Tibetan
པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ཁཾ་སྭ་ཧཱ༔ ཧྲཱིཿ ཚེ་འདས་ཡིད་ཀྱི་དབང་པོའི་སྤྱོད་ཡུལ་དུ༔ འདོད་རྒུ་ཆོས་ཀྱི་བྱེ་བྲག་ཇི་སྙེད་པ༔ མི་ཟད་ནམ་མཁའི་མཛོད་ལ་ལོངས་སྤྱོད་ཅིང་༔ ཟག་མེད་བདེ་བ་ཆེན་པོའི་དཔལ་ཐོབ་ཤོག༔ ཨོ་ཨཱཿ ཧཱུྃ་སརྦ་དྷརྨ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ཁཾ་སྭཱ་ཧཱ༔ སྤྲོ་ན་བསྔོ་ཚིག་དང་སྨོན་ལམ་ཅི་རིགས་འདོན༔ དེ་ནས་ཡོན་འབུལ་བ་ལ༔ ཧྲཱིཿ འཕགས་མཆོག་ཐུགས་རྗེ་ཆེན་པོ་དང་༔ བདེ་གཤེགས་རིགས་ལྔའི་དཀྱིལ་འཁོར་ལ༔ ཚེ་འདས་ཕུང་ལྔ་ཡོན་དུ་འབུལ༔ ཐར་པའི་ལམ་སྣ་དྲང་དུ་གསོལ༔ དེ་ནས་མར་མེ་བསྔོ་བ་ལ༔ ཧྲཱིཿ ཡེ་ཤེས་གསལ་བའི་སྒྲོན་མེ་འདི༔ སྐུ་དང་ཡེ་ཤེས་རོལ་པའི་གདངས༔ ཚེ་འདས་མ་རིག་མུན་པའི་སྨག༔ བསལ་ནས་རང་སྣང་ཡེ་ཤེས་ཀྱི༔ རྟེན་དང་བརྟེན་པ་མངོན་གྱུར་ ཤོག༔ བཛྲ་དྷརྨ་ཨཱ་ལོ་ཀེ་ཨཱཿ དེ་ནས་ལམ་བསྟན་པ་ལ༔ ཀྱེེ༔ ཉོན་ཅིག་ཚེ་འདས་རིགས་ཀྱི་བུ༔ ཁམས་གསུམ་འཁོར་བ་གར་སྐྱེས་ཀྱང་༔ མ་རིག་གསུམ་གྱི་སྒྲིབ་པ་ཡིས༔ སྡུག་བསྔལ་གསུམ་གྱི་བཙོན་ཁང་དུ༔ མ་ཚུད་པ་ནི་གཅིག་ཀྱང་མེད༔ དེ་ཕྱིར་སྐྱོ་ཞིང་སུན་པའི་བློས༔ ཆགས་ཞེན་འཁྲི་བ་ཀུན་ཆོད་ལ༔ དེ་ལས་ཐར་འདོད་བསམ་པ་ཡིས༔ བདེ་ཆེན་ཞིང་ཁམས་ཡིད་ལ་གྱིས༔ འདི་ནས་ནུབ་ཀྱི་ཕྱོགས་རོལ་ན༔ བདེ་བ་ཅན་གྱི་ཞིང་ཁམས་ཡོད༔ བདེ་སྐྱིད་ལོངས་སྤྱོད་དཔག་ཏུ་མེད༔ ཞིང་དེའི་ཡོན་ཏན་བརྗོད་ལས་འདས༔ དེ་ན་སངས་རྒྱས་འོད་དཔག་མེད༔ བྱང་སེམས་འཕགས་པའི་འཁོར་གྱིས་བསྐོར༔ མཚན་ཐོས་ཙམ་གྱིས་སྲིད་ལས་སྒྲོལ༔ མོས་གུས་གདུང་ཤུགས་དྲག་པོ་ཡིས༔ རྣམ་གསུམ་དད་པས་གསོལ་བ་ཐོབས༔ ཁྱོད་ཀྱི་རྣམ་ཤེས་ཡི་གེ་ཧྲཱིཿ འོད་དང་ཐིག་ལེས་བརྒྱན་པ་རུ༔ གསལ་ཐོབ་ནམ་མཁའི་སྐར་མདའ་བཞིན༔ འོད་དཔག་མེད་པའི་ཐུགས་ཀ་རུ༔ ཐེ་ཚོམ་མེད་པར་རྒྱངས་ཀྱིས་འཕོས༔ དབྱེ་བ་མེད་པར་ཁྲིགས་སེ་འདྲེས༔ ནམ་མཁའ་ནམ་མཁར་ཐིམ་པ་བཞིན༔ རང་སྣང་དག་པའི་ཞིང་དུ་འཕོས༔ ཞེས་ཚེ་འདས་ཀྱི་རྣམ་པར་ཤེས་པ་ཡི་གེ ཛོཾ།༔ ཧྲཱིཿདམར་པོ་རིང་ཆ་ཚེགས་དྲག་དང་ལྡན་པ་འོད་དང་ཐིག་ལེས་བརྒྱན་པ་ཞིག་ཏུ་གྱུར་ཏེ་སངས་རྒྱས་འོད་དཔག་མེད་ཀྱི་ཐུགས་ཀར་ཐིམ་པས་ནུབ་ཕྱོགས་བདེ་བ་ཅན་གྱི་ཞིང་ཁམས་མངོན་དུ་གྱུར༔ ངོ་ཤེས༔ གདིང་ཐོབ༔ རྩལ་རྫོགས༔ བརྟན་པ་ཐོབ་པར་གྱུར༔ ཕཊ་ཕཊ་ཕཊ༔ དེ་ནས་བྱང་ཆོག་ལ༔ ཧཱུྃ༔ མ་རིག་གསུམ་གྱི་བུད་ཤིང་ལ༔ རིག་པ་ཡེ་ཤེས་མེ་སྦར་རོ༔ གཟུང་དང་འཛིན་པའི་བུད་ཤིང་ལ༔ བདག་མེད་ཤེས་རབ་མེ་སྦར་རོ༔ ཉོན་མོངས་དུག་གསུམ་བུད་ཤིང་ལ༔ སྐུ་གསུམ་ལྷུན་གྲུབ་མེ་སྦར་རོ༔ དུག་ལྔ་ཕུང་ལྔའི་བུད་ཤིང་ལ༔ ཡེ་ཤེས་ལྔ་ཡི་མེ་སྦར་རོ༔ ཉོན་མོངས་བརྒྱད་ཁྲིའི་བུད་ཤིང་ལ༔ ཆོས་ཕུང་བརྒྱད་ཁྲིའི་མེ་སྦར་རོ༔ མ་དག་སྣང་བ་སྣོད་བཅུད་ཀུན༔ ཀ་དག་ཆོས་སྐུའི་དབྱིངས་སུ་བསྲེགས༔ གཞོན་ནུ་བུམ་སྐུར་སངས་རྒྱས་ཤོག༔ ཨོཾ་མ་ཎི་པདྨེ་ཧཱུྃ་ཧྲཱིཿ ཨཿ ནྲྀཿ སུཿ ཏྲིཿ པྲེཿ དུཿ སརྦ་དུཿ ཁ་ཛྭ་ལ་རཾ་པ་ཡེ་སྭཱ་ཧཱ༔ ཡེ་ཤེས་སྒྱུ་མའི་རྣལ་འབྱོར་པས༔ སྒྱུ་མ་ལྟ་བུའི ཏིང་འཛིན་གྱིས༔ བསྐལ་པ་སྐད་ཅིག་ལ་བསྒྱུར་ནས༔ འདྲེན་པའི་ཆོ་ག་འདིར་བརྩོན་པ༔ འཁོར་བ་རུ་ལོག་བྱེད་པར་འགྱུར༔ ངན་སོང་དོང་སྤྲུགས་ཆོ་ག་འདི༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་སུམ་ཅུ་སོ་གཉིས་བར་དུ་བཀའ་རྒྱ་བྱས་ནས། མཐར་རྟེན་འབྲེལ་དུས་ལ་བབས་པ་ན་ཆོས་ཀྱི་བདག་པོ་དགེ་ལེགས་དཔལ་བཟང་གིས་ནན་ཏུ་བསྐུལ་ངོར་གཏན་ལ་ཕབ་པའོ། །དགེའོ། །དགེའོ །དགེའོ། །ལེགས་སོ། །སརྦ་མངྒ་ལཾ།། །། 8 བདུད་འཇོམས་ཐུགས་ཆེན་བདུད་འཇོམས་ཐུགས་ཆེན་T11603 - 098 ཟབ་གསང་མཁའ་འགྲོའི་སྙིང་ཐིག་ལས༔རྟ་མགྲིན་ཁམས་གསུམ་རོལ་པ༔ ཡང་ཁྲོས་མ་ཧཱ་ཀཱ་ལ་ཡི༔ དབང་ཆོག་འོད་ཀྱི་དྲྭ་བ་བཞུགས་སོ༔ T1603 - 099 བདུད་འཇོམས་རྟ་མགྲིན་ཡང་ཁྲོས་ཇོོཾ།༔ བྲཋལྐཟསྨྲ༔ ན་མོ་གུ་རུ་པདྨ་ཀ་ར་ཡེ༔ དུས་གསུམ་སངས་རྒྱས་འདུས་པའི་དཔལ༔ ཆེ་མཆོག་པདྨ་ཐོད་ཕྲེང་རྩལ༔ སྙིང་དབུས་མི་ཤིགས་ཐིག་ལེའི་ཀློང་༔ རྟག་བཞུགས་འགྲོ་ཁམས་སྨིན་གྲོལ་མཛོད༔ བདག་འདྲ་པདྨ་ཐོད་ཕྲེང་ངས༔ བརྒྱུད་འཛིན་རྗེས་སུ་བཟུང་བའི་ཕྱིར༔ སྨོན་ལམ་ལས་འཕྲོ་ལྡན་པ་རུ༔ དབང་སྐལ་བསྔགས་པའི་ཡིད་བཞིན་ནོར༔ ཟབ་གསང་མཁའ་འགྲོའི་སྙིང་ཐིག་སྐོར༔ རྟ་མགྲིན་ཡང་ཁྲོས་ནག་པོ་ཡི༔ བཀའ་བབ་སྣོད་ལྡན་ལས་ཅན་ལ༔ སྨིན་བྱེད་དབང་གི་འཇུག་སྒོ་བསྟན༔ འདི་ཉིད་ལག་ལེན་རིམ་པ་ནི༔ བཅའ་གཞི་དབང་རྫས་གཞུང་བཞིན་དུ༔ ལེགས་གྲུབ་སྒྲུབ་པའི་བསྙེན་སྒྲུབ་འབུངས༔ དེ་ནས་དད་དམ་ལྡན་པའི་བུར༔ ཁྲུས་བྱ་བགེགས་བསྐྲད་སྲུང་འཁོར TI1603 - 100 ཛོཾ།༔ བསྒོམ༔ སྐྱབས་སུ་འགྲོ་ཞིང་བྱང་སེམས་བསྐྱེད༔ དེ་ནས་ཐོག་མར་ཞུ་ཕུལ་ནི༔ ལག་གཉིས་ཐལ་སྦྱར་མེ་ཏོག་བཅས༔ གུས་པའི་ཡིད་ཀྱིས་འདི་སྐད་དུ༔ ཀྱེེ༔ འགྲོ་བའི་བླ་མ་ཆེ་བའི་མཆོག༔ རིགས་དང་དཀྱིལ་འཁོར་ཡོངས་འདུས་དཔལ༔ ཁྱོད་ལ་སྐྱབས་མཆི་ལུས་འབུལ་ལོ༔ ཚེ་རབས་བསགས་པའི་སྡིག་ལྟུང་བཤགས༔ སླན་ཆད་མི་དགེ་སྡོམ་བགྱིད་ལགས༔ པདྨ་གསུང་གི་དཀྱིལ་འཁོར་དུ༔ བདག་ནི་སྨིན་པར་མཛད་དུ་གསོལ༔ ལན་གསུམ༔ དེ་ནས་བླ་མས༔ ཧོཿ ལས་སྨོན་རྟེན་འབྲེལ་དག་པའི་མཐུས༔ བསོད་ནམས་དཔག་མེད་ལྡན་པའི་བུ༔ གསང་སྔགས་TI1603 - 101 དབང་གི་སྒོར་འཇུག་ནས༔ འགྲོ་དོན་རྒྱ་ཆེན་བསྒྲུབ་པ་ལ༔ དམ་ཚིག་གཉན་པོ་བསྲུང་ནུས་སམ༔ ད་ལྟ་ཉིད་དུ་ལེགས་པར་སྨྲོས༔ སློབ་མས༔ ཧོཿ བླ་མ་སངས་རྒྱས་བླ་མ་ཆོས༔ དེ་བཞིན་བླ་མ་ཚོགས་ཀྱི་མཆོག༔ རྩ་གསུམ་སྤྱི་གཟུགས་ཆེན་པོ་དགོངས༔ བདག་ནི་འདི་ནས་བྱང་ཆུབ་བར༔ འགྲོ་བའི་དོན་ལ་ཆེར་བརྩོན་ཞིང་༔ དམ་ཚིག་གཉན་པོ་བསྲུང་བར་བགྱི༔ སྒོ་གསུམ་རྡོ་རྗེ་གསུམ་ཀློང་དུ༔ སྐད་ཅིག་ཉིད་དུ་སྨིན་མཛད་གསོལ༔ དེ་ནས་བླ་མས༔ ཨེ་མ་སྐལ་ལྡན་རིགས་ཀྱི་བུ༔ ཡང་གསང་བླ་མེད་དཀྱིལ་འཁོར་འདིར༔ འཇུག་པའི་ལས་ཅན་སྐལ་པ་མཆོག༔ དེ་ཕྱིར་བདག་གིས་དབང་བསྐུར་བགྱི༔ དེ་རིང་ཕྱིན་ཆད་བུ་ཁྱོད་ཀྱིས༔ བསྒྲུབ་བྱ་ལྷ་སྔགས་དཀྱིལ་འཁོར་དང་༔ དམ་ཚིག་གསུམ་ལ་གནས་པའི་ཕྱིར༔ རྡོ་རྗེའི་དམ་ཚིག་མནའ་ཆུ་སྦྱིན༔ བསྲུང་ན་ཚེ་འདིར་མངོན་སངས་རྒྱས༔ ཉམས་ན་རྟག་ཏུ་མནར་བར་འགྱུར༔ ས་མ་ཡ་ན་ར་ཀན༔ དེ་ནས་མིག་དར་བཀབ་ལ༔ ཨོཾ་ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ༔ དེ་ནས་མེ་ཏོག་སྦྱིན་ཏེ༔ བཛྲ་པུཥྤེ་ཧཱུྃ༔ དེ་ནས་སློབ་མ་ལྷར་གསལ་བ་ནི༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ བདག་དང་སྣང་བ་ཐམས་ཅད་ཆོས་ཀྱི་དབྱིངས་ཀྱི་རང་བཞིན་སྤྲོས་པ་དང་ ཛོཾ༔ བྲལ་བའི་བདག་ཉིད་ཅན་དུ་རིག༔ སྟོང་པའི་ངང་ལས་སྐད་ཅིག་གིས་མ་ཆགས་པདྨ་ཉི་ཟླའི་གདན་གྱི་སྟེང་དུ་སློབ་མ་དེ་ཉིད་རྒྱུའི་ཡི་གེ་ཧཱུྃ་མཐིང་ནག་ཡོངས་སུ་གྱུར་པ་ལས༔ བཛྲ་ས་མ་ཡ་ཛཿ ཛཿ ཨ་བེ་ཤ་ཡ་ཕེཾ་ཕེཾ༔ ཞེས་ཡེ་ཤེས་དབབ་པ་དེ་ཉིད་ཇི་སྲིད་གདོད་མའི་མགོན་པོའི་གོ་འཕང་མངོན་དུ་མ་གྱུར་བར་དུ་འགྱུར་མེད་རབ་ཏུ་གནས་ཤིང་ཡོངས་སུ་རྫོགས་ཏེ་བརྟན་པར་གྱུར་ཅིག༔ ཏིཥྛ་བཛྲ་སྟྭཾ༔ དེ་ནས་མེ་ཏོག་འཐོར་བ་ནི༔ ཧོཿ བུ་ཁྱོད་སྔོན་ནས་ལས་འབྲེལ་གྱི༔ ལྷག་པའི་ལྷ་མཆོག་རིགས་གང་ལ༔ རྟེན་འབྲེལ་མེ་ཏོག་དབབ་པ་རུ༔ མཆོག་གསུམ་བདེན་པས་བྱིན་གྱིས་རློབས༔ བཛྲ་པུཥྤེ་པྲ་ཏཱིཙྪ་ཧོཿ དེ་ནས་མིག་དར་བསལ་ལ༔ ཧོཿ བུ་ཁྱོད་མ་རིག་རྨོངས་པ་ཡིས༔ རང་སྣང་ཡེ་ཤེས་དཀྱིལ་འཁོར་ལྷ༔ སྒྲིབ་བྱེད་གཟུང་འཛིན་བག་ཆགས་སྒྲིབ༔ ཡེ་ཤེས་གསེར་གྱི་ཐུར་མས་དབྱེ༔ ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ ཅེས་བསལ་ནས་རང་སྣང་ཡེ་ཤེས་ཀྱི་དཀྱིལ་འཁོར་མངོན་དུ་མཐོང་བར་བསམ༔ དེ་ནས་བུམ་པའི་དབང་བསྐུར་བ་ནི༔ ཧཱུྃ༔ བུམ་པ་ལྷུན་གྲུབ་གཞལ་ཡས་ཁང་༔ ཡང་ཁྲོས་སྐུ་ཡི་དཀྱིལ་འཁོར་རྫོགས༔ སྐལ་ལྡན་ཁྱོད་ལ་དབང་བསྐུར་བས༔ ལུས་ སྒྲིབ་དག་ནས་བུམ་དབང་ཐོབ༔ རྡོ་རྗེ་སྐུ་ཡི་གྲོང་དུ་སྨིན༔ གཟུགས་སྐུས་འགྲོ་བ་འདུལ་བར་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཡང་ཁྲོས་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཡང་ཁྲོས་ནག་པོའི་དབང་བསྐུར་རོ༔ ལུས་ཀྱི་རྩ་ཁམས་དབྱིངས་སུ་དག༔ ཡེ་ཤེས་སྒྱུ་མའི་སྐུ་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ རྡོ་རྗེ་ཡང་ཁྲོས་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྡོ་རྗེ་ཡང་ཁྲོས་དབང་བསྐུར་རོ༔ རྡོ་རྗེ་རིགས་ཀྱི་ཆེ་མཆོག་སྐུ༔ མངོན་གྱུར་ཐུགས་མཆོག་ཡོངས་རྫོགས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རཏྣ་ཡང་ཁྲོས་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རཏྣ་ཡང་ཁྲོས་དབང་བསྐུར་རོ༔ རིན་ཆེན་རིགས་ཀྱི་ཆེ་མཆོག་སྐུ༔ མངོན་གྱུར་ཡོན་ཏན་ཡོངས་རྫོགས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་པདྨ་ཡང་ཁྲོས་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ པདྨ་ཡང་ཁྲོས་དབང་བསྐུར་རོ༔ པདྨ་རིགས་ཀྱི་ཆེ་མཆོག་སྐུ༔ མངོན་གྱུར་གསུང་མཆོག་ཡོངས་རྫོགས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་ཀརྨ་ཡང་ཁྲོས་སྐུ་གཏད་ལ༔ ༔ སྐལ་ལྡན་རིགས་ཀྱི་བུ་ཁྱོད་ལ༔ ཀརྨ་ཡང་ཁྲོས ཛོཾ༔ དབང་བསྐུར་རོ༔ ཀརྨ་རིགས་ཀྱི་ཆེ་མཆོག་སྐུ༔ མངོན་གྱུར་ཕྲིན་ལས་ཡོངས་རྫོགས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་འཇམ་དཔལ་ནག་པོའི་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ འཇམ་དཔལ་ནག་པོའི་དབང་བསྐུར་རོ༔ དེ་བཞིན་གཤེགས་པ་ཐམས་ཅད་ཀྱི༔ མཁྱེན་རབ་དབང་ཕྱུག་མཆོག་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རྟ་མགྲིན་དམར་པོའི་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྟ་མགྲིན་དམར་པོའི་དབང་བསྐུར་རོ༔ དེ་བཞིན་གཤེགས་པ་ཐམས་ཅད་ཀྱི༔ བརྩེ་བའི་ཐུགས་རྗེ་མཆོག་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཕྱག་ན་རྡོ་རྗེའི་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཕྱག་ན་རྡོ་རྗེའི་དབང་བསྐུར་རོ༔ དེ་བཞིན་གཤེགས་པ་ཐམས་ཅད་ཀྱི༔ མཐུ་སྟོབས་མ་ལུས་མཆོག་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཁྱུང་ལྔ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཡེ་ཤེས་ཁྱུང་ལྔའི་བ། དབང་བསྐུར་རོ༔ གཏི་མུག་ལས་བྱུང་ཀླུ་གཉན་གདོན༔ བསམ་པ་ཙམ་གྱིས་སྒྲོལ་ནུས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་སྡིག་པ་རཱ་ཙ་གཏད་ལ༔ ཧཱུྃ༔ སྐལ་ལྡན་རིགས་ཀྱི་ བུ་ཁྱོད་ལ༔ ཕྲིན་ལས་ལྕགས་སྡིག་དབང་བསྐུར་རོ༔ ཞེ་སྡང་ལས་གྱུར་རྒྱལ་འགོང་གདོན༔ བསམ་པ་ཙམ་གྱིས་སྒྲོལ་ནུས་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཕག་ནག་མགོ་དགུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཡེ་ཤེས་ཕག་མོའི་དབང་བསྐུར་རོ༔ གཟུང་འཛིན་རྣམ་རྟོག་ནད་རིམས་གདོན༔ མ་ལུས་བརླག་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཕག་མོ་རིགས་ལྔ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཁྲོས་མ་རིགས་ལྔའི་དབང་བསྐུར་རོ༔ འཁོར་འདས་ཤེས་རབ་ཡུམ་གྱི་མཁར༔ འུབ་ཆུབ་རོལ་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་སྒོ་མ་བཞིའི་སྐུ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ སྒོ་མ་བཞི་ཡི་དབང་བསྐུར་རོ༔ ཕྲིན་ལས་རྣམ་བཞི་ལྷུན་གྲུབ་ནས༔ གང་འདུལ་འགྲོ་དོན་མཐར་ཕྱིན་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་སྔགས་འཁོར་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྡོ་རྗེ་གསུང་གི་དབང་བསྐུར་རོ༔ བཟླས་པ་སྔགས་ཀྱི་དབང་ཐོབ་ནས༔ རླུང་ཁམས་གནས་སུ་དག་པར་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་ཐོད་པ་བདུད་རྩི་ཐོགས་ཏེ༔ ཧཱུྃ༔ སྐལ་ལྡན་རིགས་ཀྱི་བུ་ ཛོཾ།༔ ཁྱོད་ལ༔ གསང་ཆེན་བདུད་རྩིའི་དབང་བསྐུར་རོ༔ ངག་སྒྲིབ་དག་ནས་གསང་དབང་ཐོབ༔ རྡོ་རྗེའི་གྲོང་དུ་སྨིན་པར་ཤོག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་སྔགས་ཕྲེང་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ སྔགས་ཀྱི་ཕྲེང་བའི་དབང་བསྐུར་རོ༔ གསང་སྔགས་རིག་སྔགས་གཟུངས་སྔགས་རྣམས༔ བཟླས་པ་ཙམ་གྱིས་འགྲུབ་གྱུར་ཅིག༔ རྩ་སྔགས༔ ཝཱཀ་ཨ་བྷི་ཥིཉྩ་ཨཱཿ དེ་ནས་རལ་གྲི་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྡོ་རྗེ་ཐུགས་ཀྱི་དབང་བསྐུར་རོ༔ སྒོམ་པ་ཏིང་འཛིན་དབང་ཐོབ་ནས༔ ཐིག་ལེ་གནས་སུ་དག་པར་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཧཱུྃ་དང་ཧྲཱིཿ ཡིག་གཏད་ལ༔ ༔ སྐལ་ལྡན་རིགས་ཀྱི་བུ་ཁྱོད་ལ༔ ཐུགས་སྲོག་ས་བོན་འདི་གཏད་པས༔ ཡིད་སྒྲིབ་དག་ནས་ཤེར་དབང་ཐོབ༔ རྡོ་རྗེའི་གྲོང་དུ་སྨིན་གྲོལ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་རིག་མ་གཏད་ལ༔ ཧོཿ སྐལ་ལྡན་སྐྱེས་མཆོག་དམ་པ་ཁྱོད༔ ཤེས་རབ་ཡུམ་གྱི་མཁའ་ལ་སྤྱོད༔ སྣང་ཞིང་སྲིད་པ་རང་བཞིན་ཡབ༔ བདག་མེད་སྟོང་པ་ངོ་བོ་ཡུམ༔ འཁོར་འདས་འུབ་ཆུབ་ཡུམ་གྱི་མཁའ༔ རང་བྱུང་ལྷུན་གྲུབ་བདེ་ཆེན་རོལ༔ ཀུན་བཟང་ ཆོས་སྐུའི་དབང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཐིག་ལེ་སྣ་ལྔ་གཏད་ལ༔ ཀྱེ་ཧོ་སྐལ་ལྡན་རིགས་ཀྱི་བུ༔ གདོད་ནས་ཡེ་ཤེས་ལྷན་སྐྱེས་ལྷ༔ འཁོར་འདས་རྫོགས་པའི་ཡེ ཤེས་ལྔ༔ ཞལ་ཕྱག་མཚན་མ་བྲལ་བའི་སྐུ༔ ཐིག་ལེ་ཉག་གཅིག་ཆོས་ཀྱི་སྐུ༔ ཀ་དག་ཚིག་དབང་ཐོབ་པར་ཤོག༔ རྩ་སྔགས༔ སརྦ་ཨ་བྷི་ཥིཉྩ་སྭཱ༔ དེ་ནས་མེ་དཔུང་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཡེ་ཤེས་མེ་ལྕེའི་དབང་བསྐུར་བས༔ རྒྱལ་ཀུན་ཡོན་ཏན་ཡོངས་རྫོགས་ནས༔ རཱུ་དྲ་ཀུན་གཞོམ་དབང་ཐོབ་ཤོག༔ རྩ་སྔགས༔ སརྦ་ཨ་བྷི་ཥིཉྩ་སྭཱ༔ དེ་ནས་རིན་ཆེན་དབྱུག་ཏོ་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཡོན་ཏན་ཡོངས་རྫོགས་རིན་ཆེན་ནོར༔ གཏད་དོ་རྒྱལ་བ་ཐམས་ཅད་ཀྱི༔ ཡོན་ཏན་ཡོངས་རྫོགས་དབང་ཐོབ་ཤོག༔ རྩ་སྔགས༔ སརྦ་ཨ་བྷི་ཥིཉྩ་སྭཱ༔ དེ་ནས་འོད་ལྔའི་ཐིག་ལེ་གཅིག་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཐིག་ལེ་ཉག་གཅིག་དབང་བསྐུར་རོ༔ སེམས་ཉིད་ཆོས་སྐུའི་གཞི་རུ་འཕོས༔ འཁྲུལ་མེད་དབྱིངས་སུ་ཕྱམ་བརྡལ་ཡན༔ ཨ་ཨ་ཨ༔ ཕཊ༔ དེ་ནས་ལྩགས་ཧོམ་གཏད་ལ༔ ཧོཿ སྐལ་ལྡན་རིགས་ཀྱི་བུ་ཁྱོད་ལ༔ ལས་ཀྱི་བྲུབ་ཁུང་འདི་གཏད་པས༔ ཛོཾ།༔ ཞིང་བཅུའི་དགྲ་བགེགས་མ་ལུས་པ༔ བཀུག་ཅིང་བྲུབ་པའི་དབང་ཐོབ་ཤོག༔ རྩ་སྔགས༔ ཀརྨ་ཨ་བྷི་ཥིཉྩ་ཧཱ༔ དེ་ནས་ཕུར་པ་ཐུན་རྫས་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ བསྒྲལ་ཆས་ཐུན་མཚོན་འདི་གཏད་པས༔ ཞིང་བཅུའི་དགྲ་བགེགས་མ་ལུས་པ༔ མནན་བསྒྲལ་བརླག་པའི་དབང་ཐོབ་ཤོག༔ རྩ་སྔགས༔ ཀརྨ་ཨ་བྷི་ཥིཉྩ་ཧཱ༔ དེ་ནས་མེ་ཧོམ་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ གྲུ་གསུམ་མེ་དཀྱིལ་འདི་གཏད་པས༔ ཞིང་བཅུའི་དགྲ་བགེགས་མ་ལུས་པ༔ བསྲེག་ཅིང་གཞོམ་པའི་དབང་ཐོབ་ཤོག༔ རྩ་སྔགས༔ ཀརྨ་ཨ་བྷི་ཥིཉྩ་ཧཱ༔ དེ་ནས་གཏོར་མ་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ བསྒྲུབ་རྫས་གཏོར་མ་འདི་གཏད་པས༔ རྟ་མགྲིན་ཡང་ཁྲོས་ནག་པོ་ཡི༔ རྟེན་དང་བརྟེན་པའི་དཀྱིལ་འཁོར་ལྷ༔ སྒྲུབ་པའི་དབང་མཆོག་ཡོངས་ཐོབ་ཤོག༔ རྩ་སྔགས༔ བ་ལིཾ་ཏ་ཨ་མཎྜལ་ཨ་བྷི་ཥིཉྩ་ཨོཾ་ཨཱཿ ཧཱུྃ་ཧྲཱིཿ སྭཱ་ཧཱ༔ དེ་ནས་བཀྲ་ཤིས་རྟགས་བརྒྱད་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ བཀྲ་ཤིས་རྟགས་བརྒྱད་དབང་བསྐུར་བས༔ རྣམ་མཁྱེན་སངས་རྒྱས་གོ་འཕང་མཆོག༔ ཡོངས་ཐོབ་བདེ་མཆོག་དབང་ཐོབ་ཤོག༔ རྩ་སྔགས༔ མངྒ་ལཾ་T11603 - 109 ཨ་བྷི་ཥིཉྩ་ཧཱུྃ༔ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྒྱལ་སྲིད་སྣ་བདུན་དབང་བསྐུར་རོ༔ གདོད་མའི་མགོན་པོའི་གོ་འཕང་མཆོག༔ ཆོས་སྐུའི་རྒྱལ ས་ཟིན་པར་ཤོག༔ རྩ་སྔགས༔ མ་ཎི་རཏྣ་ཨ་བྷི་ཥིཉྩ་ཧཱུྃ༔ ས་མ་ཡ༔ དེ་ལྟར་དབང་གི་བྱ་བ་ལ་འཇུག་པའི་ཚེ་མདུན་བསྐྱེད་པདྨ་དབང་གི་ལྷ་ཚོགས་རྣམས་ཀྱི་སྐུ་ལས་འོད་དཀར་བདུད་རྩིའི་རང་བཞིན་འཕྲོས་ནས་ཐིམ་པས་བུམ་དབང་༔༷ སྔགས་ཕྲེང་འོད་དམར་འཕྲོས་ནས་ཐིམ་པས་གསང་དབང་༔ ས་བོན་འོད་མཐིང་རིག་མར་བསྟིམ་པ་ཤེར་དབང་༔ ཡེ་ཤེས་འོད་ཐིག་འཕྲོས་ནས་ཐིམ་སྟེ་ཡེ་ཤེས་ཉམས་སུ་མྱོང་བ་ཚིག་དབང་༔ སྐྱེ་མེད་ཀྱི་ངོ་བོ་ཐིག་ལེ་ཐིམ་པས་ཆོས་སྐུར་སད་པ་རྩལ་དབང་༔ ལྷ་རྣམས་ཀྱི་ཐུགས་ཀྱི་རང་གདངས་མཚོན་ཐུན་གཏད་པ་ཕྲིན་ལས་ཀྱི་དབང་༔ དཀྱིལ་འཁོར་དང་གཏོར་མ་གཏད་པ་སྒྲུབ་པའི་དབང་༔ བཀྲ་ཤི་རྟགས་བརྒྱད་དང་རྒྱལ་སྲིད་གཏད་པ་རྣམ་མཁྱེན་སངས་རྒྱས་ཀྱི་གོ་འཕང་ལ་བསྔགས་པ་མཐའ་བརྟེན་ཏེ༔ ཐམས་ཅད་དབང་བཞིའི་ཡན་ལག་ཏུ་ངེས་པ་ཡིན་ནོ༔ མཐར་ནི་བཀྲ་ཤིས་བསྔོ་སྨོན་དང་༔ ཚོགས་ཀྱི་འཁོར་ལོ་རྒྱ་ཆེན་བསྐོར༔ འདི་ཐོབ་དམ་ལྡན་སྒྲུབ་པ་པོ༔ ཚེ་འདིར་རིག་འཛིན་ས་ཐོབ་འགྱུར༔ དོན་གཉིས་ལྷུན་གྲུབ་མཐུ་ལྡན ཏེ༔ འཁོར་འདས་ཡོངས་ཀྱི་སྲོག་ཐོབ་འགྱུར༔ མ་འོངས་ང་ཡི་བརྒྱུད་འཛིན་རྣམས༔ འཁོར་འདས་རང་སྣང་སྒྱུ་འཕྲུལ་ལས༔ གཞན་དུ་གདོད་ནས་གྲུབ་པ་ནི༔ ཆ་མེད་རྡུལ་ཙམ་ངས་མ་མཐོང་༔ དེ་ཕྱིར་རང་སྣང་ཡེ་ཤེས་ལྷ༔ ལྷན་སྐྱེས་ངང་ལས་ ཛོཾ།༔ མི་འདའ་བར༔ གཞན་དུ་རང་རྒྱུད་མི་འདའ་གནད༔ འདི་ནི་གནད་ཀྱི་དམ་པའོ༔ འདིར་སྣང་འཁོར་བའི་ཡུལ་གནས་ཀུན༔ རྨི་ལམ་ཉིད་དུ་སྣང་གྲུབ་བཞིན༔ དག་པའི་ཆ་ན་ལྷ་དང་ཞིང་༔ རང་རིག་ངོ་བོ་ཡོངས་གྲུབ་བོ༔ འདི་ནི་ལྷན་སྐྱེས་ཆེན་པོ་ཡིན༔ གཞན་དུ་མ་འཁྲུལ་སྐལ་ལྡན་རྣམས༔ བུད་མེད་ཡེ་ཤེས་མཚོ་རྒྱལ་ཁྱོད༔ བཀའ་འདི་བརྡ་ཡི་རིས་སུ་ཐོབས༔ གཏེར་དུ་སྦོས་ལ་དམ་རྒྱས་ཐོབས༔ བཀའ་སྲུང་གནོད་སྦྱིན་དམར་ནག་དང་༔ གཟའ་བདུད་དུག་གི་སྤུ་གྲིས་སྲུངས༔ དམ་ཉམས་བསྟན་དགྲའི་སྙིང་ཁྲག་གསོལ༔ དམ་ལྡན་བུ་ལ་དབྱེར་མེད་སྲུངས༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གཉན་རྒྱ༔ ཨ་ཝཾ་རྒྱ༔ བདག་འདྲ་བདུད་འཇོམས་རྡོ་རྗེ་ངས།།མ་འགགས་འོད་གསལ་ངང་ནས་བཏོན།།ཆོས་ཉིད་དག་པའི་ཀློང་མཛོད་རྡོལ། །སུ་མ་མགུ་ཡང་ཞེ་བློ་བདེ། །སྨར་མདོ་བཀྲ་ཤིས་དགའ་འཁྱིལ་དུ། །དག་པར་ཕབ་པའི་ཡི་གེ་པ། །རྣལ་འབྱོར་ཕུན ཚོགས་བཀྲ་ཤིས་སོ། །དགེའོ། །དགེའོ། །དགེའོ །སརྦ་མངྒ་ལཾ།། །། T11603 - 111 T11603 - 112 ཛོཾ།།༔ ཟབ་གསང་མཁའ་འགྲོའི་སྙིང་ཐིག་ལས༔ རྟ་མགྲིན་ཁམས་གསུམ་རོལ་པ༔ ཡང་ཁྲོས་མ་ཧཱ་ཀཱ་ལའི་གསོལ་འདེབས་དབང་བཞིའི་ཆུ་རྒྱུན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཤཧྱན༔ གསོལ་འདེབས་དབང་བཞིའི་ཆུ་རྒྱུན་ལ༔ ན་མོ་གུ་རུ་པདྨ་སིདྡྷི་ཧཱུྃ་ཧྲཱིཿ ན་