Tibetan
པོར་ཧར་སང་ཡན། །འཁོར་འདས་རང་སྣང་ཉིད་དུ་ངོ་ཤེས་ནས། །ཆོས་ཉིད་དེ་བཞིན་ཉིད་དུ་རོ་གཅིག་པའི། །ངང་ཚུལ་ངོ་ཤེས་ཐོག་ཏུ་ངེས་ཤེས་འདྲོངས། །ཤེས་ཐོག་ཐེ་ཚོམ་གཅོད་པ་གནད་ཀྱི་མཆོག །དེ་ཐོག་གདིང་ཆེན་ཐོབ་པ་མཆོག་ཏུ་ཟུངས། །མདོར་ན་དགའ་སྡུག་རེ་དོགས་བཟང་ངན་སོགས། །གང་བྱུང་གང་ཤར་ཉམས་ཀྱི་རི་མོ་རུ། །ཤེས་པ་ལམ་གོལ་གནད་འཆུགས་གེགས་སྒྲོལ་མཆོག །སྒོམ་པ་ཁ་ཕོ་མཐོ་ཡང་སྤྱོད་པས་སྟོན། །རང་མཐོང་ང་རྒྱལ་མགོ་འཕང་སྨད་པ་གལ །སྣང་སེམས་གཉིས་ཀ་གཏའ་རུ་མངོན་ལ་ལྟོས། །གྲོལ་འཁྲུལ་ཤན་འབྱེད་གནད་ལ་མཁས་པར་སྦྱོང་། །གྲོལ་འཁྲུལ་རྨི ལམ་ཉིད་ཀྱིས་སྟོན་ལ་ལྟོས །འཆི་ཚེ་སྐྱེད་བཟང་ཐོན་འོང་མ་སེམས་ཅིག །འོད་གསལ་འཕོ་བ་ཆེན་པོའི་གྲོང་འཇུག་ཚེ །ཤེས་པ་དང་པོ་འཁོར་བའི་སྣང་བ་རུ། །མཆེད་དེ་རྣམ་པར་རྟོག ༄༅། །པས་ཉེ་བར་ལེན། །འཁོར་བའི་འཁོར་ལོར་གནས་འགྱུར་བྱེད་པ་སྟེ། །དེ་ཕྱིར་ཤེས་པ་དང་པོ་དྭངས་དབྱིངས་སུ། །བཙན་ཐབས་ཉིད་དུ་འཕོ་ཞིང་གྲོང་འཇུག ཕྱིར། །ལུས་ཀྱང་སྡོད་པ་གསུམ་གྱིས་ས་བཟུང་ནས། །ངག་གནད་རླུང་གི་འབྱུང་འཇུག་དལ་བར་བསླབ། །སྒོ་གནད་ལྡོག་ཕབ་ཐད་དྲང་བལྟ་བ་ཡིས། །ཤེས་རབ་མིག་ལ་ཡེ་ཤེས་སྤྱན་ཚུད་པའི། །ཤེས་པ་དང་པོ་འོད་གསལ་སྣང་བར་མཆེད། །སྒྲོན་མ་རྣམ་བཞི་མངོན་དུ་འགྱུར་བར་ངེས། །ཆོས་ཉིད་ཡིད་དཔྱོད་ལས་འདས་མངོན་སུམ་མཐོང་། །སྒོ་གསུམ་མི་གཡོ་ངང་འཐོབ་ལྷོད་འབོལ་གནས། །དེ་ལ་ཤིན་ཏུ་སྦྱངས་པའི་སྟོབས་ཤུགས་ཀྱིས། །སྣང་བ་འོད་དུ་འཕེལ་བའི་ཉམས་གོང་འཕེལ། །ཆོས་ཉིད་གཏད་མེད་རྒྱ་ཡན་ངང་ཐོབ་པས། །སྒོ་གསུམ་སྨྱོན་པ་ཅི་བཞིན་ཆལ་མ་ཆོལ། །དག་དང་མ་དག་སྣང་བ་དཔག་མེད་འབྱུང་། །ལྷ་འདྲེ་མཐོང་བའི་མངོན་པར་ཤེས་པ་དང་། །མཁའ་འགྲོས་བསླུ་བ་ལུང་བསྟན་གྲུབ་རྟགས་ཐོན །གཏེར་འབྱིན་ཡུལ་གྱིས་བསླུ་བ་ཀུན་གྱིས་འདུད། །དེ་དག་ཀུན་ལ་མངོན་ཞེན་སྐྱེས་གྱུར་ན། །བདུད་ཀྱི་དབང་གྱུར་ཚེ་འདིར་ཆེ་བ་རྒྱས། །ཕྱི་མ་ས་དང་ལམ་གྱི་གེགས་སུ་བབ། །དེ་ཕྱིར་གནད་འདི་བློ་ལ T11618 - 097 བཏགས་པ་གལ། །དེ་ནས་དེ་ལ་ཤིན་ཏུ་གོམས་སྟོབས་ཀྱིས །ཆོས་ཉིད་རིག་པ་ཚད་ལ་ཕེབས་གྱུར་ནས། །སྤྱན་དང་མངོན་ཤེས་རྫུ་འཕྲུལ་རླབས་ཆེན་འཐོབ། །རིག་པ་བཅུད་དུ་སྨིན་པས་སྣང་བ་ཀུན། །སྐུ་དང་ཞིང་ཁམས་རོལ་པར་མངོན་དུ་གྱུར། །དེ་མཐར་གདིང་ཆེན་གཞི་ཐོབ་དབང་ཆེན་ནོད། །ཆོས་ཟད་བློ་འདས་ཆེན་པོར་འབྱམས་ཀླས་མཐར། །ཁྱད་ཆོས་དྲུག་ལྡན གཞོན་ནུ་བུམ་པའི་སྐུར། །འཇའ་ལུས་འཕོ་བ་ཆེན་པོར་མངོན་འཚང་རྒྱ། །དེ་ལྟར་ཨ་ཏིའི་ལམ་བཟང་འབྲས་བུ་བཅས། །འདུས་ཤིང་རྫོགས་པའི་མན་ངག་ཟབ་མོ་འདི། །སྐལ་ལྡན་ཁྱོད་ལ་གཏད་ཀྱིས་ཉམས་སུ་ལོངས། །ཚེ་འདིར་སངས་རྒྱས་འགྲུབ་བོ་གདོན་མི་ཟ། །མི་རྒན་འཆལ་པོའི་ཁོངས་སྙིང་ཕྱུངས་པ་འདི། །མདོ་མེད་ཡུལ་དུ་མ་སྟེར་ཨ་ཐམ་རྒྱ། །ཞེས་ནན་དུ་བསྐུལ་ངོར་བདུད་འཇོམས་རྡོ་རྗེས་སྨྲས། དགེའོ། །དགེའོ། །དགེའོ། །སརྦ་མངྒ་ལཾ། །། T11618 - 098 ༄༅། །རྟོགས་ལྡན་ལ་གདམས་པ་བཞུགས་སོ །སྐྱབས་བསླུ་མེད་དཀོན་མཆོག་རིན་པོ་ཆེ །བདག་རྣམ་གསུམ་དད་པའི་རྟེན་བཅའ་འོ། །ལས་རྐྱེན་ངན་དབང་དུ་མ་བཏང་བར། །བློ་ཆོས་ལ་བསྒྱུར་བར་བྱིན་གྱིས་རློབས། །ཚུར་ཉོན་དང་སྐལ་བཟང་སྐྱེས་བུ་ཁྱོད། །ཚེ་འཁོར་བ་ཐོག་མ་མེད་པ་ནས། །དུས་ད་བར་ཁམས་གསུམ་འཁོར་བར་འཁྱམས།། ལམ་ཟབ་མོ་མིག་གིས་མཐོང་མ་མྱོང་།ལུས་གཅེས་པར་བཟུང་ནས་ཟས་གོས་ཕྱིར། །འབད་རྩོལ་བཅས་སྡིག་པ་མི་དགེར་སྤྱོད། །དེས་འབྲས་བུ་ཟད་མེད་སྡུག་བསྔལ་མྱོང་། །མཐར་རོ་རུ་སོང་ཚེ་དུར་ཁྲོད་དུ། །བྱ་གཅན་གཟན་ཧབ་ཤ་བྱེད་པའི་དུས །ལས་རྣམ་སྨིན་རྣམ་པར་ཤེས་པས་མྱོང་།འབྱུང་སྒྱུ་ལུས་བསྐྱངས་པའི་ལེ་ལན་ཁུར། །མཐའ་མེད་པའི་སྡུག་བསྔལ་ཐོག་ཏུ་བབ། །ཚུལ་དེ་ལྟར་བསམ་ནས་གཅེས་འཛིན་ཆོད། །རྒྱུ་བསགས་བསགས་རྙེད་རྙེད་སྣང་བ་ལ། །ཞེན་ཆགས་ཤིང་འབད་རྩོལ་ཅི་བྱས་ཀྱང་། །དོན་སྙིང་པོ་མེད་པ་རྨི་ལམ་བཞིན།། ཚུལ་ཤེས་པར་གྱིས་ལ་སྒྲུབ་པ་མཛོད །ཚེ་འདི་སྣང་རྨི་ལམ་གནས་སྐབས་ཙམ། །དུས་ལོ་ཟླ་ཞག་གིས་མི་ཚེ་བསྟུང་། །ནམ་འཆི་དུས་མི་ཤེས་ཚུལ་དྲན་ནས། །ད་མྱུར་དུ་དམ་པའི་ཆོས་ ལ་འབད། །གཉེན་རྩ་ལག་བསྐྱང་བསྐྱང་བརྩེ་བརྩེ་ཡང་། །ཀུན་མགུ་དུས་མི་འོང་རང་ཚོད་ཟུངས། །རྒྱུ་བསགས་བསགས་ཆོག་ཤེས་འབྱུང་དུས་མེད། །སྲོག་འཚོ་བ་ཙམ་གྱིས་ཆོག་ཤེས