Tibetan
རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཉིད་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་ བཏོན་ཏེ་མི་ལོ་སུམ་ཅུ་རྩ་གཉིས་བར་དུ་བཀའ་རྒྱ་བྱས་ཏེ་མཐར་རྟེན་འབྲེལ་དུས་ལ་བབས་ཚེ་ཆོས་ཀྱི་བདག་པོ་དགེ་ལེགས་དཔལ་བཟང་པོས་ནན་དུ་བསྐུལ་ངོར་གསེར་སྟོད་བླ་མ་རོང་དུ་གཏན་ལ་ཕབ་པའོ། །དགེའོ། །དགེའོ། །དགེའོ།། ལེགས་སོ། །སརྦ་མངྒ་ལཾ།། α× བདུད་འཇོམས་ཐུགས་ཆེན་TI1603 - 022 བདུད་འཇོམས་ཐུགས་ཆེན་TI1603 - 022 ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ འཕགས་མཆོག་ཐུགས་རྗེ་ཆེན་པོའི་གསོལ་འདེབས་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བྷགམཧཨཿ ཨེ་མ་ཧོཿ རང་སྣང་དོན་གྱི་འོག་མིན་ཆེན་པོ་ན༔ གདོད་མའི་མགོན་པོ་ཀུན་བཟང་ཡབ་ཡུམ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ བདེ་ཆེན་པདྨ་འོད་ཀྱི་གཞལ་ཡས་ན༔ ཆོས་སྐུ་སྣང་བ་མཐའ་ཡས་འོད་དཔག་མེད༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ རྔ་ཡབ་པདྨ་འོད་ཀྱི་གཞལ་ཡས་ན༔ ཨོ་རྒྱན་ཆེན་པོ་པདྨ་ཀ་ར་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ཡེ་ཤེས་སྒྱུ་མར་རོལ་པའི་ཀློང་ཡངས་ན༔ མ་གཅིག་མཁའ་འགྲོ་ཡེ་ཤེས་མཚོ་རྒྱལ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ གསང་ཆེན་ཟབ་རྒྱའི་ཀློང་མཛོད་ཡངས་པ་ན༔ གྲུབ་པའི་རིག་འཛིན་ཁྱེའུ་ཆུང་ལོ་ཙཱ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ཆོས་ཉིད་ནམ་མཁའ་མཛོད་ཀྱི་དབྱིངས་ ཀློང་ན༔ ཁྱབ་བདག་འཁོར་ལོའི་དབང་ཕྱུག་བླ་མ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ལྷོ་ཕྱོགས་རི་བོ་ཏ་ལའི་ཞིང་ཁམས་ན༔ འཕགས་མཆོག་ཐུགས་རྗེ་ཆེན་པོ་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ཤར་ཕྱོགས་མངོན་པར་དགའ་བའི་ཞིང་ཁམས་ན༔ བཅོམ་ལྡན་རྡོ་རྗེ་སེམས་དཔའ་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ལྷོ་ཕྱོགས་དཔལ་དང་ལྡན་པའི་ཞིང་ཁམས་ན༔ བཅོམ་ལྡན་རིན་ཆེན་འབྱུང་ལྡན་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ ནུབ་ཕྱོགས་བདེ་བ་ཅན་གྱི་ཞིང་ཁམས་ན༔ བཅོམ་ལྡན་རྣམ་པར་སྣང་མཛད་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ བྱང་ཕྱོགས་ལས་རབ་རྫོགས་པའི་ཞིང་ཁམས་ན༔ བཅོམ་ལྡན་དོན་ཡོད་གྲུབ་པ་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ གང་ལ་གང་ འདུལ་ཆུ་ཟླའི་རྣམ་རོལ་གར༔ སྤྲུལ་པའི་སྐུ་མཆོག་ཐུབ་པ་དྲུག་པོ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་མཛོད༔ རབ་འབྱམས་ཕྲིན་ལས་ཡོངས་གྲུབ་དཀྱིལ་འཁོར་ན༔ བཅོམ་ལྡན་རྟ་མགྲིན་རིགས་བཞི་ཡབ་ཡུམ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་རྡོ་རྗེ གསུམ་དུ་སྨིན་གྲོལ་མཛོད༔ བཀའ་དང་དམ་ཚིག་གཉན་པོའི་ཕོ་བྲང་ན༔ བཀའ་སྲུང་དྲེགས་པའི་ཚོགས་ལ་གསོལ་བ་འདེབས༔ ཕྱི་ནང་གསང་བའི་བར་ཆད་ཀུན་ཞི་ནས༔ བསྟན་དགྲ་མ་ལུས་འཇོམས་པར་བྱིན་གྱིས་རློབས༔ དེ་ལྟར་གསོལ་བ་བཏབ་པའི་རྟེན་འབྲེལ་མཐུས༔ རང་དོན་ཆོས་སྐུ་མངོན་དུ་འགྱུར་བ་དང་༔ གཞན་དོན་གཟུགས་སྐུས་འཁོར་བ་དོང་སྤྲགས་ནས༔ འགྲོ་ཀུན་འཕགས་པའི་གོ་འཕང་ཐོབ་པར་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ ༔ ཞེས་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་གཅིག་བར་དུ་བཀའ་རྒྱས་བཏབ་སྟེ་མཐར་ཆོས་ཀྱི་བདག་པོ་དགེ་ལེགས་དཔལ་བཟང་པོས་ནན་དུ་བསྐུལ་ངོར་གཏན་ལ་ཕབ་པའོ། །དགེའོ །དགེའོ །དགེའོ །ལེགས་སོ། །སརྦ་མངྒ་ལཾ།། T11603 - 026 ཟབ་གསང་མཁའ་འགྲོའི་སྙིང་ཐིག་ལས༔ འཕགས་མཆོག་ཐུགས་རྗེ་ཆེན་པོའི་སྒྲུབ་པ་དངོས་གྲུབ་གཏེར་མཛོད་བཞུགས་སོ༔ T1603 - 027 བདུད་འཇོམས་ཐུགས་ཆེན་ཛོཾ།༔ རྣ་རྨོ་རྨབྷཧློཏྭམ་བྷཤཧཱ༔ ན་མོ་གུ་རུ་པདྨ་ཀ་ར་ཡེ༔ རང་བྱུང་ཡེ་སངས་རྒྱས་པ་གདོད་མའི་གཞི༔ མངོན་གྱུར་ཆེན་པོར་དབང་བསྒྱུར་ཆོས་ཀྱི་སྐུར༔ བྱར་མེད་བྱ་བཏང་སྤྱོད་པའི་གདིང་ཆེན་པོར༔ མི་ཚེ་སྙིང་པོའི་སྒྲུབ་ལ་དྲིལ་བྱེད་ཀྱི༔ ལས་སྣ་བསྐལ་པའི་རླུང་གིས་བསྒྱུར་བ་ཡི༔ སྐལ་དམན་ཐབས་ཀྱིས་ལམ་དུ་ཁ་དྲངས་ནསཿ འགྲོ་བའི་བླ་མ་ཐུགས་རྗེ་ཆེན་པོ་ནི༔ རྡོ་རྗེ་གསུམ་གྱི་ལྷུམས་སུ་འཇུག་པའི་ལམ༔ འབྲེལ་ཚད་རྣམ་པར་གྲོལ་བའི་ཟབ་ལམ་མཆོག༔ མ་འོངས་བརྒྱུད་འཛིན་ཐར་ལམ་ལ་གཟུད་ཕྱིར༔ མཐའ་ཡས་དབང་པོ་པདྨ་བདག་གིས་བསྟན༔ འདི་ཉིད་ལག་ཏུ་ལེན་པའི་རིམ་པ་ནི༔ རབ་དབེན་སྐྱིད་པའི་གནས་མཆོག་ཏུ༔ དཀྱིལ་འཁོར་བཀོད་ལེགས་ཡིད་འོང་བ༔ T11603 - 028 ཛོཾ།༔ སྒོ་གྲུ་རྟ་བབས་ཁོར་ཡུག་བཅས༔ སྤྱི་དང་མཐུན་པ་ཉིད་དུ་བྱ༔ མེ་ཏོག་ཚོམ་བུ་རབ་ཏུ་བཀོད༔ རྩ་གསུམ་གཏོར་མ་བརྗིད་ལྡན་བཤམ༔ མཆོད་རྫས་ཡོ་བྱད་འབྱོར་ཚོགས་བཀོད༔ དཀར་ཕྱོགས་སྐྱོང་ལ་དཀར་གཏོར་དང་༔ ནག་ཕྱོགས་སྐྱོང་ལ་དམར་གཏོར་ཕུལ༔ དང་པོ་སྐྱབས་སུ་འགྲོ་བ་ནི༔ ན་མོ༔ བླ་མེད་བླ་མ་དཀོན་མཆོག གསུམ༔ ཡི་དམ་མཁའ་འགྲོ་དམ་ཅན་ཚོགས༔ ཡོངས་འདུས་བདག་ཉིད་སྤྱན་རས་གཟིགས༔ འཁོར་དང་བཅས་ལ་སྐྱབས་སུ་མཆི༔ དེ་ནས་སེམས་བསྐྱེད་པ་ལ༔ ཧོཿ བདག་གིས་མཁའ་མཉམ་སེམས་ཅན་ཀུན༔ རྣམ་གྲོལ་ས་ལ་འགོད་པའི་ཕྱིར༔ འཕགས་མཆོག་ཐུགས་རྗེ་ཆེན་TI1603 - 029 བདུད་འཇོམས་ཐུགས་ཆེན་པོ་ཡི༔ གསང་གསུམ་རྡོ་རྗེའི་གྲོང་འཇུག་བྱ༔ དེ་ནས་བགེགས་བསྐྲད་པ་ལ༔ ཧོཿ ང་ནི་དབང་ཆེན་ཁྲོས་པའི་སྐུ༔ ཁམས་གསུམ་འདི་ན་སུ་ཡང་རུང་ལོག་པར་འདྲེན་པའི་གདོན་དང་བགེགས༔ འདོད་ཡོན་གཏོར་མ་འདི་ལོངས་ལ༔ སོ་སོ་རང་རང་གནས་སུ་དེངས༔ གལ་ཏེ་མི་འགྲོ་འདུག་གྱུར་ན༔ ཡེ་ཤེས་རོལ་པའི་སྒྱུ་འཕྲུལ་ལས༔ མཚོན་ཆ་སྣ་ཚོགས་རབ་འབར་བས༔ ལུས་ངག་རྡུལ་ཕྲན་བཞིན་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ སླར་ཡང་སྲུང་འཁོར་བསྒོམ་པ་ལ༔ ཧཱུྃ༔ ཡེ་ཤེས་རོལ་པའི་ཆོ་འཕྲུལ་གྱིས༔ ལོག་འདྲེན་འདུལ་Tl1603 - 030 ཛོཾ།༔ བའི་མཚོན་ཆ་ཐུན༔ ཚུར་འདུས་སྲུང་བའི་འཁོར་ལོ་ནི༔ རིམ་པ་དྲུག་གི་ཚུལ་དུ་བསྐོར༔ མི་ཤིགས་རྡོ་རྗེའི་རྒྱས་བཏབ་ནས༔ སྲ་མཁྲེག་གཞོམ་གཞིག་མེད་པར་གྱུར༔ བཛྲ་རཏྣ་པདྨ་ཀརྨ་ཙཀྲ་ཛྭ་ལ་རཾ་རཀྵ་རཀྵ་ཧཱུྃ་བྷཱ༔ དེ་ནས་བརྡ་སྒོ་དབྱེ་བ་ལ༔ ཧཱུྃ༔ འཁོར་འདས་དག་མཉམ་ཆོས་ཀྱི་སྐུ༔ ལྷུན་གྲུབ་རོལ་པ་ལོངས་སྤྱོད་རྫོགས༔ ཐུགས་རྗེ་ཀུན་ཁྱབ་སྤྲུལ་པའི་སྐུ༔ རང་བྱུང་ཡེ་ཤེས་འཆར་སྒོ་ཕྱེས༔ བཛྲ་པྲ་བེ་ཤ་ཡ་ཕཊ༔ དེ་ནས་བརྡ་ཕྱག་འཚལ་བ་ལ༔ ཧཱུྃ༔ ཀ་དག་བརྡལ་ཁྱབ་ཆེན་པོའི་མཁའ༔ གདོད་ནས་མ་བཅོས་སྤྲོས་མཐའ་བྲལ༔ སྐུ་དང་T11603 - 03 1 ཡེ་ཤེས་རོལ་པའི་མཛོད༔ རང་ཞལ་མཇལ་ཕྱིར་ཕྱག་འཚལ་ལོ༔ ན་མོ་ན་མ་ཧོཿ དེ་ནས་བྱིན་ཆེན་དབབ་པ་ནི༔ ཧཱུྃ་ཧྲཱིཿ འཁོར་འདས་དག་མཉམ་གཞལ་ཡས་ནས༔ ཆོས་སྐུ་རྒྱལ་བ་འོད་དཔག་མེད༔ སྒྱུ་འཕྲུལ་རིགས་ལྔ་གངས་ཆེན་མཚོ༔ གང་འདུལ་ཐུགས་རྗེའི་གཏེར་ཆེན་པོ༔ བྱང་སེམས་འཕགས་པའི་ཚོགས་དང་བཅས༔ མོས་གུས་དྲག་པོས་ཐུགས་རྒྱུད་བསྐུལ༔ ཆོས་ཀྱི་དབྱིངས་ལས་སྐུར་བཞེངས་ལ༔ གནས་འདིར་བྱིན་ཆེན་དབབ་ཏུ་གསོལ༔ སྒྲུབ་མཆོག་བདག་ལ་དབང་བསྐུར་རོ༔ མཆོག་ཐུན་དངོས་གྲུབ་བྱིན་ཕོབ་ཅིག༔ ན་མོ་ཨཱུཪྻ་ལོ་ཀི་ཤྭ་ར་མཎྜ་ལ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཨ་བེ་ཤ་ཡ་ཨ་ཨ༔ དེ་ནས་མཆོད་རྫས་བྱིན་བརླབ་ནི༔ ཧཱུྃ་ཧྲཱིཿ སྟོང་ཆེན་ཡུམ་གྱི་མཁའ་ཀློང་དུ༔ རང་བྱུང་ཡེ་ཤེས་རོལ་པའི་རྩལ༔ འདོད ཡོན་སྣང་བ་རྒྱན་དུ་ཤར༔ མི་ཟད་ནམ་མཁའ་མཛོད་དུ་སྤེལ༔ ཆོས་ཉིད་སྒྱུ་མར་རོལ་པའི་འཕྲུལ༔ གང་ལ་གང་འདོད་མཆོད་པའི་སྤྲིན༔ མ་བཙལ་རང་བྱུང་ལྷུན་གྱིས་གྲུབ༔ ཨོཾ་བཛྲ་ཨརྒྷཾ་སོགས ཤབྡ་ཨཱཿ ཧཱུྃ༔ རཱུ་པ་ཤཔྡ་གནྡྷེ་རཱ་ས་སྤཪྴ་ཨཱཿཧཱུྃ༔ མ་ཧཱ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿ ཥྛ༔ མ་ཧཱ་བ་ལིངྟ་ཧཱུྃ་ཧྲཱིཿ ཤཱ༔ མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿ ཋ༔ མ་ཧཱ་བོ་དྷི་ ཇོོཾ།༔ ཙིཏྟ་ཏ་ན་ག་ན་སརྦ་པཱུ་ཛ་སྭཱ་ཧཱ༔ དེ་ནས་དེ་བཞིན་ཉིད་ཀྱི་ཏིང་ངེ་འཛིན་ལ༔ ཧཱུྃ༔ སྣང་སྲིད་གཟུང་དང་འཛིན་པའི་ཆོས༔ རྨི་ལམ་དབྱིངས་སུ་སད་པ་ལྟར༔ ཆོས་ཉིད་དེ་བཞིན་ཉིད་དུ་ཞིག༔ ཀ་དག་ཆེན་པོ་མངོན་དུ་བྱ༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ དེ་ནས་ཀུན་ཏུ་སྣང་བའི་ཏིང་ངེ་འཛིན༔ ཨཱཿ སྟོང་ཆེན་དབྱིངས་ཀྱི་རང་རྩལ་ལས༔ ཁྱབ་བྱེད་ཡེ་ཤེས་ཆེན་པོ་ཤར༔ འཁོར་འདས་དག་མཉམ་བྱང་ཆུབ་སེམས༔ ཀུན་མཁྱེན་ཀུན་གཟིགས་ཀུན་ཏུ་སྣང་༔ ངྷརྨ་དྷཱ་ཏུ་ཛྙཱ་ན་ག་ག་ན་ཨཱཿ དེ་ནས་རྒྱུ་ཡི་ཏིང་ངེ་འཛིན༔ ཧཱུྃ༔ དབྱིངས་ལས་ཐུགས་རྗེའི་རོལ་པའི་རྩལ༔ མཁའ་ལ་འཇའ་ཚོན་ཤར་བ་བཞིན༔ དུས་གསུམ་བདེ་གཤེགས་ཀུན་གྱི་སྲོག༔ རིག་པ་རྒྱ་ཡི་ཡི་གེར་ཤར༔ ཧྲཱིཿ ཙིཏྟ་བཛྲ་ས་མ་ཏི་ཨཱཿ དེ་ནས་ཞིང་ཁམས་བསྐྱེད་པ་ལ༔ ཧྲཱི ལས་འབྱུང་ཆེན་ལྔ་ཡི་ས་བོན་འཕྲོས༔ ཨེ་ལས་ནམ་མཁའ་མཐིང་ནག་རོལ་པའི་མཁར༔ ཡཾ་ལས་འོག་གཞི་རླུང་གི་དཀྱིལ་འཁོར་ལྗང་༔ བཾ་ལས དྭངས་གསལ་རྙོགས་བྲལ་རྒྱ་མཚོར་འཁྱིལ༔ སུཾ་ལས་དབང་ཆེན་གསེར་གྱི་ས་གཞིར་བརྡལ༔ རཾ་ལས་ཡེ་ཤེས་འོད་ཕུང་མེ་ལྟར་འབར༔ ཡེ་ཤེས་ལྔ་ཡི་ངོ་བོར་ལྷུན་གྱིས་གྲུབ༔ བྱང་ དེ་སྟེང་འབྱུང་ཆེན་ལྔ་ཡི་དྭངས་མ་ལས༔ འོད་ལྔའི་ས་གཞི་རྒྱ་ཆེ་ཁྱོན་ཡངས་པ༔ འཇམ་མཉེན་ཁོད་སྙོམས་སྨན་གྱི་སྤང་རི་ལ༔ དྲི་ཞིམ་སྣ་ཚོགས་ངད་པ་རབ་ཏུ་འཐུལ༔ སྣ་ཚོགས་པདྨོ་རྒྱས་པས་ཡོངས་སུ་ཁེབས༔ ཡན་ལག་བརྒྱད་ལྡན་མཚོ་དང་རྫིང་བུ་དང་༔ དག་བྱེད་ཆུ་མིག་དཔག་བསམ་ལྗོན་པའི་ཤིང་༔ ནོར་བུའི་གྲམ་པ་གསེར་གྱི་བྱེ་མ་དང་༔ གཡུ་ཡི་ནེའུ་སིང་སྤྲུལ་པའི་བྱ་རིགས་དང་༔ ཅང་ཤེས་རི་དྭགས་མཛེས་པས་རྩེ་འཇོ་རོལ༔ དེ་དབུས་བྷྲཾ་ཡིག་འོད་དང་བཅས་པ་བབས༔ ཡོངས་གྱུར་ཡེ་ཤེས་ལྔ་ཡི་རང་མདངས་ལས༔ རིན་ཆེན་སྣ་ལྔ་ལས་གྲུབ་གཞལ་ཡས་ཁང་༔ གྲུ་བཞི་སྒོ་བཞི་ཚད་དང་མཚན་ཉིད་རྫོགས༔ རྟ་བབས་བང་རིམ་མུ་ཁྱུད་ཁོར་ཡུག་དང་༔ བུམ་པ་བྲེ་དང་ཆོས་འཁོར་གདུགས་ཏོག་མཛེས༔ དྲྭ་བ་དྲྭ་ཕྱེད་འཕྱང་ཞིང་དྲིལ་གཡེར་བརྒྱན༔ དེ་དབུས་རིན་ཆེན་སྣ་ཚོགས་ཁྲི་ཡི་ཁར༔ མ་ཆགས་པདྨ་ཐབས་ཤེས་ཉི་ཟླའི་སྟེང་༔ རྒྱུ་ཡི་ངོ་བོ་ཧྲཱིཿ ཡིག་དཀར་པོ་བབ༔ འོད་ཟེར་རབ་འཕྲོས་རྒྱལ་བ་མཆོད་པས་མཉེས༔ ལྷ་དང་ཞིང་ཁམས་མ་ལུས་བསྡུས་ཏེ་ཐིམ༔ མར་འཕྲོས་ཁམས་གསུམ་འཁོར་བ་ཆོས་སྐུར་བསྒྲལ༔ ཚུར་འདུས་སྣོད་བཅུད་དཔལ་ཡོན་བསྡུས་ཏེ ཛོཾ།༔ བསྟིམ༔ ཡོངས་གྱུར་རང་ཉིད་ཐུགས་རྗེ་ཆེན་པོའི་སྐུ༔ དཀར་གསལ་ཞལ་གཅིག་ཕྱག་བཞི་མཚན་དཔེ་རྫོགས༔ གཞོན་ཚུལ་ཞི་འཛུམ་འོད་དང་འོད་ཟེར་འབར༔ དང་པོའི་ཕྱག་གཉིས་ཐུགས་ཀར་ཐལ་མོ་སྦྱར༔ འོག་མ་གཉིས་ན་ཤེལ་ཕྲེང་པད་དཀར་བསྣམས༔ དབུ་སྐྲ་ཐོར་ཚུགས་ཟུར་ཕུད་རཏྣས་བརྒྱན༔ མགུལ་རྒྱན་ཕྲེང་བ་དོ་ཤལ་གདུ་བུ་དང་༔༷ དར་གྱི་ཅོད་པན་སྟོད་གཡོགས་སྨད་དཀྲིས་དང་༔ དར་ཤམ་སྐུ་རེག་རིན་ཆེན་དྲྭ་བ་འཕྱང་༔ གསེར་གྱི་སྙན་ཆ་ཉི་ཟླའི་ཝང་མིག་མཛེས༔ ཞབས་གཉིས་རྡོ་རྗེ་སྐྱིལ་མོ་ཀྲུང་གིས བཞུགས༔ གསང་བའི་ཡུམ་མཆོག་མཁའ་སྤྱོད་དབང་མོས་འཁྱུད༔ དམར་གསལ་ཞལ་གཅིག་ཕྱག་གཉིས་གྲི་ཐོད་ཅན༔ གཅེར་བུ་པདྨའི་ཕྲེང་བའི་དོཤལ་དང་༔ ཀུ་མུཏ་ཏ་ཡི་ཐོད གདེངས་རབ་ཏུ་མཛེས༔ ལྗང་སྔོན་རལ་པའི་ཟར་བུ་སྐུ་རྒྱབ་གྲོལ༔ རིགས་ཀྱི་བདག་པོ་སྣང་མཐའ་ཡབ་ཡུམ་ཤར༔ དམར་གསལ་ལོངས་སྐུ་མཉམ་གཞག་སྐྱིལ་ཀྲུང་བཞུགས༔ ཤར་དུ་མི་བསྐྱོད་ས་གནོན་མཉམ་གཞག་ཅན༔ ཆུ་ཁམས་དབང་ཕྱུག་མཱ་ཀི་དཀར་མོས་འཁྲིལ༔ ལྷོ་རུ་རིན་འབྱུང་མཆོག་སྦྱིན་མཉམ་གཞག་ཅན༔ ས་ཁམས་དབང་ཕྱུག་སངས་རྒྱས་སྤྱན་ མར་སྦྱོར༔ ནུབ་ཏུ་རྣམ་སྣང་བྱང་ཆུབ་ཕྱག་རྒྱ་ཅན༔ ནམ་མཁའ་རྣམ་དག་དབྱིངས་ཕྱུག་སྔོན་མོས་འཁྲིལ༔ བྱང་དུ་དོན་གྲུབ་སྐྱབས་སྦྱིན་མཉམ་གཞག་ཅན༔ རླུང་ཁམས་དབང་ཕྱུག་དམ་ཚིག་སྒྲོལ་མས་འཁྱུད༔ སྐུ་བཞིའི་བདག་ཉིད་དེ་བཞིན་གཤེགས་པ་བཞི༔ སྔོ་སེར་དཀར་དང་ལྗང་ཀུའི་ཁ་ཏོག་མཛེས༔ མཚན་དཔེ་དང་ལྡན་ལོངས་སྐུའི་ཆས་རྒྱན་རྫོགས༔ ཡུམ་རྣམས་རྡོ་རྗེ་དྲིལ་བུའི་ཕྱག་རྒྱ་ཅན༔ ཀུན་ཀྱང་པད་ཟླའི་གདན་ལ་སྐྱིལ་ཀྲུང་བཞུགས༔ ཡེ་ཤེས་འཇའ་སྐུ་སྟོང་གསལ་འོད་ཕུང་འབར༔ འོད་ཟེར་རྩེ་ལ་རྣམ་འདྲེན་སྤྲུལ་པའི་སྐུ༔ སྟེང་དུ་བརྒྱ་བྱིན་དཀར་པོ་པི་ཝཾ་ཅན༔ ཤར་ལྷོ་ཐག་བཟང་ལྗང་ཀུ་གོ་མཚོན་ཐོགས༔ ལྷོ་ནུབ་ཤཀ་ཐུབ་སེར་པོ་ལྷུང་བཟེད་བསྣམས༔ ནུབ་བྱང་སེང་གེ་རབ་བརྟན་པོ་ཏི་ལྗང་༔ བྱང་ཤར་ཁ་འབར་དམར་པོ་སྒྲོམ་བུ་བསྣམས༔ འོག་ཏུ་ཆོས་རྒྱལ་མཐིང་ནག་མེ་ཆུ་འཛིན༔ ཀུན་ཀྱང་བཞེངས་སྟབས་སྤྲུལ་སྐུའི་ཆ་ལུགས་ཅན༔ ཁམས་གསུམ་འཁོར་བ་ཡོངས་སྒྲོལ་དཔལ་དུ་བསྐྱེད༔ གཞན་ཡང་འཕགས་པའི་སྐུ་ཡི་བཀོད་པ་ལ༔ མཚོ་ལ་གཟའ་སྐར་གཟུགས་བརྙན་བཀྲ་བ་ལྟར༔ ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཤར༔ ཤར་སྒོར་རྟ་མགྲིན་འགུག་བྱེད་ ཝྃ།།༔ འཁྲིལ་སྦྱོར་རོལ༔ ལྷོ་སྒོར་རྟ་མགྲིན་འཆིང་བྱེད་འཁྲིལ་སྦྱོར་རོལ༔ ནུབ་སྒོར་རྟ་མགྲིན་རྨོངས་བྱེད་འཁྲིལ་སྦྱོར་རོལ༔ བྱང་སྒོར་རྟ་མགྲིན་མྱོས་བྱེད་འཁྲིལ་སྦྱོར་རོལ༔ དཀར་སེར་དམར་ལྗང་ལས་བཞིའི་ཕྱག་རྒྱ་ཅན༔ གཞལ་ཡས་གྲུ་ཆད་བར་ཁྱམས་ཁོར་ཡུག་ཏུ༔ སངས་རྒྱས་བྱང་སེམས་དཔའ་བོ་མཁའ་འགྲོ་དང་༔ ཆོས་སྐྱོང་དམ་ཅན་སྲུང་མ་རྒྱ་མཚོའི་ཚོགས༔ མ་འདྲེས་ཡོངས་རྫོགས་ཏིལ་གོང་ཕྱུར་བཞིན་བསྒོམ༔ དེ་ལྟར་གསལ་བའི་སྒྱུ་འཕྲུལ་དཀྱིལ་འཁོར་ལྷའི༔ སྤྱི་བོར་ཨོཾ་དཀར་མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ཡིག་འབྲུ་འོད་དང་བཅས༔ རྡོ་རྗེ་གསུམ་གྱི་ངོ་བོར་ལྷུན་གྱིས་གྲུབ༔ དེ་དག་ལས་ནི་འོད་ཟེར་དཀར་དམར་མཐིང་༔ དཔག་ཡས་རྒྱལ་བའི་ཞིང་ཁམས་ཡོངས་ཁྱབ ནས༔ རྟེན་དང་བརྟེན་པའི་དཀྱིལ་འཁོར་མ་ལུས་པ༔ སྤྱན་དྲངས་དམ་ཡེ་དབྱེར་མེད་རོ་གཅིག་གྱུར༔ དེ་ནས་སྤྱན་འདྲེན་པ་ནི༔ ཧྲཱིཿ ནུབ་ཕྱོགས་བདེ་བ་ཅན་གྱི་ཞིང་ཁམས་ནས༔ ཆོས་སྐུ་སྣང་བ་མཐའ་ཡས་གཤེགས་སུ་གསོལ༔ ལྷོ་ཕྱོགས་པོ་ཏ་ལ་ཡི་གནས་མཆོག་ནས༔ འཕགས་མཆོག་ཐུགས་རྗེ་ཆེན་པོ་གཤེགས་སུ་གསོལ༔ བདེ་ཆེན་དག་པ་མཁའ་སྤྱོད་ཞིང་ ཁམས་ནས༔ ཡུམ་ཆེན་མཁའ་སྤྱོད་དབང་མོ་གཤེགས་སུ་གསོལ༔ ལྷུན་གྲུབ་བཀོད་པ་རབ་རྫོགས་གཞལ་ཡས་ནས༔ བདེ་གཤེགས་རིགས་ལྔ་གངས་ཆེན་གཤེགས་སུ་གསོལ༔ ཡེ་ཤེས་རོལ་པའི་དཀྱིལ་འཁོར་ཆེན་པོ་ནས༔ དབྱིངས་ཀྱི་ཡུམ་ཆེན་རིགས་ལྔ་གཤེགས་སུ་གསོལ༔ མི་མཇེད་འཇིག་རྟེན་དག་པའི་ཞིང་ཁམས་ནས༔ རྣམ་འདྲེན་སྤྲུལ་སྐུ་ཐུབ་དྲུག གཤེགས་སུ་གསོལ༔ རབ་འབྱམས་ཕྲིན་ལས་གྲུབ་པའི་དཀྱིལ་འཁོར་ནས༔ དབང་ཆེན་རིགས་བཞི་འཁོར་བཅས་གཤེགས་སུ་གསོལ༔ གཞན་ཡང་སྐུ་གསུམ་ཞིང་ཁམས་མཐའ་ཡས་ནས༔ སངས་རྒྱས་བྱང་སེམས་དཔའ་བོ་མཁའ་འགྲོ་དང་༔ ཆོས་སྐྱོང་སྲུང་མ་དམ་ཅན་རྒྱ་མཚོར་བཅས༔ ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ལ༔ འཁོར་བ་དོང་ནས་སྤྲུགས་ཕྱིར་གཤེགས་སུ་གསོལ༔ ཨོཾ་ཨཱུཪྻ་ལོ་ཀི་ཤྭ་ར་སརྦ་ཏ་ཐཱ་ག་ཏ་བོ་དྷི་སཏྭ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ལ༔ ཧྲཱིཿ རང་སྣང་དོན་གྱི་འོག་མིན་མཁར༔ ལྷུན་གྲུབ་རོལ་པའི་དཀྱིལ་འཁོར་འདིར༔ དམ་ཡེ་དབྱེར་མེད་ངོ་བོར་བཞུགས༔ འཁོར་བ་དོང་སྤྲུགས་ཕྲིན་ལས་མཛོད༔ བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ན་མོ༔ ཛོཾ།༔ རང་བྱུང་ཡེ་ཤེས་བྱང་ཆུབ་སེམས༔ སྐུ་དང་ཡེ་ཤེས་རོལ་པའི་རྩལ༔ སྒྱུ་འཕྲུལ་འཁོར་ལོའི་བཀོད་པ་ལ༔ རྣམ་གསུམ་དད་པས་ཕྱག་འཚལ་ལོ༔ ཨ་ཏི་པུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ལ༔ ཧཱུྃ་ཧྲཱིཿ མི་མཇེད་འཇིག་རྟེན་མཐའ་ཡས་ནས༔ འབྱུང་དང་འབྱུང་ལས་སྐྱེས་པ་ཡི༔ ཉེར་སྤྱོད་བདུན་གྱི་མཆོད་པ་རྣམས༔ འཕགས་མཆོག་ཐུགས་རྗེ་ཆེན་པོ་ཡི༔ སྒྱུ་འཕྲུལ་རོལ་པའི་ལྷ་ལ་འབུལ༔ བཞེས་ནས་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱདྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤཔྡ་པྲ་ཏཱིཙྪ་པཱུ་ཛ་ཧཱུྃ༔ དེ་ནས་འདོད་ཡོན་ནང་མཆོད་ལ༔ ཧཱུྃ་ཧྲཱིཿ ཁམས་གསུམ་སྲིད་པའི་འཇིག་རྟེན་ན༔ འདོད་ཡོན་ལྔ་ཡི་མཆོད་སྤྲིན་ཚོགས༔ སྣང་བ་ཆེན་པོར་འུབ་ཆུབ་རོལ༔ སྒྱུ་འཕྲུལ་རོལ་པའི་ལྷ་ལ་འབུལ༔ དགྱེས་པར་དགོངས་ཤིང་བཞེས་ནས་ཀྱང་༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿ ཧཱུྃ་རཱུ་པ་ཤཔྡ་གནྡྷེ་རཱ་ས་སྤཪྴ་པྲ་ཏཱིཙྪ་མ་ཧཱ་པཱུ་ཛ་ཧོཿ དེ་ནས་གསང་བའི་མཆོད་པ་ལ༔ ཨོཾ ཨཱཿཧཱུྃ༔ རྩ་བརྒྱད་ཡན་ལག་སྟོང་སྦྱར་བའི༔ མྱོང་གྲོལ་ཡེ་ཤེས་བདུད་རྩི་དང་༔ འཁོར་བ་ཁྲག་ཏུ་བསྐྱིལ་བ་ཡི༔ དམར་ཆེན་རཀྟའི་རྒྱ་མཚོར་འཁྱིལ༔ སྣང་སྲིད་བཅུད་དུ་དྲིལ་བ་ ཡི༔ འདོད་འཇོའི་དམར་གྱི་གཏོར་ཆེན་པོ༔ ཡེ་ཤེས་སྒྱུ་འཕྲུལ་ལྷ་ལ་འབུལ༔ བཞེས་ནས་སངས་རྒྱས་ས་རུ་དྲོངས༔ མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁ་རཾ་ཁཱ་ཧིཿ དེ་ནས་སྦྱོར་བའི་མཆོད་པ་ལ༔ ཧྲཱིཿ སྣང་བ་ཡབ་ལ་སྟོང་པ་ཡུམ༔ སྣང་སྟོང་སྦྱོར་བ་བདེ་བའི་བཅུད༔ སྒྱུ་འཕྲུལ་རོལ་པའི་ལྷ་ལ་འབུལ༔ གསང་བ་མཆོག་གི་དངོས་གྲུབ་སྩོལ༔ མ་ཧཱ་བོ་ངྷི་ཙེེཏྟ་པཱུ་ཛ་ཧོཿ དེ་ནས་བསྒྲལ་མཆོད་ལ༔ ཧཱུྃ༔ ཁྱབ་བརྡལ་སྟོང་ཆེན་ཡུམ་གྱི་མཁར༔ གཟུང་དང་འཛིན་པའི་རཱུ་ཏྲ་བསྡུས༔ ཡེ་ཤེས་རོལ་པའི་སྟོབས་ཀྱིས་བསྒྲལ༔ མཉམ་པ་ཉིད་ཀྱི་དབྱིངས་སུ་འབུལ༔ བཞེས་ནས་མཆོག་གི་དངོས་གྲུབ་སྩོལ༔ རཱུ་ཏྲ་ཧ་ལ་པཉྩ་ཁཱ་ཧི༔ དེ་ནས་བསྟོད་པ་བྱ་བ་ནི༔ ཧཱུྃ་ཧྲཱིཿ བདེ་ཆེན་པདྨ་འོད་ཀྱི་གཞལ་ཡས་ནས༔ སྣ་ཚོགས་ཐབས་ཀྱིས་འགྲོ་བ་འདུལ་བའི་ཕྱིར༔ ཡེ་ཤེས་སྒྱུ་འཕྲུལ་རོལ་པའི་ཆོ་འཕྲུལ་འགྱེད༔ བདེ་གཤེགས་སྣང་མཐའ་ཡས་ལ་ཕྱག་འཚལ་བསྟོད༔ མཁྱེན་བརྩེ་ནུས་པའི་བདག་ཉིད་ཡེ་སངས་རྒྱས༔ འགྲོ་བའི་དཔལ་དུ་གཟུགས་ཀྱི་སྐུར་སྟོན་ཅིང་༔ ཐབས་དང་ཐུགས་རྗེས་འགྲོ་ཁམས་དབྱིངས་སུ་སྡུད༔ མགོན་པོ་སྤྱན་རས་གཟིགས་ལ་ཕྱག་འཚལ་བསྟོད༔ འཁོར་འདས་སྟོང་ཆེན་མཁའ་རུ་ ཛོཾ།༔ མཉམ་རོལ་ཞིང་༔ བདེ་གཤེགས་རྒྱལ་བ་རྒྱ་མཚོ་བསྐྱེད་པའི་ཡུམ༔ དག་པ་མཁའ་སྤྱོད་དབྱིངས་ཀྱི་སྤྱི་རྗེ་མོ༔ མཁའ་སྤྱོད་མཁའ་འགྲོའི་