Tibetan
གསང་བའི་སྒྲུབ་པ་ཟབ་མོའོ༔ ང་སྐད་ཅིག་གིས་འགྲུབ་བོ༔ ཞེས་གསུངས་སོ༔ ཡང་གསང་བའི་བདག་པོས༔ ཀྱེ་སྟོན་པ་ཀུན་ཏུ་བཟང་པོ་དགོངས་སུ་གསོལ༔ བསྙེན་སྒྲུབ་ཀྱི་ཐབས་མཆིས་སམ་མ་མཆིས༔ ཞེས་ཞུས་པས༔ འཁོར་བ་དབྱིངས་སུ་གཞིག་པའི་སྒྲས་ཚིགས་སུ་བཅད་པ་འདི་གསུངས་སོ༔ ཀྱེེ་ཧོཿ གསང་བའི་བདག་པོ་རྡོ་རྗེ་འཆང་༔ ང་ནི་རང་བྱུང་སངས་རྒྱས་ཏེ༔ སེམས་ཅན་ཀུན་གྱི་ཡིད་ལ་གནས༔ སེམས་ཅན་ཀུན་གྱི་ཡིད་ནང་གནས༔ སེམས་ཅན་ཡིད་ཀྱི་ངོ་བོར་གནས༔ སེམས་ཅན་ ཀུན་དང་དབྱེར་མེད་དེ༔ ངོ་ཤེས་ངང་དུ་གནས་གྱུར་ན༔ སྐད་ཅིག་གཅིག་གིས་རྫོགས་སངས་རྒྱས༔ བསྒོམ་པས་སངས་རྒྱས་ང་མི་འགྲུབ༔ མ་བསྒོམ་བཞག་པས་འགྲུབ་པར་འགྱུར༔ བསྒྲུབ་པས་སངས་རྒྱས་ང་མི་འགྲུབ༔ མ་བསྒྲུབ་གནས་པས་སྐད་ཅིག་འགྲུབ༔ བསྙེན་སྔགས་བཟླས་པས་ང་མི་འགྲུབ༔ མ་བཟླས་བཞག་པས་ངེས་པར་འགྲུབ༔ བལྟས་པས་སངས་རྒྱས་ང་མི་མཐོང་༔ མ་བལྟས་བཞག་པས་ངེས་པར་མཐོང་༔ བློ་བཅོས་མཁས་ཀྱང་ང་མི་གསལ༔ ཤེས་པ་གསལ་ཀྱང་ང་མི་ཤེས༔ དཀའ་སྤྱད་བཙལ་བས་ང་མི་རྙེད༔ ང་སྒྲུབ་རྣལ་འབྱོར་རྣམ་པ་བཞི༔ ངོ་བོ་ཉིད་དུ་མཉམ་བཞག་པ༔ རང་རིག་སྤྲོས་བྲལ་རྣལ་འབྱོར་ཡིན༔ གདངས་ཀྱི་ངང་སྐྱོང་གྲོལ་བ་ནི༔ ལྷུན་གྲུབ་རྫོགས་ཆེན་རྣལ་འབྱོར་ཡིན༔ འཁོར་འདས་མ་བཅོས་གཞིར་རྫོགས་སུ༔ རྟོགས་པ་འཁོར་འདས་རྫོགས་ཆེན་པ༔ གདིང་ཐོབ་སྒྱུ་མའི་ལྷུམས་ཞུགས་པ༔ ཀ་དག་རྫོགས་ཆེན་རྣལ་འབྱོར་པ༔ འདི་ནི་གསང་བའི་སྒྲུབ་པའོ༔ སྒོམ་སྒྲུབ་གཞན་གྱིས་ང་མི་འགྲུབ༔ འདི་ནི་སྲོག་གི་སྒྲུབ་པ་ཡིན༔ ཞེས་གསུངས་སོ༔ ཡང་གསང་བའི་བདག་པོས༔ ཀྱེེ་བཅོམ་ལྡན་འདས༔ དེ་ལྟ་བུའི་གསང་བ་བླ་ན་མེད་པའི་སྒྲུབ་པ T11603 - 616 ཛོཾ།།༔ ཟབ་མོ་ལྷུར་བླངས་པའི་འབྲས་བུ་ཇི་ལྟར་ལགས༔ བཅོམ་ལྡན་འདས་ཀྱིས་བསྟན་དུ་གསོལ༔ ཞེས་ཞུས་པས༔ བཀའ་སྩལ་པ༔ ཀྱེ་གསང་བའི་བདག་པོ ང་ནི་བསམ་གྱིས་མི་ཁྱབ་བོ༔ ང་ནི་བརྗོད་དུ་མེད་པའོ༔ འབྲས་བུ་ནི་མཐའ་ཡས་པའོ༔ སེམས་ཅན་བློ་ཆུང་བ་དང་༔ དབང་པོ་དམན་པའི་རིགས་རྣམས་ཀྱིས་འཁུ་ཞིང་གཤེ་བར་འགྱུར་བའི་ཕྱིར༔ འདི་ནི་གསང་བའི་ཡང་གསང་ངོ་༔ གསང་བའི་བདག་པོ་གསང་བ་ཆེན་པོ་འདིའི་སྒོ་མཐོང་ནས་དང་པོ་གོ༔ བར་དུ་མྱོང་༔ ཐ་མ་གདིང་ཐོབ་པ་ནི་གནད་དམ་པའོ༔ ངའི་གསང་བ་བསམ་གྱིས་མི་ཁྱབ་པ་འདིའི་འབྲས་བུ་ཐོབ་པའི་ཚུལ་ནི༔ ཚེ་གཅིག་ཏིང་འཛིན་བསྒོམ་པའི་རྣལ་འབྱོར་པ་དང་༔ ཆོས་སྒོར་མ་ཞུགས་པའི་སྐྱེ་བོ་གཉིས་ལ་ངོ་མཉམ་དུ་འཕྲོད་ནས་མཉམ་པར་བསྒོམ་ན་གྲོལ་བའི་ཡུན་ལ་རིང་ཐུང་སྤུ་རྩེ་ཙམ་ཡང་མེད་པ་ཀུན་ཏུ་བཟང་པོ་ངའི་གཏན་ཚིག་གོ༔ ཚེ་གཅིག་དགེ་བ་ལ་གོམས་པའི་གང་ཟག་དང་༔ སྡིག་པ་ལ་གོམས་པའི་གང་ཟག་གཉིས་ལ་ངོ་མཉམ་དུ་འཕྲོད་ནས་གྲོལ་བ་ལ་ཁྱད་པར་མེད་པ་ཀུན་ཏུ་བཟང་པོ་ངའི་གཏན་ཚིག་གོ༔ ཚེ་གཅིག་སྡོམ་པ་ལ་བརྩོན་པའི་གང་ཟག་དང་༔ ཚེ་གཅིག་སྲོག་གཅོད་ལ བརྩོན་པའི་སྐྱེ་བོ་གཉིས་ཀས་ངའི་གསང་བ་མཐོང་ནས་གྲོལ་བ་ཐོབ་པ་ལ་ཁྱད་པར་མེད་པ་ཀུན་ཏུ་བཟང་པོ་ངའི་གཏན་ཚིག་གོ༔ ཚེ་གཅིག་རྒྱུད་སྡེ་ཟབ་མོ་ཀློག་འདོན་བྱས་པའི་གང་ཟག་དང་༔ མཚམས་མེད་པ་ལྔ་སྤྱོད་པའི་སྐྱེ་བོ་གཉིས་ཀྱིས་ངའི་གསང་བ་ཆེན་པོ་མཐོང་ནས་གྲོལ་བ་ལ་ཁྱད་པར་མེད་པ་ཀུན་ཏུ་བཟང་པོ་ངའི་གཏན་ཚིག་གོ༔ སྟོང་གསུམ་མོས་གུས་ཀྱིས བསྐོར་བའི་གང་ཟག་དང་༔ མི་དགེ་བ་བཅུའི་ལས་ལ་བརྩོན་པའི་སྐྱེ་བོ་གཉིས་ཀྱིས་ངའི་གསང་བ་མཐོང་ནས་གྲོལ་ཡུན་ལ་ཉེ་རིང་མེད་པ་ཀུན་ཏུ་བཟང་པོ་ངའི་གཏན་ཚིག་གོ༔ ང་ནི་ཀློང་ཆེན་ཀུན་ཏུ་བཟང་མོའི་བྷ་ག་ཡངས་པར་ཨ་ལ་ལ༔ ཞེས་འབྱམས་ཀླས་སོ༔ སྐད་ཅིག་དེ་ཉིད་ལ་གསང་བའི་བདག་པོ་འབྲས་བུ་རེ་དོགས་དང་བྲལ་བའི་དབྱིངས་སུ་སད་ནས་རོལ་པའི་འཁོར་ལ་བཀའ་སྩལ་པ༔ ཀུན་ཏུ་བཟང་པོའི་གསང་ཆེན་པོ༔ འབྲས་བུ་རེ་དོགས་བྲལ་བའི་དབྱིངས༔ རྣམ་པར་གྲོལ་བའི་གནད་ཆེན་པོ༔ ལྷུན་གྲུབ་གསང་བ་ཆེན་པོའི་ལམ༔ ལུས་ངག་ཡིད་ཀྱི་བག་ཆགས་ཀུན༔ བཙན་ཐབས་བསླང་ནས་ཞེན་པ་བཟློག༔ དེ་ནས་སེང་གེ་གླང་པོ་ཆེ༔ དྲང་སྲོང་ལྟ་བུའི་འདུག་སྟངས་ཀྱིས༔ དབང་པོའི་སྒོ་རྣམས་དྲང་པོར་ ཛོཾ།།༔ བསྲང་༔ ནམ་མཁའ་བར་སྣང་ས་གཞི་ལ༔ ལྟ་སྟངས་གནད་ལྡན་ངང་ནས་བྱ༔ ཙིཏྟའི་དཀྱིལ་ནས་ཡེ་ཤེས་རྩ༔ མིག་གི་ཨ་འབྲས་དཀྱིལ་དུ་ཕྱེས༔ དེ་ནི་མཁའ་དབྱིངས་ལ་གཅུན་པས༔ ལྷུན་གྲུབ་ནང་དབྱིངས་མངོན་སུམ་མཐོང་༔ འོད་དང་ཟེར་དང་ཐིག་ལེ་དང་༔༷ གསང་ཆེན་རིག་གདངས་ལུ་གུ་རྒྱུད༔ མངོན་སུམ་མཐོང་ནས་བརྟན་པ་ནི༔ ཆོས་ཉིད་མངོན་སུམ་སྣང་བ་སྟེ༔ བརྟན་ནས་འཕེལ་ཆ་མ་རྫོགས་བར༔ ཉམས་ཀྱི་སྣང་བ་གོང་འཕེལ་ཏེ༔ རྩལ་རྫོགས་ལྷ་སྐུར་སྨིན་པ་ནི༔ རིག་པ་ཚད་ཕེབས་སྣང་བ་སྟེ༔ དེ་ནས་རིམ་གྱིས་ཟད་པ་དང་༔ གཅིག་ཆར་ཟད་པ་ཚད་མ་ངེས༔ དབྱིངས་དང་ཐིག་ལེ་སྐུ་སྣང་ཟད༔ སེམས་དང་སེམས་བྱུང་འཁྲུལ་རྟོག་ཟད༔ གཟུང་དང་འཛིན་པ་དབྱིངས་སུ་ཟད༔ ཆོས་ཉིད་ཟད་པའི་སྣང་བའོ༔ སྣང་ཞིང་སྲིད་པའི་ཆོས་སོ་ཅོག༔ སྒྱུ་མའི་འཁྲུལ་འཁོར་ཞིག་པ་བཞིན༔ ཀ་དག་ཆོས་སྐུའི་དབྱིངས་སུ་ཞི༔ སྐུ་དང་ཡེ་ཤེས་མཁྱེན་གཟིགས་ཀྱི༔ གོ་མ་འགགས་པར་གཏིང་གསལ་ཏེ༔ ཆོས་སྐུ་ཁྱབ་བརྡལ་དགོངས་པར་སད༔ འདི་ནི་རྒྱུད་སྡེ་རྒྱ་མཚོའི་བཅུད༔ དུས་གསུམ་རྒྱལ་བའི་སྲོག་ཐིག་སྟེ༔ མཐོང་ཐོས་དྲན་རེག་རྣམ་གྲོལ་ འགྱུར ཁྱད་པར་རལ་པའི་ཅོད་པན་དུ༔ བཅང་ནས་བསྒོམ་པས་མངོན་སངས་རྒྱས༔ ཉམས་རྟོགས་ཡེ་ཤེས་ཡོན་ཏན་འབར༔ ཆོས་ཉིད་དགོངས་པའི་ཀློང་ཆེན་རྡོལ༔ འཇིགས་དང་སྡུག་བསྔལ་ཀུན་ལས་སྒྲོལ༔ བསམ་དོན་ཐམས་ཅད་ཡིད་བཞིན་འགྲུབ༔ ཅེས་གསུངས་སོ༔ ཡེ་ཤེས་སྒྱུ་འཕྲུལ་རོལ་པའི་འཁོར་ཚོགས་ཐམས་ཅད་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ༔ དཔལ་གསང་བའི་བདག་པོའི་གསང་བ་བསམ་གྱིས་མི་ཁྱབ་པའི་སྒྲུབ་པ་རྫོགས་སོ༔ བདག་འདྲ་པདྨ་འབྱུང་གནས་ངས༔ གསང་སྔགས་གསང་བའི་ཡང་ཐིག་འདི༔ སྲོག་ལས་གཅེས་པའི་ནོར་མཆོག་ཏུ༔ གཅེས་པའི་བུ་ལ་ཕ་ཕོག་ཕྱིར༔ དཔལ་ལྡན་མ་ཧཱ་ཀཱ་ལ་དང་༔ ལྷ་ཆེན་ཚོགས་ཀྱི་བདག་པོས་སྲུངས༔ སྣོད་མིན་ལོག ལྟའི་དབང་པོ་སྣུབས༔ སྣོད་ལྡན་བརྒྱུད་འཛིན་འདོད་དོན་སྒྲུབས༔ བཀའ་དང་དམ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཨྠི༔ ཞེས་པ་འདི་ཡང་འོད་གསལ་རྫོགས་པ་ཆེན་པོ་འཁོར་འདས་འུབ་ཆུབ་རོལ་པའི་རྣལ་འབྱོར་པ་བདུད་འཇོམས་རྡོ་རྗེ་གྲོ་ལོད་རྩལ་གྱིས་གསེར་སྨད་རྔ་ལ་སྟག་ ཛོཾ།༔ རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་བཅུ་དྲུག་བར་དུ་བཀའ་རྒྱས་བཏབ་སྟེ་མཐར་ཆོས་ཀྱི་རྡོ་རྗེས་ནན་དུ་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ། །དགེའོ། །སརྦ་མངྒ་ལཾ། གསང་617དགུ་བྱོན།618 དགུ་བྱོན། TI1603 - 621 T11603 - 622 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་ཟབ་གསང་མཁའ་འགྲོའི་སྙིང་ཐིག་གི་ཆོས་སྡེ་ལས། གླེགས་བམ། ༼ག༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ སྐོར་ཚོ་ལྔ་ལས དང་པོ་འཕགས་མཆོག་ཐུགས་རྗེ་ཆེན་པོའི་སྐོར་ལ། ཐུགས་རྗེ་ཆེན་པོའི་དབང་ཆོག་ཡིད་བཞིན་འཁོར་ལོ་ལྡེབ་གསོལ་འདེབས་དངོས་གྲུབ་ཆར་འབེབས་ལྡེབ ༈ སྒྲུབ་པ་དངོས་གྲུབ་གཏེར་མཛོད་ལྡེབ་༡ ཛཔ་དམིགས་ཡིད་བཞིན་བང་མཛོད་ལྡེབ ༧ བསྐང་བཤགས་ཉམས་ཆག་རང་གྲོལ་ལྡེབ་༥ བསྐུལ་ཟློག་འཁོར་བ་ཡོངས་གྲོལ་ལྡེབ ༈ རིགས་དྲུག་གནས་འདྲེན་འཕྲད་ཚད་རང་གྲོལ་ལྡེབ་༡༠ བཅས། ༈ གཉིས་པ་རྟ་མགྲིན་ཡང་ཁྲོས་ནག པོ་ཆ་ལག་དང་བཅས་པའི་སྐོར་ལ། རྟ་མགྲིན་ཁམས་གསུམ་རོལ་པ་ཡང་ཁྲོས་མ་ཧཱ་ཀཱ་ལའི་དབང་ཆོག་འོད་ཀྱི་དྲྭ་བ་ལྡེབ་༧ གསོལ་འདེབས་དབང་བཞིའི་ཆུ་རྒྱུན་ལྡེབ ༡ སྙིང་སྒྲུབ པདྨའི་ཕྲེང་བ་ལྡེབ་མཆོད་ཕྲེང་བདུད་རྩིའི་སྤྲིན་ཕུང་ལྡེབ་༣ བསྐང་བ་མེ་ཏོག་རབ་རྒྱས་ལྡེབ ༢ བསྐུལ་ཟློག་རྡོ་རྗེའི་གད་མོ་ལྡེབ ༢ རྩ་སྒྲུབ་སྲུང་བའི་འཁོར་ལོ་༤ ༤ ལྡེབ་༡༤ སྒྲོལ་ཡུམ་དུར་ཕག་ནག་མོའི་སྒོས་སྒྲུབ་ལྡེབ་༦ ཕོ་ཉ་ལྕགས་སྡིག་ནག་པོའི་སྒོས་སྒྲུབ་བདུད་དཔུང་ཕུང་བྱེད་ལྡེབ་ཁྱུང་ནག་དུག་གི་སྤུ་གྲིའི་སྒོས་སྒྲུབ་གནམ་ལྕགས མེ་འབར་ལྡེབ་༡༡ དྲག་བསྐུལ་རྡོ་རྗེའི་ཐོག་མདའ་ལྡེབ་༧ འགུགས་བྱང་ལྡེབ་༡ བསྒྲལ་ལས་གནམ་ལྕགས་རྡོ་རྗེའི་ཐོ་ལུམ་ལྡེབ་༤ ཟུར་རྒྱན་དགྲ་བགེགས་དཔུང་འཇོམས་ལྡེབ་༩ དྲག་ཟློག་རྡོ་རྗེའི་གད་མོ་ལྡེབ་པོ ཟློག་པའི་རྒྱུག་བྱང་ལྡེབ་༡ དྲག་པོའི་དཔལ་གཏོར་ནུས་ལྡན་ཐོགས་མེད་ལྡེབ་༤ སྒོ་དབྱེ་ལྡེབ་༡ སྲེག་བླུགས་ཡེ་ཤེས་མེ་ལྕེ་ལྡེབ་པོ ཁ་བསྒྱུར་རྒྱུག་བྱང་ལྡེབ ༡ ཡང་ཁྲོས་ཆ་ལག་རྟ་ཕྱག་ཁྱུང་གསུམ་གྱི་དྲིལ་སྒྲུབ་འབྲེལ་ཚད་རྣམ་གྲོལ་ལྡེབ་༥ གཉན་འཇོམས་རིལ་བུ་རྟ་ཕྱག་ཁྱུང་གསུམ་གྱི་ཕྲིན་ལས་ནུས་པ་ཐོགས་མེད་ལྡེབ་༣ བཅས། ༈ གསུམ་པ་བླ་མ་རྡོ་རྗེ་སེམས་དཔའི་སྐོར་ལ དཔལ་རྡོ་རྗེ་སེམས་དཔའི་དབང་ཆོག་རྡོ་རྗེར་སྨིན་བྱེད་ལྡེབ ༦ གསོལ་འདེབས་བྱིན་རླབས་ཆར་འབེབས་ལྡེབ་༡ བྱིན་འབེབས་དངོས་གྲུབ་གཏེར་མཛོད་ལྡེབ ༡ སྒྲུབ་ཐབས་གྲུབ་གཉིས་གཏེར་མཛོད་ལྡེབ ༥ ཚོགས་མཆོད་ཡེ་ཤེས་མངོན་བྱེད་ལྡེབ་༤ བསྐང་ ༄༅། །བཤགས་ཉམས་ཆག་རང་གྲོལ་ལྡེབ་༈ བསྐུལ་བ་ཐུགས་རྗེའི་འོད་ཟེར་ལྡེབ་༡ གནས་འདྲེན་ཐུགས་རྗེའི་འོད་ཟེར་ལྡེབ ༡༠ ལས་བཞིའི་སྲེག་བླུགས ཕྲིན་ལས་ལྷུན་གྲུབ་ལྡེབ་༣ ལས་བཞིའི་མེ་མཆོད་ཀྱི་གབ་ཡིག་ལྡེབ ༈ བཅས། ༈ བཞི་པ་བླ་མ་ཞི་ཁྲོ་འདུས་པའི་སྐོར་ལ། བླ་མ་ཞི་ཁྲོ་འདུས་པའི་དབང་ཆོག་ཡེ་ཤེས་རྒྱ མཚོ་ལྡེབ་༅ བརྒྱུད་འདེབས་དངོས་གྲུབ་ཆར་འབེབས་ལྡེབ་༈ སྒྲུབ་པ་ཐར་ལམ་ཤིང་རྟ་ལྡེབ་སྨན་མཆོད་བདུད་རྩི་ཀུན་ཁྱབ་ལྡེབ ༈ སྒོམ་བཟླས་ཡེ་ཤེས་འོད་ཟེར་ལྡེབ་༈ སྔགས་འཁོར་ཁམས་གསུམ་ཡོངས་སྒྲོལ་ལྡེབ ༣ ཕྱག་འཚལ་སྒྲིབ་གཉིས་དག་བྱེད་ལྡེབ་༥ ཚོགས་མཆོད་འདོད་ཡོན་སྤྲིན་ཕུང་ལྡེབ ༥ བསྐང་བ་ཉམས་ཆག་རང་གྲོལ་ལྡེབ་བསྐུལ་བ་རྡོ་རྗེའི་ཕྲེང་བ་ལྡེབ ༡ གནས་ལུང་རྣམ་གྲོལ་མྱུར་ལམ་ལྡེབ་༡༤ བཅས། ༈ ལྔ་པ་གསང་བདག་ཕྱག་ན་རྡོ་རྗེའི་སྐོར་ལ། གསང་བདག་ཕྱག་ན་རྡོ་རྗེའི་དབང་ཆོག་ཟབ་མོ་ལྡེབ ༥ གསོལ་འདེབས་བྱིན་རླབས་བུམ་བཟང་ལྡེབ ༡ བྱིན་འབེབས་དངོས་གྲུབ་ཆར་འབེབས་ལྡེབ ༈ ལས་བྱང་ཡིད་བཞིན་ནོར་བུ་ཕ་རོལ་དཔུང་༤ ༤ འཇོམས་ལྡེབ་༧ ཛཔ་དགོངས་མུ་ཏིག་ཕྲེང་བ་ལྡེབ་༈ ཚོགས་མཆོད་འདོད་འཇོའི་དཔལ་ཕྲེང་ལྡེབ ༥ བསྐང་བ་ཚངས་པའི་སྒྲ་དབྱངས་ལྡེབ་༈ རྩ་སྒྲུབ་ཆོས་ཉིད་སྤྲིན་ཕུང་ལྡེབ་༢ དྲག་བསྐུལ་རྡོ་རྗེའི་ཐོག་མདའ་ལྡེབ ༣ སྨད་ལས་དགྲ་བགེགས་ཀུན་སྒྲོལ་ལྡེབ་༨ འགུགས་འདྲེན་རྡོ་རྗེའི་ལྕགས་ཀྱུ་ལྡེབ ༡ དྲག་ཟློག་ཟབ་མོ་ལྡེབ་ྋ བསྐུལ་ཟློག་མངོན་སྤྱོད་ལྷུན་གྲུབ་ལྡེབ ༡ སྲེག་བླུགས་ཞལ་ཧོམ་ཡངས་པ་ལྡེབ ༣ གསང་སྒྲུབ་རྡོ་རྗེའི་ཐིག་པ་ལྡེབ་བཅས། པོད་འདིར་ཆོས་ཚན་དྲུག་ཅུ་རེ་ལྔ་ལ་ལྡེབ ༣༡༠ དང་། གླེགས་བམ་གྱི་དཀར་ཆག་རང་ཉིད་ལྡེབ ༢ བཅས་བསྡོམས་ལྡེབ་གྲངས ༣༡༢ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི །ཟབ་གཏེར་གསང་བའི་ཆོས་མཛོད་ཡིད་བཞིན་ནོར། །ཀུན་བཟང་མིང་གིས་སྤར་དུ་བཏབ་སྤེལ་དགེས །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ད ༈ པདྨའི་རིང་ལུགས་སྔ་འགྱུར་རྫོགས་པ་ཆེ། ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ།། ། ༤