Tibetan
བསྡུས༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་ཁཱ་ཧི༔ དེ་ནས་ལྷག་མ་འབུལ་བ་ནི༔ ཧཱུྃ༔ དཔལ་གྱི་བཀའ་ཉན་ལྷག་སྡུད་མ༔ མི་སྲུན་འཇིགས་པའི་ཆ་ལུགས་ངོམས༔ རྣམ་འགྱུར་མགོ་བརྙན་སྣ ཧྲི།༔ ཚོགས་བསྒྱུར༔ ཟས་བཟང་དེ་ནི་ཤ་ཆེན་ཟ༔ སྐོམ་བཟང་དེ་ནི་རཀྟ་འཐུང་༔ གོས་བཟང་དེ་ནི་གཡང་གཞི་གསོལ༔ སྐྱོགས་བཟང་དེ་ནི་བྷནྡྷ་ཐོགས༔ གནས་བཟང་དེ་ནི་དུར་ཁྲོད་འགྲིམས༔ འཁོར་འདས་ཀུན་ཏུ་སྤྲུལ་པ་འགྱེད༔ དཀར་སེར་དམར་ལྗང་ཁ་དོག་སྟོན༔ ཕྲིན་ལས་བཞི་ཡི་ལས་ལ་རྒྱུ༔ འཁོར་དང་བཅས་པ་འདིར་གཤེགས ཤིག༔ ལྷག་མའི་ཞལ་ཆབ་གཏོར་མ་བཞེས༔ ཕྲིན་ལས་རབ་འབྱམས་ཡོངས་སྒྲུབས་ཤིག༔ མ་མ་ཧྲི་ཧྲིཾ་བྷྱོ་ཛཿ ཨུཙྪིཥྚ་བ་ལིངྟ་ཁཱ་ཧི༔ དེ་ནས་ཆད་མདོ་བཏང་བ་ནི༔ སྔོན་ཚེ་མ་ལ་ཡ་ཡི་རྩེར༔ སྤྱི་དཔལ་ཆེ་མཆོག་ཧེ་རུ་ཀས༔ མ་ཏྲཾ་རཱུ་དྲ་བསྒྲལ་བའི་ཚེ༔ དེ་འཁོར་དམ་བཞག་ཆད་མདོ་དང་༔ བར་དུ་རིག་འཛིན་རྒྱལ་པོ་ཡིས༔ རྡོ་རྗེ་ཐེག་པའི་ཆོས་འཆད་ཚེ༔ བཀའ་སྲུང་དྲེགས་པ་དམ་ལ་བཞག༔ བཀའ་བསྒོས་ཆད་མདོ་དེ་ཀ་དྲན༔ ཐ་མ་ཨོ་རྒྱན་པདྨ་ཡིས༔ དངོས་དང་སྤྲུལ་པ་དཔག་མེད་པས༔ བཀའ་སྲུང་དང་ནི་ལྷ་འདྲེ་ཀུན༔ དམ་བཏགས་སྲུང་མར་བསྐོས་པ་བཞིན༔ ཆད་མདོ་དམ་ཅན་སྲུང་མ་རྣམས༔ འདིར་གཤེགས་བཀའ་ཡི་གཏོར་མ་ལོངས༔ ཆད་དོན་ཁྲིམས་བཞིན་ཕྲིན་ལས་མཛོད༔ དེ་ནས་བརྟན་མ་སྐྱོང་བ་ལ༔ ༩༨༠༠ བཤལ་ཆུའི་གཏོར་མ་འབུལ་བ་ནི༔ ཧཱུྃ༔ ཨོ་རྒྱན་པདྨ་ཐོད་ཕྲེང་གིས༔ བཀའ་བསྒོས་དམ་བཏགས་དབང་བསྐུར་ཞིང་༔ ལྕེ་ལ་དམ་ཚིག་བདུད་རྩི་བཞག༔ མགོ་ལ་དམ་རྟགས་རྡོ་རྗེ་བཙུགས༔ མུ་སྟེགས་ལྟ་ལོག་སྲོག་ལ་གཟས༔ མ་སྲིང་བརྟན་མ་བཅུ་གཉིས་པོ༔ འཁོར་དང་བཅས་པ་འདིར་གཤེགས་ཤིག༔ བཤལ་ཆུའི་གཏོར་མ་འདི་ལོངས་ལ༔ བོད་ཁམས་ཆོས་ཀྱིས་སྐྱོང་བ་དང་༔༷ རྣལ་འབྱོར་བདག་གི་ཕྲིན་ལས་སྒྲུབས༔ དམ་ལས་མ་འདའ་དམ་ཚིག་ཅན༔ བཅོལ་བའི་ཕྲིན་ལས་འགྲུབ་པར་མཛོད༔ དེ་ནས་རྟ་བྲོ་བརྡུང་བ་ལ༔ ཧཱུྃ༔ ལྷུན་གྲུབ་བདེ་ཆེན་དཀྱིལ་འཁོར་ནས༔ ཡེ་ཤེས་ལྔ་ཡི་གར་འཁྱུག་ཅིང་༔ སྐུ་ལྔ་ལྷུན་གྲུབ་བྲོ་བརྡུང་ངོ་༔ གཟུང་འཛིན་མགོ་ལ་ཆེམས་སེ་ཆེམ༔ ཉོན་མོངས་དུག་ལྔ་མཱ་ར་ཡ༔ ཡེ་ཤེས་རོལ་པའི་སྟོབས་ཀྱིས་མནན༔ ་བྷ་ཡ་ནན༔ དེ་ནས་དངོས་གྲུབ་ལེན་པ་ལ༔ ཧཱུཾ༔ བླ་མ་རྡོ་རྗེ་སེམས་དཔའ་ཡི༔ སྐུ་གསུང་ཐུགས་ཡོན་ཕྲིན་ལས་ཀྱི༔ དངོས་གྲུབ་དུས་ལས་མི་ཡོལ་བར༔ ད་ལྟ་ཉིད་དུ་བདག་ལ་སྩོལ༔ ཨོཾ་བཛྲ་སཏྭ་ས་མ་ཡ་ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧཱུྃ༔ དེ་ནས་བསྔོ་བ་སྨོན་ལམ་ནི༔ རྡོ་རྗེ་སེམས་དཔའི་སྤྱན་སྔ་རུ༔ འདིས་མཚོན་དུས་གསུམ་དགེ་རྩ་ཀུན༔ ཁམས་གསུམ་ དྷྲྀ།༔ སེམས་ཅན་ཡོངས་ལ་བསྔོ༔ ཕྱམ་གཅིག་རྫོགས་སངས་རྒྱས་གྱུར་ཅིག༔ དེ་ནས་ཕྱག་རྒྱ་སྒོ་བཅད་ནི༔ ཧཱུྃ༔ བདེ་གཤེགས་སྙིང་པོ་ཆོས་སྐུ་ཉིད༔ གདོད་མ་གཞི་ཡི་སངས་རྒྱས་ཏེ༔ རིགས་དང་དཀྱིལ་འཁོར་ཀུན་གྱི་གཞི༔ གདོད་ནས་འདུ་འབྲལ་མེད་པའི་ངང་༔ ཨ་ཨ་ཨཱཿ དེ་ནས་བཀྲ་ཤིས་ནི༔ ཧཱུྃ༔ བརྡལ་ཁྱབ་སྤྲོས་བྲལ་ཆོས་ཀྱི་སྐུ༔ ལྷུན་གྲུབ་རོལ་པ་ལོངས་སྤྱོད་རྫོགས༔ ཐུགས་རྗེའི་གང་འདུལ་སྤྲུལ་པའི་སྐུ༔ སྐུ་གསུམ་ལྷུན་གྲུབ་བཀྲ་ཤིས་ཤོག༔ འདི་ནི་ཡང་གསང་བླ་ན་མེད༔ རྡོ་རྗེ་ཐེག་པའི་ཡང་བཅུད་ཡིན༔ གང་གི་བསྐྱེད་གསལ་གནད་ལྡན་པས༔ འདི་བསྒྲུབ་མཆོག་གི་དངོས་གྲུབ་འཐོབ༔ ཡོན་ཏན་ནམ་མཁའི་མཐའ་ལ་སྙེགས༔ དོན་གཉིས་འགྲུབ་པར་གདོན་མི་ཟ༔ ཉམས་རྟོགས་ཡོན་ཏན་འཁྲུངས་པ་ནི༔ དངོས་གྲུབ་ཀུན་གྱི་དམ་པ་ཡིན༔ བཀའ་སྲུང་གནོད་སྦྱིན་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྡོ་རྗེ་བྲག་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱ་བྱས་མཐར་སློབ་བུ་པདྨ་རྣམ་པར་རྒྱལ་བས་བསྐུལ་བའི་ངོར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རིག་པའི་རྡོ་རྗེས་སོ། །དགེའོ །ལེགས་སོ། །སརྦ་མངྒ་ལཾ།། ། T11603 - 353 T1603 - 354 ཧྲི།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའི་བསྐང་བཤགས་ཉམས་ཆག་རང་གྲོལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཐཱརྦ།ཧཱུཾཤ༔ ཟབ་དོན་ཉམས་སུ་ལེན་པ་ཡི༔ སྐལ་བཟང་སྐྱེས་བུ་དམ་པ་རྣམས༔ ཚོགས་ཀྱི་འཁོར་ལོ་ལ་བརྟེན་ནས༔ བསྐང་བ་འདི་ལ་བརྩོན་པར་བྱ༔ ཧཱུྃ༔ ཆོས་ཉིད་ནམ་མཁའ་མཛོད་ཀྱི་འཕྲུལ༔ འདོད་ཡོན་རང་བྱུང་མཆོད་པའི་སྤྲིན༔ ཀུན་ཏུ་བཟང་པོའི་ཐུགས་དམ་བསྐང་༔ མ་རིག་དབང་གིས་དམ་ཉམས་བཤགས༔ ཡེ་ཤེས་རིག་པ་རང་བྱུང་རྩལ༔ དག་གྲོལ་མཉམ་རྫོགས་མཆོད་སྤྲིན་གྱིས༔ རྡོ་རྗེ་འཆང་ཆེན་ཐུགས་དམ་བསྐང་༔ བདག་རྟོག་དབང་གིས་དམ་ཉམས་བཤགས༔ ཕྱི་ནང་སྣོད་བཅུད་སྣང་བའི་ཆོས༔ མི་ཟད་རང་བྱུང་འདོད་ཡོན་དཔལ༔ པདྨ་འབྱུང་གནས་ཐུགས་དམ་བསྐང་༔ འཁྲུལ་པའི་དབང་གྱུར་དམ་ཉམས་བཤགས༔ ཚོགས་བརྒྱད་སྒྱུ་འཕྲུལ་འདོད་ཡོན་ཚོགས༔ ཡེ་ནས་རང་བྱུང་མཆོད་པའི་སྤྲིན༔ རིག་འཛིན་བླ་མའི་ཐུགས་དམ་བསྐང་༔ རྡོ་རྗེའི་དམ་ཚིག་ཉམས་ཆག་བཤགས༔ ཧཱུྃ༔ བུདྡྷ་རིགས་ཀྱི་བདག་པོ་མཆོག༔ རྣམ་སྣང་གངས་ཆེན་ཐུགས་དམ་བསྐང་༔ གཏི་མུག་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ རྡོ་རྗེ་རིགས་ཀྱི་བདག་པོ་ མཆོག༔ མི་བསྐྱོད་རྡོ་རྗེའི་ཐུགས་དམ་བསྐང་༔ ཞེ་སྡང་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ རིན་ཆེན་རིགས་ཀྱི་བདག་པོ་མཆོག༔ རིན་ཆེན་འབྱུང་ལྡན ཐུགས་དམ་བསྐང་༔ ང་རྒྱལ་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ པདྨ་རིགས་ཀྱི་བདག་པོ་མཆོག༔ སྣང་བ་མཐའ་ཡས་ཐུགས་དམ་བསྐང་༔ འདོད་ཆགས་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ ཀརྨ་རིགས་ཀྱི་བདག་པོ་མཆོག༔ དོན་ཡོད་གྲུབ་པའི་ཐུགས་དམ་བསྐང་༔ ཕྲག་དོག་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ ཤེས་རབ་སྟོང་ཉིད་ཆེན་པོའི་དབྱིངས༔ ཡུམ་ཆེན་ལྔ་ཡི་ཐུགས་དམ་བསྐང་༔ གཟུང་འཛིན་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ བྱང་ཆུབ་སེམས་ཀྱི་ཕྱག་རྒྱ་མོ༔ སྒོ་སྐྱོང་མ་བཞིའི་ཐུགས་དམ་བསྐང་༔ ཆགས་སྡང་དམ་ཚིག་ཉམས་སོ་འཚལ༔ འདི་ཡང་མི་འཆབ་མཐོལ་ལོ་བཤགས༔ སྐྱེ་མེད་ཆོས་སྐུའི་དབྱིངས་སུ་བཞུགས༔ འདས་པའི་སངས་རྒྱས་ཐུགས་དམ་བསྐང་༔ སྔོན་ཆད་དམ་ཚིག་ཉམས་སོ་འཚལ༔ མ་ལུས་མི་འཆབ་མཐོལ་ལོ་བཤགས༔ ཐབས་མཁས་ཐུགས་རྗེས་འགྲོ་དོན་མཛད༔ ལྷ།༔ ད་ལྟའི་སངས་རྒྱས་ཐུགས་དམ་བསྐང་༔ ཚེ་འདིའི་དམ་ཚིག་ཉམས་སོ་འཚལ༔ མ་ལུས་མི་འཆབ་མཐོལ་ལོ་བཤགས༔ བྱང་ཆུབ་སེམས་དཔའི་ཚོགས་ཆེན་སྤྱོད༔ མ་འོངས་སངས་རྒྱས་ཐུགས་དམ་བསྐང་༔ སླན་ཆད་དམ་ཚིག་ཉམས་འགྱུར་ཀུན༔ མ་ལུས་མི་འཆབ་མཐོལ་ལོ་བཤགས༔ ཧོཿ རྡོ་རྗེ་སློབ་དཔོན་དགོངས་སུ་གསོལ༔ རྡོ་རྗེ་ཐེག་པའི་དམ་ཚིག་ལ འབོག་ནས་བསྲུང་བར་བགྱིད་རྒྱུ་ལས༔ མ་ཤེས་མ་རིག་མ་ཚོར་བའི༔ དབང་གྱུར་ཉམས་ཆག་འགལ་འདས་ཀུན༔ རབ་ཏུ་གནོང་ཞིང་འགྱོད་པས་བཤགས༔ རྡོ་རྗེ་བླ་མ་དཔང་དུ་བཙུག༔ འགྱོད་སེམས་དྲག་པོས་ཀུན་ནས་བསླངས༔ ཕྱིན་ཆད་སྲོག་གི་ཕྱིར་ཡང་སྡོམ༔ ན་རག་དོང་སྤྲུགས་ཡང་སྙིང་བཟླ༔ ཞེས་ཡི་གེ་བརྒྱ་པ་ཅི་ནུས་བཟླ༔ འདི་ལྟར་ཡིད་ལ་དྲན་བྱས་ནས༔ རྩེ་གཅིག་བརྗོད་པས་ཉམས་ཆག་འདག༔ བག་ཆགས་ཀུན་བྱང་གཙང་མར་འགྱུར༔ བཀའ་སྲུང་དམ་ཅན་རྒྱ་མཚོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱ་བྱས་མཐར་རང་སློབ་སྐྱེས་མཆོག་པདྨ་རྣམ་རྒྱལ་གྱིས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པ་ནི་རིག་པའི་རྡོ་རྗེས་སོ། །དགེའོ། །སརྦ་མངྒ་ལཾ།། །། T11603 - 357 T11603-358 དྷྲྀ།༔ ཟབ་གསང་མཁའ་འགྲོའི་སྙིང་ཐིག་ལ༔ རྡོ་རྗེ་སེམས་དཔའི་སྒྲུབ་སྐོར་གྱི༔ བསྐུལ་བ་ཐུགས་རྗེའི་འོད་ཟེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གྱི།བྷཛ༔ ཐུགས་རྗེས་དབྱིངས་ནས་བསྐུལ་བ་ལ༔ ཧཱུྃ༔ བརྡལ་ཁྱབ་ནམ་མཁའི་ཀློང་ཡངས་ནས༔ རྣམ་པར་སྣང་མཛད་སྐུར་བཞེངས་ཤིག༔ གཞོམ་བྲལ་རྡོ་རྗེའི་གཞལ་ཡས་ནས༔ མི་བསྐྱོད་རྡོ་རྗེ་སྐུར་བཞེངས་ཤིག༔ ལྷུན་འཐུག་ཡོན་ཏན་གཞལ་ཡས་ནས༔ རིན་ཆེན་འབྱུང་ལྡན་སྐུར་བཞེངས་ཤིག༔ ཆགས་བྲལ་བདེ་ཆེན་གཞལ་ཡས་ནས༔ སྣང་བ་མཐའ་ཡས་སྐུར་བཞེངས་ཤིགཿ ཕྲིན་ལས་ལྷུན་གྲུབ་གཞལ་ཡས་ནས༔ དོན་ཡོད་གྲུབ་པ་སྐུར་བཞེངས་ཤིག༔ འབྱུང་ཁམས་དབྱིངས་སུ་དག་པའི་དབྱིངས༔ དབྱིངས་ཀྱི་ཡུམ་ལྔ་སྐུར་བཞེངས་ཤིག༔ ཚད་མེད་རྣམ་བཞིའི་གཞལ ཡས་ནས༔ ཡེ་ཤེས་སྒོ་མ་སྐུར་བཞེངས་ཤིག༔ བསྐུལ་ལོ་ཐུགས་དམ་གནད་ནས་བསྐུལ༔ མཛོད་ཅིག་ཕྲིན་ལས་རབ་འབྱམས་སྒྲུབས༔ གཟུང་དང་འཛིན་པས་བསྡུས་པ་ཡི༔ ལོག་པར་འདྲེན་པའི་དགྲ་བགེགས་རྣམས༔ མིང་ཙམ་མེད་པར་རྡུལ་དུ་རློག༔ ཁྱད་པར་བསྟན་དང་བསྟན་འཛིན་ལ༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བསྣུབ པར་མཛོད༔ བདག་ཅག་སྒྲུབ་མཆོག་འཁོར་བཅས་ལ༔ མཆོག་གི་དངོས་གྲུབ་མྱུར་དུ་སྩོལ༔ དུས་ལ་བབ་བོ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམཿ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་པདྨ་རྣམ་རྒྱལ་གྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །སརྦ་མངྒ་ལཾ།། ཇོམས་བླ་མ་རྡོར་སེམས་356 ཇོམས་བླ་མ་རྡོར་སེམས་T11603 - 360 མ གནས་སྙིད།༔ ཟབ་གསང་མཁའ་འགྲོའི་སྙིང་ཐིག་ལས༔ དཔལ་རྡོ་རྗེ་སེམས་དཔའ་ལ་བརྟེན་ནས་ཚེ་འདས་གནས་འདྲེན་ཐུགས་རྗེའི་འོད་ཟེར་བཞུགས་སོ༔ T11603 - 361 ཧོ།༔ ན་མོ་གུ་རུ་པདྨ་ཀ་ར་ཡེ༔ ཨྃརྦཧཱ།།བྷཱཛྙརྣ།བ་སྨ།ཧཱུཾ༔ པདྨ་ང་ཡི་བརྒྱུད་འཛིན་གྱིས༔ འགྲོ་བ་རྗེས་སུ་བཟུང་བའི་ཐབས༔ རིགས་དྲུག་གནས་འདྲེན་ཆོ་ག་བཀོད༔ དེ་ལ་ཁྲུས་ཀྱི་བུམ་པ་དང་༔ ཐུབ་པ་དྲུག་གི་སྐུ་གཟུགས་སོགས༔ ཚང་བར་བྱས་ནས་ལས་གཞུང་བསྲང་༔ དེ་ནས་རིགས་དྲུག་ས་བོན་དང་༔ མཚན་བྱང་མིང་གཟུགས་ཚང་བ་དང་༔ ཞི་དྲག་སྦྱང་ཆས་ཅོག་ཟླུམ་དང་༔ ཏིང་ལོ་གསུམ་གསུམ་ཚོ་རུ་བཤམས༔ ཚོགས་བསགས་ཞལ་ཟས་དྲུག་དང་ནི༔ ལན་ཆགས་སྦྱང་ཕྱིར་ཆངས་བུ་དྲུག༔ བསོད་ནམས་བསྐྱེད་ཕྱིར་ཟས་བསྔོ་སོགས༔ ཚང་བར་བྱས་ནས་རྣམ་འདྲེན་གྱི༔ སྤྲུལ་སྐུ་རྣམ་དྲུག་སྤྲོ་བར་བྱ༔ ཧཱུྃ༔ རང་ཉིད་རྡོ་རྗེ་སེམས་དཔའ་ཡི༔ ཡེ་ཤེས་སྒྱུ་འཕྲུལ TI1603 - 362 ༥༣ཧོ།༔ རོལ་པའི་རྩལ༔ བཅོམ་ལྡན་ཐུབ་པ་ཆེན་པོ་དྲུག༔ གདུལ་བྱ་དང་བཅས་སྐད་ཅིག་གིས༔ རྒྱ་མཚོའི་གཟའ་སྐར་བཞིན་དུ་ཤར༔ ཉི་ཟླ་འོད་བཞིན་གཉིས་མེད་དུ༔ བྱང་ཆུབ་ཆེན་པོར་གནས་འགྱུར་བའི༔ ཐབས་མཆོག་མྱུར་ལམ་སྙིང་པོའི་འཕྲུལ༔ ཨོཾ་མུ་ནེ་ཀྲེཾ་སྭཱ་ཧཱ༔ ཨོཾ་མུ་ནེ་བྲེཾ་སྭཱ་ཧཱ༔ ཨོཾ་མུ་ནེ་ཏྲུཾ་སྭཱ་ཧཱ༔ ཨོཾ་མུ་ནེ་ཀྵཾ་སྭཱ་ཧཱ༔ ཨོཾ་མུ་ནེ་སྲུཾ་སྭཱ་ཧཱ༔ ཨོཾ་མུ་ནེ་ཡེ་སྭཱ་ཧཱ༔ ཐུབ་དྲུག་སྙིང་པོ་བདུན་རེ་བཟླ༔ དེ་ནས་བྱང་བུ་བསྐྱེད་ཆོག་ལ༔ ཨོ་མ་ཧཱ་ཤུ་ནྱ་ཏཱ་ཛྙཱ་ན་སོགས་མིང་བྱང་མི་དམིགས་པའི་ངང་ལས་མདུན་དུ་ནྲྀཿ ཡིག་ཡོངས་སུ་གྱུར་པ་ལས་ཚེ་འདས་དེ TI1603 - 363 ཡི་ཕུང་ཁམས་སྐྱེ་མཆེད་ཚང་བ་གསོན་གྱི་གནས་སྐབས་ཇི་ལྟ་བ་བཞིན་དུ་གོས་དཀར་གྱོན་ནས་ཤིན་ཏུ་གུས་ཚུལ་པུས་བཙུགས་དང་བཅས་ཐལ་སྦྱར་གྱིས་པད་དཀར་བསྣམས་ནས་འོད་དཀར་གྱི་ཀློང་དུ་གནས་པར་གྱུར༔ དེ་ནས་འགུག་གཞུག་ནི༔ ན་མོ༔ དཀོན་མཆོག་གསུམ་དང་རྩ་བ་གསུམ༔ རྡོ་རྗེ་རིགས་ཀྱི་བདག་པོ་ཡི༔ སྐུ་གསུང་ཐུགས་ཀྱི་བདེན་པའི་མཐུས༔ ཚེ་ལས་འདས་པ་ཆེ་གེ་མོ༔ རིགས་དྲུག་བར་དོ་གར་གནས་ཀྱང་༔ སྐད་ཅིག་དམིགས་པའི་རྟེན་འདིར་ཁུག༔ ནྲྀ་ཡཾ་བཛྲ་ཨཾ་ཀུ་ཤ་ཡ་ཛཿ ལན་དགུ་བརྗོད་མཐར༔ ཚེ་ལས་འདས་པ་ཏིཥྛ་བཛྲ་ས་མ་ཡ་ལྷན༔ དེ་ནས་སྦྱང་ཆས་བྱིན་བརླབ་ལ༔ ཨོཾ་སྭ་བྷཱ་ཝ་སོགས་སྟོང་པའི་ངང་ལས་ཏྲཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་བགེགས་ཀྱི་གཏོར་མ་འདོད་པའི་ཡོན་ཏན་ཕུན་སུམ་ཚོགས་པ་མི་ཟད་པ་རྒྱན་གྱི་འཁོར་ལོ་ནམ་མཁའི་མཐའ་དང་མཉམ་པར་གྱུར༔ ཨོཾ་ཨ་ཀཱ་རོ་སོགས༔ དེ་ནས་བགེགས་འགུགས་པ་ལ༔ ན་མོ་དཀོན་མཆོག་གསུམ་དང་རྩ་གསུམ་རྒྱལ་བ་རྒྱ་མཚོའི་བདེན་པས་ཚེ་ལས་འདས་པ་འདི་ལ་གནོད་ཅིང་འཚེ་བའི་ལན་ཆགས་བུ་ལོན་ཤ་འཁོན་གྱི་བདག་པོ་ཐམས་ཅད་འདིར་མཆིས་པར་གྱུར་ཅིག༔ སརྦ་བིགྷྣན་བཛྲ་ཨངྐུ་ཤ་ཡ་ཛཿ ལན་གསུམ་ ཧྲི།༔ མཐར༔ ཅོག་ཟླུམ་གསུམ་ཐོགས་ལ༔ ཨོཾ་སརྦ་བིགྷྣན་སོགས་ལན་གསུམ༔ ཏིང་ལོ་ཆངས་བུ་ཐོགས་ལ༔ ཨོཾ་སུམ་བྷ་ནི་སུམ་བྷ་སོགས་ལན་གསུམ་གྱིས་བསྔོ༔ དེ་ནས་བགེགས་ལ་བཀའ་བསྒོ བ་ནི༔ ཧོཿ དམིགས་ཡུལ་ཚེ་ལས་འདས་པ་འདི་ལ་གསོན་གྱི་དུས་སུ་སྲོག་གཅོད་ཅིང་མདངས་འཕྲོག་པ༔ གཤིན་གྱི་དུས་སུ་ས་ལམ་ལ་བར་ཆད་བྱེད་པའི་ལན་ཆགས་གདོན་བགེགས འབྱུང་པོ་ཐམས་ཅད་གཏོར་མ་འདི་ཡིས་མགུ་ཞིང་ཚིམ་པར་གྱིས་ལ་བཟུང་བ་ཐོངས༔ བཅིངས་པ་ཁྲོལ༔ བསྡམས་པ་ཀློད༔ མནན་པ་ཁྱོག་ལ་དཔག་ཚད་བཅུ་གཉིས་ཀྱི་ཕ་མཐར་དེངས་ཤིག༔ ཨུ་ཙ་ཏ་ཡ་ཕཊ༔ དེ་ནས་བགེགས་བསྐྲད་ཧཱུྃ་བཞིའི་སྔགས་བརྗོད་ཅིང་རྫས་ཀྱིས་བྲབ༔ དེ་ནས་སྲུང་འཁོར་བསྒོམ༔ ཡེ་ཤེས་རང་རྩལ་ལས་གྲུབ་པའི་མཚོན་ཐུན་སྣ་ཚོགས་ཀྱིས་ལས་དང་ཉོན་མོངས་པའི་བགེགས་ཚོགས་ཐམས་ཅད་མཐའ་ཡི་ལྕགས་རི་ནག་པོའི་རྒྱབ་ཏུ་བསྐྲད༔ མེ་དཔུང་འབར་བས་མཚམས་བཅད༔ ཚུར་འདུས་སྲུང་བའི་འཁོར་ལོ་རིམ་པ་ལྔའི་ནང་དུ་འོད་ཐིག་དཀར་པོའི་ཀློང་དུ་ཚེ་འདས་དེ་ཉིད་ཚུད་ནས་གཤེད་དང་བགེགས་ཀྱིས་མི་མཐོང་བར་གྱུར༔ ཨོཾ་ཛྙཱ་ན་བཛྲ་རཀྵ་རཀྵ་ཡེ་སྭཱ་ཧཱ༔ དེ་ནས་བདེན་པའི་ཆོས་བཤད་པ་ནི༔ ཀྱེེ་ཧོ་ཚེ་འདས་རིགས་ཀྱི་བུ༔ ཡུལ་དང་ གནས་ཁང་ལོངས་སྤྱོད་དང་༔ གཉེན་དང་ཉེ་འབྲེལ་རྩ་ལག་ཀུན༔ སྒྱུ་མ་དང་ནི་རྨི་ལམ་བཞིན༔ མི་རྟག་འགྱུར་བའི་ཆོས་ཅན་ཡིན༔ ཡ་ཀི་སྲིད་རྩེ་མན་ཆད་ནས༔ མ་ཀི་དམྱལ་ཁམས་ཡན་ཆད་ཀྱི༔ ཁམས་གསུམ་འཁོར་བའི་གནས་ཡུལ་ཀུན༔ རྒྱུ་དང་འབྲས་བུའི་བྱེད་ལས་ཀྱིས༔ སྣང་ཉམས་ཙམ་ལས་གཞན་ན་མེད༔ འདི་སྣང་ཕྱི་སྣང་རྨི་ལམ་སྣང་༔ ཐམས་ཅད་རང་སྣང་འཁྲུལ་པ་ལས༔ གཞན་དང་གཞན་ལས་གྲུབ་བྱུང་མེད༔ མེད་བཞིན་ཡོད་པ་འཁྲུལ་པ་ཡི༔ སྣོད་བཅུད་འདོད་ཡོན་ཆོས་སོ་ཅོག༔ བྱུང་ཡང་སེམས་ཀྱི་ངང་ལས་བྱུང་༔ ལྡོག་ཀྱང་སེམས་ཀྱི་དབྱིངས་སུ་ཡལ༔ གཅིག་ནས་གཅིག་ཏུ་བགྲོད་པ་མེད༔ རང་སེམས་ངོ་བོ་བརྡལ་ཁྱབ་དབྱིངས༔ དུས་གསུམ་སངས་རྒྱས་འདུས་པའི་ཞལ༔ ཡེ་ཤེས་ཆེན་པོ་མངོན་གྱུར་ན༔ རྫོགས་པའི་སངས་རྒྱས་གོ་འཕང་མཆོག༔ ངར་འཛིན་གཅིག་པུའི་ཆོ་འཕྲུལ་གྱིས༔ ཁམས་གསུམ་འཁྲུལ་པའི་སྣང་བར་འཕྱན༔ བདེ་དང་སྡུག་བསྔལ་ཉེ་བར ལེན༔ བར་དོའི་རྣམ་ཤེས་སྟོང་གཟུགས་ལ༔ ཕན་དང་གནོད་པའི་ཡུལ་མེད་པས༔ མ་ངེས་འཁྲུལ་པའི་སྣང་བ་ནི༔ རྟེན་མེད་རྨི་ལམ་བཞིན་དུ་ཤར༔ དེ་ལ་རེ་དོགས་ཆགས་ཞེན་ ཧྲིཾ༔ སྤོངས༔ བདེ་བ་ཅན་དང་མངོན་དགའི་ཞིང་༔ དྲན་ནས་ཡིད་ལ་བྱས་པ་ན༔ སྣང་བ་ཞིང་ཁམས་རྣམ་དག་ཏུ༔ འཕོས་ནས་རང་གཞིའི་སྟོན་པ་མཆོག༔ སྣང་མཐའ་ཡས་དང་མི་བསྐྱོད་པའི༔ ཞལ་མཐོང་ཐར་པའི་ས་བོན་ཐེབ༔ ས་ལམ་བར་ཆད་གེགས་སྒྲོལ་ཕྱིར༔ སྒྱུ་མ་ལྟ་བུའི་ཏིང་འཛིན་གྱིས༔ ཉོན་དྲུག་སྣང་བའི་ཁམས་འཕྲུལ་ནས༔ ཚོགས་བསགས་སྒྲིབ་སྦྱངས་ལན་ཆགས་འཇལ༔ གནས་འགྱུར་དག་པའི་ཞིང་དུ་འཕོས༔ དེ་དོན་མ་བརྗེད་ཡིད་ལ་ཟུངས༔ ད་ལྟ་བར་དོའི་གནས་སྐབས་འདི༔ འཁོར་འདས་གཉིས་ཀྱི་ས་མཚམས་ཡིན༔ ལྷ་དང་བླ་མ་དྲན་མཛོད་ལ༔ དད་གུས་མོས་པས་གསོལ་བ་ཐོབས༔ བཀའ་བཞིན་སྒྲུབས་ལ་ལོག་ལྟ་སྤོངས༔ ངེད་ཀྱི་གསང་སྔགས་ཟབ་མོ་ཡི༔ ཐབས་ཀྱི་ཆོ་ག་ལ་བརྟེན་ནས༔ ཁྱོད་ལ་ཕན་འདོགས་བྱེད་པ་ཡིན༔ གཞན་དུ་མ་ཡེངས་བག་ཕེབ་མཛོད༔ དེ་ནས་ཁྲུས་བྱ་བ་ལ༔ ཧཱུྃ༔ དཔལ་ལྡན་རྡོ་རྗེ་སེམས་དཔའ་ཡི༔ རྡོ་རྗེ་སྐུ་ཡི་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ལུས་ཀྱི་སྒྲིབ་ཚོགས་དག་གྱུར་ཅིག༔ ཨོཾ་བཛྲ་སཏྭ་སོགས་སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ༔ བཅོམ་ལྡན་རྡོ་རྗེ་སེམས་དཔའ་ཡི༔ གསུང་གི་)།99 