Tibetan
།ངང་ཤེས་པ་ནི་ཡང་དག་ལམ་མཆོག་ཡིན། །ཕྱི་ནང་གཉིས་ཀྱི་རྟགས་མཚན་མི་འཛོལ་བར། །སྣང་བ་བཞི་ཡི་རང་ཚུལ་ཤེས་པར་མཛོད། །ཨ་ཧོ། སེམས་མེད་ཀྱི་རྣལ་འབྱོར་ནམ་མཁའ་ཡི་ལུས་ཅན། །གྲོལ་བྱ་དང་ གྲོལ་བྱེད་གཉིས་མེད་ཀྱི་དབྱིངས་སུ། །ཡེ་གྲོལ་གྱི་རྒྱལ་པོ་ཁྲི་ཁ་རུ་ཕེབས་བྱུང་། །ཤེས་རབ་ཀྱི་མིག་ཡངས་དབྱིངས་ཆེན་ལ་བརྡལ་ཚེ། །འཁོར་འདས་ཀྱི་སྒྱུ་འཕྲུལ་སྒྱུ་མ་རུ་ཧར་སངས། སྣོད་བཅུད་ཀུན་ང་ཡི་ཀློང་ཡངས་སུ་ཨེ་རི། །ཆོས་ཉིད་ཀྱི་ཀློང་མཛོད་རང་མལ་དུ་བརྡོལ་ཚེ། །ཆོས་ཀུན་གྱི་ཆིངས་ཆེན་ཀུན་བཟང་ལ་ཡན་སོང་། །ས་ལམ་ལ་སྦྱང་བགྲོད་ཡུལ་བདག་ནི མེད་དོ། །ཀ་དག་གི་རིག་སྟོང་སངས་རྒྱས་སུ་མངོན་གྱུར། །འགྲོ་དོན་ནི་ལུས་ངག་གཉིས་ཀ་ཡིས་མི་འབྱུང་།འཁོར་འདས་ཀུན་མཉམ་གྲོལ་ཡེ་ཤེས་ལ་ཕེབས་ཤོག །བསྐལ་མང་དུ་ལས་མཐའ་ཇི་འགྱུར་ཡང་མི་ཤེས །ཚེ་གཅིག་ཏུ་འཇའ་ལུས་འཕོ་ཆེན་ཞིག་བསྒྲུབ་མཛོད། །མི་རྒན་གྱི་འོལ་ཚོད་ལྟ་སྒོམ་དུ་རློམ་པའི །གླུ་ཆུང་འདི་དགེ་རྩ་ལེགས་པོ་འདྲ་མཆིས་ན། ཡུལ་མེད་ཀྱི་ཟང་ཐལ་ཡངས་པ་རུ་བསྔོའོ། །ཞེས་པ་འདི་ཡང་ཝ་ཤུལ་བླ་མ་རིག་འཛིན་རྒྱ་མཚོས་བསྐུལ་ངོར་ཁྲག་འཐུང་རྡོ་རྗེ་ཁྲོ་ལོད་ཀྱིས་སྨྱོ་གླུ་བླངས་པའོ། །དགེའོ།། །། T11618 - 062 ༄༅། །ཚེ་འདིའི་བྱ་བ་རྨི་ལམ་གནས་སྐབས་ཙམ། །ཤེས་ནས་རང་མགོ་འདོན་པ་ཞིག་ལ་རེམ། །སྐྱིད་འདོད་བྱ་བ་བྱིས་པའི་རྩེད་མོ་འདྲ། །མདོ་མེད་ཚེ་འདིའི་དོན་གཉེར་སྤང་བར་མཛོད། །སེམས་ཀྱི་ངོ་བོ་ཁྱབ་བརྡལ་སྤྲོས་མཐའ་བྲལ། །ཡུལ་མེད་ཟང་ཐལ་མཐོང་ན་ལྟ་བ་ལགས། །དེ་ལ་གཏད་སོ་མེད་དོ་གུ་རུ་དབང་། །སྒོམ་པ་ཡེངས་མེད་ཤེས་པ རྒྱ་ཡན་ནེ། །དྭངས་གསལ་རྙོགས་མ་བྲལ་བའི་ཟང་ཀ་མ །ཆོས་ཉིད་མངོན་གྱུར་ལྐུག་པའི་རྨི་ལམ་འདྲ །དེ་ལ་སྤོང་ལེན་མེད་དོ་གུ་རུ་དབང་། །སྒོ་གསུམ་བྱ་བ་དགུ་ཕྲུགས་ཆེན་པོར བཞག །རྩོལ་མེད་རང་བབས་བྱ་བྲལ་ངང་གནས་ཤིང་། །ཅི་ཡང་མི་སྒོམ་མི་ལྟ་མི་འཛིན་པ། །སྤྱོད་པ་རང་བབ་བྱུང་རྒྱལ་ཆེན་པོ་ཡིན །དེ་ལ་བཅས་བཅོས་མེད་དོ་གུ་རུ་དབང་།། སྒོམ་པའི་སྒྲུབ་མཐའ་ཤི་བའི་དུས་ལ་གཏུག །ཕྱི་ཡི་སྣང་བ་དབྱིངས་སུ་མ་ཞིག་བར། །རྣམ་པར་གྲོལ་བའི་འབྲས་བུ་ཐོབ་མ་ཡིན། །དེ་ཕྱིར་ཆོས་ཟད་བློ་འདས་དབྱིངས་སུ་གཏུག །འདི་ལ་ལྟད་མོ་ལྟོས་ཤིག་མགོ་མ་རྨོངས། །ད་རེས་འཁོར་འདས་གཉིས་ཀྱི་ས་མཚམས་ཡིན། །གྲོལ་འཁྲུལ་གང་བྱེད་རང་ལ་རག་ལས་པས། །བློ་ཐག་ངེས་པར་ཆོད་ཅིག་གུ་རུ་དབང་། །ཞེས་ བདུད་འཇོམས་པས་སོ།། །། ༈ ཨེ། ཐར་མེད་འཁོར་བའི་རྒྱ་མཚོ་གཏིང་རེ་ཟབ། །ལས་ངན་རྣམ་གཡེངས་ལེ་ལོའི་ཇག་པ་རྒོད། །རྟག་འཛིན་ཞེན་པའི་ཐག་པ་དམ་པོས འཁྱུད། །འཁོར་བའི་བྱ་བ་བྱིས་པའི་རྩེད་མོ་འདྲ། །ཚེ་འདིའི་སྣང་བ་སྒྱུ་མའི་ལྟད་མོ་འདྲ། །འདོད་ཡོན་ལོངས་སྤྱོད་འཇའ་ཚོན་བྲག་ཆ་འདྲ། །མི་ཚེ་ཟད་པའི་ལྷག་མ་དགོང་མོ་ཙམ། ཤེས་ནས་དབེན་པའི་རི་ལ་གཅིག་པུར་སྡོད། །ཆོས་པའི་སྙིང་རྡོ་ཡིན་ནོ་ཀརྨ་དབང་། །འགྱུ་བ་རིག་རིག་རིག་བྱ་རིག་བྱེད་ཡོད། །རིག་མེད་རང་ཁར་ཐོངས་ཤིག་ཀརྨ་དབང་། །ཏིག་ཏིག་སྒོམ་ལ་སྒོམ་བྱ་སྒོམ་བྱེད་ཡོད། །སྒོམ་མེད་རྒྱ་ཡན་ངང་དུ་རང་ཡན་ཐོངས། །ནང་དུ་བསྡམ་ལ་བསྡམ་བྱ་སྡོམ་བྱེད་ཡོད། །ཤུགས་འབྱུང་རང་བབ་ངང་དུ་ལྷོད་དེ་ཞོག །ཕྱི་རུ་གཏད་ལ གཏད་བྱ་གཏད་བྱེད་ཡོད། །གཏད་མེད་རྒྱ་ཡན་ངང་དུ་ཕྱལ་ཡས་མཛོད། །ནམ་མཁའ་རྣམ་པར་དག་པ་གཞི་ཡི་དབྱིངས། །དྭངས་གསལ་རྙོགས་བྲལ་རྒྱ་མཚོ་ལམ་དུ་ཟུངས།།རང་ངོ་རང་གྲོལ་རྒྱལ་པོ་འབྲས་བུའི་ས། །རིག་པ་དྭངས་སངས་བརྗོད་མེད་ཡང་ཁྲོལ་ལེ། །དེ་ལ་མྱོང་ཞེན་མེད་དོ་ཀརྨ་དབང་། །རིག་པ་སྒོམ་མེད་གཏད་མེད་འཛིན་པ་མེད། །དེ་ལ་གཟའ T11618 - 064 ༄༅། །གཏད་མེད་དོ་ཀརྨ་དབང་། །རིག་པ་སྤྲོས་མེད་རྣམ་ཐར་སྒོ་གསུམ་ལྡན །དེ་ལ་ཕྱོགས་ལྷུང་མེད་དོ་ཀརྨ་དབང་། །རིག་པ་སྐུ་དང་ཡེ་ཤེས་ཡེ་རྫོགས་དབང་། 2ལྕ དེ་ལ་སྒོམ་སྒྲུབ་མེད་དོ་ཀརྨ་དབང་། །རིག་པ་ལམ་དང་འབྲས་བུ་གཅིག་རྫོགས་དབྱིངས །དེ་ལ་སྦྱངས་བགྲོད་མེད་དོ་ཀརྨ་དབང་། །ཡུལ་མེད་ཟང་ཐལ་གཏད་མེད་རྒྱ་ཡན་དུ། །མ་བཅོས་ངང་གནས་ཤི་བའི་མཐར་གཏུག་དང་། །ཚེ་འདིར་མངོན་འཚང་རྒྱ་འོ་ཀརྨ་དབང་། །ཞེས་བདུད་འཇོམས་རྡོ་རྗེས་སོ །དགེའོ།། 6 T1618 - 065 T1618 - 066 ༄༅། །གསེར་པ་རབ་འབྱོར་ལ་གདམས་པའི་གླུ་དབྱངས་ཐོད་པའི་ཕྲེང་བ་བཞུགས། བདེ་གཤེགས་སྙིང་པོ་སངས་རྒྱས་ཀྱི །ཡོན་ཏན་གཏེར་ལ་མི་ཕྱེད་འདུད། སྐལ་པ་བཟང་པོའི་བན་ཆུང་ཁྱོད། །བླ་མ་བཟང་པོའི་བུ་བརྒྱུད་ལགས །དམ་ཆོས་བཟང་པོའི་སྙིང་བཅུད་ལེན། །དད་བརྩོན་བཟང་པོ་མ་དོར་རེམ །སྣང་སྲིད་འཁོར་འདས་འདོད་ཡོན་སྣང་། །ཐམས་ཅད་ཆོས་ཉིད་ཆེན་པོ་རུ །མཉམ་པ་ཉིད་དུ་རོ་གཅིག་པའི། །ལྟ་བའི་རྒྱལ་པོ་བབ་ཀྱིས་རྫོགས། །བློ་ཡིད་གཉིས་ཀས་མ་བཅོས་པའི། །ཡེ་གནས་ཡེ་ཤེས་གོ་མ་འགགས།། བརྗོད་མེད་རིག་པ་ཟང་མ་ཐལ། །སྒོམ་པའི་རྒྱལ་པོར་ལྷུན་གྱིས་གྲུབ །ཆོས་ཉིད་ཅི་ཡང་མ་ཡིན་པའི། །ངང་བཞག་རང་ཁར་འདུག་པ་ལས། །བྱར་མེད་ཡུལ་ལ་བྱ་བྱེད་པའི། །བྱ་བ་བཏང་བ་སྤྱོད་པའི་བབ། །གཞི་དབྱིངས་ཡེ་གྲོལ་ཆོས་ཀྱི་སྐུ། །ས་ལམ་ཡོན་ཏན་ཡེ་རྫོགས་པའི། །ངང་མཐོང་གདོད་མའི་མགོན་པོ་ཉིད། །རང་བྱུང་རང་ཤར་སངས་རྒྱས་ལགས།། ལམ་ནི་སྦྱང་བགྲོད་ཕྱིན་པ་མེད། །རང་ཐོག་རང་ངོ་ཤེས་པ་ཡི། །ངང་གནས་ཡེ་བབ་མངོན་གྱུར་དབྱིངས། །ཡེ་རིག་ལམ་གྱི་དམ་པ་ཡིན། །འབྲས་བུ་སླད་ནས་འབྱུང་བ་མེད། །ཐོབ་ལེན་T11618 - 067 མེད་པའི་དང་པོའི་གཞིར། །ཡེ་སངས་རྒྱས་པ་ཡང་མངོན་གྱུར། །སྤང་བླང་མེད་པར་རང་སར་གྲོལ། །དེ་ལྟར་བྱང་ཆུབ་སེམས་ཉིད་འདི། །གང་ལས་མ་བྱུང་གང་མ་སྐྱེས། །གང་དུ་མ་འགྱུར་གར་མི་བགྲོད། །གང་ཡང་མ་ཐོབ་གང་མ་གྲོལ། །ཁྱབ་བརྡལ་ནམ་མཁའི་འཁོར་ཡུག་ལ། །ནམ་མཁས་ནམ་མཁར་བསྒོམ་བསྒྲུབ་མེད། །སྒོམ་དང་བསྒོམ་མཁན་སྒོམ་རྒྱུའི་ཆོས། །ཡུལ་མེད་ཟང་ཐལ་ཆེན་པོར་སྟོར། །ཤེས་པ་དང་པོའི་སྣང་བ་ལ། །རྣམ་པར་རྟོག་པས་ཉེར་ལེན་པའི །འཁྲུལ་པ་ཞེས་བྱ་འཁྲུལ་མོ་ཆེ། །གཞི་མེད་རྩ་བ་བྲལ་ལ་ལྟོས། དེ་ལས་འཁོར་བའི་འཁོར་ལོ་ཉིད། །ལྷུན་གྲུབ་འོད་གསལ་ཆེན་པོ་རུ། །བཙན་ཐབས་ཉིད་དུ་གོ་འཕོ་བའི །འཕོ་བ་ཆེན་པོར་ཉམས་སུ་ལོངས། །སྣང་བ་འོད་གསལ་ཉིད་དུ་མཆེད། རིག་པ་བཅུད་དུ་སྨིན་ཅིང་དག །ཆོས་ཅན་ཆོས་ཉིད་ཆེན་པོར་ཟད། །གཞོན་ནུ་བུམ་སྐུར་དེ་བཞིན་གཤེགས །མི་རྒན་འཆོལ་བའི་ལབ་མོ་དེ། །སེང་གེ་དཀར་མོའི་འོ་མ་བཞིན། །སྣོད་ལྡན་དག་གི་འཚོ་སྨན་མཆོག །སྣོད་མེད་རྣམས་ཀྱིས་ཆུ་རུ་འབོར། །མི་རྒན་བདུད་འཇོམས་རྡོ་རྗེས་སྨྲས། ༄༅། །ཆོས་རྒྱལ་ལ་གདམས་པའོ། །དུས་གསུམ་སངས་རྒྱས་འདུས་པའི་དཔལ། །ཀུན་བཟང་མཚོ་སྐྱེས་རྡོ་རྗེས་སྐྱོངས །སྨོན་ལམ་ལས་འབྲེལ་སྐྱེས་བུ་ཁྱོད། ངེས་པར་ཆོས་ཞིག་བསྒྲུབ་འདོད་ན། །དལ་འབྱོར་རྙེད་དཀའི་ཚུལ་ལ་སོམས །དོན་དང་ལྡན་པ་ཞིག་ལ་རེམ། །མི་རྟག་འཆི་བ་མ་བརྗེད་པར། །བློ་ཐག་རིང་པོའི་སྣ་ཀ་བསྟུང་ཚེ་རབས་ཐོག་མ་མེད་ལ་ལྟོས །དམ་པའི་ཆོས་དང་འཕྲད་པར་དཀའ། །མི་ཚེ་རྨི་ལམ་སྐབས་ཙམ་ལ། །བྱ་བྱེད་མ་མང་ཆོས་ལ་དྲིལ། །ལོ་ཟླའི་སྒྲུབ་པ་ཙམ་རེ་ལ། །ཡུས་ཆེ་མ་བྱེད་ཚེ་མཐར་གཏུག །ཚེ་དང་སྒྲུབ་པ་མཉམ་བྱས་ན། །སྐྱེས་བུ་རབ་ཀྱི་སྤྱོད་པ་ཡི །ངོ་ལྐོག་གཡོ་སྒྱུ་མེད་པ་རུ། །དམ་སྡོམ་བསྲུང་ན་རྒྱལ་སྲས་ཡིན །སྟོང་ཉིད་ལྟ་བ་རིན་པོ་ཆེ། །བར་མེད བསྒོམ་ན་རྣལ་འབྱོར་ཡིན། །རིག་པ་བྱར་མེད་བློ་བདེའི་ངང་། །རང་ཁར་འདུག་ན་རིག་འཛིན་ཡིན། །སྤྱོད་པ་མི་དང་མི་བསྟུན་པར། །རང་ས་བཟུང་བ་བྱ་བཏང་ཡིན། །གང་དང་ཐུག་འཕྲད་མེད་པ་རུ། །གཅིག་པུར་གནས་པ་རི་ཁྲོད་ཡིན། །ཆོས་བརྒྱད་བྱ་བའི་མཚམས་བཅད་ནས། །ཆོས་ཉིད་ངང་གནས་མཚམས་པ་ཡིན། །ཡིན་པ་བདུན་དང་ལྡན་གྱུར་ན། །དུས་T11618 - 069 གསུམ་རྒྱལ་བའི་གདུང་འཚོབ་ཡིན། །བླ་མ་དམ་པའི་བརྒྱུད་འཛིན་ཡིན །ཨ་ཧོ། གནས་གང་འདུག་སྣང་བ་རྒྱ་ཡན་ནེ། །དུས་ནམ་ཡང་ཤེས་པ་དགའ་སལ་ལེ། །གྲོགས་སུ་འཕྲད་ཞི དུལ་སྤྱོད་པ་མཛང་། །ལས་ཅི་བྱས་བག་ཡོད་དགེ་བར་འདྲེས། །དེ་གདམས་པའི་ཡང་བཅུད་དམ་པ་ཡིན། །སེམས་ཡེ་ནས་མ་བཅོས་སྤྲོས་མཐའ་བྲལ །ངང་མངོན་དུ་གྱུར་ན་རྟོགས་ལྡན ཡིན། །སེམས་ཡེ་སྟོང་དྭངས་གསལ་རྙོག་བྲལ་ལགས། །ངོ་རང་ཐོག་འཕྲོད་པ་རྟོགས་ལྡན་ཡིན། །སེམས་ངོ་བོ་ཡེ་སངས་རྒྱས་པ་ལགས །ངང་མངོན་དུ་གྱུར་ན་རྟོགས་ལྡན་ཡིན། སེམས་ཡེ་གྲོལ་འཁོར་འདས་དག་མཉམ་ཆེ། །ངོ་རང་སར་ཤེས་པ་རྟོགས་ལྡན་ཡིན། །སེམས་འཁོར་འདས་འུབ་ཆུབ་ཆེན་པོ་ལགས། །དེ་རང་ངོ་འཕྲོད་ན་རྟོགས་ལྡན་ཡིན། །དབྱིངས་ལྷུན་གྲུབ་བདེ་ཆེན་ཐིག་ལེའི་སྐུ། །འཕེལ་སྨིན་ནས་ཟད་པའི་མཐའ་རུ་ཕེབས། །མཐར་གཞོན་ནུ་བུམ་སྐུར་འཇའ་ལུས་གྲོལ །ཚེ་འདི་རུ་གྲོལ་ཐོབ་ཞིག་ཏུ་རེམ། །ང་རྒན་པོའི་ལབ་མོ་དེ་ཡིན་པས། །དོན་ཉམས་སུ་ལོངས་ཤིག་སྐལ་བཟང་བུ། །ཞེས་ཆོས་རྒྱལ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་སྨྲས་པ་དགེའོ། །སརྦ་མངྒ་ལཾ། །། ༄༅། །རྗེ་བླ་མ་ཨོ་རྒྱན་ཆེན་པོས་སྐྱོངས། །བློ་ཆོས་ལ་ཕྱོགས་པའི་བཙུན་མ་ཁྱོད། །ཕ་བླ་མ་སྨིན་གྲོལ་གདམས་པའི་མཛོད །དེར་གསོལ་འདེབས་མོས་གུས་རྟག་ཏུ་རེམ། །དམ་སྡོམ་པ་ཆོས་ཀྱི་སྙིང་རྡོ་ཡིན །དེ་མི་ཉམས་སྲོག་གི་གཏའ་རུ་ཟུངས །གྲོགས་མཆེད་ལྕམ་ལམ་གྱི་གྲོགས་ཡིན་ཕྱིར། །དེ་དཔའ་བོ་མཁའ་འགྲོའི་རོལ་པར་ལྟོས །མ་འགྲོ་ཀུན་ཕ་མའི་རང་བཞིན་ཡིན། །དེར་ཕན་དང་བདེ་བའི་བསམ་སྤྱོད་སྐྱོངས། །ཚེ་འདི་སྣང་རྨི་ལམ་གནས་སྐབས་ཙམ། །དེ་ཤེས་ནས་སྒོ་གསུམ་དགེ་ལ་དྲིལ། །ཆེ་དྲག་དང་མཐོ་ཐང་རློམ རློམ་ཡང་། །དེ་འབྱུང་མེད་ཆུ་ལ་མར་འདོད་འདྲ། །སྐྱིད་འདོད་པའི་བྱ་བ་བསྒྲུབ་བསྒྲུབ་ཀྱང་། །དེ་རི་དྭགས་སྨིག་རྒྱུ་དེད་པ་ལྟར། །ཐོག་ཕེབས་དུས་མེད་དོ་དགེ་བཙུན་མ། །བློ་ཆོས་ལ དྲིལ་དང་སྐྱིད་ཐོག་ཕེབས། །དུས་ད་སྔོན་བསྒྲུབ་པའི་ལས་ཀ་རྣམས། །དཔེ་བྱིས་པའི་རྩེད་མོ་ལྟ་བུ་ལས། །དོན་གྲུབ་ཟིན་མེད་པའི་ཚུལ་ལ་ལྟོས། །ཚེ་ལོ་གྲངས་མང་པོ་ཡོད་མེད་ཟད།། ད་མི་ཚེའི་ལྷག་མ་ཙམ་འདི་ལ །ཆོས་གཤའ་མ་ཞིག་ལ་རེམ་མཛོད་ཅིག །ཨ་ཧོ། འཁོར་འདས་ཀྱི་ཡུལ་ས་སྣོད་བཅུད། །སྒྱུ་མ་དང་སྨིག་རྒྱུ་བཞིན་དུ །སྣང་ཙམ་གྱིས་སྟོང་པ་ཡུལ མེད། །སྟོང་ཉིད་ནི་ནམ་མཁའི་རོལ་པ། །མངོན་གྱུར་གྱི་རིག་པ་ཆོས་སྐུ། །བྱར་མེད་ཀྱི་གནས་ལུགས་མཐོང་ཚེ། །ཕྱི་ནང་དང་འཁོར་འདས་ཐམས་ཅད། །རྒྱ་མཚོ་དང་གཟའ་སྐར་ཇི བཞིན། །གཉིས་མེད་ཀྱི་ངང་ཚུལ་མཐོང་བའི། །རྫོགས་ཆེན་གྱི་རྒྱལ་པོ་འདི་ནི། །རེ་དོགས་ཀྱི་མདུད་རྒྱ་རང་གྲོལ། །སངས་རྒྱས་ནི་གཞན་ན་མེད་མངོན། །རང་ཐོག་ཏུ་རང་གྲོལ་སངས རྒྱས། །ཀུན་བཟང་གི་དགོངས་པ་འདི་ཀོ། །ཀ་དག་གི་ས་ལ་ཕེབས་ཤོག །ཅེས་པ་འདི་དགེ་བཙུན་མ་རྣམ་དག་སྒྲོལ་མས་བསྐུལ་ངོར་བདུད་འཇོམས་པས་སོ། མས་གསུང་མགུར་སྐོར མས་གསུང་མགུར་སྐོར Tl1618 - 072 ༄༅། །རྒན་པོའི་ཐད་གྲོལ་རིག་པའི་གཏམ་བཞུགས ན་མོ་གུ་རུ་བུདྡྷ་ཡ། སེམས་ཉིད་རྒྱ་མཚོ་ལྟ་བུ་ལ། །འཁོར་འདས་གཟུགས་བརྙན་བཀྲ་བཞིན་ལགས། །གཟུགས་བརྙན་རྒྱ་མཚོ་གཅིག་གིས་ཆིངས། །རྒྱ་མཚོ་མངོན་གྱུར་ངང་ལ་ཞོག །སེམས་ཉིད་ནམ་མཁའི་རང་བཞིན་ལ། །སྣོད་བཅུད་མེད་བཞིན་སྣང་བ་སྟེ། །སྣོད་བཅུད་ནམ་མཁའ་གཅིག་གིས་ཆིངས། ནམ་མཁའ་མངོན་གྱུར་ངང་ལ་ཞོག །སེམས་ཉིད་སྟོང་པ་ཁྱབ་བརྡལ་ལ། །ཆོས་ཀུན་རྟེན་འབྲེལ་སྒྱུ་མར་སྣང་། །ཆོས་ཀུན་སྟོང་ཉིད་གཅིག་གིས་ཆིངས། །སྟོང་ཉིད་མངོན་གྱུར་ངང་ལ་ཞོག སེམས་ཉིད་དག་མཉམ་རིག་པ་ལ། །འཁོར་འདས་དག་མཉམ་ཆེན་པོར་རྫོགས། །འཁོར་འདས་རིག་པ་གཅིག་གིས་ཆིངས། །རིག་པ་མངོན་གྱུར་ངང་ལ་ཞོག །སེམས་ཉིད་ཀ་དག་ཆོས་སྐུ་ལ།། སེམས་དང་སྣང་བ་མེད་བཞིན་ཤར། །སེམས་སྣང་ཆོས་སྐུ་གཅིག་གིས་ཆིངས །ཆོས་སྐུ་མངོན་གྱུར་ངང་ལ་ཞོག །ལྟ་སྒོམ་སྤྱོད་པ་ལོགས་ན་མེད། །རྣམ་རྟོག་འགྱུ་བ་སྐྱེ་འགག་ཅན།། འཚོ་སྐྱོང་བྱས་ཀྱང་ཐོབ་ལེན་མེད། །ཁྱབ་བརྡལ་ཆེན་པོའི་དགོངས་པ་སྐྱོངས །སངས་རྒྱས་ཀུན་གྱི་དགོངས་པ་ཡིན། །སྐལ་བར་ལྡན་ན་ཉམས་སུ་ལོངས། །བདུད་འཇོམས་པས་སོ།། ྋ T11618 - 074 ༄༅། །སྔོན་བྱོན་རྣལ་འབྱོར་དམ་པ་མང་པོ་ཡིས། །ཚེ་དང་སྒྲུབ་པ་མཉམ་སོང་རྟེན་འབྲེལ་འགྲིག །དེ་ཚེ་གནས་དང་བྱིན་རླབས་ཐོབ་ཡོད་དེ །མདོ་མང་དགོན་གནས དེ་ཡི་ཉེ་ཚལ་དུ། །སྒོམ་དང་སྒྲུབ་པ་ཉམས་ལེན་ཞིག་ཏུ་རེམ །ལྷ་ས་བསམ་ཡས་ཡར་ལུང་ཁྲ་འབྲུག་སོགས། །གནས་ཆེན་རྣམས་ཀྱང་གོང་མའི་བྱིན་རླབས་ལས །ས་དང་རི་ཕུག་བྱིན་ལྡན་ཡོད་མ་ཡིན། །དེ་ཚུལ་སོམས་ལ་གནས་དེར་མཚམས་སྒྲུབ་རེམ །རྗེ་བཙུན་བཞད་པ་རྡོ་རྗེའི་ཞལ་ན་རེ། །ནམ་མཁའ་སྒོམ་དུ་བདེ་ལགས་ཀྱང་། །ལྷོ་སྤྲིན་བསྒོམ་དུ་ཅུང་མ་བདེ།། ལྷོ་སྤྲིན་ནམ་མཁའི་ཆོ་འཕྲུལ་ཡིན། །ནམ་མཁའ་རང་གི་ངང་ལ་ཞོག །གསུངས་པའི་དོན་དེ་ཡིད་ལ་དྲན་མཛོད་ལ། །ནམ་མཁའི་ངང་མངོན་ཆེན་པོ་རང་ལ་ཞོག །འཁོར་འདས་ཡོངས་ཀྱི་སྤྱི་གཞི་མ་ལགས་སམ། །བསྒོམ་བཅོས་མྱོང་ཞེན་མེད་པར་ཡིད་ཆེས་མཛོད། །རྒྱ་མཚོ་སྒྲོམ་དུ་བདེ་ལགས་ཀྱང། །རྦ་རླབས་བསྒོམ་དུ་ཅུང་མ་བདེ། །རྦ་རླབས་རྒྱ་མཚོའི་ཆོ་འཕྲུལ་ཡིན། རྒྱ་མཚོ་རང་གི་ངང་ལ་ཞོག །ཅེས་གསུངས་པས། རྒྱ་མཚོའི་གཟའ་སྐར་རྒྱ་མཚོར་མི་གཞན་བཞིན །སྣང་སེམས་ཐམས་ཅད་ངོ་བོ་ལས་མི་གཞན། །ངོ་བོ་མངོན་གྱུར་ངང་ལ་ཡིད་ཆེས ནས། །བྱར་མེད་བློ་བདེ་སྤྲོས་བྲལ་རྗེན་པར་ཞོག །སེམས་ཉིད་བསྒོམ་དུ་བདེ་ལགས་ཀྱང་། །འགྱུ་བ་བསྒོམ་དུ་ཅུང་མ་བདེ། །འགྱུ་བ་སེམས་ཀྱི་ཆོ་འཕྲུལ་ཡིན །སེམས་ཉིད་རང་གི ངང་ལ་ཞོག །ཅེས་གསུངས་པས། སེམས་ཉིད་འཁོར་འདས་སྟོང་ཉིད་ཆེན་པོ་ཉིད། །མངོན་གྱུར་ངང་བཞག་སྒོམ་གྱི་དམ་པ་རུ། །ཤེས་ནས་ཡིད་ཆེས་ངང་དུ་བྱར་མེད་ཞོག །ད་ནི་འོད གསལ་ཐོད་རྒལ་མྱུར་ལམ་ལ །བརྟེན་ནས་ཚེ་སྒྲུབ་མཉམ་པ་ཞིག་ཏུ་རེམ། །གོ་གོ་ཤེས་ཤེས་རིག་རིག་མང་ན་ཡང་། །འཆི་ཁ་ཕན་པ་ཨེ་བྱུང་རྒྱུད་ལ་བརྟག །ནམ་འཆི་ཚོད་ལ་སེམས ཀྱིས་ཚད་མི་ཐེབས། །མྱུར་དུ་འཆི་ཆོས་གཤའ་མ་ཞིག་ལ་རེམ། །ཕྱི་ནང་བདེ་སྡུག་རེ་དོགས་ན་ཚ་རྐྱེན། །སྒྱུ་མ་རྨི་ལམ་ལྟ་བུ་ཉམས་ཀྱི་རིས། །བདེན་འཛིན་ཞེན་པ་མེད་པའི་ངང་ལ་ཞོག། མི་ཁྱོད་ཚེ་དང་སྒྲུབ་པ་མཉམ་པ་ཞིག །བྱུང་ན་མངོན་འཚང་རྒྱ་འགྱུར་ཐེ་ཚོམ་མེད །མི་རྒན་གོམས་པའི་ཉམས་མྱོང་ལབ་མོ་དེས །ཁྱོད་ཀྱི་རྒྱུད་ལ་ཕན་བདེ་འབྱུང་བར་ཤོག །རིག་འཛིན་རྡོ་རྗེའི་ངོར་བདུད་འཇོམས་པས་སྨྲས་པ་དགེའོ། ། ༄༅། །གྲགས་པ་ལ་གདམས་པའི་གླུ་དབྱངས་འཛིན་པ་རང་གྲོལ་བཞུགས་སོ། །ན་མོ་གུ་རུ་པདྨ་ཀ་ར་ཡེ། སྨོན་ལམ་ལས་ཀྱིས་འབྲེལ་བའི། །སྐལ་བཟང་སྐྱེས་བུ་ཁྱོད་ཉོན། །འཁྲུལ་པ་ཀུན་གྱི་གཞི་རྩ། །ངར་འཛིན་ཤེས་པ་བརྟན་པོ། །གཞི་མེད་རྩ་བྲལ་ངེས་པ། །འདི་ལྟར་སྣང་བའི་ཆོས་ཀུན །མིང་དངོས་གཞི་རྩ་བྲལ་བའི། །རྟེན་འབྲེལ་སྒྱུ་མའི་རྫུན་རིས །མེད་བཞིན་སྣང་བ་སྣང་ཆ །ཐམས་ཅད་སྟོང་པའི་རང་བཞིན། །རྒྱ་མཚོའི་གཟའ་སྐར་ཅི་བཞིན། །འཁོར་འདས་ཆོས་རྣམས་ཐམས་ཅད། །རང་སྣང་སྟོང་པ་རོ་གཅིག། ཡེ་ཡིན་མངོན་གྱུར་ཆེན་པོ། །ལྟ་བ་ཀ་དག་སངས་རྒྱས །ལྷན་ཅིག་སྐྱེས་པའི་ཡེ་ཤེས །ངོ་འཕྲོད་མངོན་གྱུར་ཆེན་པོ། །བསྒོམ་བཅོས་འཛིན་རྩོལ་བྲལ་བ། །བསྒོམ་པ་མ་བསྒོམ་སངས རྒྱས། །ལྟ་སྤྱོད་གཅིག་ཕྱོགས་གཅིག་ཤོར །མ་ཡིན་དྲན་ཤེས་བག་ཡོད། །ངང་ལྡན་ཆོས་བཞིན་སྤྱོད་པ། །སྤྱོད་པ་རང་བྱུང་སངས་རྒྱས །འདི་གསུམ་གཅིག་ཏུ་དྲིལ་བ། །མྱུར་ལམ་ཟབ་གསང་བླ་མེད། །ཉམས་ལེན་གནད་དུ་བསྣུན་ཚད །སངས་རྒྱས་ས་རུ་ངེས་གྲོལ། །དེ་ཉིད་གཞི་རུ་བཞག་ནས། །སྒོ་གསུམ་ལྷོད་པའི་ངང་ཆགས། །ལྷུན་གྲུབ་ལམ་དུ་བྱ་བ།། འོད་གསལ་འཕོ་བ་ཆེན་པོས །སྣང་སེམས་ཆོས་ཉིད་རོལ་པར །བཙན་ཐབས་ཉིད་དུ་འཕོས་ཏེ། །ཚེ་གཅིག་རྫོགས་སངས་རྒྱས་པའི། །འབྲས་བུ་མངོན་དུ་བྱེད་པ། །འཇའ་ལུས་འཕོ ཆེན་ཐོབ་འགྱུར། །མ་དག་སྙིགས་མའི་བསྐལ་པ། །དྭངས་མའི་དབྱིངས་སུ་འཇིག་ཚེ །བདེ་དང་སྡུག་བསྔལ་ཉམས་སྣང་། །མ་ངེས་གར་གྱི་རྣམ་འགྱུར། །ཇི་བཞིན་སོ་ཟིན་མེད་པར། འབྱུང་ལ་བདེན་ཞེན་མེད་པའི། །བདག་མེད་རྟོགས་པའི་ཤེས་རབ། །མངོན་གྱུར་གོལ་ཤོར་སྒོ་གཅོད །ཡིན་པར་ཤེས་པ་གནད་མཆོག །འོད་གསལ་རྫོགས་ཆེན་སྒོམ་དང་། །ཚེ་འདིར གྲོལ་བ་ཐོབ་འོང་། །མི་བསླུ་ངེས་པའི་གཏན་ཚིགས། །མ་བརྗེད་སེམས་ལ་ཞོག་ཅིག །མི་རྒན་འཆོལ་བའི་ལབ་མོ། །བདེན་མེད་རྫུན་མེད་དེ་ཡིན་ནོ། །ཞེས་ཁྲག་འཐུང་བདུད་འཇོམས རྡོ་རྗེས་གདམས་པའོ། །དགེའོ།། ༄༅། །མཚོ་སྐྱེས་རྡོ་རྗེའི་ཞབས་ལ་ཕྱག་འཚལ་ལོ། །སྣང་བ་བདེ་ཞིང་རྟོག་པ་གསལ་ཧྲིག་གེ། །རྣམ་རྟོག་འོག་འགྱུའི་ཉོན་འཁྲུལ་ངང་གི་ཞི། །ཧད་པོ་མ་ཡིན་ས་ལེར་གནས་པ་དེ། །ཞི་གནས་ཉམས་ཀྱི་མགོ་ཟུག་ལམ་རྟགས་ངེས །བདེ་གསལ་མི་རྟོག་ཉམས་ནི་གང་སྐྱེས་ཀྱང་། །མ་ཆགས་མི་ཞེན་ཆེད་སྒོམ་དོགས་སྤང་མིན། །བདེ་ན་བདེ་མཁན གསལ་ན་གསལ་མཁན་དེ། །ངོ་བོ་ཉིད་ལས་རང་བཞིན་སྤྱོད་འདོད་མིན། །བདེ་མཁན་གསལ་མཁན་གནས་མཁན་དེ་ཀ་སྐྱོང་། །གང་ལ་གོལ་བསླུ་མ་གོལ་ལམ་གྱི་གནད། །ཕྱི་རུ་འཕྲོ་ཞིང་འཐོར་རྒོད་ངང་སྐྱོང་སེལ། །ནང་དུ་རྨོངས་འཐིབ་རྨུགས་འགྱོད་ཐེ་ཚོམ་ལ། །ཤེས་པ་ཁ་ཡན་ཕཊ་ཀྱིས་སངས་ལ་བསྒོམ། །མཉམ་བཞག་ལྟ་སྟངས་འཛིན་འཆིངས་ཤིགས་ལ་ཞོག། མ་ཡེངས་མི་བསྒོམ་ལྷོད་དེ་ཤིག་གེར་ཞོག །རྗེས་ཐོབ་དུས་ཀྱང་དེ་བཞིན་ངང་སྐྱོང་ཞིང་། །ལྟ་སྤྱོད་འགྲོ་འདུག་ལས་ཀ་གང་བྱེད་ཀྱང་། །རང་ངོ་རིག་བཞིན་དྲན་ཤེས་སོ་མ་སྐྱོངས།། ཡོད་མེད་བསམ་པའི་འཛིན་པ་གང་མེད་པས། །མ་ཡེངས་ཡེངས་མེད་བསྒོམ་སྐྱོངས་འཛིན་འཆིང་མེད། །དེའི་ངང་མ་ཤོར་ཡིད་ལ་གང་མ་བྱེད། །གོལ་ནོར་ཤོར་ས་གང་ཡང་མེད་ཀྱང་ ཐང་། །དགེ་སྡིག་བླང་དོར་མ་ནོར་གནད་གཅིག་གོ །སྤྲང་དྲེད་པོ་བདུད་འཇོམས་རྡོ་རྗེས་དགེ་མ་ཆོས་མཚོའི་ངོར་འབྲོས་ཕུག་མཁའ་འགྲོའི་འདུ་ཁང་དུ་བྲིས། དགེའོ།། །། ༄ བདུད་འཇོམས་གསུང་མགུར་