Tibetan
གཞན་དུ་བགྲོད༔ དེའི་རྐྱེན་གྱིས་དཔའ་བོ་བྷ ཉམས༔ ཁྱོད་སྔོན་གྱི་འཕྲོ་སད་གཏེར་ལ་དབང་༔ ཐབས་མི་མཁས་འཇིག་རྟེན་འཁོར་བར་གཡེངས༔ ཆོས་འཛིན་གྱི་སྐྱེས་བུ་སུ་འཕྲད་ཀྱང་༔ རེ་དོགས་དང་ལེ་ལོའི་དབང་དུ་སོང་༔ ངེད་མཁའ ༒ འགྲོའི་བཀའ་བཞིན་བསྒྲུབ་མ་ནུས༔ དབྱིངས་ཌཱ་ཀིའི་བཀའ་ཆད་ཁྱོད་ལ་འདེབས༔ ཁྱོད་རང་ཚུགས་ཟིན་ན་ངས་མི་བསླུ༔ ཡུལ་རྐྱེན་གྱི་རྐྱེན་སུན་ཆེ་ནའང་༔ ཟབ་ཆོས་དང་རྟེན་འབྲེལ་དུས་སུ་ཡང་༔ སྟབས་ཀ་གཟབ་པ་སྙིང་གཏམ་ཡིན༔ མུ་ཏྲ་ཡི་ཕྲ་མས་ཐབས་ཤེས་འཛོལ༔ ཕྲིན་ལས་ཀྱི་རྡོ་རྗེའི་རྫོང་མཁར་བརྟེན༔ མ་ཁམས་གསུམ་དབང་སྡུད་ལས་ལ་སྦྱོར༔ དཔལ་དྲེག་པ་རྣམ་གསུམ་ཕྲིན་ལས་བསྐུལ༔ དུས་དུས་སུ་ལུང་བསྟན་སྙིང་གཏམ་ཡིན༔ ཆོས་ཟབ་པའི་སྙིང་པོ་དུས་སུ་སྤེལ༔ དུས་མ་བབ་ཡོངས་ལ་སྤེལ་མི་རུང་༔ རང་ཟབ་བཅུད་ཉམས་ལེན་མི་བྱེད་ན༔ གྲུབ་བརྙེས་ཀྱི་དགའ་སྟོན་ཅི་ལ་རོལ༔ ཟབ་གཏེར་གྱི་ཁྲོལ་བསྡམས་སྙིང་གཏམ་ཡིན༔ ཁྱོད་དམ་གྲིབ་རྐྱེན་གྱིས་མ་ངེས་དུས༔ ངེད་ཌཱ་ཀིས་བསུས་ཏེ་དྷུ་མ་ཐལ༔ མཁའ་འགྲོ་ཡི་གནས་སུ་འུ་ཅག་མཇལ༔ དུས་རེ་ཞིག་བརྡ་ཐིམ་གུཧྱ་རྒྱ༔ ཧེ་ས་ཡ་ན་སྙིང་ལ་སྦོས༔ ཧེ་ས་ཡ་ན་ས་མ་ཡ༔ ཧེ་ས་ཡ་ན་མནྟྲ་རྒྱ༔ ཞེས་ཟེར་འོད་ཐིག་དམར་པོ་ཞིག་ཏུ་གྱུར་ཏེ་མི་སྣང་བར་ཡལ་སོང་༔ ཡང་མཁའ་འགྲོ་དམར་མོ་སྒྲ་སྒྲོགས་ཡིན་ཟེར་བ་མདུན་གྲལ་ནས་བདག་གི་སར་བྱོན་ནས་སྐུའི་གར་བསྒྱུར་ཏེ་འདི་སྐད་ གསུངས༔ ཧེ་ཧེ༔ གནས་འདི་ནི་འོག་མིན་དྷུ་མ་ཐ༔ མ་མཁའ་འགྲོས་བྱིན་གྱིས་བརླབས་པའི་གནས༔ ཁྱོད་མ་བརྗེད་ཙིཏྟའི་གྭའུ་སྦོས༔ བསྟན་འགྲོ་བའི་དོན་དུ་ཡི་གེར་བཀོད༔ གང་འབྲེལ་ཚད་གནས་འདིར་འཁོད་པར་ངེས༔ ཤར་ཕྱོགས་ནས་ཆོས་བདག་རྡོ་རྗེའི་མིང་༔ བར་ཆད་ཀྱི་དམ་སྲིའི་བསྡངས་བཅས་འོང་༔ དཔལ་རྟ་མགྲིན་བརྟུལ་ཞུགས་དེ་ལ་གཏོད༔ རྔ་ཡུལ་ལ་ངག་དབང་རྒྱ་མཚོ་ཞེས༔ ཁོང་སྦས་པའི་རྣལ་འབྱོར་ཧེ་རུ་ཀ༔ དེར་འཕྲད་ན་རྫོགས་ཆེན་ཆོས་སྒོ་འབྱེད༔ འོན་ཀྱང་ཁྱོད་ཀྱི་ཉམས་རྟོགས་དང་༔ གདུལ་བྱ་ལོངས་སྤྱོད་ཚེ་དཔལ་རྣམས༔ ཐབས་གྲོགས་དག་ལ་རག་ལས་པས༔ རྟེན་འབྲེལ་གཙོ་ཆེ་སྟབས་ཀ་གཟོབ༔ སྙན་གྲགས་ས་གསུམ་ཁྱབ་ནས་ཀྱང་༔ བུ་སློབ་སྟོང་ཕྲག་ཐར་ལམ་བཀོད༔ དོན་གཉིས་འགྲུབ་ཅིང་ཚེ་ཚད་ནི༔ དྲུག་ཅུ་ལྔ་བར་བསྲིངས་ངེས་ཤིང་༔ དམ་ཚིག་ཉམས་པའི་གྲིབ་ཀྱིས་ནི༔ འཕྲལ་འཕྲལ་ཚེ་ལ་བར་ཆད་མང་༔ ཨོ་རྒྱན་ཆེན་པོའི་གསུང་ཇི་བཞིན༔ དགྲ་དམ་གྲིབ་མིན་པས་གོས་མ་མྱོང་༔ གསུངས་ཇི་བཞིན་དམ་གྲིབ་རྐྱེན་ལ་འཛེམ༔ ཁྱོད་རང་བློ་གཞན་ལ་མ་གཏོད་པར༔ རང་ཐག་རང་གིས་བཅད་པ་གཅེས༔ ལྷོ་དམ་སྲིའི་སྤྲུལ་པའི ཀ商མི་མོ་ཡིས༔ རྫས་ཧ་ལའི་སྦྱོར་བ་ཁྱོད་ལ་བརྩམས༔ དེ་རིག་པས་དཔྱོད་ལ་སྟབས་ཀ་གཟོབ༔ ཨོཾ་རྒོ་༔ དེ་ལས་བཤད་པ་མང་དུ་མེད༔ འུ་ཅག་བདེ་སྟོང་དབྱིངས་སུ་མཇལ༔ དུས་དང་དུས་སུ་ལུང་བསྟན་ནས༔ བསྟན་འགྲོའི་དོན་ཆེན་འགྲུབ་པར་ངེས༔ བཀའ་སྲུང་དྲེགས་པ་རྣམ་གསུམ་གྱིས༔ དམ་ཉམས་ལག་ཏུ་མ་ཤོར་བར༔ ཐུབ་པར་སྲུངས་ཤིག་ས་མ་ཡ༔ ལོག་ལྟ་ཅན་གྱི་དབང་པོ་སྣུབས༔ རྟོགགེ་མཁན་གྱི་སྙིང་ཁྲག་ལོངས༔ སྐལ་ལྡན་བུ་དང་འཕྲད་པར་ཤོག༔ ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ གཏེར་རྒྱ༔ སྦས་རྒྱ༔ གུཧྱ༔ བརྡ་ཐིམ༔ ཞེས་ཟེར་ནས་ཞལ་འཛུམ་པ་དང་བཅས་ཡང་བྱང་གི་བརྡ་དོན་རྣམས་མ་བརྗེད་པར་ཡིད་ལ་ཟུངས་དང་དེ་རྣམས་ཀྱིས་གྲོགས་ལྡན་བྱེད་གསུངས་ནས་མཆེད་ལྕམ་ཐམས་ཅད་ཚོགས་ཀྱི་འཁོར་ལོའི་རྒྱན་དུ་རོལ་ནས་རང་གནས་ལ་བཞུགས༔ བདག་འཇིག་རྟེན་གྱི་ཁམས་སུ་སྐྱེལ་མ མཛད་ནས་ཐམས་ཅད་ཆོས་ཉིད་འོད་གསལ་གྱི་ཀློང་དུ་དབྱིངས་ལ་ཐིམ་མོ༔ ས་མ་ཡ༔ ཞེས་པ་རང་ལོ་ཉེར་དྲུག་དུས་སུ་འཁྲུལ་སྣང་ལ་མཁའ་འགྲོའི་ཚོགས་གྲལ་དུ་བགྲོད་པའི་སྐབས་སྙན་ བརྒྱུད་མཁའ་འགྲོའི་གསང་མཛོད་ལས་སུ་ཁ་བཛྲ་གྱིས་གབ་པ་མངོན་དུ་ཕྱུངས་ནས་བློས་བྱས་སྤུ་རིས་ཀྱིས་མ་བསླད་པ་དག་པར་སྣང་གསལ་མཐོང་ལ་བྲིས་པ་དགེའོ།། །།དགེའོ། སུ་ཁ་བཛྲ་TI1394-026 TI1394-026 ༈་ནེ་.VNL 010 ཆོས་ཉིད་མཁའ་འགྲོའི་གསང་མཛོད་ལས༔ ཌཱཀྐིའི་གསང་ཚིག་ཨུ་པ་དེ་ཤ་བཞུགས་སོ༔ ་ 商ན་མོ་པདྨ་ཛྙཱ་ན་ཌཱ་ཀི་ཡེ༔ དབྱིངས་སྤྱོད་ཌཱ་ཀིའི་ཚོགས་ལ་གུས་པས་འདུད༔ བདེ་ཆེན་དབྱིངས་ཡུམ་མཁའ་འགྲོའི་ཟླ་ཞལ ངོམས༔ ཌཱ་ཀིའི་གསང་བའི་བརྡ་སྐད་འདི་སྤེལ་ལོ༔ གམསཿ ཨེ་མ༔ དུས་ངན་སྙིགས་མ་ལྔ་བདོའི་དུས་མཐའ་ལ༔ རྒྱལ་ཀུན་ཐུགས་རྗེའི མཐུ་རྡུགས་ནུས་པ་ཆུང་༔ འགྲོ་རྣམས་ལོག་སྤྱོད་བདུད་ཀྱིས་ཟིན་པའི་དུས༔ སངས་རྒྱས་གཉིས་པ་པདྨ་ཐོད་ཕྲེང་རྩལ༔ འགྲོ་བ་འདུལ་བའི་དུས་ལ་བབ་པའི་ཚེ༔ སྤྲུལ་པ་ཡང་སྤྲུལ་ཉི་མའི་ཟེར་ལས་མང་༔ ཁྱད་པར་ཟབ་གཏེར་འཛིན་པ་བརྒྱ་རྩ་ནས༔ བྱེ་བ་སྟོང་གི་རོལ་པ་སྨོན་ལམ་དབང་༔ གཏེར་གནས ར ཤུ ༒ རེ་ལ་ཟབ་གཏེར་དུ་མ་ཡོད༔ དུས་ལ་བབས་ཚེ་བསྟན་འགྲོའི་དོན་ཆེན་ངེས༔ ཁྱདཔར་ཁྱོད་ནི་ཤེལ་དཀར་རྡོ་རྗེ་མཚོའི༔ གསུང་གི་སྤྲུལ་པ་ཆུ་ཡི་ཁམས་འཛིན་མ༔ པདྨའི་རིགས་འཆང་ཟབ་གཏེར་ཕྲན་བུ་དབང་༔ གཏེར་གནས་གསུམ་དང་གྲོགས་ལྔ་ཆོས་བདག་བཅུ༔ བཟང་འབྲེལ་རེ་དང་ངན་འབྲེལ་དུ་མ་ཡོད༔ ཁྱད་པར་བེེ་རོའི་གསུང་སྤྲུལ་མེ་ཡི་ཁམས༔ དབང་གི་རིགས་ཅན་དཔའ་བོ་སྟག་གིས་བརྒྱན༔ གསང་སྦུག་སྨེ་བ་ལྷ ཡི་སྤྱན་འདྲ་ཡོད༔ དེ་བརྟེན་མཆོག་གི་གྲོགས་གྱུར་ཚེ་བསྲིངས་ནས༔ གཏེར་གནས་གསུམ་ནས་ཟབ་གཏེར་རིམ་གྱིས་འབྱིན༔ བསྟན་འགྲོའི་པད་ཚལ་ རབ་ཏུ་རྒྱས་པར་འགྱུར༔ སྨོན་ལམ་ལྡན་པ་དྷརྨ་མ་ཏིའི་མིང་༔ ས་པདྨ་ལས་འབྲེལ་རྩལ། མཱནྟ་དང་པྲཛྙའི་མིང་གིས་བརྒྱན༔ དེ་རྣམས་ལས་འཕྲོའི་དབང་གིས་འཕྲད་ནས་ཀྱང་༔ དག་སྣང་རེ་དང་དགོངས་གཏེར་རེས་འགའ་འབྱིན༔ སྐལ་ལྡན་ཆོས་ཀྱི་བདག་པོ་བུ་ལྔ་ནི༔ དྷརྨའི་མིང་ཅན་ཉམས་རྟོགས་ཡོན་ཏན་ལྡན༔ དེ་ལ་སྒྲུབ་ཐབས་མཁའ་འགྲོ་དགོངས་འདུས དབང་གི་ལྕགས་ཀྱུ དང་༔ མཚོ་རྒྱལ་ཕྱི་ནང་གསང་གསུམ་སྒྲུབ་སྐོར་གཏོད༔ རསྨིའི་ལས་འབྲེལ་རྩལ མིང་འཛིན་ཤེས་བྱའི་བློ་གྲོས་རྒྱས༔ དེ་ལ་མཁའ་འགྲོའི་མན་ངག་སྐོར་མཁའ་སྤྱོད་མ། ཕག་མོ། དགོངས་འདུས གསུམ་གཏོད༔ ལོ་ཀའི་མིང་ཅན་རླུང་སེམས་གཉིས་ལ་དབང་༔ དེ་ལ་གསང་ཁྲིད་ཡ་བཞིའི་སྐོར་རྣམས་གཏོད༔ བྷ་དྲའི་མིང་ཅན་རིག་པ་མཐོང་༔ དེ་ལ་རྫོགས་ཆེན་ཡང་ཏིག གཏོད༔ ག་གའི་མིང་ཅན་མ་ངེས་སྤྱོད༔ དེ་ལ་བསྐྱེད་རྫོགས་ཆ་ཚང་གཏོད༔ རང་རང་རྟེན་འབྲེལ་སྒོ་འབྱེད་ནས༔ སྨིན་ཅིང་གྲོལ་བའི་དངོས་གྲུབ་ཐོབ༔ དོན་གཉིས་ནོར་བུ་འཛིན་པར་འགྱུར ཤར་ཕྱོགས་སྤྲེལ་རྫོང་གསང་བའི་གཏེར༔ སྦྲུལ་ལོར་དུས་ནི་རི་མོ་ཅན༔ མཁའ་འགྲོའི་སྒྲུབ་ཐབས་སྐོར་རྣམས་ཡོད༔ ཐེག་པ་གསུམ་གྱི་དོན་དང་ལྡན༔ ཟབ་ཆོས་བླ་མེད་ཁྱད ༢ 商དུ་འཕགས༔ རྫས་དང་ཡོ་བྱད་གྲོགས་མཚན་ལྡན༔ གསང་བར་སྦོས་ལ་ཚུལ་བཞིན་སྤྱོད༔ རྟེན་དང་འབྲེལ་འབྱུང་མ་འཛོལ་ན༔ སྐུ་རྟེན་མཚོ་རྒྱལ་འདྲ་འབག དང་༔ གསུང་རྟེན་ཨེ་ཝཾ་སྒྲོམ་གྱིས་བརྒྱན༔ ཐུགས་རྟེན་གསེར་རྡོར་ཚོན་གང་ཡོད༔ རིམ་བཞིན་འབྱིན་ནས་བསྟན་འགྲོར་སྨིན༔ དེ་དུས་སྔགས་ཀྱི་བདག་མོ་དང་༔ ཚེ་རིང་མཆེད་ལྔ དགྲ་འདུལ་སོགས༔ བརྟན་མཆོད་གསོལ་ཀནན་ཏན་གྱིས༔ ཕྲིན་ལས་སྦྱོར་བ་མ་བྱས་ན༔ སྨོན་ལོག་དམ་སྲིས་རྐྱེན་བསྐུལ་ནས༔ རྟེན་འབྲེལ་དུས་ལས་ཡོལ་ནས་ཀྱང་༔ ཚེ་ཆོས་གདུལ་བྱ་ཉམས་པ་དང་༔ མི་ཀུན་སྙིང་ལ་བདུད་ཀྱང་ཞུགས༔ ཁྱོད་ཀྱང་གཞན་དུ་བགྲོད་པར་འགྱུར༔ དེ་ཡིས་ཡུལ་དེར་བསྟན་འགྲོ་ཉམས༔ གནས་དགོན་དམ་སྲི་མཁའ་རྒྱས་བཟུང་༔ འོན་ཀྱང་རྟེན་འབྲེལ་དབང་གིས་ནི༔ གདུལ་བྱའི་ཞིང་ནི་གང་ལ་ཡང་༔ དུས་དང་དུས་སུ་སྨིན་པར་འགྱུར༔ བཟང་འབྲེལ་མཁའ་འགྲོའི་གླིང་དུ་བགྲོད༔ ངན་འབྲེལ་འཁོར་བ་མཐའ་ཅན་འགྱུར༔ མཁའ་འགྲོའི་བཀའ་བཞིན་སུས་བསྒྲུས་ན༔ དངོས་གྲུབ་རྒྱ་ཆེར་ཐོབ་པར་ངེས༔ འཕྲལ་འཕྲལ་ཌཱ་ཀིས་ལུང་བསྟན་བཞིན༔ ཐག་བཅད་བློ་ཕུག་དེ་ལ་གཏོད༔ ཁྱད་པར་ལུས་ དམན་དབང་གིས་ནི༔ མི་ཡི་ངོ་བསྲུང་མདུན་མ་སོགས༔ འདོད་དང་མི་འདོད་ལེགས་ཉེས་རྣམས༔ རྟག་འཛིན་མ་བྱེད་སྒྱུ་མའི་འཕྲུལ༔ གང་བྱུང་ལམ་ཁྱེར་རྫོགས་ཆེན་བསྒོམ༔ ནག་པོ་བདུད་ཀྱི་བསླུ་བྲིད་ནི༔ བཟང་པོར་བརྫུས་ནས་རང་གཞན་ཕུང་༔ དེ་ལ་རིགས་པས་དཔྱོད་ཤེས་ཀྱིས༔ སྤང་བླང་ཐབས་ལ་མཁས་པས་བརྟེན༔ གནས་ལ་ངེས་མེད་སྒྲབ་ཚུགས་ཟུངས༔ གྲོགས་ལ་མཐུན་འཁོན་མ་བྱེད་པར༔ རང་ཚུགས་ཟུང་ལ་བརྟུལ་ཞུགས་སྐྱོངས༔ མཁའ་འགྲོས་མངགས་པའི་ཕོ་ཉ་ལ༔ འགྲོ་དོན་རྟེན་འབྲེལ་ཁོ་ནར་ཐུག༔ བུ་སློབ་ཆོས་བདག་ཐབས་མཁས་ཀྱི༔ རྟེན་འབྲེལ་གནད་ལ་གཟབ་པར་གྱིས༔ རང་རང་སྒྲུབ་པའི་དགེ་མཚན་གྱིས༔ ཐུན་མོང་གྲུབ་པ་བརྒྱད་དང་ནི༔ མཆོག་ཏུ་རིག་འཛིན་གོ་འཕང་ཐོབ༔ ཐེ་ཚོམ་མེད་དོ་ས་མ་ཡ༔ སྔགས་ཀྱི་བདག་མོས་གཉེར་གྱིས་ཤིག༔ མ་འོངས་སྙིགས་མའི་དུས་ཀྱི་ཚེ༔ མཐའ་མི་ཀླ་ཀློ་ཁ་དར་ཞིང་༔ གནས་དང་ཡུལ་ཁམས་རྫས་རྣམས་ཉམས༔ འགྲོ་བའི་ཤེས་རྒྱུད་བདུད་ཀྱིས བསླུས༔ ནད་ཡམས་མུ་གེ་སྣ་ཚོགས་དར༔ ཟབ་མོའི་ཆོས་ཀྱིས་གདུལ་དཀའ་འབྱུང་༔ བསྟན་འཛིན་སྐྱེས་བུའི་སྐུ་ཚེ་ལ༔ བར་ཆད་བདུད་ཀྱི་འཚུབ་མ་ལྡང་༔ དེ་ཚེ་གཏེར་སྲུང་ཚེ་རིང་ ༣ ཿ མས༔ གཏད་རྒྱ་བཀྲོལ་ལ་རིམ་བཞིན་སྤེལ༔ གནས་ཀུན་ཉམས་པ་སོར་ཆུད་ནས༔ བསྟན་འཛིན་སྐུ་ཚེའི་བར་ཆད་སེལ༔ འགྲོ་བའི་མུན་སེལ་སྒྲོན་མེ་སྤར༔ ཐེ་མི་ཚོམ་པར་སྒྲུབ་པར་མཛོད༔ མཁའ་འགྲོས་བུ་བཞིན་སྐྱོང་བར་ངེས༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་ཤིང་ཕོ་འབྲུག་གི་ལོར་རང་ལོ་བཅུ་གསུམ་གྱི་དུས་གཟིམ་ཆུང་འོད་གསལ་གླིང་དུ་གནས་བཅས་སྐབས་རྨི་ལམ་འཁྲུལ་སྣང་ལ་བུད་མེད་མང་པོ་ཞིག་འཚོགས་ནས་ཡོད་པ་ལ་དེར་བདག་ལྷགས་ནས་ཁྱོད་རྣམས་སུ་ཡིན་སྨྲས་པས་བུད་མེད་གཙོ་མོ་ཞིག་ཡར་ལངས་ནས་མོས་གྲི་གུག་སྙིང་ཐད་དུ་འཛིན་ནས་སྐལ་ལྡན་མ་ལྟོས་ཤིག་ཟེར་བ་ལ༔ བདག་སྔངས་སྐྲག་ཆེན་པོས་ལྟ་མ་བཟོད་ཀྱང་གཞན་རྣམས་ཀྱིས་ལྟོས་དང་སྐྱོན་མེད་ཟེར་བ་ལ་བདག་གིས་བལྟས་པས་མོ་ཡང་རྡོ་རྗེ་རྣལ་འབྱོར་མའི་སྐུའི་རྣམ་པར་བཞེངས་ནས་བདག་ལ་པུསྟ་ཀ་གཉིས་ཀྱི་དབང་བསྐུར་ལུང་བསྟན་སོགས་ལེགས་པར་བསྩལ་ནས་ཁ་བྱང་གི་བརྡ་དོན་རྣམས་ཡིད་ལ་ཟུངས་ཤིག །ཁྱོད་ངའི་ཕོ་ཉ་ཡིན་པས་མི་འགྱང་བར་མྱུར་དུ་མཁའ་འགྲོས་གསུང་བཞིན་བསྟན་འགྲོའི་དོན་སྒྲུབ་ལ༔ མ་འོངས་པ་ན་ཨོ་རྒྱན་མཁའ་འགྲོའི་གླིང་དུ་མཇལ་འོང་ཞེས་ཟེར་ནས་བུད་མེད་རྣམས་མི་སྣང་བར་ཡལ༔ བདག་ཀྱང་ མནལ་སད་པ་དང་དུས་མཚུངས་ཤེས་པ་སྨྲ་བསམ་བརྗོད་མེད་ཀྱི་ངང་དུ་དར་ཅིག་གནས་པ་ལ་རྐྱེན་བྱས་ཏེ་མཁའ་འགྲོའི་གསུང་རྣམས་མ་བརྗེད་པར་ཡིད་ལ་རབ་ཏུ་གསལ་བ་ལ་བརྟེན་ནས་རང་ལོ་བཅོ་བརྒྱད་ཀྱི་དུས་སུ་དག་པར་བྲིས་པ་སྐལ་མེད་ལོག་ལྟ་ཅན་ལ་འདི་མ་འཕྲད། དབྱིངས་སྤྱོད་མཁའ་འགྲོའི་ཚོགས་ཀྱིས་སྙིང་ཁྲག་བཞེས། བཀའ་སྲུང་གཏེར་སྲུང་རྣམས་ཀྱིས་སྲོག་རྩ་ཆོད༔ སྐལ་ལྡན་ལས་ཅན་གཅིག་དང་འཕྲད་པར་ཤོག །བཀྲ་ཤིས་དཔལ་འབར་བདེ་ལེགས་ཕུན་ཚོགས་ཤོག །། TI1394-034 ༒ རང་གཏེར་གྱི་ཕག་མོའི་སྒྲུབ་ཐབས་འབྲི་བའི་སྐབས་སུ་ཤོག་ཚད་ཅི་འདྲ་ཞིག་ཡིན་སྙམ་ནས་ཡོད་སྐབས་ཉམས་སྣང་ལ་བུད་མེད་མཛེས་མ་ཞིག་འོང་ནས་འདི་སྐད་ཟེར། ཁྱོད་ཀྱི་ཟབ་གཏེར་གྱི་ཤོག་ཚད་ང་རང་གིས་ཤེས་ཟེར། བདག་གིས་ང་བདག་པོས་མི་ཤེས་པ་ཞིག་ཁྱོད་ཀྱིས་མི་ཤེས་སྨྲས་པས