Tibetan
རིགས༔ ཉེ་རྒྱུའི་ཕོ་ཉ་བདེ་བསྐྱེད་མ༔ སྐལ་ལྡན་བུ་ལ་གཏད་པ་ཡིས༔ རྩ་གསུམ་གནས་དག་འཁོར་ལོ་ལྔའི༔ སྒྲིབ་དག་དགའ་མཆོག་ཁྱད་ལྡན་དང་༔ དགའ་བྲལ་ཡེ་ཤེས་མངོན་གྱུར་ནས༔ ཤེས་རབ་ཡེ་ཤེས་དབང་ཐོབ་ཤོག༔ རྩ་སྔགས༔ མཧཱ་བྷོ་དྷི་ཙིཏྟ་ཨ་ཧཾ༔ དེ་ནས་མན་ཤེལ་ཐོགས་ལ༔ ཧཱུྃ༔ གདོད་ནས་དྲི་མེད་ཆོས་ཀྱི་སྐུ༔ སྐྱེ་འགགས་གནས་གསུམ་བྲལ་བ་ཡི༔ རིག་གདངས་འོད་གསལ་ལྷུན་གྱིས་གྲུབ༔ རང་གསལ་ཀུན་ཟླུམ་མན་ཤེལ་འདི༔ རྟེན་འབྲེལ་མཚོན་བྱེད་བརྡ་ཡི་དབང་༔ སྐལ་ལྡན་བུ་ལ་བསྐུར་བ་ཡིས༔ མཚོན་བྱ་དོན་གྱི་དབང་ཐོབ་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཨཱཿ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ རང་ བྱུང་ཡེ་ཤེས་གཏོར་སྣོད་དུ༔ ལྷུན་གྲུབ་རང་གསལ་བ་ལིཾ་ཏ༔ སྐལ་ལྡན་བུ་ལ་དབང་བསྐུར་རོ༔ དངོས་གྲུབ་རྣམ་གཉིས་ཐོབ་པར་ཤོག༔ རྩ་སྔགས༔ མ་ཧཱ་བ་ལིཾ་ཏ་ཨ་བྷི་ཥིཉྩ་ཧྲཱིཿསྭཱ ཧཱ༔ དེ་ནས་བཀའ་དབང་མཐའ་བརྟེན་གཏད༔ དམ་ཚིག་ཁས་བླངས་གཏང་རག་ཕུལ༔ བཀྲ་ཤིས་མེ་ཏོག་འཐོར་བ་དང་༔ དགེ་བསྔོ་སོགས་ཀྱི་མཐའ་བརྒྱན་བྱ༔ དབང་འདི་ཐོབ་པའི་སྐལ་ལྡན་ཀུན༔ མཁའ་འགྲོས་དངོས་སུ་རྗེས་བཟུང་ནས༔ དོན་གཉིས་སྤྱོད་པར་ཐེ་ཚོམ་མེད༔ ས་མ་ཡ༔ ཨེ་མ་བདེ་ཆེན་རྡོ་རྗེ་རྣལ་འབྱོར་མའི༔ ཡེ་ཤེས་སྒྱུ་མའི་གར་བསྒྱུར་བ༔ ཀུན་གཟིགས་ཡེ་ཤེས་མཚོ་རྒྱལ་ངས༔ སྒྲུབ་ཐབས་རིམ་པ་བསམ་མི་ཁྱབ༔ འདི་ནི་རྡོ་རྗེ་ཞི་བ་མཚོའི༔ ཐུགས་དམ་མཐིལ་དུ་བདག་གིས་གདམས༔ མ་འོངས་སྙིགས་དུས་མར་གཤམ་ལ༔ ང་སྤྲུལ་ང་དང་གཉིས་མེདཔ༔ སུ་ཁ་བཛྲ་དམན་པའིཚུལ༔ བརྟུལ་ཞུགས་འཛིན་པ་གཙང་མའི་རིགས༔ མི་སྲིན་བདུད་ཁམས་མདོ་སྨད་ཕྱོགས་མ་ངེས་བསྟན་འགྲོའི་དཔལ་དུ་ཤར༔ དེ་དུས་མཁའ་འགྲོའི་སྨིན་བྱེད་འདི༔ གཏེར་སྲུང་ཚེ་རིང་མཆེད་ལྔ་ཡིས༔ གཏེར་སྐལ་གཏད་ལ་ཕྲིན་ལས་སྒྲུབས༔ ཆོས་བརྒྱུད་འཛིན་པའི་བུ་ལྔ་དང་༔ ཐབས་གྲོགས་ཡ་གསུམ་ལས་ཅན་བདུན༔ ཆོས་བདག་གཙོ་བོ་ཉེར་ལྔ་དང་༔ བརྒྱ་དང་རྩ་བརྒྱད་ལ་སོགས་པ༔ སྨོན་ལམ་དབང་གིས་འཕྲད་པར་ངེས༔ བཟང་འབྲེལ་མཁའ་འགྲོའི་གླིང་དུ་འདྲེན༔ ངན་འབྲེལ་འཁོར་བ་མཐའ་ཅན་འགྱུར༔ ཐེ་ཚོམ་མེད་དོ་ས་མ་ཡ༔ སྐལ་ལྡན་བུ་དང་འཕྲད་ 日崇༄ པར་ཤོག༔ ལོག་ལྟ་ཅན་ལ་འདི་མ་འཕྲད༔ དྲེགས་པ་རྣམ་གསུམ་གཉེར་གྱིས་ཤིག༔ དམ་ཚིག་ཅན་ལ་རྟག་ཏུ་སྲུངས༔ ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ སྦས་རྒྱ༔ གུ་ཧྱ༔ བརྡ ཐིམ༔ ༔ ཅེས་པ་འདི་ཡང་དུས་རིང་མོ་ནས་བརྡ་དོན་གསལ་ཡང་གཞན་དབང་ལ་ལྟོས་ནས་སྙོམས་ལས་སུ་སོང་སྐབས་སྐལ་ལྡན་ཆོས་ཀྱི་བདག་པོ་འདུལ་འཛིན་མཁས་པའི་དབང་པོ་རཏྣ་པ་ཤཾ་དང་ཉེ་ཆར་དགེ་བཙུན་ཤཱི་ལ་བཛྲ་བཅས་ཀྱིས་རིན་ཆེན་གཉིས་པ་དང་པཉྩ་ཀ་ཤིའི་མདངས་འཛིན་བཅས་ཡང་ཡང་བསྐུལ་ངོར་ཆོས་ཉིད་རིག་པའི་གབ་སྒྲོམ་ལས་བདེ་ཆེན་ཆོས་ཉིད་དབང་མོས་དག་པར་བྲིས་པའོ། །དགེའོ།། །། ༈ བདེ་ཆེན་མཚོ་རྒྱལ་མའི་དབང་བཤད་ཁ་བསྒྱུར་ནི། ད་ལན་གྱི་སྐབས་སུ་བབས་པ། ཆོས་ཉིད་དགོངས་པའི་ཀློང་མཛོད༔ ལུས་མེད་མཁའ་འགྲོའི་སྙན་བརྒྱུད་ཟབ་ཆོས་ཀྱི་སྐོར་ལས་བདེ་ཆེན་མཚོ་རྒྱལ་མའི་གསང་དབང་སྐལ་ལྡན་རྗེས་འཛིན་གྱི་དཀྱིལ་འཁོར་བསྒྲུབས་པ། སོགས་དབང་གི་ལྷན་ཐབས་ལྟར་རོ། །། ༈ TI1395-243 TI1395- 244 ༄༅། །གསང་མཛོད་ཀྱི་ཆ་ལག་གནད་ཀྱི་ཡིག་ཆུང་བསྡུས་པ་བཞུགས་སོ། །བླ་མ་ལ་ཕྱག་འཚལ་ལོ། །འདིར་རྩ་གསུམ་གང་རུང་གི་བསྙེན་སྒྲུབ་ལ་བརྩོན་པར་འདོད་པ་དག་གིས་ལས་གཞུང་གི་ཕྱག་བཞེས་ལས་བྱང་རང་རང་གི་གཞུང་ལྟར་མ་ནོར་བར་བྱས་ཏེ། ཡན་ལག་གི་ཆ་རྐྱེན་གྱི་རིམ་པ་ཉམས་སུ་ལེན་པ་ལ གནས་ཀྱི་ཁྱདཔར་དང་ཡོ་བྱད་ཀྱི་ཁྱད་པར། ལག་ལེན་གྱི་གནད་དང་གསུམ་ལས། དང་པོ་གནས་ཀྱི་ཁྱད་པར་ནི། གྲོང་ནག་དང་གྲོང་དགོན་ལྟ་བུ་མ་ཡིན་པ། སྔོན་བྱོན་རྒྱལ་བ་རྣམས་ཀྱིས་བྱིན་གྱིས་བརླབས་པའི་གནས་དང་། གཞན་ཡང་སྒྲུབ་གནས་ཁྱད་པར་ཅན་དགྲ་ཇག་སོགས་ཀྱི་འཚེ་བ་མེད་ཅིང་རང་བཞིན་གྱིས་དགེ་སྦྱོར་འཕེལ་བའི་གནས་སུ་གཞན་ལ་གསང་བར་བྱས་ནས་རང་གི་གནས་ཁང་གི་སྟ་གོན་བསྒྲིགས། གཉིས་པ་ཡོ་བྱད་ལའང་མཆོད་པ་དང་། རྫས་གཉིས་ལས མཆོད་པའི་ཡོ་བྱད་ནི ཚོགས་མཆོད་མར་མེ་སྤོས་ལ་སོགས་པ་འདོད་ཡོན་གྱི་མཆོད་པའི་རྟེན་རྣམས་དང་། རྫས་ཀྱི་ཡོ་བྱད དཀྱིལ་འཁོར་གྱི་རྟེན་དང་། དངོས་གྲུབ་ཀྱི་རྫས་དང་། སྔགས་ཕྲེང་རྒྱན་ལྡན་ནོ །ཕྲེང་བ་རབ་བྷོ་དྷི་ཙིཏྟ། འབྲིངབྱང་ཆུབ་ཤིང་འབྲས། ཐ་མ་པདྨའི་ཕྲེང་བ་སོགས་གས་ཆག་དང་མེས