Tibetan
ཁྱོད་ལ་གཏད༔ དོན་གཉིས་ལྷུན་གྲུབ་རོལ་པ་ཡིས༔ འཁོར་བ་དོང་སྤྲུགས་དབང་ཐོབ་ཤོག༔ མ་ཎི་རཏྣ་ཨ་བྷི་ཥིཉྩ་ཧཱུྃ༔ ས་མ་ཡ༔ ལྟ་དགོངས་ལྡན་པའི་སློབ་དཔོན་གྱིས༔ དད་དམ་ལྡན་པའི་སློབ་བུ་ལ༔ དབང་འདི་སུ་ཡིས་བསྐུར་གྱུར་ན༔ དཀྱིལ་འཁོར་ཡོངས་ཀྱི་རྩ་དབང་ཐོབ༔ མཆོག་གི་དངོས་གྲུབ་འབད་མེད་ཐོབ༔ རྣམ་མཁྱེན་ས་ལས་ཕྱིར་མི་ལྡོག༔ འདི་ཐོབ་སྐལ་བཟང་སྐྱེས་བུ་རྣམས༔ དམ་ཚིག་སྲོག་གི་གཏའ་རུ་ཟུངས༔ སྒྲུབ་པ་མ་གཡེལ་རྩེ་གཅིག་འབུང་༔ སྙིང་པོའི་ཡང་ཐིག་གནད་དུ་བསྣུན༔ གསང་ཆེན་འོད་གསལ་མྱུར་བའི་ལམ༔ སྣང་བཞིའི་ས་ལམ་གཅིག་ཆོད་ལ༔ གཞོན་ནུ་བུམ་སྐུར་བྱང་ཆུབ་མཛོད༔ འདི་ནི་ཟབ་གསང་བླ་ན་མེད༔ བཀའ་སྲུང་གནོད་སྦྱིན་ཆེན་པོར་གཉེར༔ སྣོད་མིན་ལག་ཏུ་མ་བཏང་ཤིག༔ ས་མ་ཡ༔ རྒྱ་རྒྱ་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གསུམ་བར་དུ་བཀའ་རྒྱ་བྱས་མཐར་རང་སློབ་དད་དམ་ལྡན་པ་པདྨ་རྣམ་ བྷཾ།།༔ རྒྱལ་གྱིས་བསྐུལ་ངོར་སྨར་མདོ་བཀྲ་ཤིས་དགའ་འཁྱིལ་དུ་གཏན་ལ་ཕབ་པའི་ཡི་གེ་པ་ནི་མཁས་གྲུབ་རྒྱ་མཚོའོ། །དགེའོ། །དགེའོ། །དགེའོ །སརྦ་མངྒ་ལཾ།། །། ག 2 327དྲུག་བྱོན།ཆོག་T11603 - 331 T11603 - 331 T11603- 332 ཧྲི།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའི་སྒྲུབ་སྐོར་ལས༔ གསོལ་འདེབས་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐབྷ་བྷཾ།ཤ།༔ ན་མོ༔ ཆོས་སྐུའི་སྟོན་པ་ཀུན་ཏུ་བཟང་པོ་དང་༔ ལོངས་སྐུའི་སྟོན་པ་རིགས་ལྔ་རྡོ་རྗེ་འཆང་༔ སྤྲུལ་སྐུའི་སྟོན་པ་རིགས་གསུམ་འགྲོ་བའི་མགོན༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྤྲུལ་པའི་སྐུ་མཆོག་དགའ་རབ་རྡོ་རྗེ་དང་༔ ཤྲཱི་སིང་ཧ་དཔལ་ལྡན་པདྨ་སྐྱེས༔ སྤྲུལ་པའི་རྗེ་འབངས་ཉེར་ལྔ་བཅས་པ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ ཧེ་རུ་ཀ་དཔལ་རྩ་བའི་བླ་མ་དང་༔ ཟབ་གསང་རྒྱུད་སྡེ་བཞི་དྲུག་ཐེག་པ་དགུར༔ འབྲེལ་བའི་རྩ་གསུམ་དམ་ཅན་རྒྱ་མཚོ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ དལ་འབྱོར་རྙེད་པར་དཀའ་བའི་ཚུལ་དྲན་ནས༔ མི་ལུས་དོན་དང་ལྡན་པར་བྱིན་གྱིས་རློབས༔ འདུས་བྱས་ཆོས་ཀུན་སྒྱུ་མ་རྨི་ལམ་བཞིན༔ ཤེས་ཏེ་རྩེ་གཅིག་སྒྲུབ་ལ་བརྩོན་བྱིན་རློབས༔ དགེ་སྡིག་བླང་དོར་ཚུལ་ལ་མ་རྨོངས་པར༔ རྣམ་དཀར་ཆོས་མཐུན་འགྲུབ་པར་བྱིན་གྱིས་རློབས༔ འཁོར་བ་སྡུག་བསྔལ་ཆེན་པོའི་མཚང་རྡོལ་ནས༔ ཐར་དང་རྣམ་མཁྱེན་ སྒྲུབ་པར་བྱིན་གྱིས་རློབས༔ སོ་ཐར་བྱང་སེམས་སྔགས་ཀྱི་སྡོམ་པ་ཀུན༔ སྐྱོན་མེད་མཐར་ཕྱིན་འབྱུང་བར་བྱིན་གྱིས་རློབས༔ ཟབ་གསང་རྫོགས་པ་ཆེན་པོའི་ངེས་པའི་དོན༔ ཁྲེགས་ཆོད་ཐོད་རྒལ་ལམ་གྱི་རྩལ་རྫོགས་ནས༔ ཡེ་ཤེས་རྩེ་མོ་འོད་མི་འགྱུར་བའི་སར༔ བྱང་ཆུབ་ཆེན་པོར་ཡང་དག་སངས་རྒྱས་ཤོག༔ དེ་ལྟར་ཚིག་དོན་ཡིད་ལ་དྲན་བྱས་ནས༔ རྩེ་གཅིག་གསོལ་བ་བཏབ་པའི་སྐྱེས་བུ་གྲོལ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མཐར་པདྨ་རྣམ་རྒྱལ་གྱིས་ནན་དུ་བསྐུལ་ངོར་ལྷ་ལུང་བདེ་ཆེན་གླིང་དུ་དག་པར་ཕབ་པའི་ཡི་གེ་པ་ནི་རྣལ་འབྱོར་ཨོ་རྒྱན་རྡོ་རྗེའོ། །དགེའོ །ལེགས་སོ།། ། TI1603 - 334 དྷྲྀ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའི་སྒྲུབ་པ་ལས༔ བྱིན་འབེབས་དངོས་གྲུབ་གཏེར་མཛོད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༅རྦ།ཤས༔ རྩེ་གཅིག་མོས་གུས་དྲག་པོ་ཡིས༔ རང་སྣང་ཡེ་ཤེས་དཀྱིལ་འཁོར་དུ༔ བྱིན་གྱིས་བརླབས་ཅིང་མངོན་གྱུར་ཕྱིར༔ དམིགས་གསལ་ངང་ནས་འདི་གར་འཇུག༔ ཧཱུྃ༔ སྤྲོས་བྲལ་ཆོས་སྐུའི་ཀློང་ཡངས་ནས༔ ཀུན་ཏུ་བཟང་པོའི་དབང་བྱིན་ཕོབ༔ ལྷུན་གྲུབ་ལོངས་སྐུའི་ཕོ་བྲང་ནས༔ རིགས་ལྔ་ཡབ་ཡུམ་དབང་བྱིན་ཕོབ༔ གདུལ་བྱ་རང་སྣང་སྒྱུ་འཕྲུལ་ཀློང་༔ སྤྲུལ་སྐུའི་སྟོན་འཁོརདབང་བྱིན་ཕོབ༔ གཞོན་ནུའི་བུམ་སྐུའི་གཞལ་ཡས་སུ༔ དགའ་རབ་རྡོ་རྗེའི་དབང་བྱིན་ཕོབ༔ འཕོ་བ་ཆེན་པོའི་ཀློང་མཛོད་ནས༔ ཤྲཱི་སིང་ཧའི་དབང་བྱིན་ཕོབ༔ ཡེ་ཤེས་སྒྱུ་མ་ཟང་ཐལ་སྐུ༔ པད་འབྱུང་ཡབ་ཡུམ་དབང་བྱིན་ཕོབ༔ གདུལ་བྱའི་མོས་ངོར་སྒྱུ་འཕྲུལ་སྣང་༔ རྗེ་འབངས་ཉེར་ལྔའི་དབང་བྱིན་ཕོབ༔ འཁོར་འདས་དག་མཉམ་གཞལ་ཡས་ནས༔ དྲིན་ཅན་བླ་མའི་དབང་བྱིན་ཕོབ༔ སྒྲུབ་པའི་ཡུལ་གནས་བརྟན་གཡོ་ཀུན༔ ཞིང་དང་ཡེ་ཤེས་ལྷར་བྱིན་ཕོབ༔ སྒྲུབ་ཁང་སྒྲུབ་མཆོག་མཆེད་ལྕམ་དྲལ༔ གཞལ་ཡས་ལྷ་རུ་དབང་བྱིན་ཕོབ༔ ཕུང་ཁམས་དབང་ཡུལ་ཡན་ལག་ལ༔ གདན་གསུམ་ལྷ་ཡི་དབང་བྱིན་ཕོབ༔ མ་དག་ལུགས་འབྱུང་འཁོར་བའི་ཆོས༔ བདག་མེད་རོལ་པར་ལུགས་ལྡོག་ནས༔ གདོད་མའི་ཡེ་གཞི་ཡེ་ཤེས་ངང་༔ མངོན་གྱུར་ཆེན་པོར་དབང་བྱིན་ཕོབ༔ གུ་རུ་དྷེ་ཝ་ཌཱ་ཀི་ནཱི་སརྦ་ས་མ་ཡ་ཨ་ཝེ་ཤ་ཡ་ཨ་ཨ༔ ས་མ་ཡ༔ འདི་ལྟར་དུས་གསུམ་བརྩོན་བྱས་ནསཿ སྒྲུབ་པ་བྱེད་པའི་སྐྱེས་བུ་ཀུན༔ རྣམ་མཁྱེན་རྫོགས་པའི་བྱང་ཆུབ་ཏུ༔ འཚང་རྒྱ་བ་ལ་ཐེ་ཚོམ་མེད༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ ཨྠི༔ ཞེས་པ་འདི་ཡང་ཁྲག་འཐུང་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མཐར་པདྨ་རྣམ་རྒྱལ་གྱིས་ནན་དུ་བསྐུལ་ངོར་ལྷ་ལུང་བདེ་ཆེན་གླིང་དུ་དག་པར་ཕབ་པའི་ཡི་གེ་པ་ནི་རྣལ་འབྱོར་ཨོ་རྒྱན་རྡོ་རྗེའོ། །དགེའོ། །དགེའོ །དགེའོ །སརྦ་མངྒ་ལཾ།། T11603 - 336 ཟབ་གསང་མཁའ་འགྲོའི་སྙིང་ཐིག་ལས༔ བླ་མ་རྡོ་རྗེ་སེམས་དཔའི་སྒྲུབ་ཐབས་གྲུབ་གཉིས་གཏེར་མཛོད་བཞུགས་སོ༔ TI1603 - 337 ཧོ།༔ ཐརྦ།སགྷརྨ།ཏྟ།ཿ ན་མོ་གུ་རུ་པདྨ་ཀ་ར་ཡེ༔ ཉོན་ཅིག་མངའ་བདག་ཆོས་ཀྱི་རྒྱལ༔ བསྐལ་པ་རྩུབ་འགྱུར་དུས་ཀྱི་ཚེ༔ སྙིགས་མ་ལྔ་དང་མི་ཐུབ་ལྔས༔ སེམས་ཅན་བསོད་ནམས་ཉམས་པའི་ཚེ༔ ཆོས་བཞིན་སྤྱོད་པ་ཉིན་སྐར་ཙམ༔ གལ་ཏེ་ལས་དང་བསོད་ནམས་ཀྱིས༔ སྲིད་ཀྱང་བདུད་དང་ནག་ཕྱོགས་ཀྱིས༔ བློ་སྣ་བསྒྱུར་ནས་དམ་སྡོམ་ཉམས༔ དེ་ཕྱིར་བླ་མ་རྡོ་རྗེ་སེམས༔ སྒོམ་སྒྲུབ་མཆོད་བསྐང་བཤགས་པར་འབད༔ ན་རག་དོང་སྤྲུགས་ཡང་སྙིང་བཟླ༔ དེས་ནི་ཉམས་ཆག་རྟོག་སྒྲིབ་དག༔ ད་ལྟ་མངའ་བདག་ཁྱོད་ལ་གདམས༔ མ་འོངས་ང་ཉིད་ཡང་སྲིད་ཚེ༔ ཟབ་ཆོས་འདི་འདོམས་འབངས་འཁོར་འདྲེན༔ དེ་ཚེ་ཁྱོད་ཀྱང་འདི་དང་འཕྲད༔ འདི་ཡི་ལག་ལེན་རིམ་པ་ནི༔ དཀྱིལ་TI1603 - 338 ཧོ༔ འཁོར་བཀོད་ལེགས་ཡིད་འོང་ལ༔ སྤྲོས་ན་ཐིག་ཚོན་མཛེས་ལྡན་བྱ༔ མིན་ཀྱང་རས་བྲིས་གཞལ་ཡས་ཁང་༔ སྤྲོས་མེད་ལུགས་སུ་ཚོམ་བུར་བསྟེན༔ ཤིན་ཏུ་སྤྲོས་མེད་སྐུ་གཟུགས་སམ༔ གཏོར་མ་ཙམ་གྱིས་ཆོག་པ་ལ༔ མཆོད་རྫས་འབྱོར་པ་ཆེ་ཆུང་གི༔ དཔག་སྟེ་བཤམས་པ་ཆེད་དུ་བཞག༔ བགེགས་ལ་ཆངས་བུ་མར་མེ་དང་༔ གཏོར་སྐྱུག་འབྲས་ཆན་བཏང་ནས་བསྐྲད༔ དང་པོ་སྐྱབས་སུ་འགྲོ་བ་ནི༔ ཧཱུྃ༔ བླ་མ་སངས་རྒྱས་བླ་མ་ཆོས༔ དེ་བཞིན་བླ་མ་དགེ་འདུན་དཔལ༔ དཔལ་ལྡན་རྡོ་རྗེ་འཆང་དབང་ལ༔༷ བྱང་ཆུབ་བར་དུ་སྐྱབས་སུ་མཆི༔ དེ་ནས་སེམས་བསྐྱེད་པ་ནི༔ ཧཱུྃ༔ ཁམས་གསུམ་འཁོར་བའི་སེམས་ཅན་ཀུན༔ རྣམ་གྲོལ་ས་T11603 - 339 ལ་འགོད་པའི་ཕྱིར༔ གསང་ཆེན་ཐབས་ལམ་ལ་བསྟེན་ནས༔ སྒོ་གསུམ་རྡོ་རྗེའི་གྲོང་འཇུག་བྱ༔ དེ་ནས་བགེགས་བསྐྲད་པ་ནི༔ ཧཱུྃ༔ རིག་སྟོང་ཞེ་སྡང་རྡོ་རྗེའི་ངང་༔ ཡེ་ཤེས་སྒྱུ་མའི འཕྲུལ་རྩལ་གྱིས༔ ཁྲོ་ཚོགས་མཚོན་ཐུན་འཁྲུལ་འཁོར་འགྱེད༔ བདག་ལྟའི་རཱུ་དྲ་དབྱིངས་སུ་བསྐྲད༔ ཅེས་ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ དེ་ནས་སྲུང་བའི་འཁོར་ལོ་བསྒོམ་པ་ནི༔ ཧཱུྃ༔ སྣང་བ་བདེ་ཆེན་ཐབས་ཀྱི་དབྱིངས༔ སྟོང་ཉིད་ཤེས་རབ་ཡུམ་གྱི་མཁའ༔ ཐམས་ཅད་དག་མཉམ་ཡེ་སངས་རྒྱས༔ བགེགས་དང་ལོག་འདྲེན་མིང་ཡང་མེད༔ ངྷརྨ་དྷཱ་ཏུ་བཛྲ་རཀྵ་རཀྵ་ཧཱུྃ༔ དེ་ནས་བྱིན་ཆེན་དབབ་པ་ནི༔ ཧཱུྃ༔ སྐྱེ་འགགས་འགྱུར་མེད་སྤྲོས་མཐའ་བྲལ༔ སྐུ་གསུམ་བླ་མས་བྱིན་ཆེན་ཕོབ༔ དོན་དམ་མི་ཤིགས་རྡོ་རྗེའི་སྐུ༔ རྡོ་རྗེ་སེམས་དཔས་དབང་བྱིན་ཕོབ༔ ཨོཾ་ཨཱཿ ཧཱུྃ་གུ་རུ་དྷེ་ཝ་ཌཱ་ཀི་ནཱི་སརྦ་ས་མ་ཡ་ཕེཾ་ཕེཾ་ཨ་ཝེ་ཤ་ཡ་ཨཱཿ དེ་ནས་མཆོད་པ་བྱིན་བརླབ་ནི༔ ཨོཾ་ཨཱཿ ༔ ཡུལ་དྲུག་འདོད་ཡོན་གཏེར་ཆེན་པོ༔ མི་ཟད་རྒྱན་གྱི་འཁོར་ལོར་ཤར༔ ཕྱི་ནང་གསང་མཆོད་བླ་ན་མེད༔ ཡེ་ཤེས་བདུད་རྩིར་ཡེ་ནས་གནས༔ སརྦ་གྷ་ཎ་པཉྩ་ཨ་མྲྀ་ཏ་ཡེ་སྭཱ་ཧཱ༔ དེ་ནས་ལྷ་བསྐྱེད་རིམ་པ་ནི༔ ཨ༔ འཁོར་འདས་དག་མཉམ་སྟོང་པ་ཉིད༔ ཧྲི།༔ ལྷུན་གྲུབ་བདེ་ཆེན་བཀོད་པ་སྣང་༔ ཐུགས་རྗེའི་རང་གཟུགས་ཡི་གེ་ཧཱུྃ༔ འོད་དང་འོད་ཟེར་དྲྭ་བ་ལས༔ སྣང་བ་ཐམས་ཅད་མངོན་དགའི་ཞིང་༔ སྲིད་པ་དག་མཉམ་ཡེ་ཤེས་ལྷ༔ བརྡལ་ཁྱབ་མཚན་ཉིད་རབ་རྫོགས་པའི༔ སྐུ་དང་ཡེ་ཤེས་གཞལ་ཡས་སུ༔ མ་ཆགས་པདྨ་ཟླ་གདན་ལ༔ ཧཱུྃ་ལས་བླ་མ་རྡོ་རྗེ་སེམས༔ དཀར་གསལ་ཞལ་གཅིག་ཕྱག་གཉིས་པ༔ ཞི་འཛུམ་མཚན་དང་དཔེ་བྱད་རྫོགས༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པས་དྲིལ་བུ་དཀུ་ལ་བརྟེན༔ རིན་ཆེན་དབུ་རྒྱན་སྙན་ཆ་དང་༔ ཕྲེང་བ་དོ་ཤལ་གདུབ་བུས་བརྒྱན༔ དར་གྱི་སྟོད་གཡོགས་སྨད་དཀྲིས་ཤམ༔ སྐུ་རེག་པང་ཁེབས་ཅོད་པན་སྤྲས༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྙེམས་མ་དཀར་མོས་གྲི་གུག་དང་༔ གཡོན་པས་བྷནྡྷ་བདུད་རྩི་སྟོབ༔ གཞོན་ཚུལ་ལང་ཚོའི་དཔལ་གྱིས་འཁྱུད༔ འོད་དང་འོད་ཟེར་རབ་ཏུ་འབར༔ སྤྱི་བོར་རིགས་བདག་མི་བསྐྱོད་པ༔ སྔོན་པོ་མཉམ་བཞག་ས་གནོན་ཅན༔ ཤར་དུ་བཅོམ་ལྡན་རྣམ་སྣང་དཀར༔ བྱང་ཆུབ་མཆོག་གི་ཕྱག་རྒྱ་ཅན༔ ལྷོ་རུ་བཅོམ་ལྡན་རིན་འབྱུང་སེར༔ མཆོག་སྦྱིན་མཉམ་བཞག་ཕྱག་རྒྱ་ཅན༔ ནུབ་ཏུ་བཅོམ་ ལྡན་སྣང་མཐའ་ཡས༔ དམར་པོ་མཉམ་བཞག་ཕྱག་རྒྱ་ཅན༔ བྱང་དུ་དོན་ཡོད་གྲུབ་པ་ལྗང་༔ སྐྱབས་སྦྱིན་མཉམ་བཞག་ཕྱག་རྒྱ་ཅན༔ ཀུན་ཀྱང་རང་རང་ཡུམ་དང་སྦྱོར༔ ལོངས་སྤྱོད་རྫོགས་པའི་ཆས་ཀྱིས་བརྒྱན༔ སྒོ་བཞིར་སྒོ་སྐྱོང་ཆེན་མོ་བཞི༔ དཀར་སེར་དམར་ལྗང་འདོར་སྟབས་ཅན༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ གཡོན་རྣམས་སྡིགས་མཛུབ་དཀུ ལ་བརྟེན༔ རང་རིག་རྡོ་རྗེ་སེམས་དཔའ་ཡི༔ སྐུ་ལ་རྒྱལ་བ་ཞི་ཁྲོ་རྫོགས༔ ཉི་མ་དང་ནི་འོད་ཟེར་བཞིན༔ ཡེ་ཤེས་རོལ་པ་ཆེན་པོའི་རྩལ༔ མ་བཙལ་རྫོགས་ལྡན་རང་བྱུང་ཤར༔ གཟུགས་བརྙན་ཆུ་ཟླ་འཇའ་ཚོན་བཞིན༔ སྣང་ལ་རང་བཞིན་མེད་པར་བསྒོམ༔ གནས་ལུགས་བདེ་གཤེགས་སྙིང་པོ་ཡི༔ སྐུ་དང་ཡེ་ཤེས་རོལ་པའི་དཔལ༔ ལྷ་དང་ཞིང་ཁམས་རོལ་པ་ཆེ༔ གང་གིས་མོས་ངོར་དེར་དེ་སྣང་༔ ཆོས་ཉིད་ནམ་མཁའ་མཛོད་ཀྱི་ཀློང་༔ ཡེ་བབ་ཆེན་པོའི་ཉིད་དུ་རིག༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་དང་ཡེ་ཤེས པ༔ མངོན་གྱུར་ཆེན་པོར་ལྷུན་གྱིས་གྲུབ༔ དེ་ནས་སྤྱན་འདྲེན་པ་ནི༔ ཧཱུྃ༔ བརྡལ་ཁྱབ་སྤྲོས་བྲལ་ཆེན་པོ་ནས༔ ལྷུན་གྲུབ་སྐུ་དང་ཡེ་ཤེས་དཔལ༔ གཤེགས་བྱོན་མེད་དེ་མངོན་གྱུར་དུ༔ ཧྲི།༔ དབྱིངས་ནས་བཞེངས་ཤིག་ས་མཱ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ༔ གདོད་ནས་མ་བཅོས་ཆོས་ཀྱི་སྐུ༔ ལྷན་སྐྱེས་ཡེ་ཤེས་བྱང་ཆུབ་སེམས༔ རང་ཞལ་མཇལ་ཞིང་རང་དབང་དུ༔ མི་འགྱུར་བདེ་བ་ཆེན་པོར་བཞུགས༔ བཛྲ་སཏྭ་ས་མ་ཡ་ཛ་ཛ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ༔ ཀུན་ཁྱབ་ཡེ་ཤེས་ཆོས་ཀྱི་སྐུ༔ ཀུན་གཟིགས་ཡེ་ཤེས ལོངས་སྤྱོད་རྫོགས༔ ཀུན་མཁྱེན་ཡེ་ཤེས་སྤྲུལ་པའི་སྐུ༔ ཀུན་འདུས་དཔལ་ལ་ཕྱག་འཚལ་ལོ༔ ཨ་ཏི་པུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ མཆོད་ཡོན་དང་ནི་ཞབས་བསིལ་དང་༔ མེ་ཏོག་བདུག་སྤོས་མར་མེ་དྲི༔ ཞལ་ཟས་རོལ་མོ་ཉེར་སྤྱོད་ཚོགས༔ རྡོ་རྗེ་སེམས་དཔའི་དལ་དུ་འབུལ༔ ཨོཾ་བཛྲ་ཨརྒྷཾ་སོགས་ནས་ཤབྡ་པྲ་ཏཱིཙྪ་པཱུ་ཛ་ཧོཿ ཧཱུྃ༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་ལྔ་ཡི་མཆོད་པ་འདི༔ རྡོ་རྗེ་སེམས་དཔའི་དལ་དུ་འབུལ༔ བཛྲ་རཱུ་པ་ནས་སྤཪྴ་པྲ་ཏཱིཙྪ་པཱུ་ཛ་ཧོཿ ཧཱུྃ༔ བདུད་རྩི་སྨན་དང་འཁོར་བའི་ཁྲག༔ འདོད་འབྱུང་དཔལ་གྱི་གཏོར་མ་དང་༔ བདེ་ཆེན་སྦྱོར་བའི་རིག་མ་ལྔ་༔ བླ་མེད་གསང་ཆེན་མཆོད་པའི་ཚོགས༔ རྡོ་རྗེ་སེམས་དཔའི་ཚོགས TI1603 - 343 ལ་འབུལ༔ བཞེས་ནས་དབང་དང་དངོས་གྲུབ་སྩོལ༔ མ་ཧཱ་སརྦ་པཉྩ་རཀྟ་བ་ལིངྟ་ཛྙཱ་ན་མུ་དྲ་བོ་དྷི་ཙིཏྟ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ནི༔ ཧཱུྃ༔ ཆོས་སྐུ་ནམ་མཁའ་ལྟ་བུ་ལས༔ གཟུགས་སྐུ་འཇའ་ཚོན་ལྟ་བུར་གསལ༔ ཐུགས་རྗེས་གདུལ་བྱ་ཐབས་ཀྱིས་འདུལ༔ རྡོ་རྗེའི་སྐུ་ལ་ཕྱག་འཚལ་བསྟོད༔ ཧཱུྃ༔ ལྷུན་གྲུབ་བདེ་བ་ཆེན་པོ་རུ༔ རྒྱུ་དང་འབྲས་བུ་ལམ་སྣང་དང་༔༷ ཐེག་པའི་ཆོས་རྣམས་ངང་གིས་རྫོགས། རྡོ་རྗེའི་གསུང་ལ་ཕྱག་འཚལ་བསྟོད༔ ཧཱུྃ༔ གནས་ལུགས་བདེ་གཤེགས་སྙིང་པོའི་དབྱིངས༔ ཀ་དག་སྤྲོས་བྲལ་ཀུན་ཁྱབ་བརྡལ༔ རྣམ་ཐར་བརྒྱད་ལྡན་སྟོང་པ་ཉིད༔ མ་བཅོས་ཡེ་གྲོལ་རྫོགས་སངས་རྒྱས༔ དོན་དམ་མི་ཤིགས་རྡོ་རྗེ་ཆེ༔ རྡོ་རྗེ་སེམས་དཔའི་ཐུགས་ལ་བསྟོད༔ དེ་ནས་བཤགས་པ་ནི༔ ཧཱུྃ༔ བླ་མེད་བླ་མ་རིན་པོ་ཆེ༔ སྐུ་དང་ཡེ་ཤེས་རོལ་པའི་དབྱིངས༔ རིགས་ལྔ་གངས་ཆེན་དགོངས་སུ་གསོལ༔ བདག་ནི་མ་རིག་དབང་གྱུར་ཏེ༔ རྩ་བ་ཡན་ལག་དམ་ཉམས་ཀུན༔ མི་འཆབ་མི་སྦེད་མཐོལ་ལོ་བཤགས༔ ཨོཾ་བཛྲ་སཏྭ་ས་མ་ཡ་སོགས༔ དེ་ནས་འཛབ་དམིགས་ནི༔ ཧཱུྃ༔ རང་རིག་རྡོ་རྗེ་སེམས་དཔའ་ཡི༔ ཐུགས་ཀར་རྡོ་རྗེ་དཀར་པོའི་ལྟེར༔ ཧཱུྃ་ཡིག་ཉིད་ལ་སྔགས་ཀྱིས རྡོ།༔ བསྐོར༔ རང་སྒྲས་སྲིད་གསུམ་གཡོ་ཞིང་འདར༔ སྣོད་བཅུད་དཀྱིལ་འཁོར་གསུམ་ལྡན་གྱི༔ རོལ་པ་ཆེན་པོར་རྫོགས་སངས་རྒྱས༔ ཡི་གེ་བརྒྱ་པ་ཅི་མང་དང་༔ ཡི་གེ་དྲུག་པ་བཟླ༔ ཡང་སྐབས་སུ་རང་ཉིད་རྡོ་རྗེ་སེམས་དཔར་གསལ་བའི་ཐུགས་ཀའི་སྔགས་ཕྲེང་ལས་འོད་ཟེར་དཔག་ཏུ་མེད་པ་འཕྲོས་པས་ཁམས་གསུམ་སེམས་ཅན་ཐམས་ཅད་ཀྱི་སྡིག་སྒྲིབ་ལས་ཉོན་བག་ཆགས་ཐམས་ཅད་སངས་ཀྱིས་དག་པར་བྱས་ནས་ཐམས་ཅད་དཔལ་རྡོ་རྗེ་སེམས་དཔའི་སྐུ་གསུང་ཐུགས་ཡོན་ཏན་ཕྲིན་ལས་ཡོངས་རྫོགས་ཀྱི་རོལ་པར་གྱུར་ཏེ་སྔགས་ཡི་གེ་བརྒྱ་པའི་སྒྲ་དབྱངས་སྒྲོགས་པར་བསྒོམ༔ ཡི་གེ་བརྒྱ་པ་བརྗོད༔ སླར་ཡང་འོད་ཟེར་དཔག་ཏུ་མེད་པ་ཕྱོགས་བཅུར་འཕྲོས་པས་ཁམས་གསུམ་གྱི་འཁོར་བ་ཐམས་ཅད་སྐུ་གསུམ་ཡེ་ཤེས་ཀྱི་དབྱིངས་སུ་བཤིགས་ནས་ཁྱབ་གདལ་ཀ་དག་གི་ངང་དུ་འབྱམས་ཀླས་པར་གྱུར༔ ཨོཾ་བཛྲ་སཏྭ་ཧཱུྃ༔ སརྦ་པཱ་པཾ་དུཿ ཁ་ཤཱནྟི་ཀུ་རུ་ཡེ་སྭཱ་ཧཱ༔ ཅི་མང་བཟླས༔ རང་ཉིད་རྡོ་རྗེ་སེམས་དཔའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་འབུལ༔ ཐུགས་དམ་གྱི་རྒྱུད་བསྐུལ་སྐུ་གསུང་ཐུགས་ཡོན་ཏན་ཕྲིན ལས་ཀྱི་དབང་བྱིན་དངོས་གྲུབ་ཐམས་ཅད་ཚུར་འདུས་བདག་ལ་ཐིམ༔ ནད་གདོན་སྡིག་སྒྲིབ་བག་ཆགས་ཐམས་ཅད་ཞི་ཞིང་དག་པར་བྱས༔ ཚེ་བསོད་དཔལ་འབྱོར་མངའ་ཐང་ཡོན་ཏན ཐམས་ཅད་རྒྱས་པར་བྱས༔ སྣང་སྲིད་འཁོར་འདས་ཐམས་ཅད་དབང་དུ་བསྡུས༔ དགྲ་བགེགས་གདུག་པ་ཅན་ཐམས་ཅད་ཚར་བཅད་རྡུལ་དུ་བརླག་ནས་དྲག་པོའི་ཕྲིན་ལས་ཐམས་ཅད་ཐོགས་པ་མེད་པར་འགྲུབ་པར་བསམ༔ ཨོཾ་བཛྲ་སཏྭ་ཧཱུྃ༔ ཨོཾ་བཛྲ་སཏྭ་ས་མ་ཡ་སོགས་སཏྭ་ཨཱཿ ཞེས་བཟླས་མཐར༔ རང་ཉིད་རྡོ་རྗེ་སེམས་དཔར་གསལ་བའི་ཐུགས་ཀའི་ཧཱུྃ་ལས་འོད་ཟེར་དཔག་ཏུ་མེད་པ་འཕྲོས་པས་ཁམས་གསུམ་གྱི་འཁོར་བ་དོང་ནས་སྤྲུགས་ཏེ་སེམས་ཅན་ཐམས་ཅད་ཡེ་ཤེས་ལྷ་ཡི་སྐུར་སངས་རྒྱས་པར་བསམ༔ ཨོཾ་བཛྲ་སཏྭ་ས་མ་ཡ༔ སོགས་ཡི་གེ་བརྒྱ་པ་དང་དྲུག་པ་ཅི་མང་བཟླ༔ འདི་ལྟར་བསྐྱེད་རིམ་གནད་ལྡན་པས༔ བསྒྲུབ་ན་དངོས་གྲུབ་མཆོག་ཐོབ་འགྱུར༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ལས་མ་འདའ་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱ་བྱས་མཐར་རང་སློབ་དད་དམ་ལྡན་པ་པདྨ་རྣམ་རྒྱལ་གྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ །དགེའོ། །དགེའོ། །སརྦ་མངྒ་ལཾ།། །། འ༣ མ བྷཾ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའི་སྒྲུབ་སྐོར་གྱི༔ ཚོགས་མཆོད་ཡེ་ཤེས་མངོན་བྱེད་བཞུགས་སོ༔ TI1603 - 347 ཧོ།༔ ན་མོ་གུ་རུ་པདྨ་ཀ་ར་ཡེ༔ སྟནས།མ༔ རྣལ་འབྱོར་ཉམས་ཆག་བསྐང་བ་དང་༔ ཚོགས་གཉིས་རྫོགས་ཕྱིར་འབྱོར་ཚོགས་ཀྱི༔ རྫས་དང་ཡོ་བྱད་བཤམས་ནས་སུ༔ མི་ཟད་ནམ་མཁའ་མཛོད་དུ་སྤེལ༔ དེ་ནས་བསང་སྦྱངས་ནི༔ ཧཱུྃ༔ བདག་ཉིད་ལྷ་ཡི་ཐུགས་ཀ་ནས༔ སྦྱོང་བྱེད་ཡི་གེ་འབྲུ གསུམ་འཕྲོས༔ རཾ་ལས་མེ་བྱུང་དངོས་འཛིན་བསྲེགས༔ ཡཾ་ལས་རླུང་བྱུང་རྣམ་རྟོག་སྦྱངས༔ ཁཾ་ལས་ཆུ་བྱུང་བག་ཆགས་བཀྲུས༔ རཾ་ཡཾ་ཁ༔ དེ་ནས་བྱིན་གྱིས་བརླབ་པ་ནི༔ ཧཱུྃ༔ རྡོ་རྗེའི་སྙིང་པོ་འབྲུ་གསུམ་ལས༔ ཡེ་ཤེས་བདུད་རྩི་དཀར་དམར་མཐིང་༔ འདོད་རྒུའི་དཔལ་ཡོན་ཅིར་T11603 - 348 ཤུཧོ།༔ ཡང་འཆར༔ སྐུ་གསུམ་དབྱིངས་ཀུན་ཡོངས་ཁྱབ་གྱུར༔ ཨོཾ་ཨཱཿ ༔ ལན་གསུམ་དེ་ནས་སྤྱན་འདྲེན་པ་ནི༔ ཧཱུྃ༔ རང་སྣང་རྣམ་དག་ཞིང་ཁམས་ནས༔ གཞིར་གནས་མགོན་པོ་འོད་མི་འགྱུར༔ གཞི་སྣང་རིགས་ལྔ་གངས་ཆེན་མཚོ༔ གཞི་རྩལ་དཔའ་བོ་དཔའ་མོའི་ཚོགས༔ མ་ལུས་ལུས་པ་མེད་པ་རུ༔ ཚོགས་ཀྱི་འདུ་བར་གཤེགས་སུ་གསོལ༔ དབྱིངས་ལ་གཤེགས་བཞུགས་མི་མངའ་ཡང་༔ རྟག་འཛིན་མངོན་ཞེན་གདུལ་བྱ་ལ༔ ཐུགས་རྗེའི་ཐབས་ཀྱིས་སྐུར་སྟོན་ཅིང་༔ གང་འདུལ་ཕྲིན་ལས་སྣ་ཚོགས་ཀྱིས༔ བསོད་ནམས་བསགས་TI1603 - 349 པའི་ཞིང་སར་རོལ༔ ཨོཾ་སརྦ་བུདྡྷ་བོ་དྷི་སཏྭ་ས་མ་ཡ་ཛ་ཛཿ དེ་ནས་ཚོགས་ཕུད་འབུལ་བ་ནི༔ ཧཱུྃ༔ བླ་མ་རྡོ་རྗེ་སེམས་དཔའ་དང་༔ རིགས་ལྔ་ཡབ་ཡུམ་སྒོ་སྐྱོང་བཅས༔ དུས་གསུམ་རྒྱལ་བ་སྲས་བཅས་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ སརྦ་གྷ་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་ནི༔ ཧཱུྃ༔ བླ་མ་རྡོ་རྗེ་སེམས་དཔའ་དང་༔ རྒྱུད་སྡེ་རྒྱ་མཚོའི་དཀྱིལ་འཁོར་དུ༔ སྡོམ་དང་བསླབ་པ་དམ་ཉམས་ཀུན༔ ཚོགས་ཀྱི་མཆོད་པས་བསྐང་ཞིང་བཤགས༔ ཨོཾ་གྷ་ཎ་ཙཀྲ་སཏྭ་ས་མ་ཡ་སོགས༔ དེ་ནས་ཉམས་པ་བསྒྲལ་བ་ལ༔ ཧཱུྃ༔ ལྕགས་ཀྱུ་མ་ཡིས་དགྲ་བགེགས་ཁུག༔ ཞགས་པ་མ་ཡིས་སྒོ་གསུམ་ཆིངས༔ ལྕགས་སྒྲོག་མ་ཡིས་དབང་པོ་སྡོམས༔ དྲིལ་བུ་མ་ཡིས་མྱོས་ཤིང་སྒྲོལ༔ ཛཿ ཧཱུྃ་བྃ་ཧོཿ ནྲྀ་ཏྲི་མཱ་ར་ཡ་རྦད་སོད༔ དེ་ནས་ཞལ་དུ་བསྟབ་པ་ནི༔ ༔ བསྟན་དགྲ་བསྒྲལ་བའི་ཤ་རུས་ཁྲག༔ དབང་ཡུལ་སྐྱེ་མཆེད་ཕུང་པོ་ཁམས༔ བདེ་གཤེགས་རིགས་ལྔའི་ཞལ་དུ་བསྟབ༔ མི་འཁྲུལ་གདོད་མའི་གཞི་རུ་