Tibetan
འབར༔ ཨམ་གཙིགས་བསྡམ་ཞིང་ཧཱུྃ་སྒྲ་སྒྲོགས༔ ཕྱག་གཡས་རྡོ་རྗེ་རྩེ་དགུ་གསོར༔ གཡོན་པས་གནམ་ལྕགས་ཕུར་པ་གཟིར༔ སྤྲུལ་པའི་ལྕགས་སྡིག་ཁྲ་ཐབས་འགྱེད༔ ཀླུ་གཉན་བརྒྱལ་བྱེད་དྲི་ངན་འཐུལ༔ ཟ་བེར་ཐང་ཤམ་ཆོས་གོས་གསོལ༔ ཐོད་རློན་ལྔ་བཅུའི་དོ་ཤལ་སྤྲས༔ དམར་སེར་ དབུ་སྐྲ་གཡས་སུ་འཁྱིལ༔ སྙན་ཆ་དུང་གི་ཝང་མིག་མཛེས༔ སྒྲོལ་ཡུམ་སྟག་མོ་གྲུས་མའི་སྟེང་༔ འདོར་སྟབས་བསྒྲད་ཅིང་རབ་ཏུ་འགྱིང་༔ པད་ཉི་རྒྱལ་བསེན་གདན་དུ་བཏིང་༔ བསྐལ་པའི་མེ་འབར་ཁྲོ་ཆུང་འཕྲོ༔ སྐུ་ལ་རྒྱལ་བའི་དཀྱིལ་འཁོར་རྫོགས༔ ཁམས་གསུམ་མ་ལུས་དབང་བསྡུས་ཤིང་༔ སྲིད་གསུམ་ཟིལ་གྱིས་གནོན་པར་བསྐྱེད༔ དེ་ནས་འཛབ་བཟླ་བ་ནི༔ རང་ཉིད་དྲག་པོའི་ཐུགས་ཀ་རུ༔ ཡེ་ཤེས་སེམས་དཔའ་ཚོན་གང་བའི༔ ཐུགས་ཀར་རྡོ་རྗེའི་ལྟེ་བ་རུ༔ ཧཱུྃ་ལ་གསང་བའི་སྙིང་པོས་འཁོར༔ ཨོཾ་བཛྲ་གུ་རུ་ཁྲོ་བོ་ལོད་ལོ་ཀ་སརྦ་སིདྡྷི་ཧཱུྃ༔ དེ་ལས་འོད་ཟེར་རབ་འཕྲོས་པས༔ སྐུ་གསུམ་རྒྱལ་བ་ཐམས་ཅད་ཀྱི༔ ཐུགས་རྗེ་དཔལ་ཡོན་དབང་གཟི་བྱིན༔ བསྡུས་ཏེ་སྲོག་གི་སྙིང་པོར་བསྟིམ༔ ཨོཾ་བཛྲ་གུ་རུ་ཁྲོ་བོ་ལོད ལོ་ཀ་སརྦ་སིདྡྷི་ཧཱུྃ༔ མངོན་སྤྱོད་དྲག་པོའི་ཕྲིན་ལས་ཀྱི༔ སྤྲུལ་པ་མེ་འོད་མཚོན་ཐུན་དང་༔ ཕོ་ཉ་ཁྲོ་ཚོགས་ཁྱུང་སྡིག་འཕྲོས༔ གནོད་བྱེད་གདུག་པ་ཚར་གཅོད་བསམ༔ ཨོྃ་བཛྲ་གུ རུ་ཁྲོ་བོ་ལོད་ལོ་ཀ་སརྦ་སིདྡྷི་ཧཱུྃ༔ དམིགས་པ་གཞན་དུ་མ་ཡེངས་པར༔ གཟེར་བཞིའི་གནད་དང་ལྡན་པ་ཡིས༔ ཟླ་དྲུག་སྒྲུབ་ལ་གཞོལ་གྱུར་ན༔ རྡོ་རྗེ་འཆང་གི་ས་ཐོབ་འགྱུར༔ བཀའ་སྲུང་ཚོགས་ཀྱི་བདག་པོས་སྲུངས༔ ྋ༥། ལེེའི༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རིག་འཛིན་རྨ་བན་རིན་ཆེན་གྱི་ཟློས་གར་སྦས་པའི་རྣལ་འབྱོར་བུདྡྷ་རསྨིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །། ད 315གཉིས་སོ། T1612 - 319 T11612 - 320 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ སྤྱི་དཔལ་ཆེན་པོའི་མངོན་རྟོགས་བཞུགས་སོ༔ ན་མོ་གུ་རུ་ཝེ༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ བླ་མེད་བླ་མ་དཀོན་མཆོག གསུམ༔ ཆེ་མཆོག་དཔལ་ལ་སྐྱབས་སུ་མཆི༔ སྲིད་པ་སྡུག་བསྔལ་རྒྱ་མཚོ་ལས༔ འགྲོ་ཀུན་སྒྲོལ་བར་སེམས་བསྐྱེད་དོ༔ དེ་ནས་ལྷ་བསྒོམ་པ་ལ༔ ཧཱུྃ༔ གཟུང་འཛིན་སྟོང་ཉིད་ཆེན་པོར་ཞིག༔ སྟོང་པའི་ངང་ལས་སྐད་ཅིག་གིས༔ རང་སྣང་དོན་གྱི་འོག་མིན་ཆེར༔ སྤྱི་དཔལ་ཆེ་མཆོག་ཧེ་རུ་ཀ༔ མཐིང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་དབུས་མཐིང་ནག༔ ཞལ་གདངས་ལྗགས་འདྲིལ་མཆེ་བ་གཙིགས༔ ཁྲོ་གཉེར་སྡུད་ཅིང་སྤྱན་དགུ་གཡོ༔ དབུ་སྐྲ་དམར་སེར་གྱེན་དུ་བརྫེས༔ སྨ་ར་སྨིན་མར་མེ་ཞགས་འཕྱོ༔ གཡས་གསུམ་གནམ་ལྕགས་རྡོ་རྗེ་དང་༔ གཡོན་གསུམ་བྷནྡྷ་ར་རི་བསྣམས༔ ཞབས་བཞིས་དྲེགས་པ་ལྷ་ཀླུ་གནོན༔ དུར་ཁྲོད་ཆས་ཀྱིས་རབ་ཏུ་བརྒྱན༔ ཡུམ་མཆོག་གནམ་ཞལ་འཁྲིལ་སྦྱོར་རོལ༔ ཕྱག་གཉིས་ཁ་ཊྭཱྃ་ཐོད་ཁྲག་སྟོབ༔ ཁྲོ་མོ་མི་བཟད་གཟིག་ཤམ་གསོལ༔ བསྐལ་པ་དུས་མཐའི་མེ་ལྟར་འབར༔ སྐུ་དབྱིངས་རྒྱ་མཚོ་ལྟ་བུའི་ཀློང་༔ བདུན་བརྒྱ་ཉེར་ལྔའི་ལྷ་ བཀོད་པ༔ གཟའ་སྐར་བཀྲ་བཞིན་རང་ཤར་བསྒོམ༔ ཐུགས་ཀློང་ཀུན་ཏུ་བཟང་པོ་མཐིང་༔ གཅེར་བུ་མཉམ་བཞག་སྐྱིལ་ཀྲུང་བཞུགས༔ ཐུགས་ཀར་ཉི་སྟེང་རྡོ་རྗེའི་སྟེར༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ དུས་གསུམ་སངས་རྒྱས་ཐམས་ཅད་ཀྱི༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་མ་ལུས་བཅུད་དུ་དྲིལ༔ གྲགས་སྟོང་སྐྱེ་མེད་སྔགས སྒྲ་སྒྲོགས༔ ཨོཾ་མ་ཧཱ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ བསྙེན་པ་འབྲུ་འབུམ་བསྒྲུབ་པ་ནི༔ དེ་ཡི་ཉིས་འགྱུར་ལས་སྦྱོར་ལ༔ བསྙེན་པའི་ཕྱེད་ཆ་ཙམ་དུ་བཟླས༔ དེ་ཚེ་དམིགས་གསལ་དབྱེར་མེད་ལས༔ ཤེས་པ་གཞན་དུ་མ་ཡེངས་ན༔ དངོས་གྲུབ་ཐོབ་པར་གདོན་མི་ཟ༔ དེ་ཡི་དབང་མཆོག་བསྐུར་བ་ལ༔ ༔ རང་སྣང་དོན་གྱི་འོག་མིན་ནས༔ དུས་གསུམ་སངས་རྒྱས་འདུས་པའི་སྐུ༔ སྤྱི་དཔལ་ཆེ་མཆོག་ཧེ་རུ་ཀ༔ རྒྱུད་སྡེ་རྒྱ་མཚོའི་དཀྱིལ་འཁོར་རྫོགས༔ ཁྱེད་ཀྱི་རྗེས་སུ་བདག་བསྒྲུབ་ཀྱིས༔ བྱིན་གྱིས་བརླབ་ཕྱིར་གཤེགས་སུ་གསོལ༔ ལུས་ལ་སྐུ་ཡིས་བྱིན་གྱིས་རློབས༔ བུམ་དབང་ཡོངས་རྫོགས་ཐོབ་པར་ཤོག༔ རྩ་སྔགས་དང་༔ ཀཱ་ཡ་ཨ་བྷི་ཥིཉྩ་ཨོཾ༔ ངག་ལ་གསུང་གིས་བྱིན་གྱིས་རློབས༔ གསང་དབང་ཡོངས་སུ་རྫོགས་ཐོབ་ཤོག༔ རྩ་སྔགས་དང་༔ ཝཱཀ་ཨ་བྷི་ཥིཉྩ་ཨཱཿ ཡིད་ལ་ཐུགས ཨོཾ༔ ཀྱིས་བྱིན་གྱིས་རློབས༔ ཤེར་དབང་ཡོངས་སུ་རྫོགས་ཐོབ་ཤོག༔ རྩ་སྔགས་དང་༔ ཙིཏྟ་ཨ་བྷི་ཥིཉྩ་ཧཱུྃ༔ རྒྱུད་ལ་དགོངས་པས་བྱིན་གྱིས་རློབས༔ ཚིག་དབང་ཤཱ ཡོངས་སུ་རྫོགས་ཐོབ་ཤོག༔ རྩ་སྔགས་དང་༔ སརྦ་ཨ་བྷི་ཥིཉྩ་ཧཱུྃ༔ བུམ་པ་བདུད་རྩི་རྡོ་རྗེ་དང་༔ ཤེལ་རྡོ་བྱིན་པ་འདིས་ཆོག་གོ༔ གཏོར་མ་གནས་བཞིར་གཏུག་ཀྱང་རུང་༔ དམིགས་གསལ་གནད་དང་ལྡན་པ་གལ༔ འབྲེལ་བ་ཐོགས་ཚད་སངས་རྒྱས་སོ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ཞི་སྐོར་བདེ་ལྡན་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།། །། ལ T11612 - 323 T11612 - 324 མ་9། མ་ཐ༔ ཆོས་ཉིད་ནམ་མཁའི་ཀློང་མཛོད་ལས༔ དཔལ་ཆེན་ཡོངས་རྫོགས་ཕྲིན་ལས་ལྷུན་གྲུབ་བཞུགས་སོ༔ ༈ TI1612 - 325 བདུད་འཇོམས་བཀའ་བརྒྱད་༔ ན་མོ་གུ་རུ་དྷེ་ཝ་ཌཱ་ཀི་ནཱི༔ རྴ་བདྨ་གྷཀྐ་བྷས་མབྟ་༔ རྡོ་རྗེ་ཕུང་པོའི་གྲོང་ཁྱེར་ནི༔ གདན་གསུམ་ཚང་བའི་ངོ་བོ་རུ༔ ཡེ་གནས་ཡེ་ཤེས་མངོན་བྱེད་ལམ༔ ཁ་ཙམ་མ་ཡིན་དམིགས་གསལ་གནད༔ ཧཱུྃ༔ འཁོར་འདས་དག་མཉམ་སྟོང་པ་ཉིད༔ ཡེ་གནས་ཡེ་ཤེས་ཀུན་ཏུ་སྣང་༔ རྒྱུ་རྐྱེན་རྟེན་འབྲེལ་དག་པ་ལས༔ རིག་སྟོང་འཕྲུལ་གྱི་ཧཱུྃ་ཡིག་ཤར༔ འོད་ཁྱིམ་མཆེད་པས་སྣོད་བཅུད་ཀུན༔ སྒྱུ་མ་འཕྲུལ་གྱི་རྣམ་རོལ་བཞིན༔ བདག་རྟོག་དབྱིངས་བསྒྲལ་དུར་ཁྲོད་དབུས༔ བསྲུང་བའི་འཁོར་ལོར་རིམ་དགུའི་ཀློང་༔ ཀ་དག་ལྷུན་གྲུབ་གཉིས་མེད་པའི༔ རོལ་པ་ཡེ་ཤེས T11612 - 326 ་༔ གཞལ་ཡས་ཁང་༔ དེ་དབུས་བྱོལ་སོང་གཙོ་བརྒྱད་དང་༔ པད་ཉི་ལྷ་ཀླུ་བཅུ་དྲུག་སྟེང་༔ རང་རིག་ཧཱུྃ་ལས་སྤྱི་དཔལ་ཆེ༔ མཐིང་ནག་དབུ་གསུམ་ཕྱག་དྲུག་པ༔ གཡས་དཀར་གཡོན་དམར་རྔམས་ཁྲོ་འབར༔ ཞལ་གདངས་ལྗགས་འདྲིལ་མཆེ་བ གཙིགས༔ སྤྱན་དགུ་སྡང་མིག་གཡོ་ཞིང་འཁྲུགས༔ དབུ་སྐྲ་དམར་སེར་སྲིད་རྩེ་འབར༔ སྨ་ར་སྨིན་མར་མེ་ཞགས་འཕྲོ༔ གཡས་གསུམ་གནམ་ལྕགས་རྡོ་རྗེ་ནི༔ རྩེ་དགུ་རྩེ་ལྔ་རྩེ་གསུམ་བསྣམས༔ གཡོན་པ་གསུམ་ན་ཀ་པཱ་ལ༔ སྐམ་རློན་རྙིང་པར་རཀྟས་བཀང་༔ ཞབས་བཞི T11612 - 327 གྱད་ཀྱི་འདོར་ཐབས་བསྒྲད༔ ཀོ་རློན་གཡང་གཞི་སྟག་ཤམ་སོགས༔ དུར་ཁྲོད་དཔལ་ཆས་གར་ཉམས་རྫོགས༔ ཁམས་གསུམ་རྣམ་རྒྱལ་ཁྱུང་གཤོག་གདེངས༔ མཉམ་སྦྱོར་ཡུམ་ཆེན་གནམ་ཞལ་མ༔ མཐིང་སྐྱ་ཁ་ཊྭཱྃ་དུང་ཁྲག་བསྣམས༔ གཟིག་ཤམ་སྨད་དཀྲིས་ཡབ་ལ་འཁྱུད༔ གཡས་གཡོན་འོད་ཀྱི་ཟེར་ཐག་རྩེར༔ བཞི་བཅུ་རྩ་གཉིས་སངས་རྒྱས་ཤར༔ ཡེ་ཤེས་མེ་དཔུང་འབར་ཞིང་འཁྲིགས༔ སྤྱི་བོར་ཡེ་ཤེས་བྱ་ཁྱུང་ལྡིང་༔ གཙུག་ཏོར་འཁོར་ལོར་རིག་འཛིན་དང་༔ བདེ་ཆེན་འཁོར་ལོར་འཇམ་དཔལ་སྐུ༔ ལོངས་སྤྱོད་འཁོར་ལོར་པདྨ་གསུང་༔ ཆོས་ཀྱི་འཁོར་ལོར་ཡང་དག་ཐུགས༔ སྤྲུལ་པའི་འཁོར་ལོར་ཕུར་པའི་ལྷ༔ བདེ་སྐྱོང་འཁོར་ལོར་མ་མོ་དང་༔ བརླ་གཡས་དམོད་པ་དྲག་སྔགས་དང་༔ གཡོན་པར་འཇིག་རྟེན་མཆོད་བསྟོད་ཚོགས༔ མདོར་ན་དཔལ་དགུའི་དཀྱིལ་འཁོར་ལྷ༔ རྒྱ་མཚོ་དང་ནི་གཟའ་སྐར་བཞིན༔ མ་འདྲེས་ཡོངས་རྫོགས་ཆེན་པོར་བསྒོམ༔ ཐུགས་གསང་གདོད་མའི་མགོན་པོ་ཡི༔ ཐུགས་ཀར་རྡོ་རྗེའི་ལྟེ་བ་རུ༔ ཉི་ཟླའི་གྭའུ་ཁ་སྦྱོར་ནང་༔ ཧཱུྃ་ལ་དཔལ་དགུ་ཡོངས་འདུས་ཀྱི༔ སྙིང་པོ་གཅིག་དྲིལ་སྔགས་ཀྱིས་བསྐོར༔ གནས་གསུམ་འབྲུ་གསུམ་འོད་ཟེར་གྱིས༔ ཐ༔ ཀ་དག་ལྷུན་གྲུབ་ཐུགས་རྗེའི་ལྷ༔ དབྱིངས་ནས་སྤྱན་དྲངས་གཉིས་མེད་བསྟིམས༔ གདོད་ནས་འདུ་འབྲལ་མེད་པར་བཞུགས༔ ལྷན་སྐྱེས་ཡེ་ཤེས་མཇལ བའི་ཕྱག༔ འཁོར་འདས་དག་མཉམ་རིག་པས་མཆོད༔ ཡེ་གྲོལ་གཤིས་སུ་ཕེབས་པས་བསྟོད༔ འོད་ཀྱིས་འཁོར་འདས་ཐམས་ཅད་ཀུན༔ འུབ་ཆུབ་རོལ་པར་རྫོགས་སངས་རྒྱས༔ སངས་རྒྱས་ཉག་གཅིག་སྙིང་པོ་བཟླ༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ དེ་ནས་གནོད་བྱེད་གང་བྱུང་ཡང་དེའི་ཚེ༔ བདག་དྲག་པོའི་སྐུ་ཡི་ཆ་ཐམས་ཅད་ནས་ཆེ་མཆོག་དཔལ་དགུ་བཀའ་སྡོད་དང་བཅས་པ་འཇིག་རྟེན་གྱི་ཁམས་ཐམས་ཅད་ཁྱབ་པར་སྤྲོས་ནས་གནོད་བྱེད་དེ་དག་བསད་བཅད་རྔམས་ཟས་བྱས་ནས་རྗེས་ཤུལ་ཙམ་ཡང་མེད་པར་བསམ་ལ༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་རཾ་གནོད་བྱེད་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ༔ ཅི་མང་བཟླས༔ ཡང་རང་ཉིད་དྲག་པོའི་སྐུ་ལས་མེ་རླུང་མཚོན་ཐུན་ཁྲོ་ཆུང་བྱ་ཁྱུང་ལྕགས་སྡིག་དཔག་ཏུ་མེད་པ་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས་ནས་གནོད་བྱེད་དགྲ་བགེགས་ཐམས་ཅད་ཐུན་མཚོན་གྱིས་གཏུབ༔ མེ་དཔུང་འབར་བས་བསྲེགས༔ སྤུ་གྲི རླུང་གིས་གཏོར༔ ཁྲོ་བོ་བྱ་ཁྱུང་དང་སྡིག་པའི་ཚོགས་ཀྱིས་ཧབ་ཧབ་ཟོས་ནས་རྗེས་ཤུལ་ཙམ་ཡང་མེད་པར་བསྒོམ༔ དྲག་སྔགས་ཀྱི་མཐར༔ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་སིད་ཧཱུྃ་ཕཊ༔ བཟློག་པ་བྱེད་ན༔ རང་ཉིད་ཡི་དམ་དཔལ་ཆེན་པོའི་ཐུགས་ཀ་ནས་བཟློག་བྱེད་ལས་ཀྱི་སྤྲུལ་པ་ཁྲོ་བོ་ཁྲོ་མོ་ཁྱུང་སྡིག་ལས་མཁན་མེ་རླུང་ཐུན་མཚོན་དཔག་ཏུ་མེད་པ་འཕྲོས་ནས་གནོད་བྱེད་བྱད་མ་སྡེ་བརྒྱད་ལྷ་འདྲེ་སེམས་ཅན་ཐམས་ཅད་ཐལ་བ་རླུང་གིས་གཏོར་བ་བཞིན་དུ་མཐའ་ཡི་རྒྱ་མཚོའི་ཕ་མཐར་གླིང་བར་མུན་པའི་ཁྲོད་དུ་བསྐྲད༔ ལྷག་མ་རྗེས་ཤུལ་ཙམ་ཡང་མ་ལུས་པར་མཚོན་ཐུན་སྣ་ཚོགས་ཀྱིས་གཏུབ༔ མེ་དཔུང་འབར་བས་བསྲེགས༔ སྤུ་གྲི་རླུང་གིས་གཏོར༔ ཁྲོ་ཚོགས་དང་ལས་མཁན་སྤྲུལ་པའི་ཚོགས་རྣམས་ཀྱིས་རྔམས་ཟས་བྱས་ནས་མིང་གི་ལྷག་མ་ཙམ་ཡང་མེད་པར་ཡང་ཡང་བསམ་ལ༔ དྲག་སྔགས་མཐར༔ གནོད་བྱེད་བྱད་མ་རྦོད་གཏོང་སྡེ་བརྒྱད་ལྷ་འདྲེ་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ་བྷྱོ་བྷྱོ་བཟློག༔ ནད་གང་ལ་ཡང་༔ རང་ཉིད་དཔལ་ཆེན་པོའི་ཞལ་ནས་དྲག་སྔགས་གདུག་པའི་དབལ་ཆེན་པོ་འཕྲོས་པས་ནད་ནད་བདག་དང་བཅས་པ་གདོན་རྒྱབ་བརྟེན་དང་བཅས་པ་མེ་སྟག་ཆུས་བསད་པའམ༔ མར་མེ་རླུང་གིས་བསད་པ་ལྟར་ལྷག ཐ༔ མེད་དུ་བསད་པར་བསྒོམ༔ དྲག་སྔགས་མཐར༔ གནོད་བྱེད་ཐམས་ཅད་མཱ་ར་ཡ་སོད་ཧཱུྃ་ཕཊ༔ ནད་གདོན་བར་ཆད་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ དེ་ལྟར་དེ་ལ་དེའི་འགྲོས་ཀྱིས༔ དམིགས་པ་ཁ་བསྒྱུར་རིག་པས་དཔག༔ ཁྱད་པར་སེར་བ་བསྲུང་བཟློག་ལས༔ དང་པོ་ནངས་པར་སྔ་ཐོག་ཏུ༔ རང་ཉིད་དཔལ་ཆེན་པོའི་སྐུ་ལས་འོད་ཟེར་ནམ་མཁའི་མཐའ་དང་མཉམ་པར་འཕྲོས་པས་སྟེང་གི་ནམ་མཁའ་ཐམས་ཅད་ཧཱུྃ་ཡིག་མཐིང་ནག་མེ་འབར་བས་ཁྱབ་ནས་ནམ་མཁའ་རུ་སེར་སྤྲིན་འཕྱོ་བ་ཐམས་ཅད་ཡེ་ཤེས་མེ་ལྕེའི་འཁོར་ལོ་གྱུར་པར་བསྒོམ་ལ༔ དྲག་སྔགས་ནས༔ ཛྭ་ལ་རཾ་གནོད་བྱེད་སེར་བ་སེར་བདག་ཐམས་ཅད་མཱ་ར་ཡ་ཧཱུྃ་ཕཊ༔ ཤཱནྟིཾ་ཀུ་རུ་ཡེ་སྭཱ་ཧཱ༔ ཡང་སྐབས་སུ༔ སེང་གེ་དཀར་མོ་རི་རབ་ཙམ་དཔག་ཏུ་མེད་པ་འཕྲོས་ནས་སྤྲིན་རྣམས་ཐམས་ཅད་ཧུབ་ཀྱིས་བཏབ་ཅིང་རོལ་པར་བསམ་ལ༔ དྲག་སྔགས་མཐར༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པས་སེར་བ་སེར་བདག་འབྲུག་གློག་སྡེ་བརྒྱད་ཐམས་ཅད་ཕྱིར་བཟློག་ཅིག་བསྒྱུར་ཅིག༔ ཨཿ ཡཿ མཿ དུཿ རུཿ ཙཿ ཤཿ ན༔ ས་མ་ཡ་བྷྱོ་བྷྱོ་བཟློག་བཟློག༔ ལྕགས་སྡིག་ནག་པོ་དང་དུག་གི་བྱ་ཁྱུང་མེ་འབར་བས་ནམ་མཁའ་གར་ཁྱབ་པར་སོང་ནས་སྤྲིན་མེ་ལྕེའི་ འཁོར་ལོར་བསྒྱུར༔ སེར་བདག་སྡེ་བརྒྱད་ལྷ་འདྲེ་ཐམས་ཅད་ཧུབ་ཀྱིས་རྔུབ་ཅིང་གྱུར་མིད་དུ་ཟོས་པར་བསམ༔ ཡང་བཟློག་སྔགས་དང་སྦྲེལ་ཏེ་བཟླ༔ ཁྲོ་བོ་ཁྲོ་མོའི་ཚོགས་ཀྱང་དེ་ལྟར་བསྒོམ༔ ནམ་མཁའ་བར་སྣང་ས་གཞི་ཐམས་ཅད་བླ་མ་ཡི་དམ་མཁའ་འགྲོའི་ཚོགས་ཀྱིས་གོ་མཚམས་མེད་པར་གང་ནས་སེར་བ་སེར་བདག་ཐམས་ཅད་གབ་པའི་གནས་མེད་པར་བསམ་ལ༔ དྲག་སྔགས་དང་བཟློག སྔགས་སྦྲེལ་ཏེ་ནན་དུ་བཟླས་པས་ངེས་པར་ཐུབ་བོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདིའང་རང་སློབ་འགས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ལུང་ཟིན་མཁྱེན་རབ་རྒྱ་མཚོའོ །དགེའོ། །སརྦ་མངྒ་ལཾ། །ཛ་ཡནྟུ། ཤུབྷཾ། །། T11612 - 332 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ བདེ་གཤེགས་སྤྱི་དྲིལ་གསང་བའི་སྒྲུབ་པ་བཞུགས་སོ༔ ཤགྷ།ཏཐབཏནཾ༔ ན་མོ་གུ་རུ་པདྨ་ཀ་ར་ཡེ༔ བདེ་གཤེགས་གསང་བའི་སྒྲུབ་པ་ལ༔ དང་པོ་སྐྱབས་འགྲོ་སེམས་བསྐྱེད་ལ༔ ན་མོ༔ བདག་དང་མཐའ་ཡས་སེམས་ཅན་ཀུན༔ དཀོན་མཆོག་གསུམ་ལ་སྐྱབས་སུ་མཆི༔ བདག་གིས་བྱང་ཆུབ་ངེས་བསྒྲུབ་ཅིང་༔ འགྲོ་བའི་དོན་ལ བརྩོན་པར་བྱ༔ དེ་ནས་ལྷ་བསྐྱེད་པ་ལ༔ ཨཱཿ འཁོར་འདས་དག་མཉམ་སྟོང་ཉིད་ཆེན་པོར་སངས༔ སྐད་ཅིག་ལྷུན་གྲུབ་རོལ་པའི་སྒྱུ་འཕྲུལ་ལས༔ རང་བྱུང་ཡེ་ཤེས་ལྔ་ལྡན་གཞལ་ཡས་སུ༔ དྲེགས་པ་གཅལ་བཀྲམ་མི་རོའི་བམ་སྟེང་དུ༔ བྱོལ་སོང་གཙོ་བོ་བརྒྱད་ཀྱིས་བཏེགས་པའི་ཁྲིར༔ པད་ཟླ་ཉི་མ་བདུད་དང་རཱུ་ཏྲའི་སྟེང་༔ རང་རིག་ཧཱུྃ་ལས་སྤྱི་དཔལ་ཧེ་རུ་ཀ༔ མཐིང་ནག་དབུ་གསུམ་ཕྱག་དྲུག་ཞབས་བཞི་བསྒྲད༔ གཡས་དཀར་གཡོན་དམར་དབུས་མཐིང་རྔམས་པའི་ཞལ༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ སྤྱན་དགུ་སྡང་མིག་གཡོ་ཞིང་ཕྱོགས་བཅུར་གཟིགས༔ སྨ་ར་མེ་འབར་སྨིན་མར་གློག་སྟོང་འཁྱུག༔ དབུ་སྐྲ་དམར་སེར་སྲིད་པའི་རྩེ་རུ་འཁྱིལ༔ ཐོད་སྐམ་དབུ་རྒྱན་དར་གྱི་ཅོད་པན་འཕུར༔ གཡས་ཕྱག་གསུམ་ན་རྡོ་རྗེ་འབར་བ་གདེངས༔ གཡོན་གསུམ་ཐོད་ཁྲག་ཁོལ་ཞིང་སྟེང་དུ་འཕྱོ༔ དུར་ཁྲོད་ཆས་བརྒྱད་དཔལ་གྱི་ཆས་བཅུས་བརྒྱན༔ གཉིས་མེད་སྟོང་པའི་བདག་ཉིད