Tibetan
དུ༔ བྷྲུྃཿལས་རིན་པོ་ཆེ་སྣ་ཚོགས་ལས་སོགས་ནས་ལྷ་བསྐྱེད་རིམ་པ་ཚང་བར་བརྗོད༔ དེ་ནས་སྤྱན་འདྲེན་རྫོགས་མཐར༔ དཀྱིལ་འཁོར་གྱི་ལྷ་རྣམས་ཀྱི་ཞལ་གདངས་པའི་ནང་དུ་ཨོཾ་དཀར་ཨཱཿ དམར་ཧཱུྃ་མཐིང་གསུམ་སྐུ་གསུང་ཐུགས་ཀྱི་བདུད་རྩི་ལ་ངོ་བོ་བདེ་སྟོང་ཟག་པ་མེད་པའི་ཡེ་ཤེས་ཀྱི་བདུད་རྩི་བསྟབས་ཏེ་ཐུགས་བདེ་སྟོང་གི་རོས་མཉེས་ཤིང་ཚིམས་པར་བསམ་ལ༔ ཨོཾ་མ་ཧཱ་དཱེ་ཝ་ཛཿ ཨུ་མ་དེ་ཝི་ཧྲཱིང་༔ ཧ་རི་ནི་ས་པཱ་ཤཾ་ཀུ་རུ་ཧོཿ ཨ་མྲྀ་ཏ་ཁཱ་ཧི༔ ལན་བདུན་གྱིས་བྱོན་སྐྱེམས་ཕུལ༔ དེ་ནས་བཞུགས་གསོལ་ཕྱག་འཚལ་མཆོད་འབུལ་གྱི་སྐབས་སུ་ཉེར་སྤྱོད་འདོད་ཡོན་སྨན་གཏོར་རཀྟ་དང་བཅས་པ་ཕུལ་མཐར༔ ཨ་ཀཱ་རོ་སོགས་ལན་གསུམ་ནམ་མཁའ་མཛོད་སྔགས་ལན་བདུན་གྱིས་ངོ་བོ་བདེ་སྟོང་ཟག་པ་མེད་པའི་ཡེ་ཤེས་ཀྱི་བདུད་རྩི་ལ་རྣམ་པ་འདོད་རྒུའི་དཔལ་ཡོན་ཕུན་སུམ་ཚོགས་པ་མ་ཚང་བ་མེད་པར་བསྐྱེད་ཅིང་གསལ་ལ་བྱིན་གྱིས་བརླབས༔ དེ་ནས་མེ་ཐབ་ཏུ་དབང་ཕྱུག་ཆེན་པོ་འཁོར་དང་བཅས་པ་བསྐྱེད་ཅིང་གསལ་ལ༔ ཧོཿ ཁྲོཾ།༔ ཚོགས་ཀྱི་དབང་ཕྱུག་ཚོགས་ཀྱི་བདག༔ དབང་ཆེན་ལྷ་ཡི་བླ་མ་ཁྱོད༔ གདོད་ནས་ཡེ་སངས་རྒྱས་མོད་ཀྱང་༔ འགྲོ་བའི་དོན་དུ་སྐུར་བཞེངས་པ༔ ཡིད་ལ་དྲན་ཅིང་གུས་པས་འདུད༔ བདག་གིས་དངོས་འབྱོར་ཡིད་སྤྲུལ་གྱི༔ སྲེག་བླུགས་མཆོད་པ་འདི་འབུལ་བཞེས༔ དབང་གི་ཕྲིན་ལས་འགྲུབ་པར་མཛོད༔ གང་འདོད་དོན་ལ་ཁ་བསྒྱུར་བྱ༔ ཨོཾ་མ་ཧཱ་དཱེ་ཝ་ཛཿ ཨུ་མ་དེ་ཝི་ཧྲཱིང་༔ ཧ་རི་ནི་ས་པཱ་ཤཾ་ཀུ་རུ་ཧོཿ འདོད་རྒུའི་དཔལ་ཡོན་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ སླར་ཡང་ཉེར་སྤྱོད་འདོད་ཡོན་སྨན་གཏོར་རཀྟ་བཅས་པ་ཕུལ་ནས༔ གཞུང་གི་བསྟོད་པ་ཕྲིན་བཅོལ་དང་བཅས་པ་རྫོགས་རྗེས་གོང་གི་གཤེགས་སྐྱེམས་ཕུལ༔ ཁ་བསྐང་བཤགས་པ་བྱ་བ་ལ༔ དབང་ཕྱུག་འཁོར་བཅས་དགོངས་སུ་གསོལ༔ བདག་ནི་འབྱོར་ཆུང་ལས་དབང་གིས༔ མ་རྙེད་མ་ཚང་མ་འཚལ་བ༔ ཁྱོད་ཀྱི་ཐུགས་མི་དགྱེས་པ་ཡི༔ ལས་དང་བྱ་བྱེད་ཅི་མཆིས་པ༔ སྙིང་ནས་བཤགས་སོ་བཟོད་པར་གསོལ༔ ཞེས་ཡི་གེ་བརྒྱ་པ་དང་རྟེན་འབྲེལ་སྙིང་པོ་བརྗོད༔ _UNK འདོད་རྒུའི་དཔལ་ཡོན་ཕུན་སུམ་ཚོགས་པ་མ་ཚང་བ་མེད་པ་ནམ་མཁའི་མཐའ་དང་མཉམ་པར་བསམ་ལ༔ འབྲུ་སྣ་གང་ཡང་རུང་བ་གཏོར་ཅིང་མཆོད༔ དངོས་གྲུབ་ཞུ་བ་ལ༔ ཁམས་གསུམ་དབང་ཕྱུག་ཆེན་ པོ་དགོངས༔ སྒྲུབ་པའི་རྣལ་འབྱོར་བདག་ཉིད་ལ༔ ཚེ་ཆོས་ཟས་ནོར་ལོངས་སྤྱོད་དཔལ༔ སྣང་སྲིད་དབང་བསྡུས་དངོས་གྲུབ་སྩོལ༔ དྲིལ་སྔགས་མཐར༔ སརྦ་སིདྡྷི་ཕ་ལ་ཧོཿ ཞེས་ལན་གསུམ་བརྗོད་དེ་དངོས་གྲུབ་བླངས༔ དབང་ཕྱུག་ཆེན་པོ་འཁོར་དང་བཅས་པའི་སྐུའི་འོད་ཕུང་དང་བཅས་ཏེ་འདོད་རྒུའི་དཔལ་ཡོན་གྱི་ཆར་ཆེན་པོ་བབ་ནས་བདག་གི་གནས་ཁང་བང་མཛོད་ཐམས་ཅད་མེར་མེར་ཏིང་ཏིང་གང་བར་བསྒོམ༔ དེ་ནས་གཤེགས་གསོལ་བྱ་བ་ལ༔ ཧོཿ སྦྱིན་སྲེག་མཆོད་པ་ཕུལ་བའི་ལྷ༔ བསྙེན་བསྒྲུབ་ལྷ་ཡི་དབྱིངས་སུ་གཤེགས༔ ཇི་སྲིད་འཚོ་ཡི་བར་དུ་ནི༔ ལུས་དང་གྲིབ་མ་བཞིན་དུ་འགྲོགས༔ ཕྲིན་ལས་རབ་འབྱམས་ཡོངས་གྲུབ་མཛོད༔ ས་མ་ཡ་ཨ་ཝེ་ཤ་ཡ་ཏིཥྛ་བཛྲ༔ དེ་ནས་ཤིས་པ་བརྗོད་པ་ལ༔ དབང་གི་ཕྲིན་ལས་བསྒྲུབ་པའི་ཐབ་ཁུང་དུ༔ སྣང་སྲིད་དབང་བསྡུས་འོད་ཕུང་དམར་པོ་འཁྲིགས༔ གང་འདོད་ཕྲིན་ལས་ཡོངས་སུ་གྲུབ་པ་ཡི༔ ཁམས་གསུམ་དབང་དུ་སྡུད་པའི་བཀྲ་ཤིས་ཤོག༔ ས་མ་ཡ༔ དེ་ལྟར་སྲེག་བླུགས་མང་བསྐྱར་བས༔ དབང་གི་ཕྲིན་ལས་ཡོངས་གྲུབ་སྟེ༔ ལོངས་སྤྱོད་འཕེལ་ཞིང་དངོས་གྲུབ་འབྱུང་༔ སྣང་སྲིད་དྲེགས་པའི་གཙོ་བོར་འགྱུར༔ བཀའ་སྲུང་གཟའ་མཆོག་ཆེན་པོས་སྲུངས༔ གསང་བ་སྐུ་གསུང་ཐུགས་ཀྱི་རྒྱ༔ ས་མ་ཡ༔ ཁྲོཾ།༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་སློབ་བུ་རིག་གྲགས་ཞེས་བྱ་བས་ནན་བསྐུལ་ངོར་བདུད་འཇོམས་རྡོ་རྗེས་ཟབ་གསང་མཁའ་འགྲོའི་ཀློང་མཛོད་ལས་བསྒྱུར་བའོ། །དགེའོ། །དགེའོ། །དགེའོ།། ཝཱ སརྦ་མངྒ་ལཾ།། །། ཞལ་327གསུམ་མོ།ཧོམ་T11608 - 331 T11608- 332 ཟབ་གསང་མཁའ་འགྲོའི་སྙིང་ཐིག་ལས༔ ལྷ་དབང་འདོད་པའི་རྒྱལ་པོའི་སྒྲུབ་པ་ཁམས་གསུམ་དབང་བསྒྱུར་བཞུགས་སོ༔ TI1608 - 333 ཐོ།༔ ན་མོ་གུ་རུ་མཱུ་ཁྱོ་པདྨ་ཀ་ར་ན་མ་ཧོཿ གཐས་ཀཧྃས༔ ལྔ་བརྒྱ་དུས་ཀྱི་ཐ་མ་ལ༔ ང་ཡི་བརྒྱུད་འཛིན་སྐྱེས་བུ་རྣམས༔ དབུ་འཕང་དམའ་ཞིང་ཉམ་ཐག་དུས༔ ཡི་དམ་གཞན་གྱིས་སྐྱོབ་དཀའ་བས༔ ཕུར་པ་ཕྲིན་ལས་གདུལ་བྱར་ལེགས༔ བཀའ་སྲུང་གཞན་གྱིས་སྐྱོབ་པར་དཀའ༔ དེ་ལས་གསུང་གི་གསང་བ་ཉིད༔ དབང་ཕྱུག་འདོད་པའི་རྒྱལ་པོ་སྟེ༔ གཏོར་མ་ནོར་བུའི་དབྱིབས་འདྲ་ལ༔ ལྕགས་ཀྱུས་མཚན་པ་རྒྱན་དུ་བྱ༔ འཇའ་ཚོན་འོད་ཀྱི་གུར་ཁང་ཕུབ༔ ཕྱོགས་བཞིར་དུས་བཞིའི་ལྷ་མོ་ནི༔ ལྷ་བཤོས་བཀས་པ་ལྟ་བུ་བཞི༔ ཕྱག་རྒྱ་བཞི་པོ་རྒྱན་དུ་བཏགས༔ བཀྲ་ཤིས་རྫས་བརྒྱད་བསགས་པ་དང་༔ རྟགས་བརྒྱད་རིས་སུ་བྲིས་ནས་སུ༔ བསྒྲུབ་པའི་རྟེན་དུ་བཙུགས་ནས་སུ༔ མཆོད་རྫས་འབྱོར་T11608 - 334 ལཐ༹ཾ།༔ ཚོགས་ཅི་རིགས་བཤམས༔ སྭ་བྷཱ་ཝས་སྟོང་པར་སྦྱང་༔ སྟོང་པའི་ངང་ལས་རང་ཉིད་ལྷར་གསལ་བའི་ཐུགས་ཀ་ནས་འོད་དང་འོད་ཕུང་དམར་པོ་དཔག་ཏུ་མེད་པ་འཕྲོས་པས་འོད་དམར་པད་མ་རཱ་གའི་ཁ་དོག་ལྟ་བུ་ལས་གྲུབ་པའི་འོད་ཕུང་བསྐལ་པའི་མེ་ལྟ་བུ་འབར་བའི་དབུས་སུ་པདྨ་རཱ་ག་ལས་གྲུབ་པའི་གཞལ་ཡས་ཁང་དབྱིབས་ཟླ་གམ་སྒོ་གཅིག་པ༔ རྒྱ་ཆེ་ཞིང་ཁྱོན་ཡངས་པ་དབྱིབས་མཛེས་ཤིང་བཀོད་ལེགས་པའི་དབུས་སུ་པདྨ་རཱ་གའི་ཁྲི་ཡངས་ཤིང་རྒྱ་ཆེ་བ་ཟླ་གམ་པའི་སྟེང་དུ༔ པདྨ་དང་ཉི་མ་ཟླ་ཕྱེད་ཀྱི་གདན་ལ༔ བདག་ཡི་དམ་གྱི་ཐུགས་ཀ་ནས་ཡི་T11608 - 335 གེ་ཨཱཿདམར་པོ་འོད་འབར་བ་གཅིག་འཕྲོས་ཏེ་བབས་པ་ལས༔ རྒྱལ་བ་སྲས་དང་སྲུང་མར་བཅས་པ་ཐམས་ཅད་ལ་མཉེས་པའི་མཆོད་པ་ཕུལ༔ རྟེན་དང་བརྟེན་པའི་དཀྱིལ་འཁོར་ཐམས ཅད་ཚུར་འདུས་ཨཱཿ ལ་ཐིམ༔ མར་འཕྲོས་སྐྱེ་འགྲོ་གཟུགས་ཡོད་དང་གཟུགས་མེད་ཐམས་ཅད་ཀྱི་མཐུ་སྟོབས་ནུས་པ་རྩལ་ཤུགས་དང་བཅས་པ་རྣམས་དང་༔ ཉི་ཟླ་ནོར་བུ་འབྱུང་བ་བཞིའི་བཅུད་དང་གཟི་བྱིན་ནུས་པ་ཐམས་ཅད་བསྡུས་ཏེ་ཨཱཿ ལ་ཐིམ༔ ཨཱཿཡོངས་སུ་གྱུར་པ་ལས༔ བརྡལ་ཁྱབ་སྟོང་ཉིད་ཀྱི་ངོ་བོ༔ ཀུན་སྣང་གསལ་ཁྱབ་ཀྱི་བདག་ཉིད༔ འདོད་པ་ཁམས་ཀྱི་བྱེད་པོ༔ སྲིད་དང་སྲིད་མིན་གྱི་བཀྱེ་བསྡུ་དབང་ཆེན་འདོད་པའི་རྒྱལ་པོ༔ ཁམས་གསུམ་དབང་དུ་སྡུད་པའི་མཚོན་བྱེད་སྐུ་མདོག་པདྨ་རཱ་ག་ལྟར་དམར་ཞིང་༔ སྲིད་གསུམ་དབྱིངས་སུ་གཞིག་ནུས་པའི་མཚོན་བྱེད་ནག་པོའི་མདངས་ཆགས་པ༔ འཁོར་འདས་དུ་མ་རོ་གཅིག་ཏུ་གཟིགས་པའི་མཚོན་བྱེད་སྤྱན་གཅིག་པུས་བར་སྣང་ཁམས་སུ་གཟིགས་པ༔ ཁྲོ་གཉེར་སྡུད་ཅིང་ཞལ་འཛུམ་ཞིང་བཞད་པ༔ སྙན་རྒྱན་ནོར་བུ་ཀེ་ཀེ་རུ་ལས་བྱས་པ༔ ནག་ལ་སྣུམ་པའི་དབུ་སྐྲ་རྟིང་རྩེར་སླེབས་པ༔ ཕྱག་གཡས་གྲི་གུག་འབར་བས་ཁམས་གསུམ་གྱི་བློ་ཡིད་ཐམས་ཅད་ ཟོཾ།༔ འགུག་ཅིང་༔ གཡོན་པས་དབང་གི་ཞགས་པ་དམར་པོས་སྣང་སྲིད་ཐམས་ཅད་བྲན་དུ་འཆིངས་ཤིང་སྡོམ་པ༔ ཞབས་གཉིས་འདོར་སྟབས་སུ་བཞེངས་ནས གསང་བའི་རྡོ་རྗེ་བསྒྲེང་བ༔ གཅེར་བུ་ཡིད་བཞིན་གྱི་ནོར་བུ་དབང་གི་རྒྱལ་པོའི་དོ་ཤལ་བྱས་ཤིང་པདྨ་དམར་པོའི་ཐོད་གདེངས་དང་ཨུཏྤལ་དམར་པོའི་སེ་རལ་ཁར་ཐོགས་པ༔ འོད་ཕུང་དམར་པོ་བསྐལ་པའི་མེ་ལྟར་འབར་བའི་ཀློང་དུ་སྲིད་གསུམ་སྣང་བར་བྱེད་པ༔ གཡོན་དུ་ཨེ་ལས་སྐྱེས་པའི་ཡུམ་གནམ་སྨན་མ་སྐུ་མདོག་དམར་མོ་གཅེར་བུ་གོས་རྒྱན་མེད་པ༔ ཕྱག་གཡས་པས་ཁམས་གསུམ་འཁོར་ལོས་སྒྱུར་བ༔ གཡོན་པས་རོ་བརྒྱའི་དཔལ་གྱིས་བརྗིད་པའི་ཞལ་ཟས་ཡབ་ལ་སྟོབ་པའི་ཚུལ་གྱིས་བཏེགས་པ༔ ཞབས་གཉིས་ཡབ་ཀྱི་སྐེད་པར་འཁྲིལ་ལ་ཁད་པ༔ པདྨ་དམར་པོའི་ཕྲེང་བའི་དོ་ཤལ་དང་ཆུན་འཕྱངས་རབ་ཏུ་མཛེས་པ༔ མཐོང་བས་ཡིད་འཕྲོག་ཅིང་དྲན་པ་ཙམ་གྱིས་དགའ་བདེའི་ཉམས་བསྐྱེད་ནུས་པའི་བདག་ཉིད་ཅན་དུ་བསྐྱེད་དོ༔ ཤར་དུ་འབྱུང་བ་དཔྱིད་ཀྱི་རྒྱལ་མོ་སྐུ་མདོག་ཐལ་སྐྱ་གཡས་པས་རླུང་གི་བ་དན་དང་༔ གཡོན་པས་ལྩགས་ཀྱུ་འཛིན་པ༔ ལྷོ་རུ་འབྱུང་བ་དབྱར་གྱི་རྒྱལ་མོ་སྐུ་མདོག་ལྗང་མོ གཡས་པས་ཁ་དོག་སྣ་ཚོགས་པའི་མེ་ཏོག་དང་༔ གཡོན་པས་ཉི་ཟེར་གྱི་ཞགས་པ་འཛིན་པ༔ ནུབ་ཏུ་སྲིད་པ་སྟོན་གྱི་རྒྱལ་མོ་སྐུ་མདོག་སེར་མོ་གཡས་འབྲས་ཀྱི་སྙེ་མ་དང་༔ གཡོན་ལྕགས་སྒྲོག་བསྣམས་པ༔ བྱང་དུ་སྲིད་པ་དགུན་གྱི་རྒྱལ་མོ་སྐུ་མདོག་ཆར་སྤྲིན་ལྟ་བུ༔ ཕྱག་གཉིས་རྩྭ་ཕྱག་དང་དྲིལ་བུ་བསྣམས་པའོ༔ ཀུན་ཀྱང་དར་སྣ་ལྔ་དང་རིན་པོ་ཆེའི་རྒྱན་གྱིས སྤྲས་པ་གཞོན་ནུ་བཅུ་དྲུག་ལོན་པའི་ལང་ཚོ་འཆང་ཞིང་མཚན་དཔེ་རྫོགས་ཤིང་མཛེས་སྡུག་ལྟ་བའི་ཆོག་མི་ཤེས་པར་བསྐྱེད་དོ༔ ཧཱུྃ༔ སྟེང་ཕྱོགས་ནམ་མཁའི་དབྱིངས་རུམ་ནས༔ བེེ་ཌཱར་སྔོན་པོའི་གཞལ་ཡས་སུ༔ རིན་ཆེན་བེེ་ཌཱུར་ཁྲི་ཡི་ཁར༔ མ་ཧཱ་དེ་ཝ་ནམ་མཁའི་མདོག༔ ཕྱག་གཡས་འཁོར་ལོ་གཡོན་མེ་ལོང་༔ ཁམས་གསུམ་ལྷ་ལ་མངའ་དབང་བྱེད༔ ཤར་ཕྱོགས་དུང་གི་གཞལ་ཡས་ནས༔ རིན་ཆེན་དུང་གི་ཁྲི་སྟེང་དུ༔ མ་ཧཱ་དེ་ཝ་དཀར་གསལ་མཛེས༔ ཕྱག་ན་རྡོ་རྗེ་ལྕགས་ཀྱུ་བསྣམས༔ སྲིད་པ་ཤར་ཕྱོགས་མངའ་དབང་བྱེད༔ ལྷོ་ཕྱོགས་གསེར་གྱི་གཞལ་ཡས་དབུས༔ རིན་ཆེན་གསེར་གྱི་ཁྲི་སྟེང་དུ༔ མ་ཧཱ་དེ་ཝ་གསེར་གྱི་མདོག༔ ཕྱག་གཡས་ནོར་བུ་གཡོན་ཞགས་པ༔ སྲིད་པ་ལྷོ་ཕྱོགས་མངའ་དབང་བྱེད༔ ལ ཁྲོཾ།༔ ནུབ་ཕྱོགས་རཱ་གའི་གཞལ་ཡས་དབུས༔ པདྨ་རཱ་གའི་ཁྲི་སྟེང་དུ༔ མ་ཧཱ་དཱེ་ཝ་དམར་གསལ་མཛེས༔ ཕྱག་གཡས་པདྨ་དམར་པོ་དང་༔ གཡོན་པས་ནོར་བུ་དབང་རྒྱལ་བསྣམས༔ སྲིད་པ་ནུབ་ཕྱོགས་མངའ་དབང་བྱེད༔ བྱང་དུ་གཡུ་ཡི་ཁང་བཟང་དབུས༔ ཨིནྡྲ་ནཱི་ལའི་ཁྲི་སྟེང་དུ༔ མ་ཧཱ་དེ་ཝ་ལྗང་གསལ་མཛེས༔ གཡས་ན་སྣ་ཚོགས་རྡོ་རྗེ་དང་༔ གཡོན་པས་ཡིད་བཞིན་ནོར་བུ་ནི༔ ཕ་རོལ་དཔུང་འཇོམས་ལྗང་སྔོན་བསྣམས༔ བྱང་ཕྱོགས་སྲིད་པར་མངའ་དབང་བསྒྱུར༔ ཀུན་ཀྱང་བག་དྲོ་ལྷུན་ཆགས་པ༔ ཞི་མ་ཁྲོ་འཛུམ་འོད་ཕུང་འབར༔ རང་རང་རིགས་ཀྱི་ཡུམ་རྣམས་ནི༔ ཁ་དོག་ཡབ་དང་མཚུངས་པ་ལ༔ འགུགས་འཆིངས་རྨོངས་མྱོས་ཕྱག་རྒྱ་དང་༔ གཡོན་རྣམས་རོ་བརྒྱའི་ཞལ་ཟས ཐོགས༔ མཚམས་བཞིར་སྤྲུལ་པའི་དབང་ཕྱུག་ནི༔ སྨུག་འཛིན་དཀར་པོ་འབྲུག་ལ་ཞོན༔ ཕྱག་གཡས་བེ་ཅོན་གཡོན་ནེའུ་ལེ༔ ཛམ་ལྷ་སེར་པོ་ནོར་བུ་ཐོགས༔ གཡོན་པས་ནོར་སྐྱག་ནེའུ་ལེ་འཛིན༔ ཛམ་དམར་ཞལ་གསུམ་ཕྱག་དྲུག་པ༔ གཡས་ཞལ་དཀར་ལ་གཡོན་ཞལ་སྔོ༔ གཡས་གཉིས་ལྕགས་ཀྱུ་གྲི་གུག་དང་༔ གཡོན་གཉིས་ཞགས་པ་ལྕགས་སྒྲོག་འཛིན༔ T11608 - 339 མཐའ་གཉིས་ནོར་གཞོང་ནེའུ་ལེ་བསྣམས༔ ཛམ་ནག་ཞལ་གཅིག་ཕྱག་གཉིས་པ༔ ཕྱག་གཡས་ཐོད་ཁྲག་གཡོན་ནེའུ་ལེ༔ ཀུན་ཀྱང་རིན་ཆེན་རྒྱན་གྱིས་སྤྲས༔ ཞབས་གཉིས་གྱད་ཀྱི་འདོར་སྟབས་བསྒྲད༔ གཟུགས་ཐུང་གཟི་བརྗིད་རབ་ཏུ་འབར༔ ཞི་མ་ཁྲོ་འཛུམ་སྤྱན་གསུམ་པ༔ སྒོ་བཞིར་ཆོས་སྐྱོང་རྒྱལ་ཆེན་བཞི༔ གོ་ཁྲབ་རྨོག་གསོལ་བསེ་ཕུབ་འཆང་༔ དཀར་སྔོ་དམར་དང་སེར་བའི་མདོག༔ རང་རྟགས་ཕྱག་མཚན་སྣ་ཚོགས་བསྣམས༔ སྣང་སྲིད་ཟིལ་གྱིས་གནོན་པར་བསྐྱེད༔ དེ་ལྟར་གསལ་བའི་ལྷ་རྣམས་ཀྱི༔ སྤྱི་བོར་ཨོཾ་དང་མགྲིན་པར་ཨཱཿ ཐུགས་སྲོག་ཧཱུྃ་གི་ཁོང་གསེང་དུ༔ རང་རང་རིགས་ཀྱི་སྲོག་ཡིག་ལས༔ འོད་ཟེར་དཀར་དམར་མཐིང་གསུམ་འཕྲོས༔ གར་བཞུགས་དག་པའི་ཕོ་བྲང་ནས༔ ལྷ་དབང་འདོད་རྒྱལ་གཙོ་འཁོར་བཅས༔ ཁ་བ་བུ་ཡུག་འཚུབས་པ་བཞིན༔ སྤྱན་དྲངས་གཉིས་སུ་མེད་པར་གྱུར༔ དེ་ནས་སྤྱན་འདྲེན་བྱ་བ་ནི༔ ཧཱུྃ་ཧྲཱིཿ ཀུན་ཁྱབ་བརྡལ་བ་དག་པའི་ཞིང་༔ ལྷུན་གྲུབ་རང་གསལ་ཕོ་བྲང་དབུས༔ པདྨ་རཱ་གའི་ཁྲི་སྟེང་ནས༔ ལྷ་དབང་འདོད་པའི་རྒྱལ་པོ་དང་༔ དགྱེས་བསྐྱེད་ཨུ་མ་གནམ་སྨན་ཡུམ༔ སྒྲུབ་པ་པོ་ཡིས་འབོད་ལགས་ཀྱི༔ ཁྲོཾ།༔ མ་ཐོགས་གནས་འདིར་གཤེགས་སུ་གསོལ༔ བླ་རྡོ་དག་ལ་བརྟེན་བཅས་ནས༔ ཕྲིན་ལས་ལྷུན་གྱིས་གྲུབ་པར་མཛོད༔ ཧཱུྃ་ཧྲཱིཿ ལྷུན་གྲུབ་འགྱུར་བ་མེད་པའི་གནས༔ རང་བྱུང་རཏྣའི་གཞལ་ཡས་ཁང་༔ མཛེས་པ་ལྷ་ཡི་ད་ལ་ནས༔ སྲིད་པ་དུས་བཞིའི་རྒྱལ་མོ་བཞི༔ རང་རང་རིགས་ཀྱི་འཁོར་དང་བཅས༔ སྒྲུབ་པའི་གནས་འདིར གཤེགས་སུ་གསོལ༔ དམ་ཚིག་རྟེན་ལ་བརྟེན་བཅས་ནས༔ དངོས་གྲུབ་བསྒྲུབ་པའི་ཕོ་ཉ་མཛོད༔ ཧཱུྃ་ཧྲཱིཿ འདོད་ཁམས་གཟུགས་ཁམས་གཟུགས་མེད་ཁམས༔ འདུད་ཅིང་དབང་བསྒྱུར་ཕོ་བྲང་ནས༔ མ་ཧཱ་དེ་ཝ་མཆེད་ལྔ་དང་༔ འདོད་འབྱུང་གཏེར་གྱི་གཞལ་ཡས་ནས༔ ནོར་གཏེར་ཛམ་ལྷ་རིགས་བཞི་དང་༔ རང་རང་རིགས་ཀྱི་གཡོག་འཁོར་བཅས༔ སྒྲུབ་པ་པོ་ཡིས་འབོད་ལགས་ན༔ མ་ཐོགས་མྱུར་དུ་གཤེགས་སུ་གསོལ༔ སྒྲུབ་རྫས་རྟེན་ལ་བརྟེན་བཅས་ཏེ༔ འདོད་རྒུའི་ཆར་ཆེན་དབབ་ཏུ་གསོལ༔ ཧཱུྃ་ཧྲཱིཿ སུམ་ཅུ་རྩ་གསུམ་ལྷ་ཡུལ་ན༔ སྨོན་ལམ་སྟོབས་ཀྱིས་བསྟན་སྲུང་བ༔ རྒྱལ་ཆེན་སྡེ་བཞི་གཡོག་འཁོར་བཅས༔ སྒྲུབ་པ་པོ་ཡིས་འབོད་ལགས་ན༔ མ་ཐོགས་མྱུར་དུ་གཤེགས་སུ་གསོལ༔ དམ་ཚིག་རྟེན TI1608 - 341 ལ་བརྟན་བཞུགས་ནས༔ མཐའ་དམག་དུས་འཁྲུག་བཟློག་པ་དང་༔ ཕྲིན་ལས་བསྒྲུབ་པའི་ཕོ་ཉ་མཛོད༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཛཿ ཧཱུྃ་བཾ་ཧོཿ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ དགོས་འདོད་ཀུན་འབྱུང་རཏྣའི་གཏེར༔ བླ་རྡོ་སྲོག་འཁོར་བརྟེན་རྫས་ལ༔ ལྷ་དབང་འདོད་པའི་རྒྱལ་པོ་ནི༔ འཁོར་དང་བཅས་པ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ་ཧྲཱིཿ འཇིག་རྟེན་ཁམས་ལ་དབང་བསྒྱུར་བའི༔ ལྷ་དབང་འདོད་རྒྱལ་གཙོ་འཁོར་བཅས༔ བསྟན་པ་བསྲུང་བའི་ཕོ་ཉ་ལ༔ ལྷ་ཕྱག་འཚལ་ལོ་བརྩེ་བས་སྐྱོངས༔ ན་མོ་ན་མ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ་ཧྲཱིཿ ལྷ་ཡི་དབང་ཕྱུག་ལྷའི་བླ་མ༔ དྲང་སྲོང་འདོད་པའི་རྒྱལ་པོ་དང་༔ དགྱེས་བསྐྱེད་ཨུ་མ་ཡུམ་འཁོར་བཅས༔ ཐུགས་དམ་བསྐང་ཕྱིར་མཆོད་སྤྲིན་ནི༔ ལྷ་རྫས་ཀུན་ཚང་ཨརྒྷཾ་དང་༔ མཛེས་པའི་ཀུ་མུད་འདབ་འབྲས་ལྡན༔ དྲི་ཞིམ་ངད་ལྡན་བདུག་པ་སྤོས༔ གསལ་བྱེད་དབང་གི་སྒྲོན་མེ་དང་༔ བདེ་བའི་དྲི་ཆབ་ཟིལ་མངར་ལྡན༔ རོ་ལྡན་ཞལ་ཟས་རི་ལྟར་སྤུངས༔ རྐང་གླིང་ཐོད་རྔ་སྙན་པའི་སྒྲས༔ གསོལ་ལོ་མཆོད་དོ་ཐུགས་དམ་བསྐང་༔ མཛེས་པའི་གཟུགས་འཛིན་ཨ་དཪྴ༔ སྙན་པའི་གྲགས ཁྲོཾ།ཿ སྟོང་ཏམྦུ་ར༔ ཞིམ་མངར་དྲི་ཆབ་གནྡྷེ་གན༔ རོ་ལྡན་དགྱེས་བསྐང་ར་ས་ཡན༔ ལྷ་རྫས་རེག་བྱ་པཉྩ་ལི༔ མཁའ་དབྱིངས་རྣམ་པར་དག་པ་ཡིས༔ གསོལ་ལོ་མཆོད་དོ་ཐུགས་དམ་བསྐང་༔ རྩ་བརྒྱད་སྟོང་ལ་སྦྱར་བའི་སྨན༔ ཆགས་པ་བསྒྲལ་བའི་རཀྟ་དང་༔ འདོད་འབྱུང་དཔལ་གྱི་གཏོར་ཆེན་པོ༔ དཔའ་བོ་ཡབ་ཡུམ་སྦྱོར་བའི་སྐྱེམས༔ དུག་ལྔ་དུག་གསུམ་རཱུ་ཏྲ་ཀུན༔ བསྒྲལ་བའི་ཤ་ཁྲག་སྐྱེམས་ཕུད་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ ཛ་གད་ཇ་ཆང་སྐྱེམས་ཕུད་དང་༔ རིན་ཆེན་སྣ་ལྔའི་ཕྱེ་མར་དང་༔༷ དར་ཟབ་གོས་ཀྱི་རིགས་བྱེད་དང་༔ འབྲུ་སྨན་རྣམ་པ་སྣ་ཚོགས་སོགས༔ མཆོད་པའི་ཡོ་བྱད་བསམ་ཡས་པས༔ གསོལ་ལོ་མཆོད་དོ་ཐུགས་དམ་བསྐང་༔ ཤ་རྐྱང་མ་ཧེ་འདོད་འཇོའི་བ༔ སྟག་སེང་དོམ་དྲེད་གཟིག་སྤྱང་འཕར༔ བསེ་རུ་རྣ་རྒོ་རུ་རུ་ཎ༔ ཁྱུང་ཆེན་རྨ་བྱ་དེ་ཕོ་དང་༔ འབྲུག་སྦྲུལ་ཆུ་གནས་རིགས་བྱེད་ཀྱིས༔ གསོལ་ལོ་མཆོད་དོ་ཐུགས་དམ་བསྐང་༔ བཙན་པའི་གོ་དང་སྲ་བའི་གོས༔ རྣོ་ངར་མཚོན་ཆ་སྣ་ཚོགས་དང་༔ གསེར་དངུལ་རིན་པོ་ཆེ་ཡི་རིགས༔ འདོད་ཡོན་ནམ་མཁའི་མཛོད་ཆེན་པོས༔ གསོལ་ལོ་མཆོད་དོ་ ཐུགས་དམ་བསྐང་༔༷ དགྱེས་པར་བསྐང་བའི་བྱིན་རླབས་ཀྱིས༔ འདོད་རྒུའི་ཆར་ཆེན་དབབ་ཏུ་གསོལ༔ ཨོཾ་མ་ཧཱ་དཱེ་ཝ་ཨུ་མ་དཱེ་ཝི་སརྦ་ས་པ་རི་ཝཱ་ར་མ་ཧཱ་ཨརྒྷཾ་པཱདྱཾ་སོགས་ཤཔྡ་རཱུ་པ་སོགས་སྤཪྴ་དྷརྨ་པཉྩ་རཀྟ་བ་ལིཾ་ཏ་ཏ་ན་ག་ཎ་མ་ཧཱ་པཉྩ་པཱུ་ཛ་ཨེ་དཾ་རཏྣ་ཁ་ཁ་ཁཱ་ཧི་ཁཱ་ཧི༔ དེ་ནས་བསྟོད་པ་བྱ་བ་ནི༔ ཧཱུྃ་ཧྲཱིཿ ཁམས་གསུམ་ཀུན་ལ་དབང་བསྒྱུར་ཞིང་༔ ལྷ་དབང་དྲང་སྲོང་ལྷའི་བླ་མ༔ འདོད་པའི་རྒྱལ་པོ་ཡེ་ཤེས་སྐུའི༔ ཡོན་ཏན་རྨད་བྱུང་དྲན་པས་བསྟོད༔ དགྱེས་བསྐྱེད་ནམ་མཁའ་དབང་ཕྱུག་མ༔ ལྷ་ཀླུ་དྲང་སྲོང་འཁོར་གྱིས་འདུད༔ དགྱེས་ཆགས་དགའ་བདེའི་ཉམས་འགྱུར་ཅན༔ ཨུ་མ་ཡུམ་ལ་ཕྱག་འཚལ་བསྟོད༔ འབྱུང་བ་བཞི་ལ་དབང་བསྒྱུར་ཞིང་༔ ཕན་དང་བདེ་བའི་དཔལ་སྤེལ་མ༔ སྲིད་པ་དུས་བཞིའི་དབང་མོ་ཆེ༔ འགུགས་འཆིང་སྡོམ་མྱོས་མ་བཞིར་བསྟོད༔ ཁམས་གསུམ་སྲིད་པའི་སྲོག་བདག་པོ༔ མ་ཧཱ་དེ་ཝ་མཆེད་ལྔ་དང་༔ དགྱེས་བསྐྱེད་ཨུ་མ་ཡུམ་བཅས་ལ༔ གུས་པས་བཏུད་དེ་ཕྱག འཚལ་བསྟོད༔ ཟས་ནོར་ལོངས་སྤྱོད་ནོར་གྱི་བདག༔ སྒྲུབ་པ་པོ་ཡི་བསམ་པའི་དོན༔ གེགས་མེད་སྩོལ་མཛད་དམ་ཚིག་ཅན༔ ཛམ་ལྷ་རིགས་བཞིར་ཕྱག་འཚལ་བསྟོད༔ དགའ་ན་ ཟོཾ།༔ གདོད་མའི་ས་ལ་སྦྱོར༔ ཁྲོས་ཚེ་སྲིད་གསུམ་རྨང་ནས་བཤིག༔ འཁོར་འདས་ཡོངས་ཀྱི་བྱེད་པ་པོ༔ མ་ཧཱ་དཱེ་ཝ་ཁྱོད་ལ་བསྟོད༔ སྒྲུབ་པའི་ཉམས་རྟོགས ཡོན་ཏན་བསྐྱེད༔ སྨོན་པའི་རེ་འབྲས་གེགས་མེད་སྩོལ༔ ཡིད་བཞིན་ནོར་བུ་ལྷ་ཆེན་པོ༔ འཁོར་དང་བཅས་ལ་ཕྱག་འཚལ་བསྟོད༔ བདག་རྨོངས་འཁྲུལ་པའི་དབང་གྱུར་ཏེ༔ ལྷ་ཁྱོད་ཐུགས་དང་འགལ་བའི་ལས༔ ཅི་བགྱིས་འགྱོད་སེམས་དྲག་པོས་བཤགས༔ དག་ཅིང་སོར་ཆུད་དངོས་གྲུབ་སྩོལ༔ དེ་ནས་འཛབ་ཀྱི་འཁྲུལ་འཁོར་ནི༔ དབང་ཕྱུག་མ་ཧཱ་དཱེ་ཝའི་ཐུགས་ཀར་ཡིད་བཞིན་གྱི་ནོར་བུ་འོད་འབར་བའི་ཁོང་གསེང་དུ་ཟླ་བའི་དལ་སྟེང་དུ་ཧྲཱིཿཡིག་དམར་པོ་འོད་འབར་བ་ལ་རྩ་བའི་སྔགས་ཀྱིས་བསྐོར་བར་བསྒོམ༔ ཡུམ་གྱི་ཐུགས་ཀར་པདྨའི་དལ་སྟེང་དུ་སྲོག་ཡིག་ཧྲཱིཿབཾཿ ལ་སྔགས་ཀྱིས་གཡོན་དུ་འཁོར་བར་བསྒོམ༔ འཁོར་རྣམས་ཀྱི་ཐུགས་ཀར་རང་རང་རིགས་ཀྱི་སྲོག་ཡིག་གི་མཐར་རྩ་བའི་སྔགས་ཀྱིས་བསྐོར་བར་བསྒོམ༔ བཟླས་པ་ཙམ་གྱིས་ཁོང་རྣམས་ལ་དམ་ཚིག་གཉན་པོའི་སྲོག་ཐོབ་ནས་བདག་སྒྲུབ་པ་པོའི་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པར་བསམ༔ ཁྱད་པར་དུ་འཁོར་འདས་བརྟན་གཡོའི་ཁམས་ཀྱི་ ཟས་ནོར་ལོངས་སྤྱོད་འདོད་རྒུའི་ཆར་ཆེན་པོ་བབ་ནས་སྒྲུབ་པ་པོའི་གནས་ཁང་བང་མཛོད་ཐམས་ཅད་མེར་མེར་ཏིང་ཏིང་གང་བར་བསམ་ལ༔ ཨོཾ་མ་ཧཱ་དཱེ་ཝ་ཨ་པ་ར་ཙིཏྟ་ཨ་ནྲྀ་ཏྲི་ཨ་ཀཪྵ་ཡ བསྡུས་བསྡུས་སིདྡྷི་ཕ་ལ་ཧཱུྃ༔ ཡབ་སྔགས་འབུམ་ཐེར་གཅིག་ཏུ་བཟླ༔ ཨོཾ་ཛྙཱ་ན་ཨུ་མ་དཱེ་ཝི་སརྦ་རཏྣ་བ་སུ་ཁ་དྷེ་སིདྡྷི་ཕ་ལ་བྷྲཾ ཡུམ་སྔགས་ཁྲི་ཕྲག་ལྔ་རུ་བཟླ༔ ཨོཾ་ཛྙཱ་ན་དཱེ་ཝི་ཧ་རི་ནི་ས་སརྦ་སིདྡྷི་བསྡུས་བསྡུས་པཱ་ཤཾ་ཀུ་རུ་སྟྭཾ༔ སྔགས་ཀྱི་གྲངས་ཚད་ཁྲི་ཕྲག་གསུམ༔ ཨོཾ་བུདྡྷ་བཛྲ་རཏྣ་པདྨ་ཀརྨ་མ་ཧཱ་དཱེ་ཝ་སརྦ་སིདྡྷི་བསྡུས་བསྡུས་པཱ་ཤཾ་ཀུ་རུ་སྟྭཾ༔ འཁོར་སྔགས་ཁྲི་ཕྲག་གསུམ་གྱིས་བསྒྲུབ༔ ཨོཾ་ཨཱཪྻ ཛམ་བྷ་ལ་ཧ་རི་ནི་ས་