ཚིག་པ། དམ་ཉམས་སྡིག་ཅན་ལ་སོགས་པའི་ལག་ནས་འོང་བ་རྣམས་སྤང་བྱ་ཡིན་ལ། སྤུས་ལྡན་ཡིད་དུ་འོང་བ་འཆང་བ་གནད་ཡིན། དེ་ལྟ་བུའི་ཕྲེང་བ་དེ་བཟང་དྲུག་གི་ཆུའམ་ཆུ་གཙང གིས་བཀྲུས་ལ་ཕྲེང་ཐགས་ཁ་དོག་ལྔ་ལྡན་དང་། མདོ་འཛིན་དཀར་དམར་མཐིང་གསུམ་དང་གྲངས་ཚད་རྣམས་ཀྱང་ཡིད་འོང་བྱ། དེ་ལྟར་ལྡན་པའི་ཕྲེང་བ་དེ་རང་གི་ཡི་དམ་གྱི་ལྷ་བསྙེན སྐབས་མ་གཏོགས་གཞན་ལ་མཐོང་རེག་ཙམ་ཡང་མི་བྱ་བར་གསང་བར་བྱའོ། །གསུམ་པ་ལག་ལེན་གྱི་གནད་བསྡུས་ན སྔར་བཤད་པའི་མཆོད་ཚོགས་ཀྱི་ཡོ་བྱད་དང་། རང་ལ་ཉེར་མཁོའི་ཟས་གོས་ལ་སོགས་པ་གང་དགོས་ཐམས་ཅད་མཚམས་གྲོལ་མ་ཚར་བར་དུ་རྩོལ་སྒྲུབ་མི་དགོས་པའི་སྟགོན་རྣམས་ལེགས་པར་བསྒྲིགས་མཐར། ཐོག་མར་གནས་ཁང་ཕྱག་བདར་བྱས་ནས་བསང་རྫས་ཀྱི་དུད་པས་བདུག །དེ་ནས་གཞུང་བཞིན་དཀྱིལ་འཁོར་བཤམས་བཀོད་ཐམས་ཅད་སླ་ཐབས་དང་རང་བཟོས་མ་བསླད་པར་ལེགས་པར་བཤམས། དེ་ནས་རང་གི་བློ་ཡང་དག་པའི ཀུན་སློང་གིས་རྩིས་ཟིན་པར་བྱས་ཏེ་མཆོད་པའི་ཡོ་བྱད་དང་རང་གི་ཉེར་སྤྱོད་ཐམས་ཅད་ལ་སེར་སྣ་དང་འབག་བཙོག་སོགས་ཀྱི་རྐྱེན་དུ་མི་གཏོང་བར་རྣམ་གསུམ་དག་པར་བྱེད་དོ། །གོས་མི་བརྗེ ༄༅། །སྐྲ་དང་ཁ་སྤུ་སེན་མོ་རྣམས་མི་འབྲེག །རྒྱལ་ཐོ་ཕྱི་མཕན་ལ་རང་ཕར་མི་འགྲོ་ཞིང་གཞན་ཚུར་མི་གཏོང་། གདན་གྱི་དྲོད་དང་བྲལ་བར་མི་བྱ་ཞིང་། དྲིགཤང་དོར་བའི་ཚེ་སྦྱིན་པར་དམིགས་ནས་སྔགས་ཀྱི་རྒྱུན་མི་བཅད། བསྙེན་ཕྲེང་གདན་ཚབ་ལ་བཞག་པའམ། མིན་ཀྱང་སྔགས་གྲངས་སུ་མི་བརྩི། གདན་ལ་འཁོད་པ་དང་མཉམ་དུ་གཟུངས་ཆུས་ཁ བཀྲུ་ཞིང་ཡང་སྔར་ལྟར་ཛཔྲ་སྔགས་ལ་འཇུག གཞན་ཡང་གླལ་བ་དང་། སྦྲིད་པ་དང་། གློ་ལུ་བ་སོགས་ལ་སྔགས་ཚར་བདུན་སླར་བསྐྱར། ཏིང་འཛིན་མ་གསལ་ནས་རྨུགས་པ་དང་གཉིད་དུ་ཕྱོགས་པ་ལ་སྔགས་བརྒྱ་རྩ་བརྒྱད་བསྐྱར་ཟློས་བྱ ལྷ་སྐུ་དང་ཁྱད་པར་ཐུགས་སྲོག་གསལ་སྣང་ཅུང་ཟད་མ་ཐོན་བར་དུ་འོད་ཟེར་སྤྲོ་བསྡུའི་དམིགས་པ་གལ་མི་ཆེ་བས་ལྷ་སྐུ་ལ་གསལ་སྣང་ཐོན་པ་གལ་ཆེ། གསལ་སྣང་ཐོན་པ་ཞེས་པ་དེ་ལྷ་རང་རྒྱུད་དུ་འཛིན་པ་ལ་ཟེར་བ་མིན སྣང་གྲགས་རིག་གསུམ་ལྷ་སྔགས་ཆོས་ཉིད་ངང་༔ གསུངས་པས་ན་ཆོས་ཉིད་གང་དུའང་མ་འཁྲུལ པའི་གདངས་ལས་རིག་ཆའི་སྣང་བ་ཤར་བ་ཐམས་ཅད་རྟེན་གཞལ་ཡས་ཁང་དང་བརྟེན་པ་ལྷ་སྐུའི་རྣམ་པ་ཤར་བ་ལ་བསླབ་པ་དེ་ལ་ལྷའི་རྣམ་པ་གསལ་བ་ཟེར། དེ་ལྟར་ལྷར་སྣང་ཅུང་ཟད་བརྟན་ཚེ ཐུགས་སྲོག་དང་སྔགས་ཕྲེང་ཤིན་ཏུ་ཕྲ་བ་སྤུ་ཤད་ཀྱིས་བྲིས་པ་ལྟ་བུར་གསལ་ངར་ཐོན་ཚེ་འོད་ཟེར་སྤྲོ་བསྡུའི་དམིགས་གནད་ལ་བརྩོན་པས་དོན་གཉིས་ཀྱི་འབྲས་བུ་ཚེ་འདིར་ཐོབ་ནས་ཕྱག་རྒྱ་ཆེན་པོ་མཆོག་གི་རིག་འཛིན་བརྙེས་པར་འགྱུར་རོ །ཐུན་གྲོལ་སྐབས་རྣམས་སུའང་རང་གི་སྒོ་གསུམ་ཐ་མལ་དུ་མ་སོང་བར་ལྷར་སྣང་དང་མི་འབྲལ་བའི་ངང་ནས་བཟའ་བཏུང་ལ་སོགས་ཚོགས་འཁོར་གྱི་རང་བཞིན་དང་འགུལ་བསྐྱོད་ཐམས་ཅད་ཕྱག་རྒྱ་གར་གྱི་རྣམ་རོལ་དུ་དམིགས་ནས་ཁྱེར་སོ་གསུམ་ལྡན་དུ་བྱ། ཟས་སྒོག་བཙོང་མི་ཟ། མེར་ཕུ་བྱེད་པ་དང་མཆིལ་མ་ས་ལ་དོར་བ་སོགས་མི བྱ། གཞུང་གི་སྒྲུབ་པ་ལ་ཞུགས་རྗེས་ཕྱི་རོལ་གྱི་མིས་རང་མཐོང་བ་དང་། རང་གིས་གཞན་ལ་བལྟ་བ་དང་། ཚིག་ཕྲད་བྱེད་པ་ནི་སྒྲུབ་པའི་སྤྱང་ཀི་ཡིན་པས་དེ་ཉིད་སྤངས་པ་ཤིན་ཏུ་གལ་ཆེའོ། །ཁྱད་པར་དུ་སྒྲུབ་པའི་གནས་དང་ཡོ་བྱད་དཀྱིལ་འཁོར་གྱི་གྲུབ་རྟེན་རྡོ་རྗེ་ཕུར་བུ་སྐུ་གཟུགས་བསྙེན་ཕྲེང་ལྷའི་མིང་དང་དངོས་གྲུབ་ཀྱི་རྫས་སོགས་ནི་རང་གི་རྩ་བའི་བླ་མ་མ་གཏོགས་གཞན་སུ་གང་ལའང་ཤིན་ཏུ་གསང་བར་བྱེད་པ་ནི་དམ་ཚིག་གི་གནད་ཟབ་མོ་ཡིན་ནོ །ཐུན་མཚམས་ཀྱི་མཆོད་པ་ཁ་གསོས་འབྲུ་དང་ཆུ་གཙང་ཟུར་བཀོལ་དུ་བཞག་སྟེ། མཆོད་ཁ་གསོ་བ་ལས་བསང་ ༄༅། །ཆུས་མཆོད་ཁ་གསོ་བར་མི་བྱེད། མཆོད་པའི་རིགས་ལ་བསང་ཆུ་བྲན་པ་ལས་བགེགས་གཏོར་ལ་བསང་ཆུ་མི་བྲན། སྨན་དང་རཀྟའི་ཐོད་སྣོད་མ་ནོར་བར་བྱ་ཞིང་མཆོད་ཁག་ཀྱང་བསྲེ་བར་མི་བྱེད་དོ། །ཚོགས་མཆོད་དང་གཏོར་ཟན་རྣམས་ཀྱི་རྒྱུ་མར་ཁུ་དང་ཆུ་གཉིས་ཆ་མཉམ་གྱིས་བག་ཟན་བཅའ་བ་ལས། ཆུ་ཧ་ཅང་མང་ན་དངོས་གྲུབ་རྒྱང་རིང་ཞིང་བསོད་ནམས་བྲི་བའི་རྒྱུ་བྱེད་པས་བག་ཟན་རན་ཚོད་ཀྱིས་བཅའ་བ་དང་། ཁྱད་པར་སེར་སྣ་མེད་ཅིང་ཅི་ཡོད་སྤུས་ལྡན་མཆོད་པར་འོས་པའི་རིགས་མ་གཏོགས་རང་ལ་མ་མཁོ་བ་སྤུས་ངན་པ་མར་རུལ་བ་དང་། ནས་ངན་གྱི་བག་ཕྱེ་ལ་སོགས་པ་ཡིད་དུ་མི་འོང་བའི་ཁ་ཟས་རྣམས་ཀྱིས་མཆོད་པ་བྱེད་པ་ནི་པྲེ་ཏ་ཀའི་རྒྱུ་དངོས་སུ་བསགས་པ་ཡིན་པས་སྤང་བར་བྱའོ། །མཆོད་གཏོར་རྣམས་ལ་དཀར་རྒྱན་དང་དམར་རྒྱན་ལ་སོགས་གཞུང་བཞིན་ལེགས་པར་མ་བརྒྱན་ན་ལུས་སྲུལ་པོར་སྐྱེ་བའི་རྒྱུར་འགྲོ་བས་དཀར་སྐྱོང་ལ་དཀར་རྒྱན་དང་། གཞན་རྩ་གསུམ་སྒྲུབ་གཏོར་དང་བཀའ་སྲུང་གི