ཡང་དེ་ན་རེ། ཁྱོད་གཏེར་ལ་དབང་ཡང་གདོས་བཅས་ཀྱི་སྦུབས་སུ་གནས་པས་ཟག་མེད་ཀྱི་མཁྱེན་ཆ་ཆུང་ང་ལུས་མེད་འོད་དུ་སྣང་བས་གང་ཤར་ཐམས་ཅད་རྟེན་འབྲེལ་བརྡ་ཆོས་སུ་སྟོན་ནུས་ཟེར། ཡང་བདག་གིས་འོ་ན་འདི་མཁའ་འགྲོའི་སྤྲུལ་པ་ཞིག་ཡིན་པར་དུག་སྙམ་ནས་སྨྲས་པ། བདག་གིས་ཟག་བཅས་ཟག་མེད་ཟེར་བ་དེ་མི་ཤེས། ཤོག་ཚད་ཇི་ཡིན་མ་གོ་བས་དེའི་དོན་ཁྱོད་ཀྱིས་སྨོས་དང་སྨྲས་པས། དེ་མ་ཐག་ཏུ་གཟུགས་མི་སྣང་བར་སྐད་སྙན་པའི་དབྱངས་ཀྱིས་འདི་སྐད་ཟེར། ཨེ་ཨེ། ཆོས་དབྱིངས་མཐའ་བྲལ་གྱི་ཀློང་ནས༔ གང་སྣང་ཡེ་ཤེས་ཀྱི་རོལ་པ་ངོམས༔ མ་སྐྱེས་རང་བྱུང་གི་ཌཱ་ཀི་མ༔ ང་མི་མིན་བདེ་བའི་གོ་ཆ་ཡིན༔ ཁྱོད་མ་ཡེངས་སྒྲ་འཛིན་དབང་པོ་གསོན༔ ཆོས་ཐམས་ཅད་རྟེན་ཅིང་འབྲེལ་པ་ལ༔ ཐབས་མཁས་པས་སྣང་བ་བརྡ་རུ་སྟོན༔ གཏེར་དཔེ་ཡི་ཤོག་ཚད་རྣམ་བཞི་ཡོད༔ དབྱིངས་མི་འགྱུར་ཆོས སྐུའི་མཁའ་ཀློང་ནས༔ མདངས་མ་འགགས་ཡེ་ཤེས་ཅིར་ཡང་འཆར༔ མི་འཇིགས་བཞི་མ་འདྲེས་བཅོ་བརྒྱད་དཀྱུས་སོར་ཉེར་གཉིས་དང་༔ ཚད་མེད་བཞིའི་ཞེང་སོར་བཞི་མཚོན་པའི་རྟགས་སུ་ཤེས༔ དེ་བདེ་གཤེགས་འདུས་པའི བླ་མ་ཤོག་ཚད་ལགས༔ ཆོས་སྟོང་ཉིད་བཅོ་བརྒྱད་སོར་བཅོ་བརྒྱད་ཕར་ཕྱིན་རྩེ་སོར་དྲུག་དྲུག༔ མཚོན་པའི་རྟགས་སུ་ཤེས་པ་ནི༔ དཀྱིལ་འཁོར་རྒྱ་མཚོའི་ཡི་དམ་ཤོག་ཚད་ལགས༔ འཕགས་ལམ་བརྒྱད་དང་རྣམ་ཐར་བརྒྱད་སོར་བཅུ་དྲུག༔ བསྡུ་དངོས་བཞི་སོར་བཞི མཚོན་རྟགས་སུ་ཤེས༔ སྟོང་ཆེན་མཁའ་འགྲོའི་ཤོག་ཚད་ལགས༔ ཐེག་པ་བརྒྱད་སོར་བརྒྱད་དང་རྫུ་འཕྲུལ་རྐང་པ་རྩེ་སོར་བཞི་བཞིའི༔ བརྡ་མཚོན་འདི་ནི་མན་ངག་བཀའ་སྲུང་ངོ་༔ དེ་དག་དབྱིབས་ལེགས་གྲུ་བཞིར་འཁྱིལ༔ ཆོས་དབྱིངས་མཐའ་བཞིའི་དྲི་བྲལ་བརྡ༔ དེ་ལྟར་གོང་འོག་མ་ཉམས་པར༔ རིག་པས་དཔྱོད་དང་གསལ་བར་ངེས༔ བརྡ་འདི་སྙིང་གི་དཀྱིལ་དུ་སྦོས༔ སྐལ་མེད་རྣམས་ལ་ཨཱིཿ རྒྱ༔ ཅེས་ཟེར་སྣང་འཆར་ཡང་ཉམས་སྣང་ལ་ངེས་པ་མེད་པར་མཐོང་ནས་བཏང་སྙོམས་སུ་བཞག་སྐབས། རང་སློབ་དམ་པ་ཤཱཀྱའི་དགེ་བཙུན་དམ་ཆོས་དང་ཉེ་གནས་ཚུལ་ཁྲིམས་རྡོ་རྗེ་གཉིས་ཀྱིས་ 邹叠商ནན་ཆེར་བསྐུལ་ངོར་མི་ལྡོག་ཙམ་དུ་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ། དགེའོ། །ཧ་ཧ། བདག་གི་སྣང་བ་དག་པ་རབ་འབྱམས་ཀྱི་བཀོད་པ གང་ཤར་གང་སྣང་བརྡ་དང་དཔེ་ཆ་ཡི་རོལ་པ གྲིབ་ཀྱང་ཟད་མཐའ་མེད་པ་གཏེར་ཆོས་ཀྱི་མཚན་ཉིད། འོན་ཀྱང་ཐབས་ལྡན་རྟེན་འབྲེལ་བཟང་པོ་དང་འཛོལ་བས། མི་ཟད་ཟད་པར་སྣང་བའི་གནས་སྐབས་ལ་ཐུག་པས། ཁྱོད་གཉིས་ཐུགས་ནན་ཆེ་ཡང་བྱ་ཐབས་དང་བྲལ་ལགས ཐུགས་ཁྲེལ་མ་མཛད་དད་ལྡན་སྐལ་བཟང་གི་སློབ་བུ། དགོས་མེད་ཚིག་འདི་ཁ་མཁས་སོས་དལ་གྱི་ཉལ རུམ། ཀུན་བཟང་བདེ་སྐྱོང་ཆོས་ཉིད་དབང་མོ་ཡིས་སྨྲས་སོ སརྦ་མངྒ་ལཾ། མཚོ་རྒྱལ་ཞལ་ལུང་ལས། སྙིགས་དུས་མི་རྣམས་བསོད་ནམས་དབང་ཐང་ཉམས། དུས་རྣམས་མི་འགྱུར་མི་རྣམས་འགྱུར་བའི་ཚེ༔ དཀོན་མཆོག་གསུམ་ལ་ཡིད་མི་ཆེས་པ་དང་༔ ཕུང་རྫས་སྐྱབས་བརྟེན་མི་དགོས་སྣ་ཚོགས་བསགས༔ དུ་བ་སྔོན་པོ་འབོད་པ་རང་གིས་བྱེད༔ བོད་འབང་བདེ་སྐྱིད་ཆུ ཡི་གཉེར་དང་མཚུངས༔ དེ་དུས་ལས་ཅན་སྐྱེས་བུ་གཏེར་གྱིས་འདྲེན༔ པད་འབྱུང་རྗེ་ལ་དུས་དྲུག་གསོལ་བ་ཐོབ༔ ཕྱི་མ་ཁོ་མོ་བདག་གིས་ལམ་འདྲེན་བྱེད༔ ཅེས་གསུངས། བདེ་བའི་རྡོ་ རྗེས་སོ། །བདེ་ཆེན་བདེ་བའི་རྡོ་རྗེའི་ཟབ་གཏེར་གྱི་དབུ་ཕྱོགས་རྣམས་འདི་ལྟ་སྟེ། མཁའ་འགྲོ་དགོངས་འདུས་སྐོར་ནི། ས་གཏེར་སྐོར། སྙན་བརྒྱུད་སྐོར། 商ཞལ་གཟིགས ལུང་བསྟན་སྐོར ༈ གཏེར་ཚག། མགུར་ཚོགས་སྐོར། ༈ ཚག་ཤད་ཅན་ཡིན ། དགསྣང་ཡེ་ཤེ་དྲྭ་བ་༔ གསོལ་འདེབས་༈ མཁའ་འགྲོ་ཐུགས་ཏིག་སྐོར།ངྒཾ ཡང་འདྲ་མིན་གཅིག་ལ་དགེའོ།། །། 22 ལ་ཚོ་TI1394-038 商ཐ་ཤྭཀ་བླ་རྦ་ཀཱཧཱུྃཿ ཨེ་མ་ཧོཿ སྣང་མཐའ་ཤཱཀ་ཐུབ་ཐུགས་ལས་སྤྲུལ་པ་ཡི༔ སངས་རྒྱས་གཉིས་པ་པདྨ་འབྱུང་གནས་ཀྱིས༔ གདུལ་བྱའི་དོན་དུ་འཁྲུངས་རབས་འདི་ལྟར་བསྟན༔ འགྲོ་དྲུག་སེམས་ཅན་མ་རིག་འཁོར་བར་འཁྱམས༔ སྙིགས་མའི་འགྲོ་བ་དུག་ལྔ་འཆོལ་ཉོག་སྤྱོད༔ ཤིན་ཏུ་གདུལ་དཀའི་འགྲོ་རྣམས་འདུལ་བའི་ཕྱིར༔ རྒྱ་མཚོར་སྐུ་བལྟམས་པད་སྡོང་རྩེ་ལ་འཁྲུངས༔ ཡ་མཚན་སྤྲུལ་སྐུ་མཚན་དང་དཔེ་བྱད་ལྡན༔ མཁའ་འགྲོ་སྡེ་ལྔ་དཔའ་བོ་དཔའ་མོ་ཡིས༔ གླུ་བྲོ་གར་དང་བཀྲ་ཤིས་མེ་ཏོག་འཐོར༔ འཇའ་ཚོན་སྣ་ལྔའི་སྤྲིན་གྱིས་བར་སྣང་གང་༔ ལྷ་ཀླུ་ལ་སོགས་དགའ་ཞིང་གུས ཛ༒ཿ པ་བྱས༔ ཕྱག་འཚལ་གསོལ་བཏབ་སྐུ་ལ་བསྟོད་བསྔགས་བརྗོད༔ དེ་ནས་ཨོ་རྒྱན་རྒྱལ་པོའི་སྙན་དུ་གསན༔ རྒྱལ་པོས་ཁྱེའུ་ཆུང་སྤྱན་དྲངས་ཕེབས་ནས་ཀྱང་༔ སྤྲུལ་པའི་སྐུ་ལ་བསྟོད་བསྔགས་འདི་ལྟར་ཕུལ༔ དུས་གསུམ་རྒྱལ་བའི་རྒྱལ་སྲས་སྤྲུལ་པའི་སྐུ༔ རྒྱ་མཚོར་སྐུ་འཁྲུངས ཨོ་རྒྱན་ཡུལ་དུ་བྱོན༔ དྲི་མས་མ་གོས་པད་སྡོང་རྩེ་ལ་འཁྲུངས༔ མཚན་དཔེ་ཡོན་ཏན་རབ་རྫོགས་གཟི་བརྗིད་ལྡན༔ མཐོང་བ་དོན་ལྡན་པདྨ་རྒྱལ་པོར་བསྟོད༔ དེ་སྐད་གསུངས་ནས་ཕོ་བྲང་ནང་དུ་དྲངས༔ རིན་ཆེན་ཁྲི་དང་ཟ་འོག་གདན་ལ་བཞུགས༔ སྤྱན་གཟིགས་ལ་སོགས་མཆོད་པ་སྣ་ཚོགས་དང་༔ དཀར་གསུམ་ མངར་གསུམ་ཞིམ་དགུའི་ཟས་མང་བཤམས༔ ལྷ་མོ་བརྒྱད་ཀྱིས་མཆོད་རྫས་རིགས་རྣམས་ཐོགས༔ གླུ་བྲོ་གར་དང་རོལ་རྩེདསྣ་ཚོགས་འགྱེད༔ སྤྲུལ་པའི་སྐུ་ལ་བསྟོད་བསྔགས་དཔག་མེད་བརྗོད༔ འོད་འཆང་ལྷ་མོ་ཁབ་བཞེས་རྒྱལ་སྲིད་བཟུང་༔ སྐྱེ་རྒ་ན་འཆིའི་སྡུག་བསྔལ་ཡང་ཡང་གཟིགས༔ རིམ་བཞིན་རྒྱལ་སྲིད་སྤངས་ནས་རྒྱ་གར་བྱོན༔ རིག་གནས་ཀུན་ལ་སྦྱངས་ཏེ་ཕུལ་དུ་ཕྱིན༔ ཨོ་རྒྱན་རྣམ་ཐར་པདྨ་དཀར་པོ་ལས༔ འཇིག་རྟེན་དུ་བྱོན་ཚུལ་དང་རིག་གནས་བསླབས་པའི་ལེའུ་སྟེ་དང་པོའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་སངས་རྒྱས་ཤཱཀྱ་ཐུབ་པ་ཡི༔ ཉེ་གནས་མཆོག་གྱུར་ཀུན་དགའ་བོ་དང་མཇལ༔ རབ་བྱུང་བསྒྲུབ་ནས་དགེ་སློང་ཆ་ལུགས་མཛད༔ སློབ་དཔོན་པྲ་བྷ་ཧསྟིའི་སྤྱན་སྔར་བྱོན༔ ཡོག་རྣམ་གསུམ་ཆོས ལ་སྦྱངས་པ་མཛད༔ དགའ་རབ་རྡོ་རྗེ་སངས་རྒྱས་གསང་བ་དང་༔ ཤྲཱི་སེང་ཧ་འཇམ་དཔལ་བཤེས་གཉེན་དང་༔ ཧཱུཾ་ཆེན་ཀཱ་ར་བི་མ་ལ་མི་ཏྲ༔ དྷ་ན་སཾ་ཀྲྀ་ནཱ་གརྫུ་ན་སོགས༔ སྤྱན་སྔར་བྱོན་ཏེ་རྫོགས་ཆེན་སྙིང་ཐིག་དང་༔ གསང་བ་སྙིང་རྒྱུད་ཆེ་མཆོག་ཧེ་རུའི་རྒྱུད༔ འཇམ་དཔལ་སྐུ་རྒྱུད་པདྨ་གསུང་རྒྱུད་དང་༔ ཡང་དག་ཐུགས་རྒྱུད་བདུད་རྩི་ཡོན་ཏན་རྒྱུད༔ ཕུར་པ་ཕྲིན་ལས གརྒྱུད་དང་མཆོད་བསྟོད་རྒྱུད༔ དམོད་པ་དྲག་སྔགས་རྒྱུད་དང་དེ་རྣམས་ཀྱི༔ ལུང་དང་སྒྲུབ་ཐབས་དབང་བསྐུར་མན་ངག་ཞུས༔ གཞན་ཡང་གྲུབ་པའི་སློབ་དཔོན་དུ་མ་ལས༔ ཕྱི་རྒྱུད་སྡེ་གསུམ་ནང་རྒྱུད་སྡེ་གསུམ་དང་༔ གསང་སྔགས་ཕྱི་ནང་ཆོས་རྣམས་མ་ལུས་ཞུས༔ སྦྱངས་པའི་ཡོན་ཏན་ཕུལ་ཕྱིན་དངོསགྲུབ་བརྙེས༔ ཨོ་རྒྱན་རྣམ་ཐར་པདྨ་དཀར་པོ་ལས༔ བླ་མ་བརྟེན་ནས་ཆོས་ཞུས་སྒྲོ་འདོགས་བཅད༔ གསང་བའི་རྣམ་ཐར་ལེའུ་སྟེ་གཉིས་པའོ༔ ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཨེ་མ་ཧོཿ དེ་ནས་རྒྱ་