Tibetan
སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ ལྷོ་ཡི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་ཡོན་ཏན་སྤྲུལ་པ་ལས༔ ལྷོ་ཕྱོགས་འཇིགས་བྱེད་རྟ་ཡི་གདོང་༔ རྩལ་ལྡན་སེངྒེ་དཀར་མོ་ཆིབས༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ ལྷོ་ཕྱོགས་ཁྱབ་པར་རྒྱུ་ཞིང་རྒྱུག༔ ལྷོ་ཕྱོགས་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ ལྷོ་ཕྱོགས་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱིས་ལྷ༔ ཤོག་སྐྱ་རླུང་གིས་བསྐྱོད་པ་ལྟར༔ མ་ལུས་འདིར་གཤེགས་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ ནུབ་ཀྱི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་གསུང་གི་སྤྲུལ་པ་ལས༔ ནུབ་ཕྱོགས་གཡོ་འཇིགས་བྱ་རྒོད་གདོང་༔ དཔའ་རྩལ་སྟོབས་ལྡན་གཟིག་ལ་ཆིབས༔ དབུ་ནི་ལྔ་བརྒྱས་མི་ཤ ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ ནུབ་ཕྱོགས་ཁྱབ་པར་རྒྱུ་ཞིང་རྒྱུག༔ ནུབ་ཕྱོགས་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པའི་དེ་ཡི་དུས་ལ་བབ༔ ནུབ་ཕྱོགས་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ སྦུར་མ་རླུང་གིས་བསྐྱོད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ ཛོཾ།༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ བྱང་གི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ ཁུག༔ ༔ དབང་ཕྱུག་ཕྲིན་ལས་སྤྲུལ་པ་ལས༔ བྱང་ཕྱོགས་གཡོ་འཇིགས་ཁྱི་ཡི་གདོང་༔ དཔའ་རྩལ་སྟོབས་ལྡན་དོམ་ནག་ཆིབས༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ བྱང་ཕྱོགས་ཁྱབ་པར་རྒྱུ་ཞིང་རྒྱུག༔ བྱང་ཕྱོགས་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ བྱང་ཕྱོགས་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ སྐྱེད་སྤུར་རླུང་གིས་བསྐྱོད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ ཤར་ལྷོའི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་ཕྲིན་ལས་སྤྲུལ པ་ལས༔ ཤར་ལྷོར་རབ་འཇིགས་སྡིག་པའི་གདོང་༔ མྱུར་མགྱོགས་དུང་གི་ཁྱི་མོ་ཞོན༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ ཤར་ལྷོར་ཁྱབ་པར་རྒྱུ་ཞིང་རྒྱུག༔ ཤར་ལྷོའི་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ ཤར་ལྷོའི་བསྟན་དགྲ ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ ཐལ་རྡུལ་རླུང་གིས་བསྐྱོད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ ལྷོ་ནུབ་མཚམས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་ཕྲིན་ལས་སྤྲུལ་པ་ལས༔ ལྷོ་ནུབ་རབ་འཇིགས་ཕག་གི་གདོང་༔ མྱུར་མགྱོགས་གསེར་གྱི་ཁྱི་མོ་ཞོན༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ ལྷོ་ནུབ་ཁྱབ་པར་རྒྱུ་ཞིང་རྒྱུག༔ TI1608 - 248 ཟོཾ།༔ ལྷོ་ནུབ་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ ལྷོ་ནུབ་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ ཤོག་སྐྱ་རླུང་གིས་བསྐྱོད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ ནུབ་བྱང་མཚམས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ༔ དབང་ཕྱུག་ཕྲིན་ལས་སྤྲུལ་པ་ལས༔ ནུབ་བྱང་རབ་འཇིགས་ཁྱུང་གི་གདོང་༔ མྱུར་མགྱོགས་ཟངས་ཀྱི་ཁྱི་མོ་ཞོན༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ ནུབ་བྱང་ཁྱབ་པར་རྒྱུ་ཞིང་རྒྱུག༔ ནུབ་བྱང་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ ནུབ་བྱང་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ སྦུར་མ་རླུང་གིས་བསྐྱོད་པ་བཞིན༔ མ་ལུས་ འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔༷ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ བྱང་ཤར་མཚམས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་ཕྲིན་ལས་སྤྲུལ་པ་ལས༔ བྱང་ཤར་རབ་འཇིགས་དྲེད་ཀྱི་གདོང་༔ མྱུར་མགྱོགས་ལྩགས་ཀྱི་ཁྱི་མོ་ཞོན༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ བྱང་ཤར་ཁྱབ་པར་རྒྱུ་ཞིང་རྒྱུག༔ བྱང་ཤར་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ བབ༔ བྱང་ཤར་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ སྐྱེད་སྤུར་རླུང་གིས་བསྐྱོད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་ ཛོཾ།༔ དགྲ་ལྷ་སྲུང་དང་བཅས་རྣམས༔ སྟེང་གི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་སྐུ་ཡི་སྤྲུལ་པ་ལས༔ སྟེང་ཕྱོགས་རབ་འཇིགས་གླང་ཆེན་གདོང་༔ ཆིབས་སུ་གཡུ་འབྲུག་སྔོན་པོ་བཅིབས༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས འཁྲུལ་འཁོར་གཡོ༔ སྟེང་ཕྱོགས་ཁྱབ་པར་རྒྱ་ཞིང་རྒྱུག༔ སྟེང་ཕྱོགས་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ལྔ་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ སྟེང་ཕྱོགས་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ བྱིའུ་ཆུང་ཁྲ་ཡིས་དེད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ མཐུ་སྟོབས་ནུས་པ་མེད་པར་གྱིས༔ དུས་ལ་བབ་པོ་ས་མ་ཡ༔ ཧཱུྃ༔ དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་དང་༔ བཀའ་སྲུང་དྲེགས་པའི་མཐུ་སྟོབས་ཀྱིས༔ བསྟན་དགྲ་ལྷ་སྲུང་དང་བཅས་རྣམས༔ འོག་གི་ཕྱོགས་ནས་ཁུག་ལ་ཤོག༔ གཟུགས་དང་མིང་རུས་འདི་ལ་ཁུག༔ ཧཱུྃ༔ དབང་ཕྱུག་མངོན་སྤྱོད་སྤྲུལ་པ་ལས༔ འོག་ཕྱོགས་རབ་འཇིགས་ཆུ་སྲིན་གདོང་༔ ཆིབས་ སུ་ལྕགས་སྤྱང་སྔོན་མོ་ཆིབས༔ དབུ་ནི་ལྔ་བརྒྱས་མི་ཤ་ཟ༔ སྤྱན་སྟོང་སྲིད་གསུམ་ལེགས་ཉེས་གཟིགས༔ ཕྱག་སྟོང་མཚོན་ཆས་འཁྲུལ་འཁོར་གཡོ༔ འོག་ཕྱོགས་ཁྱབ་པར་རྒྱུ་ཞིང་རྒྱུག༔ འོག་ཕྱོགས་སྲིད་པ་ཁ་ལོ་བསྒྱུར༔ སྤྲུལ་པའི་འབྱུང་ཁམས་མཆེད་སྡུད་བྱེད༔ སྤྲུལ་པ་དེ་ཡི་དུས་ལ་བབ༔ འོག་ཕྱོགས་བསྟན་དགྲ་ལྟ་ལོག་དང་༔ བདུད་དང་བདུད་ཀྱི་རིས་ཀྱི་ལྷ༔ ཉ་མོ་སྲམ་གྱིས་དེད་པ་བཞིན༔ མ་ལུས་འདིར་ཁུག་གཟུགས་ལ་ཕོབས༔ ལུག་ཁྱུར་སྤྱང་ཀི་ཞུགས་པ་བཞིན༔ བསྟན་དགྲ་དབང་མེད་ཁུག་ལ་ཤོག༔ ཤ་ཁྱུ་འཕར་བས་དེད་པ་ལྟར༔ བསྟན་དགྲ་དབང་མེད་ཁུག་ལ་ཤོག༔ བྱིའུ་ཆུང་ཁྲ་ཡིས་དེད་པ་ལྟར༔ བསྟན་དགྲ་དབང་མེད་ཁུག་ལ་ཤོག༔ ཤ་ཁྱིས་ཝ་རྦེ་དེད་པ་བཞིན༔ བསྟན་དགྲ་དབང་མེད་ཁུག་ལ་ཤོག༔ ནག་པོ་བདུད་སྡེ་འབངས་དང་བཅས༔ ཀླ་ཀློ་མཐའ་མི་བསྟན་པའི་དགྲ༔ མཐའ་དམག་མི་སྲུན་རྒོལ་བའི་རིགས༔ འགོ་བའི་ལྷ་དང་རྒྱབ་བརྟེན་དཔུང་༔ མཐའ་ནས་བསྡུས་ལ གཅིག་ཏུ་དྲིལ༔ ལས་ཀྱི་ལིང་ག་འདི་ལ་ཁུག༔ མཐུ་རྩལ་སྟོབས་དང་ནུས་པ་ཆོམས༔ ཐར་འཆོར་མེད་པའི་བཙོན་དུ་ཟུངས༔ ལས་ཀྱི་ཕོ་ཉས་མཐའ་ནས་བསྐོར༔ གསོད་བྱེད་ཤན་ ཁྲོཾ།༔ པའི་ལས་མཛོད་ཅིག༔ ནད་མུག་མཚོན་ཐུན་ནུས་དབལ་ཐོབས༔ དམ་ལ་མ་འདའ་ཕྲིན་ལས་མཛོད༔ ཨོཾ་མ་ཧཱ་དཱེ་ཝ་སརྦ་ས་མ་ཡ༔ སྒོ་བཞིའི་བདུད་སྡེ འགོང་ནག་བསྟན་དགྲ་ཐམས་ཅད་མཱ་ར་ཡ་ཁུག་ཛཿ རྦད་ཛཿ ཐྱ་རི་ལི་ལི་མཱ་ར་ཡ་སོད་སོད་ནན་ནན༔ ཞེས་བསྒྲལ་བ་ནས་འགུགས་བཅིང་དབྱེ་བཏུལ་ལས་བྱས་མཐར༔ ཟོར་གྱི་ལས་རིམ་བྱ་བའི་མཐར༔ བསྲེགས་པའི་ལས་རིམ་གྱིས་རྫོགས་བྱ༔ འདི་ལྟར་བསྒྲུབ་མཆོད་ལས་སྦྱོར་བཅས༔ བསྟན་གཞི་དགོན་གནས་ཐམས་ཅད་ཀྱི༔ ལོ་བཞིན་བརྩོན་པས་བསྟན་དགྲ་སྒྲོལ༔ དེ་ཕྱིར་འདི་ལ་བརྩོན་པར་མཛོད༔ མཐའ་མི་ཀླ་ཀློའི་རྫས་སྔགས་མཐུས༔ བསྟན་གཞི་དགོན་གནས་ཐམས་ཅད་ལ༔ བབ་ལྟས་ཀུན་གྱིས་ཤེས་རྒྱུད་ལོག༔ དམ་སྡོམ་མི་བསྲུང་བླ་མར་གཤེ༔ ཁྲིམས་འཆལ་ཚོང་ཁེ་གཡོ་སྒྱུ་སྤྱོད༔ ཆོས་བྱེད་སྨད་ཅིང་སྡིག་བྱེད་བསྟོད༔ ཆོས་ཁྲིམས་བཤིག་ཅིང་ཕྲག་དོག་དང་༔ ཞེ་སྡང་ཁེ་རྒྱལ་དྲག་པ་གཅོད༔ དགེ་བཙུན་ཆོས་ལ་ཕྲག་དོག་དང་༔ ཕྱོགས་རིས་བྱེད་ཅིང་གཡུལ་འཁྲུགས་འགྱེད༔ གསོད་གཅོད་ལས་ཀྱི་དམ་པར་འཛིན༔ ཆོས་བྱེད་སྐྱེས་བུ་ཁྲིམས་ཀྱིས་མནར༔ ཆོས་མིན་བན་དྲེད་གཙོ་རུ་བསྔགས༔ ཐམས་ཅད་དེ་ཡི་རྗེས་སུ་ཞུགས༔ ཞེ་སྡང་དུག་སྦྲུལ་ལས་ཀྱང་འབར༔ འདོད་ཆགས་བྱ་སྦལ་ལས་ཀྱང་འཁྲིགས༔ ཕྲག་དོག་ཁྱི་བས་མེ་འབར་འཚུབས༔ ང་རྒྱལ་སེངྒི་ལས་ཀྱང་དྲེགས༔ ཤེས་རྒྱུད་མ་རིག་མུན་པས་བཏུམ༔ དགོན་གནས་ཟེར་ཡང་དུག་སྦྲུལ་གྱི༔ ཁྲོད་ལྟར་ཐམས་ཅད་འཇིགས་པའི་གནས༔ དཔེར་ན་གཤེད་མ་མཐོང་བཞིན་དུ༔ གྱུར་པ་བདུད་ཀྱི་བསྟན་པ་ནི༔ དར་ཞིང་གནས་དེ་དབང་བསྒྱུར་ལྟས༔ གཞན་ཡང་ནད་མཚོན་མང་བ་དང་༔ ཆོས་བཞིན་སྤྱོད་པ་ཉུང་བ་ནི༔ མཐའ་མི་ཀླ་ཀློའི་མཐུ་ནུས་ལགས༔ དེ་དུས་ལྷ་མཆོག་འདི་མ་གཏོགས༔ གཞན་གྱིས་བཟློག་དང་བསྒྱུར་བར་དཀའ༔ ལྷ་མིན་མངའ་ཐང་རྒྱས་པའི་ཟིལ༔ སྐྱེ་འགྲོ་མི་ཡི་སྙིང་ལ་ཞུགས༔ ནག་པོའི་ལས་ཀ་དག་ལ་སྤྱོད༔ ལྷ་སྲིན་སྡེ་བརྒྱད་དེ་ལ་ཕྱོགས༔ ནག་ཕྱོགས་ལྷ་འདྲེའི་མགོ་འཕང་མཐོ༔ དཀར་ཕྱོགས་དབུ་འཕང་ཤིན་ཏུ་དམའ༔ དེ་ལྟར་སྡིག་སྤྱོད་སྐྱེས་བུ་ལ༔ བཀྲ་ཤིས་དགེ་ལེགས་ཁེ་རྒྱལ་ཐོབ༔ དེ་ཚེ་ཁམས་གསུམ་དབང་ཕྱུག་ཆེ༔ སྒྲུབ་ནས་ལས་གང་བརྩོན་བྱས་ཀྱང་༔ འདི་ནི་ཁམས་གསུམ་བདག་པོའི་ཕྱིར༔ གང་ལ་ཐོགས་མེད་བསམ་དོན་འགྲུབ༔ དེ་ཕྱིར་འདི་ལ་བརྩོན་པར་མཛོད༔ བཀའ་འདི་གནོད་སྦྱིན་དམར་ནག་ལ༔ གཏད་དོ་སྲུངས་ཤིག་ས་མ་ཡ༔ བསྟན་དགྲའི་སྲོག་གི་གཤེད་དུ་ཕོབས༔ བསྟན་འཛིན་སྐྱེས་བུའི་བསམ་དོན་སྒྲུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་ནས་སྤྱན་དྲངས་ཏེ་མི་ལོ་ཉེར་བཞིའི་བར་དུ་བཀའ་རྒྱ་བྱས་མཐར་རང་སློབ་དམ་པ་མཁྱེན་རབ་རྒྱ་མཚོས་བསྐུལ་ངོར་གཏན་ལ་ཕབ་པའི་ཡི་གེ་པ་ཡང་དེ་ཉིད་དོ། །དགེའོ། །དགེའོ། །དགེའོ །སརྦ་མངྒ་ལཾ།། ། ༈ ལས་མཐའ་ཟབ་མོ་ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོ་ལ་བརྟེན་པའི་ལས་ཀྱི་མཐར་ཐུག་ཟབ་མོ་བཞུགས་སོ༔ TI1608 - 255 བདུད་འཇོམས་བཀའ་སྲུང་ལྷ་ཆེན་ཐོ།༔ ན་མོ་གུ་རུ་པདྨ་ཀ་ར་ཡེ༔ ཤསྭཱ་༒ཤརྦ༔ ལྷ་ཆེན་མ་ཧཱ་དཱེ་ཝ་ཡི༔ ལས་མཐའ་ཟབ་མོའི་རིམ་པ་ལ༔ དང་པོ་བསྲེགས་པའི ལས་མཐའ་ལ༔ དྲག་སྒྲུབ་ལིང་ག་མིང་རུས་ལ༔ བླ་རྟགས་ཐོན་ནས་ལྷ་དབྱེས་ཏེ༔ མཐར་ཡང་ཞག་གྲངས་མང་རྫོགས་ནས༔ མཚོན་ཐུན་གདབ་ལས་གྲངས་མང་མཐར༔ མི་བསད་ལྕགས ཀྱིས་མགར་བ་ཡི༔ སྤུ་གྲིས་ཚལ་པ་དུམ་བུར་གཏུབ༔ དེ་ནས་ཁྲག་དང་དུག་གིས་སྦགས༔ མེ་དཀྱིལ་གྲུ་གསུམ་དམར་ནག་ཏུ༔ ཆོས་འབྱུང་མེ་འབར་ལྟེ་བར་ཧཱུྃ༔ བྲིས་སྟེང་དྲག་ཤིང་ཚེར་མ་ཅན༔ དུག་ཁྲག་གིས་བྱུགས་ཧོམ་དུ་བརྩིགས༔ འབུལ་རྫས་ཁྲག་སྐྱེམས་འབྲུ་ནག་པོ༔ ཉུང་ངུ་བསགས་པ་དགྲ་བོ་ཡི༔ ཤ་ཁྲག་ཉིད་དུ་བསམ་པ་གནད༔ དེ་ནས་རྟེན་དང་བརྟེན་པ་ཀུན༔ T11608 - 256 ༢ ལས་མཐའ་ཟབ་མོ་ཐོ།༔ བསྐྱེད་པའི་རིམ་པ་འདི་ཀའོ༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲཿ སྟོང་པའི་ངང་ལས་མེ་ཐབ་མི་དམིགས་པའི་ངང་ལས་མདུན་དུ ཡི་གེ་ཧཱུྃ་ནག་པོ་ལས་འོད་འཕྲོས་པས༔ སྣང་སྲིད་ཀྱི་ཁམས་ཡོངས་སུ་འགེངས་པའི་མེ་རི་གྲུ་གསུམ་དུ་འབར་ཞིང་གཡོ་བའི་ཀློང་དུ་ཧྲཱིཿཡིག་ནག། པོ་ཡོངས་སུ་གྱུར་པ་ལས༔ ལྷ་ཆེན་དབང་ཕྱུག་ནག་པོ་མུན་པའི་མདོག་ལྟ་བུ་ཞལ་གཅིག་ཕྱག་གཉིས་གཡས་ཏྲི་ཤུལ་རྩེ་གསུམ་དང་གཡོན་ལྕགས་ཀྱུ་བསྣམས་ནས་སྣང་སྲིད་ཁམས་ཀྱི་དགྲ་བོ་གདུག་པ་ཅན་ཐམས་ཅད་ཉ་མོ་ལྕགས་ཀྱུས་འཐེན་པ་བཞིན་དུ་ལྕགས་ཀྱུས་མདུན་དུ་བཀུག་ཅིང་ཏྲི་ཤུལ་T11608 - 257 གྱིས་དུམ་བུར་གཏུབ་ནས་རྡོ་ཁབ་ལེན་གྱིས་ལྕགས་ཕྱེ་བླང་བ་ལྟར་ཞལ་དུ་མྱག་མྱག་གསོལ་བ༔ སྐུ་ལ་དུར་ཁྲོད་ཀྱི་ཆས་བརྒྱད་གསོལ་ཞིང་ཞབས་གཉིས་གྱད་ཀྱི་འདོར་ཐབས་སུ་བསྒྲད་པ༔ དེའི་ཐུགས་ཀར་ཉི་མའི་གདན་ལ་འཆི་བདག་ལས་ཀྱི་གཤིན་རྗེ༔ བདུད་རྒྱལ་སྲོག་ལེན་ནག་པོ༔ གཟའ་བདུད་དུག་གི་སྤུ་གྲི་གསུམ་གྱི་ཞལ་གདངས་ཤིང་ལྗགས་འདྲིལ་བ༔ དགྲ་བོའི་ཤ་ལ་རྔམས་ཤིང་ཁྲག་ལ་གདུང་བ༔ སྲོག་དབུགས་ལ་རྒོལ་ཞིང་སྡང་བའི་ཚུལ་དུ་ཡོད་པར་བསྒོམ༔ བསྲེག་རྫས་རྣམས་ཞལ་དུ་བསྟབས་པ་ཙམ་གྱིས་ཟས་ཀྱི་ཞར་ལ་རླུང་རྔུབ་པ་བཞིན་དུ་དགྲ་བགེགས་གནོད་བྱེད་ཐམས་ཅད་ཞལ་དུ་འུབ་ཀྱིས་བསྡུས་ཏེ་རྐང་མཐིལ་སྐྱ་ལྷག་གིས་མགོ་མཇུག་ལོག་ནས་མགྲིན་པར་རུབས་སེ་སོང་སྟེ་གཟའ་བདུད་གཤིན་རྗེར་བཅས་པའི་ཞལ་དུ་ཐིམ་པར་བྱེད་པའི་རང་བཞིན་ཅན་དུ་བསྐྱེད་དོ༔ དེ་ནས་སྤྱན་འདྲེན་པ་ལ༔ ཧཱུྃ་ཧྲཱིཿ གཞན་འཕྲུལ་དབང་བྱེད་ལྷ་ཡི་གནས༔ དབང་ཕྱུག་ཆེན་པོ་གཤེགས་སུ་གསོལ༔ དུར་ཁྲོད་རབ་འཇིགས་རྩུབ་འགྱུར་ནས༔ དབང་ཕྱུག་དྲག་པོ་གཤེགས་སུ་གསོལ༔ ཁམས་གསུམ་སྲིད་པའི་གནས་ཁྱབ་བདག༔ མ་ཧཱ་དེ་ཝ་གཤེགས་སུ་གསོལ༔ དབང་ཆེན་སྐུ་ཡི་དཀྱིལ་འཁོར་ནས༔ ཟོཾ།༔ བདུད་རྒྱལ་སྲོག་ལེན་གཤེགས་སུ་གསོལ༔ དབང་ཆེན་གསུང་གི་དཀྱིལ་འཁོར་ནས༔ བཙན་རྒོད་འབར་བ་གཤེགས་སུ་གསོལ༔ དབང་ཆེན་ཐུགས་ཀྱི་དཀྱིལ་འཁོར་ནས༔ ཡ་མ་རཱ་ཙ་གཤེགས་སུ་གསོལ༔ དམ་ཚིག་པ་དང་གཉིས་མེད་དུ༔ འབར་བ་མེ་ཡི་གདན་ལ་བཞུགས༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ་ཧྲཱིཿ དྲང་སྲོང་ལྷ་ཡི་བླ་མ་ཆེ༔ ཁམས་གསུམ་ཡོངས་ལ་མངའ་དབང་མཛད༔ སྨོན་ལམ་སྟོབས་ཀྱིས་བསྟན་པ་བསྲུང་༔ ལེགས་ཉེས་བྱེད་པོ་ཁྱོད་ཕྱག་འཚལ༔ ན་མོ་ས་མ་ཡ་ཧོཿ དེ་ནས་སྐྱེམས་མཆོད་འབུལ་བ་ལ༔ ཧཱུྃ༔ དམར་ཆེན་ཁྲག་གི་སྐྱེམས་མཆོད་འདི༔ དབང་ཕྱུག་མ་ཧཱ་དཱེ་ཝ་དང་༔ བདུད་བཙན་གཤིན་རྗེའི་ཚོགས་ལ་འབུལ༔ དགྲ་བོའི་སྙིང་ཁྲག་ཧུབ་ཀྱིས རོལ༔ མ་ཧཱ་དཱེ་ཝ་དུ་པ་ར་ཙ་ཙ་ཏྲི་ཤུ་ལ་ཡ་མ་རཱ་ཙ་ས་མ་ཡ༔ མ་ཧཱ་རཀྟ་ལ་ཁཱ་ཧྲཱི༔ ཞེས་དགྲ་བོའི་སྙིང་ཁྲག་དངོས་སུ་དམིགས་པ་ཉེར་གཅིག་ལས་མི་ཉུང་བར་ཕུལ༔ དེ་ནས་ཉེར་སྤྱོད་འབུལ་བ་ལ༔ ཧཱུྃ་ཧྲཱིཿ དགྲ་བོ་བསྒྲལ་བའི་ཤ་ཁྲག་དང་༔ ཕུང་ཁམས་དབང་ཡུལ་སྐྱེ་མཆེད་ལས༔ བྱུང་བའི་ཉེར་སྤྱོད་འདོད་ཡོན་དང་༔ སྨན་གཏོར་རཀྟ་སྦྱོར་སྒྲོལ་རྫས༔ ཕྱི་ནང་མཆོད་པའི་བྱེ་བྲག་ཀུན༔ དབང་ཕྱུག་མ་ཧཱ་དཱེ་ཝ་དང་༔ བདུད་བཙན་གཤིན་རྗེར་བཅས་ལ་འབུལ༔ དགྲ་བོ་བསྒྲལ་བའི་ཕྲིན་ལས་མཛོད༔ ཨོཾ་བཛྲ་ཨརྒྷཾ་པཱདྱཾ་སོགས་ཤཔྡ་རཱུ་པ་ཤཔྡ་གནྡྷེ་རཱ་ས་སྤཪྴ་པཉྩ་ཨ་མྲྀ་ཏ རཀྟ་བ་ལི་ཏ་མ་ཧཱ་བོ་དྷི་ཙིཏྟ་སརྦ་པཱུ་ཛ་ཧོཿ དེ་ནས་བསྟོད་པ་ལ༔ ཧཱུྃ་ཧྲཱིཿ འཇིག་རྟེན་དབང་ཕྱུག་འཇིག་རྟེན་བདག༔ ལེགས་ཉེས་གར་གྱིས་རྣམ་འགྱུར་ངོམས༔ བདུད་བཙན་གཤིན་རྗེ ལས་ལ་འགྱེད༔ ཁམས་གསུམ་སྲོག་ལ་མངའ་དབང་མཛད༔ འགྲོ་བའི་དབུགས་ལ་ལོངས་སུ་སྤྱོད༔ དབང་ཕྱུག་ལྷ་ཡི་བླ་མར་བསྟོད༔ དེ་ནས་ཤ་དུམ་དང་འབྲུ་ནག་ཚིལ་བུ་ལིང་རོ་སྤེལ་བ་ལན་བརྒྱ་དང་རྩ་བརྒྱད་ལས་མི་ཉུང་བར་འབུལ་བ་ལ༔ ན་མོ༔ དཀོན་མཆོག་རྩ་གསུམ་ཆོས་སྐྱོང་དབང་ཕྱུག་བདུད་བཙན་གཤིན་རྗེའི་ཚོགས་ཀྱི་བདེན་པས་དགྲ་བོ་ཆེ་གེ་མོའི་བླ་ཚེ་སྲོག་གསུམ་ལིང་ག་འདི་ལ་ཁུག་ཅིག་ཛ་ཛཿ དེ་ནས་བསྟབ་པ་ལ༔ ཧཱུྃ༔ གདུག་པའི་དགྲ་བོ་དམ་ཉམས་ཀྱི༔ བླ་ཚེ་སྲོག་གསུམ་བསོད་ནམས་བཅས༔ དབང་ཕྱུག་བདུད་བཙན་གཤིན་རྗེ་ཡི༔ ཞལ་དུ་བསྟབ་པོ་ལྷག་མེད་རོལ༔ ཨོཾ་མ་ཧཱ་དཱེ་ཝ་དུ་པ་ར་ཙ་ཙ་ཏྲི་ཤུ་ལ་ཡ་མ་རཱ་ཙ་ས་མ་ཡ་དགྲ་བགེགས་ཆེ་གེ་མཱ་ར་ཡ་ཁཱ་ཧི༔ ཛྭ་ལ་རཾ་པ་ཡེ་སྭཱ་ཧཱ༔ དགྲ་བོ་དངོས་སུ་གསལ་བའི་ངང་ནས་ཡང་ཡང་བསྟབས༔ དེ་ནས་གོང་ལྟར་ ཟོཾ།༔ མཆོད་འབུལ་བསྟོད༔ མཐར་ཡང་ཁྲག་སྐྱེམས་འབུལ་བ་ལ༔ ཧཱུྃ་ཧྲཱིཿ དབང་ཕྱུག་མ་ཧཱ་དཱེ་ཝ་དང་༔ བདུད་བཙན་གཤིན་རྗེའི་རྒྱལ་པོ་ལ༔ དམར་ཆེན་ཁྲག་གི་སྐྱེམས མཆོད་འབུལ༔ དགྲ་བོའི་སྙིང་ཁྲག་དྲོན་མོ་རོལ༔ མ་འགྱངས་མྱུར་དུ་ཧུར་ཐུམ་སོད༔ ཨོཾ་མ་ཧཱ་དཱེ་ཝ་དུཿ ཙཿཡཿ མ་ཧཱ་རཀྟ་ཁཱ་ཧི༔ ཞེས་གོང་གི་གྲངས་དང་སྦྱར༔ དེ་ནས་གཤེགས་སུ་གསོལ་བ་ནི༔ ཧོཿ དྲང་སྲོང་ལྷ་ཡི་བླ་མ་མཆོག༔ བདུད་བཙན་གཤིན་རྗེའི་རྒྱལ་པོར་བཅས༔ སྲོག་འཁོར་རྟེན་གྱི་དབྱིངས་སུ་གཤེགས༔ ཕྲིན་ལས་རབ་འབྱམས་རྟག་ཏུ་སྒྲུབས༔ བཛྲ་མུཿ དེ་ནས་བསྲེགས་པའི་ཐལ་བ་རྣམས༔ བག་ཟན་གྱིས་བསྡུས་དགྲ་གཟུགས་གཉིས༔ བྱས་པའི་སྙིང་གར་མིང་རུས་བཅུག༔ དེ་གཉིས་བྲུབ་ཁུང་ནང་དུ་འཕང་༔ སླར་ཡང་ཞག་བདུན་ཡང་ན་གསུམ༔ འགུགས་པ་ཐུན་རེར་བརྒྱ་རྩ་དང་༔ ཨོཾ་མ་ཧཱ་དེ༷་ཝ་ཀྲོ་ཏ་ཀཱ་ལ་ས་མ་ཡ༔ དགྲ་བོ་ཆེ་གེ་ཁུག་ཛ་རྦད་ཛཿ མཱ་ར་ཡ་ནན་ནན༔ ཅི་མང་བཟླས༔ དེ་ནས་མནན་པའི་ཐེམ་བྱང་ནི༔ ཤིན་ཏུ་