Tibetan
རྗེ་འཆང་༔ དཀྱིལ་འཁོར་གཙོ་མཆོག་ཆེན་པོ་ཡི༔ བདག་ཅག་སྐལ་ལྡན་བུ་རྣམས་ལ༔ སྨིན་གྲོལ་དབང་མཆོག་དམ་པ་སྩོལ༔ ལན་གསུམ་མཐར༔ གཏོར་མ་ཡེ་ཤེས་ལྔ་ལྡན་རང་བྱུང་ལྷུན་གྱིས་གྲུབ་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་གུ་རུ་པདྨ་རྒྱལ་པོ་སྤྲུལ་པ་ཚོགས་ཀྱི་བདག་པོ་དང་གཉིས་སུ་ ༔ མེད་པ་ཉི་མ་དང་ཟེར་གྱི་ཚུལ་དུ་བསྐྱེད་ཅིང་བསྒོམ་པའི་སྐུ་ལས་འོད་ཕུང་དཀར་པོ་འཕྲོས་ཏེ་སློབ་མའི་སྤྱི་བོ་ནས་ལུས་ལ་ཐིམ་པས་ལུས་དང་རྩའི་སྒྲིབ་པ་ཐམས་ཅད་དག༔ སྐུ་བུམ་པའི་དབང་ཐོབ༔ ལུས་རྡོ་རྗེ་སྤྲུལ་པ་སྐུའི་གོ་འཕང་མངོན་དུ་བྱས་པར་བསམ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ བཀའ་བསྲུང་དྲེགས་པའི་ཚོགས་ཀྱིས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཕྱིར༔ བྱིན་གྱིས་བརླབ་ཕྱིར་གཤེགས སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སློབ་མ་འདི་ལ་བུམ་དབང་སྩོལ༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་ཀུན༔ ད་ལྟ་ཉིད་དུ་ཐོབ་པར་སྩོལ༔ ཨོ་ཨཱཿ ཧཱུྃ་བཛྲ་གུ་རུ་པདྨ་རཱ་ཛ་ག་ན་པ་ཏི་ཀཱ་ཡ་ཨ་བྷི་ཥིཉྩ་ཨོཾ༔ གཏོར་མ་གཞལ་ཡས་ཁང་ལྷ་དང་བཅས་པར་གསལ་བ་སློབ་མའི་མགྲིན་པར་བཞག་པ་ཙམ་གྱིས་ཨཱཿདམར་འོད་ཀྱི་རང་བཞིན་ངག་ལ་ཐིམ་པས་ངག་དང་རླུང་གི་སྒྲིབ་པ་ཐམས་ཅད་དག༔ གསུང་གསང་བའི་དབང་ཐོབ༔ ངག་རྡོ་རྗེའི་གསུང་ལོངས་སྤྱོད་རྫོགས་སྐུའི་གོ་འཕང་མངོན་དུ་ བྱས་པར་བསམ་ལ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ བཀའ་བསྲུང་དྲེགས་པའི་ཚོགས་ཀྱིས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཕྱིར༔ བྱིན་གྱིས་བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ གསང་དབང་ངག་ལ་བསྐུར་བ དང་༔༷ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་རཱ་ཛ་ག་ན་པ་ཏི་ཝཱཀ་ཨ་བྷི་ཥིཉྩ་ཨཱཿ གཏོར་མ་གཞལ་ཡས་ཁང་ལྷ་དང་བཅས་པར་གསལ་བ་སློབ་མའི་སྙིང་གར་བཞག་པ་ཙམ་གྱིས་ཧཱུྃ་མཐིང་འོད་ཀྱི་རང་བཞིན་ཅན་སྙིང་ག་ནས་ཡིད་ལ་ཐིམ་པས་ཡིད་དང་ཐིག་ལེའིསྒྲིབ་པ་དག༔ ཐུགས་ཤེས་རབ་ཡེ་ཤེས ཀྱི་དབང་ཐོབ༔ ཡིད་རྡོ་རྗེའི་ཐུགས་ཆོས་ཀྱི་སྐུའི་གོ་འཕང་མངོན་དུ་བྱས་པར་བསྒོམ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སརཿ ཡ་མཚན་མཆོག་གིཿ པདྨ་འབྱུང་གནས་བཀའ་སྲུང་དྲེགས་པའི་ཚོགས་ཀྱིས་བསྐོར༔ ཁྱེད་ཀྱི་རྗེས་སུ༴ བྱིན་གྱིས་བརླབ་ཕྱིར༴ གནས་མཆོག་འདི་རུ༴ ཤེར་དབང་སེམས་ལ་བསྐུར་བ་དང་༔ བགེགས་དང་ ཕ༔ ལོག་འདྲེན༴ མཆོག་དང་ཐུན་མོང་དངོས་གྲུབ་སྩོལ༔ ཨོ་ཨཱཿ ཧཱུྃ་བཛྲ་གུ་རུ་པདྨ་རཱ་ཛ་ག་ན་པ་ཏི་ཙིཏྟ་ཨ་བྷི་ཥིཉྩ་ཧཱུྃ༔ གཏོར་མ་རྟེན་དང་བརྟེན་པའི་དཀྱིལ འཁོར་དུ་གསལ་བ་སློབ་མའི་གནས་ལྔར་བཞག་པས་སྒྲིབ་གཉིས་བག་ཆགས་ཐམས་ཅད་སངས་ཀྱིས་དག་སྟེ་ཀ་དག་ཚིག་དབང་ཐོབ༔ ངོ་བོ་ཉིད་སྐུའི་གོ་འཕང་མངོན་དུ་བྱས་པར་བསམ་ལ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སརཿ ཡ་མཚན་མཆོག་གི༴ པདྨ་འབྱུང་གནས བཀའ་བསྲུང་དྲེགས་པའི་ཚོགས་ཀྱིས་བསྐོར༔ ཁྱེད་ཀྱི་རྗེས་སུ༴ བྱིན་གྱིས་བརླབ་ཕྱིར་གནས་མཆོག་འདི་རུཿ ཀ་དག་ཚིག་དབང་བསྐུར་བ་དང་༔ བགེགས་དང་ལོག་འདྲེན་མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་རཱ་ཛ་ག་ན་པ་ཏི་སརྦ་ཨ་བྷི་ཥིཉྩ་ཧྲཱིཿ གཏོར་མ་ལྷ་རུ་གསལ་བ་སློབ་མ་ལ་ཐིམ་པས་སྒོ་གསུམ་རྡོ་རྗེ་གསུམ་དུ་སྨིན་ཅིང་གྲོལ་བར་བསྒོམ༔ ས་མ་ཡ༔ བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ པདྨ་འོད་དུ་ཨ་ཐམ་རྒྱ༔ ཞེས་པ་འདི་སྐྱེས་བུ་མི་བསྐྱོད་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒ་ལཾ།། །། T11612 - 302 ཕ༔ ཆོས་ཉིད་ནམ་མཁའི་ཀློང་མཛོད་ལས༔ གུ་རུ་པདྨ་དྲག་པོའི་རྩ་སྒྲུབ་རྒྱ་མཚོ་འཁྱིལ་བ་བཞུགས་སོ༔ ན་མོ་གུ་རུ་པདྨ་སིདྡྷི་ཧཱུྃ༔ ཀགྲགྷ༔ བདག་ཉིད་པདྨ་ཐོད་ཕྲེང་ངས༔ བརྒྱུད་འཛིན་རྡོ་རྗེའི་གདིང་ཐོབ་ཕྱིར༔ མ་དག་འཁོར་བའི་སྒོ་གསུམ་པོ༔ དག་པ་གསང་གསུམ་རྡོ་རྗེ་ཡིས༔ གྲོང་འཕོ་གྲོང་འཇུག་གདམས་པ་བསྟན༔ བརྩོན་འགྲུས་སྙིང་རུས་སྟོབས་བསྐྱེད་ཅིག༔ ཐར་པ་དོན་དུ་གཉེར་བར་གྱིས༔ བསྒོམ་བཟླས་གནད་དུ་བསྣུན་པ་ནི༔ ཧཱུྃ༔ སྣང་ཞིང་སྲིད་པའི་འཇིག་རྟེན་ཁམས༔ དོན་གྱི་འོག་མིན་ཆེན་པོར་སངས༔ ལྷུན་གྲུབ་བདེ་ཆེན་གཞལ་ཡས་སུ༔ ཆོས་འབྱུང་དམར་ནག་གདེངས་པའི་ཀློང་༔ མ་ཆགས་སྐྱོན་བྲལ་པད་ཉིའི་སྟེང་༔ རང་རིག་རྒྱུ་ཡི་ཧཱུྃ་དམར་གསལ༔ སྤྲོ་བསྡུའི་སྦྱོར་བས་རང་བྱུང་བ༔ ཆེ་མཆོག་པདྨ་ཐོད་ཕྲེང་རྩལ༔ དམར་ནག་དབང་དྲག་རོལ་པའི་སྐུ༔ ཞལ་གཅིག་ཕྱག་གཉིས གཡས་པ་ན༔ གནམ་ལྕགས་རྭ་གདེངས་རྡོ་རྗེ་དང་༔ གཡོན་པས་ལྕགས་སྡིག་མགོ་དགུ་བསྣམས༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་གསུམ་དམར་ཟླུམ་ནམ་མཁར་གཟིགས༔ སྨ་ར་སྨིན་མ་དམར་སེར་འབར༔ དབུ་སྐྲ་སྲིད་པའི་རྩེ་མོར་འཁྱིལ༔ ཐོད་སྐམ་རིགས་ལྔས་དབུ་ལ་བརྒྱན༔ ཀོ་རློན་གཡང་གཞི་སྟག་ཤམ་གསོལ༔ ཐལ་ཚོམ་ཁྲག་ཐིག་ཟོ་རིས་ དང་༔ ཐོད་ཕྲེང་སྦྲུལ་གྱི་ཆུན་པོས་བརྒྱན༔ ཞབས་གཉིས་གྱད་ཀྱི་འདོར་སྟབས་བསྒྲད༔ ཁམས་གསུམ་འཁོར་བའི་སྒོ་འཕར་གནོན༔ དཔལ་གྱི་ཆས་རྫོགས་མེ་དཔུང་འབར༔ སྐུ་ལ་རྒྱལ་བའི་དཀྱིལ་འཁོར་རྫོགས༔ ཆུ་ཟླ་འཇའ་འོད་གཟུགས་བརྙན་བཞིན༔ སྣང་ལ་རང་བཞིན་མེད་པར་བསྒོམ༔ སྒྱུ་མ་རྨི་ལམ་ཇི་བཞིན་དུ༔ གསལ་ལ་དེར་འཛིན་བྲལ་བ་ཡི༔ དཔྲལ་བར་དང་མགྲིན་པར་ཨཱཿ ཐུགས་ཀའི་ཧཱུྃ་ལས་འོད་འཕྲོས་པས༔ རང་སྣང་དོན་གྱི་འོག་མིན་ནས༔ རྟེན་དང་བརྟེན་པའི་དཀྱིལ་འཁོར་ལྷ༔ སྤྱན་དྲངས་དབྱེར་མེད་རོ་གཅིག་རོལ༔ དེ་ནས་སྤྱན་འདྲེན་པ་ནི༔ ཧཱུྃ༔ གཞི་དབྱིངས་བྱང་ཆུབ་སེམས་ཀྱི་ངང་༔ དུས་གསུམ་བཞུགས་དང་གཤེགས་འགྱུར་གྱིས༔ སྐུ་གསུམ་རྒྱལ་བ་རྒྱ་མཚོའི་ཚོགས༔ པདྨ་དྲག་པོའི་སྐུར་བཞེངས་ཏེ༔ སྐད་ཅིག་ཉིད་ལ་གཤེགས་སུ་གསོལ༔ དུས་གསུམ་འཕོ་འགྱུར་མེད་པའི་ངང་༔ གཉིས་མེད་རོལ་པར་རྟག་བཞུགས་གསོལ༔ བཛྲ་ས་མ་ཡ་ཛ་ཛཿ ཕྱག་འཚལ་མཆོད་པ་འབུལ་བ་ནི༔ ཧཱུྃ༔ གདོད་ནས་ལྷན་ཅིག སྐྱེས་པའི་ལྷ༔ རང་ངོར་རིག་པས་ཕྱག་འཚལ་ལོ༔ སྣང་སྲིད་བདེ་བ་ཆེན་པོའི་ངང་༔ རང་བྱུང་མཆོད་པའི་སྤྲིན་དུ་འབུལ༔ མ་ཧཱ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ གཞི་དབྱིངས་ ཕ༔ ཡུལ་མེད་ཟང་ཐལ་ཀློང་༔ ལྷུན་གྲུབ་དག་རྫོགས་རོལ་པའི་ལྷ༔ རྒྱུ་རྐྱེན་ཡུལ་དུ་མ་གྱུར་པའི༔ དུས་གསུམ་འཕོ་འགྱུར་མེད་པ་རུ༔ ལྷན་སྐྱེས་ཡེ་ཤེས་ཆེན་པོར་རིག༔ གཟུང་འཛིན་བྲལ་བས་ཕྱག་འཚལ་བསྟོད༔ དེ་ནས་འཛབ་དགོངས་ཟབ་མོ་ནི༔ ཧཱུྃ༔ རང་ཉིད་རང་གྲོལ་ཧེ་རུ་ཀའི༔ ཐུགས་གསང་གནམ་ལྕགས་རྡོ་རྗེའི་ལྟེར༔ རིག་པ་ཧཱུྃ་དམར་འོད་འབར་བའི༔ མཐའ་མར་སྔགས་ཀྱི་ཕྲེང་བས་བསྐོར༔ འོད་འཕྲོས་རྒྱལ་བ་སྲས་བཅས་མཆོད༔ གསང་བ་གསུམ་གྱི་དབང་བྱིན་དང་༔ གསང་སྔགས་རིག་སྔགས་གཟུངས་སྔགས་དང་༔ སྙིང་པོ་ཐམས་ཅད་བཅུད་དུ་དྲིལ༔ བསྡུས་ཏེ་རྩ་བའི་སྔགས་ལ་བསྟིམ༔ འཁོར་འདས་ཡོངས་ཀྱི་སྲོག་ཐོབ་བསམ༔ ཨོཾ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ འབུམ་ཕྲག་བཅུ་གསུམ་གྲངས་རྫོགས་པར༔ གཞན་དུ་ཡེངས་པར་མ་གྱུར་ན༔ རྣམ་པར་སྨིན་པའི་རིག་འཛིན་ཐོབ༔ ལྷ་འདྲེ་མི་གསུམ་བྲན་དུ་ཁོལ༔ ཕྲིན་ལས་ཐམས་ཅད་ཐོགས་མེད་འགྲུབ༔ དྲང་སྲོང་གཟའ་བདུད་རྒྱལ་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་འོད་གསལ་རྫོགས་པ་ཆེན་པོའི་རྣལ་འབྱོར་པ་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་ཡེ་ཤེས་མཁའ་འགྲོའི་ཀློང་བྱང་ལས་དག་པར་ཕབ་སྟེ་ཡི་གེའི་རིས་བྱེད་རྣལ་འབྱོར་དབང་ཕྱུག་ཆོས་ཀྱི་རྡོ་རྗེའོ། །དགེའོ།། །། ག 302 T1612 - 306 གྷྃ།རྦྦ བླ་མ་དྲག་པོའི་རྣལ་འབྱོར་པས༔ ཉམས་ཆག་བསྐང་ཞིང་ཚོགས་རྫོགས་ཕྱིར༔ ཚོགས་ཀྱི་མཆོད་པ་འབུལ་བ་ལ༔ འབྱོར་ཚོགས་ཅི་རིགས་བཤམས་བྱས་ཏེ༔ ཡིད་ཀྱིས་ནམ་མཁའ་མཛོད་དུ་སྤེལ༔ དེ་ནས་བྱིན་གྱིས་བརླབ་པ་ནི༔ རྃ་ཡྃ་ཁྃ༔ མ་དག་གཉིས་འཛིན་དྲི་མ་སྦྱངས༔ ཡེ་ཤེས་ཆེན་པོའི་རྣམ་འཕྲུལ་ལས༔ མཆོད་སྤྲིན་ནམ་མཁའ་དང་མཉམ་བརྡལ༔ བདེ་སྟོང་བདུད་རྩིའི་བཅུད་དུ་འཁྱིལ༔ ཨོཾ་ཨཱཿཧཱུྃ༔ ལན་གསུམ༔ དེ་ནས་སྤྱན་འདྲེན་ནི༔ ཧཱུྃ༔ དབང་དྲག་རོལ་པའི་དཀྱིལ་འཁོར་ནས༔ བླ་མ་དྲག་པོའི་དཀྱིལ་འཁོར་ལྷ༔ རྩ་གསུམ་ཆོས་སྐྱོང་སྲུང་མར་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་ཐུགས་དམ་བསྐང་བ་ནི༔ ༔ ཏིང་འཛིན་འཕྲུལ་གྱི་འདོད་ཡོན་དཔལ༔ མི་ཟད་རྒྱན་གྱི་འཁོར་ལོ་ཡིས༔ རྒྱུད་སྡེ་རྒྱ་མཚོའི་དཀྱིལ་འཁོར་ལྷ༔ སྲུང་མར་བཅས་པའི་ཐུགས་དམ་བསྐང་༔ དེ་ནས་ཚོགས་ཕུད་འབུལ་བ་ནི༔ ཧཱུྃ༔ བླ་མ་དྲག་པོ་རིགས་ལྔ་དང་༔ རྩ་གསུམ་དམ་ཅན་རྒྱ་མཚོ་ལ༔ འདོད་ཡོན་བདུད་རྩིའི་ཚོགས་མཆོད་འབུལ༔ འགྲོ་བའི་དོན་ཕྱིར་བཞེས་སུ་གསོལ༔ མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧཱུྃ༔ དུས་གསུམ་སངས་རྒྱས་འདུས་པའི་སྐུ༔ བླ་མ་དྲག་པོའི་སྤྱན་སྔ རུ བདག་གི་ཉེས་བྱས་ཉམས་ཆག་ཀུན༔ འདོད་ཡོན་ཚོགས་ཀྱི་མཆོད་པས་བཤགས༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་བསྒྲལ་ཞིང་བསྟབ་པ་ལ༔ ཧཱུྃ༔ བདག་མེད་བརྟུལ་ཞུགས་ཆེན་པོ་ཡིས༔ གཟུང་འཛིན་རཱུ་ཏྲ་དབྱིངས་སུ་བསྒྲལ༔ དུག་ལྔ་ཕུང་ལྔ་ཁམས་སྐྱེ་མཆེད༔ མཉམ་ཉིད་བདེ་བ་ཆེན་པོར་རོལ༔ རཱུ་ཏྲ་ཧ་ལ་པཉྩ་མཱ་ར་ཡ་ཁཱ་ཧི༔ དེ་ནས་ལྷག་མ་ལ༔ ཧཱུྃ༔ དཔལ་གྱི་བཀའ་སྡོད་དྲེགས་པ་ཅན༔ ལྷག་སྐྱོང་ཕོ་མོ་འདིར་གཤེགས་ཤིག༔ ལྷག་མའི་བཤལ་ཆུ་འདི་བཞེས་ལ༔ ཁས་བླངས་བཞིན་དུ་ཕྲིན་ལས་སྒྲུབས༔ ཨུཙྪིཥྚ་བ་ལི་ཏ་ཁཱ་ཧི༔ དེ་ནས་བསྐུལ་བ་ནི༔ ཧཱུྃ༔ དབང་དྲག་རོལ་པོའི་དཀྱིལ་འཁོར་ནས༔ བླ་མ་དྲག་པོའི་སྐུར་བཞེངས་ཤིག༔ བྱང་ཆུབ་བསྒྲུབ་ལ་བར་ཆོད་པའི༔ དགྲ་བགེགས་གནོད་བྱེད་རྡུལ་དུ་རློགས༔ སརྦ་ཤ་ཏྲུཾ་མཱ་ར་ཡ་ཕཊ༔ དེ་ནས་ཆད་ཐོ་ནི༔ ཧཱུྃ༔ ཀུན་ཏུ་བཟང་པོ་མན་ཆད་ནས༔ རྩ་བའི་བླ་མ་ཡན་ཆད་ཀྱི༔ དུས་གསུམ་རྒྱལ་བའི་བཀའ་དམ་ལ༔ གནས་པའི་བཀའ་བསྲུང་ཆོས་སྐྱོང་རྣམས༔ དམར་གྱི་གཏོར་མ་འདི་ལོངས་ལ༔ རབ་འབྱམས་ཕྲིན་ལས་ཡོངས་འགྲུབ་མཛོད༔ བཛྲ་ས་མ་ཡ༔ དེ་ནས་བརྟན་སྐྱོང་ལ༔ ཧཱུྃ༔ བོད་ཁམས་སྐྱོང་བ་བརྟན་མའི་ཚོགས༔ གྷྃ།ཟླ འཁོར་བཅས་འདིར་གཤེགས་གཏོར་མ་ལོངས༔ སྒོ་བཞིའི་མཐའ་དམག་ཆོམ་ལ་ཕོབས༔ བསྟན་འགྲོ་བདེ་ལ་འགོད་པར་མཛོད༔ མ་མ་ཧྲཱི་ཧྲཱི་བ་ལིཾ་ཏ་ཁཱ་ཧི༔ དེ་ནས་རྟ་བྲོ་ནི༔ ཧཱུྃ༔ བདག་རྟོག་མ་ཏྲཾ་རཱུ་ཏྲའི་སྡེ༔ བདག་མེད་སྟོང་པའི་མཁའ་རུ་བྲུབ༔ ཡེ་ཤེས་རོལ་པའི་རྟ་བྲོ་བརྡུང་༔ མཉམ་ཉིད་བདེ་བ་ཆེན་པོར་མནན༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ནི༔ ཧཱུྃ༔ རྩ་གསུམ་དམ་ཅན་རྒྱ་མཚོ་དགོངས༔ སྐུ་གསུང་ཐུགས་ཀྱི་གསང་མཛོད་ནས༔ མཆོག་དང་ཐུན་མོང་དབང་དངོས་གྲུབ༔ མ་ལུས་བདག་ལ་སྩལ་དུ་གསོལ༔ སརྦ་སིདྡྷི་ཕ་ལ་ཧཱུྃ༔ དེ་ནས་བཤགས་པ་བྱ་བ་ལ༔ ཧཱུྃ༔ བདག་ནི་མ་རིག་དབང་གྱུར་པས༔ སྒོ་གསུམ་མི་དགེའི་ལས་བསགས་པ༔ གནོང་ཞིང་འགྱོད་སེམས་དྲག་པོས་བཤགས༔ ཕྱིན་ཆད་སྲོག་ལ་བབ་ཀྱང་སྡོམ༔ ཡི་གེ་བརྒྱ་པ་བརྗོད༔ དེ་ནས་བསྔོ་བ་སྨོན་ལམ་ནི༔ ཧོཿ བདག་གི་ཚེ་རབས་ཐམས་ཅད་དུ༔ ཚོགས་གཉིས་བསགས་པའི་རྣམ་དཀར་དགེ༔ བསྡུས་ཏེ་འགྲོ་བ་ཡོངས་ལ་བསྔོ༔ ཐམས་ཅད་ཕྱམ་གཅིག་སངས་རྒྱས་ཤོག༔ དེ་ནས་རྟག་ཆད་བསལ་བ་ནི༔ ཧཱུྃ༔ རྟེན་དང་བརྟེན་པའི་དཀྱིལ་འཁོར་ལྷ༔ ཆོས་ཉིད་བརྡལ་ཁྱབ་དབྱིངས་སུ་བསྡུ༔ མཁའ་ལ་ འཇའ་ཚོན་ཤར་བ་བཞིན༔ ཡེ་ཤེས་སྒྱུ་མའི་ལྷ་རུ་ལྡང་༔ དེ་ནས་བཀྲ་ཤིས་ནི༔ ཧཱུྃ༔ སྣང་བ་ཞིང་ཁམས་རོལ་པར་འཕོས༔ སྲིད་པ་ཡེ་ཤེས་ལྷ་རུ་སྨིན༔ དྲན་རྟོག་ཆོས་ཉིད་ཆེན་པོར་སངས༔ འཁོར་འདས་དག་མཉམ་བཀྲ་ཤིས་ཤོག༔ དེ་ལྟར་བསྐྱེད་རིམ་གནད་ལྡན་པས༔ ཤེས་པ་གཞན་དུ་མ་ཡེངས་ན༔ ཟླ་བ་དྲུག་གིས་དངོས་གྲུབ་ཐོབ༔ ལྷ་ཡི་ང་རྒྱལ་བརྟན་གྱུར་ན༔ འཆི་བ་ལྷུན་གྲུབ་ལོངས་སྐུར་འཕོ༔ མངོན་སངས་རྒྱས་པའི་འབྲས་བུ་ཐོབ༔ དུས་གསུམ་རྒྱལ་བའི་དགོངས་བཅུད་འདི༔ མཐོང་ཐོས་དྲན་རེག་སངས་རྒྱས་སོ༔ བཀའ་སྲུང་དབང་ཕྱུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་སློབ་བུ་བསམ་རྡོར་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ །དགེའོ། །དགེའོ །སརྦ་མངྒ་ལཾ།། །། TⅠ1612 - 310 ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ བླ་མ་འཆོལ་བར་ཁྲོས་པའི་གསང་སྒྲུབ་དངོས་གྲུབ་གཏེར་བུམ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཨོཾ།ཀྭརྒྱ་རྒྱ༔ སྒོ་གསུམ་རྡོ་རྗེའི་གྲོང་འཇུག་ནི༔ བསྐྱེད་དང་དམིགས་གསལ་བཟླས་བརྗོད་ནི༔ ཧཱུྃ་ཧཱུྃ༔ སྣང་སྲིད་དབང་དྲག་རོལ་པའི་དལ༔ ཡེ་ཤེས་ལྔ་རྫོགས་གཞལ་ཡས་སུ༔ པད་ཉི་རྒྱལ་བསེན་སྡེ་བརྒྱད་ཁྲིར༔ རབ་འཇིགས སྟག་མོ་གྲུས་མའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ ཆེ་མཆོག་རྡོ་རྗེ་ཁྲོ་ལོད་སྨག༔ གཡས་གཡོན་རྡོ་རྗེ་ལྕགས་ཕུར་གདེངས༔ ཨམ་གཙིགས་མཆེ་བ་ཟླ་ལྟར་དཀར༔ སྤྱན་གསུམ་སྡང་མིག་ཁྲོ་གཉེར་འཁྲུགས༔ སྨ་ར་སྨིན་མར་མེ་སྟག་འཕྲོ༔ དམར་སེར་དབུ་སྐྲ་སྣམ་ལ་འཁྱིལ༔ རིན་ཆེན་སྙན་ཆ་དུང་མིག་མཛེས༔ ཟ་བེར་ཆོས་གོས་རྣམ་གསུམ་གསོལ༔ ཞབས་གཉིས་གྱད་ཀྱི་འདོར་སྟབས་བགྲད༔ ཐོད་རློན་ཕྲེང་བས་སེ་རལ་སྤྲས༔ ཡེ་ཤེས་མེ་དཔུང་ཀློང་ན་འགྱིང་༔ ཁྱུང་སྡིག་ཁྲོ་ཆུང་ཁྲ་ཐབས་འགྱེད༔ ཐུགས་གསང་སེམས་དཔའ་ཡང་གསང་སྦུབས༔ རྡོ་རྗེའི་ལྟེ་བར་ཧཱུྃ་དམར་ལ༔ རྩ་བའི་སྔགས་ཀྱིས་བསྐོར་བར་དམིགས༔ ཨོ་ཨཱཿཧཱུྃ་བཛྲ་གུ་རུ་ཁྲོ་བོ་ལོད་ལོ་ཀ་སརྦ་སིདྡྷི་ཧཱུྃ་ཧཱུྃ༔ ཐུགས་སྲོག་འོད་ ཀྱི་འཕྲོ་འདུ་ལས༔ དུས་གསུམ་རྒྱལ་བ་སྲས་བཅས་ཀྱི༔ ཞིང་ཁམས་གཞལ་ཡས་ལྷ་དང་བཅས༔ མ་ལུས་བསྡུས་ཏེ་བདག་ལ་ཐིམ༔ ཨོཾ་ཨཱཿ ཧཱུྃ་བཛྲ་གུ་རུ་ཁྲོ་བོ་ལོད་མ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ སླར་ཡང་དྲག་ཅིང་ཚ་རྩུབ་པའི༔ འོད་དང་མཚོན་ཆའི་འཁྲུལ་འཁོར་གྱིས༔ ལོག་པར་འདྲེན་པའི་དགྲ་དང་བགེགས༔ རྩྭ་སྦུར་མེ་ལ་བསྲེགས་བཞིན་བསྒོམ༔ ཨོཾ་བཛྲ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ དམིགས་པའི་འཕྲོ་འདུ་ལྡེ་ཁ་བསྒྱུར༔ ཤེས་པ་གཞན་དུ་མ་ཡེངས་པར༔ གསལ་སྣང་མི་འགྱུར་དང་འགྲོགས་ན༔ གྲོལ་བ་ཐོབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་ཕྱུག་ཤུལ་ཀློང་ཆེན་ཡངས་པས་བསྐུལ ངོར་བདུད་འཇོམས་པས་སོ། །དགེའོ། །དགེའོ། །དགེའོ། །མངྒ་ལཾ།། TI1612 - 312 ཨོཾཿ ཆོས་ཉིད་ནམ་མཁའི་ཀློང་མཛོད་ལས༔ ཆེ་མཆོག་རྡོ་རྗེ་ཁྲོ་ལོད་ཀྱི་ཕྱག་རྒྱ་སྣང་སྲིད་ཟིལ་གནོན་བཞུགས་སོ༔ ན་མོ་གུ་རུ་བྷྱ༔ ཐཾབྷྱབ༔ ཧཱུྃ༔ སྣང་ཞིང་སྲིད་པའི་རྟེན་བརྟེན་པ༔ སྒྱུ་མའི་འཁྲུལ་འཁོར་ཞིག་པ་བཞིན༔ ཆོས་ཉིད་དེ་བཞིན་ཉིད་དུ་ཞིག༔ ཁྱབ་བྱེད་ཤེས་རབ་རོལ་པའི་རྩལ༔ རིག་པ་ཧཱུྃ་གི་འཕྲོ་འདུ་ལས༔ བདེ་ཆེན་དབང་དྲག་དཀྱིལ་འཁོར་དུ༔ ཡེ་ཤེས་ལྔ་ལྡན་གཞལ་ཡས་དབུས༔ པད་ཉི་སྡེ་བརྒྱད་བསྣོལ་བའི་ཁྲིར༔ ཧཱུྃ་ལས་རང་ཉིད་སྐད་ཅིག་གིས༔ ཆེ་མཆོག་རྡོ་རྗེ་ཁྲོ་བོ་ལོད༔ དམར་ནག་རྡོ་རྗེ་ཕུར་པ་གདེངས༔ ཞལ་བསྒྲད་ཨམ་གཙིགས་ཁྲོ་གཉེར་འཁྲུགས༔ སྤྱན་གསུམ་དམར་ཟླུམ་སྡང་མིག་བསྒྲད༔ དབུ་སྐྲ་དམར་སེར་གཡས་སུ་འཁྱིལ༔ སྨ་ར་སྨིན་མར་མེ་སྟག་འཕྲོ༔ ཉི་ཟླའི་སྙན་ཆ་འོད་དུ འབར༔ ཟ་བེར་མཐིང་ཤམ་ཆོས་གོས་གསོལ༔ མི་མགོའི་ཕྲེང་བ་སེ་རལ་ཁ༔ རབ་འཇིགས་རྒྱ་སྟག་དམར་བཀྲའི་སྟེང་༔ ཞབས་གཉིས་གྱད་ཀྱི་འདོར་སྟབས་བསྒྲད༔ སྐུ་ཀློང་དྭངས་གསལ་ཆེན་པོའི་མཁར༔ རྒྱུད་སྡེ་རྒྱ་མཚོའི་དཀྱིལ་འཁོར་ལྷ༔ རྒྱ་མཚོའི་གཟའ་སྐར་ཅི་བཞིན་ཤར༔ ཡེ་ཤེས་མེ་དཔུང་ཀློང་དུ་བསྐྱེད༔ ཐུགས་ཀར་ཡེ་ཤེས་སེམས་དཔའ་ནི༔ ཨོ་རྒྱན་མཚོ་སྐྱེས་རྡོ་རྗེ་མཐིང་༔ གཅེར་བུ་རྡོར་དྲིལ་བསྣོལ་ཐབས་བསྣམས༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ དེ་ཡི་ཐུགས་ཀར་ཉི་མའི་སྟེང་༔ རྡོ་རྗེ་རྩེ་ལྔའི་ལྟེ་བ་རུ༔ ཧཱུྃ་དམར་ཉིད་ལ་སྔགས་ཀྱིས་བསྐོར༔ བཟླས་པས་རྒྱལ་དང་རྒྱལ་བའི་སྲས༔ མ་ལུས་རྡོ་རྗེ་གསུམ་དུ་དྲིལ༔ ཨོཾ་ཨཱཿ ཧཱུྃ་བཛྲ་གུ་རུ་ཁྲོ་བོ་ལོད་ལོ་ཀ་སརྦ་སིདྡྷི་ཧཱུྃ་ཧཱུྃ༔ ཤེས་པ་གཞན་དུ་མ་ཡེངས་པར༔ བསྙེན་པའི་གནད་དང་ལྷར་སྣང་བཟུང་༔ ཨོཾ་ཨཱཿ ཧཱུྃ་བཛྲ་གུ་རུ་ཁྲོ་བོ་ལོད་མ་ཧ་རི་ནི་ས་ལོ་ཀ་སརྦ་སིདྡྷི་ཧཱུྃ༔ ལྷ་སྣང་ཕྱག་རྒྱའི་འོད་ཟེར་གྱིས༔ འཁོར་འདས་དག་མཉམ་ཆེན་པོ་སྦྱོར༔ ཨོཾ་བཛྲ་སརྦ་དུཥྚ་ན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ཡེ་ཤེས་སྒྱུ་འཕྲུལ་འཁྲུལ་འཁོར་གྱིས༔ འཁོར་བ་མྱང་འདས་ཆེན་པོར་བསྒྲལ༔ ས་མ་ཡ༔ དེ་ལྟར་བསྐྱེད་རིམ་གནད་ལྡན་ན༔ སྒོ་གསུམ་རྡོ་རྗེ་གསུམ་དུ་འཕོ༔ རིང་པོར་མི་ཐོགས་མངོན་སངས་རྒྱས༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་མདོ་སྔགས་རྒྱ་མཚོས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །ལེགས་སོ། །སརྦ་མངྒ་ལཾ།། །། ༈ དེ་ནས་བསྟོད་པ་ནི༔ ཧཱུྃ༔ ཆོས་དབྱིངས་འགྱུར་བ་མེད་པའི་ངང་ཉིད་ལས༔ སྣང་སྲིད་ཟིལ་གནོན་རྡོ་རྗེ་ཁྲོ་བོ་ལོད༔ དཀྱིལ་འཁོར་ཡོངས་ཀྱི་མངའ་བདག་ཧེ་རུ་ཀའི༔ སྐུ་གསུང་ཐུགས་ཡོན་ཕྲིན་ལས་བཅས་ ཨོཾ༔ ལ་བསྟོད༔ དོན་གཉིས་ལྷུན་གྲུབ་མཆོག་གི་དངོས་གྲུབ་སྩོལ༔ མི་གནས་ཆོས་སྐུའི་གཏན་སྲིད་ཟིན་པར་ཤོག༔ ཅེས་པ་སློབ་བུ་རིག་བཟང་གིས་བསྐུལ་ངོར་བདེ་བའི་རྡོ་ལ རྗེས་བྲིས་པའོ། །དགེའོ།། ། ( ཕྱག་གཉིས་སོ། TⅠ1612 - 315 T11612 - 316 ཕོ༔ ཆོས་ཉིད་ནམ་མཁའི་ཀློང་མཛོད་ལས༔ ཆེ་མཆོག་རྡོ་རྗེ་ཁྲོ་ལོད་ཀྱི་རྩ་སྒྲུབ་གསང་བ་སྙིང་པོ་བཞུགས་སོ༔ ཡཻ༔ ན་མོ་གུ་རུ་པདྨ་ཀ་ར་ཡེ༔ ཤནྱ།ཨཱ་ཧཾ༔ པདྨའི་བརྒྱུད་འཛིན་སྐྱེས་བུ་ཡིས༔ སྒོ་གསུམ་རྡོ་རྗེའི་གྲོང་འཇུག་ཕྱིར༔ བསྐྱེད་རིམ་དམིགས་གསལ་གནད་ལྡན་ངང་༔ ཡང་གསང་བླ་མེད་སྒོར་འཇུག་བྱ༔ ས་མ་ཡ༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ སྐྱབས་གནས་ཀུན་འདུས་བླ་མ་ལ༔ བྱང་ཆུབ་བར་དུ་སྐྱབས་སུ་མཆི༔ ཕ་མ་འགྲོ་དྲུག་སེམས་ཅན་ཀུན༔ བྱང་ཆུབ་ཆེན་པོར་ངེས་སྒྲོལ་བྱ༔ དེ་ནས་དངོས་གཞི་ལྷ་བསྐྱེད་ནི༔ ཨཱཿ འཁོར་འདས་དག་མཉམ་ཆོས་སྐུའི་མཁར༔ ལྷུན་གྲུབ་བདེ་ཆེན་ཞིང་ཁམས་སུ༔ རང་གྲོལ་རོལ་པ་ཡེ་ཤེས་གར༔ ཆེ་མཆོག་རྡོ་རྗེ་ཁྲོ་བོ་ལོད༔ དམར་སྨུག་ཞལ་གཅིག་ཕྱག་གཉིས་པ༔ སྤྱན་གསུམ་སྡང་མིག་མཁའ་ལ་གཟིགས༔ རབ་ཁྲོས་གཏུམ་རྔམས་བརྗིད་པའི་ཞལ༔ སྨ་ར་སྨིན་མ་དམར་སེར་