Tibetan
་། ལུག་གསོད་ཅིང་པགས་པ་བཤུ་བ་དག་མཐོང་ནས་འདི་དག་ཅི་བྱེད་ཅེས་དྲིས་སོ། །སྨྲས་པ་འདི་དག་ནི་གསོད་པའི་ལས་བྱེད་དེ། ཤ་འཚོང་ཞིང་བགོ་བ་དང་བཟའ་བའི་སྤོགས་བྱེད་དོ། །དེས་སྲོག་འཚོ་བར་བྱེད་དོ། །རྒྱལ་བུས་དེ་སྐད་ཅེས་ཐོས་ནས། བ་སྤུ་དང་ལུས་ཀྱི་ཤ་ཀུན་འགུལ་ཏེ། ཀྱི་ཧུད་ཀྱི་ཧུད་གསོད་པ་ལ་སྙིང་མི་བཟོད་དོ། །གཅིག་གིས་གཅིག་གི་ཉིང་ཤ་ཉིང་ཟ་ཞིང་བསྐལ་པ་བགྲངས་པའི་བར་དུ་གཅིག་ལ་གཅིག་གསོད་པའི་ལས་བྱེད་དོ། །དེ་ནས་ཡང་སོང་སོང་བ་ལས་མི་ མཆིས་པོ་དག་ཅིག་ཉ་རྒྱ་དང་བྱ་རྒྱ་ཐོགས་ཤིང་བྱ་དང་། ཉ་གསོད་དེ། གཅིག་ལ་གཅིག་ཉིད་ཤ་ཟ་བར་མཐོང་ངོ་། །དེ་ནས་འདི་ཅི་བྱེད་ཅེས་དྲིས་སོ། །གསོལ་པ། འདི་དག་ནི་བྱ་དང་ཉ་ཤོར་བ་ཡིན་ཏེ། གསོད་པའི་ལས་འདི་ལྟ་བུ་བྱེད་ཅིང་བགོ་བ་དང་ཟས་ཚོལ་ལོ། །རྒྱལ་བུ་དགེ་དོན་གྱིས་དེ་སྐད་ཅེས་སྨྲས་པའི་ཚིག་དེ་ཐོས་ནས་མིག་མཆི་མས་གང་སྟེ། འཇིག་རྟེན་གྱི་སེམས་ཅན་འདི་དག་ནི་སྡིག་པ་མི་དགེ་བར་འགྱུར་བའི་ལས་བྱེད་དེ། སྡུག་བསྔལ་ལས་ནམ་དུ་ཡང་མི་ཐར་རོ་སྙམ་ནས་མི་དགའ་ཞིང་མྱ་ངན་གྱིས་ནོན་ཏེ་ཕྱིར་ཕོ་བྲང་དུ་འོངས་སོ། །ཡབ་རྒྱལ་པོས་རྒྱལ་བུ་མི་དགའ་ཞིང་མྱ་ངན་བྱེད་པའི་ཚུལ་གྱིས་ཕྱིར་འོངས་པ་མཐོང་ནས་རྒྱལ་བུ་ལ་ཅི་ཞིག་གིས་མི་དགའ་ཞེས་དྲིས་པ་དང་། རྒྱལ་བུས་ཀྱང་ཇི་ལྟར་མཐོང་བའི་དངོས་པོ་དེ་དག་ཡབ་རྒྱལ་པོ་ལ་ཞིབ་ཏུ་གསོལ་ཏོ། །རྒྱལ་པོས་རྒྱལ་བུ་ལ་སྨྲས་པ། འདི་ལྟ་བུའི་དངོས་པོ་ནི་ཡོངས་ཀྱི་ཡོད་ཅིང་སྲིད་པ་ཡིན་ན་མྱ་ངན་བྱར་ཡང་ཅི་ཞིག་ཡོད། རྒྱལ་བུས་གསོལ་པ། བདག་རྒྱལ་པོ་ལ་འདོད་པ་གཅིག་ཅིག་གསོལ་ན་རྒྱལ་པོས་གནང་ངམ། རྒྱལ་པོས་སྨྲས་པ། ང་ལ་བུ་ཁྱོད་གཅིག་པུར་ཟད་དེ་བྱམས་ཤིང་སྡུག་པས་ཁྱོད་ཀྱི་ཡིད་དང་འགལ་བར་མི་བྱེད་དོ། །རྒྱལ་བུས་གསོལ་པ། བདག་ནི་ཡབ་རྒྱལ་པོའི་བང་མཛོད་ན་ནོར་དང་། རིན་པོ་ཆེ་དང་། བཟའ་བ་དང་། བཏུང་བ་ཅི་མངའ་བ་ཐམས་ཅད་སེམས་ཅན་ཐམས་ཅད་ལ་སྦྱིན་པར་བགྱིའོ་ཞེས་གསོལ་པ་དང་། རྒྱལ་པོས་ཀྱང་ཁྱོད་ཀྱི་ཡིད་དང་འགལ་བར་མི་བྱེད་ཀྱིས་ཅི་དགའ་མགུར་སྦྱིན་པ་གྱིས་ཤིག་ཅེས་བཀའ་སྩལ་ཏོ། །དེ་ནས་རྒྱལ་བུ་དགེ་དོན་གྱིས་བློན་པོ་བཀུག་ནས་རྒྱལ་པོའི་བང་མཛོད་ཕྱེ་ནས་བལ་གྱི་གླང་པོ་ཆེ་ལྔ་བརྒྱ་ལ་ནོར་དང་རིན་པོ་ཆེ་བཀལ་ཏེ་གྲོང་ཁྱེར་གྱི་སྒོ་བཞིར་སྤུངས་ནས་འགྲོ་བ་མང་པོ་དག་བགོ་བ་འདོད་དམ། བཟའ་བ་དང་བཏུང་བ་འདོད་དམ། ཅི་འདོད་པ་ཡིད་བཞིན་དུ་ལོང་ལ་ཁྱེར་ཅིག་ཅེས་ཕྱོགས་བཞིར་བསྒྲགས་སོ། །དེ་ལྟར་རྒྱལ་བུ་དགེ་དོན་གྱི་སྙན་པ་ཕྱོགས་སུ་བསྒྲགས་པས་ཐམས་ཅད་འདུས་ནས་ཅི་འདོད་པ་ཡིད་བཞིན་དུ་ཁྱེར་རོ། །རིང་པོ་མ་ལོན་པར་རྒྱལ་ པོའི་བང་མཛོད་སུམ་ཆ་ཞིག་ཟད་ནས། བློན་པོ་རྣམས་ཀྱིས་རྒྱལ་པོ་ལ་དཀོར་མཛོད་སུམ་ཆ་གཅིག་བས་ཏེ། རྒྱལ་བུས་མ་མཆིས་པར་བགྱིས་ཀྱིས་རྒྱལ་པོ་དགོངས་ཤིག་ཅེས་གསོལ་པ་དང་། རྒྱལ་པོས་ང་ནི་རྒྱལ་བུའི་ཡིད་དང་འགལ་བར་བྱེད་མི་ནུས་སོ་ཞེས་བཀའ་སྩལ་ཏོ། །ད་ནི་རྒྱལ་པོའི་བང་མཛོད་སུམ་ཆ་གཉིས་བས་ཀྱི་རྒྱལ་པོ་དགོངས་ཤིག་བཀའ་སྩལ་པ། ང་ནི་རྒྱལ་བུའི་ཡིད་དང་འགལ་བར་བྱེད་མི་ནུས་སོ། །ཁྱོད་ཀྱིས་ཐབས་ཅི་ལེགས་སུ་ཅུང་ཟད་བཀག་སྟེ་ཡིད་དང་མི་འགལ་བར་གྱིས་ཤིག་པར་བཀའ་སྩལ་ཏོ། །དེ་ནས་ཡང་རྒྱལ་བུ་དགེ་དོན་བང་མཛོད་འབྱེད་དུ་སོང་བ་ལས། བང་མཛོད་ལ་དབང་བའི་བློན་པོ་དོན་གཉེར་དུ་སོང་ནས་རིང་ཞིག་མ་ཁུགས་ཏེ་འཕྱིས་པར་གྱུར་པས་རྒྱལ་བུ་དགེ་དོན་འདི་སྐད་དུ། བང་མཛོད་བསྲུང་བའི་བློན་པོ་ཆུང་ངུ་ན་བདག་གི་ཡིད་དང་འགལ་བར་བྱེད་པའི་ཐུགས་མི་ཐུབ་སྟེ། འདི་ནི་རྒྱལ་པོ་ཡབ་ཀྱི་བཀའ་ཡིན་དུ་ངེས་པས་བུ་སྲི་ཞུ་ཅན་ཞེས་བྱ་བ་ཕའི་བང་མཛོད་སྟོངས་པར་བྱ་བར་མི་རིགས་ཀྱིས་ད་བདག་ཉིད་ཀྱིས་ནོར་དང་རིན་པོ་ཆེ་བཙལ་ལ་སེམས་ཅན་ཐམས་ཅད་ཚིམ་པར་བྱའོ། །གལ་ཏེ་བདག་གིས་སེམས་ཅན་ཐམས་ཅད་ལ་བགོ་བ་དང་། བཟའ་བ་དང་། བཏུང་བ་ཡིད་བཞིན་དུ་ཆོག་པར་སྦྱིན་མི་ནུས་ན་རྒྱལ་པོ་ཆེན་པོའི་སྲས་སུ་ཇི་སྐད་གདགས་ཞེས་སྨྲས་ནས་བློན་པོ་ཆེན་པོ་དང་། བློན་པོ་ཕྲ་མོ་ཡན་ཆད་བསྡུས་ཏེ། ནོར་དང་། ཁེ་སྤོགས་ཚོལ་བ་དག་ཅིའི་སྒོ་ནས་བསྒྲུབས་ན་མཆོག་ཏུ་འགྱུར་ཞེས་བགྲོས་སོ། །དེ་ལ་བློན་པོ་ཆེན་པོ་གཅིག་གིས་སྨྲས་པ། དེ་ལྟར་སྤོགས་ཤིག་བྱ་ན་ཞིང་རྨོ་བ་ལས་འདའ་བ་མེད་དེ་གཅིག་ལ་ཁྲིར་འགྱུར་རོ། །ཡང་བློན་པོ་ཆེན་པོ་གཅིག་གིས་སྨྲས་པ། འཇིག་རྟེན་ན་ཁེ་སྤོགས་བྱ་བའི་ནང་ན་རྐང་འགྲོས་ལས་ཁྱུ་བཙུགས་ལ་འབྲོག་བཟང་པོར་བཞག་ན་མང་དུ་འཕེལ་ཏེ་སྤོགས་དེ་ལས་ཆེ་བ་མེད་དོ། །