Tibetan
བཅས་པས་འཆང་བ་པོ་འདི་ལ་སྐད་ཅིག་འབྲལ་བ་མེད་པར་སྲུང་སྐྱོབ་མཛོད་ལ་ ཕྲིན་ལས་རབ་འབྱམས་ཐམས་ཅད་ཐོགས་མེད་དུ་སྒྲུབས་ཤིག༔ འཆང་བ་པོ་འཁོར་དང་བཅས་པ་ལ་མི་མཐུན་པའི་ཕྱོགས་ངན་པ་ཐམས་ཅད་ལས་རྒྱལ་ཞིང་ལེགས་པའི་ཡོན་ཏན་ཕུན་སུམ་ཚོགས་པ་དང་ལྡན་པར་མཛོད་ཅིག༔ ཅེས་བྲིས༔ དེ་མཐར་ལྕགས་ཀྱུ་ཞགས་པ་བཞི་བཞི་དང་༔ མཚམས་བཞིར་མེ་རླུང་ཆུ་ཡི་རི་མོ་བྲིས༔ ཡབ་ཡུམ་གཉིས་ཀྱི་མཚམས་སུ་འདི་བྲིས་ཏེ་གཞུག༔ འཆང་བ་པོའི་ནད་གདོན་འགལ་རྐྱེན་བར་ཆད་ཐམས་ཅད་ཞི་བའི་ཕྲིན་ལས་མཛོད་ཅིག༔ བཛྲ་ས་མ་ཡ༔ ཚེ་བསོད་དཔལ་འབྱོར་མངའ་ཐང་ཡོན་ཏན་རླུང་རྟ་བླ་གཟའ་སྙན་གྲགས་ཐམས་ཅད་འཕེལ་ཞིང་རྒྱས་ཏེ་བརྟན་པར་མཛོད་ཅིག༔ བཛྲ་ས་མ་ཡ༔ ཁམས་གསུམ་སྲིད་གསུམ་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་བུ་སློབ་ཐམས་ཅད་དབང་དུ་སྡུས་ཤིག༔ གཞན་ཡང་རྒྱལ་བློན་འབངས་གསུམ་ཟས་ནོར་ལོངས་སྤྱོད་ཐམས་ཅད་དབང་དུ་སྡུས་ཤིག༔ བཛྲ་ས་མ་ཡ༔ ཉི་མ་ཕྱོགས་བཞི་མཚམས་བརྒྱད་སྟེང་འོག་ཐམས་ཅད་ནས་སྡང་བའི་དགྲ་གནོད་པའི་བགེགས་བར་ཆད་ཀྱི་རྐྱེན་ཐམས་ཅད་མེ་སྟག་ཆུ་ཡིས་བསད་པ་བཞིན་དུ་རློག་ཅིག༔ ཐུལ་ཅིག༔ སོད་ཅིག༔ སྒྲོལ་ཅིག༔ བཛྲ་ས་མ་ཡ༔ ཞེས་བྲིས་ཏེ་གཞུག༔ དེ་ལ་བཟང་དྲུག་གྷི་ཝཾ་བྱང་སེམས་དམར་པོས་ ཟོཾ།༔ བྱུག༔ ཡབ་ཡུམ་གཉིས་ཀ་གཅིག་ཐོག་ཏུ་གཅིག་སོང་བར་བྱས་ལ་ལྟེ་བ་མི་བཅག་པར་བལྟེབ་ཅིང་ཟངས་ལས་བྱས་པའི་ལིང་གར་བཅུག་སྟེ༔ རིན་ཆེན་ཕྱེ་མ་དང་གཡང་རྫས་སྣ་ཚོགས་བླུགས་ནས་དར་སྣ་ལྔས་དྲིལ་ཏེ་མི་ཡི་མིག་དང་ལག་མི་བརྒྱུད་པར་མགུལ་དུ་བཅིངས་པ་དང་༔ བསྒྲུབ་དུས་རྣམས་ལ་སྒྲུབ་རྟེན་དུ་བཙུགས་ནས་དར་དམར་གྱིས་བཀབ་སྟེ་བཞག་གོ༔ དེ་ཡིས་དབང་སྡུད་བྲན་འཁོར་བྱེད༔ དང་པོ་རབ་གནས་བྱེད་ཚེ་བདེན་བརྗོད་ཀྱི་འགུགས་བསྟིམ་ནན དུ་བྱ་བ་དང་༔ བཀྲ་ཤིས་བརྗོད་ཅིང་ཨ་ལི་ཀ་ལི་རྟེན་འབྲེལ་སྙིང་པོ་ཅི་མང་བརྗོད་དོ༔ བར་དུ་བསྒྲུབ་པའི་ཚེ་ན་ལིང་ག་ལྷ་ཡི་གཞལ་ཡས་ཁང་དང་སྲོག་འཁོར་ལྷ་ཡི་ངོ་བོར་བསྒོམ་ཞིང་༔ འོད་ཟེར་སྤྲོ་བསྡུས་དམིགས་པ་གནད་དུ་བསྣུན་ནས་གཟི་བྱིན་ནུས་མཐུ་བསྐྱེད་པའོ༔ ཐ་མ་ལས་ལ་སྦྱོར་ཚེ་དྲོད་དང་མི་འབྲལ་བར་མགུལ་དུ་གསང་ཐབས་ཀྱིས་འཆང་བར་བྱ་བ་ནི་གནད་དམ་པའོ༔ ས་མ་ཡ༔ ཤབྷརྒགྷན་ཡབྡ༔ ས་མ་ཡ༔ དེ་ལྟར་སྣང་སྲིད་དབང་བྱེད་ལྷའི་བླ་མ༔ ཕྲིན་ལས་ལས་སྦྱོར་གནད་ཀྱི་མན་ངག་ནི༔ ལས་ཀྱི་མཐར་ཐུག་ཟབ་མོ་འདི་འདྲ་བ༔ པདྨ་བདག་གི་ཐུགས་བཅུད་ཟབ་མོ་སྟེ༔ རྒྱ་བོད་གཉིས་ཆར་འདི་འདྲའི་མན་ངག་དཀོན༔ ཤིན་ཏུ་བསྟན་པར་ཕང་ཡང་བརྒྱུད་འཛིན་དོན༔ མི་འགྱུར་འཕྲུལ་གྱི་ཡི་གེར་རྒྱ་ཡིས་གདབ༔ རྡོ་རྗེ་ཅན་གྱི་མགུལ་དུ་གཏེར་དུ་སྦས༔ བཀའ་སྲུང་གནོད་སྦྱིན་ཤན་དམར་རཱ་ཧུ་ལ༔ དམ་ཅན་རྡོ་རྗེ་ལེགས་པ་བཅས་ལ་གཏད༔ ཐུབ་པར་སྲུངས་ཤིག་བཛྲ་ས་མ་ཡ༔ དམ་ཉམས་ལྟ་ལོག་མཁན་གྱི་སྲོག་རྩ་ཆོད༔ དམ་ལྡན་བུ་ལ་ ཆོས་འདི་དར་རྒྱས་སྤེལ༔ བཛྲ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཉིད་བདག་ཉིད་རིག་འཛིན་ཆོས་ཉིད་ཀློང་རྡོལ་གྱིས་རང་ལོ་ཉེར་ལྔ་ས་མོ་ལུག་ལོར་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ཅན་ནས་གདན་དྲངས་ཏེ་མི་ལོ་བཅོ་ལྔར་བཀའ་རྒྱས་བཏབ་སྟེ། མཐར་ལུང་ཟིན་སྐྱེས་བུ་དམ་པ་མཁྱེན་རབ་རྒྱ་མཚོ་དང་བློ་གྲོས་རྡོ་རྗེའི་རྣམ་འཁྲུལ་སྟོང་ཉིད་རྒྱ་མཚོ་ལ་པདྨའི་གཏེར་ལུང་དུ་པྲཛྙཱ་རསྨིར་འབོད་པ་གང་དེས་ནན་ཆེར་བསྐུལ་ངོར་མཁའ་འགྲོ་གསང་བའི་ཤོག་སེར་ལས་ཞལ་བཤུས་ཏེ་དག་པར་ཕབ་པའོ། །དགེའོ། །དགེའོ། །དགེའོ།། 2ས T11608 - 278 ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ལ་མི་འཇིགས་མི་བཟློག་པའི་གོ་ཆ་བསྐོན་པ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཐཀྵ་ཨ༔ མ་འོངས་ལྔ་བརྒྱ་སྙིགས་མའི་དུས༔ པདྨ་བདག་གི་བརྒྱུད་འཛིན་གྱིས༔ བཀའ་སྲུང་གཉན་པོ་སྒྲུབ་པའི་ཚེ༔ ཕྱི་རོལ་ཀླ་ཀློའི་རྫས་སྔགས་དང་༔ བན་བོན་བདེན་མཐུས་མི་འཇིགས་ཤིང་༔ མི་བཟློག་མི་གཞོམ་ཕྱིར་དུ་ནི༔ ཤིན་ཏུ་གཅེས་པའི་མན་ངག་ཡིན༔ ཨོྃ་རྒྱལ་བ་ཐམས ཅད་ཀྱི་སྐུ་ཡི་དབང་ཕྱུག་ཆེན་པོ་འཇམ་དཔལ་ཡ་མཱནྟ་ཀ་སྐུ་མདོག་སེར་པོ་ཉི་མ་འབུམ་གྱི་འོད་ལྟར་འབར་བ་ཕྱག་གཡས་ཤེས་རབ་རལ་གྲི་ཕྱར་ཞིང་གཡོན་པས་ཞགས་པ་ནག་པོ་སྡོམ་པ་ཞབས་གཉིས་གྱད་ཀྱི་འདོར་སྟབས་སུ་བགྲད་ཅིང་བདུད་བཞི་དང་སྡེ་བརྒྱད་ཕོ་ཉའི་ཁྲི་ལ་འགྱིང་བ་ཁྲོ་བོའི་ཆས་ཐམས་ཅད་རྫོགས་པའི་ཐུགས་ཀར་ཨཱཿལས་རྒྱལ་བ་ཐམས་ཅད་ཀྱི་གསུང་གི