Tibetan
འཇིག་རྟེན་ཁམས་ཀྱི་རྣམ་བཞག་ལེགས་བཤད་ཉིན་མོར་བྱེད་པའི་སྣང་བ་སྐལ་ལྡན་སྙིང་གི་པདྨོ་འཛུམ་པར་བྱེད་པ། འཇིག་རྟེན་ཁམས་ཀྱི་རྣམ་བཞག་ལེགས་བཤད་ཉིན་མོར་བྱེད་པའི་སྣང་བ་སྐལ་ལྡན་སྙིང་གི་པདྨོ་འཛུམ་པར་བྱེད་པ། ༄༅། །འཇིག་རྟེན་ཁམས་ཀྱི་རྣམ་བཞག་ལེགས་བཤད་ཉིན་མོར་བྱེད་པའི་སྣང་བ་སྐལ་ལྡན་སྙིང་གི་པདྨོ་འཛུམ་པར་བྱེད་པ་བཞུགས། ། ༈ རྣམ་ཤེས་ཀྱི་མེ་ལོང་ལ་ཤེས་རབ་ཀྱི་པིར་གྱིས་བྲིས་པའི་ལེགས་བཤད་ཉིན་མོར་བྱེད་པའི་སྣང་བ་སྐལ་ལྡན་སྙིང་གི་པདྨོ་འཛུམ་པར་བྱེད་པ་ཤུགས་འབྱུང་ཆུ་འབབ་ཏུ་ག་ལེར་བརྗོད་པ་རིག་འཛིན་རྒྱལ་ཁམས་པས་བློ་ཡི་རོལ་གར་རོ། ། ན་མོ་གུ་རུ་བྷྱཿ དཔག་ཚད་ཁྲི་ཕྱེད་གསུམ་ཕྱིར་གདེང་བའི་ཁར་ཆིག་ཁྲི་ངོས་མཉམ་པར་གནས་པ་ནི། རི་དྲུག་གི་སྟེང་དུ་གཉའ་ཤིང་ལྟར་གནོན་པས། གཞན་ནས་གཉའ་ཤིང་འཛིན་དུ་གསུངས་པ་དང་དོན་གཅིག་ཏུ་འགྲོ་བ་དང་། ཉི་མ་བྱང་བསྒྲོད་ཀྱི་སྐབས་སུ་བར་སྟེགས་ཀྱི་སྟེང་དུ་རྒྱུ་བས་ན། དེ་ཡང་གཉའ་ཤིང་འཛིན་པར་གྲུབ་བོ། །དེ་བཞིན་འོད་སྔོན་ཅན་ནི་རི་རབ་ལ་ཐོང་ལྕགས་ཀྱི་འཁྱུད་པ་ལྟར་གནས་པས་གཤོལ་མདའ་འཛིན་དང་། མནྡྷ་ར་ནི་ཚོན་སྣ་བརྒྱ་རྩས་བཀྲ་བར་བྱས་པ་ལྟར་མཛེས་པས་ལྟ་ན་སྡུག་དང་། ནི་ཥཊ་ནི་རྩི་ཤིང་ཅན་དང་། ཚང་ཚིང་ཅན་དང་། མཚན་མོ་ལ་ཡང་འཇུག་པས་རི་དེ་སེང་ལྡེང་གི་ནགས་ཚལ་མུན་པ་ཐིབ་པ་ལྟ་བུའི་གཡོགས་པས་སེང་ལྡེང་ནགས་དང་། ནོར་བུའི་རི་ནི་རིན་པོ་ཆེ་ལས་གྲུབ་པའི་བྲག་རྟའི་རྣ་བའི་ཕྱི་ངོས་ཀྱི་དབྱིབས་ལྟ་བུས་གཏམས་པས་ལྟ་སྣ་ཅན་དང་། དྲོ་ཎ་ནི་བྲོ་བོའི་གཞལ་བྱེད་སྟེ་འཕགས་ཡུལ་གྱི་བྲ་ཟངས་ལས་བྱས་པ་ལྟར་ཀུན་ཏུ་ཟླུམ་ཞིང་སྟོད་ཀྱི་ཆ། རིམ་པས་ནང་དུ་འདུས་ཤིང་རི་ནང་མ་ལ་འདུད་པ་ལྟར་དུ་གནས་པས་རྣམ་འདུད་པ་དང་། བསིལ་རི་ནི་རི་ནང་མ་རྣམས་ལ་མུ་ཁྱུད་ཕྱི་མའི་ཚུལ་དུ་མཛེས་པར་འཁོད་པས་ན། མུ་ཁྱུད་འཛིན་དུ་འཐད་པར་སྙམ་ལ་དོན་དུ་ཡང་དེ་ལས་མི་འདའོ། །རྒྱུད་དང་འགྲེལ་པ་ལས་གཟའ་སྐར་རྣམས་ཀྱི་ཁྱིམ་རི་རབ་ཀྱི་སྟེང་དུ་འཁོར་བར་གསུངས་པ་དང་། ཉི་མ་བྱང་བསྒྲོད་ཀྱི་མཐར་ཐུག་པའི་ཚེ་ལྷུན་པོའི་རྭ་ལ་རེག་པར་བཞེད་པ་དང་། མདོ་ཕལ་པོ་ཆེ་ནས་ཉི་ཟླ་འཆར་ནུབ་རི་རབ་ཀྱི་རྩེ་ནས་བྱེད་པར་གསུང་བ་ཀུན་ཁོ་བོས་བྱས་པའི་ལུགས་འདི་ལ་འཐད་ཀྱིས། མཁས་པ་གཞན་དང་གཞན་དག་གིས་བྱས་པ་རྣམས་ལ་ཅི་ལྟར་འགྱུར་སོམས་ཞིག འདིར་ནི་དང་པོའི་སངས་རྒྱས་ཀྱི་རྒྱུད་དང་འགྲེལ་པ་ནས་གསུངས་པ་
Chinese
关于世界布局的善说，如日光般照耀，令具缘者心之莲花绽放。
English
A well-spoken explanation of the world's arrangement, like the sun shining, causing the lotus of the fortunate ones' hearts to bloom.