Tibetan
ཆགས་ཐམས་ཅད་དག༔ དབང་བཞི་ཡོངས་སུ་རྫོགས་པར་བྱས༔ སྐུ་བཞིའི་ས་བོན་རྒྱུད་ལ་བཞག༔ སླར་ཡང་བླ་མ་འོད་དུ་ཞུ༔ རང་གི་སྒོ་གསུམ་ལ་ཐིམ་པས༔ སྣང་བ་ཐམས་ཅད་དབང་དྲག་དལ༔ སྲིད་པ་སྒྱུ་འཕྲུལ་རོལ་པའི་ལྷ༔ བཀོད་པ་རབ་རྫོགས་གཞལ་ཡས་སུ༔ པདྨ་ཉི་ཟླའི་གདན་སྟེང་དུ༔ རང་ཉིད་བདུད་འདུལ་དྲག་པོ་རྩལ༔ སྨུག་ནག་མདངས་ལྡན་ཞི་མ་ཁྲོ༔ ཞབས་གཉིས་རྒྱལ་པོ་རོལ་སྟབས་བཞུགས༔ ཕྱག་གཡས་གནམ་ལྕགས་རྡོ་རྗེ་ཕྱར༔ གཡོན་པས་ལྕགས་ཕུར་ས་ལ་གཟིར༔ དར་གྱི་ལྭའུ་དམར་སྨུག་དང་༔ སྐུ་སྨད་དར་ཤམ་མཐིང་ནག་གསོལ༔ རལ་པ་ཐོར་ཅོག་གླེགས་བམ་བཅིངས༔ ཡངས་སྲབ་དར་གྱི་ན་བཟའ་གསོལ༔ འཇའ་འོད་མེ་དཔུང་འབར་བའི་ཀློང་༔ ཡེ་ཤེས་སྒྱུ་མའི་སྐུ་རུ་གསལ༔ ཁམས་གསུམ་མ་ལུས་དབང་སྡུད་ཅིང་༔ སྲིད་གསུམ་ཟིལ་གྱིས་གནོན་པར་ ཨོཾ༔ བསྐྱེད༔ ཉི་མ་དང་ནི་འོད་ཟེར་བཞིན༔ ཡེ་ཤེས་སྒྱུ་འཕྲུལ་རོལ་པའི་རྩལ༔ བརྒྱུད་གསུམ་རིག་འཛིན་བླ་མ་རྫོགས༔ གནས་གསུམ་རྡོ་རྗེའི་སྙིང་པོ་ལས༔ འོད་དང་འོད་ཟེར་རབ་འཕྲོས་པས༔ རང་སྣང་དོན་གྱི་འོག་མིན་ནས༔ རིག་འཛིན་བླ་མ་རྒྱ་མཚོའི་ཚོགས༔ སྤྱན་དྲངས་གཉིས་སུ་མེད་པར་གྱུར༔ དེ་ནས་སྤྱན་འདྲེན་པ་ལ༔ ཧཱུྃ༔ འོག་མིན་དག་པ་མཁའ་སྤྱོད་ཞིང་༔ དབང་དྲག་རོལ་པའི་དཀྱིལ་འཁོར་ནས༔ རིག་འཛིན་བརྒྱུད་པའི་བླ་མ་རྣམས༔ གནས་འདིར་སྤྱན་འདྲེན་གཤེགས་སུ་གསོལ༔ སརྦ་གུ་རུ་བིདྱཱ་དྷ་ར་ཨེ་ཨ་རལླི་ཕེཾ་ཕེཾ་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཨེ་མ༔ ལྷ་ཉིད་རང་ལ་རང་ཉིད་ལྷ༔ ཟུང་འཇུག་བདེ་བ་ཆེན་པོར་བཞུགས༔ དེ་ནས་ཕྱག་འཚལ་བ་ལ༔ ན་མོ༔ དུས་གསུམ་སངས་རྒྱས་འདུས་པའི་སྐུ༔ དངོས་གྲུབ་ཀུན་གྱི་འབྱུང་གནས་མཆོག༔ རིགས་དང་དཀྱིལ་འཁོར་ཀུན་གྱི་བདག༔ མི་ཕྱེད་དད་པས་གུས་ཕྱག་འཚལ༔ དེ་ནས་མཆོད་པ་འབུལ་བ་ལ༔ ཧཱུྃ༔ སྟོང་གསུམ་མི་མཇེད་མཐའ་ཡས་ན༔ ལྷ་ཀླུ་མི་ཡི་ལོངས་སྤྱོད་དཔལ༔ འདོད་ཡོན་ནམ་མཁའི་མཛོད་དུ་འབུལ༔ བདག་གི་ཚོགས་རྫོགས་སྒྲིབ་དག་ནས༔ དམ་པ་སྐུ་གཉིས ཐོབ་པར་ཤོག༔ ཨོཾ་ཨཱཿ ཧཱུྃ་སརྦ་མ་ཧཱ་གུ་རུ་བིདྱཱ་དྷ་ར་ས་པ་རི་ཝཱ་ར་ཨརྒྷཾ་སོགས༔ ཤབྡ་མ་ཧཱ་རཱུ་པ་ཤཔྡ་གནྡྷེ་རཱ་ས་སྤཪྴ་སོགས༔ ཨ་མྲྀ་ཏ་རཀྟ་བ་ལིཾ་ཏ་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ན་མོ༔ བླ་མ་སངས་རྒྱས་བླ་མ་ཆོས༔ བླ་མ་དགེ་འདུན་འདུས་པའི་མཆོག༔ ཁྱབ་བདག་སྤྱི་དཔལ་ཆེན་པོ་ལ༔ རྣམ་གསུམ་དད་པས་ཕྱག་འཚལ་བསྟོད༔ དེ་ནས་འཛབ་དམིགས་ནི༔ རང་ཉིད་རིག་འདུས་བླ་མ་ཡི༔ ཐུགས་ཀར་པདྨ་ཟླ་གདན་ལ༔ ཀུན་བཟང་མཐིང་ག་མཉམ་བཞག་ཅན༔ གཅེར་བུ་རྒྱན་མེད་འོད་ཕུང་འབར༔ དེ་ཡི་ཐུགས་ཀར་ཉི་གདན་ལ༔ རྡོ་རྗེ་རྩེ་དགུའི་ལྟེ་བ་རུ༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ འོད་འཕྲོས་བརྒྱུད་གསུམ་བླ་མ་དང་༔ རྒྱལ་བ་སྲས་དང་བཅས་པ་རྣམས༔ འོད་ཀྱི་རྣམ་པར་སྤྱན་དྲངས་བསྟིམ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ དེ་ནས་དྲིལ་སྔགས་བཟླ་བ་ལ༔ ཧཱུྃ་བཛྲ་གུ་རུ་བཛྲ་ཀྲོ་ཏ་ཧཱུྃ་བཾ་ཧ་རི་ནི་ས་སིདྡྷི་ཕ་ལ་ཧཱུྃ༔ ཨོཾ་ཨཱཿ ཧཱུྃ་བཛྲ་གུ་རུ་ཀྲོ་ཏ་བཾ་ཧ་རི་ནི་ས་སརྦ་ཤ་ཏྲུཾ་མཱ་ར་ཡ་ཕཊ༔ བསྙེན་སྔགས་འབུམ་ཕྲག་ཉི་ཤུ་ཚད༔ དུས་ཀྱི་བསྙེན་པ་དེའི་བཞི་འགྱུར༔ སྒྲུབ་སྔགས་ཉིས་འགྱུར་བྱ་བ་དང་༔ ལས་སྦྱོར་ཕྱེད་ཆ་ཙམ་དུ་བཟླ༔ བསྐྱེད་རིམ་གནད་དང་ལྡན་གྱུར་ན༔ ཟླ་བ་དྲུག་གི་དངོས་གྲུབ་ཐོབ༔ ཤེས་པ་གཞན་དུ་མི་ཡེངས་ཤིང་༔ ལྷ་ཡི་ང་ ཨོཾ༔ རྒྱལ་དང་འགྲོགས་བྱ༔ མི་ཚིག་དག་གི་བར་མི་གཅོད༔ སྔགས་ནི་ཆུ་བོའི་རྒྱུན་བཞིན་བཟླ༔ སྟན་གྱི་དྲོད་མ་ཡལ་བ་རུ༔ སྡོད་ཚུགས་པ་ནི་སྒྲུབ་པའི་གནད༔ འདི་ནི་སྒྲུབ་པ་ཀུན་གྱི་བཅུད༔ རྒྱལ་ཀུན་སྲོག་གི ཡང་ཐིག་སྟེ༔ ཚུལ་བཞིན་ཉམས་སུ་ལེན་པ་ཡི༔ སྐལ་པ་བཟང་པོའི་སྐྱེས་བུ་རྣམས༔ རིང་པོར་མི་ཐོགས་མངོན་སངས་རྒྱས༔ བཀའ་སྲུང་ཁྱབ་མཇུག་ཆེན་པོས་སྲུངས༔ དམ་ལྡན་སྐྱེས་བུའི་སྲུང་མ་མཛོད༔ བསྟན་པའི་རཱུ་དྲའི་སྲོག་ལ་ཡ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ཡང་རྣལ་འབྱོར་ངྷརྨ་ཤྲཱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དུས་གསུམ་དུ་དགེ་བར་གྱུར་ཅིག །སརྦ་མངྒ་ལཾ།། ། ད 257བཞི་བྱོན།258 258 257 T11612 - 261 T11612 - 262 ཧྃ༔ ཆོས་ཉིད་ནམ་མཁའི་ཀློང་མཛོད་ལས༔ ཡང་གསང་བླ་མ་སྒྲུབ་པའི་ཆ་ལག༔ ཚོགས་མཆོད་བདུད་རྩིའི་རྒྱ་མཚོ་བཞུགས་སོ༔ ཚོགས་གཅིག་T11612 - 263 བདུད་འཇོམས་གུ་རུའི་གསང་སྒྲུབ་ཇོཾ༔ ན་མོ་གུ་རུ་པདྨ་ཀ་ར་ཡེ༔ ཉམས་ཆག་བསྐང་ཞིང་ཚོགས་རྫོགས་ཕྱིར༔ ཚོགས་མཆོད་ཕུལ་བའི་རིམ་པ་ལ༔ ཤ་ཆང་ལ་སོགས་ཟས་སྣ་དང་༔ སྤོད་ཀྱི་རིགས་བྱེད་འབྱོར་ཚོགས་ཀུན༔ རི་རབ་རོལ་མཚོའི་ཚུལ་དུ་བཀོད༔ སྤོས་བདུག་གཙང་མའི་ཆབ་ཀྱིས་བྲན༔ ཧཱུྃ་ཧྲཱིཿ རང་ཉིད་ལྷ་ཡི་ཐུགས་ཀ་ནས༔ སྦྱོང་བྱེད་ཡི་གེ་འབྲུ་གསུམ་འཕྲོས༔ རཾ་ལས་མེ་ཡིས་ཉེས་སྐྱོན་བསྲེགས༔ ཡཾ་ལས་རླུང་གིས་དངོས་འཛིན་བཤིག༔ ཁཾ་ལས་ཆུ་ཡིས་དྲི་མ་བཀྲུས༔ རཾ་ཡཾ་ཁཾ༔ ཆུ་ལས་ཆུ་ལྦུར་རྡོལ་བ་བཞིན༔ དབྱིངས་ལས་དབྱིངས་ཀྱི་བཅུད་ཆེན་པོ༔ རྡོ་རྗེ་གསུམ་གྱི་སྙིང་པོར་རྡོལ༔ ཨོཾ་གྱིས་དབྱིངས་ལས T11612 - 264 ཤུ་ཚོགས་ཛ།༔ མཆོད་སྤྲིན་ཤར༔ ཨཱཿཡིས་ཟག་མེད་བདུད་རྩིར་བསྒྱུར༔ ཧཱུྃ་གིས་འདོད་ཡོན་ནམ་མཁའ་མཛོད༔ རྒྱལ་བའི་ཞིང་ཁམས་ཡོངས་ཁྱབ་གྱུར༔ ཨོཾ་ཨཱཿ ཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ སྤོས་བསྲེག་རོལ་མོ་སྣ་ཚོགས་ཀྱི༔ སྒྲ་དང་བཅས་ཏེ་འདི་སྐད་དོ༔ ཧཱུྃ་ཧྲཱིཿ རང་སྣང་རྣམ་དག་དོན་གྱི་འོག་མིན་གནས༔ ལྷུན་གྲུབ་བཀོད་པ་རབ་རྫོགས་ཞིང་ཁམས་ནས༔ བརྒྱུད་གསུམ་བླ་མ་ཡེ་ཤེས་སྒྱུ་འཕྲུལ་ལྷ༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ གནས་འདིར་ཚོགས་ལ་སྤྱན་འདྲེན་གཤེགས་སུ་གསོལ༔ གནས་མཆོག་ཉེར་བཞི་ཡུལ་ནི་སུམ་ཅུ་T11612 - 265 དང་༔༷ དུར་ཁྲོད་བརྒྱད་དང་ཧེ་རུའི་གནས་བཅུ་སོགས༔ སྐུ་གསུམ་ཞིང་ཁམས་རབ་འབྱམས་མཐའ་ཡས་ན༔ བཞུགས་པའི་དཔའ་བོ་མཁའ་འགྲོ་ཆོས་སྐྱོང་ཚོགས༔ མ་ལུས་ཚོགས ཀྱི་འདུ་བར་གཤེགས་སུ་གསོལ༔ སྣང་བ་འཇའ་དང་འོད་དུ་ཀྱི་ལི་ལི༔ རིག་འཛིན་སྐུ་དང་ཐིག་ལེར་ཤིགས་སེ་ཤིག༔ དབུ་སྐྲ་མཛེས་པའི་ཐོར་ཅོག་ལྡེམས་སེ་ལྡེམ༔ ལྷག་མ་ལྕང་ལོའི་ཟར་བུ་ད་ལ་ལ༔ དཔའ་བོའི་ཚོགས་ཀྱིས་བྲོ་བརྡུང་ཁྲིགས་སེ་ཁྲིག༔ དཔའ་མོའི་ཚོགས་ཀྱིས་གླུ་ལེན་འུ་རུ་རུ༔ མ་དང་མཁའ་འགྲོས་གར་བྱེད་འཁྱུགས་སེ་འཁྱུག༔ བྱིན་རླབས་དངོས་གྲུབ་སྦྲང་ཆར་ཉི་ལི་ལི༔ ཞལ་ཟས་ཚོགས་ལ་སྤྱན་འདྲེན་གཤེགས་སུ་གསོལ༔ སརྦ་མ་ཧཱ་གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་སརྦ་ས་མ་ཡ་ཛ་ཛཿ ཨེ་ཨ་རལླི་ཕེ ཕེཾ༔ ཏིཥྛ་བཛྲ༔ དེ་ནས་བདུད་རྩི་སྐྱེམས་མཆོད་འབུལ་བ་ནི༔ ན་མོ༔ རང་བྱུང་ཡེ་ཤེས་བྱང་ཆུབ་སེམས༔ ཐབས་དང་ཤེས་རབ་གཉིས་སུ་མེད༔ ཟུང་འཇུག་བདེ་བ་ཆེན་པོའི་བཅུད༔ བདེ་སྟོང་བདུད་རྩིའི་སྐྱེམས་མཆོད་བཞེས༔ མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ དེ་ནས་ཚོགས་ཕུད་འབུལ་བ་ལ༔ ཨོཾ་ཨཱཿ ཧཱུྃ༔ ཚོགས་ཀྱི་ངོ་བོ་སྐུ་དང་ཡེ་ཤེས་ཏེ༔ ཚོགས་ཀྱི་རང་བཞིན་བདེ ཇོཾ༔ སྟོང་བདུད་རྩིར་གནས༔ ཚོགས་ཀྱི་རྣམ་པ་ཤ་ལྔ་བདུད་རྩི་ལྔ༔ ཞུ་བས་འདོད་ཡོན་ནམ་མཁའ་མཛོད་དུ་སྤྲིན༔ བླ་མ་ཡི་དམ་དཔའ་བོ་མཁའ་འགྲོ་དང་༔ སྲུང་མ་དམ་ཅན་རྒྱ་མཚོའི་ཚོགས་བཅས་ལ༔ གུས་པས་འབུལ་ལོ་དགྱེས་པ་ཆེན་པོར་རོལ༔ གུ་རུ་དྷེ་ཝ་ཌཱ་ཀི་ནཱི་སརྦ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་འབུལ་བ་ནི༔ ཧོཿ རྩ་གསུམ་སྲུང་མར་བཅས་པ་དགོངས༔ བདག་ནི་མ་རིག་འཁྲུལ་དབང་གིས༔ སྡོམ་དང་བསླབ་པ་དམ་ཉམས་སོགས༔ སྒོ་གསུམ་ཉེས་པའི་སྒྲིབ་ཚོགས་ཀུན༔ ཞལ་ཟས་ཚོགས་ཀྱིས བསྐང་ཞིང་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ ཧཱུྃ༔ ག་ཎ་ཙཀྲ་སཏྭ་སོགས་ཚང་བར་བརྗོད༔ དེ་ནས་ཉམས་པ་བསྒྲལ་བ་ལ༔ འགུགས་གཞུག་ཅི་མང་མཐར༔ ཧཱུྃ༔ རྩ་གསུམ་དཔའ་བོ་མཁའ་འགྲོའི་ཚོགས༔ ཆོས་ཀྱི་དབྱིངས་ལས་སྐུར་བཞེངས་ལ༔ གང་འདུལ་མཛད་པ་ཕྲིན་ལས་ཀྱིས༔ ཉམས་པ་བདུན་ལྡན་དགྲ་དང་བགེགས༔ ལྕགས་ཀྱུ་འབར་བས་སྙིང་ནས ཟུངས༔ ཞགས་པ་འབར་བས་སྐེ་ནས་ཆིངས༔ ལྕགས་སྒྲོག་འབར་བས་ཡན་ལག་སྡོམས༔ དྲིལ་བུ་འབར་བས་མྱོས་སུ་ཆུག༔ སྐྱབས་མགོན་ལྷ་སྲུང་ཀུན་དང་ཕྲོལ༔ སྨྱོ་འབོག བརྒྱལ་ནས་རེངས་སུ་ཆུག༔ དུག་གསུམ་དབྱིངས་སྒྲོལ་ཕུར་པ་ཐོབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ ཉོན་མོངས་ལྔ་དང་ཕུང་པོ་ལྔ༔ ཡེ་ཤེས་ཐུན་མཚོན་འབར་བས་ཤིག༔ ཐལ་བ་རྡུལ་དུ་བརླག་པར་མཛོད༔ གུ་རུ་དྷེ་ཝ་ཌཱ་ཀི་ནཱི་སརྦ་ས་པ་རི་ཝཱ་ར་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ནན་ཨེ་ཧུར་ཐུམ་ཛ་རྦད་སོད༔ དེ་ནས་ཞལ་དུ་བསྟབས་པ་ལ༔ ཧཱུྃ༔ དགྲ་བགེགས་བསྒྲལ་བའི་ལྔ་ཕུང་འདི༔ རྩ་གསུམ་སྲུང་མའི་ཞལ་དུ་བསྟབས༔ ལྷག་མ་མེད་པར་བཞེས་ཤིག་རོལ༔ འཁྲུལ་མི་ཤེས་པའི་ས་རུ་སྒྲོལ༔ སརྦ་ཤ་ཏྲུཾ་མཱ་ར་ཡ་ཁཱ་ཧི༔ ལྷག་མ་འབུལ་བ་ནི༔ ཧཱུྃ༔ སྔོན་ཚེ་དཔལ་ཆེན་སྤྱན་སྔ་རུ༔ ཁས་བླངས་དམ་བཅས་མནའ་བོར་ཏེ༔ རྡོ་རྗེའི་ཐ་ཚིག་གཉེར་བླང་བའི༔ དྲེགས་པ་ཕོ་མོ་མིང་སྲིང་ཚོགས༔ འདིར་གཤེགས་འདོད་ཡོན་ཚོགས ལྷག་རོལ༔ ཞི་རྒྱས་དབང་དང་མངོན་སྤྱོད་ཀྱི༔ རབ་འབྱམས་ཕྲིན་ལས་ཡོངས་གྲུབ་མཛོད༔ ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཐུགས་དམ་བསྐུལ་བ་ནི༔ ཧཱུྃ༔ རིག་འཛིན་རྒྱལ་བ་རྒྱ མཚོའི་ཚོགས༔ མ་གཡེལ་ཐུགས་དམ་གནད་ནས་བསྐུལ༔ ཆོས་ཀྱི་དབྱིངས་ནས་སྐུར་བཞེངས་ལ༔ བསྟན་དང་བསྟན་འཛིན་ལ་གནོད་པའི༔ གཟུགས་ཅན་དགྲ་དང་གཟུགས་མེད ༔ བགེགས༔ མ་ལུས་ཐལ་བའི་རྡུལ་དུ་རློགས༔ དུས་ལ་བབ་པོ་ས་མ་ཡ༔ དེ་ནས་ཆད་མདོ་བཏང་བ་ལ༔ ཧཱུྃ་བྷྱོ༔ སྔོན་ཚེ་འདས་པའི་བསྐལ་པ་ལ༔ སྤྱི་དཔལ་ཆེ་མཆོག་ཧེ་རུ་ཀའི༔ སྤྱན་སྔར་ཁས་བླངས་དམ་བཅས་པའི༔ བཀའ་སྡོད་དམ་ཅན་སྟོབས་ལྡན་དང་༔ དེ་དང་དེ་འཁོར་ཡང་འཁོར་བཅས༔ ཆད་མདོ་དམར་གྱི་གཏོར་མ་ལོངས༔ མི་མཐུན་ཕྱོགས་ཀུན་བཟློག་བསྒྱུར་དང་༔ འགྲོ་དོན་ཕྲིན་ལས་ཡོངས་གྲུབ་མཛོད༔ གཞན་ཡང་རྡོ་རྗེ་འཆང་ནས་བཟུང་༔ རྩ་བའི་བླ་མ་ཡན་ཆད་ཀྱིས༔ བཀའ་བསྒོ་དམ་བཞག་དྲེགས་པ་ཅན༔ མ་ལུས་འདིར་གཤེགས་གཏོར་མ་ལོངས༔ སྔོན་གྱི་ཐ་ཚིག་ཇི་བཞིན་དུ༔ ཕྱི་ནང་བར་ཆད་རྐྱེན་དབང་བཟློག༔ ཞི་རྒྱས་དབང་དང་དྲག་པོའི་ལས༔ གང་བསམ་འདོད་དོན་ཡོངས་གྲུབ་མཛོད༔ དེ་ནས་བརྟན་མ་སྐྱོང་བ་ནི༔ བཤལ་ཆུའི་གཏོར་མ་བཏང་བ་ལ༔ ཧཱུྃ་བྷྱོ༔ བརྟན་མ་ཡ་མ་སྐྱོང་མའི་ཚོགས༔ འཁོར་དང་བཅས་པ་མ་ལུས་ཀུན༔ འདིར་གཤེགས་བཤལ་ཆུའི་གཏོར་མ་ལོངས༔ སྔོན་གྱི་གཡར་དམ་ཇི་བཞིན་དུ༔ བསྟན་དང་བསྟན་འཛིན་སྡེ་སྐྱོངས་ལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ དམ་ལ་མ་འདའ་ས་མ་ཡ༔ མ་མ་ཧྲཱི་ཧྲཱི་ཨེ དཾ་བ་ལིཾ་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ལ༔ ཧཱུྃ་བྷྱོ༔ གསང་བ་བླ་མེད་དཀྱིལ་འཁོར་འདིར༔ བར་དུ་གཅོད་པའི་དམ་སྲི་བགེགས༔ གྲུ་གསུམ་ཨེ་ཡི་མཁའ་རུ་བྲུབ༔ རི་རབ་ས་ཡི་འོག་ཏུ་མནན༔ ཡེ་ཤེས་རོལ་པའི་བྲོ་བརྡུང་སྟེ༔ འཆོར་མེད་ལས་ཀྱི་ཕྱག་རྒྱས་བཅིངས༔ གྱིོ་ལཾ༔ ཨཱ་ལཾ༔ ཧཱུྃ་ལཾ༔ སུཾ་ལཾ༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ནི༔ ཧཱུྃ༔ རིག་འཛིན་བླ་མའི་དཀྱིལ་འཁོར་གྱི༔ གསང་གསུམ་ཆོས་ཉིད་ཀློང་མཛོད་ལས༔ རྡོ་རྗེ་གསུམ་གྱི་དབང་དངོས་གྲུབ༔ ད་ལྟ་ཉིད་དུ་ཐོབ་པར་སྩོལ༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སིདྡྷི་ཧཱུྃ༔ དེ་ནས་བཤགས་པ་བྱ་བ་ལ༔ ཧཱུྃ༔ རིག་འཛིན་བླ་མའི་ལྷ་ཚོགས་དགོངས༔ བདག་གི་སྒོ་གསུམ་བག་མེད་པས༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཉམས བཤགས༔ ཡི་གེ་བརྒྱ་པ་ཅི་ནུས་བཟླས༔ དེ་ནས་བསྔོ་བ་སྨོན་ལམ་ནི༔ ཧོཿ དུས་གསུམ་བསགས་པའི་རྣམ་དཀར་དགེ༔ མ་གྱུར་སེམས་ཅན་ཡོངས་ལ་བསྔོ༔ ཁམས་གསུམ་སེམས་ཅན་མ་ལུས་ཀུན༔ ཕྱམ་གཅིག་རྫོགས་སངས་རྒྱས་གྱུརཅིག༔ དེ་ནས་རྟག་ཆད་མཐའ་བསལ་ལ༔ ཧོཿ ཡེ་ཤེས་རོལ་པའི་དཀྱིལ་འཁོར་ལྷ༔ ཆོས་ཉིད་བརྡལ་ཁྱབ་ཆེན་པོར་ཨཱཿ ཧཱུྃ༔ མཁའ་ ༔ ལས་འཇའ་ཚོན་ཤར་བ་བཞིན༔ རྗེས་ཐོབ་སྒྱུ་མའི་ལྷ་སྐུར་ལྡང་༔ དེ་ནས་བཀྲ་ཤིས་བྱ་བ་ནི༔ ན་མོ༔ སྨིན་གྲོལ་དབང་བྱིན་ཀུན་གྱི་མཛོད༔ བླ་མ་རྣམས་ཀྱི་བཀྲ་ཤིས་ཤོག༔ མཆོག་ཐུན་དངོས་གྲུབ་འབྱུང་བའི་གནས༔ ཡི་དམ་རྒྱ་མཚོའི་བཀྲ་ཤིས་ཤོག༔ རབ་འབྱམས་ཕྲིན་ལས་ལྷུན་གྱིས་གྲུབ༔ ཆོས་སྐྱོང་རྣམས་ཀྱི་བཀྲ་ཤིས་ཤོག༔ ས་མ་ཡ༔ བསྐྱེད་རིམ་ཟབ་མོའི་གནད་ལྡན་པའི༔ འདི་སྒྲུབ་དམ་ལྡན་སྐྱེས་བུ་རྣམས༔ ཟླ་བ་དྲུག་ནས་དངོས་གྲུབ་ཐོབ༔ བཀའ་སྲུང་གནོད་སྦྱིན་དམར་ནག་དང་༔ གཟའ་བདུད་དུག་གི་སྤུ་གྲིས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ ཞེས་པ་འདི་ཉིད་རྣལ་འབྱོར་ངྷརྨ་ཤྲཱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ །ལེགས་སོ། །སརྦ་མངྒ་ལཾ།། །། 267 TI1612 - 271 T11612 - 272 ༔ ཆོས་ཉིད་ནམ་མཁའི་ཀློང་མཛོད་ལས༔ ཡང་གསང་བླ་མའི་བསྐང་བ་བདེ་ཆེན་ཐར་ལམ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ན།ཤརྦ༔ ཚོགས་ཀྱི་འཁོར་ལོ་ལ་བརྟེན་ནས༔ ཐུགས་དམ་གཉན་པོ་བསྐང་བ་ལ༔ ཧཱུྃ༔ བདག་གིས་དུས་གསུམ་བསགས་པ་ཡི༔ ལུས་དང་ལོངས་སྤྱོད་དགེ་རྩ་དང་༔ འདོད་ཡོན་ཚོགས་འཁོར་དང་བཅས་པ༔ ཐུགས་དམ་བསྐང་བའི་རྫས་སུ་བཀོད༔ འདོད་ཡོན་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་ལན་གསུམ་དང་༔ དེ་བཞིན་རྟེན་འབྲེལ་སྙིང་པོ་བརྗོད༔ ན་མོ༔ སྐུ་བཞི་ཡེ་ཤེས་ལྔ་ཡི་བདག༔ སངས་རྒྱས་རྣམས་ཀྱི་ཐུགས་དམ་བསྐང་༔ སྲིད་པའི་འཆིང་བ་ལས་སྒྲོལ་བའི༔ དམ་ཆོས་རྣམས་ཀྱི་ཐུགས་དམ་བསྐང་༔ སྲིད་ལས་འཕགས་པའི་སར་བཞུགས་པའི༔ དགེ་འདུན་རྒྱ་མཚོའི་ཐུགས་དམ བསྐང་༔ སྨིན་གྲོལ་གདམས་པའི་མཛོད་འཛིན་པའི༔ བླ་མ་རྣམས་ཀྱི༴ དངོས་གྲུབ་ཀུན་གྱི་འབྱུང་གནས་མཆོག༔ ཡི་དམ་རྒྱ་མཚོའི༴ ཟག་མེད་བདེ་ཆེན་རྒྱས་མཛད་མ༔ མ་དང་མཁའ་འགྲོའི༔ བརྡལ་ཁྱབ་སྤྲོས་པའི་མཐའ་དང་བྲལ༔ ཆོས་ཀྱི་སྐུ་ཡི༴ སྐུ་དང་ཡེ་ཤེས་ལྷུན་གྱིས་གྲུབ༔ ལོངས་སྤྱོད་རྫོགས་སྐུའི༴ གདུལ་བྱའི་མོས་ངོར་ཆུ་ཟླའི་གར༔ སྤྲུལ་པའི་ སྐུ་ཡི: ཞིང་བཅུ་ཉམས་པ་བདུན་གྱི་གཤེད༔ བཀའ་སྲུང་ཆོས་སྐྱོང་བདག་ཅག་རྣལ་འབྱོར་འཁོར་བཅས་ཀྱི༔ སྒོ་གསུམ་མ་རིག་དབང་གྱུར་པའི༔ ཉམས་ཆག་ཐམས་ཅད་བསྐང་གྱུར་ཅིག༔ རྟོག་སྒྲིབ་ཐམས་ཅད་བྱང་གྱུར་ཅིག༔ ལས་ངན་སྡིག་སྒྲིབ་དག་གྱུར་ཅིག༔ ཁམས་གསུམ་འཁོར་བ་སྟོང་གྱུར་ཅིག༔ འབྲས་བུ་སྐུ་གསུམ་ཐོབ་གྱུར་ཅིག༔ བསྐང་གྱུར་དབང་དང་དངོས་གྲུབ་སྩོལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཡང་རྣལ་འབྱོར་དྷརྨ་ཤྲཱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །། T11612 - 274 ༤ཛྃ༔ ཆོས་ཉིད་ནམ་མཁའི་ཀློང་མཛོད་ལས༔ ཨོ་རྒྱན་ཆེན་པོའི་ཕྱག་རྒྱ་བདུད་རྩིའི་བུམ་བཟང་བཞུགས༔ ན་མོ་གུ་རུ་པདྨ་ཀ་ར་ཡེ༔ སྐྱབས་འགྲོ་སེམས་བསྐྱེད་སྔོན་སོང་སྟེ༔ སྒོ་གསུམ་རྡོ་རྗེའི་གྲོང་འཇུག་ལ༔ རང་ཉིད་སྐད་ཅིག་དྲན་རྫོགས་སུ༔ མཁའ་ལ་འཇའ་ཚོན་ཤར་བ་བཞིན༔ པདྨ་ཉི་ཟླའི་གདན་སྟེང་དུ༔ དུས་གསུམ་སངས་རྒྱས་འདུས་པའི་སྐུ༔ ཨོ་རྒྱན་ཆེན་པོ་པདྨ་འབྱུང་༔ སྐུ་མདོག་དཀར་དམར་འོད་ཕུང་འབར༔ ཞལ་འཛུམ་སྤྱན་གདངས་ཁྲོ་གཉེར་སྡུད༔ པད་ཞྭ་བེར་མཐིང་ཐང་ཤམ་སྨུག༔ ཕྱག་གཡས་གསེར་གྱི་རྡོ་རྗེ་བསྡིགས༔ གཡོན་པས་མཉམ་བཞག་ཐོད་བུམ་བསྣམས༔ རྒྱལ་པོ་རོལ་པའི་སྟབས་སུ་འགྱིང༔ ཁ་ཊྭཱྃ་རྩེ་གསུམ་མཆན་དུ་བརྟེན༔ རིགས་བདག་སྣང་བ་མཐའ་ཡས་དམར༔ ཐུགས་ཀར་པདྨ་ཟླ་གདན་ལ༔ གསེར་གྱི་རྡོ་རྗེ་རྩེ་ལྔ་པའི༔ ལྟེ་བར་ཧྲཱིཿལ་སྔགས་ཀྱིས་བསྐོར༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ བསྐྱེད་དང་དམིགས་གསལ་གནད་ལྡན་པས༔ འདི་ལྟར་བསྒོམ་བཟླས་ལ་འབད་ན༔ ཉམས་རྟོགས་ཡོན་ཏན་གོང་འཕེལ་འགྱུར༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་སྨོན་ལམ་བཟང་པོས་ ནན་དུ་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། ༈ དེ་ནས་བསྟོད་པ་བྱ་བ་ནི༔ ཧྲཱིཿ རིག་སྟོང་མ་བཅོས་ཆོས་ཉིད་དེ་བཞིན་ཉིད༔ རིག་གདངས་མ་འགགས་ལྷུན་གྲུབ་བུམ་པའི་སྐུ༔ རིག་རྩལ་འགྲོ་ལ་རྗེས་ཆགས་སྤྲུལ་པའི་སྐུ༔ རིག་འཛིན་པདྨ་ཐོད་ཕྲེང་རྩལ་ལ་བསྟོད༔ པདྨ་ལས་འབྲེལ་རྩལ་གྱིས་སོ།། །། 272་ཨོ་རྒྱན་བླ་སྒྲུབ ་ཨོ་རྒྱན་བླ་སྒྲུབ T1612 - 276 ༒༔ ཆོས་ཉིད་ནམ་མཁའི་ཀློང་མཛོད་ལས༔ གུ་རུ་བློ་ལྡན་མཆོག་སྲེད་ཀྱི་གཏོར་དབང་བཞུགས་སོ༔ ཐ།།།༔ ན་མོ་གུ་རུ་པདྨ་ཀ་ར་ཡེ༔ སློབ་མ་གྲལ་འཁོད་ཁྲུས་བྱ་ཞིང་༔ བགེགས་བསྐྲད་བསྲུང་བའི་འཁོར་ལོ་བསྒོམ༔ དང་པོ་གསོལ་བ་འདེབས་པ་ནི༔ ཀྱེེ༔ དུས་གསུམ་རྒྱལ་བའི་སྤྱི་གཟུགས་མཆོག༔ རྡོ་རྗེ་སློབ་དཔོན་དགོངས་སུ་གསོལ༔ གུ་རུ་བློ་ལྡན་མཆོག་སྲེད་ཀྱི༔ རྗེས་གནང་ཟབ་མོ་བདག་ལ་སྩོལ༔ ལན་གསུམ༔ དེ་ནས་བླ་མས༔ ཀྱེེ༔ ཐུགས་རྗེ་བྱིན་རླབས་རྨད་བྱུང་བ༔ གུ་རུ་བློ་ལྡན་མཆོག་སྲེད་ཀྱི༔ དབང་གིས་ཁྱོད་ཉིད་སྨིན་པར་བྱ༔ དམ་ཚིག་མ་ཉམས་ཚུལ་བཞིན་སྲུངས༔ ས་མ་ཡ་ན་ར་ཀན༔ རྡོ་རྗེའི་རྭ་རྩེས་དམ་ཆུ་འཐོར་ལ༔ སློབ་མ་ལྷར་བསྐྱེད་ཡེ་ཤེས་དབབ༔ དེ་ནས་གཏོར་མ་ཐོགས་ལ༔ གཏོར་སྣོད་རིན་པོ་ཆེའི་གཞལ་ཡས་ཁང་གི་ནང་དུ་གུ་རུ་བློ་ལྡན མཆོག་སྲེད་ལ་རྩ་གསུམ་རྒྱལ་བ་རྒྱ་མཚོའི་ཚོགས་ཀྱིས་བསྐོར་ནས་བཞུགས་པར་བསྒོམ་པའི་སྐུ་ལས་འོད་ཟེར་དཀར་པོ་བྱུང་ནས་ཁྱེད་རང་གི་ལུས་ལ་ཐིམ་པས་རྡོ་རྗེ་སྐུ་ཡི་རང་བཞིན་དུ་སངས་རྒྱས་པར་བསམ༔ ཀྱེེ༔ རྒྱལ་བ་ཀུན་གྱི་མཁྱེན་བརྩེ་ནུས་པའི་གཏེར༔ མཛད་པ་ཕྲིན་ལས་རྨད་བྱུང་ཧེ་རུ་ཀ༔ བློ་ལྡན་མཆོག་སྲེད་རྩལ་གྱིས་དབང་བསྐུར་རོ༔ བུ་ཁྱོད་ལུས་ དང་རྩ་ཡི་སྒྲིབ་པ་དག༔ བུམ་པའི་དབང་ཐོབ་རྡོ་རྗེའི་སྐུ་རུ་སྨིན༔ སྤྲུལ་སྐུ་མཆོག་ཐོབ་རྣམ་སྨིན་རིག་འཛིན་གྱི༔ གོ་འཕང་མཆོག་ལ་དབང་འབྱོར་དབང་ཐོབ་ནས༔ འཁོར་བའི་འཁྲུལ སྣང་འོད་ཀྱི་སྐུ་རུ་གྲོལ༔ འཇིགས་བྲལ་རྡོ་རྗེ་ལྟ་བུའི་ལུས་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་གཏོར་མ་མགྲིན་པར་བཞག་ལ༔ དེ་ནས་གཏོར་མ་མགྲིན་པར་བཞག་པའི་ཚེ་ན་གུ རུ་བློ་ལྡན་མཆོག་སྲིད་ཀྱི་གསུང་ལས་འོད་ཟེར་དམར་པོ་བྱུང་ནས་ཁྱོད་རང་གི་ངག་ལ་ཐིམ་པས་རྡོ་རྗེ་གསུང་གི་རང་བཞིན་དུ་སངས་རྒྱས་པར་