Tibetan
མཐར༔ འཕགས་མ་ལྷ་མོ་ཉེར་གཅིག་འཁོར་དང་བཅས་པའི་སྐུ་གསུང་ཐུགས་ཡོན་ཏན་ཕྲིན _UNK་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འཆང་བ་པོའི་ལུས་ངག་ཡིད་གསུམ་ལ་འཕོས་ནས་སྒོ་གསུམ་རྡོ་རྗེ་གསུམ་གྱི་རང་བཞིན་དུ་འཕོས་ཤིང་སྨིན་ཅིང་གྲོལ་བར་མཛད་དུ་གསོལ༔ སྤེལ་ཚིག་ཡང་ཡང་བྲི༔ དེའི་ཕྱི་རིམ་འཇའ་རིས་ཟླུམ་པོས་བསྐོར༔ དེའི་ཕྱི་རིམ་ཕྱོགས་བཞིར་ལྕགས་ཀྱུ་བཞི༔ མཚམས་བཞིར་ཞགས་པ་བཞི་བྲིས༔ བར་མཚམས་སུ་བཀྲ་ཤིས་རྫས་རྟགས་རྣམས་ཀྱིས་བསྐོར༔ རྫས་ལ་བདུད་རྩི་ཆོས་སྨན་བཟང་དྲུག་བྱུག༔ སྒྲུབ་རྟེན་ལ་འཛུག་རབ་གནས་ནན་དུ་བྱ༔ སྒྲུབ་ཚེ་རྟེན་དང་བརྟེན་པའི་འཁོར་ལོར་བསྐྱེད༔ མགུལ་དུ་བཏགས་པས་མཆོག་ཐུན་དངོས་གྲུབ་ཐོབ༔ ཉམས་དང་རྟོགས་པའི་ཡོན་ཏན་གོང་འཕེལ་ནས༔ ཀུན་ཏུ་འོད་ཀྱི་ས་རུ་གྲོལ་ཐོབ་བྱེད༔ ས་མ་ཡ༔ གཏེར་རྒྱ༔ སྦས་རྒྱ༔ གཏད་རྒྱ༔ ༔ ཞེས་པ་འདི་རྣལ་འབྱོར་པ་ཨོ་རྒྱན་རང་ཤར་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་མཁྱེན་རབ་རྒྱ་མཚོས་བགྱིས་པ་ཡོངས་སུ་དགེ་བར་གྱུར་ཅིག །དགེའོ། །དགེའོ། །ལེགས་སོ། །སརྦ་མངྒ་ལཾ།། T11607 - 594 ཨོཾ། མཁའ་འགྲོ་གསང་བའི་གབ་ཐིག་ལས༔ མཁའ་འགྲོ་ཡེ་ཤེས་མཚོ་རྒྱལ་གྱི་དབང་ཆོག་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གྷཀྲརྨནྟགྷ མཁའ་འགྲོའི་དབང་ཆོག་ཟབ་མོ་ལ༔ བུམ་པ་མཚན་ལྡན་སྐུ་ཡི་རྟེན༔ བྷནྡྷ་བདུད་རྩི་གསུང་གི་རྟེན༔ རྨ་བྱ་མེ་ལོང་ཐུགས་ཀྱི་རྟེན༔ འཇའ་ཤེལ་གསལ་བ་བཞི་པའི་དབང་༔ ཚུལ་བཞིན་དཀྱིལ་འཁོར་མཚན་ལྡན་དུ༔ བཀོད་ཅིང་སྒྲུབ་པའི་གཞུང་དུ་འཇུག༔ བསྙེན་དང་སྒྲུབ་པ་ལས་སྦྱོར་བསྐྱར༔ དེ་མཐར་སློབ་མ་གྲལ་དུ་འཁོད༔ ཁྲུས་བྱ་བགེགས་བསྐྲད་སྲུང་འཁོར་བསྒོམ༔ སྐྱབས་སེམས་ཕོག་ནས་མཎྜལ་འབུལ༔ དེ་ལ་གསོལ་བ་གདབ་པ་ལ༔ ཀྱེེ༔ དུས་གསུམ་རྒྱལ་བ་ཐམས་ཅད་ཀྱི༔ སྤྱི་གཟུགས་བླ་མ་མཆོག་ཁྱེད་ཀྱི༔ བདག་ཅག་སྐལ་ལྡན་བུ་རྣམས་ལ༔ ཡེ་ཤེས་མཁའ་འགྲོའི་དབང་བསྐུར་སྩོལ༔ ལན་གསུམ་མཐར༔ སློབ་དཔོན་གྱིས༔ ཀྱེེ་ཧོ་སྐལ་ལྡན་རིགས་ཀྱི་བུ༔ ཐར་པ་དོན་དུ་གཉེར་འདོད་ཅིང་༔ སྒྲུབ་པ་ལྷུར་ལེན་བྱེད་ནུས་ན༔ དབང་མཆོག་ཟབ་མོ་བསྐུར་བགྱིའོ༔ ཨོ་མ་ཧཱ་ཤུ་ནྱ་ཏཱ་སོགས་ཀོཉ་ཧཾ༔ དེས་སློབ་མའི་སྒོ་གསུམ་སྟོང་པར་སྦྱངས༔ གཟུང་བ་དང་འཛིན་པས་བསྡུས་པའི་ཆོས་ཐམས་ཅད་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་སོགས༔ གཞུང་གི་ལྷ་བསྐྱེད་ཀྱིས་སློབ་མ་ལྷར་གསལ༔ སྤྱན་འདྲེན་གྱིས་ཡེ་ཤེས་པ་དབབ་བསྟིམ་བྱ༔ ཏིཥྛ་བཛྲ་གྱིས་བརྟན་པར་བྱ༔ རིག་པའི་མེ་ཏོག་འབུལ་བ་ལ༔ ཧཱུྃ༔ སྔོན་ནས་ལས་འབྲེལ་གང་ཡིན་གྱི༔ ལྷག་པའི་ལྷ་ལ་དབབ་པར་ཤོག༔ པུཥྤེ་པྲ་ཏཱིཙྪ་ཡེ་སྭཱ་ཧཱས་མེ་ཏོག་འཐོར༔ དེ་ནས་མིག་དར་བསལ་བ ནི༔ ཧོཿ ཡེ་ཤེས་སྣང་བ་སྒྲིབ་བྱེད་ཀྱི༔ མ་རིག་ལིང་ཐོག་དྲི་མ་བསལ༔ ཛྙ་ན་ཙཀྵུ་པྲ་ཝེ་ཤ་ཡ་ཕཊ༔ཀྱིས་བསལ་ཏེ༔ རང་སྣང་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་མངོན་དུ་གྱུར་པར་བསམ་ལ༔ དེ་ནས་བུམ་པ་ཐོགས་ཏེ༔ བུམ་པ་ཆོས་དབྱིངས་བརྡལ་ཁྱབ་ཀློང་༔ ཡེ་ཤེས་མཁའ་འགྲོའི་དཀྱིལ་འཁོར་རྫོགས༔ སྐལ་ལྡན་བུ་ལ་དབང་བསྐུར་བས༔ ལུས་དང་རྩ་ཡི་སྒྲིབ་པ་དག༔ བུམ་པ་སྐུ་ཡི་དབང་ཐོབ་སྟེ༔ སྤྲུལ་པའི་སྐུ་རུ་སྨིན་གྲོལ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཡེ་ཤེས་མཚོ་རྒྱལ་གྱི་སྐུ་གཏད་ལ༔ ཧོཿ ཆོས་སྐུའི་ཞིང་ན་ཀུན་བཟང་མོ༔ ལོངས་སྐུའི་ཞིང་ན་ཝ་ར་ཧི༔ སྤྲུལ་སྐུ་ཡེ་ཤེས་མཚོ་རྒྱལ་མས༔ སྐལ་ལྡན་བུ་ལ་དབང་བསྐུར་རོ༔ སྐུ་གསུམ་ཡེ་ཤེས་མཁའ་འགྲོ་ཡི༔ སྐུ་གསུང་ཐུགས་ཡོན་ཕྲིན་ལས་ཀྱི༔ དབང་མཆོག་ཡོངས་སུ་རྫོགས་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་རྡོ་རྗེ་མཁའ་འགྲོའི་སྐུ་གཏད་ལ༔ ཧོཿ དུས་གསུམ་རྒྱལ་བའི་ ་༩། ཐུགས་གསང་མཛོད༔ རྡོ་རྗེ་མཁའ་འགྲོས་དབང་བསྐུར་རོ༔ མེ་ལོང་ལྟ་བུའི་ཡེ་ཤེས་ཀྱི༔ ཆོས་ཉིད་རང་ཞལ་མངོན་གྱུར་ཤོག༔ ཧ་བཛྲ་ཌཱ་ཀི་ནཱི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རཏྣ་མཁའ་འགྲོའི་སྐུ་གཏད་ལ༔ ཧོཿ རྒྱལ་བ་ཀུན་གྱི་ཡོན་ཏན་གཏེར༔ རཏྣ་མཁའ་འགྲོས་དབང་བསྐུར་རོ༔ མཉམ་པ་ཉིད་ཀྱི་ཡེ་ཤེས་ཀྱི༔ འཁོར་འདས་དག་མཉམ་གདིང་ཐོབ་ཤོག༔ རི་རཏྣ་ཌཱ་ཀི་ནཱི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་པདྨ་མཁའ་འགྲོའི་སྐུ་གཏད་ལ༔ ཧོཿ རྒྱལ་ཀུན་གསུང་གསང་འདུས་པ་སྟེ༔ པདྨ་མཁའ་འགྲོས་དབང་བསྐུར་རོ༔ སོ་སོར་རྟོག་པའི་ཡེ་ཤེས་ཀྱི༔ ཀུན་མཁྱེན་ཀུན་གཟིགས་དབང་ཐོབ་ཤོག༔ ནི་པདྨ་ཌཱ་ཀི་ནཱི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཀརྨ་མཁའ་འགྲོའི་སྐུ་གཏད་ལ༔ ཧོཿ རྒྱལ་ཀུན་ཕྲིན་ལས་མངའ་མཛད་མ༔ ཀརྨ་མཁའ་འགྲོས་དབང་བསྐུར་རོ༔ བྱ་བ་གྲུབ་པའི་ཡེ་ཤེས་ཀྱི༔ རབ་འབྱམས་ཕྲིན་ལས་དབང་ཐོབ་ཤོག༔ ས་ཀརྨ་ཌཱ་ཀི་ནཱི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་བྷནྡྷ་བདུད་རྩི་ཐོགས་ལ༔ ཧོཿ ལྷུན་གྲུབ་དབྱིངས་ཀྱི་བྷནྡྷ་རུ༔ མཁའ་འགྲོའི་གསུང་གསང་བདུད་རྩི་བསྐྱིལ༔ སྐལ་ལྡན་ཁྱོད་ཀྱི་ངག་ཏུ་བླུད༔ ངག་སྒྲིབ་དག་ནས་གསུང་དབང་ཐོབ༔ ལོངས་སྤྱོད་རྫོགས་སྐུར་སྨིན་ གྲོལ་ཤོག༔ རྩ་སྔགས་མཐར༔ ཝཱཀ་ཨ་བྷི་ཥིཉྩ་ཨཱཿ དེ་ནས་མེ་ལོང་ཐོགས་ལ༔ ཧོཿ ཀ་དག་མེ་ལོང་གཙང་མའི་ངོར༔ ཡེ་ཤེས་གསལ་བའི་ཐིག་ལེར་ཤར༔ སྐལ་ལྡན་བུ་ལ་དབང་བསྐུར་བས༔ ཡིད་སྒྲིབ་དག་ནས་ཤེར་དབང་ཐོབ༔ ཆོས་ཀྱི་སྐུ་རུ་སྨིན་གྲོལ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཤེལ་རྡོ་ཐོགས་ལ༔ ཧོཿ ཆོས་དབྱིངས་རྣམ་དག་མཁའ་ཀློང་དུ༔ སྐུ་དང་ཡེ་ཤེས་འོད་ཐིག་གསལ༔ ལྷུན་གྲུབ་འཇའ་ཤེལ་འདི་གཏད་པས༔ སྒྲིབ་གཉིས་བག་ཆགས་ཀུན་དག་ནས༔ ཀ་དག་ཚིག་དབང་ཐོབ་ནས་ཀྱང་༔ ངོ་བོ་ཉིད་སྐུར་སྨིན་གྲོལ་ཤོག༔ རྩ་སྔགས་མཐར༔ སརྦ་ཨ་བྷི་ཥིཉྩ་ཧཱུཾ༔ དེ་ནས་གཏོར་མ་ཐོགས་ལ༔ ཧོཿ སྣང་བ་སྣོད་ཀྱི་གཞོང་པ་རུ༔ སྲིད་པ་དག་མཉམ་གཏོར་མ་བཤམས༔ ཡེ་ཤེས་མཁའ་འགྲོའི་དཀྱིལ་འཁོར་རྫོགས༔ སྐལ་ལྡན་བུ་ལ་དབང་བསྐུར་བས༔ རྟེན་དང་བརྟེན་པའི་དཀྱིལ་འཁོར་ལ༔ དབང་བསྒྱུར་དབང་མཆོག་ཐོབ་པར་ཤོག༔ རྩ་སྔགས་མཐར༔ མཎྜ་ལ་གུ་ཧྱ་ཨ་བྷི་ཥིཉྩ་ཧཱུྃ༔ མེ་ཏོག་འཐོར་ཞིང་ཤིས་པ་བརྗོད༔ དེ་མཐར་བསྔོ་སྨོན་རྒྱ་ཡིས་བཏབ༔ དེ་ལྟར་རྩ་དབང་ཟབ་མོ་ནི༔ ཐོབ་ཅིང་སྒྲུབ་པའི་སྒོར་འཇུག་པའི༔ ལས་དང་སྐལ་ལྡན་སྐྱེས་བུ་རྣམས༔ བསྐྱེད་དང་རྫོགས་པའི་གདིང་ལྡན་ན༔ ཚེ་འདིར་རིག་འཛིན་ས་ཐོབ་འགྱུར༔ ས་མ་ཡ༔ ཨོཾ། རྒྱ་རྒྱ་རྒྱ༔ གུ་ཧྱ༔ ཞེས་པ་འདི་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་བསྐུལ་ངོར་རིག་འཛིན་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་གསང་མཛོད་ལས་བསྒྱུར་བའི་ཡི་གེ་པ་ནི་ཀློང་ཆེན་ནོ།། ད དགེའོ། །དགེའོ། །དགེའོ།། ། །།། ༝ དབང་595གསུམ་མོ། T11607 - 599 T11607 - 600 ཨོཾ། མཁའ་འགྲོ་གསང་བའི་གབ་ཐིག་ལས༔ ཡེ་ཤེས་མཁའ་འགྲོའི་གསོལ་འདེབས་དབང་གི་བུམ་བཟང་བཞུགས་སོ༔ ་ཨོཾ། ན་མོ་གུ་རུ་པདྨ་ཀ་ར་ཡེ༔ ཧསྣ་ཿལཿ ཡེ་ཤེས་མཁའ་འགྲོ་བསྒྲུབ་པ་ཡི༔ ལས་དང་སྐལ་ལྡན་སྐྱེས་བུ་རྣམས༔ དང་པོ་སྒོ་གསུམ་བྱིན་རླབས་ཕྱིར༔ རྣམ་གསུམ་དད་པས་གསོལ་འདེབས་ལ༔ ན་མོ༔ ཀ་དག་ཆོས་སྐུའི་བླ་མ་ཀུན་ཏུ་བཟང་༔ ལྷུན་གྲུབ་ལོངས་སྐུ རིགས་ལྔ་གངས་ཆེན་མཚོ༔ སྤྲུལ་པའི་སྐུ་མཆོག་དགའ་རབ་རྡོ་རྗེ་ལ༔ གསོལ་བ་འདེབས་སོ་བདག་རྒྱུད་སྨིན་གྲོལ་མཛོད༔ ཤྲཱི་སེངྷ་པདྨ་ཀ་ར་དང་༔ ཡེ་ཤེས་མཚོ་རྒྱལ་འབྲོག་བན་ཁྱེའུ་ཆུང་༔ སྤྲུལ་པའི་རྗེ་འབངས་གྲོགས་དང་བཅས་པ་ལ༔ གསོལ་བ་འདེབས་སོ་བདག་རྒྱུད་སྨིན་གྲོལ་མཛོད༔ བཀའ་གཏེར་ལུང་དང་མན་ངག་བསྟན་བཅོས་ཀྱི༔ བརྒྱུད་ལྡན་བླ་མ་རྣམས་ལ་གསོལ་བ་འདེབས༔ བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས༔ ཆོས་སྐུ་ཡུམ་ཆེན་ལོངས་སྐུ་དབྱིངས་ལྔའི་ཡུམ༔ སྤྲུལ་སྐུ་འབུམ་ཕྲག་མཁའ་འགྲོའི་ཚོགས་རྣམས་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ ལུས་ལ་འགྱུར་མེད་སྐུ་ཡི་བྱིན་གྱིས་རློབས༔ ངག་ལ་འགགས་མེད་གསུང་གི་བྱིན་གྱིས་རློབས༔ སེམས་ལ་འཁྲུལ་མེད་ཐུགས་ཀྱི་བྱིན གྱིས་རློབས༔ ཡོན་ཏན་ཕུན་སུམ་ཚོགས་པར་བྱིན་གྱིས་རློབས༔ ཕྲིན་ལས་འགྲོ་བ་འདྲེན་པའི་དཔལ་ཐོབ་ཤོག༔ བཀའ་སྲུང་དྲེགས་པ་ཕོ་མོའི་ཚོགས་རྣམས་ལ༔ གསོལ་བ་འདེབས་སོ་ཕྱི་ནང་བར་ཆད་སོལ༔ སངས་རྒྱས་བསྟན་པའི་མངའ་ཐང་འཕེལ་རྒྱས་ཤིང་༔ བསྟན་དགྲ་མ་ལུས་འཇོམས་པའི་ཕྲིན་ལས་མཛོད༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧོཿ དེ་ལྟར་རྩེ་གཅིག གསོལ་བ་བཏབ་པ་ཡིས༔ རབ་འབྱམས་ཕྲིན་ལས་མ་ལུས་འགྲུབ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་གདན་དྲངས་ཏེ་དག་པར་ཕབ་པའི་ཡི་གེ་པ་ནི་ཀློང་ཆེན་ནོ། །དགེའོ། །ལེགས་སོ། །སརྦ་མངྒ་ལཾ།། །། ཨོཾ། T11607 - 603 ཁོ། ན་མོ་གུ་རུ་པདྨ་ཀ་ར་ཡེ༔ ཀཾ།གཧཱསྦ མ་དག་འཁྲུལ་པའི་སྒོ་གསུམ་པོ༔ དག་པ་ཡེ་ཤེས་རྡོ་རྗེ་ཡི༔ གྲོང་འཕོ་གྲོང་འཇུག་གདམས་པ་ནི༔ ལག་ཏུ་ལེན་པའི་རིམ་པ་ལ༔ སྒྲུབ་གནས་ཉམས་དགའ་སྐྱེད་ཚལ་དུ༔ མཎྜལ་མདའ་གང་གྲུ་བཞི་ལ༔ གཞལ་ཡས་སྒོ་གཅིག་མཚན་ལྡན་བྱ༔ ཡང་ན་ཚོམ་བུའི་དཀྱིལ་འཁོར་རམ༔ རྟེན་གསུམ་གང་ལ་བརྟེན་ཀྱང་རུང་༔ མཆོད་རྫས་གཙང་ཞིང་ཡིད་འོང་བར༔ ལེགས་པར་བཀོད་དེ་སྔོན་འགྲོ་ལ༔ དཀར་ཕྱོགས་དག་ལ་དཀར་གཏོར་དང་༔ ནག་ཕྱོགས་རིགས་ལ་དམར་གཏོར་བཏང་༔ བགེགས་ལ་ངར་མི་ཆངས་བུ་དང་༔ མར་མེ་ཞལ་ཟས་འབྲས་ཆན་དང་༔ ཤ་ཁྲག་རྒྱན་གྱིས་བརྒྱན་པ་བཤམས༔ དང་པོ་སྐྱབས་སུ་འགྲོ་བ་ལ༔ ན་མོ༔ T11607 - 604 རྟཨོཾ། ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་ཕག་མོ་རྣལ་འབྱོར་མ༔ སྤྲུལ་སྐུ་ཡེ་ཤེས་མཚོ་རྒྱལ་ལ༔ རྣམ་གསུམ་དད་པས་སྐྱབས་སུ་མཆི༔ ལན་གསུམ་བརྗོད་ཅིང་སེམས་བསྐྱེད་ལ༔ ཧོཿ མ་གྱུར་མཁའ་མཉམ་སེམས་ཅན་ཀུན༔ རྣམ་མཁྱེན་སངས་རྒྱས་སར་འགོད་ཕྱིར༔ ཡེ་ཤེས་མཁའ་འགྲོ་ཁྱེད་བསྒྲུབ་ནས༔ གོ་འཕང་མཆོག་ལ་བསྒྲོད་པར་བྱ༔ ལན་གསུམ་བརྗོད་ཅིང་སེམས་བསྐྱེད་བྱ༔ དེ་ནས་བགེགས་བསྐྲད་བྱ་བ་ལ༔ ཧཱུྃ༔༷ ང་ནི་ཡེ་ཤེས་མཁའ་འགྲོའི་སྐུ༔ ཉོན་ཅིག་བགེགས་དང་ལོག་འདྲེན་ཚོགས༔ འདོད་རྒུར་འཆར་བའི་གླུད་གཏོར་ཁྱེར༔ འདི་རུ་T11607 - 605 མ་འདུག་གཞན་དུ་སོང་༔ གལ་ཏེ་བཀའ་ལས་འདའ་བྱེད་ན༔ ཡེ་ཤེས་མཚོན་ཐུན་འཁྲུལ་འཁོར་གྱིས༔ མགོ་འགས་ལུས་སེམས་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཨོཾ་སུམ་བྷ་ནི་སོགས ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ དེ་ནས་མཚམས་གཅོད་སྲུང་འཁོར་ནི༔ ཧཱུྃ༔ བདག་ཉིད་ཡེ་ཤེས་མཁའ་འགྲོ་མའི༔ ཆོས་ཉིད་རོལ་པའི་ཆོ་འཕྲུལ་ལས༔ མཚོན་ཆའི་གུར དང་མེ་རླུང་ཆུས༔ ར་བ་སྲ་མཁྲེགས་བརྟན་པར་གྱུར༔ ཙཀྲ་བཛྲ་རཏྣ་པདྨ་ཀརྨ་རཾ་ཡཾ་ཁཾ་རཀྵ་རཀྵ་ཡེ་སྭཱ་ཧཱ༔ དེ་ནས་བརྡ་སྒོ་དབྱེ་བ་ནི༔ ཨཱཿ གདོད་མའི་ཡེ་གཞི་ཆོས་ཀྱི་སྐུ༔ མ་རིག་གཉིས་འཛིན་སྒྲིབ་པས་བསྒྲིབས༔ གཉིས་མེད་མཉམ་པ་ཉིད་དུ་དག༔ སྐུ་དང་ཡེ་ཤེས་འཆར་སྒོ་ཕྱེས༔ བཛྲ་པྲ་ཝེ་ཤ་ཡ་ཕཊ༔ དེ་ནས་བརྡ་ཕྱག་འཚལ་བ་ལ༔ ན་མོ༔ རང་བྱུང་ཡེ་ཤེས་བྱང་ཆུབ་སེམས༔ ལྷུན་གྲུབ་སྒྱུ་འཕྲུལ་རོལ་པའི་དལ༔ སྒྲུབ་རྩོལ་མེད་པར་ངང་གིས་རྫོགས༔ རང་ངོ་རང་ཞལ་མཇལ་ཕྱག་འཚལ༔ ཛྙཱ་ན་ཙཀྲ་མཎྜ་ལ་ན་མོ་ན་མ་ཧོཿ དེ་ནས་བྱིན་ཆེན་དབབ་པ་ལ༔ ཧཱུྃ༔ ཀ་དག་སྤྲོས་བྲལ་ཕོ་བྲང་ནས༔ ཆོས་སྐུའི་མཁའ་འགྲོས་བྱིན་ཕོབ་ཅིག༔ ལྷུན་གྲུབ་བདེ་ཆེན་ཀློང་མཛོད་ནས༔ ལོངས་སྐུའི་མཁའ་འགྲོས་བྱིན་ཆེན་ཕོབ༔ ཕྱོགས་མེད་ དཨོཾ། ཐུགས་རྗེའི་གར་མཁན་མོ༔ སྤྲུལ་སྐུའི་མཁའ་འགྲོས་བྱིན་ཆེན་ཕོབ༔ སྐུ་གསུམ་མཉམ་སྦྱོར་དབྱིངས་སུ་ཡུམ༔ ཡེ་ཤེས་མཚོ་རྒྱལ་བྱིན་ཆེན་ཕོབ༔ ན་མོ་ངྷརྨ་ཀཱ་ཡ༔ སམྦྷོ་ཀཱ་ཡ༔ ནིརྨ་ཀཱ་ཡ༔ ཛྙཱ་ན་ཌཱ་ཀི་ནཱི་ཧ་རི་ནི་ས་བཛྲ་ས་མ་ཡ་ཛ་ཛཿ ཨ་བེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ལ༔ ཨཱཿ སྣང་ཞིང་སྲིད་པའི་ཆོས་རྣམས་ཀུན༔ རང་བཞིན་སྟོང་པ་ཉིད་དུ་ཞིག༔ སྟོང་པའི་ངང་ལས་སྐད་ཅིག་གིས༔ སྒྱུ་མའི་དགའ་སྟོན་འཕྲུལ་བཞིན་དུ༔ ཉེར་སྤྱོད་འདོད་ཡོན་སྨན་གཏོར་རཀ༔ མཆོད་སྤྲིན་ནམ་མཁའ་མཛོད་དུ་སྤེལ༔ ཨོ་ཨཱཿ ཧཱུྃ་ཨརྒྷཾ་སོགས་ནས ཤཔྡ་པྲ་ཏཱིཙྪེ་ཡེ་སྭཱ་ཧཱ༔ རཱུ་པ་སོགས་ངྷརྶ་པྲ་ཏཱིཙྪ་ཡེ་སྭཱ་ཧཱ༔ མ་ཧཱ་སརྦ་པཉྩ་ཨ་མྲྀ་ཏ་ཧཱུྃ་ཥཱ༔ མ་ཧཱ་བ་ལི་ཏ་སྭ་ཧཱ༔ མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧཱི་ཥཱ༔ དེ་ནས་དེ་བཞིན་ཉིད་ཀྱི་ཏིང་ངེ་འཛིན་ནི༔ ཨོཾ༔ གཟུང་དང་འཛིན་པས་བསྡུས་པ་ཡི༔ ཆོས་ཀུན་ཆོས་ཉིད་ཆེན་པོར་ཞིག༔ སྤྲོས་བྲལ་རྣམ་ཐར་གསུམ་ལྡན་མཁའ༔ མ་བཅོས་དེ་བཞིན་ཉིད་དུ་བརྡལ༔ སརྦ་དྷརྨ་ག་ག་ན་ས་མ་ཏི་ཨཱཿ དེ་ནས་ཀུན་ཏུ་སྣང་བའི་ཏིང་ངེ་འཛིན་ནི༔ ཨཱཿ དེ་ལྟར་མ་རྟོགས་སེམས་ཅན་ལ༔ དམིགས་མེད་སྙིང་རྗེ་ཆེན་པོར་བརྡལ༔ ཁྱབ་བརྡལ་ རིག་པ་བྱང་ཆུབ་སེམས༔ ཀུན་ཁྱབ་རང་གསལ་ཀུན་ཏུ་སྣང་༔ བཛྲ་དྷརྨ་ཀཱ་ཡ་ས་མ་ཏི་ཨཱཿ སླར་ཡང་རྒྱུ་ཡི་ཏིང་ངེ་འཛིན་ནི༔ ཧཱུྃ༔ མཁའ་ལས་འཇའ་ཚོན་ཤར་བ་བཞིན༔ རང་རིག་བྃཿ ཡིག་དཀར་དམར་མདངས༔ ཡེ་ཤེས་ལྔ་ཡི་འོད་མདངས་འབར༔ རང་བྱུང་རང་ཤར་ཆེན་པོར་བསྒོམ༔ བྃ་ཙིཏྟ་བཛྲ་ས་མ་ཏི་ཧཱུྃ༔ རྟེན་གཞལ་ཡས་ཁང་བསྐྱེད་པ་ལ༔ ཧཱུྃ༔ བྃ་ལས་འོད་དང་འོད་ཟེར་འཕྲོས༔ ཡུམ་ཆེན་ལྔ་ཡི་མཁའ་ཀློང་དུ༔ ལྷུན་གྲུབ་བདེ་ཆེན་ཞིང་ཁམས་སུ༔ ཡེ་ཤེས་ལྔ་ལྡན་གཞལ་ཡས་ཁང་༔ ཟླ་གམ་སྒོ་གཅིག་མཚན་ཉིད་རྫོགས༔ རྒྱ་ཆེ་བཀོད་ལེགས་ཡིད་འཕྲོག་ཅིང་༔ འོད་དང་འཇའ་ཚོན་དྲྭ་བ་འཁྲིགས༔ དེ་དབུས་སྣ་ཚོགས་པདྨ་དང་༔ ཟླ་བ་དང་ནི་ཉི་གདན་གསལ༔ ཛྙ་ན་པཉྩ་བྷྲཾ་པདྨ་ཙནྡྲ་སཱུཪྻ་མཎྜ་ལ་ཧཱུྃ༔ བརྟེན་པ་ལྷར་གསལ་བ་ལ༔ ཧཱུྃ༔ མཁའ་ལས་བྃཿ ཡིག་གདན་ལ་བབས༔ འོད་ཟེར་ཡར་འཕྲོས་རྒྱལ་བ་མཆོད༔ རྟེན་དང་བརྟེན་པ་སྤྱན་དྲངས་བསྟིམ༔ མར་འཕྲོས་འཁོར་བ་ཆོས་སྐུར་བསྒྲལ༔ འབྱུང་ལྔའི་དྭངས་བཅུད་དཔལ་ཡོན་དང་༔ ཚེ་དང་བསོད་ནམས་མ་ལུས་པ༔ བསྡུས་ཏེ་སྲོག་གི་ཡི་གེར་བསྟིམ༔ བྃཿལས་སྐད་ཅིག་དྲན་རྫོགས་སུ༔ རང་ཉིད་ཡེ་ཤེས་མཚོ་རྒྱལ་མ༔ T11607 - 608 ཨོཾ། དཀར་དམར་མཚན་དཔེའི་ལང་ཚོས་མཛེས༔ བཅུ་དྲུག་གཞོན་ནུ་འོད་ཕུང་འབར༔ ལྗང་སྔོན་རལ་པའི་ཟུར་ཕུད་ལ༔ རིན་པོ་ཆེ་དང་རྩེ་ཕྲན་མཛེས༔ པདྨ་དཀར་པོའི་ཐོད་གདེངས་བྱས༔ ལྷག་མས་སྐུ་རྒྱབ་ཁེབ་ཅིང་འཁྲོལ༔ ཞབས་གཉིས་བཞེངས་པའི་སྟབས་ཀྱིས་བཞུགས༔ སྤྱན་གསུམ་ནམ་མཁའི་མཐོང་ལ་གཟིགས༔ ནུ་མ་འབུར་ཞིང་པདྨོ་རྒྱས༔ གཅེར་བུ་རིན་ཆེན་སྣ་ཚོགས་དང་༔ དམར་སེར་པདྨའི་ཕྲེང་བས་སྤྲས༔ ཕྱག་གཡས་རྡོ་རྗེའི་གྲི་གུག་གིས༔ ཁམས་གསུམ་མ་ལུས་དབང་དུ་སྡུད༔ གཡོན པས་ཡེ་ཤེས་ཀ་པཱ་ལར༔ བདེ་སྟོང་བདུད་རྩིའི་བཅུད་ཀྱིས་གཏམས༔ ཁ་ཊྭཱཾ་རྩེ་གསུམ་མཆན་དུ་བརྟེན༔ ཡེ་ཤེས་འཇའ་ཚོན་འོད་ལྔའི་ཀློང་༔ ཆུ་ཟླ་དང་ནི་གཟུགས་བརྙན་བཞིན༔ སྣང་ལ་རང་བཞིན་མེད་པར་བསྒོམ༔ ཉི་མ་དང་ནི་འོད་ཟེར་བཞིན༔ ཡེ་ཤེས་སྒྱུ་མའི་རྣམ་འཕྲུལ་ལས༔ ཤར་དུ་རྡོ་རྗེ་མཁའ་འགྲོ་དཀར༔ ལྷོ་རུ་རིན་ཆེན་མཁའ་འགྲོ་སེར༔ ནུབ་ཏུ་པདྨ་མཁའ་འགྲོ་དམར༔ བྱང་དུ་ལས་ཀྱི་མཁའ་འགྲོ་ལྗང་༔ ཀུན་ཀྱང་གཞོན་ནུ་མཚན་དཔེས་མཛེས༔ གཡས་རྣམས་རང་རྟགས་གྲི་གུག་དང་༔ གཡོན་པས་བྷནྡྷ་བདུད་རྩི་བསྣམས༔ ཞབས་གཉིས་གར་སྟབས་ཁ་ཊྭཱྃ་བརྟེན༔ རྒྱན་དང་ཆ་ལུགས་གཙོ་མོ་བཞིན༔ ཡེ་ཤེས་འོད་ལྔའི་ཀློང་དུ་གསལ༔ གནས་གསུམ་རྡོ་རྗེ་སྙིང་པོ་དང་༔ ཐུགས་ཀར་རང་རང་སྲོག་ཡིག ལས༔ འོད་དང་འོད་ཟེར་རབ་འཕྲོས་པས༔ སྐུ་གསུམ་དག་པའི་ཞིང་ཁམས་དང་༔ གནས་ཡུལ་ས་སྤྱོད་མཁའ་སྤྱོད་ནས༔ ཡེ་ཤེས་དབྱིངས་ཀྱི་མཁའ་འགྲོའི་ཚོགས༔ མཚོ་ལ་ཁ ཆར་བབ་པ་བཞིན༔ སྤྱན་དྲངས་གཉིས་མེད་རོ་གཅིག་གྱུར༔ དེ་ནས་སྤྱན་འདྲེན་ལ༔ ཧཱུྃ༔ ཀ་དག་སྤྲོས་མཐའ་བྲལ་བའི་དབྱིངས༔ ཆོས་སྐུའི་མཁའ་འགྲོ་སྐུར་བཞེངས་ཤིག༔ ལྷུན་གྲུབ་སྒྱུ་འཕྲུལ་རོལ་པའི་དབྱིངས༔ ལོངས་སྐུའི་མཁའ་འགྲོ་སྐུར་བཞེངས་ཤིག༔ སྣ་ཚོགས་ཐབས་ཀྱི་གར་མཁན་མོ༔ སྤྲུལ་སྐུའི་མཁའ་འགྲོ་སྐུར་བཞེངས་ཤིག༔ ལྷོ་ནུབ་ཟ་བྱེད་སྲིན་པོའི་ཡུལ༔ ཟངས་མདོག་དཔལ་གྱི་རི་བོ་ནས༔ ཡེ་ཤེས་མཁའ་འགྲོ་མཚོ་རྒྱལ་མ༔ འབུམ་ཕྲག་མཁའ་འགྲོའི་ཚོགས་དང་བཅས༔ ཆོས་ཀྱི་དབྱིངས་ནས་སྐུར་བཞེངས་ལ༔ བྱིན་གྱིས