Tibetan
།དང་པོ་ཉམ་ཆུང་སྐྱབས་མེད་ཀྱང་། །མཐའ་མ་གཞན་ལས་ཁྱད་འཕགས་འབྱུང་། །ཀུན་གྱིས་བསྟོད་ཅིང་བཀུར་གནས་བྱེད། །རང་གི་ལས་T11619 - 094 ༄༅། །འབྲེལ་གདུལ་བྱ་ལ། །ཕན་ཐོགས་ཐར་ལམ་ལ་འདྲོང་ངེས། །ང་ཡིས་བསྒོས་པ་ཇི་བཞིན་མཛོད། །ཁྱོད་ཀྱི་སྐྱིད་མགོ་ཚུགས་པ་ཡིན། །ལོངས་སྤྱོད་ཡར་ངོའི་ཟླ་ལྟར་འཕེལ། །འདོད་དོན་ལྷ་དང་སྲུང་མས་བསྒྲུབ །གྲོགས་ནི་མ་དང་མཁའ་འགྲོས་བྱེད། །སེམས་ལ་ཞོག་ཅིག་སྐལ་ལྡན་བུ། །ཞེས་ཟེར་ཞིང་། དེ་ལྟར་སྨར་གྱི་རྦ་གཏེར་ཞེས་བྱ བའི་བྲག་སྒམ་འདྲ་བ་ན་ས་ར་ཧའི་ཕྱག་ཕྲེང་དང་བྱེ་མ་ཨ་ཀྲོང་ལས་གྲུབ་པའི་སྒྲོལ་མའི་འདག་སྐུ་གཏེར་གྱི་ཁ་བྱང་དང་བཅས་པ་ཡོད་པས་མི་འགྱང་མྱུར་དུ་དེར་སོང་ཞིག་ཅེས་ལུང་བསྟན་པ་བཞིན་དབྱར་ཟླ་ཐ་ཆུང་གི་ཚེས་བཅུའི་ཉིན་རྦ་གཏེར་བྲག་གི་ཚལ་དུ་ཕྱིན་པས་སླེབས་པ་དང་བྲག་མཐོ་སྐོར་ཙམ་ཞིག་ཆད་ནས་བྱུང་།དེའི་ཤུལ་དུ་བལྟས་པས་སྒྲོལ་མའི་འདག་སྐུ་དང་ལ་ཆའི་སྒྲོམ་བུ་ཕྲེང་བ་རྙིང་པ་ཡིད་དུ་མི་འོང་བ་ཞིག་བཅས་སོལ་ཕུང་ནང་ན་འདུག་པ་བཏོན་ཅིང་། སྒྲོམ་དེའི་ནང་ན་ཤོག་དྲིལ་ཞིག་འདུག་པའི་ངོས་ལ་བལྟས་པས་དངུལ་རྒོད་ཞེས་བྱ་བའི་བྲག་བྱ་ཁྱུང་འདྲ་བའི་མགུལ་ན་ཁ་བྱང་ཡོད་ཅེས་བྲིས་པ་མཐོང་ཞིང་གནས་དེར་སོང་བས་སླེབས་མ་ཐག་ཏུ་ཉི་མ་སྤྲིན་ཆར་འདྲེས་པའི་ངང་ནས་འཇའ་ཚོན་འོད་ཀྱི་དྲྭ་བ་འཁྲིགས་པའི་དབུས་སུ་མི་ ནག་པོ་སེང་གེའི་མགོ་ཅན་རྟ་ནག་རྟིང་དཀར་ལ་ཞོན་པ་ལག་ན་མདུང་དར་ཐོགས་པ་ཞིག་གིས་བྲག་ངོས་སུ་མདུང་དར་གྱིས་བརྡེག་པའི་མོད་ལ་བྲག་སྲུབ་གས་པའི་ནང་ན་ཤོག་དྲིལ་ཞིག་འདུག། དེར་བལྟས་པས་དེའི་ངོས་སུ་ས་མོ་ལུག་གི་ལོ་དགུན་འབྲིང་པོའི་ཚེས་བཅུའི་ཉིན་གསེར་སྨད་རྡོ་རྗེ་བྲག་ནས་གཏེར་འབྱིན་པའི་དུས་དང་གཏེར་ཚབ་སྲུང་མ་ལ་གཏང་རག་གི་གཏོར་མ་དང་དཔའ་བོ་མཁའ་འགྲོ་ལ་ཚོགས་མཆོད་འབུལ་དགོས་ཚུལ་རྣམས་འདུག་པས། དེ་ནང་བཞིན་དགུན་ཟླ་ར་བའི་ནང་དུ་ཕ་ཡུལ་ལ་སླེབས་པར་བྱས། དགུན་འབྲིང་པོའི་ཚེས་དགུའི་ཉིན་གྲོགས་བདེ་ཆེན་ཞེས་བྱ་བ་ཁྲིད་དེ་བླ་མ་མཚན་བཟང་གི་མདུན་དུ་སོང་ནས་ང་རང་ལ་གཏེར་ཚབ་ཏུ་གཞུག་རྒྱའི་བུམ་གཏེར་བཟང་པོ་ཞིག་གནང་བའི་བཀའ་དྲིན་ཞུ་ཞུས་པས།བླ་མས་ཀྱང་གཏེར་བུམ་གྱི་རྫས་ཚུལ་བཞིན་དུ་བསྡུས་ཏེ་ཆུ་དར་སྔོན་པོ་ཞིག་གིས་དྲིལ་ནས་གནང་བྱུང་། དེའི་ཕྱི་ཉིན་ཚེས་བཅུའི་ནང་མོ་གཏེར་ལེན་དུ་ཕྱིན་པ་ན་གསེར་སྨད་རྔ་ལ་སྟག་རྩེའི་རི་ངོགས་མཐོང་ཚེ་བྲག་རི་ནགས་ཚལ་ཐམས་ཅད་འཇའ་ཚོན་གྱིས་གཡོགས་ཏེ་ས་རྡོ་ཤིང་གི་རང་བཞིན་མི་སྣང་བ་ཙམ་དུ་གྱུར་ཅིང་དགའ་སྤྲོ་ཚད་མེད་པ་སྐྱེས་བཞིན་སོང་བས་ཤྭ་བྲག་རྡོ་རྗེ་ཞེས་བྱ་བའི་འདབས་སུ་སླེབས་ ༄༅། །པ་དང་། གླ་བ་ཞིག་རྙིས་བཟུང་འདུག་པ་ལས་བཏོན་ཏེ་བཏང་བ་ན། བདེ་ཆེན་ན་རེ། འདི་རྟེན་འབྲེལ་ཅི་འདྲ་ཡིན ཅིའི་ལྟས་ལགས་ཟེར་བ་ལ། རྟེན་འབྲེལ་ཤིན་ཏུ་ལེགས་ཏེ་མ་འོངས་པའི་དུས་སུ་གདུལ་བྱ་སྐལ་བ་དང་ལྡན་པ་རྣམས་རི་དྭགས་རྒྱ་ལས་གྲོལ་བ་ལྟར་འཁོར་བ་དང་ངན་སོང་གི་གནས་ལས་འདྲོངས་པའི་ལྟས་ལགས་པས། ངའི་གཏེར་ཆོས་ཀྱིས་འགྲོ་དོན་རྒྱ་ཆེན་པོ་འབྱུང་ངེས་ཡིན་ནོ་ཞེས་སྨྲས། དེ་ནས་ཚོགས་སྐོང་བརྒྱ་ཕྲག་དང་མཆོད་གསོལ་ཅི་མང་བཏོན་རྗེས་གྲོགས་ཉིད་བྲག་གི་རྩ་བར་འདུག་ཏུ་བཅུག་ནས་ཁྱོད་ཀྱིས་ཚིག་བདུན་གསོལ་འདེབས་རྒྱུན་མ་བཅད་པར་ཐོན་ཅིག་ཅེས་བསྒོས་ཏེ། བདག་ཉིད་རིག་པ་དབྱིངས་སུ་གཏད་པའི་མོད་ལ། བྲག་ཁང་པའི་སྒོ་ལྟ་བུ་ཞིག་གི་ནང་ནས་གཟུགས་མི་མཐོང་ཡང་མོ་སྐད་ཕྲ་ཞིང་གསེང་བ་ཞིག་གིས ཨེ་ཨེ་མ། སླེབས་སླེབས་མགྲོན་པོ་སླེབས་བྱུང་།སྦྱིན་སྦྱིན་ཁྱོད་ལ་སྦྱིན་དང་། །ཤ་དགོ་སྒང་རྒྱུད་བགྲོད་བཞིན། །གང་དང་ཐུག་འཕྲད་མེད་པར། །འགྲོ་བའི་ཐབས་ལ་མཁས་ན། །རྟེན་འབྲེལ་མཆོག་ཏུ་ལེགས་འོང་། །ལ་ནས་ལུང་དུ་བབས་ཚེ། །ཁ་ཤོའི་མི་དང་འཕྲད་ན། །ཁ་མཆུ་འབྱུང་བའི་ལྟས་ཡིན །ལྟ་བ་ མི་ཤེས་གཏེར་སྟོན། །རྟེན་འབྲེལ་འགྲིག་དུས་དཀོན་སྲིད། །གསེར་སྨད་རྡོ་རྗེའི་བྲག་ལ། །གཏེར་ཁ་མང་དུ་ཡོད་ཀྱང་། །ཁྱོད་ལ་རིག་མ་མ་འབྱོར། །སྐྱོན་དེས་ཕྱེད་ལས་མི་སྦྱིན། ཕྱེད་ཁ་ཙམ་འདི་ཁྱེར་ལ། །གཏེར་ཚབ་བཟང་པོ་སྦོས་ཤིག །ཅེས་ཟེར་ཞིང་སྒྲ་དེ་མི་སྣང་བར་གྱུར། བདེ་ཆེན་ན་རེ། མོ་སྐད་ཞིག་སི་ལི་ལི་གྲགས་སྣང་ཤར་བ་དེ་ཅི་ཡིན་ཟེར། བདག་གིས་ང་ལ་གླུ་ལེན་གྱིན་འདུག་སྨྲས་ཏེ། རིམ་བཞིན་བྲག་གི་ཐེམ་པ་ལ་འཛེག་ནས་ཕྱིན་པ་ན་བདེ་ཞིང་འཇམ་པའི་སྣང་བས་མཐོ་དམན་གཞུ་འདོམས་ལྔ་ཙམ་གྱི་སར་སླེབས་པའི་ཚེ། བྲག་སྲུབ ཟླ་གམ་པ་ཞིག་འདུག་པ་ལ་གཟོང་གིས་བརྒྱབ་ནས་སྒོ་ཕྱེས། དེའི་ནང་དུ་སོལ་བ་མང་དུ་སྤུངས་པའི་དཀྱིལ་ན་ཤུག་པ་དང་གྲོ་གའི་ཤུན་པའི་ནང་དུ་སྒྲོམ་བུ་མང་པོ་ཡོད་པ་མཐོང་ཡང་ལན་གསུམ་ལྷག་ལེན་མི་རུང་བའི་ཚུལ་ཁ་བྱང་ནས་བཤད་པ་ལྟར་ལན་གསུམ་དུ་བླངས་པས་སྒྲོམ་བུ་བདུན་ཕྲག་ཙམ་ལག་ཏུ་བྱུང་། སྐུ་གསུང་ཐུགས་རྟེན་མང་དུ་མཐོང་ཡང་ཆོས་བདག་དང་རིག མ་རྣམས་མ་འཛོམ་པའི་དབང་གིས་མ་ལེན། དེ་རྗེས་གཏེར་ཚབ་བཞག་ཅིང་སྔར་ཇི་ལྟ་བ་བཞིན་སྦས་རྒྱ་བྱས་ཏེ། བྲག་གི་རྩ་བར་མར་སླེབས་པ་ན་ཕྱིར་བལྟས་བྱས་པས་ཐེམ་སྐས་རྣམས་T11619 - 098 ༄༅། །ཀྱང་མི་སྣང་བར་གྱུར་ཏོ། །དེར་གྲོགས་བདེ་ཆེན་གྱིས་ཁོ་བོའི་མགོ་ཐོག་ཏུ་གཏེར་རྫས་རྣམས་ཞོག་ལ་སྨོན་ལམ་ཐོབ་ཅེས་ཟེར་བ་ལ་སྨོན་ལམ་བཏབ་ཅིང་། དེ་ནས་ཕྱིར་ལོག་སྟེ་འོང་བའི་ལམ་ཁ་རུ་མི་ཁ་ཤོ་ཞིག་འགྲོ་བ་དང་འཕྲད་བྱུང་བ་ན། བདེ་ཆེན་གྱིས་འདི་རྟེན་འབྲེལ་ཅི་འདྲ་ཟེར་བ་ལ རང་ཅག་གཉིས་མྱུར་དུ་ཞལ་ལྕེ་ཞིག་ལ་ཐུག་པའི་ལྟས་ཡིན་འདྲ་སྨྲས དེ་ནུབ་མཁའ་འགྲོ་མ་རུས་པའི་རྒྱན་དྲུག་གིས་སྤྲས་པ་ཞིག་བདག་གི་ཐད་དུ་བྱུང་བ་ལ། ཁྱོད་སུ་ཡིན་དྲིས་པས་མོ་ན་རེ། ང་ནི་བསིལ་བའི་ཚལ་གྱི་མཁའ་འགྲོ་ཀུན་རྒྱུ་མ་ཞེས་བྱ་བ་ཡིན། ཁྱོད་ཀྱིས་ཅི་བསམ་འདུག་ཟེར་བ་ལ ཁར་སང་མི་ཁ་ཤོ་ཞིག་དང་འཕྲད་པ་དེ་ཅི་ཡིན་བསམ་འདུག་སྨྲས་པས། མོ་ན་རེ། ཆཻ། མགྱོགས་པའི་རྟ་ལ་ཞོན་པ་དེ།། བདེ་ཆེན་མྱུར་ལམ་བགྲོད་པའི་ལྟས། །རྒྱབ་ཏུ་སྨན་ཁུག་ཁུར་བ་ནི །འཁོར་བའི་གཅོང་ནད་སེལ་བའི་རྟགས། །སྨོན་ལམ་གྱིས་འབྲེལ་སྐལ་ལྡན་ཀུན། །གྲོལ་བའི་ལྟས་སུ་མིང་དེ་འཛིན། གཞོན་ནུའི་གྲོགས་དང་འགྲོགས་པ་ནི། །རིག་པའི་གྲོགས་དང་འཕྲད་པའི་རྟགས། །ཡ་ཁ་ཤོ་རུ་ཡོད་པ་ནི། །ཁ་མཆུའི་ལ་ཡོག་འབྱུང་བའི་ལྟས། །རྟེན་འབྲེལ་མི་ངན་རྟེན་འབྲེལ་བཟང་། བཟང་ལ་སྐྱོན་ཕྲན་དྲི་མ་ཙམ། །རྣམ་རྟོག་ངན་པའི་སེལ་ཞུགས་པ །ལྟ་བ་དམན་པའི་ལྟས་མིན་ནམ །འཁོར་འདས་སྟོང་ཉིད་ཆེན་པོ་ལ། །སྣང་བ་སྒྱུ་མའི་འཕྲུལ་སྣང་ཤར །དེ་དོན་ཤེས་ན་ཅི་ལ་གནོད། །དེ་ལྟར་ཤེས་པ་གནད་དུ་ཟུངས། །ཞེས་ཟེར་ཞིང་མི་སྣང་བར་ཡལ་སོང་། སྐབས་དེར་ཨ་བོ་ཆུང་ཡོས་མི་སྡེ་སྐྱ་སེར་ཀུན་ནས་དགུན་ལུག་ཟླའི་ནང་དུ་རི་ཐང་ཐམས་ཅད་འཇའ་ཡིས་གང་ལུགས་ལ་བལྟས་ན་ངེད་ཀྱི་གཞི་བདག་ལ་ཤིན་ཏུ་མ་ལེགས་པ་ཞིག་བྱས་ཡོད་ངེས་ཡིན་འདུག་པས་ཁྱོད་ཀྱིས་གཏེར་ནས་གང་བཏོན་ཐམས་ཅད་ངེད་ལ་མ་སྤྲད་ན་དམག་གི་ལས་ཀ་ཞིག་མི་བྱེད་རེ་ཟེར་བ་བྱུང་ཚེ ཨོ་རྒྱན་ཆེན་པོས། ལས་འཕྲོ་ང་ཡི་གཏེར་དང་འཕྲད་པའི་ཚེ༔ རྒྱ་བོད་ལྷ་འདྲེ་མ་རུངས་ཐམས་ཅད་འཚོགས༔ ལེགས་པ་ལྟར་བསྟན་ཉེས་པ་སྣ་ཚོགས་གཏོང་༔ ཀི་སྒྲ་དི་རིར་ཧབ་ཤ་བྱེད་པ་འབྱུང་༔ གསུངས་པ་ལྟར་ལོས་ཡིན། ཁྱོད་རང་ཚོས་དམག་དྲོང་ལ་ཤོག་དང་གཟོ་ཐབས་ལེགས་པོ་ཡོད་ཅེས་སྨྲས་ནས་རང་ས་བཟུང་བཞིན་བསྡད་པས་དམག་ཀྱང་མ་བྱུང་ལ་གྱོད་ཁ་རང་ཡལ་དུ་སོང་། དེ་རྗེས་ཤར་མགོ་ལོག་གི་ཡུལ་དུ་ཕར་ཕྱིན་པ་དང་ཆོས་བདག་ཕུན་ཚོགས་བཀྲ་ཤིས་དང་། ངག་དབང་རྒྱ་མཚོ་གཉིས་ ༄༅། །ཀྱིས་ད་ནི་གཏེར་ཆོས་རྣམས་གཏན་ལ་འབེབས་དགོས་ཟེར་བ་ལ། ད་དུང་མི་ལོ་དྲུག་གི་བར་དུ་བཀའ་རྒྱ་བྱེད་དགོས་སྨྲས་ཏེ་ཤོག་སེར་རེ་ཞིག་མ་ཕབ་པར་བཞག་གོ། །དེ་ནས་རང་ལོ་ཉེར་དྲུག་ལ་བབས་སྐབས་བུ་ཆུང་རྟ་ཤུལ་གྱི་ནང་དུ་རྙེད་ཚོལ་ལ་ཕྱིན་ཚེ་མཁའ་འགྲོའི་ལུང་བསྟན་མང་དུ་བྱུང་བ་ཐམས་ཅད་ཐོག་ཏུ་མི་ཁེལ་བ་གཅིག་ཀྱང་མ་བྱུང་། བར་སྐབས་ཤིག་ཏུ། སེ་ཕུང་ནག་པོ་ཞེས་བྱ་བ། །ཨོ་རྒྱན་ཆེན་པོས་མ་ཐུལ་བའི། །ལས་ངན་བདུད་རྗེ་ནག་པོ་འབྱུང་། །ཧོར་སྡེ་མངའ་འོག་བསྡུས་ནས་སུ །ལ་ལུང་མང་པོ་མངའ་དབང་བྱེད། །བདུད་ཀྱི་བློ་ཡིད་སློང་བྱེད་པའི། །བར་སྣང་གློག་མ་སྤྲིན་ཞེས་པ། །སྨོན་ལམ་ལོག་པའི་སྐྱེས་བུ་ཡོད། །རྨ་རྡོ་གསེར་ལ་རྒོལ་སེམས་དུས། །སྟོད་ནས་ཁ་སྐྱ་མདའ་ལ་འབབས། །སྨད་ནས་མཚོ་སྔོན་གྱེན་དུ་འཕྱུར། །བདུད་བྲག་ནག་པོ་རྨང་ནས་བསྒྱེལ། །སྟོད་སྨད་གཉིས་ལ་འགྲིམ་སྒོ་འབྱེད། །ཅེས་མཁའ་འགྲོ་མ་ཀུན་ཏུ་སྣང་བྱེད་མས་སྨྲས་ཤིང་སོང་རང་ལོ་ཉེར་བདུན་ལ་བབས་པ་ཆོ་འཕྲུལ་ཟླ་བའི་ཚེས་བཅུའི་ནུབ་མཁའ་འགྲོ་མ་སེར་མོ་མིག་ཟླུམ་ཞིང་མདོག་རྨ་བྱའི་སྒྲོ་ཐིག་ལྟ་བུ་གཡས་ན་རྦ་མཁར་དང་གཡོན་ན་བསེ་ཕོར་འཛིན་པ་ཞིག་ བདག་གི་ཐད་དུ་བྱུང་ནས བུ་ཁྱོད་དང་ང་གཉིས་བསྡེབས་ནས་ལྷོ་ཕྱོགས་འདུ་བ་ཅན་གྱི་སྐྱེད་ཚལ་དུ་ཨེ་འགྲོ་ཟེར་བ་ལ། བདག་གིས་འགྲོ་འགྲོ་སྨྲས་ནས་ཕྱིན་པའི་མོད། ས་གཞི་ཐམས