Tibetan
རྟ་མགྲིན་ནག་པོ་ཡི༔ ཁམས་གསུམ་རོལ་པའི་ཞལ་ཧོམ་དུ༔ གནོད་བྱེད་དགྲ་བགེགས་མ་ལུས་པ༔ བཀུག་སྟེ་རྐང་མཐིལ་སྐྱ་ལྷག་གི༔ མགོ་མཇུག་ལོག་ནས་སོང་བར་བསམ༔ མིང་བྱང་ལི་སྔགས་ཀྱིས་བསྟབ༔ ཉེར་སྤྱོད་འདོད་ཡོན་སྨན་གཏོར་རཀ༔ དམར་གཏོར་ཁྲག་གིས་བྱུགས TI1603 - 292 ༈རིཾ།༔ པའང་འབུལ༔ དེ་ལྟར་དམིགས་པ་གནད་དུ་གཅེས༔ ས་མ་ཡ༔ དེ་ནས་གཞུང་དུ་འཇུག་པ་ལ༔ སྐྱབས་སེམས་མཚམས་བཅད་སྔོན་སོང་ནས༔ དཀྱིལ་འཁོར་ཆེན་པོའི་བྱ་བ་ནི༔ སྔགས་ཀྱིས་སྣང་སྲིད་དག་པར་སྦྱངས༔ རྩ་བའི་སྔགས་ནི་ལན་གསུམ་བརྗོད༔ མདུན་དུ་གྲུ་གསུམ་དམར་ནག་འབར་བའི་ཨེ་ཀློང་དྲེགས་པ་ཕོ་མོ་གཅལ་དུ་བཀྲམ་པའི་སྟེང་དུ༔ པདྨ་ཉི་མ་བམ་གྱི་སྟེང་དུ་ཧྲཱིཿ ཡིག་དམར་ནག་ལས་འོད་འཕྲོས་ཕྱོགས་བཅུའི་རྒྱལ་བ་རྣམས་ལ་མཉེས་མཆོད་ཕུལ༔ ཐུགས་རྗེ་བྱིན་རླབས་དབང་དང་དངོས་གྲུབ་ཐམས་ཅད་ཚུར་འདུས་ཧྲཱིཿ ལ་ཐིམ༔ མར་འཕྲོས་དགྲ་བགེགས་གདུག་པ་ཅན་ཐམས་ཅད་TI1603 - 293 ཚར་བཅད༔ སེམས་ཅན་ཐམས་ཅད་ཀྱི་སྒྲིབ་པ་སྦྱངས༔ དེ་དག་གི་ནུས་མཐུ་ཐམས་ཅད་བསྡུས་ཏེ་ཧྲཱིཿ ལ་ཐིམ་པས་དེ་གནས་སུ་གྱུར་པ་ལས༔ བཅོམ་ལྡན་འདས་རྟ་མགྲིན་ཡང་ཁྲོས་ནག པོ་ཞལ་གཅིག་ཕྱག་བཞི་ཞབས་གཉིས་སྡེ་བརྒྱད་དྲེགས་པ་ཕོ་མོའི་སྟེང་དུ་གྱད་ཀྱི་འདོར་སྟབས་སུ་བསྒྲད་པ༔ གཡས་ཀྱི་དང་པོས་རལ་གྲི་མེ་འབར་བ་ཀླད་ལ་བསྐོར་ཞིང་༔ འོག་མས་ལྕགས་ཀྱུས་ཁམས་གསུམ་འགུགས་པ༔ གཡོན་གྱི་དང་པོས་ཐོད་ཁྲག་དང་འོག་མས་སྦྲུལ་ཞགས་བསྣམས་ནས་ཁམས་གསུམ་ཁྲག་ཏུ་རོལ་ཞིང་སྣང་སྲིད་ཐམས་ཅད་རྟོག་མེད་མཉམ་པ་ཉིད་དུ་འཆིང་བར་བྱེད་པ༔ སྐུ་ལ་བེར་ནག་གསོལ་ཞིང་དུར་ཁྲོད་ཆས་བརྒྱད་ཀྱིས་བརྒྱན་པ་ཞལ་གདངས་ཤིང་ལྗགས་གློག་དམར་ལྟར་དུ་འདྲིལ་བ༔ མཆེ་བ་ཟླ་ལྟར་གཙིགས་ཤིང་སྨ་ར་དང་སྨིན་མ་མེ་ལྟར་འབར་ཞིང་མེ་ཡི་ཚྭ་ཚྭ་མགར་གྱི་ཚྭ་ཞགས་ལྟར་དུ་འཕྲོས་ནས་གནོད་བྱེད་ཐམས་ཅད་བསྲེགས་པ༔ སྤྱན་གསུམ་སྡང་མིག་ཏུ་གཡོ་ཞིང་སྤྱན་རྩ་ལས་གློག་སྟོང་འཁྱུགས་པས་གནོད་བྱེད་ཐམས་ཅད་བརྒྱལ་ཞིང་འབོགས་པ༔ ཁྲོ་གཉེར་ཆུ་ཡི་རླབས་བཞིན་འཁྲིགས་པས་སྲིད་གསུམ་སྔངས་ཤིང་འདར་བ༔ དབུ་སྐྲ་དམར་སེར་གྱེན་དུ་བརྫེས་ཤིང་སྤྱི་གཙུག་ཏུ་རྟ ཛོཾ།༔ མགོ་ལྗང་ཞུར་ལྷང་ལྷང་མཚེར་ནས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ༔ ཡེ་ཤེས་ལྔ་དང་སྐུ་ལྔ་ལྷུན་གྱིས་གྲུབ་པའི་རང་གདངས རིགས་བཞིའི་ཁྲག་འཐུང་ཁྲོས་མ་སྒོ་སྐྱོང་དང་བཅས་པ་ངོ་བོ་སོ་སོར་མི་གཞན་པ་ལས༔ རྣམ་པ་མ་འདྲེས་ཡོངས་རྫོགས་ཉི་མ་དང་འོད་ཟེར་བཞིན་དུ་རང་ཤར་རང་གསལ་ཆེན་པོའི་བདག་ཉིད་ཅན་དུ་གྱུར༔ དེ་དག་ཐམས་ཅད་ཡེ་ཤེས་ཀྱི་མེ་དཔུང་དམར་ནག་རབ་ཏུ་འབར་བའི་ཀློང་དུ་བཞུགས་པར་གསལ་བའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿ དམར་པོ༔ ཐུགས་ཀར་ཧཱུྃ་མཐིང་ནག་རྣམས་ལས་འོད་དང་འོད་ཟེར་རབ་ཏུ་འཕྲོས་པས་རྟ་མགྲིན་པདྨ་དབང་གི་དཀྱིལ་འཁོར་ལྷ་ཚོགས་ཐམས་ཅད་སྤྱན་དྲངས་ལ་བསྟིམ་མོ༔ རྩ་སྔགས་མཐར༔ བཛྲ་ས་མ་ཡ་ཛཿ ཛཿ ཧཱུྃ་བྃ་ཧོཿ ཧཱུྃ་ཧྲཱིཿ བདེ་ཆེན་དབང་དྲག་རོལ་པའི་དཀྱིལ་འཁོར་ནས༔ ཆེ་བའི་ཆེ་མཆོག་པདྨ་ཡང་ཁྲོས་སྐུ༔ གསང་ཆེན་གསུང་གི་འཁོར་ལོ་ཡོངས་རྫོགས་ལྷ༔ མ་ལུས་སྐད་ཅིག་ཉིད་ལ་གཤེགས་སུ་གསོལ༔ ཧཱུྃ༔ དད་པ་དང་ནི་དམ་ཚིག་གཉན་པོ་ཡིས༔ རྟ་མགྲིན་ཡང་ཁྲོས་ལྷ་ཚོགས་སྤྱན་འདྲེན་ནོ༔ ཆོས་ཀྱི་དབྱིངས་ནས་སྐུར་བཞེངས་དུས་ལ་བབ༔ བདག་ཅག་རྗེས་སུ་བཟུང་ཕྱིར་གཤེགས་སུ་གསོལ༔ རྒྱལ་བསེན་སྲོག་བདག་འདུལ་ཕྱིར་གཤེགས་སུ་གསོལ༔ ལྷ་སྲིན་སྡེ་བརྒྱད་འདུལ་ཕྱིར་གཤེགས་སུ་གསོལ༔ གོད་འདྲེ་འགོང་སྲི་འདུལ་ཕྱིར་གཤེགས་སུ་གསོལ༔ མི་ནད་ཕྱུགས་ནད་འཇོམས་ཕྱིར་གཤེགས་སུ་གསོལ༔ བཛྲ་ཀྲོ་དྷ་ཧྱ་གྲློ་ཝ་བཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ མ་ཆགས་པདྨ་ཉི་ཟླའི་གདན་སྟེང་དུ༔ ཆེ་མཆོག་པདྨ་ཡང་ཁྲོས་ནག་པོ་ཆེ༔ དམ་ཚིག་ཡེ་ཤེས་གཉིས་མེད་རོ་གཅིག་རོལ༔ མཉམ་སྤྱོར་བདེ་བ་ཆེན་པོའི་ཏིང་འཛིན་བསྐྱེད༔ ཨོཾ་བཛྲ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ན་མོ༔ སྲིད་གསུམ་གདུག་པ་མ་ལུས་འཇོམས་མཛད་པ༔ ཆེ་བའི་ཆེ་མཆོག་པདྨ་ཡང་ཁྲོས་སྐུ༔ གཉིས་མེད་འཁོར་གྱི་རོལ་པ་རྫོགས་པའི་ལྷར༔ གར་གྱི་ཉམས་འགྱུར་རོལ་པས་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ་ཧྲཱིཿ མེ་ཏོག་བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོས་སྲིད་པ་གསུམ་བཀང་ནས༔ རྟ་མགྲིན་ཡང་ཁྲོས་དཀྱིལ་འཁོར་ལྷ་ལ་འབུལ༔ དགྲ་བགེགས་ལོག་འདྲེན་མ་ལུས་ལྷག་མེད་རོལ༔ ཨརྒྷཾ་པཱདྱཾ་སོགས་ནས་ཤཔྡ་སརྦ་དགྲ་བགེགས་མཱ་ར་ཡ་ཛྭ་ལ་རཾ་ཁཱ་ཧི༔ ཧཱུྃ་ཧྲཱིཿ ཛོཾ།༔ གཟུགས་མཛེས་སྒྲ་སྙན་དྲི་ཞིམ་རོ་མངར་རེག༔ མི་ཟད་ཡེ་ཤེས་བདུད་རྩིར་བྱིན་རླབས་ནས༔ རྟ་མགྲིན་ཡང་ཁྲོས་ནག་པོའི་ཞལ་དུ་འབུལ༔ བརྣག་པའི་དགྲ བགེགས་དཔུང་བཅས་ལྷག་མེད་རོལ༔ ཨོཾ་རཱུ་པ་ཤཔྡ་སོགས་སྤཪྴ་ནྲྀ་ཏྲི་ཤ་ཏྲུཾ་མཱ་ར་ཡ་ཛྭ་ལ་རཾ་ཁཱ་ཧི༔ ཧཱུྃ་ཧྲཱིཿ སྨན་གཏོར་རཀྟ་མཆོད་པའི་ཡོ་བྱད་སྤྲིན༔ མི་ཟད་རྒྱན་གྱི་འཁོར་ལོ་རབ་སྤེལ་ནས༔ རྟ་མགྲིན་ཡང་ཁྲོས་དཀྱིལ་འཁོར་ལྷ་ལ་འབུལ༔ བརྣག་པའི་དགྲ་བགེགས་མ་ལུས་ལྷག་མེད་རོལ༔ ཨོཾ་ཨཱཿ སརྦ་པཉྩ་ཨ་མྲྀ་ཏ་རཀྟ་བ་ལིངྟ་ཁཱ་ཧི༔ ནྲྀ་ཏྲི་ཤ་ཏྲུཾ་མཱ་ར་ཡ་སརྦ་ཛྭ་ལ་རཾ་ཁཱ་ཧི༔ དེ་ནས་བསྟོད་པ་བྱ་བ་ནི༔ ཧཱུྃ་ཧྲཱིཿ དུས་གསུམ་རྒྱལ་ཀུན་གསུང་གི་ངོ་བོ་ཉིད༔ ཆེ་བའི་ཆེ་མཆོག་པདྨ་དབང་གི་ལྷ༔ རབ་འཇིགས་རྔམས་བརྗིད་དྲག་པོའི་སྐུར་སྟོན་པ༔ རྟ་མགྲིན་ཡང་ཁྲོས་འཁོར་དང་བཅས་ལ་བསྟོད༔ ཁྱེད་ལ་བསྟོད་ཅིང་གུས་པས་གསོལ་འདེབས་ནི༔ མ་ཉེས་རང་སར་འདུག་པའི་རྣལ་འབྱོར་ལ༔ སྡང་བའི་དགྲ་བགེགས་མཁྱེན་བཞིན་མ་ཤོར་བར༔ དྲག་པོ་མེ་ཧོམ་འབར་བའི་ཞལ་དུ་བཞེས༔ རྗེས་ཤུལ་ལྷག་མ་ཙམ་ཡང་མེད་པར་མཛོད༔ དེ་ནས་བསྲེག་རྫས་ལིངྒ་མཉམ་པར་དགྲ་བགེགས་སུ་དམིགས་ནས་འབུལ་བ་ནི༔ བཅོམ་ལྡན་ དཔལ་ཆེན་པདྨ་ཧེ་རུ་ཀ༔ རྟ་མགྲིན་ཡང་ཁྲོས་ནག་པོ་འཁོར་དང་བཅས༔ མ་གཡེལ་ཐུགས་དམ་གཉན་པོའི་དུས་ལ་བབ༔ བདག་ཅག་དཔོན་སློབ་མི་ནོར་འཁོར་བཅས་ལ༔ སྡང་བའི་དགྲ་དང་གནོད་པའི་བགེགས་ཚོགས་རྣམས༔ མ་ལུས་བསྒྲལ་ནས་ལྷག་མ་མ་ལུས་པར༔ འབུལ་རྫས་འདི་དང་གཉིས་སུ་མེད་པར་རོལ༔ དེ་ནས་འབུལ་བ་ནི༔ ཨོཾ་བཛྲ་ཀྲོ་དྷ་ཧྱ་གྲློ་ཝ ཧུ་ལུ་ཧུ་ལུ་ཧཱུྃ་ཕཊ༔ དགྲ་བགེགས་གནོད་བྱེད་སརྦ་ཤ་ཏྲུཾ་མཱ་ར་ཡ་ཛྭ་ལ་རཾ་རཾ་ཁཱ་ཧི༔ ལན་བརྒྱ་སྟོང་སོགས་ཀྱིས་འབུལ་བའི་སྐབས་སུ༔ སྣང་སྲིད་ཁམས་ཀྱི་གནོད་བྱེད་དགྲ་བགེགས་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་འབྲས་བུ་ཕུལ་གྱིས་བཅུས་པ་བཞིན་དུ་དགང་གཟར་གྱིས་བཅུས་ཏེ་པདྨ་དྲག་པོའི་ཞལ་ཧོམ་དུ་སིབ་སིབ་ཀྱིས་ཐིམ་པར་བསྒོམ་སྟེ་བཅུས་ཚུལ་བྱས་ཏེ་བསྟབ་བོ༔ མཐར་ཡང་རྣམ་ལྔ་འདོད་ཡོན་སྨན་གཏོར་རཀྟ་རྣམས་གོང་ལྟར་ཕུལ་ནས་བསྟོད་དོ༔ དེ་ནས་མེ་ཐུན་འགྱེད་ན་མཚམས་འདིར་བྱ༔ དེ་མིན་སྲེག་བླུགས་རྐྱང་པར་གཤེགས་གསོལ་འདི་ལྟར་བྱ༔ ཧཱུྃ༔ དབང་ཆེན་ཡང་ཁྲོས་དཀྱིལ་འཁོར་ལྷ༔ ཆོས་སྐུ་སྐྱེ་མེད་དབྱིངས་སུ་བསྡུ༔ དོན་ལ་ངོ་བོ་མཐའ་བྲལ་ཀློང་༔ ལྷ་དང་རང་སྣང་གཅིག་ཏུ་འདྲེས༔ ཨ་ཨཱཿ ཕཊ༔ དེ་ནས་མེ་ཡི་ཚ་ཟེར་འགྱེད་འདོད་ན༔ ཧཱུྃ༔ དབུས་ནས་ཡང་ཁྲོས་ནག་པོ་ལ༔ ཆོས་དབྱིངས་ཡེ་ཤེས་མེ་འབར་བས༔ ཛོཾ།༔ གཏི་མུག་ལས་བྱུང་ལྷ་འདྲེ་གདོན༔ ནད་དང་སྡུག་བསྔལ་རྒྱུ་འབྲས་བཅས༔ མ་ལུས་རྗེས་ཤུལ་མེད་པར་རཾ༔ ཤར་ཕྱོགས་རྡོ་རྗེ་ཡང་ཁྲོས་ལ༔ མེ་ལོང་ཡེ་ཤེས་མེ་འབར་བས༔ ཞེ་སྡང་ལས་གྱུར་ནད་གདོན་བགེགས༔ སྡུག་བསྔལ་རྒྱུ་འབྲས་དང་བཅས་པ༔ ལྷག་མ་མེད་པར་ཛྭ་ལ་རཾ༔ ལྷོ་ཕྱོགས་རཏྣ་ཡང་ཁྲོས་ལ༔ མཉམ་ཉིད་ཡེ་ཤེས མེ་འབར་བས༔ ང་རྒྱལ་ལས་བྱུང་ནད་གདོན་བགེགས༔ སྡུག་བསྔལ་རྒྱུ་འབྲས་དང་བཅས་པ༔ ལྷག་མ་མེད་པར་ཛྭ་ལ་རཾ༔ ནུབ་ནས་པདྨ་ཡང་ཁྲོས་ལ༔ སོར་རྟོག་ཡེ་ཤེས་མེ་འབར་བས༔ འདོད་ཆགས་ལས་བྱུང་ནད་གདོན་བགེགས༔ སྡུག་བསྔལ་རྒྱུ་འབྲས་དང་བཅས་པ༔ ལྷག་མ་མེད་པར་ཛྭ་ལ་རཾ༔ བྱང་ནས་ལས་ཀྱི་ཡང་ཁྲོས་ལ༔ བྱ་གྲུབ་ཡེ་ཤེས་མེ་འབར་བས༔ ཕྲག་དོག་ལས་བྱུང་ནད་གདོན་བགེགས༔ སྡུག་བསྔལ་རྒྱུ་འབྲས་དང་བཅས་པ༔ ལྷག་མ་མེད་པར་ཛྭ་ལ་རཾ༔ ཕྱོགས་བཞི་ཕྲིན་ལས་ལས་ཀྱི་སྒོར༔ ཡེ་ཤེས་སྒོ་མ་རྣམ་བཞི་ལ༔ ཚད་མེད་བཞི་ཡི་མེ་འབར་བས༔ སྐྱེ་གནས་བཞི་ལས་སྐྱེས་པ་ཡི༔ གདོན་བགེགས་མི་མཐུན་ཕྱོགས་རྣམས་ཀུན༔ ལྷག་མ་མེད་པར་ཛྭ་ལ་རཾ༔ ཨོཾ་ཧྲཱིཿ བཛྲ་ཀྲོ་ངྷ་ཧྱ་ཧྲཱི་ཝ་ཧུ་ལུ་ཧུ་ལུ་ཧཱུྃ ཕཊ༔ དུ་ཏྲི་རཱུ་དྲ་སརྦ་ཤ་ཏྲུཾ་མཱ་ར་ཡ་སོད་རཾ་རཾ༔ རྦད་རཾ་རཾ༔ ཐུ་རི་ལི་ལི་རཾ་རཾ༔ ཨེ་ཧུར་ཐུཾ་ཛྭ་ལ་རཾ་རཾ༔ ཛྭ་ལ་རཾ་རཾ༔ ཧཱུྃ་བཞིའི་སྔགས་བརྗོད་མེ་ཐུན་བརྒྱབ༔ སྣང་སྲིད་ཀྱི་ཁམས་ཐམས་ཅད་རྟ་མགྲིན་རིགས་ལྔའི་མེའི་དབལ་གྱིས་ཁྱབ་ནས་གནོད་བྱེད་ནད་གདོན་བར་ཆད་ཐམས་ཅད་བྱ་སྒྲོ་མེ་ལ་བསྲེགས་པ་ལྟར་གཞོམ་པར་བསམ་མོ༔ མཐར་བསྡུ་རིམ་རྗེས་ཀྱི་སྤྱོད་པ་ཐམས་ཅད་རྫོགས་པར་བྱའོ༔ སྲུང་འཁོར་ཡང་བསྒོམ༔ འདི་ནི་རྣལ་འབྱོར་དམ་པའི་ལམ༔ གོད་ཡམས་སྣ་ཚོགས་འབྱུང་དུས་དང་༔ རྟ་དྲེལ་ནད་སྣ་ལང་བ་དང་༔ འགོང་གཤེད་ཕྱུགས་ལ་གཟན་པ་དང་༔ མི་ལ་ནད་རིམས་གཉན་ལ་ཁ༔ ན་ཚ་རྒྱུན་དུ་བྱུང་བ་དང་༔ སྣ་ཚོགས་གདོན་གྱིས་ཉེས་པ་དང་༔ བྱད་ཕུར་རྦོད་གཏོང་འབྱུང་བའི་ཚེ༔ དམིགས་གནད་དེ་ལ་གཟིར་ནས་བྱ༔ རྣལ་འབྱོར་བསྐྱེད་རྫོགས་གདིང་ལྡན་ན༔ རྡོ་རྗེ་ཡིན་ཡང་འཇིག་པར་ནུས༔ འདི་ཡིས་མི་ཐུབ་གང་ཡང་མེད༔ བུད་མེད་ཡེ་ཤེས་མཚོ་རྒྱལ་ཁྱོད༔ གསང་བ་བརྡ་ཡི་རིས་སུ་ཐོབས༔ ཁམས་ཀྱི་རྡོ་རྗེ་བྲག་ལ་སྦོས༔ གནོད་སྦྱིན་ཤན་པ་དམར་ནག་དང་༔ ཞིང་སྐྱོང་གཟའ་བདུད་རྒྱལ་པོས་སྲུངས༔ དམ་ལྡན་བུ་ལ་བརྩེ་བས་སྐྱོངས༔ དམ་ཉམས་བྱུང་ན་དབང་པོ་སྣུབས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གཉན་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་མ་ནུས་བདུད་འཇོམས་རྡོ་རྗེས་ཁམས་ཡུལ་རྡོ་རྗེ་བྲག་ནས་བཏོན་ཏེ་མི་ལོ་བཅུ་གསུམ་ལ་བཀའ་རྒྱ་བྱས་ནས་མཐར་སྨར་མདོ་དགའ་བ་འཁྱིལ་དུ་དག་པར་ཕབ་པའི་ཡི་གེའི་རིས་བྱེད་ཧོར་གྱི་བླ་མ་ཕུན་ཚོགས་བཀྲ་T11603 - 300 ཛོཾ།༔ ཤིས་སོ། །ཇི་སྲིད་འཁོར་བའི་འཇིག་རྟེན་མ་སྟོང་བར། །དེ་སྲིད་དམ་པའི་ཆོས་འདི་མ་རྫོགས་སོ། ། ། དགེའོ། །དགེའོ། །དགེའོ། །སརྦ་མངྒ་ལཾ།། ༈ མདུན་དུ་རྟ་1མ མགྲིན་ནག་པོ་ཡི༔ ཁམས་གསུམ་རོལ་པའི་ཞལ་ཧོམ་དུ༔ གནོད་བྱེད་དགྲ་བགེགས་མ་ལུས་པ༔ བཀུག་སྟེ་རྐང་མཐིལ་སྐྱ་ལྷག་གིས༔ མགོ་མཇུག་ལོག་ནས་སོང་བར་བསམ༔ འགུགས་པ་སོགས་བརྗོད༔ སྲེག་བླུགས་ལས་སོ། ལ = 297 T11603 - 301 T11603 - 302 ཛོཾ།།༔ ཁ་བསྒྱུར་འདི་གང་འོས་སུ་སྦྱར་རོ༔ མ་ཉེས་རང་སར་འདུག་པའི་སྦྱིན་བདག་འདིའི༔ རྟ་དྲེལ་རྔོག་ཆགས་ཡོངས་ལ་གནོད་བྱེད་པའི༔ གོད་སྲི་གོད་འདྲེ་གང་ཡིན་མ་ཤོར་བར༔ ཡང་ན༔ གནག་ཕྱུགས་རྨིག་ཆགས་ཡོངས་ལ་གནོད་བྱེད་པའི༔ གོད་འདྲེ་གོད་སྲི་གང་ཡིན་མ་ཤོར་བར༔ ཡང་ན༔ ལུས་ངག་ཡིད་ལ་འཚེ་ཞིང་གནོད་བྱེད་པའི༔ ནད་རིམས་ཡམས་ཀྱི་བདག་པོ་མ་ཤོར་བར༔ ཡང་ན༔ ལུས་ངག་ཡིད་ལ་འཚེ་ཞིང་གནོད་བྱེད་པའི༔ གདོན་བགེགས་ལོག་འདྲེན་མཁྱེན་བཞིན་མ་ཤོར་བར༔ ཡང་ན༔ ལུས་ངག་ཡིད་ལ་འཚེ་ཞིང་གནོད་བྱེད་པའི༔ ནད་དང་ནད་འདྲེ་བཅས་པ་མ་ཤོར་བར༔ ཡང་ན༔ ལུས་ངག་ཡིད་ལ་འཚེ་ཞིང་གནོད་བྱེད་པའི༔ བྱད་མ་རྦོད་གཏོང་ལྷར་བཅས་མ་ཤོར་བར༔ དྲག་པོའི་མེ་ཧོམ་འབར་བའི་སོགས་ལ་འཇུག་གོ། །ཁ་བསྒྱུར་འདི་ཨོ་རྒྱན་རྡོ་རྗེས་བསྐུལ་ངོར་བདུད་འཇོམས་པས་སོ། །དགེའོ།། T11603 - 304 ཇོོཾ།༔ ཟབ་གསང་མཁའ་འགྲོའི་སྙིང་ཐིག་ལས༔ ཡང་ཁྲོས་མ་ཧཱ་ཀཱ་ལའི་ཆ་ལག༔ ཡང་ཟབ་རྟ་ཕྱག་ཁྱུང་གསུམ་གྱི་དྲིལ་སྒྲུབ་འབྲེལ་ཚད་རྣམ་གྲོལ་ཞེས་བྱ་བ་བཞུགས་སོ༔ TI1603 - 305 ཛོཾ།༔ ན་མོ་གུ་རུ་པདྨ་ཀ་ར་ཡེ༔ བྷ་ཧ་ཁྲོརྣོ།སྒྲ ལྔ་བརྒྱ་དུས་ཀྱི་སྙིགས་མ་ལ༔ ཀླུ་གཉན་ས་བདག་སྡེ་བརྒྱད་ཀྱིས༔ རྒོལ་ཞིང་གནོད་པའི་སྦྱོར་བ་ལས༔ རྣམ་པར་གྲོལ་ཞིང་རྒྱལ་བ་དང་༔ སྒོ་གསུམ་རྡོ་རྗེའི་རོལ་པ་རུ༔ འཕོས་ཤིང་སྨིན་ཏེ་གྲོལ་བའི་ཕྱིར༔ ཡང་ཟབ་རྟ་ཕྱག་ཁྱུང་གསུམ་གྱི༔ སྒྲུབ་པ་འདི་ལ་བརྩོན་པར་གྱིས༔ ས་མ་ཡ༔ བསྐྱེད་གསལ་དམིགས་པ་གནད་ལྡན་གྱིས༔ དང་པོ་སྐྱབས་འགྲོ་སེམས་བསྐྱེད་ལ༔ ན་མོ༔ དཀོན་མཆོག་རིན་ཆེན་རྣམ་གསུམ་དང་༔ དྲག་པོའི་སྐུ་གསུང་ཐུགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ འགྲོ་བའི་དོན་ལ་བརྩོན་པར་བྱ༔ དེ་ནས་བགེགས་བསྐྲད་སྲུང་འཁོར་ལ༔ ཧཱུྃ༔ T11603 - 306 ༧དབང་ཇོོཾ།༔ མ་རིག་གཟུང་འཛིན་རཱུ་དྲ་ཀུན༔ བདག་མེད་ཆེན་པོར་དེངས་ཤིག་ཕཊ༔ འཁོར་འདས་དག་མཉམ་ཆེན་པོ་ལ༔ བགེགས་དང་ལོག་འདྲེན་མིང་ཡང་མེད༔ ཨུ་ཙ་ཏ་ཡ་ཕཊ༔ ཛྙཱ་ན་ཙཀྲ་རཀྵ་ཧཱུྃ༔ དེ་ནས་བྱིན་འབེབས་མཆོད་རྫས་སྤེལ༔ ཧཱུྃ༔ ཡེ་ཤེས་རོལ་པའི་དཀྱིལ་འཁོར་འདིར༔ རྡོ་རྗེ་གསུམ་གྱི་བྱིན་ཆེན་ཕོབ༔ ཡུལ་དྲུག་འདོད་ཡོན་མི་ཟད་གཏེར༔ མཆོད་སྤྲིན་ནམ་མཁའ་མཛོད་དུ་སྤེལ༔ གུ་རུ་དྷེ་ཝ་ཌཱ་ཀི་ནཱི་བཛྲ་ཨ་ཝེ་ཤ་ཡ་ཨཱཿ མ་ཧཱ་སརྦ་པཉྩ་པཱུ་ཛ་གྷ་ཎ་ཙཀྲ་ཧོཿ དེ་ནས་རྟེན་དང་བརྟེན་པའི་དཀྱིལ་འཁོར་ནི༔ ཨ༔ རྣམ་ཐར་གསུམ་ལྡན་བཙུན་TI1603 - 307 མོའི་མཁའ༔ ཁྱབ་བརྡལ་སྙིང་རྗེ་ཆེན་པོར་བརྡལ༔ ཐབས་ཤེས་སྙིང་པོ་ཧཱུྃ་ཡིག་ལས༔ འོད་འཕྲོས་ཡེ་ཤེས་ལྔ་ལྡན་ཀློང་༔ གཟའ་ཀླུ་སྡེ་བརྒྱད་བསྣོལ་བའི་ཁྲིར༔ པདྨ་ཉི་མའི་གདན སྟེང་དུ༔ ཧྲཱིཿ ལས་སྐད་ཅིག་དྲན་རྫོགས་སུ༔ རང་ཉིད་དབང་ཆེན་རྟ་མགྲིན་ནི༔ དམར་ནག་ཞལ་གཅིག་ཕྱག་གཉིས་པ༔ ཕྱག་གཡས་རལ་གྲི་གཡོན་སྦྲུལ་ཞགས༔ ཁྲོ་གཏུམ་རྔམས་བརྗིད་ལྟར་མི་བཟོད༔ ཞལ་གདངས་ལྗགས་འདྲིལ་སྤྱན་གསུམ་བསྒྲད༔ ཁམ་ནག་རལ་གྲིའི་སྐྲ་གསེབ་ཏུ༔ རྟ་མགོ་ལྗང་ཞུར་རྟ་སྐད་མཚེར༔ ཞབས་གཉིས་གྱད་ཀྱི་འདོར་སྟབས་བསྒྲད༔ དུར་ཁྲོད་ཆས་རྫོགས་མེ་དཔུང་འབར༔ ཐུགས་ཀར་པདྨ་ཉི་གདན་ལ༔ གསང་བདག་རྡོ་རྗེ་གཏུམ་པོ་མཐིང་༔ ཕྱག་གཡས་རྡོ་རྗེ་གཡོན་སྦྲུལ་ཞགས༔ ཞལ་གདངས་ལྗགས་འདྲིལ་སྤྱན་གསུམ་པ༔ ཞབས་གཉིས་གྱད་ཀྱི་འདོར་སྟབས་བསྒྲད༔ ཁམ་ནག་རལ་པ་གྱེན་དུ་བརྫེས༔ དུར་ཁྲོད་ཆས་རྫོགས་མེ་དཔུང་འབར༔ དབང་དྲག་འབར་བའི་སྤྱི་བོ་རུ༔ ཁྲོ་ཆུ་ཞུན་མ་ལས་གྲུབ་པའི༔ ཡེ་ཤེས་བྱ་ཁྱུང་ཀླུ་གདོན་ཟ༔ སྤྱན་གསུམ་ཉི་མའི་འོད་ལྟར་འབར༔ གཤོག་པས་ཉི་ཟླ་ཚོགས་པོར་འཕེན༔ ཁྱུང་སྐད་སྒྲོགས་པས་ས་གསུམ་གཡོ༔ T11603 - 308 ཛོཾ།༔ ཁྱུང་གི་ཚྭ་ཚྭ་སྐར་ལྟར་འཁྲིགས༔ དེ་ལྟར་དྲག་པོ་ལྷ་གསུམ་གྱི༔ གནས་གསུམ་རྡོ་རྗེ་སྙིང་པོ་ལས༔ འོད་དང་འོད་ཟེར་རབ་འཕྲོས་པས༔ སྐུ་གསུམ་དག་པའི་ཞིང་ཁམས་ནས༔ རྟེན་དང་བརྟེན་པའི་དཀྱིལ་འཁོར་ལྷ༔ སྤྱན་དྲངས་གཉིས་སུ་མེད་པར་འགྱུར༔ དེ་ནས་སྤྱན་འདྲེན་པ་ནི༔ ཧཱུྃ༔ དབང་དྲག་རོལ་པའི་དཀྱིལ་འཁོར་ནས༔ པདྨ་དབང་ཆེན་གཤེགས་སུ་གསོལ༔ ཡེ་ཤེས་ཐུགས་ཀྱི་དཀྱིལ་འཁོར་ནས༔ རྡོ་རྗེ་གཏུམ་པོ་གཤེགས་སུ་གསོལ༔ ཕྲིན་ལས་མངོན་སྤྱོད་དཀྱིལ་འཁོར་ནས༔ ཡེ་ཤེས་ཁྱུང་ཆེན་གཤེགས་སུ་གསོལ༔ ཧྲཱིཿ ཧཱུྃཿ ཁྲོཿ བྷྱོཿ བཛྲ་ས་མ་ཡ་ཛ་ཛཿ དེ་ནས་བཞུགས་གསོལ་ཕྱག་འཚལ་མཆོད་འབུལ་ལ༔ ཧོཿ ཡེ་ཤེས་རྡོ་རྗེའི་དཀྱིལ་འཁོར་ལྷ༔ གདན་གསུམ་ཚང་བའི་ངོ་བོར་བཞུགས༔ སྒོ་གསུམ་གུས་པས་ཕྱག་འཚལ་ལོ༔ འདོད་རྒུའི་དཔལ་གྱི་མཆོད་པ་འབུལ༔ བཛྲ་ས་མ་ཡ་ཏིཥྛ་ལྷན༔ ན་མོ་པུ་རུ་ཤ་ཡ་ཧོཿ མ་ཧཱ་ཨརྒྷཾ་པཱདྱཾཿ རཱུ་པ་ཤཔྡཿ མ་ཧཱ་པཉྩ་ཨ་མྲྀ་ཏ་མ་ཧཱ་རཀྟ་བ་ལིཾ་ཏ་སརྦ་པཱུ་ཛ་ཧོཿ དེ་ནས་བསྟོད་པ་བྱ་བ་ལ༔ ཧཱུྃ་ཧྲཱིཿ ཁམས་གསུམ་དབང་སྡུད་དབང་དྲག་རྒྱལ་པོའི་སྐུ༔ འཁོར་འདས་འུབ་ཆུབ་རྡོ་རྗེ་གཏུམ་པོའི་ཐུགས༔ གདུག་པ་འདུལ་ མཛད་བྱ་ཁྱུང་འབར་བའི་གར༔ རང་བྱུང་ལྷུན་གྲུབ་ལྷན་སྐྱེས་ལྷ་ལ་བསྟོད༔ དེ་ནས་ཛཔ་དམིགས་ལ༔ ཧཱུྃ༔ རྡོ་རྗེ་གཏུམ་པོའི་ཐུགས་ཀ་རུ༔ ཉི་ཟླའི་གྭའུ་ཁ་སྦྱོར་སྦུབས༔ གསང་བའི་སྙིང་པོ་ཧྲཱིཿདམར་ལ༔ ལྷ་གསུམ་སྙིང་པོ་གཅིག་དྲིལ་བའི༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་བསྒོམ་པ་དང་འདྲ་བའི༔ ཡེ་ཤེས་དཔག་མེད་སྤྱན་དྲངས་བསྟིམ༔ ཨོཾ་བཛྲ ཀྲོ་དྷ་ཧྱ་གྲཱི་ཝ་བཛྲ་པཱ་ཎི་ཁྲོ་ག་རུ་ཌ་ཡཀྴ་རཀྴ་ཧཱུྃ་ཕཊ༔ སྒྲུབ་པ་དམིགས་པའི་མདེ་ཁ་བསྒྱུར༔ ལས་སྦྱོར་ལ༔ ཧཱུྃ༔ རང་ཉིད་ལྷ་གསུམ་ཐུགས་ཀ་རུ༔ ཧྲཱིཿ ཧཱུྃཿཁྲོཿ ཡིག་གསལ་བ་ལས༔ མེ་དཔུང་ཧྲཱིཿ སྤྲུལ་པ་དཔག་མེད་འཕྲོས༔ གནོད་བྱེད་ནད་འདྲེ་གདོན་བགེགས་རྣམས༔ བསྲེགས་གཏུབ་ཧབ་ཧབ་ཟོས་པ་ཡི༔ རྗེས་ཤུལ་ཙམ་ཡང་མེད་པར་སྒོམ༔ ཧྲཱིཿ པདྨནྟ་ཀྲྀཏ་ཧྱ་གྲཱི་ཝ་བཛྲ་པཱ་ཎི་ཁྲོ་ག་རུ་ཌ་སརྦ་ཤ་ཏྲུཾ་མཱ་ར་ཡ་ཕཊ༔ ཅེས་པ་གྲངས་ལྡན་བསྐྱར་ཏེ་བཟླ༔ དེ་ལྟར་བསྒོམ་བཟླས་གནད་ལྡན་པས༔ ཕྱི་ནང་བར་ཆད་ཀུན་ལས་གྲོལ༔ ཨཿ ཡཿ མཿ དུཿ རུཿ ཙཿ ཤཿ ནཿ མཱ་ར་ཡ་ཕཊ༔ ནཱ་ག་ཙིཏྟ རྦད་ནན་ཕཊ༔ ཁྱད་པར་ཀླུ་གཉན་གདོན་ལས་གྲོལ༔ ས་མ་ཡ༔ དེ་ནས་དབང་གི་ཆོ་ག་ལ༔ བུམ་པ་སྐུ་གཟུགས་བུམ་པའི་དབང་༔ བྷནྡྲ་བདུད་རྩི་གསང་བའི་དབང་༔ རྨ་བྱ་ལུག་རྒྱུད་ཤེར་དབང་སྟེ༔ འཇའ་ཤེལ་འོད་ལྡན་བཞི་པའི་དབང་༔ 0 ཛོཾ།༔ གཏོར་མ་སྒྲུབ་དང་དཀྱིལ་འཁོར་དབང་༔ ཚང་བར་བཀོད་ཅིང་སྒྲུབ་ནས་མཐར༔ སློབ་མ་གྲལ་འཁོད་ཁྲུས་བྱ་ཞིང་༔ བགེགས་བསྐྲད་བསྲུང་བའི་འཁོར་ལོ་བསྒོམ༔ སྐྱབས་སུ་འགྲོ་ཞིང་སེམས་བསྐྱེད་དོ༔ དང་པོ་གསོལ་བ་གདབ་པ་ལ༔ ཀྱེེ༔ དུས་གསུམ་རྒྱལ་བའི་སྤྱི་གཟུགས་མཆོག༔ བླ་མ་རྡོ་རྗེ་འཛིན་ཁྱོད་ཀྱིས༔ བདག་གི་སྒོ་གསུམ་སྨིན་གྲོལ་ཕྱིར༔ རྡོ་རྗེ་གསུམ་གྱི་དབང་བསྐུར་སྩོལ༔ ལན་གསུམ་མཐར༔ དེ་ནས་སློབ་དཔོན་གྱིས༔ ཀྱེེ༔ སྐལ་ལྡན་རིགས་ཀྱི་བུ་ཁྱོད་ཉོན༔ མི་ལུས་ཐོབ་པ་དོན་ལྡན་ཕྱིར༔ སྒོ་གསུམ་རྡོ་རྗེའི་གྲོང་འཇུག་ན༔ ཟབ་མོའི་དབང་མཆོག་བསྐུར་བགྱིའོ༔ དེ་ནས་སློབ་མ་ལྷར་བསྐྱེད་ནི༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་སོགས་གཟུང་འཛིན་གཉིས་བསྡུས་ཀྱི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས༔ རང་གཞུང་གི་ལྷར་བསྐྱེད་ཡེ་ཤེས་པ་དབབ་བསྟིམ་བྱས་ཏེ་ཏིཥྛ་བཛྲ་གྱིས་བརྟན་པར་བྱ༔ དེ་ནས་བུམ་པ་ཐོགས་ལ༔ ཧཱུྃ༔ ཆོས་དབྱིངས་རྣམ་དག་བུམ་པ་རུ༔ ལྷུན་གྲུབ་དྲག་པོ་ལྷ་གསུམ་གྱི༔ རྟེན་དང་བརྟེན་པའི་འཁོར་ལོ་རྫོགས༔ སྐལ་ལྡན་བུ་ལ་དབང་བསྐུར་རོ༔ བུམ་པ་སྐུ་ཡི་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་དབང་ཆེན་གྱི་སྐུ་གཏད་ལ༔ ཧཱུྃ༔ ཁམས་གསུམ་རོལ་པ་དབང་གི་སྐུ༔ རྟ་མཆོག འབར་བའི་དབང་བསྐུར་རོ༔ ལུས་ཀྱི་སྒྲིབ་པ་ཀུན་དག་ནས༔ རྡོ་རྗེའི་སྐུ་རུ་སྨིན་གྲོལ་ཤོག༔ རྩ་སྔགས་