Tibetan
ཀྱིས༔ སྒྲུབ་པའི་མཐུན་རྐྱེན་ལེགས་ཚོགས་ཡོངས་འབྱོར་ཏེ༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཅིང་༔ ཚེ་གཅིག་སངས་རྒྱས་འཁོར་བ་དོང་སྤྲུགས་ཤོག༔ ས་མ་ཡ༔ དེ་ལྟར་གསོལ་བ་བཏབ་པའི་ཡོན་ཏན་གྱིས༔ ཚེ་འདིར་མི་མཐུན་རྒུད་པ་ཀུན་སེལ་ཏེ༔ འདི་ཕྱིའི་དགེ་ལེགས་ཡོན་ཏན་འབད་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདིའང་རིག་མ་དཔལ་གྱི་ལྷ་མོའི་ངོ་སྐལ་དུ་བདུད་འཇོམས་རྡོ་རྗེས་མཁའ་འགྲོའི་བརྡ་རིས་ལས་དག་པར་ཕབ་པའོ། །དགེའོ།། །། ཟོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ མཁའ་འགྲོ་ཕག་མོ་རིགས་ལྔའི་བསྐུལ་བྱང་དགྲ་བགེགས་ཀུན་སྒྲོལ་བཞུགས༔ ཐ།༔ རྡོ་རྗེ་ཐོད་ཕྲེང་རྩལ་ལ་ཕྱག་འཚལ་ལོ༔ ཥྚབྡྷ་ཤབྷྲ མཁའ་འགྲོ་སྒྲུབ་པའི་རྣལ་འབྱོར་གྱིས༔ དགྲ་བགེགས་གདུག་པ་ཀུན་སྒྲོལ་ཕྱིར༔ དྲག་བསྐུལ་འདི་ལ་བརྩོན་པར་བྱ༔ ཀྱེེ༔ བསྐུལ་ལོ་བསྐུལ་ལོ་ཡེ་ཤེས་མཁའ་འགྲོ་མ༔ བཞེངས་ཤིག་བཞེངས ཤིག་ཆོས་ཀྱི་དབྱིངས་ནས་བཞེངས༔ ཆོས་སྐུ་ཡེ་ཤེས་མཁའ་འགྲོས་ནམ་མཁའ་གང་༔ ལོངས་སྤྱོད་རྫོགས་སྐུའི་མཁའ་འགྲོས་བར་སྣང་གང་༔ སྤྲུལ་སྐུ་འབུམ་ཕྲག་མཁའ་འགྲོས་ས གཞི་གང་༔ ཡེ་ཤེས་མཁའ་འགྲོ་འཇིག་རྟེན་མཁའ་འགྲོ་དང་༔ དམ་ཚིག་ཤ་ཟ་མཁའ་འགྲོ་ཤུགས་འགྲོའི་ཚོགས༔ དྲག་ཁྲོས་གཏུམ་རྔམས་ཚུལ་དུ་སྐུར་བཞེངས་ལ༔ ཕྱི་ནང་གསང་བའི་བར་ཆད་རྐྱེན་ངན་དང་༔ ཞིང་བཅུ་ཉམས་པ་བདུན་ལྡན་དགྲ་བགེགས་རྣམས༔ སོད་ཅིག་ཐུལ་ཅིག་གཞོམ་ཞིང་བརླག་མཛོད་ལ༔ བཟློག་བསྒྱུར་དྲག་པོའི་ཕྲིན་ལས་དུས་ལ་བབ༔ བསྟན་འགྲོ་བདེ་ལ་འགོད་པའི་ཕྲིན་ལས་མཛོད༔ དེ་ལྟར་དྲག་བསྐུལ་དམོད་བཅོལ་གྱིས༔ མངོན་སྤྱོད་ཕྲིན་ལས་ཐོགས་མེད་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་ཟབ་གསང་མཁའ་འགྲོའི་སྙིང་ཐིག་ལས་དག་པར་ཕབ་པའི་ཡི་གེ་པ་ནི་རྣལ་འབྱོར་པ་སེམས་ཉིད་རྡོ་རྗེའོ། །དགེའོ །དགེའོ །དགེའོ། །ལེགས་སོ། ། སརྦ་མངྒ་ལཾ།། །།ཐོ།༔ ཚོགས་ཀྱི་དངོས་གྲུབ་རོལ་པ་ལ༔ གཙང་རྨེའི་གཉིས་འཛིན་བྲལ་བ་ཡི༔ ཟག་མེད་བདེ་ཆེན་བཅུད་ལ་རོལ༔ ཨ་ལ་ལ་སྟེ་བདེ་བ་ཆེ༔ ཛྙཱ་ན་པཉྩ་སིདྡྷི་ཧོཿ འཇམ་དཔལ་སྨྲ་སེང་ལས་སོ།། T11607 - 560 ཐོ།༔ ཟབ་གསང་མཁའ་འགྲོའི་སྙིང་ཐིག་ལས༔ རྗེ་བཙུན་སྒྲོལ་མའི་དབང་ཆོག་དངོས་གྲུབ་འབྱུང་གནས་བཞུགས་སོ༔ ཐོ།༔ ན་མོ་གུ་རུ་པདྨ་ཀ་ར་ཡེ༔ ཀརྨདྷག_UNK།་སྒཥབྱ༔ རྗེ་བཙུན་སྒྲོལ་མ་སྒྲུབ་པ་ཡི༔ རྣལ་འབྱོར་ཕོ་མོ་སུ་ཡང་རུང་༔ དང་པོ་དབང་གིས་སྨིན་པ་གནད༔ དེ་ཕྱིར་དབང་བསྐུར་བྱ་བ་ལ༔ བུམ་གསང་ཤེས་རབ་ཡེ་ཤེས་དང་༔ ཚིག་དབང་རྫས་རྣམས་ལེགས་བསྒྲུབ་ནས༔ དང་པོ་སྒྲུབ་པའི་དལ་ཞལ་ཕྱེ༔ བསྒོམ་བཟླས་གནད་ཀྱིས་ཐེབས་བྱས་མཐར༔ སློབ་མ་གྲལ་དུ་འཁོད་བྱས་ཏེ༔ ཁྲུས་བྱས་བགེགས་བསྐྲད་སྲུང་འཁོར་བསྒོམ༔ མཎྜལ་ཕུལ་ཏེ་གསོལ་འདེབས་ནི༔ ཀྱེེ་ཧོཿ དཀྱིལ་འཁོར་གཙོ་མཆོག་བླ་མ་རྗེ༔ བདག་ཅག་སྐལ་ལྡན་སློབ་བུ་ལ༔ རྗེ་བཙུན་འཕགས་མ་སྒྲོལ་མ་ཡི༔ རྩ་དབང་ཡོངས་རྫོགས་བསྐུར་དུ་གསོལ༔ ལན་གསུམ་མཐར་བླ་མས༔ ཧོཿ སྐལ་ལྡན་རིགས་ཀྱི་བུ་ཁྱོད་ཀྱིས༔ ཚུལ་བཞིན་ཉམས་སུ་ལེན་པ་དང་༔ དམ་ཚིག་གཉན་པོ་བསྲུང་ནུས་ན༔ དབང་མཆོག་ཡོངས་རྫོགས་བསྐུར་བར་བགྱི༔ དེ་ནས་སྐྱབས་སེམས་ཕོག་བྱས་ནས༔ དམ་ཆུ་ལྕེ་ལ་བཞག་བྱས་ཏེ༔ ཧོཿ འདི་ནི་དམ ཚིག་རྡོ་རྗེའི་ཆུ༔ བསྲུང་ན་ཚེ་འདིར་དངོས་གྲུབ་ཐོབ༔ ཉམས་ན་སྲོག་གི་གཤེད་མར་བྱེད༔ དེ་ཕྱིར་དམ་ཚིག་བསྲུང་སྡོམ་ཟུངས༔ ས་མ་ཡ་ན་ར་ཀན༔ དེ་ནས་སློབ་མ་ལྷར་བསྐྱེད་ལ༔ ཨོཾ་མ་ཧཱ་ཤུ་ནྱ་སོགས༔ སྐད་ཅིག་གིས་སེམས་དང་སྣང་བ་ཐམས་ཅད་ཆོས་ཀྱི་དབྱིངས་ཀྱི་རང་བཞིན་དུ་ཞིག་པར་བསམ༔ སྟོང་པའི་ངང་ལས༔ ཆུ་ལས་ཆུ་ལྦུར་རྡོལ་བཞིན་དུ༔ ལྷར་བསྐྱེད་ཡེ་ཤེས་པ་དབབ་སྟེ་མེ་ཏོག་དོར་ཞིང་༔ བཛྲ་པུཥྤེ་པྲ་ཏཱིཙྪ་ཧོཿ དེ་ནས་མིག་དར་བསལ་ལ༔ ཛྙཱ་ན་ཙཀྵུ་པྲ་ཝེ་ཤ་ཡ་ཕཊ༔ དེ་ནས་སློབ་མ་རྗེ་བཙུན་སྒྲོལ་མ་དངོས་སུ་གསལ་ལ༔ དང་པོ་བུམ་པ་ཡེ་ཤེས་ལྷའི་རྟེན་དང་བརྟེན་པ་ཡོངས་རྫོགས་ཀྱི་ངོ་བོར་གསལ་གདབ་ལ༔ བུམ་པ་ལྷུན་གྲུབ་གཞལ་ཡས་ཁང་༔ ནང་ན་འཕགས་མའི་ལྷ་ཚོགས་བཞུགས༔ སྐལ་ལྡན་ཁྱོད་ལ་དབང་བསྐུར་བས༔ བུམ་དབང་ཡོངས་སུ་རྫོགས་ཐོབ ཤོག༔ རྩ་སྔགས༔ སརྦ་ཀཱ་ཡ་ཨ་བྷི་ཥིཉྩ་ཨོྃ༔ དེ་ནས་དཀྱིལ་འཁོར་ལས་རིམ་པ་བཞིན་དུ་དེ་འདྲ་བ་རེ་འཕྲོས་ནས་སློབ་མ་ལ་ཐིམ་པས་ལྷ་སོ་སོའི་དཔལ་ཡོན་ལ་དབང་འབྱོར་བར་བསམ་ལ༔ རྗེ་བཙུན་སྒྲོལ་མའི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ འཕགས་མ་སྒྲོལ་མའི་དབང་བསྐུར་རོ༔ སྒྲིབ་གཉིས་བག་ཆགས་ཀུན་དག་ནས༔ རྡོ་རྗེ་སྐུ་རུ་སྨིན་གྲོལ་ཤོག༔ ཨོཾ་ཏཱ་རེ་ཏཱཾ་སྭཱ་ཧཱ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཞི་མཛད་དཀར་མོའི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ དབྱངས་ཅན་མ་ཡི་དབང་བསྐུར་རོ༔ མ་དག་འཁྲུལ་པའི་ཕུང་པོ ཐོ།༔ འདི༔ མེ་ལོང་ཡེ་ཤེས་སྐུ་ཐོབ་ཤོག༔ ཧྲཱི་ཧྲཱི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་འོད་ཟེར་འབར་མའི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ འོད་ཟེར་འབར་མའི་དབང་བསྐུར་རོ༔ ཚེ་བསོད་ཡེ་ཤེས་རབ་རྒྱས་ཏེ༔ མཉམ་ཉིད་ཡེ་ཤེས་སྐུ་ཐོབ་ཤོག༔ ཨཱཪྻ་མ་རི་ཙྱེེ་མཾ་སྭཱ་ཧཱ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རིག་བྱེད་དབང་མོའི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ རིག་བྱེད་དབང་མོའི་དབང་བསྐུར་རོ༔ འཁོར་འདས་དབང་དུ་འདུ་བ་དང་༔ སོར་རྟོག་ཡེ་ཤེས་སྐུ་ཐོབ་ཤོག༔ ཨོཾ་ཀུ་རུ་ཀུལླེ་ཧྲཱི་ཧྲཱི་སྭཱ་ཧཱ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ནོར་རྒྱུན་མའི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ ནོར་རྒྱུན་མ་ཡི་དབང་བསྐུར་རོ༔ དགྲ་བགེགས་མ་ལུས་ཚར་གཅོད་ཅིང་༔ བྱ་གྲུབ་ཡེ་ཤེས་སྐུ་ཐོབ་ཤོག༔ བ་སུ་དྷ་རི་ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་སྒོ་མ་བཞི་ཡི་སྐུ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ སྒོ་མ་བཞི་ཡི་དབང་བསྐུར་བས༔ ཕྲིན་ལས་རྣམ་བཞི་ལྷུན་གྲུབ་༣ ཅིང་༔ ཚད་མེད་བཞི་ལྡན་སྐུ་ཐོབ་ཤོག༔ ཛཿ ཧཱུྃ་བཾ་ཧོཿ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་བྷནྡྷ་བདུད་རྩི་ཐོགས་ལ༔ ཧོཿ ཡེ་ཤེས་དབྱིངས་ཀྱི་ཀ་པཱ་ལར༔ གསང་ཆེན་བཅུད་ཀྱི་བདུད་རྩི་ འཁྱིལ༔ སྐལ་ལྡན་ཁྱོད་ཀྱི་ངག་ཏུ་བླུད༔ ངག་དང་རླུང་གི་སྒྲིབ་པ་དག༔ གསང་བ་གསུང་གི་དབང་ཐོབ་ནས༔ གསུང་གི་རྡོ་རྗེར་སྨིན་གྲོལ་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་མེ་ལོང་ཐོགས་ལ༔ ཧོཿ མེ་ལོང་ཡེ་ཤེས་གསལ་བའི་སྒོ༔ སྐལ་ལྡན་བུ་ལ་དབང་བསྐུར་བས༔ ཡིད་སྒྲིབ་དག་ནས་ཤེར་དབང་ཐོབ༔ རྡོ་རྗེའི་ཐུགས་སུ་སྨིན་གྲོལ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཤེལ་རྡོ་ཐོགས་ལ༔ ཧོཿ འཇའ་ཤེལ་འོད་ཐིག་གསལ་བའི་སྒོ༔ སྐལ་ལྡན་བུ་ལ་དབང་བསྐུར་བས༔ སྐུ་གསུམ་ལྷུན་གྲུབ་མངོན་གྱུར་ཏེ༔ སྣང་བ་བཞི་ཡི་ས་ལམ་བརྒལ༔ གཞོན་ནུ་བུམ་སྐུར་སངས་རྒྱས་ཤོག༔ རྩ་སྔགས༔ སརྦ་ཨ་བྷི་ཥིཉྩ་ཧྲཱིཿ དེ་ནས་གཏོར་མ་ཐོགས་ལ༔ ཧཱུྃ༔ དཀྱིལ་འཁོར་ཡོངས་རྫོགས་གཏོར་མ་འདི༔ སྐལ་ལྡན་ཁྱོད་ཀྱི་ལག་ཏུ་གཏད༔ དཀྱིལ་འཁོར་ཡོངས་ལ་དབང་ཐོབ་ནས༔ རྫོགས་སངས་རྒྱས་དབང་ཐོབ་པར་ཤོག༔ རྩ་སྔགས༔ སརྦ་ཀཱ་ཡ་ཝཱཀ་ཙིཏྟ་བ་ལིཾ་ཏ་ཨ་བྷི་ཥིཉྩ་ཡེ་སྭཱ་ཧཱ༔ དེ་ནས་བཀྲ་ཤིས་རྫས་རྟགས་གཏད༔ ཤིས་པ་བརྗོད་ཅིང་མེ་ཏོག་འཐོར༔ བསྔོ་བ་སྨོན་ལམ་རྒྱ་ཡིས་གདབ༔ དབང་འདི་ཐོབ་ནས་སྒྲུབ་པ་ཡི༔ རྣལ་འབྱོར་ཕོ་མོ་མངོན་སངས་རྒྱས༔ དམ་ཚིག་སྲོག་གི་གཏའ་རུ་ཟུངས༔ བསྒྲུབ་པའི་གནད་ཐིག་དེ་ཁོ་ན༔ བཀའ་སྲུང་ཁྱབ་ ཇོཾ།༔ འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ཞེས་པ་འདི་ཉིད་ཞེ་ཆེན་སྤྲུལ་སྐུ་བསྟན་པའི་རྒྱལ་མཚན་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་བརྡ་རིས་ལས་དག་པར་ཕབ་པའི་ཡི་གེ་པ་ནི་ངག་དབང་ཕྲིན་ལས་སོ། །དགེའོ །ལེགས་སོ། །སརྦ་མངྒ་ལཾ།། །། ཤུ 561གསུམ་མོ། TI1607 - 565 T11607 - 566 ཐ།༔ ཆོས་ཉིད་ནམ་མཁའི་ཀློང་མཛོད་ལས༔ སྒྲོལ་མའི་གསོལ་འདེབས་བྱིན་རླབས་ཆར་འབེབས་བཞུགས༔ ན་མོ་གུ་རུ་བྷྱ༔ ཀདྷནཤཤཎྜ ཨོཾ་ཨཱཿ ཧཱུྃ༔ ཆོས་སྐུའི་སྟོན་པ་ཀུན་བཟང་རྡོ་རྗེ་འཆང་༔ ལོངས་སྐུའི་སྟོན་པ་རྡོར་སེམས་རྡོ་རྗེ་ཆོས༔ སྤྲུལ་སྐུའི་སྟོན་པ་དགའ་རབ་ཤྲཱི་སེང་སོགས༔ སྐུ་གསུམ་བརྒྱུད་པའི་བླ་མ་ཐམས་ཅད་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ རིགས་ཀྱི་ཁྱབ་བདག་པདྨ་འབྱུང་གནས་དང་༔ བཀའ་ཡི་བསྡུ་བ་མཛད་པའི་མཚོ་རྒྱལ་ཡུམ༔ གྲུབ་པ་མངོན་གྱུར་ཁྱེའུ་ཆུང་ལོ་ཙཱ་བ༔ གཉིས་མེད་དྲིན་ཆེན་བླ་མ་རིན་པོ་ཆེ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ རིགས་ལྔ་དབྱིངས་ཀྱི་རྗེ་མོའི་སྤྱི་གཞི་མཆོག༔ འགྲོ་ཀུན་སྲིད་ལས་སྒྲོལ་བའི་ཐུགས་རྗེ་ཅན༔ རྒྱལ་བ་ཀུན་ཡུམ་བདེ་ཆེན་ཀུན་ཏུ་བཟང་༔ སྐུ་གསུམ་ལྷུན་གྲུབ་འཁོར་འདས་སྤྱི་རྗེ་མོ༔ རྣམ་གསུམ་དད་པའི༴ སྒོ་གསུམ་རྡོ་རྗེ་གསུམ་དུ་གདུལ་བྱ་གདུལ་དཀའ་ཐབས་ཀྱིས་འདུལ་བའི་ཕྱིར༔ སྤྲུལ་པའི་ལྷ་མོ་ཉི་ཤུ་རྩ་གཅིག་དང་༔ ཡང་སྤྲུལ་སྲིད་པ་མ་མོའི་དཀྱིལ་འཁོར་ཚོགས༔ བསྟན་པ་ བསྲུང་ཞིང་ཕྲིན་ལས་སྒྲུབ་པའི་ལྷ༔ བཀའ་སྲུང་དམ་ཅན་རྒྱ་མཚོའི་ཚོགས་བཅས་ལ༔ རྣམ་གསུམ་དད་པའི༴ སྒོ་གསུམ་རྡོ་རྗེ་གསུམ་དུ ཕྱི་རྐྱེན་དགྲ་བགེགས་འབྱུང་པོའི་འཚེ་བ དང་༔༷ ནང་རྐྱེན་མི་ནད་ནོར་གྱི་གོད་ཁ་དང་༔ གསང་རྐྱེན་ཉོན་མོངས་བརྒྱད་ཁྲིའི་འཁྲུལ་འཁོར་སོགས༔ མདོར་ན་གཟུང་འཛིན་འཁྲུལ་པའི་ཆོས་སོ་ཅོག༔ ཆོས་ཉིད་སྤྲོས་མཐའ་བྲལ་བའི་དབྱིངས་ཉིད་དུ༔ བཤིག་ནས་གཞོན་ནུ་བུམ་སྐུའི་ས་ལ་དྲོངས༔ དུག་གསུམ་རྐྱེན་གྱིས་བསྐྱེད་པའི་སྒོ་གསུམ་པོ༔ རྒྱལ་བ་ཀུན་ཡུམ་འཕགས་མ་སྒྲོལ་མ་ཡིས༔ རྡོ་རྗེ་གསུམ་གྱི་རོལ་པར་སྨིན་གྲོལ་ཏེ༔ ཆོས་སྐུ་ཡུམ་ཆེན་གོ་འཕང་མྱུར་ཐོབ་ཤོག༔ དེ་ལྟར་རྩེ་གཅིག་གུས་པས་གསོལ་བཏབ་ན༔ བརྒྱུད་གསུམ་བླ་མའི་དགོངས་རྒྱུད་འཕོ་བ་དང་༔ མ་དང་མཁའ་འགྲོས་བྱིན་གྱིས་རློབ་པ་དང་༔ མཆོག་གི་དངོས་གྲུབ་ཐོབ་པར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ བརྡ་ཐིམ༔ ཞེས་པ་འདི་ཡང་སློབ་བུ་ཨོ་རྒྱན་རང་ཤར་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའི་ཡི་གེ་པ་ནི་མཁྱེན་རབ་རྒྱ་མཚོའོ། །དགེའོ །ལེགས་སོ། །སརྦ་མངྒ་ལཾ།། ཏཾ །།། མ་སྒོ་༔ ཟབ་གསང་མཁའ་འགྲོའི་སྲོག་ཐིག་ལས༔ རྗེ་བཙུན་དམ་ཚིག་སྒྲོལ་མའི་སྒྲུབ་པ་མཁའ་སྤྱོད་མྱུར་ལམ་བཞུགས་སོ༔ བྱང་TI1607 - 569 བདུད་འཇོམས་སྒྲོལ་མ་ཐ༹ཾ།༔ ན་མོ་གུ་རུ་པདྨ་ཀ་ར་ཡེ༔ ཡེ་ཤེས་མཁའ་འགྲོའི་སྲོག་ཐིག་ལས༔ ནྃཏྭཾ{རྟཱ།རྡྭ|རྟྟཀྐཱཥྟཾསནྡྷུ་བྶ|ངྷབྶབྶ༮ཪྱཔྥ མ་འོངས་ལྔ་བརྒྱའི་སྙིགས་མའི་དུས༔ པདྨ་ང་ཡི་བརྒྱུད་འཛིན་པའི༔ སྐལ་པ་བཟང་པོའི་སྐྱེས་བུ་མཆོག༔ མཁའ་སྤྱོད་མྱུར་ལམ་བགྲོད་འདོད་ན༔ དེ་ཕྱིར་པདྨ་ཐོད་ཕྲེང་ངས༔ རྗེ་བཙུན་འཕགས་མ་སྒྲོལ་མ་ཡི་༔ སྒྲུབ་པ་མཁའ་སྤྱོད་མྱུར་ལམ་བསྟན༔ འདི་ཉིད་ཉམས་སུ་ལེན་པ་ལ༔ བསྐྱེད་དང་རྫོགས་པའི་རིམ་པ་གནད༔ ཤེས་པ་གཞན་དུ་མ་ཡེངས་པར༔ རྩེ་གཅིག་དམ་རྒྱས་སྒྲུབ་པ་གནད༔ དཀར་ཕྱོགས་སྐྱོང་བའི་གཞི་བདག་ལ༔ དཀར་གཏོར་ཕུལ་ཏེ་སྡོང་གྲོགས་དང་༔ མཐུན་རྐྱེན་སྒྲུབ་པའི་ལས་བཅོལ་བྱ༔ ནག་ཕྱོགས་གདུག་པའི་ལྷ་འདྲེ་ལ༔ དམར་གཏོར་དང་ནི་ངར་གླུད་T11607 - 570 ཏཾཐ།༔ བཏང་༔ དྲག་པོའི་དམིགས་པའི་འཁྲུལ་འཁོར་གྱིས༔ རི་རབ་ཆེན་པོའི་ཟོམས་སུ་བསྐྲད༔ སྒྲུབ་པའི་གཞུང་དུ་འཇུག་པ་ལ༔ དང་པོ་སྐྱབས་སུ་འགྲོ་བ་ནི༔ ན་མོ༔ སྐུ་བཞིའི་བདག་ཉིད་བླ་མ་དང་༔ རྒྱལ་ཡུམ་འཕགས་མ་སྒྲོལ་མ་ལ༔ བྱང་ཆུབ་སྙིང་པོར་མཆིས་ཀྱི་བར༔ རྣམ་གསུམ་དད་པས་སྐྱབས་སུ་མཆི༔ དེ་ནས་བྱང་ཆུབ་སེམས་བསྐྱེད་ལ༔ ཧོཿ བདག་གིས་མཁའ་མཉམ་སེམས་ཅན་ཀུན༔ སངས་རྒྱས་ས་རུ་བཀོད་ནུས་ཕྱིར༔ རྗེ་བཙུན་འཕགས་མ་སྒྲོལ་མ་ཡི༔ རྡོ་རྗེ་གསུམ་གྱི་གྲོང་འཇུག་བྱ༔ དེ་ནས་བགེགས་བསྐྲད་པ་ལ༔ ཧཱུྃ༔ ང་ནི་ཡེ་ཤེས་མཁའ་འགྲོའི་སྐུ༔ འཁོར་བ་T11607 - 571 ཡོངས་སྒྲོལ་དཔལ་དུ་ཤར༔ ཉོན་ཅིག་བགེགས་དང་ལོག་འདྲེན་ཚོགས༔ གླུད་གཏོར་ལོངས་ལ་གཞན་དུ་སོང་༔ སརྦ་བིགྷྣན་ཨུ་ཙ་ཏ་ཡ་ཕཊ༔ ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ དེ་ནས་སྲུང་འཁོར་བསྒོམ་པ་ལ༔ ༔ རང་ཉིད་ཡེ་ཤེས་མཁའ་འགྲོ་མའི༔ སྤྲུལ་པ་ལས་ཀྱི་ཐུན་མཚོན་གྱིས༔ བགེགས་རྣམས་རྒྱ་མཚོའི་ཕ་མཐར་བསྐྲད༔ ཚུར་འདུས་འཁོར་ལོ་རིམ་དགུར་གྱུར༔ མ་མ་ཌཱ་ཀི་ནཱི་ཧ་རི་ནི་ས་ཛྙཱ་ན་པཉྩ་རཀྵ་རཀྵ་ཧཱུྃ༔ དེ་ནས་བྱིན་དབབ་པ་ལ༔ ཧཱུྃ༔ རྒྱལ་ཡུམ་འཕགས་མ་སྒྲོལ་མ་དང་༔ རྣམ་འཕྲུལ་དཔག་ཡས་མཁའ་འགྲོའི་ཚོགས༔ ཆོས་ཀྱི་དབྱིངས་ལས་སྐུར་བཞེངས་ལ༔ སྒྲུབ་པའི་དཀྱིལ་འཁོར་ཆེན་པོ་འདིར༔ དབང་དང་དངོས་གྲུབ་བྱིན་ཕོབ་ཅིག༔ ན་མོ་ཨཱཪྻ་ཏཱ་རེ་བཾ་ཧ་རི་ནི་ས་སརྦ་ཌཱ་ཀི་ནཱི་ས་མ་ཡ་ཧྲཱི་ཧྲཱི་ཛ་ཛཿ ཨ་བེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ལ༔ ཧཱུྃ༔ ཡུལ་དྲུག་སྣང་བའི་ཆོས་སོ་ཅོག༔ འདོད་ཡོན་ལྔ་ཡི་རྒྱན་དུ་ཤར༔ ཕྱི་ནང་གསང་མཆོད་བླ་ན་མེད༔ མི་ཟད་ནམ་མཁའ་མཛོད་དུ་སྤེལ༔ ཨོཾ་ཨཱཿ ཧཱུྃ་བཛྲ་ཨརྒྷཾ་ནས་རཱུ་པ་ཤཔྡ་སོགས༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་གུ་ཧྱ་སྭཱ་ཧཱ༔ དེ་ནས་ཏིང་འཛིན་རྣམ་གསུམ་ནི༔ ཨཱཿ ཆོས་རྣམས་ཆོས་ཉིད་ཆེན་པོར་ཞིག༔ རྣམ་ཐར་གསུམ་ ཐོ།༔ ལྡན་སྟོང་པ་ཉིད༔ ཨོཾ་མ་ཧཱ་ཤུ་ནྱ་ཏཱཿ འདི་ལྟར་མ་རྟོགས་སེམས་ཅན་ལ༔ མཉམ་པར་བརྡལ་བའི་སྙིང་རྗེ་བསྒོམ༔ ངྷརྨ་དྷརྟུ་ཛྙཱ་ན་ས་མ་ཏི་ཨཱཿ ཆོས་ཉིད་སྤྲོས་མཐའ་བྲལ་བའི་མཁར༔ རིག་པ་རྒྱ་ཡི་ཡི་གེ་ཤར་༔ ཏཱཾཿ བཛྲ་ཙིཏྟ་ཧཱུྃ༔ ཏཱཾཿ ལས་འབྱུང་བའི་དྭངས་མ་ལྔ༔ རིམ་བརྩེགས་ཡེ་ཤེས་སྒྱུ་མའི་འཕྲུལ༔ ལྷུན་གྲུབ་བཀོད་པ་རབ རྫོགས་པའི༔ རང་སྣང་རྣམ་དག་ཞིང་ཁམས་སུ༔ ཡེ་ཤེས་ལྔ་ཡི་རང་གདངས་ལས༔ འོད་ལྔ་ལས་གྲུབ་གཞལ་ཡས་ཁང་༔ ཚད་དང་མཚན་ཉིད་རྫོགས་པའི་དབུས༔ པདྨ་ཉི་ཟླའི གདན་སྟེངས་སུ༔ རིག་པ་རྒྱུ་ཡི་ཡི་གེར་བབ༔ འོད་འཕྲོས་རྒྱལ་བ་སྲས་བཅས་མཆོད༔ རྟེན་དང་བརྟེན་པ་བསྡུས་ཏེ་བསྟིམ༔ ཁམས་གསུམ་སེམས་ཅན་ཆོས་སྐུར་བསྒྲལ༔ སྣོད་བཅུད་འབྱུང་ཡོན་ཚེ་བསོད་ནམས༔ བསྡུས་ཏེ་བཅུད་དུ་དྲིལ་བ་ལས༔ རང་ཉིད་འཕགས་མ་སྒྲོལ་མའི་སྐུ༔ སྔོ་ལྗང་ཞལ་གཅིག་ཕྱག་གཉིས་པ༔ གཞོན་ཚུལ་མཚན་དཔེའི་ལང་ཚོས་མཛེས༔ སྤྱན་ཟུང་གདུལ་བྱའི་ཡུལ་ལ་གཟིགས༔ དབུ་མས་ཆོས་དབྱིངས་མངོན་དུ་བྱེད༔ ཞབས་གཉིས་བརྐྱང་བསྐུམ་པད་ཟླར་བཞུགས༔ ཕྱག་གཡས་མཆོག་སྦྱིན་གདུལ་བྱ་སྐྱོང་༔ གཡོན་པས་ཨུཏྤལ་ཐུགས་ཀར་བསྣམས༔ དབུ་རྒྱན་སྙན་ཆ་ཕྲེང་བ་དང་༔ དོ་ཤལ་གདུ་བུ་སེ་མོ་དོ༔ རིན་པོ་ཆེ་ཡིས་རབ་ཏུ་བརྒྱན༔ ཅོད་པན་སྟོད་གཡོགས་སྨད་དཀྲིས་དང་༔ དར་དཔྱངས་པང་ཁེབས་སྐུ་རེག་སོགས༔ དར་སྣ་ལྔ་ཡིས་མཛེས་པར་སྤྲས༔ ཡེ་ཤེས་འཇའ་འོད་ཐིག་ལེའི་ཀློང་༔ སྣང་ལ་རང་བཞིན་མེད་པར་གསལ༔ དེ་ཡི་ཕྱི་རིམ་ཕྱོགས་བཞི་རུ༔ ཤར་དུ་དབྱངས་ཅན་ལྷ་མོ་དཀར༔ ཕྱག་ན་རལ་གྲི་མེ་ལོང་བསྣམས༔ ལྷོ་རུ་འོད་ཟེར་ཅན་མ་སེར༔ ཕྱག་གཡས་སྐྱབས་སྦྱིན་གཡོན་ནོར་བུ༔ ནུབ་ཏུ་རིག་བྱེད་ཆེན་མོ་དམར༔ ཕྱག་ན་ལྕགས་ཀྱུ་ཞགས་པ་བསྣམས༔ བྱང་དུ་ནོར་རྒྱུན་ལྷ་མོ་ལྗང་༔ ཕྱག་གཡས་འབྲས་ཀྱི་སྙེ་མ་དང་༔ གཡོན་པས་ཡིད་བཞིན་ནོར་བུ་འཛིན༔ ཀུན་ཀྱང་ལོངས་སྤྱོད་རྫོགས་པའི་སྐུ༔ མཚན་དཔེས་མཛེས་ཤིང་སྐྱིལ་ཀྲུང་བཞུགས༔ ཤར་སྒོར་འགུགས་བྱེད་ཆེན་མོ་དཀར༔ ཕྱག་གཉིས་རྡོ་རྗེ་ལྕགས་ཀྱུ་བསྣམས༔ ལྷོ་སྒོར་འཆིང་བྱེད་ཆེན་མོ་སེར༔ ཕྱག་གཉིས་རིན་ཆེན ཞགས་པ་བསྣམས༔ ནུབ་སྒོར་རྨོངས་བྱེད་ཆེན་མོ་དམར༔ ཕྱག་ན་པདྨ་ལྕགས་སྒྲོག་བསྣམས༔ བྱང་སྒོར་མྱོས་བྱེད་ཆེན་མོ་ལྗང་༔ ཕྱག་ན་རྒྱ་གྲམ་དྲིལ་བུ་བསྣམས༔ ཀུན་ཀྱང་ ཁྲོཾ།༔ བཞེངས་པའི་སྟབས་སུ་བཞུགས༔ གཟིག་ཤམ་དང་ནི་རུས་རྒྱན་གསོལ༔ ཞི་མ་ཁྲོ་འཛུམ་མེ་དཔུང་འབར༔ དཀྱིལ་འཁོར་བར་ཁྱམས་འཁོར་ཡུག་ཏུ༔ སྤྲུལ་པའི་ལྷ་མོ་དཔག་མེད་པས༔ སྣ་ཚོགས་ཐབས་ཀྱིས་འགྲོ་བ་འདུལ༔ འོད་ཕུང་བསྐལ་པའི་མེ་ལྟར་འབར༔ གཟི་བརྗིད་ཉི་མ་འབུམ་ལས་ལྷག༔ དེ་ལྟར་གསལ་བའི་གནས་གསུམ དུ༔༷ རྡོ་རྗེ་སྙིང་པོ་འབྲུ་གསུམ་ལས༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ དེ་ནས་སྤྱན་འདྲེན་པ་ལ༔ ཧཱུྃ༔ འོག་མིན་གནས་དང་པོ་ཊ་ལ༔ གཡུ་ལོ་བཀོད་པའི་ཞིང་ཁམས་སོགས༔ དཔག་ཡས་རྒྱལ་བའི་ཞིང་ཁམས་ནས༔ རྗེ་བཙུན་འཕགས་མ་སྒྲོལ་མ་དང་༔ རྣམ་འཕྲུལ་ཡེ་ཤེས་ལྷ་མོའི་ཚོགས༔ ཆོས་ཀྱི་དབྱིངས་ལས་སྐུར་བཞེངས་ལ༔ བྱིན་གྱིས་བརླབ་ཕྱིར་གཤེགས་སུ་གསོལ༔ ཨོཾ་ཨཱཪྻ་ཏཱ་རེ་བཾ་ཧ་རི་ནི་ས་སརྦ་མ་མ་ཌཱ་ཀི་ནཱི་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔༷ རྣམ་འཕྲུལ་ཡེ་ཤེས་ལྷ་མོའི་ཚོགས༔ གདན་གསུམ་ཚང་བའི་ངོ་བོ་རུ༔ གཉིས་མེད་བརྟན་པར་བཞུགས་སུ་གསོལ༔ བཛྲ་ས་མ་ཡ་སྟྭཾ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ན་མོ༔ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་འཕགས་མ་སྒྲོལ་མ་དང་༔ རིགས་ལྔ་དབྱིངས་ཀྱི་ཡུམ་ལྔ་ལ༔ རྣམ་གསུམ་དད་པས་ཕྱག་འཚལ་ལོ༔ ན་མོ་ཨ་ཏི་པུ་ཧོཿ པྲ་ཏཱིཙྪ་ཧོ༔ དེ་ནས་ཕྱི་མཆོད་འབུལ་བ་ལ༔ ཨོཾ་ཨཱཿ ཧཱུྃ༔ དངོས་དང་ཡིད་ལས་སྐྱེས་པ་ཡི༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད་བདུན་གྱི་མཆོད་པ་འབུལ༔ བཞེས་ནས་བདག་རྒྱུད་བྱིན་གྱིས་རློབས༔ ན་མོ་ཨཱཪྻ་ཏཱ་རེ་ས་པ་རི་ཝཱ་ར་སརྦ་ཨརྒྷཾ་པཱདྱཾ་ནས་ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུཾ༔ དེ་ནས་ནང་མཆོད་འབུལ་བ་ལ༔ ཧཱུྃ༔ སྣང་ཞིང་སྲིད་པའི་འཇིག་རྟེན་ན༔ དབང་པོ་ལྔ་ཡི་ཡུལ་གྱུར་པའི༔ འདོད་ཡོན་ལྔ་ཡི་བྱེ་བྲག་ཀུན༔ རྗེ་བཙུན་འཕགས་མ་སྒྲོལ་མ་དང་༔ ལྷུན་གྲུབ་རོལ་པའི་དལ་དུ་འབུལ༔ བཞེས་ནས་བདག་རྒྱུད་བྱིན་གྱིས་རློབས༔ ཨོཾ་ཨཱཿ ཧཱུྃ༔ རཱུ་པ་ཤཔྡ་སོགས༔ དེ་ནས་གསང་མཆོད་འབུལ་བ་ལ༔ ཨོཾ་ཨཱཿཧཱུྃ༔ ཟག་མེད་བདེ་ཆེན་བསྐྱེད་པའི་ཕྱིར༔ བདེ་སྟོང་བདུད་རྩིའི་སྨན་མཆོད་འབུལ༔ གཟུང་འཛིན་ཞེན་པ་ལས་བཟློག་ཕྱིར༔ རོ་བརྒྱ་ལྡན་པའི་གཏོར་མ་འབུལ༔ བདག་ལྟའི་རཱུ་ཏྲ་གཞིག་པའི་ཕྱིར༔ ཐ།༔ དམར་ཆེན་རཀྟའི་མཉེས་མཆོད་འབུལ༔ བདག་རྒྱུད་སྨིན་ཅིང་གྲོལ་ནས་ཀྱང་༔ ཀུན་ཏུ་འོད་ཀྱི་ས་ལ་དྲོངས༔ མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ལ་ཁཱ་ཧི༔ དེ་ནས་སྦྱོར་མཆོད་འབུལ་བ་