Tibetan
ཀྱི་ཐུགས་དམ་གྱི་རྒྱུད་རབ་ཏུ་བསྐུལ་ནས་དེ་རྣམས་ཀྱི་ཐུགས་རྗེའི་བྱིན་རླབས་གཟི་བྱིན་ནུས་མཐུ་ཐམས་ཅད་འོད་ཕུང་སེར་པོའི་རྣམ་པར་བསྡུས་ནས་རང་ཉིད་ལ་ཐིམ་ ཛོཾ།༔ པས་ཚེ་བསོད་ཡེ་ཤེས་ཡོན་ཏན་ཐམས་ཅད་རབ་ཏུ་རྒྱས་པར་བསམ་ལ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་བརྗོད༔ རང་ཉིད་ལྷ་ཡི་ཐུགས་ཀ་ནས༔ འོད་དང་འོད་ཟེར་རབ་འཕྲོས་པས༔ འཁོར་འདས་གཉིས་ཀྱི་ཚེ་བསོད་ནམས༔ བཅུད་དང་དྭངས་མ་ཐམས་ཅད་ཀུན༔ སེར་གསལ་འོད་ཀྱི་རྣམ་པར་འདུས༔ རང་གི་ཐུགས་ཀའི་སྔགས་ལ་ཐིམ༔ ཚེ་བསོད་ཡེ་ཤེས་རྒྱས་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་བརྗོད༔ དགོང་མོ་འདི་ལྟར༔ རང་ཉིད་ཐུགས་རྗེ་ཆེན་པོའི་ཐུགས་ཀའི་སྔགས་ཕྲེང་ལས་འོད་ཟེར་དམར་པོ་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་དམ་གྱི་རྒྱུད་རབ་ཏུ་བསྐུལ་ནས༔ ཐུགས་རྗེའི་བྱིན་རླབས་དང་དབང་དང་དངོས་གྲུབ་ཐམས་ཅད་འོད་ཕུང་དམར་པོའི་རྣམ་པར་བསྡུས་ཏེ་རང་ཉིད་ལ་ཐིམ་པས་ཁམས་གསུམ་དབང་དུ་བསྡུས་པའི་ནུས་པ་དང་ལྡན་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ རང་ཉིད་ལྷ་ཡི་ཐུགས་ཀ་ནས༔ འོད་དང་འོད་ཟེར་དམར་པོ་འཕྲོས༔ ཁམས་གསུམ་མ་ལུས་དབང་བསྡུས་ཏེ༔ སེམས་ཅན་ཀུན་གྱི་སྲོག་སྙིང་འཕྲོག༔ ཚུར་འདུས་སྲོག་གི་སྙིང་པོ་རུ༔ བསྡུས་ཏེ་བཅུད་དུ་དྲིལ་བ་ཡིས༔ ཡེ་ཤེས་འཇིག་རྟེན་ཆོས་སྐྱོང་དང་༔ སྡེ་བརྒྱད་གཞི་བདག་ལྷ་འདྲེ་ཀུན༔ མདུན་དུ་འཁོད་ཅིང་བྲན་ཁས་བླངས༔ ཐམས་ཅད་བྲན་དུ་འཁོལ་བར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་བརྗོད༔ སྲོད་དུ་འདི་ལྟར༔ རང་ཉིད་ཡི་དམ་གྱི་ཐུགས་ཀ་ནས་འོད་འཕྲོས་པས་དཀོན་མཆོག་གསུམ་དང་སྐུ་གསུམ་རྩ་གསུམ་བཀའ་སྲུང་ཆོས་སྐྱོང་དྲེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་དང་༔༷ མཐུ་སྟོབས་ནུས་པ་ཐམས་ཅད་ཚུར་འདུས་ཏེ་རང་ཉིད་ལ་ཐིམ་པས༔ ཁམས་གསུམ་འཁོར་བ་ཡོངས་སུ་སྒྲོལ་བའི་མཐུ་ནུས་དང་ལྡན་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ རང་ཉིད་ལྷ་ཡི་ཐུགས་ཀ་ནས༔ དྲག་ཅིང་རྩུབ་པའི་འོད་ཟེར་གྱིས༔ ཁམས་གསུམ་འཁོར་བའི་སེམས་ཅན་ཀུན༔ རྨི་ལམ་དབྱིངས་སུ་སད་པ་ལྟར༔ བདེ་ཆེན་ཞིང་གི་རྟེན་བརྟེན་པའི༔ འཁོར་བ་བསྒྲལ་ནས་གྲོལ་བར་ཤོག༔ ཉོན་མོངས་བརྒྱད་ཁྲིའི་འཁྲུལ་འཁོར་ལས༔ བྱུང་བའི་དགྲ་བགེགས་ལོག་འདྲེན་ཀུན༔ ཡུལ་མེད་ཟང་ཐལ་ཆེན་པོར་བསྒྲལ༔ མཉམ་པ་ཉིད་དུ་སངས་རྒྱས་གྱུར༔ ཨོ་མ་ཎི་པདྨེ་ཧཱུྃ་ཧྲཱིཿ གཞན་ཡང་དུས་དང་རྣམ་པ་ཀུན༔ སྐད་ཅིག་དྲན་རྫོགས་ཆེན་པོ་ལས༔ ཕྱི་སྣོད་འཇིག་རྟེན་བདེ་ཆེན་ཞིང་༔ རང་ཉིད་འཕགས་མཆོག་ཐུགས་རྗེའི་ལྷ༔ ཛོཾ།༔ སྒྱུ་འཕྲུལ་རོལ་པའི་སྟོབས་ཤུགས་ཀྱིས༔ ནང་བཅུད་སེམས་ཅན་ཐམས་ཅད་ཀུན༔ ཡེ་ཤེས་ལྷ་དང་ལྷ་མོར་གྱུར༔ འབྱུང་ཁམས་དག་སྦྱངས་སྔགས་ཀྱི་སྒྲ༔ ཀུན་ཀྱང་བུང་བ་ཚང་ཞིག་ལྟར༔ སྔགས་སྒྲ་འུར་ཆེམ་སྒྲོགས་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཡང་སྐབས་སུ༔ ཧྲཱིཿ འཁོར་འདས་དག་མཉམ་ཆེན་པོའི་མཁར༔ སྣང་སྟོང་ཐབས་ཤེས་དབྱེར་མེད་སྐུ༔ རྩལ་སྣང་འཁོར་གྱི་རོལ་པར་ཤར༔ སྣང་སྲིད་དག་པ་རབ་འབྱམས་ངང་༔ ཨོཾ་མ་ཎི་པདྨེ་ཧཱུྃ་ཧྲཱིཿ སླར་ཡང་༔ སྐབས་སུ་འདི་ལྟར་དམིགས༔ ཧྲཱིཿ རང་ཉིད་ལྷ་ཡི་ཐུགས་ཀ་ནས༔ འོད་འཕྲོས་མི་བསྐྱོད་ཡབ་ཡུམ་དང་༔ དམྱལ་བའི་ཐུབ་པའི་ཐུགས་རྒྱུད་བསྐུལ༔ དེ་དག་ལས་ནི་འོད་འཕྲོས་པས༔ དམྱལ་བའི་རྟེན་དང་བརྟེན་པ་ཀུན༔ རྨི་ལམ་དབྱིངས་སུ་སད་པ་ལྟར༔ མངོན་དགའི་ཞིང་དུ་འཕོ་བར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ སླར་ཡང་༔ ཧྲཱིཿ གཙོ་བོའི་ཐུགས་ཀའི་འོད་ཟེར་གྱིས༔ སྣང་བ་མཐའ་ཡས་ཡབ་ཡུམ་དང་༔ ཡི་དྭགས་ཐུབ་པའི་ཐུགས་རྒྱུད་བསྐུལ༔ དེ་དག་ལས་ནི་འོད་འཕྲོས་པས༔ ཡི་དྭགས་གནས་ཡུལ་སེམས་ཅན་ཀུན༔ སྒྱུ་མའི་འཁྲུལ་འཁོར་ཞིག་པ་ལྟར༔ བདེ་ཆེན་དག་པའི་ཞིང་དུ་ འཕོས༔ འཁྲུལ་མི་ཤེས་པའི་དབྱིངས་སུ་སད༔ ཨོཾ་མ་ཎི་པདྨེ་ཧཱུྃ་ཧྲཱིཿ ཡང་འདི་ལྟར༔ ཧྲཱིཿ རང་ཉིད་སངས་རྒྱས་སྤྲུལ་པའི་སྐུའི༔ ཐུགས་ཀའི་འོད་ཟེར་རབ་འཕྲོས་པས༔ རྣམ་པར་སྣང་མཛད་ཡབ་ཡུམ་དང་༔ བྱོལ་སོང་ཐུབ་པའི་ཐུགས་རྒྱུད་བསྐུལ༔ དེ་དག་ལས་ནི་འོད་འཕྲོས་པས༔ བྱོལ་སོང་གནས་ཡུལ་སེམས་ཅན་ཀུན༔ རྨི་ལམ་དབྱིངས་སུ་སད་པ་ལྟར༔ སྟུག་པོ་བཀོད་པའི་ཞིང་དུ་འཕོས༔ ཀུན་ཀྱང་སྔགས་སྒྲ་སྒྲོགས་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཡང་འདི་ལྟར༔ ཧྲཱིཿ རང་ཉིད་སངས་རྒྱས་སྤྲུལ་པའི་སྐུའི༔ ཐུགས་ཀའི་འོད་ཟེར་རབ་འཕྲོས་པས༔ དོན་ཡོད་གྲུབ་པ་ཡབ་ཡུམ་དང་༔ ལྷ་མིན་ཐུབ་པའི་ཐུགས་རྒྱུད་བསྐུལ༔ དེ་དག་ལས་ནི་འོད་འཕྲོས་པས༔ ལྷ་མིན་གནས་ཡུལ་སེམས་ཅན་ཀུན༔ རྨི་ལམ་དབྱིངས་སུ་སད་པ་ལྟར༔ ལས་རབ་རྫོགས་པའི་ཞིང་དུ་འཕོས༔ འཁྲུལ་མི་ཤེས་པའི་གདིང་ཐོབ་བསམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཡང་འདི་ལྟར༔ ཧྲཱིཿ རང་ཉིད་སངས་རྒྱས་སྤྲུལ་པའི་སྐུའི༔ ཐུགས་ཀའི་སྔགས་ལས་འོད་ཟེར་འཕྲོས༔ རིན་ཆེན་འབྱུང་ལྡན་ཡབ་ཡུམ་དང་༔ ལྷ་ཡི་ཐུབ་པའི་ཐུགས་རྒྱུད་བསྐུལ༔ དེ་དག་ལས་ནི་འོད་འཕྲོས་པས༔ ལྷ་ཡི་གནས་ཡུལ་སེམས་ཅན་ ཇོོཾ།༔ ཀུན༔ སྒྱུ་མའི་འཁྲུལ་འཁོར་ཞིག་པ་བཞིན༔ དཔལ་དང་ལྡན་པའི་ཞིང་དུ་འཕོས༔ འཁྲུལ་མེད་གདིང་ཆེན་འཐོབ་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ སླར་ཡང་འདི་ལྟར་དམིགས༔ ཧཱུྃ་ཧྲཱིཿ སྒྱུ་འཕྲུལ་རོལ་པའི་རྟེན་བརྟེན་པའི༔ ལྷ་དང་མི་ཡི་ཐུབ་པ་ཡི༔ སྐུ་གསུང་ཐུགས་ལས་འོད་ཟེར་འཕྲོས༔ མི་ཡི་གནས་ཡུལ་སེམས་ཅན་ཀུན༔ རྨི་ལམ་དབྱིངས་སུ་སད་པ་ལྟར༔ འོག་མིན་དག་པ་མཁའ་སྤྱོད་ཀྱི༔ རྟེན་དང་བརྟེན་པར་མངོན་སངས་རྒྱས༔ འཁྲུལ་མི་ཤེས་པའི་གདིང་ཐོབ་བསམ༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ལྟར་དམིགས་པ་གནད་ལྡན་ཅིང་༔ དག་པའི་ཞིང་ཁམས་རྟེན་བརྟེན་པ༔ ཡིད་ལ་འབྲལ་མེད་བརྟན་ཐོབ་བྱ༔ གནད་དེས་མ་དག་འཁོར་བའི་ཁམས༔ དག་སྦྱོར་མངོན་སངས་རྒྱས་འགྱུར་རོ༔ མེ་ཏོག་དཀར་པོའི་པད་ཚལ་རྒྱས༔ ནམ་མཁའ་གཡའ་དག་ཉི་ཟླ་ཤར༔ རོལ་མོ་འཁྲོལ་ཞིང་རི་རྩེར་འཛེག༔ དེ་ནི་དངོས་གྲུབ་འཐོབ་པའི་ལྟས༔ མཁའ་ལ་འཕུར་དང་གནས་ཡུལ་ཀུན༔ རབ་མཛེས་བཀོད་ལེགས་ཉམས་དགའ་བའི༔ ལྷ་དང་ཞིང་ཁམས་རྟག་ཏུ་རྨི༔ མཆོག་གི་འགྲུབ་རྟགས་དམ་པ་ཡིན༔ དེ་ལྟར་རྟག་ཏུ་བསྒོམ་བཟླས་ལ༔ བརྩོན་པའི་སྐྱེས་བུ་གང་སུ་དག༔ རྣམ་དག་བདེ་ཆེན་ཞིང་ཁམས་སུ༔ གྲོལ་བ་ཐོབ་པར་གདོན་མི་ཟ༔ བཀའ་སྲུང་དབང་ཕྱུག་ཆེན་པོས་སྲུངས་༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ དམ་ཉམས་ལག་ཏུ་མ་ཤོར་ཨ་ཐམ་རྒྱ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་བཏོན་ཏེ་མི་ལོ་སུམ་ཅུ་རྩ་གཅིག་བར་དུ་བཀའ་རྒྱ་བྱས་མཐར་རྟེན་འབྲེལ་དུས་ལ་བབ་ཚེ་ཆོས་ཀྱི་བདག་པོ་དགེ་ལེགས་དཔལ་བཟང་པོས་བསྐུལ་ངོར་ལྷ་ལུང་བསྟན་རྒྱས་གླིང་དུ་དག་པར་ཕབ་པའོ། །དགེའོ །དགེའོ། །དགེའོ །ལེགས་སོ།། 3 བདུད་འཇོམས་ཐུགས་ཆེན་བདུད་འཇོམས་ཐུགས་ཆེན་T11603 - 064 མ བསྐང་བཤགས ཟབ་གསང་མཁའ་འགྲོའི་སྙིང་ཐིག་ལས༔ འཕགས་པ་ཐུགས་རྗེ་ཆེན་པོའི་བསྐང་བཤགས་ཉམས་ཆག་རང་གྲོལ་བཞུགས་སོ༔ T1603 - 065 བདུད་འཇོམས་ཐུགས་ཆེན་ཇོོཾ།༔ ན་མོ་གུ་རུ་པདྨ་ཀ་ར་ཡེ༔ གརྦརྨརྡྡ་བྱབླཿ རྣལ་འབྱོར་ཉམས་ཆག་བསྐང་བའི་ཕྱིར༔ ལོངས་སྤྱོད་ཚོགས་ཀྱི་འཁོར་ལོ་བཤམས༔ ཁམས་གསུམ་སྣོད་བཅུད་འདོད་ཡོན་ཚོགས༔ འུབ་ཆུབ་རོལ་པའི་ཏིང་འཛིན་གྱིས༔ ཆོས་ཉིད་སྤྲོས་བྲལ་ཆེན་པོར་བཤིག༔ སྟོང་པའི་ངང་ལས་སྐད་ཅིག་གིས༔ མཁའ་ལ་འཇའ་ཚོན་ཤར་བ་ལྟར༔ འདོད་ཡོན་ནམ་མཁའ་མཛོད་དུ་སྤེལ༔ ཨོཾ་ཨཱཿ ཧཱུྃ༔ ལན་གསུམ་བརྗོད་ཅིང་ཟག་མེད་ཡེ་ཤེས་ཀྱི་བདུད་རྩིར་བྱིན་གྱིས་བརླབས༔ ནམ་མཁའ་མཛོད་སྔགས་ལན་གསུམ་བརྗོད་པས་སྐུ་གསུམ་རྒྱལ་བའི་ཞིང་ཁམས་ཐམས་ཅད་མཆོད་སྤྲིན་རྒྱ་མཚོས་ཁྱབ་པར་བསྒོམ༔ དེ་ནས་ཐུགས་དམ་བསྐུལ་བ་ལ༔ ཨོཾ་ཨཱཿཧཱུྃ༔ ཆོས་ཉིད་སྤྲོས་མཐའ་བྲལ་བའི་T1603 - 066 ༈ རྟ བཤགས་ཛོཾ།༔ མཁའ་དབྱིངས་ལས༔ ཡེ་ཤེས་རོལ་པའི་རྩལ་སྣང་དོན་དུ་ཤར༔ ཕྱི་ནང་གསང་མཆོད་འདོད་རྒའི་དཔལ་ཡོན་ཀུན༔ མི་ཟད་ནམ་མཁའ་མཛོད་དུ་སྤེལ་ཞིང་བསྒྱུར༔ རང་སྣང་དོན་གྱི་འོག་མིན་ཆེན་པོའི་དབྱིངས༔ སྐུ་གསུམ་རྒྱལ་བའི་ཞིང་ཁམས་ཡོངས་ཁྱབ་གྱུར༔ ཨོ་ཨཱཿ ཧཱུྃ༔ ལན་གསུམ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ ཀུན་བཟང་འོད་མི་འགྱུར་བའི་ཐུགས་དམ་བསྐང་༔ བཀོད་པ་ལྷུན་གྱིས་གྲུབ་པའི་ཕོ་བྲང་ནས༔ ཀུན་གཟིགས་རྡོ་རྗེ་འཆང་ཆེན་ཐུགས་དམ་བསྐང་༔ ཡེ་ཤེས་སྒྱུ་འཕྲུལ་གསང་ཆེན་དཀྱིལ་འཁོར་ནས༔ TI1603 - 067 ཁྱབ་བདག་རྡོ་རྗེ་སེམས་དཔའི་ཐུགས་དམ་བསྐང་༔ གཞོན་ནུ་བུམ་པ་སྐུ་ཡི་དཀྱིལ་འཁོར་ནས༔ སྤྲུལ་སྐུ་དགའ་རབ་རྡོ་རྗེའི་ཐུགས་དམ་བསྐང་༔ འཁོར་འདས་དག་མཉམ་རོལ་པའི་ཀློང་ཆེན་ནས༔ རིག་འཛིན་ཤྲཱི་སེང་ཧའི་ཐུགས་དམ་བསྐང་༔ རྔ་ཡབ་པདྨ་འོད་ཀྱི་གཞལ་ཡས་ནས༔ ཨོ་རྒྱན་པདྨ་འབྱུང་གནས་ཐུགས་དམ་བསྐང་༔ ཟག་མེད་བདེ་ཆེན་རོལ་པའི་མཁའ ཀློང་ནས༔ མཁའ་འགྲོ་ཡེ་ཤེས་མཚོ་རྒྱལ་ཐུགས་དམ་བསྐང་༔ མཆོག་ཐུན་དངོས་གྲུབ་རྒྱ་མཚོའི་གཏེར་མཛོད་ནས༔ འབྲོག་བན་ཁྱེའུ་ཆུང་ལོ་ཙཱའི་ཐུགས་དམ་བསྐང་༔ སྐུ་གསུམ་ལྷུན་གྱིས་གྲུབ་པའི་ཀློང་མཛོད་ནས༔ རིག་འཛིན་བདུད་འཇོམས་རྡོ་རྗེའི་ཐུགས་དམ་བསྐང་༔ སོ་ཐར་བྱང་སེམས་སྔགས་ཀྱི་སྡོམ་པ་དང་༔ བསླབ་བྱ་དམ་ཚིག་རྩ་བ་ཡན་ལག་ལས༔ འགལ་འཁྲུལ་ཉམས་ཆག་ཉེས་ལྟུང་ཅི་མཆིས་པ༔ མི་འཆབ་མི་སྦེད་གནོང་འགྱོད་སེམས་ཀྱིས་བཤགས༔ བཟོད་པར་བཞེས་ལ་དག་ཅིང་ཚངས་པར་སྩོལ༔ ཚེ་འདིར་རྡོ་རྗེ་འཛིན་པའི་ས་རུ་སྐྱོལ༔ ཧཱུྃ་ཧྲཱིཿ གནས་མཆོག་རི་བོ་ཏ་ལའི་རྩེ་མོ་ནས༔ འཕགས་མཆོག་ཐུགས་རྗེ་ཆེན་པོའི་ཐུགས་དམ་བསྐང་༔ དག་པ་མཁའ་སྤྱོད་ཞིང་ཁམས་དམ་པ་ནས༔ ཡུམ་ཆེན་མཁའ་ ཇོོཾ།༔ སྤྱོད་དབང་མོའི་ཐུགས་དམ་བསྐང་༔ མ་རིག་གཟུང་འཛིན་དབང་གྱུར་ཉེས་ལྟུང་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ འོག་མིན་སྟུག པོ་བཀོད་པའི་ཞིང་ཁམས་ནས༔ རིགས་བདག་སྣང་བ་མཐའ་ཡས་ཐུགས་དམ་བསྐང་༔ འཁོར་འདས་སྟོང་པར་སྦྱོར་བའི་དབྱིངས་ཆེན་མོ༔ ཡུམ་མཆོག་ན་བཟའ་དཀར་མོའི་ཐུགས་དམ བསྐང་༔ འདོད་ཆགས་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ ཤར་ཕྱོགས་མངོན་པར་དགའ་བའི་ཞིང་ཁམས་ནས༔ བཅོམ་ལྡན་རྡོ་རྗེ་སེམས་དཔའི་ཐུགས་དམ་བསྐང་༔ མེ་ལོང་ཡེ་ཤེས་ཆེན་པོའི་རྒྱས་འདེབས་མ༔ ཡུམ་ཆེན་མ་མཱ་ཀི་ཡི་ཐུགས་དམ་བསྐང་༔ ཞེ་སྡང་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ ལྷོ་ཕྱོགས་དཔལ་དང་ལྡན་པའི་ཞིང་ཁམས་ནས༔ བཅོམ་ལྡན་རིན་ཆེན་འབྱུང་ལྡན་ཐུགས་དམ་བསྐང་༔ མཉམ་ཉིད་ཡེ་ཤེས་ཆེན་པོའི་རྒྱས་འདེབས་མ༔ ཡུམ་ཆེན་སངས་རྒྱས་སྤྱན་མའི་ཐུགས་དམ་བསྐང་༔ ང་རྒྱལ་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ ནུབ་ཕྱོགས་བདེ་བ་ཅན་གྱི་ཞིང་ཁམས་ནས༔ བཅོམ་ལྡན་རྣམ་པར་སྣང་མཛད་ཐུགས་དམ་བསྐང་༔ ཆོས་དབྱིངས་ཡེ་ཤེས་ཆེན་པོའི་རྒྱས་འདེབས་མ༔ ཡུམ་ཆེན་ནམ་མཁའི་དབྱིངས ཕྱུག་ཐུགས་དམ་བསྐང་༔ གཏི་མུག་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ བྱང་ཕྱོགས་ལས་རབ་རྫོགས་པའི་ཞིང་ཁམས་ནས༔ བཅོམ་ལྡན་དོན་ཡོད་གྲུབ་པའི་ཐུགས་དམ་བསྐང་༔ བྱ་གྲུབ་ཡེ་ཤེས་ཆེན་པོའི་རྒྱས་འདེབས་མ༔ ཡུམ་ཆེན་དམ་ཚིག་སྒྲོལ་མའི་ཐུགས་དམ་བསྐང་༔ ཕྲག་དོག་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ ཉོན་མོངས་ང་རྒྱལ་གནས་དག་ང་རྒྱལ་འཇོམས༔ བཅོམ་ལྡན་དབང་པོ་བརྒྱ་བྱིན་ཐུགས་དམ་བསྐང་༔ ཉོན་མོངས ཕྲག་དོག་གནས་དག་ཕྲག་དོག་འཇོམས༔ བཅོམ་ལྡན་ཐག་བཟང་རིས་ཀྱི་ཐུགས་དམ་བསྐང་༔ ཉོན་མོངས་དུག་ལྔ་གནས་དག་དུག་ལྔ་འཇོམས༔ བཅོམ་ལྡན་ཤཱཀྱ་ཐུབ་པའི་ཐུགས་དམ་བསྐང་༔ ཉོན་མོངས་གཏི་མུག་གནས་དག་གཏི་མུག་འཇོམས༔ བཅོམ་ལྡན་སེང་གེ་རབ་བརྟན་ཐུགས་དམ་བསྐང་༔ ཉོན་མོངས་འདོད་ཆགས་གནས་དག་འདོད་ཆགས་འཇོམས༔ ཛོཾ།༔ བཅོམ་ལྡན་ཁ་འབར་དྷེ་ཝའི་ཐུགས་དམ་བསྐང་༔ ཉོན་མོངས་ཞེ་སྡང་གནས་དག་ཞེ་སྡང་འཇོམས༔ བཅོམ་ལྡན་ཆོས་ཀྱི་རྒྱལ་པོའི་ཐུགས་དམ་བསྐང་༔ གཟུང་འཛིན་དབང་གྱུར་ལས་ཉོན་བག་ཆགས་བཤགས༔ དག་ནས་རྣམ་གྲོལ་མཆོག་གི་དངོས་གྲུབ་སྩོལ༔ ཧཱུྃ༔ སྙིང་རྗེས་ཁམས་གསུམ་འགུག་བྱེད་ཅིང་༔ དུག་གསུམ་ཞི་བ་ཆེན་པོར་སྦྱོར༔ རྡོ་རྗེ་རྟ་མགྲིན་ཡབ་ཡུམ་ཀྱི༔ ཐུགས་དམ་བསྐང་ངོ་ཉམས་ཆག་བཤགས༔ བྱམས་པས་འགྲོ་ཁམས་དབྱིངས་སུ་སྦྱོར༔ ཡེ་ཤེས་ཡོན་ཏན་རྒྱས་པར་བྱེད༔ རཏྣ་རྟ་མགྲིན་ཡབ ཡུམ་གྱི༔ ཐུགས་དམ་བསྐང་ངོ་ཉམས་ཆག་བཤགས༔ དགའ་བས་འཁོར་འདས་དབང་དུ་བྱེད༔ ཆོས་ཉིད་དག་མཉམ་ཆེན་པོར་རོལ༔ པདྨ་རྟ་མགྲིན་ཡབ་ཡུམ་གྱི༔ ཐུགས་དམ་བསྐང་ངོ་ཉམས་ཆག་བཤགས༔ བཏང་སྙོམས་འཁོར་བ་དབྱིངས་སྒྲོལ་བྱེད༔ དྲག་པོའི་ཤུགས་ཀྱིས་རཱུ་ཏྲ་བསྒྲལ༔ ཀརྨ་རྟ་མགྲིན་ཡབ་ཡུམ་གྱི༔ ཐུགས་དམ་བསྐང་ངོ་ཉམས་ཆག་བཤགས༔ དཀྱིལ་འཁོར་ཕྱི་ནང་བར་ཁྱམས་སུ༔ ཡེ་ཤེས་སྒྱུ་འཕྲུལ་རོལ་པའི་ལྷ༔ སངས་རྒྱས་བྱང་སེམས་རིག་འཛིན་དང་༔ དཔའ་བོ་མཁའ་འགྲོ་ཆོས་སྐྱོང་བཅས༔ མ་ལུས་ འཁོར་བཅས་ཐུགས་དམ་བསྐང་༔ ཧོཿ དཀྱིལ་འཁོར་ལྷ་ཚོགས་དགོངས་སུ་གསོལ༔ ཆོས་ཉིད་བརྡལ་ཁྱབ་ཆེན་པོའི་དབྱིངས༔ མ་རིག་བདག་སྣང་གྱིས་བསྒྲིབ་བཤགས༔ འཁོར་འདས་དག་མཉམ་ཆེན་པོ་ལ༔ གཉིས་སུ་འཛིན་པའི་སྒྲིབ་པ་བཤགས༔ སྣང་སྲིད་མེད་པ་ཆེན་པོ་ལ༔ དངོས་པོར་འཛིན་པའི་སྒྲིབ་པ་བཤགས༔ འཁོར་འདས་ཆོས་ཉིད་གཅིག་པུ་རུ༔ མ་རྟོགས་ཐ་དད་བཟུང་བ་བཤགས༔ ཆོས་ཉིད་ཕྱལ་བ་ཆེན་པོ་ལ༔ བཟང་ངན་བལྟས་པ་མཐོལ་ལོ་བཤགས༔ སྐུ་གསུམ་ངོ་བོ་ལྷུན་གྲུབ་ངང་༔ མ་རིག་གཞན་དུ་འཛིན་པ་ཡི༔ ལས་དང་ཉོན་མོངས་བག་ཆགས་ཀུན༔ མ་ལུས་གཅིག་ཏུ་བསྡུས་ནས་སུ༔ མི་འཆབ་མི་སྦེད་གནོང་འགྱོད་ཀྱི༔ མཐོལ་ལོ་བཤགས་སོ་བཟོད་པར་གསོལ༔ ཕྱིན་ཆད་སྡོམ་པར་བགྱིད་ལགས་སོ༔ དུས་གསུམ་རྒྱལ་བ་དཔང་དུ་བཙུད༔ ན་རག་དོང་སྤྲུགས་ཡང་སྙིང་བཟླ༔ ཨོཾ་བཛྲ་སཏྭ་ས་མ་ཡ༔སོགས་ཡི་གེ་བརྒྱ་པ་ཅི་མང་བཟླ༔ དེ་ལྟར་ཁ་ཙམ་མ་ཡིན་པར༔ བསྐྱེད་དང་བསྒོམ་དང་དམིགས་པའི་གནད༔ ལྡན་ན་ཉམས་ཆག་ཀུན་བྱང་ཞིང་༔ མཆོག་གི་དངོས་གྲུབ་ངེས་པར་ཐོབ༔ ཡེ་ཤེས་ལྷ་མཉེས་ཞལ་གཟིགས་དང་༔ སྲུང་མ་ཀུན་གྱིས་ཕྲིན་ལས་བསྒྲུབ༔ བཀའ་སྲུང་མ་ཧཱ་དཱེ་ཝ་དང་༔ གཟའ་བདུད་དུག་གི་སྤུ་གྲིས་སྲུངས༔ ཛོཾ།༔ བསྟན་ལ་རྒོལ་བའི་དགྲ་བོ་སྒྲོལ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་0 རྗེས་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་རྗེ་ནས་གདན་དྲངས་ཏེ་མི་ལོ་སུམ་ཅུ་རྩ་གཅིག་བར་དུ་བཀའ་རྒྱ་བྱས་མཐར་ཆོས་ཀྱི་བདག་པོ་དགེ་ལེགས་དཔལ་བཟང་པོས་ནན་དུ་བསྐུལ་ངོར་བསྟན་རྒྱས་ནོར་བུའི་གླིང་དུ་གཏན་ལ་ཕབ་པའོ།། དགེའོ། །དགེའོ །དགེའོ །ལེགས་སོ། །སརྦ་མངྒ་ལཾ།། 69བཤགས་T1603 - 073 T11603 - 074 ཟབ་གསང་མཁའ་འགྲོའི་སྙིང་ཐིག་ལས༔ འཕགས་མཆོག་ཐུགས་རྗེ་ཆེན་པོའི་བསྐུལ་བཟློག་འཁོར་བ་ཡོངས་སྒྲོལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རྩརྒྱབླ།རྐཿ ཟབ་གསང་ཉམས་སུ་ལེན་པའི་ཚེ༔ བསྐུལ་བ་འདི་ཉིད་མང་གནད་ཤེས༔ གསེར་སྐྱེམས་གཏོར་མ་བཤམས་བྱས་ཏེ༔ འདོད་ཡོན་ནམ་མཁའ་མཛོད་དུ་སྤེལ༔ དེ་ནས་བསྐུལ་བའི་རིམ་པ་ལ༔ ཧཱུྃ་ཧྲཱིཿ བཞེངས་ཤིག་འཕགས་མཆོག་ཐུགས་རྗེའི་ལྷ༔ ཆོས་ཀྱི་དབྱིངས་ལས་གཟུགས་སྐུར་བཞེངས༔ གང་འདུལ་ཐབས་དང་ཐུགས་རྗེ་ཡིས༔ སྤྲུལ་དང་ཡང་སྤྲུལ་དཔག་མེད་པ༔ འགྱེད་ཅིང་གདུལ་དཀའ་འདུལ་དུ་གསོལ༔ སྒྲུབ་པའི་རྣལ་འབྱོར་མཆེད་ལྕམ་གྱི༔ ནད་གདོན་སྡིག་སྒྲིབ་བག་ཆགས་ཀུན༔ ཡུལ་མེད་ཆེན་པོར་དག་པར་མཛོད༔ ཚེ་བསོད་དཔལ་འབྱོར་ཡོན་ཏན་ཀུན༔ ཡར་ངོའི་ཟླ་ལྟར་འཕེལ་རྒྱས་མཛོད༔ ཁམས་གསུམ་སྲིད་གསུམ་མ་ལུས་པ༔ དབང་དུ་བསྡུས་ཤིང་བྲན་དུ་འཁོལ༔ བསྟན་དང་འགྲོ་ལ་རྒོལ་བ་ཡི༔ གཟུགས་ཡོད་གཟུགས་མེད་དགྲ་དང་བགེགས༔ རྗེས་ཤུལ་མེད་པར་རྡུལ་དུ་རློག༔ ཁྱེད་ཀྱི་བཀའ་སྡོད་སྤྲུལ་པ་ཡི༔ ཡེ་ཤེས་འཇིག་རྟེན་ལྷ་སྲུང་མ༔ ཀུན་ཀྱང་སྐྱེམས་གཏོར་འདི་བཞེས་ལ༔ བསྟན་དང་བསྟན་འཛིན་སྡེ་ཚོགས་སྐྱོངས༔ ཕྲིན་ལས་རབ་འབྱམས་ཡོངས་འགྲུབ་ཅིང་༔ རྫོགས་ལྡན་དུས་ཀྱི་བསྐལ་པ་བཞིན༔ བསྟན་འགྲོ་བདེ་ལ་འགོད་པར་མཛོད༔ རང་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ དེ་ནས་བཟློག་པ་བྱ་བ་ལ༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་རྒྱལ་བ་རྒྱ་མཚོ་དང་༔ ཆོས་སྲུང་དམ་ཅན་དབྱིངས་ནས་བཞེངས༔ དད་དམ་གཉན་པོས་ཐུགས་དམ་བསྐུལ༔ མངོན་སྤྱོད་ཕྲིན་ལས་དུས་ལ་བབ༔ ཐོགས་མེད་མཐུ་དང་སྟོབས་ཤུགས་ཕྱུང་༔ བདག་ཅག་སྒྲུབ་མཆོག་འཁོར་བཅས་ལ༔ བསམ་སྦྱོར་ངན་པའི་རྒོལ་བ་ཡི༔ གཟུགས་ཅན་དགྲ་བོ་སྒྲོལ་ཞིང་ཟློག༔ གཟུགས་མེད་གདོན་བགེགས་བསྒྲལ་ཞིང་ཟློག༔ ཕྱི་རྐྱེན་སེམས་ཅན་འཚེ་བ་ཟློག༔ ནང་རྐྱེན་མི་ཡི་ན་ཚ་དང་༔ ཕྱུགས་ཀྱི་གོད་ཁ་ཐམས་ཅད་ཟློག༔ གསང་རྐྱེན་ཉོན་མོངས་འཁྲུལ་འཁོར་ཟློག༔ བྱད་ཁ་རྦོད་གཏོང་ཐམས་ཅད་ཟློག༔ ལྷ་དང་སྲུང་མའི་བཀའ་ཆད་ཟློག༔ ཆོས་སྲིད་ནོར་ལ་བར་ཆད་ཅིང་༔ དངོས་གྲུབ་འཕྲོག་དང་རྐུ་འཕྲོག་པའི༔ དགྲ་བགེགས་གནོད་བྱེད་ཐམས་ཅད་ཟློག༔ སྡང་བར་བྱེད་པའིདགྲ་ལ་ཟློག༔ གནོད་པར་བྱེད་པའི་བགེགས་ལ་ཟློག༔ འཁོར་བ་མྱང་འདས་ཆེན་པོར་ཟློག༔ ཛོཾ།༔ གཟུང་འཛིན་བདག་མེད་སྟོང་པར་ཟློག༔ སྡུག་བསྔལ་བདེ་བ་ཆེན་པོར་ཟློག༔ སྐྱེ་བ་ནམ་མཁའི་རྡོ་རྗེར་ཟློག༔ རྒ་བ་གཞོན་ནུ་བུམ་སྐུར་ཟློག༔ ན་བ་ཟག་མེད་བདེ་བར་ཟློག༔ འཆི་བ་འོད་གསལ་ཆོས་སྐུར་ཟློག༔ ཐམས་ཅད་དག་མཉམ་ངང་དུ་ཟློག༔ ཨེ་ས་མ་ཡ་བྷྱོ་བྷྱོ༔ བཟློག་བཟློག༔ བསྐྱེད་རིམ་གདིང་ལྡན་རྣལ་འབྱོར་པས༔ འདི་ལྟར་བཟློག་པའི་ལས་བརྩོན་ན༔ ཕྱི་ནང་བར་ཆད་ཀུན་སེལ་ཞིང་༔ དངོས་གྲུབ་བར་ཆད་མེད་པར་འཐོབ༔ བཀའ་སྲུང་དབང་ཕྱུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་ཤྭ་བྲག་རྡོ་