Tibetan
གདམས་ངག་མཛོད་པོད་བདུན་པ། སྙན་བརྒྱུད་ལྷན་ཅིག་སྐྱེས་མའི་ཡུམ་བཀའ་རྒྱས་པའི་མངོན་དཀྱིལ་དང་དབང་བསྐུར་གྱི་ཆོ་ག་བདུད་རྩི་བུམ་པ། གདམས་ངག་མཛོད་པོད་བདུན་པ། སྙན་བརྒྱུད་ལྷན་ཅིག་སྐྱེས་མའི་ཡུམ་བཀའ་རྒྱས་པའི་མངོན་དཀྱིལ་དང་དབང་བསྐུར་གྱི་ཆོ་ག་བདུད་རྩི་བུམ་པ། སྙན་བརྒྱུད་ལྷན་ཅིག་སྐྱེས་མའི་ཡུམ་བཀའ་རྒྱས་པའི་མངོན་དཀྱིལ་དང་དབང་བསྐུར་གྱི་ཆོ་ག་བདུད་རྩི་བུམ་པ་ཞེས་བྱ་བཞུགས་སོ།། །། ན་མོ་གུ་རུ། བླ་མེད་བླ་མ་གསང་བ་ལྷན་ཅིག་སྐྱེས་པའི་མཁའ་འགྲོ་དེ་ལ་ཕྱག་འཚལ་ཞིང་ཉེ་བར་སྐྱབས་སུ་མཆིའོ། །གསང་བ་བཅོམ་ལྡན་པདྨ་རཱ་གའི་མདོག །དངོས་ཀུན་རང་བཞིན་སྤྲོས་པ་ཀུན་གྱིས་སྟོང༌། །བདེ་གཤེགས་མ་ལུས་སྐྱེད་ཅིང་སྦྱོར་བའི་ཡུམ། །བདེ་སྟེར་དཔའ་མོ་ཁྱོད་ལ་ཕྱག་འཚལ་ནས། །སྙན་བརྒྱུད་ལྷན་ཅིག་སྐྱེས་མའི་མངོན་དཀྱིལ་གྱི། །ཆོག་འགྲིགས་གོང་མའི་མན་ངག་བཞིན་དུ་བྲི། །དེ་ཡང་བཅོམ་ལྡན་འདས་མ་དཔལ་གསང་བ་ལྷན་སྐྱེས་རྡོ་རྗེ་རྣལ་འབྱོར་མའི་དཀྱིལ་འཁོར་དུ་དབང་དང་སྡོམ་པ་ཐོབ་ཅིང་དམ་ཚིག་དང་ལྡན་པའི་རྣལ་འབྱོར་པས། སྤྲོས་མེད་ཟབ་མོ་སིནྡྷུ་ར་རྡོ་རྗེ་ཡེ་ཤེས་ཀྱི་དཀྱིལ་འཁོར་དུ་བདག་ཉིད་འཇུག་པ་དང༌། གཞན་དོན་དུ་དབང་བསྐུར་བའི་རིམ་པ་ལ་གསུམ། སྦྱོར་བ་དང༌། འཇུག་པ་དང༌། རྗེས་སོ། །དང་པོ་ནི། བློ་ལྡན་མན་ངག་གི་དེ་ཉིད་དང་ལྡན་པ་དག་གིས་རྒྱུད་ལས་གསུངས་པའི་གནས་དབེན་ཞིང་ཉམས་དགའ་བ་ཡིད་དང་མཐུན་པར་ཕྱག་བདར་དང་ཆགས་ཆགས་གདབ། གུ་གུལ་དང་ཤ་ཆེན་གྱིས་བདུག །རྒྱན་དང་རྟེན་མཆོད་བཀྲམ། རྗེ་བཙུན་མའི་ཐང་སྐུའམ། སྐུའི་བཀོད་པ་བཤམ། དབུས་སུ་མཎྜལ་གྲུ་བཞི་པ་བྱས་ལ་ཨ་མྲྀ་ཏ་དང་དྲི་བཟང་གིས་བྱུགས་པ་ལ་ལས་དང་ཡེ་ཤེས་ཀྱི་ཐིག་བཏབ་ལ་ཆོས་འབྱུང་བསྣོལ་མ་དབུས་དང་ཟུར་དྲུག་ལ་དགའ་འཁྱིལ་དང༌། དབུས་སུ་པད་ཉི་རོ་གདན་ལ་ལྷ་མཚན་གྲི་གུག་དང༌། པད་འདབ་བཞི་ལ་མཁའ་འགྲོ་མ་བཞིའམ་ཕྱག་མཚན་བཀོད་པའི་ཕྱི་རོལ་པདྨ་འདབ་བརྒྱད་དམ་པད་ར་རྡོ་ར་དང་དུར་ཁྲོད་བརྒྱད་ཀྱིས་བསྐོར་བ་མེ་འོད་ ཀྱི་ཕྲེང་བ་དང་བཅས་པ་བྲི་བར་སྙན་བརྒྱུད་ཀྱི་ཡིག་ཆ་རྙིང་མ་རྣམས་ལས་གསུངས་ཀྱང༌། འདིར་ཕྱག་བཞེས་སུ་སིནྡྷཱུ་རའི་དཀྱིལ་འཁོར་ཁོ་ན་ལ་བརྟེན་པས་འཐུས་པར་ཡང་མཛད། རྒྱས་བསྡུས་གང་མཛད་ཀྱང་དཀྱིལ་འཁོར་གྱི་དབུས་སུ་མཉྫི་སོགས་ཁྲིའི་ཁར་བུམ་པ་མཚན་ཉིད་དང་ལྡན་པ་བསང་བ་དང་སྦྱང་བ་བྱས་པའི་ནང་དུ་བུམ་རྫས་རྒྱས་པའམ་དྲི་དང་སྨན་གང་འཛོམ
Chinese
窍诀藏 第七函，口耳传承俱生母之母续广轨之现观坛城与灌顶仪轨甘露宝瓶。
English
Damngak Dzö, Volume 7: The Extensive Visualization Mandala and Empowerment Ritual, Nectar Vase, of the Oral Transmission, the Mother Tantra of the Co-emergent Mother.