བརྟེན། །དགྲ་བཏུལ་བཏུལ་མཐའ་ལ་ཐུག་དུས་མེད། །ད་དགྲ་མེད་པ་རུ་བཞག་ན་ལེགས། །གཉེན་བསྐྱང་བསྐྱང་ཐམས་ཅད་ཚིམ་དུས་མེད །རང་མགོ་འདོན་ཐབས་ལ་རེམ་མཛོད་ཅིག གཞན་མི་ངོ་དཀར་ནག་འཚོས་འཚོས་ཀྱང་། །དོན་ཐོབ་ལེན་མེད་པའི་ཚུལ་ལ་ལྟོས །ཡུལ་གཞན་ལ་རྙེད་ཚོལ་བྱས་བྱས་ཀྱང་།ནོར་འབྱོར་པ་གསོག་དུས་མེད་ལ་ལྟོས །ད་གཏན་གྱི་བདེ་བ་དོན་གཉེར་མཛོད། །ཟས་རི་རབ་ཙམ་ཞིག་སྤུང་ན་ཡང་།འཆིའི་ནང་པར་ཁམ་གཅིག་ཟ་ལོངས་མེད། །སྐོམ་རྒྱ་མཚོ་ཙམ་ཞིག་བསྐྱིལ་ན་ཡང་།།འཆིའི་ནང་པར་ཧུབ་གཅིག འཐུང་ལོངས་མེད། །གོས་ལྷོ་སྤྲིན་ཙམ་ཞིག་བསགས་ན་ཡང་།འཆིའི་ནང་པར་གཅེར་བུར་འགྲོ་དགོས་འབྱུང་། །ནོར་བང་མཛོད་བརྒྱ་སྟོང་གང་ཡོད་ཀྱང་། །འཆིའི་ནང་པར་ལག་སྟོང་སོང་ལ་ལྟོས། །ཕྱུགས་གྲངས་མེད་ར་བ་བརྒྱ་གང་ཡང་། །འཆིའི་ནང་པར་སྟོང་པར་སོང་ལ་ལྟོས །ངའི་གཅེས་ནོར་བསམ་ནས་འབད་བསགས་པ། །མི་གཞན་གྱིས་ཧབ་ཐོབ་བྱེད་ལ་ ༄༅། །ལྟོས། །ངའི་མཁར་ཁྱིམ་བསམ་ནས་བརྩིག་སྦྱངས་ཀྱང་། །དེ་ཤུལ་དུ་བོར་ནས་སོང་ལ་ལྟོས །ངའི་བུ་ཚ་བསམ་ནས་གསོས་བསྐྱངས་པ །ཀུན་ཤུལ་དུ་བོར་ནས་སོང་ལ་ལྟོས། །ངའི་ཉེ་འབྲེལ་གཉེན་བཟུང་བསྐྱང་བསྐྱང་ནས །མཐར་མི་འཕྲད་ཡུལ་དུ་སོང་ལ་ལྟོས །ངའི་བཟའ་མི་བསམ་ནས་བརྩེ་གདུང་ཡང་། །མཐར་ཚོང་དུས་བཞིན་དུ་གྱེས་ལ་ལྟོས། །ཚུལ་དེ་ལ་དཔྱོད་ཐོང་འཆི་བ་སོམས །ངས་དང་པོ་འཆི་ཆོས་གཤའ་མ་བསྒྲུབ །འཆིའི་དུས་སུ་འགྱོད་མེད་ཞིག་ལ་རེམ །གནད་དེ་ལྟར་ལྡན་ན་ཕོ་རབ་ཡིན། །ཕ་དུས་གསུམ་རྒྱལ་བའི་ཞལ་གདམས་ཡིན །འདི་སྙིང་དང་སྲོག་གི་གཏའ་རུ་ཟུངས། །ཁྱོད་ཚེ་འདིར་སངས་རྒྱས་ལ་ཐང་མེད། །གནད་དེ་ལས་ཟབ་པ་ང་ལ་མེད། །ཨོྃ སྣང་སྲིད་དང སྣོད་བཅུད་ཆོས་ཀུན། །སྟོང་ཉིད་ཀྱི་རོལ་པར་ཨེ་གོ། །སངས་རྒྱས་དང་སེམས་ཅན་ཐམས་ཅད། །དག་མཉམ་གྱི་རོལ་པར་ཨེ་གོ། །རྒྱ་མཚོ་དང་གཟའ་སྐར་ཅི་བཞིན །སྣང་བ་ཀུན་སྟོང་པར་ཨེ་གོ། །འཁོར་འདས་ཀུན་རིག་པའི་ཀློང་དུ། །གཉིས་མེད་ཀྱི་རོལ་པར་ཨེ་གོ། །ཡེ་གཞི་ཡི་རང་ངོར་སངས་ཚེ། །སངས་རྒྱས་ཀྱི་དགོངས་པར་ཨེ་གོ། །བདེན་གཉིས་ཀྱི་དམ་T11618 - 101 