བརླབ་ཕྱིར་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ སྒོ་གསུམ་རྡོ་རྗེ་གསུམ་ལྡན དཨོཾ། གྱི༔ རོལ་པ་ཆེན་པོར་བྱིན་གྱིས་རློབས༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿ ཧཱུྃ་ཛྙཱ་ན་ཌཱ་ཀི་ནཱི་བྃ་ཧ་རི་ནི་ས་ས་མ་ཡ་ཧྲཱི་ཧྲཱི་ཛ་ཛཿ ལན་གསུམ་བརྗོད་ཅིང་རོལ་མོའི་སྒྲ་དང་བཅས་པས་སྤྱན་དྲངས་ཏེ་བསྟིམ༔ དེ་ནས་བཞུགས་སུ་གསོལ་བ་ནི༔ ཧཱུྃ༔ སྐུ་གསུམ་ཡེ་ཤེས་མཁའ་འགྲོའི་ཚོགས༔ ངོ་བོ་རང་བཞིན་ཐུགས་རྗེའི་ངང་༔ མངོན་གྱུར་ཆེན་པོར་གདིང་ཐོབ་པའི༔ རྡོ་རྗེ་གསུམ་གྱི་ངོ་བོར་བཞུགས༔ ས་མ་ཡ་ཏིཥྛ་ལྷན༔ ཕྱག་འཚལ་བ་ནི༔ ན་མོ༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་ཕག་མོ་རྣལ་འབྱོར་མ༔ སྤྲུལ་སྐུ་ཡེ ཤེས་མཚོ་རྒྱལ་ལ༔ མི་ཕྱེད་དད་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ནི༔ ཨོཾ་ཨཱཿ ཧཱུྃ༔ ཕྱི་ནང་སྣོད་བཅུད་འདོད་ཡོན་ཚོགས༔ གདོད་ནས་རང་བྱུང་མཆོད་པའི་མཆོག༔ ཡེ་ཤེས་མཁའ་འགྲོའི་ཚོགས་ལ་འབུལ༔ ཟག་མེད་བདེ་བའི་དངོས་གྲུབ་སྩོལ༔ མ་ཧཱ་ག་ན་སརྦ་པཱུ་ཛ་ཧོཿ ཆོས་ཉིད་ནམ་མཁའི་མཛོད་ཀྱི་འཕྲུལ༔ འདོད་རྒུར་འཆར་བའི་ཆོ་འཕྲུལ་ཅན༔ ཡེ་ཤེས་འཕྲུལ་གྱི་སྤྲིན་པ་ཡི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་སྦྱོར་སྒྲོལ་རྫས༔ རྨད་དུ་བྱུང་བའི་མཆོད་པ་འབུལ༔ བཞེས་ནས མཆོག་ཐུན་དངོས་གྲུབ་སྩོལ༔ ཨོཾ་བཛྲ་ཨཿརྒྷཾ་སོགས ཤཔྡ་པྲ་ཏཱིཙྪ་པཱུ་ཛ་ཧོཿ རཱུ་པ་ཤཔྡ་གནྡྷེ་རཱ་ས་སྤཪྻེ་དྷརྨ་པྲ་ཏཱིཙྪ་པཱུ་ཛ་ཧོཿ མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལི་ཏ་བོ་དྷི་ཙིཏྟ་ག་ན་གུ ཧྱ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ ཀ་དག་ཁྱབ་བརྡལ་ཆོས་སྐུ་སྤྲོས་མཐའ་བྲལ༔ ལྷུན་གྲུབ་རོལ་པ་སྐུ་དང་ཡེ་ཤེས་རྫོགས༔ ཐུགས་རྗེ་ཐབས་ཀྱིས་འགྲོ་ཁམས་བདེ་ལ་སྦྱོར༔ ཡེ་ཤེས་མཁའ་འགྲོའི་ཚོགས་ལ་ཕྱག་འཚལ་བསྟོད༔ ཨོཾ༔ རྡོ་རྗེའི་སྐུ་ནི་སྐྱེ་འཆི་བསྒྲེས་རྒུད་བྲལ༔ ཨཱཿ ཚངས་པའི་གསུང་ནི་ཡན་ལག་དྲུག་ཅུའི་དབྱངས༔ ཧཱུྃ༔ སྤྲོས་བྲལ་ཐུགས་ནི་ཉག་གཅིག་ཐིག་ལེ་ཆེ༔ རྒྱལ་བའི་ཡུམ་མཆོག་རྒྱལ་བ་བསྐྱེད་མཛད་མ༔ གདུལ་དཀའ་འདུལ་མཛད་གཟུགས་ཀྱི་སྐུར་སྟོན་ཅིང་༔ མཐོང་ཐོས་དྲན་རེག་ཐར་པའི་ལམ་ལ་སྦྱོར༔ ཌཱ་ཀིའི་རྗེ་མོ་མཁར་ཆེན་བཟའ་ལ་