Tibetan
བསྟོད༔ སྐུ་དང་ཡེ་ཤེས་མདངས་ཀྱི་གདངས་རྩལ་ལས༔ རིགས་བཞིའི་མཁའ་འགྲོས་ཉོན་མོངས་གནས་ནས་སྤོར༔ ཆོ་འཕྲུལ་འབུམ་ཕྲག་མཁའ་འགྲོའི་རོལ་གར་གྱིས༔ རབ་འབྱམས་ཕྲིན་ལས་རྒྱ་མཚོར་མངའ་དབང་བསྒྱུར༔ གནས་གསུམ་མཁའ་འགྲོའི་ཚོགས་ལ་ཕྱག་འཚལ་བསྟོད༔ དེ་ནས་འཛབ་དམིགས་ལ༔ རང་ཉིད་མཁའ་ ཨོཾ། འགྲོའི་ཐུགས་ཀ་རུ༔ ཕག་མོ་མཐིང་ནག་གྲི་ཐོད་ཅན༔ ཐུགས་ཀར་ཉི་ཟླའི་གྭའུའི་སྦུབས༔ དྭངས་མ་འོད་ལྔའི་ཀློང་དཀྱིལ་དུ༔ བྃཿཡིག་མཐིང་ནག་འོད་འབར་ལ༔ རྩ་བའི་སྔགས་ཀྱིས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་དང་༔ སྐུ་གསུམ་མཁའ་འགྲོའི་རྟེན་བརྟེན་པ༔ འོད་ཀྱི་རྣམ་པར་ཚུར་བསྡུས་ཏེ༔ ཐུགས་སྲོག་ཉིད་ལ བཅུད་དུ་དྲིལ༔ སྣོད་བཅུད་དཀྱིལ་འཁོར་གསུམ་ལྡན་གྱི༔ རོལ་པ་ཆེན་པོར་རྫོགས་སངས་རྒྱས༔ ཨོཾ་ཛྙཱ་ན་ཌཱ་ཀི་ནཱི་ས་རཱ་ཛ་ཡ་བྃ་ཧ་རི་ནི་ས་ཧཱུྃ༔ ནམ་མཁའ་སྤྲིན་དང་བྲལ་བ་དང་༔ ཉི་ཟླ་ཤར་དང་རོལ་མོ་འཁྲོལ༔ མཁའ་ལ་འཕུར་དང་རི་རྩེར་སླེབ༔ མཁའ་འགྲོའི་ཚོགས་དཔོན་བྱེད་པ་རྣམས༔ དང་པོའི་རྟགས་སུ་ཤེས་པར་བྱ༔ དེ་ནས་སྒྲུབ་སྔགས་བཟླ་བ་ལ༔ སླར་ཡང་འོད་དང་འོད་ཟེར་འཕྲོས༔ བརྒྱུད་གསུམ་རིག འཛིན་བླ་མ་དང་༔ སྐུ་གསུམ་མཁའ་འགྲོའི་ཐུགས་རྒྱུད་བསྐུལ༔ དབང་དང་བྱིན་རླབས་དངོས་གྲུབ་དང་༔ ཡེ་ཤེས་ཡོན་ཏན་མ་ལུས་པ༔ འོད་ལྔའི་རྣམ་པར་ཚུར་བསྡུས་ཏེ༔ ཐུགས་སྲོག་སྔགས་འཁོར་ལ་ཐིམ་པས༔ གཟི་བརྗིད་འོད་ཕུང་འབར་བ་དང་༔ མཆོག་ཐུན་དངོས་གྲུབ་ཐོབ་པར་བསྒོམ༔ ཨོཾ་ཛྙཱ་ན་ཌཱ་ཀི་ནཱི་ས་རཱ་ཛ་ཡ་བྃ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ་ཨཱཿ ལོངས་སྤྱོད་གཏེར་ཆེན་རྡོལ་བ་དང་༔ བུད་མེད་གཞོན་ནུ་མཛེས་ལྡན་གྱིས༔ ཡིད་དུ་འོང་བའི་ཟས་སྟེར་རམ༔ བྷནྡྷར་བཟའ་བཏུང་རོལ་བ་དང་༔ རྟོགས་པ་གསར་དུ་སྐྱེ་བ་རྣམས༔ བར་གྱི་རྟགས་སུ་ཤེས་པར་བྱ༔ དེ་ནས་ལས་ལ་སྦྱོར་བ་ནི༔ མཁའ་འགྲོའི་ཐུགས་ལས་འོད་འཕྲོས་པས༔ ཁམས་གསུམ་བརྟན་གཡོ་ཐམས་ཅད་ཀུན༔ མཁའ་འགྲོའི་ཐུགས་གསང་མཉམ་ཉིད་ཀློང་༔ འཇའ་ཚོན་མཁའ་རུ་ཞིག་པ་བཞིན༔ འཁོར་འདས་དག་མཉམ་ཆེན་པོ་རུ༔ འུབ་ཆུབ་རོལ་པར་རྫོགས་སངས་རྒྱས༔ སྐབས་སུ་མེ་རླུང་ཐུན་མཚོན་འཕྲོས༔ གཟུགས་ཅན་དགྲ་དང་གཟུགས་མེད་བགེགས༔ དྲག་ཅིང་རྩུབ་པའི་བསམ་སྦྱོར་ཅན༔ མ་ལུས་ཐལ་བའི་རྡུལ་དུ་བརླག༔ རྣམ་ཤེས་ཆོས་ཀྱི་དབྱིངས་སུ་སྤར༔ ཨོཾ་ཛྙཱ་ན་ཌཱ་ཀི་ནི་ས་རཱ་ཛ་ཡ་བྃ་ཧ་རི་ནི་ས་སརྦ་ཤ་ཏྲུཾ་མཱ་ར་ཡ་ཕཊ༔ དང་པོ་ལས་བཞི་དུས་དང་བསྟུན༔ དམིགས་པའི་ལྡེ་ཁ་བསྒྱུར་ཏེ་བཟླས༔ གཞན་ཡང་ལས་རྣམས་གང་ལ་ཡང་༔ བསྒྱུར་ཁ་མཁས་པ་གནད་དུ་ཤེས༔ དེ་ནས་རྟགས་ཀྱི་རིམ་པ་ལ༔ དམག་མི་མང་པོ་དང་འགྲོགས་ཏེ༔ ཡུལ་ཆེན་ཁ་ལོ་བསྒྱུར་བ་དང་༔ རི་རབ་མེ་ལ་བསྲེགས་པ་དང་༔ བྲག་ཆེན་བཤིག་དང་ཤིང་ཆེན་བཅོམ༔ ཁྲོམ་བསྡུས་དབང་བསྐུར་ཆོས་འཆད་དང་༔ དཔོན་ཆེན་བྲན་དུ་ཁོལ་བ་དང་༔ སྲོག་ཆགས་མང་པོ་གསོད་རྨི་ན༔ ཐ་མའི་རྟགས་སུ་ཤེས་པར་བྱ༔ རྣལ་འབྱོར་ཉམས་ཆག་བསྐང་བ་དང་༔ ་ཁོ། ཚོགས་རྫོགས་ཉམས་རྟོགས་འཕེལ་བའི་ཕྱིར༔ ཚོགས་ཀྱི་འཁོར་ལོའི་ཆོ་ག་ནི༔ ལག་ཏུ་ལེན་པའི་རིམ་པ་ལ༔ ཤ་དང་ཆང་གི་གཙོ་བྱས་པའི༔ བཟའ་བཏུང་གང་འོས་ཐམས་ཅད་དང་༔ སྤོད་ཀྱི་རིགས་བྱེད་ཀུན་བསགས་ཏེ༔ གྲོང་དང་འཁོར་ཡུག་ཚུལ་དུ་བཀོད༔ དང་པོ་ཚོགས་རྫས་བྱིན་བརླབས་ལ༔ ཧཱུྃ༔ བདག་ཉིད་མཁའ་འགྲོའི་ཐུགས་ཀ་ནས༔ རཾ་འཕྲོས་ཚོགས་ཀྱི་ཉེས་སྐྱོན་བསྲེགས༔ ཡཾ་འཕྲོས་དངོས་འཛིན་དབྱིངས་སུ་བཤིག༔ ཁཾ་འཕྲོས་སེར་སྣའི་འབག་རྩོག་སྦྱངས༔ དབྱིངས་ལ་དབྱིངས་བཞུགས་ཀུན་ཁྱབ་བརྡལ༔ རཾ་ཡཾ་ཁཾ༔ འབྲུ་གསུམ་རྡོ་རྗེའི་སྙིང་པོ་དང་༔ བཤམས་པའི་རྫས་དང་བརྟན་གཡོ་བཅུད༔ ཚུར་འདུས་ཡེ་ཤེས་ཀ་པཱ་ལར༔ ཟག་མེད་བདེ་སྟོང་བདུད་རྩི་བསྐྱིལ༔ རིན་ཆེན་སྣ་ཚོགས་ས་གཞི་ལ༔ འདོད་རྒུའི་དཔལ་ཡོན་མི་ཟད་གཏེར༔ རྒྱལ་བའི་ཞིང་ཁམས་ཡོངས་ཁྱབ་གྱུར༔ ཨོཾ་ཨཱཿཧཱུྃ༔ ལན་གསུམ༔ དེ་ནས་སྤྱན་འདྲེན་པ་ལ༔ ཧཱུྃ༔ ཆོས་དབྱིངས་སྐྱེ་མེད་གཞལ་ཡས་ནས༔ ཆོས་སྐུ་ཡུམ་ཆེན་ཀུན་བཟང་མོ༔ ཆོས་སྐུའི་མཁའ་འགྲོའི་ཚོགས་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ ལྷུན་གྲུབ་བདེ་ཆེན་ཀློང་མཛོད་ནས༔ ལོངས་སྐུ་ཕག་མོ་རིགས་ལྔ་དང་༔ ལོངས་སྐུའི་མཁའ་འགྲོའི་ཚོགས་དང་ བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ མཁའ་སྤྱོད་ཨོ་རྒྱན་སྤྲུལ་པའི་ཞིང་༔ ཟངས་མདོག་དཔལ་གྱི་རི་བོ་ནས༔ བདེ་ཆེན་ཡེ་ཤེས་མཚོ་རྒྱལ་མ༔ སྤྲུལ་སྐུའི་མཁའ་འགྲོའི་ཚོགས་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ གནས་ཡུལ་ལྔ་བཅུ་རྩ་དྲུག་དང་༔ ཧེ་རུ་ཀ་ཡི་གནས་བཅུ་ན༔ བཞུགས་པའི་དཔའ་བོ་རྣལ་འབྱོར་མ༔ མ་ལུས་ལུས་པ་མེད་པ་རུ༔ ཚོགས་ཀྱི་འདུ་བར་གཤེགས་སུ་གསོལ༔ ཨོཾ་ཛྙཱ་ན་ཌཱ་ཀི་ནཱི་བྃ་ཧ་རི་ནི་ས་ཧྲཱི་ཡ་བྷྱོ་ཛ་བཛྲ་ས་མ་ཡ་ཛཿ དེ་ནས་ཚོགས་ཕུད་འབུལ་བ་ལ༔ ཧཱུྃ༔ སྐུ་གསུམ་མཁའ་འགྲོའི་དཀྱིལ་འཁོར་ལྷ༔ ཡོངས་འདུས་བདག་ཉིད་ཆེན་མོ་ཉིད༔ མཁའ་འགྲོ་ཡེ་ཤེས་མཚོ་རྒྱལ་མ༔ འབུམ་ཕྲག་མཁའ་འགྲོའི་ཚོགས་བཅས་ལ༔ བདེ་སྟོང་ཡེ་ཤེས་བདུད་རྩི་དང་༔༷ འདོད་ཡོན་ལོངས་སྤྱོད་ཚོགས་མཆོད་འབུལ༔ དམ་ཚིག་ཉམས་ཆག་མཐོལ་ལོ་བཤགས༔ མཆོག་དང་ཐུན་མོང་དངོས་གྲུབ་སྩོལ༔ མ་ཧཱ་སརྦ་པཉྩ་ཨ་མྲྀ་ཏ་ཁཱ་ཧི༔ ག་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧོཿ ཡེ་ཤེས་མཁའ་འགྲོའི་ལྷ་ཚོགས་དགོངས༔ བདག་ནི་བག་མེད་དབང་གྱུར་ཏེ༔ སྡོམ་དང་བསླབ་པ་དམ་ཉམས་པ༔ ཞལ་ཟས་ཚོགས་ཀྱིས ཨོཾ བསྐང་ཞིང་བཤགས༔ དག་ཅིང་ཚངས་པའི་དངོས་གྲུབ་སྩོལ༔ ཨོཾ་ག་ཎ་ཙཀྲ་སཏྭ་སོགས༔ དེ་ནས་ཉམས་པ་བསྒྲལ་བ་ནི༔ ཧཱུྃ༔ སྐུ་གསུམ་མཁའ་འགྲོ་དབྱིངས ནས་བཞེངས༔ ལས་བྱེད་མཁའ་འགྲོའི་དུས་ལ་བབ༔ ཉམས་པ་བདུན་ལྡན་དགྲ་བགེགས་རྣམས༔ མྱུར་དུ་ཁུག་ལ་བྱད་དུ་ཆུག༔ ལྷ་དང་ཕྲོལ་ལ་སྨྱོ་རུ་ཆུག༔ ཐུན་དང་མཚོན་གྱི་ཆར་ཕོབ་ལ༔ ལུས་ངག་རྡུལ་ཕྲན་བཞིན་དུ་རློགས༔ རྣམ་ཤེས་ཆོས་ཀྱི་དབྱིངས་སུ་སྤོར༔ མ་བྷྱོ་ཛ་ཧྲཱི་ས་མ་ཡ་ནྲྀ་ཏྲི་སརྦ་ཤ་ཏྲུཾ་ཨ་མུ་ཀ་མཱ་ར་ཡ་རྦད་སིད་ཧཱུྃ་ཕཊ༔ དེ་ནས་ཞལ་དུ་བསྟབ་པ་ནི༔ ཧོཿ ཡེ་ཤེས་མཁའ་འགྲོ་ཞལ་ཕྱེས་ཤིག༔ དགྲ་བགེགས་ཕུང་ཁམས་སྐྱེ་མཆེད་ཀུན༔ རྗེས་ཤུལ་ལྷག་མ་མེད་པ་རུ༔ ཞལ་དུ་བསྟབ་བོ་བཞེས་ཤིག་རོལ༔ ཤ་ཏྲུཾ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ལ༔ ཧཱུྃ་བྷྱོ༔ དཔལ་གྱི་སྤྱན་སྔར་ཁས་བླངས་པའི༔ ལྷག་སྐྱོང་གནས་ཉུལ་མ་མོའི་ཚོགས༔ འདིར་གཤེགས་ལྷག་མའི་ལོངས་སྤྱོད་བཞེས༔ སྒྲུབ་པའི་བར་ཆད དབྱིངས་སུ་རོལ༔ རབ་འབྱམས་ཕྲིན་ལས་ཡོངས་འགྲུབ་ཅིང་༔ དམ་ཚིག་ཇི་བཞིན་ལས་མཛོད་ཅིག༔ མ་མ་ཧྲཱི་ཧྲཱི་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་བསྐུལ་བ་བྱ་བ་ལ༔ ཧཱུྃ་བྷྱོ༔ ཡེ་ཤེས་ དབྱིངས་ཀྱི་མཁའ་འགྲོ་མ༔ གཙོ་མོ་རྡོ་རྗེ་ཕག་མོ་བསྐུལ༔ གཉིས་མེད་ཡུམ་ཆེན་མཚོ་རྒྱལ་མ༔ སྤྲུལ་པ་དབྱིངས་ཀྱི་ཡུམ་ལྔ་བསྐུལ༔ ཡངས་སྤྲུལ་འབུམ་ཕྲག་མཁའ་འགྲོ་བསྐུལ༔ གནས་མཆོག་ཉེར་བཞི་ཡུལ་སོ་གཉིས༔ དུར་ཁྲོད་ཆེན་པོའི་གནས་བརྒྱད་དང་༔ ཧེ་རུ་ཀ་ཡི་གནས་བཅུ་ན༔ བཞུགས་པའི་མ་མོ་མཁའ་འགྲོའི་ཚོགས༔ བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་མི་མངོན་དབྱིངས་ནས་བཞེངས༔ རྫུ་འཕྲུལ་དབང་གིས་འདིར་གཤེགས་ལ༔ ཕྱི་དགྲ་བསྟན་ལ་སྡང་བ་དང་༔ ནང་དགྲ་ནང་འཁྲུགས་འཐབ་མོ་དང་༔ གསང་དགྲ་སྒྲུབ་ལ་བར་གཅོད་པའི༔ གཟུགས་ཅན་དགྲ་དང་གཟུགས་མེད་བགེགས༔ བཀའ་འདའ་དམ་ཉམས་སྨོན་ལོག་པའི༔ གནོད་བྱེད་གདུག་པའི་སྙིང་ཁྲག་རོལ༔ སྔོན་གྱི་ལས་དང་ཚེ་ཡི་ཚད༔ དུས་ཀྱི་དབང་དུ་མ་བཏང་བར༔ མཐའ་རྩ་སྐྱེ་རྒྱུད་ལས་མཐའ་བསྟུང་༔ གློ་བུར་ཧུར་ཐུམ་ནད་ཀྱིས་སོད༔ རྗེས་ཤུལ་མེད་པར་བརླག་ནས་ཀྱང་༔ བསྟན་འགྲོ་བདེ་ལ་འགོད་པར་མཛོད༔ དམར་གྱི་གཏོར་མ་འདི་བཞེས་ལ༔ རང་དམ་གཉན་པོ་དྲན་པར་གྱིས༔ བཅོལ་བའི་ཕྲིན་ལས་གྲུབ་པར་མཛོད༔ དེ་ནས་ཆད་མདོ་བཏང་བ་ལ༔ ཧཱུྃ་བྷྱོ༔ སྔོན་ཚེ་དཔལ་ ཨོཾ། ཆེན་ཧེ་རུ་ཀ༔ བར་དུ་བཅོམ་ལྡན་རྡོ་རྗེ་ཅན༔ ཐ་མ་ཨོ་རྒྱན་ཆེན་པོ་སོགས༔ རིག་འཛིན་བརྒྱུད་པའི་སྤྱན་སྔ་རུ༔ བསྟན་པ་བསྲུང་བར་ཁས་བླངས་པའི༔ དམ་ཅན་བཀའ་ཡི་སྲུང་མ་རྣམས༔ ཆད་དོན་དམར་གྱི་གཏོར་མ་ལོངས༔ སངས་རྒྱས་བསྟན་པ་གཉན་པོ་སྲུངས༔ དཀོན་མཆོག་གསུམ་གྱི་དབུ་འཕང་བསྟོད༔ རྣལ་འབྱོར་སྒྲུབ་པའི་བར་ཆད་བཟློག༔ བསྟན་དང་བསྟན་འཛིན་ལ་གནོད་པའི༔ དགྲ་བགེགས་མ་ལུས་ཆོམ་ལ་ཕོབ༔ བདག་གི་གང་བསམ་འདོད་དོན་ཀུན༔ འབད་མེད་ལྷུན་གྱིས་གྲུབ་པར་མཛོད༔ བཀའ་དམ་གཉན་པོ་དཔང་གཙུག་གོ༔ མ་འདའ་བཛྲ་ས་མ་ཡ༔ དེ་ནས་བརྟན་མ་སྐྱོང་བ་ནི༔ བཤལ་ཆུ་གཏོར་མ་བཏང་བ་ལ༔ ཧཱུྃ་བྷྱོ༔ ཨོ་རྒྱན་པདྨ་ཐོད་ཕྲེང་གིས༔ དམ་བཏགས་དབང་བསྐུར་བྱིན་བརླབས་ཤིང་༔ གཏེར་གཉེར་གཏད་ཅིང་བཀའ་བསྒོས་པའི༔ བརྟན་མ་ཆེན་མོ་བཅུ་གཉིས་ནི༔ སྤྲུལ་པ་མང་པོ་འཁོར་དང་བཅས༔ བྲན་གཡོག་མང་པོ་དཔུང་དང་བཅས༔ སྣང་སྲིད་ལྷ་སྲིན་སྡེ་དང་བཅས༔ སིལ་སྙན་མང་པོའི་སྒྲ་དང་བཅས༔ རིན་ཆེན་སྣ་ཚོགས་རྒྱན་དང་བཅས༔ ལྷབ་ལྷུབ་མང་པོའི་གོས་དང་བཅས༔ འབོད་ནི་དམ་ཚིག་གཉན་གྱིས་འབོད༔ གཤེགས་ནི་མི་མངོན་དབྱིངས་ནས་གཤེགས༔ བཤལ་ཆུ་གཏོར་མ་འདི་བཞེས་ལ༔ རྣལ་འབྱོར་སྒྲུབ་པའི་མཐུན་རྐྱེན་སྒྲུབས༔ སྒྲུབ་པ་གཉན་པོའི་དྲོད་སྲུངས་ལ༔ ཕྱི་ནང་གསང་བའི་བར་ཆད་བཟློག༔ མཐའ་མི་དབུས་སུ་མ་བཏང་བར༔ བོད་ཁམས་བདེ་བའི་ཕྲིན་ལས་མཛོད༔ མ་མ་ཧྲཱི་ཧྲཱི་ལ་ལ་ལེ་ལེ་ཏ་ཏ་ཏཾ་ཏཾ་ཨེ་དཾ་བ་ལི་ཏ་ཁཱ་ཧི༔ རྟ་བྲོ་བརྡུང་བ་ལ༔ ཧཱུྃ༔ བཀའ་འདས་དམ་ཉམས་སྨོན་ལོག་པའི༔ ལོག་འདྲེན་དམ་སྲི་སྒབ་འདྲེ་ཀུན༔ ལས་ཀྱི་གཤིན་རྗེའི་ལྟོ་བར་བྲུབ༔ རིམ་དགུ་ས་ཡི་འོག་ཏུ་མནན༔ མ་ཤོར་ཐེག་པ་རིམ་དགུའི་རྒྱ༔ བྲོ་ནི་སྟོང་པ་ཉིད་ཀྱི་བྲོ༔ གླུ་ནི་ཆོས་ཉིད་རོལ་པའི་གླུ༔ ཡེ་ཤེས་ལྔ་ཡི་རྟ་བྲོ་འདི༔ དུག་ལྔའི་མགོ་ལ་ཆེམས་ཆེམ་བརྡུང་༔ མཉམ་ཉིད་རོལ་པའི་རྟ་བྲོ་འདི༔ བདག་ལྟའི་རཱུ་ཏྲའི་མགོ་ལ་ཆེམ༔ ཉོན་མོངས་དུག་ལྔ་དུག་གསུམ་ལས༔ བསྐྱེད་པའི་ལོག་པར་རྟོག་པ་ཀུན༔ མནན་ནོ་བྲུབ་བོ་བྲོ་ཡིས་བཅོམ༔ བྱང་ཆུབ་བར་དུ་མ་ལྡང་ཞིག༔ ཨོཾ་ལཾ༔ ཨཱཿལ༔ ཧཱུྃ་ལཾ༔ སུཾ་༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ནི༔ ཧོཿ ཡེ་ཤེས་མཁའ་འགྲོའི་ལྷ་ཚོགས་དགོངས༔ བསྙེན་ཅིང་བསྒྲུབ་པའི་དམ་ཚིག་ཐེམ༔ རྡོ་རྗེ་སྲིན་པོའི་ནམ་ཡང་ལངས༔ དངོས་གྲུབ་སྩོལ་ ཨོཾ། བའི་དུས་ལ་བབ༔ རྡོ་རྗེ་གསུམ་གྱི་དབང་དངོས་གྲུབ༔ ད་ལྟ་ཉིད་དུ་ཐོབ་པར་སྩོལ༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་ཛྙཱ་ན་གུ་ཎ་ཀརྨ་སརྦ་སིདྡྷི་ཕ་ལ་ཧོཿ དེ་ནས་བཤགས་པ་བྱ་བ་ནི༔ ཧོཿ ཡེ་ཤེས་མཁའ་འགྲོའི་ལྷ་ཚོགས་དགོངས༔ བདག་གི་ཚེ་རབས་ཐོག་མེད་ནས༔ སྒོ་གསུམ་བག་མེད་དབང་གྱུར་ཏེ༔ སྡོམ་དང་བསླབ་པ་དམ་ཉམས་བཤགས༔ དེ་ནས་བསྔོ་བ་སྨོན་ལམ་ནི༔ ཧོཿ འདི་དང་དུས་གསུམ་དགེ་ཚོགས་ཀུན༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ བདག་སོགས་སེམས་ཅན་མ་ལུས་པ༔ ཕྱམ་གཅིག་རྫོགས་སངས་རྒྱས་གྱུར་ཅིག༔ ལན་གསུམ་གྱིས་རྒྱས་གདབ་སྟེ༔ བསྡུ་བའི་རིམ་པ་ལ༔ རྟེན་དང་བརྟེན་པའི་དཀྱིལ་འཁོར་ལྷ༔ རྨི་ལམ་དབྱིངས་སུ་སད་པ་ལྟར༔ ཆོས་ཉིད་བརྡལ་ཁྱབ་ཆེན་པོར་ཨཱཿ མཁའ་ལ་འཇའ་ཚོན་ཤར་བ་ལྟར༔ རང་ཉིད་ཡེ་ཤེས་མཁའ་འགྲོའི་སྐུ༔ རྒྱན་དང་ཆ་ལུགས་རྫོགས་པར་གསལ༔ སྲ་མཁྲེགས་རྡོ་རྗེའི་གོ་ཁྲབ་བགོ༔ བཛྲ་རཀྵ་རཀྵ་_UNK༔ དེ་ནས་བཀྲ་ཤིས་བྱ་བ་ལ༔ ཧོཿ མཛེས་སྡུག་མཚན་དཔེ་རྫོགས་པ་རྡོ་རྗེའི་སྐུ༔ ཚངས་དབྱངས་ཡན་ལག་དྲུག་ཅུ་རྡོ་རྗེའི་གསུང་༔ ཆོས་ཕུང་བརྒྱད་ཁྲི་བཞི་སྟོང་རྡོ་རྗེའི་ཐུགས༔ མཁའ་འགྲོའི་གསང་ གསུམ་རྡོ་རྗེའི་བཀྲ་ཤིས་ཤོག༔ དེ་ལྟར་མཁའ་འགྲོའི་གསང་མཛོད་འདི༔ ཚུལ་བཞིན་གནད་དང་ལྡན་གྱུར་ཏེ༔ ཤེས་པ་གཞན་དུ་མ་ཡེངས་ན༔ ཟླ་བ་དྲུག་གིས་ངེས་པར་འགྲུབ༔ མངོན་སུམ་ལྷ་ཞལ་མཇལ་བ་འམ༔ དངོས་གྲུབ་ཐོབ་པར་གདོན་མི་ཟ༔ འཁོར་འདས་གཉིས་ཀྱིས་བསྡུས་པ་ཡི༔ ཆོས་ཀུན་ཆོས་ཉིད་ཆེན་པོའི་ངང་༔ མཉམ་ཉིད་རྟོགས་པའི་ལྟ་བ་དང་༔ བསྒོམ་མེད་ཡེངས་མེད་འཛིན་མེད་པའི༔ ཆོས་ཉིད་མངོན་གྱུར་ཆེན་པོའི་ངང་༔ སྒོམ་པ་གཏད་མེད་རྒྱ་ཡན་གནད༔ སྒོ་གསུམ་བྱ་བ་དགུ་ཕྲུག་དང་༔ བྱར་མེད་སྤྱོད་པ་ཅོག་བཞག་གནད༔ མ་བཅོས་རང་ཀར་འདུག་པ་ཡི༔ གནད་དང་ལྡན་པའི་ཤེས་རབ་ཀྱིས༔ འབྲས་བུ་རང་ཐོག་རང་གྲོལ་ཏེ༔ གདོད་མའི་མགོན་པོའི་གོ་འཕང་མཆོག༔ འབད་མེད་ངང་གིས་འཐོབ་འགྱུར་རོ༔ མཁའ་འགྲོ་གསང་བའི་གབ་ཐིག་འདི༔ བཀའ་སྲུང་དབང་ཕྱུག་ཆེན་པོར་གཉེར༔ ཐུབ་པར་སྲུངས་ཤིག་ས་མ་ཡ༔ སྒྲུབ་མཆོག་བུ་བཞིན་རྟག་སྐྱོང་མཛོད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ཅན་ནས་གདན་དྲངས་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱས་བཏབ་མཐར་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་དབྱངས་སྙན་རོལ་མོའི་སྒྲ་དང་བཅས་ཏེ་བསྐུལ་བའི་ངོར་ཁྲག་འཐུང་བདུད་འཇོམས་རྡོ་རྗེས་མཁའ་འགྲོ་གསང་བའི་བརྡ་རིས་ལས་དག་པར་ཕབ་པའོ། །དགེའོ །ལེགས་སོ། །སརྦ་མངྒ་ལཾ།། ། ་ཨོཾ། མཁའ་འགྲོ་གསང་བའི་གབ་ཐིག་ལས༔ ཡེ་ཤེས་མཁའ་འགྲོའི་བསྐང་བ་དངོས་གྲུབ་ཀུན་འབྱུང་བཞུགས་སོ༔ ན་མོ་པདྨ་ཀ་ར་ཡེ༔ ཧཱནཱརྨ་ཀྐངྷ།ཝཾསྒྲ ཞལ་ཟས་ཚོགས་ཀྱི་མཆོད་པ་ལ༔ བརྟེན་ནས་ཉམས་ཆག་བསྐང་བའི་ཐབས༔ གནད་ཀྱི་ཡང་ཐིག་འདི་ཀའོ༔ ཨོཾ་ཨཱཿ ཧཱུྃ༔ བསྐང་རྫས་རྣམས་འཕགས་པ་ཀུན་ཏུ་བཟང་པོའི་མཆོད་པའི་སྤྲིན་ལྟ་བུར་ཟད་མི་ཤེས་པའི་གཏེར་ཆེན་པོ་ནམ་མཁའི་མཐའ་དང་མཉམ་པར་གྱུར༔ རྟེན་འབྲེལ་སྙིང་པོ་དང་ནམ་མཁའ་མཛོད་སྔགས་ལན་གསུམ་རེ་བཟླས༔ ཧཱུྃ་ཧྲཱིཿ རང་སྣང་དོན་གྱི་འོག་མིན་ཆེན་པོ་ནས༔ བརྒྱུད་གསུམ་རིག་འཛིན་བླ་མའི་ཐུགས་དམ་བསྐང་༔ ཀ་དག་སྐྱེ་མེད་སྤྲོས་པའི་མཐའ་དང་བྲལ༔ ཆོས་སྐུ་ཀུན་ཏུ་བཟང་མོའི་ཐུགས་དམ་བསྐང་༔ ལྷུན་གྲུབ་བདེ་བ་ཆེན་པོའི་གཞལ་ཡས་ནས༔ ལོངས་སྐུ་རྡོ་རྗེ་ཕག་མོའི ཐུགས་དམ་བསྐང་༔ དཔལ་རི་པདྨ་འོད་ཀྱི་གཞལ་ཡས་ནས༔ ཡེ་ཤེས་མཁའ་འགྲོ་མཚོ་རྒྱལ་ཐུགས་དམ་བསྐང་༔ ཆོས་ཉིད་བརྡལ་ཁྱབ་དབྱིངས་ལས་སྐུར་བཞེངས་པ༔ སངས་རྒྱས་རིགས་ཀྱི་མཁའ་འགྲོའི་ཐུགས་དམ་བསྐང་༔ མེ་ལོང་ཡེ་ཤེས་དབྱིངས་ལས་སྐུར་བཞེངས་པ༔ རྡོ་རྗེ་རིགས་ཀྱི་མཁའ་འགྲོའི་ཐུགས་དམ་བསྐང་༔ མཉམ་ཉིད་ཡེ་ཤེས་དབྱིངས་ལས་སྐུར བཞེངས་པ༔ རིན་ཆེན་རིགས་ཀྱི་མཁའ་འགྲོའི་ཐུགས་དམ་བསྐང་༔ སོར་རྟོག་ཡེ་ཤེས་དབྱིངས་ལས་སྐུར་བཞེངས་པ༔ པདྨ་རིགས་ཀྱི་མཁའ་འགྲོའི་ཐུགས་དམ་བསྐང་༔ བྱ་གྲུབ་ཡེ་ཤེས་དབྱིངས་ལས་སྐུར་བཞེངས་པ༔ ལས་ཀྱི་རིགས་ཀྱི་མཁའ་འགྲོའི་ཐུགས་དམ་བསྐང་༔ སྣ་ཚོགས་ཐབས་ཀྱིས་འགྲོ་བ་འདུལ་མཛད་པ༔ འབུམ་ཕྲག་ཡངས་པའི་མཁའ་འགྲོའི་ཐུགས་དམ་བསྐང་༔ དུས་གསུམ་རྒྱལ་བའི་བཀའ་སྡོད་ཕོ་ཉ་བ༔ བཀའ་སྲུང་དྲེགས་པའི་ཚོགས་ཀྱི་ཐུགས་དམ་བསྐང་༔ ཧོཿ བརྒྱུད་གསུམ་རིག་འཛིན་བླ་མ་དང་༔ མཁའ་འགྲོ་དམ་ཅན་སྲུང་མའི་ཚོགས༔ མ་ལུས་བདག་ལ་དགོངས་སུ་གསོལ༔ ཀ་དག་སྤྲོས་མཐའ་བྲལ་བ་ལ༔ མ་རིག་གཉིས་འཛིན་འཁྲུལ་པ་བཤགས༔ འཁོར་འདས་དག་མཉམ་ཆེན་པོ་ལ༔ བཟང་ངན་བལྟས་པ་མཐོལ་ལོ་བཤགས༔ ལྷུན་གྲུབ་བདེ་བ་ཆེན་པོ་ལ༔ རེ་དོགས་གཟུང་འཛིན་འཐས་པ་བཤགས༔ འཁོར་བ་སྒྱུ་མའི་གྲོང་ཁྱེར་ལ༔ ཨ་འཐས་དངོས་ཞེན་འཁྲུལ་པ་བཤགས༔ སྣང་སྲིད་སེམས་ཀྱི་ཆོ་འཕྲུལ་ལ༔ འཁྲུལ་སྣང་གཞན་བཟུང་ནོངས་པ་བཤགས༔ རྒྱལ་ཀུན་སྤྱི་གཟུགས་བླ་མ་ལ༔ དད་འདུན་མོས་གུས་ཆུང་བ་བཤགས༔ དམ་ཚིག་ ་ཨོཾ། གཅིག་པའི་སྤུན་གྲོགས་ལ༔ བརྩེ་དང་གདུང་སེམས་ཆུང་བ་བཤགས༔ སེམས་ཅན་ཕ་མའི་རང་བཞིན་ལ༔ སྙིང་རྗེ་ཕན་སེམས་ཆུང་བ་བཤགས༔ རང་རིག་ཆོས་སྐུར་མ་རྟོགས་ཏེ༔ འབད་རྩོལ་གཞན་དུ་བྱས་པ་བཤགས༔ འཁོར་འདས་བྱང་ཆུབ་སེམས་ཉིད་ལ༔ ཆགས་སྡང་གཞན་བཟུང་ནོངས་པ་བཤགས༔ མདོར་ན་མ་རིག་དབང་གྱུར་ཏེ༔ མཁའ་འགྲོ་དམ་ཅན་སྲུང་མ་ཡི༔ ཐུགས་དང་འགལ་བར་གྱུར་པའི་ལས༔ ཉེས་བྱས་ཉམས་ཆག་ཅི་མཆིས་པ༔ མི་འཆབ་མི་སྦེད་གནོང་འགྱོད་ཀྱིས༔ བཤགས་སོ་སླན་ཆད་སྡོམ་བགྱིད་དོ༔ དག་ཅིང་ཚངས་པར་མཛད་ནས་ཀྱང་༔ ཐུན་མོང་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་བཟླ༔ དེས་ནི་ཉམས་ཆག་ཀུན་བྱང་ཞིང་༔ སྒོ་གསུམ་རྡོ་རྗེའི་སྣོད་རུང་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་རིག་འཛིན་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱ་བྱས་ཏེ་མཐར་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་དགེ་བཙུན་ཀློང་ཆེན་ཞེས་བྱ་བས་བགྱིས་སོ། །དགེའོ། །ལེགས་སོ། །སརྦ་མངྒ་ལཾ།། T11607 - 626 ་ཨོཾ། མཁའ་འགྲོ་གསང་བའི་གབ་ཐིག་ལས༔ ཡུམ་ཀ་མཁའ་འགྲོའི་སྲོག་འཁོར་དབང་སྡུད་རྒྱན་གྱི་འཁོར་ལོ་བཞུགས་སོ༔ ན་མོ་གུ་རུ་ཛྙཱ་ན་ཌཱ་ཀི་ཡེ༔ མཁའ་འགྲོ་སྒྲུབ་པའི་རྣལ་འབྱོར་གྱིས༔ སྒོ་གསུམ་རྡོ་རྗེ་གསུམ་གྱི་ངང་༔ བྱིན་གྱིས་རླབས་ཕྱིར་འདི་བཟུང་བྱ༔ དར་རམ་རས་དཀར་དྲི་མེད་ལ༔ མུ་ཁྱུད་རིམ་པ་ལྔ་རུ་བསྐོར༔ ལྟེ་བར་ཡེ་ཤེས་མཁའ་འགྲོ་མའི༔ སྐུ་གཟུགས་བསྐྱེད་ཆོག་ཇི་བཞིན་བྲི༔ སྙིང་གར་བྃ༔ གྱི་ཡི་གེ་བྲི༔ དེ་ཡི་ཕྱི་རིམ་མུ་ཁྱུད་ལ༔ རྩ་སྔགས་དང་ནི་སྒྲུབ་སྔགས་བཀོད༔ དེའི་ཕྱི་མུ་ཁྱུད་གཉིས་པ ལ༔ ཨོཾ་པདྨ་ཡོ་གི་ནི་བཛྲ་ཝ་ར་ཧི་ཧཱུྃ༔ བཛྲ་ཀྲོ་ཏི་ཀཱ་ལི་སིངྷ་མུ་ཁ་ཧཱུྃ༔ བྃ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ འཆང་བ་པོའི་སྒོ་གསུམ་རྡོ་རྗེ་གསུམ་གྱི་རོལ་པར་སྨིན་ཅིང་གྲོལ་ཏེ་འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ༔ པྲཛྙཱ་ཛྙཱ་ན་ས་མ་ཏི་སིདྡྷི་ཕ་ལ་ཧཱུྃ་ཨོཾ༔ གསུམ་པ་པདྨ་འདབ་བརྒྱད་ལ༔ མདུན་ནས་རིམ་པ་འདི་བཞིན་བཀོད༔ ཧཿ ཛཿ རིཿ ཧཱུྃཿ ནིཿ བཾཿ སཿ ཧོཿ དེ་ཕྱིར་མྱུ་ཁྱུད་བཞི་པ་ལ༔ མ་བྷྱོ་ཛ་ཧྲཱི་སརྦ་ཛྙཱ་ན་ཌཱ་ཀི་ནཱི༔ སརྦ་ལོ་ཀ་ཌཱ་ཀི་ནཱི༔ སརྦ་ས་མ་ཡ་ཌཱ་ཀི་ནཱི༔ ཨཿ ཀཿ སཿ མཿར ཙཿ ཤཿ དཿ རཿ སཿ མཿ རཿ ཡཿ ཕཊ༔ འཆང་བ་པོའི་ནད་གདོན་འཇིགས་བརྒྱད་སྒྲིབ་གཉིས་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཡོན་ཏན་སྲོག ལུས་དབང་ཐང་རླུང་རྟ་བླ་གཟའ་སྙན་གྲགས་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ ཁམས་གསུམ་སྲིད་གསུམ་སྐྱེ་འགྲོ་ཕོ་མོ་གང་ཟག་བཟང་རྒུ་ཆེ་བཙན་མཁས་བཙུན་བུ་སློབ་ལྷ་འདྲེ་མི་གསུམ་ཐམས་