གཏོར་མ་རྣམས་ལ་རང་དང་མཐུན་པའི་མར་གྱིས་བརྒྱན་པར་བྱའོ། །བསྙེན་པའི་ཁ་སྐོང་ངམ་གཏོང་རག་ཏུ་མེ་ཚོགས་གཏོང་སྐབས་མེ་དཀྱིལ་མདུན་བསྐྱེད་ཀྱི་ཚུལ་དུ་ཞལ་སྤྲོད་བྱ། མེ་མཆོད ལྷར་དམིགས་ནས་སྲེག་དཀྱིལ་གྱི་མདུན་ན་མར་མེ་ཆེ་བ་གཅིག་བཞག་ལ། དེ་མཆོད་པའི་ལྷ་མོར་གསལ མེ་ཧོམ་སྦར་ཚེ་ལྷ་མོ་དེར་དམིགས་ནས། མར་མེ་སྲེག་དཀྱིལ་གྱི་ཤར་ལྷོའི མཚམས་སུ་སྤར་བའམ་གང་བདེར་བཞག་གོ །སྲེག་རྫས་རྣམས་འདོད་ཡོན་གྱི་མཆོད་པ་བསམ་གྱིས་མི་ཁྱབ་པར་སྤྲུལ་ནས་ཕུལ་བས་མདུན་བསྐྱེད་ལྷའི་ལྗགས་རཾ་ཡིག་གིས་མཚན་པས་བདུད་རྩིའི་བཅུད་གསོལ་བས་ཐུགས་བདེ་སྟོང་ཟག་པ་མེད་པའི་ཡེ་ཤེས་ཀྱི་རོས་ཚིམས་ནས་རྣལ་འབྱོར་སྒྲུབ་པ་པོའི་སྒོ་གསུམ་སྐུ་གསུང་ཐུགས་ཀྱི་རང་བཞིན་དུ་གྱུར་པར་བསམ་པ་སོགས་གཞུང་རང་རང་གི་དམིགས་རིམ་ལྟར་བྱ། སྲེག་དཀྱིལ་ཞི་རྒྱས་གཉིས་ལ་པད་ཁ་གཡས་བཀོད་དུ་བརྩིགས་ཤིང་། དབང་དྲག་གཉིས་པད་ཁ་གཡོན་བཀོད་དུ་བརྩིག་པར་བྱའོ། །ལས་བཞི་གང་ཡིན་གྱི་མེ་ཚོགསའབུམ་ཐེར་ལ་ཡམ་ཤིང་ཁྲི་གཅིག་དགོས་ཀྱང་སྐབས་བསྟུན་མཚམས་ལུགས་ལ་བརྒྱ་ལྔ་བཅུ་སོགས་གཞུང་ནས་གསུངས་པ་ལྟར་བྱས་ཀྱང་རུང་ངོ་། །མཚམས་གྲོལ་མཐར་སྦྱིན་སྲེག་གི ཚིག་ཐལ་རྣམས་ཞི་རྒྱས་གཉིས་ཆུ་དཔལ་བཟང་པོ་དང་དབང་དྲག་གཉིས་རི་མཐོར་བཀོད་ལེགས་ཀྱི་གནས་སུ་འཐོར་བར་བྱའོ། །སྒྲུབ་པའི་གྲོགས་ཀྱང་ཐབས་ལ་ཤེས་རབ་དང་། ཤེས་ ༄༅། །རབ་ལ་ཐབས་གསུངས་པའང་རླུང་བཅུ་རང་དབང་དང་ལྡན་ཅིང་སྔགས་ཀྱི་དགོངས་དོན་ཚུལ་བཞིན་སྤྱོད་པ་ལ་དགོངས་ཀྱི་དེང་དུས་དེ་ལྟར་དཀོན་པས་རང་རང་གི་རིགས་དང་མཐུན་པ་བློ་སེམས་དཀར་བ་ཆོས་ལ་མོས་པ་སྡོམ་དང་དམ་ཚིག་གཙང་ཞིང་དད་དང་ཤེས་རབ་ཆེ་བ་སོགས་ཆོས་བཞིན་སྤྱོད་པར་བྱེད་པ་གལ་ཆེའོ། །རྗེས་སུ་གཏོང་རག་གི་ཚོགས་མཆོད་སྐབས་བླ་མ་དངོས་སུ་བཞུགས་ཡོད་ན་དེ་ལ་རང་གི་ཅི་འབྱོར་གྱི་དངོས་རྫས་དང་ཚོགས་ཀྱི་དྲང་བ་འབུལ་བར་བྱ་ཡི། གཞན་ཕལ་པ་