Tibetan
གར་དུར་ཁྲོད་གནས་བརྒྱད་ལ༔ སྒྲུབ་པ་མཛད་ནས་ཞལ་གཟིགས་ལུང་བསྟན་ཐོབ༔ སྒྲུབ་པ་མཐར་ཕྱིན་གྲུབ་རྟགས་སྣ་ཚོགས་བསྟན༔ བདུད་སྡེ་ཚར་བཅད་མུ་སྟེགས་རྒོལ་བ་བཅོམ༔ ཟ་ཧོར་ཡུལ་བྱོན་ལྷ་ལྕམ་ཆོས་སྒོར་བཅུག༔ རྒྱལ་པོའི་ཆད་པས་འབྱུང་བ་མེ་ལ་བསྲེགས༔ མེ་དཔུང་མཚོར་བསྒྱུར་རྫུ་འཕྲུལ་སྣ་ཚོགས་སྟོན༔ རྡོ་རྗེའི་སྐུ་བརྙེས་གང་གིས་གོས་མི་སྲིད༔ རྒྱལ་པོ་ཡ་མཚན་དདགུས་འགྱོད་བཤགས་ཕུལ༔ ཟ་ཧོར་རྒྱལ་ཁམས་ཐམས་ཅད་ཆོས་ལ་བཙུད༔ མཱ་ར་ཏི་ཀར་འཆི་མེད་སྒྲུབཔ་མཛད༔ ཚེ་སྒྲུབ་མཐར་ཕྱིན་ཚེ་དཔག་མེད་མགོན་མཛད༔ སྐྱེ་འཆི་མི་མངའ་རྡོ་རྗེའི་སྐུ་རུ 汕 སྨིན༔ སྟུག་པོ་བཀོད་སོགས་རིགས་ལྔའི་ཞིང་དུ་བྱོན༔ བདེ་བར་གཤེགས་པ་རྣམས་ལ་བཀའ་བགྲོས་མཛད༔ སེམས་འདི་མ་གཏོགས་སངས་རྒྱས་གཞན་མེད་གསུངས༔ ཡང་ལེ་ཤོད་དུ་ཕྱག་ཆེན་སྒྲུབ་པ་མཛད༔ བདག་གིས་ཕྱག་རྒྱ་མཆོག་གི་དངོས་གྲུབ་བརྙེས༔ གཡའ་རི་གོང་དུ་སྒྲུབ་པ་མཛད་པའི་ཚེ༔ རྡོ་རྗེ་གདན་དུ་མུ་སྟེགས་རྩོད་པ་བྱུང་༔ པཎ་ཆེན་ལྔ་བརྒྱར་མཁའ འགྲོས་ལུང་བསྟན་ནས༔ སློབ་དཔོན་འཁོར་བཅས་རྡོ་རྗེ་གདན་དུ་བྱོན༔ རྫུ་འཕྲུལ་སྟོབས་ཀྱིས་མུ་སྟེགས་ཐམས་ཅད་བཏུལ༔ རྒྱ་གར་ཡུལ་དུ་ཆོས་ཀྱི་བསྟན་པ་བཙུག༔ རྡོ་རྗེ་གདན་དུ་གསང་སྔགས་བསྟན་པ་བསྐྱངས༔ ཨོ་རྒྱན་རྣམ་ཐར་པདྨ་དཀར་པོ་ལས༔ རྒྱ་གར་ཡུལ་དུ་ཆོས་ཀྱི་བསྟན་པ་བསྐྱང་༔ ཡུལ་ཁམས་ཆོས་ལ་བཀོད་པའི་ལེའུ་སྟེ་གསུམ་པའོ༔ ཨོ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སྔོན་གྱི་སྨོན་ལམ་མཐུ་བཙན་པས༔ ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས༔ གཙུག་ལག་བཞེངས་པའི་ས་ཡང་མ་ཐུལ་ནས༔ མཁན་ཆེན་བྷོ་དྷི ས་ཏྭས་ལུང་བསྟན་ཏེ༔ རྒྱགར་ཡུལ་དུ་སློབ་དཔོན་གདན་འདྲེན་དུ༔ ཕོ་ཉ་བཀའ་ཕྲིན་གསེར་དང་དབང་ཆེན་མངགས༔ སློབ་དཔོན་ལ་མཇལ་དཔོན་གཡོག་བཀའ་གྲོས་མཛད༔ དུས་ལ་ གདོཿ བབ་པས་བོད་དུ་འགྲོ་ཐག་བཅད༔ བཀའ་ཕྲིན་བང་མི་མི་གསུམ་སྔོན་དུ་བཏང་༔ དེ་ནས་བལ་ཡུལ་ཕེབས་ཚེ་ལྷ་འདྲེ་ཡིས༔ སློང་དང་འཆོ་འཕྲུལ་བར་ཆད་སྣ ཚོགས་བརྩམས༔ མང་ཡུལ་ཕེབས་ཚེ་འོ་བརྒྱལ་ཆེན་པོ་བྱུང་༔ བི་དྱོཏྟ་མའི་སྒྲུབ་པ་ཞག་བདུན་མཛད༔ བར་ཆད་ཐམས་ཅད་ངང་གིས་ཞི་ནས་ཀྱང་༔ བོད་ཀྱི་ལྷ་སྲིན་ཐམས་ཅད་དམ་ལ་བཏགས༔ ལ་ལས་ཤག་འདེབས་ལ་ལས་སྲོག་སྙིང་ཕུལ༔ ལ་ལས་ཁས་བླང་ལ་ལས་གུས་པ་བྱས༔ ལ་ལས་བསྟན་པ་བསྲུང་བའི་གཉེར་དུ་བཟུང་༔ ལ་ལས་གཟུགས་བསྟན་ལ་ལ་དམ་ལ་གནས༔ གཙང་རོང་ཕེབས་ཚེ་ལྷ་མིས་སྔ་བསུ་དང་༔ སྟོད་ལུང་ནང་དུ་ཐམས་ཅད་བསུ་མར་བྱུང་༔ རྫུ་འཕྲུལ་བསྟན་ནས་གྲུབ་ཆུ་བདུད་རྩིར་བྱུང་༔ བསུ་བ་ཐམས་ཅད་ཡིད་ཆེས་དད་པ་སྐྱེས༔ འོམ་བུའི་ཚལ་དུ་རྒྱལ་པོས་བསུ་བ་མཛད༔ འཇམ་དཔལ་སྤྲུལ་པའི་རྒྱལ་པོ་ཡིན་ན་ཡང་༔ ཁེངས་དྲེགས་ཆེ་བས་ཕྱག་ལ་མ་འཆམས་ནས༔ བདག་གིས་ང་ཆེ་ང་བཙན་གླུ་དང་ནི༔ རྫུ་འཕྲུལ་བྱས་པས་རྒྱལ་པོ་དད་པ་སྐྱེས༔ ཕྱག་འཚལ་གསོལ་བཏབ་གསེར་ཁྲིར་བཞུགས་གསོལ་བྱས༔ རིན་ཆེན་རིགས་དང་སྤྱན་གཟིགས་སྣ་ཚོགས་བཤམས༔ བོད་ཡུལ་ལྷ་མི་ཀུན་གྱིས་ མཆོད་པ་བྱས༔ བདུད་བློན་རྣམས་ཀྱིས་མི་འདོད་བར་ཆད་བརྩམས༔ ཆོས་བློན་རྣམས་ཀྱིས་ཞལ་འཆམས་མཐུན་རྐྱེན་བསྒྲིགས༔ ཨོ་རྒྱན་རྣམ་ཐར་པདྨ་དཀར་པོ་ལས༔ བོད་ཀྱི་རྒྱལ་པོས་གདན་དྲངས་ཏེ་ལྷ་འདྲེ་དམ་ལ་བཏགས་པའི་ལེའུ་སྟེ་བཞི་པའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སློབ་དཔོན་པདྨ་འབྱུང་གནས་ཀྱིས༔ དབང་ཆེན་ཧེ་རུ་ཀ་ཡི་སྐུ་རུ བཞེངས༔ ཧཱུཾ་ཧཱུཾ་ཞེས་སྒྲོགས་ལྷ་འདྲེ་ཐམས་ཅད་བསྡུས༔ བཀའ་རྟགས་ཕྱག་རྒྱས་མནན་ནས་དམ་ལ་བཞག༔ བསམ་ཡས་བཞེངས་པའི་ས་གཞི་བྱིན་གྱིས་བརླབས༔ རྒྱལ་པོ་ཆེན་པོ་སྡེ་བཞིས་ལས་དཔོན་མཛད༔ ཉིན་མོ་མིས་བརྩིགས་མཚན་མོ་ལྷ་འདྲེ་བརྩིགས༔ བསམ་ཡས་བརྩིགས་པ་མི་འདྲ་སྐྱེས་པ་འདྲ༔ རི་རབ་གླིང་བཞི་གླིང་ཕྲན་ཚུལ་དུ་བཀོད༔ བསམ་ཡས་ཡོན ཏན་བསམ་གྱིས་མི་ཁྱབ་བོ༔ སྟེང་འོག་བར་གསུམ་ཞི་བ་ཁྲོ་ཆེན་བཀོད༔ རབ་གནསམཛད་ཚེ་བཀྲ་ཤིས་མེ་ཏོག་འཐོར༔ ལྷ་རྣམས་གསུང་འབྱོན་སྨན་གྱི་ཆར་པ་བབས༔ རྡོ་རིང་མེ་འབར་ཟངས་ཀྱི་ཁྱི་མོ་ཟུག༔ ཡ་མཚན་བཀྲ་ཤིས་ཀུན་གྱིས་གང་བར་བྱས༔ རྒྱལ་བློན་འབངས་འཁོར་ཐམས་ཅད་སྤྲོ་བ་བསྐྱེད༔ བོད་ཡུལ་བཀྲ་ཤིས་དགེ་ལེགས་ཕུན་ཚོགས་ལྡན༔ བསམ་ཡས་ སྲདྃཿ ཕན་ཡོན་བསམ་གྱིས་མི་ཁྱབ་བོ༔ ཨོ་རྒྱན་རྣམ་ཐར་པདྨ་དཀར་པོ་ལས༔ བསམ་ཡས་གཙུག་ལག་བཞེངས་ནས་རབ་གནས་འཐོར་བའི་ལེའུ་སྟེ་ལྔ་པའོ༔ ཨོཾ་ཨཱཿ ཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་མཁན་སློབ་རྣམ་གཉིས་བཀའ་གྲོས་མཛད༔ བོད་ཀྱི་ཡུལ་འདི་སྲིན་པོའི་གླིང་དང་མཚུངས༔ དགེ་སྡིག་བླང་དོར་མི་ཤེས་བྱོལ་སོང་འདྲ༔ བདུད་བློན་ཕྲག་དོག་ཆེ་ཞིང་བར་ཆད་མང་༔ དེ་ཚེ་རང་ཡུལ་བྱོན་པར་བརྩམས་པའི་ཚེ༔ རྒྱལ་པོས་སྙན་ཏེ་ཐུགས་ངལ་བཤུམས་པར་མཛད༔ གསེར་གྱི་མཎྜལ་ཡིད་འོང་དཔག་མེད་ཕུལ༔ ཕྱག་ནི་དབུ་ཐོད་བུད་བུད་འཚལ་ནས་ཀྱང་༔ གདུང་བའི་ཤུགས་ཀྱིས་སྨྲེ་སྔགས་འདི་ལྟར་བཏོན༔ ཀྱེ་མ་ཀྱེ་ཧུད་དྲིན་ཅན་སྤྲུལ་པའི་སྐུ༔ བཀའ་དྲིན་ཅན་གྱི་མཁན་སློབ་རྣམ་གཉིས་དགོངས༔ ཁྲི་སྲོང་ལྡེའུ་བཙན་བསམ་པ་རྒྱ་ཆེ་ཡང་༔ བོད་འདི་ཀླ་ཀློ་སྲིན་པོའི་ཡུལ་དང་མཚུངས༔ ཆོས་མེད་དགེ་མེད་མཐའ་མེད་འཁོར་བར་འཁྱམས༔ མཁན་སློབ་ཐུགས་སུན་མ་མཛད་བརྩེ་བས་དགོངས༔ དགེ་མེད་གླིང་དུ་སངས་རྒྱས་སྤྲུལ་པ་བྱོན༔ བྱང་ཆུབ་སེམས་ཀྱི་ཐུགས་རྗེས་བཟུང་དུ་གསོལ༔ ཞེས་ཞུས་དཔོན་སློབ་རྣམས་གཉིས་གཞལ་འཆམས་ནས༔ བོད་ཕྲུག་རིག་བཟང་ ཐམས་ཅད་ལུང་དུ་བསྟན༔ རྒྱ་གར་མཁན་པོ་རྣམས་ལས་ཆོས་ཞུར་མངགས༔ བོད་འདིར་གསང་སྔགས་ཆོས་རྣམས་གདན་དྲངས་ཏེ༔ ཉན་བཤད་སྒོམ་སྒྲུབ་བསྟན་པ་རྒྱ་ཆེར་བཙུག༔ ཁྲི་སྲོང་ལྡེའུ་བཙན་བསམ་པ་ལེགས་པར་གྲུབ༔ སློབ་དཔོན་ལོ་པཎ་རྣམས་ལ་བཏང་རག་ཕུལ༔ བཀའ་དྲིན་གསོས་ཤིང་ཆོས་ཀྱི་ཆེ་བ་བརྗོད༔ བོད་ཡུལ་མུན་གླིང་སངས་རྒྱས་བསྟན་པ་སྤེལ༔ ལོ་པཎ་ཐམས་ཅད་རང་གི་ཡུལ་དུ་བྱོན༔ ཆོས་ཀྱི་བསྟན་པ་ཉི་མ་བཞིན་དུ་ཤར༔ ཨོ་རྒྱན་རྣམ་ཐར་པདྨ་དཀར་པོ་ལས༔ ལོ་པཎ་སྤྱན་དྲངས་ཤིང་བོད་ལ་མདོ་སྔགས་ཀྱི་ཆོས་བསྒྱུར་བའི་ལེའུ་སྟེ་དྲུག་པའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སློབ་དཔོན་མཆིམས་ཕུར་སྒྲུབ་པ་མཛད༔ རྗེ་འབངས་རྣམས་ཀྱིས་གསེར་གཡུའི་མཎྜལ་ཕུལ༔ སྒྲུབ་སླ་བྱིན་རླབས་ཆེ་བའི་གདམས་པ་ཞུས༔ བདེ་གཤེགས་འདུས་པའི་དཀྱིལ་འཁོར་ཞལ་ཕྱེས་ནས༔ དབང་བསྐུར་རང་རང་བཀའ་བབས་མེ་ཏོག་འཐོར༔ རང་རང་གནས་སུ་སྒྲུབ་པ་མཛད་པའི་ཚེ༔ ལྷ་རྣམས་ཞལ་གཟིགས་སྒྲུབ་རྟགས་རེ་རེ་ཐོན༔ གཞན་ཡང་བཀའ་འདུས་དཀྱིལ་འཁོར་ཞལ་ཕྱེ་ཚེ༔ བླ་མ་དགོངས་འདུས་ཡི་དམ་དགོངས་འདུས་དང་༔ མཁའ་འགྲོ་དགོངས་འདུས་ཆོས་སྐྱོང་དགོངས ཛ དཿ འདུས་ཀྱི༔ དཀྱིལ་འཁོར་རབ་འབྱམས་སྨིན་གྲོལ་གདམས་པ་བསྟན༔ རྗེ་འབངས་རང་རང་གནས་སུ་སྒྲུབ་པ་བྱས༔ བོད་ལ་སྒོམ་སྒྲུབ་བསྟན་པ་དར་བར་མཛད༔ ཨོ་རྒྱན་རྣམ་ཐར་པདྨ་དཀར་པོ་ལས༔ རྗེ་འབངས་ཡོངས་ལ་སྨིན་གྲོལ་བསྩལ་ནས་གྲུབ་རྟགས་ཐོན་པའི་ལེའུ་སྟེ་བདུན་པའོ༔ ཨོཾ་ཨཱཿཧཱུཾ་བཛྲ་གུ་རུཔདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སློབ་ལ དཔོན་པདྨའི་དགོངས་པ་ལ༔ ང་ཡིས་བོད་འདིར་མདོ་སྔགས་ཆོས་རྣམས་དང་༔ གསང་སྔགས་ཕྱི་ནང་ཡང་ཟབ་སྙིང་པོའི་ཆོས༔ མན་ངག་ཐམས་ཅད་རྒྱ་སྐད་བོད་དུ་བསྒྱུར༔ འཆད་ཉན་སྒོམ་སྒྲུབ་བསྟན་པ་རབ་ཏུ་སྤེལ༔ ད་ནི་རྗེ་འབངས་སྟོན་འཁོར་ཐམས་ཅད་ཀྱིས༔ ཕྱག་དཔེ་ཐམས་ཅད་འཕྲུལ་གྱི་ཡི་གེར་ཐོབས༔ གནས་ཆེན་གནས་ཆུང་རྣམས་ལ་སོ་སོར་སྦས༔ མ་འོངས་འདོན་པའི་སྐྱེས་བུ་ལུང་ཡང་བསྟན༔ ཟིན་བྲིས་ཐམས་ཅད་ཁ་བྱང་ཚུལ་དུ་བཀོད༔ བཀའ་རྒྱས་བཏབ་སྟེ་རང་རང་སྨོན་ལམ་གདབ༔ མ་འོངས་སྙིགས་མ་ཉི་ཤུ་ཁ་རལ་དུས༔ གཏེར་ཆོས་འདི་རྣམས་འཕྲད་པའི་གཏེར་བྱང་གཏད༔ པདྨ་ང་ཡི་སྙིང་གཏམ་ཞལ་ཆེམས་བཞག༔ དང་པོ་གཏེར་གྱི་སློང་དང་ཉམས་ཚད་སྟོན༔ བཅས་བཅོས་མ་བྱེད་རང་བབ་ངང་དུ་ཞོག༔ མཁའ་འགྲོ་ཆོས སྐྱོང་གྲོགས་བྱེད་དངོས་གྲུབ་སྟེར༔ ཡོངས་ལ་མ་འཆད་འཆལ་སྙིང་གི་དཀྱིལ་དུ་སྦོས༔ སྡོམ་གསུམ་བསླབ་པའི་ཚུལ་ཁྲིམས་ནན་ཏན་སྲུངས༔ འཁོར་བའི་བྱ་བ་སྡུག་བསྔལ་རང་བཞིན ཡིན༔ དལ་འབྱོར་ཆུད་ཟོས་མ་བྱེད་དགེ་བ་སྒྲུབས༔ བླ་མ་དཀོན་མཆོག་གསུམ་ལ་གསོལ་བ་ཐོབ༔ དགེ་སྡིག་སྤང་བླང་མ་ནོར་ཞིབ་པར་གྱིས༔ སྙིང་པོ་མ་ཎི་གུ་རུ་སིདྡྷི་དྲོངས༔ ཉིན་མཚན་དུས་དྲུགང་ལ་གསོལ་བ་ཐོབ༔ ནངས་རེ་དགོང་རེ་ང་ཉིད་དངོས་སུ་འོང་༔ རང་སེམས་མ་བཅོས་ལྷོད་དེ་ཤིག་གེར་ཞོག༔ འོད་གསལ་རིག་པའི་ཀློང་དུ་ང་དང་མཇལ༔ འབྲས་བུ་སྐུ་གསུམ་རང་སར་རྟོགས་པར་གྱིས༔ པད་འབྱུང་ང་ལ་གསོལ་བ་གང་བཏབ་ན༔ ཡིད་བཞིན་ནོར་བུ་བསམ་འཕེལ་རྙེད་དང་མཚུངས༔ འདི་ཕྱི་བར་གསུམ་ང་ཡིས་སྐྱོབ་པར་ངེས༔ ཐེ་ཚོམ་ཡིད་གཉིས་མ་བྱེད་བོད་འབངས་རྣམས༔ དད་པ་དག་སྣང་ཕྱོགས་རིས་མེད་པར་གྱིས༔ སྐུ་གསུང་ཐུགས་རྟེན་ཚེ་ཐར་སྲོག་བསླུར་འབད༔ ཡར་ངོའི་ཚེས་བཅུ་མར་ངོའི་ཉེར་ལྔ་ལ༔ ཚོགས་མཆོད་མར་མེ་སྦྱིན་པ་ལ་སོགས་ཐོངས༔ རང་བས་གཞན་གཅེས་བསམ་པ་རྣམ་དག་གིས༔ རིགས་དྲུག་སེམས་ཅན་བྱང་ཆུབ་སེམས་ཀྱིས་སྐྱོངས༔ དེ་ནས་ད་ལྟའི་རྗེ་འབངས་ཐམས་ཅད་ཀུན༔ མ་ 等商འོངས་དུས་སུ་ཐུགས་བསྐྱེད་དག་པ་ཡིས༔ བསྟན་པའི་བདག་པོ་གཏེར་སྟོན་བརྒྱ་རྩ་འབྱུང་༔ ལུང་པ་རེ་ལ་གཏེར་སྟོན་རེ་རེ་དང་༔ ང་ཡི་སྒྲུབ་ཐབས་རེ་དང་གཏེར་གནས་རེ༔ ཡུལ་གྲུ་རེ་ལ་ཁྱིམ་བདག་མཆོད་གནས་ཏེ༔ གྲུབ་ཐོབ་རེ་དང་སློབ་དཔོན་དགེ་སློང་རེ༔ འདྲེ་འདུལ་ཅན་གྱི་སྔགས་པ་རྟོགས་ལྡན་རེ༔ དེ་རྣམས་ཐམས་ཅད་ང་ཡི་སྤྲུལ་པ་ཡིན༔ དག་སྣང་བསྐྱེད་ཅིག་མ་འོངས་རྗེས་འཇུག་རྣམས༔ ཨོ་རྒྱན་རྣམ་ཐར་པདྨ་དཀར་པོ་ལས༔ གཏེར་སྦས་ཤིང་ཞལ་ཆེམས་བཞག་སྟེ་གཏེར་སྟོན་ལུང་བསྟན་པའི་ལེའུ་སྟེ་བརྒྱད་པའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སློབ་དཔོན་ཞལ་ནས་འདི་སྐད་གསུངས༔ བོད་ལ་དྲིན་ཆེན་བྱས་ཀྱང་དྲིན་མི་གོ༔ ང་ཡི་སྐུ་དངོས་གདུལ་བྱ་བོད་ལ་རྫོགས༔ ད་ནི་མི་སྡོད་སྲིན་པོ་འདུལ་དུ་འགྲོ༔ སྲིན་པོ་ཐམས་ཅད་ང་ཡིས་མ་འདུལ་ན༔ འདུལ་བའི་གཉེན་པོ་སུས་ཀྱང་ལུང་མ་བསྟན༔ སྲིན་པོ་ཐབས་ཀྱིས་བསྡུས་ནས་བདེ་ལ་བཀོད༔ ཅེས་གསུངས་རྒྱལ་པོས་སྙན གསན་ཡིད་མ་བདེ༔ ཐུགས་ངལ་མཛད་དེ་སྨྲེ་བསྔགས་བཤོལ་བཏབ་མཛད༔ ཡེ་ཤེས་མཚོ་རྒྱལ་རྗེས་སྙོགས་བྱེད་པར་བརྩམས༔ ཀྱེ་མ་ཀྱི་ཧུད་གུ་རུ་རིན་པོ་ཆེ༔ སྐྱེ་དམན་བདག་ནི་བླ་མ་ སུ་ཞིག་བརྟེན༔ རྗེ་འབངས་འདི་རྣམས་ཐམས་ཅད་ཤུལ་དུ་བསྐྱར༔ འདི་རྣམས་བློ་གཏད་མན་ངག་སུ་ལ་ཞུ༔ སྐྱབས་དང་གནས་མལ་རེ་ས་སུ་ལ་བྱེད༔ བོད་འབངས་ལས་ངན་སྡུག་བསྔལ སུ་ཡིས་སེལ༔ ལྟ་སྒོམ་སྤྱོད་པའི་སྒྲོ་འདོགས་སུ་ཡིས་གཅོད༔ ཁོ་མོའི་སྙིང་གཏམ་ཉམས་མྱོང་སུ་ལ་ཞུ༔ ཉམས་མྱོང་རྟོགས་པའི་དྲོད་ཚད་སུ་ཡིས་འཛིན༔ ཀྱེ་མ་ཀྱི་ཧུདགུ་རུའི་ཐུགས་རྗེས་ཟུངས༔ བོད་འབངས་ཤུལ་དུ་མ་བསྐྱར་བརྩེ་བས་སྐྱོངས༔ ཞེས་གསུངས་བཤོལ་བཏབ་སྨྲེ་བསྔགས་ཞུ་བ་ཕུལ༔ སློབ་དཔོན་ཞལ་ནས་གཟུངས་མ་མཚན་ལྡན་ཁྱོད༔ ང་དང་འབྲལ་བ་ནམ་ཡང་ཡོད་མ་ཡིན༔ རྒྱུན་ཆད་མེད་པར་སྤྱི་བོར་སྙིང་དཀྱིལ་བསྒོམ༔ མ་འོངས་པདྨ་འོད་དུ་ང་དང་མཇལ༔ ཁྱད་པར་རྗེ་འབངས་མ་འོངས་འགྲོ་དོན་དུ༔ སྐུ་ཚབ་ལུང་བསྟན་གསུང་ཚབ་གཏེར དུ་སྦས༔ ཐུགས་ཀྱི་དགོངས་པས་ལས་ཅན་རྗེས་སུ་བཟུང་༔ ང་དང་མ་འཕྲད་མ་འོངས་སེམས་ཅན་རྣམས༔ ང་ཡི་རྣམ་ཐརཀློག་དང་འབྲི་བ་དང་༔ ཚུལ་བཞིན་འཛིན་ཅིང་མཆོད་པའི་གནས བྱས་ན༔ ཕྱི་མ་ང་ཡི་ཞིང་དུ་སྐྱེ་བར་འགྱུར༔ ཞེས་གསུངས་རྗེ་འབངས་རྣམས་ཀྱི་ཐུགས་ངལ་བསལ༔ ལྷ་སྲས་མཚོ་རྒྱལ་འབངས་རྣམས་བཀའ་གྲོས་མཛད༔ གསེར་གཡུའི་མཎྜལ་ཚོགས ༒ཿ འཁོར་རྒྱ་ཆེར་ཕུལ༔ ཀུན་གྱིས་དུས་གཅིག་གསོལ་འདེབས་འདི་ལྟར་ཞུས༔ ཁྱོད་ཀྱི་ཡོན་ཏན་དྲན་ཞིང་གསོལ་བ་བཏབ༔ ཚིག་ཉུང་དོན་འདུས་མན་ངག་ཟབ་པ དང་༔ ཚེ་འདིར་རྐྱེན་ཞི་ཕྱི་མ་དག་པའི་ཞིང་༔ སྟོན་འཁོར་ཚུལ་དུ་འཁོད་པའི་སྨོན་ལམ་ཞུ༔ སློབ་དཔོན་དགྱེས་ནས་སྨོན་ལམ་འདི་ལྟར་གསུངས༔ ང་ཉིད་དྲན་ཞིང་གསོལ་བ་འདི་ལྟར་ཐོབ༔ ཨེ་མ་ཧོཿ འདས་པའི་སངས་རྒྱས་རྣམས་ཀྱི་རྒྱལ་ཚབ་མཆོག༔ མ་འོངས་སངས་རྒྱས་ཀུན་གྱི་འབྱུང་གནས་ཆེ༔ ད་ལྟའི་སངས་རྒྱས་རྣམས་ཀྱི་སྤྲུལ་པ་མཆོག༔ དུས་གསུམ་སངས་རྒྱས་པད་འབྱུང་སྤྲུལ་པའི་སྐུ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ཨོ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུྃ༔ མཁྱེན་པའི་ཡེ་ཤེས་ཇི་སྙེད་མཁའ་ལྟར་ཁྱབ༔ བརྩེ་བའི་ཐུགས་རྗེས་འགྲོ་ཀུན་བུ་བཞིན་སྐྱོངས༔ ནུས་མཐུ་ཚད་མེད་ཨོ་རྒྱན་རིན་པོ་ཆེ༔ གསོལ་བ་འདེབས་སོ་བྱིན་གྱིས བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ཨོཾ་ཨཱཿཧཱུཾ་བཛྲ་གུ་རུཔདྨ་སིདྡྷི་ཧཱུཾ༔ སངས་རྒྱས་ཆོས་དང་དགེ་འདུན་དཀོན་ མཆོག་གསུམ༔ བླ་མ་ཡི་དམ་མཁའ་འགྲོ་རྩ་བ་གསུམ༔ ངོ་བོ་རང་བཞིན་ཐུགས་རྗེའི་བདག་ཉིད་མཆོག༔ སྐྱབས་ཀྱི་མཆོག་གྱུར་ཨོ་རྒྱན་རྡོ་རྗེ་འཆང་༔ གསོལ་བ་འདེབས་སོ་བྱིན་གྱིས བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ མ་རིག་མུན་སེལ་བསྟན་པའི་སྲོག་ཤིང་འཛིན༔ གཟུང་འཛིན་གཉིས་སྣང་བདུད་དཔུང་ཟིལ་གྱིས་གནོན༔ གསང་སྔགས་ཆོས་ཀྱི་གཞི་བཙུགས་འགྲོ་བའི་མགོན༔ སངས་རྒྱས་གཉིས་པ་ཨོ་རྒྱན་བཀའ་དྲིན་ཅན༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ སྐུ་ཡི་བདག་ཉིད་འཇམ་དཔལ་ཧེ་རུ་ཀ༔ གསུང་གི་བདག་ཉིད་པདྨ་ཧེ་རུ་ཀ༔ ཐུགས་ཀྱི་བདག་ཉིད་ཡང་དག་ཧེ་རུ་ཀ༔ ཡོན་ཏན་བདག་ཉིད་ཆེ་མཆོག་ཧེ་རུ་ཀ༔ ཕྲིན་ལས་མངའ་བདག་རྡོ་རྗེ་གཞོན་ནུའི་སྐུ༔ ཀུན་འདུས་ངོ་བོ་དབང་ཆེན་ཐོད་ཕྲེང་རྩལ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆདཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ག ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ སྐུ་ཚབ་དངོས་དང་གསུང་ཚབ་གཏེར་དུ་སྦས༔ ཐུགས་ཀྱི་དགོངས་པ་དད་ལྡན་བུ་ལ་གཏད༔ བརྩེ་བ་ཆེན་པོས་བོད་འབངས་ཡོངས་ལ་གཟིགས༔ བཀའ་དྲིན་མཚུངས་མེད་གུ་རུ་རིན་པོ་ཆེ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་ཐུགས་རྗེས་ཟུངས༔ ཨོཾ་ཨཱཿཧཱུཾ་བཛྲ་གུ་རུཔདྨ་སིདྡྷི་ཧཱུཾ༔ གུ་རུ་ཡིད་བཞིན་ནོར་བུ་ལ་གསོལ་བ་འདེབས༔ བདག་ཅག་རྗེས་འཇུག་རྗེས་འབྲངས་སློབ་བུ་རྣམས༔ ཁྱོད་ལ་རྩེ་གཅིག་གསོལ་བ་བཏབ་པའི་མཐུས༔ འགྱུར་མེད་སྐུ་ཡི་བྱིན་རླབས་ལུས་ལ་སྩོལ༔ འགགས་མེད་གསུང་གི་བྱིན་རླབས་ངག་ལ་སྩོལ༔ འཁྲུལ་མེད་ཐུགས་ཀྱི་བྱིན་རླབས་ཡིད་ལ་སྩོལ༔ ཉམས་དང་རྟོགས་པ་མངོན་དུ་གྱུར་པ་དང་༔ ཚེ་གཅིག་སངས་རྒྱས་འགྲུབ་པར་མཛད་དུ་གསོལ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཁྱེད་རྣམས་མ་བརྗེད་གསོལ་བ་དེ་ལྟར་ཐོབ༔ ང་ཉིད་དངོས་སུ་མཇལ་བར་ཐེ་ཚོམ་མེད༔ ཨོ་རྒྱན་རྣམ་ཐར་པདྨ་དཀར་པོ་ལས༔ སྲིན་པོ་འདུལ་དགོངས་མཚོ་རྒྱལ་བཤོལ་བཏབ་དང་༔ གསོལ་འདེབས་སྨོན་ལམ་གནང་བའི་ལེའུ་སྟེ་དགུ་པའོ༔ ཨོཾ་ཨཱཿཧཱུཾ་བཛྲ་གུ་རུ པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སྟོན་འཁོར་མང་ཡུལ་གུང་ཐང་ཕེབས༔ ཚོགས་ཀྱི་འཁོར་ལོའི་འདུ་བའི་དགའ་སྟོན་མཛད༔ རིན་ཆེན་གསེར་གཡུའི་མཎྜལ་དཔག་མེད་ཕུལ༔ རང་དང་ཆོས་ལ་ཞུས་དག་སྒྲོ་འདོགས་བཅད༔ ཞལ་གདམས་ཤོག་དྲིལ་མན་ངག་ཐམས་ཅད་ཞུས༔ སློབ་དཔོན་ཞལ་ནས་དད་ལྡན་བོད་འབངས་རྣམས༔ མ་འོངས་དུས་སུ་གཏེར་མིན་གཏེར་འདྲ་འོང་༔ ང་སྤྲུལ་ཡིན་ཟེར་མི་དགེ་སྣ་ཚོགས་བྱེད༔ བདག་བསླུ་གཞན་བསླུ་སྤྱོད་པའི་བབ་འཆོལ་ནས༔ རྒྱུ་འབྲས་ཁྱད་བསད་སྟོང་སྐད་ཁ་ཕོ་མཐོ༔ ཤེས་རབ་ཡོན་ཏན་ཅན་གྱིས་གོ་བར་འགྱུར༔ ཞེས་གསུངས་མ་འོངས་ལུང་བསྟན་དུ་མ་བསྩལ༔ མཁའ་འགྲོ་སྡེ་བཞི་མངོན་སུམ་བསུ་བར་སླེབས༔ རྫུ་འཕྲུལ་མཆོག་གི་རྟ་ཕོ་ལ་ཆིབས་ནས༔ ཞལ་ནི་ལྷོ་ནུབ་ཏ་ལེར་གཟིགས་ནས་ཐལ༔ མཚོ་རྒྱལ་རྗེ་འབངས་ཡིད་མི་བདེ་བའི་ངང་༔ ཚུར་ལོག་རང་རང་གནས་སུ་སྒྲུབ་པ་མཛད༔ ཨོ་རྒྱན་རྣམ་ཐར་པདྨ་དཀར་པོ་ལས༔ ལུང་བསྟན་གསུངས་ཏེ་སྲིན་པོའི་ཁ་གནོན་དུ་བཞུད་པའི་ལེའུ་སྟེ་བཅུ་པའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ རྣམ་ཐར་འདི་ཉིད་ཕྱིས་སུ་ཁོ་མོ་རྡོ་རྗེ་མཚོས་ཡི་གེར་བཏབ་སྟེ་གཏེར་དུ་སྦས་སོ༔ མ་འོངས་ལས་ཅན་སྐལ་ལྡན་གཅིག་དང་འཕྲད་པར་ཤོག༔ ག ཀིཾ འཕྲད་ནས་འགྲོ་དོན་དཔག་མེད་འབྱུང་བར་ཤོག༔ ཟབ་བོ་གཉེར་རོ་བཀའ་སྲུང་དྲེགས་པའི་ཚོགས༔ དམ་ཉམས་ལག་ཏུ་མ་ཤོར་ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཀོ་ཀོ་གི་ལིཿ ཞེས་པ་འདི་ཡང་དུས་གནས་ཀྱི་གཏེར་མིང་འཆང་བ་སུ་ཁ་བཛྲས་ཆོས་ཉིད་མཁའ་འགྲོའི་གསང་མཛོད་ལས་རང་ལོ་ཉེར་བརྒྱད་ཀྱི་དུས་སུ་ཞལ་བཤུས་པའོ། །དགེའོ། །སརྦ་མངྒ་ལཾ།། །། ༄ 6M7√7W№П TI1394-057 TI1394-057 TI1394-058 ༄། ་ཀ་ ༒ ན་མོ་པདྨ་ཀཱ་ར་ཡེ༔ བརྒྱུད་གསུམ་རིག་འཛིན་བླ་མར་གུས་པས་འདུད༔ མ་འོངས་པདྨ་བདག་གི་རྗེས་འཇུག་ནི༔ སྐལ་ལྡན་ལས་འཕྲོ་ལྡན་པ་རེ་མཆིས་ན༔ ཐར་ལམ་འཇུག་ངོགས་རྣམ་གྲོལ་ཐེམ་སྐས་མཆོག༔ ཟབ་ལམ་བླ་མའི་རྣལ་འབྱོར་འདི་རུ་བསྟན༔ དུས་དྲུག་ཆགས་མེད་ཉམས་སུ་བླངས་གྱུར་ན༔ ཚེ་འདིར་ཡང་དག་ངེས་པའི་ལམ་མཆོག་ཐོབ༔ དེ་ཕྱིར་སྐལ་བར་ལྡན་པས་ཉམས་སུ་ལོངས༔ ས་མ་ཡ༔ དང་པོ་རང་བློ་ཆོས་ལ་བསྒྱུར་བའི་ཕྱིར༔ སྒོ་གསུམ་མི་ཕྱེད་དད་པ་དྲག་པོ་ཡིས༔ རང་ཉིད་ཐ་མལ་གནས་པའི་མདུན་མཁའ་རུ༔ སྐྱབས་གནས་རྒྱལ་བ་ཀུན་འདུས་ངོ་བོ་ནི༔ དྲིན་ཅན་རྩ་བའི་བླ་མ་བཞུགས་པར་མོས༔ སྙིང་ནས་གསོལ་འདེབས་ཐུགས་བརྒྱུད་བསྐུལ་བ་ནི༔ ན་མོ༔ དུས་གསུམ་རྒྱལ་བ་སྲས་བཅས 商ཡོངས་འདུས་དཔལ༔ བཀའ་དྲིན་འཁོར་མེད་བླ་མ་རྡོ་རྗེ་འཆང་༔ སྙིང་ནས་རྩེ་གཅིག་དད་པས་གསོལ་བ་འདེབས༔ བདག ཅག་རྗེས་འཇུག་རྗེས་འབྲང་སློབ་བུ་རྣམས༔ ཐུགས་རྗེས་ཡལ་བར་དོར་ན་སུ་ལ་རེ༔ འཁོར་བ་སྡུག་བསྔལ་དྲག་པོའི་ཁྲི་མུན་ལས༔ བདག་