ཡང་བློན་པོ་གཅིག་གིས་སྨྲས་པ། འཇིག་རྟེན་ན་ཁེ་སྤོགས་ཤིག་བྱ་ན་རྒྱ་མཚོར་ཞུགས་ལ་ནོར་བུ་རིན་པོ་ཆེ་བཙལ་བ་ལས་འདའ་བ་མེད་དོ། ། གལ་ཏེ་ཡིད་བཞིན་གྱི་ནོར་བུ་རིན་པོ་ཆེ་རྙེད་ན་ཡིད་བཞིན་དུ་སེམས་ཅན་ཐམས་ཅད་ལ་ཚིམ་པར་སྦྱིན་པར་འགྱུར་རོ། །དགེ་དོན་གྱིས་སྨྲས་པ། འདི་ནི་བདག་གི་ཡིད་ལ་བབ་སྟེ་རུང་ངོ་ཞེས་ཕོ་བྲང་དུ་སོང་སྟེ། ཡབ་རྒྱལ་པོ་ལ་བདག་ནི་རྒྱ་མཚོ་ཆེན་པོར་ཞུགས་ཏེ། ནོར་བུ་རིན་པོ་ཆེ་ལེན་དུ་འགྲོ་བར་འདོད་དོ་ཞེས་གསོལ་ཏོ། །རྒྱལ་པོས་ཚིག་དེ་ཐོས་ནས་དཔེར་ན་མི་བརྣངས་པ་ལྟར་སྐྱུག་ཏུ་ཡང་མེད་ལ་མིད་དུ་ཡང་མེད་པ་ལྟར་མི་བདེ་བ་ལྟར་གྱུར་ནས་རྒྱལ་བུ་ལ་འདི་སྐད་ཅེས་སྨྲས་སོ། །ཡུལ་འདི་ཡང་ཁྱོད་ཀྱི་ཡུལ་ཡིན་ཏེ། བང་མཛོད་དང་། ནོར་རིལ་དང་། རིན་པོ་ཆེ་ཅི་ཡོད་པ་ཡང་ཁྱོད་དབང་བས་ཡིད་བཞིན་དུ་སྤྱད་དུ་ཡོད་པས་ན་བདག་ཉིད་རྒྱ་མཚོར་འཇུག་ཅི་དགོས། ཁྱོད་ནི་རྒྱལ་པོའི་སྲས་ཡིན་ཏེ། ཕོ་བྲང་ཟབ་མོའི་ནང་དུ་སྐྱེས་པས་ཉལ་ན་ནི་གུར་ཡོལ་བ་ཅན་གྱིས་བསྐོར། ཁ་ཟས་ནི་ཅི་འདོད་པ་དང་ལྡན་ཏེ། ད་ལམ་དུ་ཞུགས་ཏེ་འདྲོན་དུ་འགྲོ་ན་ཉོན་མོངས་ཤིང་བཀྲེས་པ་དང་། སྐོམ་པ་དང་། གྲང་བ་དང་། ཚ་བས་ཉེན་པར་འགྱུར་ཡང་སུས་ཤེས། དེ་མ་ཡིན་པ་རྒྱ་མཚོའི་ནང་ན་བགེགས་སུ་གྱུར་པ་ཡང་གཅིག་ཏུ་མ་ཟད་དེ་མང་ངོ་། །འདི་ལྟ་སྟེ། ཡི་དགས་མ་རུངས་པ་དང་། ཀླུ་གདུག་པ་དང་། དབའ་རླབས་འཁྱིལ་པ་དང་། རླུང་དྲག་པོས་བསྒུལ་ཞིང་གཡེང་བ་དང་། ཆུའི་མདོག་དང་། རི་དང་། ཆུ་སྲིན་དང་། ཉ་ཆེན་པོ་ལ་སོགས་པ་བགེགས་མང་བས་བརྒྱ་སྟོང་ཙམ་སོང་ཡང་ཕྱིར་ཡང་འཁོར་བ་ནི་གཅིག་གཉིས་ཙམ་ལས་མེད་ན་ཅིའི་ཕྱིར་ཁྱོད་རྒྱ་མཚོ་ཆེན་པོར་འགྲོ་བར་སེམས་དེ་ནི་ཁོ་བོ་མི་ཉན་ཏོ། །དེ་ནས་རྒྱལ་བུ་དགེ་དོན་ལུས་སྨད་ལྔ་ས་ལ་ཁ་སྦུབ་ཏུ་ས་ལ་ཕབ་སྟེ། རྐང་ལག་བཞི་ཡང་བརྐྱང་ནས་ཡབ་རྒྱལ་པོ་དང་ཡུམ་ལ་འདི་སྐད་ཅེས་གསོལ་ཏོ། །གལ་ཏེ་བདག་རྒྱ་མཚོར་མཆིར་མ་གནང་ན་བདག་འདི་ཁོ་ནར་སྲོག་ཡོངས་སུ་འདོར་གྱི་འདི་ལས་མི་ལྡང་ངོ་། །དེའི་ཚེ་རྒྱལ་པོ་ཆེན་པོ་དང་བཙུན་མོ་དག་དེ་ལྟར་གྱུར་པ་མཐོང་ནས་མིག་མི་འཛུམས་པ་ལྟར་བལྟ་ཞིང་། རྒྱལ་བུ་ཁྱོད་ལོངས་ལ་བཟའ་བ་དང་། བཏུང་བ་འཐུང་ཤིག་ཅེས་ཐབས་སྣ་ཚོགས་ཀྱིས་སྤྲོ་བ་བསྐྱེད་ཀྱང་། རྒྱལ་བུ་ དགེ་དོན་མ་ཉན་ཏེ། བདག་རྒྱ་མཚོ་ཆེན་པོར་མཆིར་མི་གནང་ན་ནམ་དུ་ཡང་བཟའ་བ་དང་བཏུང་བ་དག་མི་འཚལ་ལོ་ཞེས་གསོལ་ཏོ། །རྒྱལ་པོ་དང་བཙུན་མོ་མི་དགའ་བའི་མྱ་ངན་གྱིས་གདུངས་ཏེ་དྲུང་ན་ངུ་ཞིང་སྨྲེ་སྔགས་འདོན་ནས་ས་ལ་འགྲེའོ། །དེ་བཞིན་དུ་ཉི་མ་གཅིག་མ་ཟོས་མ་འཐུངས་པ་ནས་ཞག་གཉིས། ཞག་གསུམ་ཞག་དྲུག་གི་བར་དུ་མ་ཟོས་མ་འཐུངས་པས་ཡབ་ཡུམ་ལྷག་པར་ཡང་མྱ་ངན་གྱིས་གདུངས་པར་གྱུར་ཏེ། སྲོག་མི་འཚོ་བར་དོགས་ནས་ཞག་བདུན་ལོན་པ་དང་ཡབ་ཡུམ་གྱིས་རྐང་ལག་པང་དུ་བླངས་ཏེ་རྐང་ལག་ལ་འོ་བྱས་ཏེ་ཚིག་སྙན་པ་འཇམ་པོས་ད་ལོངས་ལ་བཟའ་བ་དང་། བཏུང་བ་འཐུང་ཤིག །ཁ་ཟས་ཀྱིས་བསྡུས་པའི་ལུས་འདི་ནི་ཁ་ཟས་ལ་བརྟེན་པའི་རྐྱེན་གྱིས་གསོན་པ་ཡིན་གྱིས། མ་ཟོས་མ་འཐུངས་ན་ཁྱོད་སྲོག་མི་འཚོའོ་ཞེས་སྤྲོ་བ་བསྐྱེད་ཀྱང་རྒྱལ་བུ་མ་ཉན་ཏེ། ཡབ་དང་ཡུམ་གྱིས་བདག་མཆི་བར་མ་གནང་ན་ངེས་པར་འདི་ཁོ་ན་ལས་ནམ་དུ་ཡང་མི་ལྡང་ངོ་ཞེས་གསོལ་ཏོ། །དེའི་ཚེ་ན་བཙུན་མོ་ཆེན་མོས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་བུས་བསམས་པའི་སེམས་འདི་ཤིན་ཏུ་སྤྱོད་དཀའ་བས་རྒྱལ་བུ་འདི་ཉིད་དུ་ཚེའི་དུས་བྱེད་པར་ཐུགས་བཟོད་དམ། ཡིད་དང་འགལ་བར་མཛད་པར་མི་རིགས་ཀྱི། ཐུགས་རྗེ་བར་དགོངས་ཏེ་རྒྱ་མཚོ་ཆེན་པོར་མཆི་བར་གནང་བའི་རིགས་སོ། །མཆིར་གནང་ན་གལ་ཏེ་བརྒྱ་ལམ་ན་སླར་འཁོར་ཡང་སྲིད་ཀྱིས། ད་མ་གནང་ན་གདོན་མི་ཟ་བར་ཚེའི་དུས་བགྱིད་པར་འགྱུར་རོ་ཞེས་གསོལ་ཏོ། །རྒྱལ་པོས་ཀྱང་ཐུགས་མ་བཟོད་ནས་འགྲོ་བར་གནང་ངོ་། །དེ་ལྟར་གནང་ནས་དེའི་ཚེ་རྒྱལ་བུ་དགེ་དོན་ཉལ་བ་ལས་ལངས་ཏེ་རབ་ཏུ་དགའ་མགུ་རངས་ནས་ཡབ་རྒྱལ་པོའི་ཞབས་ལ་མགོ་བོས་ཕྱག་འཚལ་ཏོ། །རྒྱལ་པོའི་འཁོར་བཙུན་མོ་དང་། སླས་རྣམས་དང་། མི་མང་པོ་བརྒྱ་སྟོང་སྙེད་གཅིག་ལ་གཅིག་འདི་སྐད་དུ། རྒྱལ་བུ་དགེ་དོན་ད་ལྟར་ཤིའམ་གསོན་ཞེས་གཏམ་ཟེར་བ་ལས། རྒྱལ་བུ་དགེ་དོན་ད་ལྟར་ལངས་ཏེ་རབ་ཏུ་དགའ་ནས་བཟའ་བ་དང་བཏུང་བའི་ལས་ཀྱང་བྱེད་དོ་ཞེས་སྨྲས་སོ། ། དེ་ནས་རྒྱལ་པོས་རྒྱལ་བུ་ལ་ཁྱོད་འདི་ལྟར་དུས་ཀྱིས་རྒྱ་མཚོར་འགྲོར་གསོལ་པ་འདིའི་དོན་ཅི་ཞིག་ཡོད། རྒྱལ་བུས་གསོལ་པ། རྒྱལ་པོ་ཆེན་པོ་བདག་ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