ཅད་འོད་དང་འཇའ་རིས་ཀྱིས་གང་ཞིང་ཁྱབ་པ ནམ་མཁའ་ལའང་འཇའ་དང་འོད་ཀྱི་དྲྭ་བ་མིག་མང་རིས་སུ་བྲེས་པ། བར་སྣང་ནས་མེ་ཏོག་སྣ་ཚོགས་ཀྱི་ཆར་པ་སིལ་མར་འབབས་པའི་སྐྱེད་མོས་ཚལ་ཆེན་པོ་ཞིག་ན་རིན་པོ་ཆེའི་ཁྲི་དཔངས་མཐོ་བ་རེའི་སྟེང་དུ་བསྐལ་པ་བཟང་པོའི་སངས་རྒྱས་སྟོང་ཡིན་པར་སྐད་པའི་སྟོན་པ་སྤྲུལ་སྐུའི་ཆ་ལུགས་ཅན་རིགས་ལྔ་རང་རྟགས་ཀྱི་ཕྱག་རྒྱ་མཛད་པ་འཇའ་ཚོན་འོད་ལྔའི་ཀློང་ན་བཞུགས་པ་ཤ་སྟག་དང་མཇལ་བའི་ཚེ་དེ་དག་གི་དབྱངས་གཅིག་གིས་འདི་སྐད་གསུངས། བུ་ཁྱོད་ཀྱིས་ལུང་འདི་ཉོན་ཅིག་གསུངས་ནས་ཕྱག་གཡོན་པ་རྣམས་ཀྱིས་པུསྟི་རེ་ཐོགས་པའི་ལུང་རྣམས་འུར་སྒྲ་དང་བཅས་ཏེ་གསུངས་ནས། བདག་ཅག་གི་བཀའ་རྣམས་མ་ལུས་པ་རྫོགས་པ་ཡིན་ནོ། །ཁྱོད་ཀྱིས་ཡིད་ཆེས་པར་མཛོད་ལ་འདི་དག་གི་སྙིང་པོ་བཅུད་དུ་དྲིལ་བའི་མན་ངག་རྣམས་གདུལ་བྱའི་དོན་དུ་ཡི་གེར་ཐོབ་ཅིག་ད་ནི་ཆོས་ཉིད་ནམ་མཁའ་མཛོད་ཀྱི་དགོངས་པ་ཀློང་ནས་བརྡོལ་བར་འགྱུར་རོ། །ཞེས་གསུངས ༄༅། །ནས་རྟེན་དང་བརྟེན་པ་ཐམས་ཅད་བདག་ལ་ཐིམ་ནས་མི་སྣང་བར་གྱུར་ཏོ། །དུས་དེ་ནས་བཟུང་སྟེ་འཁོར་འདས་ཀྱིས་བསྡུས་པའི་ཆོས་ཐམས་ཅད་རྒྱ་མཚོའི་ནང་གི་གཟའ་སྐར་ལྟ་བུར་བདག་གི་སྣང་བ་ཆེན་པོའི་དབྱིངས་སུ་འུབ་ཏུ་འདུས་ཤིང་ཡོངས་སུ་ཆུབ་པའི་ངང་མངོན་དུ་གྱུར་པ་དང་། སེམས་ཀྱི་འདུན་པ་གང་ལ་གཏད་པ་ཙམ་གྱིས་གང་ལ་གང་དགོས་པའི་ཆོས་ཚིག་རྣམས་སྤར་གྱིས་བཏབ་པ་བཞིན་རང་བརྡོལ་བ་བྱུང་ངོ་།།ལོ་ཁྱིམ་དེའི་དབྱར་འབྲིང་པོའི་ཚེས་བཅུ་བདུན་གྱི་ནུབ་རྨི་ལམ་དུ་བུད་མེད་དམར་མོ་ལྭ་བ་སྔོན་པོ་གྱོན་པ་ཞིག་བདག་གི་ཐད་དུ་བྱུང་ནས། བུ་ཁྱོད་འགྲོ་ཟེར་བ་དང་ཆབ་གཅིག་ཕྱིན་པས་ཤིན་ཏུ་ཉམས་དགའ་ཞིང་ཡིད་གདུང་བའི་གནས་ཞིག་ཏུ་སླེབས། དེ་ན་འཕགས་པ་ཀླུ་སྒྲུབ་ཡིན་སྐད་པའི་དགེ་སློང་གཟུགས་བྱད་རབ་ཏུ་མཛེས་པ་ཞིག་ལ་དགེ་སློང་སྟོང་དང་སུམ་བརྒྱས་བསྐོར་བ་ཀུན་གྱིས་ཕྱག་ན་ཡི་གེ་པུསྟི་རེ་ཐོགས་ཏེ་འདི་སྐད་གསུངས། ཀྱེེ་ཧོ་སྐལ་ལྡན་རིགས་ཀྱི་བུ། །གནས་འདི་རྒྱ་གར་རྡོ་རྗེ་གདན །བདག་ཅག་རྒྱལ་བའི་སྲས་མཆོག་སྟེ །ཁྱོད་ནི་རྒྱལ་བའི་རྒྱལ་ཚབ་ཡིན །ཚེ་རབས་ཐོག་མ་མེད་དུས་ནས། །འདོད་ཡོན་ལྔ་ཡི་ཆོས་སོ་ཅོག །བདག་ཏུ་མ་བཟུང་ གཅིག་ཀྱང་མེད། །དེ་དག་བློ་ཡིས་བླངས་ནས་སུ། །ཆོས་ཀྱི་ཡོན་དུ་ཕུལ་མཛོད་དང་། །སེམས་ཀྱི་ལོངས་སྤྱོད་མི་ཟད་གཏེར། །འདི་ནི་བླ་མེད་མཎྜལ་མཆོག །ཅེས་གསུངས་པས བདག་གིས་མཎྜལ་འབུལ་ཚིག་གང་ལགས་ཞུས་པའི་ལན་དུ་ཤློ་ཀ་འདི་གསུངས་སོ། །ཨོཾ་ཨཱཿཧཱུྃ ཚེ་རབས་དུ་མར་སྣང་བའི་ཆོས་སོ་ཅོག །རིན་ཆེན་རིན་ཐང་བྲལ་བའི་ལུས་སེམས་དང་། །ལྷ་ཀླུ་མི་ཡི་ལོངས་སྤྱོད་བཀོད་པ་འདི། །ཚོགས་གཉིས་རྫོགས་ཕྱིར་དཀོན་མཆོག་གསུམ་ལ་འབུལ། །ཏྲཾ་གུ་རུ་རཏྣ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཨཱཿཧཱུྃ། ཞེས་གསུངས་བཞིན་བདག་གིས་དེ་སྐད་ཕུལ། སླར་ཡང་དེ་དག་གི་ཞལ་ནས་ཁྱོད་ཀྱིས་ཉོན་ཅིག་གསུངས་ཤིང་གླེགས་བམ་དེ་རྣམས་ཀྱི་ལུང་མགྲིན་གཅིག་ཏུ་གསུངས་མཐར་གཙོ་བོ་ཉིད་ཀྱི་ཞལ་ནས་ཚིགས་སུ་བཅད་པ་འདི་སྐད་དོ། །ལུང་རྣམས་མ་ལུས་ཡོངས་སུ་རྫོགས་པ་ཡིན །མདོར་ན་བཀའ་དང་བསྟན་བཅོས་གྲངས་མང་ཡང་།རྣམ་མཁྱེན་ཤེས་རབ་ཕ་རོལ་ཕྱིན་ལ་འདུས། མངོན་བྱང་ཕྱིར་དུ་བསྐྱེད་དང་རྫོགས་པ་གཉིས །ཐབས་ཀྱི་མཇུག་སྒོ་དུ་མའི་ཚུལ་དུ་བསྟན །དཔེར་ན་ཡངས་པའི་གྲོང་ཁྱེར་ཆེན་པོ་ཡི། །ཕྱོགས་མཚམས་ལམ་རྣམས་གང་ནས་ཕྱིན་གྱུར ༄༅། །ཀྱང་། །གྲོང་ཁྱེར་ཆེན་པོ་དེ་རུ་སླེབས་པ་བཞིན། །ཆོས་ཀུན་ཆོས་ཉིད་གཅིག་ཏུ་མདོར་འདུས་ཕྱིར། །ཆོས་ཉིད་མི་ཟད་ནམ་མཁའ་མཛོད་དུ་གྲགས །དེ་ཕྱིར་འགྲོ་ཀུན་རྣམ་པར་གྲོལ་བའི་ཆོས། །རྫོགས་པ་ཆེན་པོ་འབྲས་བུ་བླ་ན་མེད །མ་ཧཱ་ཡོ་གའི་མྱུར་ལམ་ཐབས་ཟབ་མོ། །ཕྱོགས་ཀྱི་ཆུ་མིག་ཆུ་ཕྲན་གྲངས་མང་བ། །རྒྱ་མཚོ་ཆེན་པོར་རོ་གཅིག་འདྲེས་པ་ལྟར། །ཆོས་རྣམས་མ་ལུས་བདེན་པ་གཉིས་སུ་འདུས། །བདེན་གཉིས་དབྱེར་མེད་རྫོགས་པ་ཆེན་པོར་འདུ། །དེ་དོན་ཤེས་ན་ཆོས་ཉིད་བདེན་པ་མཐོང་། །གནད་དེས འབྲེལ་ཚད་རིག་འཛིན་ས་རུ་སྐྱེལ། །དོན་དེ་གཞན་ལ་སྟོན་དང་འགྲོ་བའི་དོན། །རླབས་ཆེན་གཞན་ན་མེད་དོ་ཤེས་པར་མཛོད། །ཅེས་གསུངས་མ་ཐག་རྨི་ལམ་དབྱིངས་སུ་སད་པ་བཞིན་དུ་ཡལ་སོང་། འདི་ནས་ཆོས་ཉིད་ནམ་མཁའ་མཛོད་ཀྱི་ཀློང་བརྡོལ་ཞིང་བསྐྱེད་རྫོགས་ལམ་གྱི་རིམ་པ་ཇི་ལྟ་བ་བཞིན་ཁོང་དུ་ཆུབ་པར་གྱུར་ཏོ། །དེ་ནས་རང་ལོ་ཉེར་བརྒྱད་ཁྱིའི་ལོ་ཁྱིམ་ལ བབས་ཚེ་མཁའ་འགྲོ་མ་མེ་རི་འཛིན་བྱེད་ཡིན་ཟེར་བ་ཞིག་ན་རེ། ཁྱོད་འབྲོས་ཕུག་མཁའ་འགྲོའི་འདུ་ཁང་དུ་སྒྲུབ་པ་ལ་ཞུགས་ན་ཚེ་མཇུག་ཏུ་ལོངས་སྤྱོད་དང་མངའ་ཐང་རྒྱས་པར་འགྱུར། ཞེས་ཟེར་ཞིང་ཡང་འདི་ལྟར། ཨ་ཧོ། ཉོན་དང་སྐལ་བཟང་སྐྱེས་བུ། །འབྲོས་ཕུག་མཁའ་འགྲོའི་འདུ་གླིང་། །རྡོ་རྗེ་མཁའ་འགྲོའི་འདུ་ས། །ཞི་བའི་ཕྲིན་ལས་གྲུབ་པའི། །གནས་བཟང་སྐྱིད་པའི་འབྱུང་གནས། །དེ་རུ་སྒྲུབ་པ་བྱས་ན། །ཉམས་རྟོགས་ཡོན་ཏན་འཁྲུངས་ཡོང་། །ཐབས་ཤེས་ཟུང་དུ་འབྲེལ་བའི །རིག་འཛིན་སྔགས་པའི་སྒྲུབ་གནས །བཙུན་མོ་ཁྲི་ལ་འགྱིང་བ། །ཕྱོགས་ནས་འབངས་ཀྱིས་བསྐོར་འདྲ། །གྲྭ་འཁོར་འདུ་བའི་རྟེན་འབྲེལ། །དུར་ཁྲོད་ལྷ་མོ་པུཎྱེ། །རེ་ཞིག་ཕྱག་རྒྱར་བསྟེན་ན། །གཅན་གཟན་ཀུན་གྱི་ཁྱུ་མཆོག །གངས་སེང་དཀར་མོ་ལྟ་བུའི །བུ་མཆོག་དམ་པ་འབྱུང་སྲིད། །དེ་བཞིན་སེངྒེའི་གྲོགས་པོ། །རྒྱ་སྟག་ཁྲ་བོ་ལྟ་བུའི། །བུ་གཅིག་ཡོས་བུས་ཁུར་ཡོང་། །བྲག་བཙུན་སྲིད་པའི་མ་མོ། །ལས་ཀྱི་ཕྱག་རྒྱར་བསྟེན་ན། །ཤར་གྱི་ཉི་མ་གཞོན་ནུ། །ལྷ་མཚམས་གཟི་བརྗིད་ཆེན་པོ། །པ་ཝ་སངས་ལྟར་དཀར་བའི། །བུ་འབྱུང་བསྟན་པ་འཛིན་ཡོང་། །ནོར་རྒྱུན་བུ་མོར་འགྲོགས་ན། །གསེར་གྱི་མཆོད་རྟེན་སེར་པོ། །དུང་གི་ཟླ་རྒྱས་དཀར་པོ། །གནམ་ལྕགས་རྡོ་རྗེ་འབར་བས། །བསྟན་པའི་སྲོག་ཤིང་འཛིན་ཅིང་། །ཡིད་བཞིན་ནོར་བུ་ལྟ་བུར། །ཕྱོགས་ཀྱི་མགྲོན་པོ་ངོམས་པའི། T1619 - 106 ༄༅། །རོ་བརྒྱའི་ཟས་མཆོག་སྟེར་སྲིད །གཞན་ཡང་གནམ་འཕང་གཅོད་པའི། །མཁའ་ལྡིང་ག་རུ་ཆེན་པོས །ཁྱོད་ཀྱི་བསྟན་ལ་གདུང་བཞིན །ངེས་མེད་རི་སུལ བགྲོད་དེ། །ཕྱོགས་མེད་འགྲོ་དོན་འབྱུང་ཡོང་། །མ་ངའི་བརྡ་ཚིག་དེ་ཀ །མ་བརྗེད་སེམས་ལ་ཞོག་དང་། །ཆོས་སྲིད་མངའ་ཐང་རྒྱས་འོང་། །ཞེས་ཟེར་ཞིང་མི་སྣང་བར་ཡལ་སོང་དེ་ལྟར་ལུང་བསྟན་པ་བཞིན་དཔྱིད་ཟླ་ར་བའི་ནང་དུ་དེར་ཕྱིན་ནས་ཟླ་བ་གཅིག་ཙམ་ལ་སྒྲུབ་པ་བྱས་ཚེ་དགེ་ལེགས་ཡ་མཚན་གྱི་ལྟས་བཟང་མང་དུ་བྱུང་བ་ནི། ཞག་བདུན་གྱི་ནུབ་མོ་བརྟན་མ་ཏིང་ལོ་སྨན་གྱིས་གླུ་འདི་ལེན་གྱི