བྱིན་གྱིས་རླབས་པའི་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ངག་གི་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ བཅོམ་ལྡན་རྡོ་རྗེ་སེམས་དཔའ་ཡི༔ ཐུགས་ཀྱི་བྱིན་གྱིས་བརླབས་པའི་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ཡིད་ཀྱི་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ༔ ཧཱུྃ༔ ཁྱབ་བརྡལ་སྤྲོས་མཐའ་བྲལ་བའི་དབྱིངས༔ ཆོས་དབྱིངས་ཡེ་ཤེས་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ གཏི་མུག་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ༔ ཧཱུྃ༔ ཀུན་གཟིགས་ཡེ་ཤེས་དྲི་མ་མེད༔ མེ་ལོང་ཡེ་ཤེས་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ཞེ་སྡང་སྒྲིབ་ཚོགས་དག གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ སྐུ་དང་ཡོན་ཏན་ལྷུན་རྫོགས་པའི༔ མཉམ་ཉིད་ཡེ་ཤེས་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ང་རྒྱལ་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟི་ཀུ་རུ་ཡེ་སྭཱ་ཧཱ༔ ཧཱུཾ༔ ཀུན་མཁྱེན་ཡེ་ཤེས་ཀུན་ཏུ་གསལ༔ སོར་རྟོག་ཡེ་ཤེས་བྱིན་རླབས་ཆུས༔ ཚེ་འདས་ཁྱོད་ ཧྲི༔ ལ་ཁྲུས་བགྱིས་པས༔ འདོད་ཆགས་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ དག་གྲོལ་གཉིས་ལྡན་རྫོགས སངས་རྒྱས༔ བྱ་གྲུབ་ཡེ་ཤེས་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ ཕྲག་དོག་སྒྲིབ་ཚོགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ བདག་མེད་རྟོགས་པའི་ཤེས་རབ་ཆེ༔ བྱང་ཆུབ་སེམས་ཀྱི་བྱིན་རླབས་ཆུས༔ ཚེ་འདས་ཁྱོད་ལ་ཁྲུས་བགྱིས་པས༔ གཟུང་འཛིན་བག་ཆགས་དག་གྱུར་ཅིག༔ ཡི་གེ་བརྒྱ་པ་དང་༔ སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ༔ དེ་ནས་སྒྱུ་མ་ལྟ་བུའི་གྲོང་ཁྱེར་རྣམ་དྲུག་ཏུ་འཕྲུལ་ནས་འདྲེན་པའི་ཆོ་ག་བྱ་བ་ལ༔ ཧཱུྃ༔ སྐད་ཅིག་སྣང་བ་གནས་འགྱུར་ནས༔ བཅོམ་ལྡན་མི་བསྐྱོད་སྤྲུལ་པ་ལས༔ སྒྱུ་མ་མིག་འཕྲུལ་ཇི་བཞིན་དུ༔ ཚ་གྲང་དམྱལ་བའི་འཇིག་རྟེན་ཤར༔ སྤྲུལ་སྐུའི་འགྲོ་དོན་བླ་ན་མེད༔ དེ་ནས་ཞལ་ཟས་འབུལ་བ་ལ༔ ཧཱུྃ༔ བཅོམ་ལྡན་རྡོ་