Tibetan
THE COLLECTED TREASURE -TEXT OF BDUD - JOMS - GLING -PA VOLUME - 19 2017 T11619 - 002 ༄༅། །སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེའི་གླེགས་བམ་བཅུ་དགུ་པ་བཞུགས་སོ།། T1619 - 003 T1619 - 004 ༡༄༅། །གཏེར་ཆེན་ཆོས་ཀྱི་རྒྱལ་པོ་ཁྲག་འཐུང་བདུད་འཇོམས་གླིང་པའི་རྣམ་པར་ཐར་པ་ཞལ་གསུངས་མ་བཞུགས་སོ། Tl1619 - 005 ༄༅། །ཆོས་ཉིད་སྒྱུ་མར་རོལ་པའི་སྣང་ལམ་གསང་བ་ཉམས་བྱུང་གི་རྟོགས་བརྗོད་གསལ་བའི་མེ་ལོང་ཞེས་བྱ་བ། ན་མོ་གུ་རུ་པདྨ་ཀ་ར་ཡེ། དུས་གསུམ་རྒྱལ་བ་ཀུན་གྱི་ཡེ་ཤེས་སྐུ །མཁྱེན་བརྩེ་ནུས་པའི་གཏེར་ཆེན་པདྨ་འབྱུང་།མི་འབྲལ་སྤྱི་གཙུག་འཁོར་ལོའི་རྒྱན དུ་བཞུགས། །བརྒྱུད་འཛིན་རྗེས་སུ་ཟུངས་ལ་དབུགས་དབྱུང་མཛོད། །སོ་སོའི་སྐྱེ་བོ་འཁོར་བ་མཐའ་མེད་དུ། །ཁ་བརྒྱུད་ལས་དང་བྱ་བྱེད་སྣ ཚོགས་པ། །ཡི་གེར་འབྲི་བ་སྐྱོ་ཞིང་སུན་པའི་རྒྱུར །ཤེས་ཏེ་འབྲི་སྙམ་བདག་ལ་ཡོད་མ་ཡིན། །འོན་ཀྱང་སློབ་མས་ནན་བསྐུལ་མ་བཟོད་པས། T11619 - 006 ༅༄༅། །སྣ་ཚོགས་སྣང་ཉམས་ཆུ་ཡི་གཉེར་མ་ལྟར། །རྒྱས་པར་བཤད་ན་ཟད་པའི་མཐར་མི་ཐུག །དག་པའི་སྣང་ཉམས་ཟུར་ཙམ་འདིར་བརྗོད་བྱ། །དེ་ལ་ཐོག་མར་རང་གི་རིགས་རུས་ཀྱི་འབྱུང་ཁུངས་ཟུར་ཙམ་མ་བཤད་ན་ཕ་མེས་ཀྱི་རིགས་བརྒྱུད་མི་ཤེས་པ་ནི་ནགས་ཚལ་གྱི་སྤྲེའུ་དང་འདྲ་ཟེར་བའི་སྐྱོན་ཡོད་པས་དེའི་ཕྱིར་ཟུར་ཙམ་འཆད་ན། དཔལ་སྤྱན་སྔ་ལྷ་གཟིགས་རས་པའི་ཡིག་ཚང་ལས སྒྲ་སྡོང་འགྲུ་གསུམ་དབྲ་དང་བཞི། །ནུ་བོ་དཔའ་སྔ་གཉིས་དང་དྲུག །ཅེས་གསུངས་པ་ནི་གང་ཟག་ཆེན་པོའི་གསུང་ཡིན་པས་ཁུང་བཙུན་པའི་ཕྱིར་འདིར་ཡང་ཚད་T11619 - 007 མར་བཟུང་བ་ཡིན། གནའ་བོའི་ངག་སྒྲོས་འགའ་ཞིག་ཏུ དམུ་ཚ་སྒ། ཨ་སྦོ་སྡོང་། སེང་ཁྱུང་དབྲ། ཨ་ལྕགས་འགྲུ། དཔའ་སྔ་གཉིས་ཞེས་རུས་ཆེན་བཞི་དང་། རུས་ཆུང་གཉིས་ཏེ་མིའུ་རུས་དྲུག་ཅེས་ཟེར་བ་སྔ་མ་དང་ཕྱོགས་མཚུངས་པར་མངོན་ཅིང་། མ་ཧཱ་ཙི་ནའི་ལུགས་ཀྱི་འབྱུང་རྩིས་པའི་བསྟན་བཅོས་ལྟར་ན་རིགས་ལྔ་ཁམས་ལྔ་ཁ་དོག་ལྔ་སོགས་སྦྱར་ནས། སྡོང་སྨུག་པོའི་རིགས་ས་ཁམས། དབྲ་དཀར་པོའི་རིགས ལྕགས་ཁམས། འགྲུ་སྔོན་པོའི་རིགས་ཆུ་ཁམས