Tibetan
ནས༔ དབང་དྲག་རོལ་པའི་རྟ་བྲོ་ཆེམས༔ དྲག་པོའི་རྟ་སྐད་འུ་རུ་རུ༔ སྒྱུ་འཕྲུལ་གར་བསྒྱུར་ཤིགས་སེ་ཤིག༔ ཡེ་ཤེས་རྔམས་པའི་བརྟུལ་ཞུགས་ཀྱིས༔ དུག་གསུམ་སྐུ་གསུམ་ཧོམ་དུ་ནན༔ དུག་ལྔ་ཡེ་ཤེས་ཧོམ་དུ་བྲུབ༔ ཉོན་མོངས་བརྒྱད་ཁྲི་བཞི་སྟོང་དང་༔ རྒྱུ་རྐྱེན་འབྲེལ་བའི་ལྷ་འདྲེ་རྣམས༔ ཆོས་ཕུང་བརྒྱད་ཁྲིའི་ཧོམ་དུ་བྲུབ༔ ཐེག་པ་རིམ་དགུའི་བྲོ་རྒྱས་གདབ༔ འུར་འུར་ཆེམ་ཆེམ་རྦད་ཡ་ནན༔ རྩ་སྔགས་མཐར༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སྭཱ་ལཾ༔ ཧཱ་ལཾ༔ ་བྷ་ཡ་ནན་ནན༔ ལོག་འདྲེན་ན་ཤ་ཡ་ནན༔ དེ་ནས་དངོས་གྲུབ་ལེན་པ་ནི༔ ཧཱུྃ༔ ཡང་ཁྲོས་གསང་ བའི་དཀྱིལ་འཁོར་ནས༔ དབང་དང་དངོས་གྲུབ་ཆུ་བོའི་རྒྱུན༔ སྒོ་གསུམ་བུམ་པའི་སྣོད་དུ་བབ༔ སྐུ་གསུམ་ལྷུམས་ཞུགས་བདེ་ཆེན་མཆོག༔ སརྦ་སིདྡྷི་ཕ་ལ་ཨ་ལ་ལ་ཧོཿ དེ་ནས་ཉམས་པ་བཤགས་པ་ནི༔ ཧཱུྃ༔ བླ་མ་ཡང་ཁྲོས་དཀྱིལ་འཁོར་དུ༔ མཆོད་རྫས་སྒྲུབ་རྫས་མ་འབྱོར་དང་༔ སྒྲུབ་པ་གཡེལ་ཞིང་ལྷ་མ་གསལ༔ སྔགས་ཀྱི་བར་ཆད་དམ་བཅའ་ཉམས༔ བསྐྱེད་དང་རྫོགས་རིམ་མ་གསལ་སོགས༔ ཉམས་ཆག་བཤགས་སོ་ཚངས་པར་སྩོལ༔ ཡིག་བརྒྱ་རྟེན་སྙིང་ཅི་མང་བཟླ༔ དེ་ནས་བཀྲ་ཤིས་བརྗོད་པ་ནི༔ རྟེན་འབྲེལ་སྙིང་པོས་མགོ་འདྲེན་ཏེ༔ ཧཱུྃ༔ དབང་ཆེན་ཡང་ཁྲོས་དཀྱིལ་འཁོར་དུ༔ སྒོ་གསུམ་སྨིན་གྲོལ་བཀྲ་ཤིས་ཤོག༔ སྐྱེ་འཆིའི་རང་དབང་ཐོབ་པ་དང་༔ ལྷ་སྐུར་མངོན་གྱུར་བཀྲ་ཤིས་ཤོག༔ གཞི་དབྱིངས་ཀ་དག་ཀློང་ཆེན་དུ༔ འཁོར་འདས་འུབ་ཆུབ་བཀྲ་ཤིས་ཤོག༔ དེ་ནས་བསྡུ་བའི་རིམ་པ་ནི༔ ཨ༔ ཡེ་ནས་རྫོགས་པའི་ཡོངས་གྲུབ་ལྷ༔ དབྱིངས་དང་ཡེ་ཤེས་དབྱེར་མེད་ངང་༔ འཁོར་བ་མྱང་འདས་ཀློང་གྲོལ་ལས༔ མི་ལྡོག་བདེ་ཆེན་ངང་དུ་ལྷུག༔ ས་མ་ཡ༔ ཡང་གསང་སྒྲུབ་པའི་དཀྱིལ་འཁོར་འདིར༔ རྩེ་གཅིག་འཇུག་པའི་སྐལ་ལྡན་རྣམས༔ དབེན་པའི་རི་ལ་བཙན་ས་ཟུངས༔ རེ་དོགས་བདུད་ཀྱི་བསྐུལ་མ་ཡིན༔ མཛའ་བཤེས་བདུད་ ཛོཾ།༔ ཀྱི་ལྕགས་སྒྲོག་ཡིན༔ ཕ་ཡུལ་བདུད་ཀྱི་བཙོན་ར་ཡིན༔ བསྙེན་བཀུར་བདུད་ཀྱི་ཕོ་ཉ་ཡིན༔ ལོངས་སྤྱོད་བདུད་ཀྱི་ཇག་པ་ཡིན༔ བདུད་ཀྱི་བསླུ་བ་ངོས་བཟུང་ལ༔ རང་དབང་རྒྱལ་པོའི་བརྟུལ་ཞུགས་ཀྱིས༔ སྒྲུབ་པའི་གནས་སུ་བཙན་ས་ཟུངས༔ བདུད་ཀྱིས་བསླུ་བ་མ་ཤེས་ན༔ འགྲོ་དོན་ཡིན་སྙམ་རང་དོན་བོར༔ བདུད་ཡུལ་མུན་པའི་ན་བུན་དུ༔ རང་གཞན་མགོ་འཁོར་ཝ་སྐྱེས་ཟུང་༔ ཁྱིམ་ཆུང་སྤང་ནས་ཆོས་ལ་སེམས༔ ཡུལ་གྲུའི་ཕ་མཐར་ཁྱིམ་ཆེན་འཛིན༔ སྤོས་ཀྱི་གླང་པོས་རིལ་གསོག་བཞིན༔ བླ་བཙུན་ཚོང་དང་དཀོར་གྱི་ལས༔ མཁས་བཙུན་བཟང་པོའི་གྲལ་དུ་བརྩི༔ ཆོས་བྱེད་རི་སུལ་འཛིན་པའི་རིང་༔ ཟོག་དང་བླུན་པོའི་ཐ་མར་བཀོལ༔ ཀྱེ་མ་དུས་མཐར་དེ་འདྲ་མང་༔ པདྨ་བདག་གི་བརྒྱུད་འཛིན་རྣམས༔ ཚེ་འདིའི་བྱ་བ་རྒྱབ་ཏུ་བོར༔ ཕྱི་མའི་བདེ་བ་དང་དུ་ལོངས༔ འཁོར་བའི་གནས་ན་ཡུན་རིང་ཐལ༔ ད་ནི་པད་འབྱུང་རྗེས་སུ་བཞུད༔ འདི་ཉིད་ཚུལ་བཞིན་ཉམས་ལེན་པའི༔ ལས་དང་སྐལ་བར་ལྡན་པའི་བུ༔ ཚེ་འདིར་གྲོལ་བ་མ་ཐོབ་ན༔ པདྨས་བསླུས་སོ་ཕ་ཡི་བུ༔ ཨོ་རྒྱན་པདྨ་བདུད་འཇོམས་ངས༔ གངས་ཅན་ཡུལ་གྱི་ཕྱོགས་མཚམས་སུ༔ རྟ་མགྲིན་སྒྲུབ་ཐབས་མང་སྦས་ཀྱང་༔ ས་ཡི་གསེར་ལྟར་མིན་རེ་ཀན༔ མ་འོངས་དུས་ཀྱི་སྙིགས་མ་ལ༔ འདི་ཉིད་སྒྲུབ་པའི་རིག་འཛིན་རྣམས༔ བཅུ་ཕྲག་བཅུ་གསུམ་མངོན་འཚང་རྒྱ༔ བུད་མེད་ཡེ་ཤེས་མཚོ་རྒྱལ་ཁྱོད༔ མཁའ་འགྲོའི་སྙིང་ཐིག་ཡི་གེར་ཐོབས༔ དབང་ཆེན་གསང་བའི་སྲས་མཆོག་དང་༔ གཟའ་བདུད་དུག་གི་སྤུ་གྲིས་སྐྱོངས༔ སྐུར་འདེབས་མཁན་གྱི་ སྙིང་ཁྲག་རོལ༔ ས་མ་ཡ༔ རྒྱ་རྒྱ་རྒྱ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་སྤྲང་པོ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གསེར་སྨད རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ནས་གདན་དྲངས་ཏེ་མི་ལོ་བཅུ་གསུམ་ལ་བཀའ་རྒྱས་བཏབ་ནས་མཐར་ཚེས་བཅུའི་མིང་འཛིན་བཙུན་ཆུང་ཞིག་གིས་ནན་དུ་བསྐུལ་ངོར་ཤོག་སེར་ལས་བཤུས་པའི་ཡི་གེ་པ་ནི་ཧོར་གྱི་བནྡེ་ཕུན་ཚོགས་བཀྲ་ཤིས་སོ། །དགེའོ །དགེའོ །དགེའོ། །ལེགས་སོ། །སརྦ་མངྒ་ལཾ།། ། 202 T11603 - 132 ཛོཾ།༔ དག་སྣང་ཡེ་ཤེས་དྲྭ་བ་ལས༔ རྟ་མགྲིན་ཡང་ཁྲོས་ནག་པོའི་མཆོད་ཕྲེང་བདུད་རྩིའི་སྤྲིན་ཕུང་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ནཱི་ཡེ༔ ཟླ།བྷ།་ཧྱ།༔ དང་པོ་ཉེར་སྤྱོད་འབུལ་བ་ལ༔ ཧཱུྃ༔ ཏིང་འཛིན་ནམ་མཁའ་མཛོད་ཀྱི་འཕྲུལ༔ མཆོད་ཡོན་དང་ནི་ཞབས་བསིལ་དང་༔ མེ་ཏོག་བདུག་སྤོས་མར་མེ་དྲི༔ ཞལ་ཟས་སིལ་སྙན་རོལ་མོའི་ཚོགས༔ དབང་དྲག་རོལ་པའི་ཚོགས་ལ་འབུལ༔ བཞེས་ནས་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་སོགས་ནས ཤབྡ་པྲ་ཏཱིཙྪ་སརྦ་པཱུཔཱུ་ཛ་ཧོཿ དེ་ནས་ནང་གི་མཆོད་པ་ལ༔ ཧཱུྃ༔ རང་བྱུང་ཡེ་ཤེས་རོལ་པའི་འཕྲུལ༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་རང་བྱུང་མཆོད་པའི་སྤྲིན༔ དབང་དྲག་རོལ་པའི་ལྷ་ལ་འབུལ༔ བཞེས་ནས་དབང་དང་དངོས་གྲུབ་སྩོལ༔ ཨོཾ་ཨཱཿ ཧཱུྃ་རཱུ་པ་ཤཔྡ་སོགས་ནས སྤཪྴ་པྲ་ཏཱིཙྪ་སརྦ་པཱུ་ཛ་ཧོཿ དེ་ནས་གསང་མཆོད་ལ༔ དང་པོ་བདུད་རྩི་སྨན་མཆོད་ནི༔ ཨོཾ་ཨཱཿཧཱུྃ༔ བརྡལ་ཁྱབ་ཡངས་པའི་ཀ་པཱ་ལར༔ ཁམས་གསུམ་ཡིག་འབྲུ་གསུམ་གྱི་ངང་༔ སྐུ་གསུང་ཐུགས་ཀྱི་བདུད་རྩིར་ཞུ༔ བདེ་སྟོང་ཡེ་ཤེས་ནུས་བཅུད་ལྡན༔ ཧཱུྃ༔ རྒྱལ་བ་དགོངས་བརྒྱུད་རིག་འཛིན་བརྡ་བརྒྱུད་དང་༔ གང་ཟག་སྙན་ བརྒྱུད་ཤོག་སེར་ཚིག་བརྒྱུད་དང་༔ བཀའ་བབས་ལུང་བརྒྱུད་སྨོན་ལམ་གཏེར་བརྒྱུད་སོགས༔ རིག་འཛིན་རྩ་བརྒྱུད་བླ་མ་ཐམས་ཅད་ལ༔ རྣམ་དག་བདུད་རྩིའི་དམ་རྫས་མཉེས་མཆོད འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ རྒྱུད་སྡེ་བཞི་དྲུག་ཐེག་དགུར་འབྲེལ་བ་ཡི༔ ཡི་དམ་དཔའ་བོ་མཁའ་འགྲོ་སྤྱི་དང་ནི༔ ཁྱད་པར་རྟ་མགྲིན་ཡང་ཁྲོས་ཡབ་དང་ཡུམ༔ རིགས་བཞི་ཁྲག་འཐུང་ཡབ་ཡུམ་སྒོ་སྐྱོང་བཞི༔ སྤྲུལ་པ་ཡང་སྤྲུལ་སྒྱུ་འཕྲུལ་འཁོར་ལོ་ལ༔ རྣམ་དག་བདུད་རྩིའི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ལས་མཁན་སྤྲུལ་པའི་ཁྱུང་ཆེན་རིགས་ལྔ་དང་༔ ཕག་ནག་མགོ་དགུ་སྡིག་ནག་མེ དབལ་སོགས༔ མི་སྲུན་གདུག་པ་འདུལ་བའི་མཐུ་རྩལ་ལ༔ རྣམ་དག་བདུད་རྩིའི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ བཀའ་སྲུང་དབང་ཕྱུག་མ་ཧཱ་དྗེ་ཝ་དང་༔ གནོད་སྦྱིན་ཤན་དམར་གཟའ་བདུད་རཱ་ཧུ་ལ༔ དྲེགས་པ་དམ་ཅན་སྡེ་དགུ་འཁོར་དང་བཅས༔ རྣམ་དག་བདུད་རྩིའི་དམ ཛོཾ།༔ རྫས་མཉེས་མཆོད་འབུལ༔ ཞིང་བཅུའི་དགྲ་བགེགས་ཚར་གཅོད་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ དེ་ནས་དངོས་གྲུབ་བླང་བ་ནི༔ ཨོཾ་ཨཱཿཧཱུྃ༔ སྟོང་ཉིད་དབྱིངས་ཀྱི་ཀ་པཱ་ལར༔ གསང་གསུམ་རྡོ་རྗེའི་དབང་དངོས་གྲུབ༔ ཡིག་འབྲུ་གསུམ་གྱི་རྣམ་པར་ཤར༔ རྡོ་རྗེ་སྙིང་པོའི་འོད་ཟེར་གྱིས༔ བླངས་ཏེ་གསང་གསུམ་འཁོར་ལོར་བསྟིམ༔ དབང་དང་དངོས་གྲུབ་མཆོག་ཐོབ་འགྱུར༔ རྩ་སྔགས་མཐར༔ ཀཱ་ཡ་སིདྡྷི་ཨོཾ༔ ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ནས་རཀྟ་འབུལ་བ་ནི༔ ཧཱུྃ༔ ཆོས་དབྱིངས་དང་མཉམ་བྷནྡྷའི་སྣོད་མཆོག་ཏུ༔ འཁོར་བ་དབྱིངས་སྒྲོལ་རཀྟའི་རྒྱ་མཚོར་བསྐྱིལ༔ ཁྲོ་ཆེན་རྡོ་རྗེ་དབྱིངས་ཀྱི་ཚོགས་ལ་འབུལ༔ བཞེས་ནས་འཁོར་བའི་འཁྲུལ་འཁོར་བཤིག་ཏུ་གསོལ༔ མ་ཧཱ་རཀྟ་ཁཱ་ཧི༔ དེ་ནས་གཏོར་མ་འབུལ་བ་ནི༔ ཧཱུྃ༔ བརྡལ་ཁྱབ་ཆོས་དབྱིངས་ཡངས་པའི་གཏོར་གཞོང་དུ༔ སྣང་སྲིད་གཞིར་བཞེངས་མ་ཧཱ་བ་ལི་ཏ༔ འདོད་རྒུའི་ལོངས་སྤྱོད་སྣ་ཚོགས་རྒྱན་དུ་ཤར༔ དབང་དྲག་ཡང་ཁྲོས་དཀྱིལ་འཁོར་ལྷ་ལ་འབུལ༔ མ་ཧཱ་བ་ལི་ཏ་ཁཱ་ཧི༔ དེ་ནས་ཁྱད་པར་མཆོད་པ་ལ༔ སྦྱོར་བའི་མཆོད་པ་ནི༔ ཧཱུྃ༔ སྣང་བ་ཐབས་ཀྱི་རང་བཞིན་དབང་དྲག་ལྷ༔ སྟོང་པ་ཡུམ་གྱི་རང་བཞིན་ཝཱ་ར་ཧི༔ སྙོམས་འཇུག་བདེ་སྟོང་བཅུད་ཀྱི་བྱང་ཆུབ་སེམས༔ དབང་དྲག་རོལ་པའི་དཀྱིལ་འཁོར་ལྷ་ལ་འབུལ༔ བདེ་སྟོང་དགའ་བཞིའི་ཡེ་ཤེས་དངོས་གྲུབ སྩོལ༔ མ་ཧཱ་བོ་དྷི་ཙིཏྟ་སརྦ་པཱུ་ཛ་ཧོཿ དེ་ནས་བསྒྲལ་བའི་མཆོད་པ་ནི༔ ཧཱུྃ༔ སྟོང་ཉིད་རྡོ་རྗེ་བཙུན་མོའི་མཁའ་དབྱིངས་སུ༔ ཐབས་མཆོག་ཧེ་རུའི་གཏུན་བུའི་སྟོབས་ཤུགས་ཀྱིས༔ བདག་ལྟའི་རཱུ་དྲ་ཕོ་མོ་ཕྱེ་མར་བཏུལ༔ ཤ་རི་ཁྲག་མཚོ་ཕུང་ཁམས་སྐྱེ་མཆེད་བཅས༔ མཉམ་ཉིད་རོལ་པ་ཆེན་པོའི་ཞལ་དུ་བསྟབ༔ འཁོར་བ་མྱང་འདས་ཆེན་པོར་ཆོམ་མཛོད་ལ༔ དྲག་པོ་མཐུ་ཡི་དངོས་གྲུབ་སྩལ་དུ་གསོལ༔ མ་ཧཱ་མཱཾ་ས་རཀྟ་ཙིཏྟ་ལ་ཁ་རཾ་ཁཱ་ཧི༔ དེ་ནས་བསྟོད་པ་ནི༔ ཧཱུྃ༔ འཁོར་འདས་ཡོངས་ལ་དབང་བསྒྱུར་ཆེ་བའི་མཆོག༔ བདག་ལྟའི་རཱུ་དྲ་འདུལ་ཕྱིར་སྐུར་སྣང་བ༔ གང་འདུལ་ཐབས་ཀྱིས་ཆོ་འཕྲུལ་སྣ་ཚོགས་སྟོན༔ དབང་དྲག་འབར་བའི་སྐུ་ལ་ཕྱག་འཚལ་བསྟོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རིགས་སྲས་མཁྱེན་བརྩེའི་དབང་པོས་བསྐུལ་ངོར། ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །། བྃཿ མདུན་བསྐྱེད་གསལ་བ་ནི༔ བདག་ཉིད་རྩ་བའི་ ཛོཾ།༔ དཀྱིལ་འཁོར་ལས༔ ཟླ་བ་ལས་ནི་ཆུ་ཟླ་བཞིན༔ རང་བྱུང་དཀྱིལ་འཁོར་ཆེན་པོར་སྤྲོས༔ དམ་ཚིག་ཡེ་ཤེས་དབྱེར་མེད་རྫོགས༔ ཧཱུྃ་ཧཱུྃ་ཧཱུྃ༔ ས་མ་ཡ༔ ༝ བདུད་འཇོམས་པས་སོ།། བྷྲུྃ་བི་ཤྭ་བི་ཤུདྡྷེ་ཕཊ་ཛཿ འཛབ་ཁང་དབྱེ་བའོ།། ། 8 མཆོད་གསུམ་མོ།ཕྲེང་TI1603 - 137 TI1603 - 137 TI1603 - 138 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ རྟ་མགྲིན་ཡང་ཁྲོས་ནག་པོའི་བསྐང་བ་མེ་ཏོག་རབ་རྒྱས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཛྷ།།།བྷཾཟླ མཆོད་རྫས་དངོས་སུ་འབྱོར་ཚོགས་ལ༔ སྔགས་དང་ཏིང་འཛིན་རླབས་ཀྱིས་བརླབ༔ རང་གཞན་སེམས་ཅན་མ་ལུས་པའི༔ སྔིག་ལྟུང་དམ་ཉམས་བཤགས་སེམས་ཀྱིས༔ ཧཱུྃ་ཧྲཱིཿ འོག་མིན་ཆོས་དབྱིངས་ཕོ་བྲང་ནས༔ ཀུན་བཟང་ཡབ་ཡུམ་ཐུགས་དམ་བསྐང་༔ མངོན་པར་དགའ་བའི་ཞིང་ཁམས་ནས༔ རྡོ་རྗེ་སེམས་དཔའི་ཐུགས་དམ་བསྐང་༔ ལྕང་ལོ་ཅན་གྱི་གནས་མཆོག་ནས༔ ཕྱག་ན་རྡོ་རྗེའི་ཐུགས་དམ་བསྐང་༔ གཞོན་ནུ་བུམ་སྐུའི་དཀྱིལ་འཁོར་ནས༔ དགའ་རབ་རྡོ་རྗེའི་ཐུགས་དམ་བསྐང་༔ འཕོ་བ་ཆེན་པོའི་གཞལ་ཡས་ནས༔ ཤྲཱི་སེང་ཧའི་ཐུགས་དམ་བསྐང་༔ ཟངས་མདོག་དཔལ་རིའི་རྩེ་མོ་ནས༔ པདྨ་འབྱུང་གནས་ཐུགས་དམ་བསྐང་༔ འཇའ་ལུས་སྒྱུ་མའི་སྐུ་བརྙེས་པ༔ ཡེ་ཤེས་མཚོ་རྒྱལ་ཐུགས་དམ་བསྐང་༔ སྐུ་གསུམ་དགོངས་པའི་ཀློང་ཆེན་རྡོལ༔ ཁྱེའུ་ཆུང་ལོ་ཙཱའི་ཐུགས་དམ་བསྐང་༔༷ ཟབ་གཏེར་སྒོ་འབྱེད་འགྲོ་བའི་མགོན༔ བདུད་འཇོམས་གླིང་པའི་ཐུགས་དམ་བསྐང་༔ སྣང་སྲིད་གཞིར་བཞེངས་དཀྱིལ་འཁོར་ནས༔ དྲིན་ཆེན་བླ་མའི་ཐུགས་དམ བསྐང་༔༷ པདྨ་གསུང་གི་དཀྱིལ་འཁོར་ནས༔ ཡང་ཁྲོས་ནག་པོའི་ཐུགས་དམ་བསྐང་༔ སྣང་སྲིད་དུར་ཁྲོད་གཞལ་ཡས་ནས༔ ཁྲོས་མ་ནག་མོའི་ཐུགས་དམ་བསྐང་༔ སྐུ་ཡི་ངོ་བོ་ཡོངས་རྫོགས་དཔལ༔ འཇམ་དཔལ་ནག་པོའི་ཐུགས་དམ་བསྐང་༔ གསུང་གི་གསང་བ་འདུས་པའི་དཔལ༔ རྟ་མགྲིན་རྒྱལ་པོའི་ཐུགས་དམ་བསྐང་༔ ཐུགས་ཀྱི་ཡེ་ཤེས་ཡོངས་འདུས དཔལ༔ རྡོ་རྗེ་གཏུམ་པོའི་ཐུགས་དམ་བསྐང་༔ ཕྲིན་ལས་མངོན་སྤྱོད་མཛད་པའི་དཔལ༔ ཡེ་ཤེས་ཁྱུང་ཆེན་ཐུགས་དམ་བསྐང་༔ དུག་ལྔ་དབྱིངས་སྒྲོལ་ཡེ་ཤེས་སྐུ༔ རིགས་ལྔ་ཡབ ཡུམ་ཐུགས་དམ་བསྐང་༔ ལས་བཞིའི་ཕྲིན་ལས་ཐོགས་མེད་བདག༔ སྒོ་མ་བཞི་ཡི་ཐུགས་དམ་བསྐང་༔ སྟེང་ཕྱོགས་ནམ་མཁའི་ཀློང་དཀྱིལ་ནས༔ གཟའ་བདུད་ཆེན་པོའི་ཐུགས་དམ བསྐང་༔ ཧེ་ཆེན་དྷ་ནའི་དུར་ཁྲོད་ནས༔ གནོད་སྦྱིན་དམར་ནག་ཐུགས་དམ་བསྐང་༔ བཀའ་དང་དམ་ཚིག་གཞལ་ཡས་ནས༔ དྲེགས་པ་སྡེ་བརྒྱད་ཐུགས་དམ་བསྐང་༔ ཉེར་སྤྱོད་བདུན་དང་འདོད་ཡོན་ལྔ་༔༷ སྨན་གཏོར་རཀྟའི་ཚོགས་ཀྱིས་བསྐང་༔ ཏ་ན་ག་ན་བདེ་ཆེན་པོ༔ སྣང་སྲིད་མ་ལུས་ཡོངས་ཀྱིས་བསྐང་༔ ཞལ་ཟས་ཚོགས་དང་སུ་ར་ཆང་༔ ཤ་ལྔ་བདུད་ བསྐང་ཛོཾ།༔ རྩི་རྣམ་ལྔས་བསྐང་༔ བདག་ལུས་ལོངས་སྤྱོད་བསྡུས་པའི་ཚོགས༔ རྩ་གསུམ་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་ཅི་འགྲུབ་བཟླ༔ ཧཱུྃ༔ བླ་མ་ཡང་ཁྲོས་དབྱེར་མེད་དགོངས༔ ཁྱེད་ལ་ཕྱག་འཚལ་མཆོད་ཚོགས་འབུལ༔ བདག་གི་ཚེ་རབས་ཐམས་ཅད་དུ༔ གསང་སྔགས་ཐེག་ཆེན་སྒོར་ཞུགས་ནས༔ རྒྱལ་བའི་བཀའ་དང་བླ་མའི་ལུང་༔ ཇི་བཞིན་མ་སྤྱད་སློབ་དཔོན་སྨད༔ རྡོ་རྗེ་མཆེད་དང་ལྕམ་དྲལ་ལ༔ ལྟ་ལོག་ངན་སེམས་ངག་ཏུ་སྨྲས༔ བརྡེག་བཙོག་གནོད་པ་དངོས་སུ་སྤྱད༔ ལྷ་དང་དཀྱིལ་འཁོར་ཉམས་མ་གསལ༔ འཛབ་བཟླས་མ་དག་ཟུར་ཆག་ཉམས༔ གསང་བར་འོས་དང་གཉེར་གཏད་སྨྲས༔ གསང་བཅུ་བསྒྲགས་ཤིང་བླ་མ་བསླུས༔ རྩ་བའི་དམ་ཉམས་མཐོལ་ཞིང་བཤགས༔ སྤྱད་པར་བྱ་བའི་དམ་ཚིག་ལྔ༔ ཤེས་བྱ་ལྔ་དང་བསྒྲུབ་བྱ་ལྔ༔ མི་སྤངས་ལྔ་དང་དང་ལེན་ལྔ༔ ཡན་ལག་དམ་ཉམས་མཐོལ་ཞིང་བཤགས༔ བསྙེན་སྒྲུབ་ཏིང་འཛིན་དམ་གཡེལ་ཞིང་༔ ཉ་སྟོང་དུས་དྲུག་དུས་མཆོད་ཆག༔ ལེ་ལོ་གསོག་འཇོག་ཚོགས་སྤྱང་སྤྱད༔ ཕུད་ལྷག་ཉམས་ཤིང་ཁ་ཚར་ཤོར༔ ཚོར་དང་མ་ཚོར་རྐྱེན་དབང་ གིས༔ སྒོ་གསུམ་བག་མེད་དམ་ཉམས་བཤགས༔ ཡིད་ཀྱི་དམ་ཉམས་ལྟ་བས་བཤགས༔ དེ་ཡང་ཀུན་གཞི་བྱང་ཆུབ་སེམས༔ ཡིན་པ་མེད་པའི་ལྟ་བ་རྟོགས༔ མིན་པ་མེད་པའི་དགོངས་ཉམས་ལོན༔ ཡིན་མིན་མེད་པའི་སྤྱོད་པ་རྟོགས༔ རེ་དོགས་མེད་པའི་བྱང་ཆུབ་སེམས༔ རྩ་བ་ཡན་ལག་ཐམས་ཅད་ཀྱི༔ ཆག་ཉམས་མ་བྱུང་མ་སྐྱེས་པ༔ བཤགས་བྱ་བཤགས་བྱེད་གཉིས་མེད་གྲོལ༔ དགེ་ཚོགས་ཀུན་ལ་རྗེས་ཡི་རང་༔ འགྲོ་བའི་དོན་དུ་ཆོས་འཁོར་བསྐོར༔ ཁྱེད་ཅག་མྱ་ངན་མི་འདའ་བཞུགས༔ དགེ་བ་མ་གྱུར་འགྲོ་ལ་བསྔོ༔ རྫོགས་པའི་བྱང་ཆུབ་མྱུར་ཐོབ་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ དྲང་སྲོང་གཟའ་བདུད་རྒྱལ་པོས་སྲུངས༔ གུ་ཧྱ༔ ཞེས་རང་སློབ་ཚེས་བཅུའི་མིང་གིས་བསྐུལ་ངོར། འོད་གསལ་རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་མཁའ་འགྲོའི་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ།། དགེའོ། །དགེའོ། །ལེགས་སོ། །སརྦ་མངྒ་ལཾ།། ཛོཾ༔ ཟབ་གསང་མཁའ་འགྲོའི་སྙིང་ཐིག་ལས༔ ཡང་ཁྲོས་མ་ཧཱ་ཀཱ་ལའི་བསྐུལ་བཟློག་རྡོ་རྗེའི་གད་མོ་བཞུགས༔ ན་མོ་གུ་རུ་པདྨ་ཀ་ར་ཡེ༔ ཤ་ཁྲག་དམར་གཏོར་བཤམས་བྱས་ཏེ༔ དགྲ་བགེགས་འགུགས་གཞུག་བདུད་རྩིར་བསྒྱུར༔ ལྟ་བའི་གདིང་དང་ལྡན་པ་ཡིས༔ རྡོ་རྗེ་ཁྲོས་པའི་གད་མོ་བྱ༔ ཧཱུྃ་བྷྱོ༔ དུས་གསུམ་རྒྱལ་བ་ཀུན་གྱི་ཡེ་ཤེས་གསུང་༔ རྟ་སྐད་བཞད་པས་སྲིད་གསུམ་དབང་དུ་སྡུད༔ ལོག་རྟོག་མ་རུངས་བདུད་ཀྱི་སྡེ་ཚོགས་འཇོམས༔ དབང་ཆེན་ཁྲོས་པའི་རྒྱལ་པོ་རྟ་མགྲིན་རྒྱལ༔ དམར་ནག་གྲུ་གསུམ་མེ་ཡི་ཀློང་ནས་བཞེངས༔ སྙིང་རྗེའི་ཐུགས་ལ་འབར་བའི་ཕྱག་རྒྱ་ཡིས༔ མངོན་སྤྱོད་དྲག་པོའི་ཕྲིན་ལས་ཐོགས་མེད་སྒྲུབས༔ ཤེས་རབ་སྟོང་པ་ཡེ་ཤེས་ཕག་མོ་དང་༔ རྩ་གསུམ་འཁོར་ལོ་གསང་བ་གསུམ་གྱི་ལྷ༔ ཡ་མཱནྟ་ཀྲིཏ་པ་ཎི་ཁྲོ་བོའི་རྒྱལ༔ གང་འདུལ་ཐུགས་རྗེ་ཁྲོས་པའི་སྐུར་བཞེངས་ལ༔ མངོན་སྤྱོད་དྲག་པོའི་ཕྲིན་ལས་ཐོགས་མེད་སྒྲུབས༔ ཡེ་ཤེས་བཞི་དང་མཉམ་སྦྱོར་ཐུགས་རྡོ་རྗེ༔ ཡོན་ཏན་རཏྣ་གསུང་མཆོག་པདྨ་དང་༔ ཕྲིན་ལས་ཀརྨ་རིགས་བཞི་ཁྲོ་བོའི་རྒྱལ༔ བུདྡྷ་བཛྲ་རིན་ཆེན་མ་ཆགས་པད༔ ལས་ཀྱི་རིགས་ཏེ་བྱ་ཁྱུང་ག་རུ་ཌ༔ ཡེ་ཤེས་གཅིག་ལ་རྣམ་པ་ཐ་དད་པ༔ རྣམ་འགྱུར་མ་ངེས་སྤྲུལ་པ་ཡང T11603 - 143 སྤྲུལ་བཅས༔ དབྱིངས་ནས་སྐུར་བཞེངས་མངོན་སྤྱོད་ཕྲིན་ལས་མཛོད༔ ཚད་མེད་བཞི་ལྡན་སྒོ་སྐྱོང་སྲུང་མར་བཅས༔ ཡེ་ཤེས་ཁྲོས་པ་ཆེན་པོའི་སྐུར་བཞེངས་ཤིག༔ དཔའ་སྐྱེམས་དམ་རྫས་དམར་གྱི་གཏོར་མ་རོལ༔ སྤྲུལ་པའི་དམག་གིས་སྣང་སྲིད་གང་བར་མཛོད༔ གཟུགས་ཅན་གཟུགས་མེད་དགྲ་གདོན་བགེགས་ཀྱི་སྡེ༔ མ་གཡེལ་མ་འགྱངས་ཐལ་བའི་རྡུལ བཞིན་རློགས༔ བྱད་ཕུར་རྦོད་གཏོང་ཆག་ཆེ་ཉམ་ང་ཟློག༔ མཐའ་དམག་དུས་འཁྲུག་སངས་རྒྱས་བསྟན་བཤིག་སྡེ༔ རྩྭ་ཕུང་སྐམ་ལ་མེ་དཔུང་མཆེད་པ་བཞིན༔ མངོན་སྤྱོད་དྲག་པོས