་བླངས་ཏེ་སེམས་ཅན་ཐམས་ཅད་ཀྱི་དགོས་པ་ཆོག་པར་བགྱིད་འཚལ་ལོ། །དེ་ནས་རྒྱལ་པོ་ཆེན་པོས་ཀུན་བཀར་བཏགས་ཏེ། སུ་དག་རྒྱ་མཚོར་འགྲོ་བར་འདོད། གལ་ཏེ་རྒྱ་མཚོ་ནས་སླར་འཁོར་ན་རབས་བདུན་གྱི་བར་དུ་བགོ་བ་དང་། ཁ་ཟས་དང་། ནོར་དང་། རིན་པོ་ཆེ་མི་བྲེལ་བར་སྦྱིན་ལ། རྒྱ་མཚོར་འཇུག་པའི་ཡོ་བྱད་ཅི་དགོས་པ་ཐམས་ཅད་ཀྱང་སྦྱིན་ཞིང་སྦྱར་རོ་ཞེས་བཀར་བཏགས་སོ། །རྒྱལ་བུ་དགེ་དོན་རྒྱ་མཚོར་འཇུག་ཅིང་ནོར་བུ་རིན་པོ་ཆེ་ལེན་དུ་འགྲོ་ཞེས་ཐོས་ནས་ཐམས་ཅད་རབ་ཏུ་དགའ་ནས་འདུས་སོ། །དེའི་ནང་ན་མི་ལྔ་བརྒྱ་ཞིག་བདག་ཅག་ཀྱང་རྒྱལ་བུའི་ཞབས་འབྲིང་དུ་མཆི་བར་གསོལ་ལོ་ཞེས་ཁས་བླངས་སོ། །དེའི་ཚེ་ཡུལ་བཱ་རཱ་ཎ་སཱི་ན་རྒྱ་མཚོའི་ས་མཁན་གཅིག་ཅིག་སྔ་ཕྱིར་ལན
Chinese
看到宰杀羊并剥皮的人，（王子）问道：“这些人做什么？”（人们）回答说：“这些人做宰杀的活计，卖肉、分肉，做食物的储备，以此来维持生计。”王子听到这些话后，汗毛和身上的肉都颤动起来，（心想）“哎呀呀，宰杀太让人难以忍受了！”一个吃一个的肉，一代又一代地互相残杀。（王子）又继续走，看到一些人拿着渔网和鸟网，宰杀鸟和鱼，互相吃肉。然后（王子）问道：“这些人做什么？”（人们）回答说：“这些人捕鸟和鱼，做这样的宰杀的活计，分肉、寻找食物。”王子善财听到这些话，眼睛里充满了泪水，（心想）“这些世间的众生，做着变成罪恶不善的行径，永远无法从痛苦中解脱。”（王子）不高兴，被忧愁压抑着，回到了王宫。父王看到王子不高兴，带着忧愁的样子回来，问王子：“什么事让你不高兴？”王子也把所见所闻详细地告诉了父王。国王对王子说：“这样的事情到处都有，既然是世间常态，又有什么可忧愁的呢？”王子说道：“我有一个愿望想向父王禀告，父王能答应吗？”国王说：“我只有你这一个儿子，非常疼爱，不会违背你的意愿的。”王子说道：“我想把父王宝库里所有的财富、珍宝、食物和饮料都布施给所有的众生。”国王也说：“我不会违背你的意愿，随你高兴地布施吧。”之后，善财王子召集大臣，打开国王的宝库，用五百头毛毡大象驮载着财富和珍宝，堆放在城市的四个城门口，（并告诉人们）：“大家是想要分财富呢？还是想要食物和饮料呢？想要什么就随意拿取吧。”
English
Seeing people slaughtering sheep and skinning them, (the prince) asked, "What are these people doing?" (People) replied, "These people are doing the work of slaughtering, selling meat, dividing meat, and making food reserves. They make a living by this." When the prince heard these words, the hair and flesh of his body trembled, (thinking) "Oh, slaughtering is too unbearable!" One eats the flesh of another, and they kill each other generation after