སྒ་དམར་པོའི་རིགས་མེ་ཁམས། སྒོ་ལྗང་གུའི་རིགས་ཤིང་ཁམས་ཞེས་རུས་ཆེན་སྡེ་ལྔར T11619 - 008 ༅༄༅། །བསྡུས་ནས་གསུངས་སོ། །འདི་རྣམས་ཀྱང་གུང་བསྒྲིགས་པར་བྱས་ན་ཆེར་མི་འགལ་ཏེ། གོང་དུ་བཤད་པའི་རུས དྲུག་གི་ཡ་གྱལ་ནུ་བོ་དཔའ་སྔ་གཉིས་ལ་བརྡ་ཆད་རྒྱས་པར་སྦྱར་བའི་དབྱེ་བ་མེད་པར་གཉིས་ཀ་ལྷན་ཅིག་ཏུ་བརྗོད་པའི་རྒྱུ་མཚན་གྱིས་དེ་གཉིས་གཅིག་ཏུ་བསྡུས་པའི་ལྔ་པ་ནི་སྒོ་ཞེས་པར་གྱུར་བར་མངོན་ཏེ་རུས་ཆེན་སྡེ་ལྔར་བསྡུ་བར་རུང་བའི་ལུགས་ཡིན་པའི་ཕྱིར་རོ། །དེ་ལ་བདག་ཉིད་ནི་ཨ་ལྕགས་འགྲུའམ་འགྲུ་སྔོན་པོའི་རིགས་ལས་ཆད་པ་ཡིན་ནོ་ཞེས་གྲགས་སོ། །དེ་ཡང་ཡིན་ཏེ། འདི་ལྟར་སྔོན་གྱི་དུས་ན་འགྲུ་སྔོན་པོའི་རིགས་ཀྱི་མྱུ T11619 - 009 གུར་གཏོགས་པའི་སྡེ་ཚན་གཅིག་གནུབས་ཡུལ་དུ་བྱུང་བ་དེ་ལས་འཕགས་ཆེན་དམ་པའི་སར་བཞུགས་སངས་རྒྱས་ཡེ་ཤེས་དང་། སངས་རྒྱས་གཉིས་པ་པདྨ་སམྦྷ་ཝའི་ཐུགས་སྲས་དགེ སློང་ནམ་མཁའི་སྙིང་པོ་སོགས་ཀྱིས་གང་དུ་མིའི་སྲིད་པ་བཟུང་བའི་རིགས་ལ་གནུབས་ཀྱི་རིགས་ཞེས་བྱའོ། །སློབ་དཔོན་དེ་དག་དང་རུས་གཅིག་པར་གྱུར་བའི་གནུབས་རིགས་ཀྱི་སྡེ་ཚན་གཅིག་ཡུལ་དུས་ཀྱི་རྐྱེན་ལས་རིམ་གྱིས་ཡུལ་བརྒྱུད་ནས་ཁམས་ཀྱི་ཤར་ཕྱོགས་མཚོ་ཁྲི་ཤོག་རྒྱལ་མོ་དང་ཉེ་བའི་རྨ་ཁོག་བར་མའི་ཡུལ་གྲུ་ཞིག་ཏུ་གནས་བཅས་སོ། །དེར་གནུབས་རིགས་ཕྱི་མ་རྣམས་ལས་ཀྱང་འཇིག་རྟེན་པའི་ལུགས་སུ་དཔའ་མཛངས་ཀྱི་རྩེ་མོར་སོན་ཞིང་། རལ་གྲི་དང་མདའི་འཁྲུལ་འཁོར་ལ་བྱང་བ་མིའི་མཆོག་ལྟ་བུ་འགའ་ཞིག་བྱུང་བའི་ནང་གསེས་གཅིག་རུང་ཆེན་ལ་གནས་པ་ལ་རུང་ཐ་ཞེས་ཟེར དེ་ཉིད་རུས་མིང་ལྟ་བུར་གྱུར་ནས་དེ་ཕྱིན་ཆད་དེའི་རིགས་བརྒྱུད་རྣམས་ལ་རུང་ཐ་ཞེས་གྲགས། མཐར་སོག་པོའི་རྒྱལ་པོ་ཞིག་གིས་གཞན་སྡེ་མ་ལུས་པ་མངའ་འོག་ཏུ་བསྡུ་བར་འདོད་ནས་དམག་དཔུང་ཆེན་པོ་བཏང་བ་ལས་གནུབས་རིགས་དེ་དག་ཡུལ་ནས་ཕྱུང་སྟེ་ཡུལ་མང་རིམ་གྱིས་བརྒྱུད་ནས་ལྷོ་རྒྱུད་མདོ་སྨད་ཀྱི་ཕྱོགས་འདྲ་ལྕགས་ ༄༅། །ཁུང་ཞེས་རྒྱ་མིས་ལྕགས་བརྐོ་བའི་ཁུང་བུ་ཡོད་པ་ལ་ཡུལ་གྱི་མིང་དུ་གྲགས་པའི་སྟོད་དུ་གནས་སོ། །དེ་ཡན་ཆད་ཀྱི་རུང་ཐའི་མི་རིགས་རྣམས་ལ་གནུབས རིགས་རུང་བརྒྱུད་སྔ་མ་ཞེས་ཟེར། ད་ལྟ་རྣ་ཟོག །སྟོང་དཔོན། རྡོ་ཤུལ། རུང་ཐ་སོགས་ཟེར་བ་རུས་གཅིག་ལ་མིང་སོ་སོར་ཆགས་པ་ཡིན། འདྲ་ལྕགས་ཁུང་ཞེས་པ་ཡུལ་གང་དུ་གཏོགས་ཞེ་ན། དེ་ནི་སྨད་མདོ་ཁམས་སྒང་དྲུག་གི་ཡ་གྱལ་ཤར་མི་ཉག་ར་བ་སྒང་གི་སའི་ཐིག་ལེ།ཁམས་ཀྱི་གནས་ཆེན་ཉི་ཤུ་རྩ་ལྔའི་ཡ་གྱའ སྦ་ཞབས་བྲག་དཀར་རམ་ཝ་ཤུལ་སེང་གེ་བྲག་དཀར་ཞེས་སྔོན་དུས་སྦ་མི་ཕམ་མགོན་པོས་ཧེ་རུ་ཀའི་སྒྲུབ་གནས་སུ་བྱིན་གྱིས་བརླབས་པ་དེའི་གཡས་ཕྱོགས་ནས་བབས་པའི་ཆུ་བོའི་རྒྱུན་དང་ལྡན་པ་ལ་འདྲ་ལྕགས་ཁུང་བ་ཞེས་གྲགས་པ་དེའམ། ཡུལ་དེར་གནས་པའི་གྲོང་ཁྱེར་བ་རྣམས་དང་སྟོད་ཕྱོགས་རྒྱང་འབྲོག་པ་རྣམས་ལའང་སྤྱི་མིང་ལྕགས་ཁུང་བ་ཞེས་ཟེར། དེར་གནས་པའི་གནུབས་རིགས་རུང་བརྒྱུད་སྔ མའི་ཁྱིམ་བདག་སྤུན་ཟླ་གསུམ་པ་ཞིག་བྱུང་དེ་དག་སོ་སོའི་བུ་དང་། ཚ་བོ་དང་། ཡང་ཚ་དང་། སུམ་ཚའི་བརྒྱུད་པ་ལས ཆེ་བརྒྱུད། འབྲིང་བརྒྱུད། ཆུང་བརྒྱུད་ཅེས་ཟེར་བ རྣམས་ལ་གནུབས་རིགས་རུང་བརྒྱུད་ཕྱི་མ་ཞེས་གྲགས། དེ་ལས་ཆུང་བརྒྱུད་ཀྱི་ཕྱོགས་སུ་སྨར་ཚང་བཀའ་བརྒྱུད་པའི་སྲོལ་བཟང་ལ་བརྟེན་ནས་གྲུབ་པ་བརྙེས་པ་ཐར་པའི་རྒྱལ་མཚན། ལུང་རྟོགས་ཀྱི་མངའ་བདག་དགེ་བའི་རྒྱལ་མཚན། རིམ་གཉིས་ཀྱི་རྟོགས་པ་ཕུལ་ཕྱིན་ཤཱཀྱ་རྒྱལ་མཚན་ཏེ་རྒྱལ་མཚན་རྣམ་གསུམ་མམ། ཕྱི་མ་ལ་ཐར་དགེ་ཤཱཀྱ་རྒྱལ་མཚན་ཞེས་ཀྱང་གྲགས་པ་སོགས་དམ་པ་དུ་མ་བྱུང་བ་ཡིན། དེ་ནས་གནུབས་རིགས་རུང་བརྒྱུད་ཆུང་བ་ལ་སྐྱོང་གདུགས་གཉིས་ཟེར་བ་དེ་རིམ་གྱིས་ཡུལ་བརྒྱུད་དེ་ཤར་རྒྱལ་མོ་རོང་གི་སྟོད་ཕྱོགས་ཆུ་བོའི་རྒྱུན་གསུམ་དུ་གྱེས་པ་ལ་རྡོ་གསེར་སྨར་གསུམ་དུ་གྲགས་པ་ཡིན་ཏེ། ཆེ་བ་སྐྱོང་ལོ་ཞེས་ཟེར་བ་ཟླ་ཁོག་སྟོད་དུ་ཕྱིན ཆུང་བ་གདུགས་དཀར་ཞེས་བསྟོད་མིང་དུ་ཨ་གདུགས། གཅེས་མིང་དུ་གདུགས་ལོ་ཞེས་ཟེར་བ་དེ་གསེར་ཡུལ་བདུད་སྙིང་འགོ་ཞེས་པའི་ས་མིག་དེར་གནས་བཅས་པ་ལ་བུ་གསུམ་སྐྱེས་པའི་ཆེ་བ་དཔལ་གྲགས། འབྲིང་བ་མགོན་སྐྱབས། ཆུང་བ་དར་རྒྱས་གསུམ་སྟེ། མགོན་སྐྱབས་ཀྱི་རྡོའི་སྟོད་དུ་ས་བཟུང་བའི་དེའི་རིགས་བརྒྱུད་ལ་གསེར་སྐོར་ཞེས་མཛུ་སྟོད་དུ་ཆད། དཔལ་གྲགས་ཞེས་བྱ་བ་རྡོའི་སྨད་དུ་ཕྱིན་པ་འདྲ་ལྕགས་ཁུང་ནས་བྱུང་ ༄༅། །བས་དེ་རུས་སུ་གྲགས་པ་དང་། སྟོད་སྨད་ཀྱི་གནས་ལ་རྟེན་བཅས་པས་ལྕགས་ཁུང་ཁ་སྟོད་དང་ཁ་སྨད་ཞེས་སུ་གྲགས་ཤིང་། དར་རྒྱས་ཞེས་པ་རང་སོར་གནས་པས་ལྕགས་མོ་རུ་གྲགས། དེ་ལྟར་མགོན་སྐྱབས་ཞེས་བྱ་བའི་མི་བརྒྱུད་ལས་ཆད་པའི་རིགས་བརྒྱུད་ཕྱི་མ་ཕ་ཨ་བརྟན་ཞེས་པ་དང་། མ་དམུ་ཚ་སྒའི་རུས་སུ་གཏོགས་པ་བོ་རྫོགས ཞེས་བྱ་བ་གཉིས་ཀྱི་བུ་རུ་རབ་བྱུང་བཅུ་བཞི་པའི་ཤིང་མོ་ལུག་གི་ལོར་བདག་སྐྱེས་པ་ཡིན རྒྱུ་མཚན་དེས་ན་སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ནང་གསེས་གནུབས་རིགས་རུང་བརྒྱུད་ཆུང་བ་ཞེས་སྔོན་དུས་རིག་འཛིན་མ་ཏི་རཏྣའི་ཡང་སྲིད་ཤར་གཏེར་ཆེན་པོ་སོགས་དམ་པ་དུ་མ་རྣམས་གང་ལས་སྐུ་འཁྲུངས་པའི་རིགས་སུ་གྱུར་པའི་བརྒྱུད་པ་ལས་བྱུང་བའི་ཕྱིར། རིགས་ཁྱད་པར་ཅན་ལ་བུ་ཡ་རབས་མི་བརྒྱུད་གཙང་མ་ཡིན་ནོ། །འགྲུ་གནུབས་ཀྱི་ཆེ་བརྒྱུད་ལ་དཔའ་སྐྱེན་འཛོམ་པ འབྲིང་བརྒྱུད་ལ་ལོངས་སྤྱོད་ཆེ་བ། ཆུང་བརྒྱུད་ལ་གྲུབ་རིགས་དམ་པ་མང་དུ་བྱུང་བ་ཡིན དེས་ཕ་མའི་རིགས་རུས་ཟུར་ཙམ་བརྗོད་ཟིན་ཏོ །ཐུབ་དབང་མཆོག་གི་བསྟན་པ་ལ །རིགས་རུས་གཙོ་བོར་བྱེད་མིན་ཀྱང་། །མ་སྨད་ལས་ཀྱི་འབྲས་ མཚོན་ཕྱིར། །བདག་ཉིད་ཆེ་རྣམས་འཇིག་རྟེན་འདིར། །བལྟམས་ཚེ་གྲགས་པའི་རིགས་འཁྲུངས་བཞིན །བདག་ཀྱང་ལྗོངས་འདིར་ཁྱད་འཕགས་པའི། །རིགས་སུ་སྐྱེ་སྲིད་བཟུང་བའི་ཚུལ། །ཉུང་ངུའི་ཚིག་གིས་གསལ་བར་བྱས།། ༈ །ན་མོ་གུ་རུ་མཉྫུ་ཤྲཱི་ཡེ བསོད་ནམས་བྱེ་བའི་དཔལ་མངའ་གཞོན་ནུའི་གཟུགས། །དམར་སེར་ཉི་མ་འཆར་ཀའི་གཟི འབར་བ། །མི་འཇིགས་སེང་སྔོན་སྟེང་ན་མངོན་འགྱིང་བའི། །འཇམ་དཔལ་སྨྲ་བའི་སེང་གེས་བདེ་ལེགས་སྩོལ། །འདི་ན་གསང་གསུམ་ཡོན་ཏན་བསམ་ཡས་པའི། །འཕགས་ཆེན་དམ་པའི་རྣམ་ཐར་ཇི་བཞིན་དུ། །བསྔགས་འོས་ངོ་མཚར་གྱུར་པ་མ་མཆིས་ཤིང་།གཞན་གྱི་དོན་དུ་འགྱུར་བ་ཆེས་དཀའ་ཡང་། །གཟུར་གནས་བློ་ཡི་དད་པ་སྤེལ་བའི་ཕྱིར། །རྒན་པོ་རང་གི ངང་ཚུལ་བརྗོད་པའི་གཏམ། །ད་ལྟ་ཡིད་ལ་ངེས་ཚོད་སྒྲོ་སྐུར་དང་། །བྲལ་བ་སྨྲ་བའི་ངལ་བ་ཁུར་དུ་ལེན། །དེ་ཡང་སྔོན་བྱུང་གི་དུས་ན་ཆོས་སྐུའི་སྟོན་པ་རྡོ་རྗེ་འཆང་ཆེན་པོས་བསྟན་པ་དང་འགྲོ་བའི་དོན་མཛད་པའི་ཕྱིར་གདུལ་བྱའི་ཡུལ་ལ་གཟུགས་ཀྱི་སྐུར་བཞེངས་པ་རྣལ་འབྱོར་དབང་ཕྱུག་ནུས་ལྡན་རྡོ་རྗེ་ཞེས་བྱ་བར་གྲགས་པ་དེ་ཉིད་ཀྱིས་སངས་རྒྱས་སྟོང་ལ་དབང་བསྐུར། ༄༅། །ཁམས་གསུམ་ཆོས་ཀྱི་རྒྱལ་པོར་མངའ་གསོལ། འགྲོ་བའི་དོན་དུ་སྨོན་ལམ་རྒྱ་ཆེན་པོ་བཏབ བསྐལ་པ་བཟང་པོའི་སངས་རྒྱས་སྟོང་གི་བསྟན་པ་མ་རྫོགས་ཀྱི བར་དུ་ངའི་སྤྲུལ་པའི་སྐུ་མཆོག་དམ་པ་རྒྱུན་མི་འཆད་པར་འབྱུང་ནས་གང་ལ་གང་འདུལ་གྱིས་འགྲོ་བའི་དོན་རྒྱ་ཆེན་པོ་བྱེད་པར་ཤོག་ཅིག །ཅེས་གསུངས་པའི་སྨོན་ལམ་རྣམ་པར་དག་པའི་མཐུས། དུས་སྐབས་ཅི་རིགས་སུ་སྤྲུལ་པ་བརྒྱ་ཕྲག་རེས་འགྲོ་བའི་དོན་མཛད་པ་ལས། བདག་ཅག་གི་སྟོན་པའི་དུས་སུ་སྤྲུལ་པའི་ཉན་ཐོས་ཤཱ་རིའི་བུ་དང་། དེའི་འོག་ཏུ་རིག་འཛིན་ཧཱུྃ་ཆེན་ཀཱ་ར། འབྲོག་བན་ཁྱེའུ་ཆུང་ལོ་ཙཱ ཀཿཐོག་དམ་པ་བདེ་གཤེགས། གྲུམ་གྱི་མཁར་ནག་པ ཧེ་པ་ཆོས་འབྱུང་སོགས་དང་། སྔ་མ་རིག་འཛིན་བདུད་འདུལ་རྡོ་རྗེ ཕྱི་མ་བདུད་འདུལ་རོལ་པ་རྩལ་ཞེས་གྲགས་པ་དེ་ཉིད་ཀྱིས་གྲ་དཀར་གྲ་ནག་ཅེས་ད་ལྟ་ཡུལ་འདི་ཕྱོགས་སུ་ཀློ་དཀར་ནག་ཟེར་བའི་བདུད་ཀྱི་སྡེ་ཚོགས་མང་པོ་ཆོས་ལ་བཙུད་དེ་ཤིང་ཕོ་སྤྲེའུའི་ལོར་རྔ་ཡབ་པདྨ་འོད་ཀྱི་གཞལ་ཡས་སུ་གཤེགས། དེ་འོག་ལྔ་བརྒྱ་སྙིགས་མའི་དུས་སུ་རྒྱ་སོག་ཀླ་ཀློ་མཐའ་དམག་གདུག་པ་ཅན་གྱི་ཁ་གནོན་དུ་ཨོ་རྒྱན་ཆེན་པོས་དབང་བསྐུར་མངའ་གསོལ་སྨོན་ལམ་མཛད་ནས་ སྟེང་ཕྱོགས་ནམ་མཁའ་ཡངས་པའི་མཐོངས་ལ་གཟིགས་ཏེ། ཀྱེ་མ་སྙིགས་མའི་འགྲོ་རྣམས་སྙིང་རེ་རྗེ། །སྨོན་ལོག་ཀླ་ཀློའི་རྫས་སྔགས་ཏིང་འཛིན་གྱིས །ཤེས་རྒྱུད་བརླམས་པས་ཕན་ཚུན་བསླུ་བར་བྱེད། །བློ་གཏད་ཡུལ་མེད་རང་ལ་ཡིད་མི་ཆེས། །བསགས་པའི་གནག་ཕྱུགས་རྨི་ལམ་ནོར་བཞིན་ཡལ། །ས་བོན་བཏབ་པའི་འབྲས་བུ་སད་ཀྱིས་བཅོམ །ནད་མུག་མཚོན་གྱི་དུ་རུ་ཀ་ཡིས་མནར། །ང་ཡི་གདུལ་བྱ་སྨོན་ལམ་ལས་འབྲེལ་བའི། །སྐྱེས་བུ་ཕོ་མོ་འགའ་ཞིག་མཆིས་ན་ཡང་། །ལམ་སྟོན་བྱེད་པའི་བཤེས་གཉེན་མ་མཆིས་པས །ལོང་བ་བཤེས་མེད་བཞིན་དུ་མགོ་འཁོར་ཏེ། །མཐའ་མེད་འཁོར་བའི་ཡུལ་དུ་ཁ་དྲངས་པའི། །བསླུ་བྱེད་ལྟ་ལོག་བླ་གཟུགས་མང་པོ་ཡིས། །ལྟ་བ་མེད་པའི་མུན་སྒོམ་བློ་ཡིད་ཅན། །རྣམ་རྟོག་རྗེས་དེད་འཛིན་དང་སྐྱོང་བྱེད་དེ། །སེམས་ཀྱིས་སེམས་ལ་བལྟ་བས་བདེ་སྡུག་འཚོལ། །ཐ་མར་ལྟ་བའི་མཐར་ཐུག་ཡིན་སྙམ་ནས །ཤེས་པ་བྱར་མེད་རང་གར་ཡན་པར་འདུག །ཕྱག་རྫོགས་འདི་དང་འདི་འོ་སྐད་དུ་བསླུ །གཟུགས་ཁམས་ལྷ་ཡི་ལས་བསགས་དེ་རུ་འཕེན། །རྫོགས་པ་ཆེན་པོའི་ཉི་མ་སྤྲིན་གྱིས་བསྒྲིབ། །མེ་ཁྱེར་སྲིན་བུ་ཉི་མར་མཐོང་ལ་ལྟོས །ཞེས་གསུངས་ཏེ་ ༄༅། །བབས་ཀྱིས་བཞུགས་པ་ལ། མཁའ་འགྲོ་ཡེ་ཤེས་མཚོ་རྒྱལ་གྱིས། ཀྱེ་མ་ཀྱི་ཧུད་གུ་རུ་རིན་པོ་ཆེ །སྙིགས་མ་ལྔ་བདོའི་དུས་ལ་བབས་པའི་ཚེ །དམུ་རྒོད་འཁྲུལ་པའི་སེམས་ཅན་སྐྱོབ་དཀའ་ཡང་། །སྨོན་ལམ་ལས་ཀྱིས་འབྲེལ་བའི་སྐྱེས་བུ་རྣམས། །ལོག་ལམ་མུན་པའི་ཡུལ་དུ་ཁ་དྲངས་ཏེ། །མཐའ་མེད་འཁོར་བའི་གནས་སུ་འཕྱན་པ་ལ། འདུལ་བྱེད་ཕྲིན་ལས་ལས་ཀྱི་ཕོ་ཉ་རུ། །སྤྲུལ་པའི་རིག་འཛིན་དམ་པ་སྐུར་བཞེངས་གསོལ། །ཞེས་ཞུས་པའི་ལན་དུ་ཨོ་རྒྱན་ཆེན་པོའི་ཞལ་ནས། ཉོན་ཅིག་ཡེ་ཤེས་མཁའ་འགྲོ་མཚོ་རྒྱལ །སྔོན་སྦྱངས་ལས་འཕྲོ་ལྡན་པའི་སྐྱེས་བུ་ནི། །བོད་ཡུལ་མདོ་ཁམས་སྨད་ཀྱི་ས་ཕྱོགས་སུ། །གསང་སྔགས་བསྟན་པའི་ཉི་འོད་ལྷག་མ་ཙམ། །དར་བའི་ཡུལ་དེར་གདུལ་བྱ་འགའ་ཞིག་མཆིས། །རང་ལྟ་མཆོག་འཛིན་བྱེད་པའི་སློབ་དཔོན་གྱི །དབང་གྱུར་རང་དབང་བརྟན་པ་བྲལ་ན་ཡང་། །རྣལ་འབྱོར་ནུས་ལྡན་རྡོ་རྗེའི་སྨོན་ལམ་མཐུས། །གདུལ་བྱ་འགའ་ཞིག འདུལ་བའི་ནུས་སྟོབས་ནི། །རིག་འཛིན་བདུད་འདུལ་དཔལ་གྱི་རྡོ་རྗེ་ལས། །གཞན་ན་མེད་དོ་དེ་ཉིད་གཟུགས་སྐུར་བཞེངས །ཁམས་གསུམ་དབང་ཕྱུག་ལྷ་ཡི་བླ་མ་ཉིད །གྲོགས་སུ་2 བསྟེན་ན་གཞན་སྣང་དབང་དུ་བྱེད། །ད་ནི་རིག་འཛིན་རྣལ་འབྱོར་ཕོ་མོ་རྣམས །དཔག་ཚད་བྱེ་བར་མེ་ཏོག་སིལ་མར་འཐོར། །དར་གྱི་ལམ་སྐྱོང་རོལ་མོ་སྣ་ཚོགས་ཀྱིས། །བདུད་འདུལ་དྲག་པོའི་སྐྱེལ་མ་མཛོད་ལ་ཆོས །ཞེས་གསུངས་པའི་ལན་དུ་བདག་གིས་འཁོར་བ་ལ་སྐྱོ་སུན་དང་སྙིགས་མའི་སེམས་ཅན་འདུལ་དཀའོ་སྙམ་དུ་བསམ་ནས་གུས་པས་ཐལ་མོ་སྦྱར་ཏེ་འདི་སྐད་ཅེས་ཞུས་སོ། །ཀྱེ་ཧོ་དུས་གསུམ་རྒྱལ་བའི་སྤྱི་གཟུགས་མཆོག །གཏན་གྱི་སྐྱབས་མཆོག་ཨོ་རྒྱན་རིན་པོ་ཆེ། །ཐུགས་བརྩེ་ཐུགས་རྗེ་ཆེན་པོ་ཡིས། །བདག་ལ་གསན་ཅིང་གནང་བ་སྩོལ། །ཞེས་ཞུས་པས། སླར་ཡང་འདི་ལྟར་བཀའ་སྩལ་ཏོ། །ཉོན་ཅིག་བདུད་འདུལ་དྲག་པོ་རྩལ། །སྙིགས་མའི་སེམས་ཅན་འདུལ་དཀའ་ཡང་། །སྔོན་ཚེ་སྨོན་ལམ་ལས་འབྲེལ་གྱིས།། སྐལ་ལྡན་སྐྱེས་བུ་སྟོང་ཕྲག་གསུམ །ཁྱོད་ཀྱི་གདུལ་བྱའི་ཡུལ་དུ་མཆིས། །ཚེ་གཅིག་གྲོལ་བ་ཐོབ་པ་ཡི། །སྐྱེས་མཆོག་ལྔ་བརྒྱ་ལྷག་ཙམ་མཆིས། །ཁྱོད་ཀྱི་ཕྲིན་ལས་ཕོ་ཉ་རུ། །རྗེ་འབངས་སྤྲུལ་པ་ཉེར་ལྔ་འབྱུང་། །གཞན་ཡང་འགྲོ་བའི་དོན་བྱེད་པའི། །སྤྲུལ་པའི་གཏེར་སྟོན་བཅུ་ཕྲག་འབྱུང་། །གསང་སྔགས་སྟོན་པ་མཆོག་བདུན་གྱི། །སྤྲུལ་པ་ཁྱོད་ཀྱི་བུ་ཚར་སྤྲུལ། ༄༅། །འགྲོ་དོན་འབྱུང་འགྱུར་གདོན་མི་ཟ། །དེ་ཕྱིར་རིག་འཛིན་རྒྱལ་པོ་ཁྱོད། །རྡོ་རྗེ་ཁྲོ་ལོད་སྐུར་བཞེངས་ཏེ། །བཀའ་སྲུང་གཉན་པོའི་གྲོགས་དང་འགྲོགས། སྔོན་ནས་འབྲེལ་བའི་ཕ་མ་ཡི། །བུ་རུ་བཞེངས་མཛོད་ངའི་ཕྲིན་ལས། །དུས་ལ་བབ་ཀྱི་ད་གཤེགས་ཤིག །ཅེས་གུ་རུ་རིན་པོ་ཆེའི་བཀའ་བཙན་པོ་ལྡོག་པར་མ་ནུས་ཏེ། སྔོན་ནས་ལས ཀྱིས་འབྲེལ་བའི་ཕ་མ་གང་ཡིན་བརྟག་ཅིང་དཔྱད་པའི་མོད་ལ། སྔོན་ཚེ་ཀཿཐོག་བདུད་འདུལ་རྡོ་རྗེའི་ཕ་མ་གཉིས་ཀ་ཚེ་འཕོས་ནས་མིའི་ལུས་རྟེན་ཐོབ་པ་གོང་སྨོས་བཞིན་གྱི་ཕ་ཨ་ལྕགས འགྲུ་ཡི་རུས་ཁམས་དང་། མ་དམུ་ཚ་སྒ་ཡི་རུས་སུ་གཏོགས་པ་གཉིས་སྨོན་ལམ་གྱི་དབང་གིས་ཁྱིམ་ཐབས་བྱས་པ་དེ་ལ་ལས་འབྲེལ་ཡོད་པར་མཐོང་ནས་དཔའ་བོ་མཁའ་འགྲོ་མའི་ཚོགས་དཔག་ཏུ་མེད་པས་མེ་ཏོག་གི་ཆར་འབེབས་པ་དང་བཅས་ཕྱིན་ནས་མའི་ལྷུམས་སུ་བཞུགས། དེ་ནས་རྟག་ཏུ་མའི་རྨི་ལམ་ན་དཔའ་བོ་དང་མཁའ་འགྲོའི་ཚོགས་ཀྱིས་སྲུང་སྐྱོབ་མཛད་པ་དང་ཁྲུས་གསོལ་བྱེད་པ་མཐོང་། ཤིང་མོ་ལུག་གི་ལོ་བྱ་ཟླའི་ཚེས་བཅུའི་ནུབ་མོ་མ་ལས་བཙས་པའི་ཉི་ཤར་ཁར་སྦྲ་ཁྱིམ་ཕྱི་ནང་ཐམས་ཅད་འཇའ་འོད་ཀྱིས་བསྐོར་བ་དང་འཇའ་སྣེ་ཟུག་པ་ཀུན་ གྱིས་མཐོང་། དེའི་ཚེ་བླ་མ་འཇིགས་མེད་ཞེས་བྱ་བ་གདན་དྲངས་པ་ན་དེས་ཚེ་དབང་བསྐུར་ཏེ་བླ་མའི་ཞལ་ནས། སྔོན་ཆད་བདག་གིས་ཁྱེད་གཉིས་བཟའ་མི་བྱས་ཏེ་ཁྱིམ་ཐབས་བཟུང་ན ཤིན་ཏུ་ལེགས་པའི་ཉམས་སྣང་ཤར་བ་དང་ད་ནང་སྦྲ་ཁྱིམ་ལ་འཇའ་སྣེ་ཟུག་ཡོད་པ་འདི་གཉིས་མཚུངས། དེ་རིང་བདག་གི་ཉམས་ཀྱི་སྣང་བ་ལའང་ཁྱོད་ཀྱི་བུ་འདི་སྤྲུལ་པའི་སྐུ་འགྲན་ཟླ དང་བྲལ་བ་ཞིག་ཡིན་སྙམ་གྱི