དབང་ཕྱུག་དཔལ་རྟ་མགྲིན་དབང་གི་རྒྱལ་པོ་སྐུ་མདོག་དམར་པོ་དབྱུག་ཏོ་དང་སྦྲུལ་ཆུན་སྡོམ་པ་སྣང་སྲིད་དྲེགས་པ་གདན་དུ་བཏིང་ཞིང་དུར་ཁྲོད་ཀྱི་ཆས་བརྒྱད་དང་དཔལ་གྱི་ཆས་ཐམས་ཅད་རྫོགས་པའི་ཐུགས་ཀར་ཧཱུྃ་ལས་རྒྱལ་བ་ཐམས་ཅད་ཀྱི་ཐུགས་ཀྱི་དབང་ཕྱུག་གསང་བདག་ཕྱག་ན་རྡོ་རྗེ་གཡས་གནམ་ལྕགས་ཀྱི་རྡོ་རྗེ་དང་གཡོན་པས་སྦྲུལ་ཞགས་བསྣམས་པ་ཞབས་གཉིས་ པད་ཉི་བམ་གྱི་གདན་ལ་འགྱིང་བའི་ཐུགས་ཀར་ཉི་ཟླའི་གྭའུ་ཁ་སྦྱོར་གྱི་ནང་དུ་བདག་གི་སྲུང་མ་གཉན་པོ་འཁོར་དང་བཅས་པ་ཚུད་ནས་གར་བྱོན་དང་གར་སླེབ་པའི་གནས་དང་དུས་ཐམས་ཅད་དུ་མི་འབྲལ་བའི་གོ་ཁྲབ་ལྟ་བུར་གྱུར་པར་བསྒོམ་ལ༔ ཨོཾ་ཡ་མཱནྟ་ཀ་ཧྱ་གྲཱི་ཝ་བཛྲ་པཱ་ཎི་ཀཱ་ཡ་ཝཱཀ་ཙིཏྟ་བཛྲ་རཀྵ་རཀྵ་སྭཱ་ཧཱ༔ བཀའ་ཡི་སྲུང་མ་གཉན་པོའི་སྤྱི་བོར་རལ་པའི་རྩེ་རུ་པདྨ་ཉི མའི་གདན་ལ་འཁོར་འདས་ཡོངས་ཀྱི་སྤྱི་དཔལ་ཆེན་པོ་སྐུ་མདོག་མཐིང་ནག་ཞལ་གསུམ་ཕྱག་དྲུག་གཡས་དཀར་གཡོན་དམར་དབུས་སྨུག་ནག་གཡས་གསུམ་རྡོ་རྗེ་རྩེ་དགུ་རྩེ་ལྔ་རྩེ་གསུམ་དང་༔༷ གཡོན་གསུམ་བྷནྡྷ་སྐམ་རློན་བསྣམས་ཤིང་ཞབས་བཞིས་སྐྱེ་བ་རྣམ་བཞིའི་རྒྱུ་རྐྱེན་གནོན་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་བསྐྱེད་དོ༔ ཕྲག་པ་གཡས་སུ་གུ་རུ་དྲག་པོ་གཏུམ་དྲག་དམར་ནག་གཡས་རྡོ་རྗེ་དང་གཡོན་ལྕགས་སྡིག་བསྣམས་པ་ཞབས་གཉིས་པད་ཉིའི་གདན་ལ་འགྱིང་བ༔ ཕྲག་པ་གཡོན་དུ་དཔལ་ཆེན་རྡོ་རྗེ་གཞོན་ནུ་ཞལ་གསུམ་ཕྱག་དྲུག་གཡས་དཀར་གཡོན་དམར་དབུས་མཐིང་ཕྱག་གཡས་གཉིས་རྡོ་རྗེ་རྩེ་དགུ་རྩེ་ལྔ་གཡོན་གཉིས་མེ་དཔུང་ཁ་ཊྭཱྃ་བསྣམས་པ་ཐ་མ་གཉིས་ཀྱིས་གནམ་ལྕགས་ཀྱི་ཕུར་པ་འདྲིལ་བ་སྐྱོབ་བྱེད་ཀྱི་ལྷ་དེ་གསུམ་མེ་ ཁྲོཾ།༔ དཔུང་དམར་ནག་འབར་བའི་ཀློང་དུ་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་བསྐྱེད་དོ༔ ལྷ་དེ་དག་ལས་འོད་འཕྲོས་ནས་རྒྱལ་བ ཐམས་ཅད་སྤྱན་དྲངས་ལ་བསྟིམ་མོ༔ བཛྲ་ས་མ་ཡ་ཛ་ཛ་སྟྭཾ༔ ལྷ་དེ་དག་རྣམས་ཀྱི་སྐུ་གསུང་ཐུགས་ཀྱི་འོད་དང་གཟི་བྱིན་གྱིས་བཀའ་སྲུང་གཉན་པོ་འཁོར་དང་བཅས་པ་ཡོངས་སུ་ཁྱབ་ནས་མི་ཤིགས་པའི་རྡོ་རྗེ་ཆོས་བདུན་དང་ལྡན་པར་གྱུར༔ ཨོཾ་བཛྲ་གུ་རུ་མ་ཧཱ་ཀྲོ་ཏ་ཀཱི་ལི་ཀཱི་ལ་ཡ་ཧཱུྃ་སརྦ་རཀྵ་རཀྵ་སྭཱ་ཧཱ༔ ཞེས་བརྒྱ་རྩ་བརྗོད༔ དེ་ལྟར་དམིགས་གསལ་གནད་ལྡན་ན༔ རྫས་སྔགས་བདེན་བརྗོད་ནུས་པའི་སྟོབས༔ གང་གིས་བཟློག་དང་བསྒྱུར་མི་ནུས༔ ཕ་རོལ་སྦྱོར་བས་ཡང་མི་གཞོམ༔ གནད་འདི་མེད་ན་ཕ་རོལ་གྱི༔ རྫས་སྔགས་སྦྱོར་བ་བཟློག་ལས་ཀྱིས༔ ལྷ་སྲུང་གཞོམ་ཞིང་བཟློག་པར་སྲིད༔ དེ་ཕྱིར་གནད་འདི་གཅེས་པར་ཟུངས༔ བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག དམ་ཉམས་བཀའ་ལོག་བསྟན་བཤིག་ལག་དམར་རྣམས་ཀྱི་ལག་ཏུ་མ་བཏང་༔ བཀའ་རྒྱ༔ དགོངས་རྒྱ༔ སྦས་རྒྱ༔ གསང་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་གི་སློབ་མའི་ཚོགས་ཀྱི་དོན་དུ་ཁྲག་འཐུང་བདུད་འཇོམས་རྡོ་རྗེས་ཤོག་སེར་ལས་ཞལ་བཤུས་ཏེ་དག་པར་ཕབ་པ་ཤིན་ཏུ་གསང་བའི་བཀའ་རྒྱ་མའོ། །སྦོས་ཤིག །རང་གི་སློབ་མའི་ཚོགས་ལས་སུ་ལའང་བསྟན་བྱ་མ་ཡིན་ནོ། །དགེ་འོ།། །། T11608 - 282 TI1608 - 283 ཝྃ།༔ ན་མོ་གུ་རུ་པདྨ་ཀ་ར་ཡེ༔ དྣརྨཕྱྭམྦྷག\༔ ལྷ་ཆེན་དབང་ཕྱུག་ཆེན་པོ་ཡི༔ རྩ་སྒྲུབ་ཟླ་བའི་འོད་ཕྲེང་འདི༔ ལག་ཏུ་ལེན་པའི་རིམ་པ་ནི༔ རབ་དབེན་གཙང་མའི་གནས་མཆོག་ཏུ༔ དཀྱིལ་འཁོར་བཀོད་ལེགས་ཟླ་གམ་སྟེང་༔ ཙནྡན་དམར་པོའི་ཕྱེ་མ་བརྡལ༔ དེ་སྟེང་ཟངས་སྣོད་ཡངས་པ་ནི༔ ཆག་གྲུམ་མེད་ཅིང་ངོས་འཇམ་ནང་༔ རི་རབ་བང་རིམ་གསུམ་པའི་སྟེང་༔ བཤོས་ཟླུམ་ནོར་བུ་དབང་རྒྱལ་དབྱིབས༔ མཚལ་དང་ལི་ཁྲིའི་ཁུ་བས་བྱུགས༔ མེ་ཏོག་དམར་པོའི་རྒྱན་མཛེས་བྱ༔ མདུན་དུ་སྒྲུབ་རྟེན སྲོག་འཁོར་བཞག༔ གཡས་སུ་སྙིང་འདྲའི་བཤོས་བྲན་དང་༔ གཡོན་དུ་ལྷ་བཤོས་དམར་པོ་བཞག༔ དེ་མཐར་བཤོས་ཕྲན་བཅུ་ཡིས་བསྐོར༔ ལེ་རྒན་དམར་པོའི་ལྡིང་གུར་ཕུབ༔ ས་མ་ཡ༔ T11608 - 284 ༦ཐོ།༔ མཆོད་པའི་ཡོ་བྱད་འབྱོར་ཚོགས་བཤམས༔ རང་ཉིད་ཡི་དམ་ལྷར་གསལ་བའི༔ ངང་ནས་མདུན་བསྐྱེད་རིམ་པ་ནི༔ སྣང་སྲིད་ཐམས་ཅད་སྟོང་པ ཉིད་ཀྱི་རོལ་པར་གྱུར༔ སྟོང་པའི་ངང་ལས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཐམས་ཅད་ལག་པའི་མཐིལ་དུ་བཀྲམ་པ་ལྟ་བུའི་དབུས་སུ་རི་རབ་བང་རིམ་གསུམ་དང་ལྡན་པའི་སྟེང་དུ་པདྨ་རཱ་གའི་ཁྲི་རྒྱ་ཆེ་ལ་དཔངས་མཐོ་བ་དབྱིབས་ཟླ་གམ་པ་གསེར་གྱི་བྲག་ལ་ལོགས་གཏད་པའི་སྟེང་དུ༔ ཟླ་ཕྱེད་ཀྱི་གདན་ལ་ཧྲཱིཿ ཡིག་དམར་པོ་འོད་འབར་བ་གཅིག་བབ་པ་ལས་འོད་ཟེར་འཕྲོས་པས་ཁམས་གསུམ་གྱི་སྲོག་སྙིང་ནུས་T11608 - 285 བཅུད་ཐམས་ཅད་བསྡུས་ཏེ་ཧྲཱིཿལ་བསྟིམ༔ ཡེ་ཤེས་དང་འཇིག་རྟེན་གྱི་བཀའ་སྲུང་དམ་ཅན་རྒྱ་མཚོ་རྣམས་ཀྱི་སྲོག་སྙིང་ནུས་མཐུ་ཐམས་ཅད་བསྡུས་ཏེ་བསྟིམ་པས༔ ཧྲཱིཿལས་ལྷ་ཆེན་དབང་ཕྱུག་ཚོགས་ཀྱི་བདག༔ སྐུ་མདོག་དམར་གསལ་གཅེར་བུ་འོད་ཕུང་འབར༔ ཞལ་གཅིག་ཕྱག་གཉིས་སྟོབས་ལྡན་གླང་པོའི་གདོང་༔ ཕྱག་གཡས་ལྕགས་ཀྱུས་སྐྱེ་འགྲོའི་བློ་ཡིད་བཀུག༔ རིན་ཆེན་གཏེར་གྱི་བུམ་པ་མཆན་དུ་བརྟེན༔ ཕྱག་གཡོན་ཞགས་པས་སྣང་བྱེད་འབངས་སུ་བསྟིམ༔ སྤྱི་བོར་ཟླ་ཕྱེད་ནོར་བུའི་ཏོག་གིས་མཛེས༔ ཞབས་གཉིས་འདོར་སྟབས་བག་དྲོ་ལྷུན་ཆགས་བརྗིད༔ ལིང་ག་བསྒྲེངས་ཤིང་ཆགས་པའི་ཟིལ་པ་འཁྲིགས༔ གཡོན་དུ་ལྷ་མོ་ཨུ་མ་དཱེ་ཝི་ནི༔ སྤྲེའུའི་གཟུགས་ངོམས་ཕྱག་གཡས་ནོར་བུ་འཛིན༔ གཡོན་པས་བཅུད་ལྡན་སྨན་གྱི་རིལ་བུ་སྟོབ༔ དགྱེས་ཆགས་འབར་བས་ཡབ་ཀྱི་སྐུ་ལ་བཏུད༔ གཡས་སུ་སྲས་མཆོག་བྷི་རྣུ་ར་ཙ་ནི༔ དམར་གསལ་ཕྱག་གཉིས་ལྕགས་ཀྱུ་འཁོར་ལོ་བསྣམས༔ རིན་ཆེན་རྒྱན་དང་དར་དཔྱངས་དམར་པོས་སྤྲས༔ མཐའ་བསྐོར་རི་རབ་བང་རིམ་དང་པོ་ལ༔ ལྷ་བརྒྱད་ཀླུ་བརྒྱད་གཟའ་བརྒྱད་འཇིགས་བྱེད་དགུ༔ ཕྱོགས་སྐྱོང་བཅུ་དང་རྒྱལ་ཆེན་སྡེ་ ཁྲོཾ།༔ བཞི་དང་༔ རྒྱུ་སྐར་ཆེན་པོ་ཉེར་བརྒྱད་ལ་སོགས་པ༔ གཙང་རིས་མགོན་པོ་འཁོར་དང་བཅས་པས་བསྐོར༔ དེ་འོག་རི་རབ་བང་རིམ་གཉིས་པ་ལ༔ འཇིག་རྟེན་དྲེགས་པ་ལྷ་མིན་སྡེ་བརྒྱད་བསྐོར༔ དེ་འོག་རི་རབ་བང་རིམ་གསུམ་པ་ལ༔ མི་དང་དུད་འགྲོ་ཡི་དྭགས་དམྱལ་བ་དང་༔ སྣང་སྲིད་ལྷ་འདྲེའི་ཚོགས་དང་བཅས་པས་བསྐོར༔ ཀུན་ཀྱང་གཙོ་ལ་རབ་གུས་བཀའ་ཉན་ཅིང་༔ ཕྲིན་ལས་ལས་ཀྱི་ཕོ་ཉར་ཁོལ་བར་བསྐྱེད༔ ཀུན་སྲོག་སྙིང་པོ་ལས་ནི་འོད་འཕྲོས་པས༔ ལྷ་ཆེན་འཁོར་དང་བཅས་པ་སྤྱན་དྲངས་བསྟིམ༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ སྟོང་གསུམ་སྟོང་གི་འཇིག་རྟེན་ཆེན་པོ་རུ༔ དབང་མཛད་བདག་པོ་ལྷ་ཆེན་ཚོགས་ཀྱི་བདག༔ སུམ་ཅུ་རྩ་གསུམ་གནས་ནས་སྐུ་བསྐྱོད་ལ༔ དད་དང་དམ་ཚིག་དབང་གིས་གཤེགས་སུ་གསོལ༔ ཧཱུྃ་ཧྲཱིཿ རི་རབ་ལྷུན་པོའི་ནུབ་ཕྱོགས་དགའ་བའི་ཚལ༔ འོད་འབར་རིན་ཆེན་གསེར་གྱི་བྲག་སྐྱིབ་ནས༔ ལྷ་ཆེན་གཙུག་ན་ཟླ་བ་ཡབ་ཡུམ་འཁོར༔ དད་དང་དམ་ཚིག་གཉན་པོས་སྤྱན་འདྲེན་ནོ༔ ཧཱུྃ་ཧྲཱིཿ རྩུབ་འགྱུར་འཇིགས་བྱེད་ཚལ་གྱི་དུར་ཁྲོད་ནས༔ དྲེགས་པ་བྲན་བཀོལ་བསྟན་དགྲའི་དཔུང་འཇོམས་པའི༔ དབང་ཕྱུག་མ་ཧཱ་དྗེ་ཝ་ ལྕམ་དྲལ་ཚོགས༔ དད་དང་དམ་ཚིག་གཉན་པོས་སྤྱན་འདྲེན་ནོ༔ མ་འགྱངས་མ་གཡེལ་དམ་ཚིག་རྗེས་དགོངས་ལ༔ མ་ཐོགས་མྱུར་དུ་གནས་འདིར་གཤེགས་སུ་གསོལ༔ སངས་རྒྱས་བསྟན་པ་བསྲུང་ཕྱིར་གཤེགས་སུ་གསོལ༔ དཀོན་མཆོག་དབུ་འཕང་བསྟོད་ཕྱིར་གཤེགས་སུ་གསོལ༔ རྣལ་འབྱོར་བུ་བཞིན་སྐྱོང་ཕྱིར་གཤེགས་སུ་གསོལ༔ ཁམས་གསུམ་དབང་དུ་བསྡུས་ཕྱིར་གཤེགས་སུ་གསོལ༔ སྲིད་གསུམ་ཟིལ་གྱིས་གནོན་ཕྱིར་གཤེགས་སུ་གསོལ༔ ཕྱི་ནང་བར་ཆད་བཟློག་ཕྱིར་གཤེགས་སུ་གསོལ༔ དུས་ངན་གཡོ་འཁྲུགས་བཟློག་ཕྱིར གཤེགས་སུ་གསོལ༔ དབུལ་ཕོངས་འབྱོར་རྒུད་སྐྱོབ་ཕྱིར་གཤེགས་སུ་གསོལ༔ ལོངས་སྤྱོད་ཆར་ལྟར་འབེབ་ཕྱིར་གཤེགས་སུ་གསོལ༔ ལྷ་ཆེན་དབང་ཕྱུག་ཆེན་པོ་གཤེགས་སུ་གསོལ༔ ཡུམ་མཆོག་ཨུ་མ་དཱེ་ཝི་གཤེགས་སུ་གསོལ༔ སྲས་མཆོག་བྷི་རྣ་ར་ཛ་གཤེགས་སུ་གསོལ༔ དཔལ་མགོན་བདུན་ཅུ་རྩ་ལྔ་གཤེགས་སུ་གསོལ༔ བཀའ་སྡོད་དྲེགས་པ་འཁོར་བཅས གཤེགས་སུ་གསོལ༔ འཁོར་དང་ཡང་འཁོར་གཡོག་དང་ཡང་གཡོག་བཅས༔ མ་ལུས་སྐད་ཅིག་ཉིད་དུ་གཤེགས་སུ་གསོལ༔ ཨོཾ་མ་ཧཱ་དཱེ་ཝ་ཧྲཱིཿ ཨུ་མ་དྗེ་ཝི་ཧྲཱིང་སརྦ་ས་པ་རི་ཝཱ་ར་ ༦ ཁྲོཾ།༔ བཛྲ་ས་མ་ཡ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ སྣང་སྲིད་དབང་བསྒྱུར་སྒྲུབ་ལ་དངོས་གྲུབ་སྟེར༔ འཇིག་རྟེན་གསུམ་གྱི་གཙུག་ན་མངོན་མཐོ་བ༔ ལྷ་ཆེན་དབང་ཕྱུག་ཆེན་པོ་འཁོར་དང་བཅས༔ བསྒྲུབ་ཅིང་བསྟེན་པའི་གནས་མཆོག་དམ་པ་འདིར༔ རབ་ཏུ་དགྱེས་ཤིང་མི་འབྲལ་བརྟན་བཞུགས་ནས༔ འདོད་རྒུའི་དཔལ་ཡོན་ལོངས སྤྱོད་ཆར་དུ་ཕོབས༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ་ཧྲཱིཿ ཐུགས་རྗེའི་གཏེར་ཆེན་སྤྱན་རས་གཟིགས་དབང་གི༔ ཁམས་གསུམ་འཁོར་ལོས་སྒྱུར་བའི་གར་མཁན མཆོག༔ ལྷ་ཆེན་ཚོགས་བདག་ལྕམ་དྲལ་བཅས་པ་ལ༔ གུས་པས་ཕྱག་འཚལ་མི་འབྲལ་གྲོགས་མཛོད་ཅིག༔ ན་མོ་ས་མ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ་ཧྲཱིཿ ལྷ་ཆེན་ཚོགས་ཀྱི་བདག་པོ་འཁོར་བཅས་ལ༔ ཉེར་སྤྱོད་བདུན་དང་འདོད་ཡོན་རྣམ་པ་ལྔ༔ སྨན་གཏོར་རཀྟའི་མཆོད་རྫས་དམ་པ་འབུལ༔ སྐད་ཅིག་འབྲལ་བ་མེད་པའི་གྲོགས་མཛོད་ཅིག༔ དར་ཟབ་སྣ་ཚོགས་གོ་མཚོན་གཅན་གཟན་དང་༔ གསེར་དངུལ་གཡུ་སོགས་རིན་པོ་ཆེ་ཡི་རིགས༔ ཛ་ཏི་སྨན་རྒྱལ་ལ་སོགས་སྨན་གྱི་ཚོགས༔ ལྷ་ཆེན་ཚོགས་ཀྱི་བདག་པོའི་དལ་དུ་འབུལ༔ སྐད་ཅིག་མི་འབྲལ་བརྩེ་བའི་གྲོགས་མཛོད་ཅིག༔ རི་དྭགས་གཡུང་དྭགས་ཆུ་གནས་བྱ་རིགས་སོགས༔ གཟུགས་འགྲོས་སྣ་ཚོགས་དཀོར་གྱི་མཆོད་པ་འབུལ༔ བཟའ་བཅའ་བཏུང་བ་ལྡག་གཞིབ་ལ་སོགས་པའི༔ ལོངས་སྤྱོད་མི་ཟད་གཏེར་གྱི་མཆོད་པ་འབུལ༔ མཆོད་རྫས་སྒྲུབ་རྫས་བསྐང་རྫས་བརྟེན་རྫས་སོགས༔ དངོས་འབྱོར་ཡིད་ཀྱིས་སྤྲུལ་ཏེ་གུས་པས་མཆོད༔ སྣང་སྲིད་སྐྱེ་འགྲོ་ཕོ་མོའི་བློ་ཡིད་སེམས༔ རང་དབང་མེད་པར་བདག་གིས་དབང་དུ་སྡུས༔ འདོད་རྒུའི་དཔལ་ཡོན་ལོངས་སྤྱོད་ཆར་ལྟར་ཕོབས༔ རི་ལྟར་བརྟན་ཅིང་མཚོ་ལྟར་འཁྱིལ་བ་ཡི༔ མི་ཟད་ནམ་མཁའ་མཛོད་ཀྱི་གཏེར་དུ་སྤེལ༔ སྔོན་གྱི་བཀའ་དང་དམ་ཚིག་དྲན་མཛོད་ལ༔ མ་གཡེལ་མ་འགྱངས་སྐད་ཅིག་ཡུད་ཙམ་དུ༔ གྲུབ་རྟགས་དངོས་གྲུབ་མཚན་བཟང་མྱུར་དུ་སྟོན༔ ཨོཾ་ཨཱཿ ཧཱུྃ༔ མ་ཧཱ་ཨརྒྷཾ་སོགས་ནས་ཤཔྡ་རཱུ་པ་ཤཔྡ་སོགས་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་ག་ཎ་མ་ཧཱ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ་ཧྲཱིཿ ཐུགས་རྗེའི་མངའ་བདག་འཕགས་མཆོག་སྤྱན་རས་གཟིགས༔ འགྲོ་ཀུན་ཐུགས་རྗེས་མི་དོར་ཆགས་པ་ཆེས༔ ཁམས་གསུམ་བློ་ཡིད་འགུགས་པའི་ཕོ་ཉ་རུ༔ ཆགས་པའི་རྒྱལ་པོ་སྟོབས་ལྡན་དབང་ ༦༥ཇོཾཿ པོར་བཞེངས༔ དབང་གི་བདག་ཉིད་དམར་གསལ་རཱ་གའི་མདོག༔ སྟོབས་རྩལ་འགྲན་ཟླ་བྲལ་ཕྱིར་གླང་པོའི་གདོང་༔ ཁམས་གསུམ་དབང་དུ་བསྡུས་པའི་ལྕགས་ཀྱུ་དང་༔ སྐྱེ་འགྲོ་བྲན་དུ་བཅིང་བའི་ཞགས་པ་སྡོམ༔ རྣལ་འབྱོར་བུ་ལྟར་སྐྱོང་ཕྱིར་བུམ་བཟང་བརྟེན༔ འདོད་པའི་རྒྱལ་པོ་བདེ་ཆེན་རོལ་པ་ཆེས༔ གོས་རྒྱན་སྤང་ནས་གསང་བའི་རྡོ་རྗེ་བསྒྲེང་༔ འགྲོ་ལ་རབ་བརྩེ་ཆགས་པའི་ཟིལ་པ་འཁྲིགས༔ མཐོང་བས་ཡིད་འཕྲོག་དྲན་པས་བདེ་ཆེན་སྟེར་༔ བསྟེན་པས་འགྲོ་འདུད་བསྒྲུབ་པས་དངོས་གྲུབ་འབྱུང་༔ ཡིད་བཞིན་དཔལ་སྟེར་ཁྱེད་ལ་ཕྱག་འཚལ་བསྟོད༔ ཕྱི་ལྟར་འདོད་ཁམས་དྲེགས་པ་ཀུན་གྱི་གཞི༔ ནང་ལྟར་ལྷའི་བུ་གཙུག་ན་ཟླ་བ་སྟེ༔ གསང་བ་འགྲོ་ཁམས་དགྱེས་ཆགས་ངོམས་པའི་སྟོབས༔ ཐབས་ཀྱི་རྡོ་རྗེ་བསྐྱོད་པའི་རླབས་ཆེན་གྱིས༔ ཤེས་རབ་ཨུ་མའི་མཁའ་གསང་བདེ་ཆེན་བསླང་༔ ཁམས་གསུམ་ཆགས་བདེ་བསྡུས་དྲིལ་རྒྱས་བཏབ་པས བདེ་བའི་རོ་ལ་རྟག་པར་རོལ་པ་ལས༔ ལང་ཚོའི་སྟོབས་རྒྱས་ཆགས་པའི་ཟིལ་པ་འཁྲིགས༔ འགྲོ་ཁམས་རྒྱ་མཚོའི་སེམས་སྣང་དབང་དུ་བྱེད༔ བདེ་ཆེན་འདོད་པའི་རྒྱལ་པོ་ཁྱེད་ལ་བསྟོད༔ རྗེ་བཙུན་ འཕགས་མ་སྒྲོལ་མའི་རྣམ་རོལ་གར༔ དཔའ་བོའི་སྟོབས་རྩལ་བསྐྱེད་པའི་མཛའ་ན་མོ༔ ཆགས་དང་བདེ་སྟོང་མི་ཟད་གཏེར་མཛོད་ཆེ༔ ཨུ་མ་དཱེ་ཝི་ཡུམ་ལ་ཕྱག་འཚལ་བསྟོད༔ སྣང་སྲིད་དབང་བསྒྱུར་དྲེགས་པ་བྲན་དུ་བཀོལ༔ ཕྲིན་ལས་རབ་འབྱམས་བསྒྲུབ་པའི་སྟོབས་མངའ་ཞིང་༔ གསང་སྔགས་རྡོ་རྗེ་ཐེག་པའི་བསྟན་སྲུང་ཆེ༔ སྲས་མཆོག་བྷི་རྣ་ར་ཛའི་སྐུ་ལ་བསྟོད༔ སྲིད་གསུམ་འགྲན་ཟླ་བྲལ་བའི་དབང་ཕྱུག་ཆེར༔ རབ་འདུད་བཀའ་ཉན་ལས་ཀྱི་ཕོ་ཉ་བྲན༔ དཔལ་མགོན་སྣང་སྲིད་དྲེགས་པ་ཐམས་ཅད་དང་༔ འཇིག་རྟེན་འཁོར་གྱི་རོལ་པར་བཅས་ལ་བསྟོད༔ བསྐྱེད་རིམ་དམིགས་གསལ་གནད་ལྡན་པ༔ བསྒྲུབ་པའི་གནད་ཀྱི་ཡང་ཞུན་ཡིན༔ གནད་དེ་ལྡན་ན་མི་རིང་འགྲུབ༔ མི་ལྡན་བསྐལ་པར་བསྒྲུབ་ཀྱང་མིན༔ དེ་ཕྱིར་གནད་དེ་གནད་དུ་ཟུངས༔ ས་མ་ཡ༔ སླར་ཡང་འཛབ་དམིགས་རིམ་པ་ནི༔ རང་ཉིད་ཡི་དམ་ལྷར་གསལ་བའི་མདུན་དུ་ལྷ་ཆེན་ཚོགས་ཀྱི་བདག་པོ་འཁོར་དང་བཅས་པ་གསལ་བ་ལས༔ གཙོ་བོའི་ཐུགས་ཀར་སྲོག་གི་ཡི་གེ་ཧྲཱིཿ དམར་པོ་ཚེགས་དྲག་དང་བཅས་པ་གསལ་བའི་མཐར་སྔགས་ཀྱིས་གཡས་སུ་བསྐོར་བ༔ ཡུམ་གྱི་ཐུགས་ཀར་སྲོག་ཡིག་ཧྲཱིཿ དམར་པོ་ལ་སྔགས་ཀྱིས་གཡོན་དུ་འཁོར་བ་དང་༔ འཁོར་རྣམས་ཀྱི་ཐུགས་ཀར་ ཁྲོཾ།༔ རང་རང་རིགས་ཀྱི་སྲོག་ཡིག་ཕྲ་མོའི་མཐར་སྔགས་ཀྱི་ཕྲེང་བས་བསྐོར་བར་བསྒོམ༔ བདག་ཡི་དམ་གྱི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས་པས་བསྟན་སྲུང་ཚོགས་ཀྱི་བདག་པོ་འཁོར་དང་བཅས་པའི་ཐུགས་ཀར་ཕོག་པས་དེ་རྣམས་ཀྱི་གསང་སྔགས་རིག་སྔགས་གཟུངས་སྔགས་སྙིང་པོ་ཐམས་ཅད་ཨོཾ་མ་ཧཱ་དཱེ་ཝ་ཧྲཱིཿ ཞེས་སྔགས་དེ་ཁོ་ནར་གྱུར་ནས་བདག་གིས་བཟླས་པ་ཙམ་གྱིས་དམ་ཚིག་གཉན་པོའི་སྲོག་ཐོབ་སྟེ་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པར་བསམ༔ ཨོཾ་མ་ཧཱ་དཱེ་ཝ་ཧྲཱིཿ ཨུ་མ་དེ་ཝི་ཧྲཱིང་༔ ས་མ་ཡ་ཕེཾ་ཛཿ འབོད་