Tibetan
སྔགས་སྲོག་འདྲེན་བཟླ་བའི་ཚེ༔ དམིགས་པ་གཞན་དུ་མི་ཡེངས་པར༔ རྩེ་གཅིག་གསལ་བའི་གཟེར་གྱིས་གདབ༔ མི་ཚིག་དག་གིས་བར་མི་གཅོད༔ གདན་གྱི་དྲོད་མ་ཡལ་བར་སྒྲུབ༔ དེ་ནི་གནད་ཀྱི་དམ་པའོ༔ ས་མ་ཡ༔ མེ་ཏོག་དམར་པོའི་ཚལ་མཐོང་ཞིང་༔ སྐྱེས་པ་དག་གིས་བསྐུར་སྟི་དང་༔ བུད་མེད་མཛེས་མས་དགའ་གདུང་དང་༔ རབ་གསལ་ཟླ་བ་ཤར་བ་དང་༔ ནོར་བུ་གཏེར་བུམ་རྙེད་པ་དང་༔ ཉེ་འཁོར་མང་པོས་རྗེ་བོར་བཀུར༔ ཁྲོམ་མང་དག་ལ་དབང་བསྐུར་སོགས༔ གྲུབ་པའི་ལྟས་སུ་ལེགས་པ་ཡིན༔ བསྒྲུབ་པའི་མན་ངག་རིན་ཆེན་འདི༔ བཀའ་སྲུང་དྲང་སྲོང་ཆེན་པོས་སྲུངས༔ དམ་ཉམས་བཀའ་ལོག་དབང་པོ་སྣུབས༔ སྣོད་ལྡན་སྐྱེས་བུའི་འདོད་དོན་སྒྲུབས༔ གསང་བ་སྐུ་གསུང་TI1608 - 293 ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔༔ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རང་སློབ་དམ་པ་ཚོགས་མཆོག་རྡོ་རྗེའོ། །དགེ་འོ །དགེའོ། །དགེའོ།། ། མ T11608 - 294 ཐོ༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་ཚོགས་ཀྱི་བདག་པོའི་སྒྲུབ་པའི་གབ་གསང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ལྷ་ཆེན་དབང་ཕྱུག་བསྒྲུབ་པའི་ཚེ༔ གབ་པའི་གསང་བ་ལྷན་ཐབས་གནད༔ སྒྲུབ་རྫས་ཙནྡན་དཀར་དམར་གྱི༔ ཕུར་པ་དར་ཚོགས་ལྔ་ཡིས་བསྟུམ༔ སྨན་དང་རིན་ཆེན་སྣ་ཚོགས་དང་༔ གནས་བཟང་བྱིན་ལྡན་ས་སྣ་སོགས༔ ལེགས་པའི་རྫས་སྣ་བཟང་པོ་རྣམས༔ དར་གྱིས་འཐུམས་བྱས་ལྷན་དུ་དྲིལ༔ བླ་རྡོ་ཙཀྲ་དང་བཅས་པ༔ ཟངས་ཀྱི་ལིང་གའི་ཁོངས་སུ་གཞུག༔ བསྒྲུབ་དུས་དཀྱིལ་འཁོར་དབུས་སུ་བཙུགས༔ དེ་མིན་རྟག་ཏུ་འབྲལ་མེད་འཆང་༔ སུ་ཡིས་མི་མཐོང་གསང་རྒྱས་གདབ༔ ནོར་ཟས་ཅི་རིགས་མཛོད་དུ་གདབ༔ མཚལ་དང་ལི་ཁྲི་ཟངས་བྱུ་རུ༔ པདྨ་རཱ་ག་ལ་སོགས་པ༔ རིགས་དང་མཐུན་པའི་རྟེན་རྫས་སོ༔ ས་མ་ཡ༔ རིན་པོ་ཆེ་པདྨ་རཱ་ག་ལས་གྲུབ་པའི་གཞལ་ཡང་ཁང་རྒྱ་ཆེ་བ་སྟོང་གསུམ་གྱི་ཁྱོན་ལ་སྙེགས་པ་ཁོད་སྙོམས་ཤིང་བཀོད་ལེགས་པ༔ ཉམས་དགའ་ཞིང་བྱིན་ཆགས་པ༔ དབྱིབས་ཟླ་གམ་ལ་སྒོ་གཅིག་པ༔ དཔངས་མཐོ་ཞིང་གསེར་གྱི་ཡ་ཕུབ་དང་རིན་པོ་ཆེ་སྣ་ཚོགས་ཀྱི་ཏོག་གིས་མཛེས་པ༔ ནོར་བུ་འདོད་འབྱུང་དང་དབང་རྒྱལ་དང་ཕ་རོལ་དཔུང་འཇོམས་ཀྱི་དྲྭ་བ་དང་དྲྭ་ཕྱེད་འཕྱང་བ༔ རིན་པོ་ཆེའི་དྲིལ་གཡེར་གྱི་མདོ་འཛིན་ལ་སྙན་པའི་སྒྲ་གྲགས་པ༔ ཤར་ནས་ཉི་མ་དང་ནུབ་ནས་ཟླ་བའི གསལ་སྒྲོན་བྱས་པའོ༔ གཞལ་ཡས་ཁང་དེ་ལ་མཛེས་པའི་གཟུགས་སྣ་ཚོགས་དང་༔ སྙན་པའི་རོལ་མོ་དང་གླུ་སོགས་སྒྲ་སྣ་ཚོགས་པས་ཡིད་འགུགས་ཤིང་འཕྲོག་པ༔ དྲི་བཟང་སྣ ཚོགས་ཀྱི་ན་བུན་འཐུལ་ཞིང་ལྗགས་ལ་བདའ་བའི་རོ་བརྒྱ་ནུས་པ་སྟོང་དང་ལྡན་པའི་ཞལ་ཟས་སྣ་ཚོགས་རི་ལྟར་སྤུང་ཞིང་མཚོ་ལྟར་འཁྱིལ་བ༔ སྨན་གྱི་སྤང་རི་ལ་མཛེས་པའི་མེ་ཏོག་སྣ ཚོགས་བཞད་ཅིང་དཔག་བསམ་གྱི་ཤིང་ལས་དགོས་འདོད་འབྱུང་བ༔ ཡན་ལག་བརྒྱད་དང་ལྡན་པའི་བདུད་རྩི་ཆུ་མིག་དང་༔ ལྷ་ཡི་བྱ་རིགས་སྣ་ཚོགས་པའི་གཟུགས་ཀྱི་རྣམ་འགྱུར་ངོམས་ཤིང་སྙན་པའི་སྒྲ་སྒྲོགས་པའོ༔ དཔངས་མཐོ་བ་སྲིད་པའི་རྩེ་རུ་སྙེགས་པ་དར་སྣ་ཚོགས་ཀྱི་རྒྱལ་མཚན་དང་འཕན་གདུགས་བླ་བྲེ་གནམ་ཡོལ་ལྡ་ལྡི་རྣམས་དྲི་བཟང་གི་རླུང་གིས་གཡེང་བའོ༔ ཕོ་བྲང་དེ་ཡི་ནང་དུ་མཆོད་པའི་ལྷ་མོ་མཛེས་སྒེག་མཚན་དཔེའི་ལང་ཚོས་སྤྲས་པ་དཔག་ཏུ་མེད་པས་བཀུར་སྟི་བྱེད་པའི་དབུས་སུ༔ རྒྱོཾ༔ ཤར་དུ་ལྷ་མོ་འགུགས་བྱེད་ཆེན་མོ་དམར༔ ཕྱག་གཉིས་ལྩགས་ཀྱུ་དུང་གི་ཕྲེང་བ་འདྲེན༔ ལྷོ་རུ་ལྷ་མོ་འཆིང་བྱེད་ཆེན་མོ་དམར༔ ཕྱག་གཉིས་ཉི་ཟེར་ཞགས་པ་གཏེར་བུམ་བསྣམས༔ ནུབ་ཏུ་ལྷ་མོ་ ཁྲོཾ།ཿ སྡོམ་བྱེད་ཆེན་མོ་དམར༔ ཕྱག་གཉིས་ལྕགས་སྒྲོག་ནོར་བུ་དབང་རྒྱལ་བསྣམས༔ བྱང་དུ་ལྷ་མོ་འབེབས་བྱེད་ཆེན་མོ་དམར༔ ཕྱག་གཉིས་དྲིལ་བུ་ཕ་རོལ དཔུང་འཇོམས་ནོར༔ ཀུན་ཀྱང་མཚན་དཔེས་རབ་མཛེས་དར་སྣས་ཀླུབས༔ རིན་ཆེན་རྒྱན་རྫོགས་གཟི་བརྗིད་འོད་ཕུང་འབར༔ ཐྱ༔ ལྷ་ཆེན་ཚོགས་ཀྱི་བདག་པོའི་ཐུགས ཀར་ཟླ་ཕྱེད་ཀྱི་གདན་ལ་ཡིད་བཞིན་གྱི་ནོར་བུ་དབང་གི་རྒྱལ་པོའི་ནང་ཁོངས་སུ་ཧྲཱིཿ ཡིག་དམར་པོ་ལ་སྔགས་ཀྱིས་བསྐོར་བར་བསྒོམ༔ བཟླས་པ་ཙམ་གྱིས་ལྷ་ཆེན་ཚོགས་ཀྱི་བདག་པོ་འཁོར་དང་བཅས་པས་དམ་ཚིག་གཉན་པོ་རྗེས་སུ་དྲན་ནས་རྟེན་དང་བརྟེན་པའི་དཀྱིལ་འཁོར་ཐམས་ཅད་སྐད་ཅིག་གིས་བྱོན་ནས་ཐིམ་པས་གཟི་བྱིན་ནུས་སྟོབས་འབར་བར་བསམ༔ དང་པོ་འབོད་པའི་སྔགས་ནི༔ ཧྲཱིཿ མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ས་མ་ཡ་ཛ་ཛཿ དེ་ནས་བསྙེན་པ་ནི༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ཧྲཱིཿ ཨུ་མ་དཱེ་ཝི་ཧྲཱིང་ཛཿ ཧཱུྃ་བཾ་ཧོཿ དེ་ནས་སྒྲུབ་པའི་བསྒོམ་བཟླས་ནི༔ བདག་ཉིད་ཡི་དམ་གྱི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་ལྷ་ཆེན་འཁོར་དང་བཅས་པའི་ཐུགས་ཀར་ཕོག་སྟེ་ཐུགས་དམ་གྱི་རྒྱུད་བསྐུལ་ནས་ཐུགས་ཀའི་ཧྲཱིཿ ལས་འོད་ ཟེར་དམར་པོ་སྲིད་པ་གསུམ་ཁྱབ་པར་འཕྲོས་ཏེ་སྐྱེ་འགྲོ་ཕོ་མོ་ཐམས་ཅད་ཀྱི་བློ་ཡིད་སེམས་གསུམ་ཐམས་ཅད་ཐུགས་ཀྱིས་དབང་དུ་བསྒྱུར་ནས་བདག་གི་མངའ་འོག་ཏུ་སྡུད་པར་བསམ༔ འདོད་རྒུ་ཡིད་བཞིན་གྱི་ཆར་ཆེན་པོ་བབས་ནས་གནས་ཁང་བང་མཛོད་ཐམས་ཅད་མེར་མེར་ཏིང་ཏིང་གང་བར་བསམ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ཧྲཱིཿ ཨུ་མ་དེ་ཝི་ཧྲཱིང་ཛཿ ཧཱུྃ་བཾ ཧོཿ ཨཿ ནྲྀཿ ནཿ ཨ་ཀརྵ་ཡ་ཛ་ཛཿ པཱ་ཤཾ་ཀུ་རུ་ཡེ་སྭཱ་ཧཱ༔ དབང་དུ་བསྡུས་པའི་ཤམ་བུ་ནི༔ ཨཿ ནྲྀཿ ནཿག་ཏྲི་འགུལ་འགུལ་རྒྱུག་རྒྱུག་བྲེང་བྲེང་དུང་དུང་བ་སུ་པཱ་ཤཾ་ཀུ་རུ་ཡེ་སྭཱ་ཧཱ༔ དེ་ནས་ལས་སྦྱོར་གྱི་སྔགས་ལ༔ ལྷ་ཆེན་ཡབ་ཡུམ་གྱི་ཐུགས་ཀ་ནས་དབང་གི་འོད་ཟེར་དམར་པོ་འཕྲོས་པས་སྣང་སྲིད་ཁམས་ཀྱི་སྐྱེ་འགྲོ་ཕོ་མོ་ཐམས་ཅད་ཀྱི་བློ་ཡིད་སེམས་གསུམ་ལ་དབང་བསྒྱུར་ནས༔ ཟས་ནོར་ལོངས་སྤྱོད་འདོད་རྒུའི་དཔལ་ཡོན་ཐམས་ཅད་དབང་དུ་བསྡུས་ཏེ་བདག་གི་གནས་ཁང་བང་མཛོད་ཐམས་ཅད་གང་ནས་ཟག་པ་མེད་པའི་གཏེར་དུ་སྤེལ་བར་བསམ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ཧྲཱིཿ ཨུ་མ་དྗེ་ཝི་ཧྲིང་ཛཿ ཧཱུྃ་བཾ་ཧོཿ ཏདྱ་ཐཱ༔ ན་མ་སྟུ་ཡེ༔ ག་ཎ་པ་ཏི༔ ས་མ་ཡ༔ མ་ནུ་སྨ་ར༔ རུ་ཏྲ་བཱ་ཏྲ་ན་ཡེ་སྭཱ་ཧཱ༔ ཨོཾ་བ་སུ་ངྷ་རི་ཡེ་སྭཱ་ཧཱ༔ ཁྲོཾ།༔ ཨོཾ་བ་སུ་ཤྲཱི་ཡེ་སྭཱ་ཧཱ༔ བ་སུ་ཀྵི་ཀུ་རུ་ཡེ་སྭཱ་ཧཱ༔ རྣོ་ལ་ངར་གྱིས་གདབ་པ་བཞིན༔ ལས་སྦྱོར་གནད་ཀྱི་མན་ངག་བསྟན༔ ཕྲིན་ལས་བཞི་པོ་གང་ལ་ཡང་༔ དམིགས་པའི་ལྡེ་ཁ་བསྒྱུར་བ་གནད༔ མ གསེར་དངུལ་བཏུལ་ལ་ཚ་ལ་བཞིན༔ མེད་ཐབས་མེད་པའི་གདམས་པ་ཡིན༔ ཤིན་ཏུ་གཅེས་ཕྱིར་སྙིང་ལ་འཆོང་༔ གཅིག་བརྒྱུད་ལས་ནི་སྤེལ་མི་རུང་༔ གསང་རྒྱ་གང་ཐུབ་རྣོ་ནུས་མྱུར༔ གདམས་ངག་འཆལ་ལ་བྱིན་དྲོད་ཡལ༔ དེ་ཕྱིར་སྙིང་ལས་གཅེས་པར་ཟུངས༔ བཀའ་སྲུང་ཤན་དམར་རཱ་ཧུ་ལ༔ སྡེ་བརྒྱད་དྲེགས་པའི་ཚོགས་ལ་གཉེར༔ ཐུབ་པར་སྲུངས་ཤིག་ས་མ་ཡ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ༔ ཞེས་པ་འདི་ཉིད་སྟོང་ཉིད་རྡོ་རྗེས་ནན་ཏན་ཆེན་པོས་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་བོ། །དགེའོ། །དགེའོ །དགེའོ།། །། ར མ T11608 - 299 T11608 - 300 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཚོགས་ཀྱི་བདག་པོའི་གསོལ་མཆོད་དབང་སྡུད་ལྕགས་ཀྱུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤཤགྷབྷབྷ༔ སྣང་སྲིད་དབང་དུ་སྡུད་པའི་ཕྱིར༔ ལྷ་ཆེན་ཚོགས་ཀྱི་བདག་པོ་ཉིད༔ མི་འབྲལ་གྲོགས་སུ་བསྟེན་པའི་ཕྱིར༔ རྒྱུན་དུ་གསོལ་མཆོད་འདི་ལ་བརྩོན༔ རྫས་ནི་ལ་ཕུག་ཆུ་དང་ཕྱེ༔ དཀར་གསུམ་གཏོར་མ་ལ་བཏབ་ནས༔ སྔགས་འདི་ལན་བདུན་བརྗོད་ལ་འབུལ༔ ན་མོ་ག་ཎ་ས་མནྟེ༔ སྤྲ་ས་ར་ས་ར་ས༔ པྲ་ས་ར་བྷ་ཡ༔ སུ་ཏྲ་ཤ་ར༔ རྡྷི་རི་དྷི་རི་ཧཱུྃ་ཕཊ༔ དེ་ནས་བསྐང་གསོལ་བྱ་བ་ནི༔ ཧྲཱིཿ ལྷ་ཆེན་ཚོགས་ཀྱི་བདག་པོ་ལ༔ གསོལ་ལོ་མཆོད་དོ་ཐུགས་དམ་བསྐང་༔ ཡུམ་མཆོག་ཨུ་མ་དེ་ཝི་ལ༔ གསོལ་ལོ་མཆོད་དོ་ཐུགས་དམ་བསྐང་༔ འགུགས་འཆིང་སྡོམ་མྱོས་མ་བཞི་ལ༔ གསོལ་ལོ་མཆོད་དོ་ཐུགས་དམ་བསྐང་༔ དཔལ་མགོན་བདུན་ཅུ་རྩ་ལྔ་ལ༔ གསོལ་ལོ་མཆོད་དོ་ཐུགས་དམ་བསྐང་༔ སྣང་སྲིད་དྲེགས་པའི་འཁོར་ཚོགས་ལ༔ གསོལ་ལོ་མཆོད་དོ་ཐུགས་དམ་བསྐང་༔ སྤྲུལ་འཁོར་བཀའ་སྡོད་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐང་༔ ཁམས་གསུམ་མ་ལུས་དབང་དུ་སྡུས༔ སྲིད་པ་གསུམ་པོ་ཟིལ་གྱིས་གནོན༔ བདག་གི་འབངས་དང་བྲན་འཁོར་ མཛོད༔ འདོད་རྒུའི་དཔལ་ཡོན་ཆར་དུ་ཕོབས༔ གནོད་བྱེད་དགྲ་བགེགས་ཚར་ཆོད་ཅིག༔ དམ་ལས་མ་འདའ་ས་མ་ཡ༔ འདི་ལ་ཤིན་ཏུ་བརྩོན་གྱུར་ན༔ སྐྱེས་པ་དང་ནི་བུད་མེད་ཀྱི༔ གཟུགས་སུ་བརྫུས་ནས་ཞལ་སྟོན་ཅིང་༔ ཕྲིན་ལས་བསྒྲུབ་ལ་ཐེ་ཚོམ་མེད༔ བཀའ་སྲུང་ཁྱབ་འཇུག་ཆེན་པོར་གཉེར༔ དམ་ཉམས་ལག་ཏུ་ཤོར་ར་རེ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་ཡོངས་གྲུབ་རིག་པའི་རྡོ་རྗེའོ། །དགེའོ།། ། མ TI1608 - 302 གཿཟབ་གསང་མཁའ་འགྲོའི་སྙིང་ཐིག་ལས༔ ཟབ་ཆོས་བཀའ་ཡི་སྲུང་མ༔ ལྷ་ཆེན་གཙུག་ན་ཟླ་བའི་རྩ་སྒྲུབ་དངོས་གྲུབ དཔལ་ཕྲེང་བཞུགས་སོ༔ TI1608 - 303 ཐོ།༔ གརྣ་གཧ་ཧྲིཤཧྲྀ།༔ ཤཤཧྱཿ ཀརྐརྫ༔ བྷནྡནྣདྷ།༔ ན་མོ་གུ་རུ་པདྨ་ཀ་ར་ཡེ༔ མ་འོངས་བསྐལ་པ་རྩུབ་འགྱུར་དུས༔ པདྨའི་བརྒྱུད་འཛིན་སྐྱེས་བུ་རྣམས༔ དབུ་འཕང་མཐོ་ཞིང་དཔལ་རྒྱས་ཕྱིར༔ ལྷ་ཆེན་གཙུག་ན་ཟླ་བ་ཡི༔ རྩ་སྒྲུབ་དངོས་གྲུབ་དཔལ་ཕྲེང་ཟུངས༔ དཀྱིལ་འཁོར་བཀོད་ལེགས་མཛེས་ལྡན་པ༔ ཟླ་གམ་དབང་གི་ཁ ཏོག་ཅན༔ དེ་དབུས་སྒྲུབ་རྫས་སྲོག་འཁོར་མཐར༔ གཏེར་བུམ་རིན་ཆེན་སྣ་ཚོགས་དང་༔ འབྲུ་སྨན་ཟས་ཚོགས་འབྱོར་ཚད་ཀྱིས༔ བསྐོར་ཏེ་དར་དམར་ལྡིང་གུར་ཕུབ༔ སྒྲུབ་གཏོར་གཙོ་འཁོར་ཆེ་གྲངས་བཅའ འབྱོར་ཚོགས་འདོད་ཡོན་སྣ་ཚོགས་དང་༔ ཁྱད་པར་དཀར་གསུམ་གཏོར་མ་བཤམས༔ རང་ཉིད་ཡི་དམ་ལྷག་པའི་ལྷའི༔ བསྒོམ་བསྒྲུབ་སྔོན་སོང་གནད་དུ་གཅེས༔ TI1608 - 304 ༦ཐོ།༔ དེ་ནས་ལྷ་བསྐྱེད་རིམ་པ་ནི༔ ཧཱུྃ༔ བདག་ཉིད་ཡི་དམ་ལྷ་ཡི་སྐུར་བསྒོམ་པའི༔ མདུན་དུ་རིན་ཆེན་རི་རབ་ཆེན་པོའི་རྩེར༔ རཱ་གའི་གཞལ་ཡས་རྒྱ་ཆེ་ཁྱོན་ཡངས་པར༔ བཀོད་ལེགས་ཟླ་གམ་དབང་གི་ཁ་ཏོག་འབར༔ དེ་དབུས་རིན་ཆེན་སྣ་ཚོགས་ཁྲི་ཡི་ཁར༔ འོད་འབར་རབ་དཀར་ཟླ་ཕྱེད་གདན་སྟེང་དུ༔ ཧྲཱིཿ ལས་འདོད་ཁམས་དབང་ཕྱུག་ཚོགས་ཀྱི་བདག༔ དམར་གསལ་ཆེ་བརྗིད་སྟོབས་ལྡན་གླང་པོའི་གདོང༔ ཟླ་ཕྱེད་དབང་རྒྱལ་ནོར་བུ་གཙུག་ན་མཛེས༔ ཕྱག་གཡས་ལྕགས་ཀྱུས་སྣང་སྲིད་དབང་སྡུད་ཅིང་༔ གཏེར་བུམ་མཆན་བརྟེན་དགོས་T11608 - 305 འདོད་ཆར་དུ་འབེབས༔ གཡོན་པས་ཞགས་འཛིན་སྲིད་པ་བྲན་དུ་བཅིངས༔ བག་དྲོ་ལྷུན་ཆགས་གཟི་བརྗིད་འོད་ཕུང་འབར༔ ཞབས་གཉིས་གྱད་སྟབས་ལིང་ག་གྱེན་དུ་བསྒྲེང་༔ ཤིན་ཏུ་ཆགས་པའི་གོས་དང་རྒྱན་ཆ་སྤངས༔ བདེ་སྟོང་ཉམས་རྒྱས་འདོད་པའི་རོ་ལ་གདུང་༔ དགའ་བའི་མདངས་ལྡན་ཆགས་པའི་ཟིལ་པ་འཁྲིགས༔ གཟུགས་མེད་སྙོམས་འཇུག་དབང་པོ་སྟོང་པའི་བདག༔ གཟུགས་ཁམས་གསལ་བའི་དབང་པོ་བདེ་བ་ཆེ༔ འདོད་ཁམས་འདོད་པའི་རྒྱལ་པོར་ལྷུན་གྱིས་གྲུབ༔ བདེ་སྟེར་ལྷ་མོ་ཨུ་མ་དཱེ་ཝི་ནི༔ དམར་སེར་སྤྲེའུའི་གཟུགས་ངོམས་གཡས་ནོར་བུ༔ གཡོན་པས་སྟོབས་བསྐྱེད་སྨན་གྱི་རིལ་བུ་སྟོབ༔ བདེ་བའི་ཉམས་ལྡན་དགའ་བའི་བཞིན་མདངས་ངོམས༔ འདོད་པའི་ངང་ལྡན་ཆགས་པའི་ཟིལ་པ་འཁྲིགས༔ ཤར་དུ་འགུགས་བྱེད་དམར་མོས་ལྕགས་ཀྱུ་དང་༔ གཡོན་པས་རིན་ཆེན་དུང་གི་ཕྲེང་བ་འདྲེན༔ ལྷོ་རུ་འཆིང་བྱེད་དམར་མོས་ཉི་ཟེར་ཞགས༔ གཡོན་པས་ཡིད་བཞིན་ནོར་བུ་བསམ་འཕེལ་བསྣམས༔ ནུབ་ཏུ་སྡོམ་བྱེད་དམར་མོས་ལྕགས་སྒྲོག་དང་༔ གཡོན་པས་ནོར་བུ་དབང་གི་རྒྱལ་པོ་བསྣམས༔ བྱང་དུ་མྱོས་བྱེད་དམར་མོས་དྲིལ་བུ་དང་༔ གཡོན་པས་ནོར་ ཇོཾཿ བུ་ཕ་རོལ་དཔུང་འཇོམས་བསྣམས༔ ཀུན་ཀྱང་ཞི་འཛུམ་རིན་ཆེན་ཕྲེང་བས་སྤྲས༔ ཡིད་འཕྲོག་མཛེས་ལྡན་དགྱེས་ཆགས་ལང་ཚོས་འཁྱུད༔ ཕྱི་རིམ་འཁོར་ཡུག་དཔལ་མགོན་བདུན་ཅུ་ལྔ༔ སྣང་སྲིད་དྲེགས་པ་ཕོ་མོའི་འཁོར་གྱིས་བསྐོར༔ བར་མཚམས་འདོད་རྒུའི་ལོངས་སྤྱོད་སྤྲིན་བཞིན་གཏིབས༔ ཕྱི་ནང་འདོད་ཡོན་སྤེལ་བའི་ལྷ་མོའི་ཚོགས༔ ཞིང་རྡུལ་གྲངས་དང་མཉམ་པས་བསྐུར་ཞིང་མཆོད༔ སྣང་སྲིད་སྐྱེ་འགྲོའི་བློ་ཡིད་སེམས་གསུམ་ལ༔ དབང་བསྒྱུར་ཕྲིན་ལས་རབ་འབྱམས་ཡོངས་སུ་གྲུབ༔ རང་སྲོག་སྙིང་པོ་ལས་ནི་འོད་འཕྲོས་པས༔ ཡེ་ཤེས་དང་ནི་འཇིག་རྟེན་ལས་གྲུབ་པའི༔ བཀའ་སྲུང་དྲེགས་པའི་ཚོགས་རྣམས་ཐམས་ཅད་དང་༔ ཁྱད་པར་ལྷ་ཆེན་ཚོགས་བདག་ཡབ་ཡུམ་འཁོར༔ དམ་ཚིག་གཉན་པོའི་མཐུ་དང་སྟོབས་ཀྱིས་བསྡུས༔ སྤྱན་དྲངས་བསྐྱེད་པའི་ལྷ་ལ་གཉིས་མེད་བསྟིམ༔ དེ་ནས་འབོད་པ་ནི༔ ཧཱུྃ་ཧྲཱིཿ སུམ་ཅུ་རྩ་གསུམ་ལྷ་གནས་སུ༔ བདེ་ལྡན་དབང་གི་གཞལ་ཡས་ནས༔ སྣང་སྲིད་སྐྱེ་འགྲོ་ཡོངས་ཀྱི་བདག༔ ཚོགས་ཀྱི་བདག་པོ་གཤེགས་སུ་གསོལ༔ འཕྲུལ་དགའ་ལྷ་ཡི་གནས་མཆོག་ཏུ༔ ཏིང་འཛིན་འཕྲུལ་གྱི་ཕོ་བྲང་ནས༔ འདོད་པའི་རྒྱལ་པོ་བདེ་བ་ཆེ༔ སྤྲུལ་འཁོར་དང་བཅས་གཤེགས་སུ་གསོལ༔ གཞན་འཕྲུལ་དབང་བྱེད་ལྷ་གནས་སུ༔ འདོད་ཡོན་དཔག་བསམ་ཡིད་ལས་སྐྱེས༔ དགའ་བདེ་འཕྲུལ་གྱི་བདག་པོ་སྟེ༔ དབང་ཕྱུག་ཆེན་པོ་གཤེགས་སུ་གསོལ༔ སྣང་སྲིད་དབང་ཕྱུག་འདོད་པའི་རྒྱལ༔ ལྷ་དང་ནོར་སྲུང་དཔལ་མགོན་ཚོགས༔ ཐམས་ཅད་ཐམས་ཅད་ཁྱོད་ལ་འདུད༔ སྔོན་ཚེ་སྤྱི་དཔལ་ཆེན་པོ་དང་༔ གསང་བདག་ཕྱག་རྡོར་པད་འབྱུང་སོགས༔ དུས་གསུམ་རྒྱལ་བ་སྲས་བཅས་ཀྱིས༔ དམ་ཚིག་གཉན་པོ་དེ་ཡིས་འབོད༔ མ་ཐོགས་མྱུར་དུ་གཤེགས་སུ་གསོལ༔ བདག་ནི་རྣལ་འབྱོར་སྒྲུབ་པ་པོས༔ དམ་ཚིག་དཔང་དུ་བཞག་ནས་སུ༔ གླུ་དབྱངས་རོལ་མོའི་སྒྲ་ཡིས་འབོད༔ སྐད་ཅིག་ཉིད་དུ་གཤེགས་སུ་གསོལ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བརྟན་བཞུགས་གསོལ་བ་ནི༔ དྲང་སྲོང་ལྷ་ཡི་བླ་མ་འཁོར་དང་བཅས༔ འདོད་རྒུའི་དཔལ་ཡོན་འབྱུང་བའི་གནས་སུ་བརྟན༔ མི་འབྲལ་བརྟེན་པའི་རྫས་ལ་བརྟན་བཞུགས་ནས༔ དཔག་བསམ་ཤིང་དང་ནོར་བུ་འདོད་འཇོ་བཞིན༔ འཛད་མེད་དངོས་གྲུབ་སྣ་ཚོགས་རྟག་ཏུ་སྩོལ༔ སྣང་སྲིད་སྐྱེ་འགྲོ་དབང་སྡུད་བྲན་དུ ༦ ཁྲོཾ།༔ ཁོལ༔ མི་འབྲལ་བྱམས་བརྩེ་སྲུང་སྐྱོབས་མཛད་བཞུགས་གསོལ༔ ག་ཎ་པ་ཏི་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧྲཱིཿ སྲིད་གསུམ་དབང་ཕྱུག་ཆེན་པོ་ཚོགས་ཀྱི་བདག༔ ལེགས་ལྡན་འདོད་རྒྱལ་ཡབ་ཡུམ་སྲས་འཁོར་ལ༔ བདག་གི་ཅི་འདོད་བསམ་བཞིན་འགྲུབ་པ་དང་༔ སངས་རྒྱས་བསྟན་པ་བསྲུང་ཕྱིར་ཕྱག་འཚལ་ལོ༔ དེ་ནས་མཆོད་པ་འབུལ་བ་ནི༔ ཧྲཱིཿ དངོས་འབྱོར་ཡིད་ཀྱིས་རྣམ་སྤྲུལ་པའི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་ག་ཎ་ཚོགས༔ ཚོགས་ཀྱི་བདག་པོ་མཉེས་ཕྱིར་འབུལ༔ དར་ཟབ་ཟ་འོག་གཅན་གཟན་དང་༔ གསེར་དངུལ་ཟངས་ལྕགས་ནོར་བུ་དང་༔ གཟུགས་འགྲོས་རྣམ་པ་སྣ་ཚོགས་དང་༔ བླ་རྡོ་རྟེན་གཏོར་ཆེན་པོ་སོགས༔ ཚོགས་ཀྱི་བདག་པོ་དགྱེས་ཕྱིར་འབུལ༔ ཕྱེ་མར་ཟས་སྣ་སྣ་ཚོགས་དང་༔ དཀར་གསུམ་མངར་གསུམ་གཏོར་མ་དང་༔ ཇ་ཆང་གསེར་སྐྱེམས་ལ་སོགས་པ༔ བཟའ་བཅའ་བཏུང་བ་ལྡག་གཞིབ་ཟས༔ ཚོགས་ཀྱི་བདག་པོ་མཉེས་ཕྱིར་འབུལ༔ གཞན་ཡང་མཐུན་རྫས་སྒྲུབ་རྫས་དང་༔ བརྟེན་རྫས་མཆོད་རྫས་བསྐང་རྫས་སོགས༔ མ་ཚང་མེད་པའི་ལོངས་སྤྱོད་ཚོགས༔ ཚོགས་བདག་འཁོར་དང་ བཅས་ལ་འབུལ༔ སྐད་ཅིག་མི་འབྲལ་གྲོགས་མཛད་ལ༔ འདོད་རྒུའི་དཔལ་ཡོན་ཕུན་ཚོགས་མཛོད༔ མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་སརྦ་ས་པ་རི་ཝཱ་ར་ཨརྒྷཾ་ནས་ཤཔྡ་རཱུ་པ་སོགས་མ་ཧཱ་པཉྩ་རཀྟ་བ་ལིང་ཏ་ག་ཎ་ཙཀྲ་པཱུ་ཛ་ཧོཿ དེ་ནས་བསྟོད་པ་ནི༔ ཧྲཱིཿ ཐུགས་རྗེའི་གཏེར་ཆེན་མགོན་པོ་སྤྱན་རས་གཟིགས༔ གང་འདུལ་ཐབས་མཁས་སྤྲུལ་བསྒྱུར་རོལ་པ་ལས༔ ཁམས་གསུམ་དབང་མཛད་བདག་པོའི་སྐུར་བཞེངས་པ༔ དྲང་སྲོང་ལྷ་ཡི་བླ་མ་ཁྱོད་ལ་བསྟོད༔ སྲིད་རྩེ་མི་གཡོ་ཏིང་འཛིན་དབང་པོ་ཆེ༔ གཟུགས་ཁམས་དགའ་བདེའི་རོལ་པ་འཕྲུལ་གྱི་བདག༔ འདོད་ཁམས་འདོད་པའི་རྒྱལ་པོ་བདེ་བ་ཆེ༔ ཁམས་གསུམ་དབང་ཕྱུག་ཁྱོད་ལ་ཕྱག་འཚལ་བསྟོད༔ སྲིད་པ་ལེགས་ཉེས་ཀུན་གྱི་བྱེད་པོ་ཆེ༔ དབང་གི་ཁ་ཏོག་འབར་བའི་གཟི་འོད་ཀྱིས༔ ལྷར་བཅས་སྐྱེ་རྒུའི་བློ་དང་ཡིད་འཕྲོག་ཅིང་༔ ཁྱུ་མཆོག་རབ་གཞོན་གླང་པོའི་གདོང་ངོམས་པ༔ ཁམས་གསུམ་ཁུར་དུ་བོར་ཞིང་སྟོབས་ཀྱིས་བསྒྱུར༔ ཐུགས་རྗེའི་གཏེར་ཆེན་ཟླ་བ་ནོར་བུའི་ཐོད༔ གདུལ་བྱའི་ཁམས་སུ་ཡེ་ཤེས་གསལ་མདངས་ངོམས༔ སྣང་བ་དབང་དུ་བསྡུས་པའི་ལྕགས་ཀྱུ་ཡིས༔ སྲིད་གསུམ་བློ་ཡིད་འགུགས་ཤིང་ཁ་ལོ་བསྒྱུར༔ ཝྃ།༔ ཐམས་ཅད་བྲན་དུ་བཅིངས་པའི་ཞགས་པ་ཡིས༔ ཁམས་གསུམ་མ་ལུས་ཡོངས་ལ་མངའ་དབང་བསྒྱུར༔ དགོས་འདོད་ཡིད་བཞིན་འབྱུང་བའི་གཏེར་བུམ འཆང་༔ སྒྲུབ་ལ་དངོས་གྲུབ་འབད་མེད་རྒྱུན་སྩོལ་མཛོད༔ ཆགས་བདེ་རྒྱས་པའི་གོས་དང་རྒྱན་སྤང་ཞིང་༔ མཐོང་ཐོས་དྲན་རེག་དགའ་བདེའི་རོས་མྱོས་བྱེད༔ འདོད་པའི་རྒྱལ་པོ་བདེ་དྲོད་ཟིལ་པ་འཁྲིགས༔ གཟི་བྱིན་རླབས་ཀྱིས་ཐམས་ཅད་དམ་ལ་འདུད༔ ཆགས་པའི་རྡོ་རྗེ་མཁའ་ལ་བསྒྲེང་བ་ཡིས༔ ཤེས་རབ་ཨུ་མའི་བདེ་ཆེན་ཀློང་ནས་གཡོ༔ སྲིད་ཞིའི་བདེ་བ་མཁའ་རུ་སྡུད་པ་ལས༔ ཟག་མེད་བདེ་བའི་རོ་ལ་རོལ་བ་པོ༔ འགྲན་བྲལ་ཚོགས་ཀྱི་བདག་པོ་ཁྱོད་ལ་བསྟོད༔ ཁྱོད་ཀྱི་འདོད་བདེ་གཡོ་བའི་རྩལ་དང་ཤུགས༔ འགུགས་འཆིང་སྡོམ མྱོས་ལས་ཀྱི་ཕོ་ཉར་ཤར༔ མ་ངེས་སྣ་ཚོགས་བསྒྱུར་བའི་རྫུ་འཕྲུལ་ལས༔ དཔལ་མགོན་དྲེགས་པ་འཁོར་གྱི་རོལ་པར་ཤར༔ ལྷ་ཆེན་གར་གྱི་དབང་ཕྱུག་ཁྱོད་ལ་བསྟོད༔ བདག་གིས ཁྱོད་བསྒྲུབ་བསྟོད་པའི་ཡོན་ཏན་གྱིས༔ སངས་རྒྱས་བསྟན་དང་བསྟན་འཛིན་སྡེ་སྐྱོངས་ལ༔ ལོག་འདྲེན་དགྲ་བགེགས་རྩད་ནས་གཅོད་པ་དང་༔ བདག་གི་འདོད་དོན་མ་ལུས་ཡོངས་ འགྲུབ་མཛོད༔ དེ་ནས་འཛབ་དམིགས་ནི༔ ལྷ་ཆེན་ཚོགས་ཀྱི་བདག་པོའི་ཐུགས་ཀར་ཟླ་ཕྱེད་ཀྱི་སྟེང་དུ་ཡིད་བཞིན་གྱི་ནོར་བུ་དབང་གི་རྒྱལ་པོའི་ནང་ཁོངས་སུ་ཐུགས་སྲོག་ཧྲཱིཿ ཡིག་དམར་པོ་དང་༔༷ ཡུམ་གྱི་ཐུགས་ཀར་ཉི་མའི་གདན་ལ་ཡི་གེ་ཧྲཱིཿ ཡིག་དམར་པོ༔ འཁོར་རྣམས་ཀྱི་ཐུགས་ཀར་རང་རང་རིགས་ཀྱི་སྲོག་ཡིག་ཕྲ་