Tibetan
མོ༔ གཞི་དབྱིངས་སྐྱེ་མེད་བདེ་ཆེན་འོག་མིན་ནས༔ ཆོས་སྐུ་གདོད་མའི་མགོན་པོ་ཀུན་ཏུ་བཟང་༔ གསོལ་བ་འདེབས སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ གཞི་དང་སྙིང་པོ་མེ་ཏོག་བརྒྱན་ཞིང་ནས༔ ལོངས་སྤྱོད་རྫོགས་སྐུ་རིགས་ལྔའི་སངས་རྒྱས་ལ༔ གསོལ་བ་འདེབས་སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ སྟོང་གསུམ་མི་མཇེད་སྤྲུལ་པའི་ཞིང་ཁམས་ནས༔ སྤྲུལ་སྐུའི་སྟོན་པ་རིགས་གསུམ་མགོན་པོ་ལཿ གསོལ་བ་འདེབས་སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ སྐུ་གསུམ་རྒྱལ་བའི་ཕྲིན་ལས་ཕོ་ཉ་བ༔ སྨིན་གྲོལ་དབང་གི་ཆུ་བོ་གཅིག་འདྲེས དཔལ༔ དགའ་རབ་ཤྲཱི་སེང་པདྨ་འབྱུང་གནས་དང་༔ ཆོས་རྒྱལ་ཁྲི་སྲོང་མཚོ་རྒྱལ་བེེ་རོ་སོགས༔ རྩ་བ་བརྒྱུད་པའི་བླ་མ་ཐམས་ཅད་ལ༔ གསོལ་བ་འདེབས་སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ ཕ་གཅིག་རྩ་བའི་བླ་མ་རིན་པོ་ཆེའི༔ གསང་གསུམ་སྒྱུ་འཕྲུལ་རྟ་མགྲིན་རྒྱལ་པོ་དང་༔ རིགས་ལྔ་རིགས་གསུམ་སྤྲུལ་པའི་གདན གསུམ་ལྷ༔ ཁྲག་འཐུང་རིགས་ལྔ་སྒོ་སྐྱོང་མ་བཞི་སོགས༔ ཡོངས་གྲུབ་དཀྱིལ་འཁོར་ཡེ་རྫོགས་ཆེན་པོ་ལ༔ གསོལ་བ་འདེབས་སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ ཕྲིན་ལས་ཐོགས་མེད་དགྲ་བགེགས་སྒྲོལ་མཛད་པ༔ ཡེ་ཤེས་ལས་གྲུབ་བསྟན་སྲུང་དམ་ཅན་ལ༔ གསོལ་བ་འདེབས་སོ་སྒོ་གསུམ་རྡོ་རྗེའི་ངང་༔ རང་གྲོལ་དབང་ཆེན་རྒྱལ་པོར་བྱིན་གྱིས་རློབས༔ མ་བཙལ་རང་བྱུང་ལྷན་སྐྱེས་ཡེ་ཤེས་ལྷར༔ དོན་གྱི་རིག་སྐུ་རང་ངོར་སད་པར་ཤོག༔ མངོན་ཞེན་རང་རྒྱུད་གོལ་ཤོར་གྱི༔ བདུད་དང་བར་ཆད་འདིས་སྒྲོལ་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཡང་ཨ་སྤོ་སྡོང་གི་རྣལ་འབྱོར་ཚོགས་མཆོག་མིང་གིས་བསྐུལ་ངོར་སྤྲང་སྨྱོན་ཁྲོ་ལོད་རྩལ་གྱིས་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།། །། ཟབ་གསང་མཁའ་འགྲོའི་སྙིང་ཐིག་ལས༔ ཁྲོ་རྒྱལ་ཁམས་གསུམ་རོལ་པ༔ རྟ་མགྲིན་གཏུམ་དྲག་ཡང་ཁྲོས་ནག་པོ༔ རྒྱལ་ཀུན་གསང་གསུམ་འདུས་པའི་སྙིང་སྒྲུབ་པདྨའི་ཕྲེང་བ་བཞུགས་སོ༔ T1603 - 115 བདུད་འཇོམས་རྟ་མགྲིན་ཡང་ཁྲོས་ཛོཾ།༔ ༒དྷརྴགརྨ།བྷྱ།ཧེསབྷ།༔ བདེ་གཤེགས་ཡོངས་རྫོགས་དཔལ་ཆེན་པོ༔ དབང་ཆེན་རྡོ་རྗེ་གཏུམ་པོའི་སྐུ༔ འཁོར་འདས་སྤྱི་དཔལ་གསང་བའི་བདག༔ ཁྱེད་ཀྱི་ཞབས་ལ་བཏུད་དེ་མཆི༔ ཡེ་སངས་རྒྱས་པ་པད་འབྱུང་ངས༔ དབང་ཆེན་གསུང་གི་རིག་འཛིན་བརྙེས༔ གསང་གསུམ་རྡོ་རྗེའི་ཀློང་དུ་འདྲེས༔ འགྲོ་བའི་དོན་དུ་སྒྱུ་འཕྲུལ་རོལ༔ མ་འོངས་དུས་ཀྱི་སྙིགས་མ་ལ༔ རྗེ་རིགས་འབངས་འབབ་འབངས་རིགས་རྗེ༔ ཉེས་མེད་ཆད་པའི་མལ་དུ་མནར༔ ཉེས་ཆེན་མཐོ་བའི་ཁྲི་རུ་བསྟོད༔ ཆོས་བྱེད་སྨོད་ཅིང་སྡིག་བྱེད་བསྟོད༔ ཟས་སུ་ལྕི་བའི་སྡིག་ཟས་སྤྱོད༔ ལས་ཀ་དམག་ཇག་འཕྲོག་བཅོམ་བྱེད༔ རང་ལས་བརྩེ་གྲོགས་མི་འོང་ཞིང་༔ ཉེ་འབྲེལ་གྲོགས་དང་སྤུན་གྱིས་བསླུ༔ སྔགས་པ་དགེ་བཙུན་དམ་སྡོམ་T11603 - 116 ཛོཾ།༔ ཉམས༔ འདྲེ་རུ་རྒྱལ་བསེན་སྡེ་བརྒྱད་དང་༔ ཁྱད་པར་ཀླུ་གཉན་གདུག་པ་དར༔ ནད་རིམས་གོད་ཡམས་སྣ་ཚོགས་འཚུབས༔ དམ་ཉམས་འདྲེར་འཁྲུལ་དམ་སྲི་རྒོད༔ དམ་ཚིག་སྡོམ་པའི་ཚུལ་ཁྲིམས་བཤིགས༔ དེ་དུས་སེམས་ཅན་དམུ་རྒོད་པས༔ ཆོས་ལམ་ཞུགས་ཀྱང་བདུད་འབངས་མཆི༔ རྣམ་པར་གཡེང་བའི་ལེ་ལོ་དང་༔ ཚོགས་དྲུག་ཡུལ་དུ་ལྷ་བདུད་ཀྱིས༔ བསླུས་ཏེ་སྡིག་པའི་སྒོ་རུ་བཙུད༔ གལ་སྲིད་ཆོས་བཞིན་སྤྱོད་པའི་བུ༔ ཉིན་མོའི་སྐར་མའི་དཔེ་སྲིད་ཀྱང་༔ དེ་ལ་ནག་ཕྱོགས་བར་གཅོད་ན༔ དབང་དྲག་རྡོ་རྗེ་གཏུམ་པོ་ཉིད༔ བསྒྲུབ་པས་ལོག་འདྲེན་ཚར་གཅོད་ཅིང་༔ བདུད་ལས་རྣམ་རྒྱལ་ནད་ལས་གྲོལ༔ འཁོར་འདས་ཡོངས་ཀྱི་དཔལ་ཐོབ་སྟེ༔ སྣང་སྲིད་དབང་སྡུད་རྒྱལ་པོར་འགྱུར༔ ས་མ་ཡ༔ འདི་ཉིད་TI1603 - 117 སྒྲུབ་གནས་བྱེ་བྲག་ནི༔ རབ་ལ་དུར་ཁྲོད་འབྲིང་རི་ཁྲོད༔ ཐ་མ་ནགས་ཁྲོད་དབེན་པ་བསྟེན༔ སྒྲུབ་པའི་གསང་བ་རྒྱ་ཞེས་བྱ༔ སྒྲུབ་པའི་ལྷ་དང་གནས་གྲོགས་དུས༔ རླུང་ཕྱོགས་ཙམ་ཡང་བསྒྲགས་མི་རུང་༔ བར་ཆད་བསྲུང་བའི་གནད་དུ་ཆེ༔ བསྒྲུབ་པའི་དམ་རྒྱ་བྱ་བ་ནི༔ ནང་ནས་ཕྱི་མཐོང་ཕྱི་ནས་ནང་༔ ཕྱི་ནང་རང་གཞན་གཉིས་མཐོང་ན༔ རལ་བ་གསུམ་སྟེ་སྤང་བར་བྱ༔ སྒྲུབ་པའི་དངོས་གྲུབ་བསྲུང་བ་ནི༔ འདུ་འཛི་རྣམ་གཡེང་ལེ་ལོ་དང་༔ ངག་གིས་འཁྱལ་ཚིག་བྲེ་མོའི་གཏམ༔ ཚོགས་གཏོར་གཞན་ལ་སྤེལ་བ་དང་༔ དམ་བཅའ་ཚད་དུ་མི་སྐྱོལ་བ༔ བསྲུང་མཚམས་རལ་འཇུག་ཕྱི་མི་བཙུད༔ འདི་དག་དངོས་གྲུབ་འཇོམས་བྱེད་ཀྱི༔ བར་ཆད་ནང་དུ་འགུགས་པས་འདྲེན༔ སྲོག་ལ་བབས་ཀྱང་སྤང་བར་བྱ༔ དགྲ་ལ་སྡང་དང་གཉེན་ལ་བརྩེ༔ མི་ཡི་ངོ་བསྲུང་ནོར་ལ་སྲེད༔ འདི་གསུམ་བསྒྲུབ་དུས་དུག་བཞིན་སྤང་༔ བཟང་པོའི་རྟགས་མཚན་མཆོག་འཛིན་ཅིང་༔ རེ་རློམས་དགའ་བྲོད་ཞེན་ཆགས་སྤང༔ ངན་རྟགས་མཚན་མར་དོགས་པ་དང་༔ སེམས་སྡུག་ཞེ་འཁུམ་བློ་རྨོངས་སོགས༔ ཡིད་ལ་མི་བདེ་མྱང་བ་སྤང༔ ཐེ་ཚོམ་འཁུ་འཁྲིག་ཁ་རུ་འདོན༔ འདི་རྣམས་སྤང་བ་གནད་དུ་ཆེ༔ དངོས་གྲུབ་ཨེ་ཐོབ་ཁྱོད་ལ་རག༔ ས་མ་ཡ༔ སྒྲུབ་པའི་ལག་ལེན་རིམ་པ་ནི༔ བཟའ་བཏུང་ཆ་ལག་སྔོན་དུ་བསགས༔ ཆག་གྲུམ་གས་སེལ་སྣོད་ངན་སྤངས༔ རྟེན་འབྲེལ་ཡིན་པས་སྤང་བྱའོ༔ སྒྲུབ་པའི་གནས་སུ་འོས་པའི་སར༔ དཀྱིལ་འཁོར་གྲུ་བཞི་བདེ་འཇམ་བྱ༔ གཏོར་མ་དཔེའུ་ཆུང་ལྟར་བསྟེན་ནོ༔ ཡང་ན་རས་བྲིས་དལ་དུ་བསྟེན༔ ཡང་ན་ཚོམ་བུའི་TI1603 - 118 ཉེཀ ཛོཾ།༔ དཀྱིལ་འཁོར་བསྟེན་༔ ཡང་ན་ཕུར་པ་སྐུ་གཟུགས་བརྟེན༔ མཆོད་རྫས་སྣ་ཚོགས་འབྱོར་ཚད་བཤམ༔ ལྷ་སྲིན་ས་བདག་ཟོ་དོར་མཆོད༔ ལན་ཆགས་གདོན་ཚོགས་གླུད་ཀྱིས་བཀར༔ ས་མ་ཡ༔ སྒྲུབ་པའི་དལ་དུ་འཇུག་པའི་སྔོན༔ དང་པོ་སྐྱབས་སུ་འགྲོ་བ་ནི༔ ན་མོ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དང་༔ སྐུ་གསུམ་རྒྱལ་བ་སྲས་བཅས་ལ༔ བྱང་ཆུབ་བར་དུ་སྐྱབས་སུ་མཆི༔ དེ་ནས་སེམས་བསྐྱེད་པ་ནི༔ ཧོཿ མ་གྱུར་འགྲོ་བ་སེམས་ཅན་རྣམས༔ མྱང་འདས་ཐོབ་པའི་རྒྱུར་བརྩོན་བྱ༔ རྒྱལ་བ་སྲས་བཅས་བདག་ལ་དགོངས༔ བྱང་ཆུབ་སེམས་བཟུང་བསླབ་ལ་གནས༔ དེ་ནས་བགེགས་བསྐྲད་པ་ནི༔ ཧཱུྃ༔ ང་ནི་པདྨ་དྲག་པོའི་སྐུ༔ འཁོར་འདས་ཡོངས་ཀྱི་ཆེ་བཙན་མཆོག༔ ཉོན་ཅིག་ལོག་འདྲེན་བགེགས་ཀྱི་ཚོགས༔ ལན་ཆགས་གཏོར་མ་འདི་ལོངས་ལ༔ གནས་འདིར་མ་འདུག་ཕྱིར་དེངས་ཤིག༔ ཚིག་ལས་འདའ་ན་བརླག་འགྱུར་རོ༔ རྩ་སྔགས་དང་ནི་ཧཱུྃ་བཞིའི་སྔགས་བརྗོད་ཅིང་༔ དྲག་ཏུ་རྫས་ཀྱིས་བྲབཿ དེ་ནས་སྲུང་འཁོར་བསྒོམ་པ་ནི༔ ཧཱུྃ་ཧྲཱིཿ རང་རིག་ཡེ་ཤེས་རོལ་རྩལ་ལས༔ ཐབས་ཤེས་ཉི་ཟླའི་གྭའུའི་ཕྱི༔ ཁྱུང་སྡིག་ཁྲོ་མཚོན་མེ་རླུང་ཆུས༔ སྲུང་བའི་གུར་ཁང་ལྷུན་གྱིས་གྲུབ༔ ཨ་ཙནྡྲ་མ་སཱུཪྻ་བུདྡྷ་བཛྲ་རཏྣ་པདྨ ཀརྨ་རཾ་ཡཾ་ཁཾ་ཁྲོ་ཡཀྵ་སརྦ་རཀྵ་རཀྵ་སྭཱ་ཧཱ༔ དེ་ནས་བྱིན་འབེབས་པ་ནི༔ ཧཱུྃ༔ དབང་དྲག་རོལ་པའི་དུར་ཁྲོད་ནས༔ རྟ་མགྲིན་གཏུམ་དྲག་ཡབ་ཡུམ་དང་༔ སྤྲུལ་པ་ཡང་སྤྲུལ་བཀའ་སྡོད་བཅས༔ འདིར་གཤེགས་དབང་བསྐུར་བྱིན་ཕོབ་ཅིག༔ ཨོཾ་བཛྲ་ཀྲོ་དྷ་ཧྱ་ཧྲཱི་ཝ་ཀྲོ་དྷི་ཀ་ལི་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ས་མ་ཡ་ཛཿ ཛཿ ཨ་བེ་ཤ་ཡ་ཨ་ཨ༔ མཆོད་པའི་ཡོ་བྱད་བྱིན་བརླབ་ནི༔ ཨོཾ་ཨཱཿཧཱུྃ༔ སྣང་སྲིད་གདོད་ནས་རང་སྣང་སེམས༔ མ་བཙལ་རྫོགས་ལྡན་མཆོད་པའི་སྤྲིན༔ མི་ཟད་རྒྱན་གྱི་འཁོར་ལོར་ཤར༔ དྲན་པ་ཙམ་གྱིས་ཡོངས་སུ་རྫོགས༔ ཨོཾ ཨཱཿ ཧཱུྃ་སརྦ་གྷ་ཎ་ཙཀྲ་པཉྩ་པཱུཔཱུ་ཛ་ཨཱཿ ཧཱུྃ་སྭཱ་ཧཱ༔ དེ་ནས་རྟེན་དང་བརྟེན་པ་བསྐྱེད་པ་ནི༔ ཨོཾ༔ འཁོར་འདས་དབྱེར་མེད་ཆོས་སྐུར་སད༔ ཨཱཿ ཡོངས་ཁྱབ་ཐུགས་རྗེ་ཆེན་པོའི་སྐུ༔ ཧཱུྃ༔ རྒྱུ་ཡི་ཡི་གེ་ཧཱུྃ་མཐིང་ལས༔ འོད་ཀྱིས་གྲུ་གསུམ་ཐོད་མཁར་དམར༔ མེ་རླུང་ཁྱུང་སྡིག་མཚོན་ཆ་ཐུན༔ སྐར་ལྟར་འཁྲིགས་ཤིང་རླུང་ལྟར་འཚུབས༔ ཁྲོ་ཆུ་བཙན་དུག་མཚོ་དང་རླངས༔ རབ་ཏུ་ཁོལ་ཞིང་འཕྱོ་བའི་དབུས༔ པད་ཉི་སྡེ་བརྒྱད་བསྣོལ་ཁྲིའི་དབུས༔ དུར་ཕག་ནག་མོ་མགོ་དགུའི་སྟེང་༔ ཧཱུྃ་ལས་དབང་དྲག་གཏུམ་པོའི་སྐུ༔ མཐིང་ནག་ཞལ་གཅིག་ ཛོཾ།༔ ཕྱག་བཞི་པ༔ གཡས་གཉིས་རལ་གྲི་ལྕགས་ཀྱུ་དང་༔ གཡོན་གཉིས་ཐོད་ཁྲག་སྦྲུལ་ཞགས་བསྣམས༔ ཞལ་གདངས་ལྗགས་འདྲིལ་མཆེ་བ་གཙིགས༔ ཁྲོ་གཉེར་སྡུད་ཅིང་སྤྱན་གསུམ་བགྲད༔ སྨ་ར་སྨིན་མར་མེ་ཞགས་འཕྱོ༔ དབུ་སྐྲ་དམར་སེར་གྱེན་དུ་བརྫེས༔ དུར་ཁྲོད་དཔལ་ཆས་གར་ཉམས་རྫོགས༔ དར་ནག་བེར་ཆེན་སྐུ་ལ གསོལ༔ ཞབས་གཉིས་གྱད་ཀྱི་འདོར་སྟབས་བསྒྲད༔ སྤྱི་བོར་རྟ་ཞལ་ལྗང་ནག་མཚེར༔ རྔོག་མ་ལེ་བརྒན་མེ་དཔུང་འབར༔ ཁྲོས་མ་ནག་མོ་ཡུམ་གྱིས་འཁྱུད༔ ཕྱག་གཉིས་གྲི་གུག ཐོད་ཁྲག་སྟོབ༔ གཟིག་ཤམ་སྨད་དཀྲིས་རུས་རྒྱན་སྤྲས༔ སྤྱི་བོར་ཕག་དབུ་གྱེན་དུ་ངུར༔ ཡབ་ཡུམ་གཉིས་མེད་མཉམ་སྦྱོར་བའི༔ ཕྱོགས་བཞི་པདྨ་འདབ་བཞིའི་སྟེང་༔ ཡེ་ཤེས་སྒྱུ མའི་རྣམ་རོལ་ལས༔ ཤར་དུ་རྡོ་རྗེ་གཏུམ་དྲག་དཀར༔ གཡས་གཡོན་རྡོ་རྗེ་ལྕགས་སྡིག་འཛིན༔ ལྷོ་རུ་རཏྣ་གཏུམ་དྲག་སེར༔ ཕྱག་གཡས་རིན་ཆེན་དབྱུག་ཏོ་དང་༔ གཡོན་པས་ཕག ནག་མགོ་དགུ་འཛིན༔ ནུབ་ཏུ་པདྨ་དབང་ཆེན་དམར༔ གཡས་གཡོན་ལྕགས་ཀྱུ་ཁྱུང་ནག་བསྣམས༔ བྱང་དུ་ཀརྨ་དྲག་ཁྲོས་ལྗང་༔ གཡས་གཡོན་དགྲ་སྟྭ་སེང་དཀར་བསྣམས༔ ཀུན་ཀྱང་དར་གྱི་འཇོལ་བེར་གསོལ༔ སྤྱི་བོར་རྟ་མགོ་ལྗང་ཞུར་མཚེར༔ རིགས་བཞིའི་ཁྲོས་མ་ཡུམ་དང་སྦྱོར༔ ཞབས་གཉིས་འདོར་སྟབས་སྡེ་བརྒྱད་གནོན༔ མེ་དཔུང་རབ་འབར ཀློང་དུ་བསྐྱེད༔ སྤྱི་བོར་རིགས་ལྔའི་ཁྱུང་ཆེན་ལྡིང་༔ ཤངས་ནས་ཕག་ཁྱུང་སྡིག་སེང་འཕྲོ༔ གནོད་བྱེད་མ་ལུས་ཟ་བར་བསྒོམ༔ སྒོ་བཞིར་ཡེ་ཤེས་སྒོ་མ་བཞི༔ དཀར་སེར་དམར་ལྗང་གར་སྟབས་ཅན༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ འགུགས་འཆིང་སྡོམ་མྱོས་ལས་ཀྱི་མཚོན༔ གཡོན་རྣམས་དྲིལ་བུ་དཀུ་ལ་བརྟེན༔ ཕྱི་རིམ་དྲེགས་པ་སྡེ་བརྒྱད་ཚོགས༔ དཔག་མེད་ཉི་རྡུལ་འཐིབས་བཞིན་བསྒོམ༔ ཞེས་རང་ཡི་དམ་གྱི་ལྷ་དེ་དག་རྣམས་ཀྱི་སྤྱི་བོར་ཨོ༔ མགྲིན་པར་ཨཱཿ ཐུགས་ཀར་ཧཱུྃ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས་པས་བདེ་ཆེན་དབང་དྲག་རོལ་པ་པདྨ་དབང་གི་དཀྱིལའཁོར་ནས་རྟ་མགྲིན་རིགས་ལྔ་འཁོར་དང་བཅས་པ་སྤྱན་དྲངས་ལ་བསྟིམ༔ གཞན་ཡང་ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་རྟ་མགྲིན་ཡང་ཁྲོས་ནག་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་པ་ཅན་དུ་གྱུར་ནས་བདག་ཉིད་ལ་གཉིས་མེད་སིབ་སིབ་ཐིམ་པས་སྒོ་གསུམ་རྡོ་རྗེ་གསུམ་དང་ བ ཛོཾ།༔ ཉོན་མོངས་ཡེ་ཤེས་ཀྱི་རོལ་པར་འཕོས་ཤིང་སངས་པར་བསམ༔ ཨོཾ་ཨཱཿ ཧཱུྃ་བཛྲ་གུ་རུ་དྷེ་ཝ་དྷཱ་ཀི་ནཱི་བཛྲ་ཀྲོ་དྷ་ཧྱ་གྲཱི་ཝ་ཀྲོ་ངྷི་ཀ་ལི་སརྦ་ཀྲོ་ངྷ་ཀྲོ་ངྷི་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཛཿ ཧཱུྃ་བྃ་ཧོཿ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ བདེ་ཆེན་དབང་གི་དཀྱིལ་འཁོར་ནས༔ རྟ་མགྲིན་ཡང་ཁྲོས་གཤེགས་སུ་གསོལ༔ སྣང་སྲིད་དུར་ཁྲོད་གཞལ་ཡས་ནས༔ ཁྲོས་མ་ནག་མོ་གཤེགས་སུ་གསོལ༔ བདེ་གཤེགས་སྐུ་ཡི་དཀྱིལ་འཁོར་ནས༔ ཡ་མཱནྟ་ཀ་གཤེགས་སུ་གསོལ༔ གཏུམ་དྲག་འཇིགས་པའི་དུར་ཁྲོད་ནས༔ རྡོ་རྗེ་གཏུམ་པོ་གཤེགས་སུ་གསོལ༔ ཟླ་གམ་དབང་གི་གཞལ་ཡས་ནས༔ པདྨ་དབང་ཆེན་གཤེགས་སུ་གསོལ༔ དཔག་བསམ་ཤིང་གི་རྩེ་མོ་ནས༔ ཡེ་ཤེས་ཁྱུང་ཆེན་གཤེགས་སུ་གསོལ༔ ཡེ་ཤེས་ལྔ་ཡི་འོད་ཀློང་ནས༔ ཁྲག་འཐུང་རིགས་ལྔ་གཤེགས་སུ་གསོལ༔ ཚད་མེད་རྣམ་བཞིའི་ཀློང་ཡངས་ནས༔ སྒོ་མ་ཆེན་མོ་གཤེགས་སུ་གསོལ༔ ཕྲིན་ལས་ལས་ཀྱི་ཕོ་ཉ་བྲན༔ དྲེགས་པ་སྡེ་བརྒྱད་གཤེགས་སུ་གསོལ༔ ཧྲཱི་ཛཿ དངོས་གྲུབ་སྩོལ་ཕྱིར་གཤེགས་སུ་གསོལ༔ འགྲོ་བ་འདྲེན་ཕྱིར་གཤེགས་སུ་གསོལ༔ རྒྱལ་བསེན་འདུལ་ཕྱིར་གཤེགས་སུ་གསོལ༔ ཀླུ་གཉན་འདུལ་ཕྱིར་གཤེགས་སུ་གསོལ༔ སྡུག་བསྔལ་གཞོམ་ཕྱིར་གཤེགས་སུ་གསོལ༔ ནད་རིམས་འཇོམས་ཕྱིར་གཤེགས་སུ་གསོལ༔ བར་ཆད་བཟློག་ཕྱིར་གཤེགས་སུ་གསོལ༔ བཛྲ་ས་མ་ཡ་ཛཿ ཛཿ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ ཡེ་ཤེས་དབྱིངས་ནས་བཞེངས་པའི་ལྷ༔ ལྷན་སྐྱེས་ཡོངས་གྲུབ་དཀྱིལ་འཁོར་དང་༔ གཉིས་མེད་མཉམ་སྦྱོར་ཆེན་པོར་བཞུགས༔ འཁོར་བ་མྱང་འདས་ཀློང་དུ་རོལ༔ བཛྲ་ས་མ་ཡ་ཏིཥྛ་ལྷན༔ ས་མ་ཏི་བཛྲ་སྟྭཾ༔ དེ་ནས་ཕྱག་འཚལ་བ་ནི༔ ཧཱུྃ་ཧྲཱིཿ རང་རིག་ཡེ་ཤེས་ཡོངས་རྫོགས་དཔལ༔ སྒྱུ་འཕྲུལ་གར་གྱི་རྣམ་རོལ་པའི༔ ལྷ་དང་དཀྱིལ་འཁོར་ལྷུན་གྲུབ་ཆེར༔ རྫོགས་པ་ཆེན་པོར་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ སྣོད་བཅུད་འཛིན་པ་སེམས་ཀྱི་ཆོས༔ འདོད་རྒུའི་དཔལ་ཡོན་རྫོགས་པའི་སྤྲིན༔ སྟོབ་བྱེད་ལྷ་མོས་དགྱེས་བསྐང་རྩེ༔ ཡང་ཁྲོས་དཀྱིལ་འཁོར་དགྱེས་ཕྱིར་འབུལ༔ ཁམས་གསུམ་ཕྱི་རུ་ཤར་བ་ཡུལ༔ སོ་སོར་དབྱེ་བ་ནང་གི་སེམས༔ དོན་ལ་དབྱེར་མེད་གསང་ཆེན་པོ༔ ཡང་ཁྲོས་དཀྱིལ་འཁོར་དགྱེས་ཕྱིར་སྟོབ༔ ཕྱི་ནང་གསང་མཆོད་ཟག་མེད་གཏེར༔ སྣང་སྟོང་སྦྱོར་བའི་བདེ་ཆེན་བཅུད༔ ཛོཾ།༔ འཁོར་བ་ཡོངས་སྒྲོལ་སྟོབས་ཆེན་ཤུགས༔ རྟ་མགྲིན་ཁྲོས་པའི་དལ་དུ་འབུལ༔ བཞེས་ནས་དབང་དང་དངོས་གྲུབ་སྩོལ༔ མ་ཧཱ་སརྦ་པཉྩ་པཱུ་ཛ་གྷ་ཎ་ཙཀྲ་ཏ ན་ག་ན་སརྦ་པཱུ་ཛ་ཧོཿ མཚམས་འདིར་འབུལ་སྔགས་དང་ཁཱ་ཧི་གང་འདོད་སྦྱར་ཀྱང་རུང་། མཆན། དེ་ནས་བསྟོད་པ་ནི༔ ཧཱུྃ་ཧྲཱིཿ ཡེ་གཞི་ཀ་དག་ཀློང་ཆེན་པོར༔ བདེ་སྟོང་འཁྱིལ་བའི་གཞལ་ཡས་སུ༔ ཡེ་རིག་དོན་གྱི་ཧེ་རུ་ཀ༔ འཁོར་འདས་ཡོངས་ཀྱི་དཔལ་ཆེན་པོར༔ རྡོ་རྗེ་གསུམ་གྱི་རྣམ་འཕྲུལ་གར༔ ཡ་མཱནྟ་ཀ་རྡོ་རྗེ་གཏུམ༔ པདྨ་དབང་ཆེན་ག་རུ་ཌ༔ སྤྲུལ་པའི་ཕག་སྡིག་ལས་ལ་འགྱེད༔ སྐུ་ཡི་བཀོད་པ་རྫོགས་པའི་དཔལ༔ གཡས་གཉིས་རལ་གྲི་ལྕགས་ཀྱུ་ཡིས༔ འཁོར་བ་ཡོངས་སྒྲོལ་ཁམས་གསུམ་དབང་༔ གཡོན་གཉིས་ཐོད་ཁྲག་སྦྲུལ་ཞགས་ཀྱིས༔ ཁམས་གསུམ་ཁྲག་རོལ་ལོག་རྟོག་འཇོམས༔ ཚོགས་བརྒྱད་གནས་དག་ཐེག་དགུ་རྫོགས༔ དུར་ཁྲོད་དཔལ་ཆས་གར་ཉམས་ལྡན༔ རྒྱན་དང་ཆ་ལུགས་རྫོགས་པའི་དཔལ༔ སྟོང་པའི་བདག་ཉིད་ཡུམ་ཆེན་མོ༔ རོལ་པའི་རྩལ་གྱི་སྒྱུ་འཕྲུལ་གར༔ རིགས་བཞིའི་ཁྲག་འཐུང་སྒོ་མ་བཞི༔ དྲེགས་པ་སྡེ་བརྒྱད་ལས་བྱེད་བྲན༔ ཡུམ་དང་སྤྲུལ་འཁོར་རྫོགས་པའི་དཔལ༔ ཡེ་ཤེས་མེ་དཔུང་འབར་འཁྲིགས་ཀློང་༔ མི་སྲུན་དྲེགས་པ་འདུལ་བའི་ཕྱིར༔ ཁྲོས་པའི་ཡང་ཁྲོས་ནག་པོར་སྟོན༔ རྟ་མགྲིན་མ་ཧཱ་ཀཱ་ལ་ཆེ༔ རང་རིག་ཡེ་ཤེས་འཁོར་ལོའི་ཀློང་༔ གཉིས་མེད་རིག་པས་ཕྱག་འཚལ་བསྟོད༔ ས་མ་ཡ༔ རྣལ་འབྱོར་ཉམས་པ་བསྐང་བ་དང་༔ ཚོགས་གཉིས་རྫོགས་ཕྱིར་ཚོགས་མཆོད་ནི༔ ཤ་ཆང་འབྲུ་ཟན་ཤིང་ཐོག་རིགས༔ དཀར་གསུམ་མངར་གསུམ་ཟས་སྣ་ཚོགས༔ ལྒ་སྒོག་གོ་སྙོད་ཚྭ་སོགས་སྤོད༔ འབྱོར་ཚོགས་འདོད་ཡོན་སྣ་ཚོགས་བཤམས༔ གཙང་མའི་ཆབ་ཀྱིས་རབ་བྲན་ནས༔ ཡེ་ཤེས་བདུད་རྩིར་བྱིན་བརླབ་ནི༔ ཨོཾ་ཨཱཿཧཱུྃ༔ གཉིས་འཛིན་རྣམ་པར་རྟོག་པའི་གྲིབ༔ ཡེ་ཤེས་འོད་ཀྱིས་བསྲེག་གཏོར་བཀྲུས༔ འབྲུ་གསུམ་འོད་ཞུ་འདོད་ཡོན་ཚོགས༔ བདེ་སྟོང་བདུད་རྩིས་འཁོར་འདས་ཁྱབ༔ ཨོཾ་ཨཱཿཧཱུྃ༔ ལན་གསུམ༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ ནུབ་ཕྱོགས་བདེ་ཆེན་ལྷུན་གྲུབ་ཞིང་༔ པདྨ་གསུང་གི་དཀྱིལ་འཁོར་ནས༔ དབང་ཆེན་ཁྲོས་པའི་རྒྱལ་པོ་ཉིད༔ ཚོགས་ལ་སྤྱན་འདྲེན་གཤེགས་སུ་གསོལ༔ སྟོང་པའི་བདག་ཉིད་ཁྲོས་མ་ཡུམ༔ རྡོ་རྗེའི་ངོ་བོ་གསང་གསུམ་ལྷ༔ སྤྲུལ་པའི་ལས་མཁན་ཁྱུང་ཆེན་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཡེ་ཤེས་ལྔ་བདག་ཁྲོ་ཆེན་ལྔ༔ ཚད་མེད་རྣམ་བཞི་སྒོ་མ་སྐྱོང་༔ ཛོཾ།༔ དྲེགས་པ་སྡེ་བརྒྱད་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛཿ ཛཿ དེ་ནས་ཚོགས་ཕུད་འབུལ་བ་ནི༔ ཧཱུྃ་ཧྲཱིཿ དབང་ཆེན་ཡང་ཁྲོས་དཀྱིལ་འཁོར་དུ༔ ཡེ་ཤེས་བདུད་རྩིའི་ཚོགས་མཆོད་འབུལ༔ བཞེས་ནས་དབང་དང་དངོས་གྲུབ་སྩོལ༔ ཉམས་ཆག་བཤགས་སོ་དགྱེས་དགོངས་འཚལ༔ གུ་རུ་དྷེ་ཝ་ཌཱ་ཀི་ནཱི་མཎྜ་ལ་གྷ་ཎ་ཙཀྲ་པཱུ་ཛ་ཁཱ་ཧི༔ དེ་ནས་བར་པ་བཤགས་པ་ནི༔ ཧོཿ བླ་མ་ཡང་ཁྲོས་དབྱེར་མེད་དགོངས༔ བདག་གི་དུས་གསུམ་སྡིག་ལྟུང་དང་༔ དམ་ཚིག་ཉམས་ཆག་འགལ་འཁྲུལ་བཅས༔ ཞལ་ཟས་ཚོགས་ཀྱིས་བསྐང་ཞིང་བཤགས༔ ཨོཾ་གྷ་ཎ་ཙཀྲ་སཏྭ་སོགས༔ དེ་ནས་རཱུ་དྲ་བསྒྲལ་བའི་ལས༔ ཧཱུྃ༔ གསང་ཆེན་དབང་གི་དཀྱིལ་འཁོར་ནས༔ རྟ་མགྲིན་ཡང་ཁྲོས་སྐུར་བཞེངས་ཤིག༔ ཡེ་ཤེས་གར་གྱི་རྣམ་རོལ་བསྐུལ༔ མཐུ་སྟོབས་ནུས་པའི་རྩལ་ཤུགས་ཕྱུངས༔ མངོན་སྤྱོད་དྲག་པོའི་ཕྲིན་ལས་ཀྱིས༔ དགྲ་བགེགས་ཐལ་བའི་རྡུལ་དུ་རློག༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་སརྦ་ས་པ་རི་ཝཱ་ར་ཀཱ་ལ་རཱུ་པ་ཨ་མུ་ཀ་མཱ་ར་ཡ་རྦད་ཕཊ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ དབང་དྲག་འབར་བའི་ཞལ་ཕྱེས་ཤིག༔ ཉོན་མོངས་དུག་ལྔ་དུག་གསུམ་བགེགས༔ ལོག་པར་འདྲེན་པའི་རཱུ་དྲར་བཅས༔ ལྷག་མ་མེད་པར་བཞེས་ཤིག་རོལ༔ མ་ཧཱ་མཱཾ་ས་རཀྟ་ཀི་ནི་རི་ཏི་ཙིཏྟ་ལ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ་ཧྲཱིཿ སྔོན་གྱི་བསྐལ་པའི་དང་པོ་ལ༔ གནམ་ལྕགས་འབར་བའི་རྩེ་མོ་ནས༔ དཔལ་ཆེན་བཀའ་ཉན་ལྷག་སྐྱོང་ཚོགས༔ ཆད་བཞིན་ལྷག་རོལ་ཕྲིན་ལས་བསྒྲུབ༔ ས་མ་ཡ་ཨུཙྪིཥྚ་བ་ལིཾ་ཏ་ཁཱ་ཧི༔ དེ་ནས་ཆད་མདོ་བཏང་བ་ནི༔ ཧཱུྃ་བྷྱོ༔ ཐོག་མཐའ་བར་གསུམ་རྩོད་ལྡན་ཡན༔ ཆེ་མཆོག་དབང་ཆེན་པད་འབྱུང་གི༔ ཞལ་མཇལ་གསུང་ཐོས་དབང་བསྐུར་ཞིང་༔ བྲན་དུ་བཀོལ་བའི་ལྷ་སྲིན་སྡེ༔ དེ་འཁོར་ཡང་འཁོར་ལྷ་འདྲེ་དང་༔ གློ་བུར་ལྷགས་དང་དུས་མཐའི་བགེགས༔ ཀུན་ཀྱང་སྔོན་གྱི་ཆད་དོན་ཁྲིམས༔ བསྲུང་ནས་རྡོ་རྗེའི་དམ་ལ་འདུས༔ ཞེས་རྡོ་རྗེའི་རྭ་རྩེས་ཆུ་བྲན་ཏེ༔ སྣང་སྲིད་ལྷ་འདྲེ་མ་ལུས་པའི་ལྕེ་ལ་དམ་ཚིག་གི་བདུད་རྩི་ཕོག་ནས་དམ་ཚིག་གི་སྲོག་ཐོབ་སྟེ་སྐད་ཅིག་ཙམ་ཡང་འདའ་བའི་གནས་མེད་པར་བསམ༔ ས་མ་ཡ་བཛྲ་ན་ར་ཀན་དེའོ༔ ཧཱུྃ༔ དམ་ལ་གནས་པའི་དམ་ཅན་རྣམས༔ དམར་གྱི་གཏོར་མ་འདི་བཞེས་ལ༔ འགལ་རྐྱེན་དགྲ་བགེགས་དབྱིངས་སུ་སྒྲོལ༔ ཕྲིན་ལས་རབ་འབྱམས་ཐོགས་མེད་སྒྲུབ༔ ཡང་ཁྲོས་བསྟན་དང་བསྟན་འཛིན་སྐྱོངས༔ དམ་ལས་མ་འདའ་ས་མ་ཡ༔ ཛོཾ།༔ དེ་ནས་བརྟན་མ་སྐྱོང་བ་ལ༔ ཧཱུྃ་མ་བྷྱོ་ཛཿ བོད་ཁམས་སྐྱོང་བའི་མ་སྲིང་སྡེ༔ བརྟན་མ་བཅུ་གཉིས་འཁོར་དང་བཅས༔ འདིར་གཤེགས་དམར་གྱི་གཏོར་མ་བཞེས༔ རྡོ་རྗེ་ཐོད་ཕྲེང་བཀའ་བཞིན་དུ༔ སྙིང་ཐིག་བསྟན་པ་སྤེལ་ཞིང་སྲུངས༔ རིག་འཛིན་བདག་གི་འདོད་དོན་སྒྲབས༔ ཆོས་སྲིད་མངའ་ཐང་འཕེལ་རྒྱས་ཤིང་༔ བསྟན་དགྲ་སྒྲོལ་ཞིག་དམ་ཅན་མ༔ མ་མ་ལི་ལི་ཨ་ཕྱི་ཡོངས་ལ་ཕྱི་མ་པྲ་མོ་ཧ་ཨེ་དཾ་བ་ལིཾ་ཏ་ཁཱ་ཧི༔ བཛྲ་ས་མ་ཡ༔ དེ་ནས་རྟ་བྲོ་བརྡུང་བ་ནི༔ ཧཱུྃ༔ པདྨ་དབང་གི་དཀྱིལ་འཁོར་