Tibetan
ལ༔ ཨཱཿ སྣང་བ་ཐབས་མཆོག་སྒྱུ་མའི་སྐུས༔ སྟོང་ཉིད་ཡུམ་གྱི་མཁའ་རུ་སྦྱོར༔ ཟག་མེད་བདེ་ཆེན་བྱང་ཆུབ་སེམས༔ དཀྱིལ་འཁོར་ལྷ་ཚོགས་མཉེས་ཕྱིར་འབུལ༔ བླ་མེད་མཆོག་གི་དངོས་གྲུབ་སྩོལ༔ མ་ཧཱ་བོ་དྷི་ཙིཏྟ་སུ་ཁ་པཱུ་ཛ་ཧོཿ དེ་ནས་བསྒྲལ་མཆོད་ལ༔ ཧཱུྃ༔ བདེ་ཆེན་ཐབས་ཀྱི་རྡོ་རྗེ་ཡིས༔ ཤེས་རབ་སྟོང་ཉིད་མཁའ་དབྱིངས་སུ༔ གཉིས་སྣང་རཱུ་ཏྲ་ཕྱེ་མར་བཏུལ༔ ཤ་ཁྲག་རུས་པའི་ཕུང་པོར་བརྡལ༔ བཞེས་ནས་སངས་རྒྱས་ས་རུ་སྐྱོལ༔ མ་ཧཱ་མཱཾ་ས་རཀྟ་ཀི་ནི་རི་ཏི་ལ་ཁཱ་ཧི༔ དེ་ནས་ཁྱད་པར་གྱི་མཆོད་པ་ནི༔ ཨཱཿ ཆོས་ཀུན་རྣམ་དག་སྤྲོས་མཐའ་བྲལ༔ ཤེས་རབ་ཆེན་པོས་མངོན་བྱེད་པའི༔ རང་བྱུང་རང་གྲོལ་རྫོགས་སངས་རྒྱས༔ བླང་དོར་མེད་པའི་མཆོད་པ་བཞེས༔ མ་ཧཱ་དྷརྨ་དྷརྟུ་ཧྲཱི་ད་ཡ་ཨཱཿ དེ་ནས་བསྟོད་པ་བྱ་བ་ནི༔ ཧཱུྃ༔ གདོད་ནས་མ་བཅོས་ཀ་དག་ཆོས་སྐུ་ཡུམ༔ རང་བཞིན་ལྷུན་གྲུབ་བདེ་ཆེན་ལོངས་སྤྱོད་རྫོགས༔ ཐུགས་རྗེའི་རོལ་རྩལ་སྣ་ཚོགས་མཁའ་འགྲོའི་གར༔ ཡོངས་འདུས་བདག་ཉིད་འཕགས་མ་སྒྲོལ་མར་བསྟོད༔ ཀ་དག་བརྡལ་ཁྱབ་ངང་ལས་མ་གཡོས་ཀྱང་༔ གདུལ་དཀའ་འདུལ་ཕྱིར་སྣ་ཚོགས་ཐབས་དུ་མས༔ འགྲོ་བའི་སྡུག་བསྔལ་སྐྱོབ ཕྱིར་གཟུགས་སྐུར་སྟོན༔ རྒྱལ་ཡུམ་སྒྲོལ་མ་ཁྱེད་ལ་ཕྱག་འཚལ་བསྟོད༔ དུག་ལྔ་ཕུང་ལྔའི་ཡུལ་ལ་མངོན་ཞེན་པའི༔ ཉམ་ཐག་སྐྱབས་དང་བྲལ་བའི་སྐྱེ་རྒུ་རྣམས༔ འཇིགས་དང་སྡུག བསྔལ་ཀུན་ལས་སྒྲོལ་མཛད་པའི༔ འཕགས་མ་སྒྲོལ་མ་ཁྱེད་ལ་ཕྱག་འཚལ་བསྟོད༔ སྐུ་ལ་བཀོད་པ་རྒྱལ་བའི་དཀྱིལ་འཁོར་རྫོགས༔ གསུང་དབྱངས་ཡན་ལག་དྲུག་ཅུས་འགྲོ་བ་འདུལ༔ ཐུགས་གསང་མཉམ་ཉིད་འཁོར་འདས་འུབ་ཆུབ་རོལ༔ རྗེ་བཙུན་སྒྲོལ་མ་ཡུམ་ལ་ཕྱག་འཚལ་བསྟོད༔ འདི་བཟུང་བྱང་ཆུབ་སྙིང་པོར་མཆིས་ཀྱི་བར༔ རྒྱལ་ཡུམ་སྒྲོལ་མ་ཁྱེད་ཀྱིས་རྗེས་བཟུང་ནས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཅིང་༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ དེ་ནས་བཤགས་པ་བྱ་བ་ལ༔ ཧོཿ རྒྱལ་བའི་དགྱེས་སྐོང་རྒྱལ་བ་བསྐྱེད་པའི་ཡུམ༔ རྗེ་བཙུན་འཕགས་མ་ཁྱེད་ཀྱི་སྤྱན་སྔ་རུ༔ བདག་གིས་དུས་གསུམ་བསགས་པའི་སྡིག་པ་དང་༔ སྡོམ་དང་བསླབ་པ་དམ་ཚིག་ཉམས་ཆག་ཀུན༔ མི་འཆབ་མི་སྦེད་གནོང་འགྱོད་ ཝྃ།༔ དྲག་པོ་ཡིས༔ བཤགས་སོ་དག་ཅིང་ཚངས་པའི་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་འཛབ་དམིགས་ནི༔ ཧཱུྃ༔ རང་ཉིད་འཕགས་མ་སྒྲོལ་མ་ཡི༔ ཐུགས་ཀར་དྭངས་མའི་ཐིག་ཀློང་དུ༔ ཉི་ཟླའི་གྭའུ་ཁ་སྦྱོར་ནང་༔ ཿཡིག་སྔོ་ལྗང་འོད་འབར་བའི༔ མཐའ་མར་སྔགས་ཀྱི་ཕྲེང་བས་བསྐོར༔ བཟླས་པས་འོད་ཟེར་རབ་འཕྲོས་ཏེ༔ ཕྱོགས་བཅུའི་རྒྱལ་བ་རྟེན་བརྟེན་པ༔ མ་ལུས་སྤྱན་དྲངས་གཉིས་མེད་བསྟིམ༔ སྒོ་གསུམ་རྡོ་རྗེ་གསུམ་གྱི་ངང་༔ དག་གྲོལ་ཆེན་པོར་མངོན་སངས་རྒྱས༔ ཨོཾ་ཏཱ་རེ་ཏུཏྟྲ་རེ་ཏུ་རེ་སྭཱ་ཧཱ༔ དེ་ནས་སྒྲུབ་པ་བྱ་བ་ལ༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ འོད་འཕྲོས་རྒྱལ་བ་སྲས་བཅས་ཀྱི༔ མཁྱེན་བརྩེ་ནུས་པ་དབང་བྱིན་རླབས༔ དངོས་གྲུབ་མ་ལུས་ཇི་སྙེད་པ༔ འོད་ཀྱི་རྣམ་པར་སྤྱན་དྲངས་ཏེ༔ བདག་ཐིམ་གཟི་བརྗིད་འབར་བར་བསྒོམ༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ དེ་ནས་ལས་ལ་སྦྱོར་བ་ལ༔ ཧཱུྃ༔ རང་ཉིད་འཕགས་མའི་ཐུགས་ཀ་ནས༔ འོད་དང་འོད་ཟེར་རབ་འཕྲོས་པས༔ སེམས་ཅན་ཀུན་གྱི་སྡིག་སྒྲིབ་སྦྱངས༔ ཀུན་ཀྱང་འཕགས་མའི་སྐུར་གྱུར་ཏེ༔ གྲགས་སྟོང་སྔགས་ཀྱི་འཛབ་དབྱངས་སྒྲོགས༔ སླར་ཡང་འོད་ཟེར་ རབ་འཕྲོས་པས༔ འཁོར་འདས་དྭངས་བཅུད་ཚེ་བསོད་ནམས༔ ཡེ་ཤེས་ཡོན་ཏན་ཐམས་ཅད་ཀུན༔ བསྡུས་ཏེ་སྲོག་གི་སྙིང་པོར་བསྟིམ༔ ཚེ་བསོད་དཔལ་ཡོན་རྒྱས་པར་མཛོད༔ མོས་པ་རྣམ་བཞིས་དབང་དུ་འདུས༔ ཐུགས་ཀའི་སྔགས་ལས་འོད་འཕྲོས་པས༔ གཟུང་དང་འཛིན་པའི་རྒྱུས་བསྐྱེད་པའི༔ དགྲ་བགེགས་གནོད་བྱེད་མ་ལུས་པ༔ སྦུར་མ་མེ་ལ་བསྲེགས་བཞིན་བརླག༔ རྣམ་པར་ཤེས་པ་ཆོས་སྐུར་བསྒྲལ༔ ཨོཾ་ཏཱ་རེ་ཏུཏྟྲ་རེ་ཏུ་རེ་སྭཱ་ཧཱ༔ དེ་ལྟར་དམིགས་གནད་དང་ལྡན་པའི༔ དུས་བཞིར་ལས་བཞིའི་སྔགས་བསྒྲིལ་བཟླས༔ ཤེས་པ་གཞན་དུ་མ་ཡེངས་པར༔ ལྷ་ཡི་ང་རྒྱལ་བརྟན་པོ་བཟུང་༔ མི་ཚིག་དག་གིས་མ་བསླད་པར༔ ཆུ་བོའི་གཞུང་བཞིན་སྔགས་བཟླས་འབད༔ སྟན་གྱི་དྲོད་མི་ཡལ་བ་རུ༔ བསྒུལ་བསྐྱོད་མེད་པར་སྡོད་ས་བཟུང་༔ དེས་ནི་རིང་པོར་མི་ཐོགས་པར༔ དངོས་གྲུབ་འཐོབ་པར་གདོན་མི་བ༔ ས་མ་ཡ༔ རྣལ་འབྱོར་ཉམས་ཆག་བསྐང་བའི་ཕྱིར༔ ཚོགས་མཆོད་ཕུལ་བའི་རིམ་པ་ལ༔ འབྱོར་ཚོགས་ཅི་རིགས་བཤམས་ནས་སུ༔ མཆོད་སྤྲིན་ནམ་མཁའ་མཛོད་དུ་སྤེལ༔ རཾ༔ རཾ་ལས་ཡེ་ཤེས་མེ་བྱུང་བས༔ མ་དག་འབག་རྩོག་ཐམས་ཅད་བསྲེགས༔ ཡ༔ ཡཾ་ལས་ཡེ་ཤེས་རླུང་བྱུང་བས༔ གཟུང་དང་འཛིན་པའི་དྲི་མ་གཏོར༔ ཁ༔ ཁཾ་ལས་དག་བྱེད་ཆུ་རྒྱུན་བྱུང་༔ སྒྲིབ་གཉིས་བག་ཆགས ཐོ།༔ ཐམས་ཅད་སྦྱངས༔ རཾ་ཡཾ་ཁཾ༔ སྟོང་ཆེན་དབྱིངས་ཀྱི་ཀ་པཱ་ལར༔ སྣོད་བཅུད་འབྲུ་གསུམ་རོལ་པར་ཞུ༔ བདེ་སྟོང་བདུད་རྩིའི་ངོ་བོ་ལས༔ འདོད་ཡོན་ནམ་མཁའ་མཛོད་དུ་སྤེལ༔ ཨོཾ་ཨཱཿ ཧཱུྃ༔ ལན་གསུམ༔ དེ་ནས་སྤྱན་འདྲེན་པ་ལ༔ ཧཱུྃ༔ རང་སྣང་དོན་གྱི་འོག་མིན་ནས༔ དྲིན་ཆེན་བླ་མ་གཤེགས་སུ་གསོལ༔ ཟངས་མདོག་དཔལ་གྱི་རི་བོ ནས༔ པདྨ་འབྱུང་གནས་གཤེགས་སུ་གསོལ༔ ལས་རབ་རྫོགས་པའི་ཞིང་ཁམས་ནས༔ དམ་ཚིག་སྒྲོལ་མ་གཤེགས་སུ་གསོལ༔ གཡུ་ལོ་བཀོད་པའི་ཞིང་ཁམས་ནས༔ རྗེ་བཙུན་འཕགས་མ་སྒྲོལ་མ་དང་༔ སྤྲུལ་པ་ཡང་སྤྲུལ་འཁོར་དང་བཅས༔ ཚོགས་ཀྱི་འདུ་བར་གཤེགས་སུ་གསོལ༔ ན་མོ་ཨཱཪྻ་ཏཱ་རེ་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ལན་གསུམ་བརྗོད༔ དེ་ནས་བདུད་རྩི་སྐྱེམས་མཆོད་ལ༔ ཨོ་ཨཱཿཧཱུྃ༔ བདེ་སྟོང་ཟག་པ་མེད་པ་ཡི༔ བདུད་རྩི་རོ་བརྒྱའི་དཔལ་འཛིན་པ༔ འདོད་རྒུའི་ལོངས་སྤྱོད་ཅི་ཡང་འཆར༔ དཀྱིལ་འཁོར་ལྷ་ལ་འབུལ་གྱིས བཞེས༔ སརྦ་པཉྩ་ཨ་མྲྀ་ཏ་ལ་ཁཱ་ཧི༔ དེ་ནས་ཚོགས་ཕུད་འབུལ་བ་ལ༔ ཧཱུྃ༔ རོ་བརྒྱ་ནུས་པ་སྟོང་ལྡན་པའི༔ བཅུད་ལྡན་དཔལ་གྱི་ཞལ་ཟས་འདི༔ རྗེ་བཙུན་འཕགས་མ་སྒྲོལ་མ་སོགས༔ དཀྱིལ་འཁོར་ཡོངས་རྫོགས་ལྷ་ལ་འབུལ༔ མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧོཿ རྗེ་བཙུན་འཕགས་མ་སྒྲོལ་མ་སོགས༔ དཀྱིལ་འཁོར་ལྷ་ཚོགས་སྤྱན་སྔ་རུ༔ སྡོམ་དང་བསླབ་པ་ཉམས་པ་ཀུན༔ ཞལ་ཟས་ཚོགས་ཀྱི་མཆོད་པས་བཤགས༔ ཨོཾ་ག་ཎ་ཙཀྲ་སཏྭ་སོགས་དེ་ནས་བསྒྲལ་ལས་བྱ་བ་ལ༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔ དཀྱིལ་འཁོར་ལྷ་ཚོགས་དབྱིངས་ནས་བཞེངས༔ ཉོན་མོངས་དུག་ལྔ་དུག་གསུམ་གྱི༔ རྒྱུ་རྐྱེན་ལས་གྱུར་དགྲ་དང་བགེགས༔ སོད་ཅིག་སྒྲོལ་ཅིག་ཕྱེ་མར་ཐུལ༔ རྣམ་ཤེས་ཆོས་ཀྱི་དབྱིངས་སུ སྤོར༔ མ་ཊཾ་རཱུ་ཏྲ་ཨ་མུ་ཀ་མཱ་ར་ཡ་རྦད་སོད༔ དེ་ནས་ཞལ་དུ་བསྟབས་པ་ནི༔ ཧཱུྃ༔ བདག་ལྟའི་རཱུ་ཏྲ་དུག་ལྔར་བཅས༔ ཞིང་བཅུ་བསྒྲལ་བའི་ཤ་ཁྲག་ཚོགས༔ རྗེ་བཙུན་འཕགས་མ་སྒྲོལ་མ་དང་༔ ཡེ་ཤེས་རོལ་པའི་ཚོགས་ལ་འབུལ༔ མ་ཏྲཾ་རཱུ་ཏྲ་ཨ་མུ་ཀ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ལ༔ བྷྱོ༔ དཔལ་གྱི་བཀའ་ཉན་ལྷག་སྐྱོང་ཚོགས༔ མ་ལུས་འཁོར་བཅས་འདིར་གཤེགས་ཤིག༔ འདོད་ཡོན་ལྷག་མ་འདི་རོལ་ལ༔ རབ་འབྱམས་ཕྲིན་ལས་ཡོངས་གྲུབ་མཛོད༔ མ་བྷྱོ་ཛ་ཧྲིཾ་བ་ལིཾ་ཏ་ཁཱ་ཧི༔ ག་ཎ་པཱུ་ཛ་ལ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཟོཾ།༔ ཧཱུྃ༔ སྔོན་ཚེ་སྤྱི་དཔལ་ཆེན་པོ་དང་༔ རིག་འཛིན་པདྨ་འབྱུང་གནས་ཀྱི༔ སྤྱན་སྔར་ཁས་བླངས་དམ་བཅས་པའི༔ བཀའ་སྲུང་དྲེགས་པའི་སྡེ་ཚོགས་རྣམས༔ འདིར་གཤེགས་དམར་གྱི་གཏོར་མ་ལོངས༔ སངས་རྒྱས་བསྟན་པ་གཉན་པོ་སྲུངས༔ དཀོན་མཆོག་གསུམ་གྱི་དབུ་འཕང་བསྟོད༔ རྣལ་འབྱོར་སྒྲུབ་པའི་བར་ཆད་སོལ༔ དགྲ་བགེགས་ཐལ་བའི་རྡུལ་དུ་རློག༔ སརྦ་ངྷརྨ་པཱ་ལ༔ ཀྵེ་ཊ་པཱ་ལ༔ ལོ་ཀ་པཱ་ལ་བ་ལི་ཏ་ཁཱ་ཧི༔ དེ་ནས་བརྟན་མ་སྐྱོང་བ་ལ༔ ཧཱུྃ་བྷྱོ༔ སྔོན་ཚེ་པདྨ་ཐོད་ཕྲེང་གི༔ སྤྱན་སྔར་ཁས་བླངས་དམ་བཅས་པའི༔ མ་སྲིང་བརྟན་མ་བཅུ་གཉིས་དང་༔ སྐྱོང་མ་ཡ་མ་འཁོར་དང་བཅས༔ འདིར་གཤེགས་གཏོར་མའི་བཤལ་ཆུ་བཞེས༔ རྣལ་འབྱོར་སྒྲུབ་པའི་མཐུན་རྐྱེན སྒྲུབས༔ འགལ་རྐྱེན་དགྲ་བགེགས་རྡུལ་དུ་རློག༔ མ་མ་ཧྲཱི་ཧྲཱི་བ་ལི་ཏ་ཁཱ་ཧི༔ དེ་ནས་བྲོ་ཡིས་མནན་པ་ལ༔ ཧཱུྃ༔ ལོག་པར་འདྲེན་པའི་དམ་སྲི་དང་༔ བར་ཆད་བྱེད་པའི་སྒབ་འདྲེ་རྣམས༔ རིམ་དགུ་ས་ཡི་འོག་ཏུ་མནན༔ ཡེ་ཤེས་རོལ་པའི་བྲོ་རྒྱས་བཏབ༔ མ་ཤོར་ཐེག་པ་རིམ་དགུའི་རྒྱ༔ དམ་སྲི་སྒབ་འདྲེ་སྟྭཾ་བྷ་ཡ་ནན༔ མཱ་ར་ཡ་ནན༔ དེ་ནས་དངོས་གྲུབ་བླང་བ་ལ༔ ཧོཿ རྗེ་བཙུན་འཕགས་མ་སྒྲོལ་མ་ཡི༔ སྐུ་གསུང་ཐུགས་ཡོན་ཕྲིན་ལས་ཀྱི༔ དངོས་གྲུབ་མ་ལུས་ཇི་སྙེད་པ༔ ད་ལྟ་ཉིད་དུ་བདག་ལ་སྩོལ༔ རྩ་སྔགས་ཤམ་དུ༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཨ་ལ་ལ་ཧོཿ དེ་ནས་བཤགས་པ་བྱ་བ་ལ༔ ཧོཿ རྗེ་བཙུན་སྒྲོལ་མའི་དཀྱིལ་འཁོར་དུ༔ མཆོད་རྫས་མ་ཚང་སྒྲུབ་པ་གཡེལ༔ སྔགས་བཟླས་མ་དག་ལྷ་མ་གསལ༔ ཉམས་ཆག་འགལ་འཁྲུལ་ཅི་མཆིས་པ༔ མི་འཆབ་མི་སྦེད་གནོང་འགྱོད་ཀྱིས༔ བཤགས་སོ་དག་ཅིང་ཚངས་པར་སྩོལ༔ ཨོཾ་བཛྲ་སཏྭ་ས་མ་ཡ་སོགས ཨཱཿ དེ་ནས་བསྔོ་བ་སྨོན་ལམ་ནི༔ ཧོཿ འདི་དང་དུས་གསུམ་དགེ་རྩ་ཀུན༔ མཁའ་མཉམ་སེམས་ཅན་ཡོངས་ལ་བསྔོ༔ ཁམས་གསུམ་སེམས་ཅན་མ་ལུས་པ༔ ཕྱམ་གཅིག་རྫོགས་སངས་རྒྱས་གྱུར་ཅིག༔ དེ་ནས་རྟག་མཐའ་བསལ་བ་ལ༔ ཧོཿ ཐབས་ཀྱི་བསྐྱེད་པའི་དཀྱིལ་འཁོར་ལྷ༔ སྒྱུ་མའི་འཁྲུལ་འཁོར་ཞིག་པ་བཞིན༔ རང་ལ་བསྡུས་ཏེ་ཐུགས་སྲོག་ལ༔ དེ་ཡང་སྟོང་ཉིད་ནམ་མཁའི་ངང་༔ ཨ་ཨ་ཨ༔ དེ་ནས་ཆད་མཐའ་བསལ་བ་ལ༔ ཧོཿ མཁའ་ལས་འཇའ་ཚོན་ཤར་བ་བཞིན༔ རང་ཉིད་ཡེ་ཤེས་སྒྱུ་མའི་སྐུ༔ རྗེ་བཙུན་འཕགས་མ་སྒྲོལ་མར་གསལ༔ མི་ཤིགས་རྡོ་རྗེའི་གོ་ཁྲབ་བགོ༔ རྩ་སྔགས༔ T1607 - 584 ཟོཾ།༔ བཛྲ་རཀྵ་ཧཱུྃ་བྷྲུྃ་སྭཱ་ཧཱ༔ དེ་ནས་བཀྲ་ཤིས་བྱ་བ་ནི༔ ཧཱུྃ༔ ཀ་དག་ཆོས་སྐུའི་ནམ་མཁའ་ལ༔ ལྷུན་གྲུབ་བདེ་ཆེན་བཀོད་པ་རྫོགས༔ ཡེ་ཤེས་ཆེན་པོ་མངོན་བྱེད་ཀྱི༔ དག་མཉམ་རོལ་པའི་བཀྲ་ཤིས་ཤོག༔ འདི་བཞིན་བསྐྱེད་པའི་གདིང་ལྡན་ཏེ༔ རྩེ་གཅིག་ཉམས་སུ་ལེན་པ་ཡི༔ དད་དམ་ལྡན་པའི་སྐྱེས་བུ་རྣམས༔ ཚེ་འདིར་རིག་འཛིན་ས་ཐོབ་འགྱུར༔ བརྩོན་འགྲུས་ཐང་ལྷོད་མེད་པ་དང་༔ ལྷ་ལ་ཡིད་ཆད་མེད་པ་དང་༔ གདམས་པར་ཐེ་ཚོམ་མེད་པ་དང་༔ བླ་མར་ལོག་ལྟ་མེད་པ་ནི༔ ལྷ་དང་བླ་མའི་བླ་རྡོ་ཡིན༔ མ་བརྗེད་སྲོག་གི་གཏའ་རུ་ཟུངས༔ སྣང་སྲིད་འཁོར་འདས་ཆོས་སོ་ཅོག༔ ཁྱབ་བརྡལ་སྟོང་ཉིད་ཆེན་པོ་རུ༔ མ་བཅོས་མཉམ་པ་ཉིད་དུ་བརྡལ༔ དེ་ལྟར་ཚུལ་བཞིན་རྟོགས་པ་ཡི༔ ལྟ་བའི་རྒྱལ་པོ་གཞི་རུ་མཆོག༔ གནས་ལུགས་རང་ཞལ་མངོན་གྱུར་ཏེ༔ བསྒོམ་བཅོས་བསྒྱུར་བསམ་བློ་བྲལ་གྱི༔ ངང་བཞག་ཁས་ལེན་ལས་འདས་པ༔ མི་བསྒོམ་པ་ཡི་ལམ་གྱི་མཆོག༔ ལུས་ངག་ཡིད་ཀྱི་སྒོ་གསུམ་པོ༔ བྱ་བ་དགུ་སྤྲུག་བཏང་བྱས་ཏེ༔ བྱར་མེད་བྱ་བཏང་གནས་པ་ནི༔ སྤྱོད་པ་མ་བཅོས་སྤྱོད་པའི་མཆོག༔ དེ་ལྟར་གནད་གསུམ་དང་ལྡན་པའི༔ ཚེ་གཅིག་སྙིང་པོའི་བསྒྲུབ་ལ་གཞོལ༔ བསྒོམ་རྟོགས་མི་འཇིགས་གདིང་བཞི་ཐོབ༔ ཆོས་ཅན་སྣང་བ་ཐམས་ཅད་ཀུན༔ ཆོས་ཉིད་དེ་བཞིན་ཉིད་ཀྱི་ངང་༔ ཟད་ནས་གཞོན་ནུ་བུམ་པའི་སྐུར༔ མངོན་སངས་རྒྱས་པའི་འབྲས་བུ་མཆོག༔ དེ་ལྟར་བསྐྱེད་རྫོགས་རིམ་གཉིས་ཀྱི༔ གནད་མཆོག་དང་ལྡན་སྐྱེས་བུ་རྣམས༔ པདྨ་ང་དང་གཉིས་སུ་མེད༔ མཁའ་འགྲོ་འབུམ་གྱི་སྙིང་ཐིག་འདི༔ བཀའ་སྲུང་དྲེགས་པ་སྡེ་དགུས་སྲུངས༔ སྣོད་མིན་རྣམས་ལ་གུ་ཧྱ་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཨ་ཐམ་རྒྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བརྒྱད་བར་དུ་བཀའ་རྒྱ་བྱས་མཐར་སྤྲུལ་སྐུ་བསྟན་པའི་རྒྱལ་མཚན་གྱིས་ནན་དུ་བསྐུལ་ངོར་གཏན་ལ་ཕབ་པའོ། །དགེའོ། །དགེའོ། །དགེའོ།། །། 582 T11607 - 586 ཆོས་ཉིད་ནམ་མཁའི་ཀློང་མཛོད་ལས༔ རྗེ་བཙུན་འཕགས་མའི་སྒྲུབ་སྐོར་གྱི༔ བསྐང་བཤགས་ཉམས་ཆག་རང་གྲོལ་བཞུགས༔ རྣཻ ན་མོ་གུ་རུ་ཝེ༔ རྡོ་རྗེ་སེམས་དཔའ་སྤྱི་བོར་བསྒོམ༔ སྔར་བྱས་ལས་ལ་གནོང་འགྱོད་ཀྱིས༔ མི་འཆབ་ཉེས་ཚོགས་ཀུན་བཤགས་ཏེ༔ ཕྱིན་ཆད་སྡོམ་སེམས་གཏའ་རུ་བཞག༔ གཉེན་པོ་ཚོགས་དང་མཆོད་པ་དང་༔ དོང་སྤྲུགས་སྙིང་པོ་ཅི་ནུས་བཟླ༔ ཁྱད་པར་བསྐང་བཤགས་འདི་ལ་འབད༔ ཨེ་མ་ཧོཿ གདོད་མའི་གནས་ལུགས་སྤྲོས་པའི་མཐའ་དང་བྲལ༔ ཀ་དག་ཀུན་ཏུ་བཟང་པོའི་ཐུགས་དམ་བསྐང་༔ ཆོས་ཀྱི་དབྱིངས་སུ་དགོངས་པ་རོ་གཅིག་པའི༔ རྒྱལ་བ་དགོངས་བརྒྱུད་བླ་མའི་ཐུགས་དམ་བསྐང་༔ སྣང་བ་བརྡ་དང་དཔེ་རུ་ཤར་བ་ཡི༔ རིག་འཛིན་བརྡ་བརྒྱུད་བླ་མའི་ཐུགས་དམ་བསྐང་༔ སྨིན་གྲོལ་བཀའ་ལུང་སྙན་དུ་བརྒྱུད་པ་ཡི༔ གང་ཟག་སྙན་བརྒྱུད་བླ་མའི་ཐུགས་དམ་བསྐང་༔ ཆོས་ཅན་སྣང་བ་ཆོས་ཉིད་ཆེན་པོར་རོལ༔ ཡུམ་ཆེན་ཀུན་ཏུ་བཟང་མོའི་ཐུགས་དམ་བསྐང་༔ ལྷུན་གྲུབ་རོལ་པ་ལོངས་སྤྱོད་རྫོགས་པའི་སྐུ༔ རྗེ་བཙུན་འཕགས་མ་སྒྲོལ་མའི་ཐུགས་དམ་བསྐང་༔ ཡེ་ཤེས་སྒྱུ་འཕྲུལ་རོལ་པ་རྒྱན་དུ་ཤར༔ འཕགས་མ་ལྷ་མོ་ཉེར་གཅིག་ཐུགས་དམ་བསྐང་༔ ཐུགས་རྗེའི་ཐབས་ཀྱིས་གདུལ་བྱ་ཨང འདུལ་མཛད་པའི༔ འབུམ་ཕྲག་ཡངས་པའི་མཁའ་འགྲོའི་ཐུགས་དམ་བསྐང་༔ སོ་ཐར་བྱང་སེམས་གསང་སྔགས་ཐེག་པ་ཡི༔ སྡོམ་དང་བསླབ་པ་དམ་ཚིག་ཉམས་ཆག་ཀུན༔ བསྐང་ངོ་བཤགས་སོ་ཉམས་པ་སོར་ཆུད་ནས༔ ཚངས་པ་མཆོག་གི་དངོས་གྲུབ་སྩལ་དུ་གསོལ༔ ཨོཾ་བཛྲ་སཏྭ་ས་མ་ཡ་སོགས་སཏྭ་ཨཱཿ ཡི་གེ་བརྒྱ་པ་ཉི་ཤུ་རྩ་གཅིག་བརྗོད༔ གནད་དེས་དམ་ཚིག་ཉམས་ཆག་ཀུན་བྱང་འགྱུར༔ ས་མ་ཡ༔ ཞེས་པ་འདི་ཡང་སློབ་བུ་ཨོ་རྒྱན་རང་ཤར་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་སྒྱུ་མ་རོལ་པའི་དབྱིངས་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ། །། ཇོམས་དགོངས་གཏེར་སྒྲོལ་མ་584 ཇོམས་དགོངས་གཏེར་སྒྲོལ་མ་T11607 - 588 བ ཆོས་ཉིད་ནམ་མཁའི་ཀློང་མཛོད་ལས༔ རྗེ་བཙུན་འཕགས་མ་སྒྲོལ་མའི་གཏོར་བསྔོ་བདུད་རྩི་འཁྱིལ་བ་བཞུགས༔ ན་མོ་གུ་རུ་ཝེ༔ འབྱོར་ཚོགས་མཆོད་པ་སྣ་ཚོགས་བཤམས༔ ནམ་མཁའ་མཛོད་སྔགས་ལན་གསུམ་བརྗོད༔ ཏཱཾ༔ མདུན་གྱི་ནམ་མཁར་པད་ཟླའི་སྟེང་༔ རྗེ་བཙུན་འཕགས་མ་སྒྲོལ་མ་དང་༔ སྤྲུལ་པའི་ལྷ་མོ་ཉེར་གཅིག་བཅས༔ ཐུགས་རྗེའི་བརྩེ་བ་ཆེན་པོས་རོལ༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔ མྱུར་མ་དཔའ་མོ་དབྱངས་ཅན་མ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ བསོད་ནམས་མཆོག་སྟེར་རྣམ་རྒྱལ་མ༔ རིག་བྱེད་མ་དང་འཇིགས་བྱེད་མར༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ གཞན་གྱིས་མི་ཐུབ་གཞན་ལས་རྒྱལ༔ སེང་ལྡེང་ནགས་ཀྱི་སྒྲོལ་མ་ལ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ འཇིག་རྟེན་གསུམ་རྒྱལ་ནོར་སྟེར་མ༔ བཀྲ་ཤིས་དོན་བྱེད་དང་བཅས་ལ༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན་ལོངས་སྤྱོད་མཆོད་འབུལ་བཞེས༔ དགྲ་དཔུང་འཇོམས་དང་ཁྲོ་གཉེར་ཅན༔ འཕགས་མ་ལྷ་མོ་རབ་ཞི་མར༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན་ལོངས་སྤྱོད་མཆོད་འབུལ་བཞེས༔ འབར་བའི་འོད་ཅན་མ་དང་ནི༔ རྨ་བྱ་ཆེན་མོ་མི་ཕམ་རྒྱལ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ དཔག་མེད་གནོན་མ་རི་ཁྲོད་མ༔ འོད་ཟེར་ཅན་མ་འཁོར་བཅས་ལ༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན ལོངས་སྤྱོད་མཆོད་འབུལ་བཞེས༔ ཁྱེད་མཆོད་ཁྱེད་ལ་བདག་བསྟོད་དོ༔ བསོད་ནམས་ནོར་དང་ལོངས་སྤྱོད་གཏེར༔ རིགས་རྒྱུད་བུ་དང་ཚེ་ཆོས་དཔལ༔ ལེགས་པའི་ཡོན་ཏན་དངོས་གྲུབ་སྩོལ༔ འདི་དང་ཕྱི་མ་བར་དོ་གསུམ༔ རྗེས་སུ་བཟུང་ཞིང་བསྐྱབ་ཏུ་གསོལ༔ འཇིགས་དང་སྡུག་བསྔལ་ཉེར་འཚེ་ཀུན༔ བཟློག་ཅིང་བསྒྱུར་བའི་ཕྲིན་ལས་མཛོད༔ ཡེ་ཤེས་མཁའ་འགྲོ་ཤེས་རབ་དབང་མོས་གདམས༔ རྣལ་འབྱོར་དབང་ཕྱུག་ཡེ་ཤེས་རབ་འབྱོར་བས༔ གཉིས་སྐྱེས་འཇའ་ཚོན་དང་བཅས་བསྐུལ་བའི་ངོར༔ ཁྲག་འཐུང་བདུད་འཇོམས་རྡོ་རྗེས་བྲིས་པའོ༔ དགེའོ། །དགེའོ། །དགེའོ།། ལེགས་སོ། །སརྦ་མངྒ་ལཾ།། T11607 - 590 བྡཾ ཆོས་ཉིད་མཁའ་འགྲོའི་ཀློང་མཛོད་ལས༔ རྒྱལ་ཡུམ་འཕགས་མ་སྒྲོལ་མའི་བླ་རྡོ་སྲོག་གི་འཁོར་ལོ་བཅང་གྲོལ་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཏལྦནཨ༔ རྒྱལ་ཡུམ་རྗེ་བཙུན་འཕགས་མ་སྒྲོལ་མ་ཡི༔ བླ་རྡོ་བཅང་གྲོལ་ཆེན་པོ་བྲི་བ་ནི༔ དར་རམ་རས་དཀར་ཤོག་གུ་དྲི་མེད་ལ༔ འཁོར་ལོ་མུ་ཁྱུད་རིམ་པ་ལྔ་རུ་བསྐོར༔ དབུས་ཀྱི་ལྟེ་བར་འཕགས་མའི་སྐུ་གཟུགས་བྲིས༔ ཐུགས་ཀར་པདྨ་འདབ་བཞི་དབུས་དང་ལྔར༔ ལྟེ་བར་ཿཡིག་ཤར་དུ་ལཾཿ ལྷོར་མུཾཿ ནུབ་ཏུ་པྱཾཿ ཡིག་བྱང་དུ་མུཾཿཡིག་བྲི༔ མུ་ཁྱུད་གཉིས་པར༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ ཨོཾ་ཏཱ་རེ་ཏྲཱཾ་སྭཱ་ཧཱ༔ རྗེ་བཙུན་འཕགས་མ་སྒྲོལ་མ་འཁོར་དང་བཅས་པའི་བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ འཆང་བ་པོའི་ཡེ་ཤེས་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་ནས་འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ༔ ཛྙཱ་ན་གུ་ཎ་སིདྡྷི་ཕ་ལ་ཧཱུྃ་ཨཱཿ མུ་ཁྱུད་གསུམ་པར་པདྨ་འདབ་བཞི་ལ༔ ཤར་གྱི་འདབ་མར༔ ཨོཾ་ཏཱ་རེ་ཨ་ཡུརྫྙཱ་ན་ཚེ་བྷྲུཾ་ནྲྀ་ཛཿ ལྷོ་ཡི་འདབ་མར༔ ཨོཾ་ཏཱ་རེ་ཏྲཱཾཿ ཨཱཪྻ་མ་T1607 - 591 རི་ཙྱེེ་མཾ་སྭཱ་ཧཱ༔ ནུབ་ཀྱི་འདབ་མར༔ ཨོཾ་ཏཱ་རེ་ཧྲཱིཿ ཀུ་རུ་ཀུལླེ་ཧྲཱི་ཧྲཱི་ཛཿ བྱང་གི་འདབ་མར༔ ཨོཾ་ཏཱ་རེ་ཨཱཿ མ་མ་བ་སུ་ངྷ་རི་ཡེ་སྭཱ་ཧཱ༔ མུ་ཁྱུད་བཞི་པར་པདྨ་འདབ་བཞི བཀོད༔ ཤར་འདབ་ལ་རྩ་སྔགས་ཤམ་དུ༔ འཆང་བ་པོའི་ནད་གདོན་འཇིགས་བརྒྱད་ལས་ཉོན་སྡིག་སྒྲིབ་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ལྷོ་ཡི་འདབ་མར་རྩ་སྔགས་ཤམ་དུ༔ འཆང་བ་པོའི་ཚེ་བསོད་དཔལ་འབྱོར་མངའ་ཐང་སྲོག་ལུས་དབང་ཐང་རླུང་རྟ་བླ་གཟའ་སྙན་གྲགས་ཡེ་ཤེས་ཡོན་ཏན་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ནུབ་ཀྱི་འདབ་མར་རྩ་སྔགས་ཤམ་དུ༔ ཁམས་གསུམ་སྲིད་གསུམ་གྱི་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་ལྷ་འདྲེ་མི་གསུམ་ཐམས་ཅད་འཆང་བ་པོའི་དབང་དུ་སྡུས་ཤིག་པཱ་ཤཾ་ཀུ་རུ་ཡེ་སྭཱ་ཧཱ༔ བྱང་གི་འདབ་མར་རྩ་སྔགས་ཤམ་དུ༔ འཆང་བ་པོ་ལ་གནོད་ཅིང་འཚེ་བར་བྱེད་པའི་ཉོན་མོངས་པ་དུག་ལྔ་དུག་གསུམ་གྱིས་ཀུན་ནས་བསླང་བའི་དགྲ་འདྲེ་གནོད་བྱེད་ཐམས་ཅད་བརླག་པར་གྱུར་ཅིག༔ སརྦ་ཤ་ཏྲུཾ་མཱ་ར་ཡ་ཕཊ༔ དེ་ཡི་ཕྱི་རིམ་མུ་ཁྱུད་ལྔ་པ་ལ༔ ཨ་ལི་ཀ་ལི་རྟེན་སྙིང་བྲིས་པའི་