Tibetan
སྐོར་T11618 - 080 T11618 - 080 ༄༅། །ཉམས་ཀྱི་ཟུག་རྔུ་དབྱིངས་སུ་འཇིག་པའི་གླུ་དབྱངས་བདེ་ཆེན་འཁྱིལ་བ་བཞུགས། མཆོག་གསུམ་དང་སྐུ་གསུམ་རྩ་གསུམ་ཁྱབ་བདག །མཐའ་བྲལ་གྱི་ཆོས་ཉིད་རང་རིག་ལ་གུས་འདུད། །ཨ་ཧོ། བདག་མེད་ཀྱི་ཤེས་རིག་བླ་མ་རུ་བཞེངས་ནས། །བདག་རྟོག་གི་ཡུལ་ལ་ལྟད་མོ་རང་བལྟས་ཚེ། །གཟུང་འཛིན་གྱི་ཆོས་ཀུན་སྒྱུ་མ་དང་རྨི ལམ། །ཡུལ་མེད་ཀྱི་ཟང་ཐལ་ངེས་པ་རུ་ཐག་ཆོད། །འཁོར་འདས་ཀྱི་ཆོས་ཀུན་མེད་བཞིན་དུ་སྣང་བ། །བདག་རྟོག་གི་ཆོ་འཕྲུལ་ངེས་པ་རུ་འདུག་མཐོང་། །སྒོམ་སྒྲུབ་དང་དམིགས་བསམ་རྩོལ་བ་ལ་མི་ལྟོས །ཡེ་གནས་ཀྱི་ཤེས་པ་ཡེ་ཤེས་སུ་འཕོས་པའི། །རིག་པ་ནི་མ་བསྒོམ་སངས་རྒྱས་ཞིག་རེད་ན། །རང་བྱུང་གི་སངས་རྒྱས་རང་མལ་དུ་རྙེད་ནས། །མི་གཞན་གྱི ཁ་ཚོད་བརྟགས་པ་ཡང་མ་དགོས །རང་ཉིད་ཀྱི་ཆོས་ཉིད་ཀློང་མཛོད་རང་བརྡོལ་ནས། །ཕྱི་ཡུལ་གྱི་དཔེ་ཧྲུལ་ཞེན་པ་ནི་མི་དགོས། །བདེ་སྡུག་གི་སྣང་ཉམས་གར་ཐབས་སུ་ཤར་ལ། བདེན་མེད་ཀྱི་ངང་མཐོང་གོལ་སར་ཡང་མི་ཐོགས། །ཐེག་དགུ་ཡི་ས་ལམ་རྒྱུ་འབྲས་ཀྱི་རྣམ་བཞག །གཅིག་ཆར་དུ་རྫོགས་པའི་མཐའ་གྲོལ་གྱི་རིག་པ །ཐོས་བསམ་གྱི་ཀློང་མཛོད་ངེས་པ་ རུ་འདུག་པས། །ཡུལ་གཞན་ལ་སྒོ་གསུམ་ཞེན་པ་རུ་མི་འཆོར། །ལུས་ངག་གི་བྱ་བ་དགུ་ཕྲུགས་སུ་བཏང་ནས། །མ་བཅོས་པའི་ངང་དུ་སྐྱིད་ཉལ་ཞིག་ནུས་ན། །མི་རྒན་གྱི་ལས་མཐའ་གཏན་བདེ་ལ་ཐུག་འགྲོ། །རྣམ་གཡེང་དང་འདུ་འཛི་ལེ་ལོ་ཡི་ཇག་པ། །གཏན་བདེ་ཡི་མྱུར་ལམ་གེགས་བྱེད་ཞིག་རེད་ན། །ད་སྔོན་གྱི་གཏམ་ལབ་འདོར་ལེན་དུ་བྱས་བྱས །འབྲས་བུ་ནི་སྤུ་ཙམ་མེད་པ་ལ་བསམ་ནས། །ལེ་ལོ་ཡི་དགྲ་ལ་བྱ་ར་ཞིག་ལོས་བྱེད། །མི་ངོ་ནི་དཀར་ནག་ཚེ་སྟོད་དུ་འཚོས་ཡོད། །མགུ་ཐབས་ནི་མ་བྱུང་གཤེ་སྐུར་གྱི་ལན་གཟོ། །བསམ་སྤྱོད་ཀྱིས་གཞན་ལ་ཕན་བཏགས་ཀྱང་བྱས་ཡོད། །བཟང་ལན་ནི་ངན་སྤྱོད་གཏམ་ཚིག་ནི་འཇལ་གྱིན། །དེ་ཀ་རང་དྲན་ནས་རང་དོན་ལ་ཆས་འགྲོ། །ཚེ་སྟོད་ཀྱི་དབང་པོ་བྱུས་སྟོབས་དང་ལྡན་ཚེ།། ཕུ་ནུ་དང་ཕ་མ་ཉེ་འབྲེལ་གྱི་བརྩེ་བརྩེ། །ན་ཚོད་ཀྱིས་འཕང་པའི་ཚེ་སྨད་དུ་བབས་ཚེ །ཐམས་ཅད་ཀྱིས་མི་ངན་ཐང་མ་རུ་མཐོང་མངོན །དེ་ཕྱིར་ཀྱང་རང་མགོ་འདོན་ཐབས་ཤིག་ལོས་བྱ།། རང་རྒྱལ་གྱི་བསམ་པ་ཆེ་འདོད་ཀྱང་མིན་པའི། །བསྟན་ཆས་དང་བླ་སྡེར་བསམ་བཟང་གི་ལས་ཀ །བྱས་བྱས་ཀྱང་ཀུན་གྱི་བླ་བཙག་དང་རྐང་འདྲེན། །རང་ཉིད་ཀྱིས་རང་ལ་བློ་ཡིད་ཀྱིས ༄༅། །གཞིག་ན། །གཡོ་སྒྱུ་དང་ཟོག་པོས་མི་མགོ་ནི་བསྐོར་མེད། །བླ་མ་ཡི་བཀའ་ལས་རང་བཟོ་ཡང་མ་བྱས། །རྫུན་ཚིག་གིས་གཞན་བསླུས་ཟས་ནོར་ཀྱང་མ་ཟོས། ཅི་བསམ་དང་ཅི་ཤར་བདེན་པ་རུ་སྨྲས་ཀྱང་། །ཟོབ་རྒན་དུ་གྱེར་ནས་ལྐོག་གཤེ་ནི་མང་གི། །ད་ལྟ་རུ་ཤི་ཡང་རང་སེམས་ནི་འགྱོད་མེད། །མི་རྒན་གྱི་ཞེ་བློ་བདེ་བདེ་དང་སྐྱིད་སྐྱིད། །ཁ་མིག་དང་དབང་པོ་མཛེས་གཞོན་གྱིས་བརྒྱན་ནས །རྣམ་རིག་གི་བ་དན་ཕྱོགས་བཅུ་རུ་གཡོ་བའི། །གྲོགས་མཆེད་ཚོས་རང་ཚོད་རང་ས་རུ་ཟུངས་ལ །མི་རྒན་ང་དཔེར་བདོག་ན་ཚོད་ཀྱིས་སྤང་འགྲོ། །དུས་ངན་གྱི་མི་ལ་བློ་གཏད་ནི་མེད་པའི །གཞན་ལས་ལ་བརྩོན་པ་ཡིད་ཆད་ཀྱི་གཞི་མ། །སྔ་མ་དང་ཕྱི་མའི་ཁུལ་ཀ་ནི་འདྲ་མཚུངས། །ཨ་ཧོ། ཤེས་རབ་ཀྱི་མིག་གིས་རང་སྣང་ལ་བལྟས་ན། །མ་དག་པའི་སྣང་བ་དྭངས་དབྱིངས་སུ་འཕོས་ནས། །འོད་གསལ་གྱི་སྣང་བ་དབྱིངས་ཐིག་གི་རོལ་པ། །སྒྲིབ་མེད་དུ་མངོན་གྱུར་གོང་འཕེལ་གྱི་དབྱིངས་ཡེས།། མ་དག་པའི་ལས་རླུང་བཙན་ཐབས་སུ་བསླངས་ཏེ། །རླུང་ལྔ་ཡི་འཕེལ་འགྲིབ་སྒོ་གསུམ་ལ་འབྱུང་ནས །མ་ངེས་པའི་བདེ་སྡུག་སྣ་ཚོགས་སུ་སྣང་ཞིང་།མ་དག་པའི་སྒོ་གསུམ་རྡོ་རྗེ་རུ་ འཕོ་ལྟས། །ན་ཚ་དང་ཟུག་རྡུ་འཚུབས་མ་བཞིན་ལྡང་འབྱུང་།དགའ་སྡུག་དང་རེ་དོགས་མ་ངེས་པར་ཤར་ཡང་། །སྒྱུ་འཕྲུལ་བཞིན་སོ་ཟིན་བརྟན་བྱ་ནི་མ་གྲུབ། །གནས་འགྱུར་གྱི་སྣང་བ སྣ་ཚོགས་སུ་སྣང་ཡང་། །དེར་འཛིན་དང་བདེན་ཞེན་མེད་པ་ཞིག་ངོ་ཤེས། །ཨོྃ སྔོན་སྦྱང་གི་ལས་འཕྲོ་ད་ལྟ་ཡི་བསོད་ནམས། །བླ་མ་ཡི་ཐུགས་རྗེ་དུས་འཛོམ་དུ་བྱུང་ནས། མི་རྒན་གྱིས་ཆོས་ཉིད་བདེན་པ་རང་མཐོང་ཡོད། །འདི་ཕྱི་ཡི་གནས་ཡུལ་འགྲོ་སྡོད་ལ་མི་གོལ །གནས་འགྱུར་གྱི་སྣང་བ་ང་རང་ལས་སུས་ཤེས། །ཤེས་རབ་ཀྱི་སྟོབས་ཀྱིས་ཡེ་ཤེས་ལ་དབང་འབྱོར། །ཡེ་གནས་ཀྱི་ཡེ་ཤེས་རང་ངོ་རུ་སངས་ནས། །མི་རྒན་གྱིས་རྫོགས་ཆེན་ངོ་མ་ཞིག་རྟོགས་ཡོད །ས་ལམ་དང་འབྲས་བུ་གཅིག་དྲིལ་འདི་སུས་ཤེས། །སྙིགས་མ་ཡི་སྣང་བ དྭངས་དབྱིངས་སུ་འཕོས་པའི། །འཕོ་ཆེན་གྱི་གདམས་པ་མི་རྒན་གྱིས་ཤེས་ཡོད། །འབྲས་བུ་ནི་ཐོབ་ལེན་མེད་པ་རུ་ཡེ་གྲོལ། །རྒྱུ་འབྲས་དང་འགྲོ་འོང་མེད་པ་དེ་སུས་ཤེས །མ་དག་པའི་བསྐལ་པ་དྭངས་དབྱིངས་སུ་འཇིག་པའི །འར་འུར་དང་ཆལ་ཆོལ་སྣང་ཉམས་འདི་བྱུང་ཡང་། །མི་རྒན་གྱི་སྐྱིད་འགོ་ཚུགས་པ་དེ་མཚར་རོ །འཆོལ་པོ་རུ་མཐོང་ལས་ཉམས་རྒྱས ༄༅། །ཀྱང་སུས་ཤེས། །རྩ་རླུང་དང་ཐིག་ལེ་སྐུ་གསུམ་དུ་འཕོ་ལྟས། །མ་ངེས་པའི་ན་ཚ་ཟུག་གཟེར་དུ་སྣང་ཡང་། །མི་རྒན་གྱི་བསམ་དོན་གྲུབ་པ་ལ་ངོ་མཚར། ལྷ་འདྲེ་དང་སྡེ་བརྒྱད་ཆོ་འཕྲུལ་ལས་སུས་ཤེས། །སྒོ་གསུམ་ལ་དགག་སྒྲུབ་མེད་པ་ཡི་ངང་ཤར། །ཚིག་སྤྱོད་ལ་གཟའ་གཏད་མེད་པ་རུ་སོང་ཡང་། །མི་རྒན་གྱིས་ཟབ་ལམ་འཆུག་མེད ཞིག་ཟིན་ཡོད། །སྨྱོན་པ་དང་ཞིག་པོ་གཉིས་ཀ་ལས་སུས་གོ། །ད་དུང་ཡང་དབྱིངས་རིག་ཆོས་ཉིད་དུ་བརྡལ་བའི། །པད་འབྱུང་གི་གཅེས་ཕྲུག་སྐྱིད་ཉལ་ཞིག་ནུས་ན །སྣང་སྲིད་ཀུན གཞལ་ཡས་ལྷ་སྐུ་རུ་སྨིན་ནས། །གྲུབ་ཐོབ་ཀྱི་རྒྱལ་པོ་རང་ས་ནས་རྙེད་འོང་། །མཐའ་གྲོལ་དུ་ཆོས་ཟད་བློ་འདས་ལ་ཡན་ནས། །ཤེས་སྒྲིབ་ཀྱི་དྲི་མ་ཆོས་ཉིད་དུ་དེངས་ནས །བུམ་སྐུ་ཡི་རྣལ་འབྱོར་འཇའ་ལུས་སུ་མཆོང་འགྲོ། །ཆེ་འདོད་དང་གྲགས་འདོད་ངོམས་ཆོས་ལ་མ་སོང་། །རང་དོན་གྱི་དམ་པ་གསང་ཐབས་སུ་བསྒྲུབ་པས །འཆི་བ་ནི་འོད་གསལ་ཆོས་ཉིད་དུ་འཕོ་བའི། །གོང་འཕེལ་གྱི་སྣང་བ་འཕྱུགས་མེད་ཞིག་འདི་ན །མི་རྒན་གྱི་ཞེ་བློ་བདེ་བ་ལ་ཕེབས་ཐལ། །སྣང་བ་ཡི་གར་ཁྱབ་འགྲོ་ཁམས་དང་སྣོད་བཅུད། །གཉིས་མེད་ཀྱི་བྱང་ཆུབ་ཆེན་པོ་ལ་ མཉམ་གྲོལ། །འགྲོ་དོན་གྱི་དམ་པ་མི་རྒན་གྱིས་གྲུབ་ཡོད། །འདི་སྨྲས་པའི་རྟེན་འབྲེལ་ཟབ་མོ་ཡི་སྟོབས་ཀྱིས། །ཁམས་གསུམ་གྱི་འཁོར་བ་སྐུ་གསུམ་དུ་གྲོལ་སྨོན །ཞེས་རྣལ་འབྱོར་པ རིག་འཛིན་རྒྱ་མཚོའི་ཉམས་བསལ་ཕྱིར་གླུ་མཁན་རྡོ་རྗེ་ཁྲོ་ལོད་འཆོལ་བའི་གཏམ་མོ། །དགེའོ།། ཇོམས་གསུང་མགུར་སྐོར 82 ཇོམས་གསུང་མགུར་སྐོར T11618 - 086 ༄༅། །དཔལ་རིའི་སྔགས་འཆང་ལ་བསྲིངས་པ་ཡོད། ཨེ་མ། བརྡལ་ཁྱབ་ལྷུན་གྲུབ་དོན་གྱི་འོག་མིན་ན། །རྒྱལ་ཀུན་སྤྱི་གཟུགས་རང་བྱུང་ཡེ་ཤེས་དཔལ། མ་རིག་མུན་པ་དྲུང་ནས་འབྱིན་བྱེད་པའི། །ཉིན་བྱེད་དབང་པོ་ཤེས་རབ་ཆེ་ལ་འདུད། །ཐོས་བསམ་རྒྱ་ཆེ་མཁས་པའི་དབང་པོ་ལ། །བླུན་པོས་འོལ་ཚོད་འདོམས་པ་མི་མཛེས་ཀྱང་། དམ་པའི་བཀའ་གཉན་ལྡོག་པར་མ་སྤོབས་པས། །རང་གི་རྒྱུད་ལ་འབྱོར་ཚོད་ཞུ་བ་ཕུལ། །དེང་སང་བསྐལ་པ་དུས་ཀྱི་སྙིགས་མ་འདིར། །སེམས་ཅན་བསོད་ནམས་དམན་པའི་ལས་དབང་གིས། །ཐེག་མཆོག་རྒྱལ་པོ་རི་མོའི་མར་མེ་ལྟར། །ཁ་ཁྱེར་ཚིག་ཁྱེར་ཙམ་དུ་ཡོད་ཡོད་འདྲས། །དོན་ལ་ཕན་གནོད་གང་དུའང་མ་སོང་བ། །དོན་མེད་ལབ་མོས་བསོད་ནམས་བསགས་པ་ཙམ། །རྣམ་མཁྱེན་ལམ་ལས་རིང་བ་མངོན་སུམ་མོ །སངས་རྒྱས་བསྟན་པ་བྱ་བ་གང་ལ་ཟེར། །དེ་ཕྱིར་རྣམ་མཁྱེན་ལམ་ལ་བགྲོད་འདོད་ཀུན། །འཁོར་འདས་རྩ་བ་རང་རྒྱུད་ལ་ཐུག པས། །ཡང་དག་ལྟ་སྒོམ་ཟབ་མོ་ལྷུར་ལེན་གནད། །འགའ་ཞིག་རྣམ་རྟོག་ལམ་དུ་བྱེད་པ་ཡི། །ཤར་གྲོལ་རང་གྲོལ་ཀློང་གྲོལ་ལ་སོགས་པས། །ས་ལམ་མིང་བཏགས་མཆོག་འཛིན་བྱས་ ན་ཡང་། །སེམས་ལ་ལམ་བྱས་ཡང་དག་དོན་མ་མཐོང་། །བདེ་སྡུག་ཉམས་ཀྱི་སྣང་བ་སྣ་ཚོགས་ལ། །མངོན་ཞེན་ང་རྒྱལ་བྱེད་པ་ཤིན་ཏུ་འཁྲུལ། །དེ་ཕྱིར་གནད་ཀྱི་ཡང་གཅེས་བཅུད དྲིལ་ནས། །ལྟ་སྒོམ་སྤྱོད་པ་ཟབ་མོའི་ལམ་འདི་འདོམས། །འདི་ལྟར་སྣང་སེམས་འཁོར་བའི་ཆོས་སོ་ཅོག །ཐམས་ཅད་རང་སྣང་འཁྲུལ་པའི་སྣང་ཉམས་ལས། །བདེན་གྲུབ་མེད་པ་རྨི་ལམ་སྣང་བས་སྟོན། །སངས་རྒྱས་སེམས་ཅན་བཟང་ངན་རེ་དོགས་ཡུལ། །སོ་སོར་བཟུང་ན་རང་རྒྱུད་པ་རུ་གོལ། །བདག་མེད་རྟོགས་པ་ལྟ་བའི་གནད་དུ་གཙོ། །བློ་ཡིད་རྟོག་པས་བཅིང་པའི་སེམས་འཛིན་དང་། །བདེ་གསལ་མི་རྟོག་ཉམས་ཀྱི་སྣང་བ་དང་། །ལྷ་སྣང་འདྲེ་སྣང་འཁྲུལ་པའི་སྣང་ཆ་ལ། །ལྟ་སྒོམ་མཆོག་འཛིན་བྱེད་པ་ཤིན་ཏུ་འཁྲུལ །མི་ལྟ་མི་སྒོམ་མི་དམིགས་རང་སར་བཞག །ཁྱབ་བྱེད་ཡེ་ཤེས་ལམ་བྱེད་སྒོམ་པའི་གནད །ཟབ་དོན་ཉམས་སུ་ལེན་པ་ལ་བརྩོན་ཏེ། །སྤྱོད་པའི་ཕྱོགས་སུ་ལྟ་བ་མ་ཤོར་གནད། །སླར་ཡང་ཟབ་དོན་ཉམས་སུ་ལེན་པ་ལ། །གཞི་ལམ་འབྲས་བུའི་གནད་འགགས་མདོ་ཙམ་བཤད། །གཞི་ཡི་ཆོས་སྐུ་བདེ་གཤེགས་སྙིང་པོ་འདི། །སངས་རྒྱས་བཟང་པོས་བཟང་པོར་བཅོས་སུ་མེད། །སེམས་ཅན