generation. (The prince) continued to walk and saw some people holding fishing nets and bird nets, slaughtering birds and fish, and eating each other's flesh. Then (the prince) asked, "What are these people doing?" (People) replied, "These people catch birds and fish, do such slaughtering work, divide meat, and look for food." When Prince Sudhana heard these words, his eyes filled with tears, (thinking) "These sentient beings of the world are doing deeds that turn into sinful and unwholesome actions, and they will never be able to escape from suffering." (The prince) was unhappy, oppressed by sorrow, and returned to the palace. The father king saw the prince returning unhappy and sorrowful, and asked the prince, "What makes you unhappy?" The prince also told the father king in detail what he had seen and heard. The king said to the prince, "Such things are everywhere, and since it is the norm of the world, what is there to worry about?" The prince said, "I have a wish to report to the father king, will the father king agree?" The king said, "I only have you as my son, and I love you very much, so I will not go against your wishes." The prince said, "I want to give all the wealth, jewels, food, and drinks in the father king's treasury to all sentient beings." The king also said, "I will not go against your wishes, so give as you please." After that, Prince Sudhana summoned the ministers, opened the king's treasury, loaded wealth and jewels onto five hundred felt elephants, piled them at the four gates of the city, (and told the people) "Do you want to divide wealth? Or do you want food and drinks? Take whatever you want as you wish."
