Tibetan
ཅད་འཆང་བ་པོའི་དབང་དུ་འདུ་བར་གྱུར་ཅིག༔ འབངས་སྡེ་བྲན་གཡོག་ཏུ་ཁོལ་བར་གྱུར་ཅིག༔ ཟས་ནོར་ལོངས་སྤྱོད་འདོད་རྒུའི་དཔལ་ཡོན་ཐམས་ཅད་ཀྱི་ཆར་ཆེན་པོ་འབབ་ཅིང་ནུབ་པ་མེད་པར་བརྟན་པར་གྱུར་ཅིག༔ སརྦ་ཝཱ་ཤཾ་ཀུ་རུ་ཡེ་སྭ་ཧཱ༔ གནོད་བྱེད་དུག་ལྔ་དུག་གསུམ་སྔོན་ལས་འཕྲལ་རྐྱེན་ལས་བྱུང་བའི་དགྲ་གདོན་བགེགས་ཚོགས་མི་མཐུན་པའི་ཕྱོགས་ངན་པ་ཐམས་ཅད་བརླག་པར་གྱུར་ཅིག༔ སརྦ་ཤ་ཏྲུཾ་མཱ་ར་ཡ་ཕཊ༔ དེ་ཡི་ཕྱི་རིམ་མུ་ཁྱུད་ལ༔ ཨ་ལི་ཀ་ལི་རྟེན་སྙིང་མཐར༔ འཆང་བ་པོའི་ལུས་ངག་ཡིད་གསུམ་བླ་ཚེ་སྲོག་གསུམ་ཐམས་ཅད་ལ་འཇིགས་པ་དང་གནོད་པ་དང་བགེགས་དང་མི་མཐུན་པའི་ཕྱོགས་ངན་པ་ཐམས་ཅད་ཀྱིས་མི་ཚུགས་པར་སྲུངས་ཤིག༔ སརྦ་དྷརྨ་པཱ་ལ་རཀྵ༔ ཀྵེ་ཊ་པཱ་ལ་རཀྵ༔ ལོ་ཀ་པཱ་ལ་ ཨོཾ། ར༔ སརྦ་ས་མ་ཡ་རཀྵ་རཀྵ༔ དེའི་ཕྱི་རིམ་དུ་བཀྲ་ཤིས་རྫས་རྟགས་རྒྱལ་སྲིད་སྣ་བདུན་བཀོད༔ འཇའ་ཚོན་འོད་ཀྱི་ར་བས་བསྐོར༔ རྩ་བརྒྱད་སྟོང་སྦྱར ཆོས་སྨན་དང་༔ བཟང་དྲུག་པདྨ་རཀྟ་བྱུགས༔ རིན་ཆེན་སྣ་ལྔ་རྟེན་དུ་བཙུག༔ ལེ་བརྒན་དར་གྱིས་རབ་གཡོགས་ཤིང་༔ འབྲུ་ཚོམ་བཀོད་པའི་དབུས་སུ་བཞག༔ ལས་གཞུང་བསྲང་སྟེ་ལྷར་གསལ་བའི༔ སྐུ་ཀློང་སྲུང་བའི་འཁོར་ལོའི་དབུས༔ ཡེ་ཤེས་ལྔ་རྫོགས་གཞལ་ཡས་སུ༔ སྐུ་གསུམ་ཡེ་ཤེས་མཁའ་འགྲོའི་དལ༔ མ་ལུས་ལུས་པ་མེད་པ་རུ༔ རྫོགས་པར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་ཡེ་ཤེས་པ༔ སྐུ་གསུམ་མཁའ་འགྲོའི་རྣམ་པ་རུ༔ སྤྱན་དྲངས་བསྐྱེད་པའི་ལྷ་ལ་ཐིམ༔ དམ་ཚིག་ཡེ་ཤེས་གཉིས་མེད་འདྲེས༔ མ་བཅོས་རྫོགས་པའི་དཀྱིལ་འཁོར་དུ༔ ཡོངས་གྲུབ་ཆེན་པོར་ཡེ་ཡིན་རྫོགས༔ ཨོཾ་ཛྙཱ་ན་ཌཱ་ཀི་ནཱི་ས་རཱ་ཛ་ཡ་བྃ་ཧ་རི་ནི་ས་སརྦ་ངྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ལོ་ཀ་པཱ་ལ་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཨེ་ཨ་རལླི་ཕེཾ་ཕེཾ༔ སུ་པྲ་ཏིཥྛ་བཛྲ་ཡེ་སྭཱ་ཧཱ༔ བརྒྱ་རྩ་བརྒྱད་ཀྱིས་རབ་གནས་བྱ༔ སྒྲུབ་ཚེ་ལྷ་དང་དབྱེར་མེད་བསྒོམ༔ རྒྱུན་དུ་ལུས་དང་འབྲལ་མེད འཆང་༔ བར་སྐབས་རབ་གནས་ནན་དུ་བྱ༔ དར་སྣ་ལྔ་ཡིས་དྲིལ་བྱས་ཏེ༔ མི་ལག་མི་འགྲིམ་གསང་ཐབས་འཆང་༔ གནད་དང་ལྡན་པས་རྣལ་འབྱོར་པའི༔ སྒོ་གསུམ་རྡོ་རྗེ་གསུམ་དུ་རློབས༔ མ་དང་མཁའ་འགྲོས་བུ་བཞིན་བསྐྱང་༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་སྤྲུལ་པའི་སྐུ་སྣ་ཚོགས་རང་གྲོལ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའོ། །དགེའོ། །དགེའོ། །དགེའོ།། །། #༷་T11607 - 630 ་ཨོཾ། མཁའ་འགྲོ་གསང་བའི་གབ་ཐིག་ལས༔ ཡེ་ཤེས་མཁའ་འགྲོའི་ཕྱག་རྒྱ་བསྡུས་པ་སྒོ་གསུམ་རྡོ་རྗེའི་གྲོང་འཇུག་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གར་མ།རྨྨ སྒོ་གསུམ་རྡོ་རྗེའི་གྲོང་འཇུག་ལ༔ སྐྱབས་འགྲོ་སེམས་བསྐྱེད་སྔོན་སོང་མཐར༔ ཨཱཿ མ་རིག་གཟུང་འཛིན་འཐས་པ་ཡི༔ རྐྱེན་སྣང་འཁྲུལ་པའི་འཁོར་ལོ་ཀུན༔ ཆོས་ཉིད་དེ་བཞིན་ཉིད་དུ་བརྡལ༔ སྣང་བ་དབྱིངས་ཀྱི་རྗེ་མོའི་མཁའ༔ ལྷུན་གྲུབ་བདེ་ཆེན་གཞལ་ཡས་སུ༔ མ་ཆགས་པདྨ་ཉི་ཟླའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ རྒྱལ་ཡུམ་ཡེ་ཤེས་མཚོ་རྒྱལ་མ༔ དཀར་དམར་མདངས་ལྡན་མཚན་དཔེས་སྤྲས༔ གཞོན་ཚུལ་ཞི་འཛུམ་བལྟ་ན་སྡུག༔ ཞབས་གཉིས་དོར་སྟབས་འགྱིང་བག་ལྡན༔ ཕྱག་གཡས་གྲི་གུག་ནམ་མཁར་ཕྱར༔ གཡོན་པས་བྡྷིན་ཐོད་བདུད་རྩི་བསྣམས༔ ཡབ་ཀྱི་མཚོན་པའི་ཁ་ཊྭཱྃ་བརྟེན༔ རིན་པོ་ཆེ་ཡི་རྒྱན་གྱིས་སྤྲས༔ དབུ་སྐྲ་ཐོར་ཅོག་རིན་ཆེན་དང་༔ མེ་ཏོག་པདྨའི་ཕྲེང་བས་བརྒྱན༔ ལྷག་མ་སྐུ་རྒྱབ་ཁེབ་ཅིང་ཁྲོལ༔ ཡེ་ཤེས་འོད་ཕུང་འཁྲིགས་པའི་ཀློང་༔ འཇའ་ལུས་སྒྱུ་མའི་སྐུར་གསལ་བའི༔ ཐུགས་ཀར་ཉི་ཟླའི་གྭའུ་ནང་༔ དྭངས་མ་ལྔ་ལྡན་ཐིག་ལེའི་སྦུབས༔ བྃཿ ཡིག་དཀར་དམར་གསལ་བ ལ༔ སྔགས་ཀྱི་ཕྲེང་བས་བསྐོར་བ་ལས༔ འོད་དང་འོད་ཟེར་རབ་འཕྲོས་པས༔ བདེ་ཆེན་ཡེ་ཤེས་མཚོ་རྒྱལ་དང་༔ སྐུ་གསུམ་ཡེ་ཤེས་མཁའ་འགྲོའི་ཚོགས༔ མཚོ་ལ་ཁ་ཆར་བབ་པ ལྟར༔ སྤྱན་དྲངས་གཉིས་སུ་མེད་པར་གྱུར༔ ཨོཾ་ཛྙཱ་ན་ཌཱ་ཀི་ནཱི་ས་རཱ་ཛ་ཡ་བྃ་ཧ་རི་ནི་ས་སིདྡྷི་ཧཱུྃ༔ སྒྲུབ་དང་ལས་སྦྱོར་དམིགས་པས་དབྱེ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་སྤྲུལ་པའི་སྐུ་མཆོག་སྣ་ཚོགས རང་གྲོལ་གྱིས་བསྐུར་ངོར་ལི་སྟོད་སྐལ་བཟང་དགོན་ནས་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་ཀློང་ཆེན་ནོ། །དགེའོ།། །། T1607 - 632 ཨོཾ། མཁའ་འགྲོ་གསང་བའི་གབ་ཐིག་ལས༔ ཡེ་ཤེས་མཁའ་འགྲོའི་མེ་མཆོད་འདོད་འཇོའི་དཔལ་ཕྲེང་ཞེས་བྱ་བ་བཞུགས་སོ༔ ནཱ་གཐཱབྡ ན་མོ་གུ་རུ་པདྨ་ཀ་ར་ཡེ༔ མཁའ་འགྲོ་བསྒྲུབ་པའི་རྣལ་འབྱོར་གྱིས༔ བསྙེན་བསྒྲུབ་ཚད་ཐེམ་རྫོགས་པའི་མཐར༔ ཁ་བསྐང་མེ་མཆོད་འདིར་བརྩོན་བྱ༔ ལག་ཏུ་ལེན་པའི་རིམ་པ་ལ༔ འབྲུ་སྣ་ཟས་སྣ་འབྱོར་ཚོགས་བསགས༔ དྲི་བཟང་ཆུ་ཡིས་སྦགས་བྱས་ཏེ༔ བཟང་དྲུག་སྨན་གྱི་སྤོད་དང་བསྲེ༔ ཉེར་སྤྱོད་འདོད་ཡོན་སྨན་གཏོར་རཀ༔ བྱང་སེམས་དཀར་དམར་དང་བཅས་པ༔ མཆོད་པའི་རྫས་སུ་བཤམས་བྱས་ཏེ༔ བརྐོ་ཐབ་བམ་ནི་བརྩིགས་ཐབ་ལ༔ ལས་མཐུན་ཤིང་ནི་འབུད་ཤིང་སྟེ༔ དཀར་ཕྱོགས་སྐྱོང་ལ་དཀར་མཆོད་དང་༔ བགེགས་ལ་ལན་ཆགས་འབྲས་ཆན་དང་༔ བསྐྲད་དང་རྡོ་རྗེའི་སྲུང་འཁོར་མཐར༔ དང་པོ་བསྲེག་རྫས་བྱིན་གྱིས་བརླབ་པ་ལ༔ སརྦ་དྷརྨ་ག་ག་ན་སྭ་བྷཱ་ཝ་བི་ཤུདྡྷེ་ཨཱཿ མཆོད་རྫས་ཡོ་བྱད་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་མཆོད་པའི་རྫས་དང་སྣོད་བཅུད་འབྱུང་བའི་ངོ་བོ་རྣམས་ཚུར་འདུས་པ་ལས་བྱུང་བའི་བདེ་སྟོང་ཟག་པ་མེད་པའི་ཡེ་ཤེས་ཀྱི་བདུད་རྩི་ལ་རྣམ་པ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོ་མ་ཚང་བ་མེད་པ་དཔག་ཡས་ནམ་མཁའི་ཁྱོན་དང་མཉམ་པར་གྱུར༔ ན་མཿསརྦ་ཏ་ཐཱ་ག་ཏ་སོགས༔ ནམ་མཁའ་མཛོད་སྔགས་ལན་བདུན་བརྗོད༔ མཐར་ཨོཾ་ཨཱཿ ཧཱུྃ་ལན་གསུམ༔ ཨོཾ་སྭ་བྷཱ་ཝ་སོགས༔ མེ་ཐབ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས༔ ལས་གཞུང་ལས༔ ཨཱཿ གཟུང་དང་འཛིན་པས་སོགས༔ རྟེན་དང་བརྟེན་པ་བསྐྱེད་ཅིང་དབྱིངས་ནས་སྤྱན་དྲངས་ལ་བསྟིམ༔ དེ་ནས་བྱོན་སྐྱེམས་འབུལ་བ་ལ༔ རྩ་སྔགས་མཐར༔ ཨ་མྲྀ་ཏ་ཁཱ་ཧི༔ ལན་བདུན་ནམ་ཉེར་གཅིག་གིས་ཕུལ༔ མཐར་བཞུགས་སུ་གསོལ་ཞིང་ཕྱི་ནང་གསང་བ་ཁྱད་པར་གྱི་མཆོད་པ་རྣམས་ཚང་བར་འབུལ༔ མཐར་བསྟོད་པ་བྱ༔ དེ་ནས་བསྲེག་རྫས་འབུལ་བ་ལ༔ ཧོཿ མ་གཅིག་ཡེ་ཤེས་ཀྱི་མཁའ་འགྲོ་མའི་ལྷ་ཚོགས་ཁྱེད་རྣམས་ཀྱིས་དངོས་སུ་འབྱོར་པ་དང་ཡིད་ཀྱིས་སྤྲུལ་པའི་མཆོད་རྫས་འབུལ་བ་འདི་དག་བཞེས་ནས་བདག་ཅག་སྒྲུབ་པ་པོའི་རྒྱུད་བྱིན་གྱིས་བརླབས་ཏེ་ཚོགས་གཉིས་ཡོངས་སུ་རྫོགས་ཤིང་སྒྲིབ་གཉིས་བག་ཆགས་དག་ནས་སྐུ་གཉིས་མངོན་དུ་གྱུར་པའི་དངོས་གྲུབ་དམ་པ་སྩལ་དུ་གསོལ༔ རྩ་སྔགས་མཐར༔ སརྦ་ག་ཎ་པཱུ་ཛ་ཧོཿ ལས་བཞིའི་ཤམ་བུ་གང་རུང་དང་བཅས་པས་བསྲེག་རྫས་རྣམས་ཕུལ་ཞིང་དམིགས་པའི་ལྡེ་ཁ་བསྒྱུར་རོ༔ ཅི་མང་བརྗོད་མཐར༔ གོང་བཞིན་ཕྱི་ནང་གསང་མཆོད་འབུལ་མཐར་བསྟོད་པ་བྱ༔ ཁ་བསྐང་བཤགས་པ་བྱ་ཞིང་དངོས་གྲུབ་བླངས༔ གཤེགས་སྐྱེམས་འབུལ་བ་བྱོན་སྐྱེམས་ལྟར་རོ༔ དེ་ནས་གཤེགས་སུ་གསོལ་བ་ནི༔ ཧཱུྃ༔ ཆོས་དབྱིངས་ངང་ལས་ལྷུན་གྲུབ་རྩལ༔ རོལ་པ་ 2 ཨོཾ། ཆེན་པོའི་ཡེ་ཤེས་ལྷ༔ སྤྲོས་མཐའ་བྲལ་བའི་དབྱིངས་སུ་གཤེགས༔ བྱིན་རླབས་ཡེ་ཤེས་མེ་དཔུང་གིས༔ སྦྱིན་སྲེག་ཟ་བའི་གདོན་བསྲེགས་གྱུར༔ རཾ་ཛྭ་ལ་རཾ་པ་ཡེ་སྭ་ཧཱ༔ མཐར་ནི་བསྔོ་སྨོན་རྒྱ་ཡིས་གདབ༔ མེ་ཏོག་འཐོར་ཞིང་ཤིས་པ་བརྗོད༔ གནད་དེས་ལྷག་ཆད་ཁ་བསྐང་དང་༔ ཚོགས་གཉིས་རྫོགས་ཤིང་ཕྲིན་ལས་འགྲུབ༔ ཁ་ཙམ་ཚིག་ཙམ་མ་ཡིན་པར༔ བསྐྱེད་དང་དམིགས་པའི་གནད་ལྡན་མཆོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་དགུའི་བར་དུ་བཀའ་རྒྱས་བཏབ་མཐར་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ནི་པདྨ་ནོར་བུའོ། །དགེའོ །དགེའོ །དགེའོ།། །། 28 T1607 - 636 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་ཟབ་གསང་མཁའ་འགྲོའི་སྙིང་ཐིག་གི་ཆོས་སྡེ་ལས། གླེགས་བམ་༼ཛ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ། མཁའ་འགྲོའི་སྒྲུབ་སྐོར་ལ་ལྔ་ལས དང་པོ་ཐུགས་སྒྲུབ་ཡེ་ཤེས་ཉི་མའི་ཕྱི་སྒྲུབ་གསང་བ་ཡེ་ཤེས་ཀྱི་སྐོར་ལ། མཁའ་འགྲོའི་དབང་ཆོག་ཉི་མའི དཀྱིལ་འཁོར་འོད་གསལ་རྡོ་རྗེའི་དྲྭ་བ་ལྡེབ་༡༣ དབང་ཆོག་གཏེར་གྱི་བུམ་བཟང་ལྡེབ ༣ མཁའ་འགྲོའི་ཕྱི་སྒྲུབ་གསལ་བའི་མེ་ལོང་འདོད་འབྱུང་དཔག་བསམ་ལྗོན་ཤིང་ལྡེབ་༥ས ཞུན་མར་བཅུད་ལེན་འོད་གསལ་སྙིང་པོ་ལྡེབ ༣ བཅུད་ལེན་སྡོམ་བཟུང་ལྡེབ ༈ རྩ་རླུང་བྱིན་རླབས་ཆོས་ཉིད་སྤྲིན་ཕུང་ལྡེབ ༈ ནད་སེལ་ལུས་སྦྱིན་འཛིན་པ་རང་གྲོལ་ལྡེབ་ྋ ལག་ལེན་བཅའ་གཞིའི་རིམ་པ་གསང་བའི་གབ་ཡིག་ལྡེབ་༡༡ གསོལ་འདེབས་ཀ་དག་ལམ་ཟབ་ལྡེབ་༣ བྱིན་འབེབས་ཚངས་པའི་སྒྲ་དབྱངས་འོད་གསལ་ཆོས་ཉིད་སྤྲིན་ཕུང་ལྡེབ་༥ གསང་བ་ཡེ་ཤེས་ཀྱི་ཐུགས་སྒྲུབ་ཡེ་ཤེས་ཉི་མ་ལྡེབ་ྋ དྲག་པོ་ཧར་བཞེངས་ལྡེབ་༡ བསྟོད་ཆེན་ཚངས་པའི་གླུ་དབྱངས་ལྡེབ ༥ ཛཔ་དམིགས་འོད་ གསལ་སྙིང་པོ་ལྡེབ་༈ ཚོགས་མཆོད་འདོད་ཡོན་སྤྲིན་ཕུང་ལྡེབ་༧ སྤྱི་བསྐང་ཤེལ་གྱི་མེ་ལོང་ལྡེབ་༦ བསྐང་བསྡུས་དངོས་གྲུབ་ཀུན་འབྱུང་དྲི་མེད་ཀྱིས་ཕབ་པ་ལྡེབ་༡ རྩ་སྒྲུབ་ཐུགས་ཀྱི་སྒྲོམ་བུ་ལྡེབ་༈ ཚོགས་མཆོད་བསྡུས་པ་ལྡེབ ༢ བསྐུལ་བ་རྡོ་རྗེའི་སྒྲ་དབྱངས་ལྡེབ་༢ བསྐུལ་བ་རྣལ་འབྱོར་དཔུང་འབོད་སྟོང་གསུམ་གཡོ་བྱེད་ལྡེབ་༩ མཁའ་འགྲོའི་འབུམ་བསྐུལ་དྲག་པོའི་གད་རྒྱངས་བཅུ་གསུམ་ལོག་རྟོག་དཔུང་འཇོམས་ལྡེབ་༢ བསྒྲལ་ལས་སྤུ་གྲི་རེག་གཅོད་ལྡེབ ༡༠ ཕུར་པའི་གདབ་འདྲེན་ཐུགས་རྗེའི་གསང་ལམ་ལྡེབ་༣ དྲག་ཟློག་རྡོ་རྗེ་འཇིགས་བྱེད་རབ་འབར་ལྡེབ་༥ སྲེག་བླུགས་ཕྲིན་ལས་ལྷུན་གྲུབ་ལྡེབ ༣ བཅས། ༈ གཉིས་པ་ནང་སྒྲུབ་བདུད་འདུལ་དྲག་མོ་སེང་གདོང་མའི་སྐོར་ལ། མཁའ་འགྲོ་སེང་གེའི་གདོང་ཅན་གྱི་དབང་ཆོག་འོད་གསལ་རྡོ་རྗེའི་དྲྭ་བ་ལྡེབ་༡༣ ནང་སྒྲུབ་སེང་གདོང་མའི་དབང་ཆོག་བྱིན་རླབས་ཆར་འབེབས་ལྡེབ་༡༣ གསོལ་འདེབས་ཀ་དག་ལམ་བཟང་ལྡེབ ༈ བྱིན་འབེབས་ཚངས་པའི་སྒྲ་དབྱངས་ཆོས་ཉིད་སྤྲིན་ཕུང་ལྡེབ་༥ ཕྱག་རྒྱ་འཁོར་བའི་གཡུལ་ཟློག་རྡོ་རྗེའི་རྒྱ་ཅན་ལྡེབ ༡༨ ཛཔྲ་དགོངས་ ༄༅། །དམིགས་པའི་འཁོར་ལོ་ལྡེབ་༥ དྲག་པོ་ཧར་བཞེངས་ལྡེབ་༈ མཁའ་འགྲོའི་སྤྱི་བསྐང་ཤེལ་གྱི་མེ་ལོང་ལྡེབ་༦ བསྐུལ་བ་རྡོ་རྗེའི་སྒྲ་དབྱངས་ལྡེབ་༤ མཁའ་འགྲོ་འབུམ་བསྐུལ་ལོག་རྟོག་དཔུང་འཇོམས་ལྡེབ་༈ བསྐུལ་བ་རྣལ་འབྱོར་དཔུང་འབོད་སྟོང་གསུམ་གཡོ་བྱེད་ཐོག་མདའ་ལྡེབ་ྋ བསྒྲལ་ལས་སྤུ་གྲི་རེག་གཅོད་ལྡེབ་༡༠ འགུགས་འདྲེན་རྡོ་རྗེའི་ལྕགས་ཀྱུ་ལྡེབ ༢ ཕུར་གདབ་ཐུགས་རྗེའི་གསང་ལམ་ཟབ་མོ་ལྡེབ ༤ དྲག་ཟློག་རྡོ་རྗེ་འཇིགས་བྱེད་གཞོམ་བྲལ་རབ་འབར་ལྡེབ ༦ བཅས། ༈ གསུམ་པ་ཕག་མོའི་སྐོར་ལ། རྡོ་རྗེ་ཕག་མོའི་གསོལ་འདེབས་བྱིན་རླབས་ཆར་འབེབས་ལྡེབ་༡ ཕག་མོ་རིགས་ལྔའི་བསྐུལ་བྱང་དགྲ་བགེགས་ཀུན་སྒྲོལ་ལྡེབ་༡ བཅས། ༈ བཞི་པ་གསང་སྒྲུབ་སྒྲོལ་མའི་སྐོར་ལ། རྗེ་བཙུན་སྒྲོལ་མའི་དབང་ཆོག་དངོས་གྲུབ་འབྱུང་གནས་ལྡེབ་༣ གསོལ་འདེབས་བྱིན་རླབས་ཆར་འབེབས་ལྡེབ་༡ དམ་ཚིག་སྒྲོལ་མའི་9 སྒྲུབ་པ་མཁའ་སྤྱོད་མྱུར་ལམ་ལྡེབ ྋ བསྐང་བཤགས་ཉམས་ཆག་རང་གྲོལ་ལྡེབ ༡ གཏོར་བསྔོས་བདུད་རྩི་འཁྱིལ་བ་ལྡེབ ༡ བླ་རྡོ་སྲོག་འཁོར་བཅང་གྲོལ་ལྡེབ་༢ བཅས། T11607 - 639 ༈ ལྔ་པ་མཁའ་འགྲོ་གསང་བའི་གབ་ཐིག་ལས་ཡང་གསང་སྒྲུབ་པ་མཚོ་རྒྱལ་གྱི་སྐོར་ལ། ཡེ་ཤེས་མཚོ་རྒྱལ་གྱི་དབང་ཆོག་དངོས་གྲུབ་ཆར་འབེབས་ལྡེབ་༣ གསོལ་འདེབས་དབང་གི་བུམ་བཟང་ལྡེབ ༡ ཡང་གསང་སྤྲུལ་སྐུའི་སྒྲུབ་པ་པདྨའི་ཕྲེང་བ་ལྡེབ་༡༠ བསྐང་བ་དངོས་གྲུབ་ཀུན་འབྱུང་ལྡེབ ༈ སྲོག་འཁོར་དབང་སྡུད་རྒྱན་གྱི་འཁོར་ལོ་ལྡེབ་༈ ཕྱག་རྒྱ་བསྡུས་པ་སྒོ་གསུམ་རྡོ་རྗེ་གྲོང་འཇུག་ལྡེབ ༡ མེ་མཆོད་འདོད་འཇོའི་དཔལ་ཕྲེང་ལྡེབ ༈ བཅས། པོད་འདིར་ཆོས་ཚན་ལྔ་བཅུ་ང་དྲུག་ལ་ལྡེབ ༣༡༧ དང་། གླེགས་བམ་གྱི་དཀར་ཆག་རང་ཉིད་ལྡེབ ༢ བཅས་བསྡོམས་ལྡེབ་གྲངས ༣༡༩ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི། །ཟབ་གཏེར་གསང་བའི་ཆོས་མཛོད་ཡིད་བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ་དགེས། །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ༈ པདྨའི་རིང་ལུགས་སྔ་འགྱུར་རྫོགས་པ་ཆེ། །ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ། །།