མ༄༅། །ངན་པས་ངན་པར་བསྒྱུར་དུ་མེད། །ཀ་དག་ཡེ་གྲོལ་སྤྲོས་པའི་མཐའ་དང་བྲལ། །རྣམ་ཐར་གསུམ་ལྡན་ཕྱོགས་མཐའ་ཀུན་ནས་ཟླུམ །ལྷུན་གྲུབ་སྐུ་དང་ཡེ་ཤེས་ཡོན ཏན་རྫོགས། །དེ་ལྟར་མ་བཙལ་རྫོགས་ལྡན་ཆོས་སྐུའི་ཞལ། །ཁྱབ་བྱེད་ཡེ་ཤེས་ཤེས་རབ་སྤྱན་གྱིས་གཟིགས །དབྱིངས་དང་ཡེ་ཤེས་མཉམ་བརྡལ་རིག་པ་ཆེ། །མ་ཡེངས་མི་བསྒོམ་ངང་གནས རང་སར་ལྷག །ཕྱི་ནང་ཟང་ཐལ་ཆེན་པོར་རྒྱ་ཡན་པ། །སྐད་ཅིག་རྫོགས་སངས་རྒྱས་པའི་ལམ་ཟབ་ཡིན། །བླང་དོར་གནས་ལ་མཁས་ཤིང་ཚུལ་བཞིན་སྤྱོད། །ཞི་དུལ་བག་ཡོད་དད་པ་དམ་ཚིག ལྡན། །ལྟ་བའི་ཕྱོགས་སུ་སྤྱོད་པ་མི་འཆོར་གནད། །ཐང་ལྷོད་མེད་པའི་བརྩོན་འགྲུས་དྲག་པོ་ཡིས། །དེ་ལྟར་ཉམས་ལེན་གནད་ལ་བརྩོན་བྱས་ན། །རང་རིག་གདོད་མའི་གཞི་རུ་གདིང་ཐོབ་ཚེ། ཁམས་གསུམ་འཁོར་བའི་སེམས་སྣང་བག་ཆགས་ཀུན། །རྨི་ལམ་སྣང་བ་དབྱིངས་སུ་སད་པ་ལྟར། །ཆོས་དབྱིངས་བདེ་བ་ཆེན་པོར་འབྱམས་ཀླས་པ། །རྫོགས་པའི་སངས་རྒྱས་ཐོབ་འགྱུར་འབྲས་བུའོ། །ཨེ་མ་ཧོ། བསྐལ་པ་ཐོག་མེད་དུས་ནས། །མ་རིག་མལ་དུ་དུབ་པའི། །ཁྱེའུ་ཆུང་རིག་པའི་ཡེ་ཤེས། །ད་ལྟ་རང་ངོར་སད་ཚེ། །འཁོར་འདས་རྫོགས་པ་ཆེན་པོར། །རོ་ གཅིག་རོལ་པ་ཨོ་ཨོ། །བསླབ་སྦྱང་གནས་ལ་མ་ལྟོས། །སྔོན་གྱི་ལས་འཕྲོ་སད་ནས། །ཆོས་ཉིད་བདེན་པ་མཐོང་ཚེ། །འཁོར་འདས་རང་སྣང་ངོ་མ། །མེད་བཞིན་ཡོད་པར་སྣང་བའི། རེ་དོགས་བདེ་སྡུག་བར་གསུམ། །ཐམས་ཅད་འཁྲུལ་སྣང་ངེས་པ།།སྣོད་བཅུད་རྒྱ་ཆེ་གྲངས་མང་། །ང་ལས་གཞན་དུ་མ་གྲུབ། །དུས་གསུམ་སངས་རྒྱས་ཐམས་ཅད། །ང་ཡི་ཀློང་དུ་རོ་གཅིག ཁམས་གསུམ་འཁོར་བའི་སེམས་ཅན། །ང་དང་མཉམ་དུ་སངས་རྒྱས། །ཤེས་རབ་མིག་གིས་བལྟས་ཚེ། །སྣང་སྲིད་འཁོར་འདས་ཐམས་ཅད། །རོལ་པ་ཆོས་ཉིད་ཀློང་དུ། །མཚོ་ལ་གཟའ་སྐར་བཀྲ་བཞིན། །མཐོང་ཚེ་སྒྱུ་མའི་རྣལ་འབྱོར། །བདག་མེད་ཆེན་པོར་གདིང་ཐོབ། །ང་དང་ལས་འཕྲོ་ཡོད་པའི། །སྐལ་བཟང་སྐྱེས་བུ་དམ་པ། །རང་གཞི་ཆོས་སྐུ་ཀུན་བཟང་། །རང་སྣང་སྐུ་དང་ཡེ་ཤེས། །ཤེས་རབ་ཆེན་པོའི་རྩལ་གྱིས། །སྤྲོ་བསྡུ་འཕོ་བགྲོད་བྲལ་བར། །འགྲོ་ས་མེད་པའི་དབྱིངས་སུ། །འགྲོ་མཁན་ང་བདག་ཞིག་ཚེ། །ཆོས་སྐུའི་རྒྱལ་ས་ངོ་མ། །མི་རིང་མྱུར་ལམ་འདི་ལ། །མ་ཐོགས་མྱུར་དུ་བརྒལ་མཛོད། །ཅེས་པ་འདི་ནི་དཔལ་རིའི་སྔགས་སྐྱེས་བདེ་ཆེན་ཡེ་ཤེས་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་བྲིས་པའོ།། །། ཤྲཱི། ༄༅། །འཇམ་དབྱངས་ལ་གདམས་པའི་གླུ་དབྱངས་ཉི་མའི་སྙིང་པོ་བཞུགས། བདེ་གཤེགས་ཀུན་གྱི་ཕྲིན་ལས་གཅིག་བསྡུས་དཔལ། །ཨོ་རྒྱན་མཚོ་སྐྱེས་རྡོ་རྗེས་རྟག་ཏུ་སྐྱོངས། །སྨོན་ལམ་ལས་ཀྱིས་འབྲེལ་བའི་སྐལ་ལྡན་ཁྱོད། །ཚེ་འདིའི་སྣང་བ་རྨི་ལམ་གནས་སྐབས་ཙམ། །འདོད་ཡོན་ལོངས་སྤྱོད་སྒྱུ་མའི་ལྟད་མོ་འདྲ །གྲོགས་དང་ཉེ་དུ་ཚོང་དུས་མགྲོན་པོ་འདྲ། །བྱ་བྱེད་མདོ་མེད་སྨྱོན་པའི་སྤྱོད་པ་འདྲ །ཞེན་པ་གཏིང་ནས་ཆོད་ཅིག་སྐལ་ལྡན་བུ། །མི་ཚེའི་ལྷག་མ་སྐད་ཅིག་ཙམ་འདི་ལ། །ལུགས་གཉིས་ཆོས་ཚུལ་སྒྲུབ་པའི་དལ་ཁོམ་མེད། །ལྷ་ཆོས་ངེས་པ་ཞིག་ལ་རེམ་མཛོད་ཅིག །གནས་ནི་བཟང་ངན་མེད་པ་ཞིག་ལ་བསྟེན །ཁ་ཟས་མང་ཉུང་མེད་པར་སྲོག་འཚོ་ཙམ། །གོས་ལ་དྲོ་འཁྱག་མེད་པའི་ལྷག་སྐྱོབ་ཙམ། །བརྟེན་ནས་དབེན་པའི་རི་སུལ་འཛིན་ནུས་ན །སུ་མ་མགུ་ཡང་རྣལ་འབྱོར་དབང་ཕྱུག་ཡིན །སྐྱབས་ཀྱི་དམ་པ་བླ་མ་དཀོན་མཆོག་གསུམ། །དུས་རྣམས་ཀུན་ཏུ་མ་བརྗེད་གཙུག་ཏུ་ཁུར། །དམ་ཚིག་དང་ནི་སྡོམ་པའི་ངང་ཚུལ་འདི། །འཆི་བ་སྲོག་ལ་བབ་ཀྱང་མི་ཉམས་སྲུངས། །གཞན་བསླུའི་ཚིག་དང་སྤྱོད་ངན་རྣམ་གཉིས་པོ། །རང་གི་སྒོ་གསུམ་འཆོལ་ བའི་རྒྱུ་ཡིན་པས །དུག་བཞིན་སྤོང་ལ་སྒོ་གསུམ་བརྟན་ཐོབ་མཛོད། །ཆེ་མཐོ་གཞན་གྱིས་བསྟོད་བཀུར་བྱས་ན་ཡང་། །རང་མཐོང་ང་རྒྱལ་དྲག་པོའི་མགོ་འཕང་ཕོབ། །གཞན་གྱིས་གཤེ སྐུར་སྨ་ཕབ་བྱུང་བའི་ཚེ། །དངོས་གྲུབ་སྔ་ལྟས་ཡིན་ནོ་དགའ་བ་བསྒོམ། །གཞན་སྐྱོན་མང་པོ་མཐོང་ཚོར་བྱུང་བའི་ཚེ། །རང་སྐྱོན་ངོས་བཟུང་གཤེ་སྐུར་འདེབས་པ་སྤོངས །ཁྲོམ་མང་ལ་སོགས་ལྟད་མོ་མངོན་པའི་ཚེ། །ཉམས་ལེན་གནད་མ་དོར་ཞིག་སྐལ་ལྡན་བུ །རྐྱེན་ངན་སྡུག་བསྔལ་ཐོག་ཏུ་བབས་པའི་ཚེ། །སྒྱུ་མ་རྨི་ལམ་ལྟ་བུའི་གནད་ཀྱིས་ཟུངས། །བདེ་སྐྱིད དགའ་མགུ་ལྡན་པའི་གནས་སྐབས་སུ། །དེ་ལ་ཞེན་ཆགས་སྤོངས་ཤིག་སྐལ་ལྡན་བུ། །ནམ་ཞིག་འཆི་བ་ཐོག་ཏུ་བབས་པའི་ཚེ། །བློ་ལྷག་འགྱོད་མེད་ཞིག་ལ་རེམ་ཞིག་བུ །དེ་ལྟར་བཤད་པའི་རྒན་པོའི་འཆོལ་གཏམ་ལ། །མཁས་ཁྱད་སྡེབས་སྦྱོར་ལེགས་པ་མ་མཆིས་ཀྱང་། །རྒྱལ་བ་གོང་མའི་བཤུལ་ལམ་དེར་མདོར་འདུས། །གདམས་པའི་མཆོག་ཏུ་ཟུངས་དང་དོན་ཆེར་གདའ། །ཨ་ཧོ། སོར་རྟོགས་ཀྱི་ཤེས་རིག་མིག་རྣོན་གྱིས་ལྟོས་དང་། །ངར་འཛིན་གྱི་རྩ་བ་ཡུལ་མེད་དུ་ཤོར་སོང་། །མིང་ཀུན་གྱི་གདགས་གཞིའི་རྩ་བ་ལ་ལྟོས་དང་། །མ་གྲུབ་T11618 - 092 ༄༅། །པའི་སྟོང་ཉིད་ངེས་པ་ཞིག་རེད་ན། །སྣོད་བཅུད་དང་འདོད་ཡོན་སྣང་བ་ལ་ལྟོས་དང་། །གཞི་རྩ་དང་བྲལ་བ་ཡུལ་མེད་དུ་ཟང་ཐལ། །དགེ་སྡིག་དང་ལྷ་འདྲེའི ཕན་གནོད་ལ་ལྟོས་དང་། །བདག་ཡུལ་དང་བྲལ་བའི་སྟོང་ཉིད་ལ་ཧར་སངས །རེ་དོགས་ཀྱི་ཡུལ་ཆེན་སངས་རྒྱས་དང་སེམས་ཅན། །མ་བྱུང་དང་མི་གནས་གཞི་མེད་དང་རྩ་བྲལ། འཁོར་འདས་དང་བདེ་སྡུག་གང་ཤར་དང་དག་སྣང་། །ཆོས་ཉིད་ཀྱི་ངང་དུ་བྱང་ཆུབ་ཞིག་རེད་ན། །སྣང་སྲིད་ཀུན་ནམ་མཁར་རོ་གཅིག་ཏུ་ཡེ་སྟོང་། །ནམ་མཁའ་དང་རང་གཞི་མི་གཉིས་པ་ཨི་གོ། །ལྟ་བ་ཡི་རྒྱལ་པོ་སྟོང་ཉིད་རང་རྟོགས་ན། །བདག་མེད་ཀྱི་ཤེས་རབ་མངོན་གྱུར་ལ་ཕེབས་འོང་། །སྒོམ་པ་ནི་གཏད་མེད་རྒྱ་ཡན་ལ་སོང་ནས། །འཁོར་འདས་དང་རང་སྣང་དབྱེར་མེད་དུ་རིག་པའི། །རྒྱ་མཚོ་ཡི་གཟའ་སྐར་ཅི་བཞིན་དུ་རྟོགས་ན། །རྫོགས་ཆེན་གྱི་རྒྱལ་པོ་ཁྲི་ཁ་རུ་སླེབས་འདུག །སྤྱོད་པ་ནི་བག་མེད་བདུད་ཡུལ་ལ་མ་ཤོར། །བསླུ་མཁན་གྱི་བདུད་ཕོ་ནམ་འབྱུང་ནི་མི་ཤེས། །རང་རྒྱུད་ལ་དྲན་ཤེས་བྱ་ར་རེ་མཛོད་ལ། །གཏན་བདེ་ཡི་འབྲས་བུ་སད་ཐན་ལ་མ་ཤོར། །ཁྲེགས་ཆོད་ཀྱི་ལྟ་སྒོམ་འཁྲུལ་མེད་ཞིག་རྟོགས་ནས། །འདུག་སྟངས་ཀྱི་ ཆིངས་གསུམ་སྒོ་གནད་དང་བསྟུན་ནས །འོད་གསལ་གྱི་དབྱིངས་ལ་ལྟད་མོ་ཞིག་ལྟོས་དང་། །འོད་གསལ་གྱི་ཆོས་ཉིད་མངོན་སུམ་དུ་མཐོང་འོང་། །སྒོ་གསུམ་ནི་མི་གཡོ་བརྟན་གནས ཀྱི་ངང་གནས། །དེ་ཉིད་ཀྱི་ངང་དུ་མ་བཅོས་པར་ཡན་པས །གོང་འཕེལ་གྱི་ཉམས་སྣང་ངེས་པ་རུ་ཐོན་ཚེ། །སྒོ་གསུམ་གྱི་ངང་ཚུལ་སྨྱོན་པ་བཞིན་ཆལ་ཆོལ །ན་ཚ་དང་ཟུག་རྔུ་སྣ ཚོགས་སུ་འབྱུང་སྲིད །སྣོད་བཅུད་ཀུན་འོད་གསལ་དྭངས་མ་རུ་གོ་འཕོས། །དེ་ཉིད་དུ་ཉིན་མཚན་ཁོར་ཡུག་ཏུ་སྤྱོད་པས། །ཚད་ཕེབས་ཀྱི་སྣང་བ་མི་རིང་བར་འབྱུང་ནས། །སྲིད་པ་ཀུན