Tibetan
དབང་མོ་ཁྱོད་ལ བསྟོད༔ སྐུ་དང་ཡེ་ཤེས་མཉམ་སྦྱོར་རོལ་པའི་གདངས༔ རྟེན་དང་བརྟེན་པའི་འཁོར་ལོར་ཡོངས་ཤར་བ༔ དྲན་དང་ཡིད་ལ་བྱེད་པའི་གདུལ་བྱ་རྣམས༔ རྣམ་གྲོལ་དབུགས་ཆེན་འབྱིན་པའི་ནུས་སྟོབས་ལྡན༔ བདེ་གཤེགས་རིགས་ལྔ་ཡབ་ཡུམ་སྐུ་ལ་བསྟོད༔ འཕགས་པའི་ཐུགས་རྗེའི་གདངས་ལས་སྤྲུལ་པའི་སྐུ༔ བདེ་གཤེགས་ཐུབ་ཆེན་དྲུག་ལ་ཕྱག་འཚལ་བསྟོད༔ ཚད་མེད་རྣམ་བཞིས་འགྲོ་བ་གནས་ནས་འདྲེན༔ སྒོ་སྐྱོང་ཡབ་ཡུམ་རྣམས་ལ་ཕྱག་འཚལ་བསྟོད༔ གཞན་ཡང་རང་སྣང་ཡེ་ཤེས་དཀྱིལ་འཁོར་དུ༔ སྒྱུ་འཕྲུལ་རོལ་པའི་རྩལ་ལས་རང་ཤར་བའི༔ བདེ་གཤེགས་ཡབ་ཡུམ་སྲས་དང་སྲུང་མར་བཅས༔ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ དེ་ནས་བཤགས་པ་བྱ་བ་ལ༔ ཧོཿ དཔང་གྱུར་དཀོན་མཆོག་གསུམ་པོ་དགོངས༔ བདག་ནི་ཚེ་རབས་ཐོག་མེད་ནས༔ སྒྲིབ་གཉིས་བག་ཆགས་དབང་གྱུར་པས༔ འཁྲུལ་དང་ཉམས་ཆག་ཉེས་ལྟུང་ཀུན༔ གནོང་འགྱོད་དྲག་པོས་མཐོལ་ཞིང་ བཤགས༔ རྣམ་དག་མཆོག་གི་དངོས་གྲུབ་སྩོལ༔ ཡི་གེ་བརྒྱ་པ་བརྗོད༔ དེ་ལྟར་ཡུལ་ཞིང་ཁམས་སུ་འཕོ་བ་དང་༔ གནས་ཁང་གཞལ་ཡས་སུ་འཕོ་བ་དང་༔ བདག་ལུས་ཡེ་ཤེས་སྒྱུ་མའི་སྐུ་རུ་འཕོ་བ་དང་༔ བཅུད་ཀྱི་སེམས་ཅན་སྤྲུལ་པའི་དཔའ་བོ་དང་དཔའ་མོར་འཕོ་བ་དང་བཞི༔ དེ་ཡི་གྲོང་དུ་འཇུག་པ་ཞེས་བྱ་བ་ཡིན༔ གནད་རྣམ་པ་བཞི་དང་ལྡན་པར་བྱ་བ་ནི་མེད་ཐབས་མེད་པས་ཤེས་པར་བྱའོ༔ ཡུལ་རང་རྒྱུད་པར་འཛིན་ཞེན་གྱིས་འཆིང་བའི་ཀུན་དཀྲིས་རང་ཞིག་སྟེ་ལྷ་དང་ཞིང་ཁམས་ཀྱི་རོལ་པར་གོ་འཕོས་ཏེ་ངང་བརྟན་པ་ནི་སྒྲུབ་པའི་སྙིང་རྡོ་ཆེན་པོ་ཡིན་པས་གནད་ཀྱི་ཡང་གཅེས་དམ་པ་རུ་ཟུངས་ཤིག༔ དེ་ལྟར་བསྒོམ་པའི་ཡོན་ཏན་གྱིས༔ སྣང་སྲིད་སྒྱུ་འཕྲུལ་ལྟ་བུ་དང་༔ བདག་སྣང་སྒྱུ་མ་ལྟ་བུར་འཆར༔ སྒྱུ་མ་དང་ནི་སྒྱུ་མའི་འཕྲུལ༔ རོལ་པ་ཆོས་ཉིད་ཆེན་པོར་ཞིག༔ ཆོས་ཉིད་སྤྲོས་མཐའ་བྲལ་བ་ཉིད༔ མངོན་གྱུར་རྣམ་མཁྱེན་ཡེ་ཤེས་ཀྱིས༔ གདོད་མའིམགོན་པོ་མཆོག་འཐོབ་འགྱུར༔ དེ་ཕྱིར་ཐབས་དང་རྟེན་འབྲེལ་གྱི༔ ཆོ་ག་ཉིད་ལ་མཁས་པར་སྦྱངས༔ ཐབས་ཀྱི་འབྲས་བུས་ཤེས་རབ་ཀྱི༔ དབྱིངས་སུ་དྲོངས་ཏེ་མངོན་སངས་རྒྱས༔ ས་མ་ཡཿ གུ་ཧྱ༔ གསང་སྔགས་རྡོ་རྗེའི་ཐེག་པ་ཡི༔ མྱུར་ལམ་སྙིང་པོ་ཉམས་ལེན་ན༔ མཆོག་ཐུན་དངོས་གྲུབ་ཐམས་ཅད་ཀྱི༔ རྩ་བ་རྡོ་རྗེའི་བླ་མ་སྟེ༔ ངོ་བོ་དམ་ཚིག་ཆེན་པོ་ལགས༔ ཉམས་པ་གསོ་དང་འགལ་འཁྲུལ་བཤགས༔ ཐབས་ནི་གཉེན་པོའི་སྟོབས་ལྡན་པས༔ ན་རག་དོང་སྤྲུག་སྙིང་པོ་དང་༔ ཚོགས་དང་བསྐང་བ་དག་ལ་འབད༔ ཚོགས་ཀྱི་མཆོད་པ་འབུལ་བ་ནི༔ ཤ་ཆང་ལ་ ཛོཾ།༔ སོགས་བཟའ་བཅའ་དང་༔ བཏུང་བ་སྤོད་ཀྱི་རིགས་གྱུར་བསགས༔ མཆོད་པའི་ཡོ་བྱད་སྣ་ཚོགས་བཤམས༔ དང་པོ་སྦྱངས་པའི་རིམ་པ་ནི༔ ཧཱུྃ་ཧྲཱིཿ རང་ཉིད་ལྷ་ཡི་ཐུགས་ཀ་ནས༔ ཚོགས་འཁོར་སྦྱངས་པའི་ཡི་གེ་ནི༔ རཾ་འཕྲོས་དངོས་འཛིན་བག་ཆགས་བསྲེགས༔ ཡཾ་འཕྲོས་གཟུང་འཛིན་འཁྲུལ་པ་གཏོར༔ ཁཾ་འཕྲོས་མི་གཙང་འབག་རྩོག་སྦྱངས༔ སྐུ་གསུམ་ཡེ་ཤེས་རོལ་པའི་རྩལ༔ རྩ་གསུམ་ནུས་པའི་སྟོབས་ཤུགས་ཀྱིས༔ འབྱུང་ཆེན་འབར་གཡོ་འཕྱོ་འཐབ་པས༔ དྭངས་མ་རྡོ་རྗེའི་སྙིང་པོར་ཤར༔ ཞུ་བའི་ཡེ་ཤེས་བདུད་རྩི་ནི༔ དཀར་དམར་མཐིང་ཀའི་ཁ་དོག་འཆར༔ ཟག་མེད་བདེ་ཆེན་བཅུད་དུ་འཁྱིལ༔ འདོད་རྒུའི་དཔལ་ཡོན་ཅིར་ཡང་འཆར༔ རབ་འབྱམས་ཞིང་ཁམས་ཡོངས་ཁྱབ་གྱུར༔ ཨོཾ་ཨཱཿ ཧཱུྃ༔ ལན་གསུམ་བརྗོད༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ རང་སྣང་དོན་གྱི་འོག་མིན་མཁའ༔ ནུབ་ཕྱོགས་བདེ་ཆེན་ཞིང་ཁམས་ནས༔ སྣང་བ་མཐའ་ཡས་སྟོན་འཁོར་བཅས༔ ཚོགས་ལ་སྤྱན འདྲེན་གཤེགས་སུ་གསོལ༔ ལྷོ་ཕྱོགས་རི་བོ་པོ་ཊ་ལ༔ ས་སྤྱོད་དང་ནི་མཁའ་སྤྱོད་ཀྱི༔ ཞིང་ཁམས་ཅིར་ཡང་སྣང་བར་ངོམས༔ དབང་བསྒྱུར་འཇིག་རྟེན་དབང་ཕྱུག་ཆེ༔ འཕགས་TI1603 - 043 མཆོག་ཐུགས་རྗེ་ཆེན་པོ་དང་༔ ཡུམ་ཆེན་མཁའ་སྤྱོད་དབང་མོ་ཆེ༔ དཔག་ཡས་སྤྲུལ་པའི་སངས་རྒྱས་དང་༔ བྱང་སེམས་དཔའ་བོ་མཁའ་འགྲོའི་ཚོགས༔ ཚོགས་ལ་སྤྱན་འདྲེན་གཤེགས་སུ་གསོལ༔ ལྷུན་གྲུབ་རོལ་པའི་ཀློང་ཆེན་ནས༔ རིགས་ལྔའི་རྒྱལ་བ་གངས་ཆེན་མཚོ༔ སྒྱུ་འཕྲུལ་རོལ་པའི་དཀྱིལ་འཁོར་ལྷ༔ ཚོགས་ལ་སྤྱན་འདྲེན་གཤེགས་སུ་གསོལ༔ གཞན་ཡང་གནས་གསུམ་དབང་མཛད་པའི༔ རྩ་གསུམ་དཔའ་བོ་མཁའ་འགྲོ་དང་༔ བཀའ་སྲུང་ཆོས་སྐྱོང་དམ་ཅན་ཚོགས༔ ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཏིཥྛ་ལྷན༔ དེ་ནས་ཚོགས་ཕུད་འབུལ་བ་ལ༔ ཧོཿ འཕགས་མཆོག་ཐུགས་རྗེ་ཆེན་པོ་དང་༔ རྩ་གསུམ་དམ་ཅན་རྒྱ་མཚོ་ལ༔ ཛ་གད་ཕུད་ཀྱི་མཆོད་པ་དང་༔ ཞལ་ཟས་ཚོགས་ཀྱི་མཉེས་མཆོད་འབུལ༔ ཨོཾ་ཨཱཪྻ་ལོ་ཀི་ཤྭ་ར་སརྦ་ས་པ་རི་ཝཱ་ར་མ་ཧཱ་པཉྩ་ཨ་མྲྀ་ཏ་ལ་ཁཱ་ཧི༔ སརྦ་གྷ་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་བྱ་བ་ལ༔ ཧཱུྃ༔ བདག་གིས་ཚེ་རབས་ཐོག་མེད་ནས༔ སྒོ་གསུམ་མ་རིག་དབང་གྱུར་པས༔ ལས་ཉོན་སྡིག་དང་དམ་ཉམས་ཀུན༔ ཞལ་ཟས་ཚོགས་ཀྱི་མཆོད་པས་བཤགས༔ ཨོཾ་གྷ་ཎ་ཙཀྲ་སཏྭ་ས་མ་ཡ་ཟ སོགས་ཡིག་བརྒྱ་བརྗོད༔ ཛོཾ།༔ དེ་ནས་བསྒྲལ་ལས་ནི༔ འགུགས་གཞུག་སྤྱི་ལྟར༔ ཧཱུྃ༔ ཐུགས་རྗེ་ཆེན་པོའི་སྟོབས་དང་ཤུགས༔ ཡེ་ཤེས་རྡོ་རྗེས་སྒྲིབ་གཉིས་བཅོམ༔ བདག་ལྟའི་རཱུ་ཏྲ་འཁོར་བའི་བླ༔ བདག་མེད་མཉམ་ཉིད་ཆེན་པོར་སྒྲོལ༔ མ་ཏྲཾ་རཱུ་ཏྲ་པྲ་ཝེ་ཤ་ཡ་ཕཊ༔ དེ་ནས་བསྟབ་པ་ལ༔ ཧཱུྃ༔ མཉམ་པ་ཉིད་ཀྱི་ཞལ་ཕྱེས་ཤིག༔ གཉིས་སྣང་གཟུང་འཛིན་རཱུ་ཏྲ་དང་༔ རེ་དོགས་མཚན་མར་འཛིན་པའི་འདྲེ༔ ཡུལ་མེད་ཟང་ཐལ་ཆེན་པོར་རོལ༔ དུ་ཏྲི་རཱུ་དྲ་ཨ་མུ་ཀ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ༔ སྔོན་གྱི་བསྐལ་པ་དང་པོ་ལ༔ བདེ་གཤེགས་སྤྱི་དཔལ་ཆེན་པོ་ཡི༔ སྤྱན་སྔར་ཁས་བླངས་དམ་མནོས་པའི༔ བཀའ་དང་བསྟན་སྲུང་དྲེགས་པ་ཅན༔ མ་ལུས་འདིར་གཤེགས་ལྷག་ལ་རོལ༔ ཟབ་གསང་གཉན་པོའི་བསྟན་པ་དང་༔ བསྟན་འཛིན་སྐྱེས་བུའི་སྡེ་སྐྱོངས་ལ༔ དགྲ་བགེགས་ཐལ་བའི་རྡུལ་དུ་རློག༔ བཀའ་དམ་གཉན་པོ་དཔང་བཙུག་གོ༔ མ་འདའ་བཛྲ་ས་མ་ཡ༔ སརྦ་ངྷརྨ་པཱ་ལ༔ ཀྵེ་ཊ་པཱ་ལ༔ ལོ་ཀ་པཱ་ལ༔ སརྦ་ཌཱ་ཀི་ནཱི་གྷ་ཎ་ཙཀྲ་པཱུ་ཙ་ལ་ཁཱ་ཧི༔ ཨུ_UNKཥྞ་བ་ལི་ཏ་ཁཱ་ཧི༔ དེ་ནས་ཆད་མདོ་བཏང་བ་ལ༔ ཧཱུྃ་ཧྲཱིཿ སྔོན་ཚེ་འོག་མིན་ཞིང་ཁམས་ནས༔ སྟོན་པ་ཀུན་ཏུ་བཟང་པོ་ཡི༔ འཁོར་འདས་དག་མཉམ་རོལ་པ་ཆེ༔ རིག་རྩལ་ཡེ་ཤེས་ཀློང་རྒྱས་བཏབ༔ རི་བོ་མ་ལ་ཡ་ཡི་རྩེར༔ དཔལ་ཆེན་རྡོ་རྗེ་འཆང་དབང་པོས༔ གསང་སྔགས་ཆོས་འཁོར་བསྐོར་བའི་ཚེ༔ བཀའ་སྲུང་དྲེགས་པ་ཕོ་མོ་རྣམས༔ དབྱིངས་ལས་སྤྲུལ་ཞིང་དམ་རྒྱས་བསྡམས༔ བར་དུ་རྒྱ་བལ་བོད་ཡུལ་དུ༔ ཨོ་རྒྱན་པདྨ་ཐོད་ཕྲེང་གིས༔ ཡེ་ཤེས་འཇིག་རྟེན་ལས་གྲུབ་པའི༔ བཀའ་སྲུང་ཆོས་སྐྱོང་ལྷ་སྲིན་ཚོགས༔ དམ་ལ་བཏགས་ཤིང་བཀའ་གཉན་བསྒོས༔ བསྟན་པ་སྲུང་བའི་གཉེར་ཀ་གཏད༔ བསྟན་དགྲ་བསྒྲལ་བའི་དབང་ཡང་བསྐུར༔ དམར་གྱི་གཏོར་མ་བརྔན་དུ་བཞག༔ ཐ་མ་དོན་གྱི་འོག་མིན་མཁར༔ ཡེ་ཤེས་སྒྱུ་མའི་རྣལ་འབྱོར་གྱིས༔ འཁོར་འདས་འུབ་ཆུབ་རོལ་པའི་ཚེ༔ རང་རྩལ་སྲིད་པའི་ལྷ་སྲིན་སྡེ༔ ཆོས་ཉིད་ཆེན་པོར་རྒྱ་ཡིས་བཏབ༔ འདོད་ཡོན་རྣམ་དག་བརྔན་དུ་བཞག༔ བསྟན་པ་བསྲུང་བའི་དམ་རྒྱས་བསྡམས༔ ད་ལྟ་གསང་ཆེན་དཀྱིལ་འཁོར་འདིར༔ སྒྲུབ་པའི་རྣལ་འབྱོར་མཆེད་ལྕམ་གྱིས༔ ཡེ་ཤེས་རོལ་པའི་ལྷར་སྣང་བཀོད༔ མཆོག་གི་དངོས་གྲུབ་དོན་དུ་གཉེར༔ བཀའ་སྲུང་དྲེགས་པའི་སྡེ་ཚོགས་ལ༔ བདག་ལྟའི་རཱུ་ཏྲ་བསྒྲལ་བ་ཡི༔ ཤ་ཁྲག་དམར་གྱི་གཏོར་མ་ ཀཛོཾ།༔ བཤམས༔ འདོད་རྒུའི་དཔལ་ཡོན་ཅིར་ཡང་འཆར༔ ཡེ་ཤེས་པ་དང་འཇིག་རྟེན་གྱི༔ རོལ་རྩལ་བཀའ་སྲུང་ཆོས་སྐྱོང་དང་༔ སྡེ་བརྒྱད་ལྷ་འདྲེ་དྲེགས་པ ཅན༔ མ་ལུས་འདིར་གཤེགས་གཏོར་མ་ལོངས༔ ནད་གདོན་བར་ཆད་ཞི་བ་དང་༔ ཚེ་བསོད་དཔལ་འབྱོར་རྒྱས་པ་དང་༔ ཁམས་གསུམ་དབང་དུ་སྡུད་པ་དང་༔ དགྲ་བགེགས་ཚར་གཅོད་ཕྲིན་ལས་མཛོད༔ ཁྱད་པར་ཟབ་གསང་མཁའ་འགྲོ་ཡི༔ སྙིང་ཐིག་བསྟན་དང་བསྟན་འཛིན་སྐྱོངས༔ བསྟན་པའི་མངའ་ཐང་འཕེལ་རྒྱས་མཛོད༔ བསྟན་དགྲ་སྡེ་དང་བཅས་པ རྣམས༔ ལྷག་མ་མེད་པར་རྡུལ་དུ་རློག༔ བཀའ་དམ་གཉན་པོའི་ཁྲིམས་དེ་ཀ༔ མ་འདའ་བཛྲ་ས་མ་ཡ༔ དེ་ནས་བརྟན་མ་སྐྱོང་བ་ལ༔ ཧཱུྃ་བྷྱོ༔ དཔལ་གྱི་བཀའ་ཉན་མ་སྲིང་སྡེ༔ དབང་ཕྱུག་འབར་མ་གིང་ལང་ཀ༔ བརྟན་མ་ཡ་མ་སྐྱོང་མའི་ཚོགས༔ མ་ལུས་བཤལ་ཆུའི་གཏོར་མ་ལོངས༔ སྒྲུབ་མཆོག་རྣལ་འབྱོར་མཆེད་ལྕམ་གྱི༔ ཕྲིན་ལས་བསྒྲུབ་ལ་རོགས་ལྡན་མཛོད༔ ཕྱི་ནང་གསང་བའི་བར་ཆད་བཟློག༔ དགྲ་བགེགས་ཚར་གཅོད་ཕྲིན་ལས་མཛོད༔ མ་བྷྱོ་ཛཿ ཧྲཱི་བ་ལིངྟ་ཁཱ་ཧི༔ དེ་ནས་འགུག་གཞུག་བྱས་ལ་རྟ་བྲོ་བརྡུང་བ་ནི༔ ཧཱུྃ༔ སྟོང་ཆེན་དབྱིངས་T11603 - 047 ཀྱི་བྲུབ་ཁུང་དུ༔ མ་རིག་ལོག་འདྲེན་དམ་སྲི་བྲུབ༔ ཡེ་ཤེས་རོལ་པའི་རྟ་བྲོ་བརྡུང་༔ བདག་མེད་ཆོས་ཉིད་ངང་དུ་ནན༔ བྱང་ཆུབ་བར་དུ་མ་ལྡང་ཞིག༔ སྐུ་བཞི་ཡེ་ཤེས་ལྔ་ཡི་རྒྱ༔ དུ་ཏྲི་རཱུ་དྲ་མཱ་ར་ཡ་ནན༔ སྟྭཾ་བྷ་ཡ་ནན༔ དེ་ནས་དངོས་གྲུབ་བླང་བ་ལ༔ ཧྲཱིཿ མགོན་པོ་ཐུགས་རྗེའི་དབང་ཕྱུག་དགོངས༔ སྒྲུབ་པའི་རྣལ་འབྱོར་བདག་ཅག་གི༔ ཡང་གསང་བླ་མེད་དཀྱིལ འཁོར་འདིར༔ བསྙེན་ཅིང་བསྒྲུབ་པའི་དམ་ཚིག་ཐེམས༔ རྡོ་རྗེ་སྲིན་པོའི་ནམ་ཡང་ལངས༔ དངོས་གྲུབ་སྩོལ་བའི་དུས་ལ་བབ༔ གསང་གསུམ་རྡོ་རྗེའི་ཀློང་མཛོད་ནས༔ དབང་དང་དངོས་གྲུབ་ཡེ་ཤེས་གཏེར༔ མཆོག་དང་ཐུན་མོང་དངོས་གྲུབ་ཀུན༔ ད་ལྟ་ཉིད་དུ་ཐོབ་པར་སྩོལ༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧཱུྃ་ཨ༔ དེ་ནས་བཤགས་པ་བྱ་བ་ལ༔ ཧོཿ དཀྱིལ་འཁོར་ལྷ་ཚོགས་ཐམས་ཅད་ཀུན༔ མ་ལུས་བདག་ལ་དགོངས་སུ་གསོལ༔ བདག་ནི་འཁོར་ཚེ་ཐོག་མེད་ནས༔ ལས་དང་ཉོན་མོངས་དབང་གྱུར་པས༔ སྡིག་སྒྲིབ་ཉམས ཆག་ཉེས་ལྟུང་ཀུན༔ མི་འཆབ་མི་སྦེད་མཐོལ་ཞིང་བཤགས༔ དག་ཅིང་ཚངས་པའི་དངོས་གྲུབ་སྩོལ༔ ཡི་གེ་བརྒྱ་པ་ཅི་མང་བརྗོད༔ དེ་ནས་བསྔོ་བ་སྨོན་ལམ་ནི༔ ཧོཿ བདག་གིས་འདི་དང་དུས ཛོཾ།༔ གསུམ་དུ༔ བསོད་ནམས་དགེ་རྩ་ཅི་བསགས་པ༔ འགྲོ་ཀུན་སངས་རྒྱས་འཐོབ་ཕྱིར་བསྔོ༔ རྣམ་གྲོལ་སྐུ་གསུམ་ཐོབ་པར་ཤོག༔ ལན་གསུམ༔ དེ་ནས་རྟག་ཆད་མཐའ་བསལ་ལ༔ ཧཱུྃ༔ ཡེ་ཤེས་སྒྱུ་འཕྲུལ་རྟེན་བརྟེན་པ༔ ཆོས་ཉིད་སྤྲོས་མཐའ་བྲལ་བར་ཞིག༔ སླར་ཡང་འཇའ་ཚོན་ཤར་བ་བཞིན༔ སྐད་ཅིག་ཐུགས་རྗེ་ཆེན་པོར་བཞེངས༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ནས་བཀྲ་ཤིས་བྱ་བ་ལ༔ ཧཱུཾ༔ ཀ་དག་སྤྲོས་མཐའ་བྲལ་བའི་དབྱིངས༔ སྐྱེ་མེད་ཆོས་སྐུའི་བཀྲ་ཤིས་ཤོག༔ ལྷུན་གྲུབ་བདེ་ཆེན་རོལ་པའི་དཔལ༔ འགགས་མེད་ལོངས་སྐུའི་བཀྲ་ཤིས་ཤོག༔ ཀུན་ཁྱབ་ཐུགས་རྗེའི་བདག་ཉིད་ཆེ༔ ཕྱོགས་མེད་སྤྲུལ་སྐུའི་བཀྲ་ཤིས་ཤོག༔ དེ་ལྟར་ཉམས་སུ་ལེན་པ་དང་༔ བསྐྱེད་རིམ་ཟབ་མོའི་གནད་ལྡན་པ༔ སྐལ་པ་བཟང་པོའི་སྐྱེས་བུ་རྣམས༔ ཚེ་དང་བསྒྲུབ་པ་མཉམ་བྱས་ནས༔ སྒོ་གསུམ་རྡོ་རྗེའི་གྲོང་འཕོས་ཏེ༔ རྣམ་སྨིན་རིག་འཛིན་ཉེར་ཐོབ་འགྱུར༔ དེ་ལྟར་བསྐྱེད་རིམ་བློ་ཡི་ཆོས༔ དམིགས་མེད་ཁྱབ་བརྡལ་རིག་པའི་ཀློང་༔ གྲོལ་བ་གནད་ཀྱི་དམ་པར་ཟུངས༔ བཀའ་སྲུང་དབང་ཕྱུག་ཆེན་པོ་དང་༔ བཙན་རྒོད་སྲོག་ལེན་དམར་པོས་སྲུངས༔ བསྟན་པའི་དགྲ་བོའི་སྲོག་ལ་ཡ༔ ས་མ་ཡ༔ རྒྱ་རྒྱ་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ ལ་སྟག་རྩེའི་གཡས་ལོགས་ནས་གདན་དྲངས་ཏེ་མི་ལོ་སུམ་ཅུ་རྩ་གཉིས་བར་དུ་བཀའ་རྒྱས་བཏབ་མཐར་སློབ་བུ་དགེ་ལེགས་དཔལ་བཟང་དང་རྩང་པ་ཟང་ཐལ་དྲི་མེད་གཉིས་ཀྱིས་བསྐུལ་ངོར་གསེར་སྨད་བླ་མ་རོང་གི་བསྟན་འཕེལ་ནོར་བུའི་གླིང་དུ་དག་པར་ཕབ་པའོ། །དགེའོ །དགེའོ། །དགེའོ། །ལེགས་སོ། །སརྦ་མངྒ་ལཾ།། ས བདུད་འཇོམས་ཐུགས་ཆེན་བདུད་འཇོམས་ཐུགས་ཆེན་T11603 - 050 མ འཛབ་དམིགས་ཛོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ འཕགས་མཆོག་ཐུགས་རྗེ་ཆེན་པོའི་སྒྲུབ་སྐོར་གྱི་འཛབ་དམིགས་ཡིད་བཞིན་བང་མཛོད་བཞུགས་སོ༔ TI1603 - 05 1 བདུད་འཇོམས་ཐུགས་ཆེན་ཛོཾ།༔ ན་མོ་གུ་རུ་བྷྱ༔ ཨ་བློ་ཀཤྭ།སཊ༔ བསྐྱེད་དང་བསྒོམ་པའི་གནད་ལྡན་ཏེ༔ ཤེས་པ་གཞན་དུ་མ་ཡེངས་པར༔ ཡེ་ཤེས་ལྷ་ཡི་ང་རྒྱལ་བཟུང་༔ གཏན་གྱི་དྲོད་མ་ཡལ་བ་རུ༔ འདུག་པ་བརྟན་པ་གནད་དུ་ཤེས༔ རལ་བ་གསུམ་སོགས་སྤངས་བྱས་ནས༔ རྩེ་གཅིག་བསྒྲུབ་ལ་གཞོལ་བའི་ཚེ༔ བློ་རྩེ་གཅིག་ཏུ་དྲིལ་བྱས་ཏེ༔ འདི་ལྟར་འཛབ་དམིགས་དག་ལ་བརྩོན༔ ༔ རང་ཉིད་ཐུགས་རྗེ་ཆེན་པོ་ནི༔ ཡེ་ཤེས་འཇའ་སྐུ་སྟོང་གསལ་གྱི༔ ཐུགས་ཀར་ཐབས་ཤེས་དབྱེར་མེད་པའི༔ ངོ་བོ་ཉི་ཟླའི་གྭའུའི་ནང་༔ པདྨ་འདབ་དྲུག་ལྟེ་བ་རུ༔ ཧྲཱིཿ ཡིག་དཀར་པོའི་མཐའ་བསྐོར་དུ༔ འདབ་མ་དྲུག་ལ་ཡི་གེ་དྲུག༔ འངའ་T11603 - 052 ཀ་རྟ #& རོ།༔ དང་འོད་ཀྱི་དྲྭ་བས་འབྲེལ༔ རང་སྒྲས་སྣང་སྲིད་ཡོངས་སུ་འགེང་༔ འོད་ཀྱི་རང་གདངས་མཆེད་པ་ལས༔ སྐུ་ལྔ་དང་ནི་ཡེ་ཤེས་ལྔ༔ སྐུ་གསུམ་མཉམ་སྦྱོར་དབྱིངས་སུ་བསྡུ༔ རྡོ་རྗེ་གསུམ་གྱི་ངོ་བོར་རོལ༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ནས་བསྐུལ་བ་བྱ་བ་ལ༔ ཧཱུྃ༔ ཆོས་ཉིད་སྤྲོས་མཐའ་བྲལ་བ་ནས༔ ཡེ་ཤེས་རོལ་པའི་སྒྱུ་འཕྲུལ་ལྷ༔ བཞེངས་ཤིག་ཆོས་ཀྱི་དབྱིངས་ནས་བཞེངས་༔ བསྐུལ་ལོ་ཐུགས དམ་གནད་ནས་བསྐུལ༔ སྐུ་ཡིས་སྣ་ཚོགས་གར་བསྒྱུར་ལ༔ གསུང་གིས་སྔགས་ཀྱི་འཛབ་དབྱངས་སྒྲོགས༔ ཐུགས་ཀྱིས་འཁོར་བ་དབྱིངས་TI1603 - 053 བདུད་འཇོམས་ཐུགས་ཆེན་སུ་སྒྲོལ༔ སྒྲུབ་པའི་རྣལ་འབྱོར་མཆེད་ལྕམ་དྲལ༔ དཔའ་བོ་དཔའ་མོར་བྱིན་གྱིས་རློབས༔ མ་དག་འཁོར་བའི་གནས་ཡུལ་ཀུན༔ དག་པའི་ཞིང་དུ་བྱིན་གྱིས་རློབས༔ སྒྲུབ་ཁང་དཀྱིལ་འཁོར་བཅས་པ་ཀུན༔ གཞལ་ཡས་ཆེན་པོར་བྱིན་གྱིས་རློབས༔ བསྒྲུབ་པའི་རྟེན་དང་དམ་རྫས ཀུན༔ སྐུ་གསུང་ཐུགས་སུ་བྱིན་གྱིས་རློབས༔ བསྒོམ་བཟླས་དམིགས་པའི་རྣོ་ནུས་བསྐྱེད༔ མཆོག་ཐུན་དངོས་གྲུབ་ལྷུན་གྲུབ་ཅིང་༔ དོན་གཉིས་མཐའ་རུ་ཕྱིན་པར་མཛོད༔ བདག་ཅག་སྒྲུབ་མཆོག་འཁོར་བཅས་ཀུན༔ ཚོམ་བུ་གཅིག་ཏུ་སངས་རྒྱས་ཤོག༔ འཁོར་བ་དོང་སྤྲུགས T11603 - 054 ཝྃ།༔ ནུས་བྱིན་ཕོབ༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ལྟར་བསྙེན་པ་ལ་བརྩོན་ཚེ༔ མི་ཚིག་གཏམ་གྱིས་བར་མི་གཅོད༔ དབྱིངས་ནས་སྐུ་དང་ཞིང་ཁམས་ཚོགས༔ འོད་དང་འོད་ཟེར་གྱིས་བསྡུས་ཏེ༔ ཡང་ཡང་བསྟིམ་སྟེ་ནུས་པ་བསྐྱེད༔ དམ་རྫས་མྱོང་གྲོལ་སྦྱོར་བ་ལ༔ ཨ་རུ་གཙོ་ལ་བ་རུ་བློན༔ བཟང་དྲུག་འབངས་སུ་བསྡེབས་པར་བྱ༔ བ་ལུ་དཀར་པོའི་མེ་ཏོག་དང་༔ མཁན་དཀར་ཙན་དན་ཨ་ཀ་རུ༔ ཞིབ་བཏུལ་བདུད་རྩི་ཆོས་སྨན་དང་༔ སྐྱེ་བདུན་ཤ་ཡིས་བྱིན་གྱིས་བརླབས༔ གཞན་ཡང་དམ་རྫས་བྱིན་རླབས་རྟེན༔ སེལ་མེད་བསགས་ཏེ་རིལ་བུར་དྲིལ༔ རྟེན་འབྲེལ་སྙིང་པོའི་སྔགས་མང་བརྗོད༔ དེ་ནས་བུམ་པ་མཚན་ལྡན་དུ༔ བླུགས་ལ་དར་སྣ་ལྔས་ཁ་བཅད༔ དེ་ནས་བསྒྲུབ་པའི་རྟེན་དུ་བཙུག༔ སླར་T11603 - 055 ཡང་ལྷ་རུ་གསལ་བ་ལ༔ རང་ཉིད་ཡི་དམ་ཐུགས་རྗེ་ཆེན་པོའི་སྒྱུ་འཕྲུལ་རོལ་པའི་དཀྱིལ་འཁོར་དུ་གསལ་བའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་ཞིང་ཁམས་གཞལ་ཡས་ཁང་ལྷ་དང་བཅས་པ་ཐམས་ཅད་འོད་ཕུང་ཁ་དོག་ལྔ་ལྡན་གྱི་རྣམ་པར་བུམ་པ་རིལ་བུ་དང་བཅས་པ་རྣམས་ལ་ཐིམ་པའི་རྐྱེན་ལས་འོད་དུ་མེར་གྱིས་ཞུ་བ་ལས་བྱུང་བའི་གཞལ་ཡས་ཁང་རྒྱ་ཆེ་ལ་ཁྱོན་ཡངས་པའི་ནང་དུ་རིལ་བུ་རྣམས་འཕགས་པ་ཐུགས་རྗེ་ཆེན་པོའི་སྐུ་ཤ་སྟག་ཏུ་གྱུར་པའི་གནས་གསུམ་འབྲུ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་དམ་གྱི་རྒྱུད་རབ་ཏུ་བསྐུལ་ནས་ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ཏེ་རྒྱ་མཚོ་ཆེན་པོ་ལ་ཁ་ཆར་བབ་པ་ལྟར་རིལ་བུ་ལྷར་གསལ་བ་རྣམས་ལ་སིབ་སིབ་ཐིམ་པར་བསྒོམ༔ ཨོཾ་ཨཱཪྻྻ་ལོ་ཀི་ཤྭ་ར་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ས་མ་ཡ་ཛཿ ཕ་ཕེཾ༔ ཨ་བེ་ཤ་ཡ་ཨ་ཨ༔ དེ་ནས་སྒྲུབ་པ་བྱ་བ་ལ༔ ཧཱུྃ་ཧྲཱིཿ རང་ཉིད་ཐུགས་རྗེ་ཆེན་པོ་ཡི༔ ཐུགས་ཀའི་སྔགས་ཀྱི་ཕྲེང་བ་ལས༔ འོད་འཕྲོས་རྒྱལ་བ་སྲས་དང་བཅས༔ སྤྱན་དྲངས་སྔགས་ཕྲེང་ལ་ཐིམ་པས༔ གཟི་བྱིན་ནུས ཛོཾ།༔ སྟོབས་འབར་བར་བསྒོམ༔ སྤྲུལ་པ་ཡེ་ཤེས་སྒྱུ་འཕྲུལ་ལྷ༔ ཁམས་གསུམ་ཡོངས་སུ་ཁེངས་པར་འཕྲོས༔ རྡོ་རྗེ་གསུམ་གྱི་འོད་ཟེར་གྱིས༔ སྣོད་བཅུད་ཐམས་ཅད་ལྷའི་ཞིང་ཁམས༔ གཞལ་ཡས་ལྷ་ཡི་རོལ་པར་དམིགས༔ སྔགས་སྒྲ་འུར་ཆེམ་སྒྲོགས་པ་ཡིས༔ འཇིག་རྟེན་ཁམས་ཀུན་གཡོ་བར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ནས་རིལ་བུ་སྤེལ་བསྒྱུར་ལ༔ རང་ཉིད་ཐུགས་རྗེ་ཆེན་པོ་སྒྱུ་འཕྲུལ་རོལ་པའི་དཀྱིལ་འཁོར་དུ་གསལ་བ་ལས་འོད་ཟེར་དཔག་ཏུ་མེད་པ་འཕྲོས་པས་བུམ་པ་ཡེ་ཤེས་ཀྱི་གཞལ་ཡས་ཁང་གི་ནང་དུ་རིལ་བུ་རྣམས་འཕགས་པ་ཐུགས་རྗེ་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཡོངས་སུ་རྫོགས་པར་གསལ་བ་རེ་རེ་ལས་དེ་འདྲ་བ་དཔག་ཏུ་མེད་པ་འཕྲོས་པས་སྟོང་ཁམས་ཐམས་ཅད་ཐུགས་རྗེ་ཆེན་པོས་ཁྱབ་པའི་སྐུ་ལས་འོད་ཟེར་དཔག་ཏུ་མེད་པ་ཉི་མ་དང་ཉི་འོད་ལྟ་བུར་འབར་བས་སྣོད་བཅུད་སྐུ་གསུང་ཐུགས་ཀྱི་རོལ་པ་རུ་དག་པར་སྦྱངས་ཏེ་སངས་རྒྱས་པར་བསྒོམ༔ བདག་གི་སྔགས་སྒྲ་བསྒྲགས་པས་སྟོང་ཁམས་གང་བའི་ལྷ་ཐམས་ཅད་ཀྱིས་སྔགས་ཀྱི་སྒྲ་བུང་བ་ཚང་ཞིག་པ་ལྟར་འུར་འུར་ཏིར་ཏིར་སྒྲོགས་པར་དམིགས་ལ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཨ་ར་པ་ཙ་མི་ཏ་ཧྲཱི་ད་ཡེ་སྭཱ་ཧཱ༔ དེ་ནས་ལས་སྦྱོར་ལ༔ སྔ་དྲོའི་དུས་སུ༔ རང་ཉིད་ཐུགས་རྗེ་ཆེན་པོའི་ཐུགས་ཀ་ནས་འོད་ཟེར་དཀར་པོ་ནམ་མཁའི་གར་ཁྱབ་ཀྱི་འཇིག་རྟེན་ཐམས་ཅད་ལ་ཁྱབ་པར་འཕྲོས་པས་ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་ཐུགས་དམ་ཀྱི་རྒྱུད་རབ་ཏུ་བསྐུལ་ནས་དེ་རྣམས་ཀྱི་ཐུགས་རྗེའི་བྱིན་རླབས་དབང་དང་དངོས་གྲུབ་ཐམས་ཅད་དཀར་གསལ་འོད་ཀྱི་རྣམ་པར་སྤྱན་དྲངས་ཏེ་རང་ལ་ཐིམ་པས་ནད་གདོན་སྡིག་སྒྲིབ་བག་ཆགས་ཐམས་ཅད་སངས་ཀྱིས་དག་ནས་ཡེ་ཤེས་སྒྱུ་མའི་སྐུ་སྐྱོན་དང་བྲལ་བར་བསམ་མོ༔ ཨོཾ་མ་ཎི་པདྨེ་ཧཱུྃ་ཧྲཱིཿ རང་ཉིད་ལྷ་ཡི་ཐུགས་ཀ་ནས༔ འོད་དང་འོད་ཟེར་རབ་འཕྲོས་པས༔ སེམས་ཅན་ཀུན་གྱི་སྒྲིབ་པ་སྦྱངས༔ ཀུན་ཀྱང་འཕགས་པའི་སྐུ་རུ་གྱུར༔ སྔགས་སྒྲ་འུར་ཆེམ་སྒྲོགས་པར་བསྒོམ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་བརྗོད༔ ཉིན་གུང་འདི་ལྟར༔ རང་ཉིད་ཐུགས་རྗེ་ཆེན་པོའི་སྐུར་གསལ་བའི་ཐུགས་ཀ་ནས༔ འོད་ཟེར་སེར་པོ་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་