གཞན་བདག་པོ་མེད་ཀྱང་རིགས་སད་ཏེ་གཞན་ལ་ཕན་ཐོགས་ངེས་ཞིག་ཡོང་བ་འདྲ། དེས་ན་གཙང་སྦྲ་བྱེད་པ་གནད་དུ་ཟུངས་ལ་བར་མཚམས་སུ་བསང་ཁྲུས་ལ་འབད་པར་གྱིས་ཞེས་གསུངས། དེ་ནས་བཟུང་སྟེ་ལོ་གསུམ་གྱི་བར་དུ་མཁའ་འགྲོ་མ་རྣམས་ཀྱིས་མཛེས་པའི་གར་བྱེད་ཅིང་སྙན་པའི་གླུ་ལེན་པ་བདག་གིས་མཐོང་སྣང་དུ་ཤར་བ་དང་། མས་རྨི་ལམ་དུའང་ཡང་ཡང་རྨིས མཚན་མོའི་དུས་སྐབས་ཅི་རིགས་པར་རྒྱལ་བསེན་དམ་སྲིའི་ཚོགས་རྣམས་ཀྱིས་སྲོག་ལ་རྒོལ་བ་བྱུང་བས་དཔའ་བོ་མཁའ་འགྲོ་རྣམས་དང་འཐབ་རྩོད་གཡུལ་འགྱེད་བྱེད་པ་མཐོང་ནས་འཇིག་སྐྲག་གི་སྣང་བ་རྒྱུན་མི་ཆད་པ་བྱུང་བར་དེའི་ཚེ་དངངས་བཞིན་མ་ལ་འབོད་པ་དང་སྨྲ་སྙིང་འདོད་ཀྱང་སྨྲ་མ་ཤེས་པར་འགྲེ་ལྡོག་བྱེད་ཅིང་ངུས་ ༄༅། །ཏེ་གཉིད་མ་བྱུང་བར་མ་བུ་གཉིས་ཀས་སྡུག་བསྔལ་ཉམས་སུ་མྱོང་། དེ་ནས་ལོ་གསུམ་ལོན་པ་བྱའི་ལོ་ཁྱིམ་ལ་བབས་པ་ཧོར་ཟླ་གཉིས་པའི་ཚེས་བརྒྱད་ཀྱི་ཉིན མ་རྒན་གྲོ་མ་བརྐོ་རུ་ཆས་པ་མཐོང་བས་ང་ཡང་རྗེས་སུ་འབྲང་ནས་འགྲོ་སྙམ་སྟེ་སོང་ཚེ་མ་དེས་བདག་སྦྲ་སྒོའི་ཆོན་ཐག་ལ་བཏགས་ཏེ་སོང་། བདག་ངུ་བརྒྱལ་བྱེད་དུ་ཡོད་པའི་ཚེ་བུད་མེད་ཅིག་སླེབ་བྱུང་། བདག་གི་བསམ་པ་ལ་ཨ་མ་སླེབ་བྱུང་བསམ་ནས་བལྟས་པའི་མོད་ལ། མཁའ་འགྲོ་མ་དཀར་མོ་ཤིན་ཏུ་མཛེས་མ་ཞིག་སླེབ་འདུག་པ་དེས། ཁྱོད་ཀྱི་ཨ་མ་ང་ཡིན་པས འདིར་ཤོག་ཟེར་ཞིང་པང་དུ་བླངས་ཏེ་ནུ་མ་བསྣུན་པ་ལས ནུས་མ་ཐག་ཏུ་ལུས་སེམས་ཐམས་ཅད་བདེ་བས་མྱོས་སོ། །དེ་ནས་བུད་མེད་དེས་བུ་ཁྱོད་ཨ་མའི་ཚལ་དུ་ཨེ་འགྲོ་ཟེར་ནས་དེ་མ་ཐག་ཏུ་བདག་ཁྲིད་ནས་འགྲོ་སྣང་ཤར་ཏེ་བྱང་ཕྱོགས་ཀྱི་འཇིག་རྟེན་མང་པོའི་ཕ་རོལ་ཏུ་སོང་བའི་མོད་ལ་རིན་པོ་ཆེ་བེེ་ཌཱརྻའི་ཁ་དོག་ཏུ་སྣང་བའི་ཞིང་ཁམས་རྒྱ་ཆེ་ལ་ཁྱོན་ཡངས་པའི་ཁོར་ཡུག་དཔག་བསམ་གྱི་ཤིང་གིས་བསྐོར་བ དབུས་སུ་མེ་ཏོག་སྣ་ཚོགས་ཀྱིས་བརྒྱན་པའི་གཞལ་ཡས་ཁང་གྲུ་བཞི་སྒོ་བཞི་དབྱིབས་མཛེས་ཤིང་བཀོད་ལེགས་པ་ཡིད་དུ་འོང་ཞིང་ཉམས་དགའ་བའི་ ནང་དུ་རིན་པོ་ཆེའི་ཁྲིའི་ཁར་པདྨ་དང་ཉི་ཟླའི་སྟེང་དུ་བཅོམ་ལྡན་འདས་གདོན་མི་ཟ་བའི་རྒྱལ་པོ་ཞེས་བྱ་བ་མཚན་དང་དཔེ་བྱད་ཀྱིས་བརྒྱན་པ། གཡས་སྐྱབས་སྦྱིན་དང་གཡོན་མཉམ་བཞག གི་ཕྱག་རྒྱ་མཛད་པ། ཆོས་གོས་རྣམ་གསུམ་གསོལ་