Tibetan
གཤིན་རྗེའི་གཤེད༔ ཀ་དག་ཡེ་ཤེས་མངོན་གྱུར དབྱིངས༔ གདོད་ནས་རང་བྱུང་ཡེ་ཤེས་ཞལ༔ མ་རིག་འཁྲུལ་པའི་ནོངས་པ་བཤགས༔ ཨོཾ་བཛྲ་སཏྭ་ས་མ་ཡ་སོགས་ཡི་གེ་བརྒྱ་པ་བརྗོད༔ བརྒྱད་པ་འཛབ་བསྐུལ་ནི༔ ཧཱུྃ༔ ཁྱབ་བརྡལ་ལྷུན་འབྱམས་མཚན་མ་བྲལ༔ ཆོས་ཉིད་ངང་ལས་ཡེ་ཤེས་ཤར༔ ཡེ་ཤེས་རྩལ་ལས་ལྷར་སྣང་ངོམས༔ བསྐུལ་ལོ་ཐུགས་རྗེས་རྒྱུད་བསྐུལ་ལོ༔ བཞེངས་ཤིག་ཆོས་ཀྱི་དབྱིངས་ནས བཞེངས༔ ཕུང་ཁམས་གཤེགས་པ་གཤེགས་མ་བཞེངས༔ དབང་ཡུལ་དཔལ་ཆེན་སྐུ་རུ་བཞེངས༔ རྟོག་ཚོགས་ཁྲོ་བོའི་རོལ་པར་བཞེངས༔ སྐུ་ནི་སྒེག་དཔའ་འཇིགས་སུ་རུང་༔ གསུང་ནི་རྒོད་གཤེ་དྲག་ཤུལ་ལྡན༔ ཐུགས་ནི་སྙིང་རྗེ་རྔམས་ཞིའི་ངང་༔ གར་གྱི་རོལ་པས་ད་བཞེངས་ལ༔ བསྒོམ་བཟླས་དམིགས་པའི་རྣོ་ནུས་བསྐྱེད༔ དབང་བྱིན་དངོས་གྲུབ་ཆར་ལྟར་ཕོབས༔ རིག་འཛིན་རྣམ་བཞིའི་གོ་འཕང་མཆོག༔ ད་ལྟ་ཉིད་དུ་ཐོབ་པར་མཛོད༔ བཟླས་པའི་སྔགས་ནི༔ ཨོཾ་ཕེ་ལང་ཧཱུྃ༔ ཞེས་ཤེས་པ་གཞན་དུ་མ་ཡེངས་པར་ལྷའི་ང་རྒྱལ་དང་འགྲོགས༔ མི་ཚིག་གིས་བར་མ་ཆོད་པར་སྔགས་བཟླས་པ་ལ་འབད༔ དུས་གསུམ་རྒྱལ་བ་སྲས་དང་བཅས་པ་ཐམས་ཅད་བསྐྱེད་པའི་ལྷའི་རྣམ་པར་རྒྱུན་མི་ཆད་པར་བྱུང་ནས་མཚོ་ཆེན་པོ་ལ་ཁ་བ་བབ་པ་ལྟར་སྒྲུབ་རྫས་ལ་ཐིམ་པར་ཡང་ཡང་བསམ་པ་ནི་བསྙེན་པའི་གནད་ཡིན་ནོ༔ དེ་དུས་ཉི་མ་ཤར་བ༔ ནམ་མཁའ་གཡའ་དག་པ༔ མཚོ་སྐམ་པ༔ ཀླུ་ནོར་ཤི་བ༔ སྲོག་ཆགས་གསོད་པ༔ ཁང་པ་མེས་ཚིགས་པ༔ མཁའ་ལ་འཕུར་བ༔ ཉི་ཟླ་གདན་དུ་བཏིང་བ༔ སྡེ་ཡུལ་མང་པོ་དབང་བསྒྱུར་བ༔ སྐྱེ་འགྲོ་མང་པོས་ཕྱག་འཚལ་ལ་བཀུར་སྟི་བྱེད་པ༔ གཞན་ཡང་དབང་བསྐུར་ཆོས་བཤད་བྱེད་པ༔ རི་ཀུན་ལས་མཐོ་བའི་རྩེ་མོར་ཕྱིན་པ༔ བྲག་བཤིག་པ༔ ཤིང་བཅད་པ༔ རོལ་མོ་སྒྲོགས་པ༔ གཞན་གྱིས་ཟས་ནོར་སྟེར་བ་རྣམས་བྱུང་ན་འགྲུབ་པའི་རྟགས་ཡིན༔ ལུས་ལས་འབུ་སྲིན་ཐོན་པ་གདོན་འདོན་པའི་རྟགས་དང་༔ རྣག་ཁྲག་ཐོན་པ་ནད་ཐོན་པའི་རྟགས་ཡིན་ནོ༔ བཟང་པོའི་རྟགས་མཚན་བྱུང་ཡང་མཆོག་འཛིན་མི་བྱ༔ ངན་པའི་རྟགས་མཚན་བྱུང་ཡང་དོགས་པ་དང་ངན་པར་མི་འཛིན་པ་གནད་དུ་ཤེས་པར་ ༔ གྱིས༔ གོང་བསྙེན་པ་ལ་བྱེ་བ་བཟླས་པ་ན། ལས་སྦྱོར་ལ་འབུམ་འདོན་དེས་རིགས་འགྲེས་སྦྱར་རོ །མཆན། བསྙེན་རྟགས་མཚན་བྱུང་ནས་ལས་སྦྱོར་དྲག་སྔགས་འདི་ལ་འབད༔ ནག་པོ་ཏི་པ་ཙ་ཡ་ནཱ་ག་རཱ་ཙ་ཧཱུྃ་ཕཊ༔ དེ་ཉིད་བཟླས་པའི་དུས་སུ་བདག་བསྐྱེད་ལས་མེ་མཆེད་པས་བར་ཆད་གདོན་བགེགས་བག་ཆགས་ལས་ཉོན་ཐམས་ཅད་ཐུལ་གྱིས་བསྲེགས་པར་ཡང་ཡང་བསམ་མོ༔ རྗེས་ལ་ཚོགས་ཀྱི་རིམ་པ་ནི༔ འབྱོར་ཚོགས་འདོད་ཡོན་བྱེ་བྲག་ཀུན༔ རི་རབ་རོལ་མཚོའི་ཚུལ་དུ་བཀོད༔ དང་པོ་ཚོགས་རྫས་བྱིན་རླབས་ནི༔ རཾ་ཡ་ཁཾ༔ སྣང་སྲིད་འདོད་ཡོན་ཆོས་སོ་ཅོག༔ གཉིས་མེད་སྟོང་ཉིད་ཆེན་པོར་ཞིག༔ སྟོང་ཉིད་དབྱིངས་སུ་སྒྱུ་འཕྲུལ་བཞིན༔ ལོངས་སྤྱོད་ཚོགས་ཀྱི་འཁོར་ལོར་ཤར༔ ཨོཾ་ཨཱཿཧཱུྃ༔ ལན་གསུམ༔ གཉིས་པ་སྤྱན་འདྲེན་པ་ནི༔ ཧཱུྃ༔ སྐྱབས་གནས་ཀུན་འདུས་བླ་མ་དང་༔ འཇམ་དཔལ་ཡེ་ཤེས་སེམས་དཔའ་ཆེ༔ གཤིན་རྗེའི་གཤེད་ཆེན་བདུད་ཀྱི་བདུད༔ ནཱ་ག་རཀྵ་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཚོགས་ཀྱི་ཞིང་དང་མཆོད་གནས་སུ༔ དྲག་པོ་ཆེན་པོ་བཞུགས་སུ་གསོལ༔ བཛྲ་ས་མ་ཡ་ཛ་ཛཿ གསུམ་པ་ཚོགས་ཕུད་འབུལ་བ་ནི༔ ཧཱུྃ༔ བླ་མ་ཡི་དམ་མཁའ་འགྲོ་དང་༔ དྲག་པོ་ཆེན་པོའི་དཀྱིལ་འཁོར་དུ༔ འདོད་ཡོན་ལོངས་སྤྱོད་ཚོགས མཆོད་འབུལ༔ ཕྱི་ནང་བར་ཆད་དབྱིངས་སུ་སོལ༔ མཆོག་དང་ཐུན་མོང་དངོས་གྲུབ་སྩོལ༔ སརྦ་ག་ཎ་ཙཀྲ་པཱུ་ཛ་ལ་ཁཱ་ཧི༔ བཞི་པ་བཤགས་པ་བྱ་བ་ནི༔ ཧོཿ ཡི་དམ་ལྷ་ཚོགས་དགོངས་སུ་གསོལ༔ བདག་གི་ཚེ་རབས་ཐམས་ཅད་དུ༔ སྒོ་གསུམ་བག་མེད་དབང་གྱུར་པས༔ ཉེས་བྱས་ཅི་མཆིས་ཚོགས་ཀྱིས་བཤགས༔ ཨོཾ་ག་ཎ་ཙཀྲ་སཏྭ་ས་མ་ཡ་སོགས་ཡིག་བརྒྱ་བརྗོད༔ ལྔ་པ་ཉམས་པ་བསྒྲལ་བ་ལ༔ ༔ གཤིན་རྗེ་གཤེད་པོ་ཁྲོ་བོའི་རྒྱལ༔ དྲག་པོ་ཆེན་པོ་དྲག་ཤུལ་གྱིས༔ ལོག་པར་འདྲེན་པའི་དགྲ་དང་བགེགས༔ ལྷ་ཡང་རུང་སྟེ་ཕྱེ་མར་ཐུལ༔ ཡ་མཱནྟ་ཀ་ཡ་མ་རཱ་ཙ་དགྲ་བགེགས་མཱ་ར་ཡ་རྦད་སོད༔ དྲུག་པ་ཞལ་དུ་བསྟབ་པ་ནི༔ ཧཱུྃ༔ བདུད་ཀྱི་བདུད་ཆེན་གཤིན་རྗེའི་གཤེད༔ ནཱ་ག་རཀྵ་ཞལ་ཕྱེས་ཤིག༔ ཉམས་པ་བདུན་ལྡན་དགྲ་བགེགས་ཀྱི༔ ཕུང་ཁམས་སྐྱེ་མཆེད་ཞལ་དུ་བསྟབས༔ སརྦ་ཤ་ཏྲུཾ་མཱ་ར་ཡ་ཁཱ་ཧི༔ བདུན་པ་ལྷག་མ་འབུལ་བ་ནི༔ ཧཱུྃ་བྷྱོ༔ དཔལ་གྱི་བཀའ་ཉན་ལྷག་སྐྱོང་ཚོགས༔ དམ་ཚིག་དབང་གིས་འདིར་གཤེགས ལཿ སྔོན་གྱི་ཆད་དོན་ཁྲིམས་བཞིན་དུ༔ ལྷག་གཏོར་བཞེས་ལ་ཕྲིན་ལས་མཛོད༔ ཨུཙྪིཥྞ་བ་ལི་ཏ་ཁཱ་ཧི༔ བརྒྱད་པ་བསྐུལ་བ་བྱ་བ་ལ༔ ཧཱུྃ༔ དུས་གསུམ་སངས་རྒྱས་འདུས་པའི་སྐུ༔ ངྒཾ༔ ཞི་དང་ཁྲོ་བོའི་སྒྱུ་འཕྲུལ་ངོམས༔ བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་མི་མངོན་དབྱིངས་ནས་བཞེངས༔ མཛོད་ཅིག་དྲག་པོའི་ཕྲིན ལས་མཛོད༔ ཉོན་མོངས་དུག་ལྔ་དུག་གསུམ་ལ༔ བརྟེན་ཅིང་འབྲེལ་བའི་དགྲ་དང་བགེགས༔ བདག་མེད་རྡོ་རྗེའི་མཚོན་གྱིས་ཤིག༔ ཡུལ་མེད་ཟང་ཐལ་ཆེན་པོར་སྒྲོལ༔ རྟོག་མེད མཉམ་པ་ཉིད་དུ་སོད༔ དུས་ལ་བབ་པོ་ས་མ་ཡ༔ དགུ་པ་ཆད་མདོ་བཏང་བ་ནི༔ ཧཱུྃ༔ སྔོན་ཚེ་ཀུན་བཟང་རིགས་ལྔ་དང་༔ རྡོ་རྗེ་འཆང་དང་རྡོ་རྗེ་ཆོས༔ ཨོ་རྒྱན་པདྨ་ཐོད་ཕྲེང་སོགས༔ དུས་གསུམ་རྒྱལ་བ་སྲས་བཅས་ཀྱིས༔ བཀའ་བསྒོས་དམ་བཞག་དབང་བསྐུར་བའི༔ ཆད་དོན་དམ་ཅན་སྲུང་མ་རྣམས༔ དམར་གྱི་གཏོར་མ་འདི་བཞེས་ལ༔ བྱང་ཆུབ་བསྒྲུབ་པའི་བར ཆད་སོལ༔ ཆོས་སྲིད་མངའ་ཐང་འཕེལ་རྒྱས་མཛོད༔ དམ་ཚིག་ཇི་བཞིན་ཕྲིན་ལས་སྒྲུབས༔ དམ་ལ་མ་འདའ་ས་མ་ཡ༔ བཅུ་པ་བརྟན་མ་སྐྱོང་བ་ནི༔ བྷྱོ༔ སངས་རྒྱས་བསྟན་པ་བསྲུང་བ་ཡི༔ མ་མོ་མོ་རྒྱུད་སྡེ་དཔུང་དང་༔ མ་སྲིང་བརྟན་མ་བཅུ་གཉིས་ཚོགས༔ བཤལ་ཆུའི་གཏོར་མ་འདི་ལོངས་ལ༔ བསྟན་འགྲོ་བདེ་ལ་འགོད་པ་དང་༔ རྣལ་འབྱོར་སྒྲུབ་པའི་བར་ཆད སོལ༔ ཞིང་བཅུའི་དགྲ་བགེགས་རྡུལ་དུ་རློགས༔ མ་འདའ་བཛྲ་ས་མ་ཡ༔ བཅུ་གཅིག་རྟ་བྲོ་བརྡུང་བ་ལ༔ ཧཱུྃ༔ སྟོང་པ་ཉིད་ཀྱི་བྲུབ་ཁུང་དུ༔ བདག་རྟོག་མ་རིག་འདྲེ་གདོན་བྲུབ༔ བདག་མེད་རྟོགས་པའི་བྲོ་བརྡུང་བས༔ ལྡང་མེད་རྡོ་རྗེ་ལྷུན་པོས་མནན༔ སྟཾ་བྷ་ཡ་ནན༔ མཱ་ར་ཡ་ནན༔ བཅུ་གཉིས་པ་དངོས་གྲུབ་བླང་བ་ནི༔ ཧཱུྃ༔ སྐུ་གསུང་ཐུགས་ཀྱི་ཀློང་མཛོད་ནས༔ དབང་དང་དངོས་གྲུབ་དགའ་བཞིའི་བཅུད༔ བདག་གི་སྒོ་གསུམ་སྣོད་དུ་བབ༔ དག་སྨིན་གྲོལ་བ་མངོན་འགྱུར་ཤོག༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སིདྡྷི་ཕ་ལ་ཧཱུྃ༔ བཅུ་གསུམ་པ་བཤགས་པ་བྱ་བ་ནི༔ ཧཱུྃ༔ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་གི་ཚེ་རབས་ཐམས་ཅད་དུ༔ མ་རིག་དབང་གྱུར་ལས་ཉོན་ཀུན༔ གནོང་འགྱོད་དྲག་པོས་མཐོལ་ཞིང་བཤགས༔ ཡི་གེ་བརྒྱ་པ་ལན་གསུམ་བརྗོད༔ བཅུ་བཞི་པ་བསྔོ་སྨོན་བྱ་བ་ནི༔ ཧོཿ དུས་གསུམ་བསགས་པའི་རྣམ་དཀར་དགེ༔ འཁོར་གསུམ་དམིགས་མེད་དབྱིངས་སུ་བསྔོ༔ བདག་དང་ཁམས་གསུམ་སེམས་ཅན་རྣམས༔ སྐུ་གསུམ་དབྱིངས་སུ་སངས་རྒྱས་ཤོག༔ ལན་གསུམ༔ བཅོ་ལྔ་པ་བསྡུ་རིམ་ནི༔ ཧཱུྃ༔ བསྐྱེད་པ་ཐབས་ཀྱི་དཀྱིལ་འཁོར་ལྷ༔ ཤེས་རབ་སྟོང་ཉིད་ཆེན་པོར་ཞིག༔ སླར་ཡང་ ཧྲིཾ༔ མཁའ་ལ་འཇའ་ཤར་བཞིན༔ རཀྴའི་སྐུར་གསལ་གོ་ཁྲབ་བགོ༔ བཅུ་དྲུག་པ་བཀྲ་ཤིས་བྱ་བ་ལ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ རྟེན་འབྲེལ་ཟབ་མོའི་ནུས་མཐུ་ཡིས༔ བདག་ཅག་སྒྲུབ་མཆོག་འཁོར་བཅས་ལ༔ བཀྲ་ཤིས་བདེ་ལེགས་ཕུན་ཚོགས་ཤོག༔ ས་མ་ཡ༔ འདི་སྒྲུབ་སྐལ་བཟང་སྐྱེས་བུ་རྣམས༔ རྡོ་རྗེ་གསུམ་གྱི་གྲོང་འཕོས་ཏེ༔ ཕྱི་ནང་བར་ཆད་རྐྱེན་ལས་གྲོལ༔ སྲིད་པ་གསུམ་ལས་རྣམ་པར་རྒྱལ༔ ཚེ་འདིར་མངོན་སངས་རྒྱས་འགྱུར་རོ༔ ལྷ་དང་དཀྱིལ་འཁོར་བསྒྲུབ་པ་ཀུན༔ མཐར་ཐུག་ཆོས་ཉིད་ཆེན་པོ་རུ༔ གཉིས་མེད་རོལ་པར་དམིགས་པ་ཡི༔ མངོན་གྱུར་རྫོགས་པ་ཆེན་པོ་རུ༔ གྲོལ་བ་གནད་ཀྱི་མཐར་ཐུག་གོ༔ འདི་ནི་བསྒྲུབ་པ་དངོས་གྲུབ་ཉེ༔ བཀའ་སྲུང་ལས་ཀྱི་གཤིན་རྗེས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་རང་སློབ་རྡོ་རྗེ་རྣམ་པར་རྒྱལ་བ་དང་། བློ་གྲོས་དབང་པོ་གཉིས་ཀྱིས་གཙོས་བུ་སློབ་འགས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ། །དགེའོ། །དགེའོ །ལེགས་སོ།། T11612 - 364 མ ཨོཾ༔ ཆོས་ཉིད་ནམ་མཁའི་ཀློང་མཛོད་ལས༔ འཇིགས་བྱེད་ནཱ་ག་རཀྴའི་སྒྲུབ་པ་ཀླུ་གཉན་གདུག་པ་ཚར་གཅོད་བཞུགས་སོ༔ སྒྲུབ་T11612 - 365 ཨོཾ༔ ན་མོ་གུ་རུ་པདྨ་ཀ་ར་ཡེ༔ ངྷིཤཛྷ་བྟཧཱུཾཕཊ༔ ལྔ་བརྒྱ་དུས་ཀྱི་ཐ་མ་ལ༔ གཏི་མུག་ཀླུ་གཉན་གདུག་པ་དར༔ ནད་རིགས་མི་གཅིག སྣ་ཚོགས་གཏོང་༔ མི་རྣམས་ཕལ་ཆེར་དེ་ཡིས་འཆི༔ ཁྱད་པར་མཛེ་ཤུ་པགས་ནད་དང་༔ བད་ཀན་ལས་གྱུར་སྣ་ཚོགས་པ༔ མ་ངེས་སྐྱི་སེར་བཞིན་དུ་འཚུབས༔ མཐའ་ཡི་འབྱུང་པོ་སྨོན་ལོག་པས༔ རྫས་སྔགས་དམོད་པའི་ཆོ་འཕྲུལ་སྟོན༔ སྐྱེ་འགྲོའི་ཤེས་རྒྱུད་བསླད་ཅིང་བསླུས༔ མི་དགེ་སྡིག་པའི་ལས་ལ་སྤྱོད༔ དཀོན་མཆོག་དབུ་འཕང་སྨད་ཅིང་འཕེན༔ བསྟན་འཛིན་སྐྱེས་བུ་དག་ལ་འཚེ༔ དེ་ཚེ་བདུད་ཀྱི་མགོ་ནོན་ཅིང་༔ ཀླུ་གཉན་གདུག་པའི་སྲོག་གཅོད་པ༔ འཇིགས་བྱེད་ནཱ་ག་རཀྴ་འདི༔ སྒྲུབ་པ་བྱེད་པའི་སྐྱེས་བུ་རྣམས༔ སྲིད་པ་གསུམ་ལས་རྣམ་པར་རྒྱལ༔ TI1612 - 366 ༧ རྟ༡ ཧཱུྃ༔ སྒྲུབ་གནས་རབ་དབེན་སྐྱེད་ཚལ་དུ༔ དཀྱིལ་འཁོར་བཀོད་ལེགས་མཛེས་ལྡན་དུ༔ སྒྲུབ་དང་མཆོད་རྫས་ཡོ་བྱད་བཤམས༔ དཀར་ཕྱོགས་སྲུང་མར་དཀར་གཏོར་འབུལ༔ ནག་ཕྱོགས་རིགས་ལ་དམར་གཏོར་བཏང་༔ བགེགས་རིགས་གླུད་ཀྱིས་མཉེས་པར་བྱ༔ དང་པོ་སྐྱབས་སུ་འགྲོ་བ་ལ༔ ན་མོ༔ བླ་མེད་བླ་མ་དཀོན་མཆོག་གསུམ༔ རྩ་གསུམ་དམ་ཅན་རྒྱ་མཚོ་དང་༔ རིག་པ་སྐུ་བཞིའི་བདག་ཉིད་ལ༔ བྱང་ཆུབ་བར་དུ་སྐྱབས་སུ་མཆི༔ དེ་ནས་སེམས་བསྐྱེད་བྱ་བ་ལ༔ ཀྱེེ༔ མ་རིག་མུན་པའི་ཁྲི་མུན་དུ༔ སྡུག་བསྔལ་གསུམ་གྱིས་གདུང་བ་ཡི༔ སེམས་ཅན་ཐམས་ཅད་རབ་སྒྲོལ་ཕྱིར༔ བྱང་ཆུབ་མཆོག་ཏུ་T11612 - 367 སེམས་བསྐྱེད་དོ༔ དེ་ནས་བཀའ་བསྒོ་བགེགས་བསྐྲད་ལ༔ ཧཱུྃ༔ ང་ནི་མ་བཅོས་དོན་གྱི་ལྷ༔ འཇིགས་བྱེད་ནཱ་ག་རཀྴ་ཆེ༔ ཉོན་ཅིག་ལོག་འདྲེན་བགེགས་ཀྱི་ཚོགས༔ གཏོར་མ་ལོངས་ལ་ཕྱིར་དེངས་ཤིག༔ ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ དེ་ནས་སྲུང་འཁོར་བསྒོམ་པ་ལ༔ ཧཱུྃ༔ དྲག་པོའི་སྒྱུ་འཕྲུལ་རོལ་པའི་གར༔ ཡེ་ཤེས་མཚོན་ཐུན་མེ་རླུང་ཆུའི༔ གུར་དང་ར་བ་ལྷུན་གྱིས་གྲུབ༔ གཞོམ་མེད་རྡོ་རྗེའི་རྒྱ་ཡིས་བཏབ༔ ཧཱུྃ་བཛྲ་རཀྵ་རཀྵ་ཧཱུྃ་བྷྱོ༔ དེ་ནས་བྱིན་ཆེན་དབབ་པ་ནི༔ ཧཱུྃ༔ བདེ་གཤེགས་སྙིང་པོ་ཆོས་ཀྱི་སྐུ༔ ལྷུན་གྲུབ་རོལ་པ་ལོངས་སྤྱོད་རྫོགས༔ ཀུན་ཁྱབ་ཐུགས་རྗེ་སྤྲུལ་པའི་སྐུ༔ དབྱིངས་ནས་སྐུར་བཞེངས་དབང་བྱིན་ཕོབ༔ ན་མོ་དྷརྨ་ཀཱ་ཡ༔ ས_UNK་ཀཱ་ཡ༔ ནིརྨ་ཀཱ་ཡ༔ བཛྲ་ས་མ་ཡ་ཛ་ཛ་ཨ་ཝེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ལ༔ ཧཱུྃ༔ ཡུལ་དྲུག་ཀློང་ཆེན་ཡངས་པའི་མཁར༔ འདོད་ཡོན་སྣང་བ་ནམ་མཁའ་མཛོད༔ ཤེས་རིག་སྒྱུ་འཕྲུལ་རོལ་པས་བརླབ༔ ཕྱི་ནང་གསང་མཆོད་རྒྱན་དུ་སྤེལ༔ ཨོཾ་ཨཱཿ ཧཱུྃ་མ་ཧཱ་སརྦ་ག་ཎ་པཱུ་ཛ་ཧོཿ གཞན་ཡང་མཆོད་པའི་སྔགས་རྣམས་བརྗོད༔ དེ་ནས་ཏིང་འཛིན་རྣམ་གསུམ་ལ༔ ཨཱཿ སྣང་ཞིང་སྲིད་པའི་ཆོས་རྣམས་ཀུན༔ རྨི་ལམ་དབྱིངས་སུ་སད་པ་ལྟར༔ ཁྱབ་བརྡལ་སྟོང་ བློཾ༔ ཉིད་ཆེན་པོར་ཞིག༔ མཁྱེན་གཟིགས་ཡེ་ཤེས་མངོན་དུ་བྱ༔ ཀུན་ཁྱབ་ཀུན་གཟིགས་ཀུན་ཏུ་སྣང་༔ མཁའ་ལ་འཇའ་ཚོན་ཤར་བ་ལྟར༔ རང་རིག་ཧཱུྃ་གི་ཡི གེ་ཤར༔ འོད་འཕྲོས་རབ་འཇིགས་དྲག་པོའི་ཞིང་༔ བསྐལ་པའི་མེ་དཔུང་འབར་བའི་ཀློང་༔ གནམ་ལྕགས་འཁོར་ལོ་རྩིབས་བརྒྱད་དབུས༔ ཀླུ་འབུམ་གཉན་ཁྲི་ས་བདག་སྟོང་༔ བསྣོལ་ཞིང་བརྩེགས་པའི་ཁྲི་སྟེངས་སུ༔ པདྨ་ཉི་སྟེང་ཧཱུྃ་བབ་པའི༔ འོད་འཕྲོས་འཁོར་འདས་གཟི་བྱིན་བསྡུས༔ ཡོངས་གྱུར་གཤིན་རྗེའི་གཤེད་ཆེན་པོ༔ ཁྲོ་མཆོག་ནཱ་ག་རཀྴ་ནི༔ མཐིང་ནག་དབུ་དགུ་ཕྱག་བཅོ་བརྒྱད༔ ཞལ་གདངས་ལྗགས་འདྲིལ་མཆེ་བ་གཙིགས༔ རྩ་བདུན་སྤྱན་གདངས་ཁྲོ་གཉེར་བསྡུས༔ སྨ་ར་སྨིན་མར་མེ་སྟག་འཕྲོ༔ སྦྲུལ་མགོ་དགུ་ཡིས ཐོད་གདེངས་བྱས༔ རིན་པོ་ཆེ་ཡིས་པྲོག་ཞུ་གསོལ༔ དམར་ནག་རལ་པ་སྲིད་རྩེར་སླེབ༔ རྩ་བའི་ཕྱག་གཉིས་ཐུགས་ཀ་རུ༔ གྲི་གུག་འབར་བས་སྦྲུལ་གཏུབ་རོལ༔ གཡས་ཕྱག་བརྒྱད་ཀྱིས་གྲི་གུག་གིས༔ རྒྱ་མཚོའི་གཏིང་ནས་ཀླུ་རྣམས་བཀུག༔ གཡོན་བརྒྱད་ཀྱིས་བསྡམ་ཆེམ་ཆེམ་རོལ༔ སྦྲུལ་དང་མི་མགོའི་དོ་ཤལ་བྱས༔ ཡན་ལག་སྦྲུལ་ལྔའི་ཆུན པོས་བརྒྱན༔ སྐུ་སྨད་སྦྲུལ་མཇུག་དུག་རླངས་འཕྱོ༔ བཙན་དུག་ངད་རླངས་ནུས་ལྡན་པའི༔ མེ་དཔུང་འབར་བའི་ཀློང་དུ་བསྐྱེད༔ སྤྱི་བོར་བདེ་ཆེན་འཁོར་ལོ་རུ༔ ཀླུ་གཤེད་བྱ་ཁྱུང ནག་པོ་ལས༔ སྤྲུལ་པ་ཡང་སྤྲུལ་སྐར་ལྟར་འཁྲིགས༔ མགྲིན་པར་རྟ་མགྲིན་དམར་ནག་རྔམས༔ རལ་གྲི་སྦྲུལ་འཛིན་འདོར་སྟབས་བསྒྲད༔ ཐུགས་ཀར་གསང་བདག་ཁྲོ་གཏུམ མཐིང་༔ རྡོ་རྗེ་སྦྲུལ་འཛིན་འདོར་སྟབས་བསྒྲད༔ ཀུན་ཀྱང་ཡེ་ཤེས་མེ་དཔུང་ཀློང་༔ དུར་ཁྲོད་ཆས་རྫོགས་ཁྲོ་ཆུང་འགྱེད༔ ཤར་དུ་གཤིན་རྗེ་གསོད་བྱེད་མཐིང་༔ སྡིག་གདོང་འབར་བས་རྒྱལ་འགོང་འཇོམས༔ ལྷོ་རུ་གཤིན་རྗེ་འཇོམས་བྱེད་ནག༔ ཕག་གདོང་འབར་བས་གཉན་རིགས་འཇོམས༔ ནུབ་ཏུ་གཤིན་རྗེ་ཟ་བྱེད་དམར༔ ཁྱུང་གདོང་འབར་བས་ཀླུ་གདོན འཇོམས༔ བྱང་དུ་གཤིན་རྗེ་སྒྲོལ་བྱེད་ལྗང་༔ གླང་གདོང་འབར་བས་ས་བདག་འཇོམས༔ ཀུན་ཀྱང་གཡས་པས་དགྲ་སྟྭ་དང་༔ གཡོན་པས་འགུགས་བྱེད་ལྕགས་ཀྱུ་བསྣམས༔ སྟེང་ཕྱོགས་རྒྱལ་རིགས་འཇོམས་པའི་ཁྱུང་༔ མཐིང་ནག་མེ་ཡི་གཤོག་པ་ཅན༔ ཤར་ལྷོ་རྗེ་རིགས་འཇོམས་པའི་ཁྱུང་༔ དཀར་པོ་རལ་གྲིའི་གཤོག་པ་ཅན༔ ལྷོ་ནུབ་དམངས་རིགས་ བྃ༔ འཇོམས་པའི་ཁྱུང་༔ སེར་པོ་སྤུ་གྲིའི་གཤོག་པ་ཅན༔ ནུབ་བྱང་བྲམ་ཟེ་འཇོམས་པའི་ཁྱུང་༔ དམར་ནག་རླུང་གི་གཤོག་པ་ཅན༔ བྱང་ཤར་གདོལ་པ་འཇོམས་པའི་ཁྱུང་༔ ལྗང་ནག་མེ་ཡི་གཤོག་པ་ཅན༔ ཀུན་ཀྱང་རྐང་པས་ཀླུ་གཉན་གནོན༔ ལག་པས་དོན་སྙིང་འདྲེན་ཞིང་ཟ༔ རྭ་ཡིས་སྟེང་གི་ལྷ་གདོན་འབིགས༔ གཤོག་པས་བར་སྣང་སྡེ་བརྒྱད་འདུལ༔ རང་འདྲའི་སྤྲུལ་པ་དཔག་མེད་ཀྱིས༔ ཉོན་མོངས་བརྒྱད་ཁྲིའི་རང་གཟུགས་ཀྱི༔ གདོན་བགེགས་མ་ལུས་ཚར་བཅོད་བསམ༔ གནས་གསུམ་རྡོ་རྗེའི་སྙིང་པོ ལས༔ འོད་འཕྲོས་དུས་གསུམ་སངས་རྒྱས་ཀྱི༔ སྐུ་གསུང་ཐུགས་ཡོན་ཕྲིན་ལས་ཀུན༔ དབྱིངས་ནས་སྤྱན་དྲངས་གཉིས་མེད་བསྟིམ༔ དེ་ནས་སྤྱན་འདྲེན་པ་ནི༔ ཧཱུྃ༔ འོག་མིན་བརྡལ ཁྱབ་ཆེན་པོ་ནས༔ ལྷུན་གྲུབ་སྒྱུ་འཕྲུལ་རོལ་པའི་གདངས༔ གང་འདུལ་ཐབས་ཀྱི་སྐུར་སྟོན་པའི༔ རྒྱལ་བ་སྲས་བཅས་གཤེགས་སུ་གསོལ༔ བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ༔ གདོད་ནས་རང་སྣང་བཀོད་པ་ཀུན༔ དཀྱིལ་འཁོར་གསུམ་དུ་ལྷུན་གྱིས་གྲུབ༔ གཉིས་མེད་རང་བྱུང་རོལ་པ་ཆེ༔ མངོན་གྱུར་ཆེན་པོར་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ལ༔ ཧཱུྃ༔ མཚན་མ་ཚིག་དང་བྲལ་བའི་མཁར༔ ཤེས་རབ་ཡེ་ཤེས་ཉི་གཞོན་ཤར༔ མ་རིག་ཉོན་མོངས་བདུད་འཇོམས་པའི༔ བཅོམ་ལྡན་འདས་ལ་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ལ༔ ཧཱུྃ༔ ཡུལ་དྲུག་འདོད་ཡོན་སྣང་བའི་ཆོས༔ ཕྱི་ནང་གསང་མཆོད་རྒྱན་དུ་ཤར༔ ཡེ་ཤེས་རོལ་པའི་སྟོབས ཀྱིས་བརླབས༔ མི་ཟད་ནམ་མཁའ་མཛོད་དུ་སྤེལ༔ རྒྱལ་བའི་དཀྱིལ་འཁོར་དགྱེས་ཕྱིར་འབུལ༔ བསོད་ནམས་ཚོགས་གཉིས་རྫོགས་གྱུར་ཅིག༔ ཨོཾ་བཛྲ་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེེ་ཝིདྱ་ཤཔྡ་པཱུ་ཛ་ཧོཿ རཱུ་པ་ཤཔྡ་གནྡྷེ་རཱ་ས་སྤཪྴ་སརྦ་པཱུ་ཛ་ཧོཿ མ་ཧཱ་སརྦ་པཉྩ་རཀྟ་བ་ལིཾ་ཏ་བོ་དྷི་ཙིཏྟ་ཏ་ན་ག་ན་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ རྫོགས་པའི་སངས་རྒྱས་བཅོམ་ལྡན་འདས༔ གདུལ་བྱ་འདུལ་མཛད་ཆུ་ཟླའི་གར༔ གཏི་མུག་གཟུགས་ཀྱིས་མ་རིག་འཇོམས༔ ཁྲོ་རྒྱལ་ཁྱོད་ལ་ཕྱག་འཚལ་བསྟོད༔ ཡེ་ཤེས་ཁྱུང་ཆེན་སྐུ་ཡི་དབྱིངས༔ པདྨ་དབང་ཆེན་གསུང་གི་དབྱིངས༔ རྡོ་རྗེ་གཏུམ་པོ་ཐུགས་ཀྱི་དབྱིངས༔ ཡོངས་འདུས་དཔལ་ལ་ཕྱག་འཚལ་བསྟོད༔ ཡེ་ཤེས་རང་གདངས་འཁོར་དུ་ངོམས༔ མཐུ་སྟོབས་ནུས་པའི་ བྃ༔ རང་གཟུགས་ཀྱིས༔ ལས་མཁན་ཕོ་ཉ་དྲག་ཤུལ་ཅན༔ སྒྱུ་འཕྲུལ་འཁོར་གྱི་རོལ་པར་བསྟོད༔ དེ་ནས་བཤགས་པ་བྱ་བ་ནི༔ ཧཱུྃ༔ བདག་ནི་ཚེ་རབས་ཐོག་མེད་ནས༔ གཟུང་འཛིན་འཁྲུལ་པའི་དབང་གྱུར་ཏེ༔ ཡེ་ཤེས་རང་ཞལ་སྒྲིབ་པའི་སེམས༔ འཁོར་འདས་དག་མཉམ་ཆེན་པོར་བཤགས༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་བརྗོད༔ དེ་ནས་སྔགས་ཀྱི་དམིགས་གནད་ནི༔ ཧཱུྃ༔ བདག་ཉིད་གཤིན་རྗེ་གཤེད་ཆེན་པོའི༔ ཐུགས་གསང་ཉི་ཟླའི་གྭའུའི་ནང་༔ ཧཱུྃ་མཐིང་ཉིད་ལ་སྔགས་ཀྱིས་བསྐོར༔ ཡིག་འབྲུ་རང་ལས་རང་གི་སྒྲ༔ འབྲུག་སྟོང་དུས་གཅིག་ལྡིར་བ་བཞིན༔ སྣོད་བཅུད་འབར་འཁྲུགས་ཤིག་ཤིག་འགུལ༔ འོད་ཟེར་མེ་སྟག་ལྟ་བུ་ཡིས༔ ཀླུ་གཉན་ས་བདག་གདོན་གྱི་རིགས༔ ནད་དག་ཆུ་སེར་གྲིབ་དང་བཅས༔ སྦུར་མ་མེ་ལ་བསྲེགས་བཞིན་བསྒོམ༔ ཨོཾ་ཕེ་ལཾ་ཧཱུྃ༔ དྲག་ཤུལ་ཕྲིན་ལས་སྔགས་དམིགས་ལ༔ ཧཱུྃ༔ རང་ཉིད་དྲག་པོའི་ཐུགས་ཀ་རུ༔ མེ་དཔུང་དྲི་ངན་བཙན་དུག་གི༔ འབར་འཁྲིགས་རབ་འཐུལ་འུར་ཆེམ་སྒྲ༔ བསྐལ་པ་དུས་མཐའི་མེ་ལྟ་བུས༔ གཏི་མུག་ཀླུ་གཉན་ས་བདག་གདོན༔ རྩྭ་སྐམ་དག་ལ་མེ་མཆེད་བཞིན༔ རྗེས་ལྷག་མེད་པར་བསྲེག་པར་བསྒོམ༔ ནག་པོ་ཏི་པ་ཙ་ཡ་ནཱ་ག་རཱ་ཙ་ཧཱུྃ་ཕཊ༔ བསྐྱེད་དང་དམིགས་པའི་གནད་ལྡན་ན༔ མཆོག་ཐུན་དངོས་གྲུབ་མྱུར་ཐོབ་ཅིང་༔ སྲིད་པ་གསུམ་ལས་རྣམ་པར་རྒྱལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། 370 T11612 - 374 ཆོས་ཉིད་ནམ་མཁའི་ཀློང་མཛོད་ལས༔ ཐུགས་རྗེ་ཆེན་པོའི་སྒྲུབ་པའི་ཆ་ལག་བྱིན་འབེབས་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ །གསྱཀྶཾ_UNKཿ སྤོས་བསྲེགས་རོལ་མོ་སྣ་ཚོགས་དཀྲོལ༔ རང་རང་རྣམས་ཀྱི་དད་པ་དང་མོས་གུས་གདུང་བ་དྲག་པོའི་ཤུགས་བསྐྱེད་པ་དང་༔ ཆབ་གཅིག་ཏུ་སྙིང་ག་ནས་འོད་དང་འོད་ཟེར་དཔག་ཏུ་མེད་པ་འཕྲོས་པས་འཕགས་མཆོག་ཐུགས་རྗེ་ཆེན་པོ་ལ་སོགས་པའི་ཞི་ཁྲོ་རྡོ་རྗེ་དབྱིངས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་སྐུ་གཟུགས་དང་ཡི་གེ་དང་ཕྱག་མཚན་སྣ་ཚོགས་པའི་རྣམ་པར་བྱུང་ནས་བདག་དང་སྒྲུབ་རྫས་རྣམས་ལ་ཐིམ་པས་དབང་བྱིན་དངོས་གྲུབ་ཐམས་