Tibetan
མོའི་མཐར་དེ་དག་གི་གསང་སྔགས་རིག་སྔགས་གཟུངས་སྔགས་ཐམས་ཅད་སྔགས་འདི་ཁོ་ནར་གྱུར་ཏེ་འཁོར་བར་བསམ༔ བཟླས་པ་ཙམ་གྱིས་དམ་ཚིག་གཉན་གྱི་སྲོག་ཐོབ་སྟེ་མི་འབྲལ་གྲོགས་སུ་འཁོར་ཞིང་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པར་བསམ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ས་མ་ཡ་ཧྲཱི་ཛཿ དེ་ཡིས་འབོད་པ་གནད་དུ་བསྣུན༔ སྒྲུབ་པ་ལས་སྦྱོར་གབ་བྱང་ལྟར༔ ལྷ་ཆེན་ཚོགས་ཀྱི་བདག་པོ་ཡི༔ སྒྲུབ་པ་ཀུན་གྱི་ཡང་སྙིང་འདི༔ འབོད་དང་བསྙེན་སྒྲུབ་ལས་སྦྱོར་གྱིས༔ གནད་བསྣུན་གང་གིས་བསྒྲུབ་གྱུར་ཀྱང་༔ སྐྱེས་པ་འམ་ནི་བུད་མེད་ཀྱི༔ གཟུགས་སུ་སྤྲུལ་ནས་ཞལ་སྟོན་ཅིང་༔ ཕྲིན་ལས་བསྒྲུབ་པར་གདོན་མི་ཟ༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་རང་སློབ་དམ་པ་ཧོར་གྱི་བླ་མ་ཚོགས་མཆོག་གིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཤོག་སེར་ལས་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ།།དགེའོ།།དགེའོ།། །། TI1608 - 312 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་གཙུག་ན་ཟླ་བའི་བསྐང་བ་རིན་ཆེན་ཕྲེང་མཛེས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཧྱ་ཟསཀཤ༔ མ་འོངས་པདྨའི་བརྒྱུད་འཛིན་བུས༔ དབང་ཕྱུག་ཆེན་པོ་བསྒྲུབ་པའི་ཚེ༔ ཟས་སྣ་སྤོད་དང་སྨན་སྣ་ཚོགས༔ བཤམས་ནས་མ་དག་དྲི་བསང་སྦྱངས༔ ནམ་མཁའ་མཛོད་ཀྱི་སྔགས་བརྗོད་དེ༔ འདོད་ཡོན་ནམ་མཁའ་མཛོད་དུ་སྤེལ༔ དེ་ནས་བསྐང་གསོལ་རིམ་པ་ནི༔ ཧཱུྃ་ཧྲཱིཿ དད་པ་དང་ནི་དམ་ཚིག་གཉན་པོ་ཡིས༔ འབོད་དོ་གཤེགས་སོ་ལྷ་ཆེན་ཚོགས་ཀྱི་བདག༔ སྟེང་ཕྱོགས་སྲིད་པ་གསུམ་གྱི་རྩེ་མོ་ནས༔ ལྷ་ཆེན་སྙོམས་འཇུག་དབང་པོ་གཤེགས སུ་གསོལ༔ དེ་འོག་གཟུགས་ཁམས་དགའ་བདེའི་གྲོང་ཁྱེར་ནས༔ ལྷ་ཆེན་ཏིང་འཛིན་དབང་པོ་གཤེགས་སུ་གསོལ༔ སུམ་ཅུ་རྩ་གསུམ་ལྷ་ཡི་ཕོ་བྲང་ནས༔ དབང་ཕྱུག་འདོད་པའི རྒྱལ་པོ་གཤེགས་སུ་གསོལ༔ རི་རབ་ལྷུན་པོ་ནུབ་ཕྱོགས་དགའ་ཚལ་ནས༔ ལྷ་ཆེན་ཚོགས་ཀྱི་བདག་པོ་གཤེགས་སུ་གསོལ༔ འཇིགས་རུང་རྩུབ་འགྱུར་ཚལ་གྱི་དུར་ཁྲོད་ནས༔ དབང་ཕྱུག་མ་ཧཱ་ཀྲོ་ཏ་གཤེགས་སུ་གསོལ༔ ཡུམ་མཆོག་ཨུ་མ་དེ་ཝི་གཤེགས་སྲས་མཆོག་ལེགས་ལྡན་ནག་པོ་གཤེགས་གཙང་རིས་མགོན་པོ་འཁོར་བཅས་གཤེགས༔ ཁམས་ གསུམ་སྲིད་པའི་འཁོར་ཚོགས་གཤེགས་སུ་གསོལ༔ འཁྲུལ་སྣང་འཐས་པའི་ཡུལ་ངན་ལས་དབེན་པ༔ གསལ་སྣང་དགའ་བདེའི་ལོངས་སྤྱོད་ཕུན་ཚོགས་གནས༔ གསང་ཆེན་སྒྲུབ་པའི་དཀྱིལ་འཁོར་ཆེན་པོ་འདིར༔ མི་འབྲལ་སྲོག་གི་རྟེན་འདིར་གཏན་བཞུགས་གསོལ༔ བཛྲ་ས་མ་ཡ་ཛ་ཛཿ ཏིཥྛ་ལྷན༔ ཧོཿ གསོན་ཅིག་དགོངས་ཤིག་ལྷ་ཆེན་ཚོགས་ཀྱི་བདག༔ སྔོན་ཚེ་སྤྱི་དཔལ་ཀུན་བཟང་ཧེ་རུ་ཀ༔ གསང་བའི་བདག་པོ་སྟོན་པ་བཅོམ་ལྡན་འདས༔ རིག་འཛིན་རྒྱལ་པོ་པདྨ་ཐོད་ཕྲེང་སོགས༔ བརྒྱུད་གསུམ་རིག་འཛིན་བླ་མ་དཔང་བཙུགས་ནས༔ བཀའ་དང་དམ་ཚིག་དབང་གིས་ཁྱོད་བསྒྲུབ་ཀྱིས༔ མ་འདའ་མ་གཡེལ་མ་འགྱངས་སྐད་ཅིག་གིས༔ འདིར་གཤེགས་རྣལ་འབྱོར་བདག་གི་གཏན་གྲོགས་མཛོད༔ ཕྲིན་ལས་རབ་འབྱམས་བསྒྲུབ་པའི་ཕོ་ཉ་གྱིས༔ འདོད་རྒུའི་དཔལ་ཡོན་སྟེར་བའི་སྦྱིན་བདག་དང་༔ ས་ལམ་བར་ཆད་བཟློག་པའི་སྲུང་མ་མཛོད༔ རྣལ་འབྱོར་བདག་ནི་དམ་ཚིག་ལ་གནས་ཤིང་༔ གྲོགས་སུ་སྲུང་མ་གཉན་པོ་ཁྱོད་བསྟེན་གྱིས༔ དམ་ལ་མ་འདའ་མྱུར་དུ་གྲོགས་མཛོད་ཅིག༔ གལ་ཏེ་གཡེལ་ཞིང་འགྱང་བར་གྱུར་པ་ན༔ བརྒྱུད་གསུམ་རིག་འཛིན་བླ་མའི་དམ་ལས་འདས༔ ཁྲོཾ།༔ སྒྲུབ་པའི་རྣལ་འབྱོར་བདག་ཀྱང་ཁྱོད་ཀྱིས་བསླུས༔ དེ་ཕྱིར་ཁྱོད་ནི་རྡོ་རྗེ་དམྱལ་བར་ལྟུང་༔ འདའ་ཀའི་དམ་ཚིག་གཉན་པོ་དེར་དགོངས་འཚལ༔ ཀྱེེ༔ དྲང་སྲོང་ལྷ་ཡི་བླ་མ་ཚོགས་ཀྱི་བདག༔ སྒྲུབ་པའི་རིག་འཛིན་བདག་གིས་ཁྱོད་བརྟེན་ནས༔ མི་འབྲལ་བྱམས་བརྩེས་རྟག་ཏུ་སྐྱོང་བ་དང་༔ ཐུགས་ཀྱིས་མི་བཞེད་ཉེས་ཀུན་བསལ་བའི་ཕྱིར༔ དོ་ནུབ་ཐུགས་དམ་གཉན་པོ་བསྐང་བར་བྱ༔ རི་དྭགས་གཡུང་དྭགས་གཟུགས་འགྲོས་སྣ་ཚོགས་པ༔ འདབ་ཆགས་སྡེར་ཆགས་རྨིག་ཆགས་ལ་སོགས་པའི༔ སྲོག་ཆགས་སྣ་ཚོགས་ལོངས་སྤྱོད་ཡུལ་དུ་བཤམས༔ དར་ཟབ་ཟ་འོག་སྟག་གཟིག་གཅན་གཟན་ལྤགས༔ ཡིད་འོང་རེག་བྱ་སྲབ་འཇམ་ཡངས་པའི་རིགས༔ གོ་ཁྲབ་སྣ་ཚོགས་མཐུན་པའི་རྫས་སུ་བཤམས༔ གསེར་དངུལ་གཡུ་དང་ཟངས་ལྕགས་མུ་མིན་མཆོང་༔ རིན་ཆེན་སྣ་ཚོགས་ནོར་གྱི་མཆོག་ཏུ་བཤམས༔ བཅུད་ལྡན་སྨན་གྱི་རིལ་བུ་བདུད་རྩིར་བསྒྱུར༔ ཉེར་སྤྱོད་བདུན་དང་འདོད་ཡོན་རྣམ་པ་ལྔ༔ སྨན་གཏོར་རཀྟ་མཆོད་པའི་རྫས་སུ་བཤམས༔ བཟའ་བ་བཅའ་བ་བཏུང་བ་ལྡག་པ་དང་༔ གཞིབ་པ་ལ་སོགས་རོ་བརྒྱ་ནུས་པ་སྟོང་༔ ལྡན་པའི་འདོད་འཇོའི་ དཔལ་ཡོན་ནམ་མཁའི་མཛོད༔ མི་ཟད་རྒྱན་གྱི་འཁོར་ལོར་ཡིད་ཀྱིས་སྤེལ༔ སྲུང་མ་གཉན་པོའི་ཐུགས་དམ་བསྐང་ཕྱིར་བཤམས༔ ན་མཿ སརྦ་ཏ་ཐཱ་ག་ཏ་སོགས་ནམ་མཁའ་མཛོད་ཀྱི་སྔགས་ལན གསུམ་བརྗོད༔ ཧཱུྃ་ཧྲཱིཿ ལྷ་ཆེན་སྙོམས་འཇུག་དབང་པོའི་ཐུགས་དམ་བསྐང་༔ བདེ་ལྡན་ཏིང་འཛིན་དབང་པོའི་ཐུགས་དམ་བསྐང་༔ འདོད་རྒྱལ་དབང་ཕྱུག་ཆེན་པོའི་ཐུགས་དམ་བསྐང་༔ སྲིད་གསུམ་ཚོགས་ཀྱི་བདག་པོའི་ཐུགས་དམ་བསྐང་༔ ལྷ་མོ་ཨུ་མ་དཱེ་ཝིའི་ཐུགས་དམ་བསྐང་༔ སྲས་མཆོག་ལེགས་ལྡན་ནག་པོའི་ཐུགས་དམ་བསྐང་༔ གཙང་རིས་དཔལ་མགོན་བདུན་ཅུའི་ཐུགས་དམ་བསྐང་༔ ཁམས་གསུམ་ལྷ་ཡི་འཁོར་གྱི་ཐུགས་དམ་བསྐང་༔ ལྷ་མིན་སྡེ་བརྒྱད་འཁོར་གྱི་ཐུགས་དམ་བསྐང་༔ མི་དང་གཉེན་འཁོར་བཅས་པའི་ཐུགས་དམ བསྐང་༔ ཀླུ་དང་བྱོལ་སོང་འཁོར་ཚོགས་ཐུགས་དམ་བསྐང་༔ དམྱལ་བ་ཡི་དྭགས་འཁོར་གྱི་ཐུགས་དམ་བསྐང་༔ ཁམས་གསུམ་འཁོར་ཚོགས་ཡོངས་ཀྱི་ཐུགས་དམ་བསྐང་༔ ཕྱི་ནང་གསང་བའི་མཆོད་སྤྲིན་མི་ཟད་གཏེར༔ འདོད་ཡོན་རྒྱན་གྱི་འཁོར་ལོའི་ཐུགས་དམ་བསྐང་༔ རྟེན་རྫས་སྒྲུབ་རྫས་བསྐང་རྫས་མཆོད་རྫས་དང་༔ མཐུན་རྫས་སྣ་ཚོགས་ཐུགས་དམ་ ཁྲོཾ།༔ བསྐང་ཕྱིར་འབུལ༔ ཁྱད་པར་གསང་རྟེན་སྲོག་གི་འཁོར་ལོ་འདི༔ སྐད་ཅིག་མི་འབྲལ་འགྲོགས་པའི་རྟེན་དུ་འབུལ༔ ཁྱོད་ཀྱི་ཐུགས་དང་འགལ་བའི་ཉེས ཚོགས་ཀུན༔ མི་འཆབ་མི་སྦེད་སྙིང་ནས་བཤགས་པར་བགྱི༔ མ་ཤེས་མ་རིག་པ་ལ་ཐུགས་མ་ཁྲེལ༔ བྱམས་དང་བརྩེ་གདུང་ཆེན་པོས་རྟག་སྐྱོངས་ཤིག༔ སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད༔ དགེ་འདུན་སྡེ་སྐྱོང་བསྟན་པའི་རྒྱལ་མཚན་ཚུགས༔ རྣལ་འབྱོར་བདག་གི་འདོད་དོན་ཡིད་བཞིན་སྒྲབས༔ ཁམས་གསུམ་དབང་བསྡུས་སྲིད་གསུམ་ཟིལ་གྱིས་གནོན༔ འདོད་རྒུའི་ལོངས་སྤྱོད་དཔལ་ཡོན་ཆར་ལྟར་ཕོབས༔ རི་ལྟར་ལྷུན་ཆགས་མཚོ་ལྟར་གཏིང་ཟབ་ཅིང་༔ མི་ནུབ་རྒྱལ་མཚན་ལྟ་བུར་བརྟན་པར་མཛོད༔ བསྟན་པའི་དགྲ་བོ་ལྟ་ལོག་ཀླ་ཀློའི་སྡེ༔ ལྷ་ཡང་རུང་སྟེ་རྗེས་ཤུལ་མེད་པར་རློག༔ དམ་ཚིག་གཉན་ལ་མ་འདའ་ས་མ་ཡ༔ ཨོཾ་ས་མ་ཡ༔ ཨཱཿ ས་མ་ཡ༔༷ ཧཱུྃ་ས་མ་ཡ༔ བཛྲ་ས་མ་ཡ་ཤུདྡྷེ་ཨཱཿ འདི་ལྟར་རྟག་ཏུ་བརྩོན་གྱུར་ན༔ ཉམས་ཆག་འགལ་འཁྲུལ་སོར་ཆུད་ཅིང་༔ ཕྲིན་ལས་རབ་འབྱམས་ངེས་པར་བསྒྲུབ༔ མ་ལྟར་བྱམས་བརྩེ་སྤུན་ལྟར་གདུང་༔ སྙིང་ཉེ་མི་འབྲལ་གྲོགས་བྱེད་འགྱུར༔ བཀའ་སྲུང་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་གཏོན་ཏེ་མཐར་དག་པར་ཕབ་པའི་ཡི་གེ་པ་ནི་ཚོགས་མཆོག་རྡོ་རྗེའོ། །དགེའོ། །དགེའོ། །དགེའོ།། ། ས ་འཇོམས་བཀའ་སྲུང་ཚོགས་བདག ་འཇོམས་བཀའ་སྲུང་ཚོགས་བདག T11608 - 318 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་གཙུག་ན་ཟླ་བའི་དབང་གི་བསྐུལ་བ་ཐུགས་རྗེའི་ལྕགས་ཀྱུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གངྒནྣཤཞཤ༔ མ་འོངས་པདྨའི་བརྒྱུད་འཛིན་བུ༔ ལྷ་ཆེན་དབང་ཕྱུག་བསྒྲུབ་པའི་ཚེ༔ བསྐུལ་བ་འདི་ཉིད་ཉིན་རེ་བཞིན༔ དུས་གསུམ་དུ་ནི་བརྗོད་པར་བྱ༔ འདི་ཉིད་བསྒྲུབ་པའི་སྐྱེས་བུ་རྣམས༔ ལྷར་གསལ་གཟེར་དང་མི་འབྲལ་ཞིང་༔ བསྙེན་པ་ཆུ་བོའི་གཞུང་བཞིན་བཟླ༔ དུས་བཞིར་གསོལ་མཆོད་ཅི་མང་བྱ༔ ཚོགས་དང་གཏོར་མ་འབྱོར་ཆེ་ཆུང་༔ བསོད་ནམས་འཕེལ་རྒྱས་ཡང་དེ་བཞིན༔ ལོངས་སྤྱོད་ཆེ་ན་མཆོད་རྫས་ཡང་༔ རྒྱ་ཆེ་གྲངས་མང་མ་བཏང་ན༔ ཚོགས་ནི་རྫོགས་པར་མི་འགྱུར་ཏེ༔ ལོངས་སྤྱོད་ཆུང་ན་མཆོད་རྫས་ཡང་༔ འབྱོར་ཚད་ཙམ་གྱིས་ཚོགས་རྫོགས་འགྱུར༔ བསྐང་བཤགས་ཚོགས་མཆོད་མ་བྱས་ན༔ དམ་ཚིག་ཉམས་ཆག་འཆོལ་རྐྱེན་གྱིས༔ དམ་ཅན་འགྲུབ་པར་མི་འགྱུར་གྱི༔ དེ་ཕྱིར་བཤགས་སྦྱང་གནད་དུ་གཅེས༔ དེ་དག་གནད་ཀྱི་ཡང་གཅེས་ཡིན༔ ད་ནི་དབང་གིས་བསྐུལ་བ་ནི༔ ཧཱུྃ་ཛཿ དད་པ་དང་ནི་དམ་ཚིག་གིས༔ ལྷ་ཆེན་དབང་ཕྱུག་ཆེན་པོ་བསྐུལ༔ འདོད་པའི་རྒྱལ་པོ་འཁོར་བཅས་བསྐུལ༔ ཚོགས་ཀྱི་བདག་པོ འཁོར་བཅས་བསྐུལ༔ ཡུམ་མཆོག་ཨུ་མ་དཱེ་ཝི་བསྐུལ༔ སྤྲུལ་པའི་ལྷ་མོ་རྣམ་བཞི་བསྐུལ༔ མ་གཡེལ་མ་འགྱངས་ས་མཡ༔ སྟེང་གི་ལྷ་ཁམས་དབང་བསྡུས་ལ༔ ང་ཡི་བྲན་དུ་བཀོལ་བར་T11608 - 319 མཛོད༔ བར་ནས་སྐྱེ་འགྲོ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ འོག་ནས་ཀླུ་ཁམས་དབང་དུ་བསྡུས༔ ང་ཡི་བྲན་དུ་ཁོལ་བར་མཛོད༔ གནོད་སྦྱིན་ནོར་ལྷ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ དཔལ་མགོན་བདུན་ཅུ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ ལྷ་སྲིད་སྡེ་བརྒྱད་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ སྣང་སྲིད་དྲེགས་པ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ ཡུལ་ལྷ་གཞི་བདག་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ གནས་སྲུང་གཏེར་བདག་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ ས་བདག་རྒྱལ་པོ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ རྗེ་དཔོན་མི་ཆེན་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ ཆེ་མཐོ་ཐོབ་ལྡན་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ བཙན་དང་དྲག་ཅན་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ ཡ་རབས་བཟང་རྒུ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོདཿ ལྷ་བཙན་མཁས་མཆོག་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ རྟོགས་ལྡན་འདྲེན་སྟོན་དབང་དུ་བསྡུས༔ ང་ཡི་འབངས་སུ་ཁོལ་བར་ ཁྲོཾ།༔ མཛོད༔ ནོར་ལྡན་ཕྱུག་པོ་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ དཔའ་རྩལ་སྐྱེན་ལྡན་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ སྲིད་པ་ཕོ་རྒྱུད་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ སྲིད་པ་མོ་རྒྱུད་དབང་དུ་བསྡུས༔ ང་ཡི་འབངས་སུ་ཁོལ་བར་མཛོད༔ རྟ་ཕྱུགས་གཟུགས་འགྲོས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ རིན་ཆེན་ནོར་རྣམས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ བཟའ་བཏུང་ཟས་ཚོགས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ རྒྱན་ཆ་སྣ་ཚོགས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ དར་གོས་སྣ་ཚོགས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ གོ་ཁྲབ་རྣོ་མཚོན་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ རྟེན་གནས་ཞིང་ཁང་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ བཅུད་གཡང་ཕྱྭ་གཡང་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ འདོད་རྒུའི་དཔལ་ཡོན་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ བཟོ་རིགས་མཁས་ཚོགས་དབང་དུ་བསྡུས༔ ང་ཡི་ལོངས་སྤྱོད་དཔལ་དུ་སྩོལ༔ དགྲ་བླ་བཅུ་གསུམ་དབང་དུ་ བསྡུས༔ ང་ཡི་ཕྲིན་ལས་ཕོ་ཉར་ཁོལ༔ མདོར་ན་ཡིད་ལ་འདོད་པའི་དོན༔ ཐམས་ཅད་མ་ལུས་དབང་དུ་བསྡུས༔ བདག་གི་ལོངས་སྤྱོད་དཔལ་དུ་སྩོལ༔ སྐྱེ་འགྲོ་དབང་དུ་འདུས་པའི་ཚེ༔ བསྟན་སྐྱོང་སྤེལ་ལ་མཁས་པ་རུ༔ ལྷ་ཆེན་ཁྱོད་ཀྱིས་ཁ་འཛིན་མཛོད༔ བདག་ལ་གནོད་གདུག་དྲག་ཤུལ་གྱིས༔ སེམས་ལྡན་མི་དང་མི་མ་ཡིན༔ འཁུ་ཞིང་གཤུང་བ་གང་སུ་དག༔ ཐུལ་ནས་འོག་ནོན་མངའ་འོག་བསྡུས༔ མི་ཐུལ་བ་རྣམས་ཐམས་ཅད་ཀུན༔ མིང་གི་ལྷག་མ་མེད་པར་རློག༔ ང་ལ་བསམ་སྦྱོར་བརྣག་པའི་རིགས༔ ངས་མ་ཤེས་ཀྱང་ཁྱོད་ཀྱིས་ཤེས༔ ཕྱི་ནང་བར་གསུམ་གར་ཡོད་ཀྱང་༔ ལོ་ཟླར་འགྱངས་སུ་མ་ཤོར་བར༔ སྐད་ཅིག་ཉིད་དུ་བརླག་པར་མཛོད༔ དམ་ཚིག་ཡིན་ནོ་དམ་མ་ཉམས༔ བཀའ་བསྒོ་ཡིན་ནོ་བཀའ་མ་བཅག༔ བཅོལ་བའི་ལས་དེ་མྱུར་འགྲུབ་མཛོད༔ འདི་དུས་དུས་གསུམ་སངས་རྒྱས་ཀྱི༔ བཀའ་དམ་དཔང་དུ་དྲན་པ་གནད༔ དབང་སྡུད་སྔགས་ལ་བརྩོན་པར་བྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གསུམ་བར་དུ་བཀའ་རྒྱ་བྱས་མཐར་རང་སློབ་དམ་པ་འཇིགས་མེད་བློ་གྲོས་དབང་པོ་དང་བསོད་ནམས་བཀྲ་ཤིས་གཉིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་ཡེ་ཤེས་རྡོ་རྗེས་སོ། །དགེའོ།། །། ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་གཙུག་ན་ཟླ་བའི་བླ་རྡོ་སྲོག་གི་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཱསསྭ།༔ མ་འོངས་པདྨའི་བརྒྱུད་འཛིན་རྣམས༔ དབུ་འཕང་མཐོ་ཞིང་འབྱོར་ལྡན་ཕྱིར༔ ལྷ་ཆེན་གཙུག་ན་ཟླ་བ་བསྟེན༔ དེ་ལ་བླ་རྡོ་སྲོག་འཁོར་གཅེས༔ དར་རམ་རས་དཀར་ཤོག་གུ་ལ༔ མུ་ཁྱུད་རིམ་པ་དྲུག་ཏུ་བསྐོར༔ དབུས་སུ་ཚོགས་བདག་སྐུ་གཟུགས་ནི༔ གཞུང་གི་བསྐྱེད་ཆོག་ཇི་བཞིན་བྲིས༔ ཐུགས་ཀར་སྲོག་ཡིག་ཧྲཱིཿ དམར་བཀོད༔ དེ་ཡི་ཕྱི་རིམ་མུ་ཁྱུད་ལ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ཧྲཱིཿ ལྷ་ཆེན་ཚོགས་ཀྱི་བདག་པོའི་བླ་གནས་ཤིང་སྲོག་ཆགས་པར་གྱུར་ཅིག༔ དེ་ཡི་ཕྱི་རིམ་པདྨ་འདབ་བརྒྱད་ལ༔ ཧྲཱིཿ ཡིག་བརྒྱད་བྲིས་ཕྱི་རིམ་རྩིབས་བརྒྱད་ལ༔ ཨཱཿ ཡིག་བརྒྱད་བྲིས་རྩིབས་མཆན་རྣམས་སུ་ཡང་༔ ཨཱཿ པཱ་ཤཾ་སིདྡྷི་ཧཱུྃ༔ ཡཿཔཱ་ཤཾ་སིདྡྷི་ཧཱུྃ༔ མཿ པཱ་ཤཾ་སིདྡྷི་ཧཱུྃ༔ དུཿ པཱ་ཤཾ་སིདྡྷི་ཧཱུྃཿ རུཿཔཱ་ཤ་སིདྡྷི་ཧཱུྃ༔ ཙཿཔཱ་ཤཾ་སིདྡྷི་ཧཱུྃ༔ ཤཿ པཱ་ཤཾ་སིདྡྷི་ཧཱུྃཿ ནཿ པཱ་ཤཾ་སིདྡྷི་ཧཱུྃཿ དེ་ཡི་ཕྱི་རིམ་མུ་ཁྱུད་ལ༔ ནོར་སྒྲུབ་སྔགས་བྲིས་ཕྱི་རིམ་མུ་ཁྱུད་ལ༔ ཨ་ལི་ཀ་ལི་རྟེན་སྙིང་བྲིས༔ ཕྱོགས་སུ་ལྕགས་ཀྱུ་བཞི་དང་ཞགས་པ་བཞི༔ དེ་ལ་བཟང་པོ་དྲུག་བྱུག་ཕོ་འཁོར་རོ༔ ས་མ་ཡ༔ ༈ མོ་འཁོར་ཨུ་མ་ལ་ཡང་མུ་ཁྱུད་དྲུག༔ ལྟེ་བའི་ཁྱོན་ནི་ཡབ་འཁོར་དང་མཉམ་གནད༔ ལྟེ་བར་ཨུ་མ་དཱེ་ཝིའི་གཟུགས་བྲིས་ལ༔ ཐུགས་ཀར་ ཧྲཱིཿ ཡིག་དམར་པོ་གཅིག་བྲིས་ཏེ༔ མུ་ཁྱུད་དང་པོར༔ ཨོཾ་མ་མ་ཨུ་མ་དཱེ་ཝི་ཧྲཱིང་༔ ལྷ་མོ་ཨུ་མ་དཱེ་ཝིའི་བླ་གནས་ཤིང་སྲོག་བརྟན་པར་གྱུར་ཅིག༔ ཅེས་བྲིས༔ དེ་མཐར་པདྨ་འདབ་བརྒྱད་ལ༔ ཤར་པད་ཛཿ དང་ལྷོ་རུ་༔ ནུབ་འདབ་བཿ དང་བྱང་དུ་ཧོཿ མཚམས་བཞིར་རིམ་བཞིན༔ ཤཱིནྟཾ༔ པུཥྚི ཝཱ་ཤ༔ མཱ་ར་ཡ༔ ཞེས་བྲིས་དེ་མཐར་འཁོར་ལོ་རྩིབས་བརྒྱད་ལ༔ ཧྲེང་ཿ ཡིག་བརྒྱད་བྲིས་རྩིབས་མཆན་བརྒྱད་ལའང་༔ ཨོཾ་ནྲྀཿ ཨ་ཀཪྵ་ཡ་ཛཿ ཅེས་དང་༔ མི་སྙིང་སྒུལ་སྒུལ༔ མི་ལག་སྒུལ་སྒུལ༔ མི་འགྲམ་ཆོག་ཆོག༔ སརྦ་རཏྣ་པཱ་ཤཾ་ཀུ་རུ་ཧཱུྃ༔ མ་མ་ཁ་ཤི་སིདྡྷི༔ མ་མ་ཁ་དྷེ་སིདྡྷི༔ འདུས་འདུས་པཱ་ཤཾ་ཀུ་རུ་ཡེ་སྭཱ་ཧཱ༔ མ་མ་ཨུ་མ་དཱེ་ཝི་ཧྲཱིང་༔ མི་མཐུན་ཕྱོགས་ངན་ཐམས་ཅད་ཤཱནྟི་ཀུ་རུ་ཡེ་སྭཱ་ཧཱ༔ དཔལ་འབྱོར་ལོངས་སྤྱོད་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ སྣང་ཞིང་སྲིད་པ་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དགྲ་གེགས་ཐམས་ཅད་མཱ་ར་ཡ་ཕཊ༔ ཅེས་བྲིས་དེ་མཐར་མུ་ཁྱུད་ལ༔ ཨ་ལི་ཀ་ལི་རྟེན་འབྲེལ་སྙིང་པོ་བྲིས༔ དེ་མཐར་ནོར་བུ་བཞི་དང་པདྨ་བཞི༔ བྲིས་ལ་རིན་ཆེན་ཕྱེ་མ་མཚལ་ལི་ཁྲི༔ ཙནྡན་དཀར་དམར་ཅུ་གང་སིནྡྷ་ར༔ བྱུགས་ནས་ཡབ་ཡུམ་ཞལ་གསང་སྦྱོར་བྱས་ནས༔ ལྟེ་བ་མི་བཅག་ཙནྡན་དཀར་དམར་གྱི༔ ཕུར་པ་དར་སྐུད་ལྔས་དྲིལ་དབུས་སུ་བཞུགས༔ སྒྲུབ་པའི་རྟེན་དུ་བཙུག་ནས་ལྷར་གསལ་བསྒྲུབ༔ ་ཁྲོཾ།༔ རྟག་ཏུ་ལྷ་ཆེན་ཡབ་ཡུམ་མངོན་སུམ་བསྒོམ༔ སྔགས་བཟླས་གསོལ་མཆོད་ལ་བརྩོན་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གསུམ་བར་དུ་བཀའ་རྒྱ་བྱས་མཐར་རང་སློབ་དམ་པ་རྣལ་འབྱོར་བསོད་ནམས་བཀྲ་ཤིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་རྡོ་རྗེའོ། །དགེའོ། །དགེའོ །དགེའོ།། །། ༅ གཉིས་སོ།འཁོར་T11608 - 325 T11608- 326 ཁྲོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ དབང་ཕྱུག་མ་ཧཱ་དཱེ་ཝའི་ཞལ་ཧོམ་ལས་བཞི་ལྷུན་གྲུབ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཀྟ་སརྦ་ཁྲརྒརྒྱརྒྱཿ སྣང་སྲིད་ཀུན་གྱི་དབང་ཕྱུག་ཆེ༔ མ་ཧཱ་དཱེ་ཝ་ལ་བརྟེན་པའི༔ སྲེག་བླུགས་ལས་བཞིའི་ཕྲིན་ལས་ལ༔ མངའ་དབང་བསྒྱུར་བའི་ཆོ་ག་ནི༔ རྫས་ལ་ཙན་དན་དཀར་དམར་དང་༔ མཚལ་དང་ལི་ཁྲི་དབང་གི་རྫས༔ སྐག་དང་འབྲི་མོག་འབྱུང་བཞིའི་ཁྲག༔ མེ་ཏོག་དམར་པོ་རྣམས་བསྡུས་ཏེ༔ ཆུ་ལ་བཏབ་པའི་ཁུ་བ་དང་༔ ནས་འབྲས་གྲོ་དང་ཏིལ་དཀར་ནག༔ སོ་བ་ཡུངས་དཀར་འབྲུ་སྣ་ཚོགས༔ གཞན་ཡང་མངར་བའི་རོ་ལྡན་ཚོགས༔ བཟའ་འོས་ཟས་སྣ་ཆ་ཚོགས་དང་༔ སྤོད་ཀྱི་རིགས་བྱེད་གང་ཡང་རུང་༔ དུག་རིགས་མ་གཏོགས་ཀུན་བསགས་ཏེ༔ གོང་གི་དབང་ཆུས་སྦག་ནས་སུ༔ བསྲེག་རྫས་མཆོག་ཏུ་བཤམས་བྱས་ཏེ༔ དུག་དང་རྫས་ངན་མ་གཏོགས་པའི༔ དྲོད་ལྡན་སྨན་སྣ་ཅི་འབྱོར་བསགས༔ དེ་ནས་མེ་ཐབ་བརྐོ་བརྩིགས་ནི༔ གང་ཡང་རུང་སྟེ་ཐིག་དམར་ནི༔ ཟླ་གམ་སུམ་བརྩེགས་བྲིས་པའི་དབུས༔ སྲོག་གི་སྙིང་པོ་བྲིས་ནས་སུ༔ ཐ་མ་ཕྱི་ཁྱམས་འཁོར་ཡུག་ཏུ༔ ལྕགས་ཀྱུ་ཞགས་པ་ནོར་བུ་དང་༔ གཏེར་གྱི་བུམ་པ་རིས་སུ་བྲིས༔ དེ་མཐར་མེ་ཡི་ར་བས་བསྐོར༔ བརྩིགས་ཐབ་ལ་ནི་དབང་གི་ཤིང་༔ འོམ་བུ་ཤུག་དམར་གྱ་ལྟ་སོགས༔ དེ་དག་གང་ཡང་རུང་བའི་ཧོམ༔ ཟླ་གམ་དབྱིབས་སུ་བརྩིགས་པར་བྱ༔ རང་ཉིད་ཡི་དམ་ལྷག་པའི་ལྷའི༔ བསྐྱེད་རིམ་གནད་ཀྱི་གཞུང་དུ་འཇུག༔ འབོད་སྔགས་མང་བཟླས་ཚོགས་བསྐང་ མཐར༔ དཀར་ཕྱོགས་རྣམས་ལ་དཀར་གཏོར་དང་༔ ཤ་ཁྲག་ལ་དགྱེས་གདོན་བགེགས་ལ༔ བགེགས་ཀྱི་གཏོར་མ་ཤ་འབྲས་ཆན༔ བཏང་ནས་བགེགས་བསྐྲད་སྲུང་འཁོར་བསྒོམ༔ དེ་ནས་མེ་ཧོམ་ཆབ་ཀྱིས་བྲན༔ ཨོཾ་མ་ཧཱ་ཤུ་ནྱ་ཏཱ་སོགས་ཨོཾ་སྭ་བྷཱ་ཝ་སོགས་མེ་ཐབ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་རང་ཉིད་ཡི་དམ་ཧེ་རུ་ཀའི་མདུན་