Tibetan
རྗེའི་རིགས་མཆོག་ལ༔ ལུས་དང་ལོངས་སྤྱོད་འདོད་ཡོན་འབུལ༔ ཚེ་འདས་ཚོགས་གཉིས་རབ་རྫོགས་ནས༔ རྣམ་མཁྱེན་སངས་རྒྱས་ས་རུ་དྲོངས༔ བཛྲ་ནེེ་ཝིདྱ་པཱུ་ཛ་ཧོཿ དེ་ནས་ལན་ཆགས་བསྔོ་བ་ནི༔ ཧཱུྃ༔ ཞེ་སྡང་ལས་TI1603 - 369 ལས་བསྐྱེད་པ་ཡི༔ ལན་ཆགས་ཤ་མཁོན་བདག་པོ་ལ༔ ཆངས་གླུད་འདོད་ཡོན་གཏོར་མ་བསྔོ༔ ཐར་ལམ་བར་ཆད་གེགས་མ་བྱེད༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར སཾ་བྷ་ར་ཧཱུྃ༔ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ནི༔ ཀྱེེ༔ ཉོན་ཅིག་ཚེ་འདས་རིགས་ཀྱི་བུ༔ ཞེ་སྡང་དྲག་པོའི་ལས་འབྲས་བུ༔ ཚ་གྲང་དམྱལ་བའི་གནས་དང་ཡུལ༔ འཁྲུལ་སྣང་རྨི་ལམ་བཞིན་དུ་ཤར༔ འདི་ལ་དང་པོ་བྱུང་བའི་ཁུང་༔ བར་དུ་གནས་དང་ཐ་མ་རུ༔ འགྲོ་བའི་གནས་ཡུལ་བདག་པོ་མེད༔ གཞི་མེ་རྩ་བྲལ་སྟོང་པ་ཉིད༔ མེད་བཞིན་འཁྲུལ་པ་ཐག་ཆོད་དང་༔ དམྱལ་བའི་འཁྲུལ་སྦུབས་དབྱིངས་སུ་འཇིག༔ ཨོཾ་བཛྲ་སཏྭ་ཧཱུྃ༔ སརྦ་ན་ར་ཀ་ཨ་ཕཊ༔ དེ་ནས་ཡི་དྭགས་གནས་འདྲེན་ནི༔ ཧཱུྃ༔ སྐད་ཅིག་སྣང་བ་གནས་འགྱུར་ཏེ༔ བཅོམ་ལྡན་སྣང་མཐའི་སྤྲུལ་པ་ལས༔ ཡི་དྭགས་གནས་རིས་བདག་པོ་ཡང་༔ སྒྱུ་མ་རྨི་ལམ་ཇི་བཞིན་ཤར༔ སྤྲུལ་སྐུའི་འགྲོ་དོན་བླ་ན་མེད༔ དེ་ནས་ཞལ་ཟས་འབུལ་བ་ལ༔ ཧཱུྃ པདྨ་རིགས་ཀྱི་བདག་པོ་ལ༔ ལུས་དང་ལོངས་སྤྱོད་མཆོད་པ་འབུལ༔ ཚེ་འདས་ཚོགས་གཉིས་རབ་རྫོགས་ནས༔ ཐར་པའི་ལམ་དུ་དྲང་དུ་གསོལ༔ ཨོཾ་བཛྲ་ནེེ་ཝིདྱ་པཱུ་ཛ་ཧོཿ དེ་ནས་ ཧྲི།༔ ཆངས་གླུད་བསྔོ་བ་ལ༔ ཧཱུྃ༔ འདོད་ཆགས་ལས་ལས་སྐྱེས་པ་ཡི༔ ལན་ཆགས་ཤ་མཁོན་བདག་པོ་ལ༔ ཆངས་གླུད་འདོད་ཡོན་གཏོར་མ་བསྔོ༔ ཐར་ལམ་བར་ཆད་གེགས་མ་བྱེད༔ ན་མཿསརྦ་ཏ་ཐཱ་ག་ཏ་སོགས༔ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ལ༔ ཀྱེེ་ཧོ་ཚེ་འདས་རིགས་ཀྱི་བུ༔ ཉོན་མོངས་འདོད་ཆགས་གཞིས་བསྐྱེད་པས༔ སེར་སྣ་འཇུར་གེགས་རྒྱུ་འབྲས་ཀྱི༔ བག་ཆགས་མཚུངས་ལྡན་སྣང་བ་མཆེད༔ ཡི་དྭགས་གནས་ཡུལ་བདག་པོར་ཤར༔ དེ་ཡང་སྒྱུ་མ་རྨི་ལམ་བཞིན༔ བདེན་པར་གྲུབ་པ་རྡུལ་ཙམ་མེད༔ དེ་དོན་ཤེས་པའི་ཤེས་རབ་ཀྱིས༔ ཡི་དྭགས་འཁོར་བ་དོང་ནས་སྤྲུགས༔ བདེ་བ་ཆེན་པོའི་ས་རུ་གཤེགས༔ ཨོཾ་བཛྲ་སཏྭ་ཧཱུྃ༔ སརྦ་པྲེ་ཏ་ཀ་ཨ་ཕཊ༔ དེ་ནས་དུད་འགྲོའི་གནས་འདྲེན་ལ༔ ཧཱུྃ༔ སྐད་ཅིག་སྣང་བ་གནས་འགྱུར་ཏེ༔ བཅོམ་ལྡན་རྣམ་སྣང་སྤྲུལ་པ་ལས༔ དུད་འགྲོའི་གནས་ཡུལ་བདག་པོ་མཆེད༔ བརྟན་མེད་སྒྱུ་མ་ཇི་བཞིན་དུ༔ སྤྲུལ་སྐུའི་འགྲོ་དོན་བླ་ན་མེད༔ དེ་ནས་ཞལ་ཟས་འབུལ་བ་ནི༔ ༔ སངས་རྒྱས་རིགས་ཀྱི་བདག་པོ་ལ༔ ཚེ་རབས་དུ་མའི་ལུས་ལོངས་སྤྱོད༔ ཞལ་ཟས་རོ་བརྒྱར་བསྡུས་ཏེ་འབུལ༔ ཚེ་འདས་ཚོགས་གཉིས་རབ་རྫོགས་ནས༔ རྣམ་མཁྱེན་སངས་རྒྱས་ས་རུ་དྲོངས༔ བཛྲ་ནེེ་ཝིདྱ་པཱུ་ཛ་ཧོཿ དེ་ནས་ཆངས་གླུད་བསྔོ་བ་ནི༔ ཧཱུྃ༔ གཏི་མུག་ལས་ལས་སྐྱེས་པ་ཡི༔ ལན་ཆགས་ཤ་མཁོན་བདག་པོ་ལ༔ ཆངས་བུ་གཏོར་མ་གླུད་དུ་འབུལ༔ ས་ལམ་བར་ཆད་གེགས་མ་བྱེད༔ ན་མཿསརྦཿ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ནི༔ ཀྱེེ་མ༔ ཉོན་ཅིག་ཚེ་འདས་རིགས་ཀྱི་བུ༔ ཉོན་མོངས་གཏི་མུག་ལས་འབྲས་བུ༔ བག་ཆགས་མཚུངས་ལྡན་སྣང་བ་ནི༔ དུད་འགྲོའི་གནས་ཡུལ་བདག་པོར་ཤར༔ དེ་ཡང་རྨི་ལམ་སྣང་བ་བཞིན༔ བདེན་པར་གྲུབ་པ་རྡུལ་ཙམ་མེད༔ གདོད་ནས་ཆོས་དབྱིངས་སྟོང་ཆེན་ལ༔ འཁོར་ཡུལ་འཁོར་བའི་བདག་པོ་མེད༔ དེ་དོན་རྟོགས་པའི་ཤེས་རབ་ཀྱིས༔ འཁྲུལ་ཞེན་ཨ་འཐས་དབྱིངས་སུ་ཞིག༔ ངན་སོང་གནས་ངན་སྤང་བར་མཛོད༔ ཨོཾ་བཛྲ་སཏྭ་ཧཱུྃ༔ སརྦ་ཏྲི་དུཿ ཁ་ཨ་ཕཊ༔ དེ་ནས་ལྷ་མིན་གནས་ནས་འདྲེན་པ་ལ༔ ཧཱུྃ༔ སྐད་ཅིག་སྣང་བ་གནས་འགྱུར་ནས༔ བཅོམ་ལྡན་དོན་གྲུབ་སྤྲུལ་པ་ལས༔ ལྷ་མིན་གནས་ཡུལ་བདག་པོ་རྣམས༔ བརྟན་མེད་སྒྱུ་མ་རྨི་ལམ་བཞིན༔ སྐད་ཅིག་དེ་ལ་དེར་སྣང་འཕྲུལ༔ སྤྲུལ་སྐུའི་འགྲོ་དོན་བླ་ན་མེད༔ T11603 - 372 ཧྲི།༔ དེ་ནས་ཞལ་ཟས་འབུལ་བ་ལ༔ ཧཱུྃ༔ ལས་ཀྱི་རིགས་ཀྱི་བདག་པོ་ལ༔ ཚེ་རབས་དུ་མའི་ལུས་ལོངས་སྤྱོད༔ ཞལ་ཟས་རོ་བརྒྱར་བསྡུས་ཏེ་འབུལ༔ ཚོགས་རྫོགས་རྣམ་མཁྱེན་སར་འགོད་མཛོད༔ ཨོཾ་བཛྲ་ནེེ་ཝིདྱ་པཱུ་ཛ་ཧོཿ དེ་ནས་ལན་ཆགས་བསྔོ་བ་ལ༔ ཧཱུྃ༔ ཕྲག་དོག་ལས་ལས་སྐྱེས་པ་ཡི༔ བདུད་དང་བར་དུ་གཅོད་པ་ལ༔ ཆངས་གླུད་ལན་ཆགས་འདོད་ཡོན་བསྔོ༔ ས་ལམ་བར་ཆད་གེགས་མ་བྱེད༔ ན་མཿསརྦ་ཏ་ཐཱ་ག་ཏཿ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ལ༔ ཀྱེེ༔ ཉོན་ཅིག་ཚེ་འདས་རིགས་ཀྱི་བུ༔ ཕྲག་དོག་དྲག་པོའི་རྒྱུ་འབྲས་བུ༔ ལྷ་མིན་གནས་ཡུལ་བདག་པོར་ཤར༔ འདི་ཡང་སྒྱུ་མ་རྨི་ལམ་བཞིན༔ འཕྲུལ་དང་སྣང་བ་ཇི་བཞིན་དུ༔ གདོད་ནས་མ་བྱུང་མ་སྐྱེས་པ༔ དོན་ལ་མེད་བཞིན་སྣང་བ་ལས༔ གཞི་མེད་རྩ་བྲལ་ཆོས་ཀྱི་སྐུའི༔ དབྱིངས་ལས་གཡོ་དང་འགྱུར་དུ་མེད༔ དེ་དོན་རྟོགས་པའི་ཤེས་རབ་ཀྱིས༔ འཁོར་བའི་འཁྲུལ་ཞེན་དབྱིངས་སུ་ཤིག༔ ཨོཾ་བཛྲ་སཏྭ་ཧཱུྃ༔ སརྦ་སུཾ་ཨ་ཕཊ༔ དེ་ནས་མི་ཡི་གནས་ནས་འདྲེན་པ་ལ༔ ཧཱུྃ༔ སྐད་ཅིག་སྣང་བ་གནས་འགྱུར་ཏེ༔ ཀུན་ཏུ་བཟང་པོའི་སྤྲུལ་པ་ལས༔ མི་ཡི་གནས་ཡུལ་བདག་པོ་ ཡང་༔༷ བརྟན་མེད་སྒྱུ་མ་ཇི་བཞིན་འཕྲུལ༔ སྤྲུལ་སྐུའི་གདུལ་བྱ་བླ་ན་མེད༔ དེ་ནས་ཞལ་ཟས་འབུལ་བ་ནི༔ ཧཱུྃ༔ རིགས་ཀུན་ཁྱབ་བདག་སངས་རྒྱས་ལ༔ ཚེ་རབས་དུ་མའི་ལུས་ལོངས སྤྱོད༔ ཞལ་ཟས་རོ་བརྒྱར་བསྡུས་ཏེ་འབུལ༔ ཚོགས་རྫོགས་རྣམ་མཁྱེན་སར་དྲོངས་མཛོད༔ བཛྲ་ནེེ་ཝིདྱ་པཱུ་ཛ་ཧོཿ དེ་ནས་ཆངས་གླུད་བསྔོ་བ་ནི༔ ཧཱུྃ༔ ཉོན་མོངས་ལས་ལས་སྐྱེས་པ་ཡི༔ བདུད་དང་བར་དུ་གཅོད་པ་ལ༔ ཆངས་གླུད་ལན་ཆགས་འདོད་ཡོན་བསྔོ༔ ཐར་ལམ་བར་ཆད་གེགས་མ་བྱེད༔ མཚན་བཞིའི་སྔགས་བརྗོད༔ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ལ༔ ཀྱེེ༔ ཉོན་ཅིག་ཚེ་འདས་རིགས་ཀྱི་བུ༔ བསོད་ནམས་བསགས་པའི་སྟོབས་དེ་ལ༔ ཉོན་མོངས་ལྔ་ཡི་རྒྱུ་འདྲེས་པའི༔ མི་ཡི་གནས་ཡུལ་སྣང་བ་ཤར༔ འདི་ལ་བརྟན་དང་རྟག་པ་མེད༔ ཕ་མའི་ཐོག་མ་གང་མ་བྱུང་༔ དེས་ན་མ་བྱུང་མ་སྐྱེས་པ༔ གནས་ཡུལ་སྣོད་བཅུད་སྐྱེ་གནས་མེད༔ དེས་ན་གནས་པའི་ས་ཡང་མེད༔ སྣོད་བཅུད་སྲིད་པའི་ཆོས་སོ་ཅོག༔ ཐ་མ་འགྲོ་བའི་གནས་ཡུལ་བྲལ༔ དེས་ན་སྣང་དང་སྣང་མཁན་མེད༔ ཡུལ་མེད་ཟང་ཐལ་ཆེན་པོ་སྟེ༔ འདི་དོན་རྟོགས་པའི་ཤེས་རབ་ཀྱིས༔ འཁྲུལ་པའི་བག་ཆགས་བཤིག ཧྲི།༔ པར་མཛོད༔ ཨོཾ་བཛྲ་སཏྭ་ཧཱུྃ༔ སརྦ་ནྲྀཿ ཨ་ཕཊ༔ དེ་ནས་ལྷ་ཡི་གནས་ནས་འདྲེན་པ་ལ༔ ཧཱུྃ༔ སྐད་ཅིག་སྣང་བ་གནས་འགྱུར་ནས༔ བཅོམ་ལྡན་རིན་འབྱུང་སྤྲུལ་པ་ལས༔ ལྷ་ཡི་གནས་ཡུལ་བདག་པོ་ཀུན༔ སྒྱུ་མ་རྨི་ལམ་ཇི་བཞིན་འཕྲུལ༔ སྤྲུལ་སྐུའི་འགྲོ་དོན་བླ་ན་མེད༔ དེ་ནས་ཞལ་ཟས་འབུལ་བ་ལ༔ ཧཱུྃ༔ རིན་ཆེན་རིགས་ཀྱི་བདག་པོ་ལ༔ ཚེ་རབས་དུ་མའི་ལུས་ལོངས་སྤྱོད༔ ཞལ་ཟས་རོ་བརྒྱར་བསྡུས་ཏེ་འབུལ༔ ཚོགས་རྫོགས་རྣམ་མཁྱེན་སར་འདྲེན་མཛོད༔ བཛྲ་ནེེ་ཝིདྱ་པཱུ་ཛ་ཧོཿ དེ་ནས་ལན་ཆགས་བསྔོ་བ་ནི༔ ཧཱུྃ༔ ང་རྒྱལ་ལས་ལས་སྐྱེས་པ་ཡི༔ བདུད་དང་བར་དུ་གཅོད་པ་ལ༔ ཆངས་གླུད་ལན་ཆགས་འདོད་ཡོན་བསྔོ༔ ས་ལམ་བར་ཆད་གེགས་མ་བྱེད༔ ན་མཿ སརྦ་ཏཿ སརྦ་རཱུ་དྲ་ཨུ་ཙ་ཏ་ཡ་ཕཊ༔ དེ་ནས་འཁྲུལ་སྦུབས་བཤིག་པ་ལ༔ ཀྱེེ༔ ཉོན་ཅིག་ཚེ་འདས་རིགས་ཀྱི་བུ༔ ཚེ་རབས་འཁོར་བ་ཐོག་མེད་ནས༔ ངན་སོང་གསུམ་གྱི་སྣང་བ་མཆེད༔ ཡང་ཡང་ཚ་གྲང་བཀྲེས་སྐོམ་དང་༔༷ བླུན་རྨོངས་བཀོལ་སྤྱོད་སྣང་བ་ཤར༔ དེས་ཀྱང་གནོད་པ་བྱས་པ་མེད༔ སེམས་ཉིད་ནམ་མཁའ་རྣམ་དག་དབྱིངས༔ མཐོ་རིས་གསུམ་གྱི་སྣང་བ་མཆེད༔ གསོད་གཅོད་འཐབ རྩོད་སྡུག་བསྔལ་དང་༔ སྐྱེ་རྒ་ན་འཆི་ཕམ་ལྟུང་སོགས༔ སྡུག་བསྔལ་རྣམ་པ་སྣ་ཚོགས་སྤྱོད༔ དགའ་བདེ་ལོངས་སྤྱོད་དཔག་མེད་མྱོང་༔ དེ་ཡང་རྨི་ལམ་སྣང་བ་རུ༔ བདེ་སྡུག་མྱོང་ཚོར་ཇི་བཞིན་ཏུ༔ མ་མྱོང་མྱོང་བའི་སྣང་བ་ཙམ༔ དོན་ལ་ཆོས་ཉིད་ཀ་དག་ལ༔ གཡོ་དང་འགྱུར་བ་ཡོད་མ་ཡིན༔ ངར་འཛིན་གཅིག་པུས་བདག་སྐྱེས་ཏེ༔ བདག་ཉིད་གཅིག་པུའི་མ་རིག་པས༔ འཁོར་བའི་སྣང་བ་མ་ངེས་མཆེད༔ དེ་ཡང་མཆེད་པ་བྱུང་བ་མེད༔ མཁའ་ལ་མཁའ་ལས་མེད་པ་ལ༔ སྨིག་རྒྱུར་སྣང་བ་ཇི་བཞིན་ཏུ༔ སེམས་ལ་ཉིད་ལས་མེད་པ་ལ༔ སྣ་ཚོགས་སྣང་བ་རྩལ་དུ་ཤར༔ དེ་དོན་རྟོགས་པའི་ཤེས་རབ་ཀྱིས༔ གནས་ངན་འཁོར་བ་དབྱིངས་སུ་ཤིག༔ ཨོཾ་བཛྲ་སཏྭ་ཧཱུྃ༔ སརྦ་ཨཿ ཨ་ཕཊ༔ དེ་ནས་སྒྲིབ་པ་སྦྱང་བའི་སྟེགས་བུ་དཀྱིལ་འཁོར་གྱི་ཤར་སྒོ་པདྨ་འདབ་བརྒྱད་ཀྱི་གདན་ལ་འཁོད་པར་བསམ་ལ༔ ཧཱུྃ༔ རང་སྣང་དོན་གྱི་འོག་མིན་ནས༔ ཡེ་ཤེས་བཞིའི་གདངས་ལྷ་བཞི་ཡིས༔ ཆོས་ཉིད་རིག་པའི་སྒོ་ཕྱེས་ལ༔ ལྷུན་གྲུབ་བདེ་ཆེན་ལྷ་ཞལ་སྤྲོད༔ བཛྲ་པྲ་ཝེ་ཤ་ཡ་ཕཊ༔ ཅེས་བརྗོད་པས་མ་དག་པའི་སྣང་སེམས་ཐམས་ཅད་དག་པ་ཆོས་ཉིད་ཀྱི་རོལ་པར་འཕོས༔ ཤར་ཕྱོགས་མངོན་པར་དགའ་བའི་ཞིང་ཁམས་ཚད ཞིི༔ ལ་ཕེབས༔ ངོ་ཤེས་གདིང་ཐོབ༔ རྩལ་རྫོགས༔ བརྟན་པ་ཐོབ་པར་གྱུར་ཅིག༔ དེ་ནས་བུམ་པ་ཐོགས་ལ༔ ཧཱུྃ༔ བུམ་པ་རིན་ཆེན་གཞལ་ཡས་ཁང་༔ རྒྱལ་ཀུན་སྐུ་ཡི་གསང་བ་རྫོགས༔ ཚེ་འདས་ཁྱོད་ལ་དབང་བསྐུར་བས༔ རྡོ་རྗེ་སྐུ་ཡི་དབང་ཐོབ་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་བདུད་རྩི་ཐོགས་ལ༔ ཧཱུྃ༔ དུས་གསུམ་སངས་རྒྱས་ཐམས ཅད་ཀྱི༔ གསུང་གསང་འདུས་པའི་བདུད་རྩི་འདིས༔ ཚེ་འདས་ཁྱོད་ལ་དབང་བསྐུར་བས༔ རྡོ་རྗེ་གསུང་གི་དབང་ཐོབ་ཤོག༔ ཝཱཀ་ཨ་བྷི་ཥིཉྩ་ཨཱཿ དེ་ནས་མེ་ལོང་ཐོགས་ལ༔ ཧཱུྃ༔ མེ་ལོང་ཡེ་ཤེས་གསལ་བྱེད་དེ༔ རྒྱལ་ཀུན་ཐུགས་ཀྱི་གསང་བ་རྫོགས༔ ཚེ་འདས་ཁྱོད་ལ་དབང་བསྐུར་བས༔ རྡོ་རྗེ་ཐུགས་ཀྱི་དབང་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་བཟའ་བཏུང་འབྱོར་ཚོགས་བཤམས་ལ༔ ཨོཾ་སྭ་བྷཱ་ཝ་སོགས མ་དག་པའི་དངོས་འཛིན་དང་དྲི་མ་ཐམས་ཅད་ཆོས་ཉིད་སྟོང་པ་ཉིད་དུ་གྱུར༔ སྟོང་པའི་ངང་ལས་འདོད་ཡོན་མི་ཟད་པ་ལོངས་སྤྱོད་རྒྱན་གྱི་འཁོར་ལོ་འཕགས་པ་ཀུན་ཏུ་བཟང་པོའི་ཞིང་གི་བཀོད་པའི་དཔལ་ཡོན་ཐམས་ཅད་མ་ཚང་བ་མེད་པ་མི་ཟད་པ་ནམ་མཁའི་ཁྱོན་དང་མཉམ་པར་གྱུར༔ ཨོཾ་ཨ་ཀཱ་རོ་སོགས་དང་ནམ་མཁའ་མཛོད་ཀྱི་སྔགས་ལན་ གསུམ་རེ་བརྗོད༔ ཀྱེེ་མ་ཚེ་འདས་རིགས་ཀྱི་བུ༔ ཉེ་དུ་འབྲེལ་བ་ཐམས་ཅད་ཀྱིས༔ བརྩེ་དང་གདུང་བའི་སེམས་ཀྱིས་ནི༔ བཟའ་བཏུང་ལོངས་སྤྱོད་འབྱོར་ཚོགས་བསྐུར༔ ངེད་ཅག་རྒྱལ་བའི་གདུང་འཚོབ་ཀྱིས༔ བདག་མེད་ཤེས་རབ་སྟོབས་ཀྱིས་བརླབས༔ ཏིང་འཛིན་ནམ་མཁའ་མཛོད་ཀྱི་འཕྲུལ༔ ཞིང་ཁམས་རྣམ་དག་བཀོད་པ་སྤྲིན༔ ཁྱོད་ལ་གཏན་གྱི་ལོངས་སྤྱོད་གཏད༔༷ ཁྱོད་ལ་འདོད་ཡོན་མཆོག་ཏུ་བསྔོ༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་དང་༔ ཀུན་ཏུ་བཟང་པོའི་ཐུགས་བསྐྱེད་མཐུས༔ ཆོས་སྐུའི་གཏན་སྲིད་མ་ཐོབ་བར༔ རྣམ་དག་ཞིང་གི་དཔལ་ཐོབ་ཤོག༔ རང་གི་ཞིང་ཁམས་ལ་སྤྱོད་ཅིང་༔ རང་གི་སྟོན་པར་ཆོས་ཉན་ནས༔ རང་གི་གནས་ལུགས་ལམ་བྱེད་ཅིང་༔ རང་གི་གཞི་རུ་སངས་རྒྱས་ཤོག༔ མཚན་བཞིའི་སྔགས་ལན་གསུམ་བརྗོད༔ དེ་ནས་སྣང་གསལ་ཐོགས་ལ༔ ཀྱེེ་ཧོ་ཚེ་འདས་རིགས་ཀྱི་བུ༔ རང་རིག་གསལ་བའི་སྒྲོན་མེ་འདི༔ ངོ་བོ་སྟོང་ལ་རང་བཞིན་གསལ༔ ཐུགས་རྗེས་ཀུན་ཁྱབ་ཡེ་ཤེས་ཏེ༔ གཟུང་འཛིན་ཡུལ་དུ་གཞན་སྣང་ཡང་༔ དོན་ལ་རང་གི་ཡེ་ཤེས་ཏེ༔ ངོ་ཤེས་ངང་ནས་ལམ་མཛོད་ལ༔ ཀ་དག་T11603 - 378 ཧྲི།༔ ཆེན་པོའི་དབྱིངས་ལ་ཞོག༔ བཛྲ་དྷརྨ་ཨཱ་ལོ་ཀེ་ཧཱུྃ༔ དེ་ནས་འཕོ་བ་ལ༔ ཧཱུྃ༔ ཉོན་ཅིག་ཚེ་འདས་རིགས་ཀྱི་བུ༔ ཁྱོད་ཀྱི་སེམས་དང་སྣང་བ་བཅས༔ མ་དག་འཁོར་བའི་སྒོ་འཕར་འདི༔ སྐུ་གསུམ་ལྷུན་གྲུབ་དབྱིངས་སུ་འཕོས༔ གཞི་ཡི་ཆོས་སྐུ་མངོན་དུ་བྱ༔ ཡང་ན་ལོངས་སྤྱོད་རྫོགས་པ་ཡི༔ ཞིང་དང་སྟོན་འཁོར་མངོན་དུ་བྱ༔ ཡང་ན་རྣམ་དག་དབུགས་འབྱིན་གྱི༔ ཞིང་ཁམས་མཆོག་དེ་ཡིད་ལ་གྱིས༔ གཞན་དུ་ཡེངས་པར་མ་བྱེད་ལ༔ རྩེ་གཅིག་འདུན་པ་དེ་ལ་གཏོད༔ རྨི་ལམ་དབྱིངས་སུ་སད་པ་བཞིན༔ སྐད་ཅིག་ཉིད་ལ་དེར་སྣང་འགྱུར༔ ཁྱོད་ལ་ཤ་ཁྲག་ལུས་པོ་མེད༔ བར་དོའི་ཡིད་ལུས་སྟོང་གཟུགས་དེ༔ མེད་ལ་ཡོད་སྣང་འཛིན་པ་ཙམ༔ མེད་པའི་ངང་ཤེས་སྟོང་པ་ཉིད༔ སྟོང་ཉིད་སྤྲོས མཐའ་བྲལ་མཐོང་ན༔ ཆོས་སྐུའི་རང་ཞལ་མཐོང་བ་ལགས༔ སངས་རྒྱས་གཞན་ན་ཡོད་མ་ཡིན༔ ཡུལ་མེད་བར་དོའི་སྣང་བ་ཡི༔ མིག་མེད་ཀུན་གསལ་ཀུན་རིག་འདི༔ ཡེ་ཤེས ཡིན་ནོ་མ་ནོར་ཤིག༔ གདོད་མའི་དབྱིངས་དེར་བརྒལ་བར་མཛོད༔ ཚེ་འདས་དེ་ཡི་སེམས་དང་སྣང་བ་ཐམས་ཅད་རྨི་ལམ་དབྱིངས་སུ་སད་པའམ༔ སྒྱུ་མའི་འཁྲུལ་འཁོར་ཞིག་པ་བཞིན T11603 - 379 དུ༔༷ རིག་པ་ཡེ་ཤེས་ཀྱི་དབྱིངས་སུ་འཕོས༔ ཤར་ཕྱོགས་མངོན་པར་དགའ་བའི་ཞིང་ཁམས་མངོན་དུ་གྱུར༔ དེར་བརྟན་པ་ཐོབ་པར་གྱུར༔ ཨཿཞེས་བརྗོད་པས་སྣང་སེམས་སྟོང་པར་ཞིག༔ ཕཊ་ཅེས་བརྗོད་པས་ཞིང་ཁམས་མངོན་དུ་སྣང་༔ ཕཊ་ཅེས་བརྗོད་པས་ངོ་ཤེས༔ ཕཊ་ཅེས་བརྗོད་པས་དེ་ལས་གཏན་དུ་མི་འགྱུར་བའི་རྒྱས་བཏབ༔ དེ་ནས་མིང་བྱང་བསྲེག་པ་ནི༔ ༔ སེམས་ཀྱིས་བཟོས་པའི་སྣང་བ ལ༔ དངོས་འཛིན་བག་ཆགས་འཐས་པའི་བླ༔ བླ་མེད་བྱང་ཆུབ་སེམས་ཀྱི་མེས༔ ཡུལ་མེད་ཟང་ཐལ་ཆེན་པོར་བསྲེགས༔ འཁོར་འདས་གཉིས་མེད་མཉམ་གྲོལ་བའི༔ རྣམ་ཐར་གསུམ་ལྡན་བཙུན་མོའི་མཁའ༔ ཐམས་ཅད་ཐམས་ཅད་རྫོགས་སངས་རྒྱས༔ ཨོཾ་སརྦ་པཱ་པཾ་དུཿ ཁ་ཛྭ་ལ་རཾ་པ་ཡེ་སྭཱ་ཧཱ༔ ལྟ་བསྒོམ་གདིང་ལྡན་རྣལ་འབྱོར་གྱིས༔ འདིར་བརྩོན་འགྲོ་དོན་རྒྱ་ཆེན་འགྲུབ༔ ལོང་བ་ལྟ་བུའི་དེད་དཔོན་གྱིས༔ ལོང་བ་གཞན་གྱི་ལམ་མཁན་མིན༔ དེ་ཚུལ་ཤེས་པའི་གནད་ལྡན་མཛོད༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཞེས་པ་འདི་རང་སློབ་པདྨ་རྣམ་རྒྱལ་གྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་ཤོག་སེར་ལས་བཤུས་ཏེ་དག་པར་ཕབ་པའི་ཡི་གེ་པ་ནི་རིག་པའི་རྡོ་རྗེའོ། །དགེའོ། །དགེའོ། །དགེའོ། ལེགས་སོ། །སརྦ་མངྒ་ལཾ།། ཧྲིཾ།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའི་སྒྲུབ་པའི་ཆ་ལག༔ ལས་བཞིའི་སྲེག་བླུགས་ཕྲིན་ལས་ལྷུན་གྲུབ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གདྱབྷ་ཛྭལ།བཾཿ རྡོ་རྗེ་སེམས་དཔའ་སྒྲུབ་པ་ཡི༔ བསྐྱེད་རྫོགས་གདིང་ལྡན་སྐྱེས་བུ་ཡིས༔ ཕྲིན་ལས་རྣམ་བཞི་ལྷུན་གྲུབ་ཕྱིར༔ ལས་བཞིའི་སྲེག་བླུགས་འདིར་བརྩོན་མཛོད༔ དང་པོ་ས་ཡི་ཆོ་ག་སོགས༔ སྤྱི་དང་མཐུན་པ་ཉིད་དུ་སྤྱད༔ དེ་ནས་ལས་བཞི་གང་ཡིན་གྱི༔ དབྱིབས་དང་ཁ་དོག་དང་བསྟུན་པའི༔ མེ་དཀྱིལ་བྱ་ཞིང་གཞལ་ཡས་ཁང་༔ སྒོ་གྲུ་མཚན་ཉིད་སྤྱི་དང་མཐུན༔ དབུས་སུ་པདྨ་འདབ་བརྒྱད་ཀྱི༔ ལྟེ་བར་རཾ་ཡིག་བྲི་བར་བྱ༔ ཐོད་བཅིང་པང་ཁེབས་མེ་དར་སོགས༔ ལས་བཞིའི་རང་མདོག་དག་ལ་བྱ༔ བསྲེག་རྫས་བཅུ་གསུམ་ཚོམ་བུ་བཀོད༔ དབུས་སུ་མེ་ལྷའི་གཏོར་མ་ལ༔ ཉེར་སྤྱོད་འདོད་ཡོན་སྨན་རཀ་གཏོར༔ བྱང་སེམས་དཀར་དམར་བཅས་པས་བསྐོར༔ བསང་ཆུའི་བུམ་པར་མགུལ་ཆིངས་ནི༔ དཀར་སེར་དམར་ལྗང་ལས་མདོག་བཅིང་༔ བགེགས་ལ་གཏོར་མ་སྦྱིན་ཅིང་བསྐྲད༔ དེ་ནས་ཞི་བའི་མཚམས་གཅོད་ལ༔ ཧཱུྃ༔ ཤར་ཕྱོགས་རྡོ་རྗེའི་དཀྱིལ་འཁོར་ནས༔ མེ་ལོང་ཡེ་ཤེས་འབར་བའི་མེས༔ ཞེ་སྡང་དགྲ་བགེགས་ཛྭ་ལ་རཾ༔ རྡོ་རྗེ་འབར་བས་མཚམས་ཆོད་ཅིག༔ བཛྲ་ཛྭ་ལ་རཾ་རཀྵ་རཀྵ་ཧཱུྃ༔ དེ་ནས་རྒྱས་པའི་མཚམས་གཅོད་ལ༔ ཧཱུྃ༔ ལྷོ་ཕྱོགས་རྒྱས་པའི་དཀྱིལ་འཁོར་ནས༔ མཉམ་ཉིད་ཡེ་ཤེས་འབར་བའི་མེས༔ ང་རྒྱལ་དགྲ་བགེགས་ཛྭ་ལ་རཾ༔ རིན་ཆེན་འབར་བས་མཚམས་ཆོད་ཅིག༔ སྭཱ་རཏྣ་ཛྭ་ལ་རཾ་རཀྵ་རཀྵ༔ དེ་ནས་དབང་གི་མཚམས་གཅོད་ལ༔ ཧཱུྃ༔ ནུབ་ཕྱོགས་དབང་གི་དཀྱིལ་འཁོར་ནས༔ སོར་རྟོག་ཡེ་ཤེས་འབར་བའི་མེས༔ འདོད་ཆགས་དགྲ་བགེགས་ཛྭ་ལ་རཾ༔ རལ་གྲི་འབར་བས་མཚམས་ཆོད་ཅིག༔ ཨཱཿ པདྨ་ཛྭ་ལ་རཾ་རཀྵ་རཀྵ༔ དེ་ནས་དྲག་པོའི་མཚམས་གཅོད་ལ༔ ཧཱུྃ༔ བྱང་ཕྱོགས་དྲག་པོའི་དཀྱིལ་འཁོར་ནས༔ བྱ་གྲུབ་ཡེ་ཤེས་འབར་བའི་མེས༔ ཕྲག་དོག་དགྲ་བགེགས་ཐམས་ཅད་བསྲེགས༔ རྒྱ་གྲམ་འབར་བས་མཚམས་ཆོད་ཅིག༔ ཧཱ་ཀརྨ་ཛྭ་ལ་རཾ་རཀྵ་རཀྵ༔ དེ་ནས་མེ་ལྷ་བསྐྱེད་པ་ལ༔ ཧཱུྃ༔ ཁྱབ་བརྡལ་ནམ་མཁའ་ཡངས་པའི་ཨེ་ཀློང་དུ༔ ཡེ་ཤེས་མེ་རི་འབར་བའི་གཞལ་ཡས་སུ༔ རཾ་ལས་མེ་ལྷའི་རྒྱལ་པོ་སྐུ་མདོག་དཀར༔ ཕྱག་གཡས་མེ་ཐབ་གཡོན་པས་བགྲང་ཕྲེང་བསྣམས༔ གཟི་བརྗིད་རབ་འབར་ལོངས་སྐུའི་ཆས་རྣམས་རྫོགས༔ ར་སྐྱེས་ཁམ་པའི་སྟེང་ན་ཕྱེད་སྐྱིལ་བཞུགས༔ སྐུ་ནི་ཀུན་ཁྱབ་ནམ་མཁའི་མཐའ་དང་མཉམ༔ ཡེ་ཤེས་མེ་དཔུང་འབར་བའི་ཀློང་དུ་བསྐྱེད༔ སྤྱི་བོར་ཨོཾ་དཀར་མགྲིན་པར་ཨཱཿ དམར་པོ༔ ཐུགས་ཀར་ཧཱུྃ་མཐིང་ལས་ནི་འོད་འཕྲོས་པས༔ ཡེ་ཤེས་མེ་ལྷ་སྤྱན ཧྲིཾ༔ དྲངས་གཉིས་མེད་བསྟིམ༔ དེ་ནས་མདའ་དར་གྱིས་གཡབ་ཅིང་སྤྱན་དྲངས་པ་ནི༔ ཧཱུྃ༔ དད་པ་དང་ནི་དམ་ཚིག་གིས༔ ཚུར་སྤྱོན་ཚུར་གཤེགས་འབྱུང་བ་ཆེ༔ ནམ་མཁའ་རྣམ་པར་དག་པའི་དབྱིངས༔ ཐབས་མཆོག་བདེ་ཆེན་རོལ་པའི་རྩལ༔ ཨགྣེ་རཱ་ཛ་ཆོས་ཀྱི་སྤྱན༔ ཆོས་ཉིད་དབྱིངས་ལས་སྐུར་བཞེངས་ལ༔ འབར་བའི་གནས་འདིར་གཤེགས་སུ་གསོལ༔ གཤེགས་བྱོན་བཞུགས་པར་མི་མངའ་ཡང་༔ འགྲོ་བའི་ཚོགས་གཉིས་རྫོགས་པའི་ཕྱིར༔ ལྷུན་གྲུབ་བཀོད་པའི་སྤྱི་ཆིངས་སུ༔ མཁའ་དབྱིངས་ལྷུན་འབྱམས་ཆེན་པོར་བཞུགས༔ ཨོཾ་ཨགྣེ་བཛྲ་ས་མ་ཡ་ཛ་ཛཿ ་ཏིཥྛ་བཛྲ༔ དེ་ནས་བདུད་རྩི་འབུལ་བ་ནི༔ ཧཱུྃ༔ ཡེ་ཤེས་ལྔ་ཡི་བྱིན་རླབས་ལས༔ དུག་ལྔ་སེལ་བའི་བདུད་རྩི་སྐྱེམས༔ བདེ་སྟོང་ཡེ་ཤེས་བཅུད་དུ་འཁྱིལ༔ ཡེ་ཤེས་མེ་ལྷའི་ཚོགས་ལ་འབུལ༔ ཨོཾ་ཨགྣེ་ཨ་མྲྀ་ཏ་པཱུ་ཛ་ཁཱ་ཧི༔ ཉེར་གཅིག་འབུལ༔ དེ་ནས་ཕྱག་འཚལ་བ་ནི༔ ཧཱུྃ༔ ཆོས་ཉིད་བདེ་བ་ཆེན་པོའི་རྩལ༔ མ་འགགས་ཐབས་ཀྱི་སྐུར་སྣང་བ༔ ཨགྣེ་རཱ་ཛ་ཆོས་ཀྱི་སྤྱན༔ མཉམ་ཉིད་དབྱིངས་ལ་ཕྱག་འཚལ་ལོ༔ ཨ་ཏི་པུ་ཧོཿ པྲ་ཏཱིཙྪ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ ཨགྣེ་རཱ་ཛ་འཁོར་བཅས་ལ༔ མེ་ཏོག་བདུག་སྤོས་མར་མེ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད་བདུན་གྱི་མཆོད་པ་འབུལ༔ ཨོཾ་ཨགྣེ་ཨརྒྷཾ་སོགས་ཤཔྡ་པྲ་ཏཱིཙྪ་པཱུ་ཛ་ཧོཿ ཧཱུྃ༔ མེ་ལྷའི་རྒྱལ་པོ་ཆེན པོ་ལ༔ གཟུགས་མཛེས་སྒྲ་སྙན་དྲི་ཞིམ་དང་༔ རོ་མངར་རེག་བྱ་འཇམ་ལ་སོགས༔ འདོད་ཡོན་ལྔ་ཡི་མཆོད་པ་འབུལ༔ ཨོཾ་ཨགྣེ་རཱུ་པ་སོགས་ནས་སྤཪྴ་པྲ་ཏཱིཙྪ་པཱུ་ཛ་ཧོཿ དེ་ནས་སྨན་རཀ་གཏོར་མ་འབུལ་བ་ནི༔ ༔ དྲང་སྲོང་མེ་ལྷའི་རྒྱལ་པོ་ལ༔ སྨན་གཏོར་རཀྟའི་མཆོད་པ་འབུལ༔ ཕྲིན་ལས་རབ་འབྱམས་ལྷུན་གྲུབ་མཛོད༔ ཨོཾ་ཨགྣེ་མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལི ཏ་ཁཱ་ཧི༔ དེ་ནས་བསྟོད་པ་ལ༔ ཧཱུྃ༔ བརྡལ་