Tibetan
སྡོམ་ཤོར་ཞིག་དང་ཅུང་མ་འདྲ །ངས་སྐྱབས་སུ་དཀོན་མཆོག་གསུམ་པོ་བསྟེན །དུས་རྒྱུན་ཆད་མེད་པར་བློས་མ་དོར། །དཔོན་ཆེ་དྲག་ལྡན་གཞན་ཚོལ་དུ་མེད། གཡོག་གོ་ཆོད་ཞིག་དང་ཅུང་མ་འདྲ། །ངས་གཏན་གྱི་འདུན་མ་ཨེ་རྙེད་བསམ །ཆོས་བདེན་གཉིས་ཉམས་ལེན་གནད་ལ་རེ། །ཡུལ་བཙན་ཕྱུག་ཅན་ལ་རེ་སྙམ་མེད། །མི་ངོ་བསྲུང་ཅན T1618 - 042 ༄༅། །དང་ཅུང་མ་འདྲ། །ངས་གཟུང་འཛིན་བདག་མེད་ཆེན་པོར་རིག །ཆོས་ཐམས་ཅད་སྒྱུ་མའི་དཔེ་བཅུར་ཤར། །ད་འཁོར་འདས་རང་སྣང་ངེས་པར་རྟོགས། མི་དམུས་ལོང་ཞིག་དང་ཅུང་མ་འདྲ། །ངས་རིག་པ་རང་གྲོལ་ཆེན་པོ་རུ། །བློ་ཡིད་ཀྱིས་བཅས་བཅོས་མེད་པར་ཡན། །སེམས་རྣམ་རྟོག་རྩིས་གདབ་བྱེད་དུ་མེད། །མི་མགོ་འཁོར་ཞིག དང་ཅུང་མ་འདྲ། །ངས་བྱ་བྱེད་ཆོས་དང་མཐུན་པ་རུ། །ཚུལ་མ་བཅོས་ཅོག་བཞག་ཆེན་པོ་བརྟེན །ལུས་ཚུལ་འཆོས་ལོ་འདོད་བྱེད་དུ་མེད། །མི་གཡོ་ཁྲམ་ཅན་དང་ཅུང་མ་འདྲ། ངས་ཤེས་རབ་ཡེ་ཤེས་མིག་ཡངས་པོས །དོན་ཆོས་ཉིད་བདེན་པ་མངོན་སུམ་མཐོང་། །བློ་ཡིད་གཉིས་ཐེ་ཚོམ་བྱེད་དུ་མེད། །མི་རྟོག་གེ་བ་དང་ཅུང་མ་འདྲ།།ངས་ཉམས་སྣང་གོང་འཕེལ་རྩལ་རྫོགས་ནས། །ད་སྣང་བ་འོད་གསལ་ཆེན་པོར་སྨིན །ཉམས་རྟོགས་པ་འར་འུར་ཆལ་མ་ཆོལ། །མི་འདྲེས་ཁྱེར་ཞིག་དང་ཅུང་མ་འདྲ། །ངས་རིག་པ་ཚད་ལ་ཕེབས་པའི་ཚེ། ད་སྣང་སྲིད་འོད་ཐིག་ལྷ་སྐུར་སྨིན །ཡུལ་སྣང་སེམས་གཉིས་ལ་རང་དབང་བསྒྱུར། །མི་རྫས་སྔགས་མཁན་དང་ཅུང་མ་འདྲ། །ངས་རང་དབང་བརྟན་པ་མ་བྲལ་ན། །ད་མི་ཚེའི་མཇུག་མ ཚུན་ཆད་ལ། །དོན་ཆོས་ཟད་བློ་འདས་དབྱིངས་སུ་འགྲོ། །མི་བློ་རིང་ཞིག་དང་ཅུང་མ་འདྲ། །ངས་རང་སྣང་སྐུ་དང་ཡེ་ཤེས་ཀྱི། །ངང་རང་གྲོལ་ཆེན་པོར་ངང་སངས་རྒྱས། །ཡུལ་གྲོལ་མཁན་གྲོལ་ས་གཉིས་མེད་རྟོགས། །མི་རྟག་ཆད་ཅན་དང་ཅུང་མ་འདྲ། །ད་ང་དང་ལས་སྐལ་མཉམ་པ་རྣམས། །ཆོས་ཐེག་ཆེན་མྱུར་ལམ་སྙིང་པོ་འདིར། །དུས་མྱུར་དུ་ཕེབས་ཤོག་ཨ་རོགས་རྣམས། །ངང་ཆོས་སྐུའི་རྒྱལ་སར་ལ་འུར་འགྲོ །ཨེ་ཨེ། མཁོས་ཆུང་གི་རྒན་པོའི་སྐྱིད་ཉལ་ལ་ལྟོས་དང་། །རྩོལ་མེད་ཀྱི་གནས་ལུགས་ཐད་གྲོལ་དུ་དག་མཉམ །ལམ་ཐོབ་ཀྱི་རྣལ་འབྱོར་རྫོགས་ཆེན་དུ་ཤོར་སོང་། །ངང་བཞག་གི་ལྷོད་པོ་རང་ས་རུ་ཉལ་བའི། །སྣང་བཞི་ཡི་མྱུར་ལམ་གཅིག་ཆར་དུ་བསྒྲོད་ནས། །གོལ་ཤོར་གྱི་གེགས་དང་འཕྲང་ལ་ཡང་མི་ཐོགས། འོད་གསལ་གྱི་རྣལ་འབྱོར་ཆོས་ཟད་དུ་ཐལ་ཐལ། །ཆོས་ཟད་ཀྱི་རྣལ་འབྱོར་བདེ་ལུགས་སུ་ཉལ་བའི། །གདོད་མ་ཡི་ཆོས་སྐུ་མཐའ་བྲལ་གྱི་དབྱིངས་སུ། །ལྷུན་གྲུབ་ཀྱི་རྣལ་འབྱོར་བུམ་སྐུ་རུ་སངས་ནས། །འཕོ་ཆེན་གྱི་རྣལ་འབྱོར་འཇའ་ལུས་སུ་ཤོར་སོང་། །འཁོར་འདས་དང་སྣང་སེམས་དབྱེར་མེད་ཀྱི་རོལ་པར། །མཉམ་གྲོལ་གྱི་འགྲོ་དོན་ཆེན་པོ་ལ་བལྟས་ན། །བྱ་རྩོལ་གྱི་ ཤྲཱི ༄༅། །ལས་ཀ་ཕྱོགས་ཆད་ཞིག་རེད་པས། །རང་ཐོག་ཏུ་གྲོལ་བ་ངེས་ཅན་ཞིག་ལོས་བྱེད། །ཤུགས་འབྱུང་གི་རྣལ་འབྱོར་ཉམས་མྱོང་གིས་མྱོས་ནས །བདེ་སྐྱིད་ཀྱི་ག ཉམས་དགའ་གླུ་དབྱངས་སུ་གྱེར་མཐུས། །མཁའ་ཁྱབ་ཀྱི་འགྲོ་བ་སེམས་ཅན་ཀུན་ཐམས་ཅད། །རང་ཐོག་ཏུ་རང་གྲོལ་ཆེན་པོ་རུ་སྨོན་ནོ། །ཞེས་པ་འདི་ནི་རང་སློབ་དམ་པ་ཕྲིན་ལས་འགྲོ འདུལ་རྡོ་རྗེས་བསྐུལ་ངོར་དེའི་རྒྱུད་དང་བསྟུན་ཏེ་གླུ་མཁན་བདུད་འཇོམས་རྡོ་རྗེས་སྨྲས་པའོ།། ཤྲཱི T11618 - 045 T11618 - 046 ༄༅། །ཨ་ཧོ། མཁོས་ཆུང་གི་རྒན་པོའི་ཁ་ད་ལ་ཉན་ན། །བྱར་མེད་ཀྱི་ཆོས་ཉིད་འོལ་ཚོད་ཀྱིས་གླུར་འདོམས། །ཞལ་གདམས་ཀྱིས་གཞན་བཅོས་ལྷན་པ་རུ་ལྟ་ཅི། རང་བཟོ་ཡི་སྒོམ་རོ་ཡིག་རིས་སུ་འདེབས་དང་། །བཟའ་འདོད་ཀྱི་སྤྲང་པོས་གྲོང་སྟོང་ལ་རེ་ལྟར། །ཐོས་པ་ཡི་ཚིག་རེ་རང་རྒྱུད་ལ་སྦྱར་བ། །ཡང་དག་གི་ལམ་ནས་དབེན་པ་རུ་སླེབ་སོང་། ཕྱི་ནང་གི་ཟང་ཐལ་མཐའ་གྲོལ་ཞིག་མེད་ན། །གཟུང་འཛིན་གྱི་བར་ན་སྟོང་ཉིད་ཀྱི་ཕུར་ཁུང་།རྫོགས་ཆེན་དུ་རེ་བ་གད་མོ་ཡི་གནས་མངོན། །རྣམ་རྟོག་གི་རང་མངོན་རིག་པ་རུ་འདོད་མི། ཀུན་གཞི་ཡི་སྒོང་སྦུབས་དུབ་པ་ནི་མ་སངས། །ང་ཁྱོད་དུ་འཕྱན་པའི་ཕྱི་ནང་གི་བར་ན །རྫོགས་ཆེན་གྱི་རྒྱལ་པོ་བར་དོ་རུ་གབ་པ། །ཆོད་ཆུང་གི་བེམ་སྟོང་མིང་དོན་གཉིས་འཛོལ་སོང་། རབ་རིབ་ཀྱི་སྣང་ཉམས་ལྷ་སྐུ་རུ་བཟུང་ནས །སངས་རྒྱས་ཀྱི་ཞལ་ལ་སེམས་ཅན་གྱི་ལྟད་མོ། །གཟུགས་མཚན་གྱིས་བརྒྱན་པའི་ཕྱོགས་མཐའ་རུ་ལྷུང་ཐལ། །ཕྱོགས་མཚམས་སུ་ཞིང་སྟོན་སྣོད་བཅུད་དུ་བཟུང་བས །དམུས་ལོང་གི་སྤྱོད་ཡུལ་གནས་ལུགས་དེ་དགོད་འཆོར། །ཀུན་རྫོབ་དང་དོན་དམ་རུ་ཤན་ནི་མི་འབྱེད །སངས་རྒྱས་ནི་སེམས་ཅན་རང་རྒྱུད་པར་བལྟས ནས། །བགྲོད་སླེབས་ཀྱི་བྱིས་པ་ཉམ་ཐག་ཏུ་ལུས་ཐལ། །ལྟ་བ་ཡི་མཐར་ཐུག་ངེས་ཅན་ཞིག་མེད་ན། །མི་ཚེ་ནམ་ཆུད་ཟོས་སྡུག་ཟད་དུ་ཕུང་ཆེ །ལུས་ངག་གིས་བསྒྲུབ་བཟླས་རྩིས་གདབ ཀྱི་གྲངས་རྫོགས། །རང་རྒྱུད་ཀྱི་ཐོག་ཏུ་ཕན་ཐོགས་འདྲ་མཆིས་སམ། །མ་འོངས་པར་སྤྱོད་རྒྱུར་གང་གནས་ལ་ལྟོས་དང་། །འཁོར་འདས་ཀྱི་བྱེད་པོ་རང་སེམས་ལ་ཐུག་པས། །ལུས་ངག་གིས་སེམས་ལ་སོ་ནམ་ནི་མི་འོང་། །བྱ་བཞག་དང་བསྒོམ་བཟླས་མེད་པ་རུ་ཞོག་དང་།གནས་ལུགས་ཀྱི་རང་ཞལ་མ་བཅོས་པར་མངོན་མཐོང་། །སྣོད་བཅུད་དང་ང་བདག་མིང་དོན་ལ བརྟག་པས། །སྟོང་ཉིད་ཀྱི་ངོ་བོ་ཡུལ་མེད་དུ་ཧར་སངས །སངས་རྒྱས་དང་སེམས་ཅན་རང་ཚུལ་ལ་བརྟག་ན། །རང་སྣང་ལས་མི་གཞན་ཡིན་ལུགས་དེ་མངོན་འོང་། །རེ་དོགས་ཀྱི་ཡུལ་སྣང་ལྷ་འདྲེ་རུ་བརྟག་ན། །མ་གྲུབ་པའི་ངང་ཚུལ་སྐྱོན་མེད་དུ་ལོས་ཤེས། །དགེ་སྡིག་གིས་ཕན་གནོད་ཡུལ་མེད་ལ་བརྟག་ན །དོན་དམ་གྱི་ཆོས་ལ་ངེས་ཤེས་ཀྱང་འཁྲུངས་འོང་། ཉིན་སྣང་དང་མཚན་སྣང་རྒྱུ་མཚན་ལ་བརྟག་ན །སྣང་སྲིད་འདི་སྐྱེ་འཆི་བསྒྲེས་རྒུད་དང་བྲལ་བས། །འདི་ཕྱི་ཀུན་སྣང་བ་གནས་འགྱུར་དུ་ཐག་ཆོད །ཨ་ཧོ། ཡེ་གཞི་ནི་སྤྲོས་བྲལ་སྟོང་ ༄༅། །ཉིད་ཀྱི་ངོ་བོ། །སྐུ་ལྔ་དང་ཡེ་ཤེས་རང་བྱུང་གི་བདག་ཉིད། །རྣམ་ཐར་ནི་གསུམ་ལྡན་ཆོས་སྐུ་ཡི་ཁོར་ཡུག །ཁྱབ་བྱེད་ཀྱི་ཤེས་རབ་ཉི་ཞལ་གྱིས་གསལ་བས། རིག་པ་འདི་སངས་རྒྱས་རློན་པ་རུ་འདུག་གི །རང་བབས་སུ་ཅོག་བཞག་ངང་གནས་ལ་ཆམ་ཞོག །འཁོར་འདས་ཀུན་རང་སྣང་ངེས་པ་ལས་མི་གཞན །ཚུལ་བཞིན་དུ་བདེན་ཞེན་འཁྲི་བ་དེ་ཆོད་ཐོངས །ཡིན་ལུགས་ཀྱི་ཐོག་ཏུ་ཤེས་བཞིན་དང་མི་འབྲལ། །ཤེས་བཞིན་ནི་ཡིད་དང་བློ་བཅོས་ལ་མ་ནོར། །ཁྱབ་བརྡལ་གྱི་ངོ་བོ་མཐའ་དབུས་དང་བྲལ་སོང་། །རང་བྱུང་གི་ཡེ ཤེས་འགྲོ་འོང་ལས་འདས་པ། །བསྒོམ་བཞག་དང་བཅོས་བསྒྱུར་སྤང་བླང་ཀུན་བྲལ་ཞོག །གཟུང་འཛིན་གྱི་འཆིང་བ་ཡུལ་མེད་དུ་ཞིག་པས། །གཉིས་མེད་ཀྱི་རོལ་པ་ངོ་བོ་རུ་འུབ་ཆུབ།། མཐའ་གྲོལ་གྱི་རིག་པ་རྫོགས་ཆེན་ལ་ཤོར་སོང་།ཡུལ་གོལ་གྱི་སངས་རྒྱས་སྐམ་པོ་ལ་བལྟས་ན། །ལྕགས་བཏུལ་གྱི་སྒྲ་ལ་ཀུ་ཀུ་ཡིས་རེ་བཞིན །སྦྱིན་ལེན་གྱི་དངོས་གྲུབ་ཕྱོགས་ཆད་དེ་ཧ་ཧ། །ཆོས་ཉིད་ཀྱི་བདེན་པ་ཟོལ་མེད་དུ་མཐོང་བས། །རིག་འཛིན་གྱི་རྒྱལ་པོའི་དགོངས་རྒྱུད་ཀྱི་ཕ་ཕོག །མ་ནུས་པའི་ཉམས་ཆུང་སྤྲང་པོ་ལ་འཕོས་ནས། །རང་བྱུང་གི་ཡེ་ཤེས་ཀློང་ མཛོད་དུ་བརྡོལ་བྱུང་། །ཧེ་ཧེ མ་སྒོམ་དང་རིག་པ་སྐྱེ་མེད་དུ་སངས་འགྲོ །མ་བལྟ་དང་གནས་ལུགས་ཆོས་སྐུ་རུ་ངང་གནས །མ་འཛིན་དང་འཁོར་འདས་རང་སྣང་དུ་རྫོགས་འོང་། མ་བཞག་དང་ཀ་དག་ཟང་ཐལ་ཞིག་མངོན་འགྱུར། །མ་བཅོས་དང་ཡེ་གཞི་རྫོགས་ཆེན་ནི་ངོ་མ །མ་བསམ་དང་སངས་རྒྱས་རང་བྱུང་དུ་མཇལ་འོང་། །མ་སྨོན་དང་མི་འགྱུར་གདིང་ཆེན་ཞིག་འཐོབ་འོང་། །མ་རེ་དང་རྒྱུ་འབྲས་གཅིག་ཆར་དུ་ལྟོ་སྦྱོར། །མ་ཆགས་དང་རང་ངོ་ཀ་དག་ཏུ་ཡེ་གནས །མ་བཙལ་དང་སངས་རྒྱས་འདི་ལས་ནི་མེད་ངེས །མ་སྐྱོང་དང་ཆོས་ཉིད གཏན་སྲིད་འདི་ཟིན་ཉེ། །མ་བཅོས་པའི་སྤྲང་པོས་གབ་མེད་ཀྱི་གསང་ཚིག །མ་བཟློག་པར་ཁྱོད་ཀྱིས་བསྐུལ་ངོ་རུ་སྨྲས་ཡོད། །མ་ནོར་བར་ཉམས་ལེན་གནད་བསྣན་དུ་བྱས་ན། །མ་འབད་པར་སངས་རྒྱས་མི་རིང་བར་ཐོབ་འོང་། །སྤྲང་མ་ནུས་སེམས་ཉིད་ཧད་པོས་བདེ་ཆེན་མཚོས་བསྐུལ་ངོར་སྨྲས་པའོ། །དགེའོ།། །། T11618 - 050 ༄༅། །སྔོན་སྨོན་ལམ་ལས་ཀྱིས་འབྲེལ་བའི། །གྲོགས་སྐལ་བཟང་སྐྱེས་བུ་དམ་པ། །ཆོས་ཡང་དག་བསྒྲུབ་པར་འདོད་ན། །ལྷ་བླ་མ་དམ་པར་བསྟེན་ནས། །དེས་ཅི་གསུངས་བཀའ་བཞིན་བསྒྲུབ་ཅིང་། །དོན་གདམས་ངག་ངེས་གསང་སྙིང་པོ། །ལམ་གནད་ལ་གོལ་འཕྱུགས་མེད་པར། །གནས་དབེན་པར་ཉམས་སུ་བླང་ན། །ཚེ་འདི་རུ་གྲོལ་འཐོབ་ངེས་པ།། གནད་དེ་ལས་གཞན་དུ་རིང་ན། །སྒོ་ལུས་ངག་གཉིས་ཀྱི་དགེ་སྦྱོར། །གནས་འཁོར་བར་བསོད་ནམས་བསགས་པས །རྒྱུད་གྲོལ་བའི་ཐབས་ལ་མི་ཕན། །ཡུལ་བདེ་སྡུག་གཉིས་ཀྱི་བྱེད་པོ།། སེམས་གཅིག་པུར་འདུག་ལ་ལྟོས་དང་། །དེ་རང་ཐོག་གྲོལ་བའི་གདམས་པ། །ཆོས་ཀུན་གྱི་སྙིང་པོ་ངོ་མ། །ཕ་བླ་མའི་རྣམ་ཐར་ཐོས་ནས། །ཡུལ་རིང་བ་གོམ་གྱིས་བགྲོད་ཀྱང་། །དེས་གདམས་ངག་དོན་ཐོབ་མེད་ན། །མགོ་སོར་མོས་བཀབ་པས་ཅི་ཕན། །སྐྱབས་བླ་མ་ཡིད་བཞིན་ནོར་བུ། །དེ་སངས་རྒྱས་མ་འཕྱུགས་ངོ་མ། །ཚུལ་གོ་ནས་དད་མོས་དྲག་པོས། །བསྟེན་ཤེས་ན་དངོས་གྲུབ་འབྱུང་གནས། །ཐག་རིང་པོར་དཀའ་བ་སྤྱོད་ནས། །རྫས་ཁ་དོག་གཟུགས་དབྱིབས་ལེགས་པའི །སར་ཕྱིན་ནས་དད་གུས་བྱས་ཀྱང་། །ཅང་མི་ཤེས་བེམ་སྐམ་སྒོག་པོས། །རང་T11618 - 051 རྒྱུད་ལ་ཕན་གདག་ཅི་ཡོད། །མི་སྙིང་སྟོབས་ལྡན་པ་འགའ་རེས། །ཚེ་གཅིག་ཏུ་ལུས་ངག་གཉིས་ཀ །ཆོས་ཀུན་རྫོབ་དགེ་ལ་བསྐུལ་ཀྱང་། །ཁོང་ཤེས་རྒྱུད་སྔར་ལས་མ་འཕགས། །ད་གྲོལ་བ་ཐོབ་མཁན་སུ་ཞིབ །དེ་བསམ་ན་དོན་མེད་ངོ་མ། །ཆོས་བླ་མེད་ཟབ་དོན་སྙིང་པོར། །སྔོན་སྨོན་ལམ་ལས་འབྲེལ་མེད་ན །ཆོས་བསོད་ནམས་བསགས་པ་དེ་དག །ལམ་མཆོག་ཏུ་བསྟེན་དགོས ལེགས་ཀྱང་། །དོན་དམ་པར་སངས་རྒྱས་བསྒྲུབ་ནང་།ཁོང་རྣལ་འབྱོར་དབང་ཕྱུག་དག་བཞིན། །གནས་མི་མེད་ལུང་པའི་ཚལ་དུ། །གྲོགས་མེད་པར་གཅིག་པུར་གནས་ཤིང་། །ཚུལ་སྙིང་པོའི་སྒྲུབ་ལ་གཞོལ་མཛོད། །ཨ་ཧོ། བློ་ཡིད་སེམས་ཀྱིས་བཅས་བཅོས་གཅོང་རོང་དུ། །མ་རིག་གསུམ་གྱི་མུན་ཁང་ཁྱོན་ཡངས་པར། །ཤེས་རབ་མིག་ལོང་སྤྱོད་འགྲོས་བྱེད་མཐོང་ནས།། ཤིན་ཏུ་བྲེད་ཅིང་སུན་པའི་སྟོབས་དབང་གིས། །ཁམས་གསུམ་རྒྱུད་གོལ་ཉམས་ཀྱི་རི་རྩེར་བྲོས །དེ་ཚེ་ཤེས་རབ་ཡེ་ཤེས་མིག་ཡངས་པོས །མ་རིག་ལྷན་སྐྱེས་ཀུན་བཏགས་སྒྲིབ་གཡོགས བསལ། །མ་བཅོས་གསུམ་གྱིས་མཉམ་བཞག་རང་ཡན་ཚེ། །ཁྱབ་བདག་མགོན་པོའི་ཁྲི་ཁར་སླེབས་པ་མཚར། །ལྷུན་གྲུབ་བདེ་ཆེན་བཀོད་པ་མི་ཟད་པར །རང་དབང་ཐོབ་པའི་དགོད་ཁ་ལྷག་ ༄༅། །ལྷག་ཤོར། །ཀུན་ཤེས་ཀུན་གཟིགས་ཡེ་ཤེས་མིག་གཅིག་པོས། །རིམ་དགུའི་ཐེག་པའི་ཡུལ་ལ་ལྟད་མོ་བལྟས །གདུལ་བྱའི་འཇུག་སྒོ་མ་ངེས་ཐ་དད་པར། ཀུན་ལྷག་བློ་ཡིས་ངོས་བཟུང་ཁས་ལེན་པ། །ཐ་དད་མ་གྲུབ་གཅིག་རྫོགས་སྤྱི་དྲིལ་གྱི། །ཁྱབ་བདག་རྫོགས་པ་ཆེན་པོར་རོ་གཅིག་མཐོང་། །འཁོར་འདས་ཆོས་ཀུན་སྣང་དང་སྣང་བྱེད་ཡུལ། དཔེར་ན་རྨི་ཡུལ་གདོད་ནས་མ་གྲུབ་པར། །རྨི་མཁན་ཉིད་ལ་དེ་ཉིད་སྣང་བ་དང་།སྒྱུ་མ་གདོད་ནས་གྲུབ་པ་མ་བྱུང་ཡང་།ལྟད་མོ་མཁན་ལ་སྒྱུ་སྣང་དེ་སྣང་བཞིན། །ཐམས་ཅད་ཀུན་བྱེད་རྒྱལ་པོ་རང་ལ་ཐིམ། །འབད་རྩོལ་བྱ་བ་ཅོག་བཞག་རྣལ་འབྱོར་བདེ། །ཡེ་གྲོལ་ཀ་དག་སྤྲོས་བྲལ་སེམས་ཉིད་ལ། །རང་ས་ཉིད་དུ་ཡན་པའི་ཧད་པོ་ངས། །ཤིན་ཏུ་གཅེས་ནོར་ཡིན་ཡང་ཁྱོད་ལ་སྟེར།། ལས་སྐལ་ལྡན་ན་ལམ་གྱི་གསལ་སྒྲོན་ཡིན། །སྐལ་བ་མེད་ན་རི་མོའི་མར་མེར་སོང་།ཕན་གནོད་མེད་ཀྱང་རྟེན་འབྲེལ་གནད་གཅིག་ཡོད །ད་དུང་སྔོན་ལས་རླུང་གི་འཁོར་ལོའི་རྩེས །འཕང་ནས་ང་ཡི་གན་དུ་མཆི་ཡང་སྲིད། །དེ་ཚེ་གདམས་པའི་ཡང་བཅུད་སྟེར་ཀྱང་སྤྲོ། །དགེ་བཙུན་ཀློང་ཡངས་ལ་གདམས་པའོ།། T1618 - 053 T1618 - 054 ༄༅། །དད་ལྡན་དགེ་མ་རྣམས་ལ་གདམས་པ་ཡོད། ཕ་བླ་མའི་ཞབས་ལ་གུས་པས་འདུད །ཚུར་གསོན་དང་དད་ལྡན་དགེ་རྣམས །ང་སྤྲང་པོས་རང་བཟོ་བླུན་པོའི་སྒོམ། །དོན་མཉམ་བཞག་མ་ཡེངས་མི་སྒོམ་ངང་། །སླར་རྗེས་ཐོབ་རྟོག་ཚོགས་མཉམ་བཞག་ལྟར །དེར་འཛིན་པས་མི་འཆིང་སྙིང་གཏམ་ཡིན །ལར་སེམས་ངོ་འཚོལ་བའི་དུས སུ་ཡང་། །དུས་གསུམ་གྱི་རྟོག་ཚོགས་ཐམས་ཅད་ཀུན །རི་གཟར་གྱི་འབབ་ཆུ་བཞིན་སྣང་བ། །སེམས་གཅིག་པུར་ཐག་ཆོད་སྙིང་གཏམ་ཡིན། །རྗེས་ཡེངས་མེད་དྲན་འཛིན་ལ་གོམས མཐུས། །ཉམས་བདེ་གསལ་མི་རྟོག་མངོན་གྱུར་ཏེ། །ཉམས་ཞི་གནས་མི་གཡོ་རྒྱ་མཚོ་ལྟར། །དོན་གནས་ལུགས་ཡེངས་མེད་སྙིང་གཏམ་ཡིན། །ཞི་གནས་ཀྱི་ཉམས་ལ་ཆེར་གོམས་མཐུས། །ཆགས་ཞེན་མེད་ཉམས་སུ་བླངས་སྟོབས་ཀྱིས། །ཚོམ་བྲལ་གྱི་ངེས་ཤེས་འཁྲུངས་བཞིན་ཏུ། །དོན་ལྷག་མཐོང་རང་ཞལ་མཇལ་བ་ནི། །སྤྲང་བླུན་པོ་བདག་གི་སྙིང་གཏམ་ཡིན། ཞི་ལྷག་གི་ཉམས་རྟོགས་ཟུང་འཇུག་ཚེ། །གནས་དགའ་དང་འགྱུ་སྡུག་གཉིས་འཛིན་སྐྱོན། །དེ་དག་ཚེ་ཡེངས་མེད་མཉམ་བརྟེན་དང་། །ཡང་ཆེར་བརྟན་རྩེ་གཅིག་གསུམ་བསྒོམ་པ། སྤྲང་བླུན་པོ་བདག་གི་སྙིང་གཏམ་ཡིན། །དོན་ཡེངས་མེད་དྲན་པ་ལ་གོམས་མཐུས། །གནད་དྲན་རིག་འདྲེས་པའི་སྤྲོས་བྲལ་མཁའ། །འཕགས་རྟོགས་ཀྱི་མཐོང་སྒོམ་རང་རིག་ཞལ། དེ་མཇལ་ནས་གོང་འཕེལ་ཐབས་བརྩོན་པ། །སྤྲང་བླུན་པོ་བདག་གི་སྙིང་གཏམ་ཡིན། །རྐྱེན་མི་ཐུབ་སྒོམ་པ་ཉོན་རེ་མོངས །རྒྱུད་མི་ཐུལ་ང་འོ་སྙིང་རེ་རྗེ །སྐྱིད་མི་འོང་སྡུག་བཙིར་ཉམས་རེ་ཐབ། །བག་མི་འདུག་ཆོས་གཟུགས་ཟུང་རེ་ཟད། །རང་རྒྱུད་དེ་འདུལ་དགོས་སྙིང་གཏམ་ཡིན །མཉམ་རྗེས་ལ་ཤན་འབྱེད་མི་ཤེས་ཚོས། །ཅི་བྱས་ཀྱང་ངང་སྐྱོང་དེས་ཆོག་ཟེར།། མཉམ་བཞག་གི་དགོས་ཆུང་བྱེད་ན་ཡང་། །ཉོན་ཤེས་ཀྱི་སྒྲིབ་གཡོགས་མ་བྲལ་བར། །མཉམ་བཞག་ལ་རེམ་དགོས་སྙིང་གཏམ་ཡིན། །ཐུབ་དབང་གིས་ནེེ་རཉྫ་ནའི་འགྲམ། །ལོ་དྲུག་ལ་མཉམ་བཞག་མཛད་པ་དང་།།དགའ་རབ་དང་ཤྲཱི་སེང་པད་འབྱུང་སོགས །རྗེ་གོང་མ་རྣམས་ཀྱང་ངེས་མེད་རིར། །ཐུགས་འོད་གསལ་གྱི་དཀྱིལ་འཁོར་ཞལ་ཕྱེས་ཏེ །མཉམ་བཞག་ལ་ཚེ་གཅིག་བཞུགས་དགོས་ན། །འུ་ཅག་ལ་ཨ་རེ་སྨོས་ཅི་དགོས། །མཉམ་བཞག་གིས་ཉམས་མྱོང་མཐའ་རུ་སྐྱོལ། །རྗེས་ཐོབ་ཀྱིས་ཉམས་ཚད་མི་རྫོགས་སྐྱོན །མཉམ་བཞག་གིས་སྒྲིབ ༄༅། །གཉིས་དྲི་མ་བྲལ། །རྗེས་ཐོབ་ཀྱིས་ཡར་སྐྱེད་མི་འོང་སྐྱོན །མཉམ་རྗེས་གཉིས་ཟུང་འཇུག་རྣལ་འབྱོར་ལམ། །སྙིང་གཏམ་གྱི་ཀུ་ཀུའི་ལྷང་ལྷང་སྐད། ཤ མཁོས་ཆུང་མོད་རང་གི་རྒྱུད་ལ་ལྟོས། །སྤྲང་སྨྱོན་པ་བདུད་འཇོམས་རྡོ་རྗེས་སྨྲས། ཉེར་བདུན་གདམས་༣ ཉེར་བདུན་གདམས་༣ T11618 - 057 T11618 - 058 ༄༅། །དུས་གསུམ་སངས་རྒྱས་ཐམས་ཅད་འདུས་པའི་དཔལ །རིག་འཛིན་རྒྱལ་པོ་པདྨ་ཀ་རས་སྐྱོངས། །འདི་ལྟར་སྣང་བའི་འདོད་ཡོན་སྣོད་དང་བཅུད། །མིང་ཚུལ་དངོས་མཚན་སྤྲོས་མཐའ་ཀུན་ལས་འདས། །འདི་ཕྱི་རྨི་ལམ་སྣང་བའི་ཆོས་སོ་ཅོག །མ་བརྟག་པ་ན་རྟག་བརྟན་དངོས་མཚན་ཅན། །སོར་རྟོག་ཤེས་རིག་རྣོན་པོས་བརྟག་དཔྱད་ན། བྱུང་གནས་འགྲོ་གསུམ་གཞི་རྩ་ཀུན་གྱི་སྟེང་། །མེད་བཞིན་འཁྲུལ་པའི་སྣང་བ་རྫུན་པོ་ཆེ། །ཆོས་དབྱིངས་ཀུན་ནས་ཟླུམ་པའི་དབྱིངས་ཆེན་པོ། །མངོན་གྱུར་མཐའ་གྲོལ་རིག་སྟོང་བརྗོད་ལས་འདས། །དེ་ཡང་སྤྲོས་བྲལ་རྣམ་ཐར་སྒོ་གསུམ་ལྡན། །འཁོར་བའི་མངོན་ཞེན་ལྡོག་ཕྱིར་ལྷུན་གྲུབ་མདངས། །གདངས་སུ་ལམ་བྱེད་ཤེས་རབ་དབྱིངས་གྱུར་ཕྱིར། །ཐབས་ཀྱི་འཇུག སྒོ་དུ་མར་བཅོས་པ་ཀུན །ཡེ་ཤེས་གཅིག་ལས་ཐ་དད་མ་གྲུབ་པའི། །ཚུལ་མཐོང་ངེས་པའི་དོན་ལ་ཡང་དག་འདྲིས །ཀུན་ཁྱབ་ཡེ་ཤེས་བདེ་གཤེགས་སྙིང་པོའི་ཞལ། །མངོན་གྱུར་ནམ མཁའ་རྣམ་པར་དག་པའི་དབྱིངས། །ཆོས་རྣམས་ཀུན་གྱི་ཆིངས་ན་བླ་ན་མེད། །ཤེས་བྱའི་ཡུལ་ལས་འདས་པའི་རྫོགས་པ་ཆེ། །ཐེག་ཀུན་འབྲས་བུར་གྱུར་པའི་དེ་ཀར་ཞོག །དེ་ལྟར་ ཁྲེགས་ཆོད་ལྟ་སྒོམ་སྤྱོད་པའི་གནད། །གཅིག་ཏུ་བསྣན་པ་གཞིར་བཞག་ཨ་ཏི་ཡིས། །ཤིན་ཏུ་ཉེ་ཞིང་མྱུར་བའི་ལམ་མཆོག་ནི། །ཐོད་རྒལ་གདམས་པའི་འཕོ་བ་ཆེན་པོར་བསྐྱལ། ཤེས་པ་དང་པོ་འཁོར་བའི་སྣང་བཞི་རུ །མཆེད་དེ་མཐའ་མེད་འཁྲུལ་པར་མངོན་ཞེན་པ། །བཙན་ཐབས་གཞིག་པའི་ཚུལ་ཏེ་ཅིའི་ཕྱིར་ན། །ཤེས་པ་དང་པོ་དྭངས་མའི་འོད་དུ་མཆེད། ལུས་ཀྱི་དྭངས་མ་ཙིཏྟ་རིན་པོ་ཆེ། །རྩ་ཡི་དྭངས་མ་ཀ་ཏི་ཤེལ་གྱི་སྦུབས །སྒོ་ཡི་དྭངས་མ་རྒྱང་ཞགས་ཆུའི་སྒྲོན་མ། །སྣོད་ཀྱི་སྒྲོན་མ་རྣམ་པ་གསུམ་དུ་གྲགས། །འབྱུང་ཆེན་ལྔ་ཡི་དྭངས་མ་དག་དབྱིངས་དང་། །འབྱུང་ཕྲན་དྭངས་མ་ཐིག་ལེ་སྟོང་སྒྲོན་མ། །སེམས་ཀྱི་དྭངས་མ་ཤེས་རིག་རྒྱལ་པོར་བཅས། བཅུད་ཀྱི་སྒྲོན་མ་རྣམ་པ་གསུམ་དུ་གྲགས།།གནས་ལུགས་གཞི་ཡི་སྒྲོན་མ་རྣམ་དྲུག་ཡིན། །རྣལ་འབྱོར་ལམ་གྱི་སྒྲོན་མ་རྣམ་པ་བཞི། །ཙཀྵུ་སྣོད་དང་དབྱིངས་ཐིག་རིག་པ་བཅུད །གཅིག་དྲིལ་མངོན་སུམ་ཤེས་རབ་མིག་གིས་མཐོང་། །དང་པོ་བརྟན་ཐོབ་དེ་ཡི་ཉམས་རྟོགས་ལེགས། །དང་པོ་ལུས་ཀྱི་རླུང་ལྔ་ཡེ་ཤེས་ཀྱི། །རླུང་ལྔའི་དབྱིངས་སུ་འཇིག་པའི་དུས་བྱུང་ཚེ། །སྒོ་གསུམ་བདེ་སྡུག་གར་གྱི་རྣམ་འགྱུར་ངོམས། །ན་ཚ་ཟུག་རྔུ་མ་ ཤྲཱི ༄༅། །ངེས་སྣ་ཚོགས་པ། །འདུ་བ་རྣམ་པ་བཞི་ཡི་ཡོ་ལངས་གཡོ། །བཟང་ངན་ལྟས་མཚན་མཐོང་ཆོས་མངོན་གྱུར་དུ། །སྣང་ཡང་བདེན་མེད་ཉམས་ཀྱི་ངང་ཚུལ་དུ། །བདག་མེད་རྟོགས་པའི་ཤེས་རབ་ཀྱིས་བརྡལ་ན། །གོལ་ཤོར་ནོར་བའི་འཕྲང་ལས་རྣམ་པར་གྲོལ། །ཟླ་བ་བཅུ་བཞིར་བཟོད་མེད་ན་ཚ་དང་། །ཡང་ཡང་ཆལ་ཆོལ་བྱ་སྤྱོད་མང་འབྱུང་ཡང་། །མི་མེད་ལུང་པར་གེགས་སེལ་བོགས་འདོན་ཕྱིར། །སྨྱོན་པ་བཞིན་དུ་སྒོ་གསུམ་བྱུང་རྒྱལ་བཏང་། །དེ་ནས་ལྟ་སྤྱོད་མི་དང་མ་མཐུན་ཡང་། །རང་ངོར་བཟོད་མེད་སྡུག་བསྔལ་ཆེར་མི་འབྱུང་། །བདུད་བཞིའི་གྲོང་ཁྱེར་སྤྲུག་པའི་བྱེད་ལས་ཀྱིས །ཕྱི་ནང་ཀུན་ཏུ་ཐོགས་བཅས་ཐོགས་མེད་གཉིས། །དགྲ་རུ་ལྡང་ནས་གཤེ་སྐུར་ལོག་ལྟ་འབྱུང་།དེ་ལ་སྣང་སྲིད་སྒྱུ་མ་རྨི ལམ་དུ། །ཤེས་ནས་རེ་དང་དོགས་པ་ཐམས་ཅད་སྤངས །ཞལ་གཟིགས་ལུང་བསྟན་དག་སྣང་གང་བྱུང་ཡང་། །སྒྱུ་མ་སྨིག་རྒྱུ་ལྟ་བུར་བདེན་མེད་ཀྱི།