Tibetan
འཇིགས་རུང་འདི་ནི་སྔོན་གོམས་ཉིད་ལས་སྐྱེ་བོ་ཡིས། ། ངེས་པར་རྟོགས་འགྱུར་འདི་ནི་གསན་རྒྱ་ཆེ་ཡང་གཞན་གྱིས་ཐུགས་སུ་ཆུད་མི་འགྱུར། ། ཞེས་བཤད་པས་སོ་སྙམ་ན། དེ་ལ་མགོ་མཚུངས་དང༌། རྣལ་མའོ། ། དང་པོ་ནི། འོ་ན་དབུ་མའི་མཆོག་ཏུ་གྱུར་པ་དེ་གཞན་སྟོང་གི་ཚུལ་ཁོ་ན་ལ་འཆད་རིགས་པར་འགྱུར་ཏེ། ཐོགས་མེད་ཞབས་ཀྱིས་དེ་ལ་དེར་བཤད་ཅིང༌། རང་སྟོང་གི་ཚུལ་གྱི་ལྟ་བ་དེ་ལ་སྐུར་པ་འདེབས་པའི་ལྟ་བ་དང༌། དབང་ཟ་བའི་ལྟ་བར་བཤད་པའི་ཕྱིར། དེས་དོན་ངོས་འཛིན་པའི་སྐབས་འདིར། ཟླ་བ་གྲགས་པའི་ལུང་གིས་དོན་གང་ཞིག་ལ་དགག་སྒྲུབ་བྱ་བར་ནུས་པའི་དོན་དེ་ལ་ཐོགས་མེད་ཞབས་ཀྱི་ལུང་གིས་ཀྱང་དགག་སྒྲུབ་ནུས་པར་མཚུངས་པ་ཡིན་ཏེ། མདོ་སྡེ་རྣམས་ཀྱི་དྲང་བ་དང་ངེས་པའི་དོན་འབྱེད་པའི་སློབ་དཔོན་དུ་ལུང་བསྟན་པའི་ཕྱིར། མདོར་ན། འཕགས་ཡུལ་དུ་གྲུབ་མཐའ་སྨྲ་བ་བཞིའི་རྩེ་མོར་གྱུར་པའི་དབུ་མ་དེ་སུ་ཡིན་ལ་རྩོད་པ་དང་བཅས་པ་ཡིན་ཏེ། ཐེག་པ་ཆེན་པོའི་སློབ་དཔོན་ཟླ་བ་གྲགས་པས་ནི་གཞན་སྟོང་གི་ཚུལ་དེ་དབུ་མར་མི་འཆད་ཅིང༌། བསྟན་པ་འདི་ལ་ཐེག་པ་ཆེན་པོའི་སློབ་དཔོན་རྩོད་པ་མེད་ཅིང་འགྲན་ཟླ་ཐམས་ཅད་དང་བྲལ་བའི་སློབ་དཔོན་འཕགས་པ་ཐོགས་མེད་ཞབས་ཀྱིས་ནི་རང་སྟོང་གི་ཚུལ་དེ་དབུ་མའི་གཞུང་ལུགས་མ་ཡིན་པར་འཆད་པའི་ཕྱིར། གཉིས་པ་ནི། ཀླུ་སྒྲུབ་ཀྱི་(༢༨༣ན)དགོངས་པ་འཆད་པ་ལ་རང་སྟོང་གི་འཆད་ལུགས་མཆོག་ཏུ་འགྱུར་ཞིང༌། རྗེ་བཙུན་བྱམས་པའི་དགོངས་པ་འགྲེལ་པ་ལ་གཞན་སྟོང་གི་ཚུལ་དེ་མཆོག་ཏུ་ཟབ་པའི་ཕྱིར། ཕན་ཚུན་དུ་གཅིག་གི་ལུང་རིགས་ཀྱིས་ཅིག་ཤོས་འགོག་པར་མི་ནུས་སོ། ། དེ་ལས་གཞན་དུ་ན་ཐོགས་མེད་ཞབས་ཀྱི་ལུང་རིགས་དབང་བཙན་པར་བྱ་དགོས་ཏེ། འཕགས་པའི་གོ་འཕང་བརྙེས་ཤིང་ངེས་དོན་འབྱེད་པར་ལུང་བསྟན་ནས་ཐེག་པ་ཆེན་པོའི་སྲོལ་འབྱེད་ཀྱི་ཐོག་མ་ཡིན་པའི་ཕྱིར། ཟླ་བ་གྲགས་པས་ཀྱང༌། ཐོགས་མེད་ཞབས་ཀྱི་འཆད་ཚུལ་དེ་ཀླུ་སྒྲུབ་ཞབས་ཀྱི་དགོངས་པ་མ་ཡིན་པར་འཆད་པ་ཡིན་གྱི། ཐོགས་མེད་ཞབས་ཀྱིས་དབུ་མའི་དོན་ཁོང་དུ་མ་ཆུད་པར་མི་འཆད་དོ། །ཞེས་སོགས་གསུངས་སོ། ། སློབ་དཔོན་འདི་དག་གིས་སེམས་ཙམ་པ་དང་རྣམ་པར་རིག་པར་སྨྲ་བའང་ཐ་དད་དུ་དབྱེ་སྟེ། ཚུལ་གཉིས་གཅིག་སྒྲུབ་ལས། རྣམ་རིག་པ་དང་སེམས་ཙམ་པ་དོན་གཅིག་ཏུ་འཆད་པ་ནི། རིག་པ་དང་ཡེ་ཤེས་མཐའ་དག་ལ་སེམས་སེམས་བྱུང་གིས་ཁྱབ་པར་ཁས་ལེན་པའི་བོད་མང་པོའི་འཁྲུལ་པ་དེ་དང༌། ཡེ་ཤེས་དང་རྣམ་ཤེས་ཀྱི་ཁྱད་པར་མི་འབྱེད་པའི་འཁྲུལ་པ་དེ་དང༌། བཀའ་ཐ་མའི་ཆོས་སྐད་ཇི་བཞིན་དུ་མ་བསླབ་པའི་ཉེས་པས་ཀུན་ནས་བསླངས་པ་ཡིན་ཏེ། རྣམ་རིག་པ་དང་སེམས་ཙམ་པ་དོན་གཅིག་ཏུ་འདོད་པ་ཁྱོད་ཀྱིས་ཀྱང༌། ཇི་སྐད་དུ། ཆོས་ཀྱི་དབྱིངས་ལས་མ་གཏོགས་པའི། ། འདི་ལྟར་ཆོས་ཡོད་མ་ཡིན་ཏེ། ། ཞེས་པའི་ལུང་དེ་དང༌། ཐོག་མ་མེད་པའི་དུས་ཀྱི་དབྱིངས། ། ཆོས་རྣམས་ཀུན་གྱི་གནས་ཡིན་ཏེ། ། ཞེས་པའི་མདོ་དེ་དང༌། ང་ཡིས་འདི་ཀུན་ཁྱབ་པ་སྟེ། ། འགྲོ་བའི་རང་བཞིན་གཞན་མ་མཐོང༌། ། ཞེས་དང༌། རིན་ཆེན་སེམས་ལས་ཕྱིར་ཕྱོགས་པའི། ། སངས་རྒྱས་མེད་ཅིང་སེམས་ཅན་མེད། ། (༢༨༣བ)ཅེས་པའི་རྒྱུད་ཚིག་དེ་ཁ་ཏོན་དུ་བྱེད་པའི་དོན་བསམ་པ་ཉིད་ལས་དམ་བཅའ་དེ་མི་འཐད་པ་ཉིད་དུ་གོ་ནུས་པའི་ཕྱིར་རོ། ། དེའི་ཤེས་བྱེད་ཀྱང་ལུང་དེ་དག་ནས་འབྱུང་བའི་ཆོས་དབྱིངས་དང་ང་ཞེས་བྱ་བ་དེ། གཉིས་སུ་མེད་པའི་ཡེ་ཤེས་དང་རང་བཞིན་ཆོས་སྐུ་ལ་འཆད་དགོས་པར་གཞུང་ལུགས་དེ་དང་དེ་དག་ཉིད་དུ་གསལ་བའི་ཕྱིར། ཞེས་སོགས་རྒྱས་པར་འབྱུང་ངོ༌། ། གྲུབ་མཐའ་འདི་ལ་དབུ་མའི་མཚན་ནི་མདོ་ཉིད་ནས་ཀྱང་གསུངས་ཏེ། དོན་དམ་པ་སྟོང་པ་ཉིད་ཀྱི་མདོ་ལས། གང་ན་གང་མེད་པ་དེ་ནི་དེས་སྟོང་པ་ཉིད་ཡིན་ལ། འདི་ལ་ལྷག་མ་གང་ཡིན་པ་དེ་ནི་འདིར་ཡོད་པ་སྟེ། འདི་ནི་དབུ་མའི་ལམ་སྟོང་པ་ཉིད་ལ་ལྟ་བ་ཡང་དག་པ་ཕྱིན་ཅི་མ་ལོག་པའོ། །ཞེས་སོགས་མང་དུ་འབྱུང་ཞིང༌། དབུ་མ་རྒྱན་ལས། དེ་ཕྱིར་གཟུགས་སོགས་སེམས་ཉིད་དེ། ། ཕྱི་རོལ་ཉིད་དུ་མི་འདོད་དོ། ། སེམས་ཙམ་ལ་ནི་བརྟེན་ནས་སུ། ། ཕྱི་རོལ་དངོས་མེད་ཤེས་པར་བྱ། ། ཚུལ་འདིར་བརྟེན་ནས་དེ་ལ་ཡང༌། ། ཤིན་ཏུ་བདག་མེད་ཤེས་པར་བྱ། ། ཞེས་དང༌། ཀླུའི་བཤེས་ཀྱི་སྐུ་གསུམ་ལ་འཇུག་པ་ལས། དབུ་མའི་ལམ་ཞེས་བྱ་བ་ཡང༌། ། རྣམ་རིག་ཙམ་ཉིད་མ་གཏོགས་པ། ། རིགས་པས་བརྟགས་ན་འདིར་གཞན་ནི། ། རྣམ་པ་ཀུན་ཏུ་མི་འཐད་དོ། ། ཞེས་དང༌། ཤཱནྟི་པའི་དབུ་མའི་རྒྱན་ལས། བྱམས་པ་ཐོགས་མེད་ཀྱིས་བཤད་ཅིང༌། ། ཀླུ་སྒྲུབ་ཀྱང་ནི་བཞེད་པ་ཡི། ། ཚད་མ་ལུང་དང་ལྡན་པ་ཡི། ། བདེན་པ་གཉིས་འདིར་བཤད་པར་བྱ། ། ཞེས་སོགས་འབྱུང་ངོ༌། ། ཕ༢ གཉིས་པ་ཟབ་མོ་གསང་སྔགས་ཀྱི་དབུ་མ་བཤད་པ་ནི། ཟབ་མོ་སྔགས་ཀྱི་དབུ་མ་ཆོས་ཀུན་གཤིས། ། རང་བཞིན་འོད་གསལ་བདེ་ཆེན་ཁྱད་པར་ཅན། ། གསལ་སྟོང་བདེ་སྟོང་ཟུང་འཇུག་ཡེ་ཤེས་ཏེ། ། རིམ་ལྔ་སེམས་འགྲེལ་སོགས་སུ་གསལ་བར་བསྟན། ། ཟབ་མོ་གསང་སྔགས་ཀྱི་ཚུལ་ལས་བྱུང་བའི་དབུ་མ་ནི། (༢༨༤ན)གཉིས་མེད་ཀྱི་ཡེ་ཤེས་གཙོ་ཆེ་བས་རྣལ་འབྱོར་སྤྱོད་པའི་དབུ་མ་དང་མཐུན་ཤས་ཆེ་སྟེ། འཁོར་ལོ་ཐ་མར་རྒྱས་པར་གསུངས་པའི་སེམས་ཀྱི་རང་བཞིན་འོད་གསལ་སྤྲོས་པ་དང་མཚན་མ་མཐའ་དག་གིས་སྟོང་ཞིང་རང་གི་ངོ་བོ་ཆོས་ཉིད་ཀྱི་རིག་པ་རང་རིག་གི་མཚན་ཉིད་ཅན་གདོད་མ་ནས་ཆོས་ཐམས་ཅད་ཀྱི་གཤིས་ཚུལ་དུ་ལྷུན་གྱིས་གྲུབ་པ་གང་ཡིན་པ་དེ་ཉིད་གཙོ་བོར་གཏན་ལ་འབེབས་ཤིང་ཉམས་སུ་ལེན་པའི་ཕྱིར་རོ། ། དེའང་རང་བཞིན་གྱིས་འོད་གསལ་བ་བདེ་བ་ཆེན་པོས་ཁྱད་པར་དུ་བྱས་པ། ཨེ་ཡིག་སྟོང་པ་ཉིད་དང༌། ཝྃ་ཡིག་སྙིང་རྗེ་ཆེན་པོ། གསལ་སྟོང་བདེ་སྟོང་སོགས་ཟུང་དུ་འཇུག་པའི་ཡེ་ཤེས་ཏེ། དེའི་དོན་རྒྱས་པ་རིམ་ལྔ་དང་སེམས་འགྲེལ་སྐོར་གསུམ་སོགས་སུ་གསལ་ཞིང་རྒྱས་པར་བསྟན་པས་དེ་དག་ཏུ་ཤེས་པར་བྱ་དགོས་སོ། ། འདིར་ཐུན་མོང་གི་བཤད་ཚུལ་མདོར་བསྡུས་པ་ནི། དེ་ལའང་བསྐྱེད་རིམ་དང་འབྲེལ་བའི་དབུ་མ་དང༌། རྫོགས་རིམ་དང་འབྲེལ་བའི་དབུ་མ་གཉིས་ཀྱི། དང་པོ་ལའང་། ལྷ་སྒྲུབ་པའི་གཞི་དང༌། དེས་བསྒྲུབས་པའི་ལྷ་སྤྲོས་མེད་དུ་འཆར་བའི་ཚུལ་གཉིས་ལས། དང་པོ་ནི། གཞན་སྟོང་གི་འཆད་ཚུལ་ལྟར་གཉིས་མེད་ཀྱི་ཡེ་ཤེས་ལས་གྲུབ་པ་ཡིན་ཏེ། སྟོང་པའི་ངང་ལས་བྱུང་བའི་ས་བོན་དང་ཕྱག་མཚན་ནི་ཆོས་དབྱིངས་ཡེ་ཤེས་ལས་མ་འདས་པའི་ཕྱིར་རོ། ། དེས་བསྒྲུབ་པའི་ལྷ་སྤྲོས་མེད་དུ་འཆར་ཚུལ་ནི། ཐོག་མར་གསལ་སྟོང་གི་སྒོ་ནས་གཏན་ལ་འབེབས་ཏེ། དེ་ལ་གསལ་བ་ནི། རྟེན་བརྟེན་པར་བཅས་པའི་ལྷའི་དཀྱིལ་འཁོར་གྱི་མཚན་ཉིད་དང་སྐྱེ་མཆེད་ཐམས་ཅད་གསལ་བར་སྣང་བ་དེའོ། ། སྟོང་པ་ནི། གསལ་སྣང་དེ་ཉིད་ལ་མཚན་མར་ཞེན་ན་འཁོར་བ་ལས་མ་འདས་པའི་ཕྱིར་གང་དུའང་མི་འཛིན་ཞིང་ཅིར་ཡང་མི་རྟོག་པའོ། ། རྟོག་པ་བཀག་ཙམ་ནི་མྱ་ངན་ལས་འདས་པ་ཡིན་མོད་ཀྱང་། ཟུང་འཇུག་ཏུ་མ་སླེབ་པས་(༢༨༤བ)ན་དུག་བཅས་ལས་མ་འདས་པའོ། ། དེས་ན་ཟུང་འཇུག་གི་སྒོ་ནས་ཉམས་སུ་ལེན་ཏེ་ལྷའི་སྣང་བ་དེ་ཉིད་གསལ་བའི་དུས་སུ་སྟོང་ཞིང་སྟོང་པའི་དུས་སུའང་གསལ་བར་ཤར་བས་གསལ་སྟོང་ཟུང་དུ་འཇུག་པའོ། ། དེ་ལ་ནི་མན་ངག་ལས་འཁོར་འདས་དབྱེར་མེད་ཅེས་བྱ་ཞིང༌། དེའི་ཚེ་ན་ཡུལ་སྣང་སྟོང་ཟུང་འཇུག་དང་ཤེས་པ་གསལ་སྟོང་ཟུང་འཇུག་ཏུ་སྐྱེ། དེ་ལས་ལངས་པའི་རྗེས་ཐོབ་ཏུ་ནི་ལྷའི་ང་རྒྱལ་དང་མ་བྲལ་བས་མཚན་བཅས་ཀྱི་རྣལ་འབྱོར་ལ་འཇུག་གོ། ། རྫོགས་རིམ་དང་འབྲེལ་བའི་དབུ་མ་ལའང་། བསྐྱེད་རིམ་ལ་ཞེན་པ་སྤོང་བ་དང༌། རྫོགས་རིམ་དངོས་ཀྱི་ཡེ་ཤེས་གཉིས་ལས། དང་པོ་ནི། རྟེན་བརྟེན་པའི་དཀྱིལ་འཁོར་ཐམས་ཅད་རིལ་འཛིན་ནམ་རྗེས་གཞིག་གི་སྒོ་ནས་བསྡུས་ལ་ཅི་ཡང་མི་དམིགས་པའི་ངང་དུ་འཇོག་པ་སྟེ། འདི་ནི་རང་སྟོང་གི་ཚུལ་དང་རྟོག་པའི་སྤྲོས་པ་འགོག་པ་ལ་མཆོག་ཏུ་གྱུར་ཀྱང༌། རང་རིག་པའི་ཡེ་ཤེས་ཀྱིས་མྱོང་བྱར་མ་བསྟན་པའི་ཕྱིར། རྫོགས་རིམ་གྱི་ཡེ་ཤེས་དངོས་མ་ཡིན་ནོ། ། རྫོགས་རིམ་དངོས་ཀྱི་ཡེ་ཤེས་ལའང་། གང་ཉམས་སུ་མྱང་བྱ་དང༌། མྱོང་བྱེད་ཀྱི་ཐབས་དང༌། མངོན་དུ་གྱུར་པའི་རིམ་པ་གསུམ་ལས། མྱང་བྱ་ནི། རང་རིག་ལྷན་ཅིག་བྱེད་པ་བདེ་བ་ཆེན་པོའི་ཡེ་ཤེས་སོ། ། མྱོང་བྱེད་ནི། རང་བྱིན་རླབས་ཀྱི་རིམ་པ་དང་རང་རིག་པའི་ཡེ་ཤེས་ཞེས་བྱ་ཞིང༌། རྟོག་བྲལ་མ་འཁྲུལ་པའི་ཡེ་ཤེས་ཡིན་པས་ན་དུག་མེད་ཀྱི་ལྟ་བ་ཡིན་མོད། དང་པོར་སྐྱེས་ཙམ་གྱི་ཚེ་འཕགས་པའི་སར་སླེབ་པ་ནི་མ་ཡིན་ཏེ། མཚོན་བྱེད་དཔེའི་ཡེ་ཤེས་སུ་ཟད་པའི་ཕྱིར། འདི་ལ་ནི་བདེ་སྟོང་ཟུང་འཇུག་གི་ཡེ་ཤེས་དང་ཞུ་བདེ་ལྷན་སྐྱེས་ཀྱི་ཡེ་ཤེས་ཞེས་བྱའོ། ། འདི་ཡང་བསྡུས་རྒྱུད་ཐུན་མོང་བ་རྣམས་ཀྱི་དབང་དུ་བྱས་མོད་ཐུན་མོང་མ་ཡིན་པ་དུས་ཀྱི་འཁོར་ལོའི་དགོངས་པ་དང་སྦྱར་བའི་ཟབ་གནད་ཁྱད་པར་ཅན་ནི་གཞན་དུ་ཤེས་པར་བྱའོ། ། དེ་ལྟར་(༢༨༥ན)མདོ་སྔགས་ཀྱི་དབུ་མའི་དབྱེ་ཚུལ་དེ་དག་ཀྱང་ཡུལ་ཅན་རྟོགས་རིས་ཀྱིས་ཁྱད་པར་དུ་བྱས་པ་ཡིན་གྱི། ཡུལ་སྤྲོས་བྲལ་གྱི་རང་ངོས་ནས་ཁྱད་པར་མེད་པར་གསུངས་སོ། ། ན༧ བདུན་པ་དབུ་མ་རྣམས་ཀྱི་བསྟན་བྱ་མདོར་བསྡུ་བ་ནི། ཀུན་རྫོབ་ཇི་ལྟར་སྣང་ལ་སྐུར་མི་འདེབས། ། གནས་ལུགས་སྤྲོས་མཐའ་ཀུན་དང་བྲལ་བ་གཞི། ། ཤེས་རབ་ཟབ་མོས་མཚན་མར་འཛིན་པ་སྤོང༌། ། སྙིང་རྗེས་གཞན་དོན་བསོད་ནམས་གསོག་པ་ལམ། ། ཞི་བ་ཆོས་སྐུ་མཐར་ཕྱིན་གཟུགས་ཀྱི་སྐུས། ། རྟོག་མེད་འགྲོ་དོན་མཛད་པ་འབྲས་བུ་སྟེ། ། དབུ་མ་རྣམས་ཀྱི་བསྟན་བྱ་དེར་འདུས་སོ། ། དེ་ལྟར་དབུ་མའི་ལུགས་སྲོལ་ཐམས་ཅད་ཀྱི་བསྟན་བྱ་མ་ལུས་པ་མདོར་བསྡུ་ན། ཀུན་རྫོབ་ཇི་ལྟར་སྣང་བ་ལ་སྐུར་པ་མི་འདེབས་པས་ཆད་པའི་མཐའ་ལས་གྲོལ་ཞིང༌། དོན་དམ་པའི་གནས་ལུགས་སྤྲོས་པའི་མཐའ་ཐམས་ཅད་དང་བྲལ་བས་རྟག་པའི་མཐའ་ལས་གྲོལ་བ་སྟེ། དེ་ཉིད་གཞི་དབུ་མ་བདེན་གཉིས་ཟུང་འཇུག་ཡིན་ནོ། ། ཤེས་རབ་ཀྱིས་ཆོས་གང་ལའང་མཚན་མར་མི་འཛིན་པས་རྟག་པའི་མཐའ་ལས་གྲོལ་ཞིང༌། སྙིང་རྗེས་གཞན་དོན་དུ་ཚོགས་རྒྱ་ཆེན་པོ་གསོག་པས་ཆད་པའི་མཐའ་ལས་གྲོལ་བ་སྟེ། དེ་ཉིད་ནི་ལམ་དབུ་མ་ཚོགས་གཉིས་ཟུང་འཇུག་ཡིན་ནོ། ། སྤྲོས་པའི་མཚན་མ་ཐམས་ཅད་ཉེ་བར་ཞི་བའི་ཆོས་ཀྱི་སྐུ་བརྙེས་པས་རྟག་པའི་མཐའ་ལས་གྲོལ་ཞིང༌། གཟུགས་སྐུ་གཉིས་ཀྱིས་གདུལ་བྱ་མཆོག་དམན་གྱི་དོན་འཁོར་བ་ཇི་སྲིད་མ་སྟོང་གི་བར་དུ་མཛད་པས་ཆད་པའི་མཐའ་ལས་གྲོལ་བ་སྟེ། དེ་ཉིད་ནི་འབྲས་བུ་དབུ་མ་སྐུ་གཉིས་ཟུང་འཇུག་ཡིན་ཏེ། དབུ་མ་ཐམས་ཅད་ཀྱི་བསྟན་བྱའི་དོན་ནི་དེ་གསུམ་དུ་འདུའོ། ། རྒྱུ་མཚན་ཉིད་ཀྱི་ཐེག་པ་རྣམ་པར་གཞག་པའི་སྐབས་སོ། ། རྒྱུ་མཚན་ཉིད་ཀྱི་ཐེག་པ་རྣམ་པར་གཞག་པ་སྐབས་གསུམ་པའི་འགྲེལ་པའོ།། །། * * * * ༡ ༢ ས་བཅད་འདི་གཉིས་འཐེབ་བ་མིན་ནམ་སྙམ་དཔྱད་པར་ཞུ། ས་བཅད། ༄༅། །ས་བཅད་འདི་བསྒྲིགས་སྐབས་སོ་སོའི་དབྱེ་གཞི་ལ་ནང་གསེས་དུ་ཡོད་གྲངས་སྨོས་པ་དང་། ནང་གསེས་ཀྱི་རིམ་པར་ཀ་ཁ་སོགས་ལ་ཨང་གྲངས་ཀྱི་རྟགས་བཀོད་ཡོད། དེའང་ཐོག་མར་གཞུང་འདིའི་དབྱེ་གཞིའི་ས་བཅད་ལ། (ཀ༡) ཀ་དང་པོ། (ཀ༢) ཀ་གཉིས་པ། སོགས་ཀ་ལ་ཨང་གྲངས་བཀོད་ནས་གོ་རིམ་མཚོན་པར་བྱས་པ་དང་། དེ་ནས། (ཀ༡) ཀ་དང་པོའི་ནང་གསེས་ཀྱི་དབྱེ་བ་ལ། (ཁ༡) ཁ་དང་པོ། (ཁ༢) ཁ་གཉིས་པ། སོགས་དང་། (ཁ༡) ཁ་དང་པོའི་ནང་གསེས་ལ། (ག༡) ག་དང་པོ། (ག༢) ག་གཉིས་པ། སོགས་དང་། (ག༡) ག་དང་པོའི་ནང་གསེས་ལ། (ང༡) ང་དང་པོ། (ང༢) ང་གཉིས་པ། (ང༣) ང་གསུམ་པ། སོགས་ཀྱིས་མཚོན་པར་བྱས་ཡོད། དེ་བཞིན་དུ། (ཀ༢) ཀ་གཉིས་པ། (ཀ༣) ཀ་གསུམ་པ། སོགས་ཀྱི་ནང་གསེས་ལའང་། (ཁ༡) ཁ་དང་པོ། (ཁ༢) ཁ་གཉིས་པ། (ཁ༣) ཁ་གསུམ་པ། སོགས་ཀྱི་གོ་རིམ། (ཀ༡) ཀ་དང་པོའི་ནང་གསེས་དབྱེ་ཚུལ་དང་མཚུངས་པས། ས་བཅད་དེ་དག་གི་ནང་གསེས་ཇི་ཙམ་ཡོད་ཀྱང་རྟགས་འདྲ་མིན་སྣ་ཚོགས་བཀོད་མི་དགོས་པར་བོད་ཡིག་གི་གསལ་བྱེད་དང་ཨང་རྟགས་ཁོ་ནས་ཐམས་ཅད་གོ་རིམ་མ་འདྲེས་པ་གསལ་པོར་གོ་ཐུབ་པའི་ཁྱད་ཆོས་ཀྱང་ལྡན་ཡོད་དོ། ། ཤེས་བྱ་ཀུན་ཁྱབ་མཛོད། ས་བཅད་རྒྱས་པ།དེབ་གཉིས་པ། གསུང་འབུམ། པོད། ཝཾ ག༥ གནས་ལྔ་པ། ལྷག་པ་ཚུལ་ཁྲིམས་ཀྱི་བསླབ་པའི་རིམ་པར་ཕྱེ་བ། ང༡ དང་པོ། སློབ་དཔོན་དང་སློབ་མའི་མཚན་ཉིད། བསྟེན་ཚུལ། འཆད་ཉན་བཅས་བཤད་པའི་སྐབས། ག༥ ལྷག་པ་ཚུལ་ཁྲིམས་ཀྱི་བསླབ་པའི་རིམ་པར་ཕྱེ་བ་ལ་བཞི། (༢ན) ང༡ སློབ་དཔོན་དང་སློབ་མའི་མཚན་ཉིད་བསྟེན་ཚུལ་འཆད་ཉན་བཅས་བཤད་པ་ལ་བཅུ། (༢ན) ཅ༡ དགེ་བའི་བཤེས་གཉེན་ཇི་ལྟར་འཚོལ་བ། (༢ན) ཅ༢ བཤེས་གཉེན་བསྟེན་པའི་འཐད་པ། (༣ན) ཅ༣ བསྟེན་བྱ་སློབ་དཔོན་གྱི་དབྱེ་བ་དང་མཚན་ཉིད་བཤད་པ་ལ་གཉིས། (༣བ) ཆ༡ སྤྱིར་བསྟན་པ་ལ་གཉིས། (༣བ) ཇ༡ དབྱེ་བ་བཤད་པ། (༣བ) ཇ༢ མཚན་ཉིད་བཤད་པ། (༤ན) ཆ༢ བྱེ་བྲག་ཏུ་བཤད་པ་ལ་གཉིས། (༤ན) ཇ༡ དབྱེ་བ་བཤད་པ། (༤ན) ཇ༢ སོ་སོའི་མཚན་ཉིད་བཤད་པ་ལ་གསུམ། (༤བ) ཉ༡ སོར་སྡོམ་གྱི་སློབ་དཔོན་བཤད་པ། (༤བ) ཉ༢ བྱང་སྡོམ་གྱི་སློབ་དཔོན་བཤད་པ། (༥ན) ཉ༣ སྔགས་ཀྱི་སློབ་དཔོན་བཤད་པ། (༥བ) ཅ༤ དེ་ལས་འཕྲོས་པའི་འཇུག་ལྡོག་བྱ་ཚུལ། (༧ན) ཅ༥ སྟེན་བྱེད་སློབ་མའི་མཚན་ཉིད་བཤད་པ་ལའང་གཉིས། (༧བ) ཆ༡ བསྟེན་བྱ་བཤད་པ་ལ་གསུམ། (༧བ) ཇ༡ སོ་ཐར་གྱི་སྣོད་རུང་བཤད་པ། (༧བ) ཇ༢ བྱང་སེམས་ཀྱི་སྣོད་རུང་བཤད་པ། (༨ན) ཇ༣ སྔགས་ཀྱི་སྣོད་རུང་བཤད་པ། (༨བ) ཆ༢ སྤང་བྱ་ཞར་བྱུང་དང་བཅས་པ་བཤད་པ། (༨བ) ཅ༦ ཇི་ལྟར་བསྟེན་པའི་ཚུལ་བཤད་པ་ལ་གཉིས། (༩ན) ཆ༡ ཐོག་མར་འབྲེལ་བ་བརྟག་པ། (༩ན) ཆ༢ དེ་ནས་བསྟེན་པ། (༩བ) ཅ༧ དེ་ལྟར་བསྟེན་པའི་དགོས་ཆེད་ཕན་ཡོན་བཤད་པ་ལ་གཉིས། (༡༠ན) ཆ༡ རིགས་པས་དགོས་པ་བསྒྲུབ་པ། (༡༠ན) ཆ༢ ཕན་ཡོན་གྱི་ལུང་སྨོས་པ། (༡༠བ) ཅ༨ འགལ་ཟླ་སྡིག་གྲོགས་སྤང་བར་བཤད་པ་ལ་གཉིས། (༡༡བ) ཆ༡ སྡིག་པའི་གྲོགས། (༡༡བ) ཆ༢ བདུད་ཀྱི་བར་ཆད། (༡༢ན) ཅ༩ མཐུན་རྐྱེན་དད་པ་སྐྱེད་པ། (༡༢བ) ཅ༡༠ དམ་པའི་ཆོས་འཆད་ཉན་བྱ་བའི་ཚུལ་འཆད་པ་ལ་བཞི། (༡༣ན) ཆ༡ སྦྱོར་བ་ལ་གཉིས། (༡༣ན) ཇ༡ སློབ་དཔོན། (༡༣ན) ཇ༢ སློབ་མའི་བྱ་བ། (༡༣བ) ཆ༢ དངོས་གཞི་བཤད་པ་ལ་གསུམ། (༡༤ན) ཇ༡ སློབ་དཔོན་གྱིས་ལེགས་པར་བཤད་པ་ལ་གསུམ། (༡༤ན) ཉ༡ འཆད་བྱེད་ཀྱི་མཚན་ཉིད་བཤད་པ་ལ་གསུམ། (༡༤ན) ཏ༡ མཁས་པའི་ཤེས་རབ། (༡༤ན) ཏ༢ བརྩེ་བའི་བསམ་པ། (༡༤བ) ཏ༣ སྦྱོར་བ་བཟོད་པ་ལྡན་པ། (༡༤བ) ཉ༢ གང་ལ་བརྟེན་ནས་བཤད་ཐབས་བཤད་པ་ལ་གཉིས། (༡༤བ) ཏ༡ སྤྱིར་བཤད་པ། (༡༤བ) ཏ༢ བྱེ་བྲག་ཏུ་དབྱེ་བ། (༡༥ན) ཉ༣ ཇི་ལྟར་འཆད་པའི་ཚུལ། (༡༦ན) ཇ༢ སློབ་མས་གུས་པས་ཉན། (༡༦བ) ཇ༣ གཉིས་ཀས་ཕར་ཕྱིན་དྲུག་ལྡན་དུ་བྱ་བ། (༡༧ན) ཆ༣ རྗེས་ཀྱི་བྱ་བ་ལ་གཉིས། (༡༧ན) ཇ༡ སློབ་དཔོན་གྱི་བྱ་བ། (༡༧ན) ཇ༢ སློབ་མའི་བྱ་བ། (༡༧བ) ཆ༤ འཆད་ཉན་ལ་སོགས་པའི་ཕན་ཡོན་སྨོས་པ། (༡༧བ) ང༢ གཉིས་པ། སོ་ཐར་གྱི་སྡོམ་པ་རབ་ཏུ་ཕྱེ་བའི་སྐབས། ང༢ སོ་ཐར་གྱི་སྡོམ་པ་རབ་ཏུ་དབྱེ་བ་ལ་གཉིས། (༡༨བ) ཅ༡ སྡོམ་གསུམ་སྤྱིར་བཏང་བ། (༡༨བ) ཅ༢ བྱེ་བྲག་སོ་ཐར་ཉིད་བཤད་པ་ལ་བཞི། (༡༩ན) ཆ༡ ཉན་ཐོས་ཀྱི་སོ་ཐར་སྤྱིར་བཤད་པ་ལ་དྲུག །(༡༩ན) ཇ༡ སྡོམ་པའི་ངོ་བོ་བཤད་པ་ལ་གསུམ། (༡༩ན) ཉ༡ མཚན་གཞི། (༡༩ན) ཉ༢ མཚན་ཉིད། (༡༩ན) ཉ༣ བཞེད་ཚུལ། (༡༩བ) ཇ༢ སྒྲ་དོན། (༢༠ན) ཇ༣ དབྱེ་བ་ལ་གཉིས། (༢༠བ) ཉ༡ སའི་སྒོ་ནས་སྤྱིར་དབྱེ་བ། (༢༠བ) ཉ༢ རྟེན་གྱི་སྒོ་ནས་བྱེ་བྲག་ཏུ་དབྱེ་བ། (༢༠བ) ཇ༤ མ་ཐོབ་པ་འཐོབ་བྱེད་ཀྱི་ཚུལ་བཤད་པ་ལ་བཞི། (༢༡ན) ཉ༡ ཆོ་གའི་དབྱེ་བ། (༢༡ན) ཉ༢ སྐྱེ་བའི་རྟེན། (༢༡བ) ཉ༣ འགལ་རྐྱེན་བར་ཆད་དང་བྲལ་བ། (༢༡བ) ཉ༤ མཐུན་རྐྱེན་ཆོ་ག་ཚོགས་པར་སྒྲུབ་པ་ལ་གཉིས། (༢༢ན) ཏ༡ དུས་ཁྲིམས། (༢༢ན) ཏ༢ གཏན་ཁྲིམས། (༢༢བ) ཇ༥ ཐོབ་པ་མི་ཉམས་པར་བསྲུང་ཚུལ་ལ་གཉིས། (༢༤བ) ཉ༡ སྤྱིར་བཤད་པ། (༢༤བ) ཉ༢ སོ་སོར་བཤད་པ་ལ་གཉིས། (༢༥ན) ཏ༡ ཁྱིམ་པའི་ཕྱོགས་སུ་གཏོགས་པའི་བསླབ་བྱ་ལ་གཉིས། (༢༥ན) ཐ༡ བསྙེན་གནས། (༢༥ན) ཐ༢ དགེ་བསྙེན། (༢༥བ) ཏ༢ རབ་བྱུང་གི་ཕྱོགས་སུ་གཏོགས་པའི་བསླབ་བྱ་ལ་གཉིས། (༢༦བ) ཐ༡ དགེ་ཚུལ་ཕ་མ། (༢༦བ) ཐ༢ དགེ་སློབ་མ། (༢༧ན) ཐ༣ དགེ་སློང་ཕ་མའི་བསླབ་བྱ་ལ་གསུམ། (༢༧བ) ད༡ གནས་བཅའ་བའི་ཚུལ། (༢༧བ) ད༢ གནས་ཀྱི་སློབ་དཔོན་ལ་