ཀྱེེ་ཧོ། ང་ནི་སྲིད་པའི་ཨ་ཕྱི། །བྱང་གི་ཏིང་རུའི་ས་འཛིན། །ཏིང་ལོ་སྨན་ཅེས་གྲགས་ཏེ། །སྔོན་ཚེ་འབྲོག་མིའི་སྐྱེས་བུ། །ཁྱེའུ་ཆུང་ལོ་ཙཱ་ཁྱོད་ཡིན། ཡ་གིའི་བྲག་སྲུབ་རྐོས་དང་།སེར་བའི་འཇིགས་པ་བཟློག་པའི། །སཱ_UNK་ནག་པོའི་ཆོ་ག །རྫས་སྦྱོར་ཟབ་མོ་ཞིག་ཡོད། །སང་ཕོད་གནས་འདིར་སླེབས་ཚེ། །ཁྱོད་ལ་མཚམས་རྒྱག་ཞིག འབྱུང་། །དབྱར་དུས་དཀར་སློང་དང་ནི། །དགུན་དུས་འབྲུ་སློང་མ་གཏོགས། །དཀོར་ལ་རྟག་ཏུ་མ་འབྱམས། །དེང་དུས་བསྐལ་པའི་ཐ་མར། །མི་སྲུན་སྐྱེ་བོའི་ཚོགས་ཀྱིས། །མཐོ་ རློམ་གཏེར་སྟོན་ལ་བརྫུས། །ཚེ་གཅིག་དཀོར་ལ་འབྱམས་ཏེ། །ཟླ་གསུམ་མཚམས་སྒྲུབ་མི་བྱེད། །དེ་འདྲའི་སྤྱོད་ངན་སྤོངས་ལ། །ཨོ་རྒྱན་ཆེན་པོའི་རྒྱལ་ཚབ། །འགྲོ་བའི་དོན་ལ་ཆས པའི། །གཏེར་ཆེན་གོང་མ་རྣམས་ཀྱིས །སྙིང་པོའི་སྒྲུབ་ལ་བརྩོན་ཏེ །དཀོར་བསྡུ་རྙེད་ཚོལ་སྤངས་ནས། །འཆད་དང་ཡིག་རིས་ལྷུར་ལེན །སྐུ་ཚེའི་སྨད་ཆར་སླེབས་ཚེ། །མངའ་ཐང་རྩོལ་མེད་འཕེལ་ཞིང་། །བུ་སློབ་སྐལ་ལྡན་ཕོ་མོའི །འདུ་བ་ཕུན་སུམ་ཚོགས་བཞིན །ཁྱོད་ཀྱང་དེ་ལྟར་རིམ་བཞིན། །ལག་ལེན་ཐོབ་དང་དེ་བཞིན། །འདི་ཕྱིའི་དོན་ཆེན་འགྲུབ་ངེས། །ཞེས་ཟེར་ནས་ཡལ། ཡང་བདུན་ཞག་གསུམ་པའི་ནུབ་འཇའ་སྤྲིན་འོད་གུར་འཁྲིགས་པའི་ཀློང་ནས་ཨོ་རྒྱན་ཆོས་ཀྱི་རྒྱལ་པོ་མདུན་གྱི་ནམ་མཁར་བྱོན་ཏེ། རིགས་ཀྱི་བུ་ཁྱོད་ཀྱི ཚོགས་དང་སྐོང་བ་ལ་འབད་པ་གལ་ཆེ་ཞིང་བཀའ་སྲུང་གཉན་པོ་ལ་གཏོར་མ་མང་དུ་གཏོང་བ་དང་ལོ་བཞིན་ཟླ་སྒྲུབ་དམ་རྒྱ་ཅན་ཆག་མེད་དུ་བྱ་བ་དེ་གསུམ་གནད་དུ་ཟུངས་ཤིག དངོས་གྲུབ་དམ་པ་འདི་ཉིད་ལྷག་མེད་དུ་རོལ་ཞིག །ཅེས་གསུངས་ནས་བདུད་རྩི་ཐོད་པ་གང་གནང་བྱུང་བ་བདག་གིས་ལྷག་མེད་དུ་རོལ་པས་བདེ་བའི་ཉམས་བསམ་གྱིས་མི་ཁྱབ་པ་འབར་ ༄༅། །བྱུང་བའི་མོད་ལ་འདི་སྐད་ཞུས། དུས་གསུམ་གྱི་རྒྱལ་བ་སྲས་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་རྫོགས་པའི་ངོ་བོར་གྱུར་པ་སྐྱབས་མཆོག་རིན་ཆེན་ཁྱོད་ལ་ཕྱག་འཚལ་ཞིང་སྐྱབས་སུ་མཆིའོ། །ངས་སྤྱོད་ཚུལ་ཇི་ལྟར་བྱེད་ལགས་ཞུས་པས ཀྱེེ། སྐྱེས་བུ་ཆེན་པོ་ཁྱོད་ཀྱིས་སྤྱོད་པ་སྔར་བཞིན་དུ་མི་གང་ལའང་ངོ་སྲུང་མེད་པར་སྨྱོན་པ་ལྟ་བུའི་སྤྱོད་པ་སྐྱོངས་ལ་ཀུན་གྱིས་བསྙེན་བཀུར་བྱེད་པའི་དུས་སུ་ཀུན་ལ་སྙོམས་པའི་ཞི་