Tibetan
ཞིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེའི་གཡས་སུ་བྱང་ཆུབ་སེམས་དཔའ་གསལ་ཁྱབ་དབང་པོ་ཞེས་བྱ་བ་དང་། གཡོན་དུ་རྣམ་པར་གྲོལ་བའི་རྒྱལ་པོ་ཞེས་བྱ་བ་གཉིས་ཀ་སྐུ་མདོག་དཀར་པོ་དང་དམར་པོའི་ཁ་དོག་འོད་དུ་འབར་བ་མཆོད་པའི་སྤྲིན་གྱིས་རྒྱལ་བ་དེ་ལ་རྟག་ཏུ་མཆོད་ཅིང་གུས་པའི་ངག་གིས་བསྟོད་པ། གཞན་ཡང་བྱང་ཆུབ་སེམས་དཔའ་དང་སེམས་མའི་ཚོགས་ནམ་མཁའི་སྐར་ཚོགས་ཙམ་གྱིས་རྒྱལ་བ་དེ་ལ་རབ་ཏུ་གུས་པས་ཕྱག་འཚལ་ནས་ཚིགས་སུ་བཅད་པ་དུ་མས་བསྟོད་པར་བྱེད་པ་བཞིན་བདག་གིས་ཀྱང་འདི་སྐད་བརྗོད་དོ། །ན་མོ། རིགས་དང་དཀྱིལ་འཁོར་ཀུན་གྱི་བདག་ཉིད་མཆོག །བཅོམ་ལྡན་རྒྱལ་བ་ཁྱོད་ལ་ཕྱག་འཚལ་ལོ། །བདག་སོགས་འཁོར་བར་འཕྱན་པའི་འགྲོ་བ་ཀུན། །སྲིད་པའི་མཚོ་ལས་བསྒྲལ་ཞིང་དབུགས་དབྱུང་མཛོད །ཅེས་གུས་པས་ཕྱག་འཚལ་ཞིང་གསོལ་བ་བཏབ་པས། རྒྱལ་བ་དེའི་ཐུགས་ཀ་ནས་འོད་ཟེར་ཁ་དོག ༄༅། །ལྔ་དང་ལྡན་པ་བྱུང་ནས་བདག་གི་སྙིང་གར་ཐིམ་པས་བདེ་བ་དང་སྟོང་པའི་ཡེ་ཤེས་ཉམས་སུ་མྱོང་ངོ་། །དེ་ནས་དེ་བཞིན་གཤེགས་པ་དེའི་ཞལ་ནས བུ་ཁྱོད་ངའི་རྒྱལ་ཚབ་དམ་པར་བསྔགས་སོ། །གསང་སྔགས་རྡོ་རྗེ་ཐེག་པའི་དབང་བསྐུར་རོ །མཆོག་ཐུན་མོང་གི་དངོས་གྲུབ་ཐོབ་པ་ཡིན་ནོ །ཞེས་གསུངས་ཏེ་ཤེལ་གྱི་སྒྲོམ་བུ་ཞིག་ལག་ཏུ གཏད་བྱུང་བའི་ནང་དུ་ཡི་གེ་ཨོ་ཨཱཿ ཧཱུྃ་གི་རི་མོ་དཀར་དམར་མཐིང་གའི་ཚོན་གྱིས་བྲིས་པ་ལྟར་གསལ་བ་འདི་ནི་ཕ་ནོར་བུའི་སྐལ་བ་ཡིན་པས་ཁྱོད་ཀྱིས་ཐེ་ཚོམ་མེད་པར་ཁྱུར་མིད་དུ་ཐོངས། ཞེས་གསུངས་པ་བཞིན་ཁྱུར་མིད་དུ་བཏང་བས་ཆོས་ཀྱི་རྣམ་གྲངས་མང་པོ་དྲན་པ་དང་། སྔོན་གྱི་སྐྱེ་སྲིད་རྣམས་སུ་ཐོས་པ་དང་སྦྱངས་པའི་འཕྲོ་དང་བསྐྱེད་དང་རྫོགས་པའི་རིམ་པ་ཐམས་ཅད་སྤར་གྱིས་བཏབ་པ་བཞིན་དུ་བཀྲ་ལམ་མེར་ཡིད་ལ་གསལ་བའི་ངང་དུ་ཡུན་ཅིག་གནས་པ་བྱུང་། དེ་ནས་རྨི་ལམ་སད་པ་བཞིན་དུ་དབྱིངས་སུ་ཡལ་བའི་མོད་ལ་བདག་གི་མ་དེའང་རྩ་བ་རུ་སླེབ་འདུག་ཅིང་འདི་ངུ་བརྒྱལ་དུ་སོང་ནས་འཆིའམ་ནད་ཞིག་བྱུང་བ་རེད་ཟེར་ཞིང་ངུ་སྟེ་ཕ་ལ་བླ་མ་འབོད་དུ་སོང་ཞེས་ཟེར་བས། བླ་མ་འཇིགས་མེད་གདན་དྲངས་ནས་དེས་ཚེ་དབང་དང་ཚེ་ འགུགས་མང་དུ་བྱས་ནས་ན་རེ། བུ་འདི་ནད་ཀྱིས་ཐེབས་པ་མ་ཡིན་ཏེ་སྔོན་སྦྱངས་ལས་ཀྱི་འཕྲོ་ཞིག་སད་པ་ཡིན་འདྲ་གསུངས། དེའི་ཚེ་བདག་གི་མངོན་ཤེས་ཀྱིས་བལྟས་པས་སྔོན་ཚེ་བདུད འདུལ་རྡོ་རྗེའི་ཁུ་བོ་འཚམས་ཕུག་སྒོམ་ཆེན་ཞེས་བྱ་བ་སྨོན་ལམ་སྟོབས་ཀྱིས་བདག་གི་བླ་མ་དང་མི་དཔོན་དུ་གྱུར་པ་ཡིན་པར་མཐོང་། དེ་ནས་བཟུང་སྟེ་བདུད་བགེགས་ཀྱིས་གླགས་ཚོལ་དང་ལྷ་འདྲེས་འཐབ་མོ་བྱེད་པ་ཐམས་ཅད་རང་ཡལ་དུ་སོང་། ལོ་དེའི་དབྱར་ཟླ་ར་བའི་ཚེས་བཅུའི་ནུབ་མོ་རྨི་ལམ་ན་ཨོ་རྒྱན་དག་པ་མཁའ་སྤྱོད་ཀྱི་ཞིང་ཁམས་ནས་ཡིན་ནོ་སྐད་པའི་བུད་མེད་ཞིག་བྱུང་ནས། བདག་ལ་བུ་ཁྱོད་ནུབ་ཕྱོགས་ཨོ་རྒྱན་གྱི་ཡུལ་དུ་འགྲོ་ཞེས་ཟེར་ཞིང་ཁྲིད་ནས་སྟེང་ཕྱོགས་དཔག་ཚད་འདས་པའི་ནམ་མཁར་མདའ་འཕང་བ་ལྟར་སོང་བས། ཡུལ་ལུང་མང་པོའི་ཕ་མཐའ་བརྒལ་བའི་ཚེ་རི་བོ་ཐམས་ཅད་ཀེང་རུས་སྐམ་པོ་འོད་འབར་བ་རྩི་ཤིང་མེད་པར་མཚོན་ཆ་སྣ་ཚོགས་ཀྱི་ནགས་ཚལ་ལས་མཚོན་ཆའི་ཚྭ་ཚྭ་སྐྱི་སེར་ལྟར་འཕྲོ་བ། ཆུ་རྣམས་ཐམས་ཅད་ཁྲག་གི་མཚོ་ཀླུང་ཁྲག་གི་ལྦུ་བ་སྦྲ་གུར་ཙམ་གྱི་ནང་དུ་མི་རོ་དང་རྟ་རོ་སྟག་གཟིག་དོམ་དྲེད་ལ་སོགས་སྲོག་ཆགས་ཀྱི་རོས་གང་བ། འབྱུང་བཞིའི་སྒྲ་དང་སྲོག་ཆགས་ཀྱི་སྐད་ཐམས་ཅད ༄༅། །ཕཊ་ཕོ་སོད་རྒྱོབ་ཀྱི་སྒྲ་འབྲུག་སྟོང་དུས་གཅིག་ཏུ་ལྡིར་བ་བཞིན་དུ་གྲགས་པ། གཟུགས་སྣང་ཐམས་ཅད་ཁྲོ་བོ་དང་ཁྲོ་མོ་མཚོན་ཆ་ཐོགས་པ་དཔག་ཏུ་མེད་པ་དང་མི་ནག་ཕོ་མོའི་ཚོགས་ཀྱིས་མཚོན་ཆའི་འཁྲུལ་འཁོར་འགྱེད་པ མེ་རླུང་འཚུབས་མ་འབར་འཁྲིགས་འུར་ཆེམ་སྒྲོགས་པ་དེ་ལྟ་བུའི་རབ་འཇིགས་རྔམས་བརྗིད་འཇིགས་སུ་རུང་བའི་ཡུལ་དབུས་སུ་དུར་ཁྲོད་ཀྱི་རུས་པ་གསར་རྙིང་བརྩིག་པའི་ཁང་པ་གྲུ་གསུམ་རྒྱ་ཆེ་ལ་དཔངས་མཐོ་བའི་ནང་དུ་མི་རོ་གསར་རྙིང་མང་པོའི་ཁྲིའི་སྟེང་དུ། མཁའ་འགྲོའི་གཙོ་མོ་རྡོ་རྗེ་ཕག་མོ་ཞེས་བྱ་བ་སྐུ་མདོག་མཐིང་ནག་རབ་འཇིགས་རྔམས་བརྗིད་ཤིན་ཏུ་ཁྲོས་པའི་ཉམས་ཅན་སྤྱི་བོར་ཕག་ཞལ་ནག་པོ་གྱེན་དུ་ངུར་བ། ཕྱག་གཡས་པས་གྲི་གུག་མཁའ་ལ་ཕྱར་བས་དཔའ་བོ་དང་མཁའ་འགྲོའི་ཚོགས་དབང་དུ་སྡུད་པ། གཡོན་པས་ཐོད་པར་སྣང་སྲིད་ཁྲག་ཏུ་བསྒྱུར་ཞིང་རོལ་པ ཞབས་གཡས་བསྐུམ་གཡོན་བརྐྱང་གར་སྟབས་ཀྱི་རྣམ་པས་བཞེངས་པ། ཁ་ཊྭཱྃ་ཀ་མཆན་དུ་བརྟེན་ཅིང་དུར་ཁྲོད་ཀྱི་ཆས་རྫོགས་པ། མཁའ་འགྲོ་སྐར་ཚོགས་ལྟ་བུའི་དབུས་ན་འགྱིང་བ་ཞིག་དང་མཇལ་ཚེ། མཁའ་འགྲོ་མ་དེའི་ཞལ་ནས་བདག་ལ་འདི་སྐད་དོ །བུ་ཁྱོད་པདྨའི་རྒྱལ་ ཚབ་མཆོག་ཏུ་བསྔགས། །དེང་སང་ནག་ཕྱོགས་བདུད་དཔུང་ཁ་དར་ནས། །དཀར་ཕྱོགས་སྐྱོང་བའི་ལྷ་སྲུང་ཉམས་རེ་དམའ། །ཁྱད་པར་ཡུལ་དེར་ལྟ་ལོག་བླ་གཟུགས་ཞིག །སྲོག་གཅོད་རྒྱལ་འགོང་གདུག་ཅན་ཞིག་ཏུ་སྐྱེས །ཤི་རྐྱེན་གྲི་རུ་ཤི་བས་ལས་རྐྱེན་འཐབ། །དེ་ཡིས་བླ་བཙུན་དམ་ལྡན་ཐམས་ཅད་དང་། །ཆེ་དྲག་རིགས་རྣམས་ཕྲག་དོག་དབང་གིས་གསོད། དེ་དབང་སོང་ཚད་དམ་སྲི་རྒྱལ་པོར་འཁྲུལ །དེ་ཡིས་ཁྱོད་ཀྱི་ཚེ་སྲོག་བསྟན་ལ་རྒོལ།།དེ་ཕྱིར་ང་ཡིས་བསྲུང་སྐྱོབ་བྱིན་རླབས་བྱེད། །ཅེས་གསུངས་མཐར་ཕྱག་གི་མཐིལ་ནས་བཾ་ཧ་རི་ནི་ས་ཞེས་པའི་ཡིག་འབྲུ་ལྔ་འཕྲོས་ཏེ་བདག་གི་ལུས་ལ་འོད་ཕུང་ཁ་དོག་ལྔའི་གོས་བསྐོན་ཅིང་ནུ་མ་གཡས་ཀྱི་རྩེ་ནས་བྃ་ཡིག་ཞིག་ཆད་དེ་སྙིང་གར་ཞུགས་པས་ལུས་ཐམས་ཅད་འོད་དམར་གྱིས་ཁྱབ་ཅིང་འོད་དུ་གྱུར་པར་སྣང་ངོ་།ད་བུ་ཁྱོད་རང་གི་གནས་སུ་སོང་ཞིག་དང་ཚེའི་སྨད་དུ་འགྲོ་དོན་རྒྱ་ཆེན་པོ་འབྱུང་ངོ་། །ཞེས་གསུངས་ཤིང་མགོ་ལ་ཕྱག་གིས་བྱིལ་བ་མཛད་ཙམ་ནས་གཉིད་སད་པས་སྒྱུ་མའི་འཁྲུལ་འཁོར་ཞིག་པ་བཞིན་དུ་མི་སྣང་བར་གྱུར་ཏོ། །ལོ་ཁྱིམ་དེའི་དགུན་ཟླ་ཐ་ཆུང་གི་ཚེས་དགུའི་སྔ་དྲོའི་ཆ་ཞིག་ཏུ་ལུག་གི་ར་བའི་ཕྱི་རོལ་ཏུ་རྩེད་མོར་ཕྱིན་པའི་ཚེ་ ༄༅། །མཐོང་སྣང་དུ། གཡུའི་མི་ཕོ་ལྕགས་ཀྱི་རྟ་ལ་ཞོན་པ་ལག་གཡས་ན་མདུང་དར་དཀར་པོ་ཕྱར་བ་ཞིག་གིས་བདག་གི་གཡས་ཀྱི་ཕྱོགས་ནས་ལན་གསུམ་བསྐོར་ཏེ་སྟག་ལྤགས་ཀྱི་ཞྭ་མོ་ཕུད་ནས་འདི་སྐད་ཟེར། ཀྱེ་ཧོ་ཁྱེའུ་ཆུང་ལོ་ཙཱ་བ། །ང་ངོ་ཁྱོད་ཀྱིས་མ་ཤེས་ན། །ང་ཕྱི་ལྟར་རྔ་ལ་སྟག་རྩེ་ལགས །ནང་ལྟར་བཙན་རྒོད་སྲོག་ལེན་ཞེས། །གསང་བ་ཞང་བློན་སྡེ་དགུ་ཡིན། །སྔོན་བྲག་དམར་ཡེར་པ་ཞེས་བྱ་རུ། །དཔལ་ཨོ་རྒྱན་ཆེན་པོས་དབང་བསྐུར་ནས །གཏེར་ཆེན་གསུམ་གྱི་གཉེར་ཁ་བཅོལ །ནོར་ལོངས་སྤྱོད་བསམ་ཡས་གནང་ཞིང་གཏད། །དུས་ལྔ་བརྒྱ་སྙིགས་མ་ལ་བབས་ཚེ། །ང་ཨ་ལྕགས་འགྲུ་ལ་བུ་རུ་འོང་། །གཏེར་གཅིག་འདི་གཏོད་ཅེས་བཀའ་སྩལ་པ། །ཁྱོད་ཨེ་ཡིན་སྙམ་ནས་བལྟ་རུ་འོང་།ད་ངོ་ཤེས་ཟེར་ཞིང་འཛུམ་གྱིས་ཡལ། །དེ་ནས་རང་ལོ་བཞི་པ་ལ་བབས་པ་ཟླ་བ་བཞི་པའི་ཚེས་བདུན་གྱི་ཉིན་རྩེད་མོར་ཕྱིན་པའི་ལམ་ཁ་ཞིག་ཏུ་ཐལ་ཕུང་རྙིང་ཞིང་འཐས་པ་ཞིག་དང་འཕྲད་པས་དེར་ཁུང་བུ་མང་པོ་བྲུས་ནས་བཞག །ནངས་པར་ཕྱིན་ཏེ་བལྟས་པས་ཁུང་བུ་ཞིག་གི་ཕུག་ན་བྲ་བ་དཀར་པོ་ཞིག་འདུག་པ་མཐོང་བས། བདག་གིས་བཟུང་བར་འདོད་ཀྱང་འཛིན་ཡང་མ་ཕོད་ པར་ཡུན་ཅིག་གི་ཚེ་ཐུར་མས་བཙུག་པས། བྲ་བ་དེ་ཙོག་བུར་འདུག་ཅིང་འདི་སྐད་ཟེར། པིའི་པིའི་ཀཾ་ཀཾ་ལེ་ལེ་ཧོ། སྐྱབས་ཀྱི་དམ་པ་དཀོན་མཆོག་གསུམ། །སངས་རྒྱས་སྐུ་དང་ཡེ་ཤེས བདེན། །དམ་ཆོས་བདེན་པ་གཉིས་ཀྱིས་བདེན། །དགེ་འདུན་ལུང་རྟོགས་ཡོན་ཏན་བདེན། །དཀོན་མཆོག་རིན་ཆེན་གསུམ་ལ་སྐྱབས །སེམས་ཅན་རང་ངོ་མ་རིག་འཁྲུལ །འཁྲུལ་པར་མངོན་ཞེན་བདེ་སྡུག་ཚོར། །ཚོར་བ་ཐམས་ཅད་སྡུག་བསྔལ་ཏེ། །དེ་ལྟར་འཁྲུལ་ཚད་སྙིང་རེ་རྗེ། །ང་ནི་ཨ་ཆུང་ངོ་རེ་མཚར། །སྟེང་ཕྱོགས་ཚངས་པའི་ཡུལ་ནས་འོང་། །ལྷ་བུ་བ་བྷྱོ་བྱ་བ་ཡིན། །ཨ་མཚར་མཚར་རེ་གད་མོ་བྲོ། །ཤ་ར་དྭ་ཏིའི་བུ་ལ་ལྟོས། །དགྲ་བཅོམ་སྐད་དེ་དགྲ་གང་ལགས། །གྲོལ་བ་སྐད་དེ་སུ་ཞིག་གྲོལ། །བདུད་འདུལ་སྐད་དེ་བདུད་གང་འདུལ།། འདས་པར་སྐད་དེ་གང་ལས་འདས། །སེམས་ཅན་ཡིན་ན་མྱང་འདས་སུ། །སེམས་ཅན་ངེས་པ་ང་ལ་འཚེ། །སྙིང་རྗེ་མེད་ན་ཅིའི་བྱང་སེམས། །རང་མཚང་རང་གིས་སྟོན་པ་དེ། མི་མཐོང་ཁ་ཕོ་ཨ་ཁ་ཁ། །ང་ཟུངས་ཆུ་ཡི་ནང་དུ་འཕོང་། །ལྷ་ཕྲུག་དུད་འགྲོའི་བུ་རུ་བརྫུ །དུད་འགྲོ་ཀླུ་ཡི་བུ་རུ་བརྫུ། །ཀླུ་བུ་བརྒྱ་བྱིན་གནས་སུ་འགྲོ། །ངོ་མཚར་རྩེད་མོ་དེ་ན་ཡོད། ༄༅། །ཅེས་ཟེར་ཞིང་བདག་གི་ལག་མཐིལ་དུ་བབས་ནས་དེ་མ་ཐག་ཏུ་སྦལ་པ་ནག་པོ་ཞིག་ཏུ་གྱུར་པ་ན་ཆུའི་ཁར་མཆོང་རྒྱུག་བྱེད་པའི་མོད་ལ། ནམ་མཁའི་ཁམས ནས་འཇའ་ཚོན་ཞིག་ཤར་གྱིས་བརྐྱངས་ཏེ་སྦལ་པའི་སྟེང་དུ་སླེབས་མ་ཐག་ཏུ་སྦལ་པ་དེ་འོད་དུ་དེངས་ནས་ནམ་མཁའ་ལ་ཡལ་སོང་། དེ་ནས་ཟླ་བ་དེའི་ཚེས་ཉེར་བརྒྱད་ཀྱི་ཉིན་གསེར་ཆུ་ཤིན