ལ་ཚོགས་རྫས་ཙམ་ཡང་གསང་བར་རིགས་སོ། །མདོར་ན་སྒྲུབ་པ་ལ་ཞུགས་པའི་སྐབས་སེམས་བསྐྱེད་ཐམས་ཅད་ཀྱི་རྩ་བ་ནམ་མཁས་གར་ཁྱབ་ཀྱི་སེམས་ཅན་ཐམས་ཅད་ཟུང་འཇུག་རྡོ་རྗེ་འཆང་གི་གོ་འཕང་ལ་འགོད་པར་བྱའོ། །སྙམ་པའི་བསམ་པ་བྱང་ཆུབ་མཆོག་ཏུ་སེམས་བསྐྱེད་པ་གཞིར་བཞག་པ་སྨོན་སེམས་དང་། འཇུག་པ་ནི་མཆོད་ཚོགས་སོགས་གཏོང་བ་སྦྱིན་པ ཕྱི་ནང་གི་མིའི་རྒྱུད་འགྲུལ་བཅད་ཅིང་རང་གི་ངག་སྒོ་བསྡམས་ནས་མི་ཚིག་མི་སྨྲ་བ་དང་། མཚམས་མ་གྲོལ་བར་དུ་སྲོག་ལ་བབ་ཀྱང་དམ་རྒྱ་མི་ལྷོད་པ་ཚུལ་ཁྲིམས། ཐུན་བཞི་ལ་སོགས་ཕྱག་བཞེས་ཇི་ལྟར་ཡོད་པ་བཞིན་ཐོག་མ་ནས་བཟུང་མཚམས་མ་གྲོལ་བར་ དུ་ལེ་ལོ་གཡེང་བ་མི་བྱེད་པར་དམ་བཅའ་བརྟན་པ་བཟོད་པ། ཐུན་དང་ཐུན་མཚམས་རྣམས་སུ་སྒོ་གསུམ་ལྷར་སྣང་དང་མི་འབྲལ་ཞིང་བག་མེད་སྤང་བ་བརྩོན་འགྲུས། རྩ་གསུམ་གང་ཡིན་གྱི དཀྱིལ་འཁོར་རྟེན་དང་བརྟེན་པར་ཤར་བཐམས་ཅད་རང་གི་ཆོས་ཉིད་ཀྱི་གདངས་ལས་གཡོ་བ་མེད་ཅིང་གང་ཤར་ཡེ་ཤེས་ཀྱི་རོལ་པར་ཕེབས་པས་ཐ་མལ་གྱི་འཛིན་རྟོག་དབྱིངས་སུ་སངས་པ་ལས་མི་གཡོ་བ་བསམ་གཏན། བསྐྱེད་རིམ་རང་རྒྱུད་པ་མ་ཡིན་པར་ཆོས་ཉིད་མ་བཅོས་པའི་ངང་མདངས་སམ་གསལ་ཆ་མ་འགགས་པ་ལས་རང་བཞིན་ལྷུན་གྲུབ་ཏུ་འཆར་བར་ཤེས་པ་ནི་ཤེས་རབ་སྟེ། ཕྱིན་དྲུག་གི་ཡན་ལག་རྫོགས་པ་འཇུག་པའི་སེམས་ཏེ དེ་དག་ཡང་དག་པའི་ཤེས་རབ་ཀྱིས་རྩིས་ཟིན་པ་ནི་དོན་དམབྱང་ཆུབ་ཀྱི་སེམས་ཞེས་བསྐྱེད་རྫོགས་ཐམས་ཅད་ཀྱི་ལམ་ཉམས་སུ་ལེན་པའི་སྔོན་འགྲོ་དང་། དངོས་གཞི་ཏིང་འཛིན་གསུམ་གྱིས་གཞི་བཟུང་ནས་སྒྲུབ་གཞུང་རང་རང་གི་བསྐྱེད་རིམ་ལྟར་བྱེད་པ་གནད་ཡིན། རྗེས་རིམ་ཚོགས་མཆོད་དང་མེ་ཚོགས་གཏོང་བ་སོགས་ནི་མཐའ་རྟེན་གྱི་འཇུག་དོན་གྱི་རིམ་པས་རྫོགས་པའོ། །དེ་ལྟར་བསྐྱེད་རྫོགས་ལམ་མཇུག་གནད་ཡིག་འདི། །སྙིགས་མའི་འགྲོ་ལ་ལྷག་པར་ཐུགས་བརྩེ་བ །ཌཱ་ཀིའི་རྗེ་མོ་ཡེ་ཤེས་མཚོ་རྒྱལ ༄༅། །གྱི། །ཐུགས་རྗེའི་སྤྲུལ་པ་མི་མོའི་གར་བསྒྱུར་ནས །གསང་གཏམ་ཚུལ་དུ་གསུངས་པ་བདག་གིས་ཐོས །མཁྱེན་ཡངས་བློ་གྲོས་ལྡན་ལ་མི་མཁོ་ཡང་བདག་དང་བདག་འདྲའི་བློ་ཆུང་རིགས་རྣམས་ལ །ཕན་པའི་སེམས་ཀྱིས་ཡི་གེའི་རིས་སུ་བྲིས །དགེ་འདིས་འགྲོ་ཀུན་རིམ་གཉིས་མཐར་ཕྱིན་ནས། །གདོད་མའི་གཞི་རུ་སངས་རྒྱས་ཐོབ་པར་ཤོག །ཅེས་པ་འདི་ཡང་རང་སློབ་ཐུབ་བསྟན་ཆོས་འཕེལ་སོགས་སློབ་འབངས་རྣམས་ཀྱི་ཆེད་དུ་སྙོམས་ལས་པ་མདོ་མེད་འཆོལ་མོ་ཀུན་བཟང་བདེ་སྐྱོང་དབང་མོའམ། སུ་ཁ་བཛྲ་གྱིས་བྲིས་པའོ། །དགེའོ།། །། ༅ TI1395-253 TI1395-253 TI1395-254 མ ཀ༣ ZTT ཆོས་ཉིད་མཁའ་འགྲོའི་གསང་མཛོད་ཀྱི་ཆ་ལག་ཆོ་ག་སྤྱིའི་མཚམས་སྦྱོར་བསྡུས་པ་དངོས་གྲུབ་བུམ་བཟང་བཞུགས༔ 同ན་མོ་གུ་རུ་པདྨ་ཀཱ་ར་ཡེ༔ རང་རིག་རྩ་གསུམ་ལྷ་ལ་འདུད༔ གསང་ཆེན་རིམ་གཉིས་ལམ་འཇུག་ཕྱི་རབས་དོན༔ ཆོ་ག་སྤྲོས་བཅས་ཀུན་ལ་གཅེས་པ་ཡི༔ མཚམས་སྦྱོར་དངོས་གྲུབ་བུམ་བཟང་འདི་རུ་བསྟན༔ ས་མ་ཡ༔ སྤྲོས་བཅས་ཆོ་གའི་གཞུང་བཞིན་དུ༔ དཀྱིལ་འཁོར་རྫས་དང་ཡོ་བྱད་སོགས༔ མཁོ་བའི་སྟ་གོན་ལེགས་པར་བསགས༔ དམ་པ་གསུམ་གྱིས་རང་རྒྱུད་སྦྱངས༔ དེ་ནས་གསང་ཆུ་བྱིན་རླབས་ནི༔ ཨོཾ་སྭ་བྷཱ་ཝཿ ཧཾ༔ སྟོང་པ་ཉིད་དུ་གྱུར༔ སྟོང་པའི་ངང་ལས་བསང་ཆུའི་སྟེང་དུ་པད་ཉིའི་གདན ལ་ཧཱུྃ་ཡོངས་སུ་གྱུར་པ་ལས་ཁྲོ་བོ་བགེགས་མཐར་བྱེད་སྐུ་མདོག་ལྗང་སྔོན་ཞལ་གཅིག་ཕྱག་གཉིས་གཡས་རལ་གྲི་དང་གཡོན་ཞགས་པ་འཛིན་པ༔ སྤྱན་གསུམ ཀ་།དེཿ དམར་ལ་ཟླུམ་པ༔ ཞལ་གདངས་ཁྲོ་གཉེར་སྡུད་ཅིང་མཆེ་བ་རྣོ་དབལ་གཙིགས་པ༔ དབུ་སྐྲ་དམར་སེར་གྱེན་དུ་འཁྱིལ་ཞིང་དཔལ་དང་དུར་ཁྲོད་ཀྱི་ཆས་རྫོགས་པ༔ ཞབས་གཉིས་གྱད་སྟབས་སུ་བཞུགས་ཤིང་ཡུམ་ཁྲོ་མོ་རླུང་འབྱིན་མ་སྐུར་འཁྲིལ་བ༔ ཡེ་ཤེས་ཀྱི་མེ་དཔུང་འབར་བའི་ཀློང་དུ་གསལ་བའི་ཐུགས་ཀར་ཧཱུྃ་ལྗང་སྔོན་གྱི་མཐར་རྩ་བའི་སྔགས་ཀྱིས་བསྐོར་བ་ལས་འོད་འཕྲོས་པས་སྐུ་གསུམ་རྒྱལ་བ་རྒྱ་མཚོ་ཐམས་ཅད་ཀྱི་ཐུགས་རྗེ་བྱིན་རླབས་ནུས་པ་ཐམས་ཅད་ཚུར་འདུས་སྔགས་ཕྲེང་ལ་ཐིམ་པས་གཉིས་སུ་མེད་པར་གྱུར་པར་བསམ༔ ཨོཾ་བཛྲ་ཨ་མྲྀ་ཏ་ཨུཏྟ་ཀ་ཧཱུྃ་ཕཊ༔ ཅི་ནུས་བཟླས་མཐར༔ ལྷ་དེ་ཉིད་འོད་དུ་ཞུ་ནས་བསང་ཆུ་ལཐིམ་པས་མཆོད་རྫས་ཀྱི་འབག་བཙོག་དྲི་མ་ཉེས་སྐྱོན་ཐམས་ཅད་དག་བྱེད་ཀྱི་ནུས་པ་དང་ལྡན་ཅིང་མཆོད་རྫས་རྣམས་ཡེ་ཤེས་ཀྱི་བདུད་རྩིའི་རང་བཞིན་དུ་བསྒྱུར་ཞིང་མཆོད་རྫས་ལ་འཚེ་བའི་རིགས་རྣམས་སྲེག་ཅིང་བརླག་པའི་ནུས་བྱིན་དང་ལྡན་པར་གྱུར༔ ཨོཾ་ཨ་བིགྣན་ཏ་ཀྲིཏྟ་ཧཱུྃ ཕཊ༔ ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ༔ ཁཾ་སྥ་ར་ཎ་ཕཊ༔ སཾ་ཧ་ར་ཎ་ཧཱུྃ༔ དེ་ནས་མཆོད་རྫས་བྱིན་བརླབས་ནི༔ ཨོཾ་བཛྲ་ཨ་མྲྀ་ཏཿ ཨོཾ་སྭ་བྷཱ་ལ་མཆོད་རྫས་རྣམས་ཀྱི་དངོས་འཛིན་དྲི་མ་དང་བཅས་པ་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་བྷྲུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་ 藝 eNNE །ཧོ རྣམས་ཀྱི་ནང་དུ་ཕྱི་ནང་གསང་བའི་མཆོད་པ་འཕགས་པ་ཀུན་ཏུ་བཟང་པོའི་རྣམ་པར་རོལ་པ་མི་ཟད་པ་རྒྱན་གྱི་འཁོར་ལོ་ནམ་མཁའི་མཐའ་དང་མཉམ་པར་གྱུར༔ ཨོཾ་སུ་ར་སུ་ར་ཨ་བརྟ་ཡ་ཨ་བརྟ་ཡ་ཧོཿ སྥ་ར་ཎ་ཁཾ་སྭཱ་ཧཱ༔ ཨོཾ་བཛྲ་ཨརྒྷཾཿ ༄ཤཔྟ་རཱུ་པ་ཤཔྟཿ ངྷརྨ་པྲ་ཏཱིཙྪེ་ཡེ་སྭཱ་ཧཱ༔ མ་ཧཱ་སརྦ་པཉྩ་ཨ་མྲྀ་ཏ་ཡེ་སྭཱ་ཧཱ༔ མ་ཧཱ་བ་ལིཾ་ཏ་ཡེ་སྭཱ་ཧཱ༔ མ་ཧཱ་རཀྟ་ཡེ་སྭཱ་ཧཱ༔ མ་ཧཱ་སརྦ་པཱུ་ཛ་ས་མ་ཡ་ཧོཿ དེ་ནས་སྤོས་བྱུང་གི་དུད་པས་བདུག་ལ༔ ཨོཾ་ཨཱཿཧཱུྃ༔ ངོ་བོ་སྐུ་གསུམ་ཡེ་ཤེས་ཀྱི་རོལ་པ་ལ་རྣམ་པ་འོད་ལྔའི་སྤྲིན་ཕུང་བཟང་ཤིང་ལ་ཐིམ་པའི་དུད་སྤྲིན་གྱིས་མ་རིག་གཟུང་འཛིན་གཉིས་སྣང་གི་དྲི་མ་ཉེས་ སྐྱོན་ཐམས་ཅད་སྦྱང་ཞིང་དག་པ་དང་༔ སྐུ་གསུམ་རྒྱལ་བ་སྲས་དང་བཅས་པ་རྣམས་མཉེས་པའི་མཆོད་སྤྲིན་ནམ་མཁའགང་བར་བསམ༔ ཤུདྡྷེ་བི་ཤུདྡྷེ་སང་སང་ངེ་ཡེ་སྭཱ་ཧཱ༔ བཛྲ་དྷུ་པེ་པྲ ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ༔ དེ་ནས་སྐྱབས་ཡུལ་བསྐྱེད་པ་ནི༔ ཨོཾ་མ་ཧཱ་ཤུ་ནྱ་ཏཱ་༔ ཧཾ༔ མ་དག་པའི་དངོས་འཛིན་ཐམས་ཅད་སྟོང་པར་སྦྱངས༔ སྟོང་པའི་ངང་ལས་མཁའ ལ་འཇའ་ཚོན་ཤར་བ་བཞིན་དུ་སྐད་ཅིག་གིས་མདུན་གྱི་ནམ་མཁར་པདྨ་དང་ཉི་ཟླའི་དཀྱིལ་འཁོར་གྱི་སྟེང་དུ་བླ་མ་དང་གཉིས་སུ་མེད་པ་ཆེ་གེ་མོའི་དཀྱིལ་འཁོར་གྱི་ལྷ་ཚོགས་རྣམས་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་མ་ལུས་ཤིང་ལུས་པ་མེད་པས་བསྐོར་ནས་རང་ཅག་ལ་ཞལ་གྱིས་ཕྱོགས༔ སྤྱན་གྱིས གཟིགས༔ ཐུགས་བརྩེ་བ་ཆེན་པོས་དགོངས་ནས་བཞུགས་པར་གསལ་བའི་གནས་གསུམ་ལས་འོད་འཕྲོས་པས་སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་སྤྱན་དྲངས་ལ་བསྟིམ་མོ༔ དེ་ནས་ཚོགས་ཞིང་བསྡུ་བ་