གནམ་ཞལ་མ༔ མཐིང་སྐྱ་ཁ་ཊཱཾ་ཐོད་ཁྲག་ཡབ་ལ་འཁྱུད༔ རལ་པ་དམར་ནག་བར་སྣང་ཁམས་སུ་གཡེང་༔ གཟིག་ཤམ་སྨད་དཀྲིས་ཁྲོ་བོའི་ཆས་ཀུན་རྫོགས༔ བདེ་སྟོང་གཉིས་མེད་ཐབས་ཤེས་ཞལ་སྦྱོར་བའི༔ གཙུག་ཏོར་འཁོར་ལོར་བླ་མ་རིག་འཛིན་དང་༔ བདེ་ཆེན་འཁོར་ལོར་གཤིན་རྗེ་འཇམ་དཔལ་སྐུ༔ ལོངས་སྤྱོད་འཁོར་ལོར་རྟ་མགྲིན་པདྨ་གསུང་༔ ཆོས་ཀྱི་འཁོར་ལོར་ཡང་དག་རྡོ་རྗེ་ཐུགས༔ སྤྲུལ་པའི་འཁོར་ལོར་ཕུར་པ་ཕྲིན་ལས་དང་༔ བདེ་སྐྱོང་འཁོར་ལོར་མ་མོ་རྦོད་གཏོང་ལ༔ བརླ་གཡས་དྲེགས་འདུལ་འཇིག་རྟེན་མཆོད་བསྟོད་དང་༔ གཡོན་པར་སྟོབས་ལྡན་དམོད་པ་དྲག་སྔགས་ལྷ༔ བ་སྤུའི་འོད་ཀློང་དཔལ་གྱི་བཀའ་སྡོད་བཅས༔ རྒྱ་མཚོའི་གཟའ་སྐར་ཇི་བཞིན་མ་འདྲེས་ཤར༔ སྤྱི་བོར་སྐུ་གསུང་ཐུགས་ཀྱི་ཁྱུང་གིས བརྒྱན༔ ཀུན་བཟང་ཡབ་ཡུམ་རིགས་ཀྱི་བདག་པོར་ཤར༔ བསྐལ་པའི་མེ་ལྟར་འབར་བའི་ཀློང་དུ་བསྐྱེད༔ ཐུགས་ཀར་པདྨ་ཉི་ཟླའི་གདན་སྟེང་དུ༔ ཀུན་བཟང་ཡབ་ཡུམ་འོད་ལྔའི་ཀློང་ ཨོཾཿ དུ་གསལ༔ དེ་ཡི་ཐུགས་ཀར་གནམ་ལྕགས་རྡོ་རྗེ་ཡི༔ ལྟེ་བར་ཧཱུྃ་མཐིང་སྤུ་ཡིས་བྲིས་ལྟ་བུའི༔ མཐའ་མར་བདེ་གཤེགས་ཡོངས་འདུས་དྲིལ་སྔགས་འཁོར༔ དེ་ལྟར་གསལ་བའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿ དམར་པོ༔ ཐུགས་ཀར་ཧཱུྃ་མཐིང་ནག་རྣམས་རྡོ་རྗེ་གསུམ་གྱི་ངོ་བོར་གནས་པ་ལས་འོད་ཟེར་འཕྲོས་པས་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་རྣམས་མ་ལུས་ཤིང་ལུས་པ་མེད་པ་སྤྱན་དྲངས་ཏེ་བདག་ཉིད་ལ་ཐིམ་པས་སྒོ་གསུམ་རྡོ་རྗེ་གསུམ་གྱི་རོལ་པར་སངས་རྒྱས་པར་བསམ༔ ཤེས་པ་གཞན་དུ་མ་ཡེངས་པར་ལྷའི་གསལ་སྣང་དང་འགྲོགས་མི་ཚིག་གིས་བར་མ་ཆོད་པར་སྔགས་ལེགས་པར་བཟླ་བ་གནད་དམ་པའོ༔ ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ དེ་ནས་དྲིལ་སྔགས་ལས་སྦྱོར་དུ༔ ཨོཾ་བཛྲ་མ་ཧཱ་ཀྲོ་ཏ་པདྨ་ཀྲོ་ཏི་ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ གྲངས་བསྙེན་འབུམ་ཕྲག་འབྲུ་དང་བསྟུན༔ དུས་བསྙེན་དེ་ཡིས་བཞི་འགྱུར་བྱ༔ བསྙེན་བསྒྲུབ་ལས་སྦྱོར་དམིགས་པའི་ཁྱད༔ དེ་ནས་བསྟོད་པ་བྱ་བ་ལ༔ ཧཱུྃ༔ ཆོས་ཉིད་ཞི་བའི་ངང་ལས་མ་གཡོས་ཀྱང་༔ སྣ་ཚོགས་གཟུགས་སྐུའི་རོལ་པ་ཆུ་ཟླའི་གར༔ གདུལ་བྱ་ཐབས་ཀྱིས་འདུལ་ བའི་སྐུར་སྟོན་པ༔ སྒྲུབ་པ་བཀའ་བརྒྱད་ལྷ་ལ་ཕྱག་འཚལ་བསྟོད༔ དེ་ལྟར་བསྒྲུབ་པའི་བསྒོམ་བཟླས་གནད་ལྡན་ན༔ ཚེ་འདིར་ཕྱག་རྒྱ་ཆེན་པོའི་དངོས་གྲུབ་ཐོབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ མཁའ་འགྲོ་ལས་ཀྱི་དབང་མོས་དེ་ལྟར་གདམས། །སློབ་བུ་རྡོ་རྗེ་དཔལ་གྱིས་བསྐུལ་བའི་ངོར། །ཁྲག་འཐུང་བདུད་འཇོམས་རྡོ་རྗེས་ཕབ་པའོ། །དགེའོ།། འཇོམས་བཀའ་བརྒྱད་སྤྱི་དྲིལ 332 འཇོམས་བཀའ་བརྒྱད་སྤྱི་དྲིལ T11612 - 336 ཕ༔ ཆོས་ཉིད་ནམ་མཁའི་ཀློང་མཛོད་ལས༔ དཀྱིལ་འཁོར་ཡོངས་ཀྱི་ཁྱབ་བདག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྤྲོས་བྲལ་ཆོས་སྐུའི་ཞལ་མཐོང་བས༔ དོན་གྱི་རྣལ་བྱོར་ཆེན་པོའི་ལམ༔ སྐད་ཅིག་དྲན་རྫོགས་ཡེ་ཤེས་ལྷར༔ ལྡང་ནས་ཕྲིན་ལས་བསྒྲུབ་འདོད་ན༔ ཧཱུྃ༔ རང་སྣང་དོན་གྱི་འོག་མིན་དུ༔ རིག་པ་རང་བྱུང་ཡེ་ཤེས་ལྷ༔ ཐབས་ཤེས་མཉམ་སྦྱོར་ཕྱག་རྒྱར་བཞེངས༔ རང་རྩལ་སྒྱུ་འཕྲུལ་རོལ་པའི་འཁོར༔ མ་བཅོས་རང་བྱུང་ཆེན་པོར་ཤར༔ སྣང་དང་གྲགས་པ་དྲན་རྟོག་ཀུན༔ དཀྱིལ་འཁོར་གསུམ་ལྡན་རོལ་པར་རྫོགས༔ འཛབ་བཟླས་ནི༔ ཧཱུྃ་ཧཱུྃ་ཧཱུྃ༔ སླར་ཡང་མདུན་བསྐྱེད་གསལ་བ་ནི༔ བདག་ཉིད་རྩ་བའི་དཀྱིལ་འཁོར་ལས༔ ཟླ་བ་ལས་ནི་ཆུ་ཟླ་བཞིན༔ རང་བྱུང་དཀྱིལ་འཁོར་ཆེན་པོར་སྤྲོས༔ དམ་ཚིག་ཡེ་ཤེས་དབྱེར་མེད་རྫོགས༔ ཧཱུྃ་ཧཱུྃ་ཧཱུྃ༔ འདི་ལྟར་རྟོགས་པའི་རྣལ་འབྱོར་གྱིས༔ འདི་ལྟར་བསྒྲུབ་ནས་ལས་བྱེད་རིགས༔ མཁའ་འགྲོ་རྒྱ་མཚོའི་སྙིང་ཐིག་ཡིན༔ དུས་གསུམ་རྒྱལ་བའི་དགོངས་པ་འདུས༔ བཀའ་སྲུང་དྲང་སྲོང་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བདུད་འཇོམས་རྡོ་རྗེས་སོ། །དགེའོ།། T11612 - 337 T11612 - 338 ར ཛྀ་༔ ཆོས་ཉིད་ནམ་མཁའི་ཀློང་མཛོད་ལས༔ འཇིགས་བྱེད་ནཱ་ག་རཀྴའི་དབང་ཆོག་ཡེ་ཤེས་འོད་ཟེར་བཞུགས༔ TI1612 - 339 ༔ ན་མོ་གུ་རུ་པདྨ་ཀ་ར་ཡེ༔ དྷར་ཤ་ཀ་ཧཱུཾ།༔ གཤིན་རྗེ་ནཱ་ག་རཀྴ་འདི༔ ཉམས་སུ་ལེན་པའི་ཐོག་མ་རུ༔ དང་པོ་དབང་གིས་སྨིན་པར བྱས༔ དེ་ནས་བསྐྱེད་རིམ་གནད་ལ་བསླབ༔ ཐ་མ་བསྒོམ་བཟླས་གནད་དུ་བསྣུན༔ འདི་དག་གནད་ཀྱི་དམ་པ་ཡིན༔ སྒྲུབ་པ་བྱེད་པ་ཀུན་གྱིས་ཟུངས༔ དབང་གི་བྱ་བ་བྱེད་པ་ལ༔ དཀྱིལ་འཁོར་བཀོད་ལེགས་མཛེས་ལྡན་དུ༔ བུམ་པ་