ཆོས་ཐམས་ཅད། །གཞི་ཉིད་དུ་གཅིག་པ་ཨེ་གོ། །གཞི་ལམ་དང་འབྲས་བུའི་ཆོས་ཀུན། །ལྷུན་གྲུབ་ཏུ་རྫོགས་པ་ཨེ་གོ། །སྣང་སྲིད་དང་སྣོད་བཅུད་སྣང་བ། །འོད་གསལ་གྱི་རོལ་པར་འཕོ་བའི། །འཕོ་ཆེན་གྱི་མྱུར་ལམ་ལ་ཞུགས། །འཇའ་ལུས་ཀྱི་རིག་འཛིན་ཐོབ་མཛོད །མི་རྒན་གྱི་འཆོལ་གཏམ་དེ་ཡིན། །བུ་ཆུང་ལ་ཕན་ནོར་སྟེར་གཏོང་། །ཞེས་རང་སློབ་སྐྱེས་བུ རྟོགས་ལྡན་གྱིས་བསྐུལ་ངོར་མི་རྒན་བདུད་འཇོམས་རྡོ་རྗེས་སོ། །དགེའོ། །སརྦ་མངྒ་ལཾ། །། 8 T11618 - 102 ༄༅། །རྗེ་བླ་མ་རྣམས་ལ་གསོལ་བ་འདེབས། །བློ་ཆོས་ལ་འགྱུར་བར་བྱིན་གྱིས་རློབས། །ཁྱོད་ངེས་པར་དམ་ཆོས་བསྒྲུབ་འདོད་ན། །ཕ་བླ་མར་མོས་གུས་འབྲལ་མེད་དང་། །མཆེད་ལྕམ་ལ་བརྩེ་གདུང་བརྟན་པ་དང་།མ་འགྲོ་ལ་སྙིང་རྗེ་ཕན་སེམས་དང་། །ཚེ་འདི་སྣང་རྨི་ལམ་གནས་སྐབས་ཙམ །དེ་ཤེས་ནས་རྟག་འཛིན་གཅོད་པ་རྣམས། །ཆོས་གདམས་པའི་རྩ་བར་ཟུངས་དང་གནད །སེམས་བརྡལ་ཁྱབ་སྤྲོས་བྲལ་གཞིའི་རིག་པ །དེ་མངོན་གྱུར་ཆོས་སྐུའི་ཡོ་ལངས་ཡིན །སྒོམ་སྟོང་ཉིད་ཉམས་ལེན་རྩ་བར་ཟུངས། །དུས་གསུམ་དུ་ཐང་ལྷོད་མེད་པ་ཡིས །རྒྱུད་ཆོས་དང་འདྲེས་པ་གནད་དུ་ཟུངས། །ཆོས་གདམས་པ་ཆུད་དུ་མི་ཟ་བར། །དོན་ཉམས་སུ་ལོངས་དང་བླ་མ་མཁྱེན།།དམ་སྡོམ་པ་ངོ་ལྐོག་མེད པར་སྲུངས། །ལྷ་ཡི་དམ་དཔའ་བོ་མཁའ་འགྲོ་མཉེས། །ཆོས་སྙིང་པོའི་སྒྲུབ་ལ་དྲིལ་ནུས་ན །རང་འཆི་ཁ་འགྱོད་མེད་མི་ཁྲེལ་གནད། །ལར་འཇིག་རྟེན་འཁོར་བའི་བྱ་བྱེད་ཆོས། ཀུན་རྨི་ལམ་གནས་སྐབས་ལྟ་བུར་ལྟོས །མི་ཁྱུ་ནས་བུད་དང་བྱ་བཏང་ཡིན། །གནད་འདི་དག་རྒྱུད་ལ་འདྲེས་གྱུར་ན། །ཆོས་ཀུན་གྱི་སྙིང་པོ་དེ་ལས་མེད། །དེ་སེམས་ལ་ཞོག་དང་སྙིང་ གཏམ་ཡིན། །ཁྱོད་ཐར་ལམ་ཐོབ་པའི་རྟེན་འབྲེལ་ཡོད། །ཅེས་ཁྲག་འཐུང་བདུད་འཇོམས་རྡོ་རྗེས་ལྷུན་གྲུབ་མཚོ་ལ་གདམས་པའོ། །དགེའོ། 8 བདུད་འཇོམས་གསུང་མགུར་སྐོར TI1618 - 104 TI1618 - 104 ༄༅། །ཕ་བླ་མ་མཚོ་སྐྱེས་རྡོ་རྗེས་སྐྱོངས། །དུས་ད་རེས་དལ་འབྱོར་མི་ལུས་ཐོབ། །འདི་དོན་ལྡན་བྱུང་ན་ཕོ་རབ་ཡིན། །ཚེ་མི་རྟག་རྨི་ལམ་གནས་སྐབས་ཙམ། དེ་ཆོས་ལ་དྲིལ་ན་ཕོ་རབ་ཡིན། །ཕ་བླ་མ་དུས་གསུམ་སངས་རྒྱས་ཞལ། །ཡིད་ཁྱེད་ཤེས་དད་གུས་ཀྱིས་བསྟེན་མཛོད། །ཆོས་གདམས་པ་གཏན་གྱི་ལོངས་སྤྱོད་ཡིན། །དེ་ཡལ་བར་མ དོར་ཉམས་སུ་ལོངས། །དམ་སྡོམ་པ་ཆོས་ཀྱི་རྩ་བ་ཡིན། །དེ་ངོ་ལྐོག་མེད་པར་བསྲུང་བ་གལ། །ནོར་ལོངས་སྤྱོད་སྒྱུ་མའི་རྟ་གླང་འདྲ །དེའི་ཕྱིར་དུ་ཟོལ་ཟོག་མ་བྱེད་གནད། །གཞན་བསླུ་བའི་བསམ་སྤྱོད་རང་ལ་འཁོར། །རྫུན་གཡོ་སྒྱུ་མེད་པ་ཞིག་ལ་རེམ། །ཡུལ་འཁོར་འདས་ཆོས་ཀུན་མེད་བཞིན་སྣང་།དོན་སྟོང་ཉིད་རྟོགས་ན་ལྟ་བ་ཡིན། །གཞི་བརྡལ་ཁྱབ་དྭངས གསལ་ཟང་མ་ཐལ། །ངང་མངོན་དུ་གྱུར་ན་སྒོམ་པ་ཡིན། །སྒོ་གསུམ་གྱི་བྱ་བ་དགུ་ཕྲུགས་བཏང་།བྱར་མེད་དུ་གནས་པ་སྤྱོད་པ་ཡིན། །གཞི་ཀ་དག་མཐའ་བྲལ་རྫོགས་པ་ཆེ། ལམ་ངང་གནས་ཡེ་ཤེས་མངོན་གྱུར་མཁར། །འབྲས་རང་ཐོག་རང་གྲོལ་ཆོས་ཀྱི་སྐུ །དེ་གཟའ་གཏད་མེད་པར་རང་སར་ཞོག །ཚེ་སྙིང་པོ་སྒྲུབ་ལ་དྲིལ་མཛོད་དང་། །རྗེ་རྒྱལ་བ་གོང་ མའི་མཛད་སྤྱོད་ཡིན །ཕ་དུས་གསུམ་རྒྱལ་བའི་ཐུགས་སྲས་ཡིན །གནད་སྙིང་ལ་འཆོངས་ཤིག་སྐལ་ལྡན་བུ། །དོན་དེ་ལས་མེད་དོ་རྒན་པོའི་གཏམ། །ཞེས་སྐོམ་མེ་ལ་གདམས་པའི ལབ་མོ་མཁན་བདུད་འཇོམས་པས་སོ། །དགེའོ།། 20 ་། ་། T11618 - 106 ༄༅། །དཔལ་ཨོ་རྒྱན་མཚོ་སྐྱེས་རྡོ་རྗེས་སྐྱོངས། །བདག་བློ་སྣ་དམ་པའི་ཆོས་ལ་བསྒྱུར །ཁྱོད་ངེས་པར་ཆོས་ཤིག་བསྒྲུབ་འདོད་ན། །ཚེ་འདི་སྣང་རྨི་ལམ་གནས སྐབས་ཙམ། །དེར་རྟག་འཛིན་ཆོད་དང་ལྷ་ཆོས་བསྒྲུབ །ནོར་ལོངས་སྤྱོད་སྒྱུ་མའི་དགའ་སྟོན་འདྲ། །དེར་འཛིན་ཞེན་ཆོད་ལ་ལྷ་ཆོས་བསྒྲུབ །ལས་སོ་ནམ་བྱིས་པའི་རྩེད་མོ་འདྲ། དེར་ཞེན་པ་ཆོད་ལ་ལྷ་ཆོས་བསྒྲུབ །བདེ་སྐྱིད་པ་འཇའ་ཚོན་དེད་པ་འདྲ །དོན་འབྱུང་དུས་མེད་དོ་ལྷ་ཆོས་བསྒྲུབ །གྲོགས་བཟའ་མི་སྒྱུ་མའི་སྐྱེས་བུ་འདྲ །དེར་ཞེན་ཆགས་ཆོད་ལ་ལྷ་ཆོས་བསྒྲུབ། །ཚེ་འདི་ཡི་ཁེ་དྲག་ལོ་འདོད་ཀུན། །དོན་འབྱུང་དུས་མེད་དོ་ལྷ་ཆོས་བསྒྲུབ །དགྲ་འདུལ་དང་གཉེན་སྐྱོང་བྱ་བ་ཀུན །བསྒྲུབ་བསྒྲུབ་ཀྱི་ཐ་མ་འགྲུབ་ནའང་། །དྲིན་སུས་ཀྱང་མི་དྲན་རང་སྡུག་རྒྱུ། །དེ་སོམས་ལ་དམ་པའི་ལྷ་ཆོས་མཛོད། །ཚེ་འཁོར་བ་ཐོག་མ་མེད་དུས་ནས །སྐྱིད་འདོད་དང་བདེ་འདོད་བྲལ་མ་མྱོང་། །རྒྱུ་ལག་ལེན་འདེབས་པའི་ཐབས་ལ་རྨོངས། །ལས་ཅི་བྱས་འཁོར་བའི་རྒྱུ་རུ་སོང་།དུས་དེང་སང་རང་དབང་ཡོད་དུས་འདིར། །ཆོས་རྣམ་དག་ཞིག་ལ་རེམ་མཛོད་ཅིག །དོན་ཁ་བཤད་ཙམ་ཞིག་མ་ཡིན་པའི །ཕོ་རང་ རྒྱུད་རང་གིས་འདུལ་བ་ལ། །ཆོས་བློ་ལྡོག་རྣམ་བཞིའི་ཚུལ་ལ་སོམས། །བློ་རིང་པོའི་སྣ་ཁ་བསྟུང་མཛོད་ལ། །དུས་མྱུར་དུ་བློ་སྣ་ཆོས་ལ་དྲིལ། །ཨེ་ཨེ། སྣོད་བཅུད་དང་འདོད་ཡོན་སྣང་བ། །ཅང་མེད་ཀྱི་ནམ་མཁར་ཧར་སངས། །ནམ་མཁའ་དང་སེམས་ཉིད་དབྱེར་མེད །མངོན་གྱུར་གྱི་རིག་པ་ཆོས་སྐུ །མ་བསྒོམས་ཀྱང་རང་སར་གྲོལ་འོང་།མ་དག་པའི་སྣང་སེམས་འཁོར་བ། །དག་དབྱིངས་ཉིད་དྭངས་མར་འཕོས་ནས། །འོད་གསལ་གྱི་ཀློང་མཛོད་བརྡོལ་བྱུང་། །ཀློང་ཆེན་གྱི་གཏེར་མཛོད་ཆེན་པོར། །བྱར་མེད་དུ་སྤྱོད་པར་ནུས་ན །ཚེ་འདི་རུ་མངོན་འཚང་རྒྱ་བར། །ཐག་མི་རིང་མྱུར་ལམ་ཐོབ་ཡོང་། །ཁྱོད་ཚེ་གཅིག་སངས་རྒྱས་འདོད་ན། །དོན་དེ་ཉིད་ཉམས་སུ་ལོངས་ཤིག །ངས་ཞལ་གདམས་འཆད་ཀྱང་མི་ཤེས། ཁྱོད་བསྐུལ་ངོ་མ་ལྡོག་ཙམ་དུ །མི་རྒན་པོས་འཆོལ་གཏམ་དེ་ཡིན། །ཅེས་བདུད་འཇོམས་པས་སོ།། T1618 - 108 ༄༅། །འཇམ་བསྟན་ལ་གདམས་པའི་གླུ་ཐུང་དངུལ་དཀར་གྱི་རྣ་ཆ་བཞུགས་སོ། །བླ་མ་རྣམས་ལ་གསོལ་བ་འདེབས། །བདག་རྒྱུད་གྲོལ་བར་བྱིན་གྱིས་རློབས། ལས་སྨོན་སྐལ་བཟང་སྐྱེས་བུ་ཁྱོད། །ད་རེས་དལ་འབྱོར་མི་ལུས་ཐོབ། །འདི་ཡང་རྨི་ལམ་གནས་སྐབས་ཙམ། །འཆི་བ་སྙིང་ནས་དྲན་པར་མཛོད། །འདུ་བྱས་སྣང་བ་སྒྱུ་མ་ཙམ། སྒོ་གསུམ་དགེ་ལ་དྲིལ་བར་མཛོད། །ལས་འབྲས་རྣམ་སྨིན་བསླུ་མི་སྲིད །འཁོར་བ་སྡུག་བསྔལ་ཡོ་ལངས་ཡིན །འདི་ལས་ཐར་པ་དོན་གཉེར་མཛོད། །ཚེ་འདིའི་དོན་དུ་འབད་འབད་ཀྱང་། །སྒྱུ་མ་རྨི་ལམ་ཅི་བཞིན་དུ། །སྙིང་པོ་མེད་པའི་ཚུལ་ལ་ལྟོས། །ཕྱུག་དང་ཐོབ་ཐང་དབང་ཆེ་ཡང་། །འཆི་བའི་དུས་ལ་བབས་པའི་ཚེ། །སྡུག་བསྔལ་སེམས་ལ་བཏགས་བཞིན་དུ། མི་འདོད་ངན་སོང་གླིང་དུ་འཁྱམས། །དེ་དུས་སྐྱབས་དང་སྐྱོབ་པ་མེད། །རང་མགོ་འདོན་ཐབས་ཞིག་ལ་རེམ། །དབེན་པའི་གནས་བཟུང་བསྒོམ་བསྒྲུབ་འབུང་།ངར་འཛིན་འཁྲུལ་པའི་ཕུང་པོ་འདི། །གཞི་རྩ་བྲལ་བའི་ཚུལ་ལ་ལྟོས། །གཅེས་འཛིན་ཞེན་པ་ཆོད་ལ་ཞོག །མིང་དུ་གདགས་པའི་ཆོས་སོ་ཅོག །མ་གྲུབ་སྟོང་པའི་རང་བཞིན་ལ། །དངོས་པོར་སྣང་བའི་སྣོད་ དང་བཅུད། །སྒྱུ་མ་དང་ནི་རྨི་ལམ་གྱིས། །ངང་ཚུལ་དང་མཚུངས་ཤེས་པས་སྤྱོད། །ལྷ་འདྲེ་དགེ་སྡིག་ཕན་གནོད་ཡུལ། །མེད་དང་མ་གྲུབ་སྟོང་པ་ཉིད། །འཁོར་འདས་གནས་ཡུལ་ཐམས་ཅད་ཀུན། །རང་སྣང་རང་ལ་ཤར་ཙམ་ལས། །མ་གྲུབ་སྟོང་པའི་ངང་ཚུལ་ཀུན། །སོ་སོར་རྟོག་པའི་ཤེས་རབ་ཀྱིས། །གཏིང་དཔག་དོན་གྱིས་ཤེས་པར་མཛོད། །བདག་ཉིད གཅིག་པུའི་མ་རིག་པས། །ཕུང་པོ་ལྔ་བསླང་ཡེ་ཤེས་བསྒྲིབ །སྣང་བ་སྒྱུ་མའི་འཕྲུལ་བཞིན་སྤེལ། །སེམས་དང་སེམས་བྱུང་རྟོག་པ་ཡིས །མེད་པ་ཡོད་འཛིན་ཨ་འཐས་འཕྱང་། ཁམས་གསུམ་འཁོར་བའི་འཁོར་ལོ་བསྐོར །བདེ་སྡུག་ཆུ་ཡི་གཉེར་བཞིན་སྣང་། །ཀུན་གཞིའི་རྣམ་ཤེས་དྭངས་གསལ་ཀློང་།དཔེར་ན་རྒྱ་མཚོའི་གཟའ་སྐར་བཞིན །འདོད་ཡོན་ལྔ་ཡི་སྣང་བ་ཤར། །དེ་དོན་ཤེས་མཛོད་སྐལ་ལྡན་བུ །འཁོར་འདས་ཐམས་ཅད་སྟོང་པ་ཉིད། །སྟོང་ཉིད་ཀུན་གྱི་ངོ་བོ་སྟེ །ངོ་བོ་གཞི་ཡི་ཆོས་ཉིད་དེ །ཆོས་ཉིད་ནམ་མཁའི་རང་བཞིན་ཡིན། དེ་ཤེས་དེ་རྟོགས་དེ་རིག་པ། །རྫོགས་པའི་སངས་རྒྱས་ཀུན་གྱིས་གསུངས། །ལྟ་བ་ནམ་མཁའ་རྒྱ་ཡན་ཡིན། །ནམ་མཁའ་མངོན་གྱུར་རིག་པའི་མཁའ། །མཚན་མ་ཚིག་བྲལ་ཟང་མ་ ༄༅། །ཐལ །སྤྲོས་པའི་མཐའ་བརྒྱད་དང་བྲལ་ཞིང་། །རྣམ་ཐར་བརྒྱད་ལྡན་སྟོང་པ་ཉིད། །འདི་ནི་རིག་པའི་ཡེ་ཤེས་ཏེ། །ངོ་བོ་སྟོང་པ་ཁྱབ་གདལ་དབྱིངས། འདི་ནི་རྒྱལ་བ་ཀུན་གྱི་ཐུགས། །རང་བཞིན་སྐུ་དང་ཡེ་ཤེས་གདངས། །གསལ་ལ་མ་འགགས་ཐབས་ཤེས་སྒོ །ས་ལམ་འབྲས་བུ་གཅིག་ཆར་རྫོགས། །འདི་ནི་རྒྱལ་ཀུན་གསུང་གི་དབྱིངས། །ཀུན་ཁྱབ་ཀུན་གཟིགས་ཀུན་ཏུ་སྣང་། །རླུང་སེམས་དབུ་མ་ཆེན་པོར་ཆུད། །ཀུན་ཏུ་རྟོག་པ་ཐམས་ཅད་ཟད། །ཡེ་རིག་ཡེ་ཤེས་གོ་མ་འགགས །འདི་ནི་རྒྱལ་ཀུན་སྐུ་ཡི དབྱིངས། །གསང་བ་སྐུ་གསུང་ཐུགས་མཆོག་ནི། །རྫོགས་པ་ཆེན་པོའི་ཆོས་ཉིད་ཡིན། །མདོར་ན་དུས་དང་རྣམ་པ་ཀུན། །ལྟ་བའི་སྟངས་དང་སྒོམ་པའི་གདིང་། །སྤྱོད་པ་འབྱོལ་ཉོག་མ་ཤོར་བ། །རྣལ་འབྱོར་རྣམས་ཀྱི་ཉམས་ལེན་ཡིན། །ཤེས་པ་དང་པོ་མ་དག་པའི། །སྙིགས་མ་འཁོར་བའི་སྣང་བར་མཆེད། །འདི་ཉིད་དྭངས་མ་འོད་གསལ་དུ། །གོ་འཕོས་འཕོ་བ་ཆེན་པོའི་ལམ། །མངོན་གྱུར་ཙམ་ནས་ས་ལམ་འབྲས། །སྦྱང་བགྲོད་ཐོབ་ལེན་མེད་པ་རུ། །བརྒལ་བ་ཐོག་ཕེབས་ཐོད་རྒལ་ལམ། །སྒོ་གསུམ་བྱ་བ་ཀུན་བཏང་ནས། །བྱར་མེད་ངང་དུ་གནས