Chinese
尔吉（音译）一声，向四方宣告。 这样，吉顿（善施）王子的美名向四方传播，所有人都聚集起来，如意地拿走自己想要的东西。 不久，国王的宝库就用去了三分之一。 大臣们对国王说：“国库已经用去了三分之一，王子没有节制，请国王考虑一下。” 国王说：“我不能违背王子的意愿。” 现在，国王的宝库已经用去了三分之二，请国王考虑一下。 国王说：“我不能违背王子的意愿。 你们想个好办法，稍微阻止一下，但不要违背他的意愿。” 之后，吉顿王子又去打开宝库，掌管宝库的大臣因为有事外出了，很久没有回来，耽搁了。 吉顿王子这样说道：“守护宝库的小臣都不能忍受违背我的意愿，这一定是父王的意思。儿子不应该为了尽孝而耗尽父亲的宝库，现在我应该自己去寻找财物和珍宝，让所有众生都得到满足。 如果我不能让所有众生都得到分配、食物和饮料，如意地给予，那还怎么能被称为伟大的国王之子呢？” 于是召集了大臣，无论大小，商议用什么方法去寻找财物和利益才是最好的。 其中一位大臣说道：“如果要做生意，没有比耕田更好的了，一份投入可以变成千份回报。” 另一位大臣说道：“世间做生意的方法中，没有比放牧更好的了，把牲畜聚集起来，放在好的牧场上，就会大量繁殖，没有比这更大的利润了。” 还有一位大臣说道：“世间要做生意，没有比下海寻找珍宝更好的了。 如果能找到如意宝珠，就能如意地让所有众生都得到满足。” 吉顿说：“这个主意合我的心意，可以。” 于是回到王宫
English
He proclaimed in the four directions with a sound like "Er-ji." Thus, the fame of Prince Gedun (Virtuous Giving) spread in all directions, and everyone gathered and took whatever they desired as they wished. Before long, one-third of the king's treasury was depleted. The ministers said to the king, "One-third of the treasury has been used up, and the prince is not restraining himself. Please consider this, Your Majesty." The king said, "I cannot go against the prince's wishes." Now, two-thirds of the king's treasury has been used up. Please consider this, Your Majesty. The king said, "I cannot go against the prince's wishes. Find a good way to restrain him a little without going against his wishes." After that, Prince Gedun went to open the treasury again, but the minister in charge of the treasury had gone out on business and was delayed for a long time. Prince Gedun said, "Even the small minister guarding the treasury cannot bear to go against my wishes. This must be the king's command. A filial son should not deplete his father's treasury. Now I should go and seek wealth and jewels myself to satisfy all sentient beings. If I cannot provide all sentient beings with distribution, food, and drink, and give them as they wish, how can I be called the son of a great king?" Then he gathered the ministers, both great and small, and discussed what means of seeking wealth and profit would be the best. One of the great ministers said, "If one wants to do business, there is nothing better than plowing the fields, for one investment can turn into a thousand returns." Another great minister said, "Among the ways of doing business in the world, there is nothing better than herding. If you gather livestock and put them in good pastures, they will multiply greatly, and there is no greater profit than that." Another minister said, "If one wants to do business in the world, there is nothing better than going to the sea to seek jewels. If one finds a wish-fulfilling jewel, one can satisfy all sentient beings as they wish." Gedun said, "This idea pleases me, it is acceptable." Then he returned to the palace.