ལྷ་སྐུའི་རང་བཞིན་དུ་སྨིན་ནས། །གྲུབ་རྟགས་དང་མངོན་ཤེས་རླབས་པོ་ཆེར་དབང་འབྱོར། །དེ་མཐར་ཡང་ཆོས་ཟད་བློ་འདས་ཀྱི་དབྱིངས་སུ །རྣམ་གྲོལ་གྱི་གདིང་ཐོབ་བུམ་སྐུ་རུ་ལྡང་ནས། །འཇའ་ལུས་ཀྱི་རིག་འཛིན་ཆོས་སྐུ་རུ་དེངས་འགྲོ། །མ་རིག་པའི་མི་རྒན་འོལ་ཚོད་ལ་ལྟོས་དང་།སངས་རྒྱས་ཀྱི་དགོངས་པ་སེམས་ཅན་གྱིས་དཔྱོད་པ། །ནམ་མཁའ་ལ་ཐག་ཚད་བྱེད་པ་དེ་དགོད་བྲོ། །དད་ལྡན་གྱི་སྐྱེས་བུས་ནན་ཆེར་དུ་བསྐུལ་ངོར །མི་རྒན་གྱི་འཆོལ་གླུ་བདུད་འཇོམས་པས་སྨྲས་སོ། །དགེའོ། །དགེའོ །དགེའོ།། །། T11618 - 094 ༄༅། །བྲེ་བོ་ཧོར་གྱི་བླ་མ་ཨ་བྷ་ཡ་ལ་གདམས་པའི་གླུ་དབྱངས་པུཎྜ་རི་ཀའི་དོཤལ་བཞུགས། རང་སྣང་སྤྲོས་བྲལ་ཆོས་སྐུའི་ཕོ་བྲང་ན། །རང་རིག་དོན་གྱི་བླ་མ མཆོག་ལ་འདུད། །སྨོན་ལམ་ལས་ཀྱིས་འབྲེལ་བའི་སྐལ་ལྡན་ཉོན །ཚེ་འདིའི་སྣང་བ་རྨི་ལམ་སྒྱུ་མའི་དཔེ། །དེ་ལ་ཞེན་པ་ཆོད་ཅིག་སྐལ་ལྡན་བུ །བླ་མ་རྒྱལ་བ་ཀུན་གྱི་སྤྱི་གཟུགས་ལ། དད་མོས་གསོལ་འདེབས་མ་ཞན་སྐལ་ལྡན་བུ །འགྲོ་དྲུག་སེམས་ཅན་ཕ་མའི་རང་བཞིན་ལ། །ཚད་མེད་རྣམ་བཞི་སྒོམ་མཛོད་སྐལ་ལྡན་བུ །རྡོ་རྗེ་མཆེད་ལྕམ་དཔའ་བོ་མཁའ་འགྲོ་ལ། དད་པ་མོས་གུས་མ་ཆུང་སྐལ་ལྡན་བུ །སྒྲུབ་པ་ལྷུར་ལེན་གཏན་བདེའི་བསོད་ནམས་ཡིན། །སྙིང་རུས་སྡུག་སྲན་མ་ཞན་སྐལ་ལྡན་བུ། །སེམས་ལ་ལམ་བྱེད་ལམ་འཚོལ་གནས་སྐབས་སུ། ཕྱི་སློང་ལྷ་འདྲེའི་ཆོ་འཕྲུལ་འབྱུང་བ་དང་། །ནང་སློང་ལུས་ལ་ན་ཚ་མ་ངེས་འབྱུང་། །གསང་སློང་སེམས་ཀྱི་བདེ་སྡུག་སྣ་ཚོགས་འབྱུང་།རིམ་པར་འབྱུང་བ་ས་དང་ལམ་གྱི་རྟགས། གཞན་ལ་གོལ་ས་ཆོད་ཅིག་སྐལ་ལྡན་བུ། །རིག་པ་རང་ངོ་འཕྲོད་ནས་ཉམས་ལེན་དུས། །མྱོང་ཞེན་རྡུལ་ཙམ་མེད་དོ་སྐལ་ལྡན་བུ །འཁོར་འདས་ཆོས་ཀུན་རྒྱ་མཚོའི་གཟའ་སྐར་བཞིན། T11618 - 095 རིག་པའི་རང་ཀློང་རང་བབས་རྫོགས་པ་དེ། །ལྟ་བའི་རྒྱལ་པོར་བབ་ཀྱིས་ལྷུན་གྲུབ་རྫོགས །ཡེ་གནས་ཤེས་པ་མངོན་དུ་གྱུར་པ་དེ། །བསམ་བརྗོད་བློ་འདས་ཁྱབ་བརྡལ་ཟང་མ་ཐལ། ཅི་ཡང་མ་ཡིན་སྤྲོས་པའི་མཐའ་དང་བྲལ། །རང་ཁར་འདུག་ལས་ལྟ་སྒོམ་དམིགས་གཏད་མེད། །ཡུལ་མེད་ཟང་ཐལ་ཆེན་