་ཡེ༔ རྒྱ་གར་སྐད་དུ༔ བ་སུ་སུན་དྷ་པ་ན་ཡེ༔ བོད་སྐད་དུ༔ ནོར་གྱི་བདག་པོ་ཞེས་བྱ་བ༔ ཋརྦ།དྲྀ་རྨབླབླ་བ།ཏཏ སཱུརྻ་ན་ཏ་པའི་ཤ་སྐད་དུ་དེ་ཀའི༔ རྣལ་འབྱོར་དབང་ཐང་དཔལ་ཉམས་པས༔ ལོངས་སྤྱོད་དཔལ་འབྱོར་རྒྱས་འདོད་ན༔ ཨཿ ཞེས་སྟོང་པ་ཁྱབ་བརྡལ་ལ༔ པརཿ ཞེས་འདོད་རྒུ་རང་བྱུང་བ༔ ཙིཏྟཿ འཁོར་འདས་ཀུན་གྱི་སྙིང་༔ མ་བྱས་རང་བྱུང་རང་ཤར་བ༔ འདི་ཡིས་འདོད་རྒུའི་ཡོན་ཏན་ཀུན༔ སྤེལ་ཞིང་བསྒྱུར་ཏེ་དབྱིངས་སུ་འཇུག༔ འདི་བསྒྲུབ་རེ་དོགས་བགེགས་བསྐྲད་ཕྱིར༔ ལྷ་རུ་འཛིན་པ་དཀར་གྱིས་མཆོད༔ འདྲེ་རུ་འཛིན་པ་དམར་གྱིས་བཀར༔ རང་ཉིད་ཡི་དམ་གང་རུང་ལ༔ རྣམ་པ་ཕྱག་ན་རྡོ་རྗེ་རུ༔ གསལ་བའི་ངང་ནས་འདི་ལྟར་རོ༔ ཨོཾ་མ་ཧཱ་ཤུ་ནྱ་ཏཱ་TI1613 - 132 རྡོ།༔ སོགས༔ གཟུང་འཛིན་གཉིས་སྣང་གི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས༔ ཨོཾ་བཛྲ་ཙཎྜ་མ ཧཱ་རོ་ཥ་ཎ་ཧཱུྃ་ཕཊ༔ མཁའ་ལ་འཇའ་ཚོན་ཤར་བ་ལྟར༔ རང་ཉིད་སྐད་ཅིག་དྲན་རྫོགས་སུ༔ གསང་བདག་ཕྱག་ན་རྡོ་རྗེ་མཐིང་༔ ཞལ་གདངས་ལྗགས་འདྲིལ་སྤྱན་གསུམ་པ༔ དབུ་སྐྲ་དམར་སེར་གྱེན་དུ་བརྫེས༔ སྨ་ར་སྨིན་མར་མེ་སྟག་འཕྲོ༔ གློག་དམར་ལྟ་བུའི་ལྗགས་འདྲིལ་ཞིང་༔༷ གངས་རི་ལྟ་བུའི་ཚེམས་ཕྲེང་ཅན༔ ཁྲོ་གཉེར་ཆུ་ཡི་རླབས་བཞིན་འཁྲིགས༔ རྡོ་རྗེ་གཡས་ལ་སྦྲུལ་ཞགས་གཡོན༔ ཞབས་གཉིས་TI1613 - 133 གྱད་ཀྱི་འདོར་སྟབས་བསྒྲད༔ ཐོད་ཕྲེང་གྱིས་བརྒྱན་སྟག་ཤམ་ཀླུབས༔ ཡེ་ཤེས་མེ་དཔུང་འབར་འཁྲིགས་ཀློང་༔ སྣང་སྲིད་དྲེགས་པ་ཟིལ་གནོན་བསམ༔ མདུན་དུ་རིན་ཆེན་སྣ་ཚོགས པའི༔ ཁང་བཟང་གསེར་གྱི་རྒྱལ་མཚན་ཅན༔ རྒྱ་ཆེ་བཀོད་ལེགས་ཡངས་པའི་དབུས༔ གསེར་ཁྲི་པདྨ་ཟླ་གདན་དབུས༔ བླ་རྟེན་མི་དམིགས་སྟོང་པའི་ངང་༔ ཙིཏྟ་ཧཱུྃ་ལས་འོད་འཕྲོས་པས༔ རྒྱལ་བ་མཆོད་ཅིང་དབང་བྱིན་བསྡུས༔ འགྲོ་དྲུག་སེམས་ཅན་བདེ་ལ་བཀོད༔ སྣོད་བཅུད་དཔལ་ཡོན་མ་ལུས་པ༔ ཚུར་འདུས་ཡོངས་སུ་གྱུར་པ་ལས༔ ནོར་བདག་ཨ་པར་དཀར་པོ་ནི༔ ཞལ་འཛུམ་ཁྲོ་གཉེར་སྤྱན་གསུམ་པ༔ ཕྱག་གཡས་ནོར་བུ་དབང་རྒྱལ་དང་༔ གཡོན་པས་ནོར་སྐྱུགས་ནེའུ་ལེ་བསྣམས༔ ཞབས་གཉིས་གྱད་ཀྱི་འདོར་སྟབས་བསྒྲད༔ གནག་སྣུམ་རལ་པ་རྟིང་རྩར་སླེབ༔ དགོས་འདོད་འབྱུང་བའི་ནོར་བུ་ཡི༔ ཕྲེང་བ་དང་ནི་དོ་ཤལ་མཛད༔ སྐུ་ཡི་བ་སྤུའི་བུ་ག་ནས༔ འོད་ཟེར་ལྕགས་ཀྱུའི་དབྱིབས་ཅན་གྱིས༔ སེམས་ཅན་ཀུན་གྱི་བློ་ཡིད་སེམས༔ རང་དབང་མེད་པར་དབང་དུ་བསྒྱུར༔ དྲག་ཤུལ་ནུས་པ་དཔའ་ཟིལ་གྱིས༔ ཐོགས་བཅས་ཐོགས་མེད་དགྲ་དང་བགེགས༔ དབང་སྡུད་ཟིལ་གནོན་ལས་ལ་བཀོལ༔ བྃ༔ བྱང་ཕྱོགས་གནོད་སྦྱིན་སྡེ་རིས་འབངས༔ ལན་ཚྭ་ཆུ་རུ་ཞུ་བ་ལྟར༔ གསང་བ་གསུམ་གྱི་ངང་དུ་བསྟིམ༔ དབྱེར་མེད་དུ་མ་རོ་གཅིག་ཏུ༔ གྱུར་ཏེ་བདག་གི འདོད་པའི་དོན༔ རྟག་ཏུ་བསྒྲུབ་ཅིང་བཀའ་ཉན་བསམ༔ གནས་གསུམ་ཡི་གེ་འབྲུ་གསུམ་དང་༔ ཐུགས་ཀར་ཙིཏྟ་ཧཱུྃ་ཉིད་ལས༔ འོད་འཕྲོས་རྒྱལ་བ་སྲས་བཅས་དང་༔ ནོར་བདག ཆེན་པོ་བཀའ་འཁོར་བཅས༔ གནོད་སྤྲིན་ནོར་ལྷ་རྒྱ་མཚོའི་ཚོགས༔ ཨ་པར་ཙིཏྟའི་རྣམ་རོལ་དུ༔ མཚོ་ལ་ཁ་ཆར་བབ་པ་ལྟར༔ སྤྱན་དྲངས་གཉིས་སུ་མེད་པར་བསྟིམ༔ ཨོཾ་ཨ་པ་ར་ཙིཏྟ་ས་མ་ཡ་ཛ་ཛཿ ཕེ་ཕེཾ༔ ཞག་བཞིར་དམིགས་པའི་གནད་ཀྱིས་འབོད༔ དེ་ནས་འབོད་སྔགས་བརྒྱ་ཡི་མཐར༔ སྔགས་འདི་སྨྲ་བཅད་བར་མེད་བཟླ༔ ཨོཾ་ཙིཏྟ་ཡཀྴ་ཁུག་དུང་དུང་ཤོག༔ ཙིཏྟ་ཁ་ལ་ཡ་སྙིང་ལ་བྲེང་བྲེང་དུང་དུང་མི་སྙིང་བསྒུལ་བསྒུལ་སྭཱ་ཧཱ༔ ཡང་ཅིག་ཙིཏྟ་བསྐུལ་བའི་སྔགས༔ ཨོཾ་ཙིཏྟ་ནྲྀཿའགུལ་འགུལ༔ རྒྱུག་རྒྱུག༔ བྲེང་བྲེང་དུང་དུང་སྭཱ་ཧཱ༔ ཙིཏྟའི་སྲོག་སྔགས་མཁའ་འགྲོ་གནད་ལ་དབབ་པ་ལ༔ ཨོཾ་ཙིཏྟ་ཧ་རི་ནི་ས་མ་མ་ཁ་ཤི་བཾ་སྭཱ་ཧཱ༔ ཞེས་སྟན་གྱི་དྲོད་མ་ཡལ་བར་སྡོད་ཚུགས་ནས་ཡི་དམ་ལྷའི་ང་རྒྱལ་བཟུང་༔ མི་ཚིག་གིས་བར་མ་ཆོད་པར་སྔགས་ཆུ་བོའི་རྒྱུན་ལྟར་བཟླ༔ ཤེས་པ་གཞན་དུ་མ་ཡེངས་པར༔ ནངས་པར་ཆུའི་ ཁམས་ནས་ཆུའི་ངོ་བོ་སྟོང་པ་ཨ་པར་དཀར་པོའི་རྣམ་པར་མཚོ་ལ་ཁ་ཆར་བབ་པ་ལྟར་བྱུང་ནས་བསྐྱེད་པའི་ལྷ་ལ་ཡང་ཡང་བསྟིམ༔ སྔ་དྲོ་ནམ་མཁའི་ངོ་བོ་ཨ་པར་མཐིང་གའི་རྣམ་པར་བུ་ཡུག་འཚུབས་པ་ལྟར་བྱུང་ནས་བསྐྱེད་པའི་ལྷ་ལ་ཐིམ་པར་ཡང་ཡང་བསམ་པ་དང་༔ ཉིན་གུང་ས་ཡི་ངོ་བོ་ཨ་པར་སེར་པོའི་རྣམ་པར་འབྱུང་ནས་ཐིམ་པར་བསམ་པ་དང་༔ དགོང་མོ་མེ་ཁམས་དྲོད་ཀྱི་ངོ་བོ་ཨ་པར་དམར་པོའི་རྣམ་པར་རྒྱུན་མི་ཆད་པར་ཐིབ་ཀྱིས་བྱུང་ནས་ཐིམ་པར་བསམ་པ་དང་༔ ནུབ་མོ་རླུང་གི་ངོ་བོ་ཨ་པར་ལྗང་ནག་གི་རྣམ་པར་ཁ་བ་བུ་ཡུག་འཚུབས་པ་བཞིན་དུ་བྱུང་ནས་བསྐྱེད་པའི་ལྷ་ལ་སིབ་སིབ་ཐིམ་པར་བསམ་པ་དང་༔ བར་སྐབས་སུ་བྱང་ཕྱོགས་གཏེར་གྱི་གནས་ནས་གནོད་སྦྱིན་ནོར་ལྷ་གཏེར་བདག་ཐམས་ཅད་ཨ་པར་ཙིཏྟའི་རྣམ་པར་གྱུར་ཏེ་བསྐྱེད་པའི་ལྷ་ལ་ཐིམ་པར་ཡང་ཡང་བསམ་པ་དང་༔ རེས་འགའ་རང་དང་མདུན་བསྐྱེད་ཀྱི་སྙིང་ག་ནས་འོད་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་དམ་གྱི་རྒྱུད་རབ་ཏུ་བསྐུལ་ཏེ༔ དེ་དག་གི་མཐུ་སྟོབས་ནུས་པ་བྱིན་རླབས་དབང་དང་དངོས་གྲུབ་ཐམས་ཅད་འོད་ཕུང་ཁ་དོག་ལྔ་ལྡན་གྱི་རྣམ་པར་སྤྲིན་ཕུང་འཐིབ་པ་བཞིན་དུ་