མིང་ཙམ་མེད་པར་མཛོད༔ སྔོན་གྱི་ཐུགས་བསྐྱེད་དམ་བཅའ་མ་གཡེལ་བར༔ བརྒྱུད་འཛིན་རྗེས་སུ་བཟུང་ལ་རྣམ་གཉིས་ཀྱི༔ དངོས་གྲུབ་འབྲས་བུ་དུས་འདིར་སྨིན་པ་དང་༔ ཆར་ཆུ་དུས་འབེབས་ལོ་ཕྱུགས་རྟག་ཏུ་ལེགས༔ བོད་ཁམས་བདེ་སྐྱིད་ཕུན་ཚོགས་དཔལ་ལ་སྦྱོར༔ བསྟན་དང་བསྟན་འཛིན་སྐུ་ཚེ་མཛད་ཕྲིན་འཕེལ༔ ཕྱོགས་ལས་རྣམ་པར་རྒྱལ་བའི་ཕྲིན་ལས མཛོད༔ ཐུགས་དམ་དུས་ལ་བབ་བོ་ས་མ་ཡ༔ དེ་ལྟར་བསྐུལ་ཟློག་ཟབ་མོ་འདི༔ གང་གིས་ཉམས་ལེན་རྣལ་འབྱོར་ཀུན༔ མི་མཐུན་ཕྱོགས་ལས་རྣམ་པར་རྒྱལ༔ བཀྲ་ཤིས་དགེ་ལེགས་དཔལ་གྱིས་ཕྱུག༔ མཐུ་ཡིས་གྲགས་ ཛོཾ།༔ པས་ས་སྟེང་ཁྱབ༔ དོན་གཉིས་ཡིད་བཞིན་འགྲུབ་འགྱུར་རོ༔ བཀའ་སྲུང་དྲེགས་པའི་ཚོགས་ལ་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཞེས་པ་འདི་ཉིད་ཚུལ་ཁྲིམས་རྡོ་རྗེས་ཞེ ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་པར་ཕབ་པའོ། །དགེའོ།། ༄ བསྐུལ་གཉིས་སོ། TI1603 - 145 T1603 - 146 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཁྲོ་རྒྱལ་ཁམས་གསུམ་རོལ་པ༔ རྟ་མགྲིན་ཡང་ཁྲོས་ནག་པོའི༔ རྩ་སྒྲུབ་སྲུང་བའི འཁོར་ལོ་བཞུགས་སོ༔ TI1603 - 147 བདུད་འཇོམས་རྟ་མགྲིན་ཡང་ཁྲོས་ཛོཾ།༔ ན་མོ་གུ་རུ་པདྨ་ཀ་ར་ཡེ༔ བྷྲཱཏྱ།རྒྱུལླ།དྷ།༔ མ་འོངས་དུས་ཀྱི་སྙིགས་མ་ལ༔ སངས་རྒྱས་བསྟན་པ་ཉམས་དམའ་ནས༔ དཀར་ཕྱོགས་ཕམ་ལྟུང་བདུད་ཁ་དྲག༔ དགེ་བཙུན་མཚོན་ཐོགས་མཆེད་གྲོགས་གུམ༔ བདུད་སྲིན་རང་སྤྲུལ་མི་རྫུར འཇུག༔ ས་འོག་འབྱུང་པོ་སྟེང་དུ་འདོན༔ ལྕགས་ལ་དུག་གི་མེ་ཏོག་བཞད༔ སྲིན་ཡུལ་སྡིག་བཤན་ཧ་ལ་ཟུང་༔ ར་སར་རྒྱལ་འགོང་དུག་སེར་བསྒྲིལ༔ གནམ་ལ་བདུད་གཟའ་དུད་མཇུག་ཤར༔ དམེ་འཁྲུགས་མཚོན་གྱི་འཚུབས་མ་ལངས༔ སྔགས་བཙུན་དམ་ཚིག་དཀོར་ལ་T11603 - 148 ༦ཛོཾ།༔ འཚོགས༔ དགེ་འདུན་ནོར་བུ་མཚལ་དུ་བརྗེ༔ དེ་དུས་མ་དང་མཁའ་འགྲོ་འཁྲུགས༔ གཉན་དང་རྒྱལ་བསེན་ཁ དར་ནས༔ ནད་རིམས་མི་གཅིག་སྣ་ཚོགས་འབྱུང་༔ མ་མོ་ལས་བྱུང་ནད་རིམས་ནི༔ དགའ་བྱེད་བགད་པས་བརྒྱལ་ཏེ་འགུམ༔ གྲེ་ལོག ཁྲག་ཏུ་སྐྱུག་སྟེ་འགུམ༔ དམར་བཤལ་ཞེས་བྱ་ཁོང་ཁྲག་འཁྲུ༔ མིག་ཚ་བྱ་བ་མིག་འབྲས་འབྱིན༔ གཟེར་ཐུམ་བྱ་