ཏུ་ཆེ་བར་ཡོད་པའི་དུས་ན་དེའི་འགྲམ་དུ་རྩེད་མོར་ཕྱིན་པ་ལས་ནགས་ཐད་ཅེས་རིའི་ཞོལ་འགྲམ་ཆུའི་དཀྱིལ་དུ་ཕ་ཝང་ཆེན་པོ་ཞིག་འདུག་པའི་རྩ་བ་ན་མི་རྒན་སྐྲ་དང་སྨ་ར་དཀར་པོ་ཅན་ཞིག་ངེད་རང་ལ་མིག་གཉིས་འབྲུ་ཚུགས་སུ་བལྟ་ཞིང་འདུག་པ་མཐོང་། བདག་དེ་ལ་ཅུང་ཟད་ཞིག་སྐྲག་བཞིན་དུ། ཨ་ལེ་ཞེས་གསུམ་བོས་པའི་ཐ་མ་ལ་ཨ་ཟེར། བདག་གི་བཞིན་ལ་འབྲུ་ཚུགས་སུ་བལྟ་མི་ཁྱོད་སུ་ཡིན་དྲིས་པས་འདི་སྐད་ཟེར། ཡེ་ཡེ། རི་ཆེན་པོ་དགུང་ལ་བསྙེགས་པ་འདི། །ཡེ་སྲིད་པའི་རླུང་རྡུལ་ཚོགས་པ་འདྲ །སྟེང་ནམ་མཁའ་སྔོ་སངས་མཐོང་བ་འདི། ཡེ་སེམས་ཅན་མི་ཤེས་འཁྲུལ་པ་འདྲ། །བར་བར་སྣང་སྟོང་ཧད་སྣང་བ་འདི། །ནང་གཞན་དུ་བཟུང་བས་ལེན་པ་འདྲ། །མཚོ་ཆེན་པོར་སྐར་མ་སྣང་བ་འདི། །ནམ་མཁའ་ལ་ཐ་དད་བཟུང་ བ་འདྲ། །རྫས་གཅིག་གིས་མང་པོར་འགྱུར་བ་འདི། །རང་སྣང་བ་རྫུན་པའི་མཚན་ཉིད་འདྲ། །མི་མེད་ལ་མི་རྒན་སྣང་བ་དེ། །ཁྱོད་ཁྱོད་ཉིད་འཁྲུལ་རྒན་ཡིན་པ་འདྲ། །རྒྱབ་སྲ་བ་རྡོ་ལ གཏད་པ་འདི། །ཁྱོད་གཟུང་འཛིན་འཁྲུལ་པ་འཐས་པ་འདྲ །ང་ཁྱོད་ཡིན་སྲིད་པའི་མི་རྒན་འདྲ། །ཁྱོད་སྲིད་པའི་མི་རྒན་འཁྲུལ་སྣང་ལ། །བུ་བྱིས་པར་སྣང་བ་མཚར་ཆེ་འདྲ། །ཞེས་བརྡའ་གོའམ་ཟེར་བར་ངས་མ་གོ་སྨྲས་པ་དང་། ཧ་ཧ་ཞེས་ཟེར་ཞིང་མིག་འཕྲུལ་ལྟ་བུར་དབྱིངས་སུ་ཡལ་ལོ། །ལོ་དེའི་ཟླ་བ་བརྒྱད་པའི་ཚེས་ལྔའི་ནུབ་མོར་སྟེང་གི་ནམ་མཁར་ཁྲུང་ཁྲུང་བྱ་འཕྲེང་དུ་འགྲོ་བ་མཐོང་ཚེ་དེའི་སྐད་ལ་ཉན་པས་སྒྲ་འདི་ཐོས་སོ། །ཀུར་ཀུར། སྔོན་བསྐལ་པ་བཟང་པོའི་དུས་ཞིག་ན། །དཔལ་སངས་རྒྱས་སྟོན་འཁོར་ཡུལ་ལ་ཚོགས །འཁོར་འདུས་པའི་ཚོགས་དེ་སྐྱིད་པ་ལ། །ད་ལོ་རྒྱུས་ཙམ་ཡང་ཐོས་རྒྱུ་མེད །དུས་བར་གྱི་བསྐལ་པ་བཟང་པོ་ལ། །དཔལ་གྲུབ་དབང་སྐར་ཚོགས་ལྟ་བུ་ཡིས །འཁོར་གྲུབ་པའི་ཚོགས་ལ་ཆོས་འཁོར་བསྐོར། །དེར་སྐྱེས་པའི་གདུལ་བྱ་སྐྱིད་པ་ལ། །ད་མི་སྣང་བ་ལ་ཞེ་རེ་རྨོངས། །དུས་ཐ་མའི་བསྐལ་པ་བཟང་པོ་ལ །བོད་མ་སངས་བདུད་ཀྱི་ཡུལ་འདི་རུ། །རྗེ་མཁན་སློབ་ཉི་ཟླ་ཟུང་ཞིག ༄༅། །ཤར། །དེར་ལོ་པཎ་སྐར་ཚོགས་ཙམ་གྱིས་བསྐོར །བོད་ཁམས་ཀྱི་བསྟན་འགྲོ་སྐྱིད་པ་ལ། །དུས་དེང་སང་མི་གནས་ཡི་རེ་མུག །ཡང་བསྐལ་པའི་མར་གཤམ་ལ་བབས་ཚེ། །རྗེ་གྲུབ་པ་ཐོབ་པའི་གཏེར་ཆེན་རྣམས །འཁོར་སློབ་འབངས་ཚོགས་ཀྱིས་བསྐོར་བའི་དུས། །ཡུལ་བོད་ཁམས་སྐྱིད་པའི་ཉི་མ་ཤར། །ད་མི་གནས་རྨི་ལམ་བཞིན དུ་ཡལ། །དབྱར་སྤང་སྔོན་མེ་ཏོག་གིས་བརྒྱན་ཅིང་།རྩི་ཤིང་དང་ལོ་འབྲས་སྣ་ཚོགས་རྒྱས། །གནས་ན་ཆེན་ཁྲོད་དུ་སྐྱིད་པ་ལ །ད་མི་གནས་རྨི་ལམ་བཞིན་དུ་ཡལ །ངེད་མ་བུ་ལྷོ་མོན་ཡུལ་དུ་འགྲོ། །དུས་ལྔ་བརྒྱ་སྙིགས་མའི་མར་གཤམ་འདིར། །ཡུལ་སེམས་ཅན་དམུ་རྒོད་ཉོན་མོངས་རགས །འདུལ་བྱེད་ཀྱི་སྟོན་པ་ཞིག་བྱུང་ཡང་།ཁྲུང་མ་བུ་ཁམས་ཡུལ་ལུས པ་བཞིན། །ཕྱིས་གདུལ་བྱ་འདུལ་དཀའ་སྡུག་རེ་བསྔལ། །ད་ཞིང་ཁམས་གཞན་དུ་གཤེགས་ན་བསམ། །ཕྱི་ས་མཐའི་ཀླ་ཀློ་ལ་བལྟས་ན། །དུས་མི་རིང་བསྟན་པའི་ཉི་མ་དེ །བདུད་ལྟ་ལོག་སྤྲིན་གྱིས་བསྒྲིབ་ལ་ལྟོས །ཞེས་ཟེར་ཞིང་ནུབ་ཕྱོགས་ཀྱི་ནམ་མཁའ་ལ་བཞུད་སོང་། ཡང་རང་ལོ་ལྔ་པ་ཕག་གི་ལོ་ཁྱིམ་ལ་བབས་པའི་ཧོར་ཟླ་དྲུག་པའི་ཚེས་བཅུའི་ཉིན་ལྷོ་ནུབ མཚམས་ཀྱི་ནམ་མཁར་སྤྲིན་དཀར་འཁྲིགས་པའི་ཀློང་དུ་འཇའ་འོད་ཀྱི་གུར་ཁྱིམ་ཁ་དོག་ལྔ་ལྡན་མུ་ཁྱུད་ལྟར་བསྐོར་བའི་ནང་དུ་མི་དཀར་མཛེས་པ་དར་གྱི་ན་བཟའ་ཅན་ཞིག་གིས་འཇའ་ཚོན་གྱི་ལམ་བརྒྱུད་བདག་གི་ཐད་དུ་བྱུང་ནས། ཤེལ་དཀར་གྱི་ཕྲེང་བ་ཞིག་བདག་ལ་སྤྲད་དེ། བུ་ཁྱོད་ཀྱིས་ཡིག་དྲུག་དུང་ཕྱུར་གཅིག་འགྲུབ་ན་ཚེའི་སྨད་དུ་འགྲོ་དོན་རྒྱ་ཆེན་པོ་ཞིག་འབྱུང་གི། ཞེས་ཟེར་ཞིང་བདག་གི་སྙིང་གར་ཐིམ་པའི་སྣང་བ་ཤར།མཐར་ཞག་འགའ་ཞིག་གི་བར་དུའང་སྣང་བ་ཐམས་ཅད་རི་བོ་ཏ་ལའི་ཞིང་ཁམས་སུ་མཐོང་ནས་མ་དག་པའི་སྣང་བ་རྡུལ་ཕྲན་ཙམ་ཡང་མ་བྱུང་། ལོ་དེའི་ཟླ་བ་བཅུ་པའི་ཚེས་ཉེར་ལྔའི་ཉིན་ཡར་ཆེན་ཞེས་བྱ་བའི་ལུང་མདོར་རྩེད་མོར་ཕྱིན་པའི་ཚེ། དེར་སྐྱེས་བུ་མི་དམར་རྟ་དམར་ཅན་ཞིག་གིས་མདའ་དར་ཞིག་བདག་ལ་གཏད་ནས་འདི་སྐད་ཅེས་ཟེར ཀྵཿ མདའ་འདི་འོམ་མདའ་དམར་པོ་དབང་གི་རྫས །དར་མཚོན་སྣ་ལྔས་ཕྲིན་ལས་རྣམ་བཞི་འགྲུབ །མ་འོངས་བསྐལ་པ་ཡོས་བུའི་ལོ་ཁྱིམ་དེར། ཡ་གིའི་ལུང་པ་ཕུ་རུ་བཙུག་བྱས་ན། །བསོད་ནམས་སྙན་གྲགས་དཔལ་ཁ་དར་རྒྱས་བྱེད། །ང་ནི་གནོད་སྦྱིན་ཤན་པ་དམར་ནག་ཡིན །སྐྱེ་བ་དུ་མར་ཁྱོད་དང་འབྲལ་མ་མྱོང་། །ད་ལྟ་ཁྱོད་ ༄༅། །ཀྱི་ཕྲིན་ལས་གྲོགས་ངས་བྱེད། །ཅེས་ཟེར་ཞིང་མིག་འཕྲུལ་བཞིན་དུ་ཡལ་སོང་། ཡང་ལོ་ཁྱིམ་དེའི་དགུན་ཟླ་ར་བའི་ཚེས་བཅོ་ལྔའི་དགུང་མོར་ཡར་ཆུང་ཞེས་བྱ བའི་ལུང་མདའ་རུ་རྩེད་མོར་སོང་ཚེ། རི་བོང་དམར་པོ་ཞིག་མཐོང་བའི་རྗེས་སུ་སོང་བས་སྤྲེའུ་ཞིག་ཏུ་གྱུར་པ་ཙོག་པུར་འདུག་ནས་འདི་སྐད་ཟེར། ང་ནི་ཁྱོད་ཀྱི་ཕའི་བུད་མེད་སྔ་མ་ཁྱོད་རང་གི་མ་ཡར་ཤི་བའི་གཤིན་པོའི་བླ་འཁྱམས་དེ་ཡིན་ཟེར། དེ་ལ་བདག་གིས་སྲོག་གར་སོང་རྣམ་ཤེས་གར་སོང་དྲིས་པའི་ལན་དུ སྲོག་ནི་མོ་འདྲེས་བཅད་རྣམ་ཤེས་ནི་ཀོང་པོའི་ཡུལ་དུ་ཁྱི་མོ་ཞིག་གི་ལུས་བླང་ནས་ཡོད་ཟེར་བ་ལ། ངས་རྣམ་ཤེས་མེད་ན་ཁྱོད་ཅི་ལས་བྱུང་སྨྲས་པའི་ལན་དུ། མོ་ན་རེ། ཧེ། ང་རུ་འཛིན་དང་བདག་ཏུ་སྣང་། །ཤེས་པ་དེ་ཡི་རྟེན་འབྲེལ་ལས།། བླ་ཞེས་ཤུལ་མིའི་ཡོད་འཛིན་གྱིས། །བླ་རུ་སྣང་བ་བྱུང་བ་ཡིན། །མེད་པར་བྱས་ན་ཡེ་ནས་མེད། །ཡོད་པར་བཟུང་ན་ང་ཙམ་ཡོད། །ཅེས་ཟེར་ཞིང་ཡུལ་མེད་དུ་ཡལ་སོང་། ཉམས་སྣང་སྒྱུ་མའི་ལྟད་མོ་མང་མཐོང་བས། །ཆོས་ཀུན་སྒྱུ་མ་ལྟ་བུར་རྟོགས་པ་ཡི །ལྟ་བའི་བོགས་ཐོན་ན་ཚོད་ཆུང་ན་ཡང་། །རྟོགས་པའི་ལུས་སྟོབས་རབ་ཏུ་རྒྱས་པར་གྱུར། །སེམས་ཅན་ལས ནུས་བསམ་གྱིས་མི་ཁྱབ་ཅིང་། །རྣལ་འབྱོར་ཉམས་ཀྱི་མཐོང་སྣང་ཚད་མེད་ཀྱང་། །ཀློང་ཆེན་གཞི་སྣང་ཕྱི་རུ་གསལ་བ་ལས། །གཞན་དུ་གྱུར་པའི་ཆོས་འགའ་ཡོད་མ་ཡིན། །ཡང་རང་ལོ་དྲུག་པ་བྱི་བའི་ལོ་ཁྱིམ་གྱི་ཧོར་ཟླ་དྲུག་པའི་ཚེས་གཅིག་གི་ནངས་པར་མལ་ནས་གཉིད་སད་པའི་མོད་ལ་མདུན་གྱི་ནམ་མཁར་ལྕགས་ཀྱི་སྡིག་པ་ནག་པོ་མགོ་དགུ་ཤིག་ཤིག་འགུལ་བ་ཞིག་མཐོང་བའི་མོད་བདག་བྲེད་ཅིང་མ་བཟོད་པར་མགོ་བསྟུམ་ནས་ཡུན་ཅིག་ངུ་རུ་ཡོད་པའི་ཚེ། །ཨ་ཧོ་ཞེས་འབོད་དུ་བྱུང་མགོ་ཕྱེས་ནས་བལྟས་པས་དེའི་སྟེང་དུ་མི་ཞིག་འདུག་སྟེ། མི་དེས་བདག་ལ་འདི་སྐད་ཟེར་བར་སྣང་། ཧོ། ང་ནི་སྨྱོ་ཁ་སྡིག་ཞོན་བྱ་བ་ཡིན། །ཁྱོད་ལ་ཕྲིན་གཅིག་སྨ་རུ་འོང་བ་ལགས། །པདྨ་དྲག་པོའི་ཞལ་ནས། ཁྱོད་ཀྱིས་མཚན་མོ་གཉིད་དུ་འགྲོ་ཁར་རང་ལུས་ལྕགས་ཀྱི་སྡིག་པ་མེ་འབར་བ་ཞིག་ཏུ་སྒོམས་ཤིག །ལོ་གསུམ་གྱི་བར་དུ་འདི་མ་བརྗེད། རྟག་ཏུ་དུད་འགྲོ་རུ་བསྒོམ་མི་རུང་ཡང་གནས་སྐབས་འདི་རུ་རྒྱལ་འགོང་གི་གནོད་པ་ལས་རྒྱལ་བའི་ཕྱིར་ཡིན། སྡིག་པ་ནི་འདི་ཀའོ། །འདི་ལ་ལྟོས་ཤིག །འདི་ལྟ་བུ་ཞིག་ཡིད་ཀྱི་ཡུལ་དུ་བཀྲ་ལམ་མེར་བབ་འདུག་པ་ཞིག་གལ་ཆེ། ལེགས་པར་ལྟོས། ཞེས་ཟེར་ནས་ཡལ་ ༄༅། །སོང་། ཡང་ལོ་ཁྱིམ་དེའི་ཧོར་ཟླ་བདུན་པའི་ནུབ་མོ་མགོ་བསྟུམ་ནས་བསྡད་པས་གཉིད་མ་བྱུང་བའི་སྐབས་ཤིག་ན་འོད་ཀྱི་སྣང་བ་ནམ་ལངས་པ་ལྟ་བུ་ཞིག་བྱུང་། དེའི་ངང་ནས་སྐར་མདའ་རྒྱུག་པ་ལྟར་ཁྲ་ཤར་རེ་བ་དང་། གློག་འཁྱུགས་པ་ལྟ་བུའི་དམར་གྱི་ལེ་བའི་ཀློང་དུ་ལྷ་མོ་ཁྲོ་གཉེར་ཅན་ཡིན་སྐད་པའི་བུད་མེད་ཁྲོ་གཏུམ་སྔོ་སངས་འཇིགས་སུ་རུང་བ་ཞིག་གིས་སྡང་མིག་བསྒྲད་ཅིང་བྱུང་ནས་འདི་སྐད་ཟེར། ཀྱེེ་ཧོ། རྗེ་བཙུན་འཕགས་མ་ང་ལ་གསོལ་བ་ཐོབ། །ཁྱོད་ལ་ལྷ་འདྲེ་མང་པོས་རྒོལ་དུ་མཆིས། །ནངས་པར་མ་བརྗེད་འཕགས་མ་ཡིད་ལ་གྱིས། །ཕྱག་འཚལ་སྐྱབས་སུ་མཆིའོ་མ་བརྗེད་རེམ། །དེ་ལ་གསོལ་བ་ཇི་ལྟར་འདེབས་པའི་ཚེ། །རྗེ་བཙུན་འཕགས་མ་སྒྲོལ་མ་ཁྱོད་མཁྱེན་ནོ། །འཇིགས་དང་སྡུག་བསྔལ་ཀུན ལས་བསྐྱབ་ཏུ་གསོལ། །དེ་སྐད་ཐོབ་ཅེས་ཟེར་ནས་རང་ཡལ་ལོ། །སླར་ཡང་གཉིད་དུ་སོང་བས་བདེ་སྟོང་གི་ཉམས་ཤིག་ཤར་ཏེ་ནུབ་གཅིག་གི་ཡུན་ལ་སྐད་ཅིག་ཙམ་གྱི་སྣང་བ་ལས་མ་མངོན། ལོ་ཁྱིམ་དེའི་ཧོར་ཟླ་བཅུ་པའི་ཚེས་ཉེར་ལྔའི་ནུབ་གསེར་གྱི་ངོས་རིང་ལ་ཁ་ཞེས་བྱ་བ་དེར་སླེབ་སྣང་ཤར། གནས་དེ་རུ་མཁའ་འགྲོ་སྟོང་གི་ཚོགས་འདུས་བྱེད་པའི་ཚོགས་དཔོན་རྡོ་རྗེ་ ཕག་མོ་ཡིན་ཟེར་བ་མི་མགོ་རློན་པའི་ཁྲི་ལ་འགྱིང་བ་ཞིག་གིས་བདག་ལ་འདི་སྐད་ཟེར། ཀྱེ་ཧོ། སྐལ་པ་བཟང་པོའི་སྐྱེས་བུ་དམ་པ་ཁྱོད །ཡི་དམ་རྡོ་རྗེ་གྲོ་ལོད་ལ་བརྟེན་ནས། །བསྐྱེད་རིམ་གནད་ལྡན་བསྙེན་པ་ཚད་དུ་སྐྱོལ །འཇམ་དཔལ་སྨྲ་བའི་སེང་གེ་ལ་བརྟེན་ཏེ། །བསྐྱེད་རིམ་གནད་ཀྱི་བསྙེན་པ་འབྲུ་འབུམ་སྒྲོངས། །ཨོ་རྒྱན་ཆེན་པོ་སྤྱི་གཙུག་རྒྱན་དུ་ཟུངས། ཚིག་བདུན་གསོལ་འདེབས་འབུམ་ཕྲག་བརྗོད་པ་དང་། །བསམ་ལྷུན་ཤྭ་ལོ་ཀ་ཞིག་གྲངས་མང་འདོན། །འཇམ་དཔལ་མཚན་བརྗོད་ཁྲི་ཚར་བརྗོད་བྱས་ན། །ཚེ་ལོ་ཉེར་གཉིས་དུས་སུ དགོངས་གཏེར་བརྡོལ། །ཉེར་བཞིའི་དུས་སུ་ས་གཏེར་སྐོར་གསུམ་འབྱིན། །བཞི་བཅུ་ཕན་ཆད་འགྲོ་དོན་དཔག་མེད་འབྱུང་། །ལར་ནི་སྨོན་ལམ་ལོག་པའི་བདུད་རིགས་ཀྱིས། །གཤེ་སྐུར་འདེབས་ཤིང་དགྲ་རུ་ལང་བ་སོགས །བསམ་སྦྱོར་ངན་པའི་ལ་ཡོག་འདོར་བར་