གྱུར་པའི། །ལས་དང་སྐལ་བ་ཞིག་ལྡན་ན། །མཚན་མའི་དྭངས་མ་འོད་གསལ་ཆོས། །མཚན་མེད་ཆོས་ཉིད་ཀ་དག་ཏུ། །ཟད་པའི་ཆོས་སྐུ་ཀུན་བཟང་པོར། །མངོན་སངས་རྒྱས་པར་ཐག་མི་རིང་། །བདེ་མོ་སྐྱིད་པོ་གཞན་མ་འཚོལ། །གཏན་དུ་བདེ་བ་འདི་དོན་གཉེར། །གཞན་གྱིས་འདི་ཕྱིར་ཁ་ད་དང་། །བསྐུལ་མི་མེད་དེ་རང་ཚོད་ཟུངས། །མར་མེ་མཛད་ཀྱི་ལུང་བསྟན་ཡིན། །ཤཱཀྱ་ཐུབ་པའི་ཐུགས་བཅུད་ཡིན། །བྱམས་པ་མགོན་པོའི་ཞལ་གདམས་ཡིན །རྡོ་རྗེ་འཆང་གི་སྙིང་ཐིག་ཡིན། །ཀུན་ཏུ་བཟང་པོ་དངོས་ཡིན་གྱི། །ཉམས་སུ་ལོངས་ཤིག སྐལ་ལྡན་བུ། །ཞེས་སློབ་བུ་འཇམ་བསྟན་གྱིས་བསྐུལ་ངོར་མི་རྒན་བདུད་འཇོམས་རྡོ་རྗེས་སྨྲས་པའོ། །དགེའོ །སརྦ་མངྒ་ལཾ། T11618 - 112 ༄༅། །ན་མོ། རིགས་དང་དཀྱིལ་འཁོར་ཀུན་གྱི་ཁྱབ་བདག་དཔལ། །འགྲོ་བའི་དཔལ་མགོན་པདྨ་ཀ་རས་སྐྱོངས། །བདག་དང་བདག་གི་བརྒྱུད་འཛིན་བུ་སློབ་རྣམས། ཚེ་འདིར་རྣམ་པར་གྲོལ་བའི་ས་ལ་སྐྱོལ །སྔོན་ཚེ་བསོད་ནམས་བསགས་པའི་རྒྱུ་འབྲས་བུས །མི་དབང་ས་སྐྱོང་རྒྱལ་པོར་གྱུར་པ་ཁྱོད། །རྩེ་གཅིག་རྣམ་པར་གྲོལ་བའི་ཟབ་ལམ་ལ། འཇུག་པར་འདོད་ན་འདི་ལྟར་ཐུགས་ཆུབ་མཛོད །དལ་འབྱོར་ལྡན་པའི་མི་ལུས་རིན་ཆེན་འདི། །བསོད་ནམས་རྒྱ་ཆེར་བསགས་པའི་འབྲས་བུ་སྟེ། །རྙེད་པར་དཀའ་ཚུལ་ད་ལྟའི་ལས་ལ་ལྟོས། །མདོ་མེད་ཆུད་ཟོས་མ་བྱེད་སྐལ་ལྡན་བུ། །ཚེ་ནི་མི་རྟག་ཉི་མའི་གྲིབ་སོ་འདྲ །བཟའ་ཚང་མི་རྟག་ཚོང་དུས་མགྲོན་པོ་འདྲ། །ལོངས་སྤྱོད་མི་རྟག་སྒྱུ་མའི་ལྟད་མོ་འདྲ། །འདི་སྣང་མི་རྟག་མདང་གི་རྨི་ལམ་འདྲ། །འདྲ་བཞི་ཤེས་ནས་རྟག་འཛིན་ཞེན་པ་ཆོད། །གཅེས་རྒུ་བཟང་རྒུ་དཀོན་མཆོག་ཞིང་སར་ཕུལ། །སྒོ་གསུམ་དལ་མེད་དགེ་ལ་བསྐུལ་མ་མཛོད། །ཤིན་ཏུ་ཉམ་ཐག་བཀྲེས་སྐོམ་གྱིས་གདུང་བའི། །དགུན་དུས་བྱ་ལ་སྦྱིན་པ་ཡང་ཡང་ཐོང་།མཆོག་དམན་ཀུན་ལ་སྙོམས་པའི་བྱམས་བརྩེས་སྐྱོངས། །རྒྱུ་དེའི་འབྲས་བུ་མངོན་མཐོའི་དཔལ་ཡོན་TI1618 - 113 ཐོབ། །ལས་ངན་བསགས་པའི་འབྲས་བུ་